BTV NEWS

អាវុធហត្ថរាជធានីភ្នំពេញ បង្ក្រាបទីតាំងលក់សម្ភារៈអាសអាភាសចំនួន ៣កន្លែង ឃាត់ខ្លួនជនសង្ស័យ ៩នាក់

គណៈបញ្ជាការឯកភាពរាជធានី បន្តចុះបង្ក្រាប Online Scams នៅសង្កាត់ចាក់អង្រែលើ ឃាត់មនុស្ស១៦នាក់

ផ្តន្ទាទោសជនជាប់ចោទ ៦នាក់ ដាក់ពន្ធនាគារអស់មួយជីវិតពាក់ព័ន្ធនឹងករណីឃាតកម្មដោយមានទារុណកម្មលើនិស្សិតជនជាតិកូរ៉េខាងត្បូង

ឃាត់ខ្លួនជនជាតិចិន ៦១នាក់ ក្នុងប្រតិបត្តិការបង្ក្រាបទីតាំង Online Scams នៅខណ្ឌចំនួនពីរ ក្នុងភូមិសាស្រ្តរាជធានីភ្នំពេញ

សន្តិសុខ និង សង្គម

ប្រមុខក្រុមហេសបូឡានៅលីបង់៖ ការវាយប្រហាររបស់អាមេរិកទៅលើប្រទេសយេម៉ែន ប៉ះពាល់ដល់ការដឹកជញ្ជូនពិភពលោក

លោក Hassan Nasrallah ប្រធានចលនាហេសបូឡា (Hezbollah) គាំទ្រដោយអ៊ីរ៉ង់ នៅប្រទេសលីបង់ បាននិយាយកាលពីថ្ងៃអាទិត្យថា ការវាយប្រហារថ្មីៗរបស់សហរដ្ឋអាមេរិក ប្រឆាំងនឹងកងជីវពលហួទី ក្នុងប្រទេសយេម៉ែន នឹងឲ្យប៉ះពាល់ដល់ការដឹកជញ្ជូនពិភពលោក នៅក្នុងសមុទ្រក្រហម។សហរដ្ឋអាមេរិក និងសម្ព័ន្ធមិត្តរបស់ខ្លួន កាលពីដើមសប្តាហ៍នេះ បានបើកការវាយប្រហារជាបន្តបន្ទាប់ សំដៅទៅលើក្រុមឧទ្ទាមហួទី ដែលគាំទ្រដោយអ៊ីរ៉ង់ បន្ទាប់ពីពួកគេ បានវាយប្រហារម្តងហើយម្តងទៀត លើនាវាពាណិជ្ជកម្មនៅសមុទ្រក្រហម។ ចំណែកក្រុមហួទី បានប្តេជ្ញាធ្វើការសងសឹក។លោក Nasrallah បាននិយាយនៅក្នុងសុន្ទរកថាតាមទូរទស្សន៍ថា៖ «ការឈ្លានពាននាពេលថ្មីៗនេះលើប្រទេសយេម៉ែនតំណាងឲ្យភាពខ្វះការពិចារណារបស់សហរដ្ឋអាមេរិក និងអង់គ្លេស និងភាពមិនស៊ីសង្វាក់គ្នារបស់អាមេរិក»។ ចក្រភពអង់គ្លេស បានចូលរួមក្នុងការវាយប្រហារលើកដំបូង ហើយសកម្មភាពនេះត្រូវបានគាំទ្រដោយប្រទេសហូឡង់ កាណាដា បារ៉ែន និងអូស្ត្រាលី។លោកបានបន្ថែមថា៖ «នៅពេលនោះ ជនជាតិអាមេរិកអំពាវនាវកុំឲ្យសង្គ្រាមកាន់តែធំឡើង ពួកគេកំពុងពង្រីកវា»។ប្រធានក្រុមហេសបូឡារូបនេះ បានបន្ថែមថា៖«អ្វីដែលជនជាតិអាមេរិក បានធ្វើនៅសមុទ្រក្រហម នឹងធ្វើឲ្យប៉ះពាល់ដល់នាវាចរណ៍អន្តរជាតិទាំងមូល»។ចាប់តាំងពីការផ្ទុះឡើងនៃសង្រ្គាមហ្កាហ្សា កាលពីថ្ងៃទ៧ ខែតុលា ក្រុមឧទ្ទាមហួទី ដែលគ្រប់គ្រងផ្នែកធំនៃយេម៉ែន បានវាយប្រហារអ៊ីស្រាអែលម្តងហើយម្តងទៀតដោយយានដ្រូន និងមីស៊ីល។

អាមេរិកនិយាយថា ខ្លួនបានបាញ់ទម្លាក់មីស៊ីលប្រឆាំងនាវាពីតំបន់ដែលគ្រប់គ្រងដោយក្រុមហ៊ួទី

យោធាអាមេរិកបាននិយាយកាលពីថ្ងៃអាទិត្យ (១៤ មករា) ថាយន្តហោះចម្បាំងរបស់សហរដ្ឋអាមេរិកបានបាញ់ទម្លាក់មីស៊ីលប្រឆាំងនាវាដែលបាញ់ចេញពីតំបន់របស់ក្រុមសកម្មប្រយុទ្ធហ៊ួទី (Houthi) នៃប្រទេសយេម៉ែន ឆ្ពោះទៅកាន់នាវាពិឃាតរបស់សហរដ្ឋអាមេរិក ដែលកំពុងប្រតិបត្តិការនៅសមុទ្រក្រហមភាគខាងត្បូង។ការស្ទាក់ចាប់តាមអាកាសនេះគឺជាឧបទ្ទវហេតុចុងក្រោយបង្អស់នៅក្នុងសមុទ្រក្រហម ដែលក្រុមហ៊ួទី បាននិងកំពុងវាយប្រហារលើការដឹកជញ្ជូនអន្តរជាតិ នៅក្នុងអ្វីដែលពួកគេនិយាយថា ជាយុទ្ធនាការគាំទ្រប្រជាជនប៉ាឡេស្ទីន ក្រោមការឡោមព័ទ្ធពីកងកម្លាំងអ៊ីស្រាអែល នៅតំបន់ហ្កាហ្សា។ការបាញ់មីស៊ីលពីនេះធ្វើឡើងបន្ទាប់ពីការវាយប្រហារតាមអាកាសជាបន្តបន្ទាប់របស់អាមេរិក និងអង់គ្លេសទៅលើគោលដៅក្រុមហ៊ួទី ក្នុងប្រទេសយេម៉ែន ដែលបានទាក់ទាញការគំរាមកំហែងនៃការឆ្លើយតប «យ៉ាងខ្លាំងក្លា» ពីកងជីវពលដែលគាំទ្រដោយអ៊ីរ៉ង់មួយនេះ។ យោងតាមបញ្ជាការកណ្តាលរបស់សហរដ្ឋអាមេរិក (CENTCOM) ដែលបានចេញផ្សាយព័ត៌មាននៅក្នុងសេចក្តីថ្លែងការណ៍មួយដែលបានបង្ហោះនៅលើប្រព័ន្ធផ្សព្វផ្សាយសង្គម X បានឲ្យដឹងថា មិនមានការរងរបួស ឬការខូចខាតណាមួយដែលត្រូវបានរាយការណ៍នៅក្នុងឧបទ្ទវហេតុចុងក្រោយនេះទេ៕

ភ្នំភ្លើងផ្ទុះក្នុងប្រទេសអ៊ីស្លង់ ខណៈកម្អែលភ្នំភ្លើងហូរចូលដល់ទីក្រុងនេសាទ

អាជ្ញាធរបាននិយាយថា ភ្នំភ្លើងមួយបានផ្ទុះឡើងនៅភាគនិរតីនៃប្រទេសអ៊ីស្លង់កាលពីថ្ងៃអាទិត្យ (១៤ មករា) ជាមួយនឹងកម្អែលហូរទៅដល់ជាយក្រុងនេសាទតូចមួយនៅពេលរសៀល ដោយបានធ្វើឱ្យលំនៅឋានមួយចំនួនត្រូវភ្លើងឆេះ ប៉ុន្តែទីក្រុងនេះត្រូវបានជម្លៀសចេញជាមុន ហើយមិនមានមនុស្សមានគ្រោះថ្នាក់នោះទេ។កម្អែលភ្នំភ្លើង និងផ្សែងហុយចេញពីការផ្ទុះ បានផ្ទុះឡើងពាសពេញតំបន់ដ៏ធំទូលាយ លាតសន្ធឹងដល់ទីប្រជុំជន ហ្គ្រីនដាវីក (Grindavik) ជាទីដែលយ៉ាងហោចណាស់ផ្ទះមួយខ្នងបានឆាបឆេះ។អាជ្ញាធរបាននិយាយថា ការផ្ទុះនេះបានចាប់ផ្តើមកាលពីព្រឹកថ្ងៃអាទិត្យ នៅភាគខាងជើងនៃទីក្រុងនេសាទ ហ្គ្រីនដាវីក ដែលប៉ុន្មានម៉ោងមុនត្រូវបានជម្លៀសចេញជាលើកទីពីរចាប់តាំងពីខែវិច្ឆិកា ដោយសារការភ័យខ្លាចថាការផ្ទុះឡើងជិតកើតមាន ស្របពេលមានសកម្មភាពរញ្ជួយដីអស់ជាច្រើនសប្ដាហ៍។ នេះគឺជាការផ្ទុះភ្នំភ្លើងលើកទីពីរនៅលើឧបទ្វីប រ៉ៃក្យាណេស (Reykjanes) នៅភាគនិរតីប្រទេសអ៊ីស្លង់ ក្នុងរយៈពេលតិចជាងមួយខែ និងជាការផ្ទុះលើកទីប្រាំចាប់តាំងពីឆ្នាំ២០២១ មក៕

អាមេរិកប្រឈមនឹងអាកាសធាតុរដូវរងាយ៉ាងធ្ងន់ធ្ងរ ខណៈទីក្រុងជាច្រើនទប់ទល់នឹងភាពត្រជាក់ខ្លាំង

វីដេអូដែលបានថតនៅថ្ងៃអាទិត្យ (១៤ មករា) បង្ហាញពីផ្លូវនានាដែលគ្របដណ្តប់ដោយព្រិលធ្លាក់ខ្លាំង បន្ទាប់ពីព្យុះរដូវរងាដ៏ធ្ងន់ធ្ងរបានធ្វើឱ្យទីក្រុងជាច្រើនក្នុងសហរដ្ឋអាមេរិក ស្ថិតក្នុងភាពជាប់គាំង។សីតុណ្ហភាពត្រជាក់ដ៏គ្រោះថ្នាក់បានប៉ះពាល់ដល់យុទ្ធនាការនយោបាយ ព្រឹត្តិការណ៍កីឡា និងការធ្វើដំណើរទូទាំងប្រទេស។ ការផ្ទុះឡើងនៃអាកាសធាតុត្រជាក់នៅតំបន់អាក់ទិកនេះបាននាំឱ្យមានការដាច់ចរន្តអគ្គិសនីសម្រាប់អតិថិជនរាប់សែននាក់នៅភាគឦសាន និងប៉ាស៊ីហ្វិកភាគពាយ័ព្យ។សេវាអាកាសធាតុជាតិបានចេញការព្រមាន ដោយមនុស្សជាង ៩៥លាននាក់ស្ថិតក្រោមការណែនាំអំពីអាកាសធាតុត្រជាក់ ហើយរដ្ឋមួយចំនួនរំពឹងថាខ្យល់ត្រជាក់នឹងធ្លាក់ចុះដល់កម្រិតដក ៧០អង្សាហ្វារិនហៃ ដែលប្រហែលនឹងដក ៥៧អង្សាសេ។លក្ខខណ្ឌអាកាសធាតុដ៏ត្រជាក់នេះត្រូវបានគេព្យាករណ៍ថានឹងបន្តកើតមាន ដោយធ្វើឱ្យមានការរំខានដល់ឆាកនយោបាយដ៏មមាញឹកនៅក្នុងរដ្ឋ អាយអូវ៉ា (Iowa) ជាទីដែលបេក្ខជនប្រធានាធិបតីមកពីគណបក្សសាធារណរដ្ឋ ត្រូវបានបង្ខំឱ្យលុបចោលព្រឹត្តិការណ៍នានាមុនពេលការប្រកួតជ្រើសរើសបេក្ខជនដំបូងរបស់គណបក្សនៅថ្ងៃចន្ទនេះ៕

អ្នកនាំពាក្យក្រុមហាម៉ាស៖ ជោគវាសនារបស់ចំណាប់ថ្នូរអ៊ីស្រាអែល ជាច្រើននាក់មិនច្បាស់លាស់នោះទេ

អ្នកនាំពាក្យក្រុមប្រដាប់អាវុធហាម៉ាស លោក អាប៊ូ យ៉ូបៃដា (Abu Ubaida) បាននិយាយកាលពីថ្ងៃអាទិត្យ (១៤ មករា) ថាជោគវាសនារបស់ចំណាប់ថ្នូរជនជាតិអ៊ីស្រាអែលជាច្រើននាក់បានក្លាយទៅជាមិនច្បាស់លាស់។ នៅក្នុងការបង្ហាញខ្លួនតាមកញ្ចក់ទូរទស្សន៍ជាលើកដំបូងរបស់លោកអស់រយៈពេលជាច្រើនសប្តាហ៍ ដោយរំលឹកដល់ថ្ងៃទី១០០ ចាប់តាំងពីការផ្ទុះឡើងនៃសង្រ្គាមមក លោក អាប៊ូ យ៉ូបៃដា បាននិយាយថា ចំណាប់ថ្នូរជាច្រើន «ប្រហែលជាត្រូវបានសម្លាប់» ដោយបន្ទោសជោគវាសនារបស់ពួកគេទៅលើខ្លួនអ៊ីស្រាអែល។លោកបានបន្ថែមថា «ការចរចាណាមួយមុននឹងបញ្ឈប់ការឈ្លានពានរបស់អ៊ីស្រាអែល គឺគ្មានតម្លៃនោះទេ។ ការវាយប្រហារឆ្លងព្រំដែនកាលពីថ្ងៃទី០៧ ខែតុលា ចូលទៅក្នុងប្រទេសអ៊ីស្រាអែល បានកើតឡើងជាការឆ្លើយតបទៅនឹង ការសម្លាប់រង្គាល ១០០ឆ្នាំប្រឆាំងនឹងប្រជាជនរបស់យើង ដែលធ្វើឡើងដោយអ្នកកាន់កាប់ និងក្រុមជនពាលអ៊ីស្រាអែល»។ការវាយប្រហារដោយក្រុមហាម៉ាសនេះបានសម្លាប់មនុស្សជាង ១.២០០នាក់ ដែលជាការបាត់បង់ជីវិតដ៏ធំបំផុតក្នុងមួយថ្ងៃ ចាប់តាំងពីការបង្កើតរដ្ឋអ៊ីស្រាអែលក្នុងឆ្នាំ១៩៤៨ មក។ ក្រុមអ្នកវាយប្រហារបានចាប់ចំណាប់ថ្នូរចំនួន ២៤០នាក់ ហើយបានចាប់ពួកគេទៅកាន់តំបន់ហ្កាហ្សា។ ដោយនិយាយអំពីលទ្ធភាពនៃការពង្រីកការវាយប្រហារ លោក អាប៊ូ យ៉ូបៃដា បានបន្ថែមថាក្រុមនេះទទួលដំណឹងពី «ភាគីជាច្រើននៅក្នុងជួរមុខនៃការតស៊ូ ថាពួកគេនឹងពង្រីកការវាយប្រហាររបស់ខ្លួនទៅលើសត្រូវអ៊ីស្រាអែលនៅប៉ុន្មានថ្ងៃខាងមុខនេះ»៕

កងកម្លាំងការពារអ៊ីស្រាអែល អះអាងថា ក្រុមហាម៉ាសកំពុងធ្វើការរៀបចំការវាយប្រហារភេរវកម្ម នៅទូទាំងពិភពលោក

កងកម្លាំងការពារអ៊ីស្រាអែល (IDF) បានចេញសេចក្តីថ្លែងការណ៍មួយកាលពីថ្ងៃសៅរ៍ ដោយអះអាងថា មេដឹកនាំក្រុមហាម៉ាស កំពុងជួយរៀបចំការវាយប្រហារភេរវកម្ម នៅទូទាំងពិភពលោក ដែលជាផ្នែកនៃយុទ្ធនាការធំជាងប្រឆាំងនឹងមហាអំណាចលោកខាងលិច។កងកម្លាំងការពារអ៊ីស្រាអែល បានចេញផ្សាយរបាយការណ៍នេះ រួមជាមួយនឹងដ្យាក្រាមដែលរៀបរាប់ពីមេបញ្ជាការក្រុមហាម៉ាស ដែលជាប់ពាក់ព័ន្ធនឹងប្រតិបត្តិការភេរវកម្មដែលសង្ស័យ នៅក្នុងសហភាពអឺរ៉ុប។កងកម្លាំងការពារនេះ បានសរសេរថា៖«ការបញ្ជាទិញពីការគ្រប់គ្រងរបស់អង្គការ ការទិញយានដ្រូន និងការប្រើប្រាស់សមាសភាពឧក្រិដ្ឋកម្ម នេះជារបៀបដែលសមាជិកជាន់ខ្ពស់នៃអង្គការភេរវកម្មហាម៉ាស បានផ្សព្វផ្សាយពីការវាយប្រហារលើមនុស្សស្លូតត្រង់ នៅជុំវិញពិភពលោក»។សេចក្តីថ្លែងការណ៍កាលពីថ្ងៃសៅរ៍ បាននិយាយថា៖«ដោយសារមានការរួមកម្លាំងអន្តរអង្គការ ក្នុងប្រទេសអ៊ីស្រាអែល និងនៅបរទេស រូបភាពដ៏ទូលំទូលាយ និងស៊ីជម្រៅនៃសកម្មភាពភេរវកម្មរបស់ក្រុមហាម៉ាសត្រូវបានបង្ហាញឲ្យឃើញយ៉ាងច្បាស់។ព័ត៌មានចារកម្មដែលប្រមូលបាន រួមមាន«ព័ត៌មានលម្អិតនៃតំបន់នៃសកម្មភាព គោលដៅសម្រាប់ការវាយប្រហារ និងអ្នកពាក់ព័ន្ធក្នុងការអនុវត្តសកម្មភាពនេះ ពីមេបញ្ជាការក្រុមហាម៉ាស នៅក្នុងប្រទេសលីបង់ រហូតដល់អ្នកវាយប្រហារចុងក្រោយ នៅក្នុងហេដ្ឋារចនាសម្ព័ន្ធប្រតិបត្តិការ ក៏ដូចជាព័ត៌មានអំពីចេតនាវាយប្រហារស្ថានទូតអ៊ីស្រាអែល នៅប្រទេសស៊ុយអែត ការបញ្ជាទិញយានអាកាសគ្មានមនុស្សបើក (UAVs) និងការប្រើប្រាស់សមាសភាពពីអង្គការឧក្រិដ្ឋកម្ម នៅអឺរ៉ុប។

អ្នកពន្លត់អគ្គិភ័យរាប់រយនាក់ កំពុងទប់ទល់នឹងចំហេះព្រៃនៅរដ្ឋមួយក្នុងប្រទេសអូស្ត្រាលី

ក្រុមអ្នកពន្លត់អគ្គីភ័យរាប់រយនាក់ នៅថ្ងៃអាទិត្យ (១៤ មករា) នេះកំពុងទប់ទល់នឹងចំហេះព្រៃដែលមិនមានការគ្រប់គ្រងនៅជិតរដ្ឋធានី ភឺត (Perth) នៃរដ្ឋវេសស្ទើនអូស្ត្រាលី ក្នុងប្រទេសអូស្រ្តាលី ដោយបានធ្វើឱ្យអាជ្ញាធរជំរុញអ្នករស់នៅក្នុងតំបន់ដែលមានចំហេះព្រៃនោះឱ្យភៀសខ្លួនចេញ។យោងតាមអាជ្ញាធរពន្លត់អគ្គិភ័យបានឱ្យដឹងថា ចំហេះព្រៃជាង ២៥កន្លែង បានកំពុងឆាបឆេះនៅថ្ងៃអាទិត្យនៅក្នុងរដ្ឋដ៏ធំនេះ ដែលបណ្ដាលឲ្យអ្នកស្រុកនៅតំបន់ជនបទ សាយអឺស៍ អហ្វ ជីងជីន (Shires of Gingin) និងនៅក្បែរតំបន់ភ្នំ ជីតធឺរីង (Chittering) ចម្ងាយប្រហែល ៦០គីឡូម៉ែត្រ ភាគខាងជើងនៃទីក្រុង ភឺត ប្រឈមមុខនឹងហានិភ័យពីចំហេះរាលដាលយ៉ាងលឿន។រដូវកាលចំហេះព្រៃដែលមានហានិភ័យខ្ពស់ កំពុងកើតឡើងការនៅក្នុងប្រទេសអូស្ត្រាលី ដោយសារព្រឹត្តិការណ៍អាកាសធាតុ អ៊ែល នីញ៉ូ (El Nino) ដែលត្រូវបានផ្សារភ្ជាប់ជាមួយនឹងព្រឹត្តិការណ៍អាកាសធាតុធ្ងន់ធ្ងរដូចជា ព្យុះស៊ីក្លូន គ្រោះរាំងស្ងួត រលកកម្ដៅ និងចំហេះព្រៃ។ អ្នកនាំពាក្យនៃនាយកដ្ឋានពន្លត់អគ្គីភ័យ និងសេវាសង្គ្រោះបន្ទាន់របស់រដ្ឋបាននិយាយថា អ្នកពន្លត់អគ្គិភ័យចំនួន ២៤០នាក់ កំពុងប្រយុទ្ធនឹងអណ្តាតភ្លើងដែលស្ថិតក្នុងកម្រិតសង្គ្រោះបន្ទាន់ និងជាអត្រាគំរាមកំហែងខ្ពស់បំផុត។ចំហេះដែលបានឆាបឆេះព្រៃទំហំ ៤១៧ហិចតា បានផ្ទុះឡើងកាលពីថ្ងៃសៅរ៍។ អ្នកព្យាករណ៍អាកាសធាតុរបស់ប្រទេសនៅថ្ងៃអាទិត្យបានចេញការព្រមានមួយសម្រាប់ «គ្រោះថ្នាក់ចំហេះដ៏ធ្ងន់ធ្ងរ» នៅក្នុងតំបន់មួយចំនួននៃរដ្ឋ វេសស្ទើន អូស្រ្តាលី ស្របពេលមានការជូនដំណឹងអំពីរលកកម្ដៅចាប់តាំងពីថ្ងៃសៅរ៍៕

កូរ៉េខាងជើងបាញ់មីស៊ីលបាលិស្ទិក ខណៈភាពតានតឹងកើនឡើងខ្លាំង

កូរ៉េខាងត្បូងបាននិយាយថា កូរ៉េខាងជើងបានបាញ់មីស៊ីលរយៈចម្ងាយមធ្យម ពីឆ្នេរភាគខាងកើតរបស់ខ្លួននៅថ្ងៃអាទិត្យ (១៤ មករា) នេះខណៈភាពតានតឹងបានកើនឡើងបន្ទាប់ពីការបាញ់បង្ហោះមីស៊ីលបាលិស្ទិកអន្តរទ្វីបថ្មីៗរបស់ក្រុងព្យុងយ៉ាង និងផ្កាយរណបចារកម្មយោធាដំបូងរបស់ខ្លួន។យោងតាមកងឆ្មាំល្បាតឆ្នេរជប៉ុន បានឲ្យដឹងថា មីស៊ីលដែលកូរ៉េខាងជើងបានបាញ់នោះអាចជាមីស៊ីលបាលិស្ទិក។ ទូរទស្សន៍ NHK បាននិយាយថា មីស៊ីលនោះហាក់ដូចជាបានធ្លាក់ចុះនៅខាងក្រៅតំបន់សេដ្ឋកិច្ចផ្តាច់មុខរបស់ប្រទេសជប៉ុន។មីស៊ីលនៅថ្ងៃអាទិត្យនេះត្រូវបានបាញ់ចេញពីតំបន់មួយនៃទីក្រុងព្យុងយ៉ាង នៅម៉ោងប្រហែល ២:៥៥នាទីរសៀល (ម៉ោងក្នុងស្រុក) នេះបើតាមយោធាកូរ៉េខាងត្បូងបាននិយាយនៅក្នុងសេចក្តីថ្លែងការណ៍មួយដោយបន្ថែមថាទីក្រុងសេអ៊ូល កំពុងដំណើរការការវិភាគលើមីស៊ីលដោយមានការសម្របសម្រួលជាមួយសហរដ្ឋអាមេរិក និងជប៉ុន។កូរ៉េខាងជើងបាននិងកំពុងបង្កើនសម្ពាធលើទីក្រុងសេអ៊ូលក្នុងប៉ុន្មានសប្តាហ៍ថ្មីៗនេះ ដោយប្រកាសថាកូរ៉េខាងត្បូងជា «សត្រូវដ៏សំខាន់» និងនិយាយថា កូរ៉េខាងជើងនឹងមិនរួបរួមគ្នាជាមួយកូរ៉េខាងត្បូងឡើយ ហើយប្តេជ្ញាពង្រឹងសមត្ថភាពរបស់ខ្លួនក្នុងការផ្តល់ការវាយប្រហារនុយក្លេអ៊ែរលើសហរដ្ឋអាមេរិក និងបណ្ដាសម្ព័ន្ធមិត្តរបស់អាមេរិកនៅតំបន់ប៉ាស៊ីហ្វិក៕

ក្រុមហ៊ួទី ប្តេជ្ញាឆ្លើយតបយ៉ាងខ្លាំងក្លា បន្ទាប់ពីការវាយប្រហារថ្មីរបស់អាមេរិក

កងជីវពលហ៊ួទី (Houthi) បានគំរាមថាខ្លួននឹងធ្វើ «ការឆ្លើយតបដ៏ខ្លាំងក្លា និងមានប្រសិទ្ធភាព» បន្ទាប់ពីសហរដ្ឋអាមេរិកបានធ្វើការវាយប្រហារមួយផ្សេងទៀតនៅក្នុងប្រទេសយេម៉ែនពេញមួយយប់ ដោយបង្កើនភាពតានតឹងបន្ថែមទៀត ខណៈដែលទីក្រុងវ៉ាស៊ីនតោន បានប្តេជ្ញាការពារការដឹកជញ្ជូនពីការវាយប្រហារដោយចលនាសម្ព័ន្ធមិត្តអ៊ីរ៉ង់មួយនេះ។ការវាយប្រហារនេះបានបន្ថែមការព្រួយបារម្ភអំពីការកើនឡើងនៃជម្លោះដែលបានរីករាលដាលនៅមជ្ឈិមបូព៌ាចាប់តាំងពីក្រុមសកម្មប្រយុទ្ធប៉ាឡេស្ទីនហាម៉ាស និងអ៊ីស្រាអែលបានធ្វើសង្គ្រាម ដោយសម្ព័ន្ធមិត្តរបស់អ៊ីរ៉ង់ក៏បានចូលប្រឡូកក្នុងជម្លោះចាប់ពីប្រទេសលីបង់ ស៊ីរី និងអ៊ីរ៉ាក់ផងដែរ។ការវាយប្រហារចុងក្រោយបំផុត ដែលសហរដ្ឋអាមេរិកបាននិយាយថាបានវាយប្រហារទីតាំងរ៉ាដាមួយ បានកើតឡើងមួយថ្ងៃបន្ទាប់ពីមានការវាយប្រហាររបស់អាមេរិក និងអង់គ្លេស រាប់សិបដងទៅលើទីតាំងរបស់ក្រុមហ៊ួទី ក្នុងប្រទេសយេម៉ែន។ លោក ម៉ូហាមម៉េដ អាឌុលសាឡាម (Mohammed Abdulsalam) អ្នកនាំពាក្យក្រុមហ៊ួទី បានប្រាប់សារព័ត៌មានរ៉យទ័រថា ការវាយប្រហារចុងក្រោយ រួមទាំងការវាយប្រហារមួយយប់ដែលបានកើតឡើងលើមូលដ្ឋានយោធាមួយក្នុងទីក្រុងសាណា (Sanaa) មិនមានផលប៉ះពាល់ខ្លាំងដល់សមត្ថភាពរបស់ក្រុមក្នុងការរារាំងនាវាដែលពាក់ព័ន្ធជាមួយអ៊ីស្រាអែល មិនឱ្យឆ្លងកាត់សមុទ្រក្រហម និងសមុទ្រអារ៉ាប់នោះទេ៕

ចំនួនអ្នកស្លាប់ខាងប៉ាឡេស្ទីននៅតំបន់ហ្កាហ្សា កើនឡើងដល់ជិត ២៤.២០០នាក់

ក្រសួងសុខាភិបាលប៉ាឡេស្ទីនដែលមានមូលដ្ឋាននៅហ្កាហ្សាបាននិយាយកាលពីថ្ងៃសៅរ៍ (១៣ មករា) ថាចំនួនអ្នកស្លាប់ដែលជាជនជាតិប៉ាឡេស្ទីនពីការវាយប្រហារកំពុងបន្តរបស់អ៊ីស្រាអែល បានកើនឡើងដល់ ២៤.១៩០នាក់ និងមនុស្សជាង ៦៤.០០០នាក់ បានរងរបួសនៅក្នុងជម្លោះជុំថ្មីនៃជម្លោះប៉ាឡេស្ទីននិងអ៊ីស្រាអែល ចាប់តាំងពីថ្ងៃទី០៧ ខែតុលា មក។យោងតាមក្រសួងបានឲ្យដឹងថា អ៊ីស្រាអែលបានធ្វើការវាយប្រហារតាមអាកាសចំនួន ១២លើក លើតំបន់ហ្កាហ្សាស្ទ្រីបក្នុងរយៈពេល ២៤ម៉ោងចុងក្រោយនេះ ដែលបណ្តាលឱ្យមនុស្សចំនួន ១៣៥នាក់ បាត់បង់ជីវិត និងមនុស្ស ៣១២នាក់បានរងរបួស។ ទីភ្នាក់ងារសម្រាលបន្ទុក និងការងាររបស់អង្គការសហប្រជាជាតិសម្រាប់ជនភៀសខ្លួនប៉ាឡេស្ទីននៅតំបន់ជិតបូព៌ា (UNRWA) បានប្រកាសកាលពីថ្ងៃសៅរ៍ថា មនុស្សមួយចំនួនធំត្រូវបានផ្លាស់ទីលំនៅក្នុងរយៈពេល ១០០ថ្ងៃចុងក្រោយនេះដោយសារតែការទម្លាក់គ្រាប់បែកជាបន្តបន្ទាប់។ សេចក្តីប្រកាសបានសង្កត់ធ្ងន់ថា នេះគឺជា «ការផ្លាស់ទីលំនៅដ៏ធំបំផុតរបស់ប្រជាជនប៉ាឡេស្ទីន ចាប់តាំងពីឆ្នាំ១៩៤៨ មក»។ទីជម្រកបណ្ដោះអាសន្នរបស់ទីភ្នាក់ងារ UNRWA ឥឡូវនេះជាជម្រករបស់ប្រជាជនប៉ាឡេស្ទីនជាង ១,៤លាននាក់។ សម្រាប់ប្រជាជននៅហ្កាហ្សា រយៈពេល ១០០ថ្ងៃកន្លងទៅនេះ មានអារម្មណ៍ដូចជារយៈពេល ១០០ឆ្នាំ។ សេចក្តីប្រកាសបានបន្ថែមថា នេះជាពេលវេលាដ៏សំខាន់ដែលយើងត្រូវស្ដារតម្លៃជីវិតមនុស្សឡើងវិញ៕

បណ្ដាញសង្គម

ព័ត៌មានថ្មីៗ

ឯកឧត្តមឧបនាយករដ្ឋមន្ត្រី ហ៊ុន ម៉ានី៖ វិញ្ញាសាតាក់តែងចប់ភ្លាម ប្រឡងភ្លាមតែម្តង

រដ្ឋមន្រ្តីការពារជាតិជប៉ុនលោក Koizumi ច្រានចោលការចោទប្រកាន់ពីយោធានិយមថ្មី

ក្រសួងការងារ៖ ខេត្តចំនួន៤ នៅភូមិភាគឦសាន្ត មានឱកាសការងារជិត ៤,០០០កន្លែង កំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ

ប្រមុខ WHO ទទួចសុំឲ្យមានការបញ្ចុះសពដោយសុវត្ថិភាព អំឡុងធ្វើដំណើរទៅកាន់តំបន់រីករាលដាលឆ្លងជំងឺអេបូឡា

អាជ្ញាធរជាតិអប្សរា និង JQA បិទបញ្ចប់កម្មវិធីអប់រំបរិស្ថានសម្រាប់កុមារ ឆ្នាំ២០២៦ និងប្រគល់រង្វាន់ដល់សិស្សឆ្នើម

អ៊ីរ៉ង់និយាយថា កិច្ចប្រជុំជាមួយអាមេរិកកំពុងបន្ត តែពុំឈានដល់កិច្ចព្រមព្រៀងផ្តាច់ព្រ័ត្រនោះទេ

អភិបាលខេត្តបន្ទាយមានជ័យ អំពាវនាវដល់មន្ត្រីរាជការសប្បុរសជនចូលរួមយុទ្ធនាការ "១ម៉ឺនរៀល ១ម៉ឺននាក់"

អគ្គកុងស៊ុលវៀតណាម រៀបចំកម្មវិធីសប្ដាហ៍វប្បធម៌វៀតណាម ឆ្នាំ២០២៦ នៅខេត្ដសៀមរាប

រដ្ឋបាលខេត្តកំពតត្រៀមទុរេនទុំ ២តោន សម្រាប់ទទួលទេសចរចូលរួមព្រឹត្តិការណ៍ «មរតកផ្លែឈើ និងនំចំណីកំពត»

មន្ត្រីជំនាញ ស្នើដល់កសិករ សហគមន៍ និងអ្នកពាក់ព័ន្ធរួមគ្នាលើកកម្ពស់វិស័យកសិកម្មខេត្តកែប

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877