នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់
សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់
ឯកឧត្តម ចាន់ ដារ៉ុង ដឹកនាំគណៈកម្មការ​អន្តរ​ក្រសួង​ចុះ​ពិនិត្យ​វាយ​តម្លៃ​បញ្ចប់​សុពល​ភាព​ការងារ​ថែ​ទាំ​ផ្លូវ​ខួបចំនួន ៣កំណាត់ ក្នុងខេត្តពោធិ៍សាត់
BREAKING NEWS! សម្តេចធិបតី អបអរសាទរចំពោះការប្រព្រឹត្តទៅដោយជោគជ័យ​នូវ​កិច្ច​ប្រជុំ​​វិសាមញ្ញ នៃ​គណៈកម្មាធិកា​រ​ព្រំដែន​ទូទៅកម្ពុជា-ថៃ

នយោបាយ​ និង ការអភិវឌ្ឍន៍

ឯកឧត្តម ង្វៀន ភូជុង ទូរស័ព្ទមកសម្តេចតេជោ ចូលរួមសាទរខួប ៧១ឆ្នាំ ថ្ងៃបង្កើតបក្សប្រជាជនកម្ពុជា

2022/06/27 01:40:39 pm        402
Facebook Telegram Linkin
ភ្នំពេញ៖ មុនមួយថ្ងៃ នៃការប្រារព្វមិន្ទិញអបអរសាទរខួប ៧១ឆ្នាំ នៃថ្ងៃបង្កើតគណបក្ស​ប្រជាជន​កម្ពុជា (២៨មិថុនា១៩៥១-២៨មិថុនា២០២២) ដែលនឹង​ប្រារព្ធ​ នៅថ្ងៃទី២៨មិថុនាស្អែកនេះ នៅព្រឹកថ្ងៃទី២៧មិថុនា ឯកឧត្តម ង្វៀន ភូជុង អគ្គលេខាធិការមជ្ឈមបក្សកុម្មុយនីស្តវៀតណាម បានធ្វើការទូរស័ព្ទដោយផ្ទាល់ មកកាន់សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា និងជាប្រធានគណបក្សប្រជាជនកម្ពុជា ដើម្បីធ្វើការជូនពរដោយផ្ទាល់ ជូនចំពោះសម្តេចតេជោនាយករដ្ឋមន្រ្តី និងជាប្រធានគណបក្សប្រជាជនកម្ពុជា នូវការអបអរសាទរខួប ៧១ឆ្នាំ នៃថ្ងៃបង្កើតគណបក្សប្រជាជនកម្ពុជា។ជាមួយគ្នានេះឯកឧត្តម ង្វៀន ភូជុង បានសំដែងនូវអំណរសាទរ ជូនចំពោះគណបក្ស​ប្រជាជន​កម្ពុជា ដែលទទួលបានជោគជ័យលើការបោះឆ្នោតជ្រើសរើសក្រុមប្រឹក្សាឃុំ សង្កាត់ និយាយជារួម និងនិយាយដោយឡែកសូមសំដែងនូវការអបអរសាទរជូនគណបក្សប្រជាជនកម្ពុជា ដែលទទួល​បានជ័យជំនះដ៏លើសលុប ពីការបោះឆ្នោតជ្រើសរើសក្រុមប្រឹក្សាឃុំ សង្កាត់ កាលពីថ្ងៃទី៥ ខែមិថុនាកន្លងទៅថ្មីៗនេះ ។ នៅក្នុងកិច្ចសន្ទនាគ្នានោះដែរ ឯកឧត្តម ង្វៀន ភូជុង បានអបអរសាទរយ៉ាងជ្រាលជ្រៅបំផុត ជូន​ចំពោះសម្តេចតេជោ ដែលបាន​ប្រារព្ធ​ខួប៤៥ឆ្នាំ ​ទិវា​នៃការចងចាំដំណើរឆ្ពោះទៅការផ្តួលរំលំ របប​ប្រល័យពូជសាសន៍ ប៉ុល ពត (២០មិថុនា១៩៧៧-២០មិថុនា២០២២) នៅតំបន់ប្រវត្តិសាស្រ្ត​យោធា​តេជោ កោះថ្ម X16 ស្ថិតក្នុងឃុំទន្លូង ស្រុកមេមត់ ខេត្តត្បូងឃ្មុំ និងបានសំដែងនូវការអបអរសាទរ ចំពោះសម្តេចតេជោ នាយករដ្ឋមន្រ្តី ដែលបានដឹកនាំបញ្ជាគ្រប់គ្រងការរីករាលដាល នៃជំងឺកូវីដ១៩ ដំណើរការនៃការបើកប្រទេសឡើងវិញ ការស្តារសេដ្ឋកិច្ច សង្គម មានភាពល្អប្រសើរ។ជាការឆ្លើយតបសម្តេចតេជោនាយករដ្ឋមន្រ្តី មានប្រសាសន៍ថ្លែងនូវអំណរគុណ ​ជូនចំពោះឯកឧត្តម ង្វៀន ភូជុង ដែលបានទូរស័ព្ទទំនាក់ទំនង​ដោយផ្ទាល់មកកាន់រូបសម្តេច ពិសេសការចូលរួម​អបអរ​សាទរខួប៧១ឆ្នាំ នៃថ្ងៃបង្កើតគណបក្សប្រជាជនកម្ពុជា ​និងអបអរសាទរចំពោះលទ្ធផលជាវិជ្ជមាន នៃការបោះឆ្នោតជ្រើសរើសក្រុមប្រឹក្សាឃុំ សង្កាត់ ផង ។សម្តេចតេជោ មានប្រសាសន៍ថ្លែងអំណរគុណជូនចំពោះ ឯកឧត្តម ង្វៀន ភូជុង និងរដ្ឋាភិបាល​វៀតណាម ដែលបានសហការជួយរៀបចំកម្មវិធីខួប ៤៥ឆ្នាំ ទិវានៃការចងចាំដំណើរឆ្ពោះ​ទៅ​ការ​ផ្តួលរំលំរបបប្រល័យពូជសាសន៍ ប៉ុល ពត ។ តាមរយៈកិច្ចសន្ទនាគ្នានោះ សម្តេចតេជោ បានសំដែងនូវការអបអរសាទរ ជូនចំពោះ​រដ្ឋាភិបាល​វៀតណាម ដែលបានចាត់វិធានការទប់ស្កាត់ការរីករាល នៃជំងឺកូវីដ១៩ បានយ៉ាងជោគជ័យ ដែល​ធ្វើឲ្យប្រទេសវៀតណាមវិលមកប្រក្រតីភាពឡើងវិញ ​និង​ទទួលបានជោគជ័យលើវិស័យសេដ្ឋកិច្ច សង្គម ការបើកសេដ្ឋកិច្ចឡើងវិញ​ និងរក្សាបាននូវគំណើន​សេដ្ឋកិច្ចគួរឲ្យកត់សំគាល់។ នៅក្នុងកិច្ចសន្ទនាដែលបានចំណាយពេលប្រមាណជាង៣០នាទីសម្តេចតេជោ និងឯកឧត្តម ង្វៀន ភូជុង បានឯកភាពគ្នាបន្តជំរុញកិច្ចសហប្រតិបត្តិការលើគ្រប់វិស័យ​សម្រាប់ប្រទេសទាំងពីរកម្ពុជា វៀតណាម ឲ្យកាន់តែរឹងមាំនិងរីកចំរើនទ្វេឡើងថែមទៀត៕ 

ប្រមុខការទូតកម្ពុជា ​ទទូចឱ្យបញ្ជូនលោកស្រីអោងសាន ស៊ូជី ត្រឡប់ទៅលំនៅដ្ឋានវិញ ខណៈពេលនេះ កំពុងនៅក្នុងពន្ធនាគារ

2022/06/27 01:18:04 pm        1428
Facebook Telegram Linkin
ភ្នំពេញ៖ ប្រមុខការទូតកម្ពុជា និងជាប្រេសិតពិសេសរបស់ប្រធានអាស៊ាន ស្ដីពីមីយ៉ាន់ម៉ា បាន​ផ្ញើលិខិត​ទៅកាន់ក្រុមប្រឹក្សារដ្ឋបាលរដ្ឋ (SAC) នៃសហភាពមីយ៉ាន់ម៉ា ដោយទទូចឱ្យក្រុម​ប្រឹក្សា​រដ្ឋបាលរដ្ឋមីយ៉ាន់ម៉ា បញ្ជូនលោកស្រី អោងសាន ស៊ូជីត្រឡប់ទៅកាន់លំនៅដ្ឋានវិញ ខណៈបច្ចុប្បន្ន​លោកស្រីត្រូវបានស្ថិតនៅក្នុងពន្ធនាគារទីក្រុងណៃពិដោ ប្រទេសមីយ៉ាន់ម៉ា។យោងតាមលិខិតដែលប្រមុខការទូតកម្ពុជាផ្ញើទៅកាន់ក្រសួងការបរទេសមីយ៉ាន់ម៉ា​ នៅថ្ងៃទី២៧ ខែមិថុនា ឆ្នាំ២០២២នេះ ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិ និងជាប្រេសិតពិសេសរបស់ប្រធានអាស៊ានស្ដីពីមីយ៉ាន់ម៉ា បានជម្រាប​ជូនក្រុមប្រឹក្សារដ្ឋបាលរដ្ឋ (SAC) នៃសហភាពមីយ៉ាន់ម៉ា នូវ «ក្តីកង្វល់យ៉ាងខ្លាំងរបស់​សហសេវិកអាស៊ាន» ចំពោះរបាយការណ៍ស្ដីពីការផ្ទេរលោកស្រី អោងសាន ស៊ូជី ពីលំនៅដ្ឋាន​ទៅកាន់ពន្ធនាគារនៅក្នុងទីក្រុងណៃពិដោ និងបានទទូចឱ្យក្រុមប្រឹក្សារដ្ឋបាលរដ្ឋ សម្របសម្រួល​ដល់ការបញ្ជូនលោកស្រីត្រឡប់ទៅលំនៅដ្ឋានដែលជាទីតាំងលោកស្រីត្រូវបានឃុំខ្លួនពីដំបូង។តាមលិខិតនេះ ឯកឧត្ដមឧបនាយករដ្ឋមន្ត្រី ប្រាក់ សុខុន បានលើកឡើងក្នុងលិខិតផ្ញើជូន ឯកឧត្ដម Wunna Maung Lwin រដ្ឋមន្ត្រីការបរទេសនៃសាធារណរដ្ឋសហភាពមីយ៉ាន់ម៉ា​ ក្នុងពេលថ្មីៗនេះថា «ខ្ញុំមិនមានមន្ទិលសង្ស័យទេថាក្តីបារម្ភដូចគ្នានេះកើតឡើងហួសពីក្នុងរង្វង់អាស៊ាន ដោយហេតុថា​លោកស្រី អោងសាន ស៊ូជី ត្រូវបានចាត់ទុកក្នុងរង្វង់អន្តរជាតិ ​និងដោយប្រជាជន​ជាច្រើននៅ​មីយ៉ាន់ម៉ាថា​មានតួនាទីដ៏សំខាន់ក្នុងការវិលត្រឡប់ទៅរកប្រក្រតីភាព និងការផ្សះផ្សាជាតិ​ឡើងវិញ​នៅក្នុងប្រទេសមីយ៉ាន់ម៉ា តាមរយៈដំណោះស្រាយនយោបាយដោយសន្តិវិធីមួយ»។ តាមរយៈលិខិតដដែលនេះ ឯកឧត្ដមឧបនាយករដ្ឋមន្ត្រី បានបន្តទៀតថា ក្នុងតួនាទី​ជាប្រេសិត​ពិសេស​របស់ប្រធានអាស៊ានស្ដីពី មីយ៉ាន់ម៉ា «ខ្ញុំសូមលើកឡើងពីការទទូចរបស់​សហសេវិក​អាស៊ាន ​សូមអោយក្រុមប្រឹក្សារដ្ឋបាលរដ្ឋ នៃមីយ៉ាន់ម៉ា ​ប្រកាន់យកក្តីអនុគ្រោះ និងសម្រួលដល់​ការវិលត្រឡប់​របស់លោកស្រី អោងសាន ស៊ូជី ទៅកាន់លំនៅដ្ឋានដែលលោកស្រីត្រូវបានឃុំខ្លួន​ពីដំបូង ដោយហេតុផលសុខភាព​ និងសុខមាលភាព ទ្រុឌទ្រោមរបស់លោកស្រី​ក៏ដូចជា​ការអនុវត្ត​នីតិរដ្ឋប្រកបដោយយុត្តិធម៌ និងសុភវិនិច្ឆ័យ»។លិខិតនេះ បានបញ្ជាក់ទៀតថា​ ប្រេសិតពិសេសរបស់ប្រធានអាស៊ាន បានលើកឡើងថា «យើងទាំង​អស់គ្នា​មានទស្សនៈដូចគ្នាថា ការផ្សះផ្សាជាតិ​ដោយសន្តិវិធី​ មិនអាចកើតឡើងបានឡើយ នៅពេលដែល​ភាគីមួយនៃជម្លោះ មិនត្រូវបានបញ្ជូលទៅក្នុងសមីការ (equation) ដំណោះស្រាយ» និងបាន​គូសបញ្ជាក់ថា «អាស្រ័យហេតុនេះ សហសេវិកអាស៊ានទាំងអស់ ជំរុញយ៉ាងខ្លាំងអោយ​ក្រុម​ប្រឹក្សារដ្ឋបាលរដ្ឋរបស់មីយ៉ាន់ម៉ា​ ចាប់ផ្តើមដំណើរការប្រកបដោយបរិយាប័ន្ននៃការផ្សះផ្សាជាតិ ដោយមិនមានការពន្យារពេលបន្ថែមទៀតនោះឡើយ»។ ឯកឧត្ដមប្រេសិតពិសេស បានបន្ថែមថា ដំណោះស្រាយនយោបាយដោយសន្តិវិធី ចំពោះជម្លោះ​មួយ ​ទោះបីជាមានភាពស្មុគស្មាញយ៉ាងណាក៏ដោយ ត្រូវតែមានការចែករំលែកលំហ​នយោបាយ​ដោយភាគីពាក់ព័ន្ធទាំងអស់៕ អត្ថបទ៖ បាន ចក់

គណបក្សប្រជាជនកម្ពុជា ចេញសេចក្ដីថ្លែងការណ៍ទទួលយកលទ្ធផលបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥

2022/06/27 09:30:20 am        334
Facebook Telegram Linkin
ភ្នំពេញ៖ នៅល្ងាចថ្ងៃទី២៦ ខែមិថុនា ឆ្នាំ២០២២នេះ គណបក្សប្រជាជនកម្ពុជា បានចេញសេចក្ដីថ្លែងការណ៍មួយ ដោយបានប្រកាសទទួលយកលទ្ធផលផ្លូវការ នៃការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ ដែលគណៈកម្មាធិការជាតិរៀបចំការបោះឆ្នោតបានប្រកាសនៅព្រឹកថ្ងៃទី២៦ ខែមិថុនា ឆ្នាំ២០២២នេះ។សេចក្ដីថ្លែងការណ៍របស់គណៈកម្មាធិការគណបក្សប្រជាជនកម្ពុជាបានលើកឡើងថា ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ កាលពីថ្ងៃទី០៥ ខែមិថុនា ឆ្នាំ២០២២ បានប្រព្រឹត្តទៅស្របតាមរដ្ឋធម្មនុញ្ញ និងច្បាប់នៃព្រះរាជាណាចក្រកម្ពុជា និងប្រកបដោយលក្ខណៈសេរី ត្រឹមត្រូវ និងយុត្តិធម៌ក្នុងបរិយាកាស អព្យាក្រឹត សន្តិសុខ របៀបរៀបរយ គ្មានអំពើហិង្សា និងការគំរាមកំហែង។ ព្រឹត្តិការណ៍ជាប្រវត្តិសាស្ត្រនេះ បានឆ្លុះបញ្ចាំងអំពីភាពចាស់ទុំ នៃដំណើរការប្រជាធិបតេយ្យជាទៀងទាត់នៅកម្ពុជា ជាពិសេសនៅថ្នាក់មូលដ្ឋានក្រោមពន្លៃ នៃសន្តិភាព។សេចក្ដីថ្លែងការណ៍បន្តថា លទ្ធផល នៃការបោះឆ្នោតនេះ បានកើតចេញពីទឹកចិត្ត ឆន្ទៈ និងវិចារណញ្ញាណរបស់ប្រជាពលរដ្ឋជាម្ចាស់ឆ្នោតពិតប្រាកដ ដែលមានសេចក្ដីសង្ឃឹមជឿជាក់យ៉ាងមុតមាំ ចំពោះការរីកចម្រើនរបស់ភូមិ ឃុំ សង្កាត់ និងការលើកកម្ពស់ជីវភាពរស់នៅរបស់ខ្លួនបន្តទៀត ហើយបានបដិសេធនូវការកុហកបោកប្រាស ញុះញង់ មួលបង្កាច់ការពិតរបស់ពួកប្រឆាំងជ្រុលនិយម និងមជ្ឈដ្ឋានអគតិមួយចំនួនដែលតែងតែរារាំងដំណើរអភិវឌ្ឍន៍កម្ពុជា។ជាមួយគ្នានេះដែរ គណបក្សប្រជាជនកម្ពុជា បានសម្ដែងការគោរពដឹងគុណយ៉ាងជ្រាលជ្រៅបំផុត ចំពោះបងប្អូនជនរួមជាតិនៅគ្រប់ឃុំ សង្កាត់ ទូទាំងប្រទេស ដែលបានបោះឆ្នោតគាំទ្រគណបក្សប្រជាជនកម្ពុជាយ៉ាងច្រើនលើសលប់ ធ្វើឲ្យគណបក្សទទួលបានជោគជ័យដ៏ត្រចះត្រចង់។គណបក្សប្រជាជនកម្ពុជាប្ដេជ្ញាថា គណបក្សនឹងអនុវត្តគោនយោបាយរបស់ខ្លួនឲ្យបានជោគជ័យ ដើម្បីរក្សាសន្តិភាព ស្ថិរភាព សន្តិសុខ សណ្ដាប់ធ្នាប់ សុវត្ថិភាពសង្គមឲ្យបានរឹងមាំ លើកកម្ពស់ការផ្ដល់សេវាសាធារណៈ បង្កើនកិច្ចគាំពារសង្គមជួយជនក្រីក្រ និងងាយរងគ្រោះ និងអភិវឌ្ឍឃុំ សង្កាត់ លើគ្រប់វិស័យឲ្យកាន់តែរីកចម្រើនឡើង ដែលឆ្លើយតបទៅនឹងបំណងប្រាថ្នា និងផលប្រយោជន៍ដ៏ឧត្ដុង្គឧត្ដមរបស់ប្រជាជនគ្រប់ៗរូបនៅគ្រប់មូលដ្ឋាន៕

ឯកឧត្តម យឿន យឿត អបអរសាទរលទ្ធផលបោះឆ្នោតជ្រើសរើសក្រុមប្រឹក្សាឃុំ-សង្កាត់នាពេលកន្លងទៅដោយគណបក្សប្រជាជនកម្ពុជាទទួលបានលទ្ធផលដ៏ត្រចះត្រចង់

2022/06/26 07:19:04 pm        175
Facebook Telegram Linkin
ភ្នំពេញ៖  អនុប្រធានក្រុមការងារគណបក្សប្រជាជនកម្ពុជាចុះមូលដ្ឋានស្រុកឱរ៉ាល់ និងជាប្រធានក្រុមការងារចុះជួយឃុំតាសាល ស្រុកឱរ៉ាល់ ខេត្តកំពង់ស្ពឺ ឯកឧត្តម យឿន យឿត បានសម្តែងការអបអរសាទរចំពោះគណបក្សប្រជាជនកម្ពុជា ដែលទទួលបានលទ្ធផលដ៏ត្រចះត្រចង់ ហើយបានគោរពថ្លែងអំណរគុណយ៉ាងជ្រាលជ្រៅជូនចំពោះសមាជិក-សមាជិកាគណបក្សប្រជាជនកម្ពុជា និងប្រជាពលរដ្ឋទាំងមូលនៅស្រុកឱរ៉ាល់ ជាពិសេសនៅឃុំតាសាល ដែលបានសម្រេចចិត្តដ៏ត្រឹមត្រូវដែលបានបន្តបោះឆ្នោតជូនគណបក្សប្រជាជនកម្ពុជា ។ ឯកឧត្តម យឿន យឿត បានបន្តថា ក្រោយគណៈកម្មាធិការជាតិរៀបចំការបោះឆ្នោត ដែលហៅកាត់ថា គ.ជ.ប បានប្រកាសលទ្ធផលបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិទី៥ជាផ្លូវការ នាថ្ងៃទី២៦ ខែមិថុនា ឆ្នាំ២០២២នេះ ដោយគណបក្សប្រជាជនកម្ពុជាទទួលបានជ័យជម្នះស្ទើតែទាំងស្រុង ហើយសម្រាប់ឃុំតាសាល ស្រុកឱរ៉ាល់នេះបងប្អូនប្រជាពលរដ្ឋបានបន្តគាំទ្រគណបក្សប្រជាជនជានិច្ចដោយពួកគាត់បានមើលឃើញថា គណបក្សប្រជាជនកម្ពុជា បានដឹកនាំប្រទេសឲ្យមានសុខសន្តិភាព និងការអភិវឌ្ឍគ្រប់បែបយ៉ាងនោះ។ឯកឧត្តមយឿន យឿត បានបន្តទៀតថាលទ្ធផលដែលបងប្អូនប្រជាពលរដ្ឋនៅទូទាំងប្រទេស ជាពិសេសនៅឃុំតាសាលផ្តល់ជូនដល់គណបក្សប្រជាជនកម្ពុជានេះ គឺជាទឡ្ហីករណ៍ដ៏សំខាន់មួយសម្រាប់មន្រ្តីគណបក្សប្រជាជនកម្ពុជានៅស្រុកឱរ៉ាល់ ជាពិសេសគឺនៅឃុំតាសាល ឱ្យខិតខំប្រឹងប្រែងទ្វេដងដើម្បីបម្រើដល់បងប្អូនឲ្យកាន់តែល្អ និងបន្តការពារសុខសន្តិភាព ស្ថិរភាពបន្តទៅមុខទៀត សក្តិសមនឹងជំនឿជឿជាក់ និងទំនុកចិត្តដែលបានផ្តល់ជូនតាមរយៈសន្លឹកឆ្នោតនាពេលនេះ៕

សមាជិកគណបក្សប្រជាជនកម្ពុជាចំនួន៣ទីក្រុងប្រទេសនូវ៉ែលហ្សេឡង់ រួមគ្នាចូលរួមពិធីអបអរសាទរខួបអនុស្សាវរីយ៍លើកទី៧១ ថ្ងៃបង្កើតគណបក្សប្រជាជន

2022/06/25 05:31:23 pm        814
Facebook Telegram Linkin
ភ្នំពេញ៖ នៅថ្ងៃសៅរ៍ ទី២៥ ខែមិថុនា ឆ្នាំ២០២២ ឯកឧត្តមបណ្ឌិត គឹម សន្តិភាព សមាជិកគណៈកម្មាធិការកណ្តាលគណបក្ស និងជាប្រធានក្រុមការងាររៀបចំអង្គការចាត់តាំងយុវជនគណបក្សនៅប្រទេសអូស្ត្រាលី និងនូវ៉ែលហ្សេឡង់ និង ឯកឧត្តម ចាន់ រតនា ប្រធានគណៈកម្មាធិការគណបក្សប្រចាំប្រទេសអូស្ត្រាលី និងនូវ៉ែលហ្សេឡង់ បានអញ្ជើញចូលរួមជាអធិបតីពិធីអបអរសាទរខួបអនុស្សាវរីយ៍លើកទី៧១ ថ្ងៃបង្កើតគណបក្សប្រជាជនកម្ពុជា (២៨.៦.១៩៥១ - ២៨.៦.២០២២)។ ពិធីអបអរសាទរនេះ មានសមាជិកគណបក្សមកពីរដ្ឋធានីវែល្លីងតុន ប្រទេសនូវ៉េលហ្សេឡង់ ដោយមានការចូលរួមពីឯកឧត្តម វង្ស ប៊ុនឥន្ទ្រាវុធ អនុប្រធានក្រុមការងាររៀបចំអង្គការចាត់តាំងយុវជនគណបក្សនៅប្រទេសអូស្ត្រាលី និងនូវ៉ែលហ្សេឡង់ និងជាប្រធានតំបន់៩ និងឯកឧត្តម លោកជំទាវ លោក លោកស្រី កញ្ញា ដែលជាអនុប្រធាន សមាជិក-សមាជិកានៃក្រុមការងាររៀបចំអង្គការចាត់តាំង គណៈកម្មាធិការសាខាគណបក្ស និងក្រុមការងារយុវជនជាច្រើនរយនាក់៕

លោកជំទាវ ម៉ែន សំអន៖ ទំនាក់ទំនងកម្ពុជា-វៀតណាម ៥៥ឆ្នាំ បានបំពេញលក្ខខ័ណ្ឌជាមិត្តដ៏ស្និទ្ធស្នាល

2022/06/25 01:50:48 pm        601
Facebook Telegram Linkin
ភ្នំពេញ៖ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនង រដ្ឋសភា ព្រឹទ្ធសភា និងអធិការកិច្ច បានថ្លែងថា ទំនាក់ទងការទូតរវាងកម្ពុជា-វៀតណាម អស់រយៈពេល ៥៥ឆ្នាំកន្លងទៅ បានបំពេញនូវលក្ខខ័ណ្ឌមិត្តដ៏ស្និទ្ធស្នាល ក្នុងនាមជាប្រទេសជិតខាងនឹងគ្នា ។ក្នុងពិធីមិទ្ទិញអបអរសាទរខួបអនុស្សាវរីយ៍លើកទី៥៥ នៃការបង្កើតទំនាក់ទំនង ការទូតកម្ពុជា-វៀតណាម នៅទីក្រុងហាណូយ នៃសាធារណរដ្ឋសង្គមនិយមវៀតណាម កាលពីថ្ងៃទី២៤ មិថុនា ឆ្នាំ២០២២ លោកជំទាវកិត្តិសង្គហបណ្ឌិត ម៉ែន សំអន ក្នុងនាមសម្ដេចតេជោ ហ៊ុន សែន នាយករដ្ឋមន្ត្រី នៃកម្ពុជា មានប្រសាសន៍ថា រយៈពេល៥៥ឆ្នាំ ប្រទេសទាំងពីរ បានកសាងចំណង​សាមគ្គីភាព មិត្តភាព និងកិច្ចសហប្រតិបត្តិការជាប្រពៃណីយ៉ាងជិតស្និទ្ធ និង​បានរួមសុខរួមទុក្ខ​ជា​មួយគ្នា ក្នុងនាមជាបងប្អូន ជាយុទ្ធមិត្ត ​និងជាអ្នកជិតខាង ​ដោយសម្រេចបានជោគជ័យយ៉ាងធំធេង ក្នុង​កិច្ចសហប្រតិបត្តិការលើគ្រប់វិស័យ ។លោកជំទាវ បានបន្តថា ពិសេសកាលពីសម័យសង្គ្រាម ប្រទេសទាំងពីរបានកៀកស្មាគ្នា ប្រយុទ្ធតស៊ូ និងជួយឧបត្ថម្ភគាំទ្រគ្នាទៅវិញទៅមក​ ក្នុងបុព្វហេតុរំដោះប្រទេសជាតិ ពី​នឹមអាណានិគម​និយម ដោយជោគជ័យ ​និងទទួលបានឯករាជ្យភាព​ អធិបតេយ្យភាព សេរីភាព និង​ការបង្រួបបង្រួម​ជាតិទាំងស្រុង ។ លោកជំទាវកិត្តិសង្គហបណ្ឌិត ម៉ែន សំអន បានបន្ថែមថា បច្ចុប្បន្នកម្ពុជា និងវៀតណាម បានឈាន​ចូល​ទំព័រថ្មី នៃប្រវត្តិសាស្ត្រ ​ដោយសម្រេចបានសន្តិភាព ​បូរណភាពទឹកដី វឌ្ឍនភាព ការអភិវឌ្ឍ​លើគ្រប់វិស័យ ជាពិសេសលើវិស័យការទូត ​ការពារជាតិ ពាណិជ្ជកម្ម វិនិយោគ និងទេសចរណ៍ ។ លោកជំទាវ ម៉ែន សំអន បានបញ្ជាក់ថា ក្នុងឱកាសខួបលើកទី ​៥៥ឆ្នាំ ប្រទេសទាំងពីរ បានរួមគ្នា​ធ្វើ​សកម្មភាពច្រើនណាស់ ក្នុងនោះមានការផ្លាស់ប្តូទស្សនកិច្ចថ្នាក់ដឹកនាំកំពូល ​ការធ្វើមិទ្ទិញ ដូចជា​ថ្ងៃនេះ ការបំពាក់គ្រឿងឥស្សរិយយសជូនគ្នាទៅវិញទៅមក ​ការសម្ដែងសិល្បៈរួម ការចាក់ផ្សាយ​ខ្លឹមសារពីទំនាក់ទំនងមិត្តភាពកម្ពុជា វៀតណាម តាមប្រព័ន្ធផ្សព្វផ្សាយ ​និងបណ្តាញសង្គម ៕អត្ថបទ៖ សុខរិទ្ធ

ឆមាសទី១ ឆ្នាំ២០២២ ទ័ពមួកខៀវកម្ពុជានៅលីបង់ បេសកកម្មទទួលបានការកោតសរសើរពី UN

2022/06/25 01:42:24 pm        1087
Facebook Telegram Linkin
ភ្នំពេញ៖ តាមសេចក្តីរាយការណ៍ពីលោកវរសេនីយ៍ឯក ចក់ ស៊ីថុល មេបញ្ជាការ កងអនុសេនាធំវិស្វកម្មពហុជំនាញ ក្នុងបេសកកម្មអង្គការសហប្រជាជាតិ នៅសាធារណរដ្ឋលីបង់ នៅថ្ងៃទី២៥ ខែមិថុនានេះ បានឱ្យដឹងថា ក្នុងឆមាសទី១ ឆ្នាំ២០២២នេះ កងកម្លាំងមួកខៀវកម្ពុជា បានអនុវត្តការងារក្រោមឆ័ត្រអង្គការគឺបានទទួលបានលទ្ធផលជោគជ័យគ្រប់តាមផែនការរបស់ទីបញ្ជាការកម្លាំងបណ្តោះអាសន្នអង្គការសហប្រជាជាតិប្រចាំនៅប្រទេសលីបង់ UNIFIL។ លោកវរសេនីយ៍ឯក ចក់ ស៊ីថុល បានឱ្យដឹងថា ២០សប្តាហ៍មកនេះ កម្លាំងមួកខៀវបោសសម្អាត​មីន​កម្ពុជា បានធ្វើការដោះមីនលើផ្ទៃដីនៅក្នុងតំបន់បេសកកម្មបានប្រមាណជិត ៣០០០ ម៉ែត្រការ៉េ បានរកឃើញគ្រាប់មីនប្រឆាំងថ្មើជើងប្រភេទភេទNo4 ចំនួន៣១១គ្រាប់ និងអំបែងចំនួន១១៥ដុំ។ ដោយឡែកក្រុមកម្ទេចគ្រាប់កែច្នៃរ EOD បានធ្វើការកម្ទេចគ្រាប់មីនប្រឆាំងថ្មើជើងចំនួន៤៧លើក ស្មើនឹង៣១១គ្រាប់។ចំពោះការងារវិស្វកម្មវិញ លោក ចក់ ស៊ីថុល ឱ្យដឹងដែរថា ក្នងឆមាសទី១នេះ កងកម្លាំងមួកខៀវ​វិស្វកម្ម ​បានរុះរើប៉ុស្តិ៍យាមចាស់ និងសាងសង់ប៉ុស្តិ៍យាមថ្មី នៅបន្ទាយកងទ័ពមួកខៀវឥណ្ឌូនេស៊ី ចំនួន២កន្លែងធំៗ និងធ្វើជណ្តើរដែក សម្រេចបាន១០០%, និងសាងសង់ជម្រកសុវត្ថិភាព​ចំនួន​២កន្លែង ​នៅបន្ទាយទ័ពមួកខៀវឥណ្ឌា ​១កន្លែងសម្រេចបាន១០០% និងមួយកន្លែងទៀត​សម្រេច​បាន៨៥%។ ជាមួយគ្នាកំពុងសាងសង់របងHESCO​ ការពារឃ្លាំងគ្រាប់ ​នៅបន្ទាយឥណ្ឌា សម្រេចបាន៨៨%ផងដែរ។ចំពោះមន្ទីរពេទ្យកម្រិត១របស់កម្ពុជាវិញ ក៏បានធ្វើការពិនិត្យពិគ្រោះ និងព្យាបាលជំងឺ ជូនដល់ទ័ព​ក្នុងតំបន់បេសកកម្ម និងប្រជាជនលីបង់ ​បានចំនួន៣៥៤នាក់ ​ហើយបណ្តាពលរដ្ឋលីបង់ទាំងនោះ ក៏បានសំដែងអរគុណ នឹងដឹងគុណជាខ្លាំងដល់កម្លាំងមួកខៀវកម្ពុជា ​ដែលបានមើលថែ និងជួយ​ស្វែងរក​សុខសន្តិភាពនៅក្នុងប្រទេសលីបង់។លោក ចក់ ស៊ីថុល ​មេបញ្ជាការកងអនុសេនាធំវិស្វកម្មពហុជំនាញរូបនេះ បានឱ្យដឹងថា អនុវត្ត​តាមការ​ណែនាំពីសំណាក់ ឯកឧត្តម នាយឧត្តមសេនីយ៍ សែម សុវណ្ណនី អគ្គនាយកមជ្ឈមណ្ឌល​ជាតិរក្សាសន្តិភាព គឺកម្លាងទាំងអស់បាននិងកំពុងបន្តអនុវត្ត និងគោរពវិន័យបានយ៉ាង​ល្អរបស់​អង្គការសហប្រជាជាតិ ​និងបានសហការល្អជាមួយកងកម្លាំងមួកខៀវ​ នៃបណ្តាប្រទេសដទៃទៀត។សូមបញ្ជាក់ថា ​កងវិស្វកម្មពហុជំនាញលេខ៨២៩ចំនួនសរុប១៨៤នាក់ ក្នុងនោះមាន​ស្រីចំនួន​៣០នាក់​ បានចេញដំណើរ​ទៅបំពេញបេសកកម្មថែរក្សា​សន្តិភាពUN​នៅប្រទេសលីបង់កាលពី​ដើម​ខែកុម្ភៈឆ្នាំ២០២២ ហើយកងកម្លាំងតួនាទីបន្តការបំពេញបេសកកម្មដោះមីន ​និងសង់សំណង់ដេក និង​សំណង់បញ្ឈរនានា​នៅក្នុងតំបន់ភ្នំផង ​រងសម្ពាធវិបត្តិសេដ្ឋកិច្ច និងមានជម្លោះព្រំដែន​ក្នុង​ប្រទេសលីបង់ ​ជាប់ព្រំដែនគ្នាជាមួយប្រទេសអ៊ីស្រាអ៊ែល៕ អត្ថបទ ស៊ុម សុខជា

សម្តេចតេជោ បញ្ជាគ្រប់ស្ថាប័នពាក់ព័ន្ធទាំងអស់ ត្រូវពិនិត្យរោងចក្រសហគ្រាសឱ្យបានហ្មត់ចត់ ពីការផលិតជំនួញស្របច្បាប់ ទៅជាការផលិតគ្រឿងញៀន

2022/06/25 11:46:31 am        1631
Facebook Telegram Linkin
ភ្នំពេញ៖ សម្តេចតេជោហ៊ុន សែន នាយករដ្ឋមន្រ្តី បានបញ្ជាឱ្យគ្រប់ស្ថាប័នពាក់ព័ន្ធទាំងអស់ ត្រូវតែពិនិត្យឱ្យបានហ្មត់ចត់ និងច្បាស់លាស់បំផុត នៅតាមក្រុមហ៊ុន រោងចក្រ សហគ្រាសនានា ដើម្បីទប់ស្កាត់ និងបង្ការ ពីការផលិតជំនួញស្របច្បាប់ទៅជាការកែច្នៃផលិតគ្រឿងញៀនខុសច្បាប់ ខណៈករណីបែបនេះធ្លាប់មានមកហើយ តែត្រូវបានអាជ្ញាធរធ្វើការបង្ក្រាបបានទាន់ពេលវេលា។តាមរយៈសារលិខិត ដែលបានផ្ញើដល់ជនរួមជាតិក្នុងឱកាស​ប្រារព្ធ ទិវាអន្តរជាតិប្រយុទ្ធប្រឆាំង​គ្រឿងញៀន ​ដែលនឹងប្រព្រឹត្តិទៅ នាថ្ងៃទី២៦ ខែមិថុនា ឆ្នាំ២០២២នេះ ​ក្រោមវិធានបទ​«ដោះស្រាយ​បញ្ហា​គ្រឿងញៀន​ក្នុងវិបត្តិសុខភាព ​និងមនុស្ស» សម្តេចតេជោ ហ៊ុន សែន នាយករដ្ឋមន្រ្តី បានសង្កត់​ធ្ងន់ថា​«អាជ្ញាធរជាតិប្រយុទ្ធប្រឆាំងគ្រឿងញៀន គណៈកម្មាធិការយុទ្ធនាការ​ប្រយុទ្ធ​​ប្រឆាំង​គ្រឿងញៀន ខុសច្បាប់លើកទី៧ គណៈកម្មាធិការ​ត្រួតពិនិត្យ​គ្រឿងញៀន​រាជធានី-ខេត្ត និង​អង្គភាពពាក់ព័ន្ធទាំងអស់​ត្រូវបន្តយកចិត្ត ទុកដាក់ម្ចាស់ការ សម្របសម្រួលដឹកនាំអនុវត្តឲ្យកាន់​តែមាន​ប្រសិទ្ធភាពនូវតួនាទី ​និងភារកិច្ចរបស់ខ្លួនក្នុង​ ការបង្ការ ទប់ស្កាត់បង្រ្កាប ​និងដោះស្រាយ​នូវរាល់បញ្ហាដែលមានការពាក់ព័ន្ធនឹងគ្រឿងញៀន​ និងគ្រប់គ្រង ​ត្រួតពិនិត្យសារធាតុគីមីផ្សំ នៅ​តាមក្រុមហ៊ុន រោងចក្រ សហគ្រាសឲ្យបានហ្មត់ចត់ ​និងមានប្រសិទ្ធភាពខ្ពស់ ​ដើម្បី​ទប់ស្កាត់​បាន​រាល់ការលួចបង្វែរពីជំនួញស្របច្បាប់យកទៅកែច្នៃផលិតគ្រឿងញៀនខុសច្បាប់នៅប្រទេសកម្ពុជា»។សម្តេចតេជោ ហ៊ុន សែន ក៏បានអំពាវនាវដល់គ្រប់​ក្រសួងស្ថាប័ន អង្គភាព​មន្រ្តីអនុវត្តច្បាប់​គ្រឿង​ញៀន​ពាក់ព័ន្ធទាំងអស់ ត្រូវបន្តលើកកម្ពស់ការប្រើប្រាស់យន្តការនៃកិច្ចសហប្រតិបត្តិការអន្តរជាតិ ទាំង ក្របខ័ណ្ឌទ្វេភាគី ពហុភាគី ទាំងក្នុងតំបន់ និងសកលលោក ​ផ្លាស់ប្តូរព័ត៌មានត្រួតពិនិត្យ តាមដាន​ស៊ើបអង្កេត ស្រាវជ្រាវ​មុខសញ្ញា​ចរាចរណ ជួញដូរ ប្រើប្រាស់គ្រឿងញៀន និងសារធាតុ​គីមី​ផ្សំខុសច្បាប់ ​ឆ្លងកាត់តាមព្រំដែន​ និងសហការរួមគ្នាបង្រ្កាប​ឲ្យបានទាន់ពេលវេលា និង​ចំគោលដៅ ដើម្បីធ្វើយ៉ាងណាកាត់បន្ថយនូវបញ្ហាគ្រឿងញៀននេះ។តាមរយៈសារលិខិតនេះដែរ សម្តេចតេជោ ហ៊ុន សែន ក៏បានណែនាំ ​និងសំណូមពរបន្ថែមនូវ គោលការណ៍​មួយចំនួនទៀតផងដែរ ​ដោយក្នុងនោះសម្តេចសូមអំពាវនាវដល់បងប្អូនកូនក្មួយ ព្រមទាំងចៅៗ​ជាជនរួមជាតិទាំងអស់ ​ពិសេសមាតាបិតា ​និងអាណាព្យាបាលសូមបន្តចូលរួម និងគាំទ្រឲ្យ​បានកាន់តែសកម្មថែមទៀត ​ដើម្បីរួមគ្នាបង្ការ ទប់ស្កាត់ និងដោះស្រាយនូវរាល់បញ្ហា​ដែលអាចកើតមាននៅក្នុងសហគមន៍។ ជាមួយគ្នានេះ សម្តេចតេជោ ក៏បានឲ្យមាតាបិតានិងអាណាព្យាបាល បន្តយកចិត្តទុកដាក់ថែ ទាំ និងអប់រំកូនចៅឲ្យបានល្អ​ដើម្បីឲ្យ​ពួកគេ​លូតលាស់​ធំធាត់ ​ប្រកប​ដោយសុខភាព​និងសុវត្ថិភាពចៀស ផុត​ពីបញ្ហាគ្រឿងញៀន​ បញ្ហាអវិជ្ជាក្នុងសង្គមផ្សេងៗ​ ដើម្បីអនាគតកូនចៅយើងទាំងអស់គ្នា​។សម្តេចតេជោ ហ៊ុន សែន ក៏បានបញ្ជាឲ្យគ្រប់ក្រសួងស្ថាប័ន វិស័យឯកជន និងសាសនា ត្រូវបន្តលើកកម្ពស់ការេអនុវត្តសកម្មភាពផ្សព្វផ្សាយអប់រំពីផលប៉ះពាល់នៃគ្រឿងញៀនឲ្យបាន ផុសផុល ​និងគ្រប់គោលដៅប្រឈម។ ជាពិសេសបណ្តាញផ្សព្វផ្សាយព័ត៌មាន សិល្បករ សិល្បការិនី បណ្តាញទំនាក់ទំនងសង្គម ​និងហ្វេសបុកផេករបស់ថ្នាក់ដឹកនាំ ដោយ​ត្រូវបន្តអនុវត្ត​ផ្សារ​ភ្ជាប់​ជាមួយខ្លឹមសារ ​ទិសស្លោក​ បីកុំ ​មួយរាយការណ៍គឺ៖ កុំពាក់ព័ន្ធ ​កុំអន្តរាគមន៍ កុំលើកលែង និង​ត្រូវរាយការណ៍ជូនអាជ្ញាធរ ​មានសមត្ថកិច្ចគ្រប់ករណីគ្រឿងញៀនទាំងអស់។យ៉ាងណាក៏ដោយសម្តេចតេជោ ​ប្រមុខរាជរដ្ឋាភិបាលកម្ពុជា ​ក៏បានបញ្ជាឲ្យអាជ្ញាធរជាតិប្រយុទ្ធ​ប្រឆាំង​គ្រឿងញៀន​គណៈកម្មាធិការត្រួតពិនិត្យគ្រឿងញៀន រាជធានី-ខេត្ត ជាពិសេសក្រសួង​សុខាភិបាល ​និងក្រសួងសង្គមកិច្ចអតីតយុទ្ធជន​ និងយុវនីតិសម្បទា ត្រូវបន្តពង្រឹងគុណភាព​ប្រសិទ្ធភាព និងភាពជឿជាក់នៃការផ្តល់សេវាព្យាបាល ស្តារនីតិ សម្បទាទាំងនៅក្នុងមជ្ឈមណ្ឌល​ជាតិមជ្ឈមណ្ឌលបណ្តោះអាសន្ន របស់រដ្ឋ និងឯកជន ​និងមន្ទីរពេទ្យបង្អែក ​មណ្ឌលសុខភាពនានា ព្រមទាំងសម្របសម្រួលគាំទ្រ ​លើកទឹកចិត្ត និងជំរុញឲ្យអ្នកប្រើគ្រឿងញៀន​ឲ្យទៅទទួល​យក​សេវា​ព្យាបាលស្តារនីតសម្បទា ​ក្នុងមូលដ្ឋានរបស់ខ្លួនផងដែរ៕អត្ថបទ៖ បាន ចក់

សម្តេចតេជោ ហ៊ុន សែន និងក្រុមគ្រួសារ សម្រេចយកដំណឹងមរណភាពសម្តេចឧត្តមទេពញាណ ហ៊ុន ណេង ប្រាប់បងប្រុសទី១

2022/06/24 06:14:03 pm        1039
Facebook Telegram Linkin
ភ្នំពេញ៖ សម្តេចតេជោ ហ៊ុន សែន បានសរសេរលើបណ្តាញសង្គមFacebook ដោយរៀបរាប់ដ៏រំជួលចិត្ត។ សម្តេចតេជោ ហ៊ុន សែន បានរៀបរាប់ថា ដោយសុខភាពបងប្រុសទីមួយ(ឯកឧត្ដម ហ៊ុន សាន)បានប្រសើរព្រមទាំងពេលវេលាក៏សមស្រប សម្តេចតេជោ ហ៊ុន សែន បានណែនាំប្អូនៗ និងក្មួយៗ យកដំណឹងអំពីមរណភាពបងប្រុសទីពីរ គឺសម្តេចឧត្តម ទេពញាណ ហ៊ុន ណេង ជំរាបគាត់។សម្តេចតេជោ ហ៊ុន សែន បានបន្តថា ប្រតិកម្មដំបូងក្រោយទទួលព័ត៌មានថា ប្អូនស្លាប់ គឺភាពស្រឡាំងកាំង ញ័រដៃ ភ្នែកឡើងក្រហម និងពោលពាក្យដដែលៗថាហេតុអីមិនប្រាប់គាត់។សម្តេចជោ ហ៊ុន សែន បញ្ជាក់ថា “ក្រោយការពន្យល់របស់ប្អូនៗ និងក្មួយៗ គាត់យល់តែអ្វីដែលបារម្ភ គឺក្រោយពេលប្អូនៗ និងក្មួយៗចេញផុតមកគាត់អង្គុយយំ និងពិសារគុយទាវតែ២ម៉ាត់គត់។ គាត់បាននិយាយថា ប្អូនគាត់ មិនមានជំងឺអ្វីសោះ និងបន្តនិយាយថាហេតុអីមិនប្រាប់គាត់។ ខ្ញុំកំពុងឱ្យក្មួយៗតាមដាន និងលួចថតរូបគាត់ផ្ញើមកខ្ញុំ។ គាត់ពិតជាពិបាកទទួលយកនូវរឿងបែបនេះណាស់ព្រោះនេះជាការវាយប្រហារខាងផ្លូវចិត្តខ្លាំងបំផុតសម្រាប់គាត់”៕

គ.ជ.ប បង្ហាញបញ្ជីបេក្ខជននៃគណបក្សនយោបាយចំនួន៩ ទទួលអាសនៈក្រុមប្រឹក្សា សម្រាប់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥

2022/06/24 01:42:10 pm        726
Facebook Telegram Linkin
ភ្នំពេញ ៖ គ.ជ.ប បង្ហាញបញ្ជីបេក្ខជននៃគណបក្សនយោបាយចំនួន ៩ ក្នុង​ចំណោម​គណបក្ស​នយោបាយ​ចំនួន ១៧ ដែលបានចូលរួមប្រកួតប្រជែង បានទទួលអាសនៈក្រុមប្រឹក្សា សម្រាប់ការ​បោះឆ្នោត ជ្រើសរើសក្រុមប្រឹក្សាឃុំ ​សង្កាត់ អាណត្តិទី៥ ឆ្នាំ២០២២ ក្នុងនោះមាន៖បញ្ជីបេក្ខជននៃគណបក្សប្រជាជនកម្ពុជា ទទួលបាន ៩.៣៧៦ អាសនៈ ។ បញ្ជីបេក្ខជននៃគណបក្ស ភ្លើងទៀន ទទួលបាន ២.១៩៨ អាសនៈ ។ បញ្ជីបេក្ខជននៃគណបក្សហ៊្វុនស៊ិនប៉ិច ទទួលបាន ១៩ អាសនៈ ។ បញ្ជីបេក្ខជននៃគណបក្សខ្មែររួបរួមជាតិ ទទួលបាន ១៣ អាសនៈ ។ បញ្ជីបេក្ខជននៃគណបក្សប្រជាធិបតេយ្យមូលដ្ឋាន ទទួលបាន ៦ អាសនៈ ។ បញ្ជីបេក្ខជននៃគណបក្សខ្មែរស្រឡាញ់ជាតិ ទទួលបាន ៥ អាសនៈ ។ បញ្ជីបេក្ខជននៃគណបក្សយុវជនកម្ពុជា ទទួលបាន ៣ អាសនៈ ។ បញ្ជីបេក្ខជននៃគណបក្សកម្ពុជានិយម ទទួលបាន ១ អាសនៈ ។ បញ្ជីបេក្ខជននៃគណបក្សសំបុកឃ្មុំសង្គមប្រជាធិបតេយ្យ ទទួលបាន ១អាសនៈ។នេះបើយោងតាមសេចក្តីប្រកាសព័ត៌មានរបស់ គ.ជ.ប នៅថ្ងៃទី២៤ ខែមិថុនា ឆ្នាំ២០២២ ។ គ.ជ.ប បានបន្តថា ប្រជាពលរដ្ឋចេញទៅបោះឆ្នោត សរុបចំនួន ៧.៣៩៤.៤២៧ នាក់ ស្មើនឹង ៨០,៣២% ។ សន្លឹកឆ្នោតបានការ សរុបចំនួន ៧.២៣៧.០៣៧ សន្លឹក ។ សន្លឹកឆ្នោតមិនបានការ សរុបចំនួន ១៥៧.៣៩០​សន្លឹក។ជាមួយគ្នានេះ គ.ជ.ប សម្រេចឱ្យអង្គភាពជំនាញផ្សព្វផ្សាយលទ្ធផលផ្លូវការនៃ​ការបោះឆ្នោត​នេះ​ជាសាធារណៈ នៅថ្ងៃអាទិត្យ ទី២៦ ខែមិថុនា ឆ្នាំ២០២២ តាមប្រព័ន្ធផ្សព្វផ្សាយព័ត៌មានរបស់រដ្ឋ និងផ្សាយតាមគេហទំព័រ ​និងតាមប្រព័ន្ធផ្សព្វផ្សាយព័ត៌មានសង្គម របស់ គ.ជ.ប៕

បណ្ដាញសង្គម

ព័ត៌មានថ្មីៗ

មន្ទីរ សុរិយោដី រាជធានី និងអាជ្ញាធរ ចុះបិទផ្សាយឯកសារក្បាលដី ត្រៀមចេញ ប្លង់ជូនពលរដ្ឋ៤ភូមិ នៅខណ្ឌ ដង្កោ​
08/23/2025 09:08 PM
Facebook Telegram Linkin
កម្ពុជា-វៀតណាមនឹងរៀបចំពិព័រណ៍អន្តរជាតិ លើកទី២ ដើម្បីជំរុញ​ទីផ្សារ​ពាណិជ្ជកម្ម និង​កសិកម្ម​នៅកម្ពុជា
08/23/2025 04:08 PM
Facebook Telegram Linkin
អ៊ុយក្រែន ព្រមានបេឡារុស ប្រឆាំងនឹងការបង្កហេតុ អំឡុងសមយុទ្ធយោធាជាមួយរុស្ស៊ី នៅខែកញ្ញា
08/23/2025 04:08 PM
Facebook Telegram Linkin
ឥណ្ឌា កំពុងប្រឹងប្រែងចរចាពាណិជ្ជកម្មជាមួយសហរដ្ឋអាមេរិក ខណៈពន្ធថ្មីខិតជិតមកដល់
08/23/2025 04:08 PM
Facebook Telegram Linkin
ព័រទុយហ្គាល់ កំពុងស៊ូទ្រាំនឹងរលកកម្ដៅដ៏កំណាច ដែលឆក់យកជីវិតមនុស្សជាង ១ពាន់នាក់ នៅឆ្នាំ២០២៥នេះ
08/23/2025 04:08 PM
Facebook Telegram Linkin
ការិយាល័យថវិកាសភាអាមេរិក៖ ពន្ធរបស់លោក Trump អាចបន្ថយឱនភាពបាន ៤សែនកោដិដុល្លារ
08/23/2025 04:08 PM
Facebook Telegram Linkin
ទីភ្នាក់ងារសិទ្ធិមនុស្ស UN៖ ការស្លាប់ដោយសារភាពអត់ឃ្លាននៅហ្កាហ្សា អាចជាឧក្រិដ្ឋកម្មសង្គ្រាម
08/23/2025 04:08 PM
Facebook Telegram Linkin
UN៖ កងកម្លាំងប្រដាប់អាវុធ RSF របស់ស៊ូដង់ សម្លាប់ជនស៊ីវិលជិត ៩០នាក់ ក្នុងការវាយប្រហារ ១០ថ្ងៃ
08/23/2025 04:08 PM
Facebook Telegram Linkin
ភ្នំភ្លើងនៅរដ្ឋហាវ៉ៃ របស់អាមេរិក ផ្ទុះឡើងជាលើកទី៣១ ដោយព្រួសកម្អែភ្នំភ្លើងរាប់សិបម៉ែត្រឡើងលើមេឃ
08/23/2025 02:08 PM
Facebook Telegram Linkin
អ៊ីស្រាអែល បដិសេធការប្រកាសគ្រោះទុរ្ភិក្សនៅតំបន់ហ្កាហ្សា ថាជារឿងកុហកបោកប្រាស់
08/23/2025 02:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.