នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់
សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់
ឯកឧត្តម ចាន់ ដារ៉ុង ដឹកនាំគណៈកម្មការ​អន្តរ​ក្រសួង​ចុះ​ពិនិត្យ​វាយ​តម្លៃ​បញ្ចប់​សុពល​ភាព​ការងារ​ថែ​ទាំ​ផ្លូវ​ខួបចំនួន ៣កំណាត់ ក្នុងខេត្តពោធិ៍សាត់
BREAKING NEWS! សម្តេចធិបតី អបអរសាទរចំពោះការប្រព្រឹត្តទៅដោយជោគជ័យ​នូវ​កិច្ច​ប្រជុំ​​វិសាមញ្ញ នៃ​គណៈកម្មាធិកា​រ​ព្រំដែន​ទូទៅកម្ពុជា-ថៃ

នយោបាយ​ និង ការអភិវឌ្ឍន៍

ព្រឹទ្ធសភាកម្ពុជា បដិសេធទាំងស្រុង ចំពោះខ្លឹមសារដែលមានលក្ខណៈលំអៀងរបស់ព្រឹទ្ធសភាអាមេរិក

2022/07/23 12:31:37 pm        758
Facebook Telegram Linkin
ភ្នំពេញ៖ ព្រឹទ្ធសភាកម្ពុជា បានសម្តែងការខកចិត្តយ៉ាងខ្លាំង ចំពោះខ្លឹមសារដែលមានលក្ខណៈលំអៀង ហើយបានធ្វើការបដិសេធទាំងស្រុង ចំពោះគណៈកម្មការកិច្ចការបរទេសនៃព្រឹទ្ធសភាសហរដ្ឋអាមេរិក បានអនុម័តនាពេលថ្មីៗនេះ ដោយផ្អែកលើហេតុផលភូមិសាស្ត្រនយោបាយជាងគុណតម្លៃសិទ្ធិមនុស្ស។យោងតាមសេចក្តីថ្លែងការណ៍មួយរបស់អ្នកនាំពាក្យព្រឹទ្ធសភាកម្ពុជា ដែលបានចេញកាល​ពីយប់​ថ្ងៃទី២២ ខែកក្កដា ម្សិលមិញនេះ បានលើកឡើងថា ព្រឹទ្ធសភាកម្ពុជាមានការខកចិត្តយ៉ាងខ្លាំង ចំពោះខ្លឹមសារដែលមានលក្ខណៈលំអៀង គ្មានមូលដ្ឋាន និងរើសអើងនៃ«ច្បាប់ប្រជាធិបតេយ្យ និងសិទ្ធិមនុស្សកម្ពុជា ឆ្នាំ២០២២ (Cambodia Democracy and Human Rights Act of 2022 (S.3052)» ដែលគណៈកម្មការកិច្ចការបរទេសនៃព្រឹទ្ធសភាសហរដ្ឋអាមេរិក បានអនុម័តនាពេលថ្មីៗនេះ ដោយផ្អែកលើហេតុផលភូមិសាស្ត្រនយោបាយជាងគុណតម្លៃសិទ្ធិមនុស្ស។សេចក្តីថ្លែងការណ៍ បានលើកឡើងទៀតថា ​ការអះអាងដែលថា គ្មានការ​បោះឆ្នោត​ណាមួយ​នៅកម្ពុជា​មានលក្ខណៈសេរី និងយុត្តិធម៌ ​គឺជាការបដិសេធទាំងស្រុងចំពោះការពិត ខណៈក្រុម​អ្នកសង្កេតការណ៍របស់សហរដ្ឋអាមេរិក ដែលដឹកនាំដោយអតីតសមាជិកសភា លោក Stephen J. Solarz បាន​ពណ៌នា​អំពីការបោះឆ្នោតកាលពីឆ្នាំ ១៩៩៨ ថាជា «អច្ឆរិយ​ហេតុ​លើដងទន្លេមេគង្គ» ។ ការបោះឆ្នោតបន្តបន្ទាប់មកទៀត ក៏ត្រូវបានអ្នកសង្កេតការណ៍ជាតិ និងអន្តរជាតិរាប់ពាន់នាក់​បានវាយតម្លៃថា មានលក្ខណៈសេរី យុត្តិធម៌ ដោយសន្តិវិធី និងមានសណ្តាប់ធ្នាប់ល្អផងដែរ។ ដូចគ្នានេះដែរ អ្នកសង្កេតការណ៍ក្នុងស្រុក និងបរទេសរាប់ពាន់នាក់ បានចាត់ទុកការបោះឆ្នោត​ជ្រើសរើស​ក្រុមប្រឹក្សាឃុំ-សង្កាត់ កាលពីខែមុននេះ​ ដែលមានគណបក្សនយោបាយចំនួន ១៧ បាន​ចូលរួមប្រកួតប្រជែងមានលក្ខណៈសេរី យុត្តិធម៌ មានសណ្តាប់ធ្នាប់ល្អ ដោយសន្តិវិធី មានតម្លាភាព គ្មានការ​គំរាមកំហែង ​និងសមស្របតាមស្តង់ដារអន្តរជាតិ។ លទ្ធផលនៃការបោះឆ្នោតនេះ ដែលមានចំនួនអ្នកចូលរួមជាង៨០% និងជិត ៧៥% នៃសន្លឹកឆ្នោត​បាន​ជ្រើសរើសការគាំទ្រគណបក្សកាន់អំណាច ​ពិតជាសក្ខីភាពបង្ហាញ​ឱ្យឃើញពីការបន្តផ្តល់​ទំនុក​ចិត្ត​និងការគាំទ្រ​ចំពោះ​តម្រូវការ​ក្នុងការថែរក្សា​សន្តិភាព ស្ថិរភាព​នយោបាយដែលទទួល​បានដោយ​លំបាក និងការ​អភិវឌ្ឍប្រកប​ដោយនិរន្តរភាព។ការជ្រើសរើសនិងសំឡេងរបស់ប្រជាពលរដ្ឋដែលត្រូវបានបាន​ឆ្លុះបញ្ចាំង​តាមរយៈលទ្ធផលនៃការ​បោះឆ្នោត ត្រូវតែគោរពតាម។តាមសេចក្តីថ្លែងការណ៍របស់ព្រឹទ្ធសភាកម្ពុជាដដែលនេះ បានលើកឡើងទៀតថា សេចក្តីស្នើ​ច្បាប់នេះ ​បានពឹងផ្អែកលើសលប់លើប្រភពព័ត៌មានមិនច្បាស់លាស់ ជាពិសេសអង្គការឃ្លាំមើល​សិទ្ធិមនុស្ស ដែលទំនុកទុកចិត្តលើអង្គការនេះត្រូវបានបាត់បង់តាំងពីឆ្នាំ២០០៤មក ។អតីតឧបការីរងអគ្គលេខាធិការអង្គការសហប្រជាជាតិ ​និងជ័យលាភីណូបែលសន្តិភាពពីររូប រួមជាមួយ​នឹងអ្នក​ស្រាវជ្រាវជាង ១០០នាក់ បានផ្សព្វផ្សាយលិខិតចំហររិះគន់អង្គការនេះ​ដែល​មានចរិតលំអៀង និងពោរពេញដោយស្តង់ដារពីរ។ព្រឹទ្ធសភាកម្ពុជា បញ្ជាក់បន្ថែមទៀតថា វិធីសាស្ត្រដែលគណៈកម្មាធិការព្រឹទ្ធសភានេះប្រកាន់យក គឺជាការ​ជ្រៀតជ្រែកចូលកិច្ចការផ្ទៃក្នុងរបស់​រដ្ឋអធិបតេយ្យ និងបង្កឱ្យមានការរាំងស្ទះ​ដល់ការ​ថែ​រក្សាសន្តិភាព ​និងស្ថិរភាពនយោបាយ ​និងការលើកកម្ពស់ការអភិវឌ្ឍសេដ្ឋកិច្ចសង្គម ។ លើសពីនេះ វាផ្ទុយទៅ និងស្មារតី និងបំណងប្រាថ្នារួមរបស់ប្រជាជននៃប្រទេសទាំងពីរ ដែលបាន​ខិតខំប្រឹងប្រែងកសាងទំនាក់ទំនងល្អ ​ក៏ដូចជាលើកកម្ពស់មិត្តភាពនិងកិច្ចសហប្រតិបត្តិការ​ឱ្យកាន់​តែល្អប្រសើរ ដោយផ្អែកលើមូលដ្ឋាននៃផលប្រយោជន៍រួម និងការគោរពគ្នាទៅវិញទៅមករវាង​ប្រជាជន និងប្រទេសទាំងពីរ។យ៉ាងណាក៏ដោយអ្នកនាំពាក្យព្រឹទ្ធសភា សូមបញ្ជាក់​សារជាថ្មីនូវការបេ្តជ្ញា​ចិត្តឥតងាករេរបស់​កម្ពុជា​នៅក្នុងការលើកកម្ពស់នីតិរដ្ឋ ​ការគោរពសិទ្ធិមនុស្ស​ ការថែរក្សាសន្តិភាព ​និងស្ថិរភាព ដែលទទួល​បានដោយលំបាករហូតមកដល់ពេលបច្ចុប្បន្ននេះ។ប្រជាជនកម្ពុជាទូទាំងប្រទេសបាន និងកំពុងរីករាយសាទរ​ជាមួយ​នឹង​ផ្លែផ្កានៃសមិទ្ធផលជាច្រើន​ទសវត្សរ៍​សម្រាប់ជីវិតសុខសាន្តរបស់ខ្លួន៕អត្ថបទ៖ បាន ចក់

Update៖ បុរសជនជាតិនីហ្សេរីយ៉ា កេីតជំងឺអុតស្វា ដំបូងនៅប្រទេសថៃ មិនទាន់បានឆ្លងដែនចូលកម្ពុជាឡេីយ

2022/07/23 11:05:56 am        648
Facebook Telegram Linkin
បន្ទាយមានជ័យ៖ បុរសជនជាតិនីហ្សេរីយ៉ា ដែលកេីតជំងឺអុតស្វា ដំបូងគេនៅប្រទេសថៃ មិនទាន់បានឆ្លងដែនចូលកម្ពុជាឡេីយ ខណ:សមត្ថកិច្ចថៃកំពុងតាមស្វែងរកជនបរទេសរូបនេះក្នុងប្រទេសរបស់ខ្លួន។ នេះបេីតាមការអះអាងរបស់ឯកឧត្តម អ៊ុំ រាត្រី អភិបាលខេត្តបន្ទាយមានជ័យបានប្រាប់BTV មុននេះបន្តិច។ឯកឧត្តម អ៊ុំ រាត្រី បានបញ្ជាក់ថា បន្ទាប់ពីទទួលបានព័ត៌មានអំពីការរត់គេច ខ្លួនរបស់បុរសម្នាក់ ជនជាតិនីហ្សេរីយ៉ា មានជំងឺអុតស្វាដំបូងគេនៅប្រទេសថៃ ភ្លាមៗ អាជ្ញាធរខេត្តស្រះកែវ ប្រទេសថៃ បានស្នេីសុំកិច្ចសហការពីអាជ្ញាធរខេត្តបន្ទាយមានជ័យ ដេីម្បីស្វែងរក ជនបរទេសខាងលេី។ឯកឧត្តមបញ្ជាក់ថា អាជ្ញាធរ និងសមត្ថកិច្ចតាមព្រំដែនទាំងអស់បន្តការតាមដានទៅលេីអត្តសញ្ញាណជនបរទេសរូបនេះ៕

ក្រុមគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ចុះចាក់វ៉ាក់សាំងកូវីដ-១៩ដូសជំរុញ ដល់សិស្សានុសិស្សវិទ្យាល័យសិរីសោភ័ណ

2022/07/22 03:04:18 pm        80
Facebook Telegram Linkin
បន្ទាយមានជ័យ៖ នៅព្រឹកថ្ងៃទី២២ ខែកក្កដា ឆ្នាំ២០២២ ក្រុមគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានចុះចាក់វ៉ាក់សាំងការពារជំងឺកូវីដ-១៩ ដូសជំរុញ ជូនដល់សិស្សានុសិស្ សនៃវិទ្យាល័យសិរីសោភ័ណ ក្នុងក្រុងសិរីសោភ័ណ ខេត្តបន្ទាយមានជ័យ។កម្មវិធីចុះចាក់វ៉ាក់សាំងការពារជំងឺកូវីដ-១៩ ដូសជំរុញ បានធ្វើឡើងដោយមានការចូលរូមពីឯកឧត្តម យឿន យឿត ទីប្រឹក្សារាជរដ្ឋាភិបាលកម្ពុជា។ជាមួយនឹងការចូលរួមសកម្មភាពចាក់វ៉ាក់សាំងកូវីដ-១៩ ជូនដល់សិស្សានុសិស្ស ក៏ដូចជាបងប្អូនប្រជាពលរដ្ឋនេះ ឯកឧត្តមក៏បានគោរពថ្លែងអំណរគុណយ៉ាងជ្រាលជ្រៅជាទីបំផុតជូនចំពោះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលបានខិតខំខ្នះខ្នែងស្វែងរកវ៉ាក់សាំងមកចាក់ជូនប្រជាពលរដ្ឋទូទាំងប្រទេសដោយឥតគិតថ្លៃ៕

កំណាត់ផ្លូវជាតិលេខ៥ ដែលរងការជន់លិចបានផ្អាកចចារណ៍ជាបណ្តោះអាសន្នហើយ, អ្នកដំណើរអាចវាងទៅផ្លូវជប៉ុនកំពុងសាងសង់ថ្មី

2022/07/22 11:46:39 am        520
Facebook Telegram Linkin
កំពង់ឆ្នាំង៖ លោក សាន់ យូ អភិបាលរងខេត្តកំពង់ឆ្នាំង បានបញ្ជាក់ថា នៅវេលាម៉ោង១០ និង២០នាទីព្រឹកថ្ងៃទី២២ ខែកក្កដា ឆ្នាំ២០២២នេះ ក្រុមការងារចំរុះថ្នាក់ខេត្ត បានសម្រេចបិទផ្លូវជាតិលេខ៥ចន្លោះគីឡូម៉ែត្រលេខ៣៩-៤០ ដោយបិទការធ្វើចរាចរណ៍ឆ្លងកាត់ជាបណ្តោះអាសន្ន ដោយសារតែផ្លូវនៅចំណុចនោះបានរងការខូចខាតដោយសារតែជំនន់ទឹកភ្លៀងហូរកាត់។ដោយឡែកការធ្វើរចរាចរណ៍របស់ប្រជាពលរដ្ឋលើផ្លូវជាតិលេខ៥ត្រង់ចំនុចនេះ ត្រូវបានបញ្ចៀសទៅតាមផ្លូវជប៉ុនកំពុងសាងសង់ថ្មី ដោយក្រុមការងារក៏បន្តដំណើរមកពិនិត្យមើលស្ថានភាពអាងទំនប់ទឹកអន្លង់ជ្រៃ ស្ថិតក្នុងឃុំឈានឡើង ស្រុកសាមគ្គីមានជ័យ បន្តទៀត៕

ការ​បោសសំអាត​មីន​នៅ​តំបន់​អាង​ត្រពាំងថ្ម ឃុំ​ប៉ោយចារ សម្រេច​បាន​ជាង ៨០​ភាគរយ​

2022/07/22 10:04:43 am        217
Facebook Telegram Linkin
​បន្ទាយមានជ័យ​៖ គិត​រហូតមក​ដល់ពេលនេះ កងកម្លាំង​មជ្ឈមណ្ឌល​សកម្មភាព​កំចាត់មីន​កម្ពុជា (CMAC) បាន​បោសសំអាត​គ្រាប់មីន និង​យុទ្ធភណ្ឌ​មិនទាន់​ផ្ទុះ​នៅ​តំបន់​អាង​ត្រពាំងថ្ម ស្ថិត​ក្នុង​ឃុំ​ប៉ោយចារ ស្រុក​ភ្នំស្រុក ខេត្តបន្ទាយមានជ័យ បានសម្រេច​បាន​ជាង ៨០​ភាគរយ​ហើយ។​ ​បើ​តាម​លោក ចាន់ ដា​រ៉ុ​ម អនុប្រធាន​កងឯកភាព​កំចាត់មីន​ទទួលបន្ទុក​ប្រតិបត្តិការ នៅ​ទីវាល​នៃ​តំបន់​អាង​ត្រពាំងថ្ម​បាន​ឲ្យ​ដឹង​ថា ប្រតិបត្តិការ​នេះ​ធ្វើឡើង​ចាប់ពី​ថ្ងៃ​ទី​៤ ខែកក្កដា ឆ្នាំ​២០២២ ដោយ​កម្លាំង​ស៊ីម៉ាក់​បោសសំអាត​មីន​បាន​ដល់​ទៅ​ ៨២​ភាគរយ​ស្មើនឹង ​២០​ហិកតា នៅសល់តែ​ ៥​ហិកតា​ទៀត ដោយ​កម្លាំង​ស៊ីម៉ាក់​កំពុង​ខិតខំ​បន្ត​ដោះ​ឲ្យ​រួចរាល់​តាម​ផែនការ។​ ​ឯកឧត្តម ហេង រតនា អគ្គនាយក​ស៊ីម៉ាក់​មានប្រសាសន៍ថា ការងារ​បោសសំអាត​មីន​នៅ​តំបន់​អាង​ត្រពាំងថ្ម ក្នុង​ឃុំ​ប៉ោយចារ​នេះ​ប្រើ​ពេល​វេលា​ត្រឹម ​១​ខែ​ប៉ុណ្ណោះ ហើយ​ផ្ទៃដី​ដែល​ត្រូវ​បោសសំអាត​មីន និង​យុទ្ធភណ្ឌ​មិនទាន់​ផ្ទុះ មាន​ចម្ការ​មីន​ចំនួន​៨ ស្មើនឹង​ ២៥​ហិកតា ដោយ​ប្រើ​ប្រាស​កម្លាំង​ស៊ីម៉ាក់​ជាង​ ៥០​នាក់ចែក​ចេញជា​ ២​ក្រុម​ដែល​ប្រើប្រាស់​ធនធាន​ថវិកា​មាន​ស្រាប់ រួមទាំង​ប្រើ​កម្លាំង​គ្រឿងចក្រ កម្លាំង​សុនខ និង​កម្លាំង​បច្ចេកទេស​តាម​ការចាំបាច់។​​ក្នុង​ឱកាស​អញ្ជើញ​អបអរ​ទិវា​មច្ឆជាតិ​នៅ​ខេត្តបន្ទាយមានជ័យ​កាលពី​ថ្ងៃទី​១ ខែកក្កដា ឆ្នាំ​២០២២ សម្ដេច​តេ​ជោ ហ៊ុន សែន នាយករដ្ឋមន្ត្រី​នៃ​កម្ពុជា បាន​បញ្ជា​ឲ្យ​អាជ្ញាធរ​មីន​សហការ​ជាមួយ​អាជ្ញាធរ​ខេត្ត​បន្ទាយមានជ័យ បោសសំអាត​មីន​នៅ​តំបន់​អាង​ត្រពាំង​ថ្ម ហើយ​ប្រកាស​ថា ​គ្មាន​មីន​នៅ​ចុង​ឆ្នាំនេះ សម្រាប់​ឃុំ​ប៉ោយចារ​ត្រូវ​ធ្វើ​ឱ្យ​បាន​ទោះ​ក្នុងតម្លៃ​ណាក៏ដោយ។ ជាមួយគ្នា​នោះ សម្ដេច​តេ​ជោ ក៏បាន​អំពាវនាវ​ពលរដ្ឋ និង​សប្បុរសជន​នានា ចូលរួម​ក្នុង​ការងារ​បោសសំអាត​មីន​នៅ​កម្ពុជា ដើម្បី​ឲ្យ​សម្រេច​តាម​ផែនការ​កម្ពុជា​គ្មាន​មីន​នៅ​ឆ្នាំ​២០២៥ ដែល​នឹងធ្វើ​ឲ្យ​ផ្ទៃដី​មាន​សុវត្ថិភាព​នៅ​ទូទាំង​ប្រទេស ខណៈ​សកម្មភាព​ចូលរួម​បរិច្ចាគ​ថវិកា​នេះ កំពុង​ដំណើរការ​យ៉ាង​ផុស​ផុល​ពី​សំណាក់​ពលរដ្ឋ​ខ្មែរ​នៅ​ក្នុង​ប្រទេស និង​ក្រៅ​ប្រទេស រួម​ទាំង​ខាង​ផ្នែក​អន្តរជាតិ​ផងដែរ៕ អត្ថបទ៖ បាន សុខ​រិ​ទ្ធិ

សហគមន៍ផ្តល់ជំនួយគាំទ្រគម្រោងសម្តេចតេជោសម្រាប់សកម្មភាពមីន និងបន្តចូលរួមបោសសម្អាតមីនរហូតដល់ឆ្នាំ២០២៥

2022/07/21 12:35:23 pm        365
Facebook Telegram Linkin
ភ្នំពេញ៖ នាព្រឹកថ្ងៃទី២១ ខែកក្កដា ឆ្នាំ២០២២ នៅនិវេសនដ្ឋានទូតអង់គ្លេសឯកឧត្តម ទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន និងលោកស្រី Tina Redshaw ឯកអគ្គរាជទូតអង់គ្លេសប្រចាំនៅកម្ពុជា បានរៀបចំកិច្ចពិភាក្សា Cambodia Mine Action Coffee Briefing ជាមួយប្រទេសម្ចាស់ជំនួយ និងដៃគូអភិវឌ្ឍន៍វិស័យមីន ដើម្បីចែករំលែកព័ត៌មាន​ពាក់ព័ន្ធ​នឹងគម្រោងសម្តេចតេជោសម្រាប់សកម្មភាពមីន “ផ្តល់ដីសុវត្ថិភាព បង្កើតស្នាមញញឹម”។ក្នុងឱកាសនោះ ឯកឧត្តមទេសរដ្ឋមន្រ្តី លី ធុជ បានថ្លែងអំណរគុណដល់សហគមន៍ផ្តល់ជំនួយ និងដៃគូអភិវឌ្ឍន៍ ដែលបានចូលរួមដល់វិស័យសកម្មភាពមីនមនុស្សធម៌នៅកម្ពុជា រយៈពេល ៣០ឆ្នាំ ព្រមទាំងបានលើកឡើងអំពីបច្ចុប្បន្នភាពវិស័យសកម្មភាពមីន និងចលនាជាតិរបស់​សម្តេចតេជោ​ ក្នុងការដោះស្រាយបញ្ហាគ្រាប់មីននៅកម្ពុជា។ឯកឧត្តមទេសរដ្ឋមន្រ្តី បានជម្រាបប្រាប់សហគមន៍ម្ចាស់ជំនួយថា អាជ្ញាធរមីន បានធ្វើការសិក្សា និងរៀបចំផែនការយ៉ាងច្បាស់លាស់ ​ក្នុងការប្រើប្រាស់ថវិកាម្ចាស់ជំនួយ និងថវិការបស់គម្រោង​សម្តេចតេជោ​សម្រាប់​សកម្មភាពមីន ​ដោយមិនអោយប៉ះពាល់ ​ឬត្រួតគ្នានោះទេ ជាពិសេសការ​បែងចែក​កម្លាំងបោសសម្អាតមីន ដើម្បីឆ្លើយតបឲ្យទាន់ពេលវេលា​សម្រេចគោលដៅ​កម្ពុជា​គ្មាន​មីនឆ្នាំ២០២៥។ឯកឧត្តម ទេសរដ្ឋមន្រ្តី បានស្នើសុំសហគមន៍ផ្តល់ជំនួយទាំងអស់ ត្រូវបន្តចូលរួមគាំទ្រដល់ការងារ​បោស​សម្អាត​មីននៅតាមគោលដៅអាទិភាព​ ដែលបានកំណត់ដោយរាជរដ្ឋាភិបាលកម្ពុជា រហូតដល់ការរំដោះគ្រាប់មីនចុងក្រោយ។សហគមន៍ផ្តល់ជំនួយ បានអបអរសាទរ​ និងវាយតម្លៃខ្ពស់ចំពោះការយកចិត្តទុកដាក់របស់រាជ​រដ្ឋា​ភិបាល​កម្ពុជា ក្នុងការដោះស្រាយបញ្ហាគ្រាប់មីននៅកម្ពុជា ​និងគាំទ្រគោលដៅ “សូន្យមីនឆ្នាំ២០២៥” តាមរយៈការអនុវត្តគម្រោងសម្តេចតេជោ​សម្រាប់សកម្មភាពមីន “ផ្តល់ដីសុវត្ថិភាព បង្កើតស្នាមញញឹម”។ ជាងនេះទៅទៀត ​សហគមន៍ផ្តល់ជំនួយ បានគាំទ្រនូវការកំណត់គោលដៅអាទិភាពរបស់រាជ​រដ្ឋាភិបាល​កម្ពុជា ក្នុងការងារបោសសម្អាតមីន​ ដោយជ្រើសយកតំបន់ទីប្រជុំជន ​វប្បធម៌ ទេសចរណ៍​ និងការអភិវឌ្ឍ៕

សម្តេចពិជ័យសេនា ទៀ បាញ់ ដឹកនាំមន្រ្តីប្រជុំគណៈកម្មការADMM 2022

2022/07/21 11:49:24 am        336
Facebook Telegram Linkin
ភ្នំពេញ៖ សម្តេចពិជ័យសេនា ទៀ បាញ់ ឧបនាយករដ្ឋមន្ដ្រី រដ្ឋមន្ត្រីក្រសួងការពារជាតិ នាព្រឹកថ្ងៃទី២១ ខែកក្កដា ឆ្នាំ២០២២ បានអញ្ជើញជាអធិបតីក្នុងកិច្ចប្រជុំគណៈកម្មការADMM 2022 បានរៀបចំកិច្ចប្រជុំបូកសរុបលទ្ធផលការងារធ្វើម្ចាស់ផ្ទះកិច្ចប្រជុំរដ្ឋមន្រ្តីការពារជាតិអាស៊ាន លើក​ទី១៦ “16th ADMM” កាលពីថ្ងៃទី២១-២២ ខែមិថុនា ឆ្នាំ២០២២ កន្លងទៅ ដើម្បីវាយតម្លៃ​ដកបទ​ពិសោធន៍ ដែលជាធាតុចូលបន្ថែមសម្រាប់ធ្វើម្ចាស់ផ្ទះកិច្ចប្រជុំរដ្ឋមន្រ្តី​ការពារជាតិអាស៊ាន-បូក នៅ​បំណាច់​ខែ វិច្ឆិកា​ ឆ្នាំ២០២២ខាងមុខ ឱ្យទទួលបានជោគជ័យថែមទៀត ៕

រដ្ឋមន្រ្តីការបរទេសអាស៊ាន និងដៃគូជិត ៤០ប្រទេស នឹងមកកម្ពុជាចូលរួមកិច្ចប្រជុំរដ្ឋមន្រ្តី ការបរទេសអាស៊ាន

2022/07/21 11:41:39 am        494
Facebook Telegram Linkin
ភ្នំពេញ៖ ស្របពេលកម្ពុជានឹងដឹកនាំកិច្ចប្រជុំរដ្ឋមន្រ្តីការបរទេសអាស៊ានលើកទី៥៥ និងកិច្ចប្រជុំពាក់ព័ន្ធជាមួយប្រទេសជាដៃគូ នឹងមានរដ្ឋមន្រ្តីការបរទេសអាស៊ាន និងរដ្ឋមន្រ្តីការបរទេសប្រទេសជាដៃគូជិត ៤០ប្រទេសអញ្ជើញចូលរួមក្នុងកិច្ចប្រជុំនាពេលខាងមុខ។ថ្លែងប្រាប់BTV News ឯកឧត្តម គង់ ភោគ រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ បានឲ្យដឹងថា ចំពោះដំណើរការរៀបចំកិច្ចប្រជុំរដ្ឋមន្រ្តី​ការបរទេស​អាស៊ាន​លើកទី៥៥ ​និងកិច្ចប្រជុំពាក់ព័ន្ធ ​ដែលនឹងប្រព្រឹត្តទៅនាដំណាច់ខែកក្កដានេះ នឹងត្រូវ​ធ្វើឡើង​នៅ​សណ្ឋាគារ​សុខាភ្នំពេញ ​ដោយគិតត្រឹមថ្ងៃនេះ​ដំណើរការរៀបចំបាន​ប្រព្រឹត្តទៅ​ដោយ​រលូន និងទៅតាមផែនការ ទាំងទីតាំង​ និងទីកន្លែងប្រជុំនីមួយៗ។ ឯកឧត្តម ​បន្តថា ​ក្រសួងការបរទេស ​និងសហប្រតិបត្តិការអន្តរជាតិ​ បានអញ្ជើញរដ្ឋមន្រ្តីការបរទេស​អាស៊ាន​ និងរដ្ឋមន្រ្តីការបរទេសជាដៃគូរួចរាល់ ​ខណៈមានរដ្ឋមន្រ្តីការបរទេសអាស៊ាន​ និងប្រទេស​ជា​ដៃគូ​ចំនួន​ជិត ៤០ប្រទេសបានឆ្លើយតបនឹងចូលរួមកិច្ចប្រជុំនាពេលខាងមុខ។ សម្រាប់ព្រឹត្តិការណ៍នៃកិច្ចប្រជុំរដ្ឋមន្រ្តីការបរទេសអាស៊ានលើកទី៥៥​ និងកិច្ចប្រជុំពាក់ព័ន្ធ ក៏ដូចជា​ក្នុងនាម​កម្ពុជាជាប្រធានអាស៊ាន ​ឯកឧត្តម គង់ ភោគ បញ្ជាក់ថា​ នេះបង្ហាញថា ​កម្ពុជាមានលទ្ធភាព និង​សមត្ថភាពក្នុងការរៀបចំកិច្ចប្រជុំទ្រង់ទ្រាយធំ ទោះស្ថិតក្នុងបរិបទកូវីដ១៩។ ឯកឧត្តម ​បានលើកឡើងថា កិច្ចប្រជុំនាពេលខាងមុខ ផ្តល់អត្ថប្រយោជន៍៤យ៉ាង រួមមាន ទី១,ការ​បង្ហាញ​អំពីកម្ពុជាមានសមត្ថភាពគ្រប់គ្រាន់ក្នុងការដើរតួនាទីរបស់ខ្លួន ​មិនត្រឹមតែក្នុងតំបន់ ទី២,​ជាការផ្តល់អាទិភាពដល់កម្ពុជា ដើម្បីជំរុញការគិតសម្រាប់តំបន់ ​និងពិភពលោកដែលកំពុងប្រឈម ទី៣, ជាឱកាសសម្រាប់កម្ពុជា​បង្កើតបរិយាកាសឲ្យមាន​ការសហការគ្នាឈានទៅ​រកការដោះស្រាយ​បញ្ហាប្រឈមក្នុងពេលបច្ចុប្បន្ន និងទី៤,គឺការដាក់ចេញគោលនយោបាយ​ និងគោលជំហរ ដើម្បី​អនុញ្ញាតឲ្យទៅរកការដោះស្រាយបញ្ហានានា។កិច្ចប្រជុំរដ្ឋមន្ត្រីការបរទេសអាស៊ានលើកទី៥៥ និងកិច្ចប្រជុំពាក់ព័ន្ធ នឹងធ្វើឡើងពីថ្ងៃទី៣១ ខែ​កក្កដា​ រហូតដល់ថ្ងៃទី៦​ ខែសីហា​ ឆ្នាំ២០២២ នៅ​រាជធានីភ្នំពេញ​ តាមទម្រង់ដោយផ្ទាល់​ក្រោម​មូលបទ ការដោះស្រាយបញ្ហាប្រឈមរួមគ្នា ​ដោយបញ្ហានោះរួមមានទាំងវិបតិ្តសកលកូវីដ១៩ បញ្ហា​ធ្លាក់ចុះសេដ្ឋកិច្ចសកល ​បញ្ហាសង្គ្រាម ក៏ដូចជាអស្ថិរភាពមួយចំនួនទាំងក្នុងតំបន់ និង​ក្រៅ​តំបន់ ខណៈមូលបទនេះ​ជាស្នូលទាមទារឲ្យមានការរួមគ្នា​ដើម្បីដោះស្រាយ​តាមរយៈការពិភាក្សា​រវាង​សមាជិកអាស៊ាន ​និងអាស៊ានជាមួយប្រទេសជាដៃគូ៕ អត្ថបទ៖ សេក ឧត្តម 

កម្ពុជា​សោកស្តាយ​ដែល​អាមេរិក​ដាក់​ចំណាត់ថ្នាក់​លេខ​៣ ​ចូលក្នុង​បញ្ជី​ខ្មៅ​នៃ​ការជួញដូរ​មនុស្ស

2022/07/21 11:11:38 am        820
Facebook Telegram Linkin
​ភ្នំពេញ​៖ លោកជំទាវ ជូ ប៊ុន​អេង រដ្ឋលេខាធិការ​ក្រសួងមហាផ្ទៃ និង​ជា​អនុប្រធាន​អចិន្ត្រៃយ៍​នៃ​គណៈកម្មាធិការ​ជាតិ​ប្រយុទ្ធ​ប្រឆាំង​អំពើ​ជួញដូរ​មនុស្ស បាន​សម្តែង​ការខកចិត្ត និង​សោកស្តាយ​បំផុត​ បន្ទាប់ពី​អាមេរិក​បាន​ដាក់​កម្ពុជា​ជាប់​ចំណាត់ថ្នាក់​លេខ​៣ ជា​ប្រទេស​ចូល​ក្នុង​បញ្ជីខ្មៅ​នៃ​ការ​ជួញដូរ​មនុស្ស ខណៈ​កម្ពុជា​បាន​ខិតខំ​យ៉ាងសកម្ម​ក្នុង​ការ​ប្រយុទ្ធ​ប្រឆាំង​ការ​ជួញដូរ​មនុស្ស បើ​ទោះ​បី​ជា​កម្ពុជា​ជួប​វិបត្តិ​កូ​វីដ​-១៩​ នា​ពេល​កន្លងទៅ​យ៉ាងណាក៏ដោយ​។​​ថ្លែងប្រាប់​ទូរទស្សន៍ BTV នា​ព្រឹក​ថ្ងៃ​ទី​២១ ខែកក្កដា ឆ្នាំ​២០២២​នេះ លោកជំទាវ ជូ ប៊ុន​អេង បាន​មាន​ប្រសាសន៍ថា ខណៈ​កម្ពុជា​ជួប​នូវ​វិបត្តិ​កូ​វីដ​-១៩ ប៉ុន្មាន​ឆ្នាំ​ចុងក្រោយ​ក៏ដោយ​ ក៏​រាជរដ្ឋាភិបាល​កម្ពុជា​បាន​ខិតខំ​យ៉ាង​ខ្លាំង ក្នុងការ​ប្រយុទ្ធប្រឆាំង​ការជួញដូរ​មនុស្ស​ដោយ​គ្មាន​ការ​រុញ​រា និង​ក៏​មាន​ការ​សហការ​គ្នា​ជាមួយ​សហរដ្ឋអាមេរិក និង​ដៃគូ​ផ្សេងៗ​ទៀត​ផងដែរ ​រហូតដល់​កម្ពុជា​សម្រេច​ឲ្យ​អាមេរិក​ដាក់​ស្នាក់ការ​របស់​ខ្លួន សម្រាប់​ពិគ្រោះ​យោបល់ និង​ពិភាក្សា​គ្នា​ទាក់ទង​នឹង​ការ​ជួញ​ដូរ​មនុស្ស​នៅ​អគ្គស្នងការដ្ឋាន​នគរ​បាល​ជាតិ​កម្ពុជា​ផង​ដែរ​។​​លោកជំទាវ​ ជូ ប៊ុន​អេង បាន​បញ្ជាក់​ឲ្យ​ដឹង​ផង​ដែរ​ថា សហរដ្ឋអាមេរិក​បាន​ដាក់​កម្ពុជា​ជា​ចំណាត់​ថ្នាក់​លេខ​២ ​អស់​រយៈពេល​ពីរ​ឆ្នាំ​មក​ហើយ ខណៈ​ចំណាត់ថ្នាក់​លេខ​២ ​នេះ​គឺជា​ប្រទេស​មានការ​ខិតខំ​ប្រឹងប្រែង និង​មានការ​ឆ្លើយតប និង​មាន​ភាព​ចន្លោះប្រហោង​ដែល​ត្រូវ​បំពេញ​បន្ថែម ​ក្នុង​កិច្ចការ​ប្រយុទ្ធ​ប្រឆាំង​ការ​ជួញ​ដូរ​មនុស្ស​នេះ​។ ប៉ុន្តែ​សម្រាប់​ឆ្នាំ​២០២២ ​នេះដែល​អាមេរិក​សម្រេច​ដាក់​កម្ពុជា​ជា​ប្រទេស​ជាប់​ចំណាត់ថ្នាក់​លេខ​៣ គឺ​គេ​ចង់​និយាយ​ថា ​កម្ពុជា​មាន​ភាព​ប្រងើយ​កន្តើយ គ្មាន​ការ​យក​ចិត្តទុកដាក់ និង​គ្មាន​ការ​ខ្វាយខ្វល់​ ចំពោះ​កិច្ចការ​ប្រយុទ្ធ​ប្រឆាំង​ការ​ជួញដូរ​មនុស្ស រហូត​ដល់​គេ​អាច​សម្រេច​ដាក់ទណ្ឌកម្ម​ដល់​ប្រទេស​កម្ពុជា​ផង​ដែរ​នោះ​។​យ៉ាងណាក៏ដោយ​លោកជំទាវ ជូ ប៊ុន​អេង បាន​សម្តែង​ការ​ខកចិត្ត​យ៉ាងខ្លាំង ​ចំពោះ​ការសម្រេច​របស់​ក្រសួង​ការបរទេស​អាមេរិក​ដាក់​កម្ពុជា​ចូល​ក្នុង​បញ្ជីខ្មៅ​នេះ ដោយ​ការដាក់​នេះ​គឺ​ចង់​មានន័យថា អាមេរិក​ពុំបាន​ធ្វើការ​សហការ​ជាមួយ​កម្ពុជា​នោះ​ទេ ពោលគឺ​អាមេរិក​ធ្វើការ​នេះ​តែ​ឯកឯង​មាន​លក្ខណៈ​បែប​ផ្សេង ខណៈ​អាមេរិក​បាន​ផ្តល់ជំនួយ​ដល់​កម្ពុជា​រហូត​មក​ក្នុងការ​ប្រយុទ្ធ​ប្រឆាំង​ការ​ជួញដូរ​មនុស្ស​នេះ តែ​បែរ​ជា​ដាក់​ប្រទេស​ដែល​ខ្លួន​កំពុង​ជួយ​នេះ​ចូល​ក្នុង​បញ្ជី​ខ្មៅ​ទៅវិញ​នោះ​៕អត្ថបទ​៖ បាន ចក់

ទឹកក្នុងបឹងតាម៉ុកបានហក់ឡើងបន្ថែមទៀតដោយសារមានភ្លៀងធ្លាក់នៅតំបន់ជួរភ្នំដងរែក

2022/07/21 10:05:22 am        935
Facebook Telegram Linkin
​ឧ​ត្ត​រ​មានជ័យ​៖ ស្ថានភាព​កម្រិត​កម្ពស់​ទំនប់​អាង​ស្តុក​ទឹក​បឹង​តា​ម៉ុក ស្ថិតនៅ​ឃុំ​អន្លង់វែង ស្រុក​អន្លង់វែង ខេត្ត​ឧ​ត្ត​រ​មានជ័យ គិត​ត្រឹម​វេលា​ម៉ោង​៩ និង​៣០​នាទី​ព្រឹក​ថ្ងៃទី​២១ ខែកក្កដា ឆ្នាំ​២០២២​នេះ កម្រិត​កម្ពស់​ទឹកបាន​ហក់​ឡើង​បន្ថែមទៀត​បន្តិចមាន​កម្រិត​កម្ពស់​ទឹក ៣,៣៧ម៉ែត្រ បើ​ធៀប​ទៅ​ថ្ងៃ​ម្សិលមិញ​កម្រិ​ត​កម្ពស់​ទឹក​ស្រក​នៅត្រឹម ​៣.៣៥ម៉ែត្រ​។​​លោក ញឺ​ន កួន ប្រធាន​មន្ទីរ​ធនធាន​ទឹក និង​ឧតុនិយម​ខេត្ត​ឧ​ត្ត​រ​មានជ័យ​បាន​ឲ្យ​ដឹងថា ករណី​អាកាសធាតុ បើ​ភ្លៀង​នៅតែ​បន្ត​ធ្លាក់​នៅ​ផ្នែក​ខាងលើ​នៃ​តំបន់​ជួរ​ភ្នំ​ដងរែក វា​នឹង​អាច​បណ្តាល​ឲ្យ​បឹង​ទឹក​តា​ម៉ុក​ទទួល​បាន​ប្រភព​ទឹក​ពេញ​ប្រៀប​អាង​ស្តុក​បាន ​ដោយសារតែ​ប្រភពទឹក​ភ្លៀង​បាន​ធ្លាក់​មកពី​ផ្នែក​ខាងលើ​ភ្នំ​៕

បណ្ដាញសង្គម

ព័ត៌មានថ្មីៗ

ប្រទេសចំនួន ២៧ អំពាវនាវដល់អ៊ីស្រាអែល អនុញ្ញាតឲ្យអង្គការព័ត៌មានបរទេសឯករាជ្យ ចូលទៅ ហ្កាហ្សា
08/22/2025 03:08 PM
Facebook Telegram Linkin
វិធានការសំខាន់ៗ ១១ចំណុច ដែលក្រសួងការងារបានដាក់ចេញ​ក្នុងការ​ជួយ​ពលករ​ខ្មែរ​ដែល​ត្រឡប់​មក​ពី​ប្រទេស​ថៃ​ឱ្យមានការងារធ្វើ
08/22/2025 03:08 PM
Facebook Telegram Linkin
ទីភ្នាក់ងារUNចំនួន ២៥ នឹងបន្តប្រតិបត្តិការ នៅក្នុងប្រទេសអ៊ីរ៉ាក់ បន្ទាប់ពីអាណត្តិរបស់UNAMI ត្រូវបញ្ចប់
08/22/2025 03:08 PM
Facebook Telegram Linkin
សារព័ត៌មានរ៉យទ័រ៖ សហរដ្ឋអាមេរិក បន្តការនាំចូលប្រេងពីប្រទេសវ៉េណេហ្ស៊ុយអេឡា
08/22/2025 02:08 PM
Facebook Telegram Linkin
លោក Xi របស់ចិន នឹងធ្វើជាម្ចាស់ផ្ទះទទួលលោក Putin និងមេដឹកនាំជាច្រើនរូបទៀតក្នុងកិច្ចប្រជុំកំពូល SCO
08/22/2025 02:08 PM
Facebook Telegram Linkin
បេសកជនUN ព្រមានអំពីបរិយាកាសនយោបាយកាន់តែអាក្រក់ឡើង ចំពេលមានអសន្តិសុខក្នុងប្រទេសស៊ីរី
08/22/2025 02:08 PM
Facebook Telegram Linkin
អន្តរជាតិចេញសេចក្តីថ្លែងការណ៍រួម រិះគន់គម្រោងតាំងទីលំនៅ West Bank របស់អ៊ីស្រាអែល
08/22/2025 02:08 PM
Facebook Telegram Linkin
សមាគមអភិវឌ្ឍន៍សង្គមខ្មែរ សហការជាមួយដៃគូក្នុងស្រុក ចូលរួមលើកកម្ពស់ផលិតផលខ្មែរ
08/22/2025 02:08 PM
Facebook Telegram Linkin
លោក Trump កំណត់ពេលពីរសប្ដាហ៍ដើម្បីវាយតម្លៃកិច្ចចរចាសន្តិភាពរុស្ស៊ី-អ៊ុយក្រែន
08/22/2025 02:08 PM
Facebook Telegram Linkin
របាយការណ៍ចិន៖ រដ្ឋមួយចំនួនប្រឹងបង្កើនជម្លោះសមុទ្រចិនខាងត្បូង ប្រជែងនឹងសណ្ដាប់ធ្នាប់ក្រោយសង្រ្គាម
08/22/2025 02:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.