BTV NEWS

BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់

សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់

ឯកឧត្តម ចាន់ ដារ៉ុង ដឹកនាំគណៈកម្មការអន្តរក្រសួងចុះពិនិត្យវាយតម្លៃបញ្ចប់សុពលភាពការងារថែទាំផ្លូវខួបចំនួន ៣កំណាត់ ក្នុងខេត្តពោធិ៍សាត់

BREAKING NEWS! សម្តេចធិបតី អបអរសាទរចំពោះការប្រព្រឹត្តទៅដោយជោគជ័យនូវកិច្ចប្រជុំវិសាមញ្ញ នៃគណៈកម្មាធិការព្រំដែនទូទៅកម្ពុជា-ថៃ

នយោបាយ និង ការអភិវឌ្ឍន៍

សម្តេច ទៀ បាញ់ អញ្ជើញបើកការដ្ឋានកសាងស្ដូបអនុស្សាវរីយ៍នយោបាយឈ្នះឈ្នះ ក្នុងស្រុកអន្លង់វែង

ភ្នំពេញ៖ ស្តូបអនុស្សាវរីយ៍នយោបាយ ឈ្នះ ឈ្នះ ត្រូវបានបញ្ចុះបឋមសិលាកសាង នៅព្រឹកថ្ងៃទី០៩ ខែមីនា នេះ នៅចំណុចភ្នំ២០០ ក្នុងភូមិសាស្ត្រស្រុកអន្លង់វែង ខេត្តឧត្តរមានជ័យ ដែលជាទីតាំងប្រវត្តិសាស្រ្ត បញ្ចប់សង្រ្គាមចុងក្រោយគេនៅកម្ពុជា ក្រោមអធិបតីភាពរបស់សម្ដេចពិជ័យសេនា ទៀ បាញ់ ។សម្តេចពិជ័យសេនា ទៀ បាញ់ ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ និងជាប្រធានគណៈ កម្មាធិការសាងសង់ស្ដូបអនុស្សាវរីយ៍នយោបាយ ឈ្នះ ឈ្នះ ក្នុងពិធីបញ្ចុះបឋមសិលាកសាងស្ដូបអនុស្សាវរីយ៍នយោបាយ ឈ្នះ ឈ្នះ មានប្រសាសន៍ថា ការសាងសង់ស្តូបអនុស្សាវរីយ៍នយោបាយ ឈ្នះ ឈ្នះ នៅលើចំណុចទីតាំងភ្នំ២០០ ក្នុងភូមិសាស្ត្រស្រុកអន្លង់វែងនេះ ដោយសារតែជាតំបន់ប្រវត្តិ សាស្រ្តមួយដ៏ក្តៅគគុកកាលពីសម័យសង្រ្គាម ដែលបានបន្សល់ទុកនូវស្នាកស្នាម និងវត្ថុតាងផ្សេងៗពីសម័យរបបខ្មែរក្រហម។សម្តេចពិជ័យសេនា ទៀ បាញ់ បានបន្តថា ការសាងសង់ស្ដូបអនុស្សាវរីយ៍នយោបាយ ឈ្នះ ឈ្នះ នៅតំបន់នេះ គឺដើម្បីបញ្ជាក់ឲ្យឃើញកាន់តែច្បាស់ពីជំហរដ៏រឹងមាំ និងបង្ហាញពីកក្តាសុខសន្តិភាព របស់ប្រទេសជាតិនាពេលបច្ចុប្បន្ននេះផងដែរ។សម្ដេចពិជ័សេនា បានបញ្ជាក់ថា ស្ដូបអនុស្សាវរីយ៍នយោបាយ ឈ្នះ ឈ្នះ នេះ វានឹងផ្ដល់ជាប្រយោជន៍ដល់ពលរដ្ឋផងដែរលើវិស័យទេសចរណ៍ ព្រោះរំពឹងថា ស្ដូបនេះ នឹងអាចទាក់ទាញការចាប់អារម្មណ៍ខ្លាំងពីទេសចរក្នុងស្រុក និងក្រៅស្រុក ពិសេសនោះ ពលរដ្ឋប្រទេសជិតខាង អាចមកទស្សនា សិក្សាស្រាវជ្រាវពីរឿងរ៉ាវប្រវត្តិសាស្រ្តផ្សេងៗ ដែលបានបន្សល់ទុកកាលពីសម័យរបបសង្រ្គាមក្នុងតំបន់នេះ៕អត្ថបទ៖ ឃិន សារិទ្ធ

ក្រុមមន្រ្តីជំនាញអភិរក្សរកឃើញកូនផ្សោត១ក្បាល ទើបចាប់កំណើតនៅក្នុងទន្លេមេគង្គ ខេត្តក្រចេះ

ក្រចេះ៖ ក្រុមមន្រ្តីជំនាញអភិរក្សនិយាយថា កូនផ្សោតមួយក្បាលថ្មីទៀត ត្រូវបានគេប្រទះឃើញកំពុងហែលក្នុងទឹកទន្លេ ក្នុងអន្លង់ តាមដងមេគង្គ ជាមួយមេផ្សោតមួយហ្វូងធំ។ ការប្រទះឃើញកូនផ្សោតថ្មីមួយក្បាលនេះ ក៏ត្រូវបានក្រុមមន្រ្តីអ្នកស្រាវជ្រាវ អះអាងថា គឺជាកូនផ្សោតទី១ ដែលបានចាប់កំណើតកើតដំបូងនៅដើមឆ្នាំ ២០២២នេះ។របាយការណ៍របស់អង្គការជាដៃគូរអភិរក្ស បានឲ្យដឹងថា នៅឆ្នាំ២០២១កន្លងទៅ យ៉ាងហោចមានកូនផ្សោតទឹកសាប៦ក្បាល ត្រូវបានចាប់កំណើតជាមួយនិងមេរបស់វានៅទន្លេមេគង្គខេត្តក្រចេះ។ ហើយសម្រាប់ឆ្នាំ ២០២២ គឺទើបតែមានកូនផ្សោតមួយក្បាលកើតដំបូងគេ ដែលត្រូវបានក្រុមមន្រ្តីជំនាញប្រទះឃើញ នៅព្រឹកថ្ងៃទី៧ ខែមិនានេះ ខណៈកូនផ្សោតតូចមួយនេះ កំពុងតែហែលលេងក្នុងទឹកទន្លេជាមួយនិងហ្វូងផ្សោតតូចធំចំនួនជាង ៨ក្បាល នៅអន្លង់កោះផ្តៅ ក្នុងស្រុកសំបូរ ខេត្តក្រចេះ។នាយខណ្ឌរដ្ឋបាលជលផល និងជាប្រធានឆ្មាំអភិរក្សលោក ម៉ុក ពន្លក បានឲ្យដឹងថា តាមការធ្វើជំរឿន សព្វថ្ងៃ សត្វផ្សោតញីឈ្មោលមានចំនួនជិត ៩០ក្បាល កំពុងតែរស់នៅតាមអន្លង់ នៅតាមដងទន្លេមេគង្គកម្ពុជា។លោកថា សម្រាប់ទន្លេមេគង្គខេត្តក្រចេះ មានអន្លង់ផ្សោតរស់នៅចំនួន៥កន្លែងធំៗ រួមមានអន្លង់ខ្សាច់ម្កាក់ អន្លង់កន្ទុយកោះរងាវ អន្លង់កោផ្តៅ អន្លង់កោហដំបង និងអងន្លង់កាំពី។លោកនាយខណ្ឌបញ្ជាក់ថា អន្លង់ទាំង៥នេះ សព្វថ្ងៃមានសត្វផ្សោតញីឈ្មោល តូចនិងធំរស់នៅចន្លោពី ៥៥ ទៅ ៦២ក្បាល។ទន្ទឹមនិងស្ថានភាពនៃការបង្កកំណើតនៃពពួកសត្វផ្សោតទឹកសាបអ៊ីរ៉ាវាឌី ដែលកំពុងតែមានកំណើតកើនឡើងពីមួយឆ្នាំទៅមួយឆ្នាំ លោក ម៉ុក ពន្លក បានអះអាងថា លទ្ធផលនេះ គឺបានមកពីចូលរួមអភិរក្សពីក្រុមអាជ្ញាធរមានសមត្ថកិច្ចពាក់ព័ន្ធក៏ដូចជាពលរដ្ឋ ដែលមិនសំដៅតែទៅលើពពួកសត្វផ្សោតនោះទេ គឺសំដៅលើគ្រប់មច្ឆជាតិក្នុងដងទន្លមេគង្គ។ ដើម្បីធានាបានថា កូនផ្សោតនេះ បន្តរស់រានមានជីវិត និងវិវត្តន៍ទៅជាផ្សោតពេញវ័យនៅក្នុងចំនួនសរុប រដ្ឋបាលជលផល សូមអំពាវនាវដល់សូមបងប្អូនប្រជានេសាទមេត្តាចូលរួមការពារ និងបញ្ឈប់ជាបន្ទាន់នូវរាល់សកម្មភាពខុសច្បាប់ ពិសេសការនេសាទដោយប្រើឧបករណ៍មង និងគ្រឿងឆក់ជាដើម៕ដោយ៖ សេង ម័រ

រដ្ឋមន្រ្តីក្រសួងផែនការចុះត្រួតពិនិត្យការធ្វើជំរឿនសេដ្ឋកិច្ចនៅខេត្តតាកែវ

តាកែវ៖ ឯកឧត្តម ឆាយ ថន ទេសរដ្ឋមន្ត្រី រដ្ឋមន្ត្រីក្រសួងផែនការ និងជាប្រធានគណៈកម្មាធិការជាតិជំរឿន សេដ្ឋកិច្ចនៅព្រះរាជាណាចក្រកម្ពុជា កាលពីម្សិលមិញ បានអញ្ជើញចុះត្រួតពិនិត្យការធ្វើជំរឿនសេដ្ឋកិច្ច នៅក្នុងក្រុងដូនកែវ ខេត្តតាកែវ។ឯកឧត្តម ឆាយ ថន បានមានប្រសាសន៍ថា ការធ្វើជំរឿនសេដ្ឋកិច្ចមានសារសំខាន់បំផុត មិនអាច ខ្វះបានដើម្បីឆ្លើយតបសេចក្តីត្រូវការប្រើប្រាស់ទិន្នន័យ សម្រាប់ជាធាតុចូលដ៏សំខាន់ក្នុងការរៀបចំគោលនយោបាយអភិវឌ្ឍន៍សេដ្ឋកិច្ច បរិស្ថាន សង្គម វប្បធម៌ និងសុខុមាលភាពរបស់ប្រជាជនកម្ពុជាជាពិសេស សម្រាប់បំពេញនូវទិន្នន័យក្នុងការត្រួតពិនិត្យ និងវាយតម្លៃលើសូចនាករ គោលដៅនិងចំណុចដៅនៃគោលដៅអភិវឌ្ឍន៍ប្រកបដោយចីរភាពកម្ពុជាឆ្នាំ២០១៦-២០៣០ ។ឯកឧត្តម បានបន្តថា ការធ្វើជំរឿនសេដ្ឋកិច្ចនៅកម្ពុជាឆ្នាំ២០២២នេះ ជាការធ្វើជំរឿនលើកទី២ បន្ទាប់ពីបានធ្វើជំរឿនសហគ្រាសនៅកម្ពុជាឆ្នាំ២០១១ និងអង្កេតចន្លោះជំរឿនសហគ្រាសនៅឆ្នាំ២០១៤ ដែលពេលនោះ ការធ្វើជំរឿន និងអង្កេតសហគ្រាសនេះ ទទួលបានការគាំទ្រថវិកា និងបច្ចេកទេសពីអង្គការJICA នៃរដ្ឋាភិបាលជប៉ុន ដោយមានការចូលរួមថវិកាបដិភាគពីរាជរដ្ឋាភិបាលកម្ពុជាផងដែរ ហើយការ ធ្វើជំរឿនសហគ្រាសនៅកម្ពុជាឆ្នាំ២០២២នេះ ត្រូវបានគាំទ្រផ្នែកហិរញ្ញវត្ថុទាំងស្រុងពីរាជរដ្ឋាភិបាលកម្ពុជា។ឯកឧត្តម បានបញ្ជាក់ថា ការធ្វើប្រតិបត្តិការជំរឿននេះ មានវិសាលភាពគ្របដណ្តប់ទូទាំងប្រទេស លើ២៥រាជធានី-ខេត្ត ដែលចាប់ផ្តើមពីថ្ងៃទី០១ ដល់ថ្ងៃទី៣១ ខែមីនា នេះ ដែលមានអង្គភាពសេដ្ឋកិច្ចសរុបចំនួនប្រមាណ៧៤ម៉ឺនអង្គភាព ដោយប្រើប្រាស់មន្ត្រីសរុបប្រមាណជាង ៥,៨០០នាក់។ឯកឧត្តមទេសរដ្ឋមន្ត្រី ក្នុងនាមជាប្រធានគណៈកម្មាធិការជាតិជំរឿនសេដ្ឋកិច្ច នៅព្រះរាជាណា ចក្រកម្ពុជាឆ្នាំ២០២១ និងក្នុងនាមក្រសួងផែនការ ដែលជាស្ថាប័នអនុវត្តផ្ទាល់ការងារជំរឿនសេដ្ឋកិច្ច នៅព្រះរាជាណាចក្រកម្ពុជាឆ្នាំ២០២២ បានអំពាវនាវដល់ម្ចាស់អង្គភាពសេដ្ឋកិច្ច មានជាអាទិ៍ក្រុមហ៊ុនរោងចក្រ ទាំងនៅក្នុងទាំងនៅក្រៅតំបន់សេដ្ឋកិច្ចពិសេស ក៏ដូចជាសមាគមរោងចក្រកាត់ដេរនៅកម្ពុជា (GMAC) សហគ្រាសរដ្ឋ-ឯកជន សិប្បកម្ម អាជីវកម្ម លក់ដុំ លក់រាយ និងសេវាកម្មផ្សេងៗគ្រប់ប្រភេទ ទាំងអស់ ជួយគាំទ្រ សហការ និងផ្តល់ទិន្នន័យ ព័ត៌មាន តាមតារាងសំណួរដល់មន្រ្តីជំរឿនសេដ្ឋកិច្ចឱ្យ បានត្រឹមត្រូវគ្រប់គ្រាន់ជាក់លាក់ និងទាន់ពេលវេលា។ ទិន្នន័យ ព័ត៌មាន ដែលទទួលបានពីការសម្ភាស ជំរឿន ត្រូវបានធានាការសម្ងាត់ និងប្រើប្រាស់ក្នុងគោលដៅស្ថិតិតែប៉ុណ្ណោះ៕អត្ថបទ៖ គុជ វិភាគ

គ្រូពេទ្យស្ម័គ្រចិត្តឯកឧត្តម ហ៊ុន ម៉ានី ចូលរួមយុទ្ធនាការចាក់វ៉ាក់សាំងកូវីដជូនពលរដ្ឋខេត្តស្ទឹងត្រែង

ស្ទឹងត្រែង៖ ក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ចូលរួមយុទ្ធនាការចាក់វ៉ាក់សាំងបង្ការជំងឺកូវីដ ដូសទី១ ដូសទី២ ដូសទី៣ និងដូសទី៤ ជូនប្រជាពលរដ្ឋខេត្តស្ទឹងត្រែង។នាឱកាសដែលក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ចូលរួមចាក់ វ៉ាក់សាំងបង្ការជំងឺកូវីដ១៩ និងពិនិត្យព្យាបាលជំងឺ ជូនប្រជាពលរដ្ឋក្នុងខេត្តស្ទឹងត្រែង ក្រោមវត្តមានឯកឧត្តម ឡូយ សុផាត ប្រធានគណៈកម្មការទី៣ នៃរដ្ឋសភា និងជាអ្នកតំណាងរាស្ត្រមណ្ឌលខេត្តស្ទឹងត្រែង ឯកឧត្តម ឈាង ឡាក់ ប្រធានក្រុមប្រឹក្សា ខេត្ត, ឯកឧត្តម ស៊ី សួន អភិបាលរងតំណាងឯកឧត្តម ស្វាយ សំអ៊ាង អភិបាលខេត្តស្ទឹងត្រែង។ឯកឧត្តម លេង ផាលី រដ្ឋលេខាធិការក្រសួងផែនការ និងជាប្រធានប្រតិបត្តិក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី បានថ្លែងថា ក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ចំនួន១.២៥៨នាក់ បានចុះបេសកកម្មតាមការឧទ្ទេសនាមរបស់គណៈកម្មកាចំពោះកិច្ចចាក់វ៉ាក់សាំងបង្ការជំងឺកូវីដ-១៩ គិតតាំងពីចាប់ផ្តើមចាក់វ៉ាក់សាំងដំបូងពីខែមីនា ឆ្នាំ២០២១ មកដល់បច្ចុប្បន្នជូនប្រជាពលរដ្ឋតាមមូលដ្ឋាននានា ក្នុង១២រាជធានី-ខេត្ត ដោយចាក់វ៉ាក់សាំងបានចំនួន ៣,៦០១,៣១៤ដូស ដោយឥតគិតថវិកា បេសកកម្មឡើយ។នៅក្នុងឱកាសនោះដែរប្រជាពលរដ្ឋរស់នៅក្នុងខេត្តស្ទឹងត្រែង ទាំងអស់ មកទទួលការចាក់វ៉ាក់សាំងបង្ការ ជំងឺកូវីដ-១៩ និងពិនិត្យព្យាបាលជំងឺពីក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី បានសំដែងក្តីសប្បាយរីករាយយ៉ាងខ្លាំង និងសូមថ្លែងអំណរគុណយ៉ាងជ្រាលជ្រៅចំពោះសម្ដេចតេជោ ហ៊ុន សែន នាយករដ្ឋមន្រី្ត ក្នុងកាលៈទេសៈដ៏លំបាកនេះ សម្ដេចបានស្វះស្វែងរកជំនួយវ៉ាក់សាំង និងទិញវ៉ាក់សាំង មកចាក់ជូនពួកគាត់ដោយឥតគិតថ្លៃ។ជាមួយគ្នានោះដែរ ឯកឧត្តមវេជ្ជបណ្ឌិត អ៊ុង សូវៀត ប្រធានមនី្ទរសុខាភិបាលខេត្ត និងជាអនុប្រធានប្រតិបត្តិទទួលបន្ទុកប្រធានប្រតិបត្តិក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ខេត្តស្ទឹងត្រែង បានលើកឡើងថា បច្ចុប្បន្នក្នុងខេត្តស្ទឹងត្រែង មានកន្លែងចាក់វ៉ាក់សាំងបង្ការជំងឺកូវីដ១៩ ជូនប្រជាពលរដ្ឋចំនួន ៩ទីតាំង ជាពិសេសក្រុមការងារគ្រូពេទ្យចល័តចំនួន ៦ក្រុម ចុះទៅដល់មូលដ្ឋានភូមិ ឃុំ ស្រុក របស់ប្រជាពលរដ្ឋរស់នៅដាច់ស្រយាល ដែលមិនអាចធ្វើដំណើរមកទទួលចាក់វ៉ាក់សាំងបាន គឺក្រុមគ្រូពេទ្យចុះទៅចាក់វ៉ាក់សាំងជូនដល់ខ្នងផ្ទះតែម្តង។ដោយឡែកពាក់ព័ន្ធបញ្ហាកូវីដវិញ ឯកឧត្តម ប្រធានមនី្ទរសុខាភិបាលខេត្តបញ្ជាក់ថា ក្នុងខេត្តស្ទឹងត្រែងបានរកឃើញមេរោគកូវីដ១៩ ដំបូង គឺនៅថ្ងៃទី១ ខែឧសភា ឆ្នាំ២០២០ ដែលរហូតមកដល់បច្ចុប្បន្ននេះ មានអ្នកវិជ្ជមានកូវីដ១៩ ចំនួនជាង១.៨០០នាក់ ដែលបានរកឃើញ និងអ្នកជាសៈស្បើយចំនួនជាង ១.៧០០នាក់ និងករណីស្លាប់មានចំនួនរហូតទៅ ៣០នាក់ មកដល់ពេលនេះ។ ទន្ទឹមនឹងនោះ មានថ្ងៃខ្លះយើងបានរកឃើញអ្នកវិជ្ជមានកូវីដ១៩ ចំនួន៣ករណី ថ្ងៃខ្លះចំនួន៥ករណី ហើយករណីទាំងនោះបានយកសំណាកទៅវិភាគនៅមនី្ទរពិសោធន៍ តាមរយៈ ម៉ាស៊ីនធំ PCR លទ្ធផលបានបញ្ជាក់ថា ជាប្រភេទមេរោគកូវីដ១៩ បំប្លែងថ្មី អូមីក្រុង មកដល់ថ្ងៃនេះ មានចំនួន ៧ករណី។ ក្នុងនោះខេត្តស្ទឹងត្រែង មានមណ្ឌលព្យាបាលកូវីដ១៩ កម្រិតស្រាល និងធ្ងន់ចំនួន ១កន្លែង ហើយយើងមានក្រុមឆ្លើយតប បន្ទាប់ របស់មនី្ទរសុខាភិបាល ដែលយើងកំពុងតែអនុវត្តន៍ជាប្រចាំនៅក្នុងការផ្សព្វផ្សាយ និងស្រាវជ្រាវផងដែរ៕អត្ថបទ រដ្ឋា

ស្រ្តីឆ្នើមៗដែលមានឥទ្ធិពលក្នុងការចូលរួមធ្វើគោលនយោបាយថ្នាក់ជាតិ

ភ្នំពេញ៖ ស្របពេលថ្ងៃនេះ ជាទិវាសិទ្ធិនារីអន្តរជាតិលើកទី១១១ មានថ្នាក់ដឹកជាស្រ្តីឆ្នើមជាច្រើន បានចូលរួមការធ្វើគោលនយោបាយថ្នាក់ជាតិ ដើម្បីឲ្យស្រ្តីគ្រប់រូបរួមចំណែកក្នុងការអភិវឌ្ឍជាតិ។ ក្នុងឱកាសអបអរសាទរទិវាសិទ្ធិនារីអន្តរជាតិ៨មីនា ខួបលើកទី១១១ ក្រោមប្រធានបទ «សមភាពយេនឌ័រថ្ងៃនេះ ដើម្បីចីរភាពនាពេលអនាគត» រាជរដ្ឋាភិបាលតាមរយៈថ្នាក់ដឹកនាំសំខាន់ៗជាស្រ្តី បានជំរុញដល់ស្រ្តីគ្រប់រូបឲ្យចូលរួមការអភិវឌ្ឍជាតិ ជាពិសេសការចូលរួមធ្វើគោលនយោបាយថ្នាក់ជាតិ។ ស្រ្តីឆ្នើមៗរបស់កម្ពុជា ដែលលេចធ្លោនិងមានឥទ្ធិពលក្នុងការធ្វើសេចក្តីសម្រេចចិត្តទាក់ទងនឹងគោលនយោបាយជាតិធំៗ មានដូចជា សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជានិងជាស្រ្តីទី១របស់កម្ពុជា, លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្រ្តី រដ្ឋមន្រ្តីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច និងលោកជំទាវកិត្តិសង្គហបណ្ឌិត ឃួន សុដារី អនុប្រធានទី២ រដ្ឋសភាកម្ពុជាជាដើម។ ឥស្សរជនជាស្រ្តីទាំងនេះ បានក្លាយជាថ្នាក់ដឹកនាំគំរូសម្រាប់ស្រ្តីក្នុងការជំរុញគោលនយោបាយគាំទ្រសេមភាពយេនឌ័រ។លោកជំទាវ ហ៊ុន ដានី រដ្ឋលេខាធិការក្រសួងទេសចរណ៍ ប្រាប់BTV News ថា រាជរដ្ឋាភិបាលកម្ពុជាក្រោមការដឹកនាំរបស់សម្តេចតេជោ ហ៊ុន សែន នាយករដ្ឋមន្រ្តី បានដាក់ចេញនូវយុទ្ធសាស្ត្រចតុកោណ ពាក់ព័ន្ធនឹងគោលនយោបាយសមភាពយេនឌ័រ ដោយបានផ្តល់នូវតម្លៃនិងសារៈសំខាន់នៃការចូលរួមរបស់ស្រ្តីនៅគ្រប់ដំណើរការនៃការអភិវឌ្ឍរបស់ជាតិ។ លោកជំទាវ បន្តថា ក្នុងនាមលោកជំទាវជាស្រ្តីមួយរូបដែលបម្រើក្នុងវិស័យរដ្ឋបានមើលឃើញពីការយកចិត្តទុកដាក់ និងការលើកទឹកពីរាជរដ្ឋាភិបាលចំពោះស្រ្តីទូទៅ។ ជាមួយគ្នានេះ ស្រ្តីជាមន្រ្តីជាន់ខ្ពស់មួយរូបទៀតគឺ លោកជំទាវ យក់ សម្បត្តិ រដ្ឋលេខាធិការក្រសួងសុខាភិបាល បានលើកទឹកចិត្តដល់ស្រ្តីត្រូវមានឧត្តមគតិផ្ទាល់ខ្លួន ដើម្បីចូលរួមធ្វើកិច្ចការណាដែលបុរសធ្វើបាននោះស្រ្តីក៏ធ្វើបានដូចគ្នា។មកទល់ពេលបច្ចុប្បន្ន រាជរដ្ឋាភិបាលក្រោមការដឹកនាំរបស់សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានចេញនូវយុទ្ធសាស្ត្រចតុកោណ «ដើម្បីកំណើនការងារសមធម៌ និងប្រសិទ្ធភាពនៅកម្ពុជា» និងគោលនយោបាយសមភាពយេនឌ័រ ដោយបានផ្តល់នូវតម្លៃនិងសារៈសំខាន់នៃការចូលរួមរបស់ស្រ្តីនៅគ្រប់ដំណើរការនៃការអភិវឌ្ឍ និងបានចាត់ទុកថា «ស្ត្រី គឺជាឆ្អឹងខ្នងនៃសេដ្ឋកិច្ច និងសង្គមជាតិ»៕អត្ថបទ៖ សេក ឧត្តម

ស្រ្តីជាកម្លាំងចលករយ៉ាងសកម្មមួយ ក្នុងយុទ្ធនាការប្រយុទ្ធប្រឆាំងនឹងការឆ្លងរាលដាលនៃជំងឺកូវីដ-១៩

ភ្នំពេញ៖ ក្រុមគ្រូពេទ្យ អាជ្ញាធរមូលដ្ឋាន ក៏ដូចជាអ្នកស្ម័គ្រចិត្តជាស្ត្រី បានចូលរួមយ៉ាងសកម្ម ក្នុងការចូលរួមទប់ ស្កាត់ការឆ្លងរាលដាលនៃជំងឺកូវីដ-១៩ ជាមួយរាជរដ្ឋាភិបាល ខណៈស្ដ្រីជាឆ្អឹងខ្នង នៃសេដ្ឋកិច្ច និងជាមាតានៃពិភពលោក ។អ្នកគ្រូពេទ្យជាបុគ្គលិកក្នុងមន្ទីរពេទ្យបង្អែកច្បារអំពៅ ស្ថិតក្នុងខណ្ឌច្បារអំពៅ បានលើកឡើងថា ក្នុងរយៈកាលការឆ្លងរាលដាលនៃជំងឺកូវីដ១៩ អស់រយៈពេលជាង២ឆ្នាំកន្លងមកនេះ បើទោះបីជាមានការ ព្រួយបារម្ភខ្លះ និងប្រឈមនៃការចម្លងជំងឺនេះ តែបានចូលរួមច្រើនលើការងារទប់ស្កាត់ជំងឺកូវីដ-១៩ មានទាំងការអប់រំផ្សព្វផ្សាយ និងចាក់វ៉ាក់សាំងជូនពលរដ្ឋជាដើម ។ពួកគេ បានបន្តថា ទន្ទឹមនឹងការចូលរួមនេះ ក៏មានការលើកទឹកចិត្តផងដែរ ពីថ្នាក់ដឹកនាំ អាជ្ញាធរ មូលដ្ឋានក្រុមការងារ និងប្រជាពលរដ្ឋ ទើបធ្វើឲ្យពួកគេមានកម្លាំងចិត្តកាន់តែខ្លាំងឡើង មិនខ្លាចនឿយហត់ ។លោកគ្រូពេទ្យ និងអាជ្ញាធរមូលដ្ឋានជាបុរស បានលើកឡើងថា ក្នុងខណ្ឌច្បារអំពៅនេះ សកម្ម ភាពចលនារបស់ស្ត្រី ក្នុងការងារទប់ស្កាត់ជំងឺកូវីដ-១៩ គឺផុលផុសខ្លាំងណាស់ មិនថាថ្ងៃធ្វើការ ឬថ្ងៃឈប់សម្រាកពិសេសនៅថ្ងៃទិវាសិទ្ធិនារីអន្តរជាតិនេះ ពួកគេនៅតែបន្តធ្វើការងារ ដោយមិនមានឈប់សម្រាក ។ពាក់ព័ន្ធនឹងការទប់ស្កាត់ការឆ្លងរាលដាល នៃជំងឺកូវីដ១៩នេះ នៅកម្ពុជា គឺមានសកម្មភាពយ៉ាងសកម្មពីស្ត្រី នៅទូទាំងប្រទេស ហើយក៏មានក្រុមគ្រូពេទ្យមួយចំនួនជាស្ត្រី បានឆ្លងផងដែរនូវជំងឺដ៏កាចសាហាវនេះ រហូតដល់មានការបាត់បង់ជីវិត ដែលវីរភាពរបស់ពួកគេនេះ ធ្វើឲ្យថ្នាក់ដឹកនាំរាជរដ្ឋាភិបាល ក្រសួងសុខាភិបាល និងប្រជាពលរដ្ឋទូទៅ មានការស្ញប់ស្ញែងជាខ្លាំង និងមានការសោកស្ដាយ នៃមរណភាពរបស់ពួកគេ ក្នុងបុព្វហេតុការពារសុខមាលភាពលរដ្ឋ ។គួរបញ្ជាក់ថា នៅឆ្នាំ២០២២នេះ ជាទិវាខួបលើកទី ១១១ នៃទិវាអន្តរជាតិ ០៨ មីនា ក្រោមប្រធានបទ “សមភាពយេនឌ័រថ្ងៃនេះ ដើម្បីចីរភាពនាពេលអនាគត” ៕អត្ថបទ៖ បាន សុខរិទ្ធ

ក្រសួងពាណិជ្ជកម្ម កំពុងពន្លឿននីតិវិធី ដើម្បីដាក់ដំណើរការផ្សារអនឡាញនាពេលខាងមុខ

ភ្នំពេញ៖ ក្រសួងពាណិជ្ជកម្ម បាននិងកំពុងពន្លឿននីតិវិធី និងការរៀបចំប្រព្រឹត្តិទៅ ផ្សារអនឡាញរបស់ខ្លួន ដើម្បីដាក់ដំណើរករនាពេលខាងមុខ បន្ទាប់ពីបានពន្យាពេលដាក់ដំណើរការដែលបានគ្រោងទុកកាលពីចុងឆ្នាំ២០២១។ឯកឧត្តម ប៉ែន សុវិជាតិ អនុរដ្ឋលេខាធិការ និងជាអ្នកនាំពាក្យក្រសួងពាណិជ្ជកម្ម កាលពីរសៀលថ្ងៃទី៨ មីនា ឆ្នាំ២០២២កន្លងទៅ បានបញ្ជាក់ប្រាប់ទូរទស្សន៍ព័ត៌មាន ប៊ីធីវីថា បច្ចុប្បន្ននេះ ក្រុមការងារបានខិតខំប្រឹងប្រែង ដើម្បីរៀបចំផ្សារអេឡិចត្រូនិក ខេមបូឌាត្រេដ ឲ្យដំណើរការទៅដោយរលូននិងល្អប្រសើរ។លោក បន្ថែមថា ផ្សារនេះអាចនឹងដំណើរការឆាប់ៗខាងមុខនេះហើយ ដោយក្រុមការងារកំពុងតាមដានពិនិត្យ និងរៀបចំយ៉ាងម៉ត់ចត់មុនដាក់ឲ្យដំណើរការ។បន្ថែមពីនេះ ក្រសួងពាណិជ្ជកម្ម នឹងអនុញ្ញាតឲ្យសហគ្រាសធុនតូច និងមធ្យមឈានទៅរកទីផ្សារទូលំទូលាយទាំងនៅក្នុងស្រុក និងនៅក្រៅស្រុក ដោយផ្តល់លទ្ធភាពឲ្យពួកគេទទួលបាននូវកំណើនសេដ្ឋកិច្ចឌីជីថលសកល។គិតត្រឹមចុងឆ្នាំ២០២១ ផ្សារខេមបូឌាត្រេដ មានសហគ្រាសធុនតូច និងមធ្យមសរុបចំនួនប្រមាណជាង ៥០ ដែលបានបំពេញលក្ខខណ្ឌក្នុងការដាក់តាំងផលិតផលប្រើប្រាស់ផ្សារនេះ ដែលក្នុងនោះមានផលិតផលចំនួនជាង ៣០០មុខ ជាប្រភេទទំនិញសិប្បកម្ម, ចំណីអាហារកែច្នៃ, ផលិតផលកសិកម្ម, ទំនិញវាយនភណ្ឌនិងសំលៀកបំពាក់, ទំនិញឧស្សាហកម្មខ្នាតតូច។ល៕ អត្ថបទ៖ ឈិត បូរ៉ាវី

បុគ្គលិកបម្រើការងារក្នុងវិស័យឯកជន បន្តទៅចាក់វ៉ាក់សាំងដូសទី៤ ទប់ទល់នឹងអូមីក្រុង

ភ្នំពេញ៖ ស្ថិតក្នុងបរិបទជំងឺកូវីដ-១៩ បុគ្គលិកបម្រើការងារក្នុងវិស័យឯកជន ស្ថិតនៅរាជធានីភ្នំពេញ បន្តទៅ ចាក់វ៉ាក់សាំង ដូសទី៤ ប្រភេទPfizer ដើម្បីបង្កើនអង់ទីគ័រទប់ទល់នឹងការវាយលុកពីជំងឺកូវីដ-១៩។បុគ្គលិកបម្រើការងារក្នុងវិស័យឯកជន មកចាក់វ៉ាក់សាំងនៅមណ្ឌលសុខភាពទួលស្វាយព្រៃ ខណ្ឌ បឹងកេងកង រាជធានីភ្នំពេញ នៅថ្ងៃទី០៧ ខែមីនានេះ បានប្រាប់BTVឱ្យដឹងថា បន្ទាប់ពីចាក់វ៉ាក់សាំងដូស ទី៤រួច គឺបានរួមចំណែកកាត់បន្ថយការភ័យខ្លាចឆ្លងជំងឺកូវីដ-១៩ ជាពិសេសមេរោគបំប្លែងថ្មី អូមីក្រុង ដែលកំពុងរីករាលដាលក្នុងសហគមន៍។ បើទោះបីចាក់វ៉ាក់សាំងរួចក្តី ពួកគេ នៅតែបន្តអនុវត្តវិធានការ សុខាភិបាល និងវិធានការ ៣កុំ ៣ការពារ។លោកអនុបណ្ឌិតសុខភាពសាធារណៈ ចេវ ប៊ុនណា អនុប្រធានមណ្ឌលសុខភាពទទួលស្វាយព្រៃ បានឱ្យដឹងថា បច្ចុប្បន្ន ពលរដ្ឋមកទទួលការចាក់វ៉ាក់សាំងនៅទីតាំងនេះ ហាក់មានថមថយជាងពេលបើកយុទ្ធនាការចាក់វ៉ាក់សាំងដំបូង ដែលក្នុងមួយថ្ងៃ មានប្រមាណ៤០០នាក់ ចាប់ពីកុមារអាយុ ៣ឆ្នាំឡើង ចាក់ពីដូសទី១ ដល់ទី៤។ លោក បានបន្តអំពាវនាវ ដល់ពលរដ្ឋមិនទាន់ចាក់វ៉ាក់សាំងសូមរួសរាន់ មកចាក់ វ៉ាក់សាំងឱ្យបានគ្រប់ៗគ្នា។ការចាក់វ៉ាក់សាំងបង្ការជំងឺកូវីដ-១៩ ជូនប្រជាពលរដ្ឋ គឺជាយុទ្ធសាស្រ្តចម្បងមួយ ដែលរាជរដ្ឋាភិបាលកម្ពុជា បានដាក់ចេញដើម្បីប្រយុទ្ធប្រឆាំងនឹងការរាតត្បានៃជំងឺកូវីដ-១៩។ បច្ចុប្បន្នកម្ពុជារកវ៉ាក់សាំងកូវីដ-១៩ បានជាង៤៣លានដូស រាប់បញ្ជូលទាំងការបញ្ជាទិញពីប្រទេសចិន ជំនួយតាមរយៈយន្ត ការកូវ៉ាក់ និងបណ្តាប្រទេសផ្សេងៗមួយចំនួនទៀត សម្រាប់ប្រើប្រាស់ក្នុងយុទ្ធនាការចាក់វ៉ាក់សាំងជូន ពលរដ្ឋអាយុពី៣ឆ្នាំឡើង ចាប់ពីដូសទី១ ដល់ដូសទី៤៕ អត្ថបទ៖ ទូច សោភ័ណ

រដ្ឋាករទឹកស្វយ័តក្រុងភ្នំពេញ និងក្រុមហ៊ុនជប៉ុន ចុះកិច្ចសន្យាពង្រីកប្រព័ន្ធផ្គត់ផ្គង់ទឹកស្អាតក្រុងតាខ្មៅ

ភ្នំពេញ៖ ព្រឹកថ្ងៃទី៧ ខែមីនានេះ រដ្ឋាករទឹកស្វយ័តក្រុងភ្នំពេញ ចុះហត្ថលេខាលើកិច្ចសន្យាគម្រោងពង្រីកប្រព័ន្ធផ្គត់ផ្គង់ទឹកស្អាតក្រុងតាខ្មៅ រវាងរដ្ឋាករទឹកស្វយ័តក្រុងភ្នំពេញ និងក្រុមហ៊ុន KKKCT CONSORTIUM ក្រោមហិរញ្ញប្បទានឥតសំណងរបស់រដ្ឋាភិបាលជប៉ុន ដែលមានទឹកប្រាក់សរុបចំនួន ៣.៤២១លានយ៉េន ។ពិធីចុះហត្ថលេខាលើកិច្ចសន្យាគម្រោងពង្រីកប្រព័ន្ធផ្គត់ផ្គង់ទឹកស្អាតក្រុងតាខ្មៅខាងលើនេះ ក្រោមវត្តមានឯកឧត្តម អ៊ុំ សុថា រដ្ឋលេខាធិការក្រសួងឧស្សាហកម្ម និងវិទ្យាសាស្រ្ត បច្ចេកវិទ្យា និងនវានុវត្តន៍ និងជាប្រធានក្រុមប្រឹក្សាភិបាល នៃរដ្ឋាករទឹកស្វយ័តក្រុងភ្នំពេញ, ឯកឧត្តម ឡុង ណារ៉ូ អគ្គនាយករដ្ឋាករទឹកស្វយ័តក្រុងភ្នំពេញ និងលោក OKAZAKI Koichi ប្រធានទីប្រឹក្សាបច្ចេកទេស នៃក្រុមហ៊ុន Nihon Suido Consultant Co., Ltd ។ឯកឧត្តម អ៊ុំ សុថា បានថ្លែងថា ដើម្បីចូលរួមចំណែកសម្រេចឲ្យបាននូវគោលដៅទី៦ សី្តពី «ទឹកស្អាត និងអនាម័យ» នៃគោលដៅអភិវឌ្ឍន៍ប្រកបដោយចីរភាពរបស់រាជរដ្ឋាភិបាលកម្ពុជា ដែលកំណត់ថា «ប្រជាពលរដ្ឋរស់នៅតាមទីក្រុង និងទីប្រជុំជនទូទាំងប្រទេស នឹងទទួលបាននូវការផ្គត់ផ្គង់ទឹកស្អាត ១០០% នៅឆ្នាំ២០២៥» រដ្ឋាករទឹកស្វយ័តក្រុងភ្នំពេញ ដោយមានការចង្អុលបង្ហាញ និងគាំទ្រពេញទំហឹងពីសំណាក់ក្រសួងអាណាព្យាបាលទាំងពីរ គឺក្រសួងឧស្សាហកម្មវិទ្យាសាស្រ្ត បច្ចេកវិទ្យា និងនវានុវត្តន៍ និងក្រសួងសេដ្ឋកិច្ច និងហិរញ្ញវត្ថុ បានសហការយ៉ាងជិតស្និទ្ធជាមួយភ្នាក់ងារសហប្រតិបតិ្តការអន្តរជាតិ នៃប្រទេស ជប៉ុន (JICA) ដែលជាដៃគូអភិវឌ្ឍន៍ ដើម្បីពិនិត្យមើលឡើងវិញ និងធ្វើបច្ចុប្បន្នភាព ផែនការមេដំណាក់កាលទី៣ សម្រាប់ឆ្នាំ២០២១-២០៣០ ដែលមានបញ្ចូលនូវគម្រោងអាទិភាពជាច្រើនសម្រាប់ការអភិវឌ្ឍ និងពង្រីក សមត្ថភាពប្រព័ន្ធផលិតកម្ម។ គម្រោងពង្រីកប្រព័ន្ធផ្គត់ផ្គង់ទឹកស្អាតក្រុងតាខ្មៅ គឺជាគម្រោងអាទិភាពមួយ ក្នុងចំណោមគម្រោងអាទិភាពទាំងនោះ ដែលបានទទួលនូវហិរញ្ញប្បទានឥតសំណងពីរដ្ឋាភិបាលជប៉ុន តាមរយៈទីភ្នាក់ងារសហប្រតិបតិ្តការអន្តរជាតិនៃប្រទេសជប៉ុន (JICA) ក្នុងរូបភាពជា Special Purpose Company (SPC) ដែលមានទឹកប្រាក់សរុបចំនួន៣.៤២១លានយ៉េន។បើតាមឯកឧត្តម ឡុង ណារ៉ូ អគ្គនាយករដ្ឋាករទឹកស្វយ័តក្រុងភ្នំពេញ បានឲ្យដឹងថា គម្រោងនេះ នឹងចាប់ផ្តើមដំណើរការសាងសង់នាខែមិថុនា ឆ្នាំ២០២២ និងបញ្ចប់នាខែធ្នូ ឆ្នាំ២០២៤ ដោយក្រុមហ៊ុន ម៉ៅការសាងសង់មកពីប្រទេសជប៉ុន KKKCT CONSORTIUM និងត្រួតពិនិត្យដោយ ក្រុមហ៊ុនទីប្រឹក្សា បច្ចេកទេសមកពីប្រទេសជប៉ុន។ជាមួយគ្នានោះដែរ ឯកឧត្តម រដ្ឋលេខាធិការក្រសួងឧស្សាហកម្ម និងវិទ្យាសាស្រ្ត បច្ចេកវិទ្យា និងនវានុវត្តន៍ សង្ឃឹមនិងជឿជាក់យ៉ាងមុតមាំថា គម្រោងនេះ ពិតជាដំណើរការប្រកបដោយជោគជ័យ ទៅតាមកម្មវិធីដែលបានកំណត់ និងចូលរួមចំណែកបញ្ចប់ជាស្ថាពរនូវបញ្ហាកង្វះទឹកស្អាតនៅរាជធានីភ្នំពេញ និងក្រុងតាខ្មៅ ចាប់ពីឆ្នាំ២០២៤ តទៅ ជាពិសេសនៅក្រោយពេលរោងចក្រប្រព្រឹត្តកម្មទឹកស្អាតបាក់ខែង ជំហានទី១ ត្រូវបានដាក់ឲ្យដំណើរការជាផ្លូវការ៕ អត្ថបទ៖ រដ្ឋា

បក្សយោបាយចំនួន៤ ដាក់បេក្ខជនចូលរួមប្រកួតប្រជែងក្នុងការបោះឆ្នោតឃុំ-សង្កាត់ច្រើនជាងគេ

ភ្នំពេញ៖ ឯកឧត្តម ហង្ស ពុទ្ធា អ្នកនាំពាក្យគណៈកម្មាធិការជាតិរៀបចំការបោះឆ្នោត (គជប) បានឲ្យដឹងថា ក្នុងចំណោមគណបក្សនយោបាយចំនួន១៧ ដែលបានចុះឈ្មោះចូលរួមប្រកួតប្រជែងក្នុងការបោះឆ្នោត ជ្រើសរើសក្រុមប្រឹក្សាឃុំ-សង្កាត់ អាណត្តិទី០៥ គឺមានគណបក្សនយោបាយចំនួន៤ បានដាក់បេក្ខជន ច្រើនជាងគេ។ដំណើរការចុះឈ្មោះបេក្ខជន របស់គណបក្សនយោបាយ ដើម្បីប្រកួតប្រជែងក្នុងការបោះឆ្នោត ជ្រើសរើសក្រុមប្រឹក្សាឃុំ-សង្កាត់ ត្រូវបានបិទបញ្ចប់កាលពីម្សិលមិញ ដែលក្នុងរយៈពេល៣ថ្ងៃ នៃដំណើរការចុះឈ្មោះបេក្ខជនគណបក្សនេះ មានគណបក្សនយោបាយចំនួន១៧ បានដាក់បេក្ខជនរបស់ខ្លួន នៅតាមទីស្នាក់ការគណៈកម្មការរៀបចំការបោះឆ្នោតឃុំ-សង្កាត់រួចរាល់។ នេះបើតាមការឱ្យដឹងពីឯកឧត្តម ហង្ស ពុទ្ធា អ្នកនាំ ពាក្យ (គជប) ។ឯកឧត្តម បានបន្តថា ក្នុងចំណោមគណបក្សនយោបាយចំនួន១៧ មានគណបក្សនយោបាយចំនួន៤ បានដាក់បេក្ខជនច្រើនជាងគេ រួមមាន គណបក្សប្រជាជនកម្ពុជា គណបក្សភ្លើងទៀន គណបក្ស ហ៊្វុនស៊ិនប៉ិច និងគណបក្សខ្មែររួបរួមជាតិ។បន្ទាប់ពីដំណើរការចុះឈ្មោះបេក្ខជនរបស់គណបក្សនយោបាយបានបញ្ចប់ ឯកឧត្តម ហង្ស ពុទ្ធា បានបញ្ជាក់ថា (គជប) នឹងប្រើប្រាស់រយៈពេលមួយសប្តាហ៍ ដើម្បីពិនិត្យឈ្មោះបេក្ខជន ខណៈការចុះឈ្មោះបេក្ខជនគណបក្សនយោបាយអាណត្តិទី៤ មានករណីស្ទួនឈ្មោះ។ការបោះឆ្នោតជ្រើសរើសក្រុមប្រឹក្សាឃុំ-សង្កាត់ នឹងប្រព្រឹត្តទៅនៅថ្ងៃទី០៥ ខែមិថុនា ឆ្នាំ២០២២។ ប្រជាពលរដ្ឋ ដែលមានឈ្មោះក្នុងបញ្ជីបោះឆ្នោតផ្លូវការ ចំនួនជិត ១០លាននាក់ ខណៈការិយាល័យដំណើរ ការរៀបចំការបោះឆ្នោត មានចំនួនជាង២ម៉ឺនទីតាំង ក្នុង១,៦៥២ឃុំ-សង្កាត់ ទូទាំងប្រទេស៕ អត្ថបទ៖ សេក ឧត្តម

បណ្ដាញសង្គម

ព័ត៌មានថ្មីៗ

លោក Trump ព្រមានថាកិច្ចប្រជុំកំពូលអាឡាស្កាជាមួយលោក Putin មានឱកាសនៃការបរាជ័យ២៥%

អន្តរជាតិរិះគន់ផែនការតាំងទីលំនៅថ្មីរបស់អ៊ីស្រាអែល ដោយព្រមានថាអាចនឹងបំផ្លាញដំណោះស្រាយរដ្ឋពីរ

អ៊ីស្រាអែលសម្លាប់មនុស្សរាប់សិបនាក់បន្ថែមទៀត ខណៈបង្កើនការវាយលុកកាន់តែខ្លាំងលើទីក្រុងហ្កាហ្សា

រដ្ឋមន្រ្តីអ៊ីស្រាអែល ប្រកាសផែនការតាំងទីលំនៅដើម្បី «កប់» គំនិតនៃការបង្កើតរដ្ឋប៉ាឡេស្ទីន

[UPDATE] ភ្លៀងធ្លាក់ខ្លាំងយ៉ាងគំហុក នៅតំបន់កាស្មៀរឥណ្ឌា សម្លាប់មនុស្សជិត ៦០នាក់ និងរាប់សិបនាក់បាត់ខ្លួន

លោក Trump និយាយថាលោក Putin ត្រៀមខ្លួនចុះកិច្ចព្រមព្រៀងស្តីពីបញ្ហាអ៊ុយក្រែនដោយសង្ឃឹមថាលោក Zelenskyy នឹងចូលរួម

ពិធីចុះអនុស្សរណៈនៃការយោគយល់គ្នារវាងសាកលវិទ្យាល័យចេនឡា និងសាកលវិទ្យាល័យ Dongshin University នៃសាធារណៈរដ្ឋកូរ៉េ

UN៖ ឧក្រិដ្ឋកម្មសង្រ្គាមទំនងជាបានប្រព្រឹត្តដោយភាគីទាំង ២នៅក្នុងអំពើហិង្សាតំបន់ឆ្នេរប្រទេសស៊ីរី

កង្វះអាំងស៊ុយលីនធ្វើឲ្យអ្នកជំងឺទឹកនោមផ្អែមកុងហ្គោឈឺចាប់នៅតំបន់ភាគខាងកើតដែលញាំញីដោយភ្លើងសង្រ្គាម

រុស្ស៊ី និងអ៊ុយក្រែន ដោះដូរអ្នកទោសម្ខាងៗចំនួន ៨៤នាក់ដូចគ្នា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

សម្តេច ទៀ បាញ់ អញ្ជើញបើកការដ្ឋានកសាងស្ដូបអនុស្សាវរីយ៍នយោបាយឈ្នះឈ្នះ ក្នុងស្រុកអន្លង់វែង

ក្រុមមន្រ្តីជំនាញអភិរក្សរកឃើញកូនផ្សោត១ក្បាល ទើបចាប់កំណើតនៅក្នុងទន្លេមេគង្គ ខេត្តក្រចេះ

រដ្ឋមន្រ្តីក្រសួងផែនការចុះត្រួតពិនិត្យការធ្វើជំរឿនសេដ្ឋកិច្ចនៅខេត្តតាកែវ

គ្រូពេទ្យស្ម័គ្រចិត្តឯកឧត្តម ហ៊ុន ម៉ានី ចូលរួមយុទ្ធនាការចាក់វ៉ាក់សាំងកូវីដជូនពលរដ្ឋខេត្តស្ទឹងត្រែង

ស្រ្តីឆ្នើមៗដែលមានឥទ្ធិពលក្នុងការចូលរួមធ្វើគោលនយោបាយថ្នាក់ជាតិ

ស្រ្តីជាកម្លាំងចលករយ៉ាងសកម្មមួយ ក្នុងយុទ្ធនាការប្រយុទ្ធប្រឆាំងនឹងការឆ្លងរាលដាលនៃជំងឺកូវីដ-១៩

ក្រសួងពាណិជ្ជកម្ម កំពុងពន្លឿននីតិវិធី ដើម្បីដាក់ដំណើរការផ្សារអនឡាញនាពេលខាងមុខ

បុគ្គលិកបម្រើការងារក្នុងវិស័យឯកជន បន្តទៅចាក់វ៉ាក់សាំងដូសទី៤ ទប់ទល់នឹងអូមីក្រុង

បក្សយោបាយចំនួន៤ ដាក់បេក្ខជនចូលរួមប្រកួតប្រជែងក្នុងការបោះឆ្នោតឃុំ-សង្កាត់ច្រើនជាងគេ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

សម្តេច ទៀ បាញ់ អញ្ជើញ​បើកការដ្ឋាន​កសាង​ស្ដូបអនុស្សាវរីយ៍​នយោបាយឈ្នះឈ្នះ ក្នុងស្រុកអន្លង់វែង

ក្រុមមន្រ្តីជំនាញអភិរក្សរកឃើញកូនផ្សោត១ក្បាល ទើបចាប់កំណើតនៅក្នុងទន្លេមេគង្គ ខេត្តក្រចេះ

រដ្ឋមន្រ្តីក្រសួងផែនការចុះត្រួតពិនិត្យការធ្វើជំរឿនសេដ្ឋកិច្ចនៅខេត្តតាកែវ

គ្រូពេទ្យស្ម័គ្រចិត្តឯកឧត្តម ហ៊ុន ម៉ានី ចូលរួមយុទ្ធនាការចាក់វ៉ាក់សាំងកូវីដជូនពលរដ្ឋខេត្តស្ទឹងត្រែង

ស្រ្តីឆ្នើមៗដែលមានឥទ្ធិពលក្នុងការចូលរួមធ្វើគោលនយោបាយថ្នាក់ជាតិ

ស្រ្តីជាកម្លាំងចលករយ៉ាងសកម្មមួយ ក្នុងយុទ្ធនាការប្រយុទ្ធប្រឆាំងនឹងការឆ្លងរាលដាលនៃជំងឺកូវីដ-១៩

ក្រសួងពាណិជ្ជកម្ម កំពុងពន្លឿននីតិវិធី ដើម្បីដាក់ដំណើរការផ្សារអនឡាញនាពេលខាងមុខ

បុគ្គលិកបម្រើការងារក្នុងវិស័យឯកជន បន្តទៅចាក់វ៉ាក់សាំងដូសទី៤ ទប់ទល់នឹងអូមីក្រុង

បក្សយោបាយចំនួន៤ ដាក់បេក្ខជនចូលរួមប្រកួតប្រជែងក្នុងការបោះឆ្នោតឃុំ-សង្កាត់ច្រើនជាងគេ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

សម្តេច ទៀ បាញ់ អញ្ជើញបើកការដ្ឋានកសាងស្ដូបអនុស្សាវរីយ៍នយោបាយឈ្នះឈ្នះ ក្នុងស្រុកអន្លង់វែង