នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់
សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់
ឯកឧត្តម ចាន់ ដារ៉ុង ដឹកនាំគណៈកម្មការ​អន្តរ​ក្រសួង​ចុះ​ពិនិត្យ​វាយ​តម្លៃ​បញ្ចប់​សុពល​ភាព​ការងារ​ថែ​ទាំ​ផ្លូវ​ខួបចំនួន ៣កំណាត់ ក្នុងខេត្តពោធិ៍សាត់
BREAKING NEWS! សម្តេចធិបតី អបអរសាទរចំពោះការប្រព្រឹត្តទៅដោយជោគជ័យ​នូវ​កិច្ច​ប្រជុំ​​វិសាមញ្ញ នៃ​គណៈកម្មាធិកា​រ​ព្រំដែន​ទូទៅកម្ពុជា-ថៃ

នយោបាយ​ និង ការអភិវឌ្ឍន៍

សម្តេចពិជ័យសេនា ទៀ បាញ់ ៖ ក្រសួងការពារជាតិកម្ពុជា គាំទ្រយ៉ាងពេញទំហឹងចំពោះគោលការណ៍ចិនតែមួយ មិនថាកាលៈទេសៈណានោះឡើយ

2022/09/20 08:54:39 am        512
Facebook Telegram Linkin
កំពង់ឆ្នាំង៖ សម្តេចពិជ័យសេនាទៀ បាញ់ ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិកម្ពុជា បានថ្លែងអះអាងជាថ្មីម្តងទៀតថា ក្រសួងការពារជាតិកម្ពុជាគាំទ្រយ៉ាងពេញទំហឹងចំពោះគោលការណ៍ចិនតែមួយ មិនថាកាលៈទេសៈណានោះឡើយ។ថ្លែងក្នុងពិធីប្រគល់-ទទួលរថយន្ត និងសម្ភារយោធាមួយចំនួនធំ ដែលជាជំនួយឥតសំណងរបស់ក្រសួងការពារជាតិ នៃសាធាររដ្ឋប្រជាមានិតចិន ជូនក្រសួងការពារជាតិកម្ពុជា នៅមជ្ឈមណ្ឌលហ្វឹកហ្វឺន កងរាជអាវុធហត្ថភ្នំជុំរីករាយ ស្រុកសាមគ្គីមានជ័យ ខេត្តកំពង់ឆ្នាំង នាព្រឹកថ្ងៃទី២០ ខែកញ្ញា ឆ្នាំ២០២២នេះ សម្តេចពិជ័យសេនាទៀ បាញ់ ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិកម្ពុជា បានថ្លែងថា រាល់ជំនួយឥតសំណងរបស់ភាគីចិន បានផ្តល់ជូនដល់កងទ័ពកម្ពុជា គឺជាសក្ខីកម្មមួយឆ្លុះបញ្ចាំងអំពីទំនាក់ទំនងរវាងកងទ័ពកម្ពុជា និងចិនឲ្យកាន់តែខ្លាំងក្លាបន្ថែមទៀត។គួរបញ្ជាក់ថា សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងឯកឧត្តម វ៉ាង វិនធាន ឯកអគ្គរដ្ឋទូតចិនប្រចាំកម្ពុជា អញ្ជើញជាអធិបតីភាពក្នុងពិធីប្រគល់-ទទួលរថយន្ត និងសម្ភារយោធាមួយចំនួនធំ ដែលជាជំនួយឥតសំណងរបស់ក្រសួងការពារជាតិ នៃសាធាររដ្ឋប្រជាមានិតចិន ជូនក្រសួងការពារជាតិកម្ពុជា នៅមជ្ឈមណ្ឌលហ្វឹកហ្វឺន កងរាជអាវុធហត្ថភ្នំជុំរីករាយ ស្រុកសាមគ្គីមានជ័យ ខេត្តកំពង់ឆ្នាំង នាព្រឹកថ្ងៃទី២០ ខែកញ្ញា ឆ្នាំ២០២២នេះ។

ថវិកាមូលនិធិកីឡាកងយោធពលខេមរភូមិន្ទជាង ១៦០លានរៀល ត្រូវបានប្រគល់ជូនមូលនិធិទ្រទ្រង់សកម្មភាពសមាគមន៍អតីតយុទ្ធជនកម្ពុជា

2022/09/20 08:36:01 am        280
Facebook Telegram Linkin
ភ្នំពេញ៖ ថវិកាមូលនិធិកីឡាកងយោធពលខេមរភូមិន្ទបន្ថែមចំនួន ១៦២.៣១៨.៨០០៛ ដែលទទួលបានពីព្រឹត្តិការណ៍កីឡាកងយោធពលខេមរភូមិន្ទ អបអរសាទរទិវាបុណ្យជាតិ ៧មករា ត្រូវបានក្រុមជំនួយការ លោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង កងយោធពលខេមរភូមិន្ទ មេបញ្ជាការកងទ័ពជើងគោក ប្រគល់ជូនសម្រាប់ទ្រទ្រង់សកម្មភាពសមាគមអតីតយុទ្ធជនកម្ពុជា ។ឯកឧត្តមនាយ ឧត្តមសេនីយ៍ គីម ប៊ុនថាន អគ្គមេបញ្ជាការរងនៃកងយោធពលខេមរភូមិន្ទ បានសម្តែងនូវមោទនភាព និងការថ្លែងអំណរគុណយ៉ាងជ្រាលជ្រៅចំពោះការរួមចំណែកដ៏ថ្លៃថ្លា របស់ឯកឧត្តម មេបញ្ជាការកងទ័ពជើងគោក  ដែលជានិច្ចកាលតែងតែគិតគូរយកចិត្តទុកដាក់ចំពោះសុខទុក្ខ និងលើកស្ទួយកំរិតជីវភាពរបស់បង បងប្អូនអតីតយុទ្ធជនគ្រប់ពេលវេលា។ឯកឧត្តម នាយឧត្តមសេនីយ៍ គីម ប៊ុនថាន បានមានប្រសាសន៍ បន្ថែមថាថ្នាក់ដឹកនាំគ្រប់លំដាប់ថ្នាក់ ជាពិសេសប្រមុខរាជរដ្ឋាភិបាល សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី សម្ដេចកិតិ្តព្រឹទ្ធបណ្ឌិត ប៊ុន រ៉ានី ហ៊ុន សែន និងថ្នាក់ដឹកនាំសមាគមអតីតយុទ្ធជន យកចិត្តទុកដាក់គិតគូអំពីសុខទុក្ខ និងការរស់នៅរបស់អតីតយុទ្ធជនតាមរយៈការផ្ដល់ដីសម្បទានសេដ្ឋកិច្ច ការសាងសង់ផ្ទះថ្មីជូនអតីតយុទ្ធជន ការដោះស្រាយជីវភាពលំបាកខ្វះខាត ការបើកប្រាក់បេឡាមរណសង្គ្រោះ និងថវិកាធានារ៉ាប់រងសង្គម និងសកម្មភាពជាច្រើនទៀតសំដៅលើកកម្ពស់សុខមាលភាព ជីវភាពរស់នៅ និងកិត្តិយសរបស់អតីតយុទ្ធជន។សូមបញ្ជាក់ថា ថវិកាចំនួន១៦២.៣១៨.៨០០រៀលនេះ គឺជាថវិកាជំហានទី២ ដែលបានទទួលពីព្រឹត្តិការណ៍កីឡាកងយោធពលខេមរភូមិន្ទ អបអរសាទរទិវាបុណ្យជាតិ ៧មករា បានប្រគល់ជូនមូលនិធិទ្រទ្រង់សកម្មភាពសមាគមន៍អតីតយុទ្ធជនកម្ពុជា៕

រដ្ឋមន្ត្រីទេសចរណ៍ ស្នើស្ថាប័នពាក់ព័ន្ធសម្រួលដករបាំងមិនចាំបាច់ជូនទេសចរអន្តរជាតិ

2022/09/19 02:02:22 pm        526
Facebook Telegram Linkin
ភ្នំពេញ៖ ឯកឧត្តម ថោង ខុន រដ្ឋមន្ត្រីក្រសួងទេសចរណ៍ បានស្នើស្ថាប័នពាក់ព័ន្ធ និងមន្ត្រី​ច្រកព្រំដែនអន្តរជាតិ​ ជួយសម្រួលដករបាំងមិនចាំបាច់មួយចំនួនជូនទេសចរអន្តរជាតិ​ពេលមកច្រកទ្វារព្រំដែនអន្តរជាតិកម្ពុជា។ឯកឧត្តម ថោង ខុន ក្នុងនាមប្រធានគណៈកម្មការអន្តរក្រសួងដើម្បីសម្រួលការធ្វើ​ដំណើរ​និង​ដឹកជញ្ជូន​ទេសចរនិងអ្នកដំណើរនៅតំបន់ច្រកព្រំដែនអន្តរជាតិ មានប្រសាសន័ នៅថ្ងៃទី១៩ ខែកញ្ញានេះថា មកដល់ពេលនេះ ​កម្ពុជាបានលុបចោល នូវលក្ខខ័ណ្ឌការតម្រូវអ្នកដំណើរ​អន្តរជាតិ​ធ្វើចត្តាឡីស័ក ​ការតម្រូវឲ្យមានលទ្ធផលតេសត្តPCR ៧២ម៉ោង ​ និងការតម្រូវធ្វើតេស្តរហ័សជាដើម លើភ្ញៀវអន្តរជាតិនានាពេលមកច្រកទ្វារព្រំដែនអន្តរជាតិកម្ពុជា។ឯកឧត្តម រដ្ឋមន្ត្រីបន្តថា លើសពីនេះទៀត ​បច្ចុប្បន្នភ្ញៀវអន្តរជាតិទាំងអស់ចូលមកកម្ពុជា គឺអាចស្នើ​សុំធ្វើ​ទិដ្ឋាការនៅពេលមកដល់ VISA ON ARRIVAL បាន និងតម្រូវ​ឲ្យ​មាន​វិញ្ញាបនបត្របញ្ជាក់​ការ​ចាក់វ៉ាក់សាំងដូសមូល​ដ្ឋានពេញលេញ១បន្ថែមតែប៉ុណ្ណោះ ដោយឡែកអ្នកដំណើរមិនទាន់ចាក់វ៉ាក់​សាំងកូវីដ១៩​ គឺតម្រូវធ្វើតេស្តរហ័សនៅពេលចូលមកដល់ច្រកទ្វារព្រំដែនអន្តរជាតិកម្ពុជា។ឯកឧត្តម ថោង ខុន បន្តថា ពាក់ព័ន្ធបញ្ហាការធ្វើសាលាកបត្រចូល Arrival Card សេចក្តីប្រកាស​របស់​គយនិងរដ្ឋាករកម្ពុជា ​ សេចក្តីប្រកាសុខភាពរបស់មន្ត្រីចត្តាឡីស័ក មួយចំនួនទៀតគឺមិនមាន​តម្រូវ ដោយគ្រាន់តែមាន​លិខិតឆ្លងដែន ​មានសុពលភាព ​ និងបណ្ណចាក់វ៉ាក់សាំងតែប៉ុណ្ណោះ។ឯកឧត្តម បន្តថា មន្ត្រីច្រកទ្វារព្រំដែន រួមមាន៖ សមត្ថកិច្ចនគរបាលអន្តោប្រវេសន៍ មន្ត្រីគយ និងរដ្ឋាករ នគរបាលទេសចរណ៍ និងមន្ត្រីចត្តាឡីស័កជាដើម ​ត្រូវសហការធ្វើបដិសណ្ឋារកិច្ចល្អ លុបបំបាត់​ភាពអសកម្ម​ ជាពិសេស ​មន្ត្រីច្រកទ្វារអន្តរជាតិទំាងអស់ត្រូវរួមគ្នាអនុវត្តគោលការណ៍ ធ្វើឲ្យ​ភ្ញៀវជឿជាក់ ​តម្លៃសមរម្យ និងសម្រួលការធ្វើដំណើរ៕ អត្ថបទ ស៊ុម សុខជា

សម្តេច ស ខេង៖ ល្បែងខុសច្បាប់ក្លាយជាមែកធាងនៃការជួញដូរមនុស្សនៅកម្ពុជា

2022/09/19 12:36:26 pm        567
Facebook Telegram Linkin
ភ្នំពេញ៖ សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានថ្លែងថា បនល្បែងខុសច្បាប់គឺកំពុងក្លាយជាមហារីកនៅក្នុងសង្គមកម្ពុជា ខណៈដែល​ល្បែងស៊ីសងនេះហើយ ជាមែកធាងនៃការជួញដូរមនុស្សនៅកម្ពុជា។ថ្លែងប្រាប់អ្នកសារព័ត៌មានក្រោយពីបញ្ចប់នៃកិច្ចប្រជុំ ស្តីពីករណីបង្រ្កាបបទល្មើសជួញដូរមនុស្ស និងការបង្រ្កាបបទល្មើសល្បែងស៊ីសងខុសច្បាប់ ​នាក្រសួងមហាផ្ទៃ ​នាព្រឹកថ្ងៃទី១៩ ខែ កញ្ញា ឆ្នាំ២០២២នេះ ​សម្តេចក្រឡាហោម ស ខេង បានបញ្ជាក់ថា រាជរដ្ឋាភិបាលបានកំពុងយកចិត្ត​ទុកដាក់​បំផុត ក្នុងការប្រយុទ្ធប្រឆាំងការជួញដូរមនុស្ស ​និងបង្រ្កាប​បន​ល្បែង​ខុសច្បាប់​គ្រប់ប្រភេទ ដោយ​សារ​ការជួញដូរមនុស្ស ​និង​ល្បែងអនឡាញខុសច្បាប់​ទាំងនេះ​ហើយ ធ្វើឲ្យកម្ពុជាកំពុងមានឈ្មោះ​មិនសូវល្អ​លើ​ឆាក​អន្តរជាតិ ជាពិសេសក្រោយ​ដែល​អាមេរិក​បានដាក់កម្ពុជាក្នុងបញ្ជីខ្មៅ ​ជាប្រទេសទីបី ក្នុងការមិនយកចិត្តទុកដាក់ក្នុងការទប់ស្កាត់ និង​បង្រ្កាបបទល្មើសជូញដូរមនុស្សនេះ។យ៉ាងណាក៏ដោយសម្តេចក្រឡាហោម ស ខេង បានបញ្ជាក់ថា​ រាជរដ្ឋាភិបាល បានកំពុងខិតយ៉ាង​យក​ចិត្តទុកដាក់បំផុតក្នុងការពន្លត់ភ្លើងនៃមហារីកសង្គមនេះឲ្យអស់ ហើយប្រសិនបើមិន​ប្រញ៉ាប់​ពន្លត់​វាទេ ​វានឹងរីករាលដាលដល់បទល្មើសផ្សេងៗ​ទៀត​នៅក្នុងសង្គមកម្ពុជា រួមទាំង​ប៉ះពាល់​ដល់ការពង្រឹង​ ប្រព័ន្ធយុត្តិធម៌នៅកម្ពុជាផងដែរ។សម្តេចក្រឡាហោម ស ខេង ឧបនាយករដ្ឋមន្រ្តី ​ក៏បានបញ្ជាក់ផងដែរថា គោលដៅសង្ស័យ​ច្រើន​ជាងគេ ចំពោះជួញដូរមនុស្ស ​និងបនល្បែងខុសច្បាប់តាមអនឡាញនេះ​ គឺនៅខេត្តព្រះសីហនុ ហើយ​អាជ្ញាធរចម្រុះ​បានកំពុងធ្វើប្រតិបត្តិការយ៉ាង​សកម្មផងដែរ ដោយ​បាន​ចាប់​ជនល្មើសយក​ទៅ​ផ្តន្ទាទោសទៅតាមច្បាប់ជាធរមាន​ និងបានជួយសង្រ្គោះជនរងគ្រោះឲ្យរួចផុត​ពីការជួញដូរ និង​ធ្វើទារុណកម្មបានយ៉ាងច្រើនផងដែរ៕ អត្ថបទ៖ បាន ចក់

អូស្រ្តាលីផ្តល់ជំនួយដល់កម្ពុជាជិត ៦០លានដុល្លារអាមេរិក សម្រាប់ការអភិវឌ្ឍសេដ្ឋកិច្ចប្រកបដោយភាពធន់

2022/09/17 03:39:33 pm        505
Facebook Telegram Linkin
ភ្នំពេញ៖ រដ្ឋាភិបាលអូស្ត្រាលីបានសម្រេចផ្តល់ជំនួយ ដល់កម្ពុជាចំនួន៨៧លានដុល្លារអូស្រ្តាលី ស្មើនឹងជាង (៥៨លានដុល្លារអាមេរិក) សម្រាប់ការអភិវឌ្ឍសេដ្ឋកិច្ចប្រកបដោយភាពធន់ ខណៈជំនួយឥតសំណងនេះ នឹងផ្តល់អត្ថប្រយោជន៍ជាច្រើនដល់ប្រជាជនកម្ពុជា នៅតាមជនបទបានជាង ២លាននាក់។នេះបើតាមសេចក្តីប្រកាសព័ត៌មាន​របស់​ស្ថានទូតអូស្រ្តាលីប្រចាំនៅកម្ពុជា។សេចក្តីប្រកាសព័ត៌មានដែលទូរទស្សន៍BTV ទទួលបាននារសៀលថ្ងៃទី១៧ ខែកញ្ញា ឆ្នាំ២០២២នេះ បានឲ្យដឹងថា នៅថ្ងៃនេះ ឯកឧត្តមព្រឹទ្ធសមាជិក ធីម អារ៉េស(Tim Ayres) ឧបការីរដ្ឋមន្រ្តីក្រសួង​ពាណិជ្ជកម្ម និងជាឧបការីរដ្ឋមន្រ្តីក្រសួងផលិតកម្ម រប់សអូស្រ្តាលី ជាមួយនឹងឯកឧត្តម វង្ស៊ី វិស្សុត រដ្ឋមន្រ្តី ប្រតិភូអមនាយករដ្ឋមន្រ្តី និងជារដ្ឋលេខាធិការប្រចាំការរបស់ក្រសួងសេដ្ឋកិច្ច និងហិរញ្ញវត្ថុកម្ពុជា បានបើកដំណើរការកម្មវិធីថ្មីមួយ ដែលមានឈ្មោះថា «ភាពជាដៃគូកម្ពុជា-អូស្ត្រាលីសម្រាប់ការអភិវឌ្ឍសេដ្ឋកិច្ចប្រកបដោយភាពធន់(CAP-RED)» ដែលមានថវិកាប្រមាណ ៨៧លានដុល្លារអូស្រ្តាលី។CAP-REDជាកម្មវិធីថ្មី មានរយៈពេលប្រាំឆ្នាំ ដែលត្រូវបានបង្កើតឡើងផ្អែកលើជំនួយជាងមួយ ទសវត្សន៍​របស់អូស្ត្រាលី ដល់វិស័យកសិកម្ម និងហេដ្ឋារចនាសម្ព័ន្ធឌនៅកម្ពុជា តាមរយៈកម្មវិធី​ខ្សែសង្វាក់ តម្លៃកសិកម្មកម្ពុជា-អូស្ត្រាលី (CAVAC) និងកម្មវិធីវិនិយោគលើវិស័យហេដ្ឋារចនាសម្ព័ន្ធ ដែលទើបតែបញ្ចប់នាពេលថ្មីៗនេះ។ កម្មវិធីទាំងពីរនេះ បានផ្តល់អត្ថប្រយោជន៍​ដល់ប្រជាជនកម្ពុជា នៅតាមជនបទ ជាងពីរលាននាក់។កម្មវិធីCAP-REDត្រូវបានបង្កើតឡើង បន្ទាប់ពីមានការពិគ្រោះយោបល់ដ៏ទូលំទូលាយជាមួយទាំង​វិស័យសាធារណៈ និងឯកជន អំពីមធ្យោបាយដ៏ល្អប្រសើរបំផុត ដើម្បីជួយសេដ្ឋកិច្ចកម្ពុជា​ស្តារឡើងវិញ បន្ទាប់ពីជំងឺកូវីដ១៩។កម្មវិធីនេះដែរ នឹងជួយដល់រាជរដ្ឋាភិបាលកម្ពុជា និងសមភាគីពាក់ព័ន្ធផ្សេងៗទៀត បង្កើតគោល​នយោបាយនានា ដែលជំរុញកំណើនសេដ្ឋកិច្ចប្រកបដោយ បរិយាបន្ន ភាពធន់ និង​និរន្តរភាពជាដើម។តាមរយៈសេចក្តីប្រកាសព័ត៌មានខាងលើនេះ ឯកឧត្តមព្រឹទ្ធសមាជិក ធីម អារ៉េស បានថ្លែងថា ឆ្នាំនេះគឺជាខួប៧០ឆ្នាំ​នៃទំនាក់ទំនងការទូតកម្ពុជា និងអូស្ត្រាលី ហើយកម្មវិធីជាភស្តុតាង​រឹតតែច្បាស់បន្ថែមទៀត នៃទំនាក់ទំនងភាពជាដៃគូដ៏យូរអង្វែងរបស់កម្ពុជា និងអូស្ត្រាលី។ ឯកឧត្តមព្រឹទ្ធសមាជិក បានសង្កត់ធ្ងន់ថា«យើងរង់ចាំចែករំលែកចំណេះដឹង និងជំនាញជាមួយ​សមភាគី​កម្ពុជារបស់យើង ដើម្បីបង្កើត បរិយាកាសអំណោយផលសម្រាប់ ការវិនិយោគ ផលិតភាព និងពាណិជ្ជកម្ម»។ជាមួយគ្នានេះតាមរយៈសេចក្តីប្រកាសព័ត៌មាន ក៏បានរំពឹងថា គ្រួសារកម្ពុជាមួយចំនួន ជាពិសេស គ្រួសារមកពីជនបទ ក្នុងប្រទេសកម្ពុជា ជាពិសេសស្រ្តី កុមារី កុមារ៉ា មនុស្សចាស់ ​ជនមានពិការភាព និងក្រុមការងាររងគ្រោះនឹងមានជីវភាពប្រសើឡើង បន្ទាប់ពីអនុវត្តនូវកម្មវិធីនេះ។សូមបញ្ជាក់ថា កម្មវិធីCAP-REDនេះ ផ្តោតសំខាន់ខ្លាំងលើ ការចែករំលែកការស្រាវជ្រាវ និង​ចំណេះដឹង ព្រមទាំងផ្តោតលើសមភាពយេនឌ័រ ពិការភាព និងបរិយាបន្នសង្គមផងដែរ៕អត្ថបទ៖ បាន ចក់

ប្រធានមូលនិធិ GX នៃសាធារណរដ្ឋប្រជាមានិតចិន មកបំពេញទស្សនកិច្ច និងចុះអនុស្សារណៈនៃការយោគយល់គ្នា ស្តីពីគម្រោងលុបបំបាត់ភាពពិការភ្នែកនៅកម្ពុជា

2022/09/17 03:16:52 pm        489
Facebook Telegram Linkin
ភ្នំពេញ៖ លោកជំទាវវេជ្ជបណ្ឌិត យក់ សម្បតិ្ត រដ្ឋលេខាធិការ តំណាងឯកឧត្តមសាស្រ្តាចារ្យ ម៉ម ប៊ុនហេង រដ្ឋមន្រី្តក្រសួងសុខាភិបាល នៃព្រះរាជាណាចក្រកម្ពុជា នារសៀលថ្ងៃទី១៧ ខែកញ្ញា ឆ្នាំ២០២២នេះ បានអញ្ជើញទទួលស្វាគមន៍ឯកឧត្តម លឿង ជុនយីង (Leung Chun-Ying) អនុប្រធានគណៈកម្មាធិការជាតិ នៃក្រុមប្រឹក្សានយោបាយប្រជាជនចិន និងជាប្រធានមូលនិធិ GX នៃសាធារណរដ្ឋប្រជាមានិតចិន រួមនឹងគណៈប្រតិភូនៅអាកាសយានដ្ឋានអន្តរជាតិភ្នំពេញ។លោកជំទាវវេជ្ជបណ្ឌិត យក់ សម្បតិ្ត រដ្ឋលេខាធិការក្រសួងសុខាភិបាល បានថ្លែងប្រាប់BTV ព័ត៌មានថា ដំណើរបំពេញទស្សនកិច្ចជាផ្លូវការរបស់ប្រធានមូលនិធិGX នៅកម្ពុជា គឺ ដើម្បីចុះហត្ថលេខាលើអនុស្សារណៈនៃការយោគយល់គ្នា ស្តីពីគម្រោងលុបបំបាត់ភាពពិការភ្នែក ដោយជំងឺភ្នែកឡើងបាយ នៅខេត្តព្រៃវែងឡើងវិញ។ គ្រោងធ្វើនៅថ្ងៃទី១៩ ខែកញ្ញា ឆ្នាំ២០២២ វេលាម៉ោង១០ និង៣០នាទីព្រឹក គម្រោងនេះផ្តោត​សំខាន់​លើ០៣ចំនុច គឺទី១.មូលនិធិGX ផ្តល់នូវរថយន្តចល័តបំពាក់ដោយ​សម្ភារៈបរិក្ខារវេជ្ជសាស្រ្តវះកាត់​ភ្នែកគ្រប់មុខ សម្រាប់ធ្វើការវះកាត់ភ្នែកឡើងបាយ(ជំងឺភ្នែកផ្សេងៗ) ចំនួន០២គ្រឿង ប្រគល់​ជូន​ខេត្តព្រៃវែង, ទី២.អញ្ជើញគ្រូពេទ្យភ្នែក និងមន្រី្ត ដើម្បីទៅសិក្សាបំពេញបន្ថែមនៅ​ទីក្រុងណាននីង ខេត្តក្វាងស៊ី នៃសាធារណរដ្ឋប្រជាមានិតចិន ដើម្បីមានជំនាញច្បាស់លាស់ក្នុងការ​ប្រើប្រាស់​សម្ភារៈបរិក្ខារវេជ្ជសាស្រ្ត នៅក្នុងរថយន្តចល័តនេះ និងទី៣.ជួយផ្តល់សេវាព្យាបាល វះកាត់ជំងឺភ្នែកដល់ប្រជាពលរដ្ឋនៅខេត្តព្រៃវែង ដោយមិនគិតថ្លៃ។ នេះជាគម្រោងទី២ហើយ ដែលគម្រោងទី១ បានអនុវត្តន៍នៅក្នុងខេត្តកំពង់ចាម កាលពីឆ្នាំ២០១៨-២០១៩ ដោយអនុវត្តន៍​គម្រោងបានរយៈពេលជាង១ឆ្នាំ បានធ្វើការវះកាត់ ព្យាបាលភ្នែកជូនប្រជាពលរដ្ឋ នៅក្នុង​ខេត្តកំពង់ចាម ដោយជោគជ័យបានចំនួនជាង ៦០០០នាក់ ហើយពួកគាត់អាចបន្តជីវិតរស់នៅ​ដោយភាពសប្បាយរីករាយ។លើសពីនេះគម្រោងនេះបានចូលរួមចំណែកបង្កើនសមត្ថភាពមន្រី្តសុខាភិបាលផ្នែកចក្ខុរោគ និងបង្កើនការយល់ដឹងពីសារៈសំខាន់ នៃការថែទាំសុខភាពភ្នែក និងការវះកាត់ភ្នែកឡើងបាយ។លោកជំទាវ វេជ្ជបណ្ឌិត យក់ សម្បតិ្ត បានបញ្ជាក់ទៀតថា ក្នុងអន្តរកាលកូវីដ-១៩ ក្រសួងសុខាភិបាល បានទទួលអំណោយឧបករណ៍ បរិក្ខារវេជ្ជសាស្រ្ត សម្រាប់ប្រយុទ្ធប្រឆាំង​នឹងជំងឺកូវីដ-១៩ ជាជំនួយរបស់មូលនិធិGX នៃរដ្ឋាភិបាលសាធារណរដ្ឋប្រជាមានិតចិន ជូនរាជរដ្ឋាភិបាល នៃព្រះរាជាណាចក្រកម្ពុជាផងដែរ៕ អត្ថបទ រដ្ឋា

សម្តេចតេជោ ហ៊ុន សែន ព្រមានដកដំណែងអភិបាលរាជធានី-ខេត្តណា ដែលនៅបណ្តែតបណ្តោយឲ្យមានល្បែងស៊ីសងខុសច្បាប់នៅមូលដ្ឋានខ្លួន

2022/09/17 10:53:34 am        805
Facebook Telegram Linkin
ភ្នំពេញ៖ សម្តេចតេជោ ហ៊ុន សែន បានបញ្ជាយ៉ាងម៉ឺងម៉ាត់បំផុត ដោយឲ្យអាជ្ញាធរគ្រប់រាជធានី-ខេត្ត គ្រប់ទីកន្លែងទាំងអស់ ត្រូវតែបង្រ្កាបល្បែងខុសច្បាប់ឲ្យបានជាដាច់ខាត ហើយប្រសិនអភិបាលរាជធានី-ខេត្តណានៅបណ្តោយឲ្យមាននូវល្បែងទាំងនោះទៀត សម្តេចនឹងមិនរុញរាក្នុងការដកដំណែងរបស់អស់លោកនោះឡើយ។យោងតមសារសំឡេងសម្តេចតេជោ ហ៊ុន សែន នៅព្រឹកថ្ងៃទី១៧ ខែកញ្ញានេះ សម្តេចតេជិ ហ៊ុន សែន បានបញ្ជាក់ថា កម្ពុជាកំពុងប្រឹងទប់នឹងវិបត្តិនានារួមមានកូវីដ-១៩ និងអតិផរណាផងដែរ ស្រាប់តែយើងមានការរំខានដោយបញ្ហាល្បែងស៊ីសងខុសច្បាប់ ដែលអាជ្ញាធរត្រូវតែបង្ក្រាបឱ្យបានលឿនជាចាំបាច់។សម្តេចតេជោ ហ៊ុន សែន បានបញ្ជាក់ថា កន្លែងល្បែងស៊ីសងនោះ គឺនៅនឹងភូមិឋានប្រជាពលរដ្ឋ មិនបានដាក់នៅលើមេឃនោះទេ ហើយវាក៏មិនមានចាំចាប់ទាល់តែសោះក្នុងការអន្តរាគមន៍ពីថ្នាក់ជាតិទើបនាំគ្នាបង្ក្រាមនោះដែរ។សម្តេចតេជោបន្តថា៖ «មន្ត្រីមួយចំនួន មិនមែនមិនដឹងថា មូលដ្ឋានខ្លួនឯងមានល្បែងខុសច្បាប់នោះទេ ប៉ុន្តែសំខាន់ តេីចង់បង្រ្កាប ឬអត់? កុំព្រោះតែប្រយោជន៍ខ្លួនឯង...[]....! ត្រីចង្វាចិញ្ចឹមត្រីរ៉ស់»៕

មន្ត្រីជំនាញ៖ ព្រលានយន្តហោះតារាសាគរ បង្កើតឡើងសម្រាប់បម្រើដល់ផ្នែកស៊ីវិល និងទេសចរណ៍

2022/09/17 10:34:49 am        575
Facebook Telegram Linkin
ភ្នំពេញ៖ មន្ត្រីជំនាញ នៃរដ្ឋលេខាធិការដ្ឋានអាកាសចរស៊ីវិលបញ្ជាក់ជាថ្មីថា អាកាសយានដ្ឋានតារាសាគរ ស្ថិតក្នុងខេត្តកោះកុង បង្កើតឡើងក្នុងគោលបំណងបម្រើដល់ផ្នែកស៊ីវិល និងវិស័យទេសចរណ៍ មិនមានទាក់ទងនឹងកងទ័ពចិន ដូចអ្វីដែលមជ្ឈដ្ឋានអន្តរជាតិមួយចំនួនចោទប្រកាន់ទេ ។ក្នុងសន្និសីទសារព័ត៌មានស្តីពី សមិទ្ធផលសម្រេចបានរយៈពេល៥ឆ្នាំរបស់រដ្ឋលេខាធិការដ្ឋានអាកាសចរស៊ីវិល កាលពីថ្ងៃទី១៥ ខែកញ្ញា ឆ្នាំ២០២២ ឯកឧត្តម ស៊ិន ចាន់សិរីវុត្ថា អនុរដ្ឋលេខាធិការ មានប្រសាសន៍ថា តំបន់អភិវឌ្ឍតារាសារគរ ជាគម្រោងមួយ ដែលមានភ្ជាប់គម្រោងជាច្រើនទៀតជាកញ្ចប់ ដោយមានកសាងនូវហេដ្ឋារចនាសម្ព័ន្ធនៅទីនោះ និងសាងសង់អាកាសយានដ្ឋានតារាសាគមួយផងដែរ ។ ឯកឧត្តមបានបន្តថា អាកាសយានដ្ឋាននេះបានសាងសង់រួចរាល់ហើយ នៅតែការបំពេញកាតព្វកិច្ចទទួលបាននូវវិញ្ញាបណ្ណប័ត្រ ដើម្បីប្រតិបត្តិការ ដោយសារបញ្ហាវិបត្តិជំងឺកូវីដ-១៩ ក៏បានប៉ះពាល់ដល់ដំណើរ និងជះឥទ្ធិផលដល់ខ្សែសង្វាក់ផលិតកម្មដឹកជញ្ជូនសម្ភារៈ ការផ្គត់ផ្គង់សម្ភារៈ ការធ្វើដំណើររបស់វិស្វករជំនាញ ទើបធ្វើឲ្យមានការយឺតយ៉ាវក្នុងការអនុវត្តគម្រោងនេះ។ ឯកឧត្តមអនុរដ្ឋលេខាធិការបន្ថែមថា ការអភិវឌ្ឍតំបន់តារាសាគរ និងបង្កើតអាកាសយានដ្ឋាននេះ កម្ពុជារងនូវការចោទប្រកានពីសំណាក់ប្រទេសសេរីមួយចំនួនថា ពាក់ព័ន្ធនឹងមូលដ្ឋានកងទ័ពចិន ប៉ុន្តែជាក់ស្ដែង ការអភិវឌ្ឍក្នុងគោលបំណងបម្រើផ្នែកស៊ីវិល និងវិស័យទេសចរណ៍ប៉ុណ្ណោះ ។ ឯកឧត្តម ស៊ិន ចាន់សិរីវុត្ថា បានបញ្ជាក់ថា បើមិនមានអ្វីប្រែប្រួលទេ អាកាសយានដ្ឋានតារាសាគរ គ្រោងនឹងដំណើរការនៅពាក់កណ្ដាលឆ្នាំ២០២៣ ខណៈដែលចំណុចនៅសេសសល់ មានដូចជាការរៀបចំធនធានមនុស្ស ការបណ្ដុះបណ្ដាល និងការបោសសំអាតជាដើម ៕(អត្ថបទ៖ បាន សុខរិទ្ធិ)

ព្រឹទ្ធសមាជិកTim Ayres របស់អូស្ត្រលី ធ្វើទស្សនកិច្ចសកម្មភាពរាវរកគ្រាប់មីនរបស់សត្វកណ្តុរ នៃអង្គការ Apopo ប្រចាំកម្ពុជា

2022/09/16 01:17:22 pm        516
Facebook Telegram Linkin
សៀមរាប៖ ថ្ងៃទី១៦ ខែកញ្ញា ឆ្នាំ២០២២ ឯកឧត្តមទេសរដ្ឋមន្ដ្រី លី ធុជ អនុប្រធានទី១ អាជ្ញាធរមីន បានអញ្ជើញលោកព្រឹទ្ធសមាជិក Tim Ayres ឧបការីរដ្ឋមន្រ្តីក្រសួងពាណិជ្ជកម្មពាណិជ្ជកម្ម និងជាឧបការីរដ្ឋមន្រ្តីក្រសួងផលិតកម្មរបស់អូស្ត្រលី ទស្សនកិច្ចសកម្មភាព​រាវរកគ្រាប់មីន​របស់​សត្វកណ្តុរ នៃអង្គការ Apopo ប្រចាំកម្ពុជានៅទីស្នាក់ខេត្តសៀមរាប។ឯកឧត្តម ទេសរដ្ឋមន្រ្តី លី ធុជ បានថ្លែងអំណរគុណយ៉ាង​ជ្រាលជ្រៅ​ដល់រដ្ឋាភិបាល ​និងប្រជាជន​អូស្ត្រាលី​ ដែលបានចូលរួមដល់វិស័យសកម្មភាពមីនមនុស្សធម៌​នៅកម្ពុជាចាប់តាំងពីឆ្នាំ១៩៩៤ ក្នុងគោលដៅចូលរួមកាត់បន្ថយការគ្រោះថ្នាក់អាយុជីវិត ​និងកាត់បន្ថយភាពក្រីក្រនៅកម្ពុជា។ ជាមួយគ្នានេះ ឯកឧត្តមទេសរដ្ឋមន្រ្តី ​បានស្នើសុំឲ្យប្រទេសអូស្ត្រាលី បន្តជួយគាំទ្រដល់​ការងារ​បោសសម្អាត​មីនរហូតដល់កម្ទេចគ្រាប់មីនចុងក្រោយនៅកម្ពុជា ទោះបីកម្ពុជាមិនបាន​សម្រេច​គោលដៅ​ឆ្នាំ២០២៥ ក៏ដោយ។ក្នុងឱកាសនោះឯកឧត្តមទេសរដ្ឋមន្រ្តី ​ក៏បានថ្លែងអំណរគុណដល់អង្គការ​ Apopo ប្រចាំនៅកម្ពុជា ដែលបានធ្វើការហ្វឹកហ្វឺនជំនាញរាវមីនដល់សត្វកណ្តុរ ​និងសត្វឆ្កែ ​ចាប់តាំងពីឆ្នាំ២០១៤ ក្នុងការ​ចូលរួមដល់ការងារបោសសម្អាតមីននៅកម្ពុជា ​ដែលគិតត្រឹមឆ្នាំ២០២១​ អង្គការ Apopo បាន​ធ្វើការរំដោះផ្ទៃដីមានមីនប្រមាណជិត ១០គីឡូម៉ែត្រក្រឡា។លោកព្រឹទ្ធសមាជិក Tim Ayres បានកោតសរសើរ និងវាយតម្លៃខ្ពស់ចំពោះការងារបោសសម្អាតមីន​នៅកម្ពុជា ​ហើយលោកព្រឹទ្ធសមាជិក ​មានសេចក្តីសប្បាយរីករាយចំពោះការរីកចំរើនរបស់កម្ពុជា ព្រមទាំងសង្ឃឹមថា ​កម្ពុជា នឹងរួចផុតពីការ​គម្រាមកំហែង​ដោយ​សារគ្រាប់មីន និងអាចសម្រេចតាម​គោលដៅរ​បស់ខ្លួន។សូមបញ្ជាក់ថា ​ប្រទេសអូស្ត្រាលី ​គឺជាដៃគូអភិវឌ្ឍន៍​ដ៏​លេចធ្លោ​មួយក្នុងការចូលរួមវិស័យ​សកម្មភាព​មនុស្សធម៌នៅកម្ពុជា ​ដែលបានបរិច្ចាគថវិកាប្រមាណជាង ១០០លានដុល្លារអូស្ត្រាលី​ ចាប់តាំងពីឆ្នាំ ១៩៩៤​ និងក្រោយមកបានចូលរួមគាំទ្រ​ដល់គម្រោងបោសសម្អាតមីនចាប់តាំងពីឆ្នាំ២០០៦ ដោយ​ផ្តល់​ដីមានសុវត្ថិភាព និងបានជួយសង្រ្គោះដល់អាយុជីវិតបានរាប់លាននាក់​ឲ្យរួចផុត​ពី​គ្រោះថ្នាក់​ដោយមីន និងសំណល់ជាតិផ្ទុះពីសង្រ្គាម៕ 

កងទ័ពកម្ពុជា ឡាវ និងវៀតណាម បានបញ្ចប់លំហាត់ហ្វឹកហ្វឺន សង្រ្គោះគ្រោះមហន្តរាយដោយជោគជ័យ

2022/09/16 01:06:44 pm        652
Facebook Telegram Linkin
ភ្នំពេញ៖ លំហាត់ហ្វឹកហ្វឺនសង្រ្គោះគ្រោះមហន្តរាយរវាងកងទ័ពកម្ពុជា-ឡាវ និងវៀតណាម រយៈពេល៥ថ្ងៃគឺចាប់ពីថ្ងៃទី១០ ដល់ថ្ងៃទី១៥ ខែកញ្ញា ឆ្នាំ២០២២នេះ បានប្រព្រឹត្តិទៅ នៅទឹកដីឡាវ បានបញ្ចប់ដោយជោគជ័យ ។លំហាត់ហ្វឹកហ្វឺនសង្គ្រោះគ្រោះមហន្តរាយរួមគ្នា នៃកងទ័ពទាំង៣ប្រទេសបានដំណើរការ​បាន​យ៉ាងល្អ និងទទួលបានលទ្ធផលជាផ្លែផ្កាតាមគោលដៅ និងផែនការហ្វឹកហ្វឺនដែលបានគ្រោងទុក និងធានាបាននូវសុវត្ថិភាព១០០% ។ថ្លែងនៅក្នុងពិធីបិទលំហាត់ហ្វឹកហ្វឺននេះ ឧត្តមសេនីយទោ ចាន់ថន សនតាក់អាត អនុរដ្ឋមន្ត្រី​ក្រសួងការពារប្រទេសឡាវ ​បានថ្លែងថា ទោះបីជាការហ្វឹកហ្វឺន​សង្រ្គោះគ្រោះ​មហន្តរាយរួមគ្នា​នេះជាលើកដំបូង ប៉ុន្តែបានផ្តល់នូវមេរៀន,ការចែករំលែក និងពិសោធន៍គ្នា​ទៅវិញទៅមក​យ៉ាងច្រើនក្នុងកិច្ចការសង្រ្គោះបន្ទាន់ដល់បងប្អូនប្រជាពលរដ្ឋនៃប្រទេសនីមួយៗ។ លោក បន្តថា ក្រៅធ្វើលំហាត់ហ្វឹកហ្វឺនរួមគ្នាក្នុងរៀបវារៈសង្រ្គោះគ្រោះមហន្តរាយប៉ុណ្ណោះទេ ភាគីទាំងបីប្រទេស ក៏បានផ្លាស់ប្ដូរផ្នែកវប្បធម៌, កីឡា និងប្រពៃណី​ទំនៀមទំលាប់​រួមគ្នា​ទាំង​ការពង្រីក សាមគ្គីភាព ទំនាក់ទំនងមិត្តភាព ​និងភាពយល់ចិត្តគ្នាទៅវិញទៅមក និង​ស្និតរមួត​ឡើងបន្ថែមទៀតផងដែរ។លំហាត់ហ្វឹកហ្វឺនរវាងកងទ័ពកម្ពុជា ឡាវ និងវៀតណាមនេះ ក្រសួងការពារជាតិកម្ពុជា​បាន​បញ្ជូនកងទ័ពរបស់ខ្លួនជិតមួយពាន់នាក់។ នៅក្នុងពិធីលំហាត់ហ្វឹកហ្វឺននេះ ភាគីទាំងបីប្រទេស​បាន​ប្រើប្រាស់​នូវ​ឧទ្ធម្ភាគចក្រ​ ចំនួន ៥ គ្រឿង,ទូកល្បាតចំនួន ៥គ្រឿង,ទូកស្មាច់ចំនួន១៨​ គ្រឿង និង ទូកពង៨គ្រឿង ។ ក្រៅពីនេះ បានប្រើទូកបុកច្រាំង ប្រភេទ PTS គឺជាទូកដែលអាចផ្ទុកកម្លាំង និង ជញ្ជូន​កម្លាំង​បានទាំងផ្លូវទឹក និងផ្លូវគោក ។ ទូកនេះ​មានសមត្ថភាព អាចប្រើប្រាស់​សម្រាប់​ជួយសង្គ្រោះអ្នកដែលជួបគ្រោះថ្នាក់ ​និងអាចដឹក​ជញ្ជូន​ប្រជាជន, សត្វចិញ្ចឹម, យានជំនិះ និង របស់​ផ្សេងៗទៀត ដោយ​អាចបើកបរ​កាត់ខ្សែទឹកហូរខ្លាំង និងឧបសគ្គផ្សេងៗ​បានយ៉ាងងាយ​ស្រួលផងដែរ។សូមបញ្ជាក់ថា​ នៅក្នុងពិធីបិទលំហាត់ហ្វឹកហ្វឺននោះ​គឺបានប្រព្រឹត្តិទៅក្រោមអធិបតីភាពឯកត្តម ថងលុន ស៊ីសុលីត ​អគ្គលេខាធិការក្រុមប្រឹក្សាភិបាល​មជ្ឈិម​បក្ស​ប្រជាជន​បដិវត្តឡាវ និង​ជាប្រមុខរដ្ឋឡាវ និង​ សម្តេចពិជ័យសេនាទៀ បាញ់ ​ឧបនាយករដ្ឋមន្រ្តីរដ្ឋ មន្រ្តីក្រសួងការពារជាតិ​កម្ពុជា និង រដ្ឋមន្ត្រីក្រសួងការពារជាតិ ឡាវ ​និងវៀតណាមផងដែរ៕ អត្ថបទ៖ បាន ចក់ 

បណ្ដាញសង្គម

ព័ត៌មានថ្មីៗ

អ្នកនាំពាក្យអង្គការសហប្រជាជាតិ៖ តំបន់ចំនួន ១៧ នៃប្រទេសស៊ូដង់ កំពុងប្រឈមនឹងគ្រោះទុរ្ភិក្ស
08/14/2025 02:08 PM
Facebook Telegram Linkin
យេម៉ែនបង្ក្រាបការរត់ពន្ធជនអន្តោប្រវេសន៍ បន្ទាប់ពីគ្រោះមហន្តរាយលិចទូក សម្លាប់ជនជាតិអេត្យូពីជាង ៩០នាក់
08/14/2025 02:08 PM
Facebook Telegram Linkin
រដ្ឋមន្ត្រីអ៊ីស្រាអែល ប្រកាសសាងសង់ផ្ទះថ្មីចំនួន ៣.៤០១ខ្នង សម្រាប់អ្នកតាំងលំនៅ នៅ West Bank
08/14/2025 02:08 PM
Facebook Telegram Linkin
ឯកឧត្តម ស៊ុន ចាន់ថុល អញ្ជើញ​បើកកម្មវិធីផ្សព្វផ្សាយនិងបណ្តុះបណ្តាលអំពី នីតិវិធី​នៃ​ការ​ចុះ​បញ្ជី​គម្រោង​វិនិយោគតាមប្រព័ន្ធគ្រប់គ្រងគម្រោងវិនិយោគកម្ពុជា cdcIPM និងការប្រើប្រាស់​ហត្ថលេខា និងត្រាអេឡិចត្រូនិក (e-Signature & e-Stamp)
08/14/2025 02:08 PM
Facebook Telegram Linkin
សម្តេចរដ្ឋសភាធិបតី ឃួន សុដារី អញ្ជើញនាំទៀនព្រះវស្សានិងទេយ្យទាន ប្រគេនព្រះសង្ឃ គង់ចាំព្រះវស្សាក្នុងវត្តវិមានតេជះ ហៅវត្តស្រះចក និងបានឧទ្ទិសកុសលជូនវីរកងទ័ព​ដែលបាន​ពលីការពារបូរណភាពទឹកដី
08/14/2025 01:08 PM
Facebook Telegram Linkin
ពលករខ្មែរអះអាងថា មិនត្រឡប់ទៅថៃវិញទេ បើទោះបីជាស្ថានភាពវិលត្រឡប់ដូចដើមក្តី
08/14/2025 01:08 PM
Facebook Telegram Linkin
អ្នកនាំពាក្យក្រសួងអប់រំ៖ បេក្ខជនប្រឡងបាក់ឌុបមកពីខេត្តឧត្តរមានជ័យ និងព្រះវិហារ​អាចទៅ​ចុះ​ឈ្មោះប្រ​ឡងរាជធានី-ខេត្ត ដទៃបើមិនចង់ប្រឡងនៅខេត្តខ្លួន
08/14/2025 01:08 PM
Facebook Telegram Linkin
ចំហេះព្រៃរីករាលដាល និងរលកកម្ដៅយ៉ាងខ្លាំងក្លា បន្តដុតកម្លោចពាសពេញទ្វីបអឺរ៉ុបខាងត្បូង
08/14/2025 12:08 PM
Facebook Telegram Linkin
យោធាអ៊ីស្រាអែល ថាខ្លួនបានអនុម័តផែនការសម្រាប់ពង្រីកការវាយលុកនៅក្នុងតំបន់ហ្កាហ្សា
08/14/2025 12:08 PM
Facebook Telegram Linkin
កងកម្លាំងរុស្ស៊ី អះអាងថា ខ្លួនវាយដណ្ដើមបានភូមិពីរទៀត នៅភាគខាងកើតអ៊ុយក្រែន
08/14/2025 12:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.