នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់
សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់
ឯកឧត្តម ចាន់ ដារ៉ុង ដឹកនាំគណៈកម្មការ​អន្តរ​ក្រសួង​ចុះ​ពិនិត្យ​វាយ​តម្លៃ​បញ្ចប់​សុពល​ភាព​ការងារ​ថែ​ទាំ​ផ្លូវ​ខួបចំនួន ៣កំណាត់ ក្នុងខេត្តពោធិ៍សាត់
BREAKING NEWS! សម្តេចធិបតី អបអរសាទរចំពោះការប្រព្រឹត្តទៅដោយជោគជ័យ​នូវ​កិច្ច​ប្រជុំ​​វិសាមញ្ញ នៃ​គណៈកម្មាធិកា​រ​ព្រំដែន​ទូទៅកម្ពុជា-ថៃ

នយោបាយ​ និង ការអភិវឌ្ឍន៍

ឥណ្ឌាជំរុញកិច្ចព្រមព្រៀងស្តីពីពាណិជ្ជកម្មទំនិញអាស៊ាន-ឥណ្ឌា ដែលនាំឱ្យមានរំហូរទំនិញសេរីក្នុងតំបន់

2022/08/15 12:03:50 pm        427
Facebook Telegram Linkin
ភ្នំពេញ៖ ប្រទេសឥណ្ឌា បានលើកទឹកចិត្តដល់បណ្ដាប្រទេសជាសមាជិកអាស៊ាន ក្នុងការជំរុញកិច្ច​ព្រម​ព្រៀងស្តីពីពាណិជ្ជកម្មទំនិញអាស៊ាន-ឥណ្ឌា (AITIGA) ដើម្បីសម្រេចបាននូវរំហូរទំនិញ ដោយ​សេរីក្នុងតំបន់ ​ហើយឥណ្ឌាក៏បានប្ដេជ្ញាផ្សារភ្ជាប់ទំនាក់ទំនងជាមួយអាស៊ាន ឲ្យកាន់តែល្អប្រសើរ ។ក្នុងសន្និសីទសារព័ត៌មានស្តីពី លទ្ធផលនៃដំណើរទស្សនកិច្ចផ្លូវការ របស់គណៈប្រតិភូអន្តរសភា​អាស៊ាន ហៅកាត់ថាអាយប៉ា ក្នុងប្រទេសឥណ្ឌា នៅថ្ងៃទី១៥ ខែសីហា ឆ្នាំ២០២២ ឯកឧត្តម ឈាង វុន ប្រធានគណៈកម្មការទី២នៃរដ្ឋសភា មានប្រសាសន៍ថា នៅក្នុងជំនួបជាមួយ​ឯកឧត្តម​កិត្តិសេដ្ឋា​បណ្ឌិត ជាម យៀប អនុប្រធានទី១នៃរដ្ឋសភា និងជាប្រធានអាយប៉ា លើកទី៤៣ រដ្ឋមន្ត្រីការ​បរទេស​ឥណ្ឌា ឯកឧត្តម ស៊ូប្រាម៉ាន់យ៉ាម ជ័យហ្សាន់ខា បានបញ្ជាក់ថា ដើម្បីក្លាយ​ជាសមាជិក​សង្កេតការណ៍របស់អាយប៉ា មិនមែនគ្រាន់តែជាជំហ៊ានមួយ ដែលមានសារៈសំខាន់សម្រាប់​ទំនាក់ទំនង​រវាងអាយប៉ា និងសភាឥណ្ឌាប៉ុណ្ណោះទេ តែថែមទាំងបានពង្រីកទំនាក់ទំនង​រវាង​អាស៊ាន និងឥណ្ឌាឲ្យកាន់តែទូលំទូលាយបន្ថែមទៀត ។រដ្ឋមន្ត្រីការបរទេសឥណ្ឌា ក៏បានលើកទឹកចិត្តដល់បណ្ដាប្រទេសជាសមាជិកអាស៊ាន ក្នុងការជំរុញ​កិច្ចព្រមព្រៀង​ពាណិជ្ជកម្មទំនិញអាស៊ាន-ឥណ្ឌា ដើម្បីសម្រេចបាននូវរំហូរទំនិញដោយ​សេរី​នៅក្នុងតំបន់ ដែលមិនបណ្ដាលឲ្យមាន​ឧបសគ្គ ​ឬមានតិចតួចដល់ពាណិជ្ជកម្ម និងទំនាក់ទំនង​សេដ្ឋកិច្ច​ឲ្យកាន់តែស៊ីជម្រៅ ។ឯកឧត្តម ឈាង វុន បន្ថែមថា ក្នុងដំណើរទស្សនកិច្ចរបស់អាយប៉ានេះ បានជួបជាមួយ អនុប្រធាន​ព្រឹទ្ធសភាឥណ្ឌា ឯកឧត្តម ហារីវ៉ាន់ស៍ ណារ៉ាយ៉ាន ស៊ីង ដោយភាគីទាំងពីបានផ្ដោតលើ​មូលដ្ឋាន​នៃការប្ដេជ្ញាចិត្តក្នុងការផ្សារភ្ជាប់ទំនាក់ទំនងជាមួយគ្នា តែមិនមានការអន្តរាគមន៍ ។ឯកឧត្តម ឈាង វុន បន្តថា គណៈប្រតិភូអាយប៉ា បានជួបជាមួយអនុប្រធានាធិបតី និងជា​ប្រធាន​ព្រឹទ្ធសភាឥណ្ឌា ​ដោយជំនួបនេះ ភាគីទាំងពីរបានបង្ហាញពីកង្វល់ទៅវិញទៅមក ដែលរួមមាន​ស្ថានភាព​ភូមិសាស្ត្រនយោបាយបច្ចុប្បន្ន ​និយាយពីការលើកកម្ពស់លទ្ធិប្រជាធិបតេយ្យ និង​ការ​ទូតសភា ​ក៏ដូចជាចេតនាក្នុងការធ្វើឲ្យទំនាក់ទំនងកាន់តែស៊ីជម្រៅ​ ជាមួយនឹងការផ្ដាស់ប្តូរ និង​កិច្ចសន្ទនាសភាជាញឹកញាប់ ។គួរបញ្ជាក់ថា ឯកឧត្តម ជាម យៀប តំណាងសម្ដេចអគ្គមហាពញាចក្រី ហេង សំរិន ប្រធានរដ្ឋ​សភាជាតិ បានដឹកនាំគណៈប្រតិភូអាយប៉ា ​ទៅធ្វើទស្សនកិច្ចនៅឥណ្ឌា ​ចាប់ពីថ្ងៃទី១១ ដល់១២ ខែសីហា ឆ្នាំ២០២២ ក្នុងនោះមានតំណាងសភាប្រទេសអាស៊ានមួយចំនួន ​ចូលរួមផងដែរ មាន​ដូចជា​សិង្ហបុរី ឥណ្ឌូនេស៊ី ឡាវ វៀតណាមជាដើម​ ខណៈនៅខែវិច្ឆិកា ឆ្នាំ២០២២ កម្ពុជា​នឹងរៀបចំ​មហាសន្និបាតអាយប៉ាលើកទី៤៣ ៕ អត្ថបទ បាន សុខរិទ្ធិ

កិច្ចប្រជុំក្រុមប្រឹក្សាជាតិប្រាក់ឈ្នួលអប្បបរមាចាប់ផ្តើមនៅព្រឹកថ្ងៃនេះ

2022/08/15 09:57:24 am        445
Facebook Telegram Linkin
ភ្នំពេញ៖ ក្រសួងការងារ និងបណ្តុះបណ្តាលវិជ្ជាជីវៈនៅព្រឹកថ្ងៃទី១៥ ខែសីហា ឆ្នាំ២០២២នេះ បានរៀបចំកិច្ចប្រជុំក្រុមប្រឹក្សាជាតិប្រាក់ឈ្នួលអប្បបរមា អាណត្តិទី២ លើកទី២ ស្តីពីការកំណត់ប្រាក់ឈ្នួលអប្បបរមាផ្នែកវាយនភណ្ឌ កាត់ដេរ ផលិតស្បែកជើង និងផលិតផលិតផលធ្វើដំណើរ និងកាបូបសម្រាប់ឆ្នាំ២០២៣។ កិច្ចប្រជុំនេះ បានប្រារព្ធធ្វើឡើងក្រោមវត្តមានរបស់ឯកឧត្តមបណ្ឌិត អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ និងជាប្រធានក្រុមប្រឹក្សាជាតិប្រាក់ឈ្នួលអប្បបរមា និងមានការអញ្ជើញចូលរួមតំណាងកម្មករ និយោជិត ភាគីសហជីព តំណាងនិយោជក សមាគមរោងចក្រកាត់ដេរនៅកម្ពុជា (GMAC) ភាគីរដ្ឋាភិបាល និងមន្រ្តីក្រុមប្រឹក្សាជាតិប្រាក់ឈ្នួលអប្បបរមា សរុបចំនួនប្រមាណ ៥០នាក់ ដើម្បីស្តាប់បទបង្ហាញអំពីការធ្វើបច្ចុប្បន្នភាពស្ថិតិនៃលក្ខណវិនិច្ឆ័យបែបសេដ្ឋកិច្ច និងសង្គម ក្នុងការកំណត់ប្រាក់ឈ្នួលអប្បបរមា ដោយឯកឧត្តម ហេង សួរ រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ ព្រមទាំងការពិភាក្សារបស់សមាជិកក្រុមប្រឹក្សាជាតិប្រាក់ឈ្នួលអប្បបរមា ពិនិត្យ និងចុះហត្ថលេខាលើសេចក្តីថ្លែងការណ៍របស់ក្រុមប្រឹក្សាជាតិប្រាក់ឈ្នួលអប្បបរមា។ ឯកឧត្តមបណ្ឌិត អ៊ិត សំហេង មានប្រសាសន៍ថា កិច្ចប្រជុំថ្ងៃនេះ នឹងពិភាក្សាជាលក្ខណៈផ្ទៃក្នុងរបស់ភាគីនីមួយៗ និងជាលក្ខណៈទ្វេភាគី បន្ទាប់មកនឹងចាប់ផ្តើមពិភាក្សាប្រាក់ឈ្នួលអប្បបរមាជាលក្ខណៈត្រីភាគីបន្តទៀត។ ឯកឧត្តមបានបន្តថា កិច្ចប្រជុំនេះដែរ គ្រប់ភាគីទាំងអស់ត្រូវប្រើលក្ខណវិនិច្ឆ័យបែបសង្គម (ស្ថានភាពគ្រួសារ អាត្រាអតិផរណា និងការចំណាយក្នុងការរស់នៅ) និងលក្ខណវិនិច្ឆ័យបែបសេដ្ឋកិច្ច (ផលិតភាព ភាពប្រកួតប្រជែងរបស់ប្រទេស ស្ថានភាពទីផ្សារការងារ និងកម្រិតចំណេញរបស់វិស័យ) ក៏ដូចជាបន្ទាត់ភាពក្រីក្រ សម្រាប់ធ្វើជាមូលដ្ឋានក្នុងការពិភាក្សាប្រាក់ឈ្នួលអប្បបរមានៅកម្ពុជា។គ្រប់ភាគីទាំងអស់ ត្រូវផ្តោតលើទិន្នន័យ និងការស្រាវជ្រាវបែបវិទ្យាសាស្រ្តដោយយោងលើលក្ខណៈវិនិច្ឆ័យទាំង៧ ដូចដែលបានកំណត់ក្នុងមាត្រា៥ នៃច្បាប់ស្តីពីប្រាក់ឈ្នួលអប្បបរមា ដើម្បីធ្វើជាមូលដ្ឋានក្នុងការសម្របសម្រួលផ្ទៃក្នុង និងប្រកាន់គោលជំហររួមជាមួយ។ សូមបញ្ជាក់ថា គិតត្រឹមឆ្នាំ២០២២នេះ ប្រាក់ឈ្នួលអប្បបរមាផ្នែកវាយនភណ្ឌ កាត់ដេរ ផលិតស្បែកជើង និងផលិតផលិតផលធ្វើដំណើរនិងកាបូប មានចំនួន ១៩៤ដុល្លារអាម៉េរិក ក្នុង១ខែៗ៕

ប្រធាន​គណៈ​ចលនា​មហាជន​បក្ស​ប្រជាជន​រម្លឹក​សមាជិក​ត្រូវ​ទប់ស្កាត់​ព័ត៌មាន​ក្លែងក្លាយ និង​វាយបក​ឲ្យ​បាន​រហ័ស​

2022/08/13 11:11:03 am        581
Facebook Telegram Linkin
ភ្នំពេញ៖ ដើម្បី​ទប់ស្កាត់​ព័ត៌មាន​ក្លែងក្លាយ​ផ្ទុយ​ពី​ការពិត បាន​វាយប្រហារ​មក​លើ​រាជរដ្ឋាភិបាល​ក្រោម​ការដឹកនាំ​របស់​គណ​បក្ស​ប្រជាជន​កម្ពុជា ប្រធាន​គណៈ​ចលនា​មហាជន​នៃ​គណៈកម្មាធិការ​កណ្តាល​គណបក្ស​ប្រជាជន​កម្ពុជា បាន​រម្លឹក​ដល់​សមាជិក​-​សមាជិការ​ទាំងអស់​ត្រូវ​ទប់​ស្កាត់​ព័ត៌មាន​ក្លែងក្លាយ និង​វាយបក​ទៅវិញ​ឲ្យ​បាន​រហ័ស ដើម្បី​កុំ​ឲ្យ​ប្រជាពលរដ្ឋ​មានការ​ភ័ន្តច្រឡំ​។ ​ការ​រម្លឹក​នេះធ្វើឡើង​នៅ​ក្នុង​សិក្ខាសាលា​មួយ​នៅ​ព្រឹក​នេះ​។ ​លោកជំទាវ​កិត្តិ​សង្គហ​បណ្ឌិត ម៉ែន សំអន អនុប្រធាន​គណបក្ស និង​ជា​ប្រធាន​គណៈ​ចលនា​មហាជន នៃ​គណៈកម្មាធិការ​កណ្តាល​គ​ណ​បក្ស​ប្រជាជន​កម្ពុជា អម​ដំណើរ​ដោយ​ឯកឧត្តម ហ៊ុន ម៉ា​នី អគ្គ​លេខា​នៃ​អគ្គលេខាធិការដ្ឋាន​គណៈ​ចលនា​មហាជន និង​ថ្នាក់ដឹកនាំ​មួយ​ចំនួន​ទៀត​នៅ​ព្រឹក​ថ្ងៃទី​១៣ ​ខែសីហា​នេះបាន​ចូលរួម​ជា​អធិបតី​ភាព​បើក​សិក្ខាសាលា​ស្ដីពី "​ការចែករំលែក និង​ការផ្លាស់ប្ដូរ​បទពិសោធន៍​លើ​ការងារ​ព័ត៌មាន និង​ការផ្សព្វផ្សាយ​មហាជន​នៅក្នុង​បរិបទ​ឌីជីថល​’’​។ ​សិក្ខា​សិលា​នេះ​ធ្វើឡើង​នៅ​ទីស្នាក់ការ​កណ្តាល​គណបក្ស​ប្រជាជន​កម្ពុជា ដែលមាន​សិក្ខាកាម​មកពី​គ្រប់​រចនាសម្ព័ន្ធ​គណបក្ស​ប្រមាណ​ជាង ៧០០​នាក់​។ ​នៅ​ក្នុង​ឱកាស​ខាងលើ​នោះ ជំទាវ​កិត្តិ​សង្គហ​បណ្ឌិត ម៉ែន សំអន​ បាន​ថ្លែង​ថា ស្ថានភាព​នយោបាយ​បច្ចុប្បន្ន​របស់​ប្រទេស​កម្ពុជាកំពុង​ស្ថិត​ក្នុង​ស្ថានភាព​ល្អ និង​អំណោយផល ដែល​តាំងពី​ឆ្នាំ​២០១៨ ​មកគណបក្ស​ប្រជាជន​កម្ពុជា​បាន​ក្តាប់​នូវ​អំណាច​ពេញដៃ​ទាំងស្រុង ក្នុង​ការ​ដឹកនាំ​ប្រទេស ចាត់ចែង​កិច្ចការ​ផ្ទៃក្នុង រៀបចំ​កំណែទម្រង់​ផ្សេងៗ ដើម្បី​អភិវឌ្ឍ​ប្រទេសជាតិ​ឱ្យ​កាន់​រីកចម្រើន ហើយ​លទ្ធផល​នៃ​ការបោះឆ្នោត​ក្រុម​ប្រឹក្សាឃុំ​-​សង្កាត់កាលពី​ខែ​មិថុនា​កន្លងទៅនេះ​ក៏បាន​បង្ហាញថា ប្រជាជន​ភាគច្រើន​បាន​គាំទ្រ ជឿជាក់ ទុកចិត្ត​មក​លើ​ការដឹកនាំ​របស់​គណបក្ស​ប្រជាជន​កម្ពុជា និង​បន្ត​គាំទ្រ​គណបក្ស​ប្រជាជន​កម្ពុជា​។​លោកជំទាវ​បន្តថា ការពង្រឹង​សមត្ថភាព​នៃ​ការប្រើប្រាស់​ប្រព័ន្ធ​បច្ចេកវិទ្យា និង​ឌីជីថល​ជាពិសេស​ប្រព័ន្ធ​បណ្តាញ​ព័ត៌មាន​សង្គមដែលមាន​លក្ខណៈ​ងាយស្រួល និង​លឿន​រហ័ស​ទាំង​ក្នុង​ការ​ផ្សព្វ​ផ្សាយ និង​ចែកចាយ​បន្ត គឺ​មាន​សារៈសំខាន់​មិន​គួរ​មើល​រំលងដើម្បី​ឈាន​ទៅ​ពង្រីក​វិសាលភាព ​នៃ​ការ​ផ្សព្វផ្សាយ​មហាជន​ឱ្យ​កាន់តែ​ទូលាយ​ក្នុង​មជ្ឈដ្ឋាន​មហាជន ក៏ដូចជា​ការប្រើប្រាស់​ប្រព័ន្ធ​នេះក្នុង​ការ​ពន្យល់​បកស្រាយ និង​ឆ្លើយតប​បក​ភ្លាមៗ​លើ​ការវាយប្រហារ​ផ្សេងៗឱ្យ​មាន​ភាព​រស់​រវើក និង​ទាន់​សភាពការណ៍ ដើម្បី​បញ្ជ្រាប​ឱ្យ​ប្រជាជន​យល់​ច្បាស់​អំពី​ភាពត្រឹមត្រូវ ការយកចិត្តទុកដាក់​ខ្ពស់ និង​កិច្ចខិតខំ​ប្រែង​ប្រែង​របស់​រាជរដ្ឋាភិបាល និង​គណបក្ស​ប្រជាជន​កម្ពុជា ក្នុងការ​ដឹកនាំ ដោះស្រាយ​បញ្ហា​សង្គម​នានា សំដៅ​រក្សា​សន្តិភាព ស្ថិរភាព​នយោបាយ និង​ជំរុញ​ការអភិវឌ្ឍ​នៃ​ប្រទេសជាតិ​លើ​គ្រប់​វិស័យ​។​​ជាមួយគ្នានេះ ឯកឧត្តម ហ៊ុន ម៉ា​នី អគ្គលេខា​នៃ​អគ្គលេខាធិការដ្ឋាន​គណៈ​ចលនា​មហាជន​ គណៈកម្មាធិកា​រ​កណ្តាល​គណបក្ស​ប្រជាជន​កម្ពុជាមានប្រសាសន៍​ដែរ​ថា ដោយ​សង្កេតឃើញ​ពី​ភាព​ចាំបាច់​ក្នុងការ​សិក្សា​ស្រាវជ្រាវ វាយតម្លៃ​សមរភូមិ​សតិអារម្មណ៍ និង​សិក្សា​ពី​វិធីសាស្ត្រ​ក្នុង​ឆ្លើយតប​ដែល​អាច​ផ្តល់​ជា​ធាតុ​ចូលដល់​គណបក្ស គណៈ​ចលនា​មហាជននៃ​គណៈកម្មាធិការ​កណ្តា​លគ​ណ​បក្ស​ប្រជាជន​កម្ពុជា ដែលមាន​លោក​ជំទាវ​កិត្តិ​សង្គហ​បណ្ឌិត ម៉ែន សំអន​ ជា​ប្រធានបានសម្រេច​កាលពី​ថ្ងៃ​ទី​២០ ​ខែកក្កដា ឆ្នាំ​២០២១ ក្នុង​ការបង្កើត​ក្រុមការងា​ប្រមូល​ព័ត៌មាន វាយតម្លៃ និង​ឆ្លើយតប​សតិអារម្មណ៍​មហាជនចំណុះ​ឲ្យ​គណៈ​ចលនា​មហាជន មាន​ភារៈ​កិច្ច​សំខាន់ៗ​ជាមួយ​ភាគី​ពាក់ព័ន្ធ​ ដើម្បី​វាយតម្លៃ​ពី​សភាពការណ៍​សតិអារម្មណ៍​មហាជន សហការ​តាមដាន​សកម្មភាព​មជ្ឈដ្ឋាន​ប្រឆាំង​នោះ ដើម្បី​ជំរុញ​ឆ្លើយតប​តាម​ករណី​ជាក់ស្តែង ក៏ដូចជា​ការចូល​រួមជាមួយ​យន្តការ​គណបក្ស​គ្រប់​ជាន់ថ្នាក់ ដើម្បី​ផ្សព្វផ្សាយ​ឲ្យ​បាន​ទូលំទូលាយ​នៃ​សម្មតិ​ផល និង​គុណូបការៈ​របស់​គណបក្ស​ប្រជាជន​កម្ពុជា​។​​គួរ​បញ្ជាក់​ដែរ​ថា ការរៀបចំ​សិក្ខាសាលា​ខាងលើ​មាន​គោលបំណង​សំខាន់​ចំនួន ​៤​ រួមមាន​៖​ ទី​១. ​ធ្វើ​បច្ចុប្បន្នភាព​ស្ថានភាព​នយោបាយ សេដ្ឋកិច្ច សង្គម និង​ស្វែងយល់​អំពី​តួនាទី​របស់​ការងារ​ផ្សព្វផ្សាយ និង​សាធារណមតិ ទី​២.​ ចែករំលែក​អំពី​វិធីសាស្ត្រ​នៃ​ការ​ផ្សព្វផ្សាយ​មហាជន​ក្នុង​បរិបទ​ឌីជីថល ទី​៣. ​បង្កើត​ឱកាស​ជួបជុំ និង​ពង្រីក​ការទំនាក់ទំនង​ជាមួយ​អង្គការ​ចាត់តាំង ​និង​យន្តការ​ផ្សព្វផ្សាយ​នានា​របស់​គណបក្ស ជាពិសេស​ដើម្បី​ពង្រឹង​ប្រសិទ្ធភាព​ភាព​ប្រទាក់​ក្រឡា​គ្នា​ទាំង​យន្តការ​នានា​នៅ​ថ្នាក់​កណ្តាល និង​រវាង​ទំនាក់ទំនង​រវាង​យន្តការ​ថ្នាក់កណ្តាល​ជាមួយ​ថ្នាក់មូលដ្ឋាន និង​ទី​៤.​ បង្កើត​ឱកាស​បាន​រៀន​សូត្រ​ពីគ្នា​ទៅវិញទៅមក​ដកស្រង់​ទស្សនៈ ចែករំលែក​បទពិសោធន៍ និង​ស្វែងយល់​ពី​ការផ្សព្វផ្សាយ​នៅតាម​មូលដ្ឋាន​នីមួយៗ និង​ពី​តម្រូវការ​៕ អត្ថបទ​៖ ​ទូច សោភ័ណ

សម្តេចតេជោ ហ៊ុន សែន ប្រកាសពីជនខិលខូចក្លែងតេឡេក្រាមសម្តេច និងអំពាវនាវសូមកុំឱ្យចាញ់បោកជនអាក្រក់នោះ

2022/08/12 11:59:23 am        701
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៅថ្ងៃទី១២ ខែសីហា ឆ្នាំ២០២២នេះ បានប្រកាសឱ្យមានការប្រុងប្រយ័ត្ន និងកុំចាញ់បោកជនអាក្រក់ ដែលបានក្លែងតេឡេក្រាមរបស់សម្តេច​ ដោយដាក់ឈ្មោះថា «@HUN SEN 24»។សម្តេចតេជោ ហ៊ុន សែន បានបញ្ជាក់ថា «មានជនខិលខូច បាននឹងកំពុងក្លែងតេឡេក្រាម(telegram)របស់ខ្ញុំ ដោយយករូបថតខ្ញុំ និងភរិយា និងដាក់ឈ្មោះ@HUN SEN 24 ដូចមានភ្ជាប់ជាមួយ»។សម្តេចតេជោ ហ៊ុន សែន បានអំពាវនាវ សូមប្អូនប្រុងប្រយត្ឋ័ កុំចាញ់បោកជនអាក្រក់នេះ និងសូមលោកអ្នកដែលក្លែងឈ្មោះសម្តេចលុបចោលជាបន្ទាន់ បើពុំនោះទេ នឹងទទួលខុសត្រូវចំពោះមុខច្បាប់។

ឯកឧត្តម ជាម យៀប ជួបពិភាក្សាការងារជាមួយអនុប្រធានសភាឥណ្ឌា និងស្ថាប័នពាក់ព័ន្ធនានាឥណ្ឌា

2022/08/12 10:15:31 am        264
Facebook Telegram Linkin
ភ្នំពេញ៖ ក្នុងឱកាសបំពេញបេសកកម្មនៅសាធារណរដ្ឋឥណ្ឌា គណៈប្រតិភូអន្តរសភាអាស៊ាន (AIPA) ដឹកនាំដោយ ឯកឧត្តមកិត្តិសេដ្ឋាបណ្ឌិត ជាម យៀប អនុប្រធានទី១រដ្ឋសភានៃព្រះរាជាណាចក្រកម្ពុជា តំណាងសម្តេចអគ្គមហាពញាចក្រី ប្រធានរដ្ឋសភាកម្ពុជា និងជាប្រធានអាយប៉ា លើកទី៤៣ បានជួបពិភាក្សាជាមួយអនុប្រធានសភាឥណ្ឌា និងស្ថាប័នពាក់ព័ន្ធនានា នៃសាធារណរដ្ឋឥណ្ឌា នៅថ្ងៃទី១១ ខែសីហា ឆ្នាំ២០២២។ នៅក្នុងជំនួបពិភាក្សាជាមួយរដ្ឋមន្រ្តីការបរទេសឥណ្ឌា ភាគីទាំងពីរបានផ្លាស់ប្តូរទស្សនៈគ្នាជុំវិញសារសំខាន់នៃទំនាក់ទំនងកិច្ចសហប្រតិបតិ្តការឥណ្ឌា-អាស៊ាន ដែលឆ្នាំនេះជាខួប៣០ឆ្នាំនៃមិត្តភាពអាស៊ាន-ឥណ្ឌា។ គណៈប្រតិភូអាយប៉ា បានសម្តែងការគាំទ្រចំពោះកិច្ចសហប្រតិបត្តិការទាំងឡាយរបស់ស្ថាប័ននីតិប្រតិបត្តិអាស៊ាន និង រដ្ឋាភិបាលឥណ្ឌា ក្នុងការនំាមកនូវឧត្តមប្រយោជន៍ដល់ប្រជាជាតិអាស៊ាន និងឥណ្ឌា ។  កិច្ចជំនួបទ្វេភាគីជាមួយអនុប្រធានសភានៃសាធារណរដ្ឋឥណ្ឌា គណៈប្រតិភូអាយប៉ា បានកោតសរសើរចំពោះភាពសកម្មរបស់សភាឥណ្ឌា ដែលជាសភាសង្កេតការណ៍ដ៏ចំណាស់ របស់អាយប៉ា ក្នុងការរួមចំណែកធ្វើឱ្យអាយប៉ា ក្លាយជាស្ថាប័នអន្តរសភាតំបន់ប្រកបដោយសមាហរណកម្មយ៉ាងជិតស្និទ្ធ និងមានប្រសិទ្ធភាព។ សមភាគីសភាអាយប៉ា និងឥណ្ឌា បានវាយតម្លៃខ្ពស់ពីសារសំខាន់នៃការងារការទូតសភា ក្នុងការរួមចំណែកយ៉ាងសកម្មដល់ការកសាងសុខដុមនីយកម្ម អាស៊ាន- ឥណ្ឌា។ ឯកឧត្តម ប្រធានគណៈប្រតិភូ បានគោរពអញ្ជើញសមភាគីសភាឥណ្ឌា មកចូលរួមមហាសន្និបាតអាយប៉ាលើកទី៤៣ ដែលសភានៃ ព្រះរាជាណាចក្រកម្ពុជាធ្វើជាម្ចាស់ផ្ទះ នាខែវិច្ឆិកា ឆ្នាំ២០២២ខាងមុខនេះ។  បន្តមកគណៈប្រតិភូ បានជួបជាមួយវិទ្យាស្ថានប្រជាធិបតេយ្យសភាឥណ្ឌា។ ឯកឧត្តម ជាម យៀប បានថ្លែងអំណរគុណដល់វិទ្យាស្ថាន ក្នុងការផ្តល់ការបណ្តុះបណ្តាលធនធានមនុស្សដល់និសិ្សតអាស៊ាន តាមរយៈការផ្តល់អាហារូបកណ៍មកសិក្សានៅទីនេះ។ គណៈប្រតិភូអាយប៉ា បានថ្លែងអរគុណចំពោះកម្មវិធីហ្វឹកហ្វឺនដល់មន្រ្តី និងសមាជិកសភា ក្នុងការកសាងសមត្ថភាពខ្ពស់ក្នុងការងារនីតិកម្ម ។ នៅព្រឹកនៅថ្ងៃទី១១ ខែសីហា ឆ្នាំ២០២២នេះ គណៈប្រតិភូអាយប៉ា ក៏បានអញ្ជើញទៅដាក់កូរ៉ោនផ្កានៅវិមានរំលឹកវិញ្ញាណក្ខន្ធ លោក មហាត្មៈគន្ធី (Mahatma Gandhi) ដែលជាវីរៈបុរសស និងជាអ្នកនាំមកនូវឯករាជ្យជូនប្រជាជនឥណ្ឌាដោយអហិង្សាផងដែរ៕

គ.ជ.ប ប្រកាសឱ្យអ្នកសារព័ត៌មានចុះឈ្មោះដើម្បីពិនិត្យបញ្ជី និងការចុះឈ្មោះបោះឆ្នោត

2022/08/11 01:13:34 pm        294
Facebook Telegram Linkin
ភ្នំពេញ៖ គណៈកម្មាធិការជាតិរៀបចំការបោះឆ្នោត (គ.ជ.ប) បានប្រកាសដល់អ្នកសារព័ត៌មានជាតិ និងអន្តរជាតិ ត្រៀមចុះឈ្មោះសម្រាប់ការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២២ ដើម្បីឆ្ពោះទៅការបោះឆ្នោតជ្រើសរើសតំណាងរាស្រ្តនៅឆ្នាំ ២០២៣ ខាងមុខ ។ នេះបើយោងតាមសេចក្តីជូនដំណឹងរបស់ គ.ជ.ប កាលពីថ្ងៃទី ១០ ខែសីហា ឆ្នាំ ២០២២។ សេចក្តីជូនដំណឹងរបស់ គ.ជ.ប បានឲ្យដឹងទៀតថា ដើម្បីចូលរួមយកព័ត៌មានអំពីដំណើរ​ការ​ពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២២ គ.ជ.ប តម្រូវឱ្យអ្នកសារព័ត៌មានជាតិ និង​អន្តរជាតិទាំងអស់ត្រូវប្រើប្រាស់ប័ណ្ណយកព័ត៌មានដែលចេញដោយ គ.ជ.ប។សេចក្តីជូនដំណឹងដដែល បន្តថា ការដាក់ពាក្យសុំចុះឈ្មោះជាអ្នកសារព័ត៌មានជាតិ និងអន្តរជាតិ តម្រូវផ្តល់នូវច្បាប់ចម្លងនៃប័ណ្ណអ្នកសារព័ត៌មានដែលចេញដោយក្រសួងព័ត៌មាន ឬសមាគម, ច្បាប់​ចម្លងនៃលិខិតឆ្លងដែន (សម្រាប់ជនបរទេស)។ដោយឡែកការដាក់ពាក្យសុំចុះឈ្មោះជាអ្នកសារព័ត៌មានអន្តរជាតិ ដែលពុំមានការិយាល័យ​អចិន្រ្តៃយ៍​នៅ​ក្នុងព្រះរាជាណាចក្រកម្ពុជា ​តម្រូវឱ្យនូវច្បាប់ចម្លងនៃលិខិតឆ្លងដែន, ប័ណ្ណ​សម្គាល់​ខ្លួន​ជា​អ្នកសារព័ត៌មាន​របស់សាមីអង្គភាព, ខណៈការដាក់ពាក្យសុំចុះឈ្មោះជា​អ្នកសារព័ត៌មាន​ឯករាជ្យ ត្រូវភ្ជាប់មកជាមួយនូវច្បាប់ចម្លងនៃប័ណ្ណអ្នកសារព័ត៌មាន ដែលចេញដោយក្រសួងព័ត៌មាន ឬសមាគម និងអត្ថបទចុងក្រោយដែលបានសរសេរចុះផ្សាយក្នុងសារព័ត៌មានស្របច្បាប់អំឡុង​ឆ្នាំចុងក្រោយ ចំនួន ៣ អត្ថបទ។ឯកឧត្តម ហង្ស ពុទ្ធា អ្នកនាំពាក្យ គ.ជ.ប បញ្ជាក់ថា ​ការចូលរួមពីអ្នកសារព័ត៌មានគឺតួអង្គសំខាន់​ក្នុងកា​រ​ផ្សព្វផ្សាយ​បន្តដល់​សាធារណជន ​ហើយពួកគេក៏ជាក្រុមកណ្តាលដើម្បីផ្តល់​ប្រភពព័ត៌មាន​ត្រឹមត្រូវ​ដែល​ទទួល​ពី​ច្បាប់ផងដែរ។សម្រាប់ការទទួលចុះឈ្មោះ អ្នកសារព័ត៌មានជាតិ ​គឺនឹងធ្វើឡើងចាប់ពីថ្ងៃទី២០ ខែកញ្ញា ឆ្នាំ២០២២ ដល់ថ្ងៃទី១១ ​ខែកុម្ភៈ ឆ្នាំ២០២៣ ខណៈការចុះឈ្មោះអ្នកសារព័ត៌មាន​អន្តរជាតិពីថ្ងៃទី ២០ ដល់​ថ្ងៃទី១៨ ខែកុម្ភៈ ឆ្នាំ២០២២៕ អត្ថបទ សេក ឧត្តម

ដំណឹងល្អ..! តម្លៃលក់រាយប្រេងឥន្ធនៈនៅកម្ពុជាបន្តធ្លាក់ចុះ បើធៀបនឹងសន្ទស្សន៍ចាស់

2022/08/11 11:58:41 am        501
Facebook Telegram Linkin
ភ្នំពេញ៖ ក្រសួងពាណិជ្ជកម្ម ប្រកាសពីតម្លៃលក់រាយប្រេងរាយប្រេងឥន្ធនៈតាមស្ថានីយប្រេងនានាទូទាំងប្រទេស ដែលត្រូវអនុវត្តចាប់ពីថ្ងៃទី១១ ដល់ថ្ងៃទី២០ ខែសីហា ឆ្នាំ២០២២ ដោយប្រេងសាំងធម្មតាត្រូវលក់តម្លៃ ៤.៦៥០រៀល/លីត្រ(ចុះ ១០០រៀល) និងប្រេងម៉ាស៊ុតត្រូវលក់តម្លៃ ៥.០០០រៀល/លីត្រ(ចុះ ១៥០រៀល)។

សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន អញ្ជើញគោរពវិញ្ញាណក្ខន្ធនៅទីបញ្ចុះសព និងពិនិត្យសំណង់ចេតិយសម្តេចឧត្តមទេពញាណ ហ៊ុន ណេង

2022/08/11 10:53:58 am        423
Facebook Telegram Linkin
កំពង់ចាម៖ មុនពិធីបុណ្យខួបគម្រប់១០០ថ្ងៃប្រារព្ធធ្វើឡើងនៅរសៀលនេះ នាព្រឹកថ្ងៃទី១១ សីហានេះ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានអញ្ជើញធ្វើដំណើរទៅកាន់ទីកន្លែងបញ្ចុះសពដើម្បីគោរពវិញ្ញាណក្ខ័ន្ធសម្តេចឧត្តមទេពញាណ ហ៊ុន ណេង និងពិនិត្យមើលសំណង់ចេតិយសម្តេចទេពញាណដែលកំពុងដំណើរការសាងសង់យ៉ាងសក្តិសម នៅក្នុងបរិវេណវត្តសុវណ្ណគីរីរតនៈភ្នំប្រុស ភូមិត្រពាំងចារ ឃុំក្រឡា ស្រុកកំពង់សៀម ខេត្តកំពង់ចាម។សូមបញ្ជាក់ថា ចេតិយតម្កល់សពសម្តេចឧត្តមទេពញាណ ហ៊ុន ណេង ត្រូវបានកសាងឡើងក្រោមរចនាបថសម័យទំនើបមានទំហំ ១១ម៉ែត្របួនជ្រុង និងកម្ពស់ ៣៣ម៉ែត្រ បំពាក់ទៅដោយគ្រឿងរចនាបថខ្មែរ និងការស្ថាបនាសួនឧទ្យានភ្លើងបំពាក់ផ្លូវថ្នល់ និងហេដ្ឋារចនាសម្ព័ន្ធដទៃទៀត។ មកដល់ពេលនេះ ចេតិយនេះ ស្ថាបនាហើយប្រមាណ ៣០ភារយ ដោយគ្រោងបញ្ចប់រយៈពេល១ឆ្នាំ។ ពិធីបុណ្យទក្ខិណានុបទានគម្រប់ខួប ១០០ថ្ងៃ ឧទ្ទិសកុសលជូនដល់ដួងវិញ្ញណក្ខន្ធ សម្តេចឧត្តមទេពញាណ ហ៊ុន ណេង ប្រារព្ធឡើងនៅ១៤កើត ១៥កើត ខែស្រាពណ៍ ឆ្នាំខាល ចត្វាស័ក ពុទ្ធសករាជ២៥៦៦ ត្រូវនឹងថ្ងៃទី១១ និងទី១២ ខែសីហា ឆ្នាំ២០២២នេះ។ ក្នុងសារចូលរួមរំលែកមរណទុក្ខពីគ្រប់មជ្ឍដ្ឋាន បានចាត់ទុកការបាត់បង់សម្តេចឧត្តមទេពញាណ គឺជាការបាត់បង់លោកឪពុក លោកឪពុកក្មេក និងជីតា ប្រកបដោយសង្គហធម៌ ព្រហ្មវិហារធម៌ ពិសេស ក៏ជាការបាត់បង់ ដ៏ធំធេងនូវឥស្សរជននយោបាយខ្មែរដ៏ឆ្នើមមួយរូប ដែលពោរពេញដោយឆន្ទៈ មនសិកា ក្នុងការបម្រើបុព្វហេតុជាតិ ជាតិ សាសនា ព្រះមហាក្សត្រ គ្រប់កាលៈទេសៈ ព្រមទាំងបានរួមចំណែកយ៉ាងសកម្មក្នុងការលើកកម្ពស់តម្លៃនីតិរដ្ឋ ប្រកបដោយឧត្តមគតិខ្ពង់ខ្ពស់ជាអនេកប្បការរហូតមក។សម្តេចឧត្តមទេពញាណ ហ៊ុន ណេង មានស្នាដៃ និងបទពិសោធន៍ចូលរួមកសាង និងការពារជាតិ ប្រកបដោយសមត្ថភាព និងស្មារតីទទួលខុសត្រូវខ្ពស់ ជាពិសេស សម្តេចបានធ្វើពលិកម្មដ៏ខ្ពង់ខ្ពស់ ដើម្បីរួមចំណែករំដោះជាតិ មាតុភូមិ និងប្រជាពលរដ្ឋកម្ពុជា ឲ្យរួចផុតពីរបបប្រល័យពូជសាសន៍ និងចូលរួមកសាងប្រទេសជាតិឡើងវិញ រហូតទទួលបានការអភិវឌ្ឍរីកចម្រើន លើគ្រប់វិស័យមកដល់សព្វថ្ងៃនេះ។ ដោយសារគុណបំណាច់ទាំងអស់នេះហើយ ភ្លាមៗបន្ទាប់ពីទទួលមរណភាព ព្រះករុណា ព្រះមហាក្សត្រ នៃព្រះរាជាណាចក្រកម្ពុជា បានត្រាស់បង្គាប់ផ្តល់គោរមងារជូនដល់ឯកឧត្តម ហ៊ុន ណេង ជា«សម្តេចឧត្តមទេពញាណ ហ៊ុន ណេង»។ ក្នុងព្រះរាជសាររបស់ព្រះករុណាជាអម្ចាស់ជីវិតលើត្បូង ព្រះរាជប្រទាននេះ ឆ្លើយតបយ៉ាងប្រត្យក្សទៅនឹងការចូលរួមរបស់សម្តេចឧត្តមទេពញាណ ហ៊ុន ណេង ព្រមទាំងក្រុមគ្រួសារគ្រប់ជំនាន់ ក្នុងបុព្វហេតុរួមនៃការធានាកិច្ចការពាររបបរាជានិយម ការពារព្រះមហាក្សត្រ និងព្រះរាជបល្ល័ង្ក ដែលនេះជាភាពស្មោះត្រង់ក្នុងនាមប្រជាជនខ្មែរដែលគោរពចំពោះព្រះមហាក្សត្រ ចំពោះរាជបល្ល័ង្ក និងរបបរាជានិយមឥតងាករ៉េ។ ការត្រាស់បង្គាប់ផ្តល់គោរមងារជូនដល់សម្តេច ឧត្តមទេពញាណ ហ៊ុន ណេង គឺជាមហាកិត្តិយស ដ៏ខ្ពង់ខ្ពស់ក្រៃលែងសម្រាប់ក្រុមគ្រួសារនៃសព៕

អ្នកនាំពាក្យក្រសួងមហាផ្ទៃ៖ ការចែកការងារជូនក្រុមប្រឹក្សាឃុំ-សង្កាត់អនុវត្តដូចគ្នា ដោយគ្មាននិន្នាការ

2022/08/10 12:45:44 pm        458
Facebook Telegram Linkin
ភ្នំពេញ៖ នាយឧត្តមសេនីយ៍ ខៀវ សុភ័គ អ្នកនាំពាក្យក្រសួងមហាផ្ទៃ បញ្ជាក់ថា ការបែងចែក​ការងារ​ជូនក្រុមប្រឹក្សាឃុំ-សង្កាត់នៅទូទាំងប្រទេសទទួលបានភារកិច្ចដូចគ្នា និងមិនគិត​អំពី​និន្នាការ​របស់គណបក្សនយោបាយឡើយ។ថ្លែងប្រាប់BTV News នៅថ្ងៃទី១០ ខែសីហា ឆ្នាំ២០២២ ​នាយឧត្តមសេនីយ៍ ខៀវ សុភ័គ អ្នកនាំពាក្យ​ក្រសួងមហាផ្ទៃ ​បានឲ្យដឹងថា​ បន្ទាប់ពីការបោះឆ្នោតឃុំ-សង្កាត់បញ្ចប់ និងបានប្រកាសអំពី​អាសនៈ​គណបក្សនយោបាយដែល​ទទួលបានសំឡេងក្នុងមូលដ្ឋានឃុំ-សង្កាត់នីមួយៗរួចរាល់ ក្រសួង​មហាផ្ទៃតាមរយៈរដ្ឋបាលខេត្ត ​បានប្រកាសអំពីការចូលកាន់តំណែងរបស់គណបក្សនយោបាយ ដោយបែងចែក​ទៅតួនាទីអាស្រ័យអាសនៈរបស់គណបក្សនយោបាយនោះទទួលបាន។នាយឧត្តមសេនីយ៍ ខៀវ សុភ័គ បន្តថា ក្រុមប្រឹក្សាឃុំ-សង្កាត់ ​នៅទូទាំងរាជធានីខេត្ត បានកំពុង​បំពេញតួនាទី​ និងភារកិច្ចរបស់ខ្លួនជូនប្រជាពលរដ្ឋក្នុងមូលដ្ឋាន​ បានយ៉ាងល្អ។ ជុំវិញការលើកឡើងអំពីការប្រកាន់និន្នាការគណបក្សនយោបាយរបស់សមាជិកក្រុមប្រឹក្សាឃុំ-សង្កាត់ ចៅសង្កាត់រង និងជំទប់ ​របស់គណបក្សភ្លើងទៀន ​នាយឧត្តមសេនីយ៍ ខៀវ សុភ័គ អះអាងថា ​ក្រសួងមហាផ្ទៃបានបែងចែកតួនាទីទៅតាមស្តង់ដា ​និងគោលការណ៍ច្បាប់ ដោយ​មិនកំណត់បុគ្គលណាមួយមាននិន្នាការនយោបាយមកពីគណបក្សណាមួយនោះឡើយ។ ច្បាប់ស្តីពីការគ្រប់គ្រងរដ្ឋបាលឃុំ-សង្កាត់ មាត្រាទី១៩ ចែងថា ក្នុងអំឡុងពេល១៤ថ្ងៃ ក្រោយ​ការប្រកាស​លទ្ធផលជាផ្លូវការនៃការបោះឆ្នោតត្រូវចាត់ឱ្យមានការប្រជុំជាលើក​ដំបូង​នៃក្រុមប្រឹក្សា​ឃុំ-សង្កាត់ ក្រោមអធិបតីភាព​មន្រ្តីម្នាក់ដែលចាត់តាំងដោយរដ្ឋមន្រ្តីក្រសួងមហាផ្ទៃ ដើម្បីប្រកាស​សុពលភាព​សមាជិកក្រុមប្រឹក្សាឃុំ-សង្កាត់ និងប្រកាសឈ្មោះប្រធានក្រុមប្រឹក្សាឃុំ-សង្កាត់ មេឃុំ ចៅសង្កាត់ ជំទប់ ​និងចៅសង្កាត់រង ខណៈមាត្រាទី២៤ ​គឺសមាជិកក្រុមប្រឹក្សាឃុំ-សង្កាត់ មាន​សេរីភាព​ក្នុងការបញ្ចេញមតិក្នុងអង្គប្រជុំក្រុមប្រឹក្សាឃុំ-សង្កាត់។នាយឧត្តមសេនីយ៍ ខៀវ សុភ័គ បន្ថែមថា ​ក្នុងតំណែងរបស់ក្រុមប្រឹក្សាឃុំ-សង្កាត់ និង​តំណែង​ផ្សេងទៀត​ត្រូវមានការជួបប្រជុំទៀងទាត់ ​ដើម្បីឱ្យការអនុវត្តលក្ខន្តិកៈផ្ទៃក្នុង​ និង​ភារកិច្ចរបស់​ខ្លួនត្រឹមត្រូវ​ស្របតាមច្បាប់៕អត្ថ៖ បទសេក ឧត្តម

អនុប្រធានទី១រដ្ឋសភាកម្ពុជា បានដឹកនាំប្រតិភូទៅទស្សនកិច្ចនៅឥណ្ឌារយៈពេល០៦ថ្ងៃ

2022/08/10 12:04:42 pm        275
Facebook Telegram Linkin
ភ្នំពេញ៖ ឯកឧត្តមកិត្តិសេដ្ឋាបណ្ឌិត ជាម យៀប អនុប្រធានទី១ នៃរដ្ឋសភា តំណាង​សម្តេច​អគ្គ​មហា​ពញា​ចក្រី ហេង សំរិន ប្រធានរដ្ឋសភា និងជាប្រធានអន្តរសភាអាស៊ាន (AIPA) លើកទី៤៣ នៅព្រឹកថ្ងៃទី១០ ខែសីហា ឆ្នាំ២០២២នេះ ​បានដឹកនាំគណៈប្រតិភូអន្តរសភា​អាស៊ាន ទៅ​បំពេញ​ទស្សនកិច្ចផ្លូវការ ​និងមិត្តភាពនៅសាធារណរដ្ឋឥណ្ឌារយៈពេលប្រាំមួយថ្ងៃ គឺចាប់ពីថ្ងៃទី ១០ដល់ថ្ងៃទី​១៥ ​ខែសីហាឆ្នាំ២០២២នេះ តាមការអញ្ជើញរបស់ប្រធានព្រឹទ្ធសភា និង ប្រធានរដ្ឋសភា នៃសាធារណរដ្ឋ-ឥណ្ឌា។នៅក្នុងដំណើរទស្សនកិច្ចជាផ្លូវការ ​និងមិត្តភាពនៅសាធារណរដ្ឋឥណ្ឌា ក្នុងនាមជាប្រធានអន្តរសភា​អាស៊ាន(AIPA) លើកទី៤៣ ឯកឧត្តមកិត្តិសេដ្ឋាបណ្ឌិត​ ជាម យៀប អនុប្រធានទី១ នៃរដ្ឋសភា នឹង​ដឹកនាំ​សមាជិកអន្តរសភាអាស៊ានដទៃទៀត ចូលរួមកម្មវិធីសំខាន់ៗមួយចំនួន​ ដូចជា៖ ជួបសវនាការ និងសម្តែងការគួរសមជាមួយថ្នាក់ដឹកនាំសំខាន់ៗ ​នៃសាធារណរដ្ឋឥណ្ឌា ដែលមានជាអាទិ៍ ឯកឧត្តមអនុប្រធានាធិបតី និងជាប្រធានព្រឹទ្ធសភា (Rajya Sabha) ឯកឧត្តមរដ្ឋមន្ត្រីកិច្ចការបរទេស ឯកឧត្តមប្រធានរដ្ឋសភា (Lok Sabha) ​និងជួបពិភាក្សាការងារទ្វេរភាគី(Bilateral Talk) ជាមួយ​ឯកឧត្តម​អនុប្រធានព្រឹទ្ធសភា​។ ជួបពិភាក្សាការងារជាមួយគណៈគ្រប់គ្រងវិទ្យាស្ថានស្រាវជ្រាវ និងបណ្តុះបណ្តាល​សភា​សម្រាប់​លទ្ធិប្រជាធិបតេយ្យ (PRIDE) ​ចូលរួមកិច្ចសម្ភាសន៍​ជាមួយទូរទស្សន៍ SANSAD ។ គោរពវិញ្ញាណក្ខន្ធ ​នៅវិមានបញ្ចុះសព​ Humayun និងទស្សនាទីកន្លែង និងប្រាសាទ​សំខាន់​មួយចំនួនដូចជា វិមានជ័យជំនះ Qutab Minar សម័យប្រជុំរដ្ឋសភា និងព្រឹទ្ធសភា ​មជ្ឈមណ្ឌល និងសាលអាន​របស់សមាជិកសភា បណ្ណាល័យសភា​ និងសារមន្ទីរសភា ប្រាសាទតាជីម៉ាហាល់ (Taj Mahal) និងប្រាសាទបន្ទាយអាហ្ក្រា (Agra Fort)។សូមជម្រាបថា អន្តរសភាអាស៊ាន ហៅកាត់ថា អាយប៉ា(AIPA) មិនត្រឹមតែជាដៃគូយ៉ាងសំខាន់​របស់​អាស៊ានប៉ុណ្ណោះទេ ​ពោលគឺជាដៃគូនៃសភាប្រទេសសង្កេតការណ៍ចំនួន១៦ទៀត ដែលដំណើរ​ទស្សនកិច្ចរបស់អាយប៉ានៅសាធារណរដ្ឋឥណ្ឌានៅពេលនេះ ​ក៏ដូចនៅពេលកន្លងមក ពិតជា​ទទួល​កិត្តិយស ​ជាមួយនឹងអត្ថន័យជាប្រវត្តិសាស្រ្តសម្រាប់សភាប្រទេសសមាជិក​អាយប៉ាទាំងមូល និង​បន្តធ្វើឱ្យទំនាក់ទំនងមិត្តភាព សាមគ្គីភាព និងកិច្ចសហប្រតិបត្តិការរវាងអាស៊ាន-ឥណ្ឌា ​ក៏ដូចជា អាយប៉ា​ និងសភាឥណ្ឌា កាន់តែរឹងមាំខ្លាំងក្លាថែមទៀត ជាពិសេសក្នុងឱកាសខួប​អនុស្សាវរីយ៍​៣០ឆ្នាំអាស៊ាន-ឥណ្ឌា ក្នុងជំហានឆ្ពោះទៅកាន់វឌ្ឍនភាព នៃកិច្ចសហប្រតិបត្តិការនៅលើវេទិកា​អន្តរសភា ​នៅក្នុងតំបន់ និងសកលលោក៕អត្ថបទ៖ បាន ចក់

បណ្ដាញសង្គម

ព័ត៌មានថ្មីៗ

សហជីពជឿជាក់ថា ការចរចាប្រាក់ឈ្នួលអប្បបរមាឆ្នាំនេះនឹងបន្តមានសញ្ញាល្អសម្រាប់កម្មករកម្មការិនី
08/21/2025 04:08 PM
Facebook Telegram Linkin
ឯកឧត្តម ហ៊ុន ម៉ានី៖«ស្មារតីកងទ័ព មិនគិតពីអាយុ ទោះជាអាយុតិច ឬច្រើនមិនសំខាន់ សំខាន់ស្មារតីប្រយុទ្ធមានភាពច្បាស់លាស់ រឹងមាំ និងមុតស្រួចបំផុត»
08/21/2025 04:08 PM
Facebook Telegram Linkin
អាមេរិកដាក់ទណ្ឌកម្មសមាជិក ៤រូបទៀតរបស់តុលាការឧក្រិដ្ឋកម្មអន្តរជាតិ
08/21/2025 04:08 PM
Facebook Telegram Linkin
ពលរដ្ឋប៉ាឡេស្ទីនរត់ចេញប្រញាប់ប្រញាល់បន្ទាប់ពីការវាយប្រហាររបស់អ៊ីស្រាអែលក្នុងក្រុង Deir Al-Balah
08/21/2025 04:08 PM
Facebook Telegram Linkin
អនុប្រធានាធិបតីអាមេរិក ចុះពិនិត្យកងទ័ពក្នុងពេលមានការតវ៉ា និងការបង្ក្រាបក្នុងទីក្រុងវ៉ាស៊ីនតោន
08/21/2025 04:08 PM
Facebook Telegram Linkin
ប្រទេសហូឡង់ កំពុងបញ្ជូនកងទ័ពចំនួន៣០០នាក់ និងប្រព័ន្ធមីស៊ីលប៉ាទ្រីយ៉ូត ទៅកាន់ប្រទេសប៉ូឡូញ
08/21/2025 04:08 PM
Facebook Telegram Linkin
IAEA៖ ប្រទេសកូរ៉េខាងជើង អាចនឹងបង្កើនការចម្រាញ់សារធាតុអ៊ុយរ៉ានីញ៉ូម
08/21/2025 04:08 PM
Facebook Telegram Linkin
អ្នកជំនាញUN និយាយថា ក្រុមជ្រុលនិយម Daesh កំពុងបង្កអស្ថិរភាព នៅក្នុងទ្វីបអាហ្វ្រិក និងប្រទេសស៊ីរី
08/21/2025 04:08 PM
Facebook Telegram Linkin
កងទ័ពជើងទឹកអ៊ីរ៉ង់ ចាប់ផ្តើមសមយុទ្ធយោធាលើកដំបូង ចាប់តាំងពីសង្គ្រាមរយៈពេល ១២ថ្ងៃ ជាមួយអ៊ីស្រាអែល
08/21/2025 04:08 PM
Facebook Telegram Linkin
សារព័ត៌មាន៖ មេដឹកនាំកូរ៉េខាងត្បូង ចង់រក្សាកតិកាសញ្ញា «នារីលួងលោមជួយសម្រាលទុក្ខ» ជាមួយជប៉ុន
08/21/2025 04:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.