នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
TOP STORY | សម្ដេចធិបតី បានចាត់វិធានការចាំបាច់​ជាបន្ត​បន្ទា​ប់ចំ​ពោះកា​រ​វិល​ត្រឡប់​ទ្រង់ទ្រាយ​ធំរ​បស់​ពលករ​ខ្មែរ និងជនភៀសសឹក
TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់
TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំ​​កោះប្រជុំក្រុមប្រឹក្សាសន្តិសុខជាបន្ទាន់ ដើម្បី​សុំ​ការ​អន្ត​រាគមន៍​បញ្ចប់​ការ​ឈ្លាន​ពាន​របស់​កង​ទ័ព​ថៃមក​លើដែនអធិបតេយ្យភាពរបស់កម្ពុជា
TOP STORY | សម្ដេចធិបតី៖ កងទ័ពថៃបានបើកការ​វាយប្រហារ​មក​លើ​ទីតាំង​ឈរ​ជើង​របស់​កង​ទ័ព​កម្ពុជា​ នៅប្រាសាទតាមាន់ធំ តាក្របី និងបានពង្រីកភូមិសាស្ត្រវាយប្រហារទៅដល់តំបន់មុំបី

នយោបាយ​ និង ការអភិវឌ្ឍន៍

សម្តេចតេជោ ហ៊ុន សែន អំពាវនាវដល់បងប្អូនឲ្យចាកចេញពីគណបក្សមួយ ដែល​កំពុង​ផ្សារភ្ជាប់​ជាមួយ​ជន​ក្បត់ជាតិ ដែលប្រមាថព្រះមហាក្សត្រ

2022/10/25 10:02:04 am        419
Facebook Telegram Linkin
សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានធ្វើការ​អំពាវនាវ​ដល់​បងប្អូន​ប្រជាពលរដ្ឋមួយចំនួន ឲ្យចាកចេញជាបន្ទាន់ពីគណបក្សនយោបាយមួយ ដែល​កំពុង​ផ្សារ​ភ្ជាប់​ជាមួយជនក្បត់ជាតិបីជំនាន់ សម រង្ស៊ី ដែល​ប្រមាថ​យ៉ាង​ធ្ងន់ធ្ងរ​បំផុត​លើ​ព្រះមហាក្សត្រ​ជាទីគោរព​សក្ការៈដ៏ខ្ពង់ខ្ពស់បំផុត នៃយើងថា​ «មិនមានមនសិកាជាតិ និងក្បត់ជាតិ» ជាដើម​នោះ។​ ថ្លែងនៅក្នុងឱកាសអញ្ជើញចែកស្រូវពូជជូនដល់បងប្អូនប្រជាកសិករប្រមាណ ៥,១៤៥គ្រួសារ រងគ្រោះដោយសារគ្រោះទឹកជំនន់ នៅខេត្តពោធិ៍សាត់ នាព្រឹកថ្ងៃទី២៥ ខែតុលា ឆ្នាំ២០២២នេះ សម្តេចតេជោ ហ៊ុន សែន បានលើកឡើងថា នាប៉ុន្មានថ្ងៃមកនេះជនក្បត់ជាតិបីជំនាន់ (ទណ្ឌិតសម រង្ស៊ី) មិនត្រឹមតែជេរប្រមាថសម្តេចប៉ុណ្ណោះទេ តែជនក្បត់ជាតិ​រូប​នេះ​បាន​ប្រមាថ​យ៉ាង​ធ្ងន់ធ្ងរ​ដល់​អង្គព្រះមហាក្សត្រជាទីគោរពសក្ការៈ នៃយើងទាំងអស់គ្នាទៀត ខណៈ​ការ​ប្រមាថ​នេះ​ត្រូវ​បានប្រជាពលរដ្ឋ មន្រ្តីរាជការ កងកម្លាំង ប្រដាប់អាវុធ បណ្តា​គណបក្ស​នយោបាយ​ផ្សេងៗ​កំពុង​ធ្វើ​ការ​ថ្កោលទោសយ៉ាងដាច់អហង្ការផងដែរ។សូមបញ្ជាក់ថា ក្រោយពីជនក្បត់ជាតិបីជំនាន់ សម រង្ស៊ី បាន​ចេញ​វិដេអូឃ្លីប​ប្រមាថ​យ៉ាង​ធ្ងន់ធ្ងរ​បំផុត​លើ​ព្រះចេស្តា ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ដែលជាទី​គោរព​សក្ការៈ​ដ៏ខ្ពង់ខ្ពស់​បំផុត​របស់​ប្រជាជាតិ​ខ្មែរ​ទូទាំង​នគរថា​ «មិនមានមនសិកា»ជាតិ និង«ក្បត់ជាតិ»នោះ បងប្អូនប្រជាពលរដ្ឋ មន្រ្តីរាជការ កង​កម្លាំង​ប្រដាប់​អាវុធគ្រប់ប្រភេទ រួមទាំង បណ្តាគណបក្សនយោបាយមួយចំនួនបាន ចេញ​សេចក្តី​ថ្លែង​ការណ៍ និងញត្តិថ្កោលទោសយ៉ាងដាច់អហង្ការចំពោះជនក្បត់ជាតិបីជំនាន់នេះ។បងប្អូនប្រជាពលរដ្ឋ ក៏បាន​អំពាវនាវ​ឱ្យ​អាជ្ញាធរ​មាន​សមត្ថកិច្ច​ចាត់​វិធានការ​ច្បាប់ឱ្យ​បាន​ម៉ឺងម៉ាត់​ជាទីបំផុត​ទៅ​លើទណ្ឌិតជាប់ទោសក្បត់ជាតិ សម រង្ស៊ី ព្រមទាំងបក្សពួក ដែលហ៊ាន​ប្រព្រឹត្ត​អំពើ​ប្រមាថ​ដ៏​ធ្ងន់ធ្ងរបំផុតដែលប្រជារាស្ត្រខ្មែរទូទាំងនគរមិនអាចអត់ឱនឱ្យបានជាដាច់ខាត។ សម្តេចតេជោ ហ៊ុន សែន ក៏បានប្រកាសយ៉ាងដាច់ហង្ការផងដែរថា សម្តេចត្រូវ​តែ​កំចាត់​ចោល​ឲ្យ ខាងតែបានចំពោះជនក្បត់ជាតិបីជំនាន់ និងបក្សពួក មិនថាកាលៈទេសៈណានោះឡើយ ដែល​ព្យាយាមបំផ្លិតបំផ្លាញសុខសន្តិភាពដែលកំពុងមានសព្វថ្ងៃ និងបានជេរ​ប្រមាថ​ដល់​អង្គ​ព្រះមហាក្សត្រ​ដែល​ជាទីគោរព​សក្ការៈ​ដ៏ខ្ពង់ខ្ពស់​បំផុត​របស់​ប្រជាជាតិ​ខ្មែរ​ទាំង​អស់​នៅ​ទូទាំ​ង​ប្រទេស​នោះ៕ អត្ថបទ៖ បាន ចក់

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងពិធីផ្ដល់ស្រូវពូជ​ជូនកសិកររងគ្រោះ​ដោយសារទឹកជំនន់ នៅខេត្តពោធិ៍សាត់

2022/10/25 08:03:16 am        412
Facebook Telegram Linkin
ភ្នំពេញ៖ នៅព្រឹកថ្ងៃទី២៥ ខែតុលា ឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាបានអញ្ជើញផ្តល់ស្រូវពូជប្រមាណ ៥១៤,៥០០​គីឡូក្រាម ជូនកសិករប្រមាណ ៥,១៤៥គ្រួសារ រងគ្រោះដោយសារគ្រោះទឹកជំនន់ នៅ​ខេត្តពោធិ៍សាត់។ សូមជម្រាបថា ខេត្តពោធិ៍សាត់ បានជួបនូវទឹកជំនន់ ដែលបង្កឱ្យប៉ះពាល់ភូមិសាស្រ្ត ៧ក្រុង/ស្រុក​, ប៉ះពាល់​ប្រជាពលរដ្ឋសរុបចំនួន ១៣,៧៧៥គ្រួសារ ស្មើនឹងចំនួន ៦,៧០៩ខ្នងផ្ទះ។ ជម្លៀស​ប្រជាជន​រយៈ​ពេលខ្លីទៅកាន់ទីទួលសុវត្ថិភាពចំនួន ១៧៤គ្រួសារ។ ក្នុងនោះ លង់ទឹកស្លាប់ចំនួន ៤នាក់។ ទឹកជំនន់នៅពោធិ៍សាត់ ក៏បានបង្កឱ្យប៉ះពាល់សាលារៀនចំនួន២៥កន្លែង មណ្ឌល​សុខភាព​ចំនួន ២កន្លែង, ប៉ះពាល់វត្តអារាម និងវិហារសាសនាចំនួន ១៦កន្លែង, ប៉ះពាល់ផ្លូវ​កៅ​ស៊ូ​ចំនួន ៣,០៥០ម៉ែត្រ,ប៉ះពាល់ផ្លូវគ្រួសក្រហមចំនួន ៩២,១១៥ម៉ែត្រ, ប៉ះពាល់​អណ្តូង​ទឹក​ចំនួន​ ៩៦កន្លែង ស្រះទឹកចំនួន ៦៦កន្លែង បង្គន់ចំនួន ២,៣១១កន្លែង។គ្រោះទឹកជំនន់នៅពោធិ៍សាត់ បានបង្កឱ្យប៉ះពាល់ដំណាំស្រូវចំនួន ១៩,៥៩៦ហិកតា ខូចខាត​ស្រូវ​ចំនួន ៩,៣២១ហិកតា។ ក្នុងនោះផ្ទៃដីអាចស្តារឡើងវិញបានចំនួន ៦,៦៦៨​ហិកតា,​ ប៉ះពាល់​ដំណាំកសិ-ឧស្សាហកម្មចំនួន ៣,០៤៧ហិកតា និងដំណាំរួមផ្សំចំនួន ៣,២០៩ហិកតា។ ខាងក្រោមនេះជាប្រសាសន៍សំខាន់ៗរបស់សម្ដេចតេជោ ហ៊ុន សែន៖  - សម្តេចតេជោ ហ៊ុន សែន នៅតែសម្តែងសមានទុក្ខ និងសោកស្តាយបំផុត ចំពោះ​ហេតុយការណ៍​ស្លាប់​បាត់​បង់ជីវិតសិស្សសាលាចំនួន ១១នាក់ ដោយលិចទូក-ដចម្លង នៅឃុំកំពង់ភ្នំ ស្រុក​លើដែក ខេត្តកណ្តាល កាលពីពេលថ្មីៗនេះ ដែលជាផ្នែក​មួយ​នៃ​មហន្តរាយ​ដោយ​ទឹក​ជំនន់​ផង​ដែរ។- សម្តេចតេជោ ហ៊ុន សែន ប្រកាសថា រាជរដ្ឋាភិបាល មិនបានព្រងើយកន្តើយ ចំពោះ​ទុក្ខ​លំបាក​របស់​ប្រជាពលរដ្ឋនោះទេ ជាពិសេសប្រជាពលរដ្ឋដែលរងគ្រោះដោយទឹកជំនន់ និង​មហន្ត​រាយ​ធម្ម​ជាតិ ជាយថាហេតុណាមួយ ដែលយើងមិននឹកស្មានដល់។- សម្តេចតេជោ ហ៊ុន សែន ប្រកាសថ្លែងអំណរគុណ និងកោតសរសើរ ដល់​ឯក​ឧត្តម​នាយក​ឧត្តម​សេនីយ៍ គន់ គីម អនុប្រធានទី១ នៃគណៈកម្មាធិការជាតិគ្រប់គ្រងគ្រោះមហន្តរាយ ដែលបាន​ចុះ​អន្តរាគមន៍​ជា​បន្ទាន់ ជាមួយរដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ក្នុង​ការ​ដោះស្រាយ​បញ្ហា​ប្រជាពលរដ្ឋ​រង​គ្រោះដោយទឹកជំនន់។- សម្តេចតេជោ ហ៊ុន សែន បានពាំនាំព្រះរាជបន្ទូលផ្តាំផ្ញើ សាកសួរសុខទុក្ខពីព្រះករុណា ព្រះបាទ សម្តេច​ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្តេចម៉ែ ជូន​ដល់​ប្រជាពលរដ្ឋរងគ្រោះដោយទឹកជំនន់នៅខេត្តពោធិ៍សាត់។- សម្តេចតេជោ ហ៊ុន សែន ប្រកាសថា ថ្មីៗនេះសម្តេចទើបបានទទួលជំនួយជាអង្ករចំនួន ៧០០​តោន​បន្ថែម​ទៀត ពីសប្បុរសជនក្នុងស្រុក ដោយសម្តេចបានចែកចែកទៅកាន់បណ្តាខេត្តនានា ដែល​មានប្រជាពលរដ្ឋរងគ្រោះដោយទឹកជំនន់ ហើយអ្នកដែលទទួលបន្ទុកក្នុងការដឹកជញ្ជូន និង​ចែង​ចែក គឺឯកឧត្តម នាយកឧត្តមសេនីយ៍ គន់ គីម អនុប្រធានទី១ នៃ​គណៈកម្មាធិការ​ជាតិ​គ្រប់​គ្រង​គ្រោះ​មហន្តរាយ។- សម្តេចតេជោ ហ៊ុន សែន ប្រកាសថ្លែងអំណរគុណដល់ប្រជាពលរដ្ឋខេត្តពោធិ៍សាត់ ដែល​ជឿ​ជាក់​​លើ​ការដឹកនាំរបស់សម្តេច ដោយបានបោះឆ្នោតជូនគណបក្សប្រជាជនកម្ពុជា ឈ្នះ​ភ្លូក​ទឹកភ្លូកដី ក្នុងពេលបោះឆ្នោតជ្រើសរើសក្រុមប្រឹក្សាឃុំ-សង្កាត់។សម្តេចតេជោ ហ៊ុន សែន ជឿ​ជាក់​ថា «ប្រជាពលរដ្ឋខេត្តពោធិ៍សាត់ នៅតែ​បន្តបោះឆ្នោត​ជូន​គណបក្ស​ប្រជាជន​កម្ពុជា​គ្រប់​ការ​បោះឆ្នោត​នា​ពេលបន្តបន្ទាប់នៅពេលក្រោយ»។- សម្តេចតេជោ ហ៊ុន សែន ប្រកាសថា គណបក្សប្រជាជនកម្ពុជា ជាគណបក្សរបស់ប្រជាជនខ្មែរ ដើម្បី​ប្រជាពលរដ្ឋខ្មែរ។ សម្តេចបញ្ជាក់ថា «យើងមិនទុកឱ្យប្រជាពលរដ្ឋណាម្នាក់ស្លាប់ ឬ​រង​ភាព​លំបាក​លំបិន ដោយយើងមិនបានដឹង និងមិនបានដោះស្រាយឡើយ»។- សម្តេចតេជោ ហ៊ុន សែន ប្រកាសថា មកទល់ពេលនេះ មានរយៈពេល ៥ថ្ងៃហើយ ដែល​កម្ពុជា​មិន​មាន​ករណីឆ្លងថ្មីដោយជំងឺកូវីដ-១៩ ហើយមានរយៈពេលច្រើនខែហើយ ដែលកម្ពុជា​មិន​មាន​ករណី​ស្លាប់​ថ្មី​ដោយជំងឺកូវីដ-១៩ ដែលជាភាពជោគជ័យ នៃវិធានការសុខាភិបាល និង​ប្រសិទ្ធ​ភាព នៃគុណភាពវ៉ាក់សាំងកូវីដ-១៩។- សម្តេចតេជោ ហ៊ុន សែន នៅតែបន្តអំពាវនាវដល់ប្រជាពលរដ្ឋឱ្យបន្តមានវិធានការការពារខ្លួន ពី​ការ​ឆ្លង និងចម្លងកូវីដ-១៩ ដោយអនុវត្តន៍វិធានការ ៣ការពារ និង៣កុំ ព្រម​ទាំងនាំ​គ្នា​ទៅ​ចាក់​វ៉ាក់​សាំង​កូវីដ-១៩ទាំងដូសមូលដ្ឋា និងដូសជំរុញឱ្យបានគ្រប់ៗគ្នា តាមការណែនាំរបស់គ្រូពេទ្យ។- សម្តេចតេជោ ហ៊ុន​សែន ប្រកាស​ថ្កោល​ទោស​ដាច់​អហង្ការ​បំផុត​ចំពោះ​ទណ្ឌិត​ជាប់​ទោស​ក្បត់​ជាតិ សម រង្ស៊ី ដែលប្រមាថយ៉ាងធ្ងន់ធ្ងរបំផុតលើព្រះចេស្តា ព្រះករុណា ព្រះបាទ​សម្តេច​ព្រះ​បរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរព​សក្ការៈ​ដ៏​ខ្ពង់​ខ្ពស់​បំផុត​ថា«មិនមានមនសិកាជាតិ និងក្បត់ជាតិ»។- សម្តេចតេជោ ហ៊ុន សែន ប្រកាសថ្លែងអំណរគុណដល់ អាជ្ញាធរ និងកងកម្លាំងប្រដាប់អាវុធ ក្នុង​ខេត្តពោធិ៍សាត់ បានធ្វើសកម្មភាព​សស្រាក់​សស្រាំចុះ​ជួយ​ជម្លៀស​ប្រជាពលរដ្ឋ​ចេញ​ពី​ការ​ជន់​លិច និងជួយដោះស្រាយបញ្ហាផ្សេងៗជាបន្តបន្ទាប់។- សម្តេចតេជោ ហ៊ុន សែន ប្រកាសដល់ប្រជាពលរដ្ឋឱ្យរួមគ្នាការពារសន្តិភាព ដែល​យើង​រក​បាន​ដោយ​លំបាក។ សម្តេចបញ្ជាក់ថា «មានសន្តិភាព ទើបយើងមានការអភិវឌ្ឍន៍ដូចសព្វថ្ងៃនេះ»។- សម្តេចតេជោ ហ៊ុន សែន បានប្រកាស​ដល់​ប្រជាពលរដ្ឋ​ខេត្តពោធិ៍សាត់​ដែល​បាន​បោះ​ឆ្នោត​ជូន​គណបក្ស​ប្រជាជនកម្ពុជា សូមបន្តបោះឆ្នោតជូនគណបក្សប្រជាជនថែមទៀត នូវ​ការ​បោះឆ្នោត​នា​ពេល​ក្រោយៗទៀត។សង្កថា​សម្តេចតេជោ ហ៊ុន សែន ចប់នៅវេលាម៉ោង០៧ និង៥៤នាទី

សម្តេចតេជោ ហ៊ុន សែន អញ្ជើញផ្តល់ស្រូវពូជ និងស្បៀងអាហារ ជូនកសិករជាង៥ពាន់គ្រួសារ នៅខេត្តពោធិ៍សាត់

2022/10/25 07:05:55 am        272
Facebook Telegram Linkin
ពោធិ៦សាត់៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញផ្តល់ស្រូវពូជប្រមាណ ៥១៤,៥០០គីឡូក្រាម ជូនកសិករប្រមាណ ៥,១៤៥គ្រួសារ រងគ្រោះដោយសារគ្រោះទឹកជំនន់ នៅខេត្តពោធិ៍សាត់ នៅព្រឹកថ្ងៃទី២៥ ខែតុលា ឆ្នាំ២០២២។ កន្លងទៅនេះ ខេត្តពោធិ៍សាត់បានជួបនូវទឹកជំនន់ ដែលបង្កឱ្យប៉ះពាល់ភូមិសាស្រ្ត ៧ក្រុង/ស្រុក, ប៉ះពាល់ប្រជាពលរដ្ឋសរុបចំនួន ១៣,៧៧៥គ្រួសារ ស្មើនឹងចំនួន ៦,៧០៩ខ្នងផ្ទះ។ ជម្លៀសប្រជាជនរយៈពេលខ្លីទៅកាន់ទីទួលសុវត្ថិភាពចំនួន ១៧៤គ្រួសារ។ ក្នុងនោះ លង់ទឹកស្លាប់ចំនួន ៤នាក់។ ទឹកជំនន់ ក៏បានបង្កឱ្យប៉ះពាល់សាលារៀនចំនួន២៥កន្លែង មណ្ឌលសុខភាពចំនួន ២កន្លែង, ប៉ះពាល់វត្តអារាម និងវិហារសាសនាចំនួន ១៦កន្លែង, ប៉ះពាល់ផ្លូវកៅស៊ូចំនួន ៣,០៥០ម៉ែត្រ,ប៉ះពាល់ផ្លូវគ្រួសក្រហមចំនួន ៩២,១១៥ម៉ែត្រ, ប៉ះពាល់អណ្តូងទឹកចំនួន ៩៦កន្លែង ស្រះទឹកចំនួន ៦៦កន្លែង បង្គន់ចំនួន ២,៣១១កន្លែង។គ្រោះទឹកជំនន់នេះ ក៏បានបង្កឱ្យប៉ះពាល់ដំណាំស្រូវចំនួន ១៩,៥៩៦ហិកតា ខូចខាតស្រូវចំនួន ៩,៣២១ហិកតា។ ក្នុងនោះផ្ទៃដីអាចស្តារឡើងវិញបានចំនួន ៦,៦៦៨ហិកតា,ប៉ះពាល់ដំណាំកសិ-ឧស្សាហកម្មចំនួន ៣,០៤៧ហិកតា និងដំណាំរួមផ្សំចំនួន ៣,២០៩ហិកតា៕

ក្រសួងយុត្តិធម៌ ថ្កោលទោសដាច់អហង្ការបំផុតចំពោះទណ្ឌិតក្បត់ជាតិបីជំនាន់ សម រង្ស៊ី ដែលប្រមាថព្រះមហាក្សត្រជាថ្មីទៀត

2022/10/24 03:37:25 pm        300
Facebook Telegram Linkin
ភ្នំពេញ៖ ក្រសួងយុត្តិធម៌ បានចេញញត្តិថ្កោលទោសដាច់អហង្ការបំផុតចំពោះទណ្ឌិតជាប់ទោសក្បត់ជាតិ សម រង្ស៊ី ដែលថ្លើមពាសមេឃហ៊ានប្រមាថយ៉ាងធ្ងន់ធ្ងរបំផុតលើព្រះចេស្តា ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ដែលជាទីគោរពសក្ការៈដ៏ខ្ពង់ខ្ពស់បំផុតនៃព្រជាជាតិខ្មែរទូទាំងនគរថា«មិនមានមនសិការជាតិ និងក្បត់ជាតិ»។យោងតាមញត្តិរបស់ក្រសួងយុត្តិធម៌ ដែលបានចេញនៅរសៀលថ្ងៃទី២៤ ខែតុលា ឆ្នាំ២០២២នេះ បានលើកឡើងថា«យើងខ្ញុំទាំងអស់គ្នាជាថ្នាក់ដឹកនាំ និងមន្ត្រីរាជការគ្រប់លំដាប់ថ្នាក់​នៃក្រសួង​យុត្តិធម៌ សូមប្រកាសថ្កោលទោសយ៉ាងដាច់អហង្ការបំផុតចំពោះ ទណ្ឌិតជាប់ទោសក្បត់ជាតិ សម រង្ស៊ី ដែលថ្លើមពាសមេឃ ហ៊ានប្រមាថយ៉ាងធ្ងន់ធ្ងរបំផុតលើព្រះចេស្តា ព្រះករុណា ព្រះបាទសម្តេចព្រះបរមនាថ នរោត្តម សីហមុនីព្រះមហាក្សត្រ នៃព្រះរាជាណាចក្រកម្ពុជា ដែលជាទីគោរពសក្ការៈដ៏ខ្ពង់ខ្ពស់បំផុតនៃប្រជាជាតិខ្មែរទូទាំងនគរ ថា «មិនមានមនសិការជាតិ» និង «ក្បត់ជាតិ»។ញត្តិរបស់ក្រសួងយុត្តិធម៌បានសង្កត់ធ្ងន់ទៀតថា «ការប្រមាថរបស់ទណ្ឌិតជាប់ទោសក្បត់ជាតិ ខាងលើនេះ ចំពោះអង្គព្រះមហាក្សត្រ នៃព្រះរាជាណាចក្រកម្ពុជា ដែលជាព្រះប្រមុខរដ្ឋ និង​ជា​រដ្ឋបុរសស្នេហាជាតិដ៏ខ្ពង់ខ្ពស់បំផុតរបស់ប្រជាជាតិខ្មែរថា«ក្បត់ជាតិ» គឺជាការប្រមាថយ៉ាងធ្ងន់ធ្ងរ​បំផុតចំពោះអង្គ ព្រះមហាក្សត្រ ​និងអតីតព្រះមហាក្សត្រ នៃព្រះរាជា​ណាចក្រកម្ពុជា ក៏ដូចជាចំពោះ​ប្រជាជាតិខ្មែរទាំងមូល»។តាមរយៈញត្តិនេះក្រសួងយុត្តិធម៌ សូមអំពាវនាវឱ្យអាជ្ញាធរមានសមត្ថកិច្ចចាត់វិធានការច្បាប់ឱ្យ​បាន​ម៉ឺងម៉ាត់ជាទីបំផុតទៅលើទណ្ឌិតជាប់ទោសក្បត់ជាតិ សម រង្ស៊ី ព្រមទាំងបក្សពួក ដែលហ៊ាន​ប្រព្រឹត្តអំពើប្រមាថដ៏ធ្ងន់ធ្ងរបំផុតដែលប្រជារាស្ត្រខ្មែរទូទាំងនគរមិនអាច​អត់ឱន​ឱ្យ​បានជា​ដាច់ខាត។ យើងខ្ញុំទាំងអស់គ្នាជាប្រជានុរាស្ត្រខ្មែរគ្រប់រូបសូមប្ដេជ្ញា ​និង​ប្រកាស​ជា​ឱឡារិក​ថា នឹង​បន្តគោរពគាំទនិងដង្ហែតាមអង្គ ព្រះមហាក្សត្រ ​នៃព្រះរាជាណាចក្រកម្ពុជា ដែលជា​ឥស្សរជន​ស្នេហាជាតិកំពូល ​និងជាទីគោរពសក្ការៈដ៏ខ្ពង់ខ្ពស់បំផុតនៃយើងខ្ញុំទាំងអស់គ្នា​ដែល​ជាប្រជានុរាស្ត្រខ្មែរ៕ អត្ថបទ៖ បាន ចក់

កម្ពុជាត្រៀមរួចរាល់ដើម្បីធ្វើជាម្ចាស់ផ្ទះនៃមហាសន្និបាតអន្តរសភាអាស៊ាន (AIPA) លើកទី៤៣

2022/10/24 01:30:39 pm        512
Facebook Telegram Linkin
ភ្នំពេញ៖ ឯកឧត្តមកិត្តិសេដ្ឋាបណ្ឌិត ជាម យៀប អនុប្រធានទី១នៃរដ្ឋសភា ថ្លែងថា រដ្ឋសភា​នៃព្រះរាជាណាចក្រកម្ពុជាបានត្រៀមរួចរាល់ដើម្បីដឹកនាំធ្វើជាម្ចាស់ផ្ទះក្នុងមហាសន្និបាតអន្តរសភាអាស៊ាន (AIPA) លើកទី៤៣ ​ដែលនឹងប្រព្រឹត្តទៅនៅរាជធានីភ្នំពេញ។ការថ្លែងរបស់ឯកឧត្តមកិត្តិសេដ្ឋាបណ្ឌិត ជាម យៀប អនុប្រធានទី១ នៃរដ្ឋសភា ធ្វើឡើងក្នុងពេល​អញ្ជើញដឹកនាំកិច្ចប្រជុំពីវឌ្ឍនភាពការងារត្រៀមរៀបចំមហាសន្និបាតអន្តរសភាអាស៊ាន(AIPA)លើកទី៤៣ និងកិច្ចប្រជុំទល់មុខគ្នារវាងថ្នាក់ដឹកនាំសភាអាយប៉ា និងប្រមុខដឹកនាំអាស៊ាន នៅថ្ងៃទី២៤ ខែតុលា ឆ្នាំ២០២២។ កិច្ចប្រជុំនេះ មានការអញ្ជើញចូលរួមពី ឯកឧត្តម លោកជំទាវ អនុប្រធាន សមាជិក សមាជិកា នៃគណៈកម្មការរៀបចំ មហាសន្និបាតអន្តរសភាអាស៊ានលើកទី៤៣ ព្រមទាំងឯកឧត្តម លោកជំទាវ ជាអនុគណៈកម្មការ ប្រធានដឹកនាំអង្គប្រជុំតាមគណៈកម្មាធិការជំនាញ ប្រធានគណៈប្រតិភូកម្ពុជា មន្រ្តីជំនាញពីក្រសួងពាក់ព័ន្ធ ក្រុមប្រឹក្សាយោបល់ និងមន្រ្តីលេខាធិការដ្ឋានជាតិអាយប៉ា-កម្ពុជា។ថ្លែងក្នុងកិច្ចប្រជុំឯកឧត្តមកិត្តិសេដ្ឋាបណ្ឌិត ជាម យៀប ​បានមានប្រសាសន៍ថា ជំនួសមុខអោយ​សម្តេចអគ្គមហាពញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា និងជាប្រធាន​អាយប៉ាលើកទី៤៣ សូមថ្លែងអំណរគុណជូន ឯកឧត្តម លោកជំទាវ សមាជិក សមាជិកា​គណៈកម្មការរៀបចំ ប្រធានអនុប្រធាន សមាជិក សមាជិកា នៃអនុគណៈកម្មាធិការនានា គណៈប្រតិភូសភាកម្ពុជា ​ក្រុមប្រឹក្សាយោបល់ តំណាងក្រសួងពាក់ព័ន្ធ ព្រមទាំងមន្រ្តីនៃលេខាធិការ​ដ្ឋាន​ជាតិអាយប៉ា-កម្ពុជា ដែលបានអញ្ជើញចូលរួមនាពេលនេះដើម្បីពិនិត្យ​ឡើងវិញនូវវឌ្ឍនភាព​ការងារ​ចុងក្រោយត្រៀមរៀបចំមហាសន្និបាតអាយប៉ាលើកទី៤៣ ខាងមុខ និងកិច្ចប្រជុំទល់​មុខគ្នា​រវាង​ថ្នាក់ដឹកនាំអាយប៉ា និងប្រមុខដឹកនាំអាស៊ាន ដែលការងារទាំងឣស៉ស្ទើតែត្រៀម​រៀបចំរួចរាល់​ឣស់ហើយនៅតែបន្តឹចបន្តួចដែលទាមទាឣោយគ្រប់ផ្នែកទាំងឣស់ពិនិត្យបន្ថែមទៀត ដើម្បីឣោយ​បានរលូនល្អ។ឯកឧត្តម ឡេង ប៉េងឡុង អគ្គលេខាធិការអាយប៉ា-កម្ពុជា បានជម្រាបជូនអង្គប្រជុំពីវឌ្ឍនភាព​ការងារ​របស់អគ្គលេខាធិការដ្ឋានអាយប៉ា ដោយបានរៀបចំលិខិតអញ្ជើញកម្មវិធីប្រជុំ ប្រធានបទ បូលបទនិងផ្ញើរជូនប្រទេសជាសមាជិកអន្តរសភាអាស៊ាន ​និងប្រទេសសង្កេតការណ៍រួចរាល់អស់​ហើយ ខណៈឯកសារពាក់ព័ន្ធនឹងកិច្ចប្រជុំមហាសន្និបាតអាយប៉ាលើកទី៤៣ ​បានត្រៀមរួចរាល់។ដោយឡែក​អនុគណៈកម្មការជំនាញនានា ក៏បានឡើងធ្វើរបាយការណ៍ពាក់ព័ន្ធ​និង​អនុគណៈកម្មាធិការជំនាញនានារួមមាន ​អនុគណៈកម្មការឯកសារ អនុគណៈកម្មការ ​សន្តិសុខ អនុគណៈបដិសណ្ឋាកិច្ច និងអនុគណៈកម្មការហិរញ្គវត្ថុ បានត្រៀមរួចរាល់អស់ហើយដែរ។ទន្ទឹមនិងនោះឯកឧត្តម ​ស៊ូ ភិរិន តំណាងអនុប្រធានគណៈកម្មាធិការហិរញ្ញវត្ថុ បានប្រជុំឯកភាពគ្នា​រួច​រាល់លើគម្រោងចំណាយ តាមអនុគណៈកម្មាធិការនីមួយៗ។ ក្នុងនោះ ក៏មានការត្រៀមពីដំណើរទស្សនកិច្ចរបស់ប្រទេស ​កូរ៉េ ប៉ូឡូញ អាហ្សាក់បៃហ្សង ​នេប៉ាល់ ហើយ​និងចូលរួមសង្កតការណ៍ក្នុងកិច្ចប្រជុំមហាសន្និបាតអន្តរសភាលើកទី៤៣ផងដែរ។បន្ថែមលើសពីនេះ​ ឯកឧត្តមកិត្តិសេដ្ឋាបណ្ឌិត ជាម យៀប បានថ្លែងអំណរគុណជូនចំពោះថ្នាក់​ដឹកនាំ​នៃអនុគណៈកម្មការនានា គណៈប្រតិភូសភាកម្ពុជា​ ក្រុមប្រឹក្សាយោបល់ តំណាង​ក្រសួង​ស្ថាប័នពាក់ព័ន្ធ ព្រមទាំងមន្ត្រីនៃលេខាធិការដ្ឋានជាតិអាយប៉ា-កម្ពុជា ដែលបានយកចិត្តទុកដាក់​ក្នុងការត្រៀមរៀបចំមហាសន្និបាតអន្តរសភាអាស៊ាន និងកិច្ចប្រជុំទល់មុខគ្នារវាងថ្នាក់ដឹកនាំសភា​អាយប៉ា​និងប្រមុខដឹកនាំអាស៊ានដោយមានការទទួលខុសត្រូវ និងយកចិត្តទុកដាក់ខ្ពស់និងយកបទ​ពិសោធន៍​ដែលធ្លាប់ធ្វើនៅក្នុងមហាសន្និបាតអន្តរសភា​អាស៊ាន​នាពេលកន្លង​ទៅ​ដែល​កម្ពុជាធ្លាប់ធ្វើជាម្ចាស់ផ្ទះ។ កិច្ចប្រជុំមហាសន្និបាតអន្តរសភាអាស៊ានលើកទី៤៣ ​នឹងប្រព្រឹត្តទៅ​រយៈពេល ៦ថ្ងៃ ពីថ្ងៃទី២០ ដល់ថ្ងៃទី២៥ ខែ វិច្ឆិកា ឆ្នាំ២០២២៕ អត្ថបទ៖ សេក ឧត្តម

ពលរដ្ឋជាង៦ម៉ឺននាក់បានចុះឈ្មោះបោះឆ្នោតរួចរាល់ក្នុងរយៈពេល៤ថ្ងៃ

2022/10/24 01:20:04 pm        289
Facebook Telegram Linkin
ភ្នំពេញ៖ ក្នុងរយៈពេល៤ថ្ងៃ ចាប់ពីថ្ងៃទី២០ ដល់ថ្ងៃទី២៣ ខែតុលា នេះ ពលរដ្ឋជាង៦ម៉ឺននាក់ បានទៅចុះ ឈ្មោះបោះឆ្នោតរួចរាល់។ សេចក្តីប្រកាសព័ត៌មាន របស់គណៈកម្មាធិការជាតិរៀបចំការបោះឆ្នោត (គ.ជ.ប) ចេញផ្សាយ នៅថ្ងៃទី២៤ ខែតុលា នេះ បានបង្ហាញថា លទ្ធផលបណ្ដោះអាសន្នថ្ងៃទីបួន ​នៃការពិនិត្យបញ្ជីឈ្មោះ និង ការចុះឈ្មោះបោះឆ្នោត ឆ្នាំ២០២២ (សម្រាប់ថ្ងៃទី២៣ ខែតុលា ឆ្នាំ២០២២) ​នៅទូទាំងប្រទេស គឺ ប្រជា ពលរដ្ឋចុះឈ្មោះបោះឆ្នោតថ្មី មានចំនួនជាង២ម៉ឺននាក់។ អ្នកដែលនឹងត្រូវលុប​ឈ្មោះចេញ​ពីបញ្ជីបោះ ឆ្នោត ​មានចំនួនជាង៧០០០នាក់។ អ្នកដែលបានកែតម្រូវទិន្នន័យ មានចំនួន៨៣៩នាក់។ អ្នកដែលបាន ផ្ទេរទីលំនៅចូលក្នុងឃុំ សង្កាត់ថ្មី មានចំនួនជាង៥០០០នាក់។ដោយឡែកសម្រាប់រយៈពេល៤ថ្ងៃ ចាប់ពីថ្ងៃទី២០ ដល់ថ្ងៃទី២៣ ខែតុលានេះ លទ្ធផលដូចជា៖ ប្រជាពលរដ្ឋចុះឈ្មោះបោះឆ្នោតថ្មី មានចំនួនជាង៦ម៉ឺន៤០០០នាក់។ អ្នកដែលនឹងត្រូវលុបឈ្មោះចេញពី បញ្ជីបោះឆ្នោត មានចំនួនជាង២ម៉ឺន៩០០០នាក់។ អ្នកដែលបានកែតម្រូវទិន្នន័យ មានចំនួន៣.៥៣២ នាក់។ អ្នកដែលបានផ្ទេរទីលំនៅចូលក្នុងឃុំ សង្កាត់ថ្មី មានចំនួនជាង១ម៉ឺន៩០០០នាក់។ការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២២ ប្រព្រឹត្តទៅចាប់ពីថ្ងៃទី២០ ​ខែតុលា ដល់ថ្ងៃទី៨ ខែធ្នូ ឆ្នាំ២០២២​ គិតទាំងថ្ងៃសៅរ៍ និងថ្ងៃអាទិត្យ។ ដើម្បីចុះឈ្មោះបោះឆ្នោតបាន ប្រជាពលរដ្ឋត្រូវបំពេញលក្ខខណ្ឌដូចជា៖ ត្រូវបង្ហាញខ្លួន និងមាន អត្តសញ្ញាបណ្ណសញ្ជាតិខ្មែរ ដែលមានសុពលភាព ឯកសារបញ្ជាក់អត្តសញ្ញាណបម្រើ​ឲ្យការ​ចុះឈ្មោះបោះ ឆ្នោត ឆ្នាំ២០២២ ​នៅចំពោះមុខក្រុមចុះឈ្មោះបោះឆ្នោត ដែលទទួលបន្ទុកជា​មន្រ្តី​ចុះឈ្មោះបោះឆ្នោត ក្នុងអំឡុងពេលនៃការពិនិត្យបញ្ជីឈ្មោះ និងការចុះឈ្មោះបោះឆ្នោតនៅ​ការិយាល័យ​ចុះឈ្មោះបោះឆ្នោត ណាមួយក្នុងឃុំ សង្កាត់​ ដែលខ្លួនកំពុងរស់នៅ។ ត្រូវមាន​អាយុពី១៨ឆ្នាំឡើង គិតត្រឹមថ្ងៃទី២៣ ខែកក្កដា ឆ្នាំ២០២៣ ដែលជាថ្ងៃបោះឆ្នោត ៕អត្ថបទ៖ទូច សោភ័ណ

លោក ហ៊ុន ម៉ាណែត អបអរសាទរលោក ស៊ី ជីនពីង ជាប់ឆ្នោតជាអគ្គលេខាធិការគណបក្សកុម្មុយនិស្តចិនជាថ្មី

2022/10/24 11:50:41 am        260
Facebook Telegram Linkin
ភ្នំពេញ៖ លោកបណ្ឌិត ហ៊ុន ម៉ាណែត ក្នុងនាមជាសមាជិកគណៈអចិន្ត្រៃយ៍នៃគណៈកម្មាធិការកណ្ដាល និងជាប្រធានយុវជនគណបក្សប្រជាជនកម្ពុជាថ្នាក់កណ្ដាល នៅថ្ងៃទី២៣ ខែតុលា ឆ្នាំ២០២២នេះ បានផ្ញើសារលិខិតសម្តែងការអបអរសាទរជូនដល់លោកប្រធានាធិបតីចិន ស៊ី ជិនពីង ដែលបាន​ជាប់ឆ្នោត​ជាថ្មីទៀត ជាអគ្គលេខាធិការគណបក្ស​កុម្មុយនិស្ត​ចិន​(CPC)នៅក្នុងសមាជជាតិរបស់​គណបក្សខ្លួន ​លើកទី២០កាលពីពេលថ្មីៗនេះ។យោងតាមសារលិខិតអបអរសាទរ ដែលទូរទស្សន៍BTVទទួលបាននាព្រឹកថ្ងៃទី២៤ ខែតុលា ឆ្នាំ២០២២នេះ «ខ្ញុំពិតជាមានក្តីសោមនស្សរីករាយក្រៃលែង ​ដោយ ឯកឧត្តម ត្រូវបានជាប់ឆ្នោត​សារជាថ្មីម្តងទៀត ជា អគ្គលេខាធិការគណបក្សកុម្មុយនិស្តចិន (CPC) នៅ​ក្នុង​សមាជជាតិ​របស់គណបក្សកុម្មុយនិស្តចិនលើកទី ២០ កាលពីពេលថ្មីៗនេះ។ ក្នុងឱកាសដ៏វិសេសវិសាលនេះ តាងនាមឱ្យយុវជនថ្នាក់កណ្តាលគណបក្សប្រជាជនកម្ពុជា (CYCPP) ខ្ញុំសូមសំដែងនូវការអបអរសាទរ ​និងជូនពរដោយស្មោះស្ម័គ្រជូនចំពោះឯកឧត្តម»។តាមរយៈសារលិខិតអបអរសាទរនេះ ​លោក ហ៊ុន ម៉ាណែត បានបន្តថា «ខ្ញុំក៏សូមឆ្លៀតឱកាស​នេះផងដែរ ដើម្បីអបអរការបិទបញ្ចប់ដោយជោគជ័យសមាជជាតិលើកទី២០ នៃគណបក្សកុម្មុយនិស្តចិន។ សមិទ្ធផលរបស់សមាជជាតិជាប្រវត្តិសាស្ត្រនេះ​ នឹងពិតជារួមចំណែកដល់ការបន្ត កសាងរបស់​ប្រទេស​ចិន ​ឆ្ពោះទៅរកភាពទំនើប និងពង្រឹងការកសាងសង្គមនិយមកាន់តែជឿនលឿនតាមចរិត លក្ខណៈពិសេសរបស់ចិន។លោក បន្តថា ក្រោមការដឹកនាំរបស់គណបក្សកុម្មុយនិស្តចិនសហគមន៍​អន្តរជាតិបានកោតសរសើរ​ចំពោះជោគជ័យដ៏ធំធេងរបស់ប្រទេសចិនលើការកាត់បន្ថយភាពក្រីក្រ ​វឌ្ឍនភាពផ្នែកវិទ្យាសាស្ត្រ បច្ចេកវិទ្យា និងនវានុវត្តន៍។ ​លើសពីនោះទៅទៀត ​ភាពបុរសកម្មរបស់គណបក្សកុម្មុយនិស្តចិន ​ក្នុងការកសាង «សហគមន៍​នៃអនាគតរួមគ្នាសម្រាប់មនុស្សជាតិ» បានផ្តល់អត្ថប្រយោជន៍យ៉ាងសំខាន់ដល់​មនុស្ស​ជាតិទាំង​មូល។ លោក បានសង្កត់ធ្ងន់ទៀតថា«ខ្ញុំមានជំនឿយ៉ាងមុតមាំថា ​ជាមួយនឹងគតិបណ្ឌិត និង​ភាពជាអ្នកដឹកនាំ​ពោរពេញដោយសមត្ថភាព​ របស់ឯកឧត្តម (លោក ស៊ី ជិនពីង) គណបក្ស​កុម្មុយនិស្តចិន នឹងបន្តកសាង​សមិទ្ធផល​ជាប្រវត្តិសាស្ត្របន្ថែមទៀតសម្រាប់​ ប្រជាជនចិន និងពិភព​លោកទាំងមូល»។តាមលិខិតដដែលនេះ លោក ហ៊ុន ម៉ាណែត បានលើកឡើងទៀតថា «ចំពោះទំនាក់ទំនងទ្វេភាគី​កម្ពុជា-ចិនវិញ ​មិត្តភាពជាប្រពៃណី និងកិច្ចសហប្រតិបត្តិការជិតស្និទ្ធគ្រប់ជ្រុងជ្រោយរបស់ប្រទេស​ទាំងពីរបានវិវត្តកាន់តែរីកចម្រើន ​ដោយសារជំនឿទុកចិត្ត ​និងទំនាក់ទំនងដ៏ស្អិត រមួលរវាងថ្នាក់​ដឹកនាំ​នៃគណបក្សប្រជាជនកម្ពុជា ​និងគណបក្សកុម្មុយនិស្តចិន។ ប៉ុន្មានឆ្នាំមកនេះគណបក្សនៃប្រទេសទាំងពីរ បានពង្រឹងមិត្តភាពដែកថែបដោយផ្អែកលើការគោរព​គ្នា​ការ​យោគយល់គ្នា​ និងផលប្រយោជន៍ទៅវិញទៅមក។​ជាការពិតមិត្តភាពនេះ បានក្លាយជា​គំរូ​មួយ​នៅក្នុងទំនាក់ទំនងអន្តរជាតិ»។លោក ហ៊ុន ម៉ាណែត បានបន្ថែមទៀតថា ក្នុងនាមយុវជនគណបក្សប្រជាជនកម្ពុជា​ថ្នាក់កណ្តាល លោក​សូមប្តេជ្ញា​យ៉ាងពេញលេញក្នុងការបន្តជំរុញបន្ថែមនូវមិត្តភាពជាប្រពៃណី រវាងយុវជននៃ​គណបក្សប្រជាជន​កម្ពុជា​ និងយុវជនរបស់គណបក្សកុម្មុយនិស្តចិន ដែលស្ថិតក្រោមការ​ដឹកនាំ​ផ្ទាល់​របស់ប្រមុខគណបក្សទាំងពីរ កម្ពុជា-ចិន​ ព្រមទាំងបង្កើនភាពជាដៃគូយុទ្ធសាស្ត្រគ្រប់​ជ្រុងជ្រោយ​រវាង​កម្ពុជា-ចិន ដើម្បីជាប្រយោជន៍ដល់​ប្រជាជនយើង៕អត្ថបទ៖ បាន ចក់

សម្តេចវិបុលសេនាភក្តី សាយ ឈុំ អញ្ជើញបំពេញទស្សនកិច្ចជាផ្លូវការ នៅសាធារណរដ្ឋសង្គមនិយមវៀតណាម

2022/10/24 11:38:00 am        293
Facebook Telegram Linkin
ភ្នំពេញ៖ តបតាមការអញ្ជើញរបស់ឯកឧត្តម វឿង ឌិញហ្វេ ប្រធានរដ្ឋសភានៃសាធារណរដ្ឋសង្គមនិយមវៀតណាម នាព្រឹកថ្ងៃទី២៤ ខែតុលា ឆ្នាំ២០២២នេះ សម្តេចវិបុលសេនាភក្តី សាយឈុំ ប្រធានព្រឹទ្ធសភានៃព្រះរាជាណាចក្រកម្ពុជាបានអញ្ជើញដឹកនាំ​គណៈប្រតិភូជាន់ខ្ពស់ព្រឹទ្ធសភា បំពេញទស្សនកិច្ចជាផ្លូវការ នៅសាធារណរដ្ឋសង្គម​និយមវៀតណាម រយៈពេល៣ថ្ងៃ គឺចាប់ពីថ្ងៃទី២៤ ដល់ថ្ងៃទី២៦ ខែតុលា ឆ្នាំ២០២២។ ដំណើរទស្សនកិច្ចនេះ រៀបចំឡើងដើម្បីពង្រឹងពង្រីកចំណងមិត្តភាព សាមគ្គីភាពនិងកិច្ច​សហប្រតិបត្តិការ​រវាងប្រជាជន ​និងប្រទេសទាំងពីរ ​និងរវាងព្រឹទ្ធសភាកម្ពុជា ជាមួយនិងរដ្ឋសភា​វៀតណាម ព្រមទាំងចូលរួមអបអរសាទរក្នុងឱកាសខួប ​អនុស្សាវរីយ៍លើកទី៥៥ នៃថ្ងៃបង្កើត​ទំនាក់ទំនង​ការទូតកម្ពុជា-វៀតណាម និងជាឆ្នាំមិត្តភាពកម្ពុជា-វៀតណាមផងដែរ។ក្នុងអំឡុងពេលក្នុងដំណើរទស្សនកិច្ចផ្លូវការនេះ សម្តេចប្រធានព្រឹទ្ធសភា នឹងអញ្ជើញចូលជួប​សម្ដែង​ការ​គួរសម និងពិភាក្សាការងារជាមួយថ្នាក់ដឹកនាំជាន់ខ្ពស់វៀតណាម​ រួមមាន៖ ឯកឧត្តម ង្វៀន ហ៊្វូចុង អគ្គលេខាធិការនៃគណៈកម្មាធិការមជ្ឈិមបក្សកុម្មុយនីស្តវៀតណាម​ ឯកឧត្តម ង្វៀន ស៊ួនហ៊្វុក ប្រធានរដ្ឋវៀតណាម ​ឯកឧត្តម វឿង ឌីញហ្វេ ប្រធានរដ្ឋសភាវៀតណាម និងឯកឧត្តម ផាម មិញជីញ ​នាយករដ្ឋមន្ត្រីវៀតណាម ​ព្រមទាំងឥស្សរជនជាន់ខ្ពស់វៀតណាមមួយចំនួនទៀត៕អត្ថបទ៖ បាន ចក់

បទអត្ថាធិប្បាយនយោបាយ ៖ “ជនក្បត់ជាតិ៣ជំនាន់​ស​ម រង្ស៊ី” ទុកមិនចំណេញ កម្ចាត់ចេញរឹតតែមិនខាត

2022/10/24 10:39:10 am        521
Facebook Telegram Linkin
មានសារជាតិមិនខុសពីជីតា និងឪពុក ទណ្ឌិត សម រង្ស៊ី បានបន្ដប្រព្រឹត្ដទង្វើដ៏គួរឱ្យស្អប់ខ្ពើម គឺ​ការព្យាយាមបំផ្លិចបំផ្លាញប្រទេស និងប្រជាជនកម្ពុជាម្ដងហើយម្ដងទៀត ដូច្នេះពិតជាសម​ណាស់​នឹង​ឈ្មោះថ្មី “ជនក្បត់ជាតិ៣ជំនាន់”។ ខ្ចាត់ព្រាត់ពីប្រទេសកំណើតរត់ភៀសខ្លួនដល់បរទេស តែ​ជន​នេះមិនព្រមសម្ងំលាក់ខ្លួនឱ្យស្រួលនោះទេ បែជា​ប្រឹង​កៀរ​គរ​គ្នី​គ្នា​រិះរក​មធ្យោបាយ​បំផ្លាញ​ដែន​ដី​កំណើត ចង់ធ្វើជាសត្រូវប្រឆាំងនឹងជាតិសាសន៍ឯងទៅវិញ។ រឿងដែលហួសចិត្ដថ្មីៗនេះ ទណ្ឌិត សម រង្ស៊ី បានប្រកាសក្ដែងៗញុះញង់ឱ្យពលរដ្ឋ និងកងទ័ព​ងើប​បះបោរផ្ដួលរំលំរាជរដ្ឋាភិបាលស្របច្បាប់ដែលកំពុងរស់ក្រោមម្លប់សន្ដិភាព ដោយស្រែក​ថា​ខ្លួន​ធ្វើដើម្បី​ពលរដ្ឋខ្មែរ។ នេះគឺជាសម្ដីដែលគ្មានអៀនខ្មាស និងគ្រាន់តែ​ដើម្បី​បោក​ប្រាស់​ពលរដ្ឋខ្មែរ​ប៉ុណ្ណោះ។ យ៉ាងណាក៏ដោយ គោលនយោបាយ​ចង​អាឃាតគិត​តែ​ប្រយោជន៍​ផ្ទាល់​ខ្លួន​បែប​នេះ មិនអាចមកបោកបញ្ឆោតពលរដ្ឋខ្មែរដែលមានសម្ដេចអគ្គមហាសេនាបតីតេជោ ហ៊ុន សែន ជាថ្នាក់ដឹកនាំកំពូលបានឡើយ។ ផែនការផ្ដួលរំលំរដ្ឋាភិបាលស្របច្បាប់របស់ជនក្បត់ជាតិ សម រង្ស៊ី មិនអាចទៅរួចនោះទេ គឺបានត្រឹមស្រែកពីក្រៅស្រុកប៉ុណ្ណោះ។សម្ដេចតេជោបានបញ្ជាក់ថា រាជរដ្ឋាភិបាលគ្មាន​ការ​ភ័យខ្លាច​សូម្បី​បន្ដិច​ចំពោះ​ការ​ប្រយុទ្ធ​តតាំង​ជាមួយ​នឹង​ការប៉ុនប៉ងផ្ដួលរំលំរបស់ទណ្ឌិត សម រង្ស៊ី ប្រសិនបើឈានដល់ការប្រើហិង្សាមែន ប៉ុន្ដែ​សម្ដេចគ្រាន់តែស្ដាយស្រណោះចំពោះសាច់ឈាមពលរដ្ឋខ្មែរដែលធ្លាប់រងគ្រោះដោយសារសង្គ្រាម​។ យ៉ាងណាបើដល់ដំណាក់កាលចុងក្រោយ ក៏គ្មានជម្រើសក្រៅពីការពារជាតិ ការពារ​រាជានិយម ការពាររាជបល្ល័ង្គ ការពាររដ្ឋធម្មនុញ្ញ និងការពាររាជរដ្ឋាភិបាល។ពេលនេះ ទណ្ឌិតក្បត់ជាតិ សម រង្ស៊ី ពិតជាត្រូវអស់លក្ខណ៍ ព្រោះផែនការ​ធ្វើ​បដិវត្ដន៍​ពណ៌​គ្មាន​សង្ឃឹម​នឹង​ជោគជ័យ។ សម្ដេចតេជោ ហ៊ុន សែន ដែលជាវីរបុរសកាច់​ចង្កូត​ដឹកនាំ​នាវា​កម្ពុជា​ចេញ​ពីរបប​ប្រល័យពូជសាសន៍មករកសុខសន្ដិភាព ស្ថិរភាព ដូចពេលបច្ចុប្បន្ន ពិតជាមិនអាចឈរ​ឱបដៃ​មើល​ជនក្បត់ជាតិ៣ជំនាន់ មកបង្កចលាចលឡើយ ហើយក៏មិនអាចទុក​ឱកាសប៉ុន​សរសៃ​សក់​សម្រាប់ជនក្បត់ជាតិរូបនេះដែរ។ នាព្រឹកថ្ងៃទី២១ ខែតុលា ឆ្នាំ២០២២ ក្នុងឱកាសជួបសំណេះសំណាល​ជា​មួយ​ប្រជាពលរដ្ឋ​ជា​ច្រើន​គ្រួសារ​នៅតំបន់រុនតាឯក ក្នុងខេត្ដសៀមរាប សម្ដេចតេជោបានប្រកាសប្ដូរផ្ដាច់ជាថ្មីថា នឹង​កម្ចាត់​ចោលឱ្យខានតែបាននូវមនោគមន៍វិជ្ជារបស់ជនក្បត់ជាតិ៣ជំនាន់នេះ។ សម្ដេចអះអាងថា បើសិនមិន​ប្រកាសរំសាយចោលនូវនយោបាយមានឯងអត់អញ។ សម្តេចប្តេជ្ញាកម្ចាត់​ចោល​ឱ្យបាន​ជាដាច់ខាត។ ចំពោះវិធីកម្ចាត់ប្រើយុទ្ធសាស្ដ្រតែ២អក្សរប៉ុណ្ណោះ គឺIF បានន័យថា Isolated (ផ្ដាច់ខ្លួនចេញ) បន្ទាប់មក Finish(បញ្ចប់)តែម្ដង មិនប្រើយុទ្ធសាស្ដ្រ៥អក្សរ (DIFID) ដូចមុនឡើយ។កន្លងមកសម្ដេចតេជោធ្លាប់បានផ្ដល់ឱកាសឱ្យពីរលើកដើម្បីកែខ្លួន ប៉ុន្ដែមិនត្រឹមមិនព្រមកែ ផ្ទុយទៅវិញ​ជន​ក្បត់​ជាតិសម រង្ស៊ី រឹងរឹតតែផ្គើនលើសដើម។ ទោសទណ្ឌដែលជន​ក្បត់​ជាតិ​រូប​នេះ​មាន​ជាប់​ខ្លួន ក៏មិនអាចនឹងលើកលែងបានទៀត បូករួមទាំងការ​សម្រេច​របស់​តុលាការ​កាល​ពី​ថ្ងៃ​ទី​១៩​តុលា ផ្ដន្ទាទោសឱ្យជាប់ពន្ធនាគារអស់មួយជីវិត និងដកសិទ្ធិ​ធ្វើ​នយោបាយ​ជា​ស្ថាពរ​ក្នុង​សំណុំរឿ​ង​លួចចុះកិច្ចព្រមព្រៀងកាត់ទឹកដីកម្ពុជាចំនួន៤ខេត្ដ ឱ្យទៅជនជាតិ​ភាគ​តិច​ម៉ុងតាញ៉ា​វៀតណាម។សម្ដេចតេជោក្នុងនាមជាថ្នាក់ដឹកនាំប្រទេសបានខំប្រឹងយ៉ាងលំបាកលំបិន ដើម្បីចរចា​បញ្ហាព្រំដែន​មិន​ទាន់បានឯកភាព១៦ភាគរយជាមួយភាគីវៀតណាម ព្រោះតែចង់រក្សាទឹកដី​នៅ​សេស​សល់​ឱ្យគង់វង្សតកូនចៅទៅមុខ មិនហ៊ានឱ្យបាត់បង់សូម្បីមួយតឹងមួយផឹក។ ប៉ុន្ដែជនក្បត់​ជាតិ​រូប​នេះបែរជាហ៊ានលួចចុះកិច្ចព្រមព្រៀងកាត់ខេត្ដ៤ឱ្យទៅបរទេស តើនេះមិន​មែន​ជា​ទង្វើ​ក្បត់​ជាតិ​ទេឬ? ដល់ពេលហើយដែលត្រូវលេងធម៌ក្ដៅជាមួយមនុស្សកែលែងឡើង អង្គុយរក​តែ​វិធី​សន្សំរឿ​ងបំបែកបំបាក់ជាតិសាសន៍ខ្មែរ។ញត្ដិគាំទ្រសម្ដេចតេជោ បានចេញយ៉ាងព្រោងព្រាត ឱ្យកម្ទេចចោលជនក្បត់ជាតិ៣ជំនាន់សម រង្ស៊ី។ ការណ៍នេះសបញ្ជាក់ថា ពលរដ្ឋខ្មែរមិនច​​ង់​ឱ្យ​ប្រទេស​ដ៏កំសត់​របស់​ខ្លួន​ត្រូវ​មនុស្ស​វិកល​ចរិត​មកបំផ្លាញទៀតទេ។ ទណ្ឌិតក្បត់ជាតិសម រង្ស៊ីល្មមភ្ញាក់រលឹកថា អំពើ​អាក្រក់​មិន​ឈ្នះ​អំពើ​ល្អដាច់​ខាត។ កន្លងមកអ្នកធ្លាប់ប្រើគោលនយោបាយ “មានសែនអត់ស៊ី មានស៊ីអត់សែន” ឥលូវ​នេះ​ដល់​វេនបុរសខ្លាំងកម្ពុជាយកគោលនយោបាយនេះទៅប្រើលើមនុស្សក្បត់ជាតិដូចអ្នកឯងវិញ ព្រោះក្រុមសាបព្រោះមនោគមន៍វិជ្ជាជ្រុលនិយម បើងើបមួយសមនឹងវ៉ៃមួយ បើងើបពីរ​សម​នឹង​វ៉ៃ​ពីរ ដូចសម្ដេចតេជោមានប្រសាសន៍។ ពួកនេះមិនបាននាំឱ្យជាតិរីកចម្រើន មានតែ​បង្ក​មហន្ដរាយ​ធ្ងន់ធ្ងរ។ក្រុមក្បត់ជាតិជ្រុលនិយមដូចទណ្ឌិត សម រង្ស៊ី កុំស្រមៃថាអាចធ្វើអ្វីបានស្រេចតែចិត្ដ។ ជង់មិន​ដែល​ភ្លេច​កុកនោះទេ មានតែកុកដែលភ្លេចជង់។ ដូចគ្នាដែរ ល្គឹកណាមានសម្ដេចតេជោ មានគណបក្ស​ប្រជាជនកម្ពុជា នៅបន្ដដឹកនាំប្រទេស ល្គឹកនោះក៏គ្មានវត្ដមាន​ជន​ក្បត់​ជាតិ​៣​ជំនាន់ សម រង្ស៊ី អាចមកប្រឡូកក្នុងសង្វៀននយោបាយក្នុងស្រុកខ្មែរបន្ដទៀតបានដែរ។ មនុស្ស​ពិសពុល​ដូច​ទណ្ឌិត សម រង្ស៊ី មិនអាចរួចខ្លួនពីសំណាញ់ច្បាប់កម្ពុជាបានដាច់ខាត ហើយជោគ​វាសនារបស់ជននេះច្បាស់ណាស់នឹងត្រូវចោលឆ្អឹងនៅក្រៅស្រុក។ សម្ដេចតេជោ​ក៏​ព្រមាន​អ្នក​ដែល​ពាក់​ព័ន្ធសូមដកខ្លួនចេញឱ្យឆ្ងាយពីទណ្ឌិតសម រង្ស៊ីបើចង់សុខ ហើយ​គណបក្ស​នយោបាយ​បើ​ហ៊ាន​ភ្ជាប់ខ្លួនជាមួយនឹងជនក្បត់ជាតិរូបនេះនឹងត្រូវប្ដឹងទៅតុលាការដើម្បីរំលាយចោលតែម្ដង។ជារួម គោលនយោបាយកម្ចាត់ចោលជនក្បត់ជាតិ៣ជំនាន់ សម រង្ស៊ី ត្រូវតែធ្វើមិន​អាច​ខក​ខាន​បាន ដើម្បីរក្សាកម្ពុជាឱ្យបន្ដស្ថិតក្នុងសន្ដិភាព ពលរដ្ឋអាចរស់នៅបានសុខសាន្ដ។ បច្ចុប្បន្ន​​គ្មាន​នរណាមានសមត្ថភាពផ្ដល់ម្លប់ដល់ពលរដ្ឋខ្មែរដូចសម្ដេចតេជោនោះទេ ដូច្នេះ​ទណ្ឌិត​​ក្បត់ជាតិ៣ជំនាន់ សម រង្ស៊ី ទុកពិតជាមិនចំណេញកម្ចាត់ចេញរឹតតែមិនខាត៕ ដោយ ៖ ពេញ ផេង

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងពិធីសំណេះសំណាល និងផ្ដល់​ស្រូវពូជ​ដល់ប្រជាកសិករដែលរងគ្រោះដោយទឹកជំនន់ នៅខេត្តបាត់ដំបង

2022/10/24 09:23:35 am        228
Facebook Telegram Linkin
បាត់ដំបង៖ នៅព្រឹកថ្ងៃទី២៤ ខែតុលា ឆ្នាំ២០២២ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា​ បានអញ្ជើញសំណេះសំណាល និងផ្តល់ស្រូវពូជ ព្រម​ទាំង​ស្បៀងអាហារ ដល់ប្រជាកសិករដែលរងគ្រោះដោយទឹកជំនន់ចំនួន ១១.៥២៨ គ្រួសារ នៅ​ខេត្ត​បាត់ដំបង ។ខាងក្រោមនេះជាប្រសាសន៍សំខាន់ៗរបស់សម្ដេចតេជោ ហ៊ុន សែន៖- សម្តេចតេជោ ហ៊ុន សែន ថ្លែងអំណរអគុណដល់បងប្អូនប្រជាពលរដ្ឋនៅខេត្តបាត់ដំបង ដែលបានបោះឆ្នោតជូនដល់គណបក្សប្រជាជនកម្ពុជាឲ្យឈ្នះភ្លូកទឹក ភ្លូកដីកាល​ពី​ការ​បោះ​ឆ្នោតឃុំ-សង្កាត់​នាពេលកន្លងទៅ ។- សម្តេចតេជោ​រំពឹងថា​បងប្អូន​នឹង​បន្តបោះជូនដល់គណបក្សប្រជាជន​កម្ពុ​ជា​នា​ឆ្នាំ​២០២៣​បន្ត​ទៀត​។- សម្តេចតេជោ ហ៊ុន សែន បានបញ្ជាដល់ក្រសួងកសិកម្ម រុក្ខាប្រមាញ់ និងនេសាទ សហការ​ជាមួយអាជ្ញាធរដែនដីគ្រប់ជាន់ថ្នាក់ ប្រឹងប្រែងដោះស្រាយ​ការលំបាក​របស់​ប្រជាពលរដ្ឋ​ដែល​រ​ង​គ្រោះ​ដោយ​ទឹកជំនន់។- សម្តេចតេជជោ ហ៊ុន សែន បានប្រកាសថា តំណែងកាន់តែធំ ដីកាន់តែតូច។ ត្រង់ចំណុចនេះ សម្តេចចង់បញ្ជាក់ថា «មេដឹកនាំធំៗមិនអាចធ្វើដំណើរទៅណាមកណា រហេត​រហូត​នោះ​ទេ​....[]»។- សម្តេចតេជោ ហ៊ុន សែន បានប្រកាសថា អ្នកសារព័ត៌​មានតាម​សម្តេច​ក្នុង​បេសកកម្ម​ជុំវិញ​បឹង​ទន្លេសាប បាននាំគ្នាសប្បាយរីករាយ និងចូលខាអូខេ ព្រមទាំង​អំពាវនាវ​ដល់​ភរិយា​អ្នកសារព័ត៌​មានទាំងនោះ កុំបន្ទោស ឬប្រើហិង្សាលើប្តី។- សម្តេចតេជោ ហ៊ុន សែន បានដាក់បញ្ជាសារជាថ្មីដល់ក្រសួងកសិកម្ម រុក្ខាប្រមាញ់ និងនេសាទ ពង្រឹងការងារ និងស្វះស្វែងរកដំណោះចាំបាច់ និងបន្ទាន់ ដើម្បី​ដោះស្រាយ​បញ្ហា​ប្រជាពលរដ្ឋ​តាម​រដូវ និងភាពជាក់ស្តែង។- សម្តេចតេជោ ហ៊ុន សែន ប្រកាសថា រាជរដ្ឋាភិបាលរបស់សម្តេច មិនឱ្យគេហៅថា «រាជរដ្ឋាភិបាលអត់ពូជទេ...»។ ត្រង់ចំនុចនេះសម្តេចតេជោ ហ៊ុន សែន ចង់សំដៅលើស្រូវពូជ និងពូជដំណាំនានា សម្រាប់ផ្តល់ជូនប្រជាពលរដ្ឋ ដើម្បីបង្កបង្កើនផល។- សម្តេចតេជោ​ ហ៊ុន សែន ប្រកាសឱ្យមានការដូរពូជស្រូវជាមួយរដ្ឋ ដើម្បីបង្កើនលទ្ធភាព នៃ​បង្ក​បង្កើន​ផល ដោយប្រជាពលរដ្ឋដែលមានស្រូវ ហើយគិត​ថា​ស្រូវ​របស់​ខ្លួន​មិន​សូវ​មាន​ផល​តាម​តម្រូវ​ការ​ចង់បាន អាចដូរពូជជាមួយរដ្ឋបាន។- សម្តេចតេជោ ហ៊ុន សែន បានប្រកាសថា រយៈពេល៤ថ្ងៃមកហើយ(មកទល់ថ្ងៃទី២៤ ខែតុលា ឆ្នាំ២០២២) កម្ពុជាមានកម្រិតអត្រាឆ្លងកូវីដ-១៩ មានចំនួនសូន្យ(០) ដែលជាភាពជោគជ័យ​ក្នុងការប្រយុទ្ធប្រឆាំងនឹងជំងឺកូវីដ-១៩។- សម្តេចតេជោ ហ៊ុន សែន ប្រកាសអំពាវនាវដល់ប្រជាពលរដ្ឋ ឱ្យនាំគ្នាបន្តការប្រុងប្រយ័ត្នខ្ពស់ និងការពារខ្លួន ពីឆ្លងរីករាលដាលជំងឺកូវីដ-១៩ ដោយអនុវត្តន៍ការ ៣ការពារ និង៣កុំ ។ សម្តេចតេជោ ហ៊ុន សែន បានបញ្ជាក់ថា «កូវីដ-១៩ មិនទាន់ទៅណាឆ្ងាយពីយើងទេ»។- សម្តេចតេជោ ហ៊ុន សែន ប្រកាសថា ពីមុនរដ្ឋមានគោលការណ៍ផ្តល់ពូជស្រូវ​ដល់ប្រជាពលរដ្ឋ​តាមទំហំដី ដោយដីកន្លះហិកតា រដ្ឋផ្តល់ជូន៥០គីឡូក្រាម និងលើសពី ១ហិកតា រដ្ឋផ្តល់ជូន ១០០គីឡូក្រាម តែពេលនេះ រដ្ឋផ្តល់ជូន ១០០គីឡូក្រាម ក្នុងមួយគ្រួសារៗដូចៗគ្នា។- សម្តេចតេជោ ហ៊ុន សែន ប្រកាសដល់ប្រជាពលរដ្ឋឱ្យរួមគ្នាការពារសន្តិភាព ដែលយើងរកបានដោយលំបាក។ សម្តេចបញ្ជាក់ថា «មានសន្តិភាព ទើបយើងមានការអភិវឌ្ឍន៍ដូចសព្វថ្ងៃនេះ»។- សម្តេចតេជោ ហ៊ុន សែន បានផ្តាំផ្ញើសាកសួរសុខទុក្ខប្រជាពលរដ្ឋ ជា ពិសេសចាស់ៗ​ដែលធ្លាប់រួមគ្នាជាមួយសម្តេចក្នុងសម័យសង្គ្រាមពីអតីតកាល ស្វែងរកសុខសន្តិភាព​ដល់ប្រទេសកម្ពុជាទាំងមូល។សង្កថា សម្ដេចតេជោ ហ៊ុន សែន ចប់នៅវេលាម៉ោង០៨ និង១០នាទី

បណ្ដាញសង្គម

ព័ត៌មានថ្មីៗ

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បានអញ្ជើញចុះជួបសួរសុខទុក្ខ បងប្អូនយុទ្ធជន ដែលបានរងរបួស អំឡុងពេលជម្លោះព្រំដែនកម្ពុជា-ថៃ ចាប់ពីថ្ងៃទី២៤ ដល់ថ្ងៃទី២៨ ខែកក្កដា ឆ្នាំ២០២៥។
07/31/2025 11:07 PM
Facebook Telegram Linkin
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញចុះសួរសុខទុក្ខកងទ័ព និង ជនភៀសសឹកនៅខេត្តព្រះវិហារ
07/31/2025 10:07 PM
Facebook Telegram Linkin
កងទ័ពអាវស TYDA កំពុងបំពេញបេសកកម្មមនុស្សធម៌ក្នុងបុព្វហេតុជាតិ និងប្រជាជន នៅលើទឹកដីខេត្តព្រះវិហារ
07/31/2025 09:07 PM
Facebook Telegram Linkin
ក្រុមសិទ្ធិមនុស្សជំរុញឲ្យនេប៉ាល់ផ្លាស់ប្តូរបំរាមកម្មវិធីផ្ញើរសារលើបណ្តាញព័ត៌មានសង្គម Telegram
07/31/2025 08:07 PM
Facebook Telegram Linkin
រដ្ឋមន្រ្តីពាណិជ្ជកម្ម៖ ឥណ្ឌានឹងចាត់រាល់វិធានការចាំបាច់ទាំងអស់ ដើម្បីធានាផលប្រយោជន៍ជាតិរបស់ខ្លួន
07/31/2025 08:07 PM
Facebook Telegram Linkin
នាយករដ្ឋមន្ត្រី៖ ព័រទុយហ្គាល់នឹងពិចារណាទទួលស្គាល់រដ្ឋប៉ាឡេស្ទីន ក្នុងខែកញ្ញា
07/31/2025 08:07 PM
Facebook Telegram Linkin
ឯកឧត្តម ទេសរដ្ឋមន្រ្តី គន់ គីម៖ អាជ្ញាធរខេត្តបន្ទាយមានជ័យបានយកចិត្តទុកដាក់ខ្ពស់ពីសុខទុក្ខរបស់ជនភៀសសឹក
07/31/2025 08:07 PM
Facebook Telegram Linkin
បេសកជនអាមេរិក លោក Witkoff ជួបជាមួយនាយករដ្ឋមន្ត្រីអ៊ីស្រាអែល លោក Netanyahu
07/31/2025 08:07 PM
Facebook Telegram Linkin
ភាពច្របូកច្របល់បង្ខំឲ្យយន្តហោះរបស់ក្រុមហ៊ុនអាកាសចរណ៍ Delta ចុះចត ហើយអ្នកដំណើរ ២៥នាក់ ត្រូវបញ្ជូនទៅមន្ទីរពេទ្យ
07/31/2025 08:07 PM
Facebook Telegram Linkin
ប្រធានាធិបតី៖ អ៊ីរ៉ង់កំពុងស្ថិតនៅមាត់ជ្រោះនៃការមានវិបត្តិទឹកធ្ងន់ធ្ងរ
07/31/2025 08:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.