នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់
សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់
ឯកឧត្តម ចាន់ ដារ៉ុង ដឹកនាំគណៈកម្មការ​អន្តរ​ក្រសួង​ចុះ​ពិនិត្យ​វាយ​តម្លៃ​បញ្ចប់​សុពល​ភាព​ការងារ​ថែ​ទាំ​ផ្លូវ​ខួបចំនួន ៣កំណាត់ ក្នុងខេត្តពោធិ៍សាត់
BREAKING NEWS! សម្តេចធិបតី អបអរសាទរចំពោះការប្រព្រឹត្តទៅដោយជោគជ័យ​នូវ​កិច្ច​ប្រជុំ​​វិសាមញ្ញ នៃ​គណៈកម្មាធិកា​រ​ព្រំដែន​ទូទៅកម្ពុជា-ថៃ

នយោបាយ​ និង ការអភិវឌ្ឍន៍

សម្ដេចតេជោ នឹងអញ្ជើញទៅអានសុន្ទរកថាក្នុងមហាសន្និបាតរបស់ UN នាខែកញ្ញាខាងមុខ

2022/08/17 11:56:01 am        348
Facebook Telegram Linkin
ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នឹងអញ្ជើញទៅ​អានសុន្ទរកថា ​នៃមហាសន្និបាតរបស់អង្គការសហប្រជាជាតិ (UN) ដោយផ្ទាល់ ​នៅទីក្រុងញូយ៉ក សហរដ្ឋអាមេរិក នៅថ្ងៃទី២៣ ខែកញ្ញា ឆ្នាំ២០២២ខាងមុខនេះ ។ក្នុងឱកាសអញ្ជើញជាអធិបតីភាព ប្រគល់សញ្ញាបត្រជូនដល់និស្សិត សាកលវិទ្យាល័យពុទ្ធិសាស្ត្រ នៅថ្ងៃទី១៧ ខែសីហា ឆ្នាំ២០២២ សម្ដេចតេជោ នាយករដ្ឋមន្ត្រី មានប្រសាសន៍ថា នៅឆ្នាំនេះ សម្ដេចត្រូវទៅអានដោយផ្ទាល់ ព្រោះធ្វើជាប្រធានអាស៊ាន ខណៈឆ្នាំមុនៗអានតាមប្រព័ន្ធអនឡាញ ហើយបន្ទាប់ពីអានសុន្ទរកថារួចរាល់ ​សម្ដេចនឹងអញ្ជើញទៅធ្វើទស្សនកិច្ចនៅប្រទេសគុយបា រយៈពេល២ថ្ងៃ គឺថ្ងៃទី២៤ និង២៥ ខែកញ្ញា ។សម្ដេចតេជោ បានបន្តថា បន្ទាប់ពីទស្សនកិច្ចនៅគុយបា នៅថ្ងៃទី២៥ បន្តឡើងយន្តហោះ ទៅកាន់​ទីក្រុងតូក្យូ ប្រទេសជប៉ុន ដល់ល្ងាចថ្ងៃទី២៦ ហើយនៅថ្ងៃទី២៧ សម្ដេចនឹងចូលរួមបុណ្យសពអតីត​នាយករដ្ឋមន្ត្រី ស៊ីនហ្សួ អាបេ ដែលជាមិត្តភក្តិដ៏ល្អរបស់កម្ពុជា ។សម្ដេចនាយករដ្ឋមន្ត្រី បន្ថែមថា សម្រាប់នៅខែវិច្ឆិកា ឆ្នាំ២០២២ គឺសម្ដេចមានការមមា​ញឹកខ្លាំង ដោយ​កិច្ចប្រជុំអាស៊ាន នឹងបញ្ចប់នៅថ្ងៃទី១៣ ខែ វិច្ឆិកា ហើយព្រះចៅស៊ុលតងព្រុយណេ នឹងបន្តព្រះរាជទស្សនកិច្ចនៅកម្ពុជា នៅថ្ងៃទី១៤ ​ដោយសម្ដេចត្រូវនៅចរចារ ជាមួយព្រះចៅ​ប្រុយណេ និងដង្ហែរព្រះមហាក្សត្រយើង ដើម្បីរួមពិធីជប់លៀង នៅក្នុងព្រះបរមរាជវាំង និងបន្តទៅចូលរួមកិច្ចប្រជុំ G20 នៅប្រទេសឥណ្ឌូណេស៊ី ។សម្ដេចតេជោ បានបញ្ជាក់ថា ​ករណីកិច្ចប្រជុំ G20 នៅព្រឹកថ្ងៃទី១៥ សម្ដេចនឹងឡើងយន្តហោះទាំង​យប់ថ្ងៃទី១៤ ប៉ុន្តែបើធ្វើនៅល្ងាច ​នឹងឡើងយន្តហោះនៅព្រឹកថ្ងៃទី១៥​ ពេលល្ងាចចូលប្រជុំ ព្រោះជា​ប្រធានអាស៊ាន ត្រូវបានការទទួលអញ្ជើញពីម្ចាស់ផ្ទះ ​បន្ទាប់ចេញពីឥណ្ឌូនេស៊ី សម្ដេចបន្តធ្វើដំណើរ​ទៅទីក្រុងបាងកក ប្រទេសថៃ តបតាមការអញ្ជើញរបស់នាយករដ្ឋមន្ត្រីថៃ ​ដើម្បីចូលរួមកិច្ចប្រជុំ APEC ៕ អត្ថបទ បាន សុខរិទ្ធិ

សម្ដេចតេជោ ហ៊ុន សែន ៖ ទោះពិភពលោកកំពុងចម្រូងចម្រាស តែកម្ពុជាអាចរៀបចំឲ្យភាគីពាក់ព័ន្ធនិយាយគ្នា និងមានសេចក្តីថ្លែងការណ៍រួម

2022/08/17 10:46:47 am        309
Facebook Telegram Linkin
ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រី បានថ្លែងថា ទោះបីបច្ចុប្បន្ននេះ ពិភពលោកកំពុងមានភាពចម្រូងចម្រាស ទាក់ទងនឹងបញ្ហាជាច្រើន ប៉ុន្តែកម្ពុជាមានភាពជោគជ័យ ដោយបានអញ្ជើញបណ្ដាប្រទេសជាមិត្តចូលកៅអីនិយាយគ្នា នៅក្នុងកិច្ចប្រជុំរដ្ឋមន្ត្រីការបរទេសអាស៊ាន និងកិច្ចប្រជុំមួយចំនួនទៀត នាពេលកន្លងទៅថ្មីៗនេះ រួមទាំងមានចេញសេចក្តីថ្លែងការណ៍មួយយ៉ាងល្អ។ក្នុងឱកាសអញ្ជើញជាអធិបតីភាព ប្រគល់សញ្ញាបត្រជូនដល់និស្សិត សាកលវិទ្យាល័យពុទ្ធិសាស្ត្រ នៅថ្ងៃទី១៧ ខែសីហា ឆ្នាំ២០២២ សម្ដេចតេជោនាយករដ្ឋមន្ត្រី បានមានប្រសាសន៍ថា ពិតជាអរគុណ និងរីករាយខ្លាំងណាស់ ចំពោះការប្រជុំអាស៊ាន ការប្រជុំជាមួយដៃគូពាក់ព័ន្ធ ដែលមានទាំងវេទិកាតំបន់អាស៊ាន និងអាស៊ីបូព៌ា ដែលប្រទេសជាច្រើនបានមកជួបជុំគ្នានៅក្នុងរាធានីភ្នំពេញ និងកោតសរសេរចំពោះអាជ្ញាធរ ដែលបានការពារភ្ញៀវប្រកបដោយសុវត្ថិភាព ។សម្ដេចបានបន្តថា សូមកោតសរសេរចំពោះរដ្ឋមន្ត្រីការបរទេស និងឧត្តមមន្ត្រីរបស់កម្ពុជា ដែលធ្វើការយ៉ាងល្អ ក្នុងការសម្របសម្រួលចេញឯកសារ ក្នុងពេលពិភលោកដ៏ចម្រូងចម្រាស ដោយបានអញ្ជើញមិត្តភក្តិរបស់យើង មកអង្គុយដោយស្រួល និយាយតាមសម្រួល និងចេញសេចក្តីថ្លែងការណ៍មួយបានយ៉ាងល្អ ។ ក្នុងនោះក៏មានប្រទេសដែលប្រឆាំងគ្នា ក៏មកចូលអង្គុយប្រជុំជាមួយគ្នា ហើយចេញសេចក្តីថ្លែងការណ៍បាន មិនមែនជារឿងងាយស្រួលទេ ជារឿងលំបាក តែយើងអាចធ្វើបាន ។សម្ដេចតេជោ ក៏បានថ្លែងអំណរគុណដល់ប្រទេស ដែលបានចូលរួមកិច្ចប្រជុំនៅកម្ពុជា រាប់ទាំងប្រទេសមកចុះហត្ថលេខាសន្ធិសញ្ញាមិត្តភាព និងសហប្រតិបត្តិការនៅអាស៊ីអាគ្នេយ៍ផង និងអរគុណចំពោះកាយវិការ ដែលផ្ដល់លទ្ធភាពឲ្យកម្ពុជាធ្វើបានដោយជោគជ័យ ដែលនេះជាមូលដ្ឋាន សម្រាប់ឈានឆ្ពោះទៅការប្រជុំអាស៊ាន នៅខែវិច្ឆិកាខាងមុខ ក៏នឹងជាមូលដ្ឋានដើម្បីឈានឆ្ពោះទៅជោគជ័យនៃការប្រជុំប្រទេសអភិវឌ្ឍទាំង២០ នៅប្រទេសឥណ្ឌូនេស៊ី និងបង្កលក្ខណៈសម្បត្តិធ្វើឲ្យកិច្ចប្រជុំ APEC នៅប្រទេសថៃ ទទួលបានជោគជ័យដែរ ។គួរបញ្ជាក់ថា កម្ពុជាបានធ្វើជាម្ចាស់ផ្ទះនៃកិច្ចប្រជុំរដ្ឋមន្ត្រីការបរទេសលើកទី៥៥ និងកិច្ចប្រជុំពាក់ព័ន្ធ ចាប់ពីថ្ងៃទី២៩ ខែកក្កដា ដល់ថ្ងៃទី៥ ខែសីហា ឆ្នាំ២០២២ ដោយចំណុចសំខានៗត្រូវនិយាយនៃកិច្ចប្រជុំមានចំនួន៦ចំណុច ទី១. ការវិវឌ្ឍនៅច្រកសមុទ្រតៃវ៉ាន់, ទី២. វិបត្តិមីយ៉ាន់ម៉ា, ទី៣. ការចូលជាសមាជិករបស់ប្រទេសទីម័រខាងកើត, ទី៤. ការពង្រីកទំនាក់ទំនងខាងក្រៅ, ទី៥. ភាពជាប្រធានអាស៊ានរបស់កម្ពុជា និងទី៦. អំណាចកោះប្រជុំរបស់អាស៊ាន ៕(ដោយ៖ បាន សុខរិទ្ធិ)

សម្តេចតេជោ លើកទឹកចិត្តឱ្យនិស្សិត និងសាកលវិទ្យាល័យនានាបន្តការសិក្សា និងបង្កើនគុណភាពនៃការបណ្តុះបណ្តាល

2022/08/17 10:08:03 am        567
Facebook Telegram Linkin
ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានមានប្រសាសន៍ថា ថ្ងៃនេះជាលើកដំបូងហើយដែលបានរៀបចំឡើងជាថ្មី នៃការប្រគល់សញ្ញាបត្រជូននិស្សិតជ័យលាភីនៃសាកលវិទ្យាល័យនានា បន្ទាប់ពីមានការខកខានអស់រយៈពេល២ឆ្នាំ ដោយសារកូវីដ១៩ ហើយសម្តេចក៏បានសំដែងនូវមោទនភាព ចំពោះការខិតខំប្រឹងប្រែងរបស់និស្សិតជ័យលាភីក៏ដូចជាមាតា បិតា អាណាព្យាបាល ក្រុមគ្រួសារទាំងអស់ ដែលបានខិតខំប្រឹងប្រែង និងបានលើកទឹកចិត្តឱ្យបន្តការសិក្សាពេញមួយជីវិតហើយក៏បានណែនាំឱ្យសាកលវិទ្យាល័យនានា ត្រូវបង្កើនគុណភាព​នៃការបណ្តុះបណ្តាល។សម្តេចតេជោ ហ៊ុន សែន នាយករដ្ឋមន្ត្រីបានផ្តល់ការណែនាំយ៉ាងដូច្នេះ ខណៈអញ្ជើញជាអធិបតីដ៏ខ្ពង់ខ្ពស់ក្នុងពិធីចែកសញ្ញាបត្រ ជូននិស្សិតសាកលវិទ្យាល័យពុទ្ធិសាស្ត្រសរុប ៦២៣នាក់ នៅមជ្ឈមណ្ឌលសន្និបាត និងពិព័រណ៍អន្តរជាតិជ្រោយចង្វានាព្រឹកថ្ងៃទី១៧សីហានេះ។ ជាមួយនឹងការកោតសរសើរចំពោះសាកលវិទ្យាល័យ និងនិស្សិតជ័យលាភីទាំងអស់ដែលបានខិតខំប្រឹងប្រែងក្នុងការរៀនសូត្រ បើទោះបីក្នុងកាលៈទេសៈដែលយើងត្រូវប្រឈម នៃពេលវេលាដ៏លំបាក ជាពិសេសវិបត្តិជំងឺរាតត្បាតកូវីដ-១៩ និងឥទ្ធិពល នៃសង្គ្រាមរុស្ស៊ី-អ៊ុយក្រែន សម្តេចតេជោ បានបន្តលើកទឹកចិត្តដល់ជ័យលាភី និងក្រុមគ្រួសារបន្តការខិតខំតទៅទៀត ហើយសង្ឃឹមថាជ័យលាភីទាំងអស់នឹងមិនបញ្ចប់ការសិក្សានៅត្រឹមកំរិតប៉ុណ្ណឹងទេ ហើយសម្តេចក៏បានលើកទឹកចិត្តឱ្យបណ្តាសាកលវិទ្យាល័យនានា បង្កើនគុណភាព នៃការបណ្តុះបណ្តាល។សូមបញ្ជាក់ថា និស្សិតដែលទទួលសញ្ញាបត្រនៅថ្ងៃនេះ រួមមាន៖ ថ្នាក់បរិញ្ញាបត្ររងចំនួន ១១១នាក់ នារី ៧៩នាក់, ថ្នាក់បរិញ្ញាបត្រចំនួន ៤៤២នាក់ នារី ៣៤០នាក់ និងថ្នាក់បរិញ្ញាបត្រជាន់ខ្ពស់​ចំនួន ៧០នាក់ នារី ១៧នាក់។ និស្សិតដែលទទួលសញ្ញាបត្រនេះ មាននិស្សិតផ្នែកវិទ្យាសាស្ត្រសុខាភិបាលចំនួន ៥៦៥នាក់ នារី ៤១៤នាក់ និងនិស្សិតផ្នែកទូទៅក្រៅពីវិទ្យាសាស្ត្រសុខាភិបាលចំនួន ៥៨នាក់ នារី ២២នាក់៕ អត្ថបទ៖ មុត សុទ្ធ

គណ:កម្មាធិការសិទ្ធិមនុស្សកម្ពុជា ជួបពិភាក្សាការងារជាមួយអ្នករាយការណ៍ពិសេស UN

2022/08/17 10:04:08 am        608
Facebook Telegram Linkin
ភ្នំពេញ៖ នាព្រឹកថ្ងៃទី១៧ ខែសីហា ឆ្នាំ២០២២ ឯកឧត្តម កែវ រ៉េមី ប្រធានគណ:កម្មាធិការសិទ្ធិមនុស្សកម្ពុជា បានអញ្ជេីញជួបពិភាក្សាការងារជាមួយលោក វិទិត មុនតាប៊ន (Vitit MUNTARBHORN) អ្នករាយការណ៍ពិសេសទទួលបន្ទុកសិទ្ធិមនុស្សរបស់អង្គការសហប្រជាជាតិប្រចាំកម្ពុជា ។ ភាគីទាំងពីរនឹងជជែកពិភាក្សាអំពីវឌ្ឍនភាពនៃស្ថានភាពសិទ្ធិមនុស្សនៅកម្ពុជា កិច្ចការ សមិទ្ធផលរបស់គណ:កម្មាធិការសិទ្ធិមនុស្សកម្ពុជា និងប្រធានបទមួយចំនួនទៀតពាក់ព័ន្ធនឹងវិស័យសិទ្ធិមនុស្ស៕

ប្រសាសន៍សំខាន់ៗរបស់សម្ដេចតេជោ ហ៊ុន សែន​ ក្នុង​ពិធី​ចែក​សញ្ញាបត្រ​ជូន​និស្សិត​សាកលវិទ្យាល័យ​ពុទ្ធិសាស្ត្រ

2022/08/17 09:43:05 am        542
Facebook Telegram Linkin
ភ្នំពេញ៖ សម្តេច​អគ្គ​មហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅព្រឹកថ្ងៃទី១៧ ខែសីហា ឆ្នាំ២០២២នេះ បាន​អញ្ជើញ​ជា​អធិបតីភាព​ដ៏​ខ្ពង់​ខ្ពស់​ក្នុង​ពិធី​ចែក​សញ្ញាបត្រ​ជូន​និស្សិតសាកលវិទ្យាល័យ​ពុទ្ធិសាស្ត្រសរុប ៦២៣នាក់។ ខាងក្រោមនេះជាប្រសាសន៍សំខាន់ៗរបស់សម្ដេចតេជោ ហ៊ុន សែន៖ - សម្តេចតេជោ ហ៊ុន សែន បញ្ជាក់ថា កម្ពុជាបានប្រែក្លាយវិបត្តិកូវីដ-១៩ ទៅជាកាលានុវត្តភាព ដែលជាសកម្មភាពរៀនរស់នៅជាមួយកូវីដ-១៩។- សម្តេចតេជោ ហ៊ុន សែន ប្រកាសថា កម្ពុជា​បាន​ប្រឹងប្រែង​យ៉ាង​ខ្លាំង​ចំពោះ​ការ​រើ​ខ្លួន​ចេញ​ពី​វិបត្តិ​កូវីដ-១៩ តាមរយៈការចាក់ស្រោចវ៉ាក់សាំងកូវីដ-១៩ និងវិធានការការពារគ្រប់បែបយ៉ាង ដើម្បី​ទប់ស្កាត់ការឆ្លងរីករាលដាលជំងឺកូវីដ-១៩។- សម្តេចតេជោ ហ៊ុន សែន ប្រកាសថា កម្ពុជាបានទទួលជោគជ័យក្នុងការប្រយុទ្ធប្រឆាំងកូវីដ-១៩ ដែលកម្ពុជាគ្មានអត្រាឆ្លងថ្មីជំងឺកូវីដ-១៩ជាង៥០ថ្ងៃ និងអត្រាស្លាប់ដោយជំងឺកូវីដ-១៩ រយៈ​ពេល​ជាង​១០០ថ្ងៃមកហើយ។- សម្តេចតេជោ ហ៊ុន សែន ប្រកាសពីប្រសិទ្ធភាពការងារ ទាំងក្របខណ្ឌរដ្ឋ និងឯកជន ក្នុង​ពេល​វិបត្តិ​កូវីដ-១៩ ជាពិសេសក្នុងពេលបិទខ្ទប់ តាម​រយៈ​របៀប​នៃ​ការ​បំពេញ​ការងារ​ថ្មី​តាម​អន​ឡាន​(Online) ដែលកិច្ចការនេះ តម្រូវឱ្យក្រុមហ៊ុនInternet ធ្វើទំនើបកម្មសេវា Internet​របស់​ខ្លួន​ឱ្យ​បាន​ប្រសើរ​ឡើង ជាពិសេសតាមបុរី ផ្ទះល្វែង ដែលប្រជាពលរដ្ឋតែងតែរអ៊ូរទាំពីបញ្ហានេះ។- សម្តេចតេជោ ហ៊ុន សែន ប្រកាស​ជា​ថ្មី​មិន​ទទួល​ស្គាល់ដាច់​ខាត​ការ​ផ្តល់​សិទ្ធិ​ផ្តាច់​មុខ​ដល់​ក្រុម​ហ៊ុន ​Internet តាមបុរី និងតាមសំណង់ផ្ទះល្វែង ដែលមិនមានការប្រកួតប្រជែង ព្រោះ​បញ្ហា​នេះ​មិន​បាន​ធ្វើ​ឱ្យ​ប្រសើរឡើងសេវា Internet ដល់អ្នកប្រើប្រាស់ឡើយ។- សម្តេចតេជោ ហ៊ុន សែន ប្រកាសមិនអនុញ្ញាតឱ្យមាន​ការ​តែងតាំង​មន្ត្រី​ណាក៏ដោយ ដែល​មិន​មាន​ចំណេះដឹង​ផ្នែកព័ត៌មានវិទ្យា ដែលយ៉ាងហោចណាស់ក៏ត្រូវចេះប្រើប្រាស់ស្មាតហ្វូនផងដែរ ព្រោះ​បច្ចុប្បន្ននេះមន្ត្រីត្រូវ​ជំរុញការងារ និងប្រសិទ្ធភាពការងារតាមប្រព័ន្ធអនឡាញ។- សម្តេចតេជោ ហ៊ុន សែន បញ្ជាក់ថា ពាក្យអនឡាញ(Online)នាពេលបច្ចុប្បន្ននេះ បាន​ក្លាយ​ជា​ពាក្យ​ដ៏​សាមញ្ញមួយ ដែលប្រជាពលរដ្ឋខ្មែរនរណាក៏អាចដឹង និងយល់ផងដែរ ក្នុង​នោះ​រាប់​ការ​ជាវ​ឥវ៉ាន់, ការទូទាត់ប្រាក់, ការធ្វើដំណើរ និងផ្នែកផ្សេងៗទៀត។ - សម្តេចតេជោ ហ៊ុន សែន ប្រកាសពីកិច្ចខិតខំប្រឹងប្រែងរបស់រាជរដ្ឋាភិបាល ក្នុង​ការ​ជួយ​ដល់​ប្រជាពលរដ្ឋ​ពេល​ដែល​មាន​ករណី​ឆ្លងខ្លាំង និងស្លាប់ច្រើនដោយជំងឺកូវីដ-១៩។ សម្តេចបញ្ជាក់ថា «ពេលនេះ កាលពីឆ្នាំមុន គឺជាពេលដែលយើងលំបាកបំផុត ជាពេលឆ្លង និងស្លាប់ច្រើន ដែល​កាល​ណោះយើង​ជំរុញការធ្វើក្តារមឈូស និងទីកន្លែងរំលាយ និងកប់សព ដោយជំងឺកូវីដ-១៩»។- សម្តេចតេជោ ហ៊ុន សែន បញ្ជាក់ថា បុរី និងសំណង់ផ្ទះល្វែងភាគច្រើនវិនិយោគ ដោយ​វិនិយោគិន​ក្នុង​ស្រុក ដែលកិច្ចការនេះត្រូវបានលើកទឹកចិត្ត និង​ផ្តល់​ឱកាស​សម្រាប់​ការ​វិនិយោគ​បន្ថែម​ទៀត​។- សម្តេចតេជោ ហ៊ុន សែន ប្រកាសឱ្យមានការវិនិយោគលើវិស័យអប់រំនៅកម្ពុជាកាន់តែច្រើន ដោយ​យើងមិនរំពឹងតែទៅលើកិច្ចខិតខំប្រឹងប្រែងរបស់រដ្ឋទាំងស្រុងនោះឡើយ ដែល​រហូត​មក​ដល់​ពេល​នេះ កម្ពុជាមានការវិនិយោគដោយវិស័យឯកជនក្នុងស្រុកជាច្រើន ក្នុងនោះ​ក៏​មាន​ពី​ក្រៅ​ប្រទេស​ផង​ដែរ ដូចជា៖ អាមេរិក កាណាដា និងបណ្តាប្រទេសមួយចំនួនទៀត។- សម្តេចតេជោ ហ៊ុន សែន បានប្រកាសជំរុញដល់ក្រសួងការងារ និងបណ្តុះបណ្តាលវិជ្ជាជីវៈ ប្រឹង​ប្រែង​ដោះ​ស្រាយបញ្ហា និងកង្វល់របស់កម្មករ តាមរោងចក្រ សហគ្រាសនានា ដោយ​មិន​ទុក​ឱ្យ​ពួក​គាត់​រង​ភាព​លំបាលលំបិនក្នុងការងារ ដោយយើងមិនដឹង និងមិនបាន​ដោះស្រាយ​នោះ​ឡើយ​។- សម្តេចតេជោ ហ៊ុន សែន ប្រកាសឡើងវិញពីការប្តេជ្ញាចិត្តក្នុងការថែរក្សាតំបន់ភ្នំតាម៉ៅ ដែល​រង​ការ​ឈូស​ឆាយ​ឱ្យ​ទៅ​ជាតំបន់​ការពារ​ដោយ​ព្រះរាជក្រឹត្យ និង​ដាំ​ដើម​ឈើ​ប្រណីត​ឡើង​វិញ (ក្រញូង បេង ធ្នង់) ឱ្យមានប្រសិទ្ធភាព ព្រមទាំងមានការថែទាំឱ្យត្រឹមត្រូវ ច្បាស់លាស់។- សម្តេចតេជោ ហ៊ុន សែន ប្រកាស​យ៉ាង​មុត​មាំ​ការពារ​តំបន់​ភ្នំ​តាម៉ៅ​មិន​ឱ្យ​មាន​ការ​បាត់​បង់​ឡើយ​។ សម្តេច​បាន​បញ្ជា​ឱ្យ​ក្រសួង​កសិកម្ម រុក្ខាប្រមាញ់ និងនេសាទ ប្រឹង​ប្រែង​ធ្វើ​កិច្ច​ការងារ​ឱ្យ​បាន​ល្អ​បំផុត​។- សម្តេចតេជោ ហ៊ុន សែន ប្រកាសដល់កន្លែងនានា ដែលដាក់ថា «Free Wi Fi» សូមឱ្យមាន Internet សម្រាប់ការប្រើប្រាស់ផងដែរ។ សម្តេចតេជោ ហ៊ុន សែន បានបញ្ជាក់ថា «នា​ពេល​បច្ចុប្បន្ន​នេះ បើគ្មានInternet ខ្ញុំមិនដឹងថាត្រូវធ្វើកិច្ចការងារយ៉ាងណាទេ»។- សម្តេចតេជោ ហ៊ុន សែន បានស្តីបន្ទោស និងចោទជាសំនួរទៅឯកឧត្តម អ៊ិត សំហេង រដ្ឋមន្ត្រី​ក្រសួង​ការងារ និងបណ្តុះបណ្តាលវិជ្ជាជីវៈ ពីការព្រងើយ​កន្តើយ​ចំពោះ​សុខទុក្ខ​របស់​កម្មករ​ដែល​មាន​ការ​រំលោភបំពានការងារ។- សម្តេចតេជោ ហ៊ុន សែន បានចោទជាសំនួរថា រដ្ឋមន្ត្រីក្រសួងការងារ និង​បណ្តុះ​បណ្តាល​វិជ្ជាជីវៈ យកលុយរដ្ឋទៅដោះស្រាយកម្មករ ដែលថៅកែមិនបើកលុយឱ្យ ហេតុអ្វី​មិន​ដោះ​ស្រាយ​បញ្ហា​នេះ? ទុកឱ្យកម្មករមកដាក់ញ្ញត្តិដល់ខុទ្ទការល័យសម្តេច?។- សម្តេចតេជោ ហ៊ុន សែន បញ្ជាឱ្យឯកឧត្តម កួច ចំរើន អភិបាលខេត្តព្រះសីហនុ ស្រាវជ្រាវ វែក​មុខ​រក​មេខ្លោង ដែលកាប់ទន្ទ្រានយកដីរដ្ឋនៅខេត្តព្រះសីហនុ ហើយនាំគ្នាតវ៉ា ដោយពាក់អាវ និង​មួក​គណបក្ស​ប្រជាជនកម្ពុជា ប្រឆាំងនឹងការបង្ក្រាបរបស់អាជ្ញាធរ។- សម្តេចតេជោ ហ៊ុន សែន ប្រកាសដោយរីករាយ និងមានមោទនភាពបំផុត ចំពោះ​ភាព​ជា​ម្ចាស់​ផ្ទះ ​នៃកិច្ច​ប្រជុំរដ្ឋមន្ត្រីការបរទេសអាស៊ាន និងកិច្ចប្រជុំពាក់ព័ន្ធនានានៅកម្ពុជា កាល​ពី​ពេលក​ន្លង​ទៅ ​បាន​ធ្វើឡើងជោគជ័យ ត្រចះត្រចង់ជាទីបំផុត ទាំងដំណើរការរៀបចំ, សន្តិសុខ សុវត្ថិភាព,​ បដិ​សណ្ឋារកិច្ច និងចេញសេចក្តីថ្លែងការណ៍រួម។- សម្តេចតេជោ ហ៊ុន សែន ប្រកាសថា ទោះបីជាពិភពលោកកំពុងមានវិបត្តិប្រេងឥន្ធនៈ និងថាមពលក៏ដោយ តែនៅកម្ពុជាមិនមានការដំឡើងថ្លៃអគ្គិសនីទេ ហើយតម្លៃប្រេងឥន្ធនៈ ក៏មានធ្លាក់ចុះជាបន្តបន្ទាប់ផងដែរ។- សម្តេចតេជោ ហ៊ុន សែន បន្តអំពាវនាវឱ្យបន្តវិធានការ ដើម្បីទប់ស្កាត់ការឆ្លងរីករាលដាលជំងឺកូវីដ-១៩ តាមរយៈវិធានការ ៣កុំ និង ៣ការពារ ជាពិសេសនាំគ្នាទៅទទួលយកការចាក់វ៉ាក់សាំងកូវីដ-១៩ ទាំងដូសមូលដ្ឋាន និងដូសជំរុញឱ្យបានគ្រប់ៗគ្នាតាមទីតាំង និងពេលវេលា ដែលបានកំណត់ដោយអាជ្ញាធរ និងក្រុមគ្រូពេទ្យ។សង្កថាសម្តេចតេជោ ហ៊ុន សែន ចប់នៅវេលាម៉ោង០៩ និង៤០នាទី  

រាជរដ្ឋាភិបាល​ប្រកាសមិនទទួលស្គាល់​ចំពោះម្ចាស់បុរី​ និង​ម្ចាស់សេវាកម្ម​ទូរស័ព្ទចុះហត្ថលេខាផ្តាច់មុខជាមួយគ្នា

2022/08/17 08:55:48 am        515
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានថ្លែងថា រាជរដ្ឋាភិបាល​មិន​ទទួល​ស្គាល់ ​និង​ទទួល​ខុស​ត្រូវ​ចំពោះ​ម្ចាស់​ផ្ទះបុរី​ និ​ង​ម្ចាស់​សេវា​កម្ម​អ៊ីនធឺណែត​ដែល​បាន​ចុះហត្ថ​លេខា​ផ្តាច់មុខ​ជាមួ​យ​គ្នា​នោះ​ឡើយ​ ខណៈ​សកម្មភាព​បែប​នេះ​បាន​ធ្វើ​ឲ្យ​អ្នក​រស់​នៅ​ក្នុង​បុរី​ពិបាក​ទាក់​ទង​គ្នាយ៉ាង​ខ្លាំង​។ថ្លែង​នៅ​ក្នុង​ពិធី​ចែក​សញ្ញាបត្រ​ជូន​និស្សិត​សាកលវិទ្យាល័យ​ពុទ្ធិសាស្ត្រ​ចំនួន ៦២៣​នាក់​ នៅព្រឹ​ក​ថ្ងៃ​ទី​១៧​ ខែ​សីហា ​ឆ្នាំ២​០២២នេះ ​សម្តេ​ច​តេជោ ​ហ៊ុន សែន បាន​លើក​ឡើង​ថា ការ​សហការ​ផ្តាច់​មុខ​ជា​មួយ​គ្នា​រវាង​ម្ចាស់​សេវាកម្ម​អ៊ីន​ធើណែត ​ និង​ម្ចាស់​ផ្ទះ​បុរី​វា​មិន​បាន​ផ្តល់​ភាព​ងាយ​ស្រួល​សម្រាប់​អ្នក​ប្រើប្រាស់​នោះ​ឡើយ ​ហើយ​សកម្មភាព​បែប​នេះ​សម្តេច​មិន​គាំ​ទ្រ​នោះ​ទេ​ ដោយ​សារ​តែ​អ្នក​រស់​នៅ​បុរី​ទាំង​នោះពិ​បាក​ទាក់​ទង​គ្នា​យ៉ាង​ខ្លាំង​តាម​រយៈទូរស័ព្ទ​។សូម​បញ្ជាក់ថា នាពេលបច្ចុប្បន្ននេះ ​ប្រទេស​កម្ពុជា​មាន​អ្ន​ក​ប្រើ​ទូរស័ព្ទ​ចល័ត​ជាង​១៩​លាន​ស៊ីម​ អ្នក​ប្រើ​អ៊ីន​ធឺណិត​ចល័ត​ជាង​ ១៧​លាន​ស៊ីម,​ អ៊ីនធឺណិត​អចល័ត​ជាង​៣១​ម៉ឺន​, អ្នក​ប្រើ ​Facebook ជាង​១៣លាននាក់ ខណៈអ្នកប្រើ​ប្រាស់​ប្រព័ន្ធ​Messinger ជាង​១១​លាន​នាក់​។ ទាក់​ទង​នឹង​សេវាកម្មទូ​រស័ព្ទ​នេះ​ដែរ​ កាល​ពី​ខែ​កក្កដា​កន្ល​ងទៅ​នេះ ស​ម្ដេច​នាយក​រដ្ឋ​មន្រ្តី​ ហ៊ុន សែន ក៏បាន​ប្រាប់​ដល់​ក្រុមហ៊ុន​ទូរស័ព្ទ​នានា​នៅ​កម្ពុជា​ គ​ប្បី​ពង្រីក​សេវា​អ៊ិនធឺណែត​របស់​ខ្លួន​ ដល់​តំបន់​ទេសចរណ៍​ដាច់​ស្រយាល ​ដើម្បី​ធ្វើ​យ៉ាង​ណាប​ម្រើផ​ល​ប្រយោជន៍​ប្រជាពលរដ្ឋ​ និង​ទាក់​ទាញ​ភ្ញៀវ​ទេសចរ​បន្ថែម​ទៀត​៕ អត្ថបទ៖ បាន ចក់​

សម្តេចតេជោ ហ៊ុន សែន អញ្ជើញប្រគល់សញ្ញាបត្រ ជូននិស្សិតសាកលវិទ្យាល័យពុទ្ធិសាស្ត្រ ៦២៣នាក់

2022/08/17 07:40:22 am        487
Facebook Telegram Linkin
ភ្នំពេញ៖ នៅព្រឹកថ្ងៃពុធ ទី១៧ ខែសីហា ឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីចែកសញ្ញាបត្រជូននិស្សិតសាកលវិទ្យាល័យពុទ្ធិសាស្ត្រសរុប ៦២៣នាក់។ និស្សិតដែលទទួលសញ្ញាបត្រនៅថ្ងៃនេះ រួមមាន៖ ថ្នាក់បរិញ្ញាបត្ររងចំនួន ១១១នាក់ នារី ៧៩នាក់, ថ្នាក់បរិញ្ញាបត្រចំនួន ៤៤២នាក់ នារី ៣៤០នាក់ និងថ្នាក់បរិញ្ញាបត្រជាន់ខ្ពស់ចំនួន ៧០នាក់ នារី ១៧នាក់។ និស្សិតដែលទទួលសញ្ញាបត្រនេះ មាននិស្សិតផ្នែកវិទ្យាសាស្ត្រសុខាភិបាលចំនួន ៥៦៥នាក់ នារី ៤១៤នាក់ និងនិស្សិតផ្នែកទូទៅក្រៅពីវិទ្យាសាស្ត្រសុខាភិបាលចំនួន ៥៨នាក់ នារី ២២នាក់៕

អ្នករាយការណ៍ពិសេសអង្គការសហប្រជាជាតិ ជួបសម្តេចតេជោស្វែងយល់ពីបញ្ហាសិទ្ធិមនុស្ស និងសេដ្ឋកិច្ចនៅកម្ពុជា

2022/08/16 01:54:59 pm        507
Facebook Telegram Linkin
ភ្នំពេញ៖ នៅវិមានសន្តិភាពព្រឹកថ្ងៃទី១៦សីហានេះ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអនុញ្ញាតឱ្យលោក វិទិត មុនតាប៊ន អ្នករាយការណ៍ពិសេស​ទទួលបន្ទុកសិទ្ធិមនុស្សនៅកម្ពុជា ​ចូលជួបសំដែងការគួរសមនិងពិភាក្សាការងារ។ឯកឧត្តម អ៊ាង សុផល្លែត ជំនួយការផ្ទាល់សម្តេចតេជោ បានឱ្យដឹងថា លោក វិទិត មុនតាប៊ន បានសាទរចំពោះកម្ពុជានូវជោគជ័យនៃការចាក់ស្រោចវ៉ាក់សាំងកូវីដ១៩ និងបានគោរពសុំស្វែងយល់ពីសម្តេចនូវបញ្ហាសិទ្ធិមនុស្ស និងសេដ្ឋកិច្ចនៅកម្ពុជា។ជាការឆ្លើយតប សម្ដេចតេជោ បានមានប្រសាសន៍ថា កម្ពុជាបានកំពុងជំរុញ​អនុវត្តគោល​នយោបាយគាំពារសង្គម ជាពិសេសការជួយជនក្រីក្រ​និងជនរងគ្រោះដោយជំងឺកូវីដ១៩ ការដំឡើង​បៀវត្ស​របស់មន្ត្រីរាជការស៊ីវិល និងកងកម្លាំងប្រដាប់អាវុធ ការកែសម្រួលប្រាក់​សោធននិវត្តន៍​មន្ត្រីរាជការ​និងអតីតយុទ្ធជន​ ការអនុវត្ត​សោធននិវត្តន៍​សម្រាប់កម្មករ ​និយោជិត ដែលស្ថិត​ក្រោម​បទប្បញ្ញត្តិ​នៃច្បាប់ស្តីពីការងារ និងការតំឡើងប្រាក់​ឈ្នួល​អប្បបរមារបស់កម្មករនិយោជិត។ ការរីករាលដាលនៃជំងឺកូវីត១៩ បានផ្លាស់ប្ដូរ​សេដ្ឋកិច្ចពិភពលោក ​យ៉ាងខ្លាំងព្រមទាំងបាន​ជះ​ឥទ្ធិពល​លើគ្រប់វិស័យមកលើកម្ពុជា។ក្នុងបរិការណ៍ប្រយុទ្ធប្រឆាំងកូវីដ១៩ រាជរដ្ឋាភិបាលកម្ពុជាក៏បានដាក់ចេញនូវវិធានការបន្ទាន់​និង​ស៊ីជម្រៅនិងមានប្រសិទ្ធិភាពដើម្បីគាំទ្រវិស័យសេដ្ឋកិច្ចនិងគាំពារសង្គម មានដូចជាការបញ្ចេញ​កញ្ចប់​ថវិកានិងដាក់ចេញនូវកម្មវិធីឧបត្ថម្ភសាច់ប្រាក់ជូនពលរដ្ឋក្រីក្រ​និងងាយរងគ្រោះដែលទទួលរងផលប៉ះពាល់ពីជំងឺកូវីដ១៩។នេះជាការធានាដល់សិទ្ធិផ្នែកសេដ្ឋកិច្ចរបស់ប្រជាពលរដ្ឋ សិទ្ធិរស់រានជាជីវិតត្រូវបានផ្ដល់ជា​អាទិភាព​និង​សិទ្ធិទទួលបានព័ត៌មានតាមរយៈការផ្សព្វផ្សាយ​យ៉ាងទូលំទូលាយ​ត្រូវបាន​ជូនដល់ប្រជាពលរដ្ឋ។ យុទ្ធសាស្ត្រផ្ការីករបស់កម្ពុជាក្នុងការចាក់ស្រោចវ៉ាក់សាំង covid-19 ដោយ​ឥតគិតថ្លៃនិងគ្មានការរើសអើងរួមទាំងអ្នកទោស និង​ជនបរទេស​បាន​សម្រេចនូវអត្រាការ​ចាក់វ៉ាក់​សាំងជាង ៩៤ភាគរយនៃចំនួនប្រជាជនសរុប៕

នាយកប្រតិបត្តិក្រុមហ៊ុនឯកជនមួយសុំអនុសាសន៍ពីសម្តេចតេជោស្វែងរកឱកាសវិនិយោគនៅកម្ពុជា

2022/08/16 12:20:27 pm        563
Facebook Telegram Linkin
ភ្នំពេញ៖ នៅវិមានសន្តិភាពព្រឹកថ្ងៃទី១៦សីហានេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា​បាន​អនុញ្ញាតឱ្យលោក ករសាក់ ឆៃរ៉ាមីសាក់ (Korsak chairasmisak ប្រធានគណៈកម្មការ​ប្រតិបត្តិ​ក្រុមហ៊ុន​ស៊ីភីអល (CPALL) ចូលជួបសំដែងការគួរសម និងពិភាក្សាការងារ។បើតាមឯកឧត្តម អ៊ាង សុផល្លែត ជំនួយការផ្ទាល់សម្តេចតេជោ បានឱ្យដឹងថា លោក ករសាក់​បានសាទរ ដែលសម្តេចតេជោបានដឹកនាំកម្ពុជាទទួលបានការអភិវឌ្ឍយ៉ាងឆាប់រហ័ស ។ជាការឆ្លើយតបសម្ដេចតេជោ បានថ្លែងអំណរគុណជូនចំពោះលោកករសាក់ដែល​បាន​សម្ដែងការ​សាទរចំពោះការអភិវឌ្ឍនៅកម្ពុជា ហើយក៏បានថ្លែងអំណរគុណជូនចំពោះលោកករសាក់ផងដែរ ដែលបានផ្ដល់អាហារូបករណ៍ជូនដល់កុមារកម្ពុជាបានទៅសិក្សាល្បែងយុទ្ធសាស្ត្រនៅប្រទេសថៃ ហើយក៏បានណែនាំឲ្យលោកករសាក់បន្តពិភាក្សាការងារជាមួយឯកឧត្តមរដ្ឋមន្ត្រីប្រតិភូអមនាយករដ្ឋមន្ត្រី សុខ ចិន្ដាសោភា។ពាក់ព័ន្ធនឹងអាហារូបករណ៍​ល្បែង​យុទ្ធសាស្ត្រនេះ ​សម្ដេច​ក៏បាន​ណែនាំ​ឲ្យពិភាក្សាជាមួយ​ឯកឧត្តម រដ្ឋមន្ត្រីក្រសួងអប់រំយុវជននិងកីឡា បណ្ឌិត្យសភាចារ្យ ហង់ ជួនណារ៉ុន។ពាក់ព័ន្ធនឹងទិសដៅវិនិយោគ សម្ដេចតេជោ​ក៏បានណែនាំឱ្យ លោកករសាក់ពិនិត្យពិចារណា​ធ្វើការ​វិនិយោគលើការផលិតក្រដាសនៅកម្ពុជា ព្រោះថាក្រដាសជាសម្ភារៈដែលត្រូវការចាំបាច់ហើយកំពុងតែមាន​តម្រូវការកើនឡើងជាលំដាប់ និង បានស្នើសុំឱ្យលោកករសាក់ពិនិត្យពិចារណា​លើការ​ពិនិត្យ​បង្កើត​រោងចក្រផលិតជី​ សរីរាង្គ​ព្រោះ​ជាជីមួយ​នេះ​អាច​ប្រើប្រាស់ លើដំណាំដែល​មិន​ប៉ះពាល់​ដល់សុខភាព៕

សម្តេច សាយ ឈុំ៖ សមាជិកបក្សត្រូវវាយបកឲ្យចំគោលដៅទៅពួកអគតិក្នុងសមរភូមិឌីជីថល

2022/08/15 01:16:43 pm        396
Facebook Telegram Linkin
ភ្នំពេញ៖ ខណៈពួកអគតិ បានយកប្រព័ន្ធឌីជីថល បំប៉ោងព័ត៌មានក្លែងក្លាយផ្ទុយពីការពិត ចោទប្រកាន់មកលើ រាជរដ្ឋាភិបាលក្រោមការដឹកនាំរបស់បក្សប្រជាជនកម្ពុជា សម្តេចវិបុល​សេនាភក្តី សាយ ឈុំ អនុប្រធាន គណបក្សប្រជាជន និងជាប្រធានគណៈប្រចាំការ​នៃ​គណៈអចិន្រ្តៃយ៍​គណៈកម្មាធិការកណ្តាល បានជំរុញដល់សមាជិក-សមាជិកាបក្ស ត្រូវវាយបក​ទៅវិញឲ្យឆាប់រហ័ស និងចំគោលដៅ ដើម្បីកុំឲ្យប្រជាពលរដ្ឋមាន ការភ័ន្តច្រលំមក​លើ​រាជ​រដ្ឋាភិបាល។មានប្រសាសន៍ក្នុងពិធីបិទសិក្ខាសាលាស្តីពី«ការចែករំលែក និងការ​ផ្លាស់ប្តូរ​បទពិសោធន៍​លើ​ការងារ​ព័ត៌មាន និងការផ្សព្វផ្សាយមហាជនក្នុងបរិបទឌីជីថល» ​នៅថ្ងៃទី១៤ ​ខែសីហាម្សិលមិញ ស្ថិតក្នុងទីស្នាក់ការកណ្តាលគណបក្សប្រជាជនកម្ពុជា ​សម្តេចវិបុលសេនាភក្តី សាយ ឈុំ អនុប្រធាន​គណបក្សប្រជាជនកម្ពុជា និងជាប្រធានគណៈប្រចាំការនៃគណៈអចិន្រ្តៃយ៍​គណៈកម្មាធិការ​កណ្តាល បានថ្លែងថា តួនាទីដ៏​សំខាន់របស់គណៈចលនាមហាជន​នៃ​គណៈកម្មាធិការ​កណ្តាលគណបក្សប្រជាជនកម្ពុជា ​គ្រប់ជាន់ថ្នាក់ និងយន្តការបក្សនានា​ក្នុងការ​អនុវត្តតួនាទីភារកិច្ចប្រកបដោយឆន្ទះមោះមុត​ និងទទួលខុសត្រូវខ្ពស់ គឺជាការចូលដ៏​មាន​សារៈ​សំខាន់ ក្នុង​ជ័យជំនៈរបស់គណបក្ស​ប្រជាជនកម្ពុជា​ ក្នុងការបោះឆ្នោតជ្រើសរើស​ក្រុម​ប្រឹក្សាឃុំ​សង្កាត់អាណិត្តទី៥ ឆ្នាំ២០២២ ​កាលពីខែមិថុនាកន្លងទៅ ដែលបានធ្វើឱ្យគណបក្ស​ប្រជាជន​កម្ពុជាទទួលបានសំឡេងគាំទ្រស្មើនឹង ៧៤.៣២% ​នៃសន្លឹកឆ្នោតបានការសរុប។​ ជ័យជំនេះ បង្ហាញថា បក្សប្រជាជនកម្ពុជា នៅតែជាគណបក្សនយោបាយតែមួយគត់ ដែល​ប្រជាជពលរដ្ឋ​ជឿទុក​ចិត្តលើការដឹកនាំ​ទាំង​ថ្នាក់ជាតិ ​និងថ្នាក់ក្រោមជាតិ។យ៉ាងណាក្តី ជាមួយជោគជ័យនេះ មជ្ឈដ្ឋានជនអគិតនៅតែបន្តធ្វើសកម្មភាពជាប្រចាំ​តាម​រយៈការ​ផ្សព្វផ្សាយ វាយប្រហារឥតឈប់ឈរពីចំណុចអវិជ្ជមាន ​បំភ្លៃព័ត៌មានមួលបង្កាច់មកលើ​រាជ​រដ្ឋាភិបាល ​ជាពិសេសធ្វើឡើងតាមប្រព័ន្ធឌីជីថល ​ក្នុងន័យនេះ ​សម្តេចវិបុលសេនាភក្តីសាយ ឈុំ បានជំរុញដល់សមាជិក-សមាជិការបក្សប្រជាជនត្រូវវាយបកទៅឲ្យបានរហ័សក្នុងសមរភូមិឌីជីថល ដោយ​តាក់តែងខ្លឹមសារ ​ដែលមានលក្ខណៈទាក់ទាញ ខ្លីខ្លឹម ​និងច្បាស់លាស់ ដើម្បីងាយ​បញ្ជ្រាប​ដល់ប្រជាជន ជឿទុកចិត្ត ​និងគាំទ្រការដឹកនាំរបស់រាជរដ្ឋាភិបាល៕ អត្ថបទ៖ទូច សោភ័ណ

បណ្ដាញសង្គម

ព័ត៌មានថ្មីៗ

[UPDATE] រញ្ជួយដីកម្រិត ៥,៤រ៉ិចទ័រ របស់មីយ៉ាន់ម៉ា រង្គើដល់ក្រុងបាងកក ដោយបង្កភាពភ័យស្លន់សោរ
08/21/2025 01:08 PM
Facebook Telegram Linkin
គណបក្សភឿថៃ បដិសេធពាក្យចចាមអារ៉ាមពីការវិលត្រលប់របស់លោក Prayut
08/21/2025 01:08 PM
Facebook Telegram Linkin
ក្នុងមួយថ្ងៃក្រសួងការងារផ្គូរផ្គងការងាររវាងភាគីនិយោជក និងអ្នកស្វែងរកការងារជាង៥ពាន់នាក់
08/21/2025 01:08 PM
Facebook Telegram Linkin
អ៊ីស្រាអែល សម្លាប់ជនប៉ាឡេស្ទីនជាង ៨០នាក់ ខណៈយោធាចាប់ផ្តើមវាយដណ្តើមយកទីក្រុងហ្កាហ្សា
08/21/2025 01:08 PM
Facebook Telegram Linkin
ឯកអគ្គរដ្ឋទូតចិនប្រចាំកម្ពុជា៖ ចិននឹងសហការជាមួយប្រទេសកម្ពុជា ថៃ ម៉ាឡេស៊ី និង​ប្រទេស​អាស៊ាន ដើម្បីខិតខំស្ដារសន្តិភាពកម្ពុជា-ថៃ ឡើងវិញ
08/21/2025 01:08 PM
Facebook Telegram Linkin
របាយការណ៍៖ កោះតៃវ៉ាន់ បង្កើនការចំណាយលើវិស័យការពារជាតិឆ្នាំ២០២៦ លើសពី ៣% នៃ GDP
08/21/2025 12:08 PM
Facebook Telegram Linkin
ការស្ទង់មតិ៖ ប្រជាជនអាមេរិកភាគច្រើនជឿថា ប្រទេសនានាគួរតែទទួលស្គាល់រដ្ឋប៉ាឡេស្ទីន
08/21/2025 12:08 PM
Facebook Telegram Linkin
ឥណ្ឌា បាញ់សាកល្បងមីស៊ីលបាលីស្ទិក ដែលមានសមត្ថភាពផ្ទុកក្បាលគ្រាប់នុយក្លេអ៊ែរ
08/21/2025 12:08 PM
Facebook Telegram Linkin
តុលាការអាមេរិក អនុញ្ញាតឱ្យលោក Trump បញ្ចប់សិទ្ធិការពារពីការនិរទេស សម្រាប់ជនអន្តោប្រវេសន៍ ៦ម៉ឺននាក់
08/21/2025 12:08 PM
Facebook Telegram Linkin
[BREAKING NEWS] គ្រោះរញ្ជួយដីកម្រិត ៥,៤រ៉ិចទ័រ ចេញពីប្រទេសមីយ៉ាន់ម៉ា បានរង្គើដល់ទីក្រុងបាងកក របស់ថៃ
08/21/2025 12:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.