BTV NEWS

សម្ដេចធិបតី ដឹកនាំគណៈប្រតិភូចូលក្រាបបង្គំគាល់ព្រះករុណា ព្រះមហាក្សត្រ ទូលថ្វាយលទ្ធផលចុះបញ្ជីបូជនីយដ្ឋានចងចាំនៃកម្ពុជា ក្នុងបញ្ជីបេតិកភណ្ឌពិភពលោក

សភាតំណាងប្រជាជនចិនចាត់ទុកសម្តេចតេជោ ជាតួអង្គសំខាន់បន្តពីព្រះបរមរតនកោដ្ឋក្នុងការពូនជ្រំទំនាក់ទំនងរវាងកម្ពុជា និងចិន

សម្តេចតេជោអនុញ្ញាតឱ្យសមាជិកគណៈកម្មាធិការអចិន្ត្រៃយ៍សភាប្រជាជនចិនជួបសម្តែងការគួរសម

ក្រុមការងារបច្ចេកទេសអន្តរក្រសួងបន្តចុះកំណត់និយាមកា និងបោះបង្គោលព្រំដីតាមបណ្តោយព្រែកជីកហ្វូណនតេជោ សម្រាប់កំណាត់ទី២ ក្នុងភូមិសាស្រ្តខេត្តកំពត

នយោបាយ និង ការអភិវឌ្ឍន៍

សម្ដេចតេជោ៖ កម្ពុជាមានតុល្យភាពអំណាចល្អណាស់ នាយករដ្ឋមន្ត្រីមិនអាចរំលាយសភាបានទេ

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រី នៃកម្ពុជា បានថ្លែងថា រដ្ឋសភា នៃប្រទេសនេះ មិនអាចត្រូវបានរំលាយដោយនាយករដ្ឋមន្ត្រីនោះឡើយ ដែលចំណុចនេះ ត្រូវបានការពារដោយរដ្ឋធម្មនុញ្ញ ដែលចែងច្បាស់ថា សភាចាស់រលាយពេលណាសភាថ្មី ចូលកាន់កាប់អសនៈ ។សម្តេចតេជោ ហ៊ុន សែន ក្នុងឱកាសអញ្ជើញជាអធិបតីភាពដ៏ខ្ពង់ខ្ពស់ក្នុងពិធីប្រគល់សញ្ញាបត្រ ជូនដល់និស្សិត នៃវិទ្យាស្ថានវ៉ាន់ដា នៅព្រឹកថ្ងៃទី២២ ខែមីនា នេះ បានថ្លែងថា សភា កម្ពុជា មានលក្ខណៈ សម្បត្តិល្អប្រសើរ លើតុល្យភាពអំណាច និងការការពារនិរន្តរភាពរដ្ឋ ដោយមិនទុកឱកាសឱ្យនាយករដ្ឋមន្ត្រី រំលាយមុនអាណត្តិនោះទេ ។សម្ដេចតេជោ ហ៊ុន សែន បានបញ្ជាក់ថា រដ្ឋធម្មនុញ្ញ មាត្រា ៧៨ បានចែងថា នីតិកាលរបស់រដ្ឋ សភា មានកំណត់៥ឆ្នាំ ហើយត្រូវផុតកំណត់នៅពេលដែលរដ្ឋសភាថ្មីចូលកាន់តំណែង ។ រដ្ឋសភា មិនអាច ត្រូវបានរំលាយមុនផុតអាណត្ដិបានឡើយ លើកលែងតែក្នុងករណី ដែលរាជរដ្ឋាភិបាល ត្រូវបានទម្លាក់ពីរ ដង ក្នុងរយៈ១២ខែ ។ ក្នុងករណីនេះ ព្រះមហាក្សត្រ ត្រូវរំលាយរដ្ឋសភា ក្រោយពីព្រះអង្គទ្រង់ បានទទួលការស្នើពីនាយករដ្ឋមន្ត្រី និងបន្ទាប់ពីទ្រង់បានការយល់ព្រមពីប្រធានរដ្ឋសភា ។ ការបោះឆ្នោតដើម្បីជ្រើសរើសរដ្ឋសភាថ្មី នឹងប្រព្រឹត្តទៅក្នុងរយៈពេល៦០ថ្ងៃយ៉ាងយូរ ចាប់តាំងពីថ្ងៃរំលាយរដ្ឋសភាមក ។ ក្នុងរយៈ កាលនេះ រាជរដ្ឋាភិបាល មានតែភារកិច្ចដឹកនាំការងារប្រចាំថ្ងៃតែប៉ុណ្ណោះ ។ ក្នុងពេលមានសង្គ្រាម រឺក្នុងកាលៈទេសៈពិសេសដទៃទៀត ដែលមិនអាចធ្វើការបោះឆ្នោតកើត រដ្ឋសភា អាចប្រកាសបន្តនីតិកាល របស់ខ្លួនមួយដងបានមួយឆ្នាំ តាមសំណើររបស់ព្រះមហាក្សត្រ ។ ការប្រកាសបន្តនីតិកាល របស់រដ្ឋសភា ត្រូវសម្រចដោយមតិយល់ព្រមពីរភាគបីយ៉ាងតិច នៃចំនួនសមាជិករដ្ឋសភាទាំងមូល ។សម្ដេចតេជោ បានថ្លែងបញ្ជាក់ដូច្នេះ បន្ទាប់ពីមានការលើកឡើងពីសំណាក់ក្រុមវិភាគមួយចំនួន ដែលសម្ដេច បានហៅថាជា ល្ងង់ទូ ថាហេតុអ្វីបានសម្ដេចតេជោ មិនរំលាយរដ្ឋសភា ដោយសារព្រោះតែចង់ក្រាញអំណាច ឬយ៉ាងណា ហើយដែលការវិភាគដោយមិនយល់ពីរដ្ឋធម្មនុញ្ញរបស់ព្រះរាជាណាចក្រកម្ពុជា នេះបានកើតឡើង បន្ទាប់ពីនាយករដ្ឋមន្ត្រីថៃ បានប្រកាសរំលាយសភា កាលពីថ្ងៃទី២០ ខែមីនានេះ ដើម្បីរៀបចំការបោះឆ្នោត ៕អត្ថបទ៖ យន់ វ៉ាន់

សម្ដេចតេជោ៖ សម័យកាលនេះ ជាសម័យកាលប្រកួតប្រជែងមិនមែនជាសម័យកាលផ្ដួលរំលំដៃគូទេ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានមានប្រសាសន៍ថា សម័យនេះ គឺជាសម័យកាលប្រកួតប្រជែង មិនមែនជាសម័យកាលផ្ដួលរំលំដៃគូនោះទេ ដូច្នេះសម្ដេចបានជំរុញដល់សិស្ស និស្សិតជយលាភី និងមន្រ្ដីរាជការគ្រប់ជាន់ថ្នាក់ បន្តខិតខំសិក្សារៀនសូត្របន្ថែមទៀត ដើម្បីទទួលបានចំណេះ ជំនាញច្បាស់លាស់ និងក្លាយជាយុវជនមានសមត្ថភាព និងគុណភាពសម្រាប់ចូលរួមអភិវឌ្ឍន៍ប្រទេសជាតិ។ សម្តេចតេជោ ហ៊ុន សែន មានប្រសាសន៍បែបនេះក្នុងឱកាស សម្ដេចបានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីប្រគល់សញ្ញាបត្រជូនដល់និស្សិតនៃវិទ្យាស្ថានវ៉ាន់ដាចំនួន ៤.៧០៥ នាក់ ក្នុងនោះនាព្រឹកថ្ងៃទី២២ ខែមីនា ឆ្នាំ២០២៣ នៅមជ្ឈមណ្ឌលសន្និបាត និង ពិព័រណ៍កោះពេជ្រ។សម្ដេចតេជោ ហ៊ុន សែន បញ្ជាក់ថា ក៏បានបញ្ជាក់ថាសម័យកាលនេះក៏ជាសម័យកាលនៃការប្រកួតប្រជែងទាំងផ្នែកចំណេះដឹង និងសេដ្ឋកិច្ចក្នុងតំបន់ និងពិភពលោកផងដែរ។ ដូច្នេះត្រូវធ្វើការប្រកួតប្រជែងគ្នាដោយយន្តការឈ្នះឈ្នះ ប៉ុន្តែកុំប្រកួតប្រជែងដើម្បីសម្លាប់គ្នា គឺប្រកួតប្រជែងដើម្បីការលូតលាស់ទាំងអស់គ្នាវិញ។សម្ដេចតេជោ ហ៊ុន សែន បន្តជំរុញឱ្យទាំងអស់គ្នាបន្តខិតខំប្រឹងប្រែងពង្រឹងសមត្ថភាព និងលើកកម្ពស់សមត្ថភាពរបស់ខ្លួន ដើម្បីកុំឱ្យក្លាយទៅជាពួកក្រុមអភិរក្សនិយម។សម្ដេចតេជោ បញ្ជាក់ទៅដល់សូម្បីក្រុមមន្រ្ដីធំៗក៏ត្រូវប្រឹងរៀនសូត្របន្ថែមដែរមិនអាចនឹងមិនរៀន ហើយបែរជាទៅធ្វើជាឧបសគ្គរាំងស្ទះដល់យុវជនដែលទទួលបានការបណ្ដុះបណ្ដាលនោះទេ៕អត្ថបទ៖ វ៉ន ដារ៉ា

ឯកឧត្ដមឧបនាយករដ្ឋមន្ត្រី យឹម ឆៃលី អញ្ជើញធ្វើបុណ្យឆ្លងសមិទ្ធផលនានាវត្តសំរិទ្ធជោគ (ព្រះអង្គខ្មៅ) ស្រុកកំពង់សៀម

កំពង់ចាម៖ ឯកឧត្ដមឧបនាយករដ្ឋមន្ត្រី យឹម ឆៃលី ប្រធានក្រុមប្រឹក្សាស្តារ អភិវឌ្ឍន៍ វិស័យកសិកម្ម និងជនបទ និងជាប្រធានក្រុមការងាររាជរដ្ឋាភិបាលចុះជួយមូលដ្ឋាន ខេត្តកំពង់ចាម អមដំណើរដោយឯកឧត្តម វេង សាខុន រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានក្រុមការងារ រាជរដ្ឋាភិបាល ចុះជួយមូលដ្ឋានស្រុកកំពង់សៀម ខេត្តកំពង់ចាម នៅព្រឹកថ្ងៃទី២២ ខែមីនា ឆ្នាំ២០២៣ ធ្វើបុណ្យឆ្លងសមិទ្ធផលនានា ក្នុងវត្តសំរិទ្ធជោគ (ព្រះអង្គខ្មៅ) ស្ថិតនៅភូមិទី៦ ឃុំកោះសំរោង ស្រុកកំពង់សៀម ខេត្តកំពង់ចាម។សមិទ្ធផលក្នុងវត្តសំរិទ្ធជោគ (ព្រះអង្គខ្មៅ) ដែលត្រូសម្ពោធឆ្លងនាពេកនេះ បានចំណាយអស់ថវិកាជាងសាមសិបម៉ឺនដុល្លារអាមេរិក ។ឯកឧត្ដមឧបនាយករដ្ឋមន្ត្រី យឹម ឆៃលី ក៏បានជួបសំណេះសំណាលជាមួយប្រជាពលរដ្ឋចូលរួមប្រមាណជាង១.៥០០ គ្រួសារផងដែរ ដែលរស់នៅទូទាំងឃុំកោះសំរោង និងបានផ្តល់ជូនប្រជាជនម្នាក់ៗអង្ករ២០គីឡូក្រាម និងសារុងមួយ៕

ព្រះអគ្គិជ័យកីឡាត្រូវបានដង្ហែមកតម្កល់ទុកនៅវត្តរាជបូរណ៍ ដើម្បីដង្ហែបន្តឆ្ពោះទៅកាន់ប្រទេសអាស៊ានទាំង១០នៅថ្ងៃស្អែក

សៀមរាប៖ ព្រះអគ្គិជ័យកីឡាត្រូវបានដង្ហែមកតម្កល់ទុកនៅវត្តរាជបូរណ៍នៅវេលាម៉ោង១២ ថ្ងៃទី២១ ខែមីនា ឆ្នាំ២០២៣នេះ បន្ទាប់ពីព្រះករុណា ព្រះមហាក្សត្រ ប្រោសព្រះរាជទាន ។ព្រះអគ្គិជ័យកីឡានេះ នឹងត្រូវដង្ហែទៅកាន់ព្រលានយន្តហោះអន្តរជាតិខេត្តសៀមរាប នៅថ្ងៃទី២២ ខែមីនា ឆ្នាំ២០២៣ស្អែកនេះ ដើម្បីដង្ហែបន្តឆ្ពោះទៅកាន់ប្រទេសអាស៊ានទាំង១០។

ឯកឧត្តម វេង សាខុន និងលោកជំទាវអញ្ជើញសម្ពោធសមិទ្ធផលនានានៅវត្តបុប្ផារាមបល្ល័ង្កពេជ្រ ស្រុកកំពង់សៀម

កំពង់ចាម៖ ឯកឧត្ដម វេង សាខុន រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកកំពង់សៀម ខេត្តកំពង់ចាម និងស្រុកតំបែរ ខេត្តត្បូងឃ្មុំ និងលោកជំទាវ នៅថ្ងៃទី២០ ខែមីនា ឆ្នាំ២០២៣ បានអញ្ជើញសម្ពោធឧបដ្ឋានសាលា និងសមិទ្ធផលនានា, ស្រោចស្រពសុគន្ធវ៉ារីប្រគេនព្រះចៅអធិការព្រះនាម ថាំ សុខធីន និងសំណេះសំណាលជាមួយបងប្អូនប្រជាពលរដ្ឋចំនួនជាង ៥០០នាក់ នៅវត្តបុប្ផារាមបល្ល័ង្កពេជ្រ ស្ថិតនៅឃុំរអាងស្រុកកំពង់សៀម ខេត្តកំពង់ចាម ។មានមតិសំណេះសំណាលទៅកាន់លោកយាយ លោកតា ពុទ្ធបរិស័ទ និងបងប្អូនប្រជាពលរដ្ឋ ឯកឧត្តមរដ្ឋមន្ត្រីប្រតិភូបានពាំនាំនូវការផ្តាំផ្ញើសាកសួរសុខទុក្ខ និងសេចក្តីនឹករលឹកពីសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិតមកជូនបងប្អូនប្រជាពលរដ្ឋទាំងអស់នៅឃុំរអាង និងជាពិសេសនៅទូទាំងស្រុកកំពង់សៀម។ឯកឧត្តមក៏បានថ្លែងអំណរគុណ កោតសរសើរ និងវាយតម្លៃខ្ពស់ចំពោះពុទ្ធបរិស័ទ សប្បុរសជន គណៈកម្មការអាចារ្យវត្ត និងជាពិសេសក្រុមការងារចុះមូលដ្ឋានភូមិ និងឃុំរអាងទាំងអស់ដែលបានសាមគ្គីគ្នាយ៉ាងល្អប្រពៃរៀបចំពិធីបុណ្យឆ្លងនេះឡើងប្រកបដោយបរិយាកាសសប្បាយរីករាយ ក្នុងការចូលរួមលើកស្ទួយផ្នែកពុទ្ធចក្ររបស់យើង។ឯកឧត្តមបានបន្ថែមថា បរិយាកាសសប្បាយរីករាយនេះអាចប្រព្រឹត្តទៅបាន រួមជាមួយសមិទ្ធផលដែលបានកើតឡើងនៅទីនេះ ក៏ដោយសារកម្ពុជាទទួលទទួលបាននូវសុខសន្តិភាព រយៈពេលជាង២៤ឆ្នាំកន្លងទៅ ក្រោមការដឹកនាំដ៏ឈ្លាសវៃ របស់សម្តេចតេជោដោយបានធ្វើការផ្លាស់ប្តូរមុខមាត់ប្រទេសដ៏កំសត់មួយនេះ ចេញផុតពីប្រទេសក្រីក្រមកជាប្រទេសមួយទទួលបានការអភិវឌ្ឍជាបន្តបន្តាប់ ជាមួយនឹងការសាមគ្គីភាព និង ឯកភាពផ្ទៃក្នុងយ៉ាងរឹងមាំរបស់ប្រជាពលរដ្ឋយើង ដែលបានរស់នៅជួបជុំគ្រួសារ បងប្អូន កូនចៅយ៉ាងមានក្តីសុខក្រោមម្លប់សុខសន្តិភាព។ ឯកឧត្តមបានអំពាវនាវដល់ប្រជាពលរដ្ឋយើងទាំងអស់ដែលគ្រប់អាយុបោះឆ្នោតនៅក្នុងឃុំរអាង និង ទូទាំងស្រុកកំពង់សៀម ខេត្តកំពង់ចាម ទៅបោះឆ្នោតជូនគណបក្សប្រជាជនកម្ពុជាដែលមានសម្តេចតេជោជាប្រធាន ទាំងអស់គ្នាដែលនឹងប្រព្រឹត្តទៅ ក្នុងការបោះឆ្នោតជ្រើសតាំងតំណាងរាស្រ្ត នីតិកាលទី៧ នាថ្ងៃទី២៣ ខែកក្កដា ឆ្នាំ២០២៣ខាងមុខនេះ។ សូមជម្រាបជូនថា ដើម្បីចូលរួមក្នុងការទូទាត់ការងារសង់សង់កន្លងមក ឯកឧត្តមប្រគេនជូនព្រះចៅអធិការវត្តនូវបច្ច័យសរុបចំនួន ២៥ លានរៀល។ ហើយចំពោះប្រជាពលរដ្ឋដែលបានចូលរួមចំនួនជាង៥០០នាក់ គឺម្នាក់ៗទទួលបាន ២០០០០រៀលផងដែរ៕

សម្ដេចតេជោ ជំរុញក្រសួងស្ថាប័នបង្កើនភាពជាម្ចាស់ ក្នុងការធ្វើកំណែទម្រង់ពិសេសការគ្រប់គ្រងហិរញ្ញវត្ថុសាធារណៈ

ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានផ្ដល់អនុសាសន៍ដល់បណ្ដាក្រសួងស្ថាប័នឱ្យបង្កើនភាពជាម្ចាស់ក្នុងការធ្វើកំណែទម្រង់ ការគ្រប់គ្រងហិរញ្ញវត្ថុសាធារណៈនៅតាមក្រសួងស្ថាប័ន ដោយរដ្ឋមន្រ្ដី និងប្រធានស្ថាប័នត្រូវជំរុញការអនុវត្តនេះប្រកបដោយភាពជាម្ចាស់ស្របតាមគោលការរបស់រាជរដ្ឋាភិបាល។សម្ដេចតេជោ ហ៊ុន សែន បានផ្ដល់អនុសាសន៍ បែបនេះក្នុងឱកាសអញ្ជើញជាអធិបតីក្នុងពិធីប្រកាសដាក់ឱ្យអនុវត្តចក្ខុវិស័យ និងយុទ្ធសាស្ត្រនៃកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ ដំណាក់កាលទី៤(២០២៣-២០២៧) នាថ្ងៃទី២០ ខែមីនា ឆ្នាំ២០២៣នេះ នៅសណ្ឋាគារសុខាភ្នំពេញ។សម្ដេចតេជោ ហ៊ុន សែន បានបញ្ជាក់ថា ដើម្បីទទួលបានអភិបាលកិច្ចល្អ គឺត្រូវការសមាសភាពសំខាន់ៗចំនួន៤ ជាកម្មវត្ថុនៃការកែទម្រង់ គឺ«៣បូក១»។ សមាសភាពសំខាន់ៗទាំងនោះរួមមាន ទី១ ការគ្រប់គ្រងធនធានហិរញ្ញវត្ថុប្រកបដោយប្រសិទ្ធភាព និងស័កសិទ្ធភាព។ ទី២ ធនធានមនុស្ស និងស្ថាប័នសាធារណៈ ប្រកបដោយគុណភាព ភាពស្អាតស្អំ និងសមត្ថភាព ។ ទី៣ការកំណត់បែងជែកមុខងារច្បាស់លាស់ការធ្វើប្រតិភូកម្មអំណាចត្រឹមត្រូវ និងការសម្របសម្រួលអនុវត្តមុខងារប្រកបដោយប្រសិទ្ធភាព និងទី៤ ប្រព័ន្ធច្បាប់ និងយុត្តិធម៌ប្រកបដោយប្រសិទ្ធភាព។សម្ដេចតេជោ ក៏បានជំរុញឱ្យក្រសួង ស្ថាប័ន បន្តខិតខំអនុវត្តឱ្យបានរីកចម្រើនបន្ថែមទៀតនូវវិស័យឌីជីថលស្របតាមគ្របខណ្ឌគោលនយោបាយ សេដ្ឋកិច្ច និងសង្គមឌីជីថល ២០២១-២០៣៥ ដោយធ្វើឱ្យប្រទាក់ក្រឡាគ្នាជាមួយនឹងកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ ដ៏ដូចជាកម្មវិធីកែទម្រង់ផ្សេងៗទៀតរបស់រាជរដ្ឋាភិបាល៕ អត្ថបទ៖វ៉ន ដារ៉ា

សម្តេចតេជោប្រាប់អង្គទូតនានាថា ទម្រាំកម្ពុជាមានថ្ងៃនេះ គឺឆ្លងកាត់ការគាបសង្កត់ជាច្រើនពីផ្ទៃក្នុង និងអន្តរជាតិ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជណាចក្រកម្ពុជា បានប្រាប់ដល់បណ្តាអង្គទូតនានាប្រចាំនៅកម្ពុជាថា ទម្រាំកម្ពុជាមានសុខសន្តិភាព និងការអភិវឌ្ឍជាបន្តបន្ទាប់រហូតដល់សព្វថ្ងៃនេះ គឺកម្ពុជាទទួលរងការគាបសង្កត់ជាច្រើនមកលើសម្តេចទាំងបញ្ហាផ្ទៃក្នុង និងអន្តរជាតិ។ថ្លែងនៅក្នុងឱកាសអញ្ជើញជាអធិបតីពិធីប្រកាសដាក់ឲ្យអនុវត្តចក្ខុវិស័យ និងយុទ្ធសាស្ត្រ នៃកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ ដំណាក់កាលទី៤(២០២៣-២០២៧) នាព្រឹកថ្ងៃទី២០ ខែមីនា ឆ្នាំ២០២៣នេះ សម្តេចតេជោ ហ៊ុន សែន បានលើកឡើងថា កម្ពុជាមិនបានរងចាំទាល់តែប្រទេសមានសុខ សន្តិភាពពេញលេញទើបធ្វើការកែទម្រង់នោះទេ ដោយសម្តេចអះអាងថា ការរស់រានរបស់កម្ពុជារហូតមកដល់ពេលនេះគឺកើតចេញពីការកែទម្រង់នោះឯង ទោះបីការកែទម្រង់នាគ្រានោះ សម្តេចមានឧបសគ្គរារាំងយ៉ាងណាក៏ដោយ។សម្តេចតេជោ ហ៊ុន សែន នាយករដ្ឋមន្រ្តី បានបញ្ជាក់ផងដែរថា មានការគាបសង្កត់ចំនួនបីមកលើសម្តេច ក្នុងការទម្រង់សេដ្ឋកិច្ច និងនយោបាយរបស់កម្ពុជានាគ្រានោះ ទី១.គឺបញ្ហាមិនស្រុះស្រួលផ្ទៃក្នុង ទី២.កងទ័ពរបស់វៀតណាមមិនក្រោម១០ម៉ឺននាក់ទេ ដែលកំពុងឈរជើងនៅប្រទេសកម្ពុជា និងបញ្ហាទី៣.គឺកម្ពុជាកំពុងរង់ទុក្ខពីការដាក់ទណ្ឌកម្មពីសហគមន៍អន្តរជាតិជាដើមនោះ។ ទោះបីជាមានការគាបសង្កត់លើសម្តេចនូវបញ្ហាខាងលើនេះក្តីសម្តេចតេជោ ហ៊ុន នាយករដ្ឋមន្រ្តី និងជាបិតាស្ថិបនិកសន្តិភាពរបស់កម្ពុជា នៅតែទទួលបានភាពជោគជ័យចំពោះការកែទម្រង់ទាំងផ្នែកនយោបាយ និងសេដ្ឋកិច្ចរហូតមកដល់ពេលនេះ ដោយបានធ្វើឲ្យប្រទេសមានសុខសន្តិភាព និងការអភិវឌ្ឍជាបន្តបន្ទាប់នោះ៕ អត្ថបទបាន ចក់

សម្ដេចតេជោ៖ ផ្ទៃក្នុងមិនយល់គ្នាជាគ្រោះថ្នាក់ធំណាស់ក្នុងការធ្វើកំណែទម្រង់របស់ប្រទេសជាតិ

ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី មានប្រសាសន៍ថា អំឡុងពេលធ្វើកំណែទម្រង់ប្រទេសកម្ពុជាដែលចាប់ផ្ដើមពីសូន្យ ចំណុចមួយដែលសម្ដេចបានខិតខំដោះស្រាយ គឺការដោះស្រាយបញ្ហាផ្ទៃក្នុង។ សម្ដេចបញ្ជាក់ថា អំឡុងពេលធ្វើកំណែទម្រង់នេះ បើផ្ទៃក្នុងមិនយល់នោះគឺជាគ្រោះថ្នាក់ធំណាស់នៅក្នុងការធ្វើកំណែទម្រង់របស់ប្រទេសជាតិ ជាពិសេសការធ្វើកំណែទម្រង់នយោបាយរបស់ប្រទេសជាតិតែម្ដង។សម្ដេចតេជោ ហ៊ុន សែន បានមានប្រសាសន៍បែបនេះ ក្នុងឱកាសអញ្ជើញជាអធិបតី ក្នុងពិធីប្រកាសដាក់ឱ្យអនុវត្តចក្ខុវិស័យ និងយុទ្ធសាស្ត្រនៃកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ ដំណាក់កាលទី៤(២០២៣-២០២៧) នាថ្ងៃទី២០ ខែមីនា ឆ្នាំ២០២៣នេះ នៅសណ្ឋាគារសុខាភ្នំពេញ។ សម្ដេចតេជោ បានមានប្រសសន៍ថា ទោះបីជាយ៉ាងណាសម្ដេចត្រូវតែធ្វើកំណែទម្រង់ ពីព្រោះប្រទេសកម្ពុជាមិនអាចរងចាំរហូតដល់មានសន្ដិភាពពេញលេញទើបធ្វើការកែទម្រង់នោះទេ។ ដូច្នេះក្នុងពេលដែលសម្ដេចធ្វើជានាយករដ្ឋមន្រ្ដីនេះ សម្ដេចបានដាក់ចេញកញ្ចប់កំណែទម្រង់ជាមួយគ្នាតែម្ដង ជាពិសេស ការធ្វើកំណែទម្រង់នយោបាយ និងកំណែទម្រង់សេដ្ឋកិច្ចនេះឯង ដើម្បីធ្វើឱ្យកម្ពុជាទទួលបានការអភិវឌ្ឍ និងសន្ដិភាពដូចសព្វថ្ងៃនេះ។សម្ដេចតេជោ ហ៊ុន សែន មានប្រសាសន៍ថា ចំណុចទាក់ទងនឹងការគ្រប់គ្រងកិច្ចការសាធារណៈរបស់កម្ពុជា គឺមិនលំបាក ដល់ការធ្វើកំណែទម្រង់ផ្នែកនយោបាយ និងសេដ្ឋកិច្ចរបស់កម្ពុជានោះទេ។ សម្ដេចថ្លែងថា ការធ្វើកំណែទម្រង់ទាំងពីរនេះ គឺទាមទារឱ្យសម្ដេចតេជោនាយករដ្ឋមន្រ្ដី ត្រូវយកជីវិតទៅប្ដូរគ្រប់ពេលទាំងអស់ដោយប្រឹងប្រែងធ្វើចាប់តាំងពីថ្នាក់មូលដ្ឋានឡើងទៅដល់ថ្នាក់ជាតិ ក្នុងនោះក៏មានការផ្លាស់ប្ដូរសូម្បីតែរដ្ឋមន្រ្ដីការពារជាតិ និងរដ្ឋមន្រ្ដីការបរទេសផងដែរ៕អត្ថបទ៖វ៉ន ដារ៉ា

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងពិធីប្រកាសដាក់ឲ្យអនុវត្តចក្ខុវិស័យ និងយុទ្ធសាស្ត្រ នៃកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ ដំណាក់កាលទី៤(២០២៣-២០២៧)

ភ្នំពេញ៖ ប្រសាសន៍សំខាន់ៗរបស់សម្ដេចតេជោ ហ៊ុន សែន នាយករដ្ឋមន្ត្រី នៅព្រឹកថ្ងៃទី២០ ខែមីនា ឆ្នាំ២០២៣ ក្នុងឱកាសអញ្ជើញជាអធិបតីភាពដ៏ខ្ពង់ខ្ពស់បំផុត ក្នុងពិធីប្រកាសដាក់ឱ្យអនុវត្តចក្ខុវិស័យ និងយុទ្ធសាស្ត្រ នៃកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ ដំណាក់កាលទី៤ (២០២៣-២០២៧) កម្មវិធីប្រកាសដាក់ឱ្យអនុវត្តនេះ មានការអញ្ជើញចូលរួមពីសមាជិក និងសមាជិកា នៃរាជរដ្ឋាភិបាលកម្ពុជា ព្រមទាំងតំណាងដៃគូអភិវឌ្ឍពាក់ព័ន្ធ និងអង្គការក្រៅរដ្ឋាភិបាលផងដែរ។សម្ដេចតេជោ ហ៊ុន សែន៖ «យើងមិនអាចរងចាំរហូតដល់មានសន្ដិភាពពេញលេញទើបយើងធ្វើការកែទម្រង់នោះទេ»។ សម្ដេចបញ្ជាក់ថា ក្នុងពេលសម្ដេចតេជោធ្វើជានាយករដ្ឋមន្រ្ដី សម្ដេចបានដាក់ចេញកញ្ចប់កំណែទម្រង់ជាមួយគ្នាផងដែរ នៅក្នុងនោះគឺទីមួយកំណែទម្រង់ នយោបាយ និងទីពីរកំណែទម្រង់ខាងសេដ្ឋកិច្ចនោះឯង ដើម្បីធ្វើឱ្យកម្ពុជាទទួលបានការអភិវឌ្ឍ និងសន្ដិភាពដូចសព្វថ្ងៃនេះ។សម្ដេចតេជោ ហ៊ុន សែន បញ្ជាក់ថា ផ្ទៃក្នុងមិនយល់គឺជាគ្រោះថ្នាក់ធំណាស់នៅក្នុងការធ្វើកំណែទម្រង់របស់ប្រទេសជាតិ ជាពិសេសលើការធ្វើកំណែទម្រង់នយោបាយរបស់ប្រទេសជាតិ។សម្ដេចតេជោ ហ៊ុន សែន មានប្រសាសន៍ថា ចំណុចទាក់ទងនឹងការគ្រប់គ្រងសាធារណៈរបស់កម្ពុជា គឺមិនលំបាកដល់ការធ្វើកំណែទម្រង់ផ្នែកនយោបាយ និងសេដ្ឋកិច្ចរបស់កម្ពុជានោះទេ ដែលការធ្វើកំណែទម្រង់ទាំងពីរនេះ គឺទាមទារឱ្យសម្ដេចតេជោនាយករដ្ឋមន្រ្ដី ត្រូវយកជីវិតទៅប្ដូរគ្រប់ពេលទាំងអស់។សម្ដេចតេជោ ហ៊ុន សែន បញ្ជាក់ថា ឥឡូវនេះ កម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ ឈានដល់ ដំណាក់កាលទី៤ (២០២៣-២០២៧) ក្នុងគោលដៅ បង្កើនគណនេយ្យភាពសម្មតិកម្ម ខណៈកម្ពុជាបានដាក់ចេញនូវកំណែទម្រង់នូវដំណាក់កាលទី១ ត្រូវបានអនុវត្តពីឆ្នាំ២០០៤ ដល់ឆ្នាំ២០០៨ ផ្ដោតលើគោលដៅផ្ដោតភាព ជឿទុកចិត្តលើថវិកា ក្នុងគោលបង្កើនគនេយ្យភាពហិរញ្ញវត្ថុ កំណែទម្រង់ដំណាក់ទី៣ គឺបង្កើនការផ្សាភ្ជាប់ថវិកាទៅលើគោនយោបាយ និង កំណែទម្រង់ដំណាក់កាលទី៤ គឺបានដាក់ឱ្យ (២០២៣-២០២៧) បង្កើនគណនេយ្យភាពសម្មតិកម្មនេះឯង។សម្ដេចតេជោ ហ៊ុន សែន បញ្ជាក់ថា បច្ចុប្បន្នការខ្ចីពីក្រៅប្រទេសប្រចាំឆ្នាំមានទំហំមិនស្នើនឹង ២០ ភាគរយ នៃថវិកាជាតិសរុបនោះទេ។ ផ្ទុយទៅវិញ កាលពី៣០ ឆ្នាំមុន ចំណូលក្នុងស្រុកដែលកម្ពុជាអាចរកបានដោយខ្លួនឯងមានត្រឹម២ ភាគ៣ នៃថវិកាជាតិសរុប តែប៉ុណ្ណោះ មានន័យថា តម្រូវការប្រមាណ ២ ភាគ៣ នៃថវិកាជាតិ ត្រូវបានដោះស្រាយដោយធនធានជំនួយហិរញ្ញវត្ថុពីក្រៅប្រទេស នេះគឺជាលទ្ធផលជាក់ស្ដែងដែលកម្ពុជាសម្រេចបានស្របតាមគោលជំហរដឹកនាំដែលសម្ដេចតេជោបានដាក់ចេញនាពេលកន្លងទៅ គឺ«កែទម្រង់រស់ មិនកែទម្រង់ស្លាប់»។សម្ដេចតេជោ ហ៊ុន សែន មានប្រសាសន៍ថា ការកែទម្រង់របស់រាជរដ្ឋាភិបាលកម្ពុជាបានឈានចូលដល់ យុទ្ធសាស្រ្ដកម្រិតខ្ពស់ ដែលជាគោលដៅចំបងរបស់រាជរដ្ឋាភិបាល គឺជាការប្រែប្រួលជាសារវន្តផ្នែកគោលនយោបាយ និងយុទ្ធសាស្រ្ដអាទិភាពដែលសំដៅដល់ការពង្រឹងប្រសិទ្ធភាព គុណភាព និងការទទួលខុសត្រូវលើលទ្ធផលនៃការអនុវត្តរបស់ស្ថាប័នសាធារណៈ និងមន្រ្ដីរាជការក្នុងក្របខណ្ឌរាជរដ្ឋាភិបាលទាំងមូល។សម្ដេចតេជោ ហ៊ុន សែន បានផ្ដល់អនុសាសន៍ដល់បណ្ដាក្រសួងស្ថាប័ន ឱ្យបង្កើនភាពជាម្ចាស់ក្នុងការធ្វើកំណែទម្រង់ ការគ្រប់គ្រងហិរញ្ញវត្ថុសាធារណៈនៅតាមក្រសួងស្ថាប័ន ដោយរដ្ឋមន្រ្ដី និងប្រធានស្ថាប័នត្រូវជំរុញការអនុវត្តនេះប្រកបដោយភាពជាម្ចាស់ស្របតាមគោលការរបស់រាជរដ្ឋាភិបាល។សម្ដេចតេជោ ហ៊ុន សែន បញ្ជាក់ថា អភិបាលកិច្ចល្អត្រូវការសមាសភាពសំខាន់ទាំង៤ ដែលជាកម្មវត្ថុនៃការកែទម្រង់ ៣បូក១ ពោលគឺ ទី១ ការគ្រប់គ្រងធនធានហិរញ្ញវត្ថុប្រកបដោយប្រសិទ្ធភាព និងស័កសិទ្ធភាព ។ ទី២ ធនធានមនុស្ស និងស្ថាប័នសាធារណៈ ប្រកបដោយគុណភាព ភាពស្អាតស្អំ និងសមត្ថភាព ។ ទី៣ ការកំណត់បែងជែកមុខងារច្បាស់លាស់ ការធ្វើប្រតិភូកម្មអំណាចត្រឹមត្រូវ និងការសម្របសម្រួលអនុវត្តមុខងារប្រកបដោយប្រសិទ្ធភាព និងទី៤ ប្រព័ន្ធច្បាប់ និងយុត្តិធម៌ប្រកបដោយប្រសិទ្ធភាព។

សម្ដេចតេជោ ហ៊ុន សែន អញ្ជើញជាអធិបតីក្នុងពិធីប្រកាសដាក់ឲ្យអនុវត្តចក្ខុវិស័យ និងយុទ្ធសាស្ត្រ នៃកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ ដំណាក់កាលទី៤(២០២៣-២០២៧)

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រី នៅព្រឹកថ្ងៃទី២០ ខែមីនា ឆ្នាំ២០២៣ បានអញ្ជើញជាអធិបតីភាពដ៏ខ្ពង់ខ្ពស់បំផុត ក្នុងពិធីប្រកាសដាក់ឱ្យអនុវត្តចក្ខុវិស័យ និងយុទ្ធសាស្ត្រ នៃកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ ដំណាក់កាលទី៤ (២០២៣-២០២៧)កម្មវិធីប្រកាសដាក់ឱ្យអនុវត្តនេះ មានការអញ្ជើញចូលរួមពីសមាជិក និងសមាជិកា នៃរាជរដ្ឋាភិបាលកម្ពុជា ព្រមទាំងតំណាងដៃគូអភិវឌ្ឍពាក់ព័ន្ធ និងអង្គការក្រៅរដ្ឋាភិបាលផងដែរ៕

បណ្ដាញសង្គម

ព័ត៌មានថ្មីៗ

ចាប់ពីថ្ងៃទី២៧ ខែមិថុនាដល់ថ្ងៃទី១៦ ខែកក្កដានេះ គ.ប.ឆ.ប. បង្រ្កាប ONLINESCAMS ២០ទីតាំងឃាត់ខ្លួនជនសង្ស័យ ១.៣៦២ នាក់ ក្នុងនោះជនជាតិវៀតណាម ៣៤៧នាក់

រាជរដ្ឋាភិបាលបានកំណត់តម្លៃនិងតួនាទីព្រៃឈើ ដោយមិនកាត់ផ្តាច់ចេញពីវិស័យអាទិភាពរបស់រដ្ឋ

ឯកឧត្តមឧបនាយករដ្ឋមន្ត្រី ប្រាក់ សុខុន អញ្ជើញធ្វើបាឋកថាស្តីពី «សភាពការណ៍អន្តរជាតិ និងនយោបាយការបរទេសរបស់កម្ពុជា» ចែករំលែកដល់សិស្សមន្ត្រីសាលាភូមិន្ទរដ្ឋបាល

ក្រសួងការងារបដិសេធចំពោះជនខិលខូចប្រើប្រាស់រូប និងឈ្មោះ ឯកឧត្តម ហេង សួរ ក្នុងចេតនាឆបោកសាធារណជន

តើហេតុអ្វីបានជាប្រទេសប៉ាគីស្ថានងាយរងគ្រោះដោយសារទឹកជំនន់ស្លាប់មនុស្ស?

ឯកឧត្តមឧបនាយករដ្ឋមន្ត្រី ហ៊ុន ម៉ានី ជួបសំណេះសំណាលជាមួយសមាជិក សមាជិកា ក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ដែលទើបនឹងជ្រើសរើសថ្មី ប្រចាំសាកលវិទ្យាល័យវិទ្យាសាស្រ្តសុខាភិបាល ចំនួន ៥៨៤នាក់

ការទម្លាក់គ្រាប់បែករបស់រុស្ស៊ីសម្លាប់មនុស្ស ៤នាក់ និង ២៧នាក់ រងរបួសនៅទីក្រុង Dobropillia ប្រទេសអ៊ុយក្រែន

ក្រសួងឧស្សាហកម្ម ដាក់ប្រព័ន្ធបន្សុទ្ធទឹកស្អាតនៅមន្ទីរពេទ្យគន្ធបុប្ផា ជូនដល់អ្នកព្យាបាលជំងឺពិសា

សាស្ត្រាចារ្យសាកលវិទ្យាល័យតូក្យូ ចាប់អារម្មណ៍ស្វែងយល់បន្ថែមអំពីកម្ពុជា និងការអភិវឌ្ឍសង្គម-សេដ្ឋកិច្ច

សារព័ត៌មាន NBC News៖ ការវាយប្រហាររបស់អាមេរិក បានបំផ្លាញទីតាំងនុយក្លេអ៊ែរអ៊ីរ៉ង់តែមួយប៉ុណ្ណោះ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

សម្ដេចតេជោ៖ កម្ពុជាមានតុល្យភាពអំណាចល្អណាស់ នាយករដ្ឋមន្ត្រីមិនអាចរំលាយសភាបានទេ

សម្ដេចតេជោ៖ សម័យកាលនេះ ជាសម័យកាលប្រកួតប្រជែងមិនមែនជាសម័យកាលផ្ដួលរំលំដៃគូទេ

ឯកឧត្តម វេង សាខុន និងលោកជំទាវអញ្ជើញសម្ពោធសមិទ្ធផលនានានៅវត្តបុប្ផារាមបល្ល័ង្កពេជ្រ ស្រុកកំពង់សៀម

សម្ដេចតេជោ៖ ផ្ទៃក្នុងមិនយល់គ្នាជាគ្រោះថ្នាក់ធំណាស់ក្នុងការធ្វើកំណែទម្រង់របស់ប្រទេសជាតិ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

សម្ដេចតេជោ៖ កម្ពុជាមានតុល្យភាពអំណាចល្អណាស់ នាយករដ្ឋមន្ត្រីមិនអាចរំលាយសភាបានទេ

សម្ដេចតេជោ៖ សម័យកាលនេះ ជាសម័យកាលប្រកួតប្រជែងមិនមែន​ជាសម័យកាលផ្ដួលរំលំដៃគូទេ

ឯកឧត្តម​ វេង សាខុន​​ និងលោកជំទាវអញ្ជើញសម្ពោធសមិទ្ធផលនានានៅវត្តបុប្ផារាមបល្ល័ង្កពេជ្រ ស្រុកកំពង់សៀម

សម្ដេចតេជោ៖ ផ្ទៃក្នុងមិនយល់គ្នាជាគ្រោះថ្នាក់ធំណាស់ក្នុងការធ្វើកំណែទម្រង់របស់ប្រទេសជាតិ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

សម្ដេចតេជោ៖ សម័យកាលនេះ ជាសម័យកាលប្រកួតប្រជែងមិនមែនជាសម័យកាលផ្ដួលរំលំដៃគូទេ

ឯកឧត្តម វេង សាខុន និងលោកជំទាវអញ្ជើញសម្ពោធសមិទ្ធផលនានានៅវត្តបុប្ផារាមបល្ល័ង្កពេជ្រ ស្រុកកំពង់សៀម