នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតី ដឹកនាំគណៈប្រតិភូចូលក្រាបបង្គំគាល់ព្រះករុណា ព្រះមហាក្សត្រ ទូលថ្វាយលទ្ធផលចុះបញ្ជីបូជនីយដ្ឋានចងចាំនៃកម្ពុជា ក្នុងបញ្ជីបេតិកភណ្ឌពិភពលោក
សភាតំណាងប្រជាជនចិនចាត់ទុកសម្តេចតេជោ ជាតួអង្គសំខាន់បន្ត​ពីព្រះបរម​រតនកោដ្ឋ​ក្នុង​ការ​ពូន​ជ្រំ​ទំនាក់ទំនងរវាងកម្ពុជា និងចិន
សម្តេចតេជោអនុញ្ញាតឱ្យសមាជិកគណៈកម្មាធិការអចិន្ត្រៃយ៍សភាប្រជាជនចិនជួបសម្តែងការគួរសម
ក្រុមការងារបច្ចេកទេសអន្តរក្រសួងបន្តចុះកំណត់និយាមកា និងបោះបង្គោលព្រំដីតាមបណ្តោយព្រែកជីកហ្វូណនតេជោ សម្រាប់កំណាត់ទី២ ក្នុងភូមិសាស្រ្តខេត្តកំពត

នយោបាយ​ និង ការអភិវឌ្ឍន៍

សម្ដេចតេជោប្រកាសថា នឹងបង្រៀនមន្រ្ដីគណបក្សប្រជាជនដោយផ្ទាល់អំពីវិធីសាស្រ្ដនៃការវិភាគ

2023/04/25 11:01:10 am        176
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានមានប្រសាសន៍ថា ក្រោយសម្ដេចសង្កេត​ឃើញ​ការវិភាគរបស់មន្រ្ដីមួយចំនួននាពេលបច្ចុប្បន្ននេះនៅមានកម្រិត សម្ដេចមានបំណងបង្រៀន អំពីវិធីសាស្រ្ដវិភាគជាបទពិសោធន៍ផ្ទាល់របស់សម្ដេចដែលបានឆ្លងកាត់ក្នុងការដឹកនាំប្រទេសកម្ពុជាកន្លងមកទៅ ដល់មន្រ្ដីគណបក្សប្រជាជនកម្ពុជា នាថ្ងៃខាងមុខ។សម្ដេចតេជោ ហ៊ុន សែន បានមានប្រសាសន៍បែបនេះ ក្នុងឱកាសសម្ដេចអញ្ជើញប្រគល់​សញ្ញាបត្រដល់ គរុសិស្ស គរុនិស្សិត និស្សិត និងបុគ្គលិកអប់រំជាង ២ ពាន់នាក់ ដែលបាន​បញ្ចប់ការសិក្សាដោយជោគជ័យពីវិទ្យាស្ថានជាតិអប់រំ នាថ្ងៃទី២៥ ខែមេសា ឆ្នាំ២០២៣នេះ នៅវិទ្យាស្ថានជាតិអប់រំ។សម្ដេចតេជោ បានមានប្រសាសន៍ថា វិធីសាស្រ្ដនៃការវិភាគត្រឹមត្រូវ ពិតជាមានសារៈសំខាន់ខ្លាំង​ណាស់​សម្រាប់មន្រ្ដីនៅក្នុងការដឹកនាំធ្វើកិច្ចការងារផ្សេងៗ ជាពិសេសទាក់ទងទៅនឹងការវិភាគ​សភាពការណ៍ និងស្ថានការណ៍នានាដែលអាចនឹងកើតមានឡើង។សម្ដេចតេជោ បានបញ្ជាក់ថា បច្ចុប្បន្ននេះគណបក្សប្រជាជនមានការបង្រៀន​លើការវិភាគ​នេះ​ហើយ ប៉ុន្ដែមានចំណុចសំខាន់ៗមួយចំនួនគឺសម្ដេចចង់បង្រៀនដោយផ្ទាល់តែម្ដង ដែលជា​បទពិសោធន៍ផ្ទាល់របស់សម្ដេចបាននិពន្ធចេញមក ជាពិសេសវិធីសាស្រ្ដក្នុងការដឹកនាំ ដើម្បីទុក​ជាមូលដ្ឋានគ្រឹះសំខាន់សម្រាប់មន្រ្ដីរាជការក្នុងការអនុវត្តការងាររបស់ខ្លួនឱ្យបានល្អដល់ប្រជាពលរដ្ឋ៕ អត្ថបទ៖វ៉ន ដារ៉ា

សម្តេចតេជោ៖ អ្នកនយោបាយចាស់មួយរូបកំពុងនៅក្រៅស្រុក ប្រៀបបានដូចជាក្មេងបៀមដៃ

2023/04/25 10:06:33 am        154
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានចំអកឲ្យអ្នកនយោបាយជើងចាស់​មួយរូប សព្វថ្ងៃកំពុងរត់ចោលស្រុកនោះ ប្រៀបបានដូចជាក្មេងបៀមដៃ ខណៈបុគ្គលរូបនេះតែងតែ​លើកឡើងម្តង ហើយម្តងទៀតថា សម្តេចជាមនុស្សល្ងង់ ប៉ុន្តែខ្លួនបែជាឲ្យសម្តេចប្រើបាន រួមទាំងជួយពង្រឹងអំណាចដល់សម្តេច និងគណបក្សប្រជាជនកម្ពុជាទៅវិញ។ថ្លែងក្នុងឱកាសអញ្ជើញជាអធិបតីភាពប្រគល់សញ្ញាបត្រជូនគរុសិស្ស គរុនិស្សិត និស្សិត និងបុគ្គលិកអប់រំជាង២ពាន់នាក់ នៅវិទ្យាស្ថានជាតិអប់រំ រាជធានីភ្នំពេញ នាព្រឹកថ្ងៃទី២៥ ខែមេសា ឆ្នាំ២០២៣នេះ សម្តេចតេជោ ហ៊ុន សែន បានលើកឡើងថា សម្តេចពិតជាមានការហួសចិត្ត​យ៉ាងខ្លាំង​ចំពោះបុគ្គលមួយរូប(ទណ្ឌិតក្បត់ជាតិបីជំនាន់ សម រង្ស៊ី) ដែលបានប្រមាថសម្តេចថា មានរាសីទាបជាងគេ និងល្ងង់ជាងគេ ប៉ុន្តែបុគ្គលនោះប៉ងប្រាថ្នាចង់ធ្វើជានាយករដ្ឋមន្រ្តី ជា​យូរ​ណាស់​មកហើយ តែមិនបានសម្រេច ខណៈគេថាសម្តេចរាសីទាបជាងគេ បែរជាបានធ្វើនាយក​រដ្ឋមន្រ្តី​រហូតមក ដោយសារតែមានការជឿជាក់ពីបងប្អូនប្រជាពលរដ្ឋ។ជាមួយគ្នានោះដែរ សម្តេចតេជោ ហ៊ុន សែន ក៏បានលើកឡើងផងដែរថា មានសត្រូវដែលមានការ វៃឆ្លាតគឺល្អជាងមានមិត្តដែលល្ងង់ និងខ្សោយ។ ប៉ុន្តែទោះជាយ៉ាងណាក៏ដោយសត្រូវ សម្តេចមួយរូប ដែលកំពុងរត់ចោលស្រុកនោះ គឺជាបុគ្គលល្ងង់បំផុត ខណៈគេកំពុង​រាំវង់​ តែ​បែរជាបុគ្គលនោះ ​ទៅរាំបទស្នូទៅវិញ៕អត្ថបទបាន ចក់

សម្តេចតេជោ ចំអកឱ្យប្រទេសខ្លះតាំងខ្លួនបិតាប្រជាធិបតេយ្យ តែទៅគាំទ្ររដ្ឋប្រហារយោធា និងគាំទ្ររបបខ្មែរក្រហម

2023/04/25 09:47:11 am        179
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា ថ្លែងបែបចំអកឲ្យប្រទេសខ្លះតាំងខ្លួនជាប្រទេសបិតាលទ្ធិប្រជាធិបតេយ្យ ប៉ុន្តែបែជាគាំទ្ររដ្ឋប្រហារយោធាទម្លាក់សម្តេចឪ និងរបបខ្មែរក្រហមនៅក្នុងអង្គការសហប្រជាជាតិ ដែលបានសម្លាប់ប្រជាពលរដ្ឋខ្មែររាប់លាននាក់ទៅវិញ។ ថ្លែងក្នុងឱកាសអញ្ជើញជាអធិបតីភាពប្រគល់សញ្ញាបត្រជូនគរុសិស្ស គរុនិស្សិត និស្សិត និង​បុគ្គលិកអប់រំជាង២ពាន់នាក់ នៅវិទ្យាស្ថានជាតិអប់រំ រាជធានីភ្នំពេញ នាព្រឹកថ្ងៃទី២៥ ខែមេសា ឆ្នាំ២០២៣នេះ សម្តេចតេជោ ហ៊ុន សែន បានលើកឡើងថា សម្តេចបានប្រាប់ដល់បរទេសខ្លះរួចមក​ហើយថា កុំឲ្យធ្វើកំហុសលើកទីបីទៀតដល់កម្ពុជា ដោយយកលទ្ធិប្រជាធិបតេយ្យធ្វើជាលេស ខណៈកំហុសទាំងពីរ ដែលបរទេស បានធ្វើគឺបានសម្លាប់ប្រជាជនកម្ពុជា​អស់ជាច្រើននាក់ រួមទាំងផ្នែកសេដ្ឋកិច្ចរបស់កម្ពុជាផងដែរ។ជាមួយគ្នានោះដែរ សម្តេចតេជោ ហ៊ុន សែន នាយករដ្ឋមន្រ្តីក៏បានលើកឡើងផងដែរថា កំហុស ដែលពួកអួតអាងថា ជាប្រទេសបិតាលទ្ធិប្រជាធិបតេយ្យបានធ្វើមកលើកម្ពុជានោះ គេមិនដែល​ប្រើពាក្យថា«សូមទោស»ដល់កម្ពុជានោះទេ គឺគេគ្រាន់តែប្រើពាក្យថាមានការសោកស្តាយ ដែលបានគាំទ្រដល់ លន់ នល់ ដែលបានធ្វើរដ្ឋប្រហារយោធាទម្លាក់សម្តេចឪ ឬសោកស្តាយដែលបានគាំទ្រខ្មែរក្រហមនៅក្នុងអង្គការសហប្រជាជាតិ។ប៉ុន្តែទោះជាយ៉ាងណាក៏ដោយទង្វើរបស់គេទាំងនោះឲ្យប្រជាជនកម្ពុជាភ្លេចនោះ គឺមិនងាយ​នោះឡើយ ខណៈភាពឈឺចាប់ទាំងនេះត្រូវបានដក់ក្នុងចិត្តប្រជាជនខ្មែរជានិច្ច៕អត្ថបទ៖ បាន ចក់

សម្ដេចតេជោឱ្យឯកឧត្ដម អូស្មាន ហាស្សាន់ ជម្លៀសនិស្សិតខ្មែរអ៊ិស្លាម ៦នាក់ ចេញពីប្រទេសស៊ូដង់

2023/04/24 10:34:08 am        161
Facebook Telegram Linkin
ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្ដីនៃកម្ពុជា បានបញ្ជាឱ្យឯកឧត្ដម អូស្មាន ហាស្សាន់ ទេសរដ្ឋមន្រ្តីទទួលបន្ទុកបេសកកម្មពិសេស យកចិត្តទុកដាក់ ពិនិត្យមើលនិស្សិតខ្មែរអ៊ិស្លាមចំនួន ៦ នាក់កំពុងសិក្សា និងរស់នៅប្រទេសស៊ូដង់ ដើម្បីរកឱកាសជម្លៀសចេញ ខណៈប្រទេសនេះកំពុងផ្ទុះសង្គ្រាមខ្លាំង។សម្ដេចតេជោ ហ៊ុន សែន បានមានប្រសាសន៍បែបនេះ ក្នុងឱកាសសម្ដេច និង​សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានអញ្ជើញជាអធិបតីបុណ្យបញ្ចុះខណ្ឌសីមា​ព្រះវិហារ ពុទ្ធាភិសេក និងឆ្លងសមិទ្ធផលនានា ក្នុងវត្តព្រះបារមីវង្កតបុរី ស្ថិតនៅសង្កាត់ទឹកថ្លា ខណ្ឌសែនសុខ រាជធានីភ្នំពេញ នៅព្រឹកថ្ងៃទី២៤ ខែមេសា ឆ្នាំ២០២៣នេះ។សម្ដេចតេជោ បានមានប្រសាសន៍ថា សង្គ្រាមគឺជាទុក្ខកង្វល់របស់មនុស្សទាំងអស់​នៅក្នុង​សកលលោក។ ដូចនៅថ្ងៃនេះកម្ពុជាកំពុងមានការជួបជុំជាមួយប្រជាពលរដ្ឋ ពុទ្ធបរិស័ទ ដើម្បីអបអរសាទរ និងធ្វើបុណ្យបញ្ចុះខណ្ឌសីមាព្រះវិហារ ពុទ្ធាភិសេក និងឆ្លងសមិទ្ធផលនានា ក្នុងវត្តព្រះបារមីវង្កតបុរី ប៉ុន្ដែនៅប្រទេសស៊ូដង់កំពុងផ្ទុះឡើងនៅសង្គ្រាមដ៏ខ្លាំង។ សូមបញ្ជាក់ថា ក្រោមការដឹកនាំប្រកបដោយគតិបណ្ឌិតរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្ដីនៃកម្ពុជា ដោយបានដាក់ចេញនៅគោលនយោបាយឈ្នះ ឈ្នះ និងយុទ្ធសាស្រ្ដ​ចតុកោណ បានស្ដារប្រទេសកម្ពុជាចេញពីចំណុចសូន្យ ធ្វើឱ្យកម្ពុជាមានការរីកច្រើន​គ្រប់វិស័យនិងមានសន្ដិភាពពេញលេញរហូតដល់បច្ចុប្បន្ន។ តាមរយៈសមិទ្ធផលនេះ សម្ដចេតេជោ និងប្រជាពលរដ្ឋគ្រប់ទិសទីបានប្ដេជ្ញារក្សាឱ្យបាននូវ​សុខសន្ដិភាពរបស់កម្ពុជា៕អត្ថបទ៖វ៉ន ដារ៉ា

សម្តេចតេជោ ថ្លែងថា សម្តេចត្រូវបានបំបែកឯតទគ្គកម្មលើពិភពលោក ជាអ្នកកាន់តំណែងនាយករដ្ឋមន្រ្តីយូរជាងគេ

2023/04/24 09:39:46 am        190
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានថ្លែងថា សម្តេចត្រូវបានបំបែក​ឯតទគ្គកម្ម​លើពិភពលោក ជាអ្នកកាន់តំណែតនាយករដ្ឋមន្រ្តីយូរជាងគេ ខណៈតំណែងនេះ មានបុគ្គលខ្លះប្រាថ្នាចង់បានតែធ្វើទៅមិនរួច បើទោះបីជាជាតិក្រោយក៏មិនអាចដែរនោះ។ថ្លែងក្នុងឱកាសអញ្ជើញជាអធិបតីក្នុងពិធីបុណ្យបញ្ចុះខណ្ឌសីមាព្រះវិហារ ពុទ្ធាភិសេក និងឆ្លងសមិទ្ធផលនានាក្នុងវត្តព្រះបារមីវង្កតបុរី ស្ថិតនៅសង្កាត់ទឹកថ្លា ខណ្ឌសែនសុខ រាជធានីភ្នំពេញ នាព្រឹកថ្ងៃទី២៤ ខែមេសា ឆ្នាំ២០២៣នេះ សម្តេចតេជោ ហ៊ុន សែន បានលើក​ឡើងថា មានបុគ្គលខ្លះចង់ធ្វើធំជា«នាយករដ្ឋមន្រ្តី ប៉ុន្តែការប្រាថ្នារបស់បុគ្គល​នោះមិនបាន​សម្រេចទៅបាន បើទោះបីជាទៅជាតិក្រោយក៏មិនអាចទៅរួចដែរ ខណៈតំណែងជានាយករដ្ឋ​មន្រ្តីនេះត្រូវបានប្រជាពលរដ្ឋផ្តល់ទំនុកចិត្ត និងបោះឆ្នោតជូនដល់សម្តេចជារៀង​រហូតមកហើយនោះ។ជាមួយគ្នានោះដែរ សម្តេចតេជោ ហ៊ុន សែន នាយករដ្ឋមន្រ្តី ក៏បានប្រកាសហាមមិនឲ្យអាជ្ញាធរ ធ្វើការយាមកាមតឹងរឹងពេកផងដែរ ពេលដែលសម្តេច និងក្រុមគ្រួសារធ្វើដំណើរ​កំសាន្ត​ជា​លក្ខណៈឯកជន ខណៈការការពារតឹងរឹងពេកបែបនេះនាំឲ្យរំខានដល់បងប្អូនប្រជាពលរដ្ឋ ក៏ដូចជាភ្ញៀវទេសចរណ៍ជាតិ និងអន្តរជាតិ៕អត្ថបទ៖ បាន ចក់

ប្រសាសន៍សំខាន់ៗរបស់​សម្ដេចតេជោ ក្នុងឱកាសអញ្ជើញជាអធិបតីក្នុងពិធីបុណ្យបញ្ចុះខណ្ឌសីមា​ព្រះវិហារ ពុទ្ធាភិសេក និងឆ្លងសមិទ្ធផលនានាក្នុងវត្តព្រះបារមីវង្កតបុរី

2023/04/24 09:01:30 am        293
Facebook Telegram Linkin
ភ្នំពេញ៖ ប្រសាសន៍សំខាន់ៗរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ក្នុងឱកាសអញ្ជើញជាអធិបតីក្នុងពិធីបុណ្យបញ្ចុះខណ្ឌសីមា​ព្រះវិហារ ពុទ្ធាភិសេក និងឆ្លងសមិទ្ធផលនានាក្នុងវត្តព្រះបារមីវង្កតបុរី ស្ថិតនៅ​សង្កាត់​ទឹកថ្លា ខណ្ឌសែនសុខ រាជធានីភ្នំពេញ នៅព្រឹកថ្ងៃទី២៤ ខែមេសា ឆ្នាំ២០២៣នេះ ។សម្តេចតេជោ ហ៊ុន សែន បានប្រកាសថ្លែងអំណរគុណដល់ពុទ្ធបរិស័ទទាំងអស់ ដែលបានរួមគ្នាធ្វើឱ្យមានសមិទ្ធផលធំៗ នៅវត្តព្រះបារមីវង្កតបុរី ហៅវត្តទួលក្រសាំង ដើម្បីបម្រើឱ្យវិស័យពុទ្ធចក្រ និងអាណាចក្រផងដែរ។សម្តេចតេជោ ហ៊ុន សែន មានប្រសាសន៍ថា ពីដើមឡើយទីអារាមវត្តព្រះបារមីវង្កតបុរី ហៅវត្តទួលក្រសាំងនេះ គ្រាន់តែជាកន្លែងស្នាក់នៅរបស់ជនភៀសសិកមកពីខេត្តកណ្តាល និងខេត្តកំពង់ស្ពឺ ព្រមទាំងការនិមន្តភៀសព្រះកាយរបស់ព្រះសង្ឃផងដែរ។សម្តេចតេជោ បានបញ្ជាក់ថា សាសនាទាំងឡាយនៅកម្ពុជា បានរស់រានឡើងវិញក្រោយថ្ងៃរំដោះ៧មករា ឆ្នាំ១៩៧៩។ ព្រះពុទ្ធសាសនា បានក្លាយជាសាសនារបស់រដ្ឋ ហើយទីវត្តអារាម កន្លែងសក្ការៈបូជា និងហេដ្ឋារចនាសម្ព័ន្ធជាច្រើនទៀត ក្នុងវិស័យព្រះពុទ្ធសាសនា ត្រូវបានបើកឱ្យដំណើរការ ឡើងវិញជាបន្តបន្ទាប់។សម្តេចតេជោ ហ៊ុន សែន បានបញ្ជាក់ថា ឆ្នាំ២០២៣នេះ គឺជាខួប២៥ឆ្នាំ នៃមរណភាពម្តាយសម្តេច, ខួប១០ឆ្នាំ នៃមរណភាពឪពុកសម្តេច និងខួប១០០ឆ្នាំ នៃជន្មាយុឪពុកសម្តេច ដែលក្រុមគ្រួសារសម្តេច នឹងធ្វើពិធីឡើងព្រមជាមួយគ្នានៅឆ្នាំនេះតែម្តង ដើម្បីរំលឹកគុណអ្នកមានគុណទាំងពីរ។សម្តេចតេជោ ហ៊ុន សែន បានប្រកាសថ្លែងអំណរគុណដល់ក្រុមហ៊ុនប៊ុយ៉ុង ដែលបានផ្តល់កន្លែង និងសម្រួលដល់ការទស្សនាផ្ទាំងទស្សនីយភាពល្ខោនបាសាក់ ក្នុងពិធីបុណ្យបញ្ចុះខណ្ឌសីមាព្រះវិហារ ពុទ្ធាភិសេក និងឆ្លងសមិទ្ធផលនានាក្នុងវត្តព្រះបារមីវង្កតបុរី សង្កាត់ទឹកថ្លា ខណ្ឌសែនសុខ រាជធានីភ្នំពេញ។សម្តេចតេជោ ហ៊ុន សែន បានប្រកាសថា បុណ្យចូលឆ្នាំថ្មី ប្រពៃណីជាតិខ្មែរ និងព្រឹត្តិការណ៍សង្ក្រាន្តនានា បានទាក់ទាញប្រជាពលរដ្ឋដើរទស្សនា កម្សាន្តសប្បាយរីករាយ ប្រមាណ១៣លាននាក់ ខណៈដែលនៅរាជធានីភ្នំពេញមានប្រមាណ ១លាននាក់ផងដែរ។សម្តេចតេជោ ហ៊ុន សែន ប្រកាសថា អាណាចក្ររីកចម្រើន ធ្វើឱ្យវិស័យពុទ្ធចក្រ ក៏មានការរីកចម្រើនផងដែរ។ ប្រជាពលរដ្ឋមានជីវភាពធូរធា ចង្ហាន់សម្រាប់ព្រះសង្ឃក៏បបូរផងដែរ រួមទាំងសទ្ធាជ្រះថ្លា កសាងទីអារាមផងដែរ។សម្តេចតេជោ ហ៊ុន សែន បានប្រកាសយកបច្ច័យពីការចូលរួមរបស់ក្រុមគ្រួសារសម្តេច(ត្រកូលហ៊ុន និងត្រកូលឌី), រដ្ឋបាលរាជធានីភ្នំពេញ និងសទ្ធាជ្រះថ្លារបស់ប្រជាពលរដ្ឋពុទ្ធបរិស័ទជិតឆ្ងាយ ក្នុងពិធីយបញ្ចុះខណ្ឌសីមាព្រះវិហារ ពុទ្ធាភិសេក និងឆ្លងសមិទ្ធផលនានាក្នុងវត្តព្រះបារមីវង្កតបុរី សង្កាត់ទឹកថ្លា ខណ្ឌសែនសុខ រាជធានីភ្នំពេញ ជូនគណៈកម្មការវត្តរៀបចំចាត់ចែងតាមការគួរ។សម្តេចតេជោ ហ៊ុន សែន ប្រាប់ឱ្យឯកឧត្ដម អូស្មាន ហាស្សាន់ យកចិត្តទុកដាក់ពិនិត្យមើលនិស្សិតខ្មែរចំនួន៦នាក់ ដែលកំពុងសិក្សានៅប្រទេសស៊ូដង់ ដើម្បីអាចជម្លៀសចេញមកប្រទេសម៉ាឡេស៊ី ខណៈនៅស៊ូដង់កំពុងផ្ទុះសង្គ្រាមខ្លាំង។សម្តេចតេជោ ហ៊ុន សែន ចំអកឲ្យបុគ្គលខ្លះប្រាថ្នាចង់ធ្វើធំ«នាយករដ្ឋមន្រ្តី» ប៉ុន្តែការប្រាថ្នារបស់បុគ្គលនោះមិនបានសម្រេច បើទោះបីជាទៅជាតិក្រោយក៏មិនអាចទៅរួចដែរ ខណៈតំណែងជានាយករដ្ឋមន្រ្តីនេះត្រូវបានប្រជាពលរដ្ឋផ្តល់ទំនុកចិត្ត និងបោះឆ្នោតជូនដល់សម្តេចជារៀងរហូតមកហើយនោះ។

សម្ដេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត អញ្ជើញជាអធិបតីក្នុងពិធីបុណ្យបញ្ចុះខណ្ឌសីមា​ព្រះវិហារ ពុទ្ធាភិសេក និងឆ្លងសមិទ្ធផលនានាក្នុងវត្តព្រះបារមីវង្កតបុរី

2023/04/24 07:48:24 am        203
Facebook Telegram Linkin
ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នៅព្រឹកថ្ងៃទី២៤ ខែមេសា ឆ្នាំ២០២៣នេះ បានអញ្ជើញជាអធិបតីក្នុងពិធីបុណ្យបញ្ចុះខណ្ឌសីមា​ព្រះវិហារ ពុទ្ធាភិសេក និងឆ្លងសមិទ្ធផលនានាក្នុងវត្តព្រះបារមីវង្កតបុរី ស្ថិតនៅ​សង្កាត់​ទឹកថ្លា ខណ្ឌសែនសុខ រាជធានីភ្នំពេញ។សម្តេចបានរំលឹកពីការបំផ្លិចបំផ្លាញដល់ឫសគល់លើគ្រប់វិស័យ រាប់ទាំងវិស័យសាសនាផងដែរ នៅក្នុងរបបប្រល័យពូជសាសន៍ខ្មែរក្រហម  ប៉ុន្តែទោះជាយ៉ាងណាគេមិនអាចលុបបំបាត់នូវជំនឿក្នុងចិត្តនៃសាសនាដែលគេគោរពបានឡើយ។សម្តេចក៏បានរំលឹកអំពីវត្តវង្កតបុរី ដែលប្រវត្តិគ្រាន់តែជាកន្លែងភៀសសឹកនាសម័យសង្គ្រាមចន្លោះឆ្នាំ១៩៧០ដល់១៩៧៥ និងបានរំលឹកពីការកកើតរីកចម្រើនឡើងវិញនៃទីអារាមនេះ ជាពិសេសប្រវត្តិទាក់ទងយ៉ាងជ្រាលជ្រៅជាមួយនឹងលោកឪពុក អ្នកម្តាយ របស់សម្តេច និងក្រុមគ្រួសារ ដែលបានចូលរួមកសាងនូវទីអារាមមួយនេះ មានការរីកចម្រើន ហើយសម្តេចក៏បានផ្តាំផ្ញើដល់ក្រុមគ្រួសារកូនចៅរបស់សម្តេច កុំបោះបង់ចោល ក៏ដូចជាការពារនូវទីអារាមនេះ និងគប្បីបន្តឧស្សាហ៍មកធ្វើបុណ្យទាននៅទីអារាមនេះ ព្រោះទីអារាមនេះជាទីកន្លែងចេតិយរបស់លោកឪពុក និងអ្នកម្តាយរបស់លោកនៅទីនេះ រួមទាំងសពបងថ្លៃស្រីរបស់សម្តេចក៏ធ្លាប់បានយកមកបូជានៅទីអារាមនេះផងដែរ ដូច្នេះទីអារាមនេះបានក្លាយទៅជាទីអារាមមួយសម្រាប់ត្រកូលហ៊ុន និងត្រកូលឌី។សម្តេចបានមានប្រសាសន៍ថា ឆ្នាំនេះគឺជាខួបលើកទី២៥ឆ្នាំ នៃមរណភាពនៃមាតារបស់សម្តេចហើយក៏ជាខួបលើកទី១០ឆ្នាំនៃមរណភាពនៃបិតារបស់សម្តេចនិងជាខួប១០០ឆ្នាំនៃថ្ងៃកំណើតរបស់លោក ឪពុករបស់សម្តេចដែរ ដូច្នេះកូនចៅនឹងធ្វើពិធីជួបជុំគ្នាតែម្តងនៅថ្ងៃទី១២ ខែកក្កដាខាងមុខ បើទោះបីពេលនោះយុទ្ធនាការបោះឆ្នោតកំពុងប្រព្រឹត្តិទៅ ក៏ប៉ុន្តែរឿងបោះឆ្នោតជារឿងមួយ តែគុណរបស់ឪពុកម្តាយមិនអាចបំភ្លេចបានទេ៕

សម្តេចតេជោ ហ៊ុន សែន អញ្ជើញជួបសំណេះសំណាល អបអរសាទរខួបលើកទី១៣៧ ទិវាពលកម្មអន្តរជាតិ១ឧសភា

2023/04/23 01:40:45 pm        263
Facebook Telegram Linkin
ភ្នំពេញ៖ នៅព្រឹកថ្ងៃអាទិត្យ ទី២៣ ខែមេសានេះ សម្តេចតេជោ ហ៊ុន សែន ប្រធាន​គណបក្ស​ប្រជាជន​កម្ពុជា និងជានាយករដ្ឋមន្រ្តី នៃព្រះរាជាណាចក្រកម្ពុជា បានអញ្ជើញ​ជួប​សំណេះ​សំណាល​ និងអបអរសាទរ​ខួបអនុស្សាវរីយ៍ លើកទី១៣៧ នៃទិវាពលកម្មអន្តរជាតិ១ឧសភា ដែល​ពិធី​នេះ មានការអញ្ជើញចូលរួមពីសមាគម សហជីព កម្មករ និយោជិត តំណាង​មន្ត្រីរាជការ គ្រូ បង្រៀន និងតំណាងសមាគមសេដ្ឋកិច្ចក្រៅប្រព័ន្ធសរុបប្រមាណ ៣,៥០០នាក់ នៅ​សាល​មហោស្រព​កោះពេជ្រ រាជធានីភ្នំពេញ។សម្តេចបានវាយតំលៃខ្ពស់ចំពោះភាពរីកចម្រើន និង​អភិវឌ្ឍន៍​របស់​ប្រទេស​កម្ពុជា​ក្នុង​រយៈ​ពេល​កន្លង​មក​ និង​បានថ្លែ​ងដោយក្តីមោទនភាពចំពោះកត្តាសុខសន្តិភាពរបស់កម្ពុជា ដែល​កត្តា​សុខ​សន្តិភាព​នេះ​ហើយ​វាបានផ្តល់នូវផ្លែផ្កាជាច្រើន សម្រាប់ភាពរីកចម្រើនរបស់ប្រទេសជាតិយើង។ សម្តេច​បាន​វាយតម្លៃខ្ពស់ចំពោះភាពជោគជ័យរបស់កម្ពុជាក្នុងការប្រយុទ្ធប្រឆាំង និងទប់ស្កាត់​ជំងឺ​កូវីដ​១៩ ដែល​ធ្វើអោ​យយើងបានបើកដំណើរការប្រទេសជាតិឡើងវិញ និង​បាន​ដំណើរ​ការ​សកម្មភាព​ប្រទេសជាតិ​ជា​ប្រក្រតីឡើងវិញតាមគន្លងថ្មី។ សម្តេចតេជោនាយករដ្ឋមន្ត្រី បាន​មាន​ប្រសាសន៍​ទៀត​ថា ការស្វែងរកប្រភពវ៉ាក់សាំងមកចាក់ជូនបងប្អូនប្រជាពលរដ្ឋយើង គឺជា​ភាព​ជោគ​ជ័យ​ដ៏​ធំធេង​ក្នុងការប្រយុទ្ធប្រឆាំងជំងឺកូវីដ១៩ ជាមួយនឹងការ ចូលរួម​សហការ​ទប់ស្កាត់ពី​បង​ប្អូន​ប្រជាពលរដ្ឋទាំងអស់គ្នា ទើបយើងទទួលបាននូវភាពជោគជ័យក្នុងការងារនេះ។ សម្ដេច​តេជោ ក៏បានមានប្រសាសន៍ពីភាពជោគជ័យ នៃការដឹកនាំកិច្ចប្រជុំកំពូលអាស៊ីអឺរ៉ុប និង​កិច្ច​ប្រជុំ​កំពូលអាស៊ាន ដែលកម្ពុជាយើងបានធ្វើជាម្ចាស់ផ្ទះកន្លងទៅថ្មីៗនេះ ដែល​នោះ​ជា​មោទនភាព​មួយ​ សម្រាប់កម្ពុជា ដែលកិច្ចប្រជុំនោះ គឺមានការចូលរួ​ម​ពី​មេដឹ​ក​នាំ​បណ្ដា​ប្រទេស​មហាអំណាចធំៗច្រើនមកចូលរួមប្រជុំនៅទីក្រុងភ្នំពេញ តែបានប្រព្រឹត្តទៅដោយរលូន មិន​មាន​បញ្ហា​អ្វី​រាំង​ស្ទះឡើយ។ សម្ដេចតេជោនៅតែបន្តអំពាវនាវឲ្យបងប្អូនប្រជាពលរដ្ឋចូលរួមថែរក្សាសុខសន្តិភាពឱ្យបានគង់វង្ស​ និង​ត្រូវខិតខំថែរក្សាស្ថេរភាពម៉ាក្រូសេដ្ឋកិច្ច ទប់ស្កាត់អតិផរណា។ គ្រប់ស្ថាប័ន​ទាំង​អស់​ត្រូវ​ចេះ​សន្សំ​សំចៃ​ក្នុង​ការ​ចំណាយផ្សេងៗ និងត្រូវចូលរួមលុបបំបាត់ការរកស៊ីគេចពន្ធ ព្រមទាំង​ត្រូវ​ខិតខំ​រក​ចំណូល សម្រាប់ជាតិឲ្យបានច្រើន។ សម្តេចតេជោ បានអំពាវនាវអោយ​មាន​ការ​ចូលរួម​ការពារ​សន្តិសុខ​សណ្តាប់ធ្នាប់សង្គម បន្តការអនុវត្តគោលនយោបាយភូមិ-ឃុំ មាន​សុវត្ថិភាព​អោយ​បាន​ខ្ចាប់​ខ្ជួន​ជានិច្ច ដូចជាទប់ស្កាត់ការជួញដូរ និងប្រើប្រាស់គ្រឿងញៀន ទប់ស្កាត់ល្បែង​ស៊ី​សង​គ្រប់​ប្រភេទ និងរួមគ្នាទប់ស្កាត់បញ្ហាគ្រោះថ្នាក់ចរាចរណ៍ទាំងអស់គ្នា។ សម្ដេចតេជោនាយករដ្ឋមន្ត្រីក៏បានជំរុញឲ្យបន្តយកចិត្តទុកដាក់ដោះ ស្រាយជីវភាព​ប្រជាពលរដ្ឋ​ដែល​ខ្សត់​ខ្សោយ ជាពិសេសប្រជាពលរដ្ឋដែលងាយរងគ្រោះផ្សេងៗ ដូចជាពលរដ្ឋដែលរងគ្រោះ ក្នុង​វិបត្តិកូវីដ១៩ជាដើម។ ត្រូវចូលរួមក្នុងការដោះស្រាយការងារជូនប្រជាពលរដ្ឋ ទាំង​ការងារ​សេដ្ឋកិច្ច​ក្នុង​ប្រព័ន្ធ និងក្រៅប្រព័ន្ធ គឺត្រូវបន្តយកចិត្តទុកដាក់ជាប់ជាប្រចាំ ជាពិសេស​គោល​នយោបាយ​គាំពារ​សង្គម ដូចជាការអនុវត្តគាំពារស្ត្រីមានផ្ទៃពោះរហូតដល់កូនអាយុ២ឆ្នាំ។ សម្តេច​សង្កត់​ធ្ងន់​ថា ក្នុងនាមជាប្រធានគណបក្សប្រជាជនកម្ពុជា ដែលជាគណបក្សដឹកនាំប្រទេសជាតិ គឺ​សម្តេច​មិនបណ្តោយអោយប្រជាពលរដ្ឋណាម្នាក់ស្លាប់ដោយអត់បាយ ហើយដោយ​យើង​មិន​បាន​ដឹង​នោះទេ គឺយើងត្រូវតែ​យក​ចិត្ត​ទុក​ដាក់​មើល​ឲ្យបា​ន​គ្រប់​ជ្រុង​ជ្រោយ​ចំពោះ​ប្រជាពលរដ្ឋ​ដែល​ជួប​ទុក្ខ​លំបាក។ សម្តេចតេជោ បានមានប្រសាសន៍ថា គិតត្រឹមថ្ងៃទី២៣ ខែមេសា នេះ គឺសល់តែ១២​ថ្ងៃ​ទៀត​តែ​ប៉ុណ្ណោះ យើងនឹងដល់ព្រឹត្តិការណ៍ ស៊ីហ្គេម និងអាស៊ានប៉ារីហ្គេម ដែលកម្ពុជា​ត្រូវ​ធ្វើ​ជា​ម្ចាស់​ផ្ទះ​ហើយ ដូច្នេះសម្តេចតេជោ សូមឱ្យរៀបចំព្រឹត្តិការណ៍នេះ អោយបានឲ្យបានល្អប្រសើរ និងរលូន ដើម្បី​ឱ្យ​ភ្ញៀវ​អន្តរជាតិទាំងអស់ពេលដែលមកដល់កម្ពុជាម្ដងហើយ គេចង់មក​ម្ដង​ទៀត​នៅ​ពេល​ក្រោយ​។សម្តេចតេជោមានប្រសាសន៍ទៀតថា បន្ទាប់ពីព្រឹត្តិការណ៍ស៊ីហ្គេមរួចហើយនោះ ព្រឹត្តិការណ៍ នៃ​ការ​បោះឆ្នោ​ត​ជាតិ នឹងត្រូវចូលមកដល់ ដូច្នេះសម្ដេចតេជោបាន អំពាវនាវ ធ្វើយ៉ាងណា​ឲ្យ​ការ​បោះឆ្នោត​ជាតិ​នៅ​ពេល​ខាងមុខនេះ បានប្រព្រឹត្តទៅដោយរលូន មិនមានការគាបសង្កត់ ដោយ​សេរី និង​យុត្តិធម៌ ពោលគឺត្រូ​វស្ថិតក្នុងបរិយាកាសល្អបំផុត។សម្ដេចក៏បានជំរុញឲ្យអាជ្ញាធរមូលដ្ឋានខិតខំ ដោះស្រាយសេវាសាធារណៈ​ជូន​ដល់​ប្រជាពលរដ្ឋ​តាម​មូល​ដ្ឋាន ឲ្យបានល្អប្រសើរ កុំឱ្យប្រជាពលរដ្ឋមានការថ្នាំងថ្នាក់ដោយប្រការអ្វីមួយ គឺត្រូវធ្វើ​ឲ្យ​បាន​លឿន ប្រកបដោយប្រសិទ្ធភាពជូនពួកគាត់ ,ក្រសួងការងារនិងបណ្ដុះបណ្ដាលវិជ្ជាជីវៈ ខិតខំ​ដោះស្រាយ​បញ្ហារ​បស់ពលករនៅក្រៅប្រទេសឲ្យបានល្អប្រសើរ ជាពិសេសការពារ​សិទ្ធិ​កម្ម​ករ​កុំឲ្យមា​ន​ការ​រំលោភបំពានផ្សេងៗ៕ អត្ថបទ៖ មុត សុទ្ធ

សម្ដេចតេជោ ផ្តាំផ្ញើសមាគម សហជីពកម្មករ តំណាង មន្ត្រីរាជការ គ្រូបង្រៀន និង​សមាគម​សេដ្ឋកិច្ច ក្រៅប្រព័ន្ធបន្តគាំទ្របក្សប្រជាជនកម្ពុជា

2023/04/23 10:26:05 am        317
Facebook Telegram Linkin
ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានថ្លែង​ការ​កោត​សរសើរ និង​អំណរគុណ​យ៉ាង​ជ្រាលជ្រៅដល់ថ្នាក់ដឹកនាំសមាគម សហជីព កម្មករនិយោជិត តំណាង មន្ត្រីរាជការ គ្រូបង្រៀន និងតំណាងសមាគមសេដ្ឋកិច្ច ក្រៅប្រព័ន្ធ​ដែល​បាន​ជឿជាក់​ចំពោះ​គណបក្ស​ប្រជាជន​កម្ពុជា ហើយតែងតែផ្តល់នូវការគាំទ្រ និងទំនុក​ចិត្ត​ឱ្យ​បក្ស​ដឹកនាំ​ប្រទេស​ជាតិ​មាន​ការ​រីកចម្រើន។សម្តេចតេជោ ប្រមុខរាជរដ្ឋាភិបាលកម្ពុជា និង​ជា​ប្រធាន​គណបក្ស​ប្រជាជន​កម្ពុជា​បាន​ថ្លែង​បែប​នេះ​ក្នុង​ឱកាសអញ្ជើញជាអធីបតី​ក្នុងពិធីសំណេះសំណាលជាមួយថ្នាក់ដឹកនាំ សមាគម សហជីព កម្មករ និយោជិត និងតំណាងមន្ត្រីរាជការ គ្រូបង្រៀន និងតំណាង​សមាគម​សេដ្ឋកិច្ច​ក្រៅ​ប្រព័ន្ធ​សរុ​ប​ប្រមាណ ៣,៥០០នាក់ នៅសាលមហោស្រពកោះពេជ្រ រាជធានីភ្នំពេញ ដើម្បី​អបអរ​ខួប​អនុស្សាវរីយ៍​ លើក​ទី១៣៧ ទិវាពលកម្មអន្តរជាតិ ១ ឧសភា ឆ្នាំ២០២៣ ក្រោមប្រធានបទ «សន្តិភាព ស្ថិរភាព មុខរបរ និងការងារ»។សម្តេចតេជោ​ បានសម្តែងនូវក្តីរីករាយដែលបានជួបសំណេះសំណាល និង​សួរ​សុខទុក្ខ​ថ្នាក់​ដឹក​នាំ​សមាគម សហជីព កម្មករនិយោជិត និងតំណាងមន្ត្រីរាជការ គ្រូបង្រៀន និង​តំណាង​សមាគម​សេដ្ឋកិច្ច ក្រៅប្រព័ន្ធហើយសម្តេចក៏បានអរគុណថ្នាក់ដឹកនាំ សមាគម សហជីព កម្មករនិយោជិត និង​តំណាងមន្ត្រីរាជការ គ្រូបង្រៀន និងតំណាងសមាគមសេដ្ឋកិច្ច ក្រៅប្រព័ន្ធទាំងអស់ ដែល​បាន​ជឿជាក់​ ចំពោះគណបក្សប្រជាជនកម្ពុជា ដែលតែងផ្តល់ការគាំទ្រ និងទំនុកចិត្ត​ឱ្យ​បក្ស​ដឹក​នាំ​ប្រទេស​ជាតិ រហូតមានការអភិវឌ្ឍរីកចម្រើនលើគ្រប់វិស័យដូចសព្វថ្ងៃ។បើតាមឯកឧត្តមបណ្ឌិត អ៉ិត សំហេង សមាជិកគណៈកម្មាធិការកណ្តាលគណបក្សប្រជាជន​កម្ពុជា ប្រធានគណៈចលនាសហជីព និងជាប្រធានគណៈកម្មាធិការ​ដឹកនាំ​ការងារ​កសាង​គណបក្ស កសាងអង្គការសហជីព និងចលនា កម្មករនិយោជិត តាមរោងចក្រ សហគ្រាស គ្រឹះស្ថាន បានលើកបង្ហាញ នូវរបាយការណ៍​មួយចំនួន​ពាក់ព័ន្ធ​នឹង​ការងារ​កសាង​សមាជិក​បក្ស​នៅ​តាម​អង្គកាសហជីព កម្មករ និយោជិត តាមរោងចក្រ សហគ្រាស និងគ្រឹះស្ថានការងារនានា។ឯកឧត្តម បណ្ឌិត អ៉ិត សំហេង បានបន្តថា សមាជិកគណៈបក្សប្រជាជនកម្ពុជា នៅតាម​អង្គការ​សហជីព កម្មករ និយោជិត តាមរោងចក្រ សហគ្រាស និងគ្រឹះ ស្ថានការងារនានា ត្រូវបានកសាង និង​ពង្រីក​ជាបន្តបន្ទាប់ ជាមួយការគាំទ្រយ៉ាងខ្លាំងក្លា​លើការដឹកនាំរបស់សម្តេចតេជោ ហ៊ុន សែន ជាប្រមុខ៕ អត្ថបទ៖ មុត សុទ្ធ

តេឡេក្រាមផ្លូវការណ៍របស់សម្តេចតេជោ ហ៊ុន សែន មានអ្នកចូលរួម (Join) ជិត៧០ម៉ឺនSubscribersហើយ

2023/04/21 01:51:06 pm        252
Facebook Telegram Linkin
ភ្នំពេញ៖ មកទល់រសៀលថ្ងៃទី២១ ខែមេសា ឆ្នាំ២០២៣នេះ Channel តេឡេក្រាមផ្លូវការណ៍របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជាមានសាធារណជន និងប្រជាពលរដ្ឋ មានអ្នកចូលរួម (Join) ចំនួន ៦៩៩.៦៩៦ Subscribers ហើយ។Channel តេឡេក្រាមផ្លូវការណ៍របស់សម្តេចតេជោបានផ្តល់ព័ត៌មានលឿនរហ័ស និងផ្លូវការ ពីសកម្មភាពការងារផ្ទាល់របស់សម្ដេចតេជោទៅដល់សាធារណជន និងប្រជាពលរដ្ឋទាំងក្នុងប្រទេស និងពិភពលោក។ ក្រៅពីនេះ Channel តេឡេក្រាមផ្លូវការណ៍របស់សម្តេចតេជោ ក៏បានចែករំលែកនូវ ព័ត៌មាន សំខាន់ៗពីប្រភពផ្សេងៗ រួមនឹងខ្សែភាពយន្តភាគ «កូនប្រុស ក្រោមពន្លឺព្រះច័ន្ទពេញបូណ៍មី» និងបទចម្រៀងកម្សាន្តទាក់ទងនឹងវប្បធម៌ ប្រវត្តិសាស្រ្ដ ជាប្រចាំដល់ប្រជាពលរដ្ឋ និងសាធារណៈជនតាមដានកម្សាន្តផងដែរ។ សូមបញ្ជាក់ថា ក្រៅពីនេះ Channel តេឡេក្រាមផ្លូវការណ៍របស់សម្តេចតេជោ នៅសល់តែជាង ៣០០ Subscribers តែប៉ុណ្ណោះចំនួនអ្នកចូលរួមនឹងកើនដល់ ៧០ ម៉ឺន Subscribers ដែលចំនួននេះគឺជាចំនួនអ្នកចូលរួមច្រើនជាងគេលំដាប់ទីពីរនៅលើពិភពលោក៕

បណ្ដាញសង្គម

ព័ត៌មានថ្មីៗ

សមត្ថកិច្ចរាជធានីភ្នំពេញបង្ក្រាបទីតាំងបទល្មើសឆបោកតាមអនឡាញ២កន្លែងទៀតឃាត់ខ្លួនមនុស្សបាន១៣៣នាក់
07/18/2025 09:07 PM
Facebook Telegram Linkin
នាយករដ្ឋមន្ត្រីបារាំង ប្រឹងប្រែងបន្ទន់ជំហរប្រឆាំង ចំពោះច្បាប់ថវិការបស់លោក ដើម្បីបញ្ចៀសវិបត្តិថ្មី
07/18/2025 08:07 PM
Facebook Telegram Linkin
អ៊ីរ៉ង់៖ ប្រទេសអឺរ៉ុបគ្មានមូលដ្ឋានសីលធម៌ និងផ្លូវច្បាប់ ដើម្បីអនុវត្តទណ្ឌកម្មមានឡើងវិញភ្លាមៗ
07/18/2025 08:07 PM
Facebook Telegram Linkin
វិមានក្រឹមឡាំង ប្រាប់ថា រុស្ស៊ីបានបង្កើតអភ័យឯកសិទ្ធិជាក់លាក់ បន្ទាប់ពី EU ចេញទណ្ឌកម្មថ្មី
07/18/2025 07:07 PM
Facebook Telegram Linkin
បទបញ្ជាបោសសម្អាតការឆបោកតាមប្រព័ន្ធបច្ចេកវិទ្យា នឹងជួយទាក់ទាញអ្នកវិនិយោគកាន់តែច្រើនថែមទៀតមកកាន់កម្ពុជា
07/18/2025 07:07 PM
Facebook Telegram Linkin
កម្ពុជា-ហ្វីលីពីន ឯកភាពបន្តពង្រឹងកិច្ចសហប្រតិបត្តិការលើវិស័យការពារជាតិ ជាពិសេសការបណ្តុះបណ្តាលធនធានមនុស្ស
07/18/2025 07:07 PM
Facebook Telegram Linkin
មន្ត្រីរាជការក្រសួងប្រៃសណីយ៍ ចូលរួមដាំដើមកោងកាងចំនួន៥៥០ ដើម ក្រោមប្រធានបទ “ឌីជីថល ផ្សារភ្ជាប់បរិស្ថាន”
07/18/2025 07:07 PM
Facebook Telegram Linkin
លោក Zelenskyy៖ លោកបានពិភាក្សាអំពីការផ្គត់ផ្គង់មីស៊ីល និងការបណ្តុះបណ្តាលអ្នកបើកយន្តហោះជាមួយលោក Macron
07/18/2025 07:07 PM
Facebook Telegram Linkin
ប្រធានការិយាល័យសិទ្ធិមនុស្ស UN ជំរុញឲ្យមានការទទួលខុសត្រូវ ចំពោះការសម្លាប់ នៅទីក្រុង Sweida របស់ស៊ីរី
07/18/2025 07:07 PM
Facebook Telegram Linkin
រុស្ស៊ីចាប់ខ្លួនស្ត្រីសញ្ជាតិអាមេរិក-រុស្ស៊ី នៅអាកាសយានដ្ឋាន ពីបទរត់ពន្ធកាំភ្លើង
07/18/2025 07:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.