TOP STORY | សម្ដេចធិបតី បានចាត់វិធានការចាំបាច់​ជាបន្ត​បន្ទា​ប់ចំ​ពោះកា​រ​វិល​ត្រឡប់​ទ្រង់ទ្រាយ​ធំរ​បស់​ពលករ​ខ្មែរ និងជនភៀសសឹក
TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់
TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំ​​កោះប្រជុំក្រុមប្រឹក្សាសន្តិសុខជាបន្ទាន់ ដើម្បី​សុំ​ការ​អន្ត​រាគមន៍​បញ្ចប់​ការ​ឈ្លាន​ពាន​របស់​កង​ទ័ព​ថៃមក​លើដែនអធិបតេយ្យភាពរបស់កម្ពុជា
TOP STORY | សម្ដេចធិបតី៖ កងទ័ពថៃបានបើកការ​វាយប្រហារ​មក​លើ​ទីតាំង​ឈរ​ជើង​របស់​កង​ទ័ព​កម្ពុជា​ នៅប្រាសាទតាមាន់ធំ តាក្របី និងបានពង្រីកភូមិសាស្ត្រវាយប្រហារទៅដល់តំបន់មុំបី

នយោបាយ​ និង ការអភិវឌ្ឍន៍

សម្ដេចពិជ័យសេនា៖ មហាអំណាចនឹងចូលរួមកិច្ចប្រជុំរដ្ឋមន្ត្រីការពារជាតិអាស៊ាន

2022/09/30 11:41:45 am        417
ភ្នំពេញ៖ សម្ដេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានថ្លែងថា កិច្ចប្រជុំរដ្ឋមន្ត្រីការពារជាតិអាស៊ាន ដែលប្រារព្ធឡើងនៅខែវិច្ឆិកា ឆ្នាំ២០២២ នឹងមានរដ្ឋមន្ត្រី​ការពារ​ជាតិប្រទេសមហាអំណាចធំៗ​ ដើម្បីពិភាក្សាទៅលើបញ្ហាមួយចំនួន ដែលកំពុងកើតឡើង​នៅ​លើពិភពលោក ។ក្នុងពិធីបិទសិក្ខាសាលាបូកសរុបលទ្ធផលការងារ សម្ព័ន្ធមេត្រីភាព ឆ្នាំ២០២១ ឆមាសទី១ ឆ្នាំ២០២២ និងទិសដៅបន្ត រវាងអង្គភាព នៃកងយោធពលខេមរភូមិន្ទ ជាមួយស្ថាប័ន អង្គភាពស៊ីវិល កាល​ពីថ្ងៃទី២៩ ខែកញ្ញា ឆ្នាំ២០២២ សម្ដេច ទៀ បាញ់ មានប្រសាសន៍ថា កិច្ចប្រជុំរដ្ឋមន្ត្រី​ការពារជាតិ​អាស៊ាន ដែលកម្ពុជានឹងធ្វើជាម្ចាស់ផ្ទះនៅឆ្នាំនេះ តាម​ការគ្រោងទុកនឹងមានការប្រជុំរដ្ឋមន្ត្រី​ការ​ពារជាតិបូក ដោយសរុបទាំងអស់ចំនួន ១៨ប្រទេស ​ហើយរដ្ឋមន្ត្រីការពារជាតិចិន អាមេរិក និងរុស្ស៊ី នឹងចូលរួមប្រជុំផងដែរ ។ក្នុងពិធីនេះ សម្ដេចពិជ័យសេនា ក៏បានលើកនូវការព្រួយបារម្ភមួយចំនួន ដែលកំពុងកើតឡើងនៅ​ថ្នាក់តំបន់ និងអន្តរជាតិ ដូចជាបញ្ហា ការបន្តឆ្លងរាលដាលជំងឺកូវីដ-១៩, ​បញ្ហាសង្គ្រាមរវាងអ៊ុយក្រែន និងរុស្ស៊ី, ការប្រកួតប្រជែងផ្នែកពាណិជ្ជកម្មរវាងចិន និងអាមេរិក, បញ្ហាឧបទ្វីកកូរ៉េ បញ្ហាការ​សាកល្បង​នុយក្លែអ៊ា ដែលទើបកើតឡើងថ្មីៗ, បញ្ហាតោះវ៉ាន់ និងបញ្ហាសមុទ្រចិនខាងត្បូងជាដើម ។ប្រមុខការពារជាតិកម្ពុជា ក៏បានបង្ហាញនូវបញ្ហាមួយទៀត គឺបញ្ហាកំពុងកើតឡើងនៅក្នុង​ប្រទេស​មីយ៉ាន់ម៉ា ដែលជាការព្រួយបារម្ភរបស់ប្រទេសក្នុងតំបន់ទាំងមូល​ ខណៈកម្ពុជា ក្នុងនាម​ជា​ប្រធានអាស៊ាន ​តាមរយៈប្រេសិតពិសេស​ និងអ្នកពាក់ព័ន្ធ កំពុងខិតខំយ៉ាងខ្លាំង ក្នុងការ​សម្របសម្រួល និងដោះស្រាយជាបន្តបន្ទាប់ ។ ពាក់ព័ន្ធនឹងវិស័យកងទ័ពនៅកម្ពុជា សម្ដេចពិជ័យសេនា ទៀ បាញ់ បានថ្លែងអំណរគុណ ដល់​អង្គភាព ស្ថាប័នស៊ីវិល ដែលបានចង់សម្ព័ន្ធមេត្រីភាពជាមួយកងយោធពលខេមរភូមិន្ទ និងបាន​នាំយកនូវថវិកា គ្រឿងឧបភោគបរិភោគ ​និងសម្ភារៈមួយចំនួនផ្ដល់ដល់កងទ័ព ដែលនេះ​បាន​បង្ហាញពីការចូលរួមយ៉ាង​ផុលផុស​ពីសមរភូមិខាងក្រោយ​ គាំទ្រដល់សមរភូមិមុខ ។ជាមួយនេះ សម្ដេចបានជំរុញដល់បណ្ដាអង្គភាព ​មានចង់សម្ព័ន្ធមេត្រីភាពជាមួយនឹងអង្គភាព និង​ស្ថាប័ន ស៊ីវិលនានា បង្កើតជាកូនសារមន្ទីរមួយតាមអង្គភាព ដើម្បីកត់ត្រានូវប្រវត្តិរបស់​អង្គភាព​សាម៉ី និងជំនួយផ្សេងៗជាដើម ៕អត្ថបទ បាន សុខរិទ្ធិ

សម្តេចតេជោ ហ៊ុន សែន៖ ដំណើរដ៏វែងឆ្ងាយដែលគ្មានពេលឈប់សម្រាក បានក្លាយជាទម្លាប់​សម្តចតាំងពីអាយុតិចរហូតអាយុច្រើន

2022/09/30 09:57:32 am        456
ភ្នំពេញ៖ នៅព្រឹកថ្ងៃទី៣០កញ្ញានេះ សម្តេចតេជោ ហ៊ុន សែន ប្រកាសថា ដំណើរ​ដ៏វែងឆ្ងាយ​ដែល​គ្មាន​ពេលឈប់​សម្រាក​បាន​ក្លាយ​ជាទម្លាប់តាំងពីអាយុតិចរហូតអាយុច្រើន។សម្តេចបន្តថា “ជាកិច្ចការដែលចាំបាច់ដែលតម្រូវឲ្យធ្វើដោយខានមិនបាន។ ភ្នំពេញ ញូយ៉ក ឡាហាវ៉ាន តូក្យូ ភ្នំពេញ សៀមរាប​ប្រើ​រយៈ​ពេល​១០​ថ្ងៃ​ចម្ងាយ​រាប់​ម៉ឺន​គីឡូម៉ែត្រ​ជា​មួយ​ការងារ​យ៉ាង​ច្រើន​។ នឿយកា​យ​តែ​សប្បាយចិត្តព្រោះបានធ្វើការបំរើជាតិ និងប្រជាជន”៕

ឯកឧត្តមបណ្ឌិត អ៊ុម រម្យណី ទទួលមេដាយការងារពីក្រសួងអប់រំជាតិ យុវជន និងកីឡា នៃសាធារណរដ្ឋបារាំង

2022/09/30 07:50:06 am        835
ភ្នំពេញ៖ពិធីបំពាក់គ្រឿងឥស្សរិយយសមេដាយថ្នាក់អន្តរជាតិកំរិត៖ CHEVALIER DES PALMES ACADEMIQUES ជូនឯកឧត្តមបណ្ឌិត អ៊ុម រម្យណី រដ្ឋលេខាធិការក្រសួងអប់រំ យុវជន និងកីឡា ត្រូវបានរៀបចំដោយស្ថានទូតបារាំងប្រចាំនៅកម្ពុជា ក្រោមអធិបតីភាពឯកឧត្តម Jacques PELLET ឯកអគ្គរដ្ឋទូតនៃសាធារណរដ្ឋបារាំងប្រចាំនៅកម្ពុជា នាល្ងាចថ្ងៃទី២៩ ខែកញ្ញា ឆ្នាំ២០២២។ មេដាយការងារនេះគឺដើមី្បថ្លែងអំណរគុណ ដល់ឯកឧត្តមដែលបានខិតខំបំរើការងារយ៉ាងសកម្មកាលពីឯកឧត្តម នៅជានាយកវិទ្យាស្ថានបច្ចេកវិទ្យាកម្ពុជារហូតបានធ្វើឱ្យគ្រឹះស្ថានឧត្តមសិក្សាមួយនេះបានក្លាយជាមជ្ឈមណ្ឌលផលិតធនធានមនុស្សផ្នែកវិស្វកម្មឈានមុខគេនៅកម្ពុជា និងមានការទទួលស្គាល់ក្នុងកំរិតជាតិ តំបន់ និងអន្តរជាតិ។ ឯកឧត្តម បណ្ឌិត អ៊ុម រម្យណី បានថ្លែងអំណរគុណដល់ក្រសួងអប់រំ យុវជន និងកីឡា នៃសាធារណរដ្ឋបារាំង ដែលបានផ្តល់គ្រឿងឥស្សារិយយសនេះ ដែលជាការទទួលស្គាល់ស្នាដៃ និងសកម្មភាពនានាដែលគាត់បានខិតខំនៅក្នុងពេលដែលឯកឧត្តមបានបំពេញភារកិច្ចយ៉ាងសំខាន់ក្នុងការករសាងធនធានមនុស្សខាងវិស្វកម្ម ការផ្សារភ្ជាប់ទំនាក់ទំនងជាមួយដៃគូនៃគ្រឹះស្ថានឧត្តមសិក្សាធំៗនៅបរទេសដែលក្នុងនោះក្រសួងអប់រំបារាំង និងគ្រឹះស្ថានសិក្សាល្បីល្បាញនៅក្នុងប្រទេសបារាំង រួមនិងបណ្តាញសាកលវិទ្យាល័យនិយាយភាសារបារាំងផងដែរ។ ព្រមទាំងបានចូលរួមសហការយ៉ាងស្អិតរមួត និងដែលជាបង្គោលដ៍រឹងមាំក្នុងការគាំទ្រលើកិច្ចសហការអប់រំវិស្វកម្មប្រកបដោយគុណភាព នៅវិទ្យាស្ថានបច្ចេកវិទ្យាកម្ពុជា ឬហៅថាសាលាតិចណូ។សាកលកវិទ្យាល័យ ក៏ដូចជាគ្រឹះស្ថាន ព្រមទាំងអង្គការធំៗនៃប្រទេសបារាំងទាំងនោះបានចូលរួមចំណែកយ៉ាងសំខាន់ក្នុងការបណ្តុះបណ្តាលធនធានមនសុ្សប្រកបដោយគុណភាព ដើមី្បបំរើដល់ការប្រង្រៀន និងជាពិសេសការស្រាវជ្រាវវិទ្យាសាស្រ្ត ដែលជាសសរស្តមមិនអាចខ្វះបានសម្រាប់ចូលរួមជាមួយរាជរដ្ឋាភិបាលក្នុងការជម្រុញសេដ្ឋកិច្ចកម្ពុជា ឆ្ពោះទៅកាន់គោលដៅធំៗពីរ ដូចប្រសាសន៍ដ៏ខ្ពង់ខ្ពស់របស់ សម្តេចតេជោ ហ៊ុន សែន នៅក្នុងកិច្ចប្រជុំកំពូលអាស៊ីប៉ាស៊ីហ្វិកលើកទី២ កាលពីថ្ងៃទី១៩ វិច្ឋិកា ថា “បច្ចុប្បន្ន កម្ពុជាកំពុងខិតខំបន្ថែមទៀត ដើម្បីក្លាយជាប្រទេសដែលមានចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសដែលមានចំណូលខ្ពស់នៅឆ្នាំ ២០៥០”៕

ឧត្ដមសេនីយ៍ឯក ហ៊ុន ម៉ាណែត៖ ផ្នែកស៊ីវិលបានដើរតួនាទីយ៉ាងសំខាន់គាំទ្រដល់សមរភូមិមុខ

2022/09/29 11:53:08 am        327
ភ្នំពេញ៖ ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងកងយោធពលខេមរភូមិន្ទ និង​ជាមេបញ្ជាការកងទ័ពជើងគោក បានលើកឡើងថា ទោះជាបច្ចុប្បន្ន កំពុង​មាន​ភាព​ស្មុគស្មាញ​លើបញ្ហាមួយចំនួន ប៉ុន្តែផ្នែកស៊ីវិល នៅតែដើរតួនាទីយ៉ាងសំខាន់ និងបន្តជួយ​ឧបត្ថម្ភ​គាំទ្រ​យ៉ាងខ្លាំងក្លាដល់សមរភូមិមុខ ​ប្រកបដោយឆន្ទៈ និងទទួលខុសត្រូវ ។ក្នុងពិធិបើកសិក្ខាសាលាបូកសរុបលទ្ធផលការងារសម្ព័ន្ធមេត្រីភាព ឆ្នាំ២០២១ និងឆមាសទី១ ឆ្នាំ២០២២ និងទិសដៅបន្ត រវាងអង្គភាព នៃកងយោធពលខេមរភូមិន្ទ ជាមួយស្ថាប័នអង្គភាពស៊ីវិល នៅព្រឹកថ្ងៃទី២៩ ខែកញ្ញា នេះ ឧត្ដមសេនីយ៍ឯក ហ៊ុន ម៉ាណែត បានមានប្រសាសន៍ថា ការ​ចង​សម្ព័ន្ធមេត្រីភាព ​ជាមួយស្ថាប័នស៊ីវិល ​គឺជាយន្តការពង្រឹងខឿនការពារជាតិនៅ​កម្ពុជាឲ្យកាន់​តែរឹងមាំ ព្រោះគោលនយោ បាយការពារជាតិ របស់សម្ដេចតេជោ​ ហ៊ុន សែន នាយករដ្ឋមន្ត្រី នៃ​កម្ពុជា តាំងពីដើម រហូតដល់ចប់ គឺខឿនប្រជាជន កងទ័ពកើតចេញពីប្រជាជន ហើយនឹងធ្វើអ្វីៗ ដើម្បីប្រជាជន ប្រជាជនជាប្រភព នៃការផ្គត់ផ្គង់ទាំងកម្លាំង និងភស្តុភារ ។ ឧត្តមសេនីយ៍ឯក បានបន្តថា ពិតណាស់ បណ្ដាជោគជ័យជាប្រវត្តិសាស្ត្ររបស់កងកម្លាំង​ប្រដាប់​អាវុធ​ជូនជាតិកន្លងមក ​សុទ្ធតែមានការឧបត្ថម្ភគាំទ្រ​ដោយផ្ទាល់របស់កម្លាំងមហាជន ពីគ្រប់​ស្រទាប​វណ្ណៈ ពីគ្រប់មជ្ឈដ្ឋាន ដើម្បីបុព្វហេតុជាតិមាតុភូមិ ។ឧត្តមសេនីយ៍ឯក ​បានបន្ថែមថា ក្នុងកាលៈទេសៈនេះ កងយោធពលខេមរភូមិន្ទ តែងទទួលបាន​នូវការ​ឧបត្ថម្ភគាំទ្រ​ ទាំងស្មារតី ​និងសម្ភារពីមហាជន ស្ថាប័នរដ្ឋ ​និងឯកជន​ សប្បុរសជននានា នៅគ្រប់ទិសទី​ ក្រោមការសម្របសម្រួលរបស់រាជរដ្ឋាភិបាល។ ប្រពៃណី នៃការចែករំលែក មានការរីកចម្រើនទៅមុខ គួរឲ្យកត់សម្គាល់​ ដោយមានការវិវដ្តប្រែប្ដូរ ដែល​បច្ចុប្បន្ន ការជួយឧបត្ថម្ភមានលក្ខណៈជាយុទ្ធសាស្ត្រ សេដ្ឋកិច្ច​ សង្គមកិច្ចយូរអង្វែង ហើយ​មានលក្ខណៈសកលផុសផុលនៅទូទាំងប្រទេស ស្របតាមពាក្យស្លោក “សមរភូមិក្រោយ ជួយ​សមរភូមិមុខ” និង “ការពារជាតិ ដើម្បីទាំងអស់គ្នា ទាំងអស់គ្នា ដើម្បីការពារជាតិ” ។ឧត្តមសេនីយ៍ឯក ហ៊ុន ម៉ាណែត​ បានបញ្ជាក់ថា បច្ចុប្បន្ន មានស្ថាប័ន អង្គភាពស៊ីវិល ចំនួនជាង ៣៥០ បានចងសម្ព័ន្ធមេត្រីភាពជាមួយអង្គភាពកងទ័ព ចំនួនជាង១០០អង្គភាព។ ​លើសពីនេះទៀត កងយោងធពលខេមរភូមិន្ទ មិនអាចបំភ្លេចបាននូវការជួយឧបត្ថម្ភគាំទ្ររបស់សម្ដេចតេជោ ហ៊ុន សែន ​និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន តែងបន្តផ្ដល់ជំនួយដល់កម្លាំងកងឯកភាព យោធិន និងគ្រួសារយោធិន និងការជួយឧបត្ថម្ភជាច្រើនទៀតជាបន្តបន្ទាប់ ៕អត្ថបទ៖ បាន សុខរិទ្ធិ

សម្តេចតេជោ ហ៊ុន សែន៖ កម្ពុជាមិនមែនជាគោលដៅ នៃអំពើភេរវកម្មនោះទេ តែក៏មិនធ្វេសប្រហែសដែរ

2022/09/29 10:44:50 am        323
ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីបានថ្លែងថា កម្ពុជាមិនមែនប្រទេសជាគោលដៅសម្រាប់ប៉ុនប៉ងការវាយប្រហារនូវអំពើភេរវកម្មនោះទេ ប៉ុន្តែទោះជាយ៉ាងណាកម្ពុជា ក៏មិនបានធ្វេសប្រហែសនោះដែរ ខណៈកម្ពុជាបានសហការគ្នាជាមួយប្រទេសជាច្រើននៅលើសកលលោកក្នុងការទប់ស្កាត់ និងបង្រ្កាបនូវអំពើភេរវកម្មនេះ ជាពិសេសគឺជាមួយនិងសហរដ្ឋអាមេរិកតែម្តង។ថ្លែងការការប្រារព្ធក្នុង «វេទិកាអន្តរសាសនាប្រឆាំងការជួញដូរមនុស្សលើកទី៦» នាព្រឹកថ្ងៃទី២៩ ខែកញ្ញា ឆ្នាំ២០២២នេះ​នៅមជ្ឈមណ្ឌលពាណិជ្ជកម្ម និងពិព័ណជ្រោយចង្វារ ដែលមានអ្នកកាន់សាសនាផ្សេងៗគ្នាចូលរួមប្រមាណជាង១៥០០នាក់នោះ សម្តេចតេជោ ហ៊ុន សែន បានលើកឡើងថា កម្ពុជាបានខិតខំយ៉ាងយកចិត្តទុកដាក់បំផុតក្នុងការប្រយុទ្ធប្រឆាំងអំពើភេរវកម្ម ទោះកម្ពុជាមិនមែនជាគោលដៅ នៃការវាយប្រហារភេរវកម្មនេះក៏ដោយ ហើយកន្លងមកកម្ពុជាបានធ្វើការរួមគ្នាជាមួយសហរដ្ឋអាមេរិក រហូតដល់ឈានទៅចាប់ខ្លួនភេរវករដ៏ធំឈ្មោះ ហាំបាលី បានដោយជោគជ័យផងដែរ។ជាមួយគ្នានោះដែរ សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា ក៏បានប្តេជ្ញាចិត្តចំពោះការបន្តកិច្ចសហប្រតិបត្តិការជាមួយប្រទេសជាមិត្ត ក្នុងការបង្ការ និងទប់ស្កាត់នូវអំពើភេរវកម្មនេះដដែល ហើយកម្ពុជានឹងមិនបណ្តែតបណ្តោយឲ្យបុគ្គលណា ឬក្រុមណាមួយ នាំយកអាវុធ និងប្រើប្រាស់អាវុធដោយខុសច្បាប់នោះទេ ខណៈកិច្ចការនេះគឺកម្ពុជាបានធ្វើការត្រួតពិនិត្យគ្រប់ច្រកល្ហកទាំងអស់មិនថាផ្លូវទឹក ផ្លូវអាកាស ឬផ្លូវគោកនោះឡើយ៕

សម្តេចតេជោ ហ៊ុន សែន ណែនាំឱ្យអាជ្ញាធរបន្តបង្ក្រាបបនល្បែងខុសច្បាប់ដូចភ្លៀងរលឹម

2022/09/29 10:38:41 am        417
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីបានប្រកាសឱ្យបន្តបង្ក្រាបល្បែងស៊ីសងខុសច្បាប់ដោយគ្មានការលើកលែង ទោះនៅកន្លែងណា ឬតំបន់ណាក៏ដោយ ដែលល្បែងស៊ីសងទាំងនោះ បានជះឥទ្ធិពលអាក្រក់ដល់សង្គម និងប្រជាជន។ថ្លែងក្នុងពិធីបើកវេទិកាអន្តរសាសនាថ្នាក់ជាតិ ដើម្បីប្រយុទ្ធប្រឆាំងការជួញដូរមនុស្ស លើកទី៦ ក្រោមប្រធានបទ៖ «សូមកុំយកកម្ពុជា ជាគោលដៅប្រព្រឹត្តអំពើជួញដូរមនុស្ស» នៅមជ្ឈមណ្ឌលសន្និបាតនិងពិពរណ៍អន្តរជាតិជ្រោយចង្វារ នាព្រឹកថ្ងៃទី២៩ ខែកញ្ញានេះ សម្តេចតេជោ ហ៊ុន សែន ប្រកាសថា បើយើងបង្ក្រាបល្បែងស៊ីសងខុសច្បាប់បាន ប្រជាពលរដ្ឋខ្មែរយើងនឹងសល់លុយ មានកាក់,គ្រួសារមានសុភមង្គល ហើយសង្គមជាតិមានសណ្តាប់ធ្នាប់ សុខស្ថិរភាព។សម្តេចតេជោ ហ៊ុន  សែន បានប្រកាសដល់អាជ្ញាធរ និងសមត្ថកិច្ច សូមធ្វើសកម្មភាពបង្ក្រាបល្បែងស៊ីសងខុសច្បាប់ទាំងនោះឱ្យចំគោលដៅ នៃបញ្ហាដែលកើតមាននៅក្នុងសង្គម និងអំពាវនាវដល់គ្រប់សាសនាទាំងអស់ ជួយអប់រំ ណែនាំ ដល់អ្នកកាន់សាសនានីមួយៗពីបញ្ហាល្បែងស៊ីសង។សម្តេចតេជោ ហ៊ុន សែន ប្រកាសព្រមានដល់ម្ចាស់អាជីវកម្មឆ្នោត ឬល្បែងស្របច្បាប់ទាំងឡាយ សូមធ្វើសកម្មភាពត្រឹមតែអ្វីដែលបានអនុញ្ញាតប៉ុណ្ណោះ សូមកុំធ្វើលើស បើមិនចង់ប្រឈមនឹងការបិទជាស្ថាពរនោះទេ៕

ក្រសួងធនធានទឹក និងឧតុនិយម៖ ៣-៥ ថ្ងៃខាងមុខ ទឹកទន្លេមេគង្គនឹងហក់ឡើងជាបន្តបន្ទាប់

2022/09/29 10:28:05 am        360
ភ្នំពេញ៖ ក្រសួងធនធានទឹក និងឧតុនិយម ប្រកាសថា យោងលើស្ថានភាពអាកាសធាតុ កំពុងមានការប្រែប្រួល កើតឡើងដោយឥទ្ធិពលព្យុះទី ១៦ ឈ្មោះ ណូរុ «NORU» មកលើអាងទន្លេមេគង្គក្នុងប្រទេសថៃ ឡាវ វៀតណាម និងកម្ពុជា ដែលធ្វើឲ្យមានភ្លៀងធ្លាក់ច្រើននៅក្នុងអាងទន្លេមេគង្គ។ក្រសួងធនធានទឹក និងឧតុនិយមបន្តថា ទឹកទន្លេមេគង្គនឹងហក់ឡើងក្នុងរយៈពេលពី៣-៥ ថ្ងៃខាងមុខ ជាពិសេសនៅភាគខាងលើនៃប្រទេសកម្ពុជា មានខេត្តស្ទឹងត្រែង ទឹកនឹងអាចឡើងដល់កម្ពស់១០ម៉ែត្រ, ខេត្តក្រចេះ ទឹកនឹងអាចឡើងដល់កម្ពស់ ២១ ម៉ែត្រ និងខេត្តកំពង់ចាម ទឹកនឹងអាចឡើងដល់ជាងកម្ពស់១៤ ម៉ែត្រ និងនៅស្ថានីយជលសាស្ត្រភ្នំពេញ-ចតុមុខ ទឹកអាចឡើងដល់ជាងកម្ពស់៩ម៉ែត្រ៕

ប្រសាសន៍សំខាន់ៗរបស់សម្ដេចតេជោ ហ៊ុន​ សែន​ ក្នុងវេទិកាអន្តរសាសនាប្រឆាំង​ការជួញដូរមនុស្ស លើកទី៦

2022/09/29 09:34:29 am        374
ភ្នំពេញ៖ នាព្រឹកថ្ងៃទី២៩ ខែកញ្ញា ឆ្នាំ២០២២នេះ​សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បាន​អញ្ជើញ​ជាអធិបតីភាពដ៏ខ្ពង់ខ្ពស់ក្នុងពិធី «វេទិកា​អន្តរ​សាសនាប្រឆាំង​ការជួញដូរ​មនុស្ស លើកទី៦​»​ ឆ្នាំ២០២២ នៅមជ្ឈមណ្ឌលពាណិជ្ជកម្ម និង​ពិព័រណ៍​ជ្រោយចង្វារ។ខាងក្រោមនេះជាប្រសាសន៍សំខាន់ៗរបស់សម្ដេចតេជោ ហ៊ុន សែន​៖ - សម្តេចតេជោ ហ៊ុន សែន មានប្រសាសន៍ពីភាពមមារញឹក ក្នុងការងារតួនាទី​ជានាយករដ្ឋ​មន្ត្រី​សម្រាប់កម្ពុជា ដែលសម្តេចបញ្ជាក់ថាគ្មានសិទ្ធិឈឺ,គ្មានសិទ្ធិត្អួញត្អែរ ឬឈប់សម្រាកឡើយ។- សម្តេចតេជោ ហ៊ុន សែន មានប្រសាសន៍​ពី​ភាព​ជោគជ័យ​ក្នុង​ការ​ទប់​ស្កាត់​ការ​ឆ្លង​រីក​រាល​ដាល​ជំងឺ​កូវីដ-១៩ ដែលឆ្នាំនេះ ប្រជាពលរដ្ឋបានប្រារព្ធពិធីកាន់បិណ្ឌ និងភ្ជុំបិណ្ឌ​ប្រកប​ដោយ​ជោគជ័យ និងសប្បាយរីករាយ ខុសពីឆ្នាំមុន ដែលយើងប្រារព្ធបានត្រឹមតែប៉ុន្មានបិណ្ឌប៉ុណ្ណោះ ហើយ​ក៏ត្រូវផ្អាកទៅវិញដោយសារការវាយលុកខ្លាំងពីកូវីដ-១៩។- សម្តេចតេជោ ហ៊ុន សែន បានសម្តែងមោទនភាពយ៉ាងខ្លាំង ចំពោះសុខុដុមនីយកម្ម​សាសនា​នៅ​កម្ពុជា ដែលនៅពេលនេះសាសនាទាំងអស់នៅកម្ពុជា បានមកអង្គុយជាមួយគ្នា និងនាំគ្នាគិតគូរ ស្វះស្វែងដោះស្រាយបញ្ហាសង្គម នៃ«វេទិកាអន្តរសាសនាប្រឆាំងការជួញដូរមនុស្សលើកទី៦» ឆ្នាំ២០២២។- សម្តេចតេជោ ហ៊ុន សែន ប្រកាសថា អ្វីៗក៏ត្រូវតែមានបកស្រាយឱ្យ​បានច្បាស់លាស់​ពាក់ព័ន្ធ​ការ​ចោទ​ប្រកាន់នានាដូចជា បញ្ហានៃជួញដូរមនុស្ស ហើយដាក់​ចំណាត់​ថ្នាក់​កម្ពុជា​ជា​ប្រទេស​អាក្រក់​បំផុត។- សម្តេចតេជោ ហ៊ុន សែន បានប្រកាសថា យើងមិនដែល​និយាយ​ថា​ប្រទេស​យើង​ល្អ​ឥត​ខ្ចោះ​នោះ​ទេ តែវាក៏មិនអាក្រក់ដូចជនអគតិ ឬបរទេសខ្លះចោទប្រកាន់ និងវាយតម្លៃនោះដែរ ដែល​បញ្ហា​ទាំង​ឡាយកម្ពុជា មានឆន្ទៈក្នុងកិច្ចខិតខំប្រឹងប្រែងដើម្បីដោះស្រាយ។- សម្តេចតេជោ ហ៊ុន សែន បានប្រសាសន៍ដល់ការធ្វើរបងនៅសហរដ្ឋអាមេរិក តាមព្រំដែន​ជាមួយ​ប្រទេសនានា គឺធ្វើឡើងដោយសារហេតុផលធំមួយ គឺកាត់ផ្តាច់ចរន្ត នៃការជួយដូរ​មនុស្សនេះឯង។- សម្តេចតេជោ ហ៊ុន សែន បានមានប្រសាសន៍ពីចរន្ត នៃការធ្វើដំណើររបស់​ប្រជាពលរដ្ឋ​នៅតំបន់អឺរ៉ុប ឬជនភៀសខ្លួន ដោយបញ្ហាសង្គ្រាម តែមានប្រជាជនខ្លះ និងអ្នកសាសនាខ្លះ ដូចជាឥស្លាមសាសនា ត្រូវហាមឃាត់ ឬរើសអើងក្នុងការផ្តល់សិទ្ធិជ្រកកោណ។- សម្តេចតេជោ ហ៊ុន សែន បានបញ្ជាក់ថា ការជួញដូរមនុស្ស មិនត្រឹមតែកើតនៅតំបន់អាស៊ី ឬអាព្រិកទេ វាបានកើតឡើងទូទាំងពិភពលោក ដែលទាមទារឱ្យយើងទាំងអស់គ្នា និងគ្រប់​ជាតិសាសន៍ សាសនា រួមគ្នាដោះស្រាយ និងប្រយុទ្ធប្រឆាំង ដោយ​ស្មារតី​ទទួល​ខុស​ត្រូវខ្ពស់បំផុត។- សម្តេចតេជោ ហ៊ុន សែន បានរំលឹកពីអតីតកាលកម្ពុជា ដែលញាំញីដោយសង្គ្រាម ហើយ​វាក៏ជាពេលវេលា ដែលប្រជាពលរដ្ឋខ្មែរចល័ត និងភៀសខ្លួនទៅកាន់តំបន់នានា ,ប្រទេស​ក្បែរ​ខាង ឬប្រទេសទី៣ ដែលនៅក្នុងនោះ ក៏ជាហានិភ័យ នៃ​ទំរង់​ការ​ជួញ​ដូរ​មនុស្ស​គួ​រ​ឱ្យ​ព្រួយបា​រម្ភ​ផង​ដែរ។- សម្តេចតេជោ ហ៊ុន សែន បានមានសាសន៍ដល់ការចាប់ខ្លួនលោក អះម៉ាត់ យ៉ះយ៉ា កាល​ពី​ពេល​ក​ន្លងទៅ ដែលជាប់ពាក់ព័ន្ធការជួញដូរមនុស្ស ជាពិសេសជនជាតិខ្មែរ-ឥស្លាម ទៅ​កាន់​តំបន់នានា ដែលមានអ្នកកាន់សាសនាឥស្លាមរស់នៅ ជាពិសេសទៅកាន់តំបន់មជ្ឈឹមបូព៌ា។- សម្តេចតេជោ ហ៊ុន សែន បានប្រកាសថា ពីមុនប្រជាជនខ្មែរ ត្រូវបាន​ជួញដូរ​ទៅកា​ន់​ប្រទេស​នានា តែនៅពេលនេះ ក៏មានជនបរទេសត្រូវបានគេជួញដូរចូលមកកាន់ប្រទេសកម្ពុជាផងដែរ ដែល​កត្តាទាំងនេះ គឺជាហេតុផលមួយដែលយើងត្រូវបង្កើតការប្រុងប្រយ័ត្ន និងដោះស្រាយ​ជា​បន្ទាន់​។- សម្តេចតេជោ ហ៊ុន សែន ប្រកាសឱ្យមានការប្រុងប្រយ័ត្នខ្ពស់ ក្នុង​ការ​នាំ​មនុស្ស​ទៅ​កាន់​បរទេស​ទាំង​ឡាយ ជាពិសេសទៅកាន់សហរដ្ឋអាមេរិក ឬប្រទេសអឺរ៉ុប ខណៈដែលមានករណីខ្លះ ក្នុង​ចំណោម​នោះបានរត់គេចមិនព្រមធ្វើដំណើរមកកាន់កម្ពុជាវិញ ដែលធ្វើឱ្យមានបញ្ហាធ្ងន់ធ្ងរ ដែល​មិន​ត្រឹមតែអ្នករត់គេនោះទេ គឺគេដាក់ទ័ណ្ឌកម្មមេគណៈប្រតិភូទាំងមូល និងអាប់​ឱន​ដល់​កិត្តិយស​ប្រទេសផងដែរ។- សម្តេចតេជោ ហ៊ុន សែន ប្រកាស​ឱ្យ​បង្ក្រាប​ល្បែង​ស៊ីសង​ខុស​ច្បាប់​ដោយ​គ្មាន​ការ​លើក​លែង ទោះនៅកន្លែងណា ឬតំបន់ណាក៏ដោយ ដែលល្បែងស៊ីសងទាំងនោះ បានជះឥទ្ធិពលអាក្រក់​ដល់​សង្គម និងប្រជាជន។- សម្តេចតេជោ ហ៊ុន សែន អំពាវនាវាដល់គ្រប់និកាយសាសនានៅកម្ពុជា រួមគ្នាដោះស្រាយបញ្ហា នៃ​ការ​ជួយដូរមនុស្សឱ្យបានល្អប្រសើរ ដោយសាសនានានីមួយៗ មានកាតព្វកិច្ចណែនាំ ពន្យល់ អប់រំ ទៅកាន់អ្នកកាន់សាសនានីមួយៗ ពីបញ្ហា នៃការជួញដូរមនុស្សនេះ។- សម្តេចតេជោ ហ៊ុន សែន បានប្រកាសពីកិច្ចខិតខំប្រឹងប្រែងរបស់កម្ពុជា ក្នុងការ​ប្រយុទ្ធ​ប្រឆាំង​អំពើ​ភេរវកម្ម ទោះកម្ពុជាមិនមែនជាគោលដៅ នៃការវាយប្រហារភេរវកម្មនេះក៏ដោយ និង​បាន​ធ្វើ​ការ​រួម​គ្នា​ជាមួយសហរដ្ឋអាមេរិក រហូតដល់ឈានទៅចាប់ខ្លួនភេរវករដ៏ធំឈ្មោះ ហាំបាលី បាន​ដោយ​ជោគជ័យ។- សម្តេចតេជោ ហ៊ុន សែន បានប្រកាសអំពាវនាវដល់យុវជន ដែលចេះបច្ចេកវិទ្យា សូម​ប្រើ​ប្រាស់​ជំនាញ​របស់ខ្លួនឱ្យបានត្រឹមត្រូវ និងស្របច្បាប់ ។ សូមកុំឱ្យជំនាញ និងសកម្មភាពរបស់ខ្លួន ក្លាយ​ជា​ឧបករណ៍ បម្រើឱ្យការជួញដូរមនុស្ស ឬភេរវកម្មជាដើម។- សម្តេចតេជោ ហ៊ុន សែន បានប្រកាសថា អ្នកសេព ឬប្រើប្រាស់គ្រឿងញៀនមួយចំនួន គឺ​ជន​រង​គ្រោះ នៃការបោកបញ្ឆោត។ សម្តេចបញ្ជាក់ថា មានអ្នកខ្លះ បានលេប ឬផឹករបស់អ្វីមួយ ដែល​ផ្តល់​​ជូន​ដោយនរណាម្នាក់ ទាំងមិនដឹងថា «របស់នោះជាគ្រឿងញៀននោះទេ»។- សម្តេចតេជោ ហ៊ុន សែន នាយករដ្ឋមន្ត្រី បានប្រកាសឱ្យពង្រឹងគោលនយោបាយ ឃុំ-សង្កាត់ មាន​សុវត្ថិភាព ដោយមានការចូលរួមពីគ្រប់សាសនាទាំងអស់នៅកម្ពុជា ដើម្បីផ្តល់​ភាព​សុខ​សាន្ត​របស់​ប្រជាពលរដ្ឋ និងសន្តិសុខសង្គម ពីអំពើអសកម្ម អំពើពាលាអាវ៉ាសែទាំងឡាយទាំងពួង។- សម្តេចតេជោ ហ៊ុន សែន បានប្រកាសឱ្យមានយន្តការប្រយុទ្ធប្រឆាំងការជួយដូរមនុស្ស ដែល​មិន​ត្រឹម​តែ​ធ្វើនៅថ្ងៃទី២០ ខែសីហានោះទេ គឺយើងធ្វើជារៀងរាល់ថ្ងៃ(មួយឆ្នាំ ៣៦៥ថ្ងៃ) ធ្វើជា​និរន្ត​ដោយ​គ្មានការលើកលែង ឬអាក់ខានឡើយ។- សម្តេចតេជោ ហ៊ុន សែន បានប្រកាសអំពាវនាវដល់ប្រជាពលរដ្ឋអ្នកញៀនល្បែង សូម​កែ​ប្រែ​ខ្លួន ទុកលុយ ទុកកាក់ ដើម្បីផ្គត់ផ្គង់ជីវភាពគ្រួសារ។ សម្តេចក៏បានចង្អុលបង្ហាញឱ្យបង្ក្រាប ឬ​ឃាត់​ខ្លួន មេកន្ទុយលេខនៅតាមភូមិ ឬតំបន់ ដែលមិនព្រមឈប់ និងរៀងចាល។- សម្តេចតេជោ ហ៊ុន សែន ប្រកាសព្រមានដល់ម្ចាស់អាជីវកម្មឆ្នោត ឬ​ល្បែង​ស្រប​ច្បាប់​ទាំង​ឡាយ​ សូមធ្វើសកម្មភាពត្រឹមតែអ្វីដែលបានអនុញ្ញាតប៉ុណ្ណោះ សូមកុំធ្វើលើស បើមិន​ចង់​ប្រឈម​នឹង​ការ​បិទជាស្ថាពរនោះទេ។- សម្តេចតេជោ ហ៊ុន  សែន បានប្រកាសដល់អាជ្ញាធរ និងសមត្ថកិច្ច សូម​ធ្វើ​សកម្មភាព​បង្ក្រាប​ល្បែង​ស៊ី​សងខុសច្បាប់ទាំងនោះឱ្យចំគោលដៅ នៃបញ្ហាដែលកើតមាននៅក្នុងសង្គម និងអំពាវ​នាវ​ដល់​គ្រប់សាសនាទាំងអស់ ជួយអប់រំ ណែនាំ ដល់អ្នកកាន់​សាសនា​នី​មួយ​ៗ​ពី​បញ្ហា​ល្បែង​ស៊ី​សង​។- សម្តេចតេជោ ហ៊ុន សែន បានប្រកាសដាក់ចេញពីឆន្ទៈរបស់កម្ពុជា ដោយមិន​ត្រូ​វ​ឱ្យ​កម្ពុជា​ក្លាយ​ជា​ឋាន​សូគ៌ នៃការជួយដូរមនុស្ស និងឧក្រឹដ្ឋកម្មនានាឡើយ។- សម្តេចតេជោ ហ៊ុន សែន ប្រកាសថា បើយើងបង្ក្រាបល្បែងស៊ីសងខុសច្បាប់បាន ប្រជា​ពលរដ្ឋ​ខ្មែរ​យើង​នឹងសល់លុយ មានកាក់,គ្រួសារមានសុភមង្គល ហើយសង្គមជាតិមានសណ្តាប់ធ្នាប់ សុខ​ស្ថិរភាព។- សម្តេចតេជោ ហ៊ុន សែន នៅតែប្រកាសអំពាវនាវដល់ប្រជាពលរដ្ឋ ដែល​មិន​ទាន់​ទទួល​បាន​ការ​ចាក់វ៉ាក់សាំងកូវីដ-១៩ សូមអញ្ជើញទៅចាក់ឱ្យបានគ្រប់ៗគ្នា ជាពិសេសដូសជំរុញទី៣, ទី៤ និង​ដូស​បន្តបន្ទាប់ តាមការកំណត់របស់ក្រុមគ្រូពេទ្យ។- សម្តេចតេជោ ហ៊ុន សែន បានផ្តល់អនុសាសន៍ដល់ឯកឧត្តម ម៉ម ប៊ុនហេង រដ្ឋមន្ត្រី​ក្រសួង​សុខាភិបាល ឱ្យដកចេញវិធានតម្រូវឱ្យមានកាតចាក់វ៉ាក់សាំងកូវីដ-១៩ ពីអ្នក​ដំណើរ​ចូល​មក​កម្ពុជា​ ព្រោះកាលៈទេសៈនេះ មិនចាំបាច់នោះទេ។- សម្តេចតេជោ ហ៊ុន សែន បានបញ្ជាក់ថា ពេលចូលរួមសន្និបាតអង្គការសហប្រជាជាតិ និង​ទៅ​ប្រទេស​នានា សម្តេច និងគណៈប្រតិភូកម្ពុជា មិនមានការ​ទាមទារ​ស្វែង​រក​កាត​ចាក់​វ៉ាក់​សាំងកូវីដ-១៩នោះទេ ដោយសារកាលៈទេសៈនេះមិនចាំបាច់ និងតម្រូវទៀតទេ។- សម្តេចតេជោ ហ៊ុន សែន ប្រកាសថា ពិភពលោកពោរពេញដោយការប្រែប្រួល និង​ភាព​ស្មុគ​ស្មាញ ដែលពេលមុន អឺរ៉ុបប្រើប្រាស់ហ្គាសដើម្បីចម្អិតម្ហូបអាហារ និងកម្រៅ តែមាននេះ បាន​ប្រើ​ប្រាស់​អុស​ ដើម្បីចម្អិតម្ហូបអាហារ និងកម្រៅទៅវិញ ដោយសារវិបត្តិប្រេង និងឧស្ម័ន។ សង្កថាសម្ដេចតេជោ ហ៊ុន សែន បានចប់នៅវេលាម៉ោង០៩ និង២៤នាទី

សម្តេចតេជោ៖ កម្ពុជាកំពុងរួមគ្នាប្រយុទ្ធប្រឆាំង​ការជួញដូរមនុស្ស ប៉ុន្តែបញ្ហានេះ​មិនមែនមានតែកម្ពុជាទេ

2022/09/29 08:53:48 am        494
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានអញ្ជើញមានប្រសាសន៍ថា ទោះ​បី​បច្ចុប្បន្ន​ប្រទេសកម្ពុជា ត្រូវបានចាត់​ក្នុង​ចំណោមប្រទេស​គួរ​ព្រួយបារម្ភ​ហើយ​បាន​និង​កំពុង​រួម​គ្នា​ប្រយុទ្ធប្រឆាំងនឹងការជួញដូរមនុស្ស ប៉ុន្តែសម្តេច​ក៏​បានលើកឡើងដែរថា​ ​ការ​ជួញ​ដូរ​មនុស្ស​ គឺ​មិន​មែន​មាន​​​តែប្រទេសកម្ពុជាទេ ។សម្តេចតេជោ ហ៊ុន សែន ប្រមុខ នៃ​រាជ​រដ្ឋាភិបាល​បាន​មាន​ប្រសាសន៍​យ៉ាង​ដូច្នេះ​ ខណៈ​អញ្ជើញ​ជា​អធិបតី​ដ៏ខ្ពង់ខ្ពស់បើកវេទិកាអន្តរសាសនាថ្នាក់ជាតិ ដើម្បីប្រយុទ្ធប្រឆាំងការជួញដូរមនុស្ស លើក​ទី៦ ក្រោមប្រធានបទ៖ «សូមកុំយកកម្ពុជា ជាគោលដៅប្រព្រឹត្តអំពើជួញដូរមនុស្ស» ។ក្នុងវេទិកានៅមជ្ឈមណ្ឌលសន្និបាត និងពិព័រណ៍អន្តរជាតិជ្រោយចង្វានាព្រឹកថ្ងៃទី២៩កញ្ញានេះ សម្តេច​បានមានប្រសាសន៍ថា ឥឡូវនេះ រាជរដ្ឋាភិបាល​ក៏​ត្រូវ​ការ​ចូលរួម​ពី​គ្រប់​សាសនា​ ដើម្បី​ចូល​រួម​ប្រយុទ្ធ​ប្រឆាំងនឹ​ងការជួញដូរមនុស្ស។ ប៉ុន្តែទោះជាយ៉ាងណា សម្តេចបានវាយតម្លៃថា ប្រសិន​បើ​គ្មាន​ការបកស្រាយច្បាស់លាស់ទេ ប្រទេសរបស់​យើង​គេ​អាច​បក​ស្រាយ​អាក្រក់​បំផុត​នៅ​លើ​ពិភពលោក។ សម្តេច​មាន​ប្រសាសន៍ថា ស្ថានភាពនៃការជួញដូរមនុស្ស ឧក្រិដ្ឋកម្ម ឬ​ចំណាក​ស្រុក​គឺ​មិន​មែនមានតែកម្ពុជា១ទេ យ៉ាងណាមិញ ដូចជាសហរដ្ឋអាមេរិកជាដើម កន្លង​មក​អតីត​ប្រធានាធិបតី សហរដ្ឋអាមេរិក ដូណាល់ត្រាំ រហូតចង់ធ្វើរបងខ័ណ្ឌរវាងអាមេរិក និងមិចស៊ិច មិន​ឱ្យ​មាន​ការ​ឆ្លងចូលពីមិចស៊ិច ចូលអាមេរិកជាដើមនោះ។សម្តេចបានផ្តាំផ្ញើឱ្យគ្រប់តួអង្គទាំងអស់ធ្វើសកម្មភាពព្រមៗគ្នាទៅលើការបង្រ្កាបគ្រឿងញៀន ល្បែង​ស៊ីសងខុសច្បាស់ និងជនប្រព្រឹត្តិបទល្មើសដែលនាំទៅដល់ការជួញដូរមនុស្ស ហើយ​ត្រូវ​ស្រាវ​ជ្រាវ​យក​ជនប្រព្រឹត្តិបទល្មើស នៃការជួញដូរមនុស្សមកផ្តន្ទាទោសតាមច្បាប់ ជាពិសេស​ត្រូវ​មាន​ការ​ត្រៀមបង្ការ ទប់ស្កាត់នូវរឿងអកុសល ទាំងអស់នេះ តាមរយៈវិធានការអប់រំ វិធានការ​ច្បាប់ ជាពិសេស​កុំ​ឱ្យកូ​ន​ចៅ​របស់​យើង​ក្លាយ​ជា​អ្នក​រង​គ្រោះ​ដោយ​សារ​តែអំ​ពើ​ខុស​ច្បាប់​ទាំង​អស់​នេះ និងកុំឱ្យប្រទេសរបស់យើងក្លាយជាជំរក នៃអំពើវេរកម្ម និងធ្វើការគ្រប់គ្រងអាវុធឱ្យត្រឹមត្រូវ៕

សម្ដេចតេជោ៖ “យើង​មិន​ដែល​និយាយ​ថា​ប្រទេស​យើង​ល្អឥ​តខ្ចោះនោះទេ​ តែវាក៏មិនអាក្រក់​ដូចជនអគតិ ឬបរទេសខ្លះចោទប្រកាន់នោះដែរ”

2022/09/29 08:45:33 am        604
ភ្នំពេញ៖ នៅព្រឹកថ្ងៃទី២៩ ខែកញ្ញា ឆ្នាំ២០២២នេះ សម្ដេចតេជោ ហ៊ុន សែន នាយករដ្ឋមន្ត្រី បាន​អញ្ជើញ​ជា​អធិបតីភាពប្រារព្ធក្នុង «វេទិកាអន្តរសាសនាប្រឆាំងការជួញដូរមនុស្សលើកទី៦» ឆ្នាំ២០២២ នៅមជ្ឈមណ្ឌលពាណិជ្ជកម្ម និងពិព័រណ៍ជ្រោយចង្វារ។ក្នុងឱកាសនោះ សម្តេចតេជោ ហ៊ុន សែន បានមានប្រសាសថា យើង​មិន​ដែល​និយាយ​ថា​ប្រទេស​យើង​ល្អឥ​តខ្ចោះនោះទេ តែវាក៏មិនអាក្រក់ដូចជនអគតិ ឬបរទេសខ្លះចោទប្រកាន់ និង​វាយ​តម្លៃ​នោះ​ដែរ បញ្ហា​ទាំង​ឡាយ កម្ពុជាមានឆន្ទៈក្នុងកិច្ចខិតខំប្រឹងប្រែងដើម្បីដោះស្រាយ។សម្តេចតេជោ ហ៊ុន សែន បានបញ្ជាក់ថា ការជួញដូរមនុស្ស មិនត្រឹមតែកើតនៅតំបន់អាស៊ី ឬ​អាហ្វ្រិកទេ វាបានកើតឡើងទូទាំងពិភពលោក ដែលទាមទារឱ្យយើងទាំងអស់គ្នា និង​គ្រប់​ជាតិ​សាសន៍ សាសនា រួមគ្នាដោះស្រាយ និងប្រយុទ្ធប្រឆាំង ដោយស្មារតីទទួលខុសត្រូវខ្ពស់បំផុត។ 

បណ្ដាញសង្គម

ព័ត៌មានថ្មីៗ

[Breaking News ] ពន្ធថ្មីរបស់លោក Trump ចូលជាធរមាន ជាកើនឡើងភាពតានតឹងសង្គ្រាមពាណិជ្ជកម្ម
08/07/2025 12:08 PM
United States Pledges Close Monitoring and Strong Support for Effective Implementation of Cambodia–Thailand Ceasefire (7 August, 2025 )
08/07/2025 11:08 AM
Press Briefing – Update on the implementation of the immediate and unconditional ceasefire agreement between Cambodia and Thailand (7 August, 2025 )
08/07/2025 11:08 AM
លោក Trump៖ លោកអាចដំឡើងពន្ធបន្ថែមទៀតលើប្រទេសចិន ស្រដៀងទៅនឹងពន្ធលើឥណ្ឌា
08/07/2025 11:08 AM
នាយករដ្ឋមន្ត្រីឥណ្ឌា នឹងធ្វើទស្សនកិច្ចទៅកាន់ប្រទេសចិនខណៈភាពតានតឹងជាមួយសហរដ្ឋអាមេរិកកើនឡើង
08/07/2025 11:08 AM
ក្រុមហាម៉ាស ប្រើប្រព័ន្ធសម្ងាត់ដើម្បីបើកប្រាក់ខែដល់សមាជិករបស់ខ្លួននៅហ្កាហ្សា
08/07/2025 11:08 AM
មនុស្សរាប់ម៉ឺននាក់ ត្រូវបានជម្លៀសចេញ ខណៈភ្លៀងធ្លាក់ខ្លាំងវាយប្រហារប្រទេសចិនភាគខាងត្បូង
08/07/2025 11:08 AM
គ្រួសារចំណាប់ខ្មាំង និងពលរដ្ឋអ៊ីស្រាអែល ប្រមូលផ្ដុំនៅទីក្រុង Tel Aviv តវ៉ាប្រឆាំងការកាន់កាប់ដែនដីហ្កាហ្សាទាំងស្រុង
08/07/2025 11:08 AM
ភ្លៀងធ្លាក់ និងផ្លូវខូច បង្កភាពស្មុគស្មាញដល់ការសង្គ្រោះក្នុងគ្រោះទឹកជំនន់នៅតំបន់ភ្នំហិម៉ាឡៃរបស់ឥណ្ឌា
08/07/2025 11:08 AM
ប្រធានាធិបតីប្រេស៊ីល គ្រោងពិភាក្សាជាមួយ BRICS អំពីពន្ធរបស់លោក Trump ខណៈស្នើ WTO ឱ្យជួយ
08/07/2025 11:08 AM