នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
រដ្ឋមន្ត្រីក្រសួងអភិវឌ្ឍន៍ជនបទចុះពិនិត្យវឌ្ឍនភាពការងារសាងសង់ស្ពានភ្នំក្រវាញ និង​ផ្លូវកៅ​ស៊ូ​ក្នុង​​ខេត្តពោធិ៍សាត់
BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់
សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់
ឯកឧត្តម ចាន់ ដារ៉ុង ដឹកនាំគណៈកម្មការ​អន្តរ​ក្រសួង​ចុះ​ពិនិត្យ​វាយ​តម្លៃ​បញ្ចប់​សុពល​ភាព​ការងារ​ថែ​ទាំ​ផ្លូវ​ខួបចំនួន ៣កំណាត់ ក្នុងខេត្តពោធិ៍សាត់

នយោបាយ​ និង ការអភិវឌ្ឍន៍

ឯកឧត្តម ជាម យៀប ប្រកាសបិទយុទ្ធនាការឃោសនាបោះឆ្នោតឃុំ-សង្កាត់ អាណត្តិទី៥ ចំនួន៤ឃុំ នៅស្រុកពាមរក៍

2022/06/03 11:12:22 am        393
Facebook Telegram Linkin
ព្រៃវែង៖ នៅព្រឹកថ្ងៃទី៣ ខែមិថុនា ឆ្នាំ២០២២ គណបក្សប្រជាជនកម្ពុជាស្រុកពាមរក៍​ខេត្ត​ព្រៃវែង បានប្រកាសបិទយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិ​ទី៥ ក្រោមអធិបតីភាព ឯកឧត្តម កិត្តិសេដ្ឋាបណ្ឌិត ជាម យៀប អនុប្រធានទី១រដ្ឋសភា និង​ជា​សមាជិក​អចិន្ត្រៃយ៍គណកម្មាធិការកណ្តាល គណបក្សប្រជាជនកម្ពុជា អនុប្រធាន ក្រុមការងារ ចុះមូលដ្ឋានខេត្តព្រៃវែង នៅបរិវេណសួនច្បារអតីតកំពង់ចម្លងអ្នកលឿងត្រើយខាងកើត។ក្នុងពិធីនោះក៏មានការចូលរួមពីឯកឧត្តម លោកជំទាវ លោកឧកញ៉ា អស់លោក លោកស្រី ជាសមាជិក សមាជិកា ក្រុមការងារគណៈកម្មាធិការកណ្តាល សមាជិកគណៈកម្មាធិការ​គណបក្ស​ខេត្ត ក្រុង ស្រុក ចូលរួមយ៉ាងច្រើនកុះករ។ឯកឧត្តមកិត្តិសេដ្ឋាបណ្ឌិត ជាម យៀប បានមានប្រសាសន៍ថា ក្រោមកិច្ចដឹកនាំ​ប្រកប​ដោយ​គតិប​​ណ្ឌិតដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន ប្រធាន​គណបក្ស​ប្រជាជន​កម្ពុជា និងជានាយករដ្ឋមន្រ្តីនៃព្រះរាជាណាចក្រកម្ពុជា បានសម្រេច​ជោគជ័យ​ដ៏​ធំធេង​លើ​គ្រប់​វិស័យនាពេលនេះ គឺដោយសារគណបក្ស ប្រជាជនកម្ពុជា មានគោលដៅ​ចម្បង​ក្នុង​ការ​បន្ត​ពង្រឹងសន្តិភាពស្ថិរភាព សន្តិសុខ និងសណ្តាប់ធ្នាប់សង្គម ឲ្យបានរឹងមាំ និងជំរុញ​ការកសាង អភិវឌ្ឍន៍ប្រទេសលើគ្រប់វិស័យប្រកបដោយនិរន្តរភាព ដើមី្បថែ​រក្សា​ការពារ​រាល់​សមិទ្ធផលនៃសង្គមជាតិឲ្យបានគង់វង្ស។ឯកឧត្តមកិត្តិសេដ្ឋាបណ្ឌិត ជាម យៀប បានអំពាវនាវអោយ សមាជិកសមាជិកា គណបក្ស​ប្រជាជន និងប្រជាពលរដ្ឋខេត្តព្រៃវែង ដែលមានឈ្មោះបោះឆ្នោត សូមអញ្ជើញ​ទៅបោះឆ្នោត​គាំទ្រ​គណបក្ស​ប្រជាជនកម្ពុជា ដែលមានសញ្ញារូបទេវតាបាចផ្កា ទៅតាមលំដាប់​លេខរៀង​នៃ​ឃុំសង្កាត់​របស់ខ្លួន ដើមី្បគាំទ្របេក្ខភាពមេឃុំចៅសង្កាត់ក្នុងកិច្ចអភិវឌ្ឍបន្តបន្ទាប់ទៀត។ឯកឧត្តមកិត្តិសេដ្ឋាបណ្ឌិត ជាម យៀប ក៏បានថ្លែងអំណរគុណផងដែរ ជូនចំពោះ​សម្តេច​ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធាន​ក្រុមការងារ​ចុះ​ជួយ​ខេត្តបាត់ដំបង និងខេត្តព្រៃវែង ដែលតែងតែជួយអភិវឌ្ឍបណ្តាភូមិ ឃុំ ខេត្តទាំងពីរ​មាន​ការ​អភិវឌ្ឍ​រីក​ចម្រើនជារៀងរាល់ថ្ងៃ។សូមបញ្ជាក់ផងដែរថា ក្នុងពិធីបិទយុទ្ធនាការបោះឆ្នោត​ក៏​មានការ​ហែ​ក្បួន​យុទ្ធនាការ​ឃោសនា​បោះឆ្នោត​ជ្រើសរើសក្រុមប្រឹក្សា ឃុំ-សង្កាត់ អាណត្តិទី៥នេះ បានប្រព្រឹត្តទៅនៅតាមដែន​រដ្ឋបាល​ឃុំ សង្កាត់របស់ខ្លួនយ៉ាងអធឹកអធម តាមរថយន្តតូច ធំ ម៉ូតូ និងម៉ូតូរ៉ឺម៉ក់ ជាច្រើនគ្រឿង ដោយមាន​ការ​លាយឡំទៅនឹងសំឡេងឧឃោសនស័ព្ទ និងសម្រែក​ជ័យឃោស​ប្រកប​ទៅ​ដោយ​ខ្លឹមសារ​អត្ថន័យនៃគោលនយោបាយរបស់គណបក្ស៕

ឯកឧត្តម គន់ គីម អំពាវនាវពលរដ្ឋបោះឆ្នោតជូនបក្សប្រជាជនកម្ពុជា ដើម្បីការអភិវឌ្ឍ និងជីវភាពកាន់តែប្រសើរ

2022/06/03 11:08:24 am        476
Facebook Telegram Linkin
ឧត្តរមានជ័យ៖ ឯកឧត្តម គន់ គីម សមាជិកអចិន្ត្រៃយ៍នៃគណៈកម្មាធិការកណ្តាលគណបក្ស ប្រជាជនកម្ពុជា និងជាប្រធានក្រុមការងារចុះមូលដ្ឋានខេត្តឧត្តរមានជ័យ បានអំពាវនាវទៅប្រជាពលរដ្ឋ ដែលមានឈ្មោះក្នុងបញ្ជីឈ្មោះបោះឆ្នោត បោះឆ្នោតជូនគណបក្សប្រជាជនកម្ពុជា ដើម្បីការអភិវឌ្ឍ និងធ្វើឲ្យជីវភាពកាន់តែល្អប្រសើរ។ក្នុងឱកាសអញ្ជើញបិទយុទ្ធនាការឃោសនារកសំឡេង សម្រាប់ការបោះឆ្នោតជ្រើសរើស​ក្រុម​ប្រឹក្សាឃុំ​សង្កាត់ អាណត្តិទី៥ នៅថ្ងៃទី៣ ខែមិថុនា ឆ្នាំ២០២២ ក្នុងខេត្តឧត្តរមានជ័យ ឯកឧត្តម គន់ គីម បានថ្លែងអំណរគុណដល់សមាជិកសមាជិកា កម្លាំងយុវជន និងសកម្មជនទាំងអស់នៅក្នុង​ខេត្តឧត្តរមានជ័យ ​ដែលបានធ្វើសកម្មភាពឃោសនា និងចុះជួបប្រជាពលរដ្ឋដោយផ្ទាល់នៅ​តាម​ខ្នងផ្ទះ​បង្រៀនពលរដ្ឋពីរបៀបគូសសន្លឹកឆ្នោត ព្រមទាំងបង្ហាញនូវគុណតម្លៃ និង​កិច្ចប្រឹងប្រែង​កសាងអភិវឌ្ឍន៍ជាតិ ​និងលើកកម្ពស់ជីវភាពប្រជាពលរដ្ឋ ​របស់គណបក្សប្រជាជនកម្ពុជា។ឯកឧត្តម បន្តថា បើទោះបីខេត្តឧត្តរមានជ័យ ​ជាទឹកដីទទួលបានសុខសន្តិភាពក្រោយគេ ទឹកដី​ទទួលបានកិច្ចអភិវឌ្ឍន៍ ក្រោយគេយ៉ាងណាក្តី តែក្រោមគោលនយោបាយប្រែក្លាយ​ទឹកដីអតីត​សមរភូមិសង្គ្រាមទៅជាតំបន់អភិវឌ្ឍន៍​ និងតំបន់ពាណិជ្ជកម្ម របស់សម្តេចតេជោ ហ៊ុន សែន ប្រធាន​គណបក្សប្រជាជនកម្ពុជា បានធ្វើឱ្យខេត្តនេះ ​មានការរីកចម្រើនលូតលាស់លើគ្រប់វិស័យ ។ឯកឧត្តម គន់ គីម សង្កត់ធ្ងន់ថា ទឹកដីឧត្តរមានជ័យ មិនខុសពីខេត្តដទៃនៅទូទាំងប្រទេស​កម្ពុជា​នោះឡើយ ទោះបីខេត្តបិទបញ្ចប់ភ្លើងសង្គ្រាមក្រោយគេក្តី ដោយហេដ្ឋារចនាសម្ព័ន្ធ ដូចជា ផ្លូវ ស្ពាន សាលារៀន ការសិក្សាអប់រំ សុខភាពសាធារណៈ ប្រព័ន្ធទឹកស្អាត អគ្គិសនី ​ការធ្វើកសិកម្មជាដើម បាន​រីកចម្រើន និងផុសឡើងជាបន្តបន្ទាប់ ​ដើម្បីបម្រើផលប្រយោជន៍​របស់ប្រជាពលរដ្ឋ ។ជាមួយគ្នានេះ ឯកឧត្តម ប្រធានក្រុមការងារ ​បានអំពាវនាវប្រជាពលរដ្ឋទៅបោះឆ្នោតឱ្យបាន​គ្រប់គ្នា​នៅថ្ងៃអាទិត្យ ទី៥ ខែមិថុនា ឆ្នាំ២០២២ ដោយបោះជូនគណបក្សប្រជាជនកម្ពុជា​មានរូប​សញ្ញា​ទេវតា​បាចផ្កា ​ដើម្បីផ្តល់ឱកាសឱ្យមេឃុំ/ចៅសង្កាត់ ​របស់គណបក្សប្រជាជនកម្ពុជា បាន​បម្រើ​ប្រជាពលរដ្ឋ ​កសាងអភិវឌ្ឍន៍ ឃុំ/សង្កាត់ឱ្យកាន់តែរីកចម្រើន និងធ្វើឱ្យជីវភាព​កាន់​តែ​ល្អប្រសើរ ៕

គណបក្សប្រជាជនខេត្តឧត្ដរមានជ័យ បិទបញ្ចប់យុទ្ធនាការបោះឆ្នោតថ្ងៃចុងក្រោយ

2022/06/03 10:55:34 am        420
Facebook Telegram Linkin
ឧត្តរមានជ័យ៖ នៅថ្ងៃនេះ គណបក្សប្រជាជនកម្ពុជាខេត្តឧត្តរមានជ័យ បានដឹកនាំសមាជិកសមាជិកាបក្ស ដង្ហែរក្បួនយ៉ាងច្រើនកុះករ នៅថ្ងៃបិទបញ្ចប់យុទ្ធនាការឃោសនាបោះឆ្នោត ជ្រើសរើសក្រុមប្រឹក្សាឃុំ-សង្កាត់ សំរាប់អាណត្តិទី៥ ដែលនឹងប្រព្រឹត្តទៅ នាថ្ងៃទី៥ខែមិថុនា ឆ្នាំ២០២២ខាងមុខនេះ។ក្នុងឱកាសបិទយុទ្ធនាការឃោសនានាពេលនោះដែរ ឯកឧត្តម ប៉ែន កុសល្យ ប្រធានគណបក្ស​ប្រជាជនកម្ពុជា​ខេត្តឧត្តរមានជ័យ បានលើកឡើងថា គណបក្សប្រជាជនកម្ពុជា ដែលមាន​សម្ដេចតេជោ ហ៊ុន សែន ជាប្រធាន​គណបក្សប្រជាជនកម្ពុជា​បានគ្រប់គ្រង​អស់រយៈពេលជាង ៤០ឆ្នាំកន្លងមកនេះ គឺដោយសារតែ​មាន​ការ​ជឿទុកចិត្ត និងការ​គាំទ្រ​ខ្ពស់​ពីសំណាក់​ប្រជាជនកម្ពុជា​ទូទាំង​ប្រទេស បោះឆ្នោតជូនគណបក្សប្រជាជនកម្ពុជា រហូតដល់ពេលបច្ចុប្បន្ននេះ​ ធ្វើឱ្យ​ប្រទេស​ជាតិ​មាន​ការរីកចម្រើនបានយ៉ាងឆាប់រហ័ស ​និង​មាន​ការអភិវឌ្ឃលើគ្រប់វិស័យ។ ក្នុងឱកាសនោះដែរឯកឧត្តម ប្រធានគណបក្សប្រជាជនខេត្ត​ បានធ្វើការអំពាវនាវ​ដល់បងប្អូន​ប្រជាពលរដ្ឋទាំងអស់​ត្រូវមាន​ឆន្ទៈ​ នឹង​មាន​ការជឿជាក់មកលើ ​គណបក្សប្រជាជនកម្ពុជា​ដើម្បី​យើងទាំងអស់គ្នា​បន្តធ្វើការ​អភិវឌ្ឍ​នៅតាមមូលដ្ឋាន​របស់បងប្អូន ​នៅអាណត្តិទី៥ថ្មីនេះ​ឲ្យមានការរីកចំរើនបន្តទៅមុខទៀត៕អត្ថបទ៖ ឃិន សារិទ្ធ

គណបក្សប្រជាជនកម្ពុជាខេត្តកំពង់ធំ ធ្វើការឃោសនាទ្រង់ទ្រាយធំនៅថ្ងៃចុងក្រោយ

2022/06/03 10:35:28 am        590
Facebook Telegram Linkin
កំពង់ធំ៖ នៅថ្ងៃចុងក្រោយ នៃយុទ្ធនាការឃោសនារកសំឡេងឆ្នោត គណបក្សប្រជាជនកម្ពុជាខេត្តកំពង់ធំ បានធ្វើការដង្ហែរក្បួនឃោសនាទ្រង់ទ្រាយធំ ដែលមានសមាជិកចូលជិត១ម៉ឺននាក់។ឯកឧត្តមបណ្ឌិត ជា ចាន់តូ សមាជិកគណៈអចិន្ត្រៃយ៍គណៈកម្មាធិការកណ្តាលគណបក្សប្រជាជនកម្ពុជា និងជាប្រធានក្រុមការងារគណបក្សចុះមូលដ្ឋានខេត្តកំពង់ធំ បានធ្វើជាអធិបតីដឹកនាំក្បួន ឃោសនារកសំឡេងឆ្នោតនាថ្ងៃចុងក្រោយនេះ។តាមការឱ្យដឹង ក្បួនដង្ហែរឃោសនារបស់បក្សប្រជាជនកម្ពុជា គឺធ្វើឡើងនៅគ្រប់ឃុំ-សង្កាត់ទាំង ៨១ ទូទាំងខេត្ត ដោយចេញដំណើរពីទីរួមខេត្តកំពង់ធំ ឆ្ពោះទៅកាន់ទីតាំងផ្សេងៗ។ឯកឧត្តម ជា ចាន់តូ បានមានប្រសាសន៍ថា គណបក្សប្រជាជនកម្ពុជា ជាគណបក្ស នយោបាយធំ ជាងនៅកម្ពុជា ដែលនៅរួមសុខរួមទុក្ខជាមួយប្រជាពលរដ្ឋគ្រប់ស្រទាប់វណ្ណៈ មិនរើសអើង​ពូជសាសន៍ មិនរើសអើងសិទ្ធិជ្រើសរើសនយោបាយរបស់ប្រជាពលរដ្ឋ។ គណបក្សប្រជាជន ត្រូវបាន​ប្រជាពលរដ្ឋផ្តល់ សេចក្តីជឿទុកចិត្តឲ្យដឹកនាំប្រទេសជាតិ តាមរយៈការបោះឆ្នោត​ដោយ​សេរី អព្យាក្រឹត្យ​ និងយុត្តិធម៌ អស់រយៈពេលជាង៣០ឆ្នាំកន្លងមកហើយ។ដំណើរការដឹកនាំប្រទេសជាតិច្រើនឆ្នាំកន្លងមកនេះ រាជរដ្ឋាភិបាលរបស់គណបក្សប្រជាជនកម្ពុជា បានដាក់ចេញនូវគោលនយោបាយ ​ធ្វើឲ្យប្រទេសជាតិរក្សាបានសុខ សន្តិភាព និងស្ថិរភាព​នយោបាយ​ធ្វើឱ្យមានការអភិវឌ្ឍទាំងផ្នែកហេដ្ឋារចនាសម្ព័ន្ធរូបវន្ត ​និងធនធានមនុស្ស។ឯកឧត្តម បានបញ្ជាក់ថា ប្រជាពលរដ្ឋគ្រប់រូប មានសិទ្ធិជ្រើសរើសគណបក្សនយោបាយដែលខ្លួន ស្រឡាញ់ ប៉ុន្តែអ្វីដែលសំខាន់នោះ គឺការជ្រើសរើសថ្នាក់ដឹកនាំមូលដ្ឋាន ដែលយល់ និងដឹងពីសុខ​ទុក្ខរបស់ខ្លួនបម្រើសេវាសាធារណៈ ទាំងសេវាចាំបាច់ និងសេវាតម្រូវការ បានទាន់ពេលវេលា។ ដូច្នេះនៅថ្ងៃទី៥ ខែមិថុនានេះ គឺជាថ្ងៃដែលប្រជាពលរដ្ឋទាំងអស់ នឹងត្រូវបំពេញកាតព្វកិច្ច​ជា​ពលរដ្ឋល្អ ទៅបោះឆ្នោតឲ្យបានគ្រប់គ្នា និងបានអំពាវនាវឱ្យប្រជាពលរដ្ឋ បោះឆ្នោតជូនគណបក្ស​ជនកម្ពុជា មានរូបសញ្ញាទេវតាបាចផ្កា ដើម្បីប្រជាជន និងការអភិវឌ្ឍជារៀងរហូត។គណៈកម្មការរៀបចំការបោះឆ្នោតខេត្តកំពង់ធំ បានឱ្យដឹងថា សម្រាប់ខេត្តនេះ មានគណបក្ស នយោបាយ​សរុបចំនួន១៣ ​ក្នុងចំណោមគណបក្សនយោបាយចំនួន១៧ បានដាក់បេក្ខជនចូលរួម​ប្រកួតប្រជែងក្នុងការបោះឆ្នោត​ ដែលបេក្ខជនពេញសិទ្ធិ ​មានចំនួនជាសង៦ពាន់នាក់ ស្រីជាង២ពាន់នាក់។ ចំនួនការិយាល័យបោះឆ្នោតអាណត្តិទី៥ ក្នុងខេត្តកំពង់ធំ មានសរុប១,១៤១។ ប្រជាពលរដ្ឋគ្រប់អាយុ១៨ ឆ្នាំឡើង​ មានឈ្មោះក្នុងបញ្ជីឈ្មោះបោះឆ្នោត សរុបចំនួនជាង ៤៨ម៉ឺននាក់៕ អត្ថបទ៖ លី សាងស៊ីន

សមាជិកសមាជិកាគណបក្សប្រជាជនខេត្តកំពង់ឆ្នាំងជាង ៥ម៉ឺននាក់ ចូលរួមដង្ហែក្បួនឃោសនាបោះឆ្នោតនៅថ្ងៃបញ្ចប់

2022/06/03 10:17:55 am        585
Facebook Telegram Linkin
កំពង់ឆ្នាំង៖ នៅព្រឹកថ្ងៃទី០៣ ខែមិថុនា ឆ្នាំ២០២២ គណបក្សប្រជាជនកម្ពុជាខេត្តកំពង់ឆ្នាំង បានបន្តយុទ្ធនាការឃោសនារកសំឡេងឆ្នោតទ្រង់ទ្រាយធំនៅថ្ងៃបិទបញ្ចប់នេះ សម្រាប់ការបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៥ ដោយមានសមាជិកសមាជិកាចូលរួមដង្ហែក្បួនជាង ៥ម៉ឺននាក់។លោក ស៊ុន សុវណ្ណារិទ្ធិ ប្រធានគណៈកម្មាធិការគណបក្សប្រជាជនកម្ពុជា​ខេត្តកំពង់ឆ្នាំង បានឱ្យដឹងថា គណបក្សប្រជាជនកម្ពុជាខេត្តកំពង់ឆ្នាំង បានរៀបចំពិធីដង្ហែក្បួនបិទយុទ្ធនាការ​ឃោសនា​បោះឆ្នោតសម្រាប់ការបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៥ នៅថ្ងៃទី០៣ ខែមិថុនា ឆ្នាំ២០២២នេះ ក្រោមអធិបតីភាពដ៏ខ្ពង់ខ្ពស់សម្ដេចចៅហ្វាវាំងវរវៀងជ័យអធិបតីស្រឹង្គារ គង់ សំអុល សមាជិកគណៈអចិន្ត្រៃយ៍នៃគណៈកម្មាធិការកណ្តាល និងជាប្រធានក្រុមការងារ​គណបក្ស​ចុះមូលដ្ឋានខេត្ត​ រួមជាមួយក្រុមការងារចុះមូលដ្ឋានខេត្តក្រុងស្រុក ព្រមទាំងមាន​សមាជិក​គណបក្សមកពីតាឃុំសង្កាត់មួយចំនួនទៀតប្រមាណ ៥ម៉ឺននាក់ រថយន្ត៤៤៨គ្រឿង, គោយន្ត៩២គ្រឿង, ម៉ូតូ៩២៤២គ្រឿង, ម៉ូតូកង់បីចំនួន៧០គ្រឿង។សម្តេចចៅហ្វាវាំង គង់ សំអុល មានប្រសាសន៍ថា ក្រោមការដឹកនាំរបស់សម្ដេចតេជោ ហ៊ុន សែន ជាប្រធានគណបក្សប្រជាជនកម្ពុជា បានរំដោះប្រទេសជាតិចេញពីរបបប្រល័យពូជសាសន៍ ប៉ុល ពត និងបាននាំមកនូវសុខសន្តិភាពពេញលេញ ការអភិវឌ្ឍរីកចម្រើនលើគ្រប់វិស័យ។ នៅតាមមូលដ្ឋានឃុំសង្កាត់សុទ្ធតែមានការប្រែមុខមាត់ថ្មីពីមួយឆ្នាំទៅមួយឆ្នាំ ពីមួយ​អាណត្តិ​ទៅ​មួយអាណត្តិ ​ដែលមិនមានគណបក្សណាអាចធ្វើបាននោះឡើយ ក្រៅពីគណបក្ស​ប្រជាជន​ដែលជា​គណបក្សចាស់ទុំ និងមានបទពិសោធន៍ច្បាស់លាស់ក្នុងការដឹកនាំប្រទេស។ ក៏ប៉ុន្តែ បើក្រឡេក​មើល​ទៅអតីតកាលពីជាង៤០ឆ្នាំមុន ​ដែលយើងទាំងអស់គ្នានៅតែចងចាំជានិច្ចនោះ គឺភាពឈឺចាប់​ខ្លោចផ្សាមិនអាចបំភ្លេចបាន​ ដែលសង្គមជាតិទទួលរងវិនាសកម្មដោយសារសង្គ្រាម និងការកាប់​សម្លាប់​ប្រជាជន​ឯងអស់ជាងបីលាននាក់ បំផ្លាញហេដ្ឋារចនាសម្ព័ន្ធ​ខ្ទេចខ្ទី​គ្មានសល់ពីពួកបន​ប្រល័យ​ពូជសាសន៍ ប៉ុល ពត។សម្តេច បានអំពាវនាវដល់សមាជិកសមាជិកាគណបក្សប្រជាជនកម្ពុជា ​សូមកៀរគរបងប្អូនមិត្តភ័ក្រ ឪពុកម្ដាយទៅចូលរួមបោះឆ្នោតនៅថ្ងៃទី០៥​ ខែមិថុនា ឆ្នាំ២០២២ ទាំងអស់គ្នា ដើម្បីគាំទ្របេក្ខជន​ក្រុមប្រឹក្សាឃុំ សង្កាត់កូតាគណបក្សប្រជាជនកម្ពុជាឲ្យបានគ្រប់ៗគ្នា ដើម្បីបន្តការអភិវឌ្ឍមូលដ្ឋាន​ឲ្យកាន់​តែរីកចម្រើនថែមទៀត។ក្នុងយុទ្ធនាការឃោសនារកសំឡេងឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៥ ត្រូវបានចាប់ផ្តើមនៅថ្ងៃសៅរ៍ទី២១ ខែឧសភា រហូតដល់ថ្ងៃទី០៣ ខែមិថុនា ឆ្នាំ២០២២។ ការ​ឃោសនាបោះឆ្នោតក្រុមប្រឹក្សាឃុំ សង្កាត់ មានបំណងឲ្យគណបក្សនយោបាយ​ដែល​បានអនុញ្ញាតឲ្យចុះបញ្ជីបេក្ខជន ​ធ្វើការផ្សព្វផ្សាយអំពីគោលនយោបាយ និងកម្មវិធីនយោបាយ​របស់ខ្លួន ក្នុងការអភិវឌ្ឍឃុំ សង្កាត់ ដល់អ្នកបោះឆ្នោតផងដែរ៕ ហុង វាស្នា

ទិដ្ឋភាពទូទៅថ្ងៃបញ្ចប់យុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ-សង្កាត់ របស់គណបក្សប្រជាជនកម្ពុជា

2022/06/03 09:29:58 am        602
Facebook Telegram Linkin
ភ្នំពេញ៖ ទិដ្ឋភាពទូទៅថ្ងៃបញ្ចប់ ការធ្វើយុទ្ធនាការឃោសនារកសំឡេងឆ្នោត នៃការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ ឆ្នាំ២០២២ ត្រូវនឹងថ្ងៃទី៣ ខែមិថុនា ឆ្នាំ២០២២របស់គណបក្សប្រជាជនកម្ពុជា នៅទូទាំងប្រទេស ។

គណៈកម្មការបោះឆោ្នតខេត្តកណ្តាល ស្នើពលរដ្ឋរួសរាន់ធ្វើប័ណ្ណឯ.អ ខណៈការធ្វើនឹងបិទបញ្ចប់ល្ងាចសែ្អកនេះ

2022/06/02 03:23:21 pm        764
Facebook Telegram Linkin
កណ្ដាល៖ គណៈកម្មការរៀបចំការបោះឆ្នោតខេត្តកណ្តាល បានអំពាវនាវទៅ​ដល់​បណ្តា​ប្រជាពលរដ្ឋ​បានបាត់ ,គ្មាន ឬមានអត្តសញ្ញាណប័ណ្ណសញ្ជាតិខ្មែរហួសសុពលការប្រើប្រាស់ សូម​អញ្ជើញ​រូតរះទៅទៅធ្វើឯកសារបញ្ជាក់អត្តសញ្ញាណបំរើឲ្យការបោះឆ្នោត នៅ​តាម​គណៈកម្មការ​រៀបចំការបោះឆ្នោតឃុំសង្កាត់ និងតាមសាលាឃុំសង្កាត់ ខណៈការធ្វើ ឯ.អ នេះ នឹងបិទបញ្ចប់​ឈប់​ធ្វើ នៅល្ងាចវេលាម៉ោង៥ ថ្ងៃទី៣ ខែមិថុនាស្អែកនេះ។លោក ផាន់ រិទ្ធិពល ប្រធាន លេខាធិការដ្ឋានគណៈកម្មការរៀបចំការបោះឆ្នោតខេត្តកណ្តាល បាន​ថ្លែង​ប្រាប់BTV នៅថ្ងៃទី២ ខែមិថុនានេះថា ប្រជាពលរដ្ឋគ្រប់រូបមាន​សិទ្ធទៅចូលរួមការ​បោះឆ្នោត​លុះត្រាពលរដ្ឋនៅមានឈ្មោះនៅបញ្ជីឈ្មោះបោះឆ្នោតឆ្នាំ២០២១ ហើយនៅពេលបោះឆ្នោតពលរដ្ឋ ត្រូវយកអត្តសញ្ញាណសញ្ជាតិខ្មែរដែលមិនទាន់សុពលភាពការប្រើប្រាស់ទៅអោយមន្ត្រីការិយាល័យបោះឆ្នោតផ្ទៀងផ្ទាត់ឈ្មោះចូលបោះឆ្នោត ប៉ុន្តែសម្រាប់ពលរដ្ឋដែលបានបាត់​អត្តសញ្ញាណ ឬ​មាន​អត្តសញ្ញាណ​ប័ណ្ណ​ហួសសុពលភាព​ការប្រើប្រាស់​ ត្រូវមាន​ប័ណ្ណ ​ឯកសារបញ្ជាក់​អត្តសញ្ញាណ​បំរើអោយការ​បោះឆ្នោត ​ឬហៅប័ណ្ណ ឯ.អ ទៅ​ឲ្យមន្ត្រីការិយាល័យបោះឆ្នោត​ដើម្បី​ផ្ទៀងផ្ទាត់​ឈ្មោះ​ចូលបោះឆ្នោត។នៅក្នុងដំណើរការបោះឆ្នោតនេះ លោក ផាន់ រិទ្ធិពល​ ក៏បានអំពាវនាវ​អោយពលរដ្ឋដែល​បានបាត់​អត្តសញ្ញាណ ឬមាន​អត្តសញ្ញាប័ណ្ណ​ហួសសុពលភាពការប្រើប្រាស់​ហើយមិនទាន់ទៅធ្វើប័ណ្ណ ឯ.អ នេះសូមរូតរះទៅធ្វើប័ណ្ណ ឯ.អ ខណៈការធ្វើប័ណ្ណ ឯ. អ ដើម្បី​ទទួលបានសិទ្ធបោះឆ្នោតនេះ នឹង​ត្រូវបិទបញ្ចប់ឈប់ធ្វើនៅល្ងាចស្អែកនេះ។លោក ផាន់ រិទ្ធិពល បាន​ប៉ាន់ប្រមាណ​ថា ​នៅទូទាំងខេត្តកណ្តាល​ មានពលរដ្ឋត្រូវធ្វើប័ណ្ណ ឯ.អ ប្រមាណ ២ម៉ឺន៨៤៤៨នាក់ ​ហើយចាប់ពីថ្ងៃទី៥ ​ខែឧសភា រហូតមកដល់ថ្ងៃទី២ ​ខែមិថុនានេះ មានពលរដ្ឋបានទៅធ្វើប័ណ្ណ ឯ.អ មានប្រមាណជាង ១ម៉ឺន៦០០០នាក់ ដែលស្មើ ជាង ៦០%​នៃចំនួនអ្នកធ្វើសរុប ខណៈ នៅទូទាំងខេត្តកណ្តាល​ មានពលរដ្ឋដែលមានឈ្មោះនៅក្នុងបញ្ជីឈ្មោះ​បោះឆ្នោត​ចំនួន​សរុប ៧៧ម៉ឺន៥៨០៤នាក់៕ អត្ថបទ៖ ស៊ុម សុខជា 

ឯកឧត្តម ថោង ខុន៖ បោះឆ្នោតជូនគណបក្សប្រជាជនកម្ពុជា គឺបោះឆ្នោតដើម្បីអភិវឌ្ឍន៍មូលដ្ឋាន

2022/06/02 03:10:25 pm        494
Facebook Telegram Linkin
កំពង់ធំ៖ ថ្លែងទៅកាន់សមាជិកគណបក្ស និងអ្នកគាំទ្រជាង៤០០នាក់ ក្នុងភូមិស្វាយម្សៅ ឃុំទ្រៀល ស្រុកតាំងគោក ខេត្តកំពង់ធំ នៅថ្ងៃទី២ ខែមិថុនានេះ ឯកឧត្តម ថោង ខុន ប្រធានក្រុមការងារចុះមូលដ្ឋានស្រុកបារាយណ៍ និងតាំងគោក ថ្លែងថា ការបោះឆ្នោតជូនគណបក្សប្រជាជនកម្ពុជា គឺជាការបោះឆ្នោតអោយមូលដ្ឋានខ្លួនបន្តការអភិវឌ្ឍ រីកចំរើន ។ឯកឧត្តម ថោង ខុន ថ្លែងថា ជានិច្ចកាលសម្តេចតេជោ ហ៊ុន សែន នាយករដ្ឋមន្ត្រីកម្ពុជា និង​ក្នុងនាម​ជាប្រធានគណបក្សប្រជាជនកម្ពុជា ​ដែលបានជាប់ឆ្នោតពីមួយ​អាណត្តិ​ទៅមួយអាណត្តិ គឺបានគិតគូខ្លាំងការរៀបចំផ្ទេរធនធាន និងថវិកាពីរដ្ឋបាលថ្នាក់ជាតិទៅឲ្យថ្នាក់រដ្ឋបាលឃុំសង្កាត់ ដើម្បីជម្រុញអោយឃុំសង្កាត់ធ្វើការអភិវឌ្ឍ ស្ថាបនាសាងសង់សំណង់ហេដ្ឋារចនាសម្ព័ន្ធ ផ្លូវថ្នល់ សាលារៀន មន្ទីរពេទ្យ និងការផ្តល់សេវាល្អ ជម្រុញជីវភាពពលរដ្ឋមានការរីកចំរើន។ឯកឧត្តម បន្តថា ក្រៅពីការងារជម្រុញឃុំសង្កាត់មានការអភិវឌ្ឍនេះ សម្តេចតេជោក៏បានផ្តោត​យកចិត្ត​ទុកដាក់ខ្លាំងណាស់ចំពោះសុខទុក្ខរបស់ប្រជាពលរដ្ឋក្នុងទូទាំងប្រទេស ក្នុងនោះសម្រាប់​ខេត្តកំពង់ធំ ​ក៏ដូចខេត្តផ្សេងៗ​ទៀតជុំវិញបឹងទន្លេសាប ទទួល​ទទួលការ​គិតគូរ​ជាខ្លាំង ការ​សម្រេច​កាត់​ឆ្វៀល​ដីតំបន់ទន្លេសាប ដើម្បីជូនប្រជាពលរដ្ឋអាស្រ័យផល ទៅតាមតម្រូវការ ​និងសំណូមពរ ចាំបាច់ក្នុងជីវភាពរស់នៅប្រចាំថ្ងៃ ដល់ប្រជាពលរដ្ឋមូលដ្ឋានដាច់ស្រយាល។ឯកឧត្តម បន្តថា ការបោះឆ្នោតគាំទ្រគណបក្សប្រជាជនកម្ពុជាជា​បន្តបន្ទាប់មកនេះគឺជាការបង្ហាញ​នូវ​សិទ្ធិរបស់ប្រជាពលរដ្ឋក្នុង​ប្រទេស​ដែល​មាន​លទ្ធិប្រជាធិបតេយ្យ​ពិតប្រាកដ ហើយគ្មាន​ការ​បង្ខិតបង្ខំ​នោះទ្បើយ​ តែជាឆន្ទៈរបស់ប្រជាពលរដ្ឋពិតៗ ហើយការបោះឆ្នោតជូនគណបក្ស​ប្រជាជន​កម្ពុជា​គឺបោះឆ្នោតឲ្យខ្លួនឯង ​បោះឆ្នោតដើម្បីទទួលបាន​សន្តិភាព និងការអភិវឌ្ឍ៕ អត្ថបទ ស៊ុម សុខជា

ឯកឧត្តមទេសរដ្ឋមន្រ្តី លី ធុជ ទទួលជួបជាមួយប្រធានសភាពាណិជ្ជកម្មអន្តរជាតិនៃកម្ពុជា លើការគាំទ្រវិស័យសកម្មភាពមីននៅកម្ពុជា

2022/06/02 02:40:33 pm        767
Facebook Telegram Linkin
ភ្នំពេញ៖ ឯកឧត្តមទេសរដ្ធមន្ត្រី លី ធុជ អនុប្រធានទី១ អាជ្ញាធរមីន បានទទួលជួបពិភាក្សាការងារជាមួយ លោក Paul Clements ប្រធានសភាពាណិជ្ជកម្មអន្តរជាតិនៃកម្ពុជា ដើម្បីសិក្សាស្វែងយល់អំពីវឌ្ឍនាភាពនៃវិស័យសកម្មភាពមីននៅកម្ពុជា នៅថ្ងៃទី០២ ខែមិថុនា ឆ្នាំ២០២២ នៅទីស្នាក់ការអាជ្ញាធរមីន។ឯកឧត្តម លី ធុជ បានថ្លែងអំណរគុណជូនចំពោះ លោក Paul Clements ដែលបានបង្ហាញពីបំណង និងចំណាប់អារម្មណ៍ក្នុងការស្វែងយល់ និងគាំទ្រដល់កិច្ចខិតខំប្រឹងប្រែងរបស់រាជរដ្ឋាភិបាលកម្ពុជា ក្នុងការងារសកម្មភាពមីនមនុស្សធម៌ ដើម្បីឲ្យកម្ពុជាសម្រេចបាននូវគោលដៅគ្មានមីនឆ្នាំ២០២៥។ ក្នុងឱកាសនោះ ឯកឧត្តមទេសរដ្ឋមន្ត្រី បានលើកឡើងអំពីសមិទ្ធផល និងការសម្រេចបានជាប្រវិត្តសាស្ត្ររយៈពេល៣០ ឆ្នាំ នៃការងារសកម្មភាពមីននៅកម្ពុជា ក្រោមការយកចិត្តទុកដាក់របស់ពីរាជរដ្ឋាភិបាល និងមានការចូលរួមពីប្រទេសជាមិត្ត ដៃគូរអភិវឌ្ឍន៍ ប្រតិបត្តិករជាតិ-អន្តរជាតិ និងគ្រប់ភាគីពាក់ព័ន្ធដទៃទៀត។ ឯកឧត្តមទេសរដ្ឋមន្រ្តី បានបញ្ជាក់បន្ថែមទៀតថា សមិទ្ធផលទាំងនេះសម្រេចបានដោយសារកម្ពុជា មានរចនាសម្ព័ន្ធគ្រប់គ្រងវិស័យសកម្មភាពមីនច្បាស់លាស់ ចាប់ពីថ្នាក់ជាតិរហូតដល់ថ្នាក់ក្រោមជាតិ ក្រោមការដឹកនាំអាជ្ញាធរមីន ដែលជាសេនាធិការឲ្យរាជរដ្ឋាភិបាល និងជាស្ថាប័នសាធារណៈរបស់រដ្ឋ ក្នុងការគ្រប់គ្រង ត្រួតពិនិត្យ ដឹកនាំ និងសម្របសម្រួលវិស័យសកម្មភាពទូទាំងប្រទេស។ឯកឧត្តមបានបន្តទៀតថា បច្ចុប្បន្ននេះ ក្រៅពីការគាំទ្រពីប្រទេសម្ចាស់ជំនួយ និងដៃគូអភិវឌ្ឍន៍ វិស័យសកម្មភាពមីន ចាប់ផ្តើមមានការយកចិត្តទុកដាក់ និងជួយគាំទ្រពីវិស័យឯកជន និងសប្បុរសជននានា ដែលកំពុងរកស៊ីទទួលទាន និងបំពេញការងារនៅក្នុងប្រទេសកម្ពុជា ក្នុងការចូលរួមដល់ការអនុវត្តយន្តការភូមិអស់មីនរបស់អាជ្ញាធរមីនតាមធនធានរបស់ខ្លួន។លោក Paul Clements បានមានប្រសាសន៍ថា លោកបានមករស់នៅប្រទេសកម្ពុជាចាប់តាំងពីឆ្នាំ២០០៨ ហើយរយៈពេល ១៤ឆ្នាំ នេះ លោកមានការពេញចិត្ត និងកោតសរសើរចំពោះការដឹកនាំរបស់រាជរដ្ឋាភិបាលកម្ពុជា ក្នុងការធានាឲ្យបាននូវសុខសន្តិភាព និងស្ថេរភាពនយោបាយ ដោយបានផ្តល់នូវឱកាសនិងអំណោយផលយ៉ាងច្រើនដល់អ្នកវិនិយោគទុន ជាពិសេសការគោរពស្រឡាញ់វប្បធម៌ ប្រពៃណី និងភាពរួសរាយរាក់ទាក់របស់ប្រជាជនកម្ពុជា។ជាមួយគ្នានេះ លោកប្រធានសភាពាណិជ្ជកម្មអន្តរជាតិនៃកម្ពុជា បានកោតសរសើរ និងវាយតម្លៃខ្ពស់ចំពោះសមិទ្ធផលសម្រេចបានយ៉ាងធំធេង ក្នុងការងារបោសសម្អាតមីន/គ្រាប់ ដើម្បីជួយសង្រ្គោះអាយុជីវិត និងលើកកម្ពស់ជីវភាពរស់នៅរបស់ប្រជាពលរដ្ឋនៅទីជនបទ។ក្នុងឱកាសនោះ លោក Paul Clements បានបង្ហាញពីបំណងកៀរគរធនធានពីវិស័យឯកជននានា គាំទ្រដល់ការងារបោសសម្អាតមីន កិច្ចសង្រ្គោះជនពិការ និងការងារយេនឌ័រសកម្មភាពមីននៅកម្ពុជា ជាពិសេសចូលរួមផ្តល់ឱកាសការងារជាអាទិភាព និងលើកកម្ពស់ដល់ជនមានពិការភាព និងក្រុមគ្រួសារ ដែលបានរងគ្រោះដោយសារគ្រាប់មីន និងសំណល់ជាតិផ្ទុះពីសង្រ្គាម។លោកនឹងជម្រុញ និងពិភាក្សាការងារបន្ថែមជាមួយសមាជិកសភាពាណិជ្ជកម្មអន្តរជាតិនៃកម្ពុជា សភាពាណិជ្ជកម្មដទៃទៀត វិស័យឯកជនទាំងក្នុងនិងក្រៅប្រទេស និងមូលនិធិនៅក្រៅប្រទេស ដើម្បីឲ្យចូលរួមជាមួយរាជរដ្ឋាភិបាលកម្ពុជា តាមរយៈអាជ្ញាធរមីន ក្នុងការងារបោសសម្អាតមីន និងសង្រ្គោះជនពិការដោយសារមីននៅកម្ពុជាផងដែរ៕

គ.ជ.ប បើកសវនាការជាសាធារណៈដើម្បីជំនុំជម្រះលើបណ្ដឹង/សំណុំរឿងចំនួនពីរ

2022/06/02 02:34:49 pm        712
Facebook Telegram Linkin
ភ្នំពេញ៖ គណៈកម្មាធិការជាតិរៀបចំការបោះឆ្នោត (គ.ជ.ប) នៅរសៀលថ្ងៃទី២ខែមិថុនា នេះ បានបើកសវនាការជាសាធារណៈ ដើម្បីជំនុំជម្រះលើបណ្ដឹង/សំណុំរឿង ចំនួន២ មានលេខ ១៤៨ និងលេខ ១៤៩ ចុះថ្ងៃទី៣០ ខែឧសភា ឆ្នាំ២០២២។សមាសភាពក្រុមប្រឹក្សាជំនុំជម្រះរួមមាន៖ ឯកឧត្ដម ប្រាជ្ញ ចន្ទ ប្រធាន គ.ជ.ប ជាប្រធាន ,ឯកឧត្ដម នុត សុខុម អនុប្រធាន គ.ជ.ប និងសមាជិក គ.ជ.ប ចំនួន ៧ រូបទៀត ជាសមាជិកក្រុមប្រឹក្សាជំនុំជម្រះ។គ.ជ.ប បានបញ្ជាក់ថា ពាក្យបណ្ដឹងទាំង ២ខាងលើនេះ មានកម្មវត្ថុប្ដឹងតវ៉ា និងប្ដឹងជំទាស់​នឹង​សេចក្ដី​សម្រេចរបស់គណៈកម្មការរៀបចំការ​បោះឆ្នោតខេត្តកំពង់ចាម ពាក់ព័ន្ធនឹងសកម្មភាព​របស់​បេក្ខជន​នៃគណបក្ស ភ្លើងទៀន ក្នុងអំឡុងពេលនៃការឃោសនាបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ នៅស្រុកកងមាស ខេត្តកំពង់ចាម។សំណុំរឿងចំនួន ២ ដែលគ.ជ.ប យកមកជំនុំជម្រះនេះ គឺពាក់ព័ន្ធបណ្តឹងរបស់មេធាវី គា អ៊ាវ តំណាង​ដោយ​អាណត្តិឲ្យឈ្មោះ ជិន ដាវី សកម្មជនគណបក្សប្រជាជនកម្ពុជា ប្តឹងតវ៉ា​នឹង​សេចក្តី​សម្រេចលេខ ០០៦ ចុះថ្ងៃទី២៨ ​ខែឧសភា ឆ្នាំ២០២២​ របស់គណៈកម្មាការរៀបចំការ​បោះឆ្នោត​ខេត្តកំពង់ចាម ដែលមិនបានលុបឈ្មោះបេក្ខជនទាំង ​១៥នាក់​ ចេញពីបញ្ជីបេក្ខជន​គណបក្ស​ភ្លើងទៀន ​និងមិនបានដកសិទ្ធិបោះឆ្នោតចេញពីស្រុកកងមាស ព្រមទាំងមិនបានផាកពិន័យ​លើ​គណបក្សភ្លើងទៀន៕

បណ្ដាញសង្គម

ព័ត៌មានថ្មីៗ

ដាណឺម៉ាក បញ្ជាក់ថា ខ្លួនមិនច្រានចោលលទ្ធភាពនៃការទទួលស្គាល់ភាពជារដ្ឋរបស់ប៉ាឡេស្ទីនឡើយ
08/26/2025 09:08 PM
Facebook Telegram Linkin
ប្រធានាធិបតីងហ្វាំងឡង់ រំពឹងថា លោក Trump នឹងអស់ការអត់ធ្មត់ជាមួយរុស្ស៊ី
08/26/2025 09:08 PM
Facebook Telegram Linkin
អ៊ីរ៉ង់ប្តេជ្ញាចាត់វិធានការតបតវិញ បន្ទាប់ពីអូស្ត្រាលីបណ្តេញបេសកជន
08/26/2025 09:08 PM
Facebook Telegram Linkin
គ្រោះទុរ្ភិក្សត្រូវបានប្រកាសនៅទីក្រុងហ្កាហ្សា ខណៈភាពអត់ឃ្លានកើតមានឡើង
08/26/2025 08:08 PM
Facebook Telegram Linkin
កសិករប៉ាគីស្ថានជាប់បំណុល និងប្រឈមវិបត្តិទឹកជំនន់បង្កឡើងដោយបម្រែបម្រួលអាកាសធាតុ
08/26/2025 08:08 PM
Facebook Telegram Linkin
អេស្ប៉ាញប្រកាសតំបន់អាសន្នដែលរងការឆាបឆេះដោយសារភ្លើងឆេះព្រៃ
08/26/2025 08:08 PM
Facebook Telegram Linkin
UN៖ មនុស្សម្នាក់ក្នុងចំណោម ៤នាក់ ជួបកង្វះទឹកផឹកស្អាតសុវត្ថិភាពនៅទូទាំងពិភពលោក
08/26/2025 08:08 PM
Facebook Telegram Linkin
ជនប៉ាឡេស្ទីនប៉ះទង្គិចជាមួយកងទ័ពអ៊ីស្រាអែល អំឡុងការវាយឆ្មក់ទីក្រុង Ramallah តំបន់វ៉េសប៊ែង
08/26/2025 08:08 PM
Facebook Telegram Linkin
ឯកឧត្តមឧបនាយករដ្ឋមន្ត្រី ហ៊ុន ម៉ានី ផ្តល់អនុសាសន៍ ចំនួន៤ ជូនដល់សិក្ខាសាលាឌីជីថលូបនីយកម្មក្នុងរដ្ឋបាលសាធារណៈ
08/26/2025 08:08 PM
Facebook Telegram Linkin
យុទ្ធនាការថ្ងៃទី៩ ដើម្បីជំរុញ​ការផ្តល់​ឱកាស​ការងារ​ជូនដល់​ពលករខ្មែរ​ទើប​ត្រឡប់​មក​ពីប្រទេសថៃ ក្រុមការងារក្រសួងការងារបានចុះ​ទៅដល់រោងចក្រ សហគ្រាសចំនួន ១៤៣៥
08/26/2025 08:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.