នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់
សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់
ឯកឧត្តម ចាន់ ដារ៉ុង ដឹកនាំគណៈកម្មការ​អន្តរ​ក្រសួង​ចុះ​ពិនិត្យ​វាយ​តម្លៃ​បញ្ចប់​សុពល​ភាព​ការងារ​ថែ​ទាំ​ផ្លូវ​ខួបចំនួន ៣កំណាត់ ក្នុងខេត្តពោធិ៍សាត់
BREAKING NEWS! សម្តេចធិបតី អបអរសាទរចំពោះការប្រព្រឹត្តទៅដោយជោគជ័យ​នូវ​កិច្ច​ប្រជុំ​​វិសាមញ្ញ នៃ​គណៈកម្មាធិកា​រ​ព្រំដែន​ទូទៅកម្ពុជា-ថៃ

នយោបាយ​ និង ការអភិវឌ្ឍន៍

សម្តេចតេជោ ហ៊ុន សែន សួរទៅកាន់អ្នកវិភាគអគតិមួយចំនួន ថាតើយល់យ៉ាងណាទៀត ក្រោយឯកឧត្តម ហ៊ុន ណែត ទើបតែបញ្ចប់ទស្សនកិច្ចនៅប្រទេសឡាវ

2022/08/31 05:29:36 am        520
Facebook Telegram Linkin
ភ្នំពេញ៖ ការចោទជាសំនួររបស់សម្តេចតេជោ ហ៊ុន សែន នាយករដ្ឋមន្ត្រី ទៅកាន់ក្រុមអ្នកវិភាគគ្មានមូលដ្ឋានមួយចំនួន ដែលតែងវិភាគខុសពីការពិត។ សម្តេចតេជោ បញ្ជាក់តាមរយៈផេកហ្វេសប៊ុក ផ្លូវការ នៅយប់ថ្ងៃទី៣០ ខែសីហានេះ ដោយភ្ជាប់ជាមួយរូបភាពឧត្តមសេនីយ៍ ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងទ័ពជើងគោក មានជំនួបជាមួយថ្នាក់ដឹកនាំការពារជាតិរបស់ឡាវនៅថ្ងៃនេះ ។សម្តេចតេជោ បានបញ្ជាក់ក្នុងសំណេរទាំងស្រុងថា : «ហ៊ុន ម៉ាណែតទើបបញ្ចប់ទស្សនកិច្ចនៅឡាវដែលទទួលត្រួតពលដោយនាយអគ្គសេនាធិការកងទ័ពឡាវ។ ក្រៅពីនេះ ហ៊ុន ម៉ាណែត ត្រូវបានទទួលដោយឧបនាយករដ្ឋមន្ត្រី និងជារដ្ឋមន្ត្រីក្រសួងការពារជាតិ នាយករដ្ឋមន្ត្រីនិងដោយប្រធានាធិបតីឡាវថែមទៀត។» សម្តេចតេជោបន្តថា «តើអស់លោកអ្នកវិភាគយល់យ៉ាងណាដែរក្នុងទស្សនកិច្ចហ៊ុន ម៉ាណែតទៅឡាវលើកនេះ?។ដោយលើកមុនខ្ញុំមិនបានជំរាបអស់ខ្ញុំសូមជំរាបបន្ថែមថាកាលពីហ៊ុន ម៉ាណែតទស្សនកិច្ចនៅជប៉ុននាដើមឆ្នាំ២០២២នេះមិត្តជប៉ុនរបស់យើងបានបញ្ជូនយន្តហោះមកទទួលហ៊ុន ម៉ាណែតពីកម្ពុជាទៅជប៉ុននិងជូនពីជប៉ុនមកដល់កម្ពុជាវិញព្រោះពេលនោះគ្មានជើងហោះហើរទេដោយសារកូវីដ១៩។ តើអ្នកវិភាគមានយោបល់យ៉ាងណាដែរព្រោះខ្ញុំចង់ដឹង។នេះមិនមែនជាពាក្យចាក់ដោតទេតែជាការចង់យល់តែប៉ុណ្ណោះ៕»

ស្ពានអាកាស«ក្បាលថ្នល់» ប្រើរយៈពេលសាងសង់៣ឆ្នាំ និងចំណាយថវិកាជាង៣៦លានដុល្លារ

2022/08/30 03:00:21 pm        1913
Facebook Telegram Linkin
ភ្នំពេញ៖ នៅរសៀលថ្ងៃទី៣០ ខែសីហានេះក្រសួងសាធារណការ និងដឹកជញ្ជូន បានបង្ហាញថា ស្ពានអាកាសនៅចំណុចប្រសព្វមហាវិថី សម្តេចតេជោ ហ៊ុន សែន មហាវិថីព្រះមុនីវង្ស និងវិថីកងយោធពលខេមរភូមិន្ទ ស្ថិតក្នុងខណ្ឌចំការមន និងខណ្ឌមានជ័យ គ្រោង​នឹងចំណាយថវិកា​សាងសង់ចំនួន ៣៦.៧៧៥.០០០ដុល្លាអាម៉េរិក និងប្រើរយៈពេលសាងសង់ ៣៦ខែ។ ការសាងសង់ស្ពានអាកាសថ្មីនេះ គឺជាគម្រោងរបស់រាជរដ្ឋាភិបាលកម្ពុជា​តាមរយៈរដ្ឋបាលរាជធានី​ភ្នំពេញ និងសាងសង់ដោយក្រុមហ៊ុនវិនិយោគទុនអាណិកជនកម្ពុជា OCIC។លក្ខណៈបច្ចេកទេសនៃផ្លូវថ្នល់ផ្ទាល់ដី ស្ពានអាកាសជាន់ទី១ និងជាន់ទី២ ៖១. ផ្លូវថ្នល់ផ្ទាល់ដីៈមានរង្វង់មូល នៅត្រង់ចំណុចប្រសព្វ ដែលបំបែកខ្នែងជាបួនទិសផ្សេងគ្នា។១.១ រង្វង់មូល (មានបរិមាត្រ ១៧៨ម៉ែត្រ x ទទឹង១១.៨៥ម៉ែត្រ)– កាំរង្វង់ក្នុង ២០.០០ម៉ែត្រ និងកាំរង្វង់ក្រៅ ៣៣.០០ម៉ែត្រ ដែលមានតួនាទីជារង្វង់មូលដើម្បីបែងចែកទិសដៅចរាចរណ៍– គន្លងចរាចរណ៍មាន៣គន្លងផ្លូវ (សម្រាប់រថយន្តមានទំហំ ៣.៩៥ម៉ែត្រក្នុងមួយគន្លង)– កម្ពស់សុវត្ថិភាព : ៥.០០ម៉ែត្រ ផ្នែកឆ្លងកាត់ក្រោមស្ពានអាកាសជាន់ទី១១.២ ផ្លូវថ្នល់ផ្ទាល់ដី តាមបណ្តោយស្ពាន និងក្រោមស្ពានដែលតភ្ជាប់ទៅនឹងរង្វង់មូល (មានទទឹង ៧ម៉ែត្រ)– ទិសដៅចរាចរណ៍ : ផ្លូវឯកទិស មានទិសដៅទៅ និងមកពីមហាវិថីសម្តេចតេជោ ហ៊ុន សែន មហាវិថីព្រះមុនីវង្ស វិថីកងយោធពលខេមរភូមិន្ទ ស្ពានព្រះមុនីវង្ស និងផ្លូវជាតិលេខ២– គន្លងចរាចរណ៍ : ២គន្លងផ្លូវ (១គន្លងផ្លូវសម្រាប់រថយន្តមានទំហំ ៣.៥០ម៉ែត្រ)។២. ស្ពានអាកាសជាន់ទី១ :ជាស្ពានរង្វង់មូល នៅត្រង់ចំណុចប្រសព្វ ដែលបំបែកខ្នែងជាបួនទិសផ្សេងគ្នា នៃមហាវិថីសម្តេចតេជោ ហ៊ុន សែន ស្ពានព្រះមុនីវង្ស មហាវិថីព្រះមុនីវង្ស និងវិថីកងយោធពលខេមរភូមិន្ទ២.១ ស្ពានអាកាសរង្វង់មូល (មានបរិមាត្រ ១៧៨ម៉ែត្រ x ទទឹង១២.៨៥ម៉ែត្រ)– កាំរង្វង់ក្នុង ២០.០០ម៉ែត្រ និងកាំរង្វង់ក្រៅ ៣៣.០០ម៉ែត្រ ដែលមានតួនាទីជារង្វង់មូលដើម្បីបែងចែកទិសដៅចរាចរណ៍– គន្លងចរាចរណ៍ មាន៣គន្លងផ្លូវ (សម្រាប់រថយន្តមានទំហំ ៣.៩៥ម៉ែត្រ ក្នុងមួយគន្លង)– កម្ពស់សុវត្ថិភាព : ៥.០០ម៉ែត្រ ផ្នែកឆ្លងកាត់ក្រោមស្ពានអាកាសជាន់ទី២២.២ ស្ពានអាកាសខ្នែង A ឆ្ពោះទៅស្ពានព្រះមុនីវវង្ស (មានប្រវែង ២០០ម៉ែត្រ x ទទឹង ១១.៥០ម៉ែត្រ)– ទិសដៅចរាចរណ៍ : ផ្លូវទ្វេទិស មានទិសដៅទៅមកពីស្ពានព្រះមុនីវង្ស– គន្លងចរាចរណ៍ : ៤គន្លងផ្លូវទៅមក (២គន្លងទៅ និង២គន្លងមក ដែលម្ខាងមាន ១គន្លងផ្លូវសម្រាប់រថយន្តមានទំហំ ៣.៥០ម៉ែត្រ + ១គន្លងគន្លងផ្លូវសម្រាប់ទោចក្រយានយន្តមានទំហំ ១.៥០ម៉ែត្រ)២.៣ ស្ពានអាកាសខ្នែង B វិថីកងយោធពលខេមរភូមិន្ទ (មានប្រែវង ២០០ម៉ែត្រ x ទទឹង ៦.០០ម៉ែត្រ)– ទិសដៅចរាចរណ៍ : ផ្លូវឯកទិស មានទិសដៅឆ្ពោះទៅវិថីកងយោធពលខេមរភូមិន្ទ– គន្លងចរាចរណ៍ : ២គន្លងផ្លូវ (១គន្លងផ្លូវសម្រាប់រថយន្តមានទំហំ ៣.៥០ម៉ែត្រ + ១គន្លងផ្លូវសម្រាប់ទោចក្រយានយន្ត មានទំហំ ១.៥០ម៉ែត្រ)២.៤ ស្ពានអាកាសខ្នែង C មហាវិថីព្រះមុនីវង្ស (មានប្រវែង ១៤៤ម៉ែត្រ x ទទឹង ៦.០០ម៉ែត្រ)– ទិសដៅចរាចរណ៍ : ផ្លូវឯកទិស មានទិសដៅមកពីមហាវិថីព្រះមុនីវង្ស– គន្លងចរាចរណ៍ : ២គន្លងផ្លូវ (១គន្លងផ្លូវសម្រាប់រថយន្តមានទំហំ ៣.៥០ម៉ែត្រ + ១គន្លងផ្លូវ សម្រាប់ទោចក្រយានយន្តមានទំហំ ១.៥០ម៉ែត្រ)២.៥ ស្ពានអាកាសខ្នែង D មហាវិថីព្រះមុនីវង្ស (មានប្រវែង ១៦១ម៉ែត្រ x ទទឹង ៦.០០ម៉ែត្រ)– ទិសដៅចរាចរណ៍ : ផ្លូវឯកទិស មានទិសដៅឆ្ពោះទៅមហាវិថីព្រះមុនីវង្ស– គន្លងចរាចរណ៍ : ២គន្លងផ្លូវ (១គន្លងផ្លូវសម្រាប់រថយន្តមានទំហំ ៣.៥០ម៉ែត្រ + ១គន្លងផ្លូវសម្រាប់ទោចក្រយានយន្តមានទំហំ ១.៥០ម៉ែត្រ)២.៦ ស្ពានអាកាសខ្នែង E មហាវិថីសម្តេចតេជោ ហ៊ុន សែន (មានប្រវែង ១៥១ម៉ែត្រ x ទទឹង ៦.០០ម៉ែត្រ)– ទិសដៅចរាចរណ៍ : ផ្លូវឯកទិស មានទិសដៅមកពីមហាវិថីសម្តេចតេជោ ហ៊ុន សែន– គន្លងចរាចរណ៍ : ២គន្លងផ្លូវ (១គន្លងផ្លូវសម្រាប់រថយន្តមានទំហំ ៣.៥០ម៉ែត្រ + ១គន្លងផ្លូវសម្រាប់ទោចក្រយានយន្តមានទំហំ ១.៥០ម៉ែត្រ)។២.៧ ស្ពានអាកាសខ្នែង F មហាវិថីសម្តេចតេជោ ហ៊ុន សែន (មានប្រវែង ១៣១ម៉ែត្រ x ទទឹង ៦.០០ម៉ែត្រ)– ទិសដៅចរាចរណ៍ : ផ្លូវឯកទិស មានទិសដៅឆ្ពោះទៅមហាវិថីសម្តេចតេជោ ហ៊ុន សែន– គន្លងចរាចរណ៍ : ២គន្លងផ្លូវ (១គន្លងផ្លូវសម្រាប់រថយន្តមានទំហំ ៣.៥០ម៉ែត្រ + ១គន្លងផ្លូវសម្រាប់ទោចក្រយានយន្តមានទំហំ ១.៥០ម៉ែត្រ)។៣. ស្ពានអាកាសជាន់ទី២ : (មានប្រវែង ១,២០០ម៉ែត្រ x ទទឹងពី ១៤.០០ម៉ែត្រ ទៅ ១៥.៨០ម៉ែត្រ)– ទិសដៅចរាចរណ៍ : ផ្លូវទ្វេទិស មានទិសដៅទៅមករវាង មហាវិថីព្រះមុនីវង្ស និងមហាវិថីសម្តេចតេជោ ហ៊ុន សែន– គន្លងចរាចរណ៍ : ៤គន្លងផ្លូវ (២គន្លងទៅ និង២គន្លងមក ដែលម្ខាងមាន២គន្លងផ្លូវសម្រាប់រថយន្តមានទំហំ ៣.២៥ម៉ែត្រ ទៅ ៣.៧០ម៉ែត្រ)• ធ្នឹមប្រអប់ជាបេតុងអាមេ ដែលមានកម្ពស់ ១.៥០ម៉ែត្រ• សសរស្ពាននីមួយៗប្រើបេតុង ជាមួយនឹងជើងតាងកម្ពស់ ១.៥០ម៉ែត្រ• ប្រភេទគ្រឹះខួង (Bored pile) មានអង្កត់ផ្ចិតទំហំ ១.៥០ម៉ែត្រ ទៅ ១.២០ម៉ែត្រ និងមានជម្រៅប្រមាណ៥០ម៉ែត្រ• ជម្រាលទទឹងស្ពាន: ២%• ជម្រាលបណ្តោយស្ពាន: ៥%• បង្កាន់ដៃស្ពានមានកម្ពស់: ១.១០ម៉ែត្រ• ល្បឿនសុវត្ថិភាព: ២០គ. ម/ម៉ោង ទៅ៤០គ.ម/ម៉ោង• ទម្ងន់ផ្ទុកអនុញ្ញាត: ៣០តោន• កម្ពស់អនុញ្ញាត: ៥.០០ម៉ែត្រ• អ៊ុតកៅស៊ូ AC កម្រាស់ ០.១០ម៉ែត្រ• ដាក់ស្លាកសញ្ញាចរាចរ និងអ៊ុតគំនូសចរាចរដោយប្រើថ្នាំទែរម៉ូប្លាស្ទឹក• រៀបចំប្រព័ន្ធបង្ហូរទឹកនិងបណ្តាញលូ និងកែសម្រួចចិញ្ចើមផ្លូវអមសងខាង• បំពាក់ភ្លើងបំភ្លឺផ្លូវ និងបំភ្លឺស្ពាន• រៀបចំសួនច្បារ៕

ពលរដ្ឋរំពឹងថា បន្ទាប់ពីមានស្ពានអាកាសថ្មីពីរទៀត នឹងកាន់តែជួយសម្រួលដល់ការធ្វើចរាចរ

2022/08/30 01:48:21 pm        1567
Facebook Telegram Linkin
ភ្នំពេញ៖ ដើម្បីកាត់បន្ថយការកកស្ទុះចរាចរណ៍ក្នុងរាជធានីភ្នំពេញ ខណៈយានយន្តគ្រប់ប្រភេទ​មាន​កំណើនជារៀងរាល់ថ្ងៃ រាជរដ្ឋាភិបាលកម្ពុជាសម្រេចសាងសង់ស្ពានអាកាសថ្មី​ចំនួនពីរ បន្ថែមទៀត ក្នុងរាជធានីភ្នំពេញ។តាមការគ្រោងទុក នៅថ្ងៃទី៣១ខែសីហាស្អែកនេះ ​សម្តេចតេជោ ហ៊ុន សែន នាយករដ្ឋមន្រ្តី​នៃ​ព្រះរាជាណា​ចក្រកម្ពុជា ​នឹង​អញ្ជើញ​ចូលរួមជាអធិបតីភាព ក្នុងពិធីបើកការដ្ឋានសាងសង់​ស្ពាន​អាកាសថ្មីចំនួនពីរទៀតក្នុងរាជធានីភ្នំពេញ។ ស្ពានទាំងពីរនោះរួមមាន៖ទី១.ស្ពានអាកាសត្រង់​ចំណុច​ស្តុបច្រមុះជ្រូកក្បាលថ្នល់ ប្រសព្វរវាងមហាវិថី សម្តេចតេជោ ហ៊ុន សែន ​មហាវិថីព្រះមុនី្នវង្ស និងផ្លូវលេខ ២៧១ និងទី២.ស្ពានអាកាសនៅទីតាំងស្តុបស៊ិនជូរីប្លាស្សា ប្រសព្វ​រវាង​មហាវិថីសហព័ន្ធរុស្ស៊ី ផ្លូវលេខ ២០០៤ និងផ្លូវលេខ២០១១។ពលរដ្ឋរស់នៅក្នុងរាជធានីភ្នំពេញ នៅថ្ងៃទី៣០ខែសីហានេះ ​បានប្រាប់BTVឲ្យដឹងថា ការសាងសង់​ស្ពានអាកាស​ពីបន្ថែមទៀតនេះ ​បាន​ជួយសម្រួលការស្ទុះចរាចរណ៍ កាត់បន្ថយការចំណាយ​មួយ ផ្នែក​ទៅលើ​ប្រេងឥន្ធនៈ និងការធ្វើដំណើរមានសុវត្ថិភាពជាដើម។ ក្រៅពីនេះ ​ពួកកាត់បានបង្ហាញក្តីសប្បាយចិត្ត ​និង​អគុណដល់​សម្តេចតេជោ ហ៊ុន សែន​នាយករដ្ឋ​មន្រ្តី​កម្ពុជា ដែលបាន​កសាង​ហេដ្ឋា​រចនាសម្ព័ន្ធផ្សេងៗ។បច្ចុប្បន្នរាជធានីភ្នំពេញ មានស្ពានអាកាសចំនួន៧ ​ក្នុងនោះ​មាន​៦សាងសង់​រួចរាល់ និង១មួយទៀត​កំពុងសាងសង់។ ទីតាំងស្ពានទាំងអស់នោះរួមមាន៖ ស្ពានអាកាសក្បាលថ្នល់ ស្ពានអាកាសស្ទឹងមានជ័យ ​ស្ពានអាកាស៥មករា​ ស្ពានអាកាស៧មករា​ ស្ពានអាកាសផ្សារដីហុយ ស្ពានអាកាសចោមចៅ ​និងស្ពានអាកាសកាត់ផ្លូវជាតិលេខ៥ ក្នុងខណ្ឌឬស្សីកែវ កំពុង​ស្ថាបនា​សាងសង់៕អត្ថបទ៖ទូច សោភ័ណ

គណបក្សឯកភាពជាតិខ្មែរ អំពាវនាវដល់ជនរួមជាតិកុំចាញ់បោក ការឃោសនា​រឿងអបិយជំនឿពីបុគ្គលម្នាក់

2022/08/30 11:55:58 am        390
Facebook Telegram Linkin
គណបក្សឯកភាពជាតិខ្មែរ បានចេញសេចក្តីថ្លែងការណ៍ ដោយ​អំពាវនាវ​ដល់​ជន​រួម​ជាតិ​កុំភិតភ័យ និងកុំចាញ់បោកការឃោសនាពីសំណាក់បុគ្គលណាម្នាក់ ដែល​យក​អបិយ​ជំនឿ​គ្មាន​ហេតុ​ផល​មកបោកប្រាស់ ខណៈការឃោសនា​បែប​នេះ​បាន​ធ្វើ​ឲ្យ​ខាតបង់​ផល​ប្រយោជន៍​របស់​បង​ប្អូន ជាពិសេសបងប្អូនពលករដែលធ្វើការនៅក្រៅប្រទេសនោះ។យោងតាមលិខិតរបស់គណបក្សឯកភាពជាតិខ្មែរ ដែលទូរទស្សន៍ BTVទទួលបាននាថ្ងៃទី៣០ ខែ សីហា ឆ្នាំ២០២២នេះ បានលើកឡើងថា ដោយមើលឃើញនូវហេតុការណ៍ ដែល​កំពុង​កើត​ឡើង​យ៉ាង​ច្របូកច្របល់លើជំនឿមិនសមហេតុផល ដែលប៉ះពាល់ដល់សាសនា, ជីវភាព និង​សុខ​សន្តិភាព​ដល់​ប្រជាពលរដ្ឋផងនោះ គណបក្សឯកភាពជាតិខ្មែរ សូមលើកយក​នូវ​អំណះ​អំណាង​ដ៏​ជាក់​លាក់​បំផុតមកបំភ្លឺដល់បងប្អូនខ្មែរទូទាំងពិភពលោកឲ្យបានជ្រាបថា អង្គការNASA គឺ​ពុំ​បាន​ធ្វើ​សេចក្តីថ្លែងប្រកាសអាសន្នថាមានទឹកជំនន់លិចពិភពលោកក្នុងពេលឆាប់ៗនេះឡើយ។ យោង​តាម​សាសនាធំៗទាំងអស់ ក៏មិនទាន់​មាន​មេ​សាសនា​ណាមួយ​ចេញ​មក​ប្រកាស​អាសន្ន​អំពី​បញ្ហា​ទឹកជំនន់​លិចសកលោកនេះឡើយ។ ជាពិសេស បើយោងតាមសាសនាព្រះពុទ្ធ ក្នុងសុតន្តបិដក ក៏ពុំមានចែងថាមានទឹកជំនន់ និងភ្លើងឆេះកាលក្នុងពេលនេះដែរ។ សេចក្តីថ្លែងការណ៍របស់គណបក្សនេះដដែល បានលើកឡើងទៀតថា ព្រះសម្មាសម្ពុទ្ធ​ទ្រង់​សម្តែង​ថា ក្នុងភទ្ទកប្បនៃផែនដីនេះ គឺមានព្រះពុទ្ធត្រាស់ដឹង៥ព្រះអង្គ។ ប៉ុន្តែពេលនេះ ទើប​តែ​ត្រាស់​បាន​៤ព្រះអង្គទេ នៅសល់ព្រះសិអារ្យមេត្រីដែលនឹងត្រូវត្រាស់ដឹងក្នុងលោកទៀត ដូច្នេះ​មិន​ដឹង​ជា​នៅ​ប៉ុន្មានពាន់លានកោដ្ឋិឆ្នាំទៀតទេ ទម្រាំដល់កាលដែលផែនដីនេះត្រូវរលាយ។ យោង​តាមភូមិវិទ្យា ភូមិសាស្ត្រប្រទេសកម្ពុជាស្ថិតនៅតំបន់ទំនាបមានរាងដូចបាតខ្ទះ ដូច្នេះ បើ​សិន​ជា​មានការជន់លិចមែន គឺប្រទេសកម្ពុជាទាំងមូលត្រូវជន់លិចមុនគេ មិនមែន​ខេត្ត​សៀមរាប​មានកម្ពស់ខ្ពស់ជាងភ្នំ EVEREST នោះទេ។ នៅពេលអាយុកាលផែនដីត្រូវអស់ គឺពុំ​មាន​ទី​ណាមួ​យ​នៅ​សេសសល់ឡើយ។តាមរយៈ​សេចក្តីថ្លែងការណ៍នេះបានលើកឡើងទៀតថា គណបក្សឯកភាពជាតិខ្មែរ សូមបំភ្លឺដល់​ពលរដ្ឋ​ខ្មែរ​ទូទាំងសកលោកថា នឹងពុំមានទឹកជំនន់លិច ឬភ្លើងឆេះ​កាល​ដល់​ថ្នាក់​រលាយ​ផែន​ដី​នេះ​ឡើ​យ។ អ្វីដែលយើងទាំងអស់គ្នាត្រូវព្រួយបារម្ភនោះ គឺបញ្ហារោគរាតត្បាត និងសង្គ្រាម​រវាង​មហា​អំណាច ដែលមានការប៉ះពាល់ធ្ងន់ដល់សេដ្ឋកិច្ចដល់យើងម្នាក់ៗ និងទូទាំងពិភពលោក។ បើ​មាន​បុគ្គលណាមួយ ចេញមុខប្រកាសអាសន្នថា នឹង​មាន​គ្រោះ​មហន្ត​រាយ​ដល់​ភព​ផែន​ដី​ដូច​បាន​ពណ៌នាខាងលើនេះ គឺជាទង្វើនាំមកនូវចលាចល ប៉ះពាល់ដល់ទំនៀមទម្លាប់ ជំនឿ​សាសនា​។ ជាពិសេស គឺប៉ះពាល់ដល់សន្តិសុខសង្គម និង​ជីវភាព​គ្រួសារ​របស់​ប្រជាពលរដ្ឋ​ដែល​រត់​ចោល​ផ្ទះ​សម្បែង ឈប់បម្រើការងារ ព្រោះតែការឃោសនាអកុសលបែបអបិយជំនឿគ្មានមូលដ្ឋាន និង​​ហេតុ​ផលច្បាស់លាស់នេះ។ «អាស្រ័យហេតុនេះ គណបក្សឯកភាពជាតិខ្មែរ សូម​អំពាវ​នាវ​ដល់​ជន​រួម​ជាតិទាំងអស់ មេត្តាកុំភិតភ័យ និងកុំចាញ់បោកការឃោសនាពីសំណាក់បុគ្គលណាម្នាក់ ដែល​យក​អបិយជំនឿគ្មានហេតុផលមកបោកប្រាស់ បង្កភាពវឹកវរ និងការតក់​ស្លុត​បែប​នេះ​ឡើយ​»។ ជា​មួយគ្នានេះដែរ គណបក្សឯកភាពជាតិខ្មែរ ក៏បានអំពាវនាវដល់រាជរដ្ឋាភិបាល និង​អាជ្ញាធរ​មាន​សមត្ថកិច្ច ចាត់វិធានការតាមផ្លូវច្បាប់ចំពោះបុគ្គលទាំងឡាយណា ដែល​មាន​គំនិត​ទុច្ចរិត​ ដើម្បី​បាន​ផល​ប្រយោជន៍ផ្ទាល់ខ្លួន ដើម្បីជៀ​ស​វាង​ការ​កើត​មាន​បញ្ហា​បែប​នេះ​ក្នុង​សង្គម​តទៅ​ទៀត​ផង​ដែរ​៕​ អត្ថបទ៖ បាន ចក់

សមាជិកសភាអាមេរិកថ្លែងសរសើរសម្តេចតេជោ ហ៊ុន សែន ក្នុងការតស៊ូនាំមកនូវសុខសន្តិភាពជូនពលរដ្ឋកម្ពុជា

2022/08/29 11:06:37 am        566
Facebook Telegram Linkin
ភ្នំពេញ៖ គណៈប្រតិភូសមាជិកសភាសហរដ្ឋអាមេរិក ដឹកនាំដោយលោកជំទាវ អេលីហ្សាបេត វេន ដាញ (Elizabeth Van Duyne) តំណាងរាស្ត្រគណបក្សសាធារណរដ្ឋ មកពីរដ្ឋតិចសាស់ បានមានប្រសាសន៍កោតសរសើរចំពោះការខិតខំប្រឹងប្រែងយ៉ាងខ្លាំងរបស់សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា ដែលបាននាំមកនូវសុខសន្តិភាពជូនដល់ប្រជាជនកម្ពុជាទូទាំងប្រទេស។លោកជំទាវ អេលីហ្សាបេត វេន ដាញ សមាជិកសភាសហរដ្ឋអាមេរិកមកពីគណបក្សសាធារណៈរដ្ឋ នៃរដ្ឋតិចសាស់បានលើកឡើងយ៉ាងដូច្នេះ ខណៈលោកជំទាវ និងគណ:ប្រតិភូត្រូវបានសម្តេចតេជោ ហ៊ុន សែន នាយករដ្ឋមន្ត្រីកម្ពុជាអនុញ្ញាតឱ្យចូលជួបសំដែងការគួរសម និងពិភាក្សាការងារនៅវិមានសន្តិភាព នាព្រឹកថ្ងៃទី២៩ ខែសីហា ឆ្នាំ២០២២នេះ។ជាមួយនឹងការថ្លែងសរសើរដោយស្មោះចំពោះការដឹកនាំរបស់សម្តេចតេជោ លោកជំទាវ ក៏បានលើកឡើងពីគោលបំណងនៃទស្សនកិច្ចរបស់ប្រតិភូនៅកម្ពុជា ដើម្បីពង្រឹងទំនាក់ទំនងរវាងប្រទេសទាំងពីរឱ្យកាន់តែល្អប្រសើរឡើង។ជាការឆ្លើយតប សម្ដេចតេជោបានជម្រាបជូនលោកជំទាវព្រមទាំងប្រតិភូទាំងមូលអំពីប្រវត្តិរបស់កម្ពុជាក៏ដូចជាប្រវត្តិនៃទំនាក់ទំនងរវាងកម្ពុជាជាមួយសហរដ្ឋអាមេរិក ហើយសម្ដេចក៏បានឯកភាពជាមួយលោកជំទាវអាលីហ្សាបេត ដែលថា យើងនាំគ្នាសម្លឹងទៅមុខ ក្តាប់ឱកាសដែលកំពុងមាននាពេលបច្ចុប្បន្ន ជាពិសេសលើវិស័យពាណិជ្ជកម្ម វិនិយោគ និងអប់រំ ធ្វើជាមូលដ្ឋានដើម្បីពង្រឹងទំនាក់ទំនងរវាងប្រទេសទាំងពីរឲ្យកាន់តែខ្លាំងឡើង៕

ទេសរដ្ឋមន្រ្តី លី ធុជ ៖ ខេត្តកំពត នឹងត្រូវប្រកាសជាខេត្តអស់មីនក្នុងឆ្នាំ២០២៣ ក្រោមគម្រោងសម្តេចតេជោសម្រាប់សកម្មភាពមីន “ផ្តល់ដីសុវត្ថិភាព បង្កើតស្នាមញញឹម”

2022/08/29 10:53:41 am        393
Facebook Telegram Linkin
កំពត៖ នៅព្រឹកថ្ងៃទី២៩ ខែសីហា ឆ្នាំ២០២២ នៅរដ្ឋបាលខេត្តកំពត ឯកឧត្តមទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន បានអញ្ជើញដឹកនាំកិច្ចប្រជុំផ្សព្វផ្សាយស្តីពីវិស័យសកម្មភាពមីននៅកម្ពុជា និងការអនុវត្តគម្រោងសម្តេចតេជោសម្រាប់សកម្មភាពមីន “ផ្តល់ដីសុវត្ថិភាព បង្កើតស្នាមញញឹម” ដើម្បីខេត្តកំពតអស់មីន។កិច្ចប្រជុំនេះ មានការអញ្ជើញចូលរួមពី លោក នៃ គង់ អភិបាលរងខេត្ត តំណាង លោក ម៉ៅ ធនិន អភិបាលខេត្តកំពត លោក អ៊ុ ភូមិរ៉ូ អគ្គនាយករងនៃមជ្ឈមណ្ឌលសកម្មភាពកំចាត់មីកម្ពុជា (CMAC) មន្ទីរជុំវិញខេត្ត កងកម្លាំងប្រដាប់អាវុធ រដ្ឋបាលស្រុក/ក្រុង និងក្រុមការងាររៀបចំផែនការសកម្មភាពមីន។ ឯកឧត្តមទេសរដ្ឋមន្រ្តី បានមានប្រសាសន៍ថា បន្ទាប់ពីទទួលបានការអនុញ្ញាតដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្រ្តី អាជ្ញាធរមីន បានដាក់ពង្រាយកម្លាំងនៃមជ្ឈមណ្ឌលសកម្មភាពកំចាត់មីកម្ពុជា (ស៊ីម៉ាក់) ក្នុងខេត្តចំនួន៥ ដើម្បីប្រកាសជាខេត្តអស់មីន រួមមាន៖ ខេត្តកំពង់ចាម កំពង់ឆ្នាំង តាកែវ កំពត និងខេត្តស្វាយរៀង ក្នុងទំហំផ្ទៃដីមានមីនប្រមាណ ៣១គីឡូម៉ែត្រក្រឡា។ ដោយឡែក ដើម្បីប្រកាសខេត្តកំពតអស់មីន នឹងត្រូវបោសសម្អាតមីន ក្នុងទំហំផ្ទៃដីមានមីន ១០.៩៩៧.២១៤ ម៉ែត្រក្រឡា (ប្រមាណជា ១១ គីឡូម៉ែត្រក្រឡា) ស្មើនឹង ១២១ ចម្ការមីន ក្នុងរយៈពេល ១១ខែ ចាប់ពីខែសីហា ឆ្នាំ២០២២ ដល់ខែមិថុនា ឆ្នាំ២០២៣ ។ឯកឧត្តមទេសរដ្ឋមន្រ្តី បានលើកឡើងអំពីចក្ខុវិស័យ និងការបង្កើតចលនាជាតិរបស់សម្តេចតេជោ ក្នុងការដោះស្រាយបញ្ហាគ្រាប់មីន និងការបោសសម្អាតមីនឲ្យអស់ពីទឹកដីកម្ពុជា ទោះបីស្ថិតក្នុងតម្លៃណាក៏ដោយ ដើម្បីឲ្យប្រជាពលរដ្ឋមានសុខសុវត្ថិភាព និងទទួលបានស្នាមញញឹមគ្រប់ៗគ្នា។ ជាមួយគ្នានេះ ឯកឧត្តមទេសរដ្ឋមន្រ្តី បានអំពាវនាវឲ្យប្រជាពលរដ្ឋគ្រប់ជាន់ថ្នាក់ ត្រូវបន្តការគាំទ្រសម្តេចតេជោនាយករដ្ឋមន្រ្តី និងរាជរដ្ឋាភិបាលកម្ពុជា ដើម្បីបញ្ចប់ការងារបោសសម្អាតមីន និងកំទេចគ្រាប់មីនចុងក្រោយនៅកម្ពុជា។ឯកឧត្តមបន្តលើកឡើងថា ការងារបោសសម្អាតមីន គឹជាការងារត្រូវការពេលវេលាច្រើន និងកិច្ចសហប្រតិបត្តិការពីគ្រប់ភាគីពាក់ព័ន្ធ ជាពិសេសពីរដ្ឋបាលថ្នាក់ក្រោមជាតិ ដើម្បីជម្រុញឲ្យដំណើរការនៃការបោសសម្អាតមីន ទទួលបានជោគជ័យ និងមានប្រសិទ្ធភាពខ្ពស់ ដែលក្នុងនោះ អាជ្ញាធរមីន ជាសេនាធិការឲ្យរាជរដ្ឋាភិបាលកម្ពុជា ធ្វើការសម្របសម្រួលជាមួយសហគមន៍ផ្តល់ជំនួយ និងប្រទេសជាមិត្ត ដើម្បីជម្រុញឲ្យមានការចូលរួមជាមួយរាជរដ្ឋាភិបាលក្នុងការងារបោសសម្អាតមីននៅកម្ពុជា និងមានភារកិច្ចរៀបចំគោលនយោបាយ និងផែនការអាទិភាព ឆ្ពោះទៅរកកម្ពុជាអស់មីននៅឆ្នាំ២០២៥ ហើយដើម្បីឲ្យកម្ពុជាអស់មីន កម្ពុជាត្រូវការជាចាំបាច់នូវថវិកាគាំទ្រ សម្ភារៈ និងធនធានមនុស្សដែលទទួលបានការបណ្តុះបណ្តាលត្រឹមត្រូវ។ក្នុងឱកាសនោះ ឯកឧត្តមទេសរដ្ឋមន្រ្តី បានវាយតម្លៃខ្ពស់ចំពោះអង្គភាពស៊ីម៉ាក់ ដែលជាប្រតិបត្តិករដោះមីនជាតិដ៏ឆ្នើម ចូលរួមផ្តល់សុខសុវត្ថិភាព និងការអភិវឌ្ឍប្រទេសជាតិ តាមរយៈការងារបោសម្អាតមីន រយៈពេល៣០ឆ្នាំមកនេះ៕

ប្រមុខរាជរដ្ឋាភិបាលនឹងបើកការដ្ឋានសាងសង់ស្ពានអាកាសនៅត្រង់ច្រមុះជ្រូកក្បាលថ្នល់ និងសាងសង់ស្ពានអាកាសមហាវិថីសហព័ន្ធរុស្ស៊ីកែងផ្លូវ២០០៤

2022/08/29 09:59:00 am        513
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នឹងអញ្ជើញជាអធិបតីភាពដ៏ខ្ពង់ខ្ពស់បំផុតសម្ពោធបើកការដ្ឋានសាងសង់ស្ពានអាកាសនៅត្រង់ច្រមុះជ្រូកក្បាលថ្នល់រាជធានីភ្នំពេញ(ប្រសព្វមហាវិថីសម្តេចតេជោ-៦០ម៉ែត្រ,មហាវិថីព្រះមុនីវង្ស និងវិថីខេមរភូមិន្ទ-២៧១) និងសាងសង់ស្ពានអាកាសមហាវិថីសហព័ន្ធរុស្ស៊ីកែងផ្លូវ២០០៤ នៅព្រឹកថ្ងៃទី៣១ ខែសីហា ឆ្នាំ២០២២។

សៀវភៅ«កូនប្រុសច្បងនាយករដ្ឋមន្ត្រីដំណើរឆ្ពោះទៅបន្តវេន នឹងចែកជូនដោយឥតគិតថ្លៃ

2022/08/29 09:13:25 am        967
Facebook Telegram Linkin
ភ្នំពេញ៖ លោក ហ៊ុន ម៉ាណែត នាព្រឹកថ្ងៃទី២៩ ខែសីហា ឆ្នាំ២០២២នេះ តាមរយៈ Facebook Page ផ្លូវការផ្ទាល់ បានប្រកាសចែកជូនសៀវភៅ «កូនប្រុសច្បងនាយករដ្ឋមន្ត្រី ដំណើរឆ្ពោះទៅបន្តវេន » ដោយឥតគិតថ្លៃ ដល់អ្នកដែលមានបំណងចង់អានសៀវភៅនេះ ។ដោយសៀវភៅនេះ និពន្ធដោយ ឯកឧត្តម ឆាយ សុផល អនុរដ្ឋលេខាធិការក្រសួងព័ត៌មាន និងអ្នកសារព័ត៌មានជើងចាស់។ការប្រកាសផ្តល់ជូនសៀវភៅ«កូនប្រុសច្បងនាយករដ្ឋមន្ត្រីដំណើរឆ្ពោះទៅបន្តវេន»ដោយឥតគិតថ្លៃនេះ ធ្វើឡើងបន្ទាប់ពីមានការសំណូមពរជាច្រើន ពីបងប្អូនប្រជាពលរដ្ឋ សិស្សនិស្សិត ដែលចង់អាននូវសៀវភៅនេះ។លោក ហ៊ុន ម៉ាណែត បានបញ្ជាក់ថា «ដោយមានសំណូមពរច្រើនពីបងប្អូន លើសៀវភៅ «កូនប្រុសច្បងនាយករដ្ឋមន្ត្រី ដំណើរឆ្ពោះទៅបន្តវេន » លោកបានប្រគល់ភារកិច្ចអោយ ក្រុមការងាររបស់លោក ត្រៀមទទួលរៀបចំចាត់ចែងសៀវភៅ ជូនដល់បងប្អូនដែលមានបំណងចង់បានសៀវភៅនេះទៅអាន»។ដើម្បីទទួលបានសៀវភៅដោយឥតគិតថ្លៃ សូមបងប្អូនទំនាក់ទំនងទៅក្រុមការងារតាមរយៈ៖ទូរស័ព្ទលេខ ០១០ ៤០០ ១៣៦ និង ០៨៥ ៥២២ ១៤០ ឬ តាមហ្វេសប៊ុក ផេក Hun Manet - C.O.Army (Page Link: https://m.facebook.com/hunmanetcoarmycambodia/)ជាដើម។  ឯកឧត្តម ឆាយ សុផល បានថ្លែងប្រាប់ទូរទស្សន៍BTV នាព្រឹកថ្ងៃទី២៩ ខែសីហា ឆ្នាំ២០២២នេះថា​ សៀវភៅថ្មីនេះ ផ្តោតលើប្រវត្តិជីវិត និងការងាររបស់លោក ហ៊ុន ម៉ាណែត ជាបេក្ខជននាយករដ្ឋមន្រ្តី ត្រូវបានបោះពុម្ពចំនួន២ម៉ឺនច្បាប់រួចរាល់នៅពាក់កណ្តាលខែសីហានេះ។ឯកឧត្តម បន្តថាសៀវភៅថ្មី «កូនប្រុសច្បងនាយករដ្ឋមន្រ្តី - ដំណើរឆ្ពោះទៅបន្តវេន- ហ៊ុន ម៉ាណែត» មិនត្រឹមតែផ្តោតលើប្រវត្តិសកម្មភាពរបស់លោក ហ៊ុន ម៉ាណែត បេក្ខជននាយករដ្ឋមន្រ្តីប៉ុណ្ណោះទេ ប៉ុន្តែក៏បានឆ្លុះបញ្ចាំពីទិដ្ឋភាពនយោបាយ សេដ្ឋកិច្ច សង្គមផងដែរ ។ក្រោយបោះពុម្ពរួច ឯកឧត្តម ឆាយ សុផល នៅរសៀលថ្ងៃទី១៨ ខែសីហា ឆ្នាំ២០២២ នេះ បានគោរពជូន សម្តេចតេជោ ហ៊ុន សែន នាយករដ្ឋមន្រ្តី នូវសៀវភៅដែលមានចំណងជើងថា «កូនប្រុសច្បងនាយករដ្ឋមន្រ្តី - ដំណើរឆ្ពោះទៅបន្តវេន - ហ៊ុន ម៉ាណែត» ចំនួន១.០០០ច្បាប់ សម្រាប់សម្តេច ទុកចែក តាមតម្រូវការ។  ឆ្លៀតឱកាសនោះដែរ ឯកឧត្តម ឆាយ សុផល ក៏បានគោរពថ្លែងអំណរគុណចំពោះ សម្តេចតេជោ និង សម្តេចកិត្តិព្រឹទ្ធបណ្ឌិត ដែលបានផ្តល់ឱកាសឱ្យលោកបានចងក្រងសៀវភៅនេះឡើង ហើយថា បើទោះជា សម្តេចតេជោ និង សម្តេចកិត្តិព្រឹទ្ធបណ្ឌិត មមាញឹកយ៉ាងណាក៏ដោយនាពេលកន្លងមក ក៏សម្តេចបានឆ្លៀតពេលវេលាដ៏មានតម្លៃផ្តល់ព័ត៌មានផ្សេងៗទាក់ទិននឹងលោក ហ៊ុន ម៉ាណែត ដើម្បីធ្វើឱ្យសៀវភៅនេះមានខ្លឹមសារកាន់តែរស់រវើក និងមានលក្ខណៈជាប្រវត្តិសាស្រ្តនៃមនុស្សជាតិ។ទន្ទឹមនឹងនោះ អ្នកនិពន្ធ ឆាយ សុផល ក៏បានថ្លែងអំណរគុណចំពោះលោក ហ៊ុន ម៉ាណែត ផងដែរ ដែលបានចំណាយពេលដ៏មានតម្លៃឆ្លៀតប្រាប់ព័ត៌មានមួយចំនួនទាក់ទិននឹងលោកផ្ទាល់ក៏ដូចជាទស្សនវិស័យនាពេលអនាគត៕(ដោយ៖ បាន​ ចក់)

កម្ពុជា-ថៃ ព្រមព្រៀមគ្នាបង្កើតស្ដង់ដាររួម ដើម្បីទប់ស្កាត់អំពើជួញដូរមនុស្ស

2022/08/27 03:23:06 pm        621
Facebook Telegram Linkin
ភ្នំពេញ៖ កម្ពុជា-ថៃ បានព្រមព្រៀងគ្នា បង្កើតស្ដង់ដាររួមមួយ (SOP) ដើម្បីទប់ស្កាត់ បង្ក្រាបអំពើជួញ ដូរមនុស្សបន្ថែមពីលើការធ្វើ​បត្យាប័ណ្ណ​ និងកិច្ចសហការអនុវត្តតាមច្បាប់ព្រហ្មទណ្ឌ ។ក្នុងសន្និសីទសារព័ត៌មាន បន្ទាប់ពីអញ្ជើញដឹកនាំគណៈប្រតិភូអន្តរក្រសួង ចូលរួមកិច្ចប្រជុំជាមួយ​ភាគី​ថៃ ទាក់ទងកិច្ចសហប្រតិបត្តិការទ្វេភាគីស្តីពី ​នីតិវិធីច្បាប់ទប់ស្កាត់អំពើជួញដូរមនុស្ស នៅថ្ងៃទី២៧ ​ខែសីហា ឆ្នាំ២០២២ លោកជំទាវ ជូ ប៊ុនអេង​ រដ្ឋលេខាធិការក្រសួងមហាផ្ទៃ និងជា​អនុប្រធានអចិន្ត្រៃ នៃគណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស មានប្រសាសន៍ថា កិច្ចព្រមព្រៀម​កិច្ចសហប្រតិបត្តិនេះមានសារសំខាន់ណាស់ ដើម្បីទប់ស្កាត់អំពើជួញដូរមនុស្សរវាង​ប្រទេស​ទាំងពីរ ដោយនីតិវិធី ​អនុវត្តការងារបទល្មើសជួញដូរមនុស្សនេះ ប្រទេសទាំងពីរអនុវត្ត​ខុសគ្នាខ្លះ ​ដូចនេះ ទើបកម្ពុជា-ថៃ ​រួមគ្នាបង្កើតស្ដង់ដារតែមួយ ដើម្បីអនុវត្តនេះ ឲ្យកាន់​តែមានប្រសិទ្ធភាព ។លោកជំទាវ បានបន្តថា ប្រទេសទាំងពីរ នឹងបង្កើតមជ្ឈមណ្ឌលមួយ ដែលមានរចនាសម្ព័ន្ធត្រឹមត្រូវ ធ្វើការរួមគ្នា ​ខណៈភាគីកម្ពុជាបានរៀបចំយន្តការ​ តាមកាគ្រោងទុករួច ហើយភាគីថៃ សូម​ពន្យាពេលដល់ខែតុលា ឆ្នាំ២០២២ ដើម្បីរៀបចំយន្តការរបស់ខ្លួន ​ដែលបន្ទាប់ពីនោះមក ប្រទេសទាំងពីរ​នឹងចែករំលែកនូវបទពិសោធន៍ នីតិវិធី វិស័យច្បាប់​ ដើម្បីដាក់បញ្ចូលគ្នា ។ នៅខែវិច្ឆិកាចុងឆ្នាំនេះ ភាគីទាំងពីរគ្រោងរៀបចំសិក្ខាសាលារួមគ្នា ​ហើយមន្ត្រីជំនាញ នឹង​ស្នើសុំគោលកាណ៍ពីរប្រមុខរាជរដ្ឋាភិបាល ​ដោយពេលសិក្ខាសាលាទ្វេភាគីនោះ នឹងមានការដាក់​បញ្ចូលទៅជាបទដ្ឋាន ឬនីតិវិធីប្រតិបត្តិមួយ ដែលមានលក្ខណៈជាស្ដង់ដារ ​បើមិនធ្វើបែបនេះទេ គឺប្រព្រឹត្តិទៅមិនលូន ។លោកជំទាវ ជូន ប៊ុនអេង បានបញ្ជាក់ថា កិច្ចព្រមព្រៀងនេះ គឺជាលើកដំបូងហើយ សម្រាប់​ប្រទេសក្នុងតំបន់ ហើយសង្ឃឹមថា ​វានឹងក្លាយជាគំរូមួយ ​សម្រាប់ប្រទេសសមាជិក ​អាស៊ាន ដើម្បីធ្វើការរួមគ្នា ​ឲ្យកាន់តែជិតស្និទ្ធ ​លើការងារប្រយុទ្ធប្រឆាំងអំពើជួញដូរមនុស្ស ។គួរបញ្ជាក់ថា ​កម្ពុជាតែងមានករណីអំពើជួញដូរមនុស្ស ​តាមលក្ខណៈពួកមេខ្យល់នាំពលករខ្មែរ លួចឆ្លង​ដែនដោយខុសច្បាប់ ទៅប្រទេសថៃ ​ដើម្បីរកការងារធ្វើ ​ហើយអាជ្ញាធរតាមព្រំដែន ក៏បានទប់ស្កាត់ ​និងបង្ក្រាបពួកមេខ្យល់ រួមទាំងកសាងនីតិវិធីបញ្ជូនទៅតុលាការផងដែរ ៕

សម្តេចតេជោ ហ៊ុន សែន បង្ហាញរូបថតមួយសន្លឹកដែលមានតម្លៃសម្រាប់ដំណើរការសន្តិភាពនៅកម្ពុជា

2022/08/27 07:55:36 am        747
Facebook Telegram Linkin
នៅព្រឹកថ្ងៃទី២៧ ខែសីហា ឆ្នាំ២០២២នេះ តាមរយៈផេកហ្វេសប៊ុកផ្លូវការ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានបង្ហោះរូបមួយសន្លឹក បង្ហាញពីកាយវិកាយដ៏គួរអោយចាប់​អារម្មណ៍​រវាងសម្តេចជាមួយនឹងសម្តេចព្រះបាទ នរោត្តម សីហនុ ព្រះបរមរតនកោដ្ឋ ។ សម្តេច​តេជោ ​បានរំលឹកពីប្រវត្តិនៃរូបថតនេះ នៅឆ្នាំ១៩៩១នៅប្រទេសឥណ្ឌូណេស៊ី ជា​ជំនួប​សំងាត់ ដែល​ជំរុញ​ការស្វែងរកដំណោះ​ស្រាយ​នយោបាយ​នៅក​ម្ពុជា។សម្តេចតេជោ បានបញ្ជាក់ ក្នុងសំណេរទាំងស្រុងថា ៖ «រូបថតមួយសន្លឹកនេះមាន​តម្លៃខ្លាំង​ណាស់​ សម្រាប់ដំណើរការសន្តិភាពនៅកម្ពុជា។ ជំនួបសម្ងាត់រវាងសម្តេចឪជាមួយខ្ញុំនៅ ហ្សាកាតាថ្ងៃទី២ និងថ្ងៃទី៤ មិថុនា ១៩៩១ ដែល​បាន​ព្រមព្រៀង​គ្នា​ជា​សម្ងាត់​បាន​នាំ​មក​នៅ​ការ​ជំរុញ​ល្បឿន នៃកា​រ​ស្វែងដំណោះស្រាយនយោបាយនៅកម្ពុជា តាមរយៈកិច្ចព្រមព្រៀងប៉ារីស។ ខ្ញុំ​នឹង​ជំរាប​ជូនអំពី​ការ​ព្រមព្រៀង​ជា​សម្ងាត់​​នោះ​នៅ​ពេល​វេលា​សមស្រប៕»សូមបញ្ជាក់ថា សម្តេចតេជោនាយករដ្ឋមន្ត្រី​តែងតែ​បង្ហោះ​រូបភាព​ពី​អតីតកាល​មួយ​ចំនួន​តាម​ផេក​ផ្លូវការ ដោយសារ​រូប​មួយចំនួនក៏មានពលរដ្ឋផ្ញើតាមបណ្តាញសង្គមជូនសម្តេចផងដែរ៕

បណ្ដាញសង្គម

ព័ត៌មានថ្មីៗ

ឧត្តមនាវីឯក ទៀ សុខា ដឹកនាំប្រតិភូទៅចូលរួមកិច្ចប្រជុំមេបញ្ជាការកងទ័ពជើងទឹកអាស៊ានលើកទី១៩ នៅប្រទេសម៉ាឡេស៊ី
08/18/2025 12:08 PM
Facebook Telegram Linkin
ក្រុមហ៊ុនអាកាសចរណ៍ Qantas ត្រូវបានផាកពិន័យ៥៨លានដុល្លារជុំវិញការបណ្តេញបុគ្គលិក១.៨០០ នាក់អំឡុងជំងឺរាតត្បាត
08/18/2025 12:08 PM
Facebook Telegram Linkin
ក្រុមតាលីបង់នៅអាហ្វហ្គានីស្ថាន ព្យាយាមបញ្ចប់ភាពឯកោជាអន្តរជាតិ
08/18/2025 12:08 PM
Facebook Telegram Linkin
ពលរដ្ឋហ្កាហ្សានិយាយថា«តើយើងនឹងទៅណា?» ខណៈអ៊ីស្រាអែលរៀបចំផែនការជម្លៀសឲ្យទៅភាគខាងត្បូង
08/18/2025 12:08 PM
Facebook Telegram Linkin
យោធាអ៊ីស្រាអែល ទម្លាក់គ្រាប់បែកលើរោងចក្រថាមពលនៅជិតរដ្ឋធានីសាណារបស់យេម៉ែន
08/18/2025 12:08 PM
Facebook Telegram Linkin
អ្នកបម្រើការលើយន្តហោះក្រុមហ៊ុន Air Canada បន្តធ្វើកូដកម្ម ទោះបីជាមានបញ្ជាពីរដ្ឋាភិបាលក៏ដោយ
08/18/2025 12:08 PM
Facebook Telegram Linkin
ភ្នាក់ងារសង្គ្រោះបន្ទាន់៖ មនុស្សជាង ៤០នាក់ បានបាត់ខ្លួនក្នុងឧបទ្ទវហេតុលិចទូកនៅនីហ្សេរីយ៉ា
08/18/2025 12:08 PM
Facebook Telegram Linkin
លោក Zelenskiy និយាយថា សមរភូមិជួរមុខបច្ចុប្បន្ន គួរតែជាចំណុចចាប់ផ្តើមសម្រាប់ការចរចាសន្តិភាព
08/18/2025 12:08 PM
Facebook Telegram Linkin
សេចក្ដីលម្អិតមួយចំនួនលេចឡើងពីក្នុងសំណើរបស់លោក Putin ដើម្បីបញ្ចប់សង្រ្គាមនៅអ៊ុយក្រែន
08/18/2025 11:08 AM
Facebook Telegram Linkin
សម្ដេចធិបតីនាយករដ្ឋមន្រ្ដីដឹកនាំគណ:ប្រតិភូរាជរដ្ឋាភិបាលចូលក្រាបបង្គំគាល់ព្រះមហាក្សត្រ ទូលថ្វាយអំពីវឌ្ឍនភាពនៃកិច្ចខិតខំប្រឹងប្រែងរបស់រាជរដ្ឋាភិបាល
08/18/2025 11:08 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.