នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់
សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់
ឯកឧត្តម ចាន់ ដារ៉ុង ដឹកនាំគណៈកម្មការ​អន្តរ​ក្រសួង​ចុះ​ពិនិត្យ​វាយ​តម្លៃ​បញ្ចប់​សុពល​ភាព​ការងារ​ថែ​ទាំ​ផ្លូវ​ខួបចំនួន ៣កំណាត់ ក្នុងខេត្តពោធិ៍សាត់
BREAKING NEWS! សម្តេចធិបតី អបអរសាទរចំពោះការប្រព្រឹត្តទៅដោយជោគជ័យ​នូវ​កិច្ច​ប្រជុំ​​វិសាមញ្ញ នៃ​គណៈកម្មាធិកា​រ​ព្រំដែន​ទូទៅកម្ពុជា-ថៃ

នយោបាយ​ និង ការអភិវឌ្ឍន៍

ប្រមុខការពារជាតិកម្ពុជា៖ ការប្រើប្រាស់ទណ្ឌកម្មក្នុងរូបភាពណាមួយ ដើម្បីគាបសង្កត់នរណាម្នាក់ ពុំមែនជាជម្រើសត្រឹមត្រូវសម្រាប់ដោះស្រាយបញ្ហាឡើយ

2022/06/22 11:15:23 am        338
Facebook Telegram Linkin
ភ្នំពេញ៖ សម្តេចពិជ័យសេនា ទៀ បាញ់ រដ្ឋមន្ត្រីក្រសួងការពារជាតិអះអាងថា «ចំពោះការប្រើប្រាស់ទណ្ឌកម្មក្នុងរូបភាពណាមួយ ដើម្បីគាបសង្កត់នរណាម្នាក់ គឺកម្ពុជាយល់ថាពុំមែនជាជម្រើសត្រឹមត្រូវសម្រាប់ដោះស្រាយបញ្ហានោះឡើយ»។ សម្តេចបញ្ជាក់ថា «ផ្ទុយទៅវិញ ផលវិបាកពុំមែនមានសម្រាប់តែអ្នកដែលទទួលរងទណ្ឌកម្មនោះទេ អ្នកដែលព្យាយាមប្រើប្រាស់ទណ្ឌកម្មជាត្រីមុខ និងអ្នកស្លូតត្រង់ដែលពុំមានការពាក់ព័ន្ធដ៏ទៃទៀត ក៏អាចទទួលរងផលប៉ះពាល់ជាអវិជ្ជមានដូចគ្នា»។  ការអះអាងរបស់ សម្តេចពិជ័យសេនា ទៀ បាញ់ ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ ធ្វើឡើងចំពោះមុខបណ្តារដ្ឋមន្រ្តីការពារជាតិអាស៊ាន ក្នុងពេលដឹកនាំកិច្ចប្រជុំរដ្ឋមន្រ្តីការពារជាតិអាស៊ានលើកទី១៦ នាថ្ងៃទី២២ ខែមិថុនា ឆ្នាំ២០២២។

ឥណ្ឌាជួយបោសសម្អាតមីនភូមិចំនួន០៤ ក្នុងខេត្តកោះកុង ដើម្បីឲ្យក្លាយជាភូមិអស់មីន និងបង្កើតតំបន់ផ្តល់នូវអវយវៈសិប្បនិម្មិតចំនួន០២នៅកម្ពុជា សម្រាប់ជួយដល់ជនរងគ្រោះដោយសារមីន

2022/06/22 07:14:54 am        523
Facebook Telegram Linkin
ភ្នំពេញ៖ ឯកឧត្តម ទេសរដ្ឋមន្ត្រី លី ធុជ អនុប្រធានទី១ អាជ្ញាធរមីន និង ឯកឧត្តមបណ្ឌិត Rajkumar Ranja Singh, Minister of State of External Affairs នៃសាធារណរដ្ឋឥណ្ឌា បានអញ្ជើញជាអធិបតីក្នុងពិធីចុះហត្ថលេខាលើអនុស្សារណៈយោគយល់គ្នា ស្តីពីគម្រោងភូមិអស់មីននៅក្នុងខេត្តកោះកុង ក្រោមការអនុវត្ត “គម្រោងផ្តល់ផលរហ័ស” របស់រដ្ឋាភិបាលនៃសាធារណរដ្ឋឥណ្ឌា និងកិច្ចសហប្រតិបត្តិការជាមួយអាជ្ញាធរមីន​ នៅថ្ងៃទី២១ ខែមិថុនា ឆ្នាំ២០២២។ពិធីចុះហត្ថលេខានេះ បានធ្វើឡើងនៅសណ្ឋាគារ Hyatt Regency រវាងឯកឧត្តម ស៊ុយ ជីហ៊ាង អគ្គលេខាធិការស្តីទីនៃអាជ្ញាធរមីន និងលោកជំទាវ Devyani Khobragade ឯកអគ្គរដ្ឋទូតឥណ្ឌាប្រចាំកម្ពុជា។ឯកឧត្តម ទេសរដ្ឋមន្រ្តី លី ធុជ បានមានប្រសាសន៍ថា ពិធីចុះហត្ថលេខាអនុវត្ត "គម្រោងផ្តល់ផលរហ័ស - ភូមិអស់មីនក្នុងខេត្តកោះកុង" នាថ្ងៃនេះ គឺជាជំហានដ៏រឹងមាំ ដើម្បីចូលរួមនាំឲ្យកម្ពុជាខិតទៅជិតគោលដៅនៃការក្លាយជាប្រទេសគ្មានមីននៅឆ្នាំ ២០២៥ ក៏ដូចជាការបង្ហាញមួយទៀត នៃចំណងមិត្តភាពជាប្រវត្តិសាស្រ្ត និងប្រពៃណីដ៏យូរអង្វែងរវាងសាធារណរដ្ឋឥណ្ឌា និងព្រះរាជាណាចក្រកម្ពុជា ដែលមានអាយុកាលជិត ២៥០០ឆ្នាំ និងចំណងទំនាក់ទំនងការទូតផ្លូវការរវាងប្រទេសទាំងពីរ រយៈពេល ៧០ឆ្នាំ។ក្នុងនាមរាជរដ្ឋាភិបាលកម្ពុជា ឯកឧត្តមទេសរដ្ឋមន្រ្តី បានថ្លែងអំណរគុណយ៉ាងជ្រាលជ្រៅជូនចំពោះរដ្ឋាភិបាល និងប្រជាជនឥណ្ឌា ដែលបានចូលរួមដល់ការងារសកម្មភាពមីនមនុស្សធម៌នៅកម្ពុជា ក្នុងនោះបានផ្តល់នូវអវយវៈសិប្បនិមិត្តដល់ជនមានពិការភាព ការអភិវឌ្ឍសមត្ថភាពមន្រ្តីអាជ្ញាធរមីន និងការចូលរួមឲ្យកម្ពុជាក្លាយជាប្រទេសគ្មានមីនឆ្នាំ២០២៥។ ឯកឧត្តម បានបន្តទៀតថា អាជ្ញាធរមីន បាននឹងកំពុងដំណើរការយន្តការភូមិអស់មីន និងកំពុងលុបបំបាត់ការគំរាមកំហែងទាំងអស់នៅក្នុងភូមិជាក់លាក់ ដែលនឹងមិនត្រឹមតែជួយសង្គ្រោះអាយុជីវិតរបស់អ្នកទទួលផលផ្ទាល់ប៉ុណ្ណោះទេ វានឹងធ្វើឱ្យជីវភាពភូមិ និងការអភិវឌ្ឍសេដ្ឋកិច្ចសង្គមកាន់តែប្រសើរឡើង ដែលថ្ងៃនេះ សាធារណរដ្ឋឥណ្ឌា នឹងជួយប្រែក្លាយភូមិចំនួន ០៤ ស្ថិតក្នុងខេត្តកោះកុង ទៅជាភូមិអស់មីន ក្នុងចំណោមភូមិចំនួន ២៨ ដែលកំពុងរងការគម្រាមកំហែងដោយសារមីន និងសំណល់ជាតិផ្ទុះពីសង្រ្គាម។ក្នុងឱកាសនោះ ឯកឧត្តម ទេសរដ្ឋមន្រ្តី បានបញ្ជាក់បន្ថែមទៀតថា រយៈពេល ៣០ឆ្នាំ ដោយមានការគាំទ្រពីម្ចាស់ជំនួយ និងប្រតិបត្តិករបោសសម្អាតមីនជាតិ-អន្តរជាតិ ផ្ទៃដីប្រមាណ ២.៣៧៩ គីឡូម៉ែត្រក្រឡា ត្រូវបានបោសសម្អាត និងផ្តល់ផលប្រយោជន៍ជូនដល់ប្រជាជនប្រមាណ ៧.៥ លាននាក់ ព្រមទាំងបានចូលរួមកាត់បន្ថយអត្រាគ្រោះថ្នាក់ពី ៤.៣២០ នាក់ ក្នុងឆ្នាំ ១៩៩៦ មក ៤៤ នាក់ ក្នុងឆ្នាំ ២០២១។ ទោះបីមានកិច្ចខិតខំប្រឹងប្រែងបែបនេះ ប្រជាជនកម្ពុជា ប្រមាណជាង ១ លាននាក់ កំពុងរស់នៅ និងប្រកបមុខរបរលើតំបន់រងផលប៉ះពាល់ដោយសារមីន និងសំណល់ជាតិផ្ទុះពីសង្រ្គាម លើផ្ទៃដី ១.៩៩១ គីឡូម៉ែត្រក្រឡា ក្នុងនោះផ្ទៃដីមានមីន ៧៣៦ គីឡូម៉ែត្រក្រឡា ដែលនឹងត្រូវបោសសម្អាតឲ្យអស់ត្រឹមឆ្នាំ២០២៥ ដើម្បីឆ្លើយតបនឹងកាតព្វកិច្ចកម្ពុជាជារដ្ឋភាគី នៃអនុសញ្ញាអន្តរជាតិស្តីពីការហាមការប្រើប្រាស់ ការរក្សាទុក ការផលិត និងការផ្ទេរគ្រាប់មីនប្រឆាំងមនុស្ស និងការបំផ្លាញគ្រាប់មីន (អនុសញ្ញាអូតាវ៉ា)ឯកឧត្តម ទេសរដ្ឋមន្រ្តី បានបន្ថែមទៀតថា ឆ្នាំ ២០២៥ គឺជាគោលដៅដែលអាចសម្រេចបាន ប្រសិនបើរាជរដ្ឋាភិបាល សហគមន៍ម្ចាស់ជំនួយ ដៃគូអភិវឌ្ឍន៍ វិស័យឯកជន និងសប្បុរសជននានា ធ្វើការរួមគ្នា និងពន្លឿនការគាំទ្រការងារបោសសម្អាតមីន។ឯកឧត្តមបណ្ឌិត Rajkumar Ranja Singh បានមានប្រសាសន៍ថា ឯកឧត្តម មានសេចក្តីសប្បាយរីករាយដែលបានចូលរួមជាមួយរាជរដ្ឋាភិបាលកម្ពុជា តាមរយៈអាជ្ញាធរមីន លើគម្រោងធ្វើឲ្យភូមិចំនួន ០៤ ក្នុងខេត្តកោះកុង ជាភូមិអស់មីន ដោយនឹងផ្តល់អត្ថប្រយោជន៍ដោយផ្ទាល់ដល់ប្រជាពលរដ្ឋជិត ៨.000 នាក់ ដែលកំពុងរស់នៅក្នុងភូមិទាំងនេះ តាមរយៈគម្រោងផ្តល់ផលរហ័សរបស់រដ្ឋាភិបាលឥណ្ឌា ដែលគម្រោងនេះគឺជាផ្នែកមួយនៃទំនាក់ទំនងឥណ្ឌា-កម្ពុជា ក្រោមក្របខណ្ឌកិច្ចសហប្រតិបត្តិការមេគង្គ-គង្គា។ឯកឧត្តមបណ្ឌិត Rajkumar Ranja Singh បានកោតសរសើរចំពោះអាជ្ញាធរមីន ក្នុងការដោះស្រាយបញ្ហាមីន ដើម្បីធ្វើឱ្យកម្ពុជាគ្មានមីននៅឆ្នាំ២០២៥។ ឯកឧត្តមបណ្ឌិត បានបញ្ជាក់បន្ថែមទៀតថា ឥណ្ឌាកំពុងធ្វើការជាមួយអាជ្ញាធរមីន ដើម្បីកំណត់តំបន់បន្ថែមទៀតនៃកិច្ចសហប្រតិបត្តិការសកម្មភាពមីន និងរួមចំណែកដល់កិច្ចខិតខំរបស់កម្ពុជាឲ្យសម្រេចតាមគោលដៅ ហើយរដ្ឋាភិបាលឥណ្ឌា បានត្រៀមខ្លួនរួចជាស្រេច ក្នុងការជួយដល់ការងារសកម្មភាពមីនកម្ពុជា នៅគ្រប់កម្រិត និងគ្រប់ពេលវេលា៕

ទូតអាល្លឺម៉ង់៖ ទោះបីមានឧបសគ្គកូវីដ១៩ ប៉ុន្តែកិច្ចសហប្រតិបត្តិការរវាងអាល្លឺម៉ង់ កម្ពុជាមានការរីកចម្រើន

2022/06/21 02:33:24 pm        507
Facebook Telegram Linkin
ភ្នំពេញ៖ ឯកអគ្គរដ្ឋទូតអាល្លឺម៉ងប្រចាំប្រទេសកម្ពុជា បានថ្លែងសរសើរនៅចំពោះមុខសម្តេចតេជោ ហ៊ុន សែន នាយករដ្ឋមន្ត្រីកម្ពុជាថា បើទោះបីជាមានឧបសគ្គដោយសារកូវីដ១៩ ក៏ដោយ ប៉ុន្តែទំនាក់ទំនង​កិច្ចសហប្រតិបត្តិការរវាងប្រទេសទាំង២ អាល្លឺម៉ង់ កម្ពុជាមានការរីកចម្រើន និងមានសន្ទុះកាន់តែខ្លាំងឡើង។ការវាយតម្លៃរបស់ឯកអគ្គរដ្ឋទូតអាល្លឺម៉ង់ លោក Christian Berger យ៉ាងដូច្នេះត្រូវបានធ្វើឡើង​ក្នុងពេល​សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានអនុញ្ញាត​ឱ្យចូលជួប​សំដែង​ការគួរសម និងជំរាបលា នៅវិមានសន្តិភាព នាព្រឹកថ្ងៃទី២១មិថុនា ខណៈឯកឧត្តម បានបញ្ចប់អាណត្តិ​បេសកកម្មការទូតនៅកម្ពុជា។ជាការឆ្លើយតប សម្ដេចតេជោ បានថ្លែងអំណរគុណជូនចំពោះ​ឯកឧត្តមគ្រីស្ទីន ដែលបានប្រឹងប្រែង​អស់ពីកម្លាំងកាយចិត្តក្នុងបេសកកម្មការទូតរបស់ឯកឧត្តម ជំរុញទំនាក់ទំនង និងកិច្ច​សហប្រតិបត្តិការ​រវាងប្រទេសកម្ពុជា​ និង​អាល្លឺម៉ង់​ឲ្យមានការរីកចម្រើនគួរជាទី​មោទនៈនិង​មាន​សន្ទុះកាន់តែខ្លាំង​ឡើង ។ ​សម្ដេច​ ក៏បានជូនពរឱ្យ​ឯកឧត្តមគ្រីស្ទាន​ទទួលបានជោគជ័យ​ជា​បន្តបន្ទាប់ទៀត​នៅក្នុងបេសកកម្មរបស់ឯកឧត្តមទៅថ្ងៃអនាគត៕ អត្ថបទ៖ មុត​ សុទ្ធ

អគ្គលេខាធិការសម្ព័ន្ធពិភពអ៊ីស្លាមនឹងយកបទពិសោធន៍ពីកម្ពុជាទៅចែករំលែកនៅវេទិកាផ្សេងៗ

2022/06/21 10:56:26 am        379
Facebook Telegram Linkin
ភ្នំពេញ ៖ លោកអគ្គលេខាធិការសម្ព័ន្ធពិភពអ៊ីស្លាមបាន​កោតសរសើរ និង​លើក​ឡើង​នៅ​ចំពោះ មុខសម្តេចតេជោ នាយករដ្ឋមន្ត្រី​កម្ពុជាថា​ នឹងយកបទ​ពិសោធន៍​របស់​កម្ពុជា​ទៅ​ចែក​រំលែកនៅ វេទិកាផ្សេងៗជាមួយនឹងថ្នាក់ដឹកនាំដទៃទៀត។ការលើកថ្លែងសរសើររបស់អង្គការសម្ព័ន្ធពិភពអ៊ីស្លាមខាងលើនេះត្រូវបានធ្វើឡើង ខណៈ​ឯកឧត្ដម មហាម៉ាត់ អាប់ឌុលការីម អាល់អ៊ីសា អគ្គលេខាធិការអង្គការសម្ព័ន្ធពិភពអ៊ីស្លាម (Muslim world league,RABITA) ត្រូវបាន​សម្តេចតេជោ ហ៊ុន សែន នាយករដ្ឋមន្ត្រី​អនុញ្ញាតឱ្យ​ចូលជួបសំដែង​ការគួរសម និង​ពិភាក្សា​ការងារ​នៅ​វិមានសន្តិភាព នាព្រឹ​ក​ថ្ងៃ​ទី២១​មិថុនា​នេះ។​ឯកឧត្តម អ៊ាង សុផល្លែត ជំនួយការផ្ទាល់សម្តេចតេជោបានប្រាប់ដល់ក្រុមអ្នកសារព័ត៌មានថា ឯកឧត្តម មហាម៉ាត់ អាប់ឌុលការីម បាន សម្ដែងនូវការ រីករាយយ៉ាងខ្លាំង ដែលបាន​មក​បំពេញ​ទស្សនកិច្ច​នៅ​កម្ពុជា​ដែល​ជា​ប្រទេស​មួយស្ថិត​ក្នុងបេះដូង​របស់​ឯកឧត្តម និង​ជា​ប្រទេស​មួយ​ដែល​មិន​មាន​ការរើសអើង ប្រកាន់ជាតិសាសន៍ និងសាសនា​។​ ផ្ទុយ​ទៅវិញ​ជា​ប្រទេស​មាន​សន្តិសុខ​ជាតិសាសន៍ និង​សាសនា​ដែលនេះ​ជា​តម្លៃ​ពិត​របស់​កម្ពុជា​ជា​ទីគោរព និង​ជាគំរូ​សម្រាប់​ពិភពលោក​ហើយ​លើសពីនេះ​ឯកឧត្តម​ក៏​បាន​គោរព​សម្ដែង​ការ​អបអរ​សាទរ​ជូន​ប្រជាជនកម្ពុជា​ដែល​មានថ្នាក់ដឹកនាំជាទីគោរព និង​ជាគំរូ​ដែល​មាន​ភាពប្រាកដ​និយម​ក្នុង​ការ​ដឹកនាំ​កម្ពុជា​អោយ​ទទួល​បាន​សុខសន្តិភាពសេរីភាព និងការអភិវឌ្ឍន៍។ជាការឆ្លើយតបសម្ដេចតេជោបានថ្លែងអំណរគុណចំពោះពាក្យពេចន៍ដ៏ល្អរបស់ឯកឧត្តម មហាម៉ាត់អាប់ឌុលខារីម ហើយបានមាន​ប្រសាសន៍​ថា​ សុខដុមនីយកម្ម​រវាង​ជាតិ​សាសន៍​ និង​សាសនា​ គឺ​មានសារៈសំខាន់​ណាស់។ សម្តេចបន្តថា ប្រទេស​មួយ​ដែល​អាច​ទទួលបាន​សុខសន្តិភាព ស្ថិរភាព និង​ការអភិវឌ្ឍត្រូវមានការអត់ឱន និងសុខដុមនីយកម្ម​រវាង​ជាតិសាសន៍ និង​សាសនា​ដោយ​ត្រូវខិតខំ​ធ្វើ​យ៉ាងណា​កុំឲ្យមាន​ភាព​លម្អៀង និង​មិន​អាច​យក​ច្បាប់ និង​វិធី​រដ្ឋបាល​គ្រប់គ្រងជំនឿរបស់ប្រជាជនទេ ផ្ទុយ​​ទៅវិញ​ត្រូវ​មាន​គោល​នយោបាយ និង​វិធី​សាស្រ្ត​ដើម្បី​បំពេញបន្ថែមបង្កលក្ខណៈឲ្យមានការរីកចម្រើន៕ អត្ថបទ៖ មុត សុទ្ធ

សម្តេចតេជោ ហ៊ុ​ន សែន​ស្នើឲ្យក្រសួងការពារជាតិរៀបចំ​ធ្វើមាតុភូមិ​និវត្ត​អដ្ឋិធាតុ​របស់​អតីតយុទ្ធជន​កម្ពុជា​ពីប្រទេសវៀតណាម

2022/06/20 11:43:35 am        687
Facebook Telegram Linkin
ត្បូងឃ្មុំ៖ សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និង​ជា​នាយ​ឧត្តមសេនីយ៍​​ផ្កាយមាស ៥ផុតលេខ បានស្នើដល់រដ្ឋមន្រ្តីក្រសួងការពារជាតិកម្ពុជា គឺ​សម្តេច​ពិជ័យ​សេនាទៀ បាញ់ ធ្វើការពិចារណា និងរៀបចំ​ធ្វើ​មាតុភូមិ​និវត្ត​នូវ​អដ្ឋិធាតុ​របស់​អតីត​យុទ្ធជន​កម្ពុជា​ចំនួន ៤៩រូប ដែល​បានពលីជីវិតនៅប្រទេសវៀតណាម ហើយអដ្ឋិធាតុទាំងនោះ គប្បី​តម្កល់​ទុក​នៅកន្លែងតំបន់កោះថ្ម«X16» ផងដែរ។ថ្លែងនៅព្រឹកថ្ងៃទី២០ ខែមិថុនា ឆ្នាំ២០២២នេះ ក្នុងឱកាសប្រារព្ធខួប៤៥ឆ្នាំ នៃ​ដំណើរ​តស៊ូ​រំដោះជាតិ និ​ង​សម្ពោធដាក់ឲ្យប្រើប្រាស់នូវសមិទ្ធផលនានានៅតំបន់កោះថ្ម«X16» នៅ​ព្រំដែន​កម្ពុជា-វៀតណាម ក្នុង​ខេត្តត្បូងឃ្មុំ សម្តេចតេជោ ហ៊ុន សែន បានថ្លែងថា អតីត​យោធា​កម្ពុជា​ជា​ច្រើន​នាក់ បានពលីជីវិតនៅប្រទេសវៀតណាម ហើយ​អដ្ឋិធាតុ​របស់​ពួកគេ​បាន​តម្កល់​ទុក​នៅ​លើទឹកដី ខេត្តដុងណាយប្រទេសវៀតណាម រាប់សិបឆ្នាំមកហើយ ដោយសារតែរកសាច់ញាតិ និង​ក្រុមគ្រួសាររបស់ពួកគេមិនឃើញ ដូច្នេះដើម្បីតបស្នងសងគុណចំពោះបង ប្អូន​ពលី​ទាំង​នោះ​គប្បី​ធ្វើមាតុភូមិនិវត្តមកកម្ពុជាវិញនូវអដ្ឋិធាតុ​របស់ពួកគេ ដោយតម្កល់ឲ្យបានត្រឹមត្រូវ នៅ​ក្នុង​តំបន់​«X16» នេះតែម្តង។សូមបញ្ជាក់ថា អតីតយុទ្ធជនពលីកម្ពុជា នៅ​អតីត​អង្គភាព​១២៥​(កម្ពុជា)​បាន​ពលីជីវិត​ក្នុង​បុព្វហេតុ​រំដោះជាតិ ស្ថិតនៅឃុំឡុងយ៉ាវស្រុកគីមមី ខេត្តដុងណាយ ប្រទេស​វៀតណាម។ ទីតាំង​ប្រវត្តិសាស្ត្រ​នេះ​គឺ​ជា​កន្លែង​បញ្ចុះ​សពយុទ្ធជន កម្មាភិបាលពលី អតីតអង្គភាព១២៥ ចំនួន ៤៩​នាក់​ ដែល​បានបូជាជីវិតក្នុងបុព្វហេតុរំដោះប្រទេសជាតិ និង​អាយុ​ជីវិត​ប្រជាជន​កម្ពុជា​ពី​របប​ប្រល័យ​ពូជសាសន៍ ប៉ុល ពត ហើយអង្គភាព១២៥ គឺជាឈ្មោះ​អង្គភាព​ដំបូង​នៃ​កង​កម្លាំង​សាមគ្គី​សង្គ្រោះជាតិ​កម្ពុជា​ដែលបានបង្កើតឡើងនៅថ្ងៃទី១២ ខែឧសភា ឆ្នាំ១៩៧៨ ជា​ចំណុច​ចាប់​ផ្តើម​ដំបូង​គេបង្អស់ នៃចលនា​តស៊ូ​របស់​កម្ពុជា​ចេញ​ពី​ប្រទេស​វៀតណាម​ក្រោម​ការដឹកនាំ​ដោយ​ផ្ទាល់​ពី​សមមិត្ត ហ៊ុន សែន មុននឹងឈានដល់ការបង្កើតរណសិរ្ស សាមគ្គីសង្គ្រោះជាតិកម្ពុជា នៅថ្ងៃ​ទី២ ខែធ្នូ ឆ្នាំ១៩៧៨។យ៉ាងណាក៏ដោយបន្ទាប់ពីធ្វើការតម្កល់នូវអដ្ឋិធាតុរបស់អតីតយុទ្ធជនកម្ពុជាទាំង ៤៩នាក់នេះ នៅប្រទេសវៀតណាម អស់រយៈពេលជាង ៤០ឆ្នាំមកហើយនោះ សម្តេចតេជោ ហ៊ុន សែន នាយករដ្ឋ​មន្រ្តី​កម្ពុជា បាន​ស្នើ​ឲ្យ​មាន​ការ​រៀបចំ​នូវ​អដ្ឋិធាតុ​ទាំង​នោះ​មក​កម្ពុជា​វិញ​នា​ពេល​ខាង​មុខ​នេះ ដើម្បីបញ្ជាក់អំពីសញ្ញា បន្ថែមទៀតក្នុងការខិតខំរំដោះប្រទេសជាតិ ពីសំណាក់​យុវជន​កម្ពុជា​នា​គ្រានោះ​ឲ្យរួចផុត​ពីរបបប្រល័យពូជសាសន៍ប៉ុល ពត៕ អត្ថបទ៖ បាន ចក់

ប្រសាសន៍សំខាន់ៗរបស់សម្ដេចតេជោ ហ៊ុន​ សែន​ ក្នុងពិធីខួប ៤៥ឆ្នាំ​ នៃដំណើរតស៊ូរំដោះជាតិ នៅព្រំដែនកម្ពុជា-វៀតណាម

2022/06/20 11:29:57 am        764
Facebook Telegram Linkin
ត្បូងឃ្មុំ៖ នៅព្រឹកថ្ងៃទី២០ ខែមិថុនា ឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងឯកឧត្តម Pham Minh Chinh នាយករដ្ឋមន្ត្រី​វៀតណាម បានអញ្ជើញប្រារព្ធខួប៤៥ឆ្នាំ នៃដំណើរតស៊ូរំដោះជាតិ នៅ​ព្រំដែន​កម្ពុជា-វៀតណាម ក្នុងខេត្តត្បូងឃ្មុំ។ខាងក្រោមនេះជាប្រសាសន៍សំខាន់ៗរបស់សម្ដេចតេជោ ហ៊ុន​ សែន​៖- សម្តេចតេជោ ហ៊ុន សែន បានបញ្ជាក់ឡើងវិញពីប្រវត្តិ នៃដំណើរតស៊ូរបស់សម្តេច និងយុទ្ធមិត្ត កាលពីរយៈពេល ៤៥ឆ្នាំមុន នៃដំណើរតស៊ូរំដោះជាតិ នៅព្រំដែនកម្ពុជា-វៀតណាម ក្នុងខេត្តត្បូងឃ្មុំ។- សម្តេចតេជោ ហ៊ុន សែន បានបញ្ជាក់ថា ដំណើរ៤៥ឆ្នាំមុន គឺលទ្ធផលនៅថ្ងៃនេះ ដែលជាការតស៊ូរំដោះជាតិ នាំឱ្យកម្ពុជាមានសុខសន្តិភាព និងការអភិវឌ្ឍដូចពេលបច្ចុប្បន្ននេះ ខណៈដែលកម្ពុជាបានបន្តនូវសុខសន្តិភាព និងការរីកចម្រើនជាលំដាប់។- សម្តេចតេជោ ហ៊ុន សែន បានបញ្ជាក់ថា ប្រវត្តិសាស្ត្រ នៃកម្ពុជា គឺភស្តុងតាង​បញ្ជាក់ពីដំណើរតស៊ូ ប្តូរផ្តាច់ ដើម្បីជាតិ មាតុភូមិ ទឹកដី និងប្រជាជនកម្ពុជា។ ប្រវត្តិសាស្ត្រនេះ សម្តេចមិនចង់លើកឡើងឡើយ ព្រោះវាជារឿងឈឺចាប់បំផុត ដែលមនុស្សអាចទ្រាំបាន តែបើមិនលើកក៏មិនកើតដែរ ដើម្បីឱ្យប្រជាពលរដ្ឋកាន់ជ្រួតជ្រាប។- សម្តេចតេជោ ហ៊ុន សែន បានបញ្ជាក់ថា កាលពីរយៈពេល ៤៥ឆ្នាំមុន នៃដំណើរតស៊ូរំដោះជាតិ មានជំរើសមួយចំនួន ដែលសម្តេចត្រូវសម្រេចជ្រើសរើស តែអ្វីដែលសម្តេចបានជ្រើសរើសនាពេលនោះ គឺត្រូវឆ្លងដែនចូលទៅកាន់ប្រទេសវៀតណាម​ដោយខុសច្បាប់ ដើម្បីសុំអន្តរាគមន៍ជំនួយគាំទ្រផ្នែកប្រដាប់អាវុធ ដើម្បីរំដោះប្រជាជនកម្ពុជា​ពីរបបអាវខ្មៅ ឃោរឃៅ យង់ឃ្នង។- សម្តេចតេជោ ហ៊ុន សែន បានបញ្ជាក់ថា កាលពីអំឡុង ៤៥ឆ្នាំមុននោះ គឺជាការសម្រេចចិត្តស្លាប់-រស់ ដែលយើងមិនមានជម្រើសល្អជាងនោះឡើយ។ សម្តេចតេជោ ហ៊ុ ន សែន បញ្ជាក់ថា «អ្វីៗត្រូវចាប់ផ្តើមនៅទីនេះ គឺតំបន់កោះថ្ម-X-16»។- សម្តេចតេជោ ហ៊ុន សែន បានបញ្ជាក់ថា ពេលដែលសម្តេចចូលអុជធូបនៅតំបន់កោះថ្ម-X16 សម្តេចបានស្រក់ទឹកភ្នែក ស្រណោះអាល័យ ពន់ពេក ដែលក្នុងនាមយុវជនម្នាក់ បែរជាត្រូវទទួល​អំរែកដ៏ធ្ងន់ ដែលជាអំរែក ត្រូវតស៊ូដើម្បីជាតិ មាតុភូមិ និងប្រជាពលរដ្ឋកម្ពុជា ដែលកំពុងរង​ការកាប់សម្លាប់ដ៏ព្រៃផ្សៃបំផុត។- សម្តេចតេជោ ហ៊ុន សែន បានបញ្ជាក់ថា ខ្សែភាគយន្តខ្នាតធំរៀបរាប់ពីដំណើរចេញ​តស៊ូរំដោះជាតិកម្ពុជារបស់សម្តេចតេជោ ហ៊ុន សែន នាយករដ្ឋមន្ត្រី កាលពី៤៥ឆ្នាំមុន កំពុងដំណើរការថត និងផលិត ហើយនឹងត្រូវចាក់បញ្ចាំងនៅអំឡុងឆ្នាំ២០២៣ខាងមុខនេះ។- សម្តេចតេជោ ហ៊ុន សែន បានបញ្ជាក់ថា វៀតណាមជួយកម្ពុជា ហើយកម្ពុជា ក៏បានជួយវៀតណាមដូចគ្នាផងដែរ នៃដំណាក់កាលដ៏លំបាក រវាងប្រទេសទាំងពីរ ដែលបានញាំញីដោយសង្គ្រាមនៅវៀតណាម(វៀតណាមខាងជើង និងខាងត្បូង) និងអំពើប្រល័យពូជសាសន៍(នៅកម្ពុជា នៃរបបកម្ពុជាប្រជាធិបតេយ្យ)។- សម្តេចតេជោ ហ៊ុន សែន បានបញ្ជាក់ដោយសង្កត់ធ្ងន់ថា សម្តេចគឺជាអ្នកបង្កើតទ័ព និងដឹកនាំកងទ័ព ដើម្បីវាយផ្តួលរំលំរបបប្រល័យពូជសាសន៍ប៉ុលពត និងប្រឹងប្រែងទប់ទល់​មិនឱ្យ​របបដ៏ខ្មៅងងឹតនោះ កើតឡើងវិញលើទឹកដីដ៏កំសត់របស់យើងជាថ្មីម្តងទៀតឡើយ។- សម្តេចតេជោ ហ៊ុន សែន បានបញ្ជាក់ដោយចោទជាសំនួរថា តើការអន្តរាគមន៍របស់កងទ័ព​វៀតណាម​ចូលមកជួយរំដោះប្រជាជនកម្ពុជាត្រូវ ឬខុស? ចម្លើយ គឺតាមរយៈតុលាការកូនកាត់ កម្ពុជា-អង្គការសហប្រជាជាតិ ដែលកាត់ទោសមេដឹកនាំខ្មែរក្រហម ហើយតុលាការ​នោះមានឈ្មោះជាផ្លូវការថា អង្គជំនុំជម្រះវិសាម័ញ្ញក្នុងតុលាការកម្ពុជា ។- សម្តេចតេជោ ហ៊ុន សែន បានបញ្ជាក់ថា កងទ័ពរំដោះប្រជាជនវៀតណាម ដែលបានចូលមក​អន្តរាគមន៍ជួយវាយរំដោះប្រជាជនកម្ពុជាពីរបបប្រល័យពូជសាសន៍ប៉ុលពត បានដកចេញទៅវិញ នៅថ្ងៃទី៣០ ខែកញ្ញា ឆ្នាំ១៩៨៩ គឺមុនរយៈពេល២ឆ្នាំ នៃកិច្ចព្រមព្រៀងសន្តិភាពទី​ក្រុងបាវីស​ទៅទៀត ខណៈដែលក្រុមជំនាញការវៀតណាម បានដកចេញនៅថ្ងៃទី២ ខែមិថុនា ឆ្នាំ១៩៨៨ (មុន១ឆ្នាំ ដែលកងទ័ពវៀតណាមដកចេញ)។- សម្តេចតេជោ ហ៊ុន សែន បានបញ្ជាក់ថា សន្តិភាព បានកើតឡើងរយៈពេលជាង ៤៣ឆ្នាំមកហើយ ក្រោមការដឹកនាំរបស់គណបក្សប្រជាជនកម្ពុជា។ រយៈពេល ៤៣ឆ្នាំមកនេះ កម្ពុជាបានធ្វើកិច្ចការជាច្រើនជាមួយវៀតណាម ក្នុងនោះសម្រេចការបោះបង្គោលព្រំដែន ៨៤ភាគរយ ខណៈដែលចំណុចសេសសល់ ១៦ភាគរយទៀត កំពុងដំណើរការជាបន្តបន្ទាប់ ដោយឈរលើទស្សនវិស័យព្រំដែនសន្តិភាព មិត្តភាព និងកិច្ចសហប្រតិបត្តិការ​ជាមួយប្រទេសជិតខាង។- សម្តេចតេជោ ហ៊ុន សែន បានប្រកាសបញ្ជាក់ថា «កម្ពុជាមិនអាចឱ្យបាត់បង់ទឹកដីចូលទៅកាន់​ប្រទេសវៀតណាម ហើយវៀតណាម ក៏មិនចង់បានទឹកដីកម្ពុជាដូចគ្នាផងដែរ»។ សម្តេចបញ្ជាក់ថា កម្ពុជារក្សាឱ្យបានទឹកដី ដែលបន្សល់ទុកដោយអាណានិគមន៍និយមបារាំង។- សម្តេចតេជោ ហ៊ុន សែន បានប្រកាសថា មិនមែនតែបូរណភាពទឹកដីកម្ពុជា ជាមួយ​ប្រទេសវៀតណាម​នោះទេ ជាមួយប្រទេសក្បែរខាងផ្សេងទៀត ក៏មិនឱ្យមាន​ការបាត់បង់​ទឹកដីដូចគ្នា សូមប្រជាពលរដ្ឋស្ងប់ចិត្ត និងទុកចិត្តលើការដឹកនាំរបស់សម្តេច និងគណបក្សប្រជាជនកម្ពុជា។- សម្តេចតេជោ ហ៊ុន សែន បានប្រកាសថា នាពេលអនាគតតំបន់កោះថ្ម X-16 នឹងក្លាយ​តំបន់អភិវឌ្ឍន៍ ខណៈដែលច្រកទ្វារអន្តរជាតិព្រំដែនរវាងកម្ពុជា-វៀតណាម នៅតំបន់នោះ នឹងត្រូវបង្កើតឡើង ហើយការដោះដូរទំនិញ និងផលប្រយោជន៍​រវាងប្រទេសទាំង​ពីរក៏មានភាពមមារញឹកផងដែរ។- សម្តេចតេជោ ហ៊ុន សែន ជំរុញដល់ឯកឧត្តម ឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់, នាយឧត្តមសេនីយ៍ សៅ សុខា និងអាជ្ញាធរមូលដ្ឋាន ត្រូវរក្សាទុកដីបម្រុងទុករបស់រដ្ឋនៅតំបន់កោះថ្ម X-16 ជាង១.០០០ហិកតា(មួយពាន់ហិកតា)ឱ្យបាន ដើម្បីទុកវិនិយោគមន៍តាមតម្រូវការ នៃការរីកចម្រើននៅតំបន់នោះ។- សម្តេចតេជោ ហ៊ុន សែន បានបញ្ជាក់ថា បាយមួយពេលរបស់ប្រជាជនវៀតណាម ដែលផ្តល់​ជូនសម្តេច និងយុទ្ធមិត្តកាលពី៤៥ឆ្នាំមុន គឺជាអាហារ ដ៏មានគុណតម្លៃមិន​អាចប្រៀបធៀប​បានឡើយ។ សម្តេចតេជោ ហ៊ុន សែន បញ្ជាក់ថា «ព្រោះតែអាហារមួយពេលនោះ នាំឱ្យកម្ពុជា​សល់ស្រូវ-អង្ករ​រាប់លានតោននាពេលនេះ»។បងរឹម, [6/20/2022 11:23 AM]- សម្តេចតេជោ ហ៊ុន សែន បានប្រកាសថា កម្ពុជាមិនត្រូវឱ្យមានឱនភាពសេដ្ឋកិច្ចដោយសារវិបត្តិ នៃជំងឺកូវីដ-១៩នោះឡើយ ខណៈដែលកម្ពុជានៅមានការវាយតម្លៃកម្រិតខ្ពស់ នៃកំណើនសេដ្ឋកិច្ចប្រចាំឆ្នាំដោយអង្គភាពសេដ្ឋកិច្ចធំៗ ដើម្បីសម្រេចគោលដៅចក្ខុវិស័យកម្ពុជា ២០៣០ ជាប្រទេសមានចំណូលមធ្យមកម្រិតខ្ពស់ និងជាប្រទេសមានមានចំណូលខ្ពស់ នៅឆ្នាំ២០៥០។- សម្តេចតេជោ ហ៊ុន សែន ប្រកាសអំពាវនាវដល់ប្រជាពលរដ្ឋ​ឱ្យបន្តប្រុងប្រយ័ត្ន​ពីការឆ្លង​រីករាលដាលជំងឺកូវីដ-១៩ និងនាំគ្នាទៅទទួលយកវ៉ាក់សាំងបង្ការជំងឺកូវីដ-១៩ ទាំងដូសមូលដ្ឋាន និងដូសជំរុញ។- សម្តេចតេជោ ហ៊ុន សែន បានបញ្ជាក់ថា ដំណើរការវ៉ាក់សាំងកូវីដ-១៩ នៅតែបន្តចាក់​ជូន​ប្រជាពលរដ្ឋ​ដោយមិនគិតថ្លៃ ទោះជាតម្រូវការចាក់វ៉ាក់សាំងបង្ការជំងឺកូវីដ-១៩ ទាំងនោះ​អូសបន្លាយ​ដល់ដូសទី២០ក៏ដោយ។សង្កថាសម្តេចតេជោ ហ៊ុន សែន នាយករដ្ឋមន្ត្រី ចប់នៅវេលាម៉ោង១១ និង២២នាទី

សម្តេចតេជោ ហ៊ុន សែន កំពុង​មានប្រសាសន៍​ក្នុងឱកាស​នៃការប្រារព្ធ​ទិវាចងចាំ​ដំណើរឆ្ពោះទៅ​ការ​ផ្ដួលរំលំរបបប្រល័យពូជសាសន៍ប៉ុលពត

2022/06/20 10:11:10 am        283
Facebook Telegram Linkin
ភ្នំពេញ៖ នៅព្រឹកថ្ងៃទី២០មិថុនានេះ សម្តេចតេជោ ហ៊ុន សែន នាយករដ្ឋមន្ត្រី​បាន​អញ្ជើញ​ថ្លែង​សំណេះ​សំណាល​​ក្នុងឱកាស នៃការប្រារព្ធទិវាចងចាំដំណើរឆ្ពោះទៅការផ្ដួលរំលំ របប​ប្រល័យ​ពូជ​សាសន៍​ប៉ុល​ ពត។សម្ដេចតេជោ ហ៊ុន សែន មានប្រសាសន៍ថា រយៈពេល៤៥ឆ្នាំ បានកន្លងផុត ជាមួយ​នឹង​កិច្ចការ​ជា​ច្រើន​បានវិវឌ្ឍន៍រវាងប្រទេសទាំងពីរ ដោយចំណងមិត្តភាពកាន់តែស៊ីជម្រៅ និង​បាន​ធ្វើ​កិច្ចការ​ជា​ច្រើន​ដែល​ជា​ផលប្រយោជន៍កម្ពុជា-វៀតណាម។ សូមទស្សនាប្រសាសន៍ទាំងស្រុងសម្តេចតេជោ ហ៊ុន សែន ដូចតទៅ៖

សម្តេចតេជោ ៖ បាយមួយពេលដែលប្រជាជនវៀតណាមផ្តល់ជូនសម្តេចកាលពី ៤៥ឆ្នាំមុន ប្រៀបបាន​ដូចជា​អង្ករ​រាប់​លាន​តោន​នា​ពេលសព្វថ្ងៃនេះ

2022/06/20 10:01:27 am        1316
Facebook Telegram Linkin
ត្បូងឃ្មុំ៖ សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានថ្លែងថា បាយ​មួយ​ពេល​ដែលប្រជាជនវៀតណាមបានផ្តល់ជូនសម្តេច និង​សមមិត្ត​ដ៏​ស្មោះស្ម័គ្រ​ចំនួន​ ៤រូប​ផ្សេង​ទៀត​កាល​ពី​ ៤៥ឆ្នាំមុន ប្រៀបបានដូចជាអង្កររាប់លានតោននាពេលសព្វថ្ងៃនេះ ខណៈ​បាយ​មួយ​ពេល​នោះ​ពិត​ជាមានគុណបំណាច់ដ៏ធំធេងដល់សម្តេចក៏ដូចជាប្រជាជនកម្ពុជាទាំងមូលផងដែរ។ថ្លែងនៅក្នុងកិច្ចជំនួបជាមួយ ឯកឧត្តម Pham Minh Chinh នាយករដ្ឋមន្ត្រីវៀតណាម នៅ​ព្រឹក​ថ្ងៃ​ទី២០ ខែមិថុនា ឆ្នាំ២០២២នេះ មុននឹងចាប់ផ្តើមប្រារព្ធខួប៤៥ឆ្នាំ នៃដំណើរតស៊ូរំដោះជាតិ នៅ​ព្រំដែនកម្ពុជា-វៀតណាម ក្នុងខេត្តត្បូងឃ្មុំសម្តេចតេជោ ហ៊ុន សែន បាន​បញ្ជាក់ថា​ក្នុង​ដំណើរ​ឆ្ពោះ​ទៅ​កាន់​ការផ្តួល រំលំរបបប្រល័យពូជសាសន៍របស់សម្តេច និងយុទ្ធមិត្តចំនួនបួនរូបទៀត នា​ពេល​នោះ​គឺ​ពិត​ជាមានការប្រថុយប្រថាន និងសង្ឃឹម​មាន​ជីវិតតិចតួចណាស់ ខណៈ​ដំណើរ​ដ៏​គ្រោះថ្នាក់​នោះ​ គឺ​មានគោលបំណងចង់បានកម្លាំងរបស់ប្រទេសវៀតណាម មក​សង្រ្គោះ​កម្ពុជា​ឲ្យ​រួច​ផុត​ពី​កណ្តាប់ដៃពិឃាត​ដ៏ឃោឃៅរបស់ ប៉ុល ពតនោះ។សម្តេចតេជោ ហ៊ុន សែន នាយករដ្ឋមន្រ្តីក៏បានបញ្ជាក់បន្ថែមទៀតថា បច្ចុប្បន្នទីតាំងកោះថ្ម «X16» ​ឃុំទន្លូង ស្រុកមេមត់ ខេត្តត្បូងឃ្មុំនេះ គឺជាកន្លែងប្រវត្តិសាស្រ្តដ៏ជួរចត់បំផុត ហើយ​តំបន់​នេះ​បាន​សាងសង់នូវសំណង់មួយចំនួនរួចរាល់ហើយដូចជា សាលាដំណាក់, វេទិកាប្រារព្ធពិធី, ស្រះទឹក, បន្ទប់អនាម័យ, ទីលានបាល់ទាត់, ប្រព័ន្ធរំដោះទឹក ចាក់ដីបំពេញ, បំពាក់​អំពូល​អគ្គិសនី​បំភ្លឺ​ជា​ដើម ខណៈនាពេលខាងមុខតំបន់នេះនឹងបើកច្រកអន្តរជាតិធំ រួម​ទាំង​បង្កើត​ឲ្យ​មា​ន​តំបន់​សេដ្ឋកិច្ចពិសេសផងដែរ ដើម្បីបង្កើនការងារជូនប្រជាពលរដ្ឋឲ្យបានកាន់តែច្រើននោះ៕ អត្ថបទ៖ បាន ចក់

សម្ដេចតេជោ ហ៊ុន​ សែន ប្រកាសពីគោលបំណងបើកច្រកព្រំដែនកម្ពុជា-វៀតណាម តំបន់កោះថ្ម

2022/06/20 09:12:17 am        1560
Facebook Telegram Linkin
ត្បូងឃ្មុំ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ​បាន​ប្រកាស​ពី​គោល​បំណង​បើក​ច្រក​ព្រំដែន​កម្ពុជា-វៀតណាម នៅតំបន់កោះថ្ម ដើម្បីសម្រួលដល់ការធ្វើដំណើរ និង​ផ្លាស់​ប្តូរ​ពាណិជ្ជ​កម្ម​រវាង​ប្រទេសទាំងពីរ កម្ពុជា-វៀតណាម។ក្នុងឱកាសអញ្ជើញរំលឹកខួបទី៤៥ ទិវានៃការចងចាំដំណើរឆ្ពោះទៅការសង្គ្រោះជាតិ ពី​របប​ប្រល័យ​ពូជសាសន៍ប៉ុលពត នាថ្ងៃទី២០ ខែមិថុនា ឆ្នាំ២០២២ នៅខេត្តត្បូងឃ្មុំ សម្ដេច​តេជោ​នាយក​រដ្ឋមន្ត្រី មានប្រសាសន៍ថា រយៈពេល៤៥ឆ្នាំ បានកន្លងផុត ជាមួយ​នឹង​កិច្ច​ការ​ជា​ច្រើន​បាន​វិវឌ្ឍន៍​រវាង​ប្រទេសទាំងពីរ ដោយចំណងមិត្តភាពកាន់តែស៊ីជម្រៅ និងបានធ្វើកិច្ចការ​ជា​ច្រើន​ដែល​ជា​ផល​ប្រយោជន៍កម្ពុជា-វៀតណាម ។សម្ដេចតេជោ បានបន្តថា ហេដ្ឋារចនាសម្ព័ន្ធ ដែលបានតភ្ជាប់នៅតំបន់កោះថ្ម ក៏ត្រូវបានអភិវឌ្ឍន៍ ហើយ​សម្ដេច និងនាយករដ្ឋមន្ត្រីវៀតណាម នៅថ្ងៃក្រោយ ក្នុងពេលវេលាសមស្រប អាច​នឹង​បើក​ច្រក​នេះ ទៅជាច្រកអន្តរជាតិមួយ ។សម្ដេច​តេជោ ហ៊ុន សែន បានបន្ថែមថា ការបើកច្រកទ្វារអន្តរជាតិនេះ ត្រូវបំពេញ​ការងារ​មួយ​ចំនួន​ទាក់ទិននឹងការកសាងហេដ្ឋរចនាសម្ព័ន្ធ ការបំពេញនីតិវិធីផ្ទៃក្នុង ដើម្បីឈាន​ទៅ​សម្រេច​បើក​ច្រក​ព្រំដែន ដែលត្រូវជាច្រកព្រំដែនអន្តរជាតិ បើបើកបាននៅតំបន់នេះ នឹងធ្វើ​ឲ្យ​ប្រទេស​ទាំង​ពីរ មានទំនាក់ទំនងកាន់តែជិតស្និទ្ធ ជាមួយនឹងច្រកពាណិជ្ជកម្ម ដែល​ប្រទេស​ទាំង​ពីរ​កំពុង​មាន​ការ​រីកចម្រើនយ៉ាងខ្លាំង ។គួរបញ្ជាក់ថា កម្ពុជា-វៀតណាម មានច្រកអន្តរជាតិជាមួយគ្នាជាច្រើនកន្លែង មានដូចជា ច្រកអន្តរ​ទ្វារ​ជាតិអូរយ៉ាដាវ ខេត្តរតនគិរី, ច្រកទ្វារអន្តរជាតិដាក់ដាំ ខេត្តមណ្ឌលគិរី ច្រកទ្វារអន្តរជាតិបាវិត ខេត្តស្វាយរៀង, ច្រកទ្វារអន្តរជាតិម៉ឺនជ័យ ខេត្តព្រៃវែង និងច្រកទ្វារអន្តរជាតិត្រពាំងស្រែ ខេត្ត​ក្រចេះ​ជាដើម ដែលច្រកទ្វារអន្តរជាតិទាំងអស់នោះ បានបម្រើផល​ប្រយោជន៍​ជា​ច្រើនរ​វាង​ប្រទេស​ទាំងពីរ ក្នុងការធ្វើពាណិជ្ជកម្ម និងការឆ្លងចេញចូលរបស់ពលរដ្ឋ៕ 

សម្តេចតេជោ ហ៊ុន សែន អញ្ជើញប្រារព្ធខួប៤៥ឆ្នាំ នៃដំណើរតស៊ូរំដោះជាតិ នៅព្រំដែនកម្ពុជា-វៀតណាម

2022/06/20 07:31:49 am        1245
Facebook Telegram Linkin
ត្បូងឃ្មុំ៖ សម្តេចតេជោ​ ហ៊ុន សែន នាយករដ្ឋមន្ត្រី និង ឯកឧត្តម Pham Minh Chinh នាយករដ្ឋមន្ត្រីវៀតណាម នោព្រឹកថ្ងៃទី២០ ខែមិថុនា ឆ្នាំ២០២២នេះ បានអញ្ជើញប្រារព្ធខួប៤៥ឆ្នាំ នៃដំណើរតស៊ូរំដោះជាតិ នៅព្រំដែនកម្ពុជា-វៀតណាម ក្នុងខេត្តត្បូងឃ្មុំ។គួររំលឹកថា នៅថ្ងៃទី២០ ខែមិថុនា ឆ្នាំ២០២២ នេះគឺជាខួបគម្រប់ ៤៥ឆ្នាំ នៃដំណើរតស៊ូឆ្ពោះទៅរកការរំដោះជាតិរបស់សម្តេចតេជោ ហ៊ុន សែន និងយុទ្ធមិត្ត ដើម្បីរំដោះជាតិ និងប្រជាជនកម្ពុជាចេញពីការកាប់សម្លាប់របស់ខ្មែរក្រហម។ ថ្ងៃទី២០ ខែមិថុនា ឆ្នាំ១៩៧៧ ជាពេលដែលសមមិត្ត ហ៊ុន សែន ក្នុងវ័យ ២៥ឆ្នាំ រួមនឹងយុទ្ធមិត្តដ៏ស្ម័គ្រស្មោះ ៤រូបផ្សេងទៀត បានសម្រេចចិត្តក្នុងស្ថានភាពដ៏តាន់តឹងបំផុតលាចាកទឹកដី លាចាកឧត្តមភរិយា និងកូនក្នុងផ្ទៃជាទីស្រឡាញ់ធ្វើដំណើរជ្រែកស្បៃរាត្រីឆ្លងកាត់ព្រំដែនទាំងគ្រោះថ្នាក់បំផុត ឆ្ពោះទៅកាន់ប្រទេសវៀតណាម ដើម្បីស្វែងរកគាំទ្រក្នុងការរំដោះជាតិ និងប្រជាជនកម្ពុជា ចេញពីក្រញាំបិសាចដ៏សែនឃោរឃៅ ប៉ុលពត។ផ្តេីមចេញពីដំណើរតស៊ូជាមួយទឹកចិត្តដ៏មុះមុតនោះហើយ ទើបនាំឱ្យមានការរំដោះប្រទេសជាតិ និងប្រជាជនកម្ពុជា ចេញពីរបបវាលពីឃាត ប៉ុល ពត នៅថ្ងៃទី០៧ ខែមករា ឆ្នាំ១៩៧៩ ហើយឈានឆ្ពោះទៅរកការបិទបញ្ចប់ភ្លើងសង្គ្រាម បិទបញ្ចប់ការបែកបាក់ជាតិ នាំមកនូវការបង្រួបបង្រួមជាតិ ឯកភាពជាតិ និងការកសាងអភិវឌ្ឍប្រទេសឱ្យរីកចម្រើនដូចពេលបច្ចុប្បន្ន។ដើម្បីរំលឹកដល់ស្លាកស្នាមប្រវត្តិសាស្ត្រដ៏មានគុណតម្លៃសម្រាប់ជាតិ និងប្រជាជន និងដើម្បីគាសរំលើងឱ្យឃើញនូវវីរភាពរបស់កុលបុត្រខ្មែរក្នុងការតស៊ូដើម្បីជាតិ និងប្រជាជនសម្រាប់កុលបុត្រខ្មែរជំនាន់ក្រោយនោះ នៅឆ្នាំ២០១៧ ដែលជាខួប ៤០ឆ្នាំនៃការចេញតស៊ូនេះ សម្តេចតេជោ ហ៊ុន សែន រួមនឹងយុទ្ធមិត្តដែលនៅមានជីវិត បានធ្វើដំណើររួមគ្នាទៅកាន់គ្រប់ចំណុចក្នុងដំណាក់កាលតស៊ូនោះ។​ ចាប់តាំងពីឆ្នាំ២០១៧នោះមក ក្រសួងការពារជាតិ ក៏បានទទួលភារកិច្ចរៀបចំប្រារព្ធពិធីមួយនេះជារៀងរាល់ឆ្នាំ។ បន្ថែមពីលើនោះ ក៏មានការរៀបចំសាងសង់នូវសំណង់នានា នៅលើតំបន់ប្រវត្តិសាស្ត្រមួយនេះផងដែរ ដើម្បីតម្កល់ទុកជាមរតកដល់មនុស្សជំនាន់ក្រោយ។បច្ចុប្បន្ននេះ នៅតំបន់ស្លាកស្នាមប្រវត្តិសាស្ត្រមួយនេះ ក៏មានការសាងសង់នូវសំណង់មួយចំនួនរួចរាល់ហើយដូចជា សាលាដំណាក់, វេទិកាប្រារព្ធពិធី, ស្រះទឹក, បន្ទប់អនាម័យ, ទីលានបាល់ទាត់, ប្រព័ន្ធរំដោះទឹក ចាក់ដីបំពេញ, បំពាក់អំពូលអគ្គិសនីបំភ្លឺជាដើម ហើយលទ្ធផលទាំងអស់នេះត្រូវសម្ពោធដាក់ឲ្យប្រើប្រាស់ជាផ្លូវការនាថ្ងៃនេះផងដែរ៕

បណ្ដាញសង្គម

ព័ត៌មានថ្មីៗ

សេដ្ឋកិច្ចរីកលូតលាស់កាន់ខ្លាំង គឺពឹងផ្អែកអំណាចទិញក្នុងស្រុកឱ្យបានធំ និងនាំចេញឱ្យបានចច្រើន
08/24/2025 11:08 AM
Facebook Telegram Linkin
ឯកឧត្តម ប៉ែន បូណា៖កម្លាំងមហាសាមគ្គីភាពឯកភាពជាតិរឹងមាំរបស់ពលរដ្ឋធ្វើឱ្យសង្គ្រាមចិត្តសាស្ត្រសាបរលាបទៅវិញយ៉ាងឆាប់រហ័ស
08/24/2025 11:08 AM
Facebook Telegram Linkin
ឯកឧត្តម ប៉ែន បូណា៖ដំណើរការអនុវត្តបទឈប់បាញ់កំពុងតែប្រព្រឹត្តទៅដោយសម្រេចបានលទ្ធផលជាវិជ្ជមានជាបន្តបន្ទាប់
08/24/2025 11:08 AM
Facebook Telegram Linkin
កម្ពុជាបន្តអំពាវនាវភាគីថៃប្រគល់មកឱ្យកម្ពុជាវិញកងកម្លាំងទាំង១៨រូបដែលថៃបានចាប់ដោយខុសច្បាប់
08/24/2025 11:08 AM
Facebook Telegram Linkin
លោក Zelenskiy ៖ អ៊ុយក្រែននឹងពុំផ្តល់ដីឲ្យក្រុមកាន់កាប់រុស្ស៊ីនោះឡើយ
08/24/2025 11:08 AM
Facebook Telegram Linkin
កុមារប៉ាឡេស្ទីនរាប់ម៉ឺននាក់ កំពុងអត់ឃ្លានខ្លាំងនៅតាមជំរំតង់ក្នុងតំបន់ហ្កាហ្សា
08/24/2025 10:08 AM
Facebook Telegram Linkin
របាំងសាច់អួនចាប់ពី៥០០ម៉ែត្រដល់១ពាន់ម៉ែត្រកើតក្នុងរដូវបិទនេសាទ នៅពីក្រោយសាលាឃុំសំរោងសែន មិនទាន់មានអ្នកបង្ក្រាប
08/24/2025 10:08 AM
Facebook Telegram Linkin
ឯកឧត្តមកិត្តិសង្គហបណ្ឌិត គន់ គីម ចុះពិនិត្យការរស់នៅ និងជីវភាពអតីតយុទ្ធជន នៅភូមិប៊ុនរ៉ានីសែនជ័យដំណាក់ទ្រយឹង
08/24/2025 10:08 AM
Facebook Telegram Linkin
អភិបាលក្រុងស្វាយរៀងខេត្តស្វាយរៀងជំរុញដល់មាតាបិតាអាណាព្យាបាលបង្កើនការអប់រំកូនអោយក្លាយជាសិស្សល្អមិត្តល្អពលរដ្ឋល្អ
08/24/2025 10:08 AM
Facebook Telegram Linkin
ការវាយប្រហាររបស់អ៊ីស្រាអែលសម្លាប់ជនប៉ាឡេស្ទីន ៦៣នាក់នៅទូទាំងតំបន់ហ្កាហ្សា
08/24/2025 10:08 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.