នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតី៖ រាជរដ្ឋាភិបាល និងមហាគ្រួសារខ្មែរ​នៅ​ជាមួយ​កងទ័ព​ជួរ​មុខ​គាំទ្រ​គ្រប់​មធ្យោបាយ​ទាំង​អស់
សម្ដេចធិបតី ដឹកនាំគណៈប្រតិភូចូលក្រាបបង្គំគាល់ព្រះករុណា ព្រះមហាក្សត្រ ទូលថ្វាយលទ្ធផលចុះបញ្ជីបូជនីយដ្ឋានចងចាំនៃកម្ពុជា ក្នុងបញ្ជីបេតិកភណ្ឌពិភពលោក
សភាតំណាងប្រជាជនចិនចាត់ទុកសម្តេចតេជោ ជាតួអង្គសំខាន់បន្ត​ពីព្រះបរម​រតនកោដ្ឋ​ក្នុង​ការ​ពូន​ជ្រំ​ទំនាក់ទំនងរវាងកម្ពុជា និងចិន
សម្តេចតេជោអនុញ្ញាតឱ្យសមាជិកគណៈកម្មាធិការអចិន្ត្រៃយ៍សភាប្រជាជនចិនជួបសម្តែងការគួរសម

នយោបាយ​ និង ការអភិវឌ្ឍន៍

អាមេរិកនឹងណែនាំសេចក្តីសម្រេចរបស់UNសម្រាប់កងកម្លាំងពហុជាតិនៅប្រទេសហៃទី

2023/08/01 02:05:53 pm        48
Facebook Telegram Linkin
សហរដ្ឋអាមេរិក៖ សហរដ្ឋអាមេរិក បាននិយាយថា ខ្លួនគ្រោងនឹងដាក់ចេញនូវសេចក្តីសម្រេចនៅក្រុមប្រឹក្សាសន្តិសុខអង្គការសហប្រជាជាតិ (UNSC) ដើម្បីផ្តល់សិទ្ធិដល់ «កងកម្លាំងពហុជាតិ»នៅក្នុងប្រទេសហៃទី បន្ទាប់ពីប្រទេសកេនយ៉ា បានបង្ហាញពីឆន្ទៈក្នុងការដឹកនាំបេសកកម្មនេះ។ថ្លែងទៅកាន់អ្នកសារព័ត៌មានកាលពីថ្ងៃចន្ទ អ្នកនាំពាក្យក្រសួងការបរទេសសហរដ្ឋអាមេរិក លោក Matthew Miller បាននិយាយថា បេសកកម្មណាមួយទៅកាន់ប្រទេសហៃទី ដែលកំពុងតែតស៊ូជាមួយនឹងអំពើហិង្សាក្រុមអន្ធពាល នឹងត្រូវការការអនុញ្ញាតពីUNSCជាដំបូង។លោកបាននិយាយថា សហរដ្ឋអាមេរិក រួមជាមួយនឹងអេក្វាឌ័រ នឹងដាក់ចេញនូវសេចក្តីសម្រេចមួយនៅក្រុមប្រឹក្សាសន្តិសុខអង្គការសហប្រជាជាតិ ដើម្បីចាត់វិធានការនោះ។លោក Miller មិនបានបញ្ជាក់ថាតើដំណោះស្រាយ នឹងត្រូវដាក់ចេញ នៅពេលណាទេ ប៉ុន្តែលោកបាននិយាយថា វានឹងកើតឡើង នៅពេលដ៏ខ្លីខាងមុខ។លោក Miller បានថ្លែងថា៖«ជំហានទីពីរ គឺថា រដ្ឋាភិបាលកេនយ៉ា ត្រូវការធ្វើបេសកកម្មវាយតម្លៃ ដែលពួកគេគ្រោងនឹងធ្វើនៅក្នុងប៉ុន្មានថ្ងៃ និងសប្តាហ៍ខាងមុខនេះ» ដោយបន្ថែមថា កេនយ៉ា នឹងឆ្លើយតបជាមួយប្រទេសសម្ព័ន្ធមិត្តអំពីតម្រូវការរបស់កងកម្លាំង និងប្រទេសណាខ្លះដែលអាចចូលរួម។

ការស្លាប់ដោយរលកកម្ដៅ កាលពីចុងសប្តាហ៍ ឡើងដល់យ៉ាងហោចណាស់ ១៧នាក់ នៅកូរ៉េខាងត្បូង

2023/08/01 02:02:41 pm        86
Facebook Telegram Linkin
កូរ៉េខាងត្បូង៖ អាជ្ញាធរកូរ៉ខាងត្បូងបានឲ្យដឹងកាលពីថ្ងៃចន្ទ (ទី៣១ ខែកក្កដា) ថា យ៉ាងហោចណាស់មនុស្ស ១៧នាក់ បានស្លាប់ដោយសាររលកកម្ដៅ កាលពីចុងសប្តាហ៍ ដោយអ្នកស្លាប់ទាំងនោះ ភាគច្រើនជាកសិករវ័យចំណាស់ ដែលធ្វើការនៅខាងក្រៅ ក្រោមកម្ដៅថ្ងៃក្ដៅខ្លាំង។ចាប់តាំងពីមានការជូនដំណឹងអំពីរលកកម្ដៅដំបូងនៃរដូវនេះ បានចូលជាធរមាន នៅពាក់កណ្តាលខែមិថុនា ប្រទេសកូរ៉េខាងត្បូង បានជួបប្រទះនឹងការឡើងកម្ដៅខ្លាំង ដោយការឡើងខ្ពស់ខ្លាំង នាពេលថ្មីៗនេះប្រហែល ៣៥អង្សាសេ ក្នុងតំបន់ជាច្រើននៃប្រទេស។យោងតាមទិន្នន័យពីទីភ្នាក់ងារគ្រប់គ្រង និងបង្ការជំងឺ និងពីអាជ្ញាធរពន្លត់អគ្គីភ័យទូទាំងប្រទេសរបស់ប្រទេសកូរ៉េខាងត្បូង បានឲ្យដឹងថា យ៉ាងហោចណាស់មនុស្ស១៧នាក់ បានស្លាប់ ដោយសាររលកកម្ដៅកាលពីចុងសប្តាហ៍ ក្នុងនោះភាគ Gyeongsang ខាងជើង រងការវាយប្រហារធ្ងន់ធ្ងរជាងគេបំផុត ដោយកសិករវ័យចំណាស់ ៧នាក់ បានបាត់បង់ជីវិត។ហើយជាមួយគ្នានេះ អាជ្ញាធរបានឲ្យដឹងបន្ថែមថា ជនរងគ្រោះទាំងអស់មានសីតុណ្ហភាព ក្នុងរាងកាយខ្ពស់ នៅពេលពួកគេត្រូវបានរកឃើញ៕

ស្ត្រីមានផ្ទៃពោះជាមន្ត្រីរាជការ កម្មការិនី និងមានបណ្ណសមធម៌ អរគុណរដ្ឋាភិបាលដែលបន្ថែមថវិកាឧបត្ថម្ភគាំពារ

2023/08/01 01:58:53 pm        217
Facebook Telegram Linkin
ភ្នំពេញ៖ ថ្ងៃទី០១ ខែសីហា ឆ្នាំ ២០២៣នេះ រាជរដ្ឋាភិបាល បានអនុវត្តការដំឡើងកម្រិត​ថវិកា​ឧបត្ថម្ភសម្រាប់ស្រ្តីមានផ្ទៃពោះជាមន្រ្តីរាជការ កម្មការិនី ប្រើប្រាស់បណ្ណ ប ស ស និងស្រ្តីមានផ្ទៃពោះរស់នៅក្នុងគ្រួសារមានបណ្ណសមធម៌។ ការដំឡើងនេះគឺទទួលបានទ្វេដង ​ដោយរាល់ការពិនិត្យផ្ទៃពោះ រហូតដល់កូនមានអាយុ២ឆ្នាំ​នាំទៅទទួលការចាក់វ៉ាក់សាំងគឺទទួល​បានការឧបត្ថម្ភចំនួន៨ម៉ឺនរៀល​ក្នុងមួយលើក។ថ្ងៃទី០១ ខែសីហា ឆ្នាំ២០២៣នេះ ​រាល់ស្រ្តីមានផ្ទៃពោះជាមន្រ្តីរាជការ ​មន្រ្តីជាប់កិច្ចសន្យា មន្រ្តី​ចុះកម្មសិក្សា កម្មការិនីមានបណ្ណ ប ស ស និងស្រ្តីមានផ្ទៃពោះរស់នៅក្នុងគ្រួសារមានបណ្ណសមធម៌ ចាប់ផ្ដើមទទួលបានការដំឡើងថវិកា​ឧបត្ថម្ភបន្ថែមទ្វេដងពីរាជរដ្ឋាភិបាល។ ថវិកាទទួលបានគឺ ចំនួន៤ដងកំឡុងពេលពិនិត្យផ្ទៃពោះមុនពេលសម្រាល​ ដោយ​មួយដងទទួលបាន ៨ម៉ឺនរៀល។ ថវិកាពេលសម្រាលទទួលបានការឧបត្ថម្ភកើនទ្វេដង។ រីឯក្រោយពេលសម្រាល កំឡុងពេលថែទាំ​សុខភាពមាតា ទារកនិងការចាក់វ៉ាក់សាំង គឺទទួលបានចំនួន១០ដង ដោយមួយដងទទួលបានចំនួន ៨ម៉ឺនរៀលផងដែរ។ក្នុងការអនុវត្តថ្ងៃដំបូងនេះ ស្រ្តីរស់នៅក្នុងគ្រួសារ​មានបណ្ណសមធម៌ ដែលបានជូនកូនមកទទួល​ការ​ចាក់វ៉ាក់សាំង នៅមណ្ឌលសុខភាពស្ទឹងមានជ័យ បានបង្ហាញនូវការពេញចិត្តទាំងការទទួល​បានសេវាថែទាំសុខភាពដោយមិនគិតថ្លៃ បូករួមទាំងថវិកាឧបត្ថម្ភបន្ថែម​ឡើងដល់៨ម៉ឺនរៀលផងដែរ។ ចំពោះការអនុវត្តការដំឡើងថវិកាឧបត្ថម្ភនេះ វេជ្ជបណ្ឌិត ហ៊ាង មករា ប្រធានមណ្ឌលសុខភាព ស្ទឺងមានជ័យ រួមទាំងក្រុមគ្រូពេទ្យ ​ក្រៅពីផ្ដល់សេវាថែទាំ ក៏បានពន្យល់ណែនាំបន្ថែម​ពី​អត្ថប្រយោជន៍របស់​រាជរដ្ឋាភិបាល ​ជូនដល់ស្រ្តីជាក្រុមគោលដៅផងដែរ។ពាក់ព័ន្ធនឹងការដំឡើងកម្រិត​ថវិកាឧបត្ថម្ភនេះផងដែរ ​ឯកឧត្តម ឈួរ សុបញ្ញា រដ្ឋលេខាធិការក្រសួង​សង្គមកិច្ច បានបញ្ជាក់ទៅប្រតិបត្តិករ ​ត្រូវបើកសាច់ប្រាក់ឱ្យគ្រប់ទៅតាមចំនួនទឹកប្រាក់ថ្មី និងបញ្ជាក់​ប្រាប់​ទៅអ្នកទទួលផល​ត្រូវប្រើប្រាស់ថវិកានោះ​ឱ្យបានត្រឹមត្រូវ ទៅតាមគោលដៅរបស់រាជរដ្ឋាភិបាល។ តាមរយៈសេចក្ដីប្រកាសព័ត៌មានរបស់រាជរដ្ឋាភិបាលកម្ពុជា បញ្ជាក់ថាការដំឡើងកម្រិតថវិកាឧបត្ថម្ភនេះ គឺបង្ហាញពីការប្ដេជ្ញារបស់រាជរដ្ឋាភិបាលក្នុងការគិតគូដល់ស្រ្តីមានផ្ទៃពោះ កុមារតូច ស្របតាមអាទិភាពដែលកំណត់យក មនុស្ស ជាចម្បង និងគោលការណ៍ មិនបោះបង់ពលរដ្ឋណាម្នាក់នោះឡើយ៕ អត្ថបទ៖ គឹមហុក 

ក្រសួងកសិកម្មត្រៀមគ្រាប់ពូជ ដើម្បីចែកជូនកសិកររងគ្រោះដោយសារជំនន់ទឹកភ្លៀង

2023/08/01 01:37:30 pm        167
Facebook Telegram Linkin
ភ្នំពេញ៖ ក្រសួងកសិកម្ម រុក្ខាប្រមាញ់ និងនេសាទ ​បានបញ្ជាក់ថា ​គណៈកម្មាធិការប្រចាំស្បៀង​បម្រុងកម្ពុជា ​ក៏បានត្រៀមរួចជាស្រេច​ ក្នុងការជួយសង្រ្គោះជាទុន ​ឬពូជស្រូវ ពូជបន្លែជូនដល់ប្រជាកសិករដែលរងការខូចខាតដោយសារគ្រោះធម្មជាតិទឹកជំនន់។លោកជំទាវ អឹម រចនា អនុរដ្ឋលេខាធិការ និងជាអ្នកនាំពាក្យក្រសួងកសិកម្មរុក្ខាប្រមាញ់ និង​នេសាទ កាលពីល្ងាចថ្ងៃទី៣១​ ខែកក្កដា​ ឆ្នាំ២០២៣នេះ ​មានប្រសាសន៍ប្រាប់ទូរទស្សន៍ព័ត៌មាន ប៊ីធីវី ដឹងថា​ យោងតាមសេចក្តីរាយការណ៍​តាមខេត្តមួយចំនួនដែលបាន​បញ្ជូនមក គឺមានផ្ទៃដីស្រែ​មួយចំនួនដែល​លិចលង់​ដោយសារជំនន់ទឹកភ្លៀង ​ហើយជំនន់ទឹកភ្លៀងវាធ្លាក់មកគំហុកប៉ុន្មានខែ។អ្នកនាំពាក្យដដែលរូបនេះ ​បានឲ្យដឹងទៀតថា ​បច្ចុប្បន្ន​ក្រសួង​បាន​ត្រៀម​លក្ខណៈរួចរាល់​អស់​ហើយ ប៉ុន្តែរងចាំ​ការវាយតម្លៃ​ជាក់ស្តែង​ជាមុនសិន ​ថាតើផ្ទៃដី​ដែលរងផលប៉ះពាល់​មាន​ទំហំ ឬក៏ម្រិត​ប៉ុណ្ណា ​ហើយប្រជាពលរដ្ឋនៅតំបន់ណាខ្លះ ​ដែល​លោក​មានផ្ទៃដីអាចស្តារឡើងវិញបាន ហើយអាចមានលទ្ធភាពទទួលយកពូជស្រូវ ​ពូជបន្លែដែលយើងត្រៀមផ្តល់ជូនលោកទាំងអស់៕អត្ថបទ៖ ឈិត បូរ៉ាវី

[BREAKING NEWS] របបសឹកមីយ៉ាន់ម៉ាលើកលែងទោសដល់អតីតមេដឹកនាំលោកស្រីស៊ូជី ពីបទល្មើសចំនួន៥

2023/08/01 01:28:20 pm        95
Facebook Telegram Linkin
មីយ៉ាន់ម៉ា៖ ប្រព័ន្ធផ្សព្វផ្សាយរដ្ឋបានរាយការណ៍នៅថ្ងៃអង្គារ (១ សីហា)នេះថា អតីតមេដឹកនាំសហភាពមីយ៉ាន់ម៉ាលោកស្រី អ៊ុងសាន ស៊ូជី នឹងត្រូវលើកលែងទោសចំពោះបទល្មើសចំនួន៥ករណី ក្នុងចំណោមបទល្មើសជាច្រើនដែលលោកស្រីត្រូវបានចោទប្រកាន់ឲ្យជាប់ពន្ធនាគារសរុបចំនួន៣៣ឆ្នាំ ។ម្ចាស់ជ័យលាភីណូបែល ដែលកាលពីសប្តាហ៍មុន ត្រូវបានបញ្ចូនពីពន្ធនាគារទៅឃុំខ្លួនក្នុងផ្ទះក្នុងរដ្ឋធានី Naypyitaw រូបនេះ ត្រូវបានឃុំខ្លួនចាប់តាំងពីយោធាបានដណ្តើមអំណាចក្នុងរដ្ឋប្រហារកាលពីដើមឆ្នាំ២០២១មក។ អ្នកស្រី ស៊ូជី ត្រូវបានកាត់ទោសកាលពីឆ្នាំមុនឱ្យជាប់ពន្ធនាគាររយៈពេល ៣៣ឆ្នាំសម្រាប់បទល្មើសជាច្រើន ដែលលោកស្រីបានបដិសេធការចោទប្រកាន់ទាំងនោះ និងកំពុងប្តឹងឧទ្ធរណ៍នៅតុលាការកំពូល។ការផ្តួលរំលំរដ្ឋាភិបាលជាប់ឆ្នោតរបស់លោកស្រី ស៊ូជី បានទាញទម្លាក់កំណែទម្រង់ការចូលរួមជាអន្តរជាតិ និងកំណើនសេដ្ឋកិច្ចរយៈពេលមួយទសវត្សរ៍របស់ជាតិ។ យោធាមីយ៉ាន់ម៉ាទទួលបានការថ្កោលទោសជាសាកល ចំពោះការបង្រ្កាបយ៉ាងធ្ងន់ធ្ងរលើគូប្រជែងដូចជាលោកស្រី ស៊ូជី ដែលត្រូវបានគេមើលឃើញថាបណ្ដាលឲ្យមនុស្សជាច្រើនបានជាប់គុក និងស្លាប់ផងដែរ។កាលពីថ្ងៃច័ន្ទ (៣១ កក្កដា) ទូរទស្សន៍រដ្ឋបានរាយការណ៍ថា របបយោធាដែលកំពុងកាន់អំណាច បានពន្យារពេលការបោះឆ្នោតដែលបានសន្យានៅខែសីហាឆ្នាំនេះ បន្ទាប់ពីរដ្ឋប្រហារឆ្នាំ២០២១។ នៅក្នុងកិច្ចប្រជុំមួយកាលពីថ្ងៃចន្ទជាមួយក្រុមប្រឹក្សាការពារជាតិ និងសន្តិសុខជាតិ (NDSC) ដែលគាំទ្រដោយកងទ័ព មេដឹកនាំរបបសឹក លោកឧត្តមសេនីយ៍ Min Aung Hlaing បានបន្តដាក់ប្រទេសក្នុងគ្រាអាសន្នរយៈពេល៦ខែទៀត៕

ក្រសួងមហាផ្ទៃ បើកកិច្ចប្រជុំឆ្លងសេចក្តីព្រាងអនុក្រឹត្យ ស្តីពីឯកសណ្ឋាន និងសញ្ញាសក្តិមន្រ្តីពន្ធនាគារ

2023/08/01 01:24:04 pm        627
Facebook Telegram Linkin
ភ្នំពេញ៖ សម្ដេចក្រឡាហោម ស ខេងឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ នៅព្រឹកថ្ងៃទី១ខែសីហា ឆ្នាំ២០២៣នេះ បានអញ្ជើញដឹកនាំកិច្ចប្រជុំឆ្លងសេចក្ដីព្រាងអនុក្រឹត្យ ស្ដីពីឯកសណ្ឋាន ស្លាកសញ្ញា និងសញ្ញាសក្តិរបស់មន្ដ្រីពន្ធនាគារ នៅទីស្ដីក្រសួងមហាផ្ទៃ។នៅក្នុងកិច្ចប្រជុំនោះ សម្ដេចក្រឡាហោម ស ខេង បានធ្វើការណែនាំដល់អគ្គនាយកដ្ឋានពន្ធនាគារ ត្រូវជ្រើសរើសពណ៌ឯកសណ្ឋាន របស់មន្ដ្រីពន្ធនាគារក្រសួងមហាផ្ទៃ ឱ្យបានសមស្រប មុនចេញអនុក្រឹត្យជាផ្លូវការ។ សម្ដេច ក៏បានថ្លែងអំណរគុណចំពោះ អគ្គនាយកដ្ឋានពន្ធនាគារ​ និងអ្នកពាក់ព័ន្ធទាំងអស់ ដែល​បានធ្វើការសិក្សានូវសេចក្ដីព្រាងអនុក្រឹត្យ ​ស្ដីពីឯកសណ្ឋាន ស្លាកសញ្ញា ​និងសញ្ញាសក្តិ របស់មន្ដ្រីពន្ធនាគារក្រសួងមហាផ្ទៃ។បើយោងតាម ​មាត្រា៣នៃសេចក្ដីព្រាងអនុក្រឹត្យ ចែងថា ​ឯកសណ្ឋានមន្រ្តីពន្ធនាគារ សម្រាប់​ប្រើប្រាស់​មាន៦ប្រភេទ រួមមាន ឯកសណ្ឋានធំលេខ១ ​សម្រាប់ប្រើប្រាស់ក្នុងព្រះរាជពិធី និង​ពិធីបុណ្យជាតិ, ឯកសណ្ឋានធំលេខ២ សម្រាប់ប្រើប្រាស់ក្នុងកម្មវិធីផ្លូវការនានា ​និងទទួលភ្ញៀវជាតិ និងអន្តរជាតិ, ឯកសណ្ឋានការងារលេខ៣ ​សម្រាប់​ប្រើប្រាស់​ក្នុងកម្មវិធី​មីទ្ទិញ​ សិក្ខាសាលា សន្និបាត​នានា ​និងបំពេញការងារប្រចាំថ្ងៃ។មាត្រាដដែលចែងទៀតថា សម្រាប់ឯកសណ្ឋានការងារលេខ៤ (អាវដៃវែង) សម្រាប់​ប្រើប្រាស់​ក្នុង​ពេលបំពេញការងារប្រចាំថ្ងៃ,ឯកសណ្ឋានការងារលេខ៥ (អាវដៃខ្លី) សម្រាប់​ប្រើប្រាស់ក្នុងពេល​បំពេញ​ការងារប្រចាំថ្ងៃ ​និងឯកសណ្ឋានលេខ៦ ​សម្រាប់​ប្រើប្រាស់ក្នុងប្រតិបត្តិការ​ សន្តិសុខ និងសុវត្ថិភាព។ មាត្រាបានចែងថា រូបភាព ម៉ូត ទំហំខ្នាត ពណ៌ និងរបៀបប្រើប្រាស់​ឯកសណ្ឋាន​តាម​ប្រភេទនីមួយៗ ត្រូវកំណត់​ដោយប្រកាស​របស់មន្រ្តីក្រសួងមហាផ្ទៃ។បើតាមការធ្វើ​របាយការណ៍​ឯកឧត្តម ប៊ុន ហុន ​រដ្ឋលេខាធិការក្រសួងមហាផ្ទៃ ជូនដល់​សម្ដេចក្រឡា​ហោម និងអង្គប្រជុំស្របតាមមាត្រាទី៨នៃច្បាប់​ ស្ដីពីពន្ធនាគារ ​ដោយក្រសួងមហាផ្ទៃចែកថា​មន្ដ្រីពន្ធនាគារ ត្រូវមានឯកសណ្ឋាន ​សញ្ញាសក្តិ គ្រឿងបំពាក់ ​ឧបករណ៍ និងសម្ភារ ឱ្យសមស្រប។ ឯកឧត្តម បន្ថែមថា ព្រោះហេតុដូច្នេះហើយបានជារាជរដ្ឋាភិបាលចេញអនុក្រឹត្យ ​ស្ដីពីឯកសណ្ឋាន ស្លាកសញ្ញា និងសញ្ញាសក្តិរបស់មន្ដ្រីពន្ធនាគារ ក្រសួងមហាផ្ទៃ ​ហើយក្រសួងមហាផ្ទៃ ក៏បានចេញ​សេចក្ដី​ប្រកាស ស្ដីពីការកំណត់រូបភាព របៀបប្រើប្រាស់ ​និងរបបផ្គត់ផ្គង់ ឯកសណ្ឋាន ស្លាកសញ្ញា សញ្ញាសក្តិ​ និងសម្ភារប្រើប្រាស់ផ្សេងៗ របស់មន្ដ្រីពន្ធនាគារ ក្រសួងមហាផ្ទៃ៕អត្ថបទ៖ បាន ចក់

ចំនួនអ្នកស្លាប់កើនឡើងដល់៩នាក់ ក្នុងការប៉ះទង្គិចគ្នាយ៉ាងសាហាវរវាងក្រុមប៉ាឡេស្ទីននៅជំរំលីបង់

2023/08/01 01:21:49 pm        116
Facebook Telegram Linkin
ប៉ាឡេស្ទីន៖ ក្រុមមន្ត្រីបាននិយាយថា ការប្រយុទ្ធគ្នារយៈពេលបីថ្ងៃរវាងក្រុមប្រដាប់អាវុធគូប្រជែងនៅក្នុងជំរំជនភៀសខ្លួនប៉ាឡេស្ទីនដ៏ធំបំផុតនៅប្រទេសលីបង់ បានសម្លាប់មនុស្សយ៉ាងហោចណាស់៩នាក់ និងមនុស្សរាប់សិបនាក់ផ្សេងទៀតរងរបួស។ កាលពីថ្ងៃច័ន្ទ កងទ័ពរបស់ប្រទេសលីបង់បានបិទតំបន់ជុំវិញជំរំ Ein el-Hilweh នៅជិតទីក្រុងកំពង់ផែស៊ីដុនភាគខាងត្បូង ខណៈដែលការប៉ះទង្គិចនៅតែបន្តកើតមាន បើទោះបីជាលីបង់ និងប៉ាឡេស្ទីនខិតខំប្រឹងប្រែងដើម្បីស្វែងរកបទឈប់បាញ់ក៏ដោយ។ដោយរាយការណ៍ពីខាងក្រៅជំរំដែលជាជម្រករបស់ជនភៀសខ្លួនចំនួន៥៥.០០០នាក់ សារព័ត៌មាន Al Jazeera បាននិយាយកាលពីរសៀលថ្ងៃចន្ទថា ការរីករាលដាលនៃការប្រយុទ្ធគ្នា "ដ៏កាចសាហាវ" បានកើនឡើង "ក្នុងរយៈពេលប៉ុន្មានម៉ោងថ្មីៗនេះ" ។ទីភ្នាក់ងារអង្គការសហប្រជាជាតិទទួលបន្ទុកជនភៀសខ្លួនប៉ាឡេស្ទីន បានផ្អាកប្រតិបត្តិការ និងសេវាកម្មជំនួយរបស់ខ្លួននៅក្នុងជំរំនោះ។ ទីភ្នាក់ងារសារព័ត៌មាន AP បានរាយការណ៍ថា អ្នកនាំពាក្យកងទ័ពលីបង់បាននិយាយថា ចំនួនអ្នកស្លាប់កាលពីថ្ងៃចន្ទ បានកើនឡើងដល់ ៩នាក់ហើយ និងយ៉ាងហោចណាស់មនុស្ស៣៧នាក់បានរងរបួស។អំពើហឹង្សានេះបានចាប់ផ្តើមកាលពីថ្ងៃសៅរ៍ នៅពេលដែលខ្មាន់កាំភ្លើងមិនស្គាល់មុខម្នាក់បានព្យាយាមសម្លាប់សមាជិកនៃក្រុមប្រដាប់អាវុធមួយរូបដែលមានឈ្មោះថា Mahmoud Khalil ប៉ុន្តែផ្ទុយទៅវិញបានបាញ់សម្លាប់ដៃគូរបស់ខ្លួន៕

ចិនរឹតបន្តឹងការនាំចេញឧបករណ៍យានដ្រូន ស្របពេលមានភាពតានតឹងផ្នែកបច្ចេកវិទ្យាជាមួយអាមេរិក

2023/08/01 01:17:07 pm        205
Facebook Telegram Linkin
ចិន៖ កាលពីថ្ងៃចន្ទ (៣១ កក្កដា) ប្រទេសចិនបានប្រកាសពីការគ្រប់គ្រងការនាំចេញលើយានដ្រូន ព្រមទាំងឧបករណ៍ដែលទាក់ទងនឹងយានដ្រូន ដោយនិយាយថាខ្លួនចង់ការពារ "សន្តិសុខ និងផលប្រយោជន៍ជាតិ" ស្របពេលមានភាពតានតឹងកាន់តែខ្លាំងជាមួយសហរដ្ឋអាមេរិកជុំវិញការប្រើប្រាស់បច្ចេកវិទ្យា។ក្រសួងពាណិជ្ជកម្មបាននិយាយថា ការរឹតបន្តឹងលើឧបករណ៍ដ្រូន រួមទាំងម៉ាស៊ីនដ្រូនមួយចំនួន ឡាស៊ែរ ឧបករណ៍ទំនាក់ទំនង ព្រមទាំងប្រព័ន្ធប្រឆាំងយានដ្រូន នឹងចូលជាធរមាននៅថ្ងៃទី១ ខែកញ្ញា។ អ្នកនាំពាក្យក្រសួងមហាផ្ទៃបាននិយាយនៅក្នុងសេចក្តីថ្លែងការណ៍មួយថា ការគ្រប់គ្រងនេះក៏ប៉ះពាល់ដល់អ្នកប្រើប្រាស់យានដ្រូនមួយចំនួនផងដែរ ហើយគ្មានយានដ្រូនស៊ីវិលណាមួយអាចត្រូវបាននាំចេញសម្រាប់គោលបំណងយោធានោះទេ។ប្រទេសចិនមានឧស្សាហកម្មផលិតយានដ្រូនដ៏ធំ ហើយនាំចេញទៅកាន់ទីផ្សារជាច្រើន រួមទាំងសហរដ្ឋអាមេរិកផងដែរ។ សមាជិកសភាអាមេរិកបាននិយាយថា ជាង៥០%នៃយានដ្រូនដែលលក់នៅសហរដ្ឋអាមេរិក គឺផលិតដោយក្រុមហ៊ុនដែលមានមូលដ្ឋាននៅប្រទេសចិន DJI ហើយពួកវាជាយានដ្រូនពេញនិយមបំផុត ដែលប្រើប្រាស់ដោយភ្នាក់ងារសុវត្ថិភាពសាធារណៈ។ការទប់ស្កាត់ការនាំចេញយានដ្រូននេះ ធ្វើឡើងបន្ទាប់ពីប្រទេសចិនបានប្រកាសការគ្រប់គ្រងការនាំចេញលើលោហធាតុមួយចំនួន ដែលត្រូវបានប្រើប្រាស់យ៉ាងទូលំទូលាយក្នុងការផលិតបន្ទះឈីបកាលពីខែមុនបន្ទាប់ពីចំណាត់ការរបស់សហរដ្ឋអាមេរិក ក្នុងការរឹតត្បិតចិនមិនឲ្យទទួលបានបច្ចេកវិទ្យាសំខាន់ៗដូចជា ឧបករណ៍ផលិតបន្ទះឈីបជាដើម៕

ការប៉ុនប៉ងរបស់លោកត្រាំ ក្នុងការធ្វើមោឃភាពការស៊ើបអង្កេតរបស់រដ្ឋ Georgia ត្រូវបានច្រានចោលដោយចៅក្រម

2023/08/01 12:54:51 pm        70
Facebook Telegram Linkin
អាមេរិក៖ ចៅក្រមរដ្ឋ Georgia កាលពីថ្ងៃចន្ទបានច្រានចោលការប៉ុនប៉ងរបស់អតីតប្រធានាធិបតីលោក Donald Trump ក្នុងការធ្វើមោឃភាពការស៊ើបអង្កេតមួយទៅលើករណីថាតើលោកជ្រៀតជ្រែងដោយខុសច្បាប់ក្នុងការបោះឆ្នោតឆ្នាំ២០២០ របស់រដ្ឋនេះឬយ៉ាងណា រយៈពេលត្រឹមតែប៉ុន្មានថ្ងៃប៉ុណ្ណោះ មុនពេលការចោទប្រកាន់ពីបទឧក្រិដ្ឋ ដែលត្រូវបានគេរំពឹងថានឹងត្រូវធ្វើឡើង។ ចៅក្រមតុលាការជាន់ខ្ពស់តំបន់ Fulton លោក Robert McBurney បានបដិសេធសំណើរបស់លោកត្រាំក្នុងការដកសិទ្ធិរដ្ឋអាជ្ញាឈានមុខ រារាំងការចោទប្រកាន់សំខាន់ៗ និងច្រានចោលរបាយការណ៍គណៈវិនិច្ឆ័យ ដែលរួមមានការផ្តល់យោបល់ទៅលើអ្នកដែលនឹងត្រូវចោទប្រកាន់។ របាយការណ៍នៅតែត្រូវបានបញ្ជាក់ក្រោមបទបញ្ជារបស់លោក McBurney ដែលកំពង់រង់ចាំបទចោទប្រកាន់លើករណី ជាបញ្ហាផ្លូវច្បាប់ដែលលោកត្រាំត្រូវប្រឈមតតាំង។ ដោយឡែកនៅក្នុងទីក្រុង Miami ជំនួយការរបស់លោកត្រាំបានបង្ហាញខ្លួននៅក្នុងតុលាការសហព័ន្ធកាលពីថ្ងៃចន្ទដើម្បីប្រឈមនឹងបទចោទតប្រកាន់នានា ដែលលោក បានជួយអតីតប្រធានាធិបតីរូបនេះក្នុងការលាក់បាំងឯកសារសម្ងាត់ ដោយការលុបវីដេអូកាំម៉េរ៉ាសុវត្ថិភាព។ មេធាវីប្រចាំតំបន់ Fulton លោកស្រី Fani Willis បានបញ្ជាក់ថា លោកស្រីមានបំណងស្នើឲ្យគណៈវិនិច្ឆ័យ អនុម័តបទចោទប្រកាន់នានា ក្នុងពេលណាមួយ ក្នុងរយៈពេល៣សប្តាហ៍បន្ទាប់ ដោយប្រាប់ចៅក្រមថា បុគ្គលិករបស់លោកស្រីនឹងធ្វើការពីចម្ងាយជាការប្រុងប្រយ័ត្នជាមុនផ្នែកសុវត្ថិភាព។ របាំងសន្តិសុខត្រូវបានតម្លើងនៅខាងក្រៅបរិវេណតុលាការនៅតំបន់នេះកាលពីសប្តាហ៍មុន។ លោកត្រាំ បានបដិសេធការធ្វើខុសណាមួយ និងបានចោទប្រកាន់លោកស្រី Willis ជាមាជិកគណបក្សប្រជាធិបតេយ្យដែលបានជាប់ឆ្នោត ពីការជំរុញផ្នែកនយោបាយ៕

លោក Xi តែងតាំងប្រធានឃ្លាំងអាវុធនុយក្លេអ៊ែរចិនថ្មី

2023/08/01 12:28:08 pm        121
Facebook Telegram Linkin
ចិន៖ ប្រធានាធិបតីចិន លោក ស៊ី ជីនពីង ដែលជាអគ្គមេបញ្ជាការយោធាផងដែរនោះ កាលពីថ្ងៃចន្ទ ទី៣១ ខែកក្កដា បានតែងតាំងប្រធានកងកម្លាំងប្រដាប់អាវុធថ្មី ដែលគ្រប់គ្រងលើបញ្ហានុយក្លេអ៊ែរ និងមីស៊ីលធម្មតារបស់ប្រទេស មួយថ្ងៃ មុនថ្ងៃខួបនៃកងទ័ពរំដោះប្រជាជនចិន(PLA)។ លោក វ៉ាង ហុងហូពីន ( Wang Houbin) អតីតមេបញ្ជាការរងនៃកងទ័ពជើងទឹក ត្រូវបានតែងតាំងជាប្រធានថ្មីនៃកងកម្លាំងរ៉ុក្កែតរបស់PLA និងលោក ស៊ូ ស៊ីសឹង (Xu Xisheng) ដែលជាស្នងការនយោបាយថ្មីរបស់ខ្លួន ដោយបុរសទាំងពីរទទួលបានឋានៈជាឧត្តមសេនីយ៍ នេះបើយោងតាមប្រព័ន្ធផ្សព្វផ្សាយរដ្ឋ។រហូតដល់ការផ្លាស់ទៅកាន់កងកម្លាំងគ្រាប់រ៉ុក្កែតរបស់PLA លោកវ៉ាង បានក្លាយជាមេបញ្ជាការរងនៃកងទ័ពជើងទឹក តាំងពីឆ្នាំ ២០២០។ លោកក៏ធ្លាប់ជានាយសេនាធិការរងនៃកងទ័ពជើងទឹកផងដែរ។លោកស៊ូ ធ្លាប់ជាស្នងការរងនយោបាយនៃទីបញ្ជាការយុទ្ធសាស្ត្រភាគខាងត្បូង ដែលជាបញ្ជាការមួយក្នុងចំណោមទីបញ្ជាការទាំងប្រាំរបស់PLA។ប្រព័ន្ធផ្សព្វផ្សាយរដ្ឋ មិនបាននិយាយថា កន្លែងដែលប្រធានមុនរបស់កងកម្លាំងរ៉ុក្កែតរបស់ PLA គឺ លោក Li Yuchao (លី យូឆាវ) ត្រូវបានចាត់តាំងឡើងវិញ ឬ បញ្ជាក់ពីទីកន្លែងរបស់លោកនៅនោះទេ។

បណ្ដាញសង្គម

ព័ត៌មានថ្មីៗ

ផ្ទុះការតវ៉ានៅអ៊ុយក្រែន ខណៈលោក Zelensky ចុះហត្ថលេខាលើសេចក្ដីស្នើច្បាប់ដាក់គោលដៅលើស្ថាប័នប្រឆាំងអំពើពុករលួយ
07/23/2025 01:07 PM
Facebook Telegram Linkin
នាយកដ្ឋានប្រឆាំងបទល្មើសបច្ចេកវិទ្យា បង្រ្កាប និងឃាត់ខ្លួនជនសង្ស័យឆបោកតាម​រូបភាព​ផ្សព្វ​ផ្សាយ​ផ្តល់​សេវាអ្នកបំរើតាមផ្ទះ តាមរយៈផេកសេវាកម្មស្រ្តីមេផ្ទះ Easy-Maid
07/23/2025 12:07 PM
Facebook Telegram Linkin
សម្ដេចធិបតី៖ រាជរដ្ឋាភិបាលកម្ពុជា ចាត់ទុកកុមារជាអ្នកបន្តវេនរបស់ប្រទេសជាតិ ដូចពាក្យស្លោកថា «កុមារជាទំពាំងស្នងឫស្សី» និង «កុមារជាសសរទ្រូងសម្រាប់ប្រទេសជាតិ»
07/23/2025 12:07 PM
Facebook Telegram Linkin
កងកម្លាំងស្វ័យការពារដែនអាកាសជប៉ុន ចូលរួមសមយុទ្ធដឹកនាំដោយអាមេរិកនៅតំបន់ប៉ាស៊ីហ្វិក
07/23/2025 12:07 PM
Facebook Telegram Linkin
លោក Trump ចោទលោក Obama ថាក្បត់ជាតិ ជុំវិញការស៊ើបអង្កេតរុស្ស៊ី ក្នុងការបោះឆ្នោតឆ្នាំ២០១៦
07/23/2025 11:07 AM
Facebook Telegram Linkin
សាកលវិទ្យាល័យ Columbia ព្យួរនិងបណ្ដេញចេញនិស្សិតជិត៨០នាក់ ជុំវិញការតវ៉ាតំបន់ហ្កាហ្សា
07/23/2025 11:07 AM
Facebook Telegram Linkin
កិច្ចខិតខំប្រឹងប្រែងជួយសង្គ្រោះនៅបន្តក្នុងប្រទេសកុងហ្គោ ក្រោយពីបាក់អណ្តូងរ៉ែមាស
07/23/2025 11:07 AM
Facebook Telegram Linkin
អឌ្ឍចន្ទក្រហមអារ៉ាប់ស៊ីរី និងអង្គការសហប្រជាជាតិ រង់ចាំចូលក្នុងទីក្រុង Sweida ប្រទេសស៊ីរី
07/23/2025 11:07 AM
Facebook Telegram Linkin
លេខាធិការដ្ឋាន គ.វ.រ. បើកកិច្ចប្រជុំ ពិភាក្សាសេចក្តីព្រាងអនុក្រឹត្យ ពីការរៀបចំនិងការប្រព្រឹត្តទៅរបស់ក្រសួង ស្ថាប័នចំនួន១០
07/23/2025 11:07 AM
Facebook Telegram Linkin
ក្រុមប្រដាប់អាវុធ បានបាញ់កាំភ្លើងសំដៅរថយន្តក្រុងដែលជម្លៀសជនស៊ីវិលពីទីក្រុង Sweida
07/23/2025 11:07 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.