BTV NEWS

សម្ដេចធិបតី ហ៊ុន ម៉ាណែត អញ្ជើញប្រគល់សញ្ញាបត្រដល់ជ័យលាភីបញ្ចប់ការសិក្សានៅបណ្ឌិត្យសភានគរបាលជាតិ

សម្តេចតេជោ ហ៊ុន សែន ណែនាំសមាជិកក្រុមប្រឹក្សាមានភាពជិតស្និទ្ធជាមួយអង្គបោះឆ្នោត និងបម្រើពលរដ្ឋឲ្យបានល្អ

នាយឧត្តមសេនីយ៍ផុតលេខផ្កាយមាស៥ ហ៊ុន សែន ប្រកាសទទួលយកសំណើជាអគ្គភស្តុភាជាន់ខ្ពស់ សម្រាប់កម្លាំងប្រដាប់អាវុធ

សម្តេចតេជោ ហ៊ុន សែន ប្រាប់ដល់កងទ័ពទាំងឡាយថា កុំខ្លាចចំពោះការវាយប្រហារនឹងសត្រូវដែលឈ្លានពានយើងឲ្យសោះ

នយោបាយ និង ការអភិវឌ្ឍន៍

រដ្ឋប្រហារនីហ្សេ៖ បេសកជនអាមេរិកបានបើកកិច្ចពិភាក្សាដ៏ពិបាកជាមួយរបបសឹក

អាមេរិក៖មន្ត្រីជាន់ខ្ពស់អាមេរិកម្នាក់បានជួបពិភាក្សាទល់មុខគ្នាជាមួយបណ្ដាមេដឹកនាំយោធារបស់នីហ្សេ បន្ទាប់ពីរដ្ឋប្រហារកាលពីខែមុន។ អនុរដ្ឋមន្ត្រីស្តីទី លោកស្រី Victoria Nuland បាននិយាយថា ការសន្ទនានេះគឺមានភាពស្មោះត្រង់បំផុត ហើយក៏ពិបាកណាស់ដែរ។រដ្ឋធានីវ៉ាស៊ីនតោនបាននិយាយថា រដ្ឋប្រហារនៅតែអាចបញ្ចប់ដោយការចរចារការទូត ហើយប្រធានាធិបតីនីហ្សេ លោក Mohamed Bazoum តម្រូវឲ្យចូលកាន់តំណែងវិញ ប៉ុន្តែបានផ្អាកការទូទាត់ជំនួយជាបណ្ដោះអាសន្ន។ បណ្ដាប្រទេសនៅអាហ្វ្រិកខាងលិច គ្រោងនឹងជួបប្រជុំគ្នានៅថ្ងៃព្រហស្បតិ៍ខាងមុខនេះ ដើម្បីពិភាក្សាអំពីវិបត្តិនីហ្សេនេះ។ បណ្ដាមេដឹកនាំរដ្ឋប្រហារបានឆ្លើយតបទៅនឹងការគំរាមកំហែងនៃសកម្មភាពយោធាពីប្លុកតំបន់ ដោយបិទដែនអាកាសរបស់នីហ្សេ។ដោយថ្លែងទៅកាន់អ្នកសារព័ត៌មានពីរដ្ឋធានី នីញ៉ាមេ លោកស្រី Nuland បាននិយាយថា នៅក្នុងកិច្ចពិភាក្សាដែលមានរយៈពេលជាងពីរម៉ោង សហរដ្ឋអាមេរិកបានផ្តល់ជំនួយរបស់ខ្លួនទៅនីហ្សេ ប្រសិនបើត្រូវមានមនុស្សទទួលខុសត្រូវចំពោះរឿងនេះ ដើម្បីត្រឡប់ទៅរកបទបញ្ជារដ្ឋធម្មនុញ្ញវិញ។កាលពីថ្ងៃចន្ទ អស្ថិរភាពដែលកំពុងកើនឡើងនៅក្នុងតំបន់នេះ បានបង្ខំអតីតម្ចាស់អាណានិគមបារាំង ដែលជាមហាអំណាច ព្រមានពលរដ្ឋរបស់ខ្លួនប្រឆាំងនឹងការធ្វើដំណើរទៅកាន់តំបន់អាហ្វ្រិក Sahel ហើយសម្រាប់អ្នកដែលរស់នៅទីនោះត្រូវមានការប្រុងប្រយ័ត្ន ដោយសារតែប្រជាជនក្នុងតំបន់មានទំនោរប្រឆាំងនឹងបារាំង៕

ប្រធានាធិបតីនីហ្សេរីយ៉ា ប្រឈមមុខនឹងការរិះគន់ ជុំវិញអន្តរាគមន៍យោធានៅនីហ្សេ

នីហ្សេរីយ៉ា៖ ប្រធានាធិបតីនីហ្សេរីយ៉ា លោក Bola Tinubu កំពុងប្រឈមមុខនឹងការរិះគន់យ៉ាងខ្លាំងនៅក្នុងប្រទេសខ្លួន ជុំវិញការគំរាមកំហែងរបស់លោកក្នុងការប្រើប្រាស់កម្លាំងយោធា ដើម្បីផ្លាស់ប្តូររដ្ឋប្រហារនៅក្នុងប្រទេសជិតខាង នីហ្សេ។ ប្រព័ន្ធផ្សព្វផ្សាយក្នុងស្រុករាយការណ៍ថា មានការប្រឆាំងយ៉ាងខ្លាំងចំពោះអន្តរាគមន៍យោធានៅក្នុងសម័យប្រជុំនៃសភាជាន់ខ្ពស់គឺព្រឹទ្ធសភាកាលពីថ្ងៃសៅរ៍ បើទោះបីជាសភាជាន់ខ្ពស់នោះ ត្រូវបានគ្រប់គ្រងដោយគណបក្សរបស់លោក Tinubu ក៏ដោយ។នេះជាករណីពិសេសក្នុងចំណោមសមាជិកសភាតំណាងឱ្យរដ្ឋនៅតាមបណ្តោយព្រំដែនប្រវែងជាង១.៥០០គីឡូម៉ែត្រ (៩៣០ ម៉ាយល៍) ជាមួយប្រទេសនីហ្សេ ប៉ុន្តែក៏មានការថ្កោលទោសទូទាំងប្រទេសអំពីលទ្ធភាពនៃសង្គ្រាមផងដែរ។ប្លុកតំបន់អាហ្រ្វិកខាងលិច Ecowas បានកំណត់កាលបរិច្ឆេទឳសានវាទនៅថ្ងៃអាទិត្យ សម្រាប់របបសឹកដើម្បីបោះបង់អំណាច បើមិនដូចច្នោះទេពួកគេប្រឈមមុខនឹងសកម្មភាពយោធាដែលអាចកើតមាន។ ការសម្រេចនេះត្រូវបានគេមើលឃើញថា ជាការសម្រេចរបស់លោក Tinubu ខណៈដែលលោកគឺជាប្រធានបច្ចុប្បន្នរបស់ប្លុក Ecowas ហើយប្រទេសនីហ្សេរីយ៉ាគឺជាសមាជិកដ៏មានឥទ្ធិពលបំផុតរបស់ប្លុកនេះផងដែរ។ទោះបីជារបបសឹកបានប្រឆាំងនឹងឱសានវាទក៏ដោយ ក៏ប្លុក Ecowas មិនបានឆ្លើយតបដោយការបញ្ជូនកងទ័ពភ្លាមៗទេ។ នេះជាការធូរស្រាលដល់ជនជាតិនីហ្សេរីយ៉ាជាច្រើន ដែលគាំទ្រដំណោះស្រាយការទូតចំពោះវិបត្តិនេះ៕

អគ្គលេខាធិការបក្សឡាវសាទរយ៉ាងកក់ក្តៅ ចំពោះជ័យជម្នះភ្លូកទឹកភ្លូកដី របស់គណបក្សប្រជាជនកម្ពុជា

ភ្នំពេញ៖ ព្រឹកថ្ងៃទី៨សីហានេះ ជំនួបតាមប្រព័ន្ធវីដេអូ រវាងសម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា ជាមួយឯកឧត្តម ថងលុន ស៊ីសុលីត អគ្គលេខាធិការ នៃគណៈកម្មាធិការមជ្ឈិមបក្សប្រជាជនបដិវត្តន៍ឡាវ ឯកឧត្តមអគ្គលេខាធិការ និងជាប្រធានរដ្ឋឡាវ បានថ្លែងនូវការអបអរសាទរដែលគណបក្សប្រជាជនកម្ពុជា សម្រេចបានលទ្ធផលដ៏ត្រចះត្រចង់ក្នុងការបោះឆ្នោតជ្រើសតាំងតំណាង រាស្ត្រ នីតិកាលទី៧ នៃរដ្ឋសភា។ នៅក្នុងជំនួបនេះ ឯកឧត្តមអគ្គលេខាធិការបក្ស ថងលុន ស៊ីសុលី បានថ្លែងអំណរសាទរយ៉ាងកក់ក្តៅចំពោះជ័យជម្នះភ្លូកទឹកភ្លូកដីរបស់គណបក្សប្រជាជនកម្ពុជា ក្នុងការបោះឆ្នោតជ្រើសតាំងតំណាង រាស្ត្រ នីតិកាលទី៧ នៃរដ្ឋសភា និងបានស្ងើចសរសើរអំពីតួនាទីស្នូលរបស់គណបក្សប្រជាជនកម្ពុជា ក្រោមការដឹកនាំរបស់សម្តេចតេជោ ហ៊ុន សែន ជាមគ្គុទេសដ៏ឆ្នើម និងប្រកបដោយចក្ខុវិស័យ ដែល ទទួលបាននូវការគាំទ្រដ៏ខ្លាំងក្លាពីប្រជាជនកម្ពុជាទាំងមូល។ ទន្ទឹមនេះ ឯកឧត្តមអគ្គលេខាធិការ ក៏បានអបអរសាទរដោយស្មោះក្នុងឱកាសដែល ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា បានចាត់តាំងឯកឧត្តមបណ្ឌិត ហ៊ុន ម៉ាណែត ជានាយករដ្ឋមន្តី នៃព្រះរាជាណាចក្រកម្ពុជា កាលពីថ្ងៃទី០៧ ខែសីហា ឆ្នាំ២០២៣ ហើយព្រឹត្តិការណ៍ជាប្រវត្តិសាស្ត្រ ដ៏សំខាន់នេះ បានទទួលនូវការគាំទ្រយ៉ាងពេញទំហឹងពីប្រជាជនកម្ពុជា។ ឯកឧត្តមអគ្គលេខាធិការ បានសម្តែងនូវជំនឿជឿជាក់យ៉ាងមុតមាំ និងគាំទ្រយ៉ាងពេញទំហឹងចំពោះរាជរដ្ឋាភិ បាលអាណត្តិទី៧ ក្នុងការបន្តកសាង និងអភិវឌ្ឍន៍ប្រទេសកម្ពុជា ឲ្យបានកាន់តែរីកចម្រើនថែមទៀត ព្រមទាំងបានប្តេជ្ញានឹងបន្តពង្រឹង ទំនាក់ទំនងដ៏ល្អប្រសើររវាងគណបក្ស រដ្ឋាភិបាល និងប្រជាជននៃប្រទេសទាំងពីរ។សម្តេចតេជោ ប្រធានគណបក្ស បានថ្លែងអរគុណយ៉ាងស្មោះសរចំពោះ ឯកឧត្តម ថងលុន ស៊ីសុលីត ដែលបានអបអរសាទរ និងគាំទ្រយ៉ាងពេញទំហឹង ចំពោះគណបក្ស ប្រជាជនកម្ពុជា និងរាជរដ្ឋាភិបាលថ្មី ដែលនឹងដឹកនាំដោយឯកឧត្តមបណ្ឌិត ហ៊ុន ម៉ាណែត ដែលឆ្លុះបញ្ចាំងនូវភាតរភាព និងសាមគ្គីភាពដ៏រឹងមាំ និងភាពដៃគូយុទ្ធសាស្ត្រគ្រប់ជ្រុងជ្រោយ និងយូរអង្វែងរវាងប្រទេសទាំងពីរ។សម្ដេចតេជោ បានវាយតម្លៃខ្ពស់ចំពោះសមិទ្ធផលគួរអោយកត់សម្គាល់ ដែលប្រជាជនឡាវ សម្រេចបានជាបន្តបន្ទាប់ក្រោមការដឹកនាំរបស់គណបក្សប្រជាជនបដិវត្តន៍ឡាវ ដែលមាន ឯកឧត្តម ថងលុន ស៊ីសុលី ជាអគ្គលេខាធិការ ដែលនាំមកនូវការរីកចម្រើនជាបន្តបន្ទាប់ក្នុងការអភិវឌ្ឍសេដ្ឋកិច្ច-សង្គមព្រមទាំងបានលើកកម្ពស់កិត្យានុភាព និងតួនាទីកាន់តែមានសារៈសំខាន់របស់ឡាវទាំងក្នុងវេទិកាតំបន់និងអន្តរជាតិ។ថ្នាក់ដឹកនាំគណបក្សទាំងពីរបានអបអរសាទរទិវាអាស៊ាន ៨ សីហា ក្នុងឱកាសដែលប្រទេសសមាជិក អាស៊ានទាំងអស់កំពុងប្រារព្ធខួបអនុស្សាវរីយ៍លើកទី៥៦ នៃការបង្កើតសមាគមប្រជាជាតិអាស៊ីអាគ្នេយ៍។ ឆ្លៀតក្នុងឱកាសនេះដែរ សម្ដេចតេជោ ក៏បានបញ្ជាក់នូវការគាំទ្រយ៉ាងពេញលេញរបស់កម្ពុជាចំពោះឡាវ ជាប្រធានអាស៊ានឆ្នាំ២០២៤។ ថ្នាក់ដឹកនាំទាំងពីរបានវាយតម្លៃខ្ពស់ចំពោះកិច្ចសហប្រតិបត្តិការប្រកបដោយផ្លែផ្ការវាងគណបក្ស និងរដ្ឋាភិបាលនៃប្រទេសទាំងពីរ ទោះបីស្ថិតក្នុងស្ថានការណ៍វិត្តន៍យ៉ាងឆាប់រហ័ស និងមិនប្រាកដប្រជា របស់ពិភពលោក និងការប្រកួតប្រជែងភូមិសាស្ត្រនយោបាយរបស់ប្រទេសមហាអំណាចដែលកាន់តែស្រួចស្រាល់ និងស្មុគស្មាញក៏ដោយ ក៏គណបក្ស និងរដ្ឋាភិបាលទាំងពីររក្សាបាននូវទំនាក់ទំនងជិតស្និទ្ធ តាមរយៈការផ្លាស់ប្តូរទស្សនកិច្ច ការផ្លាស់ប្តូរយោបល់តាមប្រព័ន្ធវីដេអូ និងទូរសព្ទ ទាំងថ្នាក់កំពូល និងថ្នាក់មូលដ្ឋាន។ថ្នាក់ដឹកនាំទាំងពីរបានគូសបញ្ជាក់ពីសារៈសំខាន់នៃការបន្តពង្រឹងចំណងមិត្តភាពដ៏ជិតស្និទ្ធ និង សាមគ្គីភាពដ៏រឹងមាំ ការជួយគាំទ្រគ្នាទៅវិញ ទៅមក និងកិច្ចសហប្រតិបត្តិការលើគ្រប់វិស័យរវាងគណបក្ស រដ្ឋាភិបាល និងប្រជាជននៃប្រទេសទាំងពីរ ជាពិសេសផ្តោតការយកចិត្តទុកដាក់លើការបណ្តុះបណ្តាល យុវជនបន្តវេន ដើម្បីរក្សា និងបន្តពូនជ្រុំទំនាក់ទំនងដ៏ល្អប្រសើរ និងយូរអង្វែងនៃប្រជាជាតិទាំងពីរ។ថ្នាក់ដឹកនាំគណបក្សទាំងពីរក៏បានឯកភាពបន្តពង្រឹងកិច្ចសហប្រតិបត្តិការក្នុងក្របខណ្ឌពហុភាគី · រួមមានអង្គការសហប្រជាជាតិ (អ.ស.ប )និងអាស៊ាន ព្រមទាំងបន្តលើកកម្ពស់កិច្ចសហការជិតស្និទ្ធនៅក្នុងក្របខណ្ឌអនុតំបន់ ជាពិសេសក្របខណ្ឌបីប្រទេស កម្ពុជា-ឡាវ-វៀតណាម និងកិច្ចសហប្រតិបត្តិការអនុតំបន់មេគង្គ ដែលនឹង រួមចំណែកដល់ការពង្រឹងសន្តិភាព ស្ថិរភាព និងវិបុលភាពក្នុងតំបន់ និងពិភពលោក។នៅចុងបញ្ចប់ សម្តេចតេជោ ប្រធានគណបក្សប្រជាជនកម្ពុជា បានអញ្ជើញឯកឧត្តម ថងលុន ស៊ីសុលីត អគ្គលេខាធិការគណបក្សប្រជាជនបដិវត្តន៍ឡាវ និងថ្នាក់ដឹកនាំឡាវដទៃទៀតមកបំពេញ ទស្សនកិច្ចនៅកម្ពុជា។ ទន្ទឹមនេះ ឯកឧត្តមអគ្គលេខាធិការ ក៏បានអញ្ជើញសម្តេចតេជោ និងបណ្តាថ្នាក់ ដឹកនាំកម្ពុជាទៅបំពេញទស្សនកិច្ចនៅប្រទេសឡាវ តាមពេលវេលាសមស្របផងដែរ៕

អ្នកជំនាញ៖ ផែនការបញ្ចេញសំណល់ទឹក ហ្វ៊ូគូស៊ីម៉ា របស់ជប៉ុន គឺជាវិធានការកខ្វក់ និងខ្វះភស្តុតាងសុវត្ថិភាព

ជប៉ុន៖ ផែនការរបស់រដ្ឋាភិបាលជប៉ុនក្នុងការបញ្ចេញទឹកសំណល់ បំពុលដោយនុយក្លេអ៊ែរពីរោងចក្រថាមពលនុយក្លេអ៊ែរ ហ្វ៊ូគូស៊ីម៉ា ដែលបានខូចខាត ចូលទៅក្នុងមហាសមុទ្រប៉ាស៊ីហ្វិក នៅតែបន្តបង្កឱ្យមានកង្វល់អំពីសិទ្ធិមនុស្ស និងបរិស្ថានទូទាំងពិភពលោក។ ប្រធានក្រុមគ្រូពេទ្យអន្តរជាតិសម្រាប់ការទប់ស្កាត់សង្គ្រាមនុយក្លេអ៊ែរ (IPPNW) បាននិយាយថា គម្រោងការនោះគឺជាវិធីសាស្រ្តកខ្វក់ ហើយខ្វះភស្តុតាងអំពីសុវត្ថិភាពរបស់វា។នៅក្នុងបទសម្ភាសន៍ជាមួយបណ្តាញទូរទស្សន៍ចិនសកល (CGTN) លោកបណ្ឌិត Tilman Ruff សហប្រធាននៃក្រុមគ្រូពេទ្យអន្តរជាតិ IPPNW បានបំភ្លឺលើបញ្ហានៃផែនការបញ្ចេញទឹកកខ្វក់នុយក្លេអ៊ែរ របស់ប្រទេសជប៉ុន ដោយលោកបានរិះគន់ថា មិនបានផ្តល់អាទិភាពខ្ពស់លើការការពារសុខភាពមនុស្ស និងបរិស្ថាន។លោក Ruff បានចង្អុលបង្ហាញថា ផែនការបង្ហូរទឹកនេះអាចនាំមកនូវឥទ្ធិពលអវិជ្ជមានយ៉ាងច្រើនទៅលើប្រជាជនមួយចំនួនធំ ដែលរស់នៅតាមឆ្នេរសមុទ្រ និងធ្វើការចិញ្ចឹមជីវិតក្នុងឧស្សាហកម្មនេសាទ ដោយសារតែការបញ្ចេញទឹកដែលមានមេរោគនុយក្លេអ៊ែរនេះ នឹងបង្ខំឱ្យប្រទេសនានាដាក់ចេញនូវតម្រូវការតឹងរ៉ឹងបន្ថែមទៀតលើការនាំចូលអាហារសមុទ្រ។អ្នកជំនាញរូបនោះបានបញ្ជាក់បន្ថែមទៀតថា សហគមន៍អន្តរជាតិគួរតែប្រើប្រាស់បណ្តាញការទូតដើម្បីបង្ហាញពីការព្រួយបារម្ភអំពីបញ្ហានេះ និងគាំទ្រដល់បណ្ដាប្រទេសកោះប៉ាស៊ីហ្វិកនានាក្នុងការសន្ទនារបស់ពួកគេ ជាមួយប្រទេសជប៉ុនក្នុងកម្រិតទ្វេភាគី និងពហុភាគី ក្នុងកិច្ចខិតខំប្រឹងប្រែងដើម្បីជំរុញឱ្យប្រទេសជប៉ុនមានការទទួលខុសត្រូវបន្ថែមទៀតលើបញ្ហានេះ៕

ប្រតិកម្មអន្តរជាតិកើនឡើងកាន់តែខ្លាំង បន្ទាប់ពីនាវាចិនបាញ់កាណុងបាញ់ទឹកលើនាវាហ្វីលីពីន នៅសមុទ្រចិនខាងត្បូង

ចិន៖ ប្រទេសចិនកំពុងប្រឈមមុខនឹងប្រតិកម្មជាអន្តរជាតិកាន់តែខ្លាំងឡើង បន្ទាប់ពីនាវាឆ្មាំល្បាតឆ្នេរមួយរបស់ខ្លួន បានប្រើកាណុងបាញ់ទឹកប្រឆាំងនឹងនាវាហ្វីលីពីននៅសមុទ្រចិនខាងត្បូងកាលពីថ្ងៃសៅរ៍ ដោយក្រុមអ្នកវិភាគឧបទ្ទវហេតុជាច្រើននិយាយថា ស្ថានភាពកាន់តែតានតឹង ហើយអាចឃើញសហរដ្ឋអាមេរិក និងសម្ព័ន្ធមិត្តបង្កើនល្បឿនផែនការសម្រាប់សមយុទ្ធល្បាតរួមគ្នានៅក្នុងផ្លូវទឹក។វីដេអូពីហ្វីលីពីនបានបង្ហាញពីនាវាឆ្មាំល្បាតឆ្នេរចិនដ៏ធំមួយគ្រឿង បានបាញ់កាណុងទឹកលើនាវាហ្វីលីពីន ដ៏តូចមួយគ្រឿង ដែលកំពុងព្យាយាមបញ្ជូនការផ្គត់ផ្គង់ដល់យោធភូមិភាគហ្វីលីពីន នៅលើច្រកសមុទ្រទី២ ឈ្មោះថា Thomas Shoal ជាតំបន់សមុទ្រចិនខាងត្បូងនៅក្នុងតំបន់សេដ្ឋកិច្ចផ្តាច់មុខរបស់ទីក្រុងម៉ានីល ដែលប្រទេសចិនហៅថាតំបន់នោះថាច្រកសមុទ្រ Renai Reef ហើយថែមទាំងទាមទារតំបន់នោះជាទឹកដីអធិបតេយ្យភាពរបស់ខ្លួនទៀតផង។គិតត្រឹមថ្ងៃអាទិត្យ សម្ព័ន្ធមិត្តសំខាន់របស់ទីក្រុងម៉ានីល គឺទីក្រុងវ៉ាស៊ីនតោន បានថ្កោលទោសសកម្មភាពរបស់ចិន ហើយបានរំលឹកឡើងវិញថា ខ្លួននឹងបំពេញកាតព្វកិច្ចសន្ធិសញ្ញាការពារទៅវិញទៅមកជាមួយហ្វីលីពីន។សម្ព័ន្ធមិត្តរបស់សហរដ្ឋអាមេរិកបានចូលរួមនៅក្នុងរណសិរ្សរួបរួមជាមួយទីក្រុងវ៉ាស៊ីនតោន និងទីក្រុងម៉ានីលផងដែរ។ អូស្ត្រាលី ជប៉ុន និងអាល្លឺម៉ង់ បានហៅសកម្មភាពរបស់ចិនថា គ្រោះថ្នាក់ និងធ្វើឱ្យមានអស្ថិរភាព។ ហើយស្ថានទូតកាណាដានៅទីក្រុងម៉ានីលបាននិយាយថា រដ្ឋធានីអូតាវ៉ា «ថ្កោលទោសយ៉ាងដាច់អហង្ការចំពោះសកម្មភាពដ៏គ្រោះថ្នាក់ និងបង្កហេតុដែលបានធ្វើឡើងដោយឆ្មាំល្បាតឆ្នេររបស់ប្រទេសចិន»៕

រាជរដ្ឋាភិបាលបង្កើនទំហំដីនៅឧទ្យានជាតិព្រះជ័យវរ្ម័ន-នរោត្តម«ភ្នំគូលែន»ជាងពីរម៉ឺនហិកតា

រាជរដ្ឋាភិបាលចេញអនុក្រឹត្យកែប្រែឧទ្យានជាតិព្រះជ័យវរ្ម័ន-នរោត្តម ទៅជាឧទ្យានជាតិព្រះជ័យវរ្ម័ន-នរោត្តម«ភ្នំគូលែន» និងកែប្រែពីផ្ទៃដីទំហំដីជិតបួនម៉ឺនហិកតាមកផ្ទៃដីទំហំដីជាងប្រាំមួយម៉ឺនហិកតា ស្ថិតនៅក្នុង ភូមិសាស្រ្តខេត្តសៀមរាប។យោងតាមអនុក្រឹត្យ ដែលបានចុះហត្ថលេខាដោយសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជាដែលទូរទស្សន៍BTV ទទួលបាននាថ្ងៃទី៨ ខែសីហា ឆ្នាំ២០២៣នេះ បានបញ្ជាក់ថា រាជរដ្ឋាភិបាលត្រូវបានកែប្រែឧទ្យានជាតិព្រះជ័យវរ្ម័ន-នរោត្ដម ទៅជាឧទ្យានជាតិព្រះជ័យវរ្ម័ន-នរោត្តម«ភ្នំគូលែន» និងកែប្រែពីផ្ទៃដីទំហំ ៣៧ ៥០០(បីម៉ឺនប្រាំពីរពាន់ប្រាំរយ)ហិកតា មកផ្ទៃដីទំហំ៦២ ៨៨៣ (ប្រាំមួយម៉ឺនពីរពាន់ ប្រាំបីរយប៉ែតសិបបី)ហិកតា ស្ថិតក្នុងភូមិសាស្ត្រខេត្តសៀមរាប ដូចមានផែនទីភ្ជាប់ក្នុងឧបសម្ព័ន្ធ១ និង និយាមកា(តាមប្រព័ន្ធកូអរដោណេ Project UTM Zone 48N Datum WGS 1984) ភ្ជាប់ក្នុងឧបសម្ព័ន្ធ២ នៃអនុក្រឹត្យនេះ។តាមសេចក្តីសម្រេច បានឲ្យដឹងទៀតថា ផ្ទៃដីឧទ្យានជាតិព្រះជ័យវរ្ម័ន-នរោត្តម«ភ្នំគូលែន» ខាងលើនេះ បានមកពីការបូកបញ្ចូលផ្ទៃដីទំហំ ៣៧.៥០០(បីម៉ឺនប្រាំពីរពាន់ប្រាំរយ)ហិកតា ដូចមានចែងក្នុងព្រះរាជក្រឹត្យ ចុះថ្ងៃទី១ ខែវិច្ឆិកា ឆ្នាំ១៩៩៣ ស្តីពីការបង្កើតតំបន់ការពារធម្មជាតិ និងផ្នែកខ្លះនៃរបៀងអភិរក្សជីវៈចម្រុះឧត្តរ ដែលមានផ្ទៃដីទំហំ២៥ ៣៨៣ (ពីរម៉ឺនប្រាំពាន់បីរយប៉ែតសិបបី)ហិកតា ដូចមានចែងក្នុងអនុក្រឹត្យលេខ០៧ អនក្រ.បក ចុះថ្ងៃទី២៦ ខែមករាឆ្នាំ២០១៧ ស្តីពីការបង្កើតរបៀងអភិរក្សជីវៈចម្រុះប្រព័ន្ធតំបន់ការពារធម្មជាតិ។អនុក្រឹត្យ បានបញ្ជាក់ដែរថា ការបង្កើនទំហំដី និងកែប្រែឧទ្យានជាតិព្រះជ័យវរ្ម័ន-នរោត្តម ទៅជាឧទ្យានជាតិព្រះជ័យវរ្ម័ន-នរោត្តម«ភ្នំគូលែន»នេះ ក្នុងគោលបំណង ធានាការថែរក្សា និងការពារសោភណភាពធម្មជាតិ វប្បធម៌ ប្រព័ន្ធអេកូឡូស៊ី និងជីវៈចម្រុះ ,ផ្តល់ផលិតផល និងសេវាកម្មធម្មជាតិសម្រាប់ការប្រើប្រាស់ប្រកបដោយនិរន្តរភាព,រក្សាលំនឹងបរិស្ថាន និងរួមចំណែកកាត់បន្ថយការប្រែប្រួលអាកាសធាតុ និងហានិភ័យគ្រោះមហន្តរាយ ធម្មជាតិ ,និងលើកកម្ពស់ការចូលរួមរបស់សហគមន៍មូលដ្ឋាន ក៏ដូចជាសាធារណជនក្នុងការចូលរួមចំណែកដល់ ការគ្រប់គ្រង ការការពារ និងការអភិរក្សជីវៈចម្រុះ និងធនធានធម្មជាតិក្នុងតំបន់ជាដើម។តាមរយៈអនុក្រឹត្យនេះរាជរដ្ឋាភិបាលក៏បានប្រគល់ទៅក្រសួងបរិស្ថានមានសមត្ថកិច្ចរៀបចំ កែប្រែ និងគ្រប់គ្រងតំបន់ឧទ្យានជាតិព្រះជ័យវរ្ម័ន-នរោត្តម «ភ្នំគូលែន» ដោយសហការជាមួយក្រសួង ស្ថាប័នពាក់ព័ន្ធ និងរដ្ឋបាលខេត្តសៀមរាប ដើម្បីធានាដល់ការ គ្រប់គ្រងបរិស្ថាន ការអភិរក្សជីវៈចម្រុះ ការប្រើប្រាស់ធនធានធម្មជាតិប្រកបដោយនិរន្តរភាព និងការរស់នៅ ដោយចីរភាព ស្របតាមច្បាប់និងលិខិតបទដ្ឋានគតិយុត្តជាធរមាន។អនុក្រឹត្យបានបញ្ជាក់បន្ថែមទៀតថា លិខិតបទដ្ឋានគតិយុត្តដែលពាក់ព័ន្ធនឹងការកំណត់តំបន់សហគមន៍ តំបន់ប្រើប្រាស់ដោយចីរភាព ការវិនិយោគការចេញប័ណ្ណដីធ្លី ឬការអនុញ្ញាតឱ្យប្រើប្រាស់ដីធ្លី ដែលអនុលោមតាមព្រះរាជក្រឹត្យស្តីពីការបង្កើត តំបន់ការពារធម្មជាតិ អនុក្រឹត្យស្ដីពីការបង្កើតរបៀងអភិរក្សជីវៈចម្រុះប្រព័ន្ធតំបន់ការពារធម្មជាតិ ច្បាប់ និង លិខិតបទដ្ឋានគតិយុត្តពាក់ព័ន្ធជាធរមាន ត្រូវមានអានុភាពអនុវត្តបន្តរហូតដល់មានលិខិតបទដ្ឋានគតិយុត្ត ថ្មីមកជំនួសស្របតាមបទប្បញ្ញត្តិនៃអនុក្រឹត្យនេះ។ជាមួយគ្នានោះដែរ រាជរដ្ឋាភិបាលក៏បានណែនាំឲ្យរដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ រដ្ឋមន្រ្តីក្រសួងបរិស្ថាន រដ្ឋមន្រ្តីគ្រប់ក្រសួង និងប្រធានគ្រប់ស្ថាប័ន ដែលពាក់ព័ន្ធ និងអភិបាលនៃគណៈអភិបាលខេត្តសៀមរាប ត្រូវទទួលបន្ទុកអនុវត្តអនុក្រឹត្យ នេះតាមភារកិច្ចរៀងៗខ្លួនចាប់ពីថ្ងៃចុះហត្ថលេខានេះតទៅផងដែរ៕ អត្ថបទ៖ បាន ចក់

ប្រទេសអ៊ុយក្រែន៖ អ្នកជំនាញ IAEA នៅរោងចក្រ Zaporizhzhia ដែលគ្រប់គ្រងដោយរុស្ស៊ីមានសិទ្ធិចូលដែលមានកម្រិត

អ៊ុយក្រែន៖ ប្រធាននុយក្លេអ៊ែររបស់ប្រទេសអ៊ុយក្រែន បាននិយាយកាលពីថ្ងៃចន្ទ (ទី៧ សីហា)ថា អ្នកជំនាញឃ្លាំមើលនុយក្លេអ៊ែរអន្តរជាតិ នៅរោងចក្រនុយក្លេអ៊ែរហ្សាប៉ូរីហ្សា (Zaporizhzhia) ដែលគ្រប់គ្រងដោយ ប្រទេសរុស្ស៊ីមាន«សិទ្ធិចូលមានដែនកំណត់»ខ្លាំងណាស់។ប្រធានក្រុមហ៊ុនថាមពលនុយក្លេអ៊ែររដ្ឋរបស់អ៊ុយក្រែន លោក ប៉េត្រូ កូទីន (Petro Kotin) បានធ្វើអត្ថាធិប្បាយរបស់លោកក្នុងដំណើរទស្សនកិច្ចគួរឲ្យភ្ញាក់ផ្អើលមួយទៅកាន់រោងចក្រនុយក្លេអ៊ែរអ៊ុយក្រែន ដែលមិនត្រូវបានបង្ហាញ ដោយសារហេតុផលសន្តិសុខ។លោកបានបន្ថែមថា អ្នកជំនាញ IAEA (ទីភ្នាក់ងារថាមពលបរិមាណូអន្តរជាតិ) មានលទ្ធភាពចូលទៅកាន់ដំបូលនៃអង្គភាពនុយក្លេអ៊ែរពីរប៉ុណ្ណោះ ហើយថា មានផ្នែកជាច្រើននៅរោងចក្រនេះ ពួកគេពុំមានសិទ្ធចូលទីដល់នោះទេ។ទីភ្នាក់ងារនេះ បាននិយាយនៅក្នុងសេចក្តីថ្លែងការណ៍មួយកាលពីថ្ងៃសុក្រ (ទី៤ ខែសីហា)ថា ក្រុមឃ្លាំមើលនុយក្លេអ៊ែររបស់អង្គការសហប្រជាជាតិ បានទទួលសិទ្ធិចូលទៅកាន់តំបន់រោងចក្រនៅភាគខាងត្បូងប្រទេសអ៊ុយក្រែន មួយខែបន្ទាប់ពីបានស្នើសុំវា ហើយរកមិនឃើញគ្រឿងផ្ទុះទេ។ IAEA បាននិយាយកាលពីថ្ងៃទី៥ ខែកក្កដាថា ការចូលទៅកាន់ដំបូលនៃអង្គភាពទាំងពីរ និងផ្នែកខ្លះនៃអគារទួរប៊ីន គឺចាំបាច់ណាស់។ កងកម្លាំងប្រដាប់អាវុធរបស់អ៊ុយក្រែន បាននិយាយមួយថ្ងៃមុននេះថា ទិន្នន័យប្រតិបត្តិការ បង្ហាញថា «ឧបករណ៍បំផ្ទុះ» ត្រូវបានដាក់នៅលើដំបូលទាំងពីរនោះ៕

លោក Trump ជំទាស់ការកម្រិតលើភស្តុតាងនៃករណីបោះឆ្នោតឆ្នាំ ២០២០ ដែលរំលោភលើការនិយាយស្ដីដោយសេរី

អាមេរិក៖ ក្រុមការងារអ្នកច្បាប់របស់អតីតប្រធានាធិបតីលោក Donald Trump បានវាយបកវិញកាលពីថ្ងៃចន្ទ អមដោយបណ្ដឹងថ្មីទៅកាន់តុលាការ ដោយបានជជែកវែកញែកអំពីដែនកំណត់ដែលបានស្នើឡើងរបស់ក្រសួងយុត្តិធម៌លើការចេញផ្សាយភស្តុតាងនៅក្នុងសំណុំរឿងជ្រៀតជ្រែកការបោះឆ្នោតឆ្នាំ ២០២០ ដែលរំលោភលើសិទ្ធិសេរីភាពក្នុងការបញ្ចេញមតិរបស់លោក Trump ខណៈលោកឈរឈ្មោះសម្រាប់ការតែងតាំងបេក្ខភាពក្នុងគណបក្សសាធារណរដ្ឋ។ យោងតាមឯកសាររបស់តុលាការកាលពីថ្ងៃចន្ទ ក្រុមការងាររបស់លោក Trump និយាយថា ដីកាការពារគឺទូលំទូលាយពេក។ ឯកសារនេះអះអាងថាអតីតប្រធានាធិបតី គួរតែត្រូវបានដាក់កម្រិតតែនៅពេលដែលនិយាយអំពីការចែករំលែកភស្តុតាងដ៏រសើប ជាមួយសាធារណៈជនហើយថា ក្រុមមេធាវីស្ម័គ្រចិត្ត គួរតែមានសិទ្ធិពេញលេញក្នុងការស្រាវជ្រាវក្នុងករណីនេះ។ មេធាវីរបស់លោក Trump បានសរសេរនៅក្នុងបណ្ដឹងនោះថា នៅក្នុងការកាត់ក្តីអំពីសិទ្ធិវិសោធនកម្មទីមួយ រដ្ឋាភិបាលស្វែងរកការរឹតបន្តឹងសិទ្ធិវិសោធនកម្មទីមួយ ។ឯកសារនោះបានសរសេរថា រឿងកាន់តែអាក្រក់ជាងនេះ ការធ្វើបែបនេះ ប្រឆាំងនឹងគូប្រជែងនយោបាយចម្បងរបស់រដ្ឋបាលរបស់ខ្លួន ក្នុងរដូវបោះឆ្នោត ដែលរដ្ឋបាល សមាជិកបក្សលេចធ្លោ និងសម្ព័ន្ធភាពប្រព័ន្ធផ្សព្វផ្សាយបានធ្វើយុទ្ធនាការលើការចោទប្រកាន់ និងផ្សព្វផ្សាយការចោទប្រកាន់មិនពិត។ សំណើរបស់ក្រសួងយុត្តិធម៌ ដែលត្រូវបានប្តឹងមួយថ្ងៃបន្ទាប់ពីលោក Trump បានផ្ដល់ចម្លើយពីភាពគ្មានទោស ចំពោះការចោទប្រកាន់ដែលថារូបលោកបានសមគំនិតដើម្បីបង្វែរលទ្ធផល ចាញ់ការបោះឆ្នោតឆ្នាំ ២០២០ របស់លោកចំពោះលោក Joe Biden រួមមានផ្ទាំងរូបភាពដែលដកចេញអេក្រង់ ឬ screenshot នៃសារដែលលោក Trump បង្ហោះនៅលើ បណ្ដាញសង្គមTruth Social ៕

អាមេរិក បិទការិយាល័យរដ្ឋាភិបាលជាច្រើនកន្លែង ខណៈមនុស្សរាប់លាននាក់រងហានីភ័យពីព្យុះកួចដ៏កំណាច

អាមេរិក៖ ការិយាល័យរដ្ឋាភិបាលជាច្រើនកន្លែងរបស់សហរដ្ឋអាមេរិក នៅក្នុងតំបន់វ៉ាស៊ីនតោន បានបិទកាលពីព្រឹកថ្ងៃចន្ទ ដោយសារការមកដល់នៃព្យុះភ្លៀងលាយលំជាមួយផ្គររន្ទះ ខណៈប្រជាពលរដ្ឋទូទាំងភាគខាងកើត សហរដ្ឋអាមេរិក ត្រូវបានព្រមានថាអាចនឹងមានព្យុះកួច កម្លាំងខ្យល់អាចបំផ្លិចបំផ្លាញ និង ការធ្លាក់ដុំទឹកកកធំៗ មុនឈានចូលដល់ថ្ងៃអង្គារនេះ។ សេវាព្យាករណ៍អាកាសធាតុជាតិ បាននិយាយថា មនុស្សជាង២៩,៥លាននាក់រស់នៅតំបន់មួយចាប់ពីរដ្ឋអាឡាបាម៉ា (Alabama) ដល់ភាគខាងលិចរដ្ឋ New York ជាទីដែលមានហានីភ័យនៃព្យុះកួច មុនម៉ោង១១យប់។ សេវាព្យាករណ៍អាកាសធាតុជាតិ បាននិយាយថា ហានីភ័យខ្លាំងបំផុតគឺបណ្ដារដ្ឋស្ថិតចំណុចប្រសព្វមហាសមុទ្រអាត្លង់ទិក រួមទាំងទីក្រុងវ៉ាស៊ីនតោន ឌីស៊ី ។ តំបន់មួយចំនួនអាចមើលឃើញព្យុះមានកម្លាំង ជាង៧៥ ម៉ាយក្នុងមួយម៉ោង និងធ្លាក់ដុំទឹកកកធំជាងគ្រាប់កូនហ្គោល ។ អតិថិជនជាង៨សែននាក់ គ្មានអគ្គិសនីប្រើប្រាស់នៅក្នុងភាគខាងត្បូង និងបណ្ដារដ្ឋស្ថិតចំណុចប្រសព្វមហាសមុទ្រអាត្លង់ទិក នេះបើយោងតាមគេហទំព័រតាមដានថាមពលអគ្គិសនី PowerOutage.us.។ បណ្ណាល័យ សារមន្ទីរ សួនសត្វជាតិ អាងហែលទឹក និងទីក្រុងផ្សេងៗ ព្រមទាំងសេវាសហព័ន្ធនានា នៅក្នុងតំបន់វ៉ាស៊ីនតោន ក៏ត្រូវបានបិទកាលពីព្រឹកថ្ងៃដដែល ផងដែរ ។ការិយាល័យគ្រប់គ្រងបុគ្គលិករបស់សហរដ្ឋអាមេរិក និយាយថា ក្រុមបុគ្គលិកសហព័ន្ធត្រូវតែចាកចេញពីកន្លែងការងារមិនឲ្យយឺតជាងម៉ោង៣រសៀល ឡើយ។ FlightAware ដែលជាគេហទំព័រតាមដានការហោះហើររបស់ក្រុមហ៊ុនអាកាសចរណ៍ បាននិយាយថាជើងហោះហើរជាង២ពាន់៣រយជើង ត្រូវបានលុបចោល រួមទាំង ៩៥ជើង នៅអាកាសយានដ្ឋានជាតិ Washington Reagan ។ ជើងហោះហើរ របស់អាមេរិក ចំនួន៦,៨០០ទៀត ត្រូវបានពន្យារពេលហោះហើរ៕

ក្រសួងការបរទេស រៀបចំទិវាអាស៊ាន (ASEAN Day) ឆ្នាំ២០២៣ ខួបអនុស្សាវរីយ៍លើកទី៥៦ឆ្នាំ នៃការបង្កើតអាស៊ាន

ភ្នំពេញ៖ ក្រសួងការបរទេស និងសហប្រតិបត្តិការអន្តរជាតិ នៅព្រឹកទី៨ ខែសីហា ឆ្នាំ២០២៣នេះ រៀបចំទិវាអាស៊ាន (ASEAN Day) ឆ្នាំ២០២៣ ដើម្បីចូលរួមអបអរសាទរខួបអនុស្សាវរីយ៍លើកទី ៥៦ឆ្នាំ នៃការបង្កើតអាស៊ាន ក្រោមអធិបតីភាពឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ និងមានការចូលរួមពីឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម បណ្ដាអង្គទូតប្រចាំនៅកម្ពុជា មន្ត្រីអង្គការជាតិ និងអន្តរជាតិ មន្ត្រីរាជការតាមបណ្ដាក្រសួង ស្ថាប័នជាច្រើនរូប ។

បណ្ដាញសង្គម

ព័ត៌មានថ្មីៗ

សហរដ្ឋអាមេរិក ចេញការព្រមានធ្វើដំណើរថ្មីដល់ពលរដ្ឋខ្លួននៅតំបន់មជ្ឈិមបូព៌ា

ការបាញ់ប្រហារនៅម៉ិកស៊ិកបានសម្លាប់មនុស្សយ៉ាងហោចណាស់១០នាក់ រួមមានទាំងកុមារ

ការសិក្សាថ្មីរកឃើញថា ចំនួនអ្នកស្លាប់នៅហ្កាហ្សា កើនឡើងជិត ៤០% ខ្ពស់ជាងតួលេខផ្លូវការ

ក្រុមហាម៉ាស អះអាងជាថ្មីពីការប្តេជ្ញាចិត្តចំពោះកិច្ចប្រឹងប្រែងសម្រុះសម្រួលបទឈប់បាញ់នៅហ្កាហ្សា

លោក Zelenskiy ចុះកិច្ចព្រមព្រៀងជាមួយក្រុមប្រឹក្សាអឺរ៉ុបដើម្បីបង្កើតតុលាការសម្រាប់ឧក្រិដ្ឋកម្មលើអ៊ុយក្រែន

លោក Trump ពិចារណាផ្តល់មីស៊ីលប៉ាទ្រីយ៉ូតកាន់តែច្រើនដល់អ៊ុយក្រែន និងបាននិយាយថាលោក Putin ត្រូវតែបញ្ចប់សង្រ្គាម

ទីតាំងហាងមួយកន្លែងយីហោ ចំការស្នេហ៍ ត្រូវបានកម្លាំងនគរបាល ចុះឆ្មក់បង្រ្កាបឃាត់ខ្លួនមនុស្សប្រុសស្រីជាច្រើននាក់

លោកTrump ពិចារណាផ្តល់មីស៊ីលប៉ាទ្រីយ៉ូតកាន់តែច្រើនដល់អ៊ុយក្រែន និងបាននិយាយថាលោក Putin ត្រូវតែបញ្ចប់សង្រ្គាម

ទាហានអ៊ីស្រាអែល៧នាក់ ត្រូវបានសម្លាប់នៅហ្កាហ្សា ដោយដាក់សម្ពាធលើលោក Netanyahu សម្រាប់បទឈប់បាញ់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ​ និង ការអភិវឌ្ឍន៍