BTV NEWS

សមត្ថកិច្ចខេត្តមណ្ឌលគិរី និងខេត្តសៀមរាប ឃាត់ខ្លួនជនបរទេសចំនួន១៦២នាក់ ក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យា

ជនបរទេស១៣នាក់ត្រូវបានឃាត់ខ្លួនក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យានៅសៀមរាប

ចៅក្រមស៊ើបសួរសាលាដំបូងរាជធានីភ្នំពេញសម្រេចឃុំខ្លួនជនត្រូវចោទ៨នាក់ជាបណ្តោះអាសន្នពាក់ព័ន្ធអំពើឆបោកតាមឆបោកតាមប្រព័ន្ធអនឡាញ

ត្រឹមថ្ងៃទី១៩កក្កដា សមត្ថកិច្ចរាជធានី-ខេត្ត បង្រ្កាបករណីឆបោកតាមប្រព័ន្ធបច្ចេកវិទ្យា ៥២ទីតាំង ឃាត់ខ្លួនជនសង្ស័យ ២.៧៦៧ នាក់ មានជនជាតិចិនចំនួន ៨៤៣នាក់

សន្តិសុខ និង សង្គម

អ៊ីស្រាអែលចោទអ៊ីរ៉ង់ថាបានសាងសង់ព្រលានយន្តហោះនៅលីបង់ភាគខាងត្បូង ដើម្បីបើកការវាយប្រហារប្រឆាំងនឹងពលរដ្ឋរបស់ខ្លួន

អ៊ីស្រាអែល៖ អ៊ីស្រាអែលកាលពីថ្ងៃចន្ទ បានចោទប្រកាន់អ៊ីរ៉ង់ថា បានសាងសង់អាកាសយានដ្ឋាននៅប្រទេសលីបង់ភាគខាងត្បូង ដើម្បីប្រើជាកន្លែងដាក់ជើងទម្របាញ់រ៉ុក្កែតសម្រាប់ការវាយប្រហារប្រឆាំងនឹងអ៊ីស្រាអែលឆ្លងកាត់ព្រំដែន ដែលបង្ហាញពីលទ្ធភាពការកើនឡើងនូវភាពតានតឹងរវាងសត្រូវក្នុងតំបន់នេះ។ថ្លែងនៅក្នុងសន្និសីទសន្តិសុខកម្រិតខ្ពស់ដែលរៀបចំដោយសាកលវិទ្យាល័យ Reichman នៅជិតទីក្រុង តែលអាវីវ (Tel Aviv) រដ្ឋមន្ត្រីការពារជាតិលោក Yoav Gallant បានអះអាងថា ប្រទេសអ៊ីរ៉ង់ បាននិងកំពុងសាងសង់ផ្លូវយន្តហោះរត់ដែលកាត់ភ្នំសម្បូរដោយព្រៃ ដែលមានចម្ងាយត្រឹមតែ ២០គីឡូម៉ែត្រ (១២ម៉ាយ) ពីព្រំដែនភាគខាងជើងរបស់អ៊ីស្រាអែល។ លោកGallant បានបង្ហាញរូបថតពីផ្កាយរណប ដែលលោកបាននិយាយថា បង្ហាញពីទីតាំងនោះ ដែលទង់ជាតិអ៊ីរ៉ង់ និងទង់ជាតិនៃក្រុមសកម្មប្រយុទ្ធហេបូឡាហ៍ (Hezbollah) របស់ប្រទេសលីបង់ អាចត្រូវបានគេមើលឃើញ។លោក Gallant បានចោទប្រកាន់ថាអ៊ីរ៉ង់«កំពុងរៀបចំផែនការធ្វើសកម្មភាពប្រឆាំងនឹងពលរដ្ឋអ៊ីស្រាអែល» ដោយប្រើផ្លូវយន្តហោះរត់ជាមូលដ្ឋាន។ បេសកកម្មរបស់អ៊ីរ៉ង់ប្រចាំនៅអង្គការសហប្រជាជាតិ ពុំបានឆ្លើយតបភ្លាមៗចំពោះសំណើសុំការអត្ថាធិប្បាយទេ។ លោករដ្ឋមន្ត្រីការពារជាតិមិនបានបញ្ជាក់ថា ពេលណារូបថតផ្កាយរណប ត្រូវបានថតនោះទេ។ទីតាំងដែលលោកបានផ្តល់ឲ្យនោះ គឺនៅជិតទីក្រុងJezzinនៃប្រទេសលីបង់ដ៏ខ្ពស់ឆ្លងកាត់ព្រំដែនពីទីក្រុងMetulla របស់អ៊ីស្រាអែល។ កាលពីដើមឆ្នាំនេះ ក្រុមសកម្មប្រយុទ្ធហេបូឡាហ៍ បានអញ្ជើញអ្នកសារព័ត៌មានឲ្យទៅមើលសមយុទ្ធយោធានៅក្នុងទីក្រុងក្បែរនោះ ក្នុងប្រទេសលីបង់ភាគខាងត្បូង៕

លំហូរជនអន្តោប្រវេសន៍ទីក្រុងញ៉ូវយ៉ក លប់លើបញ្ហាដ៏រ៉ាំរ៉ៃ

អាមេរិក៖ ទីក្រុងញ៉ូវយ៉កកំពុងប្រឈមមុខកម្រិតនៃភាពគ្មានទីជម្រករស់នៅ ដែលត្រូវបានមើលឃើញចាប់តាំងពីវិបត្តិសេដ្ឋកិច្ចដ៏ធំក្នុងទសវត្សរ៍ឆ្នាំ១៩៣០។ នេះយោងទៅតាមអង្គការចម្រុះសម្រាប់អ្នកគ្មានទីជម្រកជាអង្គការមិនរកប្រាក់កំរ៉ៃ។ គិតត្រឹមពាក់កណ្តាលខែសីហា មានមនុស្សជាង១សែន១ម៉ឺននាក់ ដេកនៅក្នុងប្រព័ន្ធទីជម្រករបស់ទីក្រុងញ៉ូវយ៉ករៀងរាល់យប់។ ហើយចំនួននេះពុំបានរួមបញ្ចូលអ្នកគ្មានទីជម្រករាប់ពាន់អ្នកទៀត ដែលដេកនៅតាមដងផ្លូវ។ការបន្ថែមបន្ទុកដ៏ធ្ងន់នេះមកលើបញ្ហាដ៏រ៉ាំរ៉ៃ គឺលំហូរអ្នកស្វែងរកសិទ្ធជ្រកកោន ដែលបច្ចុប្បន្នមានរហូតដល់ជាងពាក់កណ្តាលនៃចំនួនអ្នកមានទីជម្រករស់នៅ។តួយ៉ាងដូចជានៅទីនេះ ព្រះវិហារនៅទីក្រុង St Bartholomew ជាទីដែលយើងចាប់ផ្តើមការស្នាក់អាស្រ័យ ដែលយើងកំពុងមើលឃើញចំនួនជាមធ្យម នៅកន្លែងដែលមានមនុស្សពី២៥០ ទៅ២៧៥នាក់ ឡើងចុះជាទៀងទាត់។ នៅពេលដែលអ្នកថ្មីបានចាប់ផ្តើមមកដល់ ចំនួនរបស់យើង កើនឡើងជាង ៤០០នាក់។អភិបាលក្រុងញ៉ូវយ៉ក លោក Eric Adams បាននិយាយថា ទីក្រុងកំពុងអស់ថវិកា កន្លែងទំនេរ និងបុគ្គលិកថែទាំ សម្រាប់អ្នកស្វែងរកសិទ្ធជ្រកកោន៕

វិមានក្រឹមឡាំង៖ ជំនួបរបស់លោកពូទីន និងលោក គីម នឹងក្លាយជាដំណើរទស្សនកិច្ចពេញលេញ

រុស្ស៊ី៖ អ្នកនាំពាក្យវិមានក្រឹមឡាំងរបស់រុស្ស៊ី លោក Dmitry Peskov បាននិយាយថា ដំណើរទស្សនកិច្ចរបស់មេដឹកនាំកូរ៉េខាងជើងលោក គីម ជុងអ៊ុន ទៅកាន់ប្រទេសរុស្ស៊ី និងការជួបជាមួយលោកប្រធានាធិបតី វ្លាឌីមៀ ពូទីន នឹងក្លាយជាដំណើរទស្សនកិច្ចពេញលេញ។ ប្រភពកូរ៉េខាងត្បូងមួយបាននិយាយថា លោក គីម បានចេញដំណើរទៅកាន់ប្រទេសរុស្ស៊ីតាមរថភ្លើងពិសេសមួយគ្រឿង ខណៈទីក្រុងព្យុងយ៉ាង និងទីក្រុងមូស្គូ កាលពីថ្ងៃចន្ទ (១១ កញ្ញា) បានបញ្ជាក់ពីជំនួបកំពូលជាមួយលោកប្រធានាធិបតី វ្ល៉ាឌីមៀ ពូទីន ស្របពេលរុស្ស៊ីកាន់តែមានភាពឯកោកាន់តែខ្លាំងឡើងចំពោះសកម្មភាពរបស់ខ្លួននៅអ៊ុយក្រែន។លោក Peskov បាននិយាយថា «នឹងមានកិច្ចពិភាក្សារវាងគណៈប្រតិភូទាំងពីរ ហើយបន្ទាប់ពីនោះ មេដឹកនាំទាំងពីររូប នឹងបន្តទំនាក់ទំនងរបស់ពួកគេក្នុងទម្រង់មួយទល់មួយប្រសិនបើចាំបាច់»។ យោងតាមលោក Peskov បានឲ្យដឹងថា ប្រធានបទសំខាន់នៃកិច្ចពិភាក្សានោះ គឺជាទំនាក់ទំនងទ្វេភាគីរវាងប្រទេសជិតខាងទាំងពីរនេះ។ លោកបន្ថែមថា «យើងនឹងបន្តពង្រឹងមិត្តភាពរបស់យើងបន្តទៀត»៕

មានការតវ៉ាទូទាំងអ៊ីស្រាអែល មុនសម័យប្រជុំតុលាការកំពូលជាប្រវត្តិសាស្ត្រ

អ៊ីស្រាអែល៖ ក្រុមបាតុករប្រឆាំងរដ្ឋាភិបាលអ៊ីស្រាអែលរាប់ពាន់នាក់ បានប្រមូលផ្តុំគ្នានៅឯតុលាការកំពូលកាលពីថ្ងៃច័ន្ទ (១១ កញ្ញា) នៅមុនថ្ងៃនៃសវនាការជាប្រវត្តិសាស្ត្រលើកិច្ចខិតខំប្រឹងប្រែងដោយក្រុមចម្រុះរបស់នាយករដ្ឋមន្ត្រី Benjamin Netanyahu ដើម្បីទប់ស្កាត់អំណាចរបស់តុលាការ។មនុស្សរាប់ពាន់នាក់បានបង្កើតទម្រង់ជាទង់ជាតិអ៊ីស្រាអែលពណ៌ខៀវ និងស ហើយក្រុមអ្នកតវ៉ាទាំងនោះបានស្រែកថា «លទ្ធិប្រជាធិបតេយ្យ» នៅក្នុងការបង្ហាញការគាំទ្រដល់តុលាការកំពូល ដែលនៅថ្ងៃអង្គារ (១២ កញ្ញា)នេះ នឹងកោះប្រជុំចៅក្រមទាំង១៥រូបរបស់ខ្លួនជាលើកដំបូងនៅក្នុងប្រវត្តិសាស្ត្រអ៊ីស្រាអែល។ចៅក្រមទាំងនោះ នឹងស្តាប់ការប្តឹងឧទ្ធរណ៍ប្រឆាំងនឹងវិសោធនកម្មផ្នែកតុលាការ ដែលត្រូវបានគាំទ្រដោយក្រុមចម្រុះជាតិ-សាសនារបស់លោក Netanyahu នៅក្នុងខែកក្កដា ហើយសំណើរនោះបានបង្កឱ្យមានភាពចលាចលទូទាំងប្រទេសចំពោះអ្វីដែលអ្នករិះគន់និយាយថា ជាការប៉ុនប៉ងធ្វើឱ្យអំណាចតុលាការចុះខ្សោយ។យុទ្ធនាការផ្លាស់ប្តូរប្រព័ន្ធតុលាការរបស់រដ្ឋាភិបាលនេះ បានបណ្តាលឱ្យមានវិបត្តិនយោបាយក្នុងស្រុកដ៏អាក្រក់បំផុតរបស់អ៊ីស្រាអែលក្នុងរយៈពេលជាច្រើនឆ្នាំ ដោយមនុស្សរាប់សែននាក់បានចូលរួមក្នុងបាតុកម្មប្រចាំសប្តាហ៍ទូទាំងប្រទេស ចាប់តាំងពីខែមករា នៅពេលដែលវាបានចាប់ផ្តើមមក៕

ចំនួនអ្នកស្លាប់ក្នុងគ្រោះរញ្ជួយដីនៅប្រទេសម៉ារ៉ុក បានកើនឡើង ជាង២.៨០០នាក់ ខណៈអ្នករួចជីវិតស្នាក់នៅក្នុងជំរំតង់

ម៉ារ៉ុក៖ ក្រុមអ្នកភូមិនៅតាមតំបន់មួយចំនួននៃប្រទេសម៉ារ៉ុក ដែលត្រូវបំផ្លិចបំផ្លាញដោយការរញ្ជួយដីដ៏ធ្ងន់ធ្ងរបំផុតរបស់ប្រទេសមួយនេះ ក្នុងរយៈពេលជាងមួយសតវត្សរ៍មកនេះ បានបោះជំរំស្នាក់នៅរហូតដល់យប់ទី៤ កាលពីថ្ងៃចន្ទ ខណៈចំនួនអ្នកស្លាប់ បានកើនឡើងដល់ជាង២.៨០០នាក់។ ក្រុមអ្នកស្វែងរកមកពីប្រទេសអេស្ប៉ាញ ចក្រភពអង់គ្លេស និងកាតា បានចូលរួមជាមួយអាជ្ញាធរម៉ារ៉ុកដើម្បីស្វែងរកអ្នកនៅរស់រានមានជីវិតពីគ្រោះរញ្ជួយដីកម្រិត៦,៨រ៉ិចទ័រ ដែលបានអង្រួនតំបន់ភ្នំ High Atlas កាលពីល្ងាចថ្ងៃសុក្រសប្ដាហ៍មុន ដែលបានផ្ដួលលំនៅឋានសាងសង់ពីដីឥដ្ឋដូចៗគ្នាតាមប្រពៃណីនៅក្នុងតំបន់នេះ ។ ទូរទស្សន៍រដ្ឋបានរាយការណ៍កាលពីល្ងាចថ្ងៃចន្ទថា ចំនួនអ្នកស្លាប់បានឡើងដល់២.៨៦២នាក់ និង ២.៥៦២នាក់ រងរបួស ។ ខណៈតំបន់ភាគច្រើនដែលរងគ្រោះដោយសារការរញ្ជួយនេះ ពិបាកទៅដល់ ក្រុមអាជ្ញាធរពុំបានបញ្ចេញការប៉ាន់ប្រមាណសម្រាប់ចំនួនអ្នកបាត់ខ្លួននោះទេ។ នៅក្នុងភូមិ Tinmel លំនៅឋានភាគច្រើនត្រូវបានបំផ្លិចបំផ្លាញរាបដល់ដី ហើយសហគមន៍ទាំងមូលក្លាយជាវាលរហោឋាន។ ក្លិនស្អុយចេញពីសាកសពសត្វរាប់សិបក្បាល ដែលត្រូវបានកប់ក្រោមគំនរកម្ទេចកម្ទីបានសាយខ្លិនពេញតំបន់ជាច្រើននៅក្នុងភូមិនេះ៕

មនុស្សរហូតដល់២ពាន់នាក់ ត្រូវបានគេព្រួយបារម្ភថាលង់ទឹកស្លាប់បន្ទាប់ពីទីក្រុងប្រទេសលីប៊ីរងជន់លិចដោយទឹកជំនន់ដ៏មហន្តរាយ

លីប៊ី៖ យោងតាមប្រមុខនៃរដ្ឋាភិបាលមួយនៃគូបដិបក្ខទាំងពីរ បានឲ្យដឹងថា មនុស្សរហូតដល់២ពាន់នាក់អាចលង់ទឹកស្លាប់បន្ទាប់ពីព្យុះដ៏មានឥទ្ធិពលបានវាយបោកបក់នាំមកនូវទឹកជំនន់ដ៏មហន្តរាយ នៅទីក្រុង Derna ប្រទេសលីប៊ីភាគខាងកើត។ លោក Ossama Hamad នាយករដ្ឋមន្ត្រីនៃរដ្ឋាភិបាលមានមូលដ្ឋាននៅភាគខាងកើត បាននិយាយកាលពីថ្ងៃចន្ទថាមនុស្សរាប់ពាន់នាក់ត្រូវបានគេជឿថាកំពុងបាត់ខ្លួន បន្ទាប់ពីភ្លៀងធ្លាក់ខ្លាំងកាលពីចុងសប្តាហ៍។អង្គការអឌ្ឍចន្ទក្រហម ក្នុងទីក្រុង Benghazi បានដាក់ចំនួនអ្នកស្លាប់រហូតដល់ជិត២៥០នាក់ ប៉ុន្តែតំបន់ Derna ដែលរងការវាយប្រហារធ្ងន់ធ្ងរបំផុត នៅតែកាត់ផ្តាច់ឆ្ងាយពីមេដឹកនាំតំបន់ ដែលកំពុងអះអាងថា ស្ថានភាពនៅក្នុងទីក្រុងនេះ ហួសពីការគ្រប់គ្រង និងមហន្តរាយ៕

កាតាបញ្ជូនក្រុមរុករក និងជួយសង្រ្គោះទៅកាន់ប្រទេសម៉ារ៉ុក ក្រោយការរញ្ជួនដីសម្លាប់មនុស្ស ២.១២២នាក់

យន្តហោះយ៉ាងហោចណាស់ ៤គ្រឿង បានធ្វើដំណើរចេញពីប្រទេសកាតា ទៅកាន់ទីក្រុង Marrakech កាលពីថ្ងៃអាទិត្យ ដើម្បីបញ្ជូនក្រុមជួយសង្រ្គោះ និងជំនួយ ក្រោយការរញ្ជួយដីសម្លាប់មនុស្សច្រើនបំផុតនៅក្នុងប្រទេសម៉ារ៉ុក ក្នុងរយៈពេលជាង ៦ទសវត្សរ៍កន្លងមកនេះ ។ ព្រះមហាក្សត្រមហាម៉េដទី ៦ បានថ្លែងអំណរគុណដល់ប្រទេសអេស្ប៉ាញ កាតា អង់គ្លេស និងអារ៉ាប់រួម សម្រាប់ការបញ្ជូនជំនួយរបស់ពួកគេ ស្របពេលដែលការរញ្ជួយដីដ៏អាក្រក់បំផុត បានវាយប្រហារប្រទេសមួយនេះ កាលពីយប់ថ្ងៃសុក្រ ។ ប្រទេសម៉ារ៉ុក បានវាយតម្លៃតម្រូវការជំនួយ និងពិចារណាលើសារសំខាន់នៃការសម្របសម្រួលកិច្ចខិតខំជួយសង្រ្គោះ មុនពេលទទួលយកជំនួយពីប្រទេសទាំង ៤នេះ ។ ចក្រភពអង់គ្លេស បានបញ្ជូនយន្តហោះយោធា ២គ្រឿង ផ្ទុកក្រុមជួយសង្រ្គោះ ៦០នាក់ សុនខ ៤ក្បាល និងក្រុមសុខាភិបាលប៉ុន្មាននាក់ទៀត ។ ដោយឡែក ប្រទេសបារាំង និងសហរដ្ឋអាមេរិក ហើយនិងប្រទេសផ្សេងទៀត បានសន្យាផ្តល់ជំនួយផងដែរ ដល់ប្រទេសម៉ារ៉ុក ។ គួរឲ្យដឹងថា ចំណុចកណ្តាលនៃការរញ្ជួយដី ស្ថិតនៅចម្ងាយ ៧២គ.មភាគនិរតីទីក្រុង Marrakech គឺជាទីក្រុងគោលដៅទេសចរណ៍ដ៏មានប្រជាប្រិយភាពមួយរបស់ប្រទេសម៉ារ៉ុក ។ ភូមិតំបន់ភ្នំ Tafeghaghte ស្ថិតនៅចម្ងាយប្រហែល ៦០គ.មភាគនិរតីទីក្រុង Marrakech បានរងគ្រោះខ្លាំងជាងគេបំផុត ដោយមកទល់នឹងពេលនេះ មនុស្ស ៩០នាក់ ក្នុងចំណោមអ្នកភូមិ ២០០នាក់ ត្រូវបានប្រកាសថាស្លាប់ ។ ទូរទស្សន៍រដ្ឋម៉ារ៉ុក បានរាយការណ៍ថា ចំនួនមនុស្សស្លាប់ដោយសារការរញ្ជួយដីនេះ បានកើនឡើងដល់ ២.១២២នាក់ ខណៈដែលអ្នករងរបួសមានចំនួន ២.៤២១នាក់ ៕

ភ្លៀងធ្លាក់បណ្តាលមកពីការបោកបក់នៃព្យុះទីហ្វុង លើប្រទេសចិនសម្រាប់ថ្ងៃទី៧

ភ្លៀងធ្លាក់ខ្លាំង ពីព្យុះទីហ្វុងនៅតែស្ថិតនៅប្រទេសចិនភាគខាងត្បូង ដែលបានវាយបោកបក់សម្រាប់ថ្ងៃទី៧ ខណៈពពកព្យុះដែលធ្វើដំណើរយឺតៗរសាត់ពីខេត្តក្វាងទុង(Guangdong) នៅលើឆ្នេរ Guangxi ដែលបានធ្វើឲ្យជន់លិចតំបន់ទំនាប ធ្វើឲ្យរាំងស្ទះផ្លូវធ្វើដំណើរ និងធ្វើឲ្យពលរដ្ឋជាប់គាំង។ ប្រព័ន្ធផ្សព្វផ្សាយរដ្ឋ បានរាយការណ៍នៅថ្ងៃចន្ទនេះថា នៅក្នុងតំបន់ជន់បទ Bobai ក្នុងតំបន់ Guangxi ក្រុមជួយសង្គ្រោះ នៅលើទូកបានប្រញាប់ប្រញាល់ទាញយកមនុស្សទៅកាន់ទីសុវត្ថិភាពចាប់តាំងពីយប់ថ្ងៃអាទិត្យ ខណៈទឹកមានជម្រៅជាង២ម៉ែត្រ បានធ្វើឲ្យពលរដ្ឋជាប់គាំងដំណើរនៅក្នុងលំនៅឋានក្នុងតំបន់ទំនាប។ព្យុះ Haikui បានចុះខ្សោយពីព្យុះទីហ្វុង មកជាព្យុះត្រូពិក ចាប់តាំងពីវាយបោកបក់ដល់ដីគោកក្នុងខេត្ត Fujian កាលពីថ្ងៃទី៥ ខែកញ្ញា ប៉ុន្តែដំណើរវាយបក់របស់វានៅតែមាន បន្តបំផ្លាញនៅប្រទេសចិន ភាគខាងត្បូង ដោយទីក្រុង Shenzhen ដ៏មានប្រជាប្រីយ៍ បានជន់លិចដោយសារភ្លៀងធ្លាក់ខ្លាំង ចាប់តាំងពីមានកំណត់ត្រាចាប់ផ្តើមក្នុងឆ្នាំ១៩៥២។អ្នកវិទ្យាសាស្ត្រ បានព្រមានថាព្យុះទីហ្វុង បានវាយប្រហារប្រទេសចិន ដែលកាន់តែខ្លាំងឡើងៗ ហើយផ្លូវរបស់វាកំពុងបង្កើនភាពស្មុគស្មាញបន្ថែម ដែលនឹងបង្កើនហានីភ័យគ្រោះមហន្តរាយ ទោះបីនៅក្នុងទីក្រុងឆ្នេរ ដូចជា តំបន់ Shenzhen ជាញឹកញាប់មានព្យុះស៊ីក្លូនត្រូពិកខ្លាំង ហើយមានសមត្ថភាពការពារទឹកជំនន់ខ្លាំងរួចទៅហើយ។

ភ្លៀងធ្លាក់ និងខ្យល់បក់ខ្លាំង វាយប្រហារប្រទេសអេស្ប៉ាញ ភាគពាយព្យ

ភ្លៀងធ្លាក់ខ្លាំង បានវាយប្រហារ នៅប្រទេសអេស្ប៉ាញនៅថ្ងៃចន្ទនេះ មានរយៈពេល២សប្តាហ៍ចាប់តាំងពីទឹកជំនន់ដ៏មហន្តរាយ បានវាយបោកបក់នៅផ្នែកភាគកណ្តាលរបស់ប្រទេសនេះ។វីដេអូថតក្នុងហេតុការណ៍ បានដាក់នៅក្នុងបណ្តាញផ្សព្វផ្សាយសង្គមបង្ហាញឲ្យឃើញដើមឈើដួលទោទន់ក្រុមកម្លាំងខ្យល់ខ្លាំង ខណៈផ្លេកបន្ទោលកើតមាននៅជុំវិញដងផ្លូវជន់លិចដែលអាចមើលឃើញ។ វីដេអូមួយផ្សេងទៀត បានបង្ហាញ ទឹកកំពុងហូរចេញពីឧបករណ៍លាងចាននៅផ្ទះបាយចូលទៅក្នុងបន្ទប់។ កាលពីថ្ងៃអាទិត្យ និងថ្ងៃចន្ទ ទី៣ និងទី៤ ខែកញ្ញា មនុស្សយ៉ាងហោចណាស់៥នាក់បានស្លាប់ បន្ទាប់ពីភ្លៀងធ្លាក់វាយបោកបក់នៅតំបន់ធំៗជាច្រើនរបស់ប្រទេសអេស្ប៉ាញ។

ជនជាតិថៃ០៤នាក់ ជាប់ពាក់ព័ន្ធនឹងឃាតកម្មសម្លាប់មួយគ្រួសារ ត្រូវឃាត់បានក្នុងទឹកដីកម្ពុជា

ភ្នំពេញ៖ ជនសង្ស័យជាជនជាតិថៃចំនួន០៤នាក់ ដែលមានជាប់ពាក់ព័ន្ធនឹងអំពើឆបោកតាមប្រព័ន្ធ អនឡាយ រហូតក្លាយជាដើមចម ដែលបង្កឱ្យមានជាអំពើឃាតកម្មសម្លាប់មួយគ្រួសារ នៅក្នុងទឹកដីប្រទេសថៃ ត្រូវបានកម្លាំងសមត្ថកិច្ចរបស់កម្ពុជា សហការជាមួយនគរបាលភូមិន្ទថៃ បើកប្រតិបត្តិការស្រាវជ្រាវ នឹងឈានដល់ឃាត់ខ្លួនបាន នៅក្នុងក្រុងប៉ោយប៉ែត ខេត្តបន្ទាយមានជ័យ កាលពីថ្ងៃទី០៩ ខែកញ្ញា ឆ្នាំ២០២៣ ។ប្រតិបត្តិការនេះ ធ្វើឡើងក្រោមបទបញ្ជាដ៏ម៉ឺងម៉ាត់របស់ឯកឧត្តមនាយឧត្តមសេនីយ៍ ស ថេត អគ្គស្នងការ នៃអគ្គស្នងការដ្ឋាននគរបាលជាតិ និងមានការចង្អុលដឹកនាំដោយផ្ទាល់ពី ឯកឧត្តម ឧត្តមសេនីយ៍ឯក ឌី វិជ្ជា អគ្គស្នងការរងនគរបាលជាតិ ទទួលដឹកនាំនាយកដ្ឋានកណ្តាលសន្តិសុខ អនុញ្ញាតឱ្យកម្លាំងនគរបាលនាយកដ្ឋានប្រឆាំងបទល្មើសបច្ចេកវិទ្យា សហការជាមួយ នាយកដ្ឋានប្រឆាំងបទល្មើសល្បែងពាណិជ្ជកម្ម និងនគរបាល នៃស្នងការដ្ឋាននគរបាលខេត្តបន្ទាយមានជ័យ និងដោយមានការចូលរួមពីនគរបាលភូមិន្ទប្រទេសថៃផងដែរ ។ ក្នុងប្រតិបត្តិការស្រាវជ្រាវក្នុងរយៈពេល១សប្តាហ៍ ពោលគិតចាប់ពីថ្ងៃទី០៤ ខែកញ្ញា ឆ្នាំ២០២៣ កម្លាំងនគរបាល នៃប្រទេសទាំងពីរ បានស្វែងរកឃើញ និងធ្វើការបង្ក្រាបបានជនសង្ស័យ០៤នាក់ ក្នុងចំណោមបក្សពួកមួយចំនួនផ្សេងទៀត ដែលជាប់ពាក់ព័ន្ធនឹងអំពើឃាតកម្មសម្លាប់មួយគ្រួសារ ដែលកំពុងសំងំលាក់ខ្លួនក្នុងខេត្តបន្ទាយមានជ័យ ។ក្រោយការចាប់ឃាត់ខ្លួនបាន ជនសង្ស័យទាំង០៤នាក់ ត្រូវបានបំពេញសំណុំបែបបទប្រគល់ជូនសមត្ថកិច្ចភូមិន្ទថៃ ដើម្បីយកទៅបន្តនីតិវិធីច្បាប់ ក្នុងប្រទេសរបស់ខ្លួនវិញ ។គួររំលឹកថា កាលពីយប់ថ្ងៃទី២៨ ខែសីហា ឆ្នាំ២០២៣ មានអំពើឃាតកម្មដ៏សាហាវមួយបានកើតឡើងនៅក្នុងខេត្តសាមុតប្រកាន ប្រទេសថៃ ដោយបុរសជាប្តី និងជាឪពុក ឈ្មោះសានីត ដកម៉ៃ វ័យ៤១ឆ្នាំ បានសម្លាប់ស្ត្រីជាប្រពន្ធ និងកូនរបស់ខ្លួនចំនួន០២នាក់ទៀត បណ្តាលឱ្យស្លាប់ ហើយរូបគេព្យាយាមសម្លាប់ខ្លួនឯងតាមក្រោយ តែមិនសម្រេច បណ្តាលឱ្យរងរបួសធ្ងន់ ។ផ្អែកតាមប្រភពព័ត៌មានពីសមត្ថកិច្ចប្រទេសថៃ បានឱ្យដឹងថា ដំបូងឡើយបុរសជាឃាតករ បានធានាឈ្មោះជួយខ្ជីលុយឱ្យមិត្តភក្តិរបស់ខ្លួនប្រមាណ ១១៤០០ដុល្លារ ប៉ុន្តែក្រោយមកមិត្តភក្តិរបស់ខ្លួនបានរត់គេចខ្លួនបាត់ ធ្វើឱ្យរូបគេជាអ្នករ៉ាប់រងបំណុល ដែលបានធ្វើឱ្យរូបគេពិបាកចិត្តជាខ្លាំង ។ ដោយស្ត្រីជាប្រពន្ធបានដឹងរឿងរ៉ាវ និងឃើញប្តីពិបាកចិត្តផងនោះ ក៏បានទៅរកសេវាកម្ចីអនឡាយ ហើយក៏ត្រូវបានចាញ់បោកក្រុមកម្ចី រហូតឈានដល់ជំពាក់បំណុលខាងក្រុមកម្ចីអនឡាញប្រមាណ ៤៨០០០ ដុល្លារបន្ថែមទៀត។ ដោយសារកត្តាចាញ់បោកខាងកម្ចីអនឡាយ រហូតកើតសាច់ប្រាក់ជំពាក់គេកាន់តែច្រើនរហូតវ័ន្តករនេះហើយ ទើបធ្វើឱ្យបុរសជាប្តីកើតមានសម្ពាធផ្លូវចិត្តខ្លាំង ក៏សម្រេចចិត្តសម្លាប់ផ្តាច់ជីវិតក្រុមគ្រួសារទាំងអស់តែម្តង៕ ដោយ ៖ ម៉ម លីហេង

បណ្ដាញសង្គម

ព័ត៌មានថ្មីៗ

ក្រសួងអភិវឌ្ឍន៍ជនបទផ្តល់សម្ភារៈអនាម័យ និងបង្គន់អនាម័យ១៦បន្ទប់នៅទីតាំងជម្លៀសជនភៀសសឹកមកពីថ្មដា

ឯកឧត្តមរដ្ឋមន្ត្រី ឌិត ទីណា បន្តសួរសុខទុក្ខពុកម៉ែបងប្អូនភៀសសឹកនៅស្រុកភ្នំស្រុក ខេត្តបន្ទាយមានជ័យ

ប្រទេសបារាំងវាយតម្លៃខ្ពស់ចំពោះការប្រកាសពីបទឈប់បាញ់ដែលចូលជាធរមានរវាងកម្ពុជា និងថៃ

ទីក្រុងប៉េកាំង រក្សាសម្ពាធលើការនាំចេញរ៉ែកម្រលើសហរដ្ឋអាមេរិក

ប្រមុខការពារជាតិកម្ពុជាទូរស័ព្ទទៅមេការពារជាតិស្តីទីថៃ ពិភាក្សាគ្នាលើបញ្ហាមួយចំនួនដែលបានកើតឡើង អំឡុងពេលអនុវត្តបទឈប់បាញ់

ប្រមុខការពារជាតិអ៊ីស្រាអែល ព្រមានជាថ្មីថានឹងតាមកម្ទេចក្រុមហាម៉ាស ប្រសិនបើមិនដោះលែងចំណាប់ថ្នូរ

ក្តីសង្ឃឹមសន្តិភាពអ៊ុយក្រែន នៅតែស្រពេចស្រពិល ខណៈលោក Trump បង្ខំលោក Putin ធ្វើបទឈប់បាញ់

ក្រុមពន្លត់អគ្គិភ័យ រាប់រយនាក់បន្តប្រឹងប្រែងទប់ស្កាត់ចំហេះព្រៃធំៗនៅប្រទេសទួរគី ក្រិក អាល់បានី និងប៊ុលហ្គារី

កូរ៉េខាងត្បូង នឹងកំណត់គោលដៅលើកិច្ចព្រមព្រៀងពាណិជ្ជកម្មអាមេរិកដែលមានអត្ថប្រយោជន៍ទៅវិញទៅមក

ប្រមុខអង្គការសហប្រជាជាតិ ស្វាគមន៍កិច្ចព្រមព្រៀងឈប់បាញ់រវាងកម្ពុជា និងថៃ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877