នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
TOP STORY | សម្ដេចធិបតី បានចាត់វិធានការចាំបាច់​ជាបន្ត​បន្ទា​ប់ចំ​ពោះកា​រ​វិល​ត្រឡប់​ទ្រង់ទ្រាយ​ធំរ​បស់​ពលករ​ខ្មែរ និងជនភៀសសឹក
TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់
TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំ​​កោះប្រជុំក្រុមប្រឹក្សាសន្តិសុខជាបន្ទាន់ ដើម្បី​សុំ​ការ​អន្ត​រាគមន៍​បញ្ចប់​ការ​ឈ្លាន​ពាន​របស់​កង​ទ័ព​ថៃមក​លើដែនអធិបតេយ្យភាពរបស់កម្ពុជា
TOP STORY | សម្ដេចធិបតី៖ កងទ័ពថៃបានបើកការ​វាយប្រហារ​មក​លើ​ទីតាំង​ឈរ​ជើង​របស់​កង​ទ័ព​កម្ពុជា​ នៅប្រាសាទតាមាន់ធំ តាក្របី និងបានពង្រីកភូមិសាស្ត្រវាយប្រហារទៅដល់តំបន់មុំបី

នយោបាយ​ និង ការអភិវឌ្ឍន៍

ភាពចលាចលកាន់តែខ្លាំងក្នុងប្រទេសនីហ្សេ ក្រោយទម្លាក់ប្រធានាធិបតីពីតំណែង ខណៈយោធាគាំទ្ររដ្ឋប្រហារ

2023/07/28 10:02:23 am        202
Facebook Telegram Linkin
នីហ្សេ៖ រថយន្តនិងអគារជាច្រើនត្រូវបានដុតបំផ្លាញនៅក្នុងរដ្ឋ នីញ៉ាម៉េ (Niamey) របស់ប្រទេសនីហ្សេ កាលពីថ្ងៃព្រហស្បតិ៍ ទី២៧កក្កដា បន្ទាប់ពីក្រុមអ្នកគាំទ្ររដ្ឋប្រហាររាប់រយនាក់ បានប្រមូលផ្ដុំគ្នានៅខាងមុខទីស្នាក់ការគណបក្សកាន់អំណាច។ ក្រុមយុវជន បានចូលយកទោចក្រយានយន្ត កៅអី និងរបស់របរផ្សេងទៀតពីអគារនេះ។ក្រុមអ្នកតវ៉ាផ្សេងទៀតបានក្រវីទង់ជាតិរុស្ស៊ី និងស្រែកពាក្យស្លោកប្រឆាំងបារាំង ដែលឆ្លុះបញ្ចាំងពីការកើនឡើងរលកនៃការអាក់អន់ចិត្តចំពោះអតីតមហាអំណាចម្ចាស់នឹមអាណានិគមន៍បារាំង និងឥទ្ធិពលរបស់ខ្លួនក្នុងតំបន់សាហេល(Sahel region)។ គួររម្លឹកថាប្រទេសនីហ្សេ បានទទួលឯករាជ្យពីប្រទេសបារាំង កាលពីឆ្នាំ១៩៦០។ ការតវ៉ាជាបន្តបន្ទាប់កើតឡើង ខណៈទីបញ្ជាការកងទ័ពរបស់ប្រទេសនីហ្សេ បានប្រកាសគាំទ្ររដ្ឋប្រហារ កាលពីមួយថ្ងៃមុន ដោយក្រុមទាហាននៃអង្គភាពកងអង្គរក្សរបស់ប្រធានាធិបតី ។ លោកវរសេនីយឯក អាម៉ាដូ អាបដ្រាម៉ាណេ(Amadou Abdramane) បានប្រកាសតាមទូរទស្សន៍រដ្ឋថា គ្រប់សកម្មភាពរបស់គណបក្សនយោបាយទាំងអស់ ត្រូវបានផ្អាក ។ទាហានមួយក្រុមបានប្រកាស ក្នុងសុន្ទរកថាតាមទូរទស្សន៍កាលពីយប់ជ្រៅថ្ងៃពុធទី២៦កក្កដាថា ពួកគេបានឃុំខ្លួនប្រធានាធិបតីដែលត្រូវបានទម្លាក់ពីតំណែងលោក មហាម៉េដ បាហ្ស៊ូម(Mohamed Bazoum) នោះហើយ។ រដ្ឋាភិបាលយោធាក្នុងប្រទេសជិតខាង ម៉ាលី និងប៊ូគូណា ហ្វាសូ បានខិតចូលទៅរករុស្ស៊ី កាន់តែជិត ចាប់តាំងពីពួកគេបាន គ្រប់គ្រង កាលពីឆ្នាំ២០២០ និង២០២២។  ប្រទេសទាំងនោះ បានកាត់ផ្ដាច់ទំនាក់ទំនងជាប្រពៃណីជាមួយសម្ព័ន្ធមិត្តលោកខាងលិច៕

ស្ថានបេសកកម្មកម្ពុជាប្រចាំUN៖ ការបោះឆ្នោតកម្ពុជាប្រព្រឹត្តទៅដោយយុត្តិធម៌ និងក្រោមក្រសែភ្នែកអ្នកសង្កេតការណ៍រាប់ម៉ឺននាក់

2023/07/28 09:32:49 am        646
Facebook Telegram Linkin
ស្ថានបេសកកម្មអចិន្រ្តៃយ៍របស់កម្ពុជាប្រចាំនៅអង្គការសហប្រជាជាតិ ដែលមានមូលដ្ឋាន​នៅ​ទីក្រុង​ហ្សឺណែវ បានលើកឡើងថា ការបោះឆ្នោតជ្រើសតាំងតំណាងរាស្រ្តនីតិកាលទី៧ នាថ្ងៃ​ទី​២៣ ខែកក្កដា ឆ្នំា២០២៣នេះ បានប្រព្រឹត្តទៅដោយរលូន ត្រឹមត្រូវ តម្លាភាព សន្តិវិធី និង​ក្នុង​បរិយាកាស​ប្រកបដោយបិរិយាបន្ន ខណៈការ​បោះឆ្នោត​នេះ​មាន​គណបក្ស​នយោបាយ​សរុប​ចំនួន​១៨​ ចូលរួម​ប្រកួតប្រជែង ក្រោមក្រសែភ្នែកអ្នកសង្កេតការណ៍ជាតិ និង​អន្តរជាតិ​រាប់​ម៉ឺន​នាក់​ពិនិត្យ​យ៉ាង​ដិតដល់។ការលើកឡើងរបស់ស្ថានបេសកកម្មអចិន្រ្តៃយ៍កម្ពុជាប្រចាំនៅអង្គការសហប្រជាជាតិនេះ គឺបាន​ធ្វើ​ឡើង​ បន្ទាប់ពីលោក Volker Türk ឧត្តម​ស្នងការ​ទទួល​បន្ទុក​សិទ្ធិ​មនុស្ស​របស់​អង្គការ​សហប្រជាជាតិ បានរិះ គន់​ថា​ ការ​បោះឆ្នោត​ជ្រើស​តាំង​តំណាង​រាស្រ្ត​អាណត្តិទី៧​នៅ​កម្ពុជា​ពុំ​មាន​លក្ខណៈ​ត្រឹមត្រូវនោះ។យោងតាមសេចក្តីប្រកាសព័ត៌មានរបស់ស្ថានបេសកកម្មអចិន្រ្តៃយ៍កម្ពុជាប្រចាំUN និង​អង្គការ​អន្តរជាតិ​នានា​នៅទីក្រុងហ្សឺណែវ ដែលទូរទស្សន៍BTVទទួលបាន នាថ្ងៃទី២៨ ខែកក្កដា ឆ្នាំ​២០២៣​នេះ បានបញ្ជាក់ថា កម្ពុជាសូមច្រានចោលការលើកឡើងដែលបង្ករការភ័ន្តច្រឡំ និង​មាន​លក្ខណៈនយោបាយខ្ពស់របស់លោក Volker Türk ឧត្តម​ស្នង​ការ​ទទួល​បន្ទុក​សិទ្ធិ​មនុស្ស​របស់​អង្គការ​សហប្រជាជាតិ ជុំវិញការបោះឆ្នោតសកលនៅកម្ពុជា។ ដោយ​ស្ថាន​បេសកកម្ម​អចិន្ត្រៃយ៍​កម្ពុជា​បាន​បញ្ជាក់​ទៅ​កាន់​មន្រ្តី​UN​នេះ​ថា​ ការ​អនុវត្ត​ស្មើ​ៗ​គ្នា​នូវ​វិធាន​ការ​រដ្ឋបាល​ និង​ច្បាប់ ​ដើម្បី​ថែរក្សានីតិរដ្ឋ គឺមិន​មានន័យ​ស្មើ​ជា​ការ​រឹត​ត្បិត​សេរីភា​ព​របស់​ក្រុម​ជាក់​លាក់​ណា​មួយ​នោះ​ទេ​។ គណបក្សនយោបាយ បេក្ខជន នយោបាយសកម្មជន សហជីពកម្មករ អង្គ​ការ​មិនមែ​ន​រដ្ឋាភិបាល ​និងអង្គភាពសារព័ត៌មាន នានា ត្រូវ​ទទួល​ខុស​ត្រូវ​ចំពោះ​ការ​ប្រព្រឹត្ត​របស់​ខ្លួន​ដោយ​ស្មើ​ៗ​គ្នា នៅចំពោះមុខច្បាប់របស់ប្រទេស។ស្ថាន​បេសកកម្មអចិន្ត្រៃយ៍របស់កម្ពុជាបានបញ្ជាក់បន្ថែមទៀតថា ការលើកឡើងថា ការ​បោះឆ្នោត​សកល​ធ្វើ​ឡើង​ក្នុងបរិយាកាសរឹតត្បិត គឺមិនត្រឹមត្រូវឡើយ ដោយ​ប្រជាពលរដ្ឋ​កម្ពុជា​បាន​អញ្ជើញ​ទៅ​បោះឆ្នោតមានរហូតដល់ ៨,២លាននាក់ស្មើនឹង៨៤,៥៨ភាគរយ ហើយ​គណបក្ស​នយោបាយ​ចំនួន​១៨​ ចូលរួមប្រកួតប្រជែងតាមបែបប្រជាធិបតេយ្យសេរីពហុបក្ស ស្ថិត​ក្រោម​ក្រសែភ្នែក​ និង​ការ​តាម​ដាន​យ៉ាងដិតដល់ពីសំណាក់វត្តមាន អ្នកសង្កេតការណ៍អន្តរជាតិ ៤២២នាក់ ដែល​តំណាង​ឱ្យ៦៥សញ្ញាតិ មកពី៦១ ស្ថាប័ន រួមមានអង្គការអន្តរជាតិ រដ្ឋាភិបាលបរទេស និង​សហគមន៍​អនិកជន​កម្ពុជានៅបរទេសជាសាក្សីជាដើម។ ជាងនេះទៅទៀត ភ្នាក់ងារ​គណបក្ស​នយោបាយ​ជិត​៦០.០០០នាក់ និងអ្នកសង្កេតការណ៍ជាតិឯករាជ្យចំនួន៩០.០០០នាក់ ដែល​មាន​វត្តមានតាមដាន។ សេចក្តី ថ្លែងការណ៍​ជា​សាធារណៈ​របស់​ក្រុម​អ្នក​សង្កេតការណ៍​ជា​ច្រើន​ខាង​លើ​ក៏បានទទួលស្គាល់ថា ការបោះឆ្នោតសកលនៅកម្ពុជាគឺប្រព្រឹត្តទៅដោយសេរី ត្រឹមត្រូវ មានតម្លាភាព សន្តិវិធី និងក្នុងបរិយាកាសប្រកបដោយបរិយាប័ន្ន។ស្ថានបេសកកម្ម​អចិន្ត្រៃយ៍កម្ពុជាក៏បានអះអាងផងដែរថា កម្ពុជានៅតែប្រកាន់​ខ្ជាប់​ការ​ប្តេជ្ញា​ចិត្ត​របស់​ខ្លួន​ ចំពោះ​នយោបាយពហុបក្ស ប្រជាធិបតេយ្យ សន្តិភាព និងការលើកកម្ពស់សិទ្ធមនុស្ស។ ហើយ​តួ​អង្គខាងក្រៅទាំងអស់ត្រូវគោរពឆន្ទៈរបស់ប្រជាជនកម្ពុជាដែលជាម្ចាស់សន្លឹកឆ្នោត ចំពោះ​ការ​ជ្រើសរើសដ៏ត្រឹមត្រូវរបស់ពួកគាត់នូវ គណបក្សនយោបាយ ដែលពួកគាត់ជឿជាក់ថា អាច​ដឹកនាំ​ប្រទេសជាតិបានប្រសើរបំផុត នៅលើមាគ៌ាសន្តិភាព ស្ថិរភាព និង​វិបុលភាព​យូរ​អង្វែង​។យ៉ាងណាក៏ដោយស្ថានបេសកកម្មអចិន្រ្តៃយ៍កម្ពុជាបានសម្តែងក្តីរំពឹងថា ឧត្តម​ស្នង​ការ​ទទួល​បន្ទុក​សិទ្ធិមនុស្ស​នឹង​ពិចារណាពីតថភាពទាំងអស់នេះ ព្រម​ទាំង​អនុវត្ត​ការងារ​របស់​ខ្លួន​ដោយ​ឈរ​លើ​គោលការណ៍អព្យាក្រឹត សត្យានុម័ត និងមិនជ្រើសរើសតែមួយជ្រុង ស្រប​តាម​សេចក្តី​សម្រេច​របស់​ឧត្តម​ស្នងការទទួលបន្ទុកសិទ្ធិមនុស្ស ដែលតម្រូវឱ្យគោរពអធិបតេយ្យភាព និង​យុត្តាធិការ​ក្នុង​ស្រុក​របស់រដ្ឋ ព្រមទាំង​គោរព​តាម​គោលការណ៍​មិនជ្រែត​ជ្រែក​ចូល​កិច្ចការ​ផ្ទៃ​ក្នុង​របស់​រដ្ឋ​ដូច​បាន​ចែង​យ៉ាងច្បាស់ក្នុងធម្មនុញ្ញអង្គការសហប្រជាជាតិនាពេលកន្លងទៅនោះ៕ អត្ថបទ៖ បាន ចក់

៣១កក្កដាខួប១៤ឆ្នាំ សារមនី្ទរឧក្រិដ្ឋកម្មប្រល័យពូជសាសន៍ទួលស្លែង ចុះក្នុងបញ្ជីស្មារតីចងចាំ នៃពិភពលោក

2023/07/27 01:46:35 pm        244
Facebook Telegram Linkin
ភ្នំពេញ៖ នៅថ្ងៃទី៣១ ខែកក្កដា ឆ្នាំ២០២៣ខាងមុខនេះ​ ជាខួប១៤ឆ្នាំ របស់សារមនី្ទរឧក្រិដ្ឋកម្មប្រល័យពូជសាសន៍ទួលស្លែង ដែលបានចុះក្នុងបញ្ជីស្មារតីចងចាំ​ នៃពិភពលោករបស់អង្គការយូណេស្កូ(UNECO)។លោក ហង្ស និស្ស័យ នាយកសារមន្ទីរឧក្រិដ្ឋកម្មប្រល័យពូជសាសន៍ទួលស្លែង ​នៃក្រសួងវប្បធម៌ និងវិចិត្រសិល្បៈ ​ថ្លែងប្រាប់BTV ព័ត៌មាន ​នាព្រឹកថ្ងៃទី២៧ ខែកក្កដា​ ឆ្នាំ២០២៣នេះថា នៅសល់តែ ៤ថ្ងៃទៀតប៉ុណ្ណោះ ជាថ្ងៃរំលឹកខួប១៤ឆ្នាំ នៃការដាក់​បញ្ចូល​បណ្ណសារសារមនី្ទរប្រល័យពូជ​សាសន៍​ទួលស្លែង នៃក្រសួងវប្បធម៌ ​និងវិចិត្រសិល្បៈ ព្រះរាជាណាចក្រកម្ពុជា ​ត្រូវបានបញ្ចូលក្នុងបញ្ជី ស្មារតីចងចាំ ​នៃពិភពលោករបស់អង្គការ ​យូណេស្កូ កាលពីឆ្នាំ២០០៩ ​ក្រោមការគាំទ្រ និង​ជ្រោមជ្រែង​របស់រាជរដ្ឋាភិបាល។ មែនទែនទៅបងប្អូនប្រជាពលរដ្ឋ ​យើងបាន​ស្គាល់ច្បាស់​នូវ​បេតិកភណ្ឌរូបី(ដែលមានប្រាសាទអង្គវត្ត ប្រាសាទសំបូរព្រៃគុក និងប្រាសាទព្រះវិហា) ​និងអរូបី (របាំព្រះរាជទ្រព្យ ល្ខោនខោល ដើម) ​ប៉ុន្តែមានប្រជាពលរដ្ឋមួយចំនួន​តូច មិនទាន់យល់ច្បាស់​អំពីបេតិកភណ្ឌឯកសារ។ ដូច្នេះតម្លៃនៃសម្បតិ្តបេតិកភណ្ឌទាំងបី នេះគឺស្មើគ្នា និងឋិតក្រោម​គម្រោង​របស់អង្គការយូណេស្កូ មានរូបី អរូបី ​និងឯកសារ នៅពេលដែលយើងបានចុះ​ក្នុង​បញ្ជីស្មារតីចងចាំ ​នៃពិភពលោក ​គឺយើងទទួលបានការគាំទ្រទាំងផ្នែកបច្ចេកទេស​ និងហិរញ្ញវត្ថុ ពី​អង្គការយូណេស្កូ ជាពិសេសអង្គការយូណេស្កូ នៅរាជធានីភ្នំពេញ ជួយសម្របសម្រួល។ជាចុងក្រោយលោក ហង្ស និស្ស័យ នាយកសារមន្ទីរឧក្រិដ្ឋកម្មប្រល័យពូជ​សាសន៍ទួលស្លែង បាន​បញ្ជាក់ថា កិច្ចការដែលក្រុមការងារកំពុងធ្វើនេះ​ គឺដើម្បីអភិរក្ស និងបង្ហាញដល់បងប្អូន​ប្រជាពលរដ្ឋ​ទាំងអស់ ក៏ដើម្បីចងចាំនូវរឿងរ៉ាវដែលបានកើតឡើង​នៅអតីតមនី្ទរ «ស . ២១» និងជារួមដែល​បានកើតឡើង​មកលើប្រជាជនកម្ពុជា ​និងជិត២លាននាក់ដែលបាត់បង់ជីវិត ​និងជនរងគ្រោះ រួចរស់មានជីវិតជាង៥លាននាក់ ​ពីសម័យខ្មែរក្រហម គឺចងចាំមិនភ្លេចនូវរឿងរ៉ាវដែលបានកើតឡើង​ចំពោះប្រជាពលរដ្ឋ។ ​ដូច្នេះយើងត្រូវចូលរួមធ្វើយ៉ាងណា រក្សាស្ថានភាព​ ស្ថិរភាព សន្តិភាពនេះ​ឲ្យបានគង់វង្ស​ ជាពិសេសយើងជាយុវជនមានសំណាង ​កើតក្រោយសង្រ្គាម គឺយើងយល់ច្បាស់​ពីគុណតម្លៃនៃសន្តិភាពដែលកំពុងមាន៕អត្ថបទ រដ្ឋា

មូលដ្ឋានខេត្តកណ្ដាលកំពុងទទួលបានការអភិវឌ្ឍ ក្រោមគោលនយោបាយរបស់គណបក្សប្រជាជន

2023/07/27 01:28:21 pm        188
Facebook Telegram Linkin
កណ្ដាល៖ រាជរដ្ឋាភិបាលកម្ពុជា បានពង្រីកថវិកាវិភាជកាន់តែកើនឡើង នៅតាមឃុំសង្កាត់ ពីមួយអាណត្តិទៅមួយអាណត្តិ ដោយថវិកាទាំងអស់នោះ ​បាននឹងកំពុងធ្វើឲ្យផ្លូវលំដី ​ឬក្រាល​ក្រួសក្រហម នៅតាមទីជនបទ ​ប្រែក្លាយ​ជាផ្លូវចាក់បេតុង​ដ៏ស្រស់ស្អាត ងាយស្រួលពលរដ្ឋ​ធ្វើដំណើរ ។លោក កុយ ណារ៉ុង មេឃុំកំពង់ស្វាយ ស្រុកកៀនស្វាយ​ បានលើកឡើងថា ​ថវិកាវិភាជនេះ បានធ្វើ​ឲ្យអាជ្ញាធរឃុំ ​មានលទ្ធភាពក្នុងការ​ដោះស្រាយ ​និង​អភិវឌ្ឍន៍​មូលដ្ឋាន​នូវហេដ្ឋារចនា​សម្ព័ន្ធ​មួយចំនួនតាមកម្រិតថវិកា​ និងត្រូវបានប្រើប្រាស់ ​និងបែងចែកដោយតម្លាភាព ។លោក បន្តថា មួយវិញទៀត ជាពិសេស​ថវិកា ​ដែល​រាជ​រដ្ឋាភិបាល​វិភាជ ​កាល​ពី​អាណត្តិទី៦​ មាន​កំណើន​គួរសម ​ធ្វើឲ្យឃុំកំពង់ស្វាយ ​អាច​អភិវឌ្ឍន៍ផ្លូវ​ជាច្រើន​ខ្សែ ដែល​ពី​មុនជាផ្លូវក្រាលក្រួស​ក្រហម ​ឬជាផ្លូវដី​ ជួសជុលកែលម្អទៅជាផ្លូវចាក់បេតុង ​ហើយឆ្នាំ២០២៣នេះ នឹងប្រែក្លាយផ្លូវលំ​ក្នុងឃុំនេះ ធ្វើទៅជាផ្លូវបេតុងទាំងអស់ផងដែរ ។ប្រជាពលរដ្ឋរស់នៅឃុំកំពង់ស្វាយ ​បានលើកឡើងថា​ ពួកគេពិតជាសប្បាយរីករាយជាខ្លាំង ដែល អាជ្ញាធរ ​បានខិតខំអភិវឌ្ឍន៍​មូលដ្ឋាន ​ពីមួយអាណត្តិទៅមួយអាណត្តិ ​ហើយក៏សូមស្នើដល់​អាជ្ញាធរ បន្តជួយ ​អភិវឌ្ឍន៍​ភូមិ-ឃុំ ឲ្យកាន់តែមានការរីកចម្រើនបន្ថែមទៀត ។លោក កុយ ណារ៉ុង បានបញ្ជាក់ថា ជាបន្តបន្ទាប់ទៀត ​អាជ្ញាធរនឹងមានពង្រីកការដាក់ភ្លើង​សូឡា​នៅតាមផ្លូវបំភ្លឺពេលយប់ រួមទាំងខិតខំអភិវឌ្ឍន៍​នូវហេដ្ឋារចនាសម្ព័ន្ធផ្សេងៗ​ទៀត ឲ្យកាន់តែរីក​ចម្រើន ​ដើម្បីឆ្លើយតបទៅនឹងសន្លឹកឆ្នោត​ របស់ពលរដ្ឋដែលបានបោះជូនគណបក្សប្រជាជនកម្ពុជា ជាពិសេសក្នុងស្រុកកៀនស្វាយ​ គឺឃុំពង់ស្វាយ ​ទទួលបានលេខ១ ដែលមានពលរដ្ឋបោះឆ្នោត​គាំទ្រ​ច្រើនជាងគេ ៕អត្ថបទ បាន សុខរិទ្ធិ

កសិករគាំទ្របក្សប្រជាជនថ្លែងថា ការផ្តល់មន្ត្រីបច្ចេកទេសកសិកម្មបំរើការតាមឃុំសង្កាត់ នឹងជំរុញកំណើនកសិកម្ម

2023/07/27 01:03:44 pm        181
Facebook Telegram Linkin
កណ្ដាល៖ បណ្តាប្រជាកសិករ បាននាំគ្នាគាំទ្រ និងអរគុណគណបក្សប្រជាជនកម្ពុជា ជំរុញរាជ​រដ្ឋាភិបាល​អាណត្តិ​ថ្មីនេះ​ អនុវត្តគោលនយោបាយ គាំពារកសិករ ​និងផ្តល់មន្ត្រីបច្ចេកទេសកសិកម្ម ដាក់បម្រើការងារនៅតាមឃុំសង្កាត់​ ដើម្បីជួយផ្នែកបច្ចេកទេសកសិកម្មធ្វើដំណាំដាំដុះ និងជំរុញកំណើន​ទីផ្សារកសិកម្ម ។បើតាមបណ្តាពលរដ្ឋ នៅសង្កាត់កោះអន្លង់ចិន ក្រុងតាខ្មៅខេត្តកណ្តាល បានថ្លែងប្រាប់BTV នៅថ្ងៃទី២៧ ខែកក្កដានេះថា គោលនយោបាយរបស់បក្សប្រជាជន បន្ថែមមន្ត្រីបច្ចេកទេសកសិកម្ម ដាក់បម្រើការងារនៅតាមសាលាឃុំសង្កាត់នេះ នឹងជំរុញផ្លាស់ប្តូរប្រជាកសិករ ធ្វើដំណាំដាំដុះពីតាមបែបប្រពៃណី ទៅធ្វើដំណាំតាមបែបបច្ចេកទេសមានគុណភាព មានសុវត្ថិភាព និងមានតម្លៃនៅលើទីផ្សារ។បើតាមលោក ហុង សុគន្ធា សមាជិកក្រុមប្រឹក្សាទី១សង្កាត់កោះអន្លង់ចិន បានថ្លែងថា នៅក្នុងសង្កាត់កោះអន្លង់ចិន គឺមានពលរដ្ឋប្រមាណ៩៥% បានប្រកបរបរដាំដំណាំកសិកម្មតាមរដូវ និងដំណាំប្រមូលផលប្រចាំថ្ងៃ ​ទៅតាមបែបប្រពៃណី ហើយតាមរយៈការដាក់បន្ថែមមន្ត្រីបច្ចេកទេស​កសិកម្មចូលបម្រើការនៅក្នុងរដ្ឋបាលសាលាសង្កាត់កោះអន្លង់ចិននេះ យើងសហការជាមួយគ្នាដើម្បីជំរុញប្រជាកសិករយើងដាំដំណាំតាមបែបច្ចេកទេសទំនើប មានសុវត្ថិភាព និងជំរុញជីវភាពកសិករកាន់តែប្រសើរឡើង។លោក ប៊ុនទួន ស៊ីម៉ូណា ប្រធានមន្ទីរកសិកម្ម រុក្ខាប្រមាញ់និងនេសាទ ខេត្តកណ្តាល បានថ្លែងថា នៅពេលនេះ មន្ទីរកសិកម្មខេត្តកណ្តាល បានដាក់សំណើររួចហើយទៅក្រសួងកសិកម្ម រុក្ខាប្រមាញ់ និងនេសាទ សុំដាក់មន្ត្រីបច្ចេកទេសកសិកម្មចូលបម្រើការនៅតាមឃុំសង្កាត់ចំនួន១២៧ នៅទូទាំងខេត្តកណ្តាល។បើតាម លោក ម៉ៅ មីនា ប្រធាននាយកដ្ឋានផ្សព្វផ្សាយកសិកម្ម រុក្ខាប្រមាញ់ និងនេសាទ នៃក្រសួងកសិកម្ម បានថ្លែងថា នៅក្នុងឆ្នាំ២០២៤ នឹងចាប់ផ្តើមរៀបចំដាក់ពង្រាយ​មន្ត្រី​បច្ចេកទេសកសិកម្ម នៅតាមឃុំសង្កាត់ ​ដើម្បីផ្តល់ការប្រឹក្សា​ដោះស្រាយបញ្ហា​ និង ផ្តល់​ការបណ្តុះបណ្តាល​ផ្នែកបច្ចេកទេសដាំដំណាំកសិកម្មជូនកសិករ និង​បញ្ជូនព័ត៌មាន បញ្ហាការលំបាកនានារបស់កសិករ ​រាយការណ៍ឲ្យថ្នាក់ជាតិបានដឹង ​និងជួយដោះស្រាយ និង​ផ្តល់ព័ត៌មានពីថ្នាក់ជាតិ ​ថ្នាក់ខេត្តទៅឲ្យប្រជាកសិករវិញជាដើម៕អត្ថបទ ស៊ុម សុខជា

រដ្ឋមន្ត្រីការបរទេសចិនថ្មីលោក Wang Yi ពិភាក្សាពីបញ្ហាអ៊ុយក្រែន នៅទួរគី ក្នុងដំណើរទស្សនកិច្ចលើកដំបូងរបស់លោក

2023/07/27 12:37:49 pm        164
Facebook Telegram Linkin
ទួរគី៖ ប្រភពពីក្រសួងការបរទេសទួរគី បានឲ្យដឹងថា រដ្ឋមន្ត្រីការបរទេសចិន លោក Wang Yi បានពិភាក្សាអំពីបញ្ហាអ៊ុយក្រែនជាមួយសមភាគីទួរគី ក្នុងទីក្រុងអង់ការ៉ា ហើយបានជួបជាមួយប្រធានាធិបតីលោក Tayyip Erdogan កាលពីថ្ងៃពុធ (ថ្ងៃទី២៦ ខែកក្កដា) ដែលជំនួបនេះ បានកើតឡើង អំឡុងដំណើរទស្សនកិច្ចបរទេសលើកដំបូងរបស់លោក ចាប់តាំងពីទទួលបានការតែងតាំង។ប្រទេសចិនបានតែងតាំងលោក Wang ដែលជាអ្នកការទូតជើងចាស់ ជារដ្ឋមន្ត្រីការបរទេសថ្មីរបស់ខ្លួនកាលពីថ្ងៃអង្គារ (ទី២៥ ខែកក្កដា) ដោយបានបញ្ចប់តំណែងរបស់លោក Qin Gang បន្ទាប់ពីអតីតឥស្សជន ដែលកំពុងលេចធ្លោរូបនេះ បានអវត្តមានរយៈពេលមួយខែពីតួនាទី ដែលលោកចូលមកបំពេញការងាររយៈជិតកន្លះឆ្នាំ។ពាក់ព័ន្ធនឹងជំនួបរបស់លោករដ្ឋមន្ត្រីថ្មីវិញ ប្រភពពីក្រសួងការបរទេសទួរគី បានបង្ហើបឲ្យដឹងថា ការពិភាក្សា រវាងលោក Wang និងរដ្ឋមន្ត្រីការបរទេសទួរគីលោក Hakan Fidan រួមមានស្ថានភាពចុងក្រោយនៅក្នុងប្រទេសអ៊ុយក្រែន ក៏ដូចជាប្រព័ន្ធហិរញ្ញវត្ថុពិភពលោកផងដែរ។ជាមួយគ្នានេះ នៅក្នុងសេចក្តីថ្លែងការណ៍មួយដែលបានចេញផ្សាយបន្ទាប់ពីកិច្ចពិភាក្សា ការិយាល័យរបស់លោកប្រធានាធិបតីទួរគី បានឲ្យដឹងថា Wang និងលោក Erdogan បានសម្តែងក្តីសង្ឃឹមថា ប្រទេសចិន និងប្រទេសទួរគី នឹងពង្រឹងកិច្ចសហប្រតិបត្តិការរបស់ខ្លួន ខណៈដែលប្រទេសទាំង២ ដើរតួយ៉ាងសំខាន់ក្នុងការដោះស្រាយបញ្ហាពិភពលោក និងតំបន់៕

ព្យុះទីហ្វុង Doksuri បណ្តាលឲ្យបិទធុរកិច្ច និងមិនឲ្យមានការហោះហើរនៅកោះតៃវ៉ាន់ ក្រោយសម្លាប់មនុស្ស ៦នាក់នៅហ្វីលីពីន

2023/07/27 12:28:05 pm        149
Facebook Telegram Linkin
តៃវ៉ាន់៖ រលកសមុទ្រធំៗ និងភ្លៀងធ្លាក់ខ្លាំង បានវាយប្រហារតំបន់ភាគខាងត្បូង និងតំបន់ភាគខាងកើតកោះតៃវ៉ាន់នៅថ្ងៃព្រហស្បតិ៍នេះ ជាទីដែលវិស័យធុរកិច្ច និងសាលារៀន ត្រូវបានបិទទ្វារ ហើយការព្រមានពីបំណាក់ដី ត្រូវបានចេញផងដែរ ក្រោយព្យុះទីហ្វុង Doksuri បោកបក់លើប្រទេសហ្វីលីពីន ជាមួយនឹងខ្យល់បក់ខ្លាំង និងភ្លៀងធ្លាក់បង្កជាទឹកជំនន់ ហើយនិងបំណាក់ដី ដែលបានសម្លាប់មនុស្សយ៉ាងហោច ៦នាក់ ។  តំបន់ភាគខាងត្បូងកោះតៃវ៉ាន់ បានបិទវិស័យធុរកិច្ច និងសាលារៀន ស្របពេលដែលក្រុមហ៊ុនអាកាសចរណ៍ លុបចោលជើងហោះហើរ ក្រោយការព្រមានពីបំណាក់ដី និងទឹកជំនន់ ពេលដែលព្យុះទីហ្វុង Doksuri បោកបក់ឆ្លងកាត់កោះមួយនេះ ។  នៅវេលាម៉ោង ១០ និង ១៥នាទីព្រឹក ម៉ោងក្នុងស្រុក ត្រូវនឹងម៉ោង ២ និង ១៥នាទីម៉ោងសកល ព្យុះទីហ្វុង Doksuri ដែលត្រូវបានគេចាត់ថ្នាក់ថាជាកម្រិតព្យុះទីហ្វុងខ្លាំងបំផុតលំដាប់ទី ២ដោយមន្ទីរឧតុនិយមកោះតៃវ៉ាន់នោះ បានធ្វើដំណើរទៅទិសខាងត្បូងឆ្ពោះទៅកាន់ច្រកសមុទ្រតៃវ៉ាន់ ជាមួយនឹងកម្លាំងខ្យល់បក់អតិបរមា ១៩១គ.មក្នុង១ម៉ោង ។   ជើងហោះហើរក្នុងស្រុកទាំងអស់ និងសេវាកម្មដឹកជញ្ជូនរបស់នាវាចម្លង ត្រូវបានផ្អាក ស្របពេលដែលជើងហោះហើរអន្តរជាតិជាង ១០០វ៉ុល ត្រូវបានលុបចោល ឬពន្យារពេល ។  ដោយឡែក សេវាកម្មផ្លូវដែក ចន្លោះតំបន់ភាគខាងត្បូង និងតំបន់ភាគខាងកើតកោះតៃវ៉ាន់ ត្រូវបានបិទដំណើរការបណ្តោះអាសន្ន ក្នុងនោះមនុស្សជាង ៥.៧០០នាក់ ត្រូវបានជម្លៀសខ្លួន ដើម្បីបង្ការទុកជាមុន ។  ព្យុះទីហ្វុងនេះដែរ បានកាត់ផ្តាច់ចន្តរអគ្គិសនីពីផ្ទះសម្បែងជាង ១៥.៧០០គ្រួសារនៅទូទាំងកោះតៃវ៉ាន់ ប៉ុន្តែភាគច្រើនៃភាពរអាក់រអួលចរន្តអគ្គិសនីទាំងនេះនេះ ត្រូវបានស្តាឡើងវិញហើយ ចាប់តាំងពីពេលនោះមក ។   លោក Chen Chi-mai គឺជាអភិបាលក្រុង Kaohsiungបាននិយាយនៅលើបណ្តាញព័ត៌មានសង្គម Facebookកាលពីល្ងាចថ្ងៃពុធថា សម្រាប់ព្យុះទីហ្វុង Doksuri ពួកយើងមិនអាចមើលស្រាលបាននោះទេ ពីឥទ្ធិពល និងកម្លាំងបោកបក់របស់វា ៕

មន្ត្រីអាមេរិកគ្រោងជួបតំណាងតាលីបង់នៅទីក្រុងដូហា

2023/07/27 12:22:48 pm        220
Facebook Telegram Linkin
អាមេរិក៖ ក្រសួងការបរទេសសហរដ្ឋអាមេរិក បានប្រកាសថា អ្នកការទូតសហរដ្ឋអាមេរិក នឹងជួបជាមួយតំណាងក្រុមតាលីបង់ក្នុងប្រទេសកាតាក្នុងសប្តាហ៍នេះ ជាអ្វីដែលនឹងជាកិច្ចពិភាក្សាដ៏កម្រនិងដោយផ្ទាល់រវាងទីក្រុងវ៉ាស៊ីនតោន និងក្រុមអាហ្វហ្គានីស្ថានដែលកំពុងកាន់អំណាច។  ក្រសួងការបរទេស បាននិយាយកាលពីថ្ងៃពុធថា លោក ថូម៉ាស វែសធ៍ (Thomas West) និង លោកស្រី អាមីរី (Rina Amiri) នឹងបើកកិច្ចប្រជុំស្តីពីប្រទេសអាហ្វហ្គានីស្ថាននៅទីក្រុងអាស្តាណា ( Astana) ប្រទេសកាហ្សាក់ស្ថានជាមួយនឹងក្រុមអ្នកតំណាងមកពីកាហ្សាក់ស្ថាន សាធារណរដ្ឋកៀហ្ស៊ីស៊ីស្ថាន តាហ្ស៊ីគីស្ថាន តួកមេនីស្ថាន និងអ៊ូសបេគីស្ថាន។លោកថូម៉ាស វែសធ៍ តំណាងពិសេសរបស់សហរដ្ឋអាមេរិកប្រចាំនៅអាហ្វហ្គានីស្ថាន និងលោកស្រីអាមីរី បេសកជនពិសេសរបស់សហរដ្ឋអាមេរិកទទួលបន្ទុកកិច្ចការស្ត្រី ក្មេងស្រី និងសិទ្ធិមនុស្សអាហ្វហ្គានីស្ថាន បន្ទាប់មកនឹងជួបជាមួយគណៈប្រតិភូតំណាងតាលីបង់ និងក្រុមមន្ត្រីក្រសួងអាហ្វហ្គានីស្ថានផ្សេងទៀត នៅរដ្ឋធានីដូហា ប្រទេសកាតា។ក្រសួងការបរទេស បាននិយាយនៅក្នុងសេចក្តីថ្លែងការណ៍មួយថា ក្រុមទាំងពីរ នឹងពិភាក្សាអំពីផលប្រយោជន៍សំខាន់ៗ នៅក្នុងប្រទេសអាហ្វហ្គានីស្ថាន ក្នុងអំឡុងពេលកិច្ចប្រជុំនៅទីក្រុងដូហា៕

សម្ព័ន្ធយោធាណាតូ បង្កើនសកម្មភាពល្បាត នៅសមុទ្រខ្មៅ

2023/07/27 12:13:41 pm        191
Facebook Telegram Linkin
ណាតូ៖ សម្ព័ន្ធយោធាណាតូ និយាយថា ខ្លួនកំពុងពង្រឹងសកម្មភាពស៊ើបការណ៍ និងឈ្លបយកការណ៍ នៅតំបន់សមុទ្រខ្មៅ បន្ទាប់ពីការដកខ្លួនចេញពីកិច្ចព្រមព្រៀងរបស់រុស្ស៊ី ក្នុងការអនុញ្ញាតិឲ្យមាការនាំចេញគ្រាប់ធញ្ញជាតិពីកំពង់ផែប្រទេសអ៊ុយក្រែន។ក្រុមប្រឹក្សាអ៊ុយក្រែន-ណាតូ បានបើកកិច្ចប្រជុំមួយកាលពីថ្ងៃពុធ តាមសំណើរបស់ប្រទេសអ៊ុយក្រែន សម្រាប់ការពិភាក្សាពីវិបត្តិ។ ក្របខណ្ឌការងារត្រូវបានបង្កើតឡើងកាលពីដើមខែនេះ។ ក្រុមអ្នកចូលរួម បានពិភាក្សាពីការវាយលុកដដែលៗរបស់រុស្ស៊ីទៅលើទីក្រុងកំពង់ផែ Odesa របស់អ៊ុយក្រែន នៅភាគខាងត្បូង នឹងនៅកន្លែងផ្សេងទៀត បន្ទាប់ពីការដកខ្លួនចេញពីកិច្ចព្រមព្រៀងជាឯកតោភាគី។ បន្ទាប់ពីកិច្ចពិភាក្សា សម្ព័ន្ធយោធាណាតូ និងប្រទេសអ៊ុយក្រែន បានថ្កោលទោសយ៉ាងខ្លាំងលើសកម្មភាពរបស់ទីក្រុងមូស្គូ។ ក្រុមប្រឹក្សាបានកត់សំគាល់ថា ការព្រមានថ្មីរបស់រុស្ស៊ីទៅលើនាវានៅសមុទ្រខ្មៅបានបង្កើតហានីភ័យថ្មីសម្រាប់ការភ័នច្រឡំ និងការធ្វើឲ្យបញ្ហាកាន់តែរីកធំ ហើយសេរីភាពនៃការធ្វើនាវាចរណ៍ត្រូវបានរារាំងយ៉ាងខ្លាំង។  ទីក្រុងមូស្គូ បាននិយាយកាលពីដំបូងថា ខ្លួនបានចាត់ទុកនាវាណាមួយដែលធ្វើដំណើរទៅកាន់កំពង់ផែសមុទ្រខ្មៅរបស់អ៊ុយក្រែន អាចមានផ្ទុកទំនិញផ្នែកយោធា។ ក្រុមប្រឹក្សានិយាយថា ណាតូ និងសម្ព័នមិត្តរបស់ខ្លួន បានបង្កើនសកម្មភាពល្បាតដែនសមុទ្រ នៅក្នុងតំបន់ ដោយប្រើប្រាស់យន្តហោះ និងយានដ្រូន៕

យោធាមីយ៉ាន់ម៉ា មានផែនការផ្ទេរលោកស្រី អ៊ុងសានស៊ូជី ទៅកាន់ការឃុំខ្លួននៅលំនៅឋាន

2023/07/27 12:10:24 pm        186
Facebook Telegram Linkin
មីយ៉ាន់ម៉ា៖ យោងតាមការរាយការណ៍របស់សារព័ត៌មានរ៉យទ័រ បានឲ្យដឹងថា យោធាសហភាពមីយ៉ាន់ម៉ា មានផែការផ្ទេរមេដឹកនាំដែលត្រូវបានបណ្តេញចេញ លោកស្រី អ៊ុងសាន ស៊ូជី ពីពន្ធនាគារទៅកាន់ការឃុំខ្លួននៅក្នុងផ្ទះ។ លោកស្រី ស៊ូជី បានស្ថិតនៅក្នុងការឃុំឃាំងចាប់តាំងពីយោធាបានរុះរើគណបក្សសម្ព័ន្ធជាតិដើម្បីលទ្ធិប្រជាធិបតេយ្យដែលបានជាប់ឆ្នោតតាមបែបប្រជាធិបតេយ្យរបស់លោកស្រី នៅក្នុងរដ្ឋប្រហារឆ្នំា២០២១។បច្ចុប្បន្នលោកស្រី អ៊ុង សានស៊ូជី បានជាប់នៅក្នុងពន្ធនាគារក្នុងរដ្ឋធានីណៃពិដោ ។ មន្ត្រីជាន់ខ្ពស់ដែលបាននិយាយក្នុងលក្ខខណ្ឌមិនបញ្ចេញឈ្មោះ បានប្រាប់សារព័ត៌មាន AP ថា រដ្ឋាភិបាលយោធា មានផែនការប្រកាសការដោះលែងលោកស្រី ស៊ូជី ក្នុងពេលឆាប់ៗនេះ។ ការរាយការណ៍ និយាយថា ចំណាត់ការនេះគឺជាសកម្មភាពនៃការលើកលែងទោសចំពោះអ្នកជាប់ទោស ជាផ្នែកនៃពិធីសាសនា ដែលនឹងកំណត់ពេលធ្វើឡើងនៅសប្តាហ៍ក្រោយ។យោធាបានសាងសង់រូបបដិមាព្រះពុទ្ធទ្រង់ភ្នែនដ៏ធំអស្ចារ្យថ្មីមួយព្រះអង្គ ជានិមិត្តរូបនៃការបូជា និងបើកសម្រាប់សាធារណៈជន នៅថ្ងៃទី៣ ខែសីហា។ លោកស្រី ស៊ូជី ត្រូវបានកាត់ទោសឲ្យជាប់ពន្ធនាគារ៣៣ឆ្នាំ បន្ទាប់ពីមានបទចោទប្រកាន់ជាបន្តបន្ទាប់ ត្រូវនាំមកដោយយោធា។ បទចោទប្រកាន់ភាគច្រើន អ្នកជំនាញអះអាងថា ត្រូវបាននាំមកដើម្បីធ្វើឲ្យលោកស្រីចេញឆ្ងាយពីការប្រមូលផ្តុំការគាំទ្រជាសាធារណៈ៕

បណ្ដាញសង្គម

ព័ត៌មានថ្មីៗ

ឯកឧត្ដម ហ៊ុន ម៉ានី៖“ខ្មែរត្រូវតែខំពង្រឹងសមត្ថភាពខ្លួនឯង […] ការធ្វើជំរឿនមន្ត្រីនាពេលនេះ​ជាផ្នែកមួយនៃការពង្រឹងសមត្ថភាពរបស់យើង”
07/29/2025 02:07 PM
Facebook Telegram Linkin
សប្បុរសជនខេត្តស្វាយរៀងផ្ដល់ជំនួយគាំទ្រជាគ្រឿងឧបភោគបរិភោគដល់កងទ័ពនិងជនភៀសសឹក
07/29/2025 02:07 PM
Facebook Telegram Linkin
អ៊ីស្រាអែល បន្តសម្លាប់មនុស្ស ១០០នាក់នៅហ្កាហ្សា ទោះប្រកាសផ្អាកប្រយុទ្ធតាមកន្លែងក្ដី
07/29/2025 02:07 PM
Facebook Telegram Linkin
បេសកជនUN៖ អាជ្ញាធរបណ្តោះអាសន្នស៊ីរី ត្រូវតែធ្វើសកម្មភាព ដោយមានវិន័យច្បាស់លាស់
07/29/2025 02:07 PM
Facebook Telegram Linkin
ក្រុមរដ្ឋអ៊ិស្លាម អះអាងទទួលខុសត្រូវលើការវាយប្រហារនៅកុងហ្គោ ដែលសម្លាប់មនុស្សជាង ៤០នាក់
07/29/2025 02:07 PM
Facebook Telegram Linkin
ប្រធានាធិបតីអេហ្ស៊ីប ជំរុញលោក Trump ឲ្យបញ្ចប់សង្រ្គាមហ្កាហ្សា ចំពេលមានវិបត្តិ «មិនអាចទ្រាំបាន»
07/29/2025 02:07 PM
Facebook Telegram Linkin
លោក Zelenskiy សរសើរលោក Trump ចំពោះ "ជំហរច្បាស់លាស់" ក្រោយដាក់ឱសានវាទកាន់តែខ្លីដល់រុស្ស៊ី
07/29/2025 02:07 PM
Facebook Telegram Linkin
មនុស្សរាប់ពាន់នាក់ជម្លៀសខ្លួន អាជីវកម្មត្រូវបិទទ្វារនៅកោះតៃវ៉ាន់ ខណៈភ្លៀងធ្លាក់ខ្លាំងនៅតែបន្ត
07/29/2025 02:07 PM
Facebook Telegram Linkin
ក្រសួងអភិវឌ្ឍន៍ជនបទផ្តល់សម្ភារៈអនាម័យ និងបង្គន់អនាម័យ១៦បន្ទប់​នៅទីតាំង​ជម្លៀសជនភៀសសឹក​មកពីថ្មដា
07/29/2025 01:07 PM
Facebook Telegram Linkin
ឯកឧត្តមរដ្ឋមន្ត្រី ឌិត ទីណា បន្តសួរសុខទុក្ខពុកម៉ែបងប្អូនភៀសសឹកនៅស្រុកភ្នំស្រុក ខេត្តបន្ទាយមានជ័យ
07/29/2025 01:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.