នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
TOP STORY | សម្ដេចធិបតី បានចាត់វិធានការចាំបាច់​ជាបន្ត​បន្ទា​ប់ចំ​ពោះកា​រ​វិល​ត្រឡប់​ទ្រង់ទ្រាយ​ធំរ​បស់​ពលករ​ខ្មែរ និងជនភៀសសឹក
TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់
TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំ​​កោះប្រជុំក្រុមប្រឹក្សាសន្តិសុខជាបន្ទាន់ ដើម្បី​សុំ​ការ​អន្ត​រាគមន៍​បញ្ចប់​ការ​ឈ្លាន​ពាន​របស់​កង​ទ័ព​ថៃមក​លើដែនអធិបតេយ្យភាពរបស់កម្ពុជា
TOP STORY | សម្ដេចធិបតី៖ កងទ័ពថៃបានបើកការ​វាយប្រហារ​មក​លើ​ទីតាំង​ឈរ​ជើង​របស់​កង​ទ័ព​កម្ពុជា​ នៅប្រាសាទតាមាន់ធំ តាក្របី និងបានពង្រីកភូមិសាស្ត្រវាយប្រហារទៅដល់តំបន់មុំបី

នយោបាយ​ និង ការអភិវឌ្ឍន៍

សម្តេចតេជោ៖ ការប្រយុទ្ធប្រឆាំងនឹងកូវីដ-១៩ជោគជ័យ ប៉ុន្តែគ្រោះថ្នាក់ចរាចរណ៍នៅជាការព្រួយបារម្ភ

2022/10/03 12:57:31 pm        457
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានបង្ហាញមោទកភាពចំពោះវិធានការ នៃការការពារទប់ស្កាត់ការឆ្លងកូវីដ-១៩ ​ដែលនាំឱ្យពលរដ្ឋបានធ្វើបុណ្យធ្វើទានសប្បាយរីករាយ​នាឱកាស​បុណ្យភ្ជុំបិណ្ឌ​ បើទោះបីករណីឆ្លងនៅបន្តកើតមានខ្លះៗ ​ប៉ុន្តែអ្វីដែលព្រួយបារម្ភ គឺបញ្ហា​គ្រោះថ្នាក់ចរាចរណ៍ទៅវិញទេ។សម្តេចតេជោ បានរម្លឹកដោយមោទនភាព​ ជុំវិញវិធានការនានាដែលរាជរដ្ឋាភិបាលបានខិតខំប្រឹង ប្រែង​ទប់ស្កាត់ការឆ្លងរាលដាលកូវីដ-១៩ ដែលនាំឱ្យពលរដ្ឋមានពេលវេលាបានធ្វើបុណ្យភ្ជុំបិណ្ឌ​និង​សប្បាយរីក ​រាយឡើងវិញនេះ ​ខណៈអញ្ជើញជាអធិបតីដ៏ខ្ពង់ខ្ពស់​ក្នុងពិធីប្រគល់សញ្ញាបត្រដល់​និស្សិតវិទ្យាស្ថានវ៉ាន់ដាជិត ៤ពាន់នាក់នៅមជ្ឈមណ្ឌលសន្និបាត​ និងពិព័រណ៍អន្តរជាតិ​ជ្រោយចង្វា​នាព្រឹកថ្ងៃទី៣តុលានេះ។សម្តេច បានលើកឡើងថា ការជួបជុំទទួលសញ្ញាបត្រនេះគឺជាលទ្ធផល​បន្ទាប់​ពីយើង​បានអាក់ខាន​អស់​រយៈពេល២ឆ្នាំកន្លងទៅ៕ 

សម្ដេចតេជោ ហ៊ុន សែន ៖ ការផ្តល់បណ្ណក្រីក្រជូនពលរដ្ឋនៅរុនតាឯក ជាគោលនយោបាយ មិនមែនជាការឃោសនាបោះឆ្នោតទេ

2022/10/03 11:14:05 am        673
Facebook Telegram Linkin
ភ្នំពេញ៖ សម្ដេចតេជោតេជោ ហ៊ុន សែន នាយករដ្ឋមន្ដ្រី មានប្រសាសន៍ថា ការផ្ដល់បណ្ណក្រីក្រជូនដល់បងប្អូនប្រជាពលរដ្ឋនៅភូមិរុនតាឯក ស្រុកបន្ទាយស្រី ខេត្តសៀមរាប គឺជាគោលនយោបាយ របស់រាជរដ្ឋាភិបាល មិ​​នជាការឃោសនាបោះឆ្នោតនោះឡើយ ខណៈការផ្តល់នេះគឺដើម្បីលើកកម្ពស់ជីវ ភាពរបស់ពលរដ្ឋពីសំណាក់រាជរដ្ឋាភិបាល។ ថ្លែងនៅក្នុងឱកាសអញ្ជើញចែកសញ្ញាបត្រ ដល់និស្សិតវិទ្យាស្ថានវ៉ាន់ដា ជិត៤ពាន់នាក់ នាព្រឹកថ្ងៃ ទី៣ ខែតុលា ឆ្នាំ២០២២នេះ សម្តេចតេជោ ហ៊ុន សែន នាយករដ្ឋមន្រ្ តីបានបញ្ជាក់ថា មានបុគ្គលមួយចំនួនតូច បានរិះគន់សម្តេច ជុំវិញការផ្ដល់បណ្ណក្រីក្រជូនប្រជាពលរដ្ឋនៅតំបន់រុនតាឯក ប្រៀបដូចការឃោសនាបោះឆ្នោតមុនរយៈពេលកំណត់ដែលផ្ទុយនឹងច្បាប់។ សូមរំលឹកថា កាលពីថ្ងៃទី១ ខែតុលា កន្លងទៅថ្មីៗនេះ ក្នុងពិធីជួបសំណេះសំណាលជាមួយប្រជាពលរដ្ឋ ២,៧៥១គ្រួសារផ្សេងទៀត ដែលបានស្ម័គ្រចិត្តរើលំនៅឋាន និងសំណង់ផ្សេងៗចេញពីតំបន់រមណីយដ្ឋានអង្គរ និងតំបន់ ស្ថិតក្រោមការគ្រប់គ្រងរបស់អាជ្ញាធរជាតិអប្សរា សម្ដេចសម្រេចប្រគល់បណ្ណសមធម៌(បណ្ណក្រីក្រប្រភេទ១)ជូនដល់ប្រជាពលរដ្ឋទាំងអស់ដែលមករស់នៅភូមិរុនតាឯក ស្ថិតក្នុងស្រុកបន្ទាយស្រី ខេត្តសៀមរាប ដោយមិនចាំបាច់គិតពីស្ថានភាពជីវភាព។សម្តេចនាយករដ្ឋមន្ត្រី បានបញ្ជាក់ថា ប្រជាពលរដ្ឋដែលបានកាន់បណ្ណក្រីក្រប្រភេទទី២ ដែលបានរុះរើមករស់នៅតំបន់រុនតាឯក ត្រូវប្តូរយកបណ្ណសមធម៌ (បណ្ឌក្រីក្រប្រភេទ១) ទាំងអស់គ្នា ខណៈចំណូលដែលទទួលបានពីបណ្ណក្រីក្រប្រភេទ១ នឹងក្លាយជាផ្នែកមួយជួយគាំទ្រដល់ការលំបាករបស់ប្រជាពលរដ្ឋបានមួយកម្រិត៕(ដោយ៖ បាន ចក់)

ដំណឹងល្អ...! តម្លៃប្រេងឥន្ធនៈចាប់ផ្តើមចុះទៀត

2022/10/03 10:19:36 am        213
Facebook Telegram Linkin
ភ្នំពេញ៖ ក្រសួងពាណិជ្ជកម្មបានប្រកាសពីតម្លៃលក់រាយប្រេងឥន្ធនៈ តាមស្ថានីយនានាទូទាំងប្រទេស ចាប់ពីថ្ងៃទី០១-១០ ខែតុលា ឆ្នាំ២០២២ ដោយប្រេងសាំងធម្មតាត្រូវលក់តម្លៃ ៤.២៥០រៀល/លីត្រ(ចុះ ១០០រៀល) និងប្រេងម៉ាស៊ូតត្រូវលក់តម្លៃ ៤.៧០០រៀល/លីត្រ(ចុះ ១៥០រៀល)៕

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងពិធីប្រគល់សញ្ញាបត្រ​ដល់និស្សិត​វិទ្យាស្ថានវ៉ាន់ដា

2022/10/03 09:06:25 am        528
Facebook Telegram Linkin
ភ្នំពេញ៖ នៅព្រឹកថ្ងៃទី០៣ ខែតុលា ឆ្នាំ២០២២នេះ​ សម្តេចតេជោ ហ៊ុន សែន នាយករដ្ឋមន្ត្រី អញ្ជើញ​ជាអធិបតីក្នុងពិធីប្រគល់សញ្ញាបត្រដល់និស្សិតវិទ្យាស្ថានវ៉ាន់ដាប្រមាណ ៣,៨៦៦នាក់ នារី ៣,៣៨២នាក់ រួមមាន៖ ថ្នាក់បរិញ្ញាបត្ររង ថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត។ខាងក្រោមនេះជាប្រសាសន៍សំខាន់ៗរបស់សម្ដេចតេជោ​ ហ៊ុន សែន៖- សម្តេចតេជោ ​ហ៊ុន សែន បានបញ្ជាក់ថា វិធានការរបស់រាជរដ្ឋាភិបាលលើបញ្ហាកូវីដ-១៩ បានបង្ហាញកាន់តែច្បាស់ពីចេតនារបស់រាជរដ្ឋាភិបាល ក្នុងការគិតគូរពីសុខភាព និងអាយុជីវិតរបស់ប្រជាពលរដ្ឋទូទាំងប្រទេស។- សម្តេចតេជោ ហ៊ុន សែន បានបញ្ជាក់ថា ទោះជាមានករណីឆ្លងជំងឺកូវីដ-១៩ខ្លះក៏ពិតមែននាពេលនេះ តែមានអ្នកជំងឺមួយចំនួនមិនដឹងថាខ្លួនមានជំងឺនោះទេ ដោយសារឥទ្ធិពល នៃប្រសិទ្ធភាពវ៉ាក់សាំកូវីដ-១៩ ដែលមិនឱ្យអ្នកជំងឺធ្លាក់ដល់កម្រិតធ្ងន់ធ្ងរ ឬអាយុជីវិត។- សម្តេចតេជោ ហ៊ុន សែន បានបញ្ជាក់ថា កម្ពុជាគ្មានករណីឆ្លងថ្មីជំងឺកូវីដ-១៩រយៈពេល៥២ថ្ងៃ និងគ្មានករណីស្លាប់ថ្មីដោយជំងឺកូវីដ-១៩ជាច្រើនខែមកទល់នឹងពេលនេះ ដែលជាភាពជោគជ័យ ដ៏ត្រចះត្រចង់លើសមរភូមិកូវីដ-១៩ ទោះយើងមិនទាន់ឈ្នះលើសង្គ្រាមកូវីដ-១៩នេះទាំងស្រុងក៏ដោយ។- សម្តេចតេជោ ហ៊ុន សែន ប្រកាសថា ប្រជាពលរដ្ឋបាននាំគ្នាទៅកាន់បិណ្ឌ និងភ្ជុំបិណ្ឌដោយភាពសប្បាយរីករាយនៅឆ្នាំ២០២២នេះ ដែលខុសពីឆ្នាំមុន យើងអាចប្រារព្ធពិធីកាន់បិណ្ឌបានតែបិណ្ឌទី២ ឬទី៣ប៉ុណ្ណោះ ហើយក៏ផ្អាកទៅវិញ ដេោយសារស្ថានភាពពេលនោះកូវីដ-១៩ បានវាយលុកខ្លាំង ដែលទាមទារឱ្យរាជរដ្ឋាភិបាលមានវិធានការបន្ទាន់ និងចាំបាច់លើករណីនេះ។- សម្តេចតេជោ ហ៊ុន សែន បានប្រកាសឱ្យវិស័យឯកជនបន្តចូលរួម​វិនិយោគលើ​ការបណ្តុះបណ្តាលអប់រំ សិក្សាធិការឱ្យបានផុសផុលបន្ថែមទៀត ដោយយើង មិនអាចពឹងផ្អែកទាំងស្រុងតែទៅលើការបណ្តុះបណ្តាលដោយរដ្ឋនោះឡើយ។- សម្តេចតេជោ ហ៊ុន សែន បានប្រកាសទាមទារ និងជំរុញឱ្យមានការធ្វើទំនើបកម្មលើការបណ្តុះបណ្តាលគ្រប់កម្រិត ដើម្បីធានាប្រសិទ្ធភាព និងគុណភាព នៃការបណ្តុះបណ្តាលធនធានមនុស្សនៅកម្ពុជា ក្នុងនោះមានអគារសិក្សា និងការផ្លាស់ប្តូរទស្សនកិច្ចសិក្សានានាជាដើម។- សម្តេចតេជោ ហ៊ុន សែន បានប្រកាសថា កម្ពុជាបានប្រឹងប្រែងទប់នឹងវិបត្តិនានា ដែលបណ្តាលមកពីបញ្ហាសកល ក្នុងនោះមានការគិតគូរលើការចំណាយរបស់រដ្ឋ ខណៈដែលប្រទេសមួយចំនួនបានរងនូវវិបត្តិនេះយ៉ាងធ្ងន់ធ្ងរជាទីបំផុត។- សម្តេចតេជោ ហ៊ុន សែន បានប្រកាសពីចេតនារបស់រាជរដ្ឋាភិបាល ក្នុងការប្រឹងប្រែងធ្វើឱ្យវិស័យឯកជនបានរីកចម្រើន ដែលជាចំណែកមួយដ៏ធំ នៃការបង់ពន្ធចូលរដ្ឋ ខុសពីទស្សនៈនយោបាយ និងចេតនារបស់បុគ្គលខ្លះ ដែលចង់ឱ្យវិស័យឯកជនធ្លាក់ចុះ ឬអន់ថយ។- សម្តេចតេជោ ហ៊ុន សែន បានប្រកាសពីខ្លឹសារ នៃចំណេរក្នុងសៀវភៅរបស់«ម៉ាលឡេនីន» ដែលជនកុម្មុនីស្តធំមួយដ៏ល្បីល្បាញលើពិភពលោក ក៏ឱ្យតម្លៃ និងមានការចែករវាងកម្មករ និងថៅកែ ដែលមិនអាចខ្វះគ្នាបានលើការជំរុញវិស័យសេដ្ឋកិច្ច ពាណិជ្ជកម្ម នៃប្រទេសនីមួយៗ។ សម្តេចបញ្ជាក់ថា «បើគ្មានកម្មករទេ ក៏មិនអាចមានថៅកែ ឬនាយទុនដែរ»។- សម្តេចតេជោ ហ៊ុន សែន បានប្រកាសពីទស្សនវិស័យ នៃការលើកកម្ពស់វិស័យសេដ្ឋកិច្ចកម្ពុជា តាមរយៈសៀវភៅនានារបស់សម្តេច ដោយឱ្យតម្លៃវិស័យឯកជនយ៉ាងខ្លាំង ព្រមទាំងមានការប្រៀបធៀបរវាងអាជីវកម្មរបស់រដ្ឋ និងឯកជន។ សម្តេតេជោ ហ៊ុន សែន បញ្ជាក់ថា «អាវរឿងក្រុមហ៊ុនរបស់រដ្ឋនេះ គ្មានដែលបានចំណេញឡើយ»។- សម្តេចតេជោ ហ៊ុន សែន បានបញ្ជាក់ថា បច្ចុប្បន្ននេះ ចំណូលពន្ធផ្ទៃក្នុងរបស់កម្ពុជា យ៉ាងហោចណាស់ប្រមូលបាន ២០០លានដុល្លារសហរដ្ឋអាមេរិកក្នុងមួយខែ ដែលរយៈពេល៩ខែមកនេះ ការប្រមូលពន្ធសម្រេចបានជាង៩៥ភាគរយ (ជាង ៣ពាន់លានដុល្លារអាមេរិក)។- សម្តេចតេជោ ហ៊ុន សែន មានប្រសាសន៍លើការរិះគន់ទាំងឡាយរបស់ជនមួយចំនួន លើការគាំពារវិស័យឯកជនរបស់រាជរដ្ឋាភិបាលកម្ពុជា និងចោទប្រកាន់ថា «រាជរដ្ឋាភិបាល យកចិត្តទុកដាក់ តែលើអ្នកមាន ឬនាយទុន»។ សម្តេចតេជោ ហ៊ុន សែន បញ្ជាក់ថា «មិនថាអ្នកមាន ឬអ្នកក្រទេ ឱ្យតែខុស គឺមិនមែនការលើកលែងឡើយ»។- សម្តេចតេជោ ហ៊ុន សែន បានប្រកាសលើការវិនិយោគវិស័យអប់រំ ដោយគ្មានកំណត់ ក្នុងនោះមានការពង្រាយអគារសិក្សាដល់ភូមិឋានប្រជាជន និងដំឡើងកម្រិត នៃការអប់រំ ទាំងបឋម អនុវិទ្យាល័យ វិទ្យាល័យ តាមការសិក្សាជាក់ស្តែងលើចំនួនសិស្ស និងភាពចាំបាច់នានា។- សម្តេចតេជោ ហ៊ុន សែន​ មានប្រសាសន៍ថា ការអនុវត្តគោលនយោបាយគាំពារប្រជាពលរដ្ឋ(តំបន់រុនតាឯក) មិនមែនជាការគេងចំណេញនយោបាយគណបក្សប្រជាជនកម្ពុជានោះ តែបញ្ហានេះក៏មិនអាចកាត់ផ្តាច់ពីគ្នាបានដែរ ព្រោះគណបក្សប្រជាជនកម្ពុជា ជាបក្សឈ្នះឆ្នោតដឹកនាំរាជរដ្ឋាភិបាល។- សម្តេចតេជោ ហ៊ុន សែន ប្រកាសដល់ក្រុមឧទ្ទាមក្រៅច្បាប់ កំពុងជ្រកកោណនៅក្រៅប្រទេស ដែលប្រកាសប្រជាភិថុតិលើបញ្ហាកម្ចីធនាគារពេលខ្លួនឈ្នះឆ្នោត មិនឱ្យបង់លុយធនាគារ។ សម្តេចប្រកាសថា «នរណាក៏ដោយ ដែលគាំទ្រនយោបាយឧទ្ទាមត្រង់ចំណុចនេះ សម្តេចលើកទឹកចិត្តឱ្យធនាគាររឹបអូសជននោះតែម្តង ដោយគ្មានការលើកលែង»។- សម្តេចតេជោ ហ៊ុន សែន ប្រកាសរិះគន់ដល់ក្រុមទូរស័ព្ទចល័ត Smart ដែលគ្មានសេវាសម្រាប់ការប្រើប្រាស់នៅក្នុងស្រុក និងសេវាសូន្យ(0)នៅក្រៅប្រទេស ដោយសារក្រុមហ៊ុននេះ គ្មានទំនាក់ទំនងជាមួយក្រុមហ៊ុនទូរស័ព្ទនៅក្រៅប្រទេស។- សម្តេចតេជោ ហ៊ុន​ សែន បានប្រកាសដាច់ណាត់ដល់អ្នកមិនព្រមរុះរើលំនៅឋានចេញពីតំបន់រមនីដ្ឋានអង្គរ សូមឱ្យចេញជាបន្ទាន់ ទាន់រដ្ឋមានគោលនយោបាយ ដោយកម្ពុជាមិនអាចឱ្យUNESCO ដកប្រាសាសទអង្គរវត្តចេញបញ្ជីបេតិកភណ្ឌភពលោកបានទេ ត្រូវតែឱ្យអ្នកឯងចេញពីតំបន់នោះ។- សម្តេចតេជោ ហ៊ុន សែន បានប្រកាសអំពាវនាវដល់គ្រួសារ​ ដែលមានអ្នកនៅជាមួយ សូមឱ្យមានគិតគូរខ្ពស់ដល់ពួកគេ ។ សម្តេចបញ្ជាក់ថា «គ្មាននរណាម្នាក់ ដែលមិនអាចនៅជាមួយក្រុមគ្រួសារខ្ញុំបានឡើយ...[]...អ្នករស់នៅជាមួយខ្ញុំ ត្រូវតែរស់នៅក្រោមដំបូលផ្ទះជាមួយគ្នា »។- សម្តេចតេជោ ហ៊ុន សែន បានប្រកាស ឱ្យមានការរុះរើលំនៅឋានប្រជាពលរដ្ឋដែលសេសសល់រស់នៅតំបន់ងហាមឃាត់ក្នុងតំបនរមនីដ្ឋានអង្គរឱ្យបានជាដាច់ខាត ដោយគ្មានការលើកពេលទៀតឡើយ និងអំពាវនាវដល់បក្សនយោនានា សុមកុំលូកដៃ យកចំណេញនយោបាយលើករណីនេះឱ្យសោះ។- សម្តេចតេជោ ហ៊ុ​ន សែន បានប្រកាសថា វិបត្តិសេដ្ឋកិច្ចនាពេលនេះ មិនមែនបណ្តាលមកពីមូលហេតុតែមួយគត់ ដោយសារសង្គ្រាមរុស្ស៊ី-អ៊ុយក្រែននោះទេ គឺដោយសារទង្វើ​ នៃការដាក់ទ័ណ្ឌកម្មសេដ្ឋកិច្ច ដែលមិនត្រឹមប៉ះពាល់ដល់រុស្ស៊ីតែម្នាក់ឯងឡើយ វាបានប៉ះពាល់ដល់អឺរ៉ុប រួមទាំងកម្ពុជា ដែលមិនដឹងអីផងដែរ។- សម្តេចតេជោ ហ៊ុន សែន ប្រកាសដោយសង្ឃឹមជឿជាក់ថា ពិភពលោកនឹងស្រុះស្រួលគ្នា ដើម្បីកុំឱ្យរុញច្រានវិបត្តិសេដ្ឋកិច្ចនាពេលនេះ ទៅជាវិបត្តិសេដ្ឋកិច្ចមួយដ៏ធំ ដែលយើងមិងអាចប៉ាន់ស្មានបាន។សង្កថាសម្តេចតេជោ ហ៊ុន សែន ចប់នៅវេលាម៉ោង៩និង០០នាទី។

សម្តេចតេជោ ហ៊ុន សែន អញ្ជើញចែកសញ្ញាបត្រ ដល់និស្សិតវិទ្យាស្ថានវ៉ាន់ដា ជិត៤ពាន់នាក់

2022/10/03 07:25:53 am        337
Facebook Telegram Linkin
ភ្នំពេញ៖ នៅព្រឹកថ្ងៃទី៣ ខែតុលា ឆ្នាំ២០២២ នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញជាអធិបតីក្នុងពិធីប្រគល់សញ្ញាបត្រដល់និស្សិតវិទ្យាស្ថានវ៉ាន់ដាប្រមាណ ៣,៨៦៦នាក់ នារី ៣,៣៨២នាក់។ និស្សិតដែលទទួលសញ្ញាបត្រនេះ រួមមានថ្នាក់បរិញ្ញាបត្ររង ថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត។ និស្សិតជ័យលាភីខាងលើ បានបញ្ចប់ការសិក្សាក្នុងឆ្នាំសិក្សា២០២០-២០២១ ក្នុងនោះក៏មាននិស្សិតថ្នាក់បរិញ្ញាបត្រ ផ្នែកអាហារូបករណ៍របស់សម្តេចតេជោ និង សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចំនួន ៥០នាក់ នារី ៤៧នាក់ផងដែរ៕

កម្ពុជាប្រកាសជំហរជាថ្មីថា ខ្លួនមិនគាំទ្រដាច់ខាតការប្រើប្រាស់អាវុធ និងរំលោភឈ្លានពាន​ប្រទេសដទៃ

2022/10/01 09:55:58 am        639
Facebook Telegram Linkin
សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បាន​ប្រកាស​ជំហរ​ជា​ថ្មី​ម្តង​ទៀត​ថា កម្ពុជា មិនគាំទ្រជាដាច់ខាតចំពោះប្រទេសណាក៏ដោយ ដែលប្រើប្រាស់អាវុធ និង​សកម្មភាព​ផ្សេងៗ ក្នុងគោលបំណងរំលោភបំពានលើដែនអធិបតេយ្យប្រទេសដទៃ ខណៈ​បញ្ហា​នេះ​បាន​កំពុងកើតមានឡើងរវាងរុស្ស៊ី និងអ៊ុយគ្រែននោះ។នៅក្នុងពិធីសំណេះសំណាលជាមួយប្រជាពលរដ្ឋដែលបានចាប់ឆ្នោតស្ម័គ្រចិត្តរើលំនៅឋាន និង​សំណង់ផ្សេងៗចេញពីតំបន់រមណីយដ្ឋានអង្គរ និងតំបន់ដទៃទៀត ទៅរស់​នៅ​ក្នុង​ភូមិ​ធម្មជាតិ​រុនតាឯក ស្ថិតក្នុងស្រុកបន្ទាយស្រី ខេត្តសៀមរាប នាព្រឹកថ្ងៃទី១ ខែ តុលា ឆ្នាំ២០២២នេះ សម្តេចតេជោ ហ៊ុន សែនបានបញ្ជាក់ថា កម្ពុជាប្រឆាំងដាច់ខាតចំពោះការបង្កើតរដ្ឋ និងផ្តាច់រដ្ឋ និងការប្រើប្រាស់អាវុធគាប់សង្កត់លើប្រទេសនានា។សូមបញ្ជាក់ថា កាលពីកន្លងទៅ នៅក្នុងអង្គសន្និបាតជាបន្ទាន់របស់អង្គការសហប្រជាជាតិ ទាក់ទិននឹងការវិវត្តិន៍នៃសង្រ្គាមនៅអ៊ុយក្រែន កម្ពុជា​គឺ​ជារដ្ឋ​មួយ​ក្នុង​ចំណោម​រដ្ឋ​ចំនួន​១៤១​ ដែល​បានបោះឆ្នោតគាំទ្រអធិបតេយ្យរបស់អ៊ុយក្រែន ហើយទាមទារ​ឲ្យ​រុស្ស៊ី​ដក​កង​ទ័ព​ចេញ​ជា​បន្ទាន់​ផងដែរ។ ចំពោះបញ្ហាសង្រ្គាមរវាងរុស្ស៊ី និងអ៊ុយគ្រែននេះ កម្ពុជាក៏​បាន​សម្រេច​ចិត្ត​បោះឆ្នោត​គាំទ្រការថ្កោលទោសរុស្ស៊ី នៅក្នុងអង្គសន្និបាតជាបន្ទាន់របស់អង្គការសហប្រជាជាតិ។ កាលពីកន្លង​ទៅ​សម្តេចតេជោ ហ៊ុន សែន ក៏បានពន្យល់ផងដែរថា សកម្មភាពរបស់​រុស្ស៊ី​ទៅ​លើ​ប្រទេស​អ៊ុយគ្រែន គឺផ្ទុយទៅនឹងគោលនយោបាយការបរទេសរបស់កម្ពុជា៕ អត្ថបទ៖ បាន ចក់

សម្តេចតេជោ ហ៊ុន សែន៖ អ្នកវាយប្រហារ ហ៊ុន ម៉ាណែត នាំឱ្យ ហ៊ុន ម៉ាណែត ចេះការពារខ្លួន

2022/10/01 09:50:27 am        376
Facebook Telegram Linkin
សៀមរាប៖ ក្នុង​ឱកាស​អញ្ជើញ​ជួប​សំណេះ​សំណាល​ជា​មួយ​ប្រជាពលរដ្ឋ​ដែល​បាន​ផ្លាស់​ទី​ពី​តំបន់ទី១​ និង​ទី២​ នៃរមណីយដ្ឋានអង្គរ មករស់នៅក្នុងតំបន់អភិវឌ្ឍន៍រុនតាឯក ស្រុកបន្ទាយស្រី ជា​ថ្មី​ម្តងទៀត នាព្រឹកថ្ងៃទី១តុលា សម្តេចតេជោ ហ៊ុន សែន នាយករដ្ឋមន្ត្រី បានឆ្លៀត​លើក​ឡើង​បែប​ចំអក​ទៅ​កាន់អ្នកប្រឆាំងរិះគន់បេក្ខភាពរបស់លោក ហ៊ុន ម៉ាណែត ជានាយករដ្ឋមន្ត្រី ទៅ​ថ្ងៃ​អ​​នាគត​ថា ការដែលគេវាយប្រហារមកលើ ហ៊ុន ម៉ាណែត នឹងនាំឱ្យម៉ាណែត ចេះការពារខ្លួន។សម្តេចបានមានប្រសាសន៍លើកឡើងពីក្រុមអគតិដែលតែងតែរិះរកគ្រប់មធ្យោបាយធ្វើការវាយប្រហារ​មកលើសម្តេច និងបន្តធ្វើការវាយប្រហារមកដល់លោក ហ៊ុន ម៉ាណែត ដែល​ជា​កូន​ច្បង​របស់​សម្តេច​ថែម​ទៀត ខណៈលោក ហ៊ុន ម៉ាណែត ត្រូវបាន​ការ​គាំទ្រ​ សម្រាប់​បន្ត​តំណែង​ជា​នាយករដ្ឋ​មន្ត្រី​ទៅ​ថ្ងៃ​អនាគត។សូមបញ្ជាក់ថា លោក ហ៊ុន ម៉ាណែត ត្រូវបានសន្និបាត​ជាវិសាមញ្ញ​របស់​គណបក្ស​ប្រជាជន​កម្ពុជា​អនុម័ត​ជា​ឯកច្ឆ័ន្ទសម្រាប់​បន្តកាន់តំណែងជានាយករដ្ឋមន្ត្រី នៃប្រទេសកម្ពុជា នៅថ្ងៃអនាគត បន្ទាប់​ពី​សម្តេចតេជោ ជាប្រមុខដ៏ឆ្នើមបាននិងកំពុងដឹកនាំនាបច្ចុប្បន្ន៕

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងពិធីជួបសំណេះសំណាលជាមួយពលរដ្ឋ​ ស្ម័គ្រចិត្តរើលំនៅឋានចេញពីតំបន់រមណីយដ្ឋានអង្គរ

2022/10/01 09:38:20 am        664
Facebook Telegram Linkin
សៀមរាប៖ នៅព្រឹកថ្ងៃទី០១ ខែតុលា ឆ្នាំ២០២២នេះ សម្តេចតេជោ ហ៊ុន សែន នាយករដ្ឋមន្ត្រី​កម្ពុជា បានអញ្ជើញជួបសំណេះសំណាល សាកសួរសុខ​ទុក្ខ​ប្រជា​ពលរដ្ឋ​ដែល​បាន​ចាប់​ឆ្នោត​ស្ម័គ្រ​រើ​លំនៅឋាន និង​សំណង់​ផ្សេង​ៗ​ចេញ​ពី​តំបន់​រមណីយដ្ឋាន​អង្គរ​មក​រស់​នៅ​ភូមិ​ធម្មជាតិ​រុនតាឯក។ខាងក្រោមនេះជាប្រសាសន៍សំខាន់ៗរបស់សម្ដេចតេជោ ហ៊ុន សែន៖- សម្តេចតេជោ ហ៊ុន សែន​ នៅតែប្រកាសជំហរកម្ពុជាក្នុងឆាកអន្តរជាតិ ដោយមិនគាំទ្រការប្រើប្រាស់កម្លាំងប្រដាប់អាវុធ និងសកម្មភាពទាំងឡាយ ដើម្បីរំលោភលើដែនអធិបតេយ្យប្រទេសនានា ហើយកម្ពុជាប្រឆាំងដាច់ខាតចំពោះកម្មភាពខាងលើ។- សម្តេចតេជោ ហ៊ុន សែន ប្រកាសពីកម្លាំងពលំសម្តេចមាំមួន ទោះស្ថិតក្នុងវ័យចំណាស់បន្តិចក៏ដោយ ដើម្បីបន្តដឹកនាំកម្ពុជាឆ្ពោះទៅកាន់ការអភិវឌ្ឍលើគ្របវិស័យ និងសកម្មភាពនានា។- សម្តេចតេជោ ហ៊ុន សែន បានបញ្ជាក់ថា មិនថាប្រទេសតូច ឬប្រទេសធំ ,ប្រទេសអ្នកមាន ឬប្រទេសអ្នកក្រទេ ឱ្យតែខុសលក្ខន្តិកៈរបស់UNISCO គឺគេដកចេញ ដោយគ្មានការយោគយល់ទេ។ សម្តេចបញ្ជាក់ថា «បើគេដកអង្គរយើងចេញ ពីបញ្ជីបេតិកភណ្ឌពិភពលោកដោយសារខុសលក្ខន្តិកៈនោះ ដែលជាការបាត់បង់ដ៏ធំធេងណាស់របស់ជាតិទាំងមូល»។- សម្តេចតេជោ ហ៊ុន សែន ប្រកាសព្រះរាជពិធីដ៏ធំនៅថ្ងៃទី១៥ ខែតុលា ឆ្នាំ២០២២ខាងមុខនេះ ដែលជាថ្ងៃនៃខួប ១០ឆ្នាំ នៃការយាងសោយព្រះទីវង្គត់របស់ព្រះបិតាសម្តេចឪ និងជាខួប ១០០ឆ្នាំ នៃព្រះជន្មរបស់ព្រះអង្គ។- សម្តេចតេជោ ហ៊ុន សែន បានរំលឹកពីស្នាព្រះហស្ថរបស់សម្តេចព្រះវររាជបិតាជាតិខ្មែរ សម្តេច ព្រះបរមរតនកោដ្ឋ ដែលជំនះ រហូតដល់មានការយល់ព្រម ដាក់តំបន់ប្រាសាទអង្គរវត្ត ចូលជាសម្បត្តិបេតិកភណ្ឌពិភពរបស់អង្គការយូណេស្កូ។- សម្តេចតេជោ ហ៊ុន សែន បានប្រកាសថ្លែងអំណរគុណដល់ប្រជាពលរដ្ឋ ដែលបានយល់ពីភាពចាំបាច់ និងករណីកិច្ច បម្រើឱ្យផលប្រយោជន៍រួមរបស់ជាតិ ដែលបានចាកចេញពីតំបន់រមនីយដ្ឋានអង្គរ និងតំបន់ហាមឃាត់មករស់នៅតំបន់អភិវឌ្ឍន៍រុនតាឯក។- សម្តេចតេជោ ហ៊ុន សែន បានប្រកាសថ្លែងអំណរគុណដល់ផ្នែករបស់រដ្ឋ ដែលបានប្រឹងប្រែងដើម្បីភាពល្អប្រសើរ នៃការរស់នៅ និងការអភិវឌ្ឍនៅតំបន់រុនតាឯក រួមមាន៖ ទឹក ​ផ្លូវ​​ ភ្លើង សាលារៀន​ មន្ទីពេទ្យ និងហេដ្ឋារចនាសម្ព័ន្ធបម្រើអោយការរស់នៅរបស់ប្រជាពលរដ្ឋ។- សម្តេចតេជោ ហ៊ុន សែន ប្រកាសថ្លែងអំណរគុណដល់ឯកឧត្តមឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់, ក្រសួងវប្បធម៌ និងវិចិត្រសិល្បៈ ក្រសួងបរិស្ថាន និងអាជ្ញាធរខេត្តសៀមរាប និងព្រមទាំងផ្នែកពាក់ព័ន្ធ ដែលបានរួមគ្នា ដោះស្រាយបញ្ហាលំនៅដ្ឋានប្រជាពលរដ្ឋនៅតំបន់រមនីយដ្ឋានអង្គរ បានដោយជោគជ័យ និងស្នាមញញឹម។- សម្តេចតេជោ ហ៊ុន សែន បានប្រកាសអំពាវនាវដល់មន្ត្រីអាជ្ញាធរជាតិអប្សរា សូមធ្វើការងារអោយបានច្បាស់លាស់ ដោយមានសំណង់ខ្លះបានសាងសង់ឡើង ដោយមានការអនុញ្ញាតពីអាជ្ញាធរជាតិអប្សរា។ ត្រង់ចំណុចនេះ សម្តេចចង់បញ្ជាក់ថា “មិនមែនអាជ្ញាធរជាតិអប្សរាបច្ចុប្បន្ន​នោះទេ គឺអប្សរាចាស់”។- សម្តេចតេជោ ហ៊ុន សែន បានប្រកាសដល់អ្នករិះគន់ទាំងឡាយ ដែលបាននិយាយដល់ ដោយដាបដល់សម្តេច និងចៅៗសម្តេច ដែលបានអង្គុយលើកៅអីក្នុងអង្គការសហប្រជាតិ ដែលសកម្មភាពនេះធ្វើឡើងជាធម្មតា មិនមានអ្វីត្រូវទាស់ខុសទេ។- សម្តេចតេជោ ហ៊ុន សែន ប្រកាសថា បើហ៊ុន ម៉ាណែតខ្សោយ ចាំបាច់អីត្រូវនិយាយដល់​ ព្រោះបើហ៊ុន​ ​ម៉ាណែតខ្សោយ វាជាឱកាសរបស់អស់លោកហើយ។- សម្តេចតេជោ ហ៊ុន សែន បានបញ្ជាក់ថា «បើហ៊ុន ម៉ាណែត គ្មានសមត្ថភាព និងគ្មានភាពជាអ្នកដឹកនាំ ក៏ខ្ញុំមិនគាំទ្រដែរ, ខ្ញុំមិនអនុញ្ញាតឱ្យនរណាម្នាក់ មកបំផ្លាញគណបក្សប្រជាជន និងរាជរដ្ឋាភិបាលទេ»។- សម្តេចតេជោ ហ៊ុន សែន បានបញ្ជាឱ្យកងពលទទួលទិសសៀមរាប ទទួលបន្ទុកដឹកប្រជាពលរដ្ឋចេញពីតំបន់រុះរើ ក្នុងតំបន់រមនីយដ្ឋានអង្គរ និងតំបន់ហាមឃាត់ មកទីតាំងថ្មីនៅតំបន់រុនតាឯក ដោយយកតែប្រជាពលរដ្ឋណា ដែលមានក្បាលដីដែលឈូសឆាយរួចតែប៉ុណ្ណោះ ដើម្បីឱ្យពួកគាត់សាង់លំនៅឋាន និងដាំដុះ ។ ការឈួសឆាយ កងវិស្វកម្មសម្តេចតេជោ ហ៊ុន សែន សៀមរាប ដឹកនាំដោយឯកឧត្តម ខេង សាម៉េត ជាអ្នកទទួលបន្ទុក។- សម្តេចតេជោ ហ៊ុន សែន នាយករដ្ឋមន្ត្រីបានប្រកាសដល់មន្ត្រីរាជរដ្ឋាភិបាលទាំងអស់ សូមអនុវត្តន៍បទបញ្ជានាយករដ្ឋមន្ត្រី កុំអោយធ្លាក់ដល់ដីអោយសោះ និងធ្វើសកម្មភាពអោយបានឆាប់រហ័ស​ ទាន់ពេលវេលា។- សម្តេចតេជោ ហ៊ុន សែន បានប្រកាសឧបត្ថម្ភដល់ប្រជាពលរដ្ឋ ដែលមកតាំងលំនៅឋានថ្មីនៅតំបន់រុនតាឯកក្នុងមួយគ្រួសារ ១លានរៀល ដើម្បីសាងសង់លំនៅឋាន និងឧបត្ថម្ភសម្ភារៈ(សាងសង់ផ្ទះមួយចំនួន) ព្រមទាំងគ្រឿងឧបភោគបរិភោគជាច្រើនផង។- សម្តេចតេជោ ហ៊ុន សែន បានប្រកាសផ្តល់ប័ណ្ណស្ត្រីមានផ្ទៃពោះ និងប័ណ្ណក្រីក្រកម្រិត១ ដែលត្រូវទទួលបានប្រាក់ឧបត្ថម្ភ សម្រាប់ជួយក្នុងវិបត្តិកូវីដ-១៩ ដល់ប្រជាពលរដ្ឋដែលមកតាំងទីលំនៅឋានថ្មី នៅតំបន់រុនតាឯក បន្ថែមលើការឧបត្ថម្ភ ដែលរដ្ឋបានកំណត់កន្លងមក។- សម្តេចតេជោ ហ៊ុន សែន បានប្រកាសទស្សនវិស័យធ្វើយ៉ាងណា ឱ្យតំបន់អភិវឌ្ឍន៍រុនតាឯក ក្លាយជាតំបន់អភិវឌ្ឍន៍ ដោយទឹកស្អាតប្រើប្រាស់, ផ្លូវកៅស៊ូងាយស្រួលធ្វើដំណើរ និងភ្លើងរដ្ឋប្រើប្រាស់បានតម្លៃសមរម្យ ព្រមទាំងមានអភិវឌ្ឍន៍លើគ្រប់វិស័យ។- សម្តេចតេជោ ហ៊ុន សែន បានប្រកាសថា ប្រពលរដ្ឋដែលរស់នៅតំបន់អភិវឌ្ឍន៍រុនតាឯក ដែលបានចាកចេញពីតំបន់រុះរើ នៃមរនីយដ្ឋានអង្គរ នឹងទទួលបានប័ណ្ណសមធម៌ និងការឧបត្ថម្ភដល់ស្រ្តីមានផ្ទៃពោះរយៈពេល១០ឆ្នាំ ទោះថ្ងៃក្រោយពួកគាត់ មានជីវភាពធូរធាក៏ដោយ។- សម្តេចតេជោ ហ៊ុន សែន ប្រកាសថា ប្រជាពលរដ្ឋ ២.៨៥៣គ្រួសារ នៅរុនតាឯក រាជរដ្ឋាភិបាលអាចចិញ្ចឹមបាន​​ ទោះឡើងដល់ ១ម៉ឺនគ្រួសារទៀត ក៏រាជរដ្ឋាភិបាលចិញ្ចឹមបានដែរ ព្រោះរាជរដ្ឋាភិបាលកំពុងចិញ្ចឹមប្រជាពលរដ្ឋជាង ៧០ម៉ឺនគ្រួសាររួចមកហើយ ដើម្បីស្តារលទ្ធ់កម្មដល់ពួកគាត់។- សម្តេចតេជោ ហ៊ុន សែន ប្រកាសថា កម្ពុជាមិនមែនជារបបកូនចៅតតំណែងដូចកូរ៉េខាងជើងទេ គឺវាអាស្រ័យទៅលើប្រជាពលរដ្ឋជាអ្នកបោះឆ្នោតឱ្យតាមបែបប្រជាធិបតេយ្យ សេរី​ ពហុបក្ស។ សម្តេចបញ្ជាក់ថា “ជាទម្លាប់ខ្ញុំ មិនជួយលើកកូនទេ…[]… កូនណាដួលកន្លែងណា ត្រូវរៀនក្រោកខ្លួនឯងនៅកន្លែងនោះ”។- សម្តេចតេជោ ហ៊ុន​ សែន ​ប្រកាសអំពាវនាវដល់គ្រឹះស្ថានមីក្រូហិរញ្ញវត្ថុនានា ពិចារណា យោគយល់ និងផ្តល់ឱកាស សម្រាប់ការផ្តល់ប្រាក់កំចីដល់ប្រជាពលរដ្ឋដែលមកតាំងទីលំនៅថ្មីនៅតំបន់អភិវឌ្ឍន៍រុនតាឯក ដោយមានអត្រាកាប្រាក់ទាប និងលក្ខណ្ឌពិសេសតាមដែលអាចធ្វើទៅបាន។- សម្តេចតេជោ ហ៊ុន សែន បានប្រកាសហាមដាច់ខាត មិនអោយមានការសាងសង់វត្តបន្ថែម ក្នុងតំបន់រមនីយដ្ឋានអង្គរ ក្នុងនោះក៏រាប់បញ្ចូលទាំងវិហារឥស្លាម​ ឬ​វិហារយេស៊ូគ្រឹស្តផងដែរ ព្រមទាំងអំពាវនាវអោយអាជ្ញាធរជាតិអប្សរា​​ និងអាជ្ញាធរខេត្តសៀមរាប​ ពិនិត្យលើករណីនេះ អោយបានដិតដល់ជាទីបំផុត។- សម្តេចតេជោ ហ៊ុន សែន បានប្រកាសអំពាវនាវដល់ប្រជាពលរដ្ឋ និងគណៈកម្មការអាចារ្យវត្តទាំង៣៥ ក្នុងតំបន់រមនីយដ្ឋានអង្គរ ទាំងតំបន់១ និងតំបន់២ សូមកុំសាងសង់​ និងពង្រីកចៃដី(លើកលែងចៃដីព្រះចៅអធិការវត្ត និងគ្រូសូត្រឆ្វេង-ស្តាំ) ព្រមទាំងហាមដាច់ខាតការយកសាកសពប្រជាពលរដ្ឋ ដែលបានទទួលមរណភាពទៅបញ្ចុះក្នុងវត្តទាំង៣៥ ក្នុងតំបន់១ និងតំបន់២ នៃរមនីយដ្ឋានអង្គរ។- សម្តេចតេជោ ហ៊ុន សែន បញ្ជាក់ថា វត្តអារាមនៅរមណីយដ្ឋានអង្គរ ដែលមានទាំងអស់ ៣៥វត្ត នឹងមិនត្រូវបានរុះរើទេ គឺរក្សាទុកដដែល ព្រោះទីអារាមទាំងនេះ បានកសាងសង់ឡើងរាប់រយឆ្នាំមកហើយ។ សម្តេចបញ្ជាក់ថា “យើងមិនអោយរុះរើវត្តអារាមចាស់ តែក៏មិនអនុញ្ញាតអោយសាងសង់វត្តអារាមថ្មីក្នុងតំបន់រមនីយដ្ឋានអង្គរផងដែរ”។- សម្តេចតេជាហ៊ុន សែន បានប្រកាសពីទស្សនវិស័យ នៃការដឹកនាំប្រទេសរបស់សម្តេច ដែលបានគិតគូរគ្រប់បែបយ៉ាងទាំងអស់លើសុខទុក្ខរបស់ប្រជាពលរដ្ឋ ទោះកិច្ចនោះតូចតាចក៏ដោយ។ សម្តេចបញ្ជាក់ថា «បើមិនអាចហ្មត់ចត់ជាមួយការងារតូចតាចទេ យើងមិនអាចដឹកនាំការងារធំៗបានឡើយ»។- សម្តេចតេជោ ហ៊ុន សែន ប្រកាសអោយមានខិចខិតខំប្រឹងប្រែងដើម្បីជំរុញសេដ្ឋកិច្ចប្រជាពលរដ្ឋមូលដ្ឋាន ដោយដាក់ចេញនូវការនាំចេញនៅនឹងកន្លែងលើវិស័យទេសចរណ៍។ សម្តេចបញ្ជាក់ថា «ការនាំចេញលើផលិតផលនានា មិនចាំបាច់តែនាំចេញទៅក្រៅប្រទេសនោះទេ គឺយើងនាំចេញនៅនឹងកន្លែង»។- សម្តេចតេជោ ហ៊ុន សែន ប្រកាសជាសាធារណៈដល់ប្រជាពលរដ្ឋតាំងទីលំនៅឋានថ្មីនៅតំបន់រុនតាឯក ចេះទាមទារ ចេះពន្លឿនអាជ្ញាធរ ពាក់ព័ន្ធបទបញ្ជានាយករដ្ឋមន្ត្រី ជាពិសេសរឿងប្រាក់ឧបត្ថម្ភ ឬប័ណ្ណក្រីក្រ។ សម្តេច ក៏បានព្រមានដល់ក្រសួងពាក់ព័ន្ធនានារួមមាន៖ ក្រសួងផែនការ ,ក្រសួងសង្គមកិច្ច អតីតយុទ្ធជន និងយុវជនីតិសម្បទា និងក្រសួងសេដ្ឋកិច្ច និងហិរញ្ញវត្ថុ ត្រូវទទួលខុសត្រូវចំពោះមុខនាយករដ្ឋមន្ត្រី ពាក់ព័ន្ធផលប្រយោជន៍ប្រជាពលរដ្ឋតំបន់រុនតាឯក។សង្កថាសម្ដេចតេជោ ហ៊ុន សែន ចប់នៅម៉ោង០៩ និង៣៩នាទី

ប្រជាពលរដ្ឋដែលបានផ្លាស់មករស់នៅភូមិធម្មជាតិរុនតា​ឯក ទទួលបានប័ណ្ណក្រីក្រប្រភេទ១ ទាំងអស់

2022/10/01 08:52:34 am        608
Facebook Telegram Linkin
សៀមរាប៖ នៅព្រឹកថ្ងៃទី០១ ខែតុលា ២០២២ នេះ ក្នុងឱកាស​សំណេះ​សំណាល​ជា​មួយ​ប្រជាពលរដ្ឋ​ដែល​បានចាប់ឆ្នោតស្ម័គ្រចិត្តរើលំនៅឋាន និង​សំណង់​ផ្សេង​ៗ​ចេញ​ពី​តំបន់​រមណីយ​ដ្ឋាន​អង្គរ និងតំបន់ដទៃទៀត ស្ថិតក្រោមការគ្រប់គ្រងរបស់អាជ្ញាធរជាតិអប្សរា ទៅ​រស់​នៅ​ក្នុង​ភូមិ​ធម្មជាតិ​រុនតាឯក ស្ថិតក្នុងស្រុកបន្ទាយស្រី ខេត្តសៀមរាប ចំនួន ២៨៥៣ គ្រួសារ សម្តេច​អគ្គ​មហា​សេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បាន​ប្រកាស​ផ្ដល់​ប័ណ្ណ​ក្រីក្រ​ប្រភេទ១ ដល់ប្រជាពលរដ្ឋគ្រប់គ្រួសារទាំងអស់ ដែល​បាន​ផ្លាស់​លំ​នៅ​មក​រស់​នៅ​ភូមិ​ធម្មជាតិ​រុនតាឯក។  សម្ដេចតេជោ នាយករដ្ឋមន្ត្រី បានបញ្ជាក់ថា ចំពោះ​ប្រជាពលរដ្ឋ​ដែល​បាន​ទទួល​ប័ណ្ណ​ប្រភេទ​២​រួច​ហើយ ត្រូវប្ដូរទៅប្រភេទ១ និងបន្ថែមលុយ ហើយអ្នកមិនទាន់មានប័ណ្ណក្រីក្រ ត្រូវ​ធ្វើ​ប័ណ្ណ​ក្រីក្រ​ប្រភេទ​១ អោយបានឆាប់បំផុត៕

សម្តេចតេជោ ហ៊ុន សែន អញ្ជើញជួបសំណេះសំណាល​ជាមួយប្រជាពលរដ្ឋ​ដែលបានចាប់ឆ្នោតស្ម័គ្ររើលំនៅឋាន និងសំណង់ផ្សេងៗ​ចេញពីតំបន់​រមណីយដ្ឋានអង្គរមករស់នៅភូមិធម្មជាតិរុនតាឯក

2022/10/01 07:31:26 am        307
Facebook Telegram Linkin
សៀមរាប៖ នៅព្រឹកថ្ងៃសៅរ៍ ថ្ងៃទី១ ខែតុលា ឆ្នាំ២០២២ស្អែកនេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញជួបសំណេះសំណាលជាមួយប្រជាពលរដ្ឋដែលបានចាប់ឆ្នោតស្ម័គ្រចិត្តរើលំនៅឋាន និងសំណង់ផ្សេងៗចេញពីតំបន់រមណីយដ្ឋានអង្គរ និងតំបន់ដទៃទៀត ស្ថិតក្រោមការគ្រប់គ្រងរបស់អាជ្ញាធរជាតិអប្សរា ទៅរស់នៅក្នុងភូមិរុនតាឯក ស្ថិតក្នុងស្រុកបន្ទាយស្រី ខេត្តសៀមរាប ជាទីតាំងដែលរាជរដ្ឋាភិបាលផ្តល់ដីជូនពលរដ្ឋជាថ្នូរនឹងការរុះរើសំណង់ចេញពីតំបន់រមណីយដ្ឋានអង្គរ និងតំបន់ស្ថិតក្រោមការគ្រប់គ្រងរបស់អាជ្ញាធរជាតិអប្សរា៕

បណ្ដាញសង្គម

ព័ត៌មានថ្មីៗ

ស.អ.ក ខេត្តព្រះសីហនុ បើកកិច្ចប្រជុំវាយតម្លៃសមាជិក៥៣នាក់ ដែលដាក់ពាក្យស្នើសុំដី និងផ្ទះ
08/07/2025 09:08 AM
Facebook Telegram Linkin
សម្ពាធលើលោក Netanyahu កាន់តែខ្លាំង ខណៈប្រមុខយោធាអ៊ីស្រាអែលប្រឆាំងការពង្រីកសង្រ្គាមនៅតំបន់ហ្កាហ្សា
08/07/2025 09:08 AM
Facebook Telegram Linkin
គណៈប្រតិភូព្រឹទ្ធសភាចុះពិនិត្យស្ថានភាពការវិលត្រឡប់របស់ប្រជាពលរដ្ឋខ្មែរ នៅច្រកទ្វារព្រំដែនអន្តរជាតិព្រំ ខេត្តប៉ៃលិន
08/07/2025 09:08 AM
Facebook Telegram Linkin
អាមេរិក នៅតែមានគម្រោងដាក់ទណ្ឌកម្មបន្ទាប់បន្សំលើរុស្ស៊ី ក្រោយជំនួបរវាងលោក Putin និងលោក Steve Witkoff
08/07/2025 09:08 AM
Facebook Telegram Linkin
លោក Trump ដាក់ពន្ធបន្ថែម ២៥% ទៀតលើទំនិញឥណ្ឌា សរុបទាំងអស់ ៥០% ខណៈទំនាក់ទំនងធ្លាក់ទាបខ្លាំង
08/07/2025 09:08 AM
Facebook Telegram Linkin
អាមេរិកនឹងផ្តល់ភស្តុភា និងបច្ចេកទេសនានា បង្កើតក្រុមអ្នកសង្កេតការណ៍អាស៊ាន ដើម្បីអនុវត្តបទឈប់បាញ់
08/07/2025 09:08 AM
Facebook Telegram Linkin
ម៉ាឡេស៊ីគាំទ្រការបង្កើតយន្តការអាស៊ាន ដើម្បីជួយអនុវត្តបទឈប់បាញ់រវាងកម្ពុជា និងថៃ
08/07/2025 08:08 AM
Facebook Telegram Linkin
ទីភ្នាក់ងារអង្គការសហប្រជាជាតិនៅកម្ពុជា រួមនឹងដៃគូមនុស្សធម៌ជាតិ និងអន្តរជាតិ បាន​ចាប់​ផ្តើម​កៀងគរការ​ឆ្លើយតបមនុស្សធម៌ ដើម្បីជួយដោះស្រាយ​សេចក្តី​ត្រូវ​ការ​បន្ទាន់​របស់​សហគមន៍​ជន​ភៀស​សឹក​នៅកម្ពុជា
08/07/2025 08:08 AM
Facebook Telegram Linkin
ក្រុមហ៊ុនជប៉ុនគ្រោងពង្រីកខ្សែច្រវាក់ផលិតកម្មបន្ថែម ឱ្យស្របនិន្នាការបច្ចុប្បន្ននៅកម្ពុជា
08/07/2025 08:08 AM
Facebook Telegram Linkin
មន្ត្រីសេតវិមាននិយាយថា លោក Trump អាចជួបផ្ទាល់ជាមួយលោក Putinនៅសប្តាហ៍ក្រោយ
08/07/2025 08:08 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.