នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់
TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំ​​កោះប្រជុំក្រុមប្រឹក្សាសន្តិសុខជាបន្ទាន់ ដើម្បី​សុំ​ការ​អន្ត​រាគមន៍​បញ្ចប់​ការ​ឈ្លាន​ពាន​របស់​កង​ទ័ព​ថៃមក​លើដែនអធិបតេយ្យភាពរបស់កម្ពុជា
TOP STORY | សម្ដេចធិបតី៖ កងទ័ពថៃបានបើកការ​វាយប្រហារ​មក​លើ​ទីតាំង​ឈរ​ជើង​របស់​កង​ទ័ព​កម្ពុជា​ នៅប្រាសាទតាមាន់ធំ តាក្របី និងបានពង្រីកភូមិសាស្ត្រវាយប្រហារទៅដល់តំបន់មុំបី
TOP STORY | ខណៈព្រំដែនកំពុងមានការផ្ទុះអាវុធ, សម្តេចតេជោ ហ៊ុន សែន ប្រាប់ពលរដ្ឋឲ្យជឿទុកចិត្ត​លើ​រាជរដ្ឋាភិបាល និងកងទ័ព

នយោបាយ​ និង ការអភិវឌ្ឍន៍

ប្រធានាធិបតីចិនអំពាវនាវឲ្យមានការអត់ធ្មត់ នៅពេលដែលបក្សកុម្មុយនីស្តព្យាយាមទប់ទល់នឹងការធ្លាក់ចុះសេដ្ឋកិច្ច

2023/08/17 01:46:05 pm        218
Facebook Telegram Linkin
ចិន៖ មេដឹកនាំចិនលោក ស៊ី ជីនពីង ( Xi Jinping) បានអំពាវនាវឲ្យមានការអត់ធ្មត់នៅក្នុងសុន្ទរកថាដែលបានចេញផ្សាយ ខណៈបក្សកុម្មុយនីស្ត ដែលកំពុងកាន់អំណាចព្យាយាមទប់ទល់ការធ្លាក់ចុះសេដ្ឋកិច្ចដ៏ធ្ងន់ធ្ងរ ហើយបាននិយាយថា បណ្តាប្រទេសលោកខាងលិច កំពុងមានបញ្ហាកាន់តែខ្លាំងឡើង ដោយសារតែសម្ភារៈនិយមនិងការធ្លាក់ចុះផ្នែកស្មារតី។សុន្ទរកថារបស់លោកស៊ី ត្រូវបានចុះផ្សាយដោយទស្សនាវដ្តី Qiushi ( ឈីវស៊ី) ដែលជាទស្សនាវដ្តីទ្រឹស្តីកំពូលរបស់គណបក្ស ប៉ុន្មានម៉ោងបន្ទាប់ពីទិន្នន័យកាលពីថ្ងៃអង្គារ បានបង្ហាញថា សកម្មភាពអ្នកប្រើប្រាស់ និងរោងចក្រ ធ្លាក់ចុះបន្ថែមទៀត នៅក្នុងខែកក្កដា បើទោះបីជាមានការសន្យាជាផ្លូវការដើម្បីគាំទ្រសហគ្រិនដែលកំពុងជួបការលំបាកក៏ដោយ។ រដ្ឋាភិបាល បានរំលងការផ្តល់ព័ត៌មានថ្មីៗអំពីការកើនឡើងដ៏រសើបផ្នែកនយោបាយនៃភាពអត់ការងារធ្វើក្នុងចំណោមយុវជន។លោកស៊ីដែលជាមេដឹកនាំដ៏មានឥទ្ធិពលបំផុតរបស់ប្រទេសក្នុងរយៈពេលជាច្រើនទស្សវត្សរ៍ បានអំពាវនាវឲ្យប្រទេសចិន «កសាងមនោគមន៍វិជ្ជាសង្គមនិយមដោយភាពរឹងមាំ» និងផ្តោតលើគោលដៅរយៈពេលវែងនៃការកែលម្អការអប់រំ ការថែទាំសុខភាព និងការផ្គត់ផ្គង់ស្បៀងអាហារសម្រាប់ប្រជាជន១,៤ ពាន់លាននាក់របស់ប្រទេសចិន ជំនួសឲ្យការបន្តតាមស្វែងរកទ្រព្យសម្បត្តិសម្ភារៈរយៈពេលខ្លី។ ចាប់តាំងពីឡើងកាន់អំណាចក្នុងឆ្នាំ ២០១២ លោក ស៊ី បានអំពាវនាវឲ្យមានការស្តារឡើងវិញនូវតួនាទីរបស់គណបក្សកាន់អំណាចក្នុងនាមជាមេដឹកនាំសេដ្ឋកិច្ច និងសង្គម ហើយបានរឹតបន្តឹងការគ្រប់គ្រងលើអាជីវកម្ម និងសង្គម ចាប់តាំងពីឡើងកាន់អំណាចក្នុងឆ្នាំ២០១២។ ការផ្លាស់ប្តូរមួយចំនួន កើតឡើងក្នុងការចំណាយកើនឡើង ខណៈដែលក្រុមហ៊ុនចិនដែលទទួលបានជោគជ័យ ត្រូវបានដាក់សម្ពាធឲ្យបង្វែរប្រាក់ចូលទៅក្នុងគំនិតផ្តួចផ្តើមនយោបាយរួមទាំងការអភិវឌ្ឍបន្ទះឈីបកុំព្យូទ័រ។ គណបក្សនេះ បានរឹតបន្តឹងការគ្រប់គ្រងលើឧស្សាហកម្មបច្ចេកវិទ្យាដោយបើកដំណើរការសន្តិសុខទិន្នន័យ និងការបង្ក្រាបប្រឆាំងនឹងការផ្តាច់មុខដែលបំផ្លាញតម្លៃទីផ្សារភាគហ៊ុនរបស់ពួកគេរាប់ពាន់លានដុល្លារ៕

សម្ដេច ស ខេង គាំទ្រចំពោះការបង្កើតរាជរដ្ឋាភិបាលថ្មី ដើម្បីអភិវឌ្ឍន៍កម្ពុជា ឲ្យកាន់តែរីកចម្រើនបន្ថែមទៀត

2023/08/17 12:54:22 pm        657
Facebook Telegram Linkin
ភ្នំពេញ៖ សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានប្រកាស​គាំទ្រពេញ ចំពោះការបង្កើតរាជរដ្ឋាភិបាលថ្មី ដើម្បីបន្ដអភិវឌ្ឍន៍​ប្រទេសកម្ពុជា​ឲ្យកាន់តែរីកចម្រើនបន្ថែមទៀត ខណៈការបង្កើតរាជដ្ឋាភិបាលថ្មី​នាពេលខាងមុខនេះ នឹងមានការផ្លាស់ប្តូរក្បាលម៉ាស៊ីនស្ទើរតែទាំងស្រុងនោះ។នាឱកាសអញ្ជើញជួបសំណេះសំណាលជាមួយថ្នាក់ដឹកនាំ នៃក្រសួងមហាផ្ទៃ នាថ្ងៃទី១៧ ខែសីហា ឆ្នាំ២០២៣ សម្ដេច ស ខេង បានលើកឡើងថា សម្ដេច នឹងចាកចេញពីរដ្ឋមន្ដ្រីក្រសួងមហាផ្ទៃ ក្នុងពេលឆាប់ៗនេះ ហើយសម្ដេច គាំទ្រចំពោះការបង្កើតរាជរដ្ឋាភិបាលថ្មីផងដែរ។ សម្តេចបានបន្ថែមទៀតថា អាណត្តិថ្មី នៃរាជរដ្ឋាភិបាលកម្ពុជា នឹងមានសុពលភាពចាប់ពីថ្ងៃទី២២ ខែសីហា ឆ្នាំ២០២៣ តទៅ គឺមានការផ្លាស់ប្តូរក្បាលម៉ាស៊ីនដឹកនាំថ្មីស្ទើរតែទាំងស្រុង ដោយមានឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត ជានាយករដ្ឋមន្ត្រី។ ការផ្លាស់ប្តូរក្បាលម៉ាស៊ីនដឹកនាំរាជរដ្ឋាភិបាល សម្រាប់អាណត្តិថ្មីនេះ ទទួលបានការសាទរជាខ្លាំង​ពីសំណាក់ប្រជាពលរដ្ឋខ្មែរស្ទើរទូទាំងប្រទេស។សម្តេចក្រឡាហោម បានបញ្ជាក់ថា «ខ្ញុំ គាំទ្រពេញទំហឹងរបស់រាជរដ្ឋាភិបាលអាណត្តិថ្មី ហើយរាជរដ្ឋាភិបាលអាណត្តិថ្មីនេះ ជម្នះបានបញ្ហាទាំងឡាយដែលបានកំពុងកើត ដើម្បីនាំកម្ពុជា មានសុខសន្ដិភាព ស្ថិរភាព និងមានការអភិវឌ្ឍបន្ដទៀត»។សម្តេចប្រមុខក្រសួងមហាផ្ទៃ ក៏បានលើកឡើងផងដែរថា សម្រាប់មន្ដ្រីក្រសួងមហាផ្ទៃ អ្នកខ្លះផ្ទេរចេញកន្លែងថ្មី និងអ្នកខ្លះទៀតបន្ដការងារក្នុងក្រសួងមហាផ្ទៃដដែល។ យ៉ាងណាក៏ដោយសម្ដេចបន ផ្ដាំផ្ញើ និងរំលឹកដល់មន្ដ្រីក្រសួងមហាផ្ទៃទាំងអស់ ត្រូវខិតខំប្រឹង​ធ្វើការងារបន្ដទៀត ដើម្បីចូលរួមចំណែកជាមួយរាជរដ្ឋាភិបាលថ្មី ក្នុងការបម្រើជាតិ និងប្រជាជនឲ្យ​កាន់តែរីកចម្រើនជាបន្តបន្ទាប់បន្ថែមទៀតផងដែរ។ជាមួយគ្នានោះដែរ សម្តេចក្រឡាហោម ស ខេង ក៏បានថ្លែងអំណរអគុណចំពោះមន្រ្តីនៃក្រសួង មហាផ្ទៃទាំងអស់​ដែលបានសាមគ្គីគ្នាខិតខំបំពេញការងាររួមគ្នា ក្នុងការជួយរាជរដ្ឋាភិបាល​នាពេលកន្លងមករហូតដល់បច្ចុប្បន្ន ឲ្យមានការអភិវឌ្ឍរីកចម្រើនស្ទើរគ្រប់វិស័យ និង​ចូលរួមដោះស្រាយរាល់បញ្ហានានា ​ តាមតម្រូវការរបស់បងប្អូនប្រជាពលរដ្ឋទាំងមូលផងដែរ៕អត្ថបទបាន ចក់

មហាជនមើលឃើញថា ឯកឧត្តមបណ្ឌិត ហ៊ុន ម៉ាណែត មានសមត្ថភាព និងទស្សនៈវិស័យច្បាស់លាស់

2023/08/17 12:35:26 pm        266
Facebook Telegram Linkin
ភ្នំពេញ៖ មហាជននិងអ្នកជំនាញមើលឃើញថា ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត នាយករដ្ឋមន្រ្តីថ្មីនៃកម្ពុជា គឺមានសមត្ថភាព ​និងទស្សនៈវិស័យច្បាស់លាស់ ក្នុងការដឹកនាំ​ប្រទេសកម្ពុជា ធ្វើឱ្យមានការអភិវឌ្ឍលើគ្រប់វិស័យ។ ខណៈនៅសល់រយៈប៉ុន្មានថ្ងៃទៀត រាជរដ្ឋាភិបាល នីតិកាលទី៧ នឹងចាប់ផ្តើមជាផ្លូវការ ក្នុងនោះមហាជន ​និងអ្នកជំនាញសង្កេតឃើញថា អនាគតនាយករដ្ឋមន្រ្តីឯកឧត្តមបណ្ឌិត ហ៊ុន ម៉ាណែត បានដាក់ចេញនូវទស្សនៈទានអំពីការ​ទទួលខុសត្រូវ ដែលសំដៅដល់ការរៀបចំ​ចក្ខុ​វិស័យច្បាស់លាស់ ការប្តេជ្ញាចិត្តខ្ពស់ និងការលះបង់ខ្ពស់ តាមទស្សនៈទានរបស់ឯកឧត្ដមលើការ ប្តេជ្ញាចិត្ត និងភាពជាអ្នកដឹកនាំដ៏ម៉ត់ចត់ ដែលមានទំនួលខុសត្រូវពិតប្រាកដ។ លោក សួន សេរីរដ្ឋា ប្រធានវេទិកាសន្តិភាពកម្ពុជា លើកឡើងថា ភាពជាអ្នកនាំត្រូវ​មានទស្សនៈច្បាស់លាស់ ក្នុងនាមអ្នកបន្តវេន ដោយសារប្រជាពលរដ្ឋទន្ទឹងរង់ចាំនោះ គឺចង់ឃើញការដឹកនាំរក្សានូវអ្វីដែលមានស្រាប់ រួមទាំងកែលម្អរឲ្យកាន់តែប្រសើរឡើង និងបង្កើតនូវអ្វីដែលថ្មីសម្រាប់កម្ពុជា។ សូមជម្រាបថា មុនឡើងកាន់តំណែងជានាយករដ្ឋមន្រ្តី សង្កេតឃើញមានមជ្ឈដ្ឋានមកពីស្ថាប័ន​ផ្សេងគ្នា​បានចេញមកសម្តែងការពេញចិត្ត និងគាំទ្រដ៏លើសលប់ទៅលើឯកឧត្តមបណ្ឌិត ហ៊ុន ម៉ាណែត ដែលនឹងដឹកនាំមាគ៌ាកម្ពុជាប្រកបដោយភាពរីកចម្រើនលើគ្រប់វិស័យ៕

ក្រុមអ្នកតវ៉ាបានសម្តែងការខកចិត្តចំពោះនគរបាលខេត្តផុនចាប ប្រទេសប៉ាគីស្ថាន បន្ទាប់ពីមានការវាយប្រហារ

2023/08/17 12:34:14 pm        204
Facebook Telegram Linkin
ប៉ាគីស្ថាន៖ នគរបាលបានល្បាតក្នុងទីក្រុង Jaranwala ប្រទេសប៉ាគីស្ថាន បន្ទាប់ពីហ្វូងប្រជាជនមូស្លីម បានវាយប្រហារសហគមន៍គ្រិស្តសាសនាកាលពីថ្ងៃពុធ (១៦ សីហា)។ ក្រុមនគរបាល និងមេដឹកនាំសហគមន៍បាននិយាយថា ហ្វូងមនុស្សគ្មានសណ្តាប់ធ្លាប់ បានបំផ្លិចបំផ្លាញព្រះវិហារជាច្រើនកន្លែង និងបានដុតបំផ្លាញលំនៅឋានជាច្រើនខ្នង បន្ទាប់ពីបានចោទប្រកាន់សមាជិកពីរនាក់របស់ពួកគេ ពីបទប្រមាថគម្ពីរកូរ៉ាន។កាលពីល្ងាចថ្ងៃដដែលនោះ ក្រុមអ្នកស្រុកឥស្លាមបានតវ៉ាប្រឆាំងនឹងការពន្យារពេលក្នុងការចាប់ខ្លួនជនសង្ស័យ ដែលចោទប្រកាន់ថាបានប្រព្រឹត្តការប្រមាថនេះ។ អ្នកនាំពាក្យនគរបាលលោក Naveed Ahmad បាននិយាយថា គ្រិស្តសាសនិកទាំងពីរនាក់ត្រូវបានចោទប្រកាន់ពីបទប្រមាថមើលងាយ ដោយបន្ថែមថា ពួកគេ និងសមាជិកគ្រួសារបានភៀសខ្លួនចេញពីលំនៅឋានរបស់ពួកគេ។ នគរបាលបាននិយាយថា ករណីប្រឆាំងនឹងគ្រិស្តបរិស័ទនេះ ទាក់ទងនឹងទំព័រនៃគម្ពីរកូរ៉ាន ដែលបានរកឃើញ ជាមួយនឹងពាក្យប្រមាថមួយចំនួនសរសេរជាពណ៌ក្រហមនៅលើនោះផងដែរ៕

ការវាយឆ្មក់របស់រុស្ស៊ីលើឆ្នេរសមុទ្រទួរគី ជាការសាកល្បងការតាំងចិត្តរបស់លោក អឺដូហ្គាន់

2023/08/17 12:31:24 pm        328
Facebook Telegram Linkin
ទួរគី៖ ការវាយឆ្មក់របស់រុស្ស៊ី លើនាវាមួយនៅឆ្ងាយពីឆ្នេរសមុទ្រនៃប្រទេសទួរគី នាំមកនូវការហៀរចេញពីសង្រ្គាមអ៊ុយក្រែន ទៅកាន់ព្រំដែននៃអង្គការណាតូ មួយផ្សេងទៀត ហើយបានបង្កើនហានិភ័យខណៈដែលទីក្រុងអង់ការ៉ា ព្យាយាមបញ្ចុះបញ្ចូលទីក្រុងម៉ូស្គូ ឱ្យត្រលប់ទៅកិច្ចព្រមព្រៀងនាំចេញគ្រាប់ធញ្ញជាតិដែលនឹងធ្វើឱ្យសមុទ្រខ្មៅមានភាពស្ងប់ស្ងាត់ឡើងវិញ។កងម៉ារីនប្រដាប់អាវុធរុស្ស៊ី បានវាយឆ្មក់នាវាដែលមានមូលដ្ឋាននៅទួរគី តាមរយៈឧទ្ធម្ភាគចក្រកាលពីថ្ងៃអាទិត្យចម្ងាយប្រហែល៦០គីឡូម៉ែត្រ (៣៧ម៉ាយល៍) ពីឆ្នេរសមុទ្រភាគពាយព្យនៃប្រទេសទួរគី ក្នុងដែនទឹកអន្តរជាតិ ប៉ុន្តែនៅជិតទីក្រុងអ៊ីស្តង់ប៊ុល ជាអ្វីដែលទីក្រុងម៉ូស្គូហៅថា អធិការកិច្ច មុនពេលខ្លួនធ្វើដំណើរទៅកាន់អ៊ុយក្រែន។ ប្រទេសទួរគី ដែលជាយោធាធំទីពីររបស់អង្គការណាតូ មិនបានធ្វើការអត្ថាធិប្បាយជាសាធារណៈអំពីឧប្បត្តិហេតុ ដែលបានកើតឡើងនៅភាគខាងត្បូងនៃប្រទេសសង្រ្គាម ដែលបានអូសបន្លាយរយៈពេលមួយឆ្នាំកន្លះនៅសមុទ្រខ្មៅខាងជើងនោះទេ។ក្រុមអ្នកវិភាគបាននិយាយថា នេះសាកល្បងការតាំងចិត្តរបស់ប្រធានាធិបតី ថាយីប អឺដូហ្គាន់ (Tayyip Erdogan) ក្នុងការរក្សាទំនាក់ទំនងល្អជាមួយប្រធានាធិបតីរុស្ស៊ី លោក វ្លាឌីមៀរ ពូទីន ដែលលោក អឺដូហ្គាន់ បានអញ្ជើញទៅកាន់ប្រទេសទួរគីក្នុងខែនេះ ដើម្បីពិភាក្សាអំពីការបន្តកិច្ចព្រមព្រៀង ដែលសម្របសម្រួលដោយអង្គការសហប្រជាជាតិ ក្នុងការការពារការនាំចេញគ្រាប់ធញ្ញជាតិពីអ៊ុយក្រែន។ចាប់តាំងពីរុស្ស៊ីបានចាកចេញពីកិច្ចព្រមព្រៀងសមុទ្រខ្មៅកាលពីខែមុនមក ទាំងរុស្ស៊ី និងអ៊ុយក្រែនបានចេញការព្រមាន និងការវាយប្រហារ លើនាវានៅឆ្នេរសមុទ្ររបស់ពួកគេ ដោយជំរុញឱ្យមានការព្រួយបារម្ភថាហានិភ័យនៃការដឹកជញ្ជូនពាណិជ្ជកម្មអាចកើនឡើងនៅទូទាំងសមុទ្រទាំងមូល៕

បេសកកម្មUN ជំរុញឲ្យប្រទេសលីបង់ និងអ៊ីស្រាអែល ចូលរួមកិច្ចចរចា ដើម្បីបញ្ចៀសឧប្បត្តិហេតុនៅព្រំដែន

2023/08/17 12:28:32 pm        201
Facebook Telegram Linkin
UN៖ មេបញ្ជាការកងកម្លាំងបណ្តោះអាសន្នរបស់អង្គការសហប្រជាជាតិនៅប្រទេសលីបង់ (UNIFIL) លោក អារ៉ូលដូ ឡាហ្សារ៉ូ សាអែន (Aroldo Lazaro Saenz) កាលពីថ្ងៃពុធ បានជំរុញឲ្យប្រទេសលីបង់ និងអ៊ីស្រាអែលចូលរួមកិច្ចពិភាក្សា ដើម្បីជៀសវាងឧប្បត្តិហេតុនៅតាមខ្សែបន្ទាត់ពណ៌ខៀវ (Blue Line)។សេចក្តីថ្លែងការណ៍របស់UNIFIL បានដកស្រង់សម្តីលោកឡាហ្សារ៉ូ សាអែន ដោយបាននិយាយក្នុងអំឡុងពេលកិច្ចប្រជុំត្រីភាគីជាមួយមន្រ្តីជាន់ខ្ពស់មកពីកងកម្លាំងប្រដាប់អាវុធលីបង់ (LAF) និងកងកម្លាំងការពារអ៊ីស្រាអែល (IDF) នៅទីតាំងរបស់UN ក្នុងទីក្រុងរ៉ាស អាល់ ណាកូរ៉ា ( Ras al-Naqoura) ភាគខាងត្បូងប្រទេសលីបងថា៖«ប្រធាន UNIFIL បានអំពាវនាវឲ្យមានការចូលរួមនៅក្នុងកិច្ចពិភាក្សាអំពីខ្សែបន្ទាត់ពណ៌ខៀវ (Blue Line) ដើម្បីដោះស្រាយបញ្ហាដែលនៅសេសសល់មួយចំនួន»។ នៅក្នុងកិច្ចប្រជុំនេះ លោក ឡាហ្សារ៉ូ សាអែន បានសម្តែងការព្រួយបារម្ភរបស់លោកចំពោះភាពតានតឹងដែលកំពុងកើនឡើងនៅតាមព្រំដែនលីបង់-អ៊ីស្រាអែល ហើយបានអំពាវនាវឲ្យភាគីពាក់ព័ន្ធស្វែងរកការគាំទ្រពីUNIFIL ដើម្បីដោះស្រាយជម្លោះ។សេចក្តីថ្លែងការណ៍នោះ បានឲ្យដឹងថា៖«ប្រធាន UNIFIL បានជំរុញឲ្យភាគីនានា បន្តប្រើប្រាស់យន្តការទំនាក់ទំនង និងការសម្របសម្រួលរបស់UNIFIL ខណៈពេលដែលជៀសវាងសកម្មភាពឯកតោភាគី»។ខ្សែបន្ទាត់ពណ៌ខៀវ ដែលត្រូវបានបង្កើតឡើងដោយអង្គការសហប្រជាជាតិក្នុងឆ្នាំ ២០០០ លាតសន្ធឹងចម្ងាយ ១២០ គីឡូម៉ែត្រ និងបម្រើដើម្បីផ្ទៀងផ្ទាត់ការដកកងកម្លាំងអ៊ីស្រាអែលចេញពីភាគខាងត្បូងប្រទេសលីបង់។ វាជាខ្សែកំណត់ព្រំដែនបណ្ដោះអាសន្នរហូតដល់ប្រទេសទាំងពីរ បានបង្កើតព្រំដែនដីរបស់ខ្លួនជាផ្លូវការ៕

ចំហេះព្រៃនៅកោះ ថេនណឺរីហ្វ របស់អេស្ប៉ាញ បានរាលដាលពាសពេញភាគខាងជើងកោះ

2023/08/17 12:25:54 pm        174
Facebook Telegram Linkin
អេស្ប៉ាញ៖ ចំហេះព្រៃដែលបានឆាបឆេះនៅក្នុងឧទ្យានជាតិភ្នំមួយនៅលើកោះ ថេនណឺរីហ្វ (Tenerife) របស់អេស្ប៉ាញកាលពីថ្ងៃពុធ បានរាលដាលដល់ផ្ទៃដីទំហំ១.៨០០ហិចតា ក្នុងរយៈពេល២៤ម៉ោង ខណៈដែលក្រុមពន្លត់អគ្គិភ័យបានព្យាយាមពន្លត់ចំហេះ ស្របពេលមានស្ថានភាពដីទួលដ៏លំបាក។បរិវេណនៃចំហេះបានពង្រីកដល់ទំហំ២២គីឡូម៉ែត្រ (១៤ ម៉ាយល៍) ឆ្លងកាត់ព្រៃស្ងួតគ្របដណ្តប់លើគែមទាំងពីរនៃជ្រលងភ្នំដ៏ចោតនៅជិតភ្នំភ្លើង Mount Teide( ថេដេ) ជាកំពូលខ្ពស់បំផុតរបស់ប្រទេសអេស្ប៉ាញ ដែលរារាំងការចូលទៅកាន់តំបន់នោះ។ក្រុមអាជ្ញាធរបានដាក់បញ្ជូនយន្តហោះចំនួន១៤គ្រឿង ព្រមទាំងអ្នកពន្លត់អគ្គិភ័យចំនួន២៥០នាក់ និងបុគ្គលិកយោធាទៅកាន់ទីតាំងចំហេះផងដែរ។ យន្តហោះទម្លាក់គ្រាប់បែកទឹកបានទៅដល់កាលពីរសៀលថ្ងៃពុធពីដីគោក ហើយយន្តហោះពីរផ្សេងទៀតត្រូវបានគេរំពឹងថានឹងទៅដល់នៅព្រឹកថ្ងៃព្រហស្បតិ៍នេះ។លោកស្រី Vicky Palma ទីប្រឹក្សាចំហេះព្រៃនៃក្រុមប្រឹក្សាកោះ Tenerife បានប្រាប់វិទ្យុ Canarias ថា ការធ្លាក់ចុះសីតុណ្ហភាពដែលរំពឹងទុកនៅពេលយប់ដល់ប្រហែល ២០អង្សាសេ (៦៨ហ្វារិនហៃ) ទំនងជានឹងបង្កើនកម្លាំងខ្យល់នៅក្នុងតំបន់ ដែលជាកត្តាជំរុញដល់ចំហេះនេះផងដែរ៕

អាជ្ញាធរខណ្ឌទួលគោក បន្តយកចិត្តទុកដាក់កែលម្អហេដ្ឋារចនាសម្ព័ន្ធក្នុងមូលដ្ឋាន

2023/08/17 12:24:33 pm        261
Facebook Telegram Linkin
ភ្នំពេញ៖ រដ្ឋបាលខណ្ឌទួលគោក បានបន្តការយកចិត្តទុកដាក់ក្នុងការជួសជុល និងកែលម្អដងផ្លូវសាធារណៈ ឱ្យប្រែក្លាយមកជាផ្លូវកៅស៊ូស្អាតល្អ ដើម្បីបម្រើដល់ការធ្វើដំណើរទៅមកជាប្រចាំរបស់ពលរដ្ឋទាំងក្នុង និងក្រៅតំបន់ ។ លោកជា ពិសី អភិបាលខណ្ឌទួលគោក បានប្រាប់BTVឱ្យដឹងថា ហេដ្ឋារចនាផ្លូវថ្នល់ជាច្រើន នៅក្នុងមូលដ្ឋាន ត្រូវបានរដ្ឋបាលខណ្ឌ បន្តសកម្មភាពជួសជុល និងស្ថាបនាជាបន្តបន្ទាប់ ដោយមិន បណ្តែតបណ្តោយឱ្យផ្លូវមានសភាពចាស់ទ្រុឌទ្រោមយូរនោះឡើយ។លោកបានបញ្ជាក់ថា ​សកម្មភាពទាំងនេះ ​គឺជាកាតព្វកិច្ច ដែលអាជ្ញាធរ ​ត្រូវបំពេញជូនពលរដ្ឋ ហើយក៏ជាការ​តបស្នង​ទៅនឹងសន្លឹកឆ្នោតរបស់ប្រជាពលរដ្ឋ ដែលបានបោះគាំទ្រ​គណបក្ស​ប្រជាជនកម្ពុជា ឱ្យបន្តដឹកនាំប្រទេសទៅមុខទៀត ​ដើម្បីការអភិវឌ្ឍរីកចម្រើនបន្ថែម ។ពលរដ្ឋរស់នៅក្នុងមូលដ្ឋាន​ខណ្ឌទួលគោក បានសម្តែងនូវក្តីរីករាយចំពោះរាជរដ្ឋាភិបាល​ តាមរយៈ អាជ្ញាធរមូលដ្ឋាន ​បានបន្ត ​និងនាំយកមកនូវការអភិវឌ្ឍឥតឈប់ឈរជាបន្តបន្ទាប់ សម្រាប់ពលរដ្ឋ និងសង្គមជាតិ ។នៅក្នុងមូលដ្ឋានរាជធានីភ្នំពេញ ក្នុងរយៈពេលប៉ុន្មានឆ្នាំចុងក្រោយនេះ ​មានការអភិវឌ្ឍរីកចម្រើន ជាខ្លាំង ​ជាពិសេសតំបន់ជាយក្រុង​ ដែលបានជួយលើកកម្ពស់ជីវភាពប្រជាពលរដ្ឋ ទៅតាមបរិបទនៃការ អភិវឌ្ឍនោះដែរ ៕អត្ថបទ ៖ លីហេង 

បណ្ដាប្រទេស BRICS នឹងជួបប្រជុំគ្នានៅអាហ្រ្វិកខាងត្បូង ដើម្បីកាត់បន្ថយឥទ្ធិពលរបស់លោកខាងលិច

2023/08/17 12:23:27 pm        195
Facebook Telegram Linkin
អាហ្រ្វិកខាងត្បូង៖ មេដឹកនាំ BRICS ជួបប្រជុំគ្នានៅអាហ្រ្វិកខាងត្បូងនៅសប្តាហ៍ក្រោយ ដើម្បីពិភាក្សាអំពីមធ្យោបាយបង្វែរក្រុមប្រទេសវប្បធម៌ចម្រុះ ដែលមានចំនួនមួយភាគបួននៃសេដ្ឋកិច្ចពិភពលោក ទៅជាកម្លាំងភូមិសាស្ត្រនយោបាយដែលអាចប្រឈមមុខនឹងការឥទ្ធិពលគ្រប់ដណ្តប់របស់ប្រទេសលោកខាងលិចក្នុងកិច្ចការពិភពលោក។ប្រធានាធិបតីរុស្ស៊ី លោក វ្ល៉ាឌីមៀ ពូទីន ដែលប្រឈមមុខនឹងដីកាចាប់ខ្លួនអន្តរជាតិជុំវិញឧក្រិដ្ឋកម្មសង្រ្គាមក្នុងប្រទេសអ៊ុយក្រែន នឹងមិនចូលរួមជាមួយបណ្ដាមេដឹកនាំមកពីប្រទេសប្រេស៊ីល ឥណ្ឌា ចិន និងអាហ្វ្រិកខាងត្បូងនោះទេ ស្របពេលមានការខ្វែងគំនិតគ្នា អំពីថាតើត្រូវពង្រីកប្លុកដើម្បីរួមបញ្ចូលប្រទេសសកលខាងត្បូង រាប់សិបប្រទេសដែលកំពុងតម្រង់ជួរចូលរួម ឬយ៉ាងណា។ដោយរីកសាយភាយពាសពេញពិភពលោក ហើយជាមួយនឹងសេដ្ឋកិច្ចដែលដំណើរការតាមរបៀបផ្សេងៗគ្នាដ៏ទូលំទូលាយ កត្តាសំខាន់នៃការបង្រួបបង្រួមក្រុមប្រទេស BRICS គឺការមន្ទិលសង្ស័យពីសណ្តាប់ធ្នាប់ពិភពលោក ដែលពួកគេមើលឃើញថាបម្រើផលប្រយោជន៍របស់សហរដ្ឋអាមេរិក និងបណ្ដាសម្ព័ន្ធមិត្តប្រទេសអ្នកមាន ដែលជាអ្នកលើកកម្ពស់បទដ្ឋានអន្តរជាតិដែលពួកគេអនុវត្ត ប៉ុន្តែពួកគេតែងតែមិនគោរពសណ្តាប់ធ្នាប់នោះ។ព័ត៌មានលម្អិតមួយចំនួនបានលេចចេញអំពីប្រធានបទដែលពួកគេគ្រោងនឹងពិភាក្សា ប៉ុន្តែការពង្រីកខ្លួនរបស់ប្លុកនេះ ត្រូវបានគេរំពឹងថានឹងមានកម្រិតខ្ពស់នៅក្នុងរបៀបវារៈ ខណៈដែលប្រទេសចំនួន៤០ បានបង្ហាញចំណាប់អារម្មណ៍ក្នុងការចូលរួម ទាំងផ្លូវការ ឬក្រៅផ្លូវការ នេះបើយោងតាមអាហ្រ្វិកខាងត្បូង។ ប្រទេសទាំងនោះរួមមាន អារ៉ាប៊ីសាអូឌីត អាហ្សង់ទីន និងអេហ្ស៊ីបផងដែរ៕

សហរដ្ឋអាមេរិក៖ មិនមានការគំរាមកំហែងច្បាស់លាស់ណាមួយចំពោះសម្ព័ន្ធមិត្តណាតូពីកងកម្លាំងWagner ទេ

2023/08/17 12:20:21 pm        256
Facebook Telegram Linkin
អាមេរិក៖ អ្នកនាំពាក្យសន្តិសុខជាតិសហរដ្ឋអាមេរិក លោក John Kirby បាននិយាយកាលពីថ្ងៃពុធ (១៦ សីហា) ថា យោងតាមសហរដ្ឋអាមេរិក គេមិនច្បាស់ទេថា តើកងកម្លាំងទាហានស៊ីឈ្នួល Wagner បង្កការគំរាមកំហែងទឹកដីមួយណានៅក្នុងទ្វីបអឺរ៉ុប។នៅពេលសាកសួរអំពីចលនានៃកងកម្លាំងរបស់ក្រុមទាហានស៊ីឈ្នួល Wagner លោក Kirby បាននិយាយថា កងអនុសេនាធំមួយចំនួននៅតែដាក់ពង្រាយនៅក្នុងទ្វីបអាហ្រ្វិក ហើយខ្លះបានបញ្ជូនទៅកាន់ប្រទេសបេឡារុស្ស និងខ្លះទៀតអាចស្ថិតនៅក្នុង ឬនៅជិតប្រទេសអ៊ុយក្រែន។ លោកឧត្តមនាវីឯក Kirby បាននិយាយថា រដ្ឋាភិបាលសហរដ្ឋអាមេរិកកំពុងយកចិត្តទុកដាក់ចំពោះសកម្មភាពបង្កហេតុ និងវោហាសាស្ត្រដែលគួរឱ្យស្អប់ខ្ពើម ចេញពីរដ្ឋធានី Minsk របស់បេឡារុស្ស។កាលពីថ្ងៃពុធ រដ្ឋាភិបាលលីទុយអានី បានសម្រេចបិទច្រកព្រំដែនចំនួនពីរក្នុងចំណោមច្រកព្រំដែនចំនួនប្រាំមួយរបស់ប្រទេសនេះជាមួយប្រទេសបេឡារុស្ស ដោយសារស្ថានភាពភូមិសាស្ត្រនយោបាយ ប៉ុន្មានសប្តាហ៍បន្ទាប់ពីក្រុមទាហានស៊ីឈ្នួល Wagner Group របស់រុស្ស៊ីបានជ្រកកោននៅក្នុងប្រទេសនេះ។រដ្ឋាភិបាលលីទុយអានី មិនបានពន្យល់ពីកាលៈទេសៈ និងការគំរាមកំហែងនៅក្នុងហេតុផលរបស់ខ្លួន សម្រាប់ការបិទព្រំដែនចាប់ពីថ្ងៃសុក្រ នៅចំណុចឆ្លងកាត់ជនបទទាំងពីរ ដែលមិនត្រូវបានប្រើប្រាស់ដោយរថយន្តពាណិជ្ជកម្មនោះទេ៕

បណ្ដាញសង្គម

ព័ត៌មានថ្មីៗ

ក្រសួងការពារជាតិ បន្តថ្កោលទោសអំពើឈ្លានពានរបស់ថៃ ខណៈនៅម៉ោង០៥:០២នាទីព្រឹកនេះបានបើកការវាយប្រហារដោយកាំភ្លើងធំចំនួន៥គ្រាប់មកលើ ភូមិឯកភាព ឃុំថ្មដា ស្រុកវាលវែង
07/26/2025 07:07 AM
Facebook Telegram Linkin
ជនភៀសសឹកក្នុងខេត្តឧត្តរមានជ័យចំនួនជាង ៣ពាន់គ្រួសារទទួលអំណោយពីសប្បុរសជន
07/26/2025 07:07 AM
Facebook Telegram Linkin
បងប្អូនប្រជាពលរដ្ឋចំនួន៦​ ១៩៨នាក់ត្រូវបា​នជម្លៀសពីតំបន់សមរភូមិមកស្នាក់នៅក្នុងភូមិសាស្ត្រខេត្តសៀមរាប
07/26/2025 07:07 AM
Facebook Telegram Linkin
ប្រមុខការពារជាតិកម្ពុជា ​អំពាវនាវពលរដ្ឋក្នុងខេត្តកោះកុង, ពោធិ៍សាត់, បាត់ដំបង, ប៉ៃលិន និង​បន្ទាយមានជ័យ រក្សាភាពស្ងៀមស្ងាត់ និងស្តាប់ការណែនាំរបស់អាជ្ញាធរ
07/26/2025 01:07 AM
Facebook Telegram Linkin
អភិបាលខេត្តព្រះវិហារ៖ មកដល់ពេលនេះខេត្តបានជម្លៀសពលរដ្ឋចេញមកទីសុវត្ថិភាពចំនួន ១១,៥៥៨គ្រួសារ ស្មើនឹង ២៧,០៥៣នាក់
07/26/2025 12:07 AM
Facebook Telegram Linkin
ឯកឧត្តមរដ្ឋមន្ត្រី ឌិត ទីណា អញ្ជើញបន្តសួរសុខទុក្ខ និងនាំយកស្បៀង​ជូន​ប្រជាពលរដ្ឋ​ភៀស​ខ្លួន​ពី​តំបន់សឹក
07/25/2025 10:07 PM
Facebook Telegram Linkin
សម្ដេចធិបតី នាយករដ្ឋមន្រ្ដី ថ្លែង​អំណរគុណជនរួមជាតិបានមកបរិច្ចាគឈាមយ៉ាងច្រើន ដែលបង្ហាញយ៉ាងច្បាស់អំពីទឹកចិត្តមនុស្សធម៌ និងគាំទ្រ​ដល់តម្រូវការ​ដែលអាច​នឹង​មាន​សម្រាប់​វីរកងទ័ពជួរមុខ
07/25/2025 10:07 PM
Facebook Telegram Linkin
លោកជំទាវបណ្ឌិត ពេជ ចន្ទមុន្នី ថ្លែងអំណរគុណជនរួមជាតិ ដែលបាន​បរិច្ចាគ​ឈាម​គាំទ្រ​ដល់​តម្រូវ​ការ​ដែលអាចនឹងមាន សម្រាប់វីរកងទ័ព​ក៏ដូចជាប្រជាជនដែលជាជនភៀសសឹក
07/25/2025 10:07 PM
Facebook Telegram Linkin
ព្រៃកោងកាងអាម៉ាហ្សូនប្រេស៊ីល ក្លាយជាអាវុធប្រឆាំងបម្រែបម្រួលអាកាសធាតុ និងជាបរិក្ខារសេដ្ឋកិច្ចសម្រាប់មនុស្សរាប់ម៉ឺនគ្រួសារ
07/25/2025 09:07 PM
Facebook Telegram Linkin
លោក Netanyahu៖ អ៊ីស្រាអែលកំពុងពិចារណាមធ្យោបាយ «ផ្សេង» ដើម្បីសម្រេចបាននូវគោលដៅ នៅហ្កាហ្សា
07/25/2025 09:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.