BTV NEWS

សមត្ថកិច្ចខេត្តមណ្ឌលគិរី និងខេត្តសៀមរាប ឃាត់ខ្លួនជនបរទេសចំនួន១៦២នាក់ ក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យា

ជនបរទេស១៣នាក់ត្រូវបានឃាត់ខ្លួនក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យានៅសៀមរាប

ចៅក្រមស៊ើបសួរសាលាដំបូងរាជធានីភ្នំពេញសម្រេចឃុំខ្លួនជនត្រូវចោទ៨នាក់ជាបណ្តោះអាសន្នពាក់ព័ន្ធអំពើឆបោកតាមឆបោកតាមប្រព័ន្ធអនឡាញ

ត្រឹមថ្ងៃទី១៩កក្កដា សមត្ថកិច្ចរាជធានី-ខេត្ត បង្រ្កាបករណីឆបោកតាមប្រព័ន្ធបច្ចេកវិទ្យា ៥២ទីតាំង ឃាត់ខ្លួនជនសង្ស័យ ២.៧៦៧ នាក់ មានជនជាតិចិនចំនួន ៨៤៣នាក់

សន្តិសុខ និង សង្គម

សាកសព៤នាក់បន្ថែមទៀតត្រូវបានរកឃើញ បន្ទាប់ពីព្យុះបណ្តាលឲ្យអ្នកស្លាប់កើនដល់១៥នាក់

ក្រិក៖ ក្រុមអ្នកសង្គ្រោះរបស់ប្រទេសក្រិក បានរកឃើញសាកសពមនុស្ស៤នាក់បន្ថែមទៀត នៅប្រទេសក្រិកភាគកណ្តាលកាលពីថ្ងៃអាទិត្យ បណ្តាលឲ្យចំនួនអ្នកស្លាប់កើនឡើងដល់១៥នាក់ ដោយសារតែព្យុះភ្លៀងខ្លាំងបំផុតនៅប្រទេសនេះ ចាប់តាំងពីកំណត់ត្រា បានចាប់ផ្តើមក្នុងឆ្នាំ១៩៣០។ យោងតាមអាជ្ញាធរបានឲ្យដឹងថា មនុស្ស២នាក់ផ្សេងទៀតនៅបាត់ខ្លួននៅឡើយ។ ព្យុះ Daniel បានវាយបោកបក់មកលើប្រទេសក្រិករយៈពេល៣ថ្ងៃចាប់តាំងពីថ្ងៃអង្គារនៅចុងរដូវក្តៅដែលក្តៅបំផុតពុំធ្លាប់ត្រូវបានកត់ត្រា ខណៈ បន្សល់ទុកការអូសបន្លាយពេលកាលពីពេលថ្មីនៃការបំផ្លាញ បន្ទាប់ពីចំហេះព្រៃមានមនុស្សស្លាប់ច្រើន។ លំនៅឋាន និងស្ពាន បានបាក់រលំ សាលារៀន ផ្លូវថ្នល់ និងបង្គោលអគ្គិសនីត្រូវបានបំផ្លាញ សត្វពាហៈនៈលង់ទឹក ហើយដំណាំនៅទីវាលតំបន់ Thessaly ដីមានជីវជាតិ ត្រូវបានបំផ្លាញ។ ពលរដ្ឋដែលជាប់គាំងដោយទឹកជំនន់ ត្រូវបានដឹកជញ្ជូនតាមយន្តហោះ ឬផ្ទេរទៅក្នុងទូកសង្គ្រោះនៅទូទាំងតំបន់។អាជ្ញាធរនិយាយថា រហូតមកដល់ពេលនេះ មនុស្ស៤.២៥០ត្រូវបានជម្លៀស ខណៈកិច្ចប្រឹងប្រែងត្រូវបានផ្តោតទៅលើអ្នកភូមិ នៅជិតទីក្រុង Larissa និងនៅជិតទន្លេ Pineios ដែលផ្នែកជាច្រើនបានពេញហៀរបំផ្លាញភូមិជាច្រើនបន្ថែមទៀត។ នាយករដ្ឋមន្ត្រី លោក Kyriakos Mitsotakis បានចុះពិនិត្យ មជ្ឈមណ្ឌលប្រតិបត្តិការធំ ក្នុងតំបន់ Thessaly កាលពីល្ងាចថ្ងៃអាទិត្យ និងបានប្រកាសថា វិធានាការផ្តល់ជំនួយសង្គ្រោះបន្ទាន់ផ្នែកហិរញ្ញវត្ថុចម្រុះ នឹងត្រូវបានផ្តល់ឲ្យដល់អ្នកទាំងឡាយណា ដែលទទួលរងដោយដោយព្យុះ។ លោក Mitsotakis នឹងជួបជាមួយប្រធានគណៈកម្មាធិការអឺរ៉ុប លោកស្រី Ursula von der Leyen ក្នុងទីក្រុង Strasbourg ប្រទេសបារាំងនៅថ្ងៃអង្គារ។ លោកបាននិយាយថា លោក មានបំណងធានាបានថា ប្រទេសក្រិកអាចទទួលបានមូលនិធិបន្ថែមទៀតដើម្បីដោះស្រាយផលប៉ះពាល់ដោយសារព្យុះ ដែលទំហំនៃផលប៉ះពាល់លោកបាននិយាយថា ហួសពីការព្យាករណ៍៕

ការប៉ះទង្គិចគ្នា បានផ្ទុះឡើងនៅក្នុងការដើរក្បួនរំលឹកដល់ជនរងគ្រោះដោយរដ្ឋប្រហារនៅឈីលី

ឈីលី៖កាលពីថ្ងៃអាទិត្យ ការប៉ះទង្គិចគ្នា រវាងក្រុមអ្នកតវ៉ានិងនគរបាល បានផ្ទុះឡើង នៅក្នុងការដើរក្បួនរំលឹកខួបទី៥០ នៃរដ្ឋប្រហារនៅប្រទេសឈីលី។ ក្នុងការប្រឈមមុខដាក់គ្នាដ៏តានតឹងនៅទីបញ្ចុះសពមួយកន្លែង ដោយក្រុមអ្នកតវ៉ារាប់សិបនាក់ដែលភាគច្រើនស្លៀកពាក់ក្នុងសំលៀកបំពាក់ពណ៌ខ្មៅ ដោយមុខរបស់ពួកគេត្រូវបានបិទបាំង បានចូលរួមក្នុងការប្រឈមមុខដាក់គ្នាជាមួយកងកម្លាំងនគរបាលដោយមានគប់ដុំថ្ម និងគ្រាប់បែកភ្លើង។ ជាការឆ្លើយតប នគរបាល បានដាក់ពង្រាយការណុងបាញ់ទឹក និងនគរបាលបង្ក្រាបកុបកម្មដើម្បីបំបែកក្រុមអ្នកតវ៉ា។ ទន្ទឹមនឹងនេះ សមាជិកក្រុមគ្រួសារនៃអ្នកដែលត្រូវបានឃុំខ្លួន បានបាត់ខ្លួនឬត្រូវបានប្រហាជីវិត អំឡុងអំណាចផ្តាច់ការ បានទៅកាន់ទីបញ្ចុះសព ជាកន្លែងដែលព្រឹត្តិការណ៍ ត្រូវបានស្នើសុំឲ្យបញ្ចប់។ខណៈជាមេបញ្ជាការយោធាម្នាក់ លោក Pinochet បានដឹកនាំការផ្តួលរំលំប្រដាប់អាវុធប្រធានាធិបតីសង្គមនិយមដែលជាប់ឆ្នោតតាមបែបលទ្ធិប្រជាធិបរតេយ្យ លោក Salvador Allende នៅថ្ងៃទី១១ ខែកញ្ញា ឆ្នាំ១៩៧៣ ដែលអំឡុងពេលនោះមនុស្សជាង៣.០០០នាក់ត្រួវបានសម្លាប់ និង២៨.០០០ នាក់ត្រូវបានធ្វើទារុណកម្មក្នុងអំពើហិង្សានយោបាយ អំឡុងរបបផ្តាច់ការយោធាឆ្នាំ១៩៧៣ដល់ឆ្នាំ១៩៩០ របស់លោក Pinochet៕

ជំនួបកំពូលក្រុមប្រទេសG20 បិទបញ្ចប់ដោយឥណ្ឌា ប្រេស៊ីលនិងរុស្ស៊ីពោលសរសើរពីជោគជ័យ

ឥណ្ឌា៖ លោកនាយករដ្ឋមន្ត្រីឥណ្ឌាណារិន្ទ្រមូឌី (Narendra Modi)បានបិទបញ្ចប់ជំនួបកំពូល G20 កាលពីថ្ងៃអាទិត្យទី១០ខែកញ្ញា ដែលបានសម្រាលការបែកបាក់គ្នាយ៉ាងខ្លាំងជុំវិញសង្រ្គាមអ៊ុយក្រែន និងបម្រែបម្រួលអាកាសធាតុ ប៉ុន្តែបានផ្ដល់ឱកាសដល់រូបលោកក្នុងការដោះស្រាយបញ្ហាការទូត។ក្រុមប្រទេស G20 ត្រូវបានខ្វែងគំនិតគ្នាជុំវិញសង្រ្គាមអ៊ុយក្រែន ចាប់តាំងពីការវាយលុករបស់ទីក្រុងមូស្គូកាលពីឆ្នាំមុន ដោយប្រធានាធិបតីរុស្ស៊ី លោក Vladimir Putin ពុំបានចូលរួមកិច្ចប្រជុំកំពូលនេះឡើយជាការគេចពីបញ្ហានយោបាយ។ បណ្ដាមេដឹកនាំនៃក្រុមប្រទេសទាំង ២០ ដែលនាំឲ្យរុស្ស៊ី និងចិនជួបគ្នា ក៏ដូចជាក្រុមអ្នកគាំទ្រដ៏ធំបំផុតរបស់អ៊ុយក្រែន នាពេលថ្មីៗនេះ បានជួបការលំបាកក្នុងការឯកភាពលើបញ្ហាជាច្រើន ជាពិសេសអំពីការលុកលុយរយៈពេល ១៨ ខែមកនេះ ។ដោយប្រឈមនឹងភាពអាម៉ាស់ផ្នែកការទូត ម្ចាស់ផ្ទះឥណ្ឌាបានជំរុញសមាជិកទាំងអស់យល់ព្រមលើសេចក្តីថ្លែងការណ៍រួមមួយកាលពីថ្ងៃសៅរ៍ដែលបានរិះគន់ការប្រើប្រាស់កម្លាំងដណ្ដើមយកទឹកដី ប៉ុន្តែបានគេចចេញពីការរិះគន់ចំៗទៅលើរុស្ស៊ី។ ក្រុង Kyiv បាននិយាយថា ក្រុមប្រទេស G20 គ្មានអ្វីគួរឲ្យមានមោទនភាពឡើយ ប៉ុន្តែរដ្ឋមន្ត្រីការបរទេសរុស្ស៊ីលោកហ្សឺហ្គេ ឡារ៉ូហ្វ (Sergei Lavrov) ដែលឈរពាំងលោក Putin ក្នុងកិច្ចប្រជុំកាលពីថ្ងៃអាទិត្យ បានអះអាងទទួលជ័យជម្នះខាងការទូត។ អ្នកការទូតជើងចាស់រូបនេះ បាននិយាយថា យើងអាចទប់ស្កាត់ការប៉ុនប៉ងរបស់បស្ចិមប្រទេសដើម្បីការពារអ៊ុយក្រែនដែលជា របៀបវារៈនៃកិច្ចប្រជុំកំពូលនេះ ដោយហៅការជួបជុំគ្នារយៈពេលពីរថ្ងៃមកនេះថា ជាជោគជ័យ។ កាលពីថ្ងៃអាទិត្យ លោក Modi បានបិទបញ្ចប់ជំនួបនេះដោយប្រគល់ការរៀបចំឲ្យទៅប្រធានាធិបតីប្រេស៊ីល លោក លូស អ៊ីណាស៊ីយ៉ូ លូឡា ដាស៊ីលវ៉ា(Luiz Inacio Lula da Silva) ដែលប្រទេសរបស់លោកនឹងធ្វើជម្ចាស់ផ្ទះជំនួប G20 នៅខែធ្នូ ឆ្នាំក្រោយ។លោកលើកឡើងថា យើងមិនអាចបណ្ដោយឲ្យជម្លោះភូមិសាស្ត្រនយោបាយក្លាយជារបៀបវារៈនៃកិច្ចពិភាក្សាក្នុងជំនួប G20 នោះទេ៕

អ៊ីរ៉ង់ និងអាមេរិក ជិតឈានដល់ការដោះដូរអ្នកទោស ក្រោមកិច្ចព្រមព្រៀងសម្របសម្រួលដោយប្រទេសកាតា

កាតា៖ នៅពេលដែលមូលនិធិអ៊ីរ៉ង់ចំនួន ៦ពាន់លានដុល្លារ ត្រូវបានភ្ជាប់ទៅធនាគារមួយចំនួននៅក្នុងប្រទេសកាតា នៅដើមសប្តាហ៍ក្រោយ វានឹងធ្វើឲ្យមានដំណើរការតាមលំដាប់លំដោយយ៉ាងប្រុងប្រយ័ត្ន ដែលនឹងឃើញជនជាតិអាមេរិកចំនួន៥នាក់ ដែលត្រូវបានឃុំឃាំង ចាកចេញពីប្រទេសអ៊ីរ៉ង់ និងអ្នកទោសអ៊ីរ៉ង់ចំនួនដូចគ្នា ដែលត្រូវបានឃុំខ្លួននៅសហរដ្ឋអាមេរិក ហោះទៅត្រឡប់ទៅប្រទេសមកវិញ នេះបើយោងតាមប្រភពជនជាតិអ៊ីរ៉ង់៨រូប និងប្រភពផ្សេងទៀតដែលដឹងច្បាស់អំពីការចរចា ដែលបាននិយាយជាមួយសារព័ត៌មានរ៉យទ័រ។ជាជំហានដំបូង ប្រទេសអ៊ីរ៉ង់កាលពីថ្ងៃទី១០ ខែសីហា បានដោះលែងពលរដ្ឋអាមេរិក៤នាក់ពីពន្ធនាគារ Evin នៃទីក្រុងតេអេរ៉ង់ ឲ្យទៅឃុំខ្លួននៅក្នុងផ្ទះ ជាកន្លែងដែលពួកគេចូលរួមជាមួយអ្នកទី៥នាក់ ដែលស្ថិតនៅក្រោមការឃុំខ្លួននៅក្នុងផ្ទះ។ ក្រោយមក នៅថ្ងៃនោះ រដ្ឋមន្ត្រីក្រសួងការបរទេសសហរដ្ឋអាមេរិក លោក អង់តូនី ប៊្លីនខិន (Antony Blinken) បានហៅចំណាត់ការនេះថា ជាជំហានដំបូងនៃដំណើរការដែលនឹងនាំទៅដល់ការវិលត្រឡប់របស់ពួកគេទៅកាន់ប្រទេសកំណើតវិញ។រដ្ឋបាលសហរដ្ឋអាមេរិក បាននិយាយថា ពួកគេរួមមានពាណិជ្ជករជាច្រើនរូប ដូចជាលោក Siamak Namazi មានវ័យ ៥១ ឆ្នាំ និងលោក Emad Sharqi មានវ័យ៥៩ ឆ្នាំ ក៏ដូចជាអ្នកបរិស្ថាន លោក Morad Tahbaz មានវ័យ៦៧ឆ្នាំ ដែលមានសញ្ជាតិអង់គ្លេសផងដែរ។ គ្រួសាររបស់លោក Tahbaz និង លោក Shargi ពុំបានឆ្លើយតបនឹងសំណើសុំការអត្ថាធិប្បាយទេ។ មេធាវីរបស់គ្រួសារលោក Namazi បានបដិសេធមិនធ្វើការអត្ថាធិប្បាយទេ៕

មនុស្ស៤នាក់ បានស្លាប់ក្នុងការបំផ្ទុះនៅកន្លែងជីកយកថ្មក្នុងប្រទេសហ្គាណា

ហ្គាណា៖ មន្ត្រីក្នុងតំបន់បាននិយាយកាលពីថ្ងៃអាទិត្យ (១០ កញ្ញា) ថា មនុស្សយ៉ាងហោចណាស់៤នាក់ ត្រូវបានស្លាប់ ក្នុងនោះមានជនជាតិចិនម្នាក់ ក្នុងការផ្ទុះមួយកាលពីល្ងាចថ្ងៃសៅរ៍ (៩ កញ្ញា) នៅកន្លែងជីកយកថ្មក្រានីត នៅភាគខាងលិចប្រទេសហ្គាណា ដែលជាកម្មសិទ្ធិរបស់ក្រុមហ៊ុនចិន Omni Quarries។មន្ត្រីគ្រប់គ្រងគ្រោះមហន្តរាយក្នុងតំបន់ លោក Michael Nyah បាននិយាយថា គេមិនច្បាស់ភ្លាមៗទេថា តើមូលហេតុអ្វីដែលបណ្តាលឱ្យមានការផ្ទុះ ដែលបានបំផ្លាញអគារនៅជិតការដ្ឋានយកថ្មនៅក្នុងស្រុក Shama និងបានបន្សល់ទុកនូវគំនរបាក់បែកនៅពាសពេញផ្ទៃដីកសិកម្មនេះ។ លោក Nyah បានប្រាប់សារព័ត៌មាន រ៉យទ័រ ថា មនុស្ស៤នាក់ទៀតនៅតែបាត់ខ្លួន ខណៈមនុស្ស២នាក់ស្ថិតក្នុងស្ថានភាពធ្ងន់ធ្ងរ ហើយកំពុងព្យាបាលនៅមន្ទីរពេទ្យក្នុងតំបន់៕

ប្រធានាធិបតីប្រេស៊ីល៖ លោកពូទីន នឹងមិនត្រូវចាប់ខ្លួននៅក្នុងកិច្ចប្រជុំ G20 របស់ប្រេស៊ីលនៅឆ្នាំ២០២៤ នោះទេ

ប្រេស៊ីល៖ ប្រធានាធិបតីប្រេស៊ីល លោក Luiz Inacio Lula da Silva បាននិយាយកាលពីថ្ងៃសៅរ៍ (៩ កញ្ញា) ថា មេដឹកនាំរុស្ស៊ីលោក វ្ល៉ាឌីមៀ ពូទីន នឹងមិនត្រូវបានគេចាប់ខ្លួននៅក្នុងប្រទេសប្រេស៊ីលទេ ប្រសិនបើលោកចូលរួមកិច្ចប្រជុំក្រុមប្រទេសទាំង២០ នៅទីក្រុង Rio de Janeiro នៅឆ្នាំក្រោយនេះ។ដោយត្រូវបានសម្ភាសនៅខាងក្រៅកិច្ចប្រជុំ G20 នៅទីក្រុងដេលី្ល ក្នុងកម្មវិធីព័ត៌មាន Firstpost លោក Lula បាននិយាយថា លោកពូទីន នឹងត្រូវបានអញ្ជើញឱ្យចូលរួមក្នុងព្រឹត្តិការណ៍ G20 នៅឆ្នាំក្រោយដោយបន្ថែមថា ខ្លួនលោកផ្ទាល់គ្រោងនឹងចូលរួមកិច្ចប្រជុំ BRICS នៃក្រុមប្រទេសកំពុងអភិវឌ្ឍន៍ ដែលនឹងកំណត់នៅប្រទេសរុស្ស៊ីមុនពេលកិច្ចប្រជុំនៅទីក្រុង Rio ផងដែរ។តុលាការឧក្រិដ្ឋកម្មអន្តរជាតិ (ICC) បានចេញដីកាចាប់ខ្លួនលោក ពូទីន កាលពីខែមីនា ដោយចោទប្រកាន់លោកពីបទឧក្រិដ្ឋកម្មសង្រ្គាម ក្នុងការនិរទេសកុមាររាប់រយនាក់ចេញពីប្រទេសអ៊ុយក្រែនដោយខុសច្បាប់។ រុស្ស៊ីបានបដិសេធថា កងកម្លាំងរបស់ខ្លួនមិនបានជាប់ពាក់ព័ន្ធនឹងឧក្រិដ្ឋកម្មសង្រ្គាម ឬបានបង្ខំកុមារអ៊ុយក្រែននោះទេ។លោកពូទីន បានរំលងការជួបជុំអន្តរជាតិម្តងហើយម្តងទៀត ហើយមិនមានវត្តមាននៅឯកិច្ចប្រជុំ G20 នៅទីក្រុងដេលី្លនោះទេ ដោយបានបញ្ជូនរដ្ឋមន្ត្រីការបរទេស លោក Sergei Lavrov ជំនួសវិញ។ ប្រទេសប្រេស៊ីល គឺជាប្រទេសហត្ថលេខីនៃលក្ខន្តិកៈទីក្រុងរ៉ូម ដែលនាំឱ្យមានការបង្កើតតុលាការឧក្រិដ្ឋកម្ម ICC ។ ការិយាល័យប្រធានាធិបតីរបស់លោក Lula មិនឆ្លើយតបភ្លាមៗចំពោះសំណើសុំការអត្ថាធិប្បាយលើបញ្ហានេះនោះទេ៕

មានការព្រួយបារម្ភជាច្រើនពីបរទេស រួមទាំងការផ្ដល់ជំនួយ ដើម្បីឆ្លើយតបទៅនឹងគ្រោះរញ្ជួយដីនៅម៉ារ៉ុក

ម៉ារ៉ុក៖ មានការផ្តល់ជំនួយ និងប្រតិកម្មជាច្រើនផ្សេងទៀតពីរដ្ឋាភិបាលបរទេស ចំពោះការរញ្ជួយដីដ៏ខ្លាំងក្លា ដែលបានវាយប្រហារប្រទេសម៉ារ៉ុកកាលពីល្ងាចថ្ងៃសុក្រ (៨ កញ្ញា) ដោយបានសម្លាប់មនុស្សជាង២.១០០នាក់ និងបំផ្លាញអគារជាច្រើន នៅក្នុងការរញ្ជួយដ៏មហន្តរាយបំផុត ដែលបានវាយប្រហារប្រទេសនេះក្នុងរយៈពេលជាច្រើនទសវត្សរ៍មក។ប្រទេសអាល់ហ្សេរី ដែលបានផ្តាច់ទំនាក់ទំនងជាមួយប្រទេសម៉ារ៉ុកកាលពីពីរឆ្នាំមុនបាននិយាយថា ខ្លួននឹងបើកដែនអាកាសរបស់ខ្លួន សម្រាប់ការហោះហើរជំនួយមនុស្សធម៌ និងវេជ្ជសាស្រ្តទៅកាន់ប្រទេសម៉ារ៉ុក។ ក្រសួងការបរទេសទួរគីបាននិយាយថា ទីក្រុងអង់ការ៉ាបានត្រៀមខ្លួនជាស្រេចក្នុងការផ្តល់ការគាំទ្រគ្រប់ប្រភេទ «ដើម្បីព្យាបាលអ្នករបួសពីការរញ្ជួយដីនៅប្រទេសម៉ារ៉ុក»។លើសពីនេះ អធិការបតីអាល្លឺម៉ង់ លោក Olaf Scholz បាននិយាយថា ពួកយើងកំពុងស្ថិតក្នុងដំណើរការរៀបចំការគាំទ្រសម្រាប់ម៉ារុក។ សហរដ្ឋអាមេរិក ក៏បានត្រៀមខ្លួនជាស្រេចក្នុងការផ្តល់ជំនួយចាំបាច់ណាមួយ ខណៈប្រទេសម៉ារ៉ុក កំពុងឆ្លើយតបនឹងសោកនាដកម្មនេះផងដែរ។ បន្ថែមពីលើនេះ ប្រទេសបារាំង បានត្រៀមខ្លួនជាស្រេចក្នុងការផ្តល់ជំនួយរបស់ខ្លួនភ្លាមៗសម្រាប់ការជួយសង្គ្រោះ និងជំនួយដល់ប្រជាជន ដែលរងផលប៉ះពាល់ដោយសោកនាដកម្មនេះ។ជាមួយគ្នានេះដែរ ប្រទេសជាច្រើនទៀត រួមមាន អេស្បាញ អ៊ីស្រាអែល ទុយនេស៊ី គុយវ៉ែត រូម៉ានី អារ៉ាប់រួម ឥណ្ឌា រុស្ស៊ី កោះតៃវ៉ាន់ និងស្ថាប័នរបិយវត្ថុអន្តរជាតិ (IMF) ក៏បានសម្តែងការរំលែកទុក្ខយ៉ាងស្មោះស្ម័គ្រចំពោះរដ្ឋាភិបាល និងប្រជាជនម៉ារ៉ុក ហើយត្រៀមខ្លួនរួចជាស្រេចក្នុងការផ្តល់ការគាំទ្រណាមួយដែលត្រូវការដល់ប្រទេសនេះផងដែរ៕

មនុស្សយ៉ាងហោចណាស់២៦នាក់ បានស្លាប់នៅក្នុងឧបទ្ទវហេតុលិចសាឡាងនៅនីហ្ស៊េរីយ៉ា

នីហ្ស៊េរីយ៉ា៖ យ៉ាងហោចណាស់មនុស្ស២៦នាក់បានស្លាប់ និងជាច្រើននាក់ផ្សេងទៀតបានបាត់ខ្លួន បន្ទាប់ពីសាឡាងមួយបានក្រឡាប់នៅលើអាងស្តុកទឹកមួយ នៅភាគខាងជើង កណ្តាលប្រទេសនីហ្ស៊េរីយ៉ា កាលពីថ្ងៃអាទិត្យ (១០ កញ្ញា) ជាឧបទ្ទវហេតុដ៏ធំលើកទីពីរ ដែលបានវាយប្រហារតំបន់នេះក្នុងរយៈពេលបីខែ។លោក Bologi Ibrahim អ្នកនាំពាក្យរបស់អភិបាលរដ្ឋនីហ្ស៊េ ប្រទេសនីហ្ស៊េរីយ៉ា បាននិយាយថា សាឡាងនោះបានដឹកមនុស្សជាង១០០នាក់ រួមទាំងស្ត្រី និងកុមារជាច្រើននាក់ នៅក្នុងតំបន់រដ្ឋាភិបាល Mokwa នៃរដ្ឋនេះ។ លោក Ibrahim បាននិយាយថា ជនរងគ្រោះទាំងនោះ កំពុងធ្វើដំណើរទៅកសិដ្ឋានរបស់ពួកគេ ដោយឆ្លងកាត់ទំនប់ដ៏ធំមួយ។គួររម្លឹកផងដែរថា កាលពីខែកក្កដា មនុស្សជាង១០០នាក់ បានស្លាប់នៅពេលដែលទូកផ្ទុកលើសទម្ងន់បានក្រឡាប់នៅតំបន់ដាច់ស្រយាលនៃរដ្ឋនីហ្សេ ក្នុងប្រទេសនីហ្ស៊េរីយ៉ា ដែលជាគ្រោះមហន្តរាយដ៏អាក្រក់បំផុតមួយក្នុងប៉ុន្មានឆ្នាំថ្មីៗនេះ។ ការផ្ទុកមនុស្សច្រើនលើសកំណត់ និងការថែទាំមិនល្អ គឺជាមូលហេតុចំពោះគ្រោះថ្នាក់ទូកភាគច្រើននៅលើផ្លូវទឹករបស់នីហ្ស៊េរីយ៉ា៕

ពួកតាលីបង់អាហ្វហ្គានីស្ថាន រិះគន់ការបិទច្រកព្រំដែនដ៏សំខាន់ជាមួយប៉ាគីស្ថាន

អាហ្វហ្គានីស្ថាន៖ ពួកតាលីបង់អាហ្វហ្គានីស្ថាន បានរិះគន់ការបិទច្រកព្រំដែនដ៏សំខាន់របស់ខ្លួនជាមួយប្រទេសប៉ាគីស្ថានកាលពីសប្តាហ៍មុន បន្ទាប់ពីការប៉ះទង្គិចគ្នារវាងកងកម្លាំងសន្តិសុខ ដោយនិយាយថា ការផ្អាកពាណិជ្ជកម្ម នឹងធ្វើឲ្យមានការខាតបង់ដ៏ធ្ងន់ធ្ងរសម្រាប់អាជីវកម្ម។ច្រកព្រំដែន Torkham ដ៏មមាញឹក ដែលត្រូវបានបិទកាលពីថ្ងៃពុធ បន្ទាប់ពីកងកម្លាំងតាលីបង់ប៉ាគីស្ថាន និងអាហ្វហ្គានីស្ថាន បានចាប់ផ្តើមបាញ់ប្រហារគ្នាទៅវិញទៅមក នេះបើយោងតាមក្រុមមន្ត្រីក្នុងតំបន់។ ក្រសួងការបរទេសរបស់រដ្ឋបាលតាលីបង់ បាននិយាយនៅក្នុងសេចក្តីថ្លែងការណ៍មួយកាលពីល្ងាចថ្ងៃសៅរ៍ថា៖«ប្រទេសឥស្លាមអេមីរ៉ាតនៃប្រទេសអាហ្វហ្គានីស្ថាន ចាត់ទុកថា ការបិទច្រកព្រំដែន Torkham និងការបើកការបាញ់ប្រហារទៅលើកងកម្លាំងសន្តិសុខអាហ្វហ្គានីស្ថាន ដោយភាគីប៉ាគីស្ថានផ្ទុយពីភាពអ្នកជិតខាងដ៏ល្អ។សេចក្តីថ្លែងការណ៍នោះ បានឲ្យដឹងថា ឧប្បត្តិហេតុនេះ បានចាប់ផ្តើម បន្ទាប់ពីកងកម្លាំងសន្តិសុខប៉ាគីស្ថាន បានបាញ់ទៅលើកងកម្លាំងតាលីបង់អាហ្វហ្គានីស្ថាន ដែលកំពុងជួសជុលប៉ុស្តិ៍សន្តិសុខចាស់មួយ នៅជិតព្រំដែន។ ការិយាល័យកិច្ចការបរទេសប៉ាគីស្ថាន ពុំបានឆ្លើយតបភ្លាមៗចំពោះសំណើសុំការអត្ថាធិប្បាយទេ៕

សហរដ្ឋអាមេរិក និងវៀតណាមយល់ព្រមពង្រឹងទំនាក់ទំនងកាន់តែស៊ីជម្រៅ ខណៈក្ដីបារម្ភពីចិនកើនឡើង

វៀតណាម៖ កាលពីថ្ងៃអាទិត្យ (១០ កញ្ញា) ប្រធានាធិបតីអាមេរិក លោក ចូ បៃដិន បានសាទរចំពោះទំនាក់ទំនងកាន់តែជិតស្និទ្ធជាមួយប្រទេសវៀតណាម ស្របពេលមានក្ដីបារម្ភពីប្រទេសចិនកាន់តែខ្លាំងឡើង ខណៈដែលប្រទេសទាំងពីរបានធ្វើកិច្ចព្រមព្រៀងមួយដើម្បីពង្រឹងកិច្ចសហប្រតិបត្តិការ រួមទាំងលើឧបករណ៍បច្ចេកវិទ្យាបន្ទះអេឡិចត្រូនិក ប៉ុន្តែលោកបៃដិន បាននិយាយថាលោកមិនមានគោលបំណងទប់ស្កាត់ប្រទេសចិននោះទេ។ «ភាពជាដៃគូយុទ្ធសាស្ត្រគ្រប់ជ្រុងជ្រោយ» ជាមួយទីក្រុងហាណូយ គឺជាផ្នែកមួយនៃការជំរុញរបស់ទីក្រុងវ៉ាស៊ីនតោន ដើម្បីពង្រឹងបណ្តាញសម្ព័ន្ធមិត្តរបស់ខ្លួនជុំវិញអាស៊ី និងប៉ាស៊ីហ្វិក ក្នុងការប្រឈមមុខនឹងកំណើនឥទ្ធិពលរបស់ទីក្រុងប៉េកាំង។ខណៈមានភាពច្របូកច្របល់រវាងទំនាក់ទំនងជាមួយទីក្រុងប៉េកាំង ទីក្រុងវ៉ាស៊ីនតោន បានវិនិយោគដ៏ច្រើនសម្បើម ក្នុងការកសាងសម្ព័ន្ធភាពជាផ្នែកនៃយុទ្ធសាស្ត្រឥណ្ឌូប៉ាស៊ីហ្វិករបស់ខ្លួន រួមទាំងកិច្ចសន្ទនាសន្តិសុខចតុភាគីប្រទេសឬ Quad ជាមួយឥណ្ឌា អូស្ត្រាលី និងជប៉ុន ព្រមទាំងសន្ធិសញ្ញា AUKUS ជាមួយអង់គ្លេស និងអូស្ត្រាលី ផងដែរ។ លោក បៃដិន បាននិយាយថា លោកចង់បង្កើតច្បាប់មូលដ្ឋានច្បាស់លាស់សម្រាប់ទំនាក់ទំនងរវាងបណ្ដាប្រទេស។ លោក បៃដិន បានធ្វើដំណើរទៅកាន់ទីក្រុងហាណូយ បន្ទាប់ពីកិច្ចប្រជុំកំពូល G20 ដែលមិនមានការព្រមយល់ព្រមលើដំណាក់កាលនៃបញ្ហាឥន្ធនៈហ្វូស៊ីល ហើយបានគូសបញ្ជាក់ពីការខ្វែងគំនិតយ៉ាងស៊ីជម្រៅ រវាងបណ្ដាប្រទេសជុំវិញការឈ្លានពានរបស់រុស្ស៊ី លើអ៊ុយក្រែន៕

បណ្ដាញសង្គម

ព័ត៌មានថ្មីៗ

ព្រះករុណា ព្រះមហាក្សត្រ និងសម្តេចម៉ែ ព្រះរាជទានព្រះរាជទ្រព្យជូនវីរកងទ័ពតស៊ូប្រយុទ្ធ និងពលី ចំនួន ១០ម៉ឺនដុល្លារ

TOP STORY | សម្ដេចធិបតីចេញគោលនយោបាយពិសេសគាំទ្រដល់យោធិន និងនគរបាលជាតិដែលកំពុងបំពេញប្រតិបត្តិការក្នុងសមរភូមិ គ្រួសារយោធិនពលី របួស ពិការ

អគ្គមេបញ្ជាការកងទ័ពម៉ាឡេស៊ី នឹងបង្កើតក្រុមសង្កេតការណ៍ដែលមានអនុព័ន្ធយោធាម៉ាឡេស៊ី ជាប្រធាន ដើម្បីចេញសង្កេតការណ៍នៅថ្ងៃស្អែកនេះ

មេដឹកនាំកំពូលអ៊ីរ៉ង់ ចោទប្រកាន់លោកខាងលិចថា ប្រើប្រាស់ការទាមទារនុយក្លេអ៊ែរជាពាក្យដោះសារការប្រឈមដាក់គ្នា

ឯកឧត្តម ឌិត ទីណា បន្តសួរសុខទុក្ខពលរដ្ឋភៀសខ្លួន ខណៈបទឈប់បាញ់ចូលជាធរមាន

សមាគមនាវាយុវជនអាស៊ីអាគ្នេយ៍កម្ពុជា រៀបចំ «យុទ្ធនាការគាំពារសុខភាពផ្លូវចិត្តសម្រាប់ជនភៀសសឹក» នៅតាមបណ្ដោយព្រំដែន

ក្រោយការព្រមានពីទុរ្ភិក្ស ជនប៉ាឡេស្ទីននិយាយថា ពួកគេរស់ដូចជាមនុស្សស្លាប់អស់រយៈពេល ៥ខែមកហើយ

ជនប៉ាឡេស្ទីននៅទីក្រុងហ្កាហ្សា រៀបចំពិធីបុណ្យសពសម្រាប់មនុស្សដែលត្រូវបានសម្លាប់តាមច្រកអាកាសអ៊ីស្រាអែល

លោកជំទាវ ហ៊ុន ម៉ាណា ចាត់តំណាងនាំយកអំណោយជូនជនភៀសសឹកចំនួន ៥០០០គ្រួសារ ក្នុងខេត្តឧត្តរមានជ័យ

ប្រជាជនប៉ាឡេស្ទីនយ៉ាងតិច ៦០.០០០នាក់ ត្រូវបានសម្លាប់ ខណៈការវាយលុករបស់អ៊ីស្រាអែលនៅបន្តមាន នៅហ្កាហ្សា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877