នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
TOP STORY | សម្ដេចធិបតី បានចាត់វិធានការចាំបាច់​ជាបន្ត​បន្ទា​ប់ចំ​ពោះកា​រ​វិល​ត្រឡប់​ទ្រង់ទ្រាយ​ធំរ​បស់​ពលករ​ខ្មែរ និងជនភៀសសឹក
TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់
TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំ​​កោះប្រជុំក្រុមប្រឹក្សាសន្តិសុខជាបន្ទាន់ ដើម្បី​សុំ​ការ​អន្ត​រាគមន៍​បញ្ចប់​ការ​ឈ្លាន​ពាន​របស់​កង​ទ័ព​ថៃមក​លើដែនអធិបតេយ្យភាពរបស់កម្ពុជា
TOP STORY | សម្ដេចធិបតី៖ កងទ័ពថៃបានបើកការ​វាយប្រហារ​មក​លើ​ទីតាំង​ឈរ​ជើង​របស់​កង​ទ័ព​កម្ពុជា​ នៅប្រាសាទតាមាន់ធំ តាក្របី និងបានពង្រីកភូមិសាស្ត្រវាយប្រហារទៅដល់តំបន់មុំបី

នយោបាយ​ និង ការអភិវឌ្ឍន៍

អ៊ុយក្រែនសាទរ ការសម្រេចចិត្តជាប្រវត្តិសាស្ត្រចំពោះការផ្គត់ផ្គង់យន្តហោះ F-16

2023/08/21 11:55:40 am        108
Facebook Telegram Linkin
អ៊ុយក្រែន៖ ប្រធានាធិបតីអ៊ុយក្រែន លោក Volodymyr Zelenskyy បានស្វាគមន៍ការសម្រេចចិត្តជាប្រវត្តិសាស្ត្រធ្វើឡើងដោយប្រទេសហូឡង់ និងប្រទេសដាណឺម៉ាក ក្នុងការផ្តល់យន្តហោះប្រយុទ្ធF-16 របស់អាមេរិក ជាចំណាត់ការចុងក្រោយរបស់សម្ព័ន្ធមិត្តប្រទេសលោកខាងលិច ដើម្បីជំរុញកិច្ចប្រឹងប្រែងរបស់ប្រទេសលោកទប់ទល់ការឈ្លានពានរបស់រុស្ស៊ី។ លោក Zelenskyy បានស្វែងរកយន្តហោះប្រយុទ្ធទំនើប រយៈពេលជាច្រើនខែ ដើម្បីពង្រឹងកងកម្លាំងដែនអាកាសសម័យសូវៀតរបស់អ៊ុយក្រែន ខណៈខ្លួន បន្តវាយបកខ្លាំងទៅលើកងកម្លាំងរុស្ស៊ី នៅភាគខាងកើត។ទីក្រុងវ៉ាស៊ីនតោន បានប្រកាសការអនុម័តរបស់ខ្លួននៃការផ្ទេរយន្តហោះ F-16 កាលពីថ្ងៃសុក្រ ជាមួយការបណ្តុះបណ្តាលអាកាសយានិកអ៊ុយក្រែនដែលកំណត់ពេលចាប់ផ្តើមនៅខែនេះ ដោយអនុញ្ញាតឲ្យអ៊ុយក្រែចាប់ផ្តើមដាក់ពង្រាយយន្តហោះនៅដើមឆ្នាំ២០២៤។ លោក Zelenskyy បាននិយាយនៅរួមជាមួយនាយករដ្ឋមន្ត្រីហូឡង់ លោក Mark Rutte អំឡុងដំណើរទស្សនកិច្ចទៅកាន់មូលដ្ឋានកងកម្លាំងទ័ពអាកាស Eindhoven ក្នុងប្រទេសហូឡង់ ថា ការសម្រេចចិត្តនេះគឺពិតជាប្រវត្តិសាស្ត្រ មានឥទ្ធិពល និងជំរុញទឹកចិត្តយើង។លោកRutte បាននិយាយថាយន្តហោះF-16 មួយចំនួន ដែលត្រូវផ្តល់ទៅឲ្យទីក្រុងគីវ នៅមិនទាន់ត្រូវបានកំណត់នៅឡើយ ប៉ុន្តែលោក Zelenskyy និយាយនៅក្នុងសេចក្តីថ្លែងការណ៍ថាអ្នកប្រយុទ្ធរបស់យើង នឹងទទួលបានយន្តហោះប្រយុទ្ធដ៏អស្ចារ្យចំនួន៤២គ្រឿង។ បន្ទាប់មក លោក Zelenskyy បានធ្វើដំណើរទៅកាន់មូលដ្ឋានទ័ពអាកាស Skrydstrup ប្រទេសដាណឺម៉ាក ហើយត្រូវបានស្វាគមន៍ដោយនាយករដ្ឋមន្ត្រីលោកស្រី Mette Frederiksen ដែលបាននិយាយថា យើងបានដឹងថាអ្នកត្រូវការបន្ថែមទៀត ហើយនោះជាមូលហេតុដែលបច្ចុប្បន្នយើងបានប្រកាសថាយើងនឹងផ្តល់យន្តហោះប្រយុទ្ធ F-16 ចំនួន ១៩គ្រឿងទៅឲ្យអ៊ុយក្រែន។ លោកស្រីនិយាយថា ៦គ្រឿងក្នុងចំណោមយន្តហោះទាំងនេះ នឹងត្រូវផ្តល់ឲ្យនៅចុងឆ្នាំនេះ ៨គ្រឿងនៅឆ្នាំក្រោយ និង៥គ្រឿងទៀតនៅឆ្នាំ២០២៥៕

ក្រុមពលរដ្ឋជប៉ុន តវ៉ាលើផែនការបញ្ចេញសំណល់ទឹកនុយក្លេអ៊ែរ របស់រដ្ឋាភិបាល

2023/08/21 11:53:07 am        91
Facebook Telegram Linkin
ជប៉ុន៖ ក្រុមពលរដ្ឋជប៉ុនមួយក្រុម បានចេញតវ៉ារិះគន់លើផែនការបញ្ចេញសំណល់ទឹកបំពុលមហាសមុទ្រ ដោជំរុញឱ្យរដ្ឋាភិបាលជប៉ុន គោរពតាមការសន្យារបស់ខ្លួនថា នឹងមិនមានការបង្ហូរសំណល់ទឹកកខ្វក់នុយក្លេអ៊ែរ ត្រូវបានអនុវត្ត ដោយគ្មានការយល់ដឹងពីភាគីពាក់ព័ន្ធនោះទេ។ ក្រុមពលរដ្ឋបានធ្វើការទាមទារបែបនេះ អំឡុងពេលថ្លែងសុន្ទរកថានៅក្នុងការជួបជុំមួយ នៅមុខនិវេសនដ្ឋានផ្លូវការរបស់នាយករដ្ឋមន្ត្រីជប៉ុន ក្នុងទីក្រុងតូក្យូកាលពីថ្ងៃសុក្រ។ប្រជាជនជប៉ុនរាប់រយនាក់បានប្រមូលផ្តុំគ្នាកាលពីថ្ងៃសុក្រ ដើម្បីតវ៉ាចំពោះផែនការរបស់រដ្ឋាភិបាលជប៉ុនក្នុងការបញ្ចេញទឹកកខ្វក់នុយក្លេអ៊ែរចេញពីរោងចក្រថាមពលនុយក្លេអ៊ែរ ហ្វ៊ូគូស៊ីម៉ា ដៃអ៊ីឈី ចូលទៅក្នុងមហាសមុទ្រ។ ក្រុមអ្នកតវ៉ាបានដាក់ញត្តិទៅតំណាងរដ្ឋាភិបាលជប៉ុន និងក្រុមហ៊ុនអគ្គិសនីតូក្យូ ដោយស្នើឲ្យរដ្ឋាភិបាលបញ្ឈប់ដំណើរការនេះ។ស្របពេលមានការរិះគន់យ៉ាងទូលំទូលាយពីក្នុងប្រទេស និងក្រៅប្រទេស រដ្ឋាភិបាលជប៉ុនបាននិងកំពុងជំរុញឱ្យបញ្ចេញទឹកសំណល់មានមេរោគនុយក្លេអ៊ែរ នៅរដូវក្តៅនេះ ពីរោងចក្រថាមពលនុយក្លេអ៊ែរ ហ្វ៊ូគូស៊ីម៉ា ដៃអ៊ីឈី ដែលរងការវាយប្រហារដោយការរញ្ជួយដីដ៏ធំ និងរលកយក្សស៊ូណាមិកាលពីខែមីនាឆ្នាំ២០១១៕

ប្រធានាធិបតីប៉ាគីស្ថាន បដិសេធមិនចុះហត្ថលេខាលើច្បាប់សន្តិសុខជាតិថ្មី

2023/08/21 11:50:30 am        90
Facebook Telegram Linkin
ប៉ាគីស្ថាន៖ ប្រធានាធិបតី ប៉ាគីស្ថាន លោក Arif Alvi កាលពីថ្ងៃអាទិត្យ បានបដិសេធមិនចុះហត្ថលេខាឲ្យចូលជាច្បាប់នូវសេចក្តីស្នើច្បាប់ចំនួនពីរ ដែលនឹងផ្តល់ឲ្យអាជ្ញាធរនូវអំណាចបន្ថែមទៀតដើម្បីកាត់ទោសប្រជាជនពីបទធ្វើសកម្មភាពប្រឆាំងរដ្ឋនិងយោធា ជាចំណាត់ការមួយដែលក្រសួងច្បាប់និយាយថា មិនត្រឹមត្រូវតាមរដ្ឋធម្មនុញ្ញ។ សេចក្តីស្នើច្បាប់ទាំងនេះត្រូវបានអនុម័តរួចហើយដោយសភាតំណាងរាស្ត្រទាំងពីររបស់ប្រទេសប៉ាគីស្ថាន ប៉ុន្តែលោក Alvi គឺជាសមាជិកម្នាក់មកពីគណបក្ស Tehreek-e-Insaf (PTI) របស់អតីតនាយករដ្ឋមន្ត្រីលោក Imran Khan ប្រឆាំងរដ្ឋាភិបាលចម្រុះ ដែលបានអនុម័តសេចក្តីស្នើ ច្បាប់ទាំងពីនេះ។ លោក Alvi បាននិយាយនៅលើវេទិកាបណ្តាញផ្សព្វផ្សាយសង្គម X ដែលគេស្គាល់ជាផ្លូវការថា Twitter ថា ខណៈព្រះជាសាសក្សីរបស់ខ្ញុំ ខ្ញុំមិនចុះហត្ថលេខាលើសេចក្តីស្នើច្បាប់វិសោធនកម្មសម្ងាត់ផ្លូវការឆ្នាំ២០២៣ និងសេចក្តីស្នើច្បាប់វិសោធនកម្មកងទ័ពប៉ាគីស្ថាន ឆ្នាំ២០២៣ នោះទេ ខណៈខ្ញុំមិនយល់ស្របជាមួយច្បាប់ទាំងនេះ។ លោកបាននិយាយថា លោកបានស្នើឲ្យបុគ្គលិករបស់លោកកែប្រែសេចក្តីស្នើច្បាប់ដែលមិនទាន់បានចុះហត្ថលេខាចំពោះអង្គនីតិបញ្ញត្តិក្នុងពេលវេលាជាក់លាក់ដើម្បីឲ្យច្បាប់នេះគ្មានប្រសិទ្ធភាព។ លោកនិយាយថា ទោះជាយ៉ាងណា ខ្ញុំបានស្វែងយល់នៅថ្ងៃនេះថា បុគ្គលិករបស់ខ្ញុំធ្វើឲ្យអន្តរាយដល់ឆន្ទះនិងបទបញ្ជារបស់ខ្ញុំ។ ក្រសួងច្បាប់ និងយុត្តិធម៌ និយាយាថា ការសម្រេចចិត្តរបស់ប្រធានាធិបតីគឺជាការព្រួយបារម្ភខ្លាំង។យោងតាមរដ្ឋធម្មនុញ្ញបានឲ្យដឹងថា ប្រសិនបើប្រធានាធិបតី មិនចុះហត្ថលេខាលើសេចក្តីពង្រាងស្នើច្បាប់ ឬកែប្រែវាត្រលប់វិញដោយមានការពិនិត្យរបស់លោក ឬការជំទាស់ក្នុងរយៈពេល១០ថ្ងៃ បន្ទាប់ពីច្បាប់បានឆ្លងកាត់រួចរាល់នៅសភាទាំងពីរ នោះវានឹងក្លាយជាច្បាប់។រដ្ឋមន្ត្រីព័ត៌មានចាំផ្ទះ លោក Murtaza Solangi បាននិយាយថាការអធិប្បាយរបស់លោក Alvi នៅលើគណនីបណ្តាញផ្សព្វផ្សាយសង្គមផ្ទាល់ខ្លួន គ្មានអំណាចនោះទេ ព្រោះលោកពុំបានបញ្ជូនត្រលប់វិញនូវការជំទាស់ណាមួយចំពោះសេចក្តីស្នើច្បាប់ ក្នុងក្របខណ្ឌពេលវេលាច្បាស់លាស់៕

លោក Trump និយាយថា លោកនឹងមិនចូលរួមក្នុងការជជែកដេញដោលក្នុងគណបក្សសាធារណរដ្ឋទេ

2023/08/21 11:46:21 am        85
Facebook Telegram Linkin
អាមេរិក៖ អតីតប្រធានាធិបតី លោកTrump បានបញ្ជាក់កាលពីថ្ងៃអាទិត្យថាលោកនឹងមិនចូលរួមក្នុងការជជែកដេញដោលប្រធានាធិបតីក្នុងគណបក្សសាធារណៈរដ្ឋលើកដំបូងនៅសប្តាហ៍ក្រោយទេ ហើយទុកចំហរលទ្ធភាពដែលថាលោកនឹងរំលងការជជែកពិភាក្សាបឋមនាពេលអនាគត ដោយលើកឡើងពីការនាំមុខដ៏ច្រើនរបស់លោកនៅក្នុងការស្ទង់មតិជាតិជាហេតុផលចម្បង។នៅក្នុងការបង្ហោះនៅលើបណ្ដាញសង្គម Truth Social លោក Trump បានសំអាងដល់ការស្ទង់មតិរបស់ សារព័ត៌មាន CBS News ដែលបានចេញផ្សាយកាលពីថ្ងៃអាទិត្យបង្ហាញថា លោកបាននាំមុខបេក្ខជនជិតបំផុតបន្ទាប់ពីរូបលោកចំនួន៤៦%។លោក Trump បានសរសេរថា សាធារណជនដឹងថាខ្ញុំជានរណា និងអ្វីដែលជាគណៈប្រធានដ៏ជោគជ័យដែលខ្ញុំមាន ដោយមានឯករាជ្យភាពថាមពល ព្រំដែនរឹងមាំ និងយោធា ការកាត់ពន្ធ និងបទប្បញ្ញត្តិដ៏ធំបំផុតមិនធ្លាប់មាន គ្មានអតិផរណា សេដ្ឋកិច្ចខ្លាំងបំផុតក្នុងប្រវត្តិសាស្ត្រ និងច្រើនទៀត ។ ដូច្នេះខ្ញុំនឹងមិនចូលរួមក្នុងការជជែកដេញដោលនេះទេ ។ ការប្រកាសរបស់លោក Trump ដែលកំណត់ការរំពឹងទុកជាច្រើនខែអំពីថាតើលោកនឹងចូលរួមដែរឬទេ កើតឡើងប៉ុន្មានថ្ងៃបន្ទាប់ពីមានសេចក្តីរាយការណ៍ថាអតីតប្រធានាធិបតីរូបនេះ គ្រោងនឹងផ្ដល់បទ សម្ភាសន៍ជាមួយអតីតពិធីករសារព័ត៌មាន Fox News លោក Tucker Carlson ជំនួសឲ្យការចូលរួមក្នុងការជជែកដេញដោលនៅថ្ងៃពុធនៅ មីលវោគី ( Milwaukee) ។អតីតប្រធានាធិបតី បានបង្ហាញរយៈពេលជាច្រើនមកហើយថា រូបលោកទំនងជានឹងរំលងចោលយ៉ាងហោចណាស់ការជជែកដេញដោលបឋមដំបូងចំនួនពីរ ដោយសួរនៅក្នុងសុន្ទរកថានៅឯការប្រមូលផ្តុំរបស់លោក និងនៅក្នុងការបង្ហោះនៅលើប្រព័ន្ធផ្សព្វផ្សាយសង្គមថាហេតុអ្វីលោកត្រូវចូលរួមបើលោកមានភាគរយនាំមុខនៅក្នុងការស្ទង់មតិទៅហើយនោះ៕

ក្នុងក្របខណ្ឌរាជធានីភ្នំពេញ ករណីជំងឺគ្រុនឈាម មានការកើនឡើង បើធៀបនឹងឆ្នាំ២០២២

2023/08/21 11:44:21 am        146
Facebook Telegram Linkin
ភ្នំពេញ៖ រដូវវស្សាបានចូលមកដល់ហើយ ក៏មានភ្លៀងធ្លាក់ញឹកញាប់ ​មានទឹកដក់នៅតាមកង់ឡាន និងកន្លែងផ្សេងៗ ​ងាយបង្កឲ្យមានដង្កូវទឹក និងមូសខ្លា ​ជាភ្នាក់ងារចម្លងជំងឺគ្រុនឈាម ពី​មនុស្សម្នាក់​ ទៅមនុស្សម្នាក់ទៀត ​ជាមួយគ្នានោះមន្រី្តសុខាភិបាល បានបន្តអប់រំប្រជាពលរដ្ឋ​លុប​បំបាត់ជម្រកមូសខ្លា​ ដែលជាប្រភពនៃការកកើតភ្នាក់ងារចម្លង​មេរោគគ្រុនឈាម។បើតាមឯកឧត្តម វេជ្ជបណ្ឌិត ងី មានហេង ប្រធានមនី្ទរសុខាភិបាលរាជធានីភ្នំពេញ ​ថ្លែងប្រាប់ BTV ព័ត៌មាននាព្រឹកថ្ងៃទី២១ ខែសីហា ឆ្នាំ២០២៣នេះថា យើងសង្កេតឃើញថា ករណីជំងឺគ្រុនឈាម​កើតឡើងលើកុមារ មានការកើនឡើង ​បើធៀបទៅនឹងឆ្នាំ២០២២ ក៏ប៉ុន្តែចំនួននេះ មិនទាន់ឋិតក្នុងការប្រកាសមានបញ្ហារាតត្បាតនោះទេ។ទន្ទឹមនឹងនោះក្នុងក្របខណ្ឌរាជធានីភ្នំពេញ ​រយៈពេល៧ខែ ឆ្នាំ២០២៣ករណីជំងឺគ្រុនឈាម មានការកើនឡើង មកដល់ពេលនេះមានចំនួន១៤៣២ករណី។ ដោយឡែករយៈពេល៧ខែ ក្នុងឆ្នាំ២០២២ ដូចគ្នា គឺមានចំនួនតែ៦៥០ករណីប៉ុណ្ណោះ។ ដូច្នេះកើនឡើងចំនួន៧៨២ករណី។ជាក់ស្តែងនៅមនី្ទរពេទ្យបង្អែករាជធានីភ្នំពេញ ក៏បានរៀបចំត្រៀមរួចជាស្រេចក្នុងករណីបន្ទាន់​ណាមួយ ដែលបង្កឡើងដោយជំងឺរាតត្បាត លោកវេជ្ជបណ្ឌិត ហេង កង ប្រធានផ្នែកជំងឺកុមារ តំណាងលោកវេជ្ជបណ្ឌិត នេត សុវិរៈ ប្រធានមនី្ទរពេទ្យបង្អែករាជធានីភ្នំពេញ ​បានឲ្យដឹងថា នៅផ្នែកជំងឺកុមារ មានផ្តល់សេវាជំងឺទូទៅ ហើយសព្វថ្ងៃភាគច្រើននៃចំនួនកុមារដែលមកទទួល​សេវាព្យាបាល គឺជំងឺគ្រុនពោះវៀន ជំងឺរលាកផ្លូវដង្ហើមលើ ផ្លូវដង្ហើមក្រោម និងជំងឺគ្រុនឈាម។លោកវេជ្ជបណ្ឌិត ហេង កង ​បានអំពាវនាវដល់ប្រជាពលរដ្ឋទាំងអស់ រួមគ្នាលុបបំបាត់ជម្រកមូសខ្លា នៅក្នុងសហគមន៍របស់យើង ​ដើម្បីរួមចំណែកទប់ស្កាត់ការចម្លងជំងឺគ្រុនឈាម។ ​រក្សាអនាម័យ កុំឲ្យមាន​ទឹកដក់ថ្លា នៅជុំវិញផ្ទះ ​ព្រោះទឹកដក់ថ្លា ​ជាជម្រកមូសខ្លាញី ដែលជាប្រភពចម្លង​ជំងឺគ្រុនឈាម៕អត្ថបទ៖ រដ្ឋា

ព្យុះត្រូពិក Hilary បណ្តាលឲ្យជន់លិច នៅរដ្ឋកាលីហ្វ័រនីញ៉ា ភាគខាងត្បូង

2023/08/21 11:43:26 am        88
Facebook Telegram Linkin
អាមេរិក៖ ព្យុះត្រូពិក Hilary បាននាំយកនូវទឹកភ្លៀងធ្លាក់ខ្លាំង និងទឹកជំនន់មកដល់រដ្ឋ California ភាគខាងត្បូងកាលពីថ្ងៃអាទិត្យ។ នៅក្នុងទីក្រុង Wrightwood រដ្ឋ California ចម្ងាយប្រមាណ៧០ម៉ាយភាគឦសានទីក្រុង Los Angeles ទឹកភ្លៀងបានវាយបក់មកលើដើមឈើ និងលំហូរដីល្បប់ពីលើភ្នំ នៅក្នុងតំបន់ Sheep Canyon ។ យោងតាមលោក Zack Taylor ឧតុនិយមវិទូ នៅការិយាល័យអាកាសធាតុជាតិ បានឲ្យដឹងថា ព្យុះត្រូពិក Hilary កាលពីពេលដំបូងបានវាយបក់ដល់ដីគោកនៅពេលថ្ងៃ នៅផ្នែកភាគខាងជើង ឧបទ្វីប Baja California ដែលបានចុះខ្សោយទៅវិញកាលពី៤៨ម៉ោងកន្លងទៅ។ ប៉ុន្តែវានៅតែជាព្យុះដែលមានភ្លៀងធ្លាក់ខ្លាំងបំផុតមិនធ្លាប់មានវាយប្រហារនៅភាគនិរតីសហរដ្ឋអាមេរិក។ ព្យុះត្រូពិក Hilary បានមកដល់ជាប្រវត្តិសាស្ត្រនៅរដ្ឋ California កាលពីថ្ងៃអាទិត្យ ដោយការព្យាករណ៍ព្រមានពីការជន់លិចដ៏មហន្តរាយ បន្ទាប់ពីព្យុះនេះបានវាយបក់មកលើឧបទ្វិប Baja California នៅប្រទេសម៉ិចស៊ិក ដោយមានភ្លៀងធ្លាក់ខ្លាំង។ មនុស្សម្នាក់ស្លាប់ នៅប្រទេសម៉ិកស៊ិកក្នុងពេលមានការរាយការណ៍ពីទឹកជំនន់ភ្លាមៗ នៅឧបទ្វិបនេះ ជាកន្លែងដែលផ្លូវមួយចំនួនត្រូវបានហូរដាច់ ហើយរូបភាពជាច្រើននៅលើ  បណ្តាញផ្សព្វផ្សាយសង្គម បានបង្ហាញពីការរាលដាលទឹកហូរទៅតាមដងផ្លូវនានានៅទីក្រុងដែលត្រលប់ទៅកាន់ទន្លេវិញ។ អភិបាលរដ្ឋ California លោក Gavin Newsom បានប្រកាសរដ្ឋក្នុងគ្រាអាសន្នភាគច្រើននៅរដ្ឋ California ភាគខាងត្បូង ដោយមានការព្រមានពីទឹកជំនន់ភ្លាមៗ ក្នុងការប៉ះពាល់នៅទូទាំងតំបន់ដែលធ្លាប់តែមានគ្រោះរាំងស្ងួត។ ជើងហោះហើររាប់រយ នៅក្នុងទីក្រុង San Diego, Las Vegas និងទីក្រុង Los Angeles ត្រូវបានលុបចោលហើយការប្រកួតកីឡាអាជីពត្រូវបានកំណត់ពេលឡើងវិញ។ តំបន់ San Diego នៅភាគខាងជើងព្រំដែនប្រទេសម៉ិចស៊ិក បានត្រៀមខ្លួនទប់ទល់សម្រាប់ព្យុះត្រូពិកមិនធ្លាប់មានក្នុងកំណត់ត្រាលើកដំបូង៕

ប្រជាពលរដ្ឋជឿជាក់លើរាជរដ្ឋាភិបាលថ្មី ដែលនឹងដឹកនាំដោយឯកឧត្ដមបណ្ឌិត ហ៊ុន ម៉ាណែត

2023/08/21 11:37:54 am        208
Facebook Telegram Linkin
ភ្នំពេញ៖ ប្រជាពលរដ្ឋក៏កំពុងតាមដានព្រឹត្តិការណ៍ជាប្រវត្តិសាស្រ្តនៃការបើកសម័យប្រជុំលើកដំបូង រដ្ឋសភាជាតិ នីតិកាលទី៧ នាព្រឹកថ្ងៃទី២១ ខែសីហានេះ នៅតាមគេហដ្ឋាន បានបង្ហាញការ​ជឿជាក់​លើការដឹកនាំរបស់រាជរដ្ឋាភិបាលថ្មី ​ដែលសុទ្ធតែជាថ្នាក់ដឹកនាំវ័យក្មេង ពោពេញដោយ​សមត្ថភាព ដើម្បីបន្តដឹកនាំនាវាកម្ពុជាឱ្យកាន់តែរីកចម្រើនបន្ថែមទៀត ។ ប្រជាពលរដ្ឋជាម្ចាស់ឆ្នោត ជាម្ចាស់ប្រទេស បានសម្ដែងការជឿជាក់ថា ​រាជរដ្ឋាភិបាលថ្មី ដែលនឹងចាប់កំណើតជាផ្លូវការនាថ្ងៃទី ២២ ​ខែសីហា ស្អែកនេះ នឹងបន្តដឹកនាំកម្ពុជាឱ្យកាន់​តែរីកចម្រើន និងរក្សាបាននូវសុខសន្តិភាព​ ដែលកម្ពុជាកំពុងតែមានសព្វថ្ងៃតទៅមុខទៀត។សូមជម្រាបថាប្រជាជននៅទូទាំងប្រទេសបានបង្ហាញការគាំទ្ររាជរដ្ឋាភិបាលដែលដឹកនាំដោយ គណបក្សប្រជាជនកម្ពុជា តាមរយៈលទ្ធផលនៃការបោះឆ្នោតសកល កាលពីថ្ងៃទី២៣ ខែកក្កដា ឆ្នាំ២០២៣ កន្លងទៅនេះគឺមានប្រជាពលរដ្ឋខ្មែរជាង ៨ លាន ២ សែននាក់ បាននាំគ្នាទៅបោះឆ្នោត។ ក្នុងចំណោមសំឡេងសន្លឹកឆ្នោតទាំងអស់ គណបក្សប្រជាជនកម្ពុជាទទួលបានសំឡេងគាំទ្រខ្ពស់ជាងគេបង្អស់រហូតដល់ជាង ៦ លាន ៣ សែនសំឡេង, គណបក្សហ៊្វុនសិនប៉ិចឈរនៅលំដាប់ទី២ ដោយទទួលបានសំឡេងគាំទ្រជាង ៧ សែនសំឡេង ៕ អត្ថបទ៖ គឹមហុក 

នាវាដឹកប្រេងដែលគេជឿថា ផ្ទុកប្រេងអ៊ីរ៉ង់ ចាប់ផ្តើមដាក់ទំនិញចេញូនៅជិតរដ្ឋតិចសាស់ ទោះបីជាមានការគំរាមកំហែងពីទីក្រុងតេអេរ៉ង់ក្តី

2023/08/21 11:30:24 am        99
Facebook Telegram Linkin
អ៊ីរ៉ង់៖ ការតាមដានទិន្នន័យ បានបង្ហាញថា នាវាដឹកប្រេងដែលជាប់សង្ស័យជាយូរមកហើយថា បានដឹកប្រេងឆៅអ៊ីរ៉ង់ដែលត្រូវបានគេដាក់ទណ្ឌកម្ម បានដាក់ទំនិញរបស់ខ្លួនចេញ នៅជិតរដ្ឋតិចសាស់ កាលពីថ្ងៃអាទិត្យ ទោះបីជាទីក្រុងតេអេរ៉ង់ បានគំរាមកំហែងកំណត់គោលដៅដឹកជញ្ជូន នៅឈូងសមុទ្រពែក្សក្តី។ទិន្នន័យតាមដាននាវាដែលត្រូវបានវិភាគដោយសារព័ត៌មាន AP បានបង្ហាញថា កប៉ាល់ Suez Rajan ដែលមានទង់ជាតិកោះ Marshall បានចាប់ផ្តើមការផ្ទេរប្រេងពីកប៉ាល់ទៅកប៉ាល់ជាច្រើនម៉ោងទៅកាន់កប៉ាល់ដឹកប្រេងមួយទៀតគឺ MR Euphrates នៅជិតទីក្រុងហ្គាលវេស្តុន( Galveston) មានចម្ងាយប្រហែល ៧០ គីឡូម៉ែត្រ (៤៥ម៉ាយ) ភាគអាគ្នេយ៍នៃទីក្រុងហូស្តុន( Houston) ។ ជោគវាសនានៃទំនិញនៅលើកនាវា Suez Rajan បានជាប់គាំងនៅក្នុងភាពតានតឹងកាន់តែធំរវាងសហរដ្ឋអាមេរិក និងសាធារណៈរដ្ឋឥស្លាម ទោះបីជាទីក្រុងតេអេរ៉ង់និងវ៉ាស៊ីនតោន កំពុងធ្វើការឆ្ពោះទៅរកការដោះដូរទ្រព្យសម្បត្តិរាប់ពាន់លានដុល្លាររបស់អ៊ីរ៉ង់ដែលត្រូវបានបង្កកនៅក្នុងប្រទេសកូរ៉េខាងត្បូងសម្រាប់ការដោះលែងជនជាតិអ៊ីរ៉ង់-អាមេរិកចំនួន៥នាក់ដែលត្រូវគេឃុំខ្លួននៅទីក្រុងតេអេរ៉ង់ក៏ដោយ។ ប្រទេសអ៊ីរ៉ង់ បានព្យាយាមគេចពីការដាក់ទណ្ឌកម្ម និងបន្តលក់ប្រេងរបស់ខ្លួនទៅក្រៅប្រទេស ខណៈដែលសហរដ្ឋអាមេរិក និងសម្ព័ន្ធមិត្ត បានរឹបអូសទំនិញ តាំងពីឆ្នាំ ២០១៩ បន្ទាប់ពីកិច្ចព្រមព្រៀងនុយក្លេអ៊ែររបស់ប្រទេសនេះដែលអនុញ្ញាតឲ្យមានពាណិជ្ជកម្មនេះ បានដួលរលំ៕

សារព័ត៌មានក្យូដូ៖ មេដឹកនាំជប៉ុន និងអ៊ីរ៉ង់ គ្រោងជួបគ្នាក្នុងទីក្រុងញូវយ៉ក នៅខែកញ្ញា

2023/08/21 11:26:05 am        76
Facebook Telegram Linkin
ជប៉ុន៖ ទីភ្នាក់ងារសារព័ត៌មានក្យូដូ បានឲ្យដឹងកាលពីថ្ងៃអាទិត្យថា នាយករដ្ឋមន្ត្រីជប៉ុន លោក ហ្វូមីអូ គីស៊ីដា (Fumio Kishida) និងប្រធានាធិបតីអ៊ីរ៉ង់ លោក អ៊ីប្រាហ៊ីម រ៉ៃស៊ី (Ebrahim Raisi) នឹងជួបប្រជុំគ្នានៅទីក្រុងញូវយ៉ក ក្នុងខែកញ្ញា ដើម្បីពិភាក្សាអំពីកម្មវិធីនុយក្លេអ៊ែររបស់អ៊ីរ៉ង់ក្នុងចំណោមបញ្ហាផ្សេងៗទៀត។សារព័ត៌មានក្យូដូ បាននិយាយថា អ៊ីរ៉ង់មានបំណងលើកកម្ពស់ទំនាក់ទំនងជាមួយប្រទេសជប៉ុន ដែលជាប្រទេសមិត្តភាពជាប្រពៃណី ដើម្បីជៀសវាងភាពឯកោអន្តរជាតិ ខណៈដែលកិច្ចពិភាក្សារបស់ប្រទេសអ៊ីរ៉ង់ជាមួយសហរដ្ឋអាមេរិក និងអឺរ៉ុបជុំវិញកិច្ចព្រមព្រៀងនុយក្លេអ៊ែររបស់ពួកគេ ដែលបានជាប់គាំង។ពុំមានការអត្ថាធិប្បាយភ្លាមៗពីក្រសួងការបរទេសជប៉ុនទេ។លោក គីស៊ីដា និងលោករ៉ៃស៊ី ក៏បានជួបគ្នាកាលពីខែកញ្ញា ឆ្នាំមុនដែរ នៅពេលដែលពួកគេធ្វើទស្សនកិច្ចនៅទីក្រុងញូវយ៉កសម្រាប់មហាសន្និបាតអង្គការសហប្រជាជាតិ។កិច្ចចរចាដោយប្រយោលរវាងទីក្រុងវ៉ាស៊ីនតោន និងក្រុងតេអេរ៉ង់ ដើម្បីស្តារឡើងវិញនូវកិច្ចព្រមព្រៀងនុយក្លេអ៊ែរដែលបានជាប់គាំង តាំងពីខែកញ្ញា ឆ្នាំ២០២២ បើទោះបីជាទីក្រុងទាំងពីរនេះ កំពុងព្យាយាមបន្ធូរបន្ថយភាពតានតឹងក្តី។ រដ្ឋមន្ត្រីការបរទេសអាមេរិក លោក អង់តូន ប្ល៊ីងខិន (Antony Blinken) បាននិយាយកាលពីសប្តាហ៍មុនថា លោកនឹងស្វាគមន៍រាល់វិធានការរបស់ប្រទេសអ៊ីរ៉ង់ ដើម្បីកាត់បន្ថយ «ការគំរាមកំហែងនុយក្លេអ៊ែរដែលកំពុងកើនឡើង»របស់ខ្លួន៕

កាណាដា នឹងដាក់ពង្រាយកងទ័ពនៅខេត្តប្រ៊ីដធីស កូឡំប៊ី ដើម្បីទប់ទល់ការរីករាលដាលនៃចំហេះព្រៃ

2023/08/21 10:58:33 am        80
Facebook Telegram Linkin
កាណាដា៖​នាយករដ្ឋមន្រ្តីកាណាដា លោក Justin Trudeau បាននិយាយកាលពីថ្ងៃអាទិត្យថា ប្រទេសកាណាដាកំពុងបញ្ជូនកងកម្លាំងប្រដាប់អាវុធ ដើម្បីទប់ទល់នឹងចំហេះព្រៃដែលកំពុងរីករាលដាលយ៉ាងឆាប់រហ័សនៅក្នុងខេត្តប្រ៊ីដធីស កូឡំប៊ី ខណៈខេត្តភាគខាងលិចប្រទេសមួយនេះ កំពុងទប់ទល់ជាមួយនឹងអណ្តាតភ្លើង ដែលបានធ្វើឱ្យមនុស្សជាង៣៥.០០០នាក់ ស្ថិតនៅក្រោមបញ្ជាជម្លៀស។ខេត្តប្រ៊ីដធីស កូឡំប៊ី បានប្រកាសដាក់ខេត្តក្នុងគ្រាអាសន្ន និងបានដាក់បម្រាមលើការធ្វើដំណើរដែលមិនសំខាន់ ដើម្បីបង្កើនកន្លែងស្នាក់នៅសម្រាប់អ្នកជម្លៀស និងក្រុមពន្លត់អគ្គិភ័យ ព្រមទាំងបានជំរុញឱ្យប្រតិបត្តិករយានដ្រូន និងអ្នកផ្សេងទៀត ថតរូបភាពនៃអគ្គិភ័យ ដើម្បីរក្សាភាពច្បាស់លាស់នៃក្រុមអ្នកជួយសង្គ្រោះ។ចំហេះព្រៃមិនមែនជារឿងចម្លែកទេ នៅក្នុងប្រទេសកាណាដា ប៉ុន្តែការរីករាលដាលនៃអណ្តាតភ្លើង និងការរំខាន បង្ហាញពីភាពធ្ងន់ធ្ងរនៃរដូវកាលចំហេះព្រៃដ៏អាក្រក់បំផុតរបស់ខ្លួន ដែលអ្នកជំនាញមួយចំនួនទម្លាក់កំហុសលើបម្រែបម្រួលអាកាសធាតុ ថាជាមូលហេតុនៃចំហេះនេះ។ ករណីចំហេះផ្សេងទៀត កាន់តែធ្ងន់ធ្ងរឡើង ដោយសារគ្រោះរាំងស្ងួតធ្ងន់ធ្ងរ ដែលត្រូវបានគេរាយការណ៍ថា ខិតទៅជិតព្រំដែនសហរដ្ឋអាមេរិក និងនៅតំបន់ប៉ាស៊ីហ្វិកភាគពាយ័ព្យរបស់សហរដ្ឋអាមេរិកផងដែរ។ចំហេះបានលេបត្របាក់ធនធានក្នុងស្រុក និងទទួលបានជំនួយពីរដ្ឋាភិបាលសហព័ន្ធ ក៏ដូចជាការគាំទ្រពីខាងក្រៅចំនួន១៣ប្រទេស។ យ៉ាងហោចណាស់មានអ្នកពន្លត់អគ្គិភ័យចំនួន៤នាក់ បានស្លាប់ក្នុងពេលបំពេញកាតព្វកិច្ចដោយសារចំហេះព្រៃនេះ។ ផ្ទៃដីប្រហែល១៤០.០០០គីឡូម៉ែត្រក្រឡា ដែលមានទំហំប្រហែលនៃរដ្ឋញូវយ៉ក ត្រូវបានឆាបឆេះពេញទូទាំងប្រទេស ជាមួយនឹងផ្សែងអ័ព្ទ ដែលហុយរហូតដល់ឆ្នេរខាងកើតសហរដ្ឋអាមេរិកផងដែរ៕

បណ្ដាញសង្គម

ព័ត៌មានថ្មីៗ

លោក Zelenskiy៖ រុស្ស៊ីពិតជាមិនអើពើនឹងនរណាម្នាក់ដែលព្យាយាមបញ្ចប់សង្រ្គាមនោះឡើយ
07/30/2025 06:07 PM
Facebook Telegram Linkin
រដ្ឋអាជ្ញាកូរ៉េខាងត្បូង ស្វែងរកដីកាថ្មី ដើម្បីសាកសួរអតីតប្រធានាធិបតី លោក Yoon
07/30/2025 06:07 PM
Facebook Telegram Linkin
TOP STORY | សម្ដេចតេជោ៖កោតសរសើរកងកម្លាំងប្រដាប់អាវុធគ្រប់ប្រភេទរបស់កម្ពុជាគោរពអនុវត្តកិច្ចព្រមព្រៀងឈប់បាញ់បានយ៉ាងល្អ
07/30/2025 06:07 PM
Facebook Telegram Linkin
ព្យុះត្រូវពិកបង្ខំឲ្យពលរដ្ឋ ២៨ម៉ឺននាក់ ជម្លៀសខ្លួន និងបិទសេវាកម្មដឹកជញ្ជូននៅក្រុងសៀងហៃ ប្រទេសចិន
07/30/2025 06:07 PM
Facebook Telegram Linkin
បារាំង និង ប្រទេសចំនួន ១៤ ផ្សេងទៀត ជំរុញឲ្យមានការទទួលស្គាល់រដ្ឋប៉ាឡេស្ទីន
07/30/2025 06:07 PM
Facebook Telegram Linkin
ជនប៉ាឡេស្ទីនព្យាយាមដណ្តើមជំនួយនៅទីក្រុង Beit Lahiya តំបន់ហ្កាហ្សាស្រ្ទីប
07/30/2025 06:07 PM
Facebook Telegram Linkin
រដ្ឋមន្រ្តីសុខាភិបាល «ក្នុងនាមសមាជិកគ្រួសារមួយ ជាមួយបងប្អូនប្រជាពលរដ្ឋទាំងអស់គ្នា និងសូមផ្តាំផ្ញើសួរសុខទុក្ខ ជូនបងប្អូនប្រជាពលរដ្ឋយើងទាំងអស់ក្នុងខេត្តបន្ទាយមានជ័យ»
07/30/2025 06:07 PM
Facebook Telegram Linkin
វ៉េណេស៊ុយអេឡា បានស្តីបន្ទោសមន្ត្រីអាមេរិក ពីការ «ចាប់ជំរិត» កុមារ
07/30/2025 06:07 PM
Facebook Telegram Linkin
អង្គភាពសង្រ្គោះបន្ទាន់យោធាអេស្ប៉ាញ ព្យាយាមពន្លត់ភ្លើងឆេះព្រៃនៅតំបន់ Caceres
07/30/2025 05:07 PM
Facebook Telegram Linkin
មនុស្សយ៉ាងតិច ៥នាក់ បានស្លាប់ នៅក្នុងការប៉ះទង្គិចគ្នារវាងកងកម្លាំងអ៊ូហ្គង់ដា និងខាងត្បូងខាងត្បូង
07/30/2025 05:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.