នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ស្នងការរាជធានី ដាក់ចេញនូវគោលការណ៍បង្ការ ទប់ស្កាត់រាល់បទល្មើស និង អនុវត្ត​ប្រកប​ដោយ​ក្រម​សីលធម៌​វិជ្ជាជីវៈនគរបាល
ក្មេងទំនើង៣នាក់​បំផ្លាញទ្រព្យសម្បត្តិសាធារណៈ​ត្រូវបានឃាត់ខ្លួន ធ្វើកិច្ច​សន្យា​អប់រំ​ណែនាំ​ដោយ​មាន​ការធានាពីអាណាព្យាបាល ដើម្បី​អប់រំ​នៅ​មូលដ្ឋាន​បន្ត
រយៈពេល១ខែកន្លះចុងឆមាសទី១នេះ សមត្ថកិច្ចរាជធានី បង្ក្រាបបទល្មើសគ្រឿងញៀន ឃាត់មនុស្ស៧៣នាក់
​កម្លាំងនគរបាលស្រុកស្វាយជ្រំយកចិត្តទុកដាក់ទប់ស្កាត់និងបង្ក្រាប ធ្វើឱ្យបទល្មើសថយចុះស្ទើរទាំងស្រុង

សន្តិសុខ និង សង្គម

ព្រហ្មទណ្ឌកំរិតស្រាលបង្ក្រាបករណីបង្ខាំងមនុស្សជំរិតទារប្រាក់១ម៉ឺនដុល្លារចាប់ខ្លួន៤នាក់

2022/09/24 01:02:31 pm        436
Facebook Telegram Linkin
ភ្នំពេញ៖ យោងតាមប្រភពព័ត៌មានពីនគរបាលព្រហ្មទណ្ឌកំរិតស្រាល នៃស្នងការដ្ឋាននគរបាលរាជធានីភ្នំពេញ ដែល BTV ទទួលបាន នាព្រឹកថ្ងៃទី២៤ កញ្ញា ឱ្យដឹងថា កាលពីថ្ងៃទី២២ ខែកញ្ញា ឆ្នាំ២០២២ វេលាម៉ោង១៧ និង ៥០ នាទី ដោយមានការអនុញ្ញាត​ពី​លោក ម៉ុត ដារ៉ា ព្រះរាជអាជ្ញារង នៃអយ្យការអមសាលដំបូងរាជធានីភ្នំពេញ កម្លាំងការិយាល័យ សហការជាមួយសមត្ថកិច្ចមូលដ្ឋានបានចុះធ្វើការត្រួតពិនិត្យផ្ទះសំណាក់ហ្វែរីឡែន ផ្ទះលេខ៩៩ ផ្លូវលេខ១៤១ សង្កាត់វាលវង់ ខណ្ឌ៧មករា រាជធានីភ្នំពេញ ចាប់ខ្លួនជនសង្ស័យ ៤នាក់ ពាក់ព័ន្ធ​ករណី​ចាប់ឃុំឃាំង និងបង្ខាំងជនរងគ្រោះធ្វើទារុណកម្មជំរិតទារប្រាក់ ចំនួន ១០,០០០ដុល្លារ​អាមេរិក ។ហេតុការណ៍នេះ បានកើតឡើងកាលពីថ្ងៃទី២៧ ខែសីហា ឆ្នាំ២០២២មកម្លេះ រហូតដល់ថ្ងៃទី២២ ខែកញ្ញា ឆ្នាំ២០២២ ទើបសមត្ថកិច្ចស្រាវជ្រាវបង្ក្រាបបាន ។ ជនសង្ស័យទាំង ៤នាក់ ១-ឈ្មោះ VO HONG QUAN ភេទប្រុស អាយុ ៣៥ ឆ្នាំ ជនជាតិ វៀតណាម មុខរបរ លក់ដូរ ស្នាក់នៅមិនពិតប្រាកដ ។២-ឈ្មោះTRAN TINH HUY ភេទ ប្រុស អាយុ ៣៣ ឆ្នាំ ជនជាតិ វៀតណាម មុខរបរ កសិករ ស្នាក់នៅមិនពិតប្រាកដ ។ ៣-ឈ្មោះ NGUYEN VAN VO ភេទប្រុស អាយុ៤២ ឆ្នាំ ជនជាតិវៀតណាម ស្នាក់នៅមិនពិតប្រាកដ ។ ៤-ឈ្មោះ LUONG VON THIET ភេទប្រុស អាយុ២៥ ឆ្នាំ ជនជាតិវៀតណាម ស្នាក់នៅមិនពិតប្រាកដ ។ ចំណែកជនរងគ្រោះឈ្មោះ HUYNH VAN PHONG ភេទ ប្រុស ជនជាតិវៀតណាម ។សមត្ថកិច្ច ប្រាប់បញ្ជាក់អោយដឹងថា ករណីនេះផ្តើមឡើង​ ដោយសារការខ្ចីលុយលេងល្បែង​កាស៊ីណូ ហើយជនរងគ្រោះមិនមានលុយសងក្រុមជនសង្ស័យវិញ កើតឡើងកាលពីថ្ងៃទី២៧ ខែសីហា ឆ្នាំ២០២២ រហូតដល់ថ្ងៃទី២២ ខែកញ្ញា ឆ្នាំ២០២២ ទើបសមត្ថកិច្ចបង្ក្រាបបាន ។ចំពោះករណីនេះ សមត្ថកិច្ចជំនាញកំពុងកសាងសំណុំរឿង ដើម្បីបញ្ជូនទៅកាន់សាលាដំបូង​រាជធានីភ្នំពេញ ផ្តន្ទាទោសតាមច្បាប់ ៕ តារាវុទ្ធី

អ្នកជួយសង្គ្រោះជនរងគ្រោះម្នាក់លិចទូក រដ្ឋបាលខេត្ត នឹងផ្តល់ជូនថវិកាលើកទឹកចិត្ត២លានរៀល

2022/09/23 02:26:38 pm        1353
Facebook Telegram Linkin
ភ្នំពេញ៖ ប្រតិបត្តិការនៃការស្វែងរកជនរងគ្រោះបាត់ខ្លួនទាំង ២៣នាក់ បាននិងកំពុងធ្វើឡើងនៅផ្ទៃ​សមុទ្រ ដែលជាទីតាំងលិចទូក និងភូមិសាស្ត្រជុំវិញទីតាំងកើតហេតុ ​នៅចន្លោះពយសារឿង និង​កោះតាង​ស្ថិតក្នុងភូមិសាស្រ្តខេត្តព្រះសីហនុ ​កាលពីថ្ងៃទី២២ ខែកញ្ញា ឆ្នាំ២០២២។ រដ្ឋបាលខេត្តព្រះសីហនុ ​សូមប្រកាសដល់ក្រុមជួយសង្គ្រោះ​ ឬទូកនេសាទទាំងអស់ ក្នុងករណី​សង្គ្រោះបាន​ជនរងគ្រោះម្នាក់ នឹងផ្តល់ជូនថវិកាលើកទឹកចិត្តចំនួន ២លានរៀន។ករណីខាងលើនេះ​ ក្រោយពីបានធ្វើការសាកសួរទៅលើឈ្មោះ ​CHENGUI SHENG ភេទប្រុស ឆ្នាំកំណើត ​១៩៩៥ ស្រុកំណើត ខេត្តហ្វូចៀន ប្រទេសចិន ជាតំណាងជនរងគ្រោះ បានប្រាប់ថា នៅលើទូកមានជនជាតិចិនសរុបចំនួន ​៤១នាក់ ស្រី ០៣នាក់ ​សង្រ្គោះបាន១៨នាក់ បាត់ខ្លួនចំនួន ២៣នាក់ ​ស្រី ០៣នាក់។ បច្ចុប្បន្នជនរងគ្រោះទាំង​ ១៨នាក់ ត្រូវបានយកទៅរក្សាទុក ​នៅវរសេនាតូចលេខ២៤០ (កោះរ៉ុង) ដើម្បី​ធ្វើការសួរនាំ ​និងកំពុងស្វែងរកជនរងគ្រោះបាត់ខ្លួន ​២៣នាក់បន្តទៀត។ ជាមួយគ្នានេះ កម្លាំងអង្គភាពបានធ្វើការឃាត់ទូកចំនួន​ ០១គ្រឿងផ្សេងទៀត ​មានមនុស្សចំនួន ០២នាក់​ជាជនជាតិខ្មែរ ​ដោយបានប្រគល់ជូនអធិការដ្ឋាននគរបាលក្រុងព្រះសីហនុ ​ខេត្តព្រះសីហនុ សួរនាំតាមនីតិវិធី ​ដោយឡែកទូករក្សាទុកនៅអង្គភាព។ នេះជាការបញ្ជាក់ឱ្យដឹងពី​អ្នកនាំ​ពាក្យ​សាលាខេត្ដ​ព្រះសីហនុ លោក ឃាង ភារម្យ។ជនរងគ្រោះ បានឱ្យដឹងថា ទូកនេះ បានធ្វើដំណើរចេញពីប្រទេសចិន (កំពង់ផែក្វាងចូវ) តាម​កប៉ាល់លឿន ០១គ្រឿង ​នៅថ្ងៃទី១១ ខែកញ្ញា ឆ្នាំ២០២២ ​រួចបានសាងមកទូកឈើ ០១គ្រឿង នៅអំឡុងថ្ងៃទី១៧ ខែកញ្ញា ឆ្នាំ២០២២ នៅសមុទ្រអន្តរជាតិជាមួយតៃកុងទូកជនជាតិខ្មែរ ​០២នាក់ និង​បានបន្តនៅលើទូកឈើនោះ​ រហូតដល់ថ្ងៃទី២២ ខែកញ្ញាឆ្នាំ២០២២ ទូកឈើនោះខូចក៏ចាប់ផ្តើម​លិចបន្តិចម្តងៗ​ ទើបមានទូកនេសាទ ១គ្រឿង ​ប្រភេទទូកអូសពណ៌បៃតង ​មានមនុស្ស ០៦នាក់ បាន​មកទទួលយកតៃកុងខ្មែរ ០២នាក់នោះ ​ចេញទៅបាត់ ដោយទុកតែអ្នកធ្វើដំណើរនៅលើទូក ក្រោយមកទូកនេះក៏បានលិចបាត់នេះនៅកណ្តាលសមុទ្រ។ ករណីនេះ ត្រូវបានសមត្ថកិច្ចដាក់ការ​សន្និដ្ឋានថា ពាក់ព័ន្ធ​នឹងការការជួញដូរពលកម្ម សមត្ថកិច្ច បាន​និង​បន្តស្វែងរកអ្នកដែលកំពុងបាត់ខ្លួន​នៅក្នុងសមុទ្រទាំងនោះ។សូមបញ្ជាក់ថា ​ករណីលិចទូកចំនួន ​០១គ្រឿង ស្ថិតនៅ ​ ចំណុច ​និយាមកាម១០.២៥N ១០៣.១៦E នៅ​ចន្លោះពយសារឿង​ និងកោះតាងស្ថិតក្នុងភូមិសាស្រ្តខេត្តព្រះសីហនុ។ បន្ទាប់ពីទទួលបានព័ត៌មាន​ កម្លាំងនាយកដ្ឋាននគរបាលការពារព្រំដែនទឹក បានដឹកនាំ​កម្លាំង​អង្គភាពបង្រ្កាបចំនួន ១៦នាក់ ​និងមធ្យោបាយចំនួន ០២គ្រឿង (១.៦០០សេស ០១គ្រឿង និង៧០០សេស ០១គ្រឿង) ចេញទៅជួយសង្រ្គោះ និងសង្រ្គោះមនុស្ស​បានចំនួន១៨នាក់៕អត្ថបទ៖គង់ ប៊ុនថា

វិនិយោគិនថៃជាច្រើន គ្រោងចុះមកសិក្សាគម្រោងវិនិយោគឧស្សាហកម្មនៅកម្ពុជា

2022/09/23 12:57:46 pm        331
Facebook Telegram Linkin
ភ្នំពេញ៖ ប្រធានសមាគមពាណិជ្ជកម្មថៃនៅកម្ពុជា លើកឡើងថា នឹងរៀបចំគម្រោង​ចុះសិក្សា​របស់​ក្រុមពាណិជ្ជករ ធុរកិច្ច និងវិនិយោគិនថៃជាច្រើន ស្វែងរកសក្តានុពលវិនិយោគនៅកម្ពុជា ជា​ពិសេស​សិក្សាគម្រោង​បង្កើត​រោងចក្រផលិតចំណីអាហារ ​និងការបង្កើតរោង​ចក្រ​ឧស្សាហកម្ម​មិនមែនកាត់ដេរជាដើម។លោកស្រី ជីរ៉ាណាន់ វង្សមង្គល ប្រធានសមាគមពាណិជ្ជកម្មថៃនៅកម្ពុជា លើកឡើងក្នុងកិច្ច​ចុះ​អនុស្សារណៈព្រម​ព្រៀងគ្នារវាងមន្ទីរពេទ្យ ​រាំងសេត (Rangsit) ប្រទេសថៃ​ ជាមួយតំណាងនៅកម្ពុជា នៅថ្ងៃទី ២២ ខែកញ្ញា ឆ្នាំ២០២២នេះថា បន្ទាប់ពីរាជរដ្ឋាភិបាលកម្ពុជា ទប់ស្កាត់ការរីករាលដាល​ជំងឺកូវីដ១៩ បានល្អប្រសើរ ​ក្រុមពាណិជ្ជករ ធុរកិច្ច និងវិនិយោគិនថៃ ដែលចូលមកតាមរយៈ​សមាគម​ និងតាមរយៈការ​ទំនាក់នង​ស្ថានទូតថៃ​ មានចំនួនយ៉ាងច្រើនគួរឲ្យ​កត់សម្គាល់ ដើម្បី​ស្វែងរក​ឱកាសទីផ្សារ ​សម្រាប់ការធ្វើពាណិជ្ជកម្មដូចជា ​ការស្វែងរកទីផ្សារលក់ផលិតផល គម្រោង​ពង្រីក និងគម្រោងបង្កើតរោងចក្រ​ សហគ្រាសជាដើម។លោកស្រី បន្តថា នៅខែក្រោយនេះ ក្រុមធុរកិច្ចថៃ នឹងចូលមកកម្ពុជាកាន់តែច្រើនថែមទៀត ក្នុងនោះ​វិនិយោគិនបានផ្តោតសំខាន់លើឱកាសវិនិយោគ​រោងចក្រ​ផលិតចំណីអាហារ ដើម្បី​ផលិត​សម្រាប់​ផ្គត់ផ្គង់​ និងចែកចាយនៅក្នុងទីផ្សារប្រទេសកម្ពុជា​ ក្រៅពីនេះ មានក្រុមវិនិយោគិន​ថៃមួយ​ចំនួនទៀត នឹងចុះមកសិក្សាគម្រោងបង្កើត​រោងចក្រឧស្សាហកម្មមិនមែនកាត់ដេរ ជាមួយ​ដៃគូ​វិនិយោគិន​ជប៉ុន​ផងដែរ ​ដើម្បីបង្កើតនូវបរិយាកាសវិនិយោគ នៅព្រះរាជាណាចក្រកម្ពុជា​ឲ្យកាន់​តែសំបូរបែប។សូមបញ្ជាក់ថា ​ទាក់ទងការធ្វើពាណិជ្ជកម្មទ្វេភាគីរវាងកម្ពុជា-ថៃ តាមរបាយការណ៍ក្រសួង​ពាណិជ្ជកម្ម ​បង្ហាញឲ្យដឹងថា​ នៅក្នុងរយៈពេល ​៦ ខែ ឆ្នាំ ២០២២ នេះ ទំហំពាណិជ្ជកម្មរវាង​ប្រទេស​ទាំងពីរ មានទឹកប្រាក់ប្រមាណជិត ​២ ៣០០​ លានដុល្លារអាមេរិក ​កើនឡើងជាង ២៣% ក្នុងនោះ​កម្ពុជា​បាននាំចេញ ​មានទឹកប្រាក់ជាង ៤៩៥ ​លានដុល្លារ កើនឡើង ៣៧% ខណៈការនាំចូល​មាន​ទំហំទឹកប្រាក់ជាង ១ ៨០០ ​លានដុល្លារ កើនឡើងជាង ១៩%​ បើធៀបរយពេលដូចគ្នាឆ្នាំ ២០២១៕អត្ថបទ៖ សុន រ៉ាឌី

សមត្ថកិច្ចបង្ក្រាបក្រុមជនជាតិវៀតណាមចាប់បង្ខាំងមនុស្សធ្វើទារុណកម្ម ដើម្បីជំរិតទារប្រាក់

2022/09/23 11:47:40 am        138
Facebook Telegram Linkin
ភ្នំពេញ៖ អ្នកនាំពាក្យស្នងការដ្ឋាននគរបាលរាជធានីភ្នំពញបានប្រាប់BTVថា ជនសង្ស័យ​ចំនួន​៤នាក់ ពាក់ព័ន្ធករណីចាប់បង្ខាំងមនុស្សធ្វើទារុណកម្ម ដើម្បីជំរិតទារប្រាក់ ត្រូវបាន​កម្លាំង​ការិយាល័យ​នគរបាលព្រហ្មទណ្ឌកំរិតស្រាលរាជធានីភ្នំពេញ ធ្វើការស្រាវជ្រាវបង្ក្រាបឃាត់ខ្លួន កាលពីថ្ងៃទី២២ ខែកញ្ញា ឆ្នាំ២០២២ ។ អ្នកនាំពាក្យបន្តថា កម្លាំងការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ បានធ្វើ​ការ​ស្រាវជ្រាវបង្ក្រាប និងជនសង្ស័យឃាត់ខ្លួនចំនួន៤នាក់ ពាក់ព័ន្ធ​ករ​ណី​ចាប់​បង្ខាំង​មនុស្ស​ធ្វើ​ទារុណកម្ម ដើម្បីជំរិតទារប្រាក់ នៅចំណុចសណ្ឋាគារហ្វែរីលែន ផ្លូវលេខ១៤១ ភូមិ៩ សង្កាត់​វាលវង់ ខណ្ឌ៧មករា រាជធានីភ្នំពេញ។ ជនរងគ្រោះឈ្មោះង្វៀង ដុងហាយ ភេទប្រុស ឆ្នាំកំណើត ១៩៨៤ ជនជាតិ វៀតណាម។ជនសង្ស័យឃាត់ខ្លួនចំនួន៤នាក់៖១-ជនសង្ស័យឈ្មោះ TRAN TINHUY ភេទប្រុស ឆ្នាំកំណើត ១៩៨៩ ជនជាតិ វៀតណាម២-ឈ្មោះ NGUYEN VAN VO ភេទប្រុស ឆ្នាំកំណើត ១៩៨០ជនជាតិវៀតណាម៣-ឈ្មោះ LUONG VON THET ភេទប្រុស ឆ្នាំកំណើត១៩៩៧ ជនជាតិវៀតណាម៤-ឈ្មោះ VO HONG QUAN ភេទប្រុស ឆ្នាំកំណើត ១៩៨៧ ជនជាតិវៀតណាម (មេខ្លោង)បច្ចុប្បន្នជនសង្ស័យខាងលើ កម្លាំងការិយាល័យ កំពុង​កសាង​សំណុំ​រឿង​បញ្ជូន​ទៅសា​លាដំ​បូង​រាជ​ធានីភ្នំពេញ ដើម្បីចាត់ការបន្តតាមនីតិវិធីច្បាប់៕

ថ្ងៃនេះ ! គ្រោះថ្នាក់​ចរាចរណ៍​បាន​បណ្តាល​ឲ្យ​មនុស្ស ​១០​នាក់​ស្លាប់ និង​របួស ​១២​នាក់​

2022/09/22 06:19:37 pm        3404
Facebook Telegram Linkin
ភ្នំពេញ​៖ នៅ​ថ្ងៃ​ទី​២២ ខែកញ្ញា​នេះ គ្រោះថ្នាក់​ចរាចរណ៍​ទូទាំង​ប្រទេស​កើតឡើង​ចំនួន ១២​លើក បាន​បណ្តាល​ឲ្យ​មនុស្ស​ស្លាប់​ចំនួន ១០​នាក់ និង​រងរបួស​ចំនួន ១២​នាក់ (​ស្រាល ៨​នាក់ និង​ធ្ងន់ ៤​នាក់​) ។​​គ្រោះថ្នាក់​ចរាចរណ៍​កើតឡើង​នៅ​រាជធានី ខេត្ត ចំនួន​៩ មានដូចជា៖ ខេត្តកំពង់ចាម ស្លាប់ ១​នាក់ និង​របួស ៣​នាក់, កំពង់ស្ពឺ ស្លាប់ ១​នាក់, កំពត ស្លាប់ ១​នាក់, កណ្តាល ស្លាប់ ២​នាក់, ភ្នំពេញ ស្លាប់ ១​នាក់ និង​របួស ៣​នាក់, ព្រះសីហនុ ស្លាប់ ១​នាក់ និង​របួស ១​នាក់, ព្រះវិហារ ស្លាប់ ២​នាក់, ស្វាយរៀង ស្លាប់ ១​នាក់ និង​របួស​ ២​នាក់ និង​ខេត្ត​ឧ​ត្ត​រ​មានជ័យ របួស ៣​នាក់​៕

សមត្ថកិច្ចបង្កើនសន្តិសុខសណ្តាប់ធ្នាប់តាមវត្តអារ៉ាម អំឡុងពិធីបុណ្យភ្ជុំបិណ្ឌ

2022/09/20 12:56:50 pm        482
Facebook Telegram Linkin
ភ្នំពេញ៖ នៅតាមបណ្តាទីវត្តអារ៉ាមនៅរាជធានីភ្នំពេញ សំគាល់ឃើញថា សមត្ថកិច្ច បានបង្កើន​កិច្ចសហការរៀបចំសន្តិសុខ សណ្តាប់ធ្នាប់ ប្រគេន ជូនព្រះសង្ឃ និងប្រជាពុទ្ធបរិស័ទ ធ្វើពិធី​បុណ្យកាន់បិណ្ឌ និងភ្ជុំបិណ្ឌរយៈពេល១៥ថ្ងៃ ។បើតាមក្រុមសមត្ថកិច្ចប្រចាំការរៀបចំសន្តិសុខ សណ្តាប់ធ្នាប់នៅវត្តលង្ការ ​និងវត្តឧណ្ណលោម រាជធានីភ្នំពេញ ​បានថ្លែងប្រាប់BTV នៅថ្ងៃទី២០ ខែកញ្ញានេះថា ដោយមាន​អនុញ្ញាត​ពី​អភិបាលខ័ណ្ឌ អធិការនគរបាល ​និងព្រះចៅអធិការវត្ត ​រហូតមកដល់ពេលនេះ តាមវត្តនីមួយៗ គឺបានរៀបចំកម្លាំងបីប្រភេទរួមមាន៖ កងកម្លាំងនគរបាល កម្លាំងអាវុធហត្ថ និងកម្លាំងប្រជាការពារ បានដាក់វេនប្រចាំការចាំការពារសន្តិភាពសណ្តាប់ធ្នាប់នៅក្នុងវត្តឲ្យប្រជាពុទ្ធបរិស័ទធ្វើបុណ្យ​កាន់បិណ្ឌភ្ជុំ ក្នុងអារម្មណ៍សភាព​ស្ងប់អារម្មណ៍។ក្រុមសមត្ថកិច្ចបន្ថែមថា ​ការរៀបចំសន្តិសុខ ​សណ្តាប់ធ្នាប់តាមទីវត្តអារ៉ាម នឹងត្រូវបង្កើនការពារ​កាន់តែខ្លាំងថែមទៀត ​នៅក្នុងឱកាសថ្ងៃបុណ្យភ្ជុំបិណ្ឌ​ឈានចូលមកដល់ ដែលនឹង​មាន​ប្រជាពុទ្ធបរិស័ទជាច្រើនកុះករអញ្ជើញមកវត្ត។ ប្រជាពុទ្ធបរិស័ទ លើកឡើងថា កងកម្លាំងច្រើនឈរចាំការពារសន្តិសុខ ​សណ្តាប់ធ្នាប់ ដែលធ្វើឲ្យគេមាសភាពស្ងប់អារម្មណ៍មិនព្រួយពីការបាត់របស់របរនានា។ឧត្តមសេនីយឯក ឆាយ គឹមឃឿន អ្នកនាំពាក្យអគ្គស្នងការដ្ឋាននគរបាលជាតិ ​បានថ្លែងថា ក្នុងរយៈពេលដប់ថ្ងៃបុណ្យកាន់បិណ្ឌកន្លងមកនេះ ​តាមវត្តអារ៉ាមនៅរាជធានីភ្នំពេញ និង​នៅតាមបណ្តាខេត្ត មិនទាន់មានរបាយការណ៍បង្ហាញ​ពីអំពើ​អសកម្មណាធំដុំកើត​ឡើងនៅ​តាមវត្តអារ៉ាមនោះទេ ប៉ុន្តែទោះយ៉ាងណា ​ឯកឧត្តម ក៏បានស្នើបណ្តាប្រជាពុទ្ធបរិស័ទ ពេល​អញ្ជើញទៅវត្តឬទៅតាមទីសាធារណៈនានា ​ត្រូវគោរពច្បាប់ចរាចរណ៍ និងថែរក្សាការពារ​ទ្រព្យសម្បត្តិរបស់ឲ្យចៀសវាងការបាត់បង់៕ អត្ថបទ ស៊ុម សុខជា

៣ថ្ងៃសមត្ថកិច្ចបង្ក្រាបល្បែងអនឡាញខុសច្បាប់ចំនួន៨៦៩ទីតាំង នៅក្នុងខេត្តតាកែវ

2022/09/20 12:13:18 pm        463
Facebook Telegram Linkin
តាកែវ៖ បន្ទាប់ពីមានបទបញ្ជាពីសម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ឱ្យ បង្ក្រាបការលេងល្បែងស៊ីសងខុសច្បាប់នោះ អាជ្ញាធរខេត្ត កំពុងសស្រាក់សស្រាំអនុវត្ត​តាម​បទបញ្ជានេះ ដោយខេត្តខ្លះបានប្រតិបត្តិការបង្ក្រាបល្បែងស៊ីសងរាប់រយកន្លែង ដែលមាន​ក្នុង​មូលដ្ឋាន​ខេត្តរបស់ខ្លួន។ជាក់ស្ដែងសម្រាប់ខេត្តតាកែវ ក្នុងរយៈពេល៣ថ្ងៃកន្លងមកនេះ ​សមត្ថកិច្ចនៅក្នុងខេត្តតាកែវ​ បាន​ធ្វើការ​ចុះណែនាំ និងបង្រ្កាបទីតាំងល្បែងអនឡាញខុសច្បាប់ផ្សេងៗទៀត​ បានចំនួន ៨៦៩ទីតាំង។ឯកឧត្តម អ៊ូច ភា អភិបាលខេត្តតាកែវ បានថ្លែងប្រាប់ទូរទស្សន៍BTV ថា ក្រោយពីទទួល​បាន​បទបញ្ជា​ពីប្រមុខរាជរដ្ឋាភិបាលសម្ដេចតេជោ ​ហ៊ុន សែន ឱ្យ​បង្រ្កាបល្បែងស៊ីសងខុសច្បាប់​ជាពិសេស​ល្បែងអនឡាញ ឯកឧត្តមបានបញ្ជាទៅដល់លោកស្នងការនគបាលខេត្ត លោកមេបញ្ជា​ការកងរាជអាវុធហត្ថ និងមេបញ្ជាការតំបន់ប្រតិបត្តិការសិករងខេត្តជាពិសេស​អភិបាលក្រុង​ស្រុកទាំង ១០នៅក្នុងខេត្តតាកែវ ​ត្រូវធ្វើសកម្មភាពជាបន្ទាន់ដោយចុះទៅអប់រំណែនាំ​នឹងបញ្ឈប់​ទីតាំងល្បែង​ខុសច្បាប់នានា​នៅក្នុងមូលដ្ឋានរបស់ខ្លួនអោយអស់។ បើកករណីនៅតែ​រឹងរូស​បើក​ដំណើរការល្បែងខុសច្បាប់ បន្តទៀតគឺត្រូវតែបង្រ្កាបតែម្ដង។ជាលទ្ធផលក្នុងរយៈពេល៣ថ្ងៃនេះ យើង​បានចុះអប់រំណែនាំ​ និងបង្រ្កាបទីតាំងល្បែង​អនឡាញ​និងល្បែងខុសច្បាប់​ដទៃទៀត​បានចំនួន ៨៦៩ទីតាំងនៅទូទាំងខេត្តតាកែវ។ឯកឧត្តមអភិបាលខេត្ត បានបន្តថា អភិបាលក្រុងស្រុកទាំង១០ត្រូវមានការទទួលខុសត្រូវ​ចំពោះ​មុខ​អភិបាលខេត្តជាពិសេសចំពោះមុខរាជរដ្ឋាភិបាល ក្នុងការទប់ស្កាត់ល្បែងស៊ីសងខុសច្បាប់​នៅក្នុងមូលដ្ឋានរបស់ខ្លួន ដោយត្រូវធ្វើការបង្រ្កាប​អោយ​ដូច​ភ្លៀង​រលឹម៕ 

អាជ្ញាធររាជធានីភ្នំពេញ ចុះត្រួតពិនិត្យទីតាំងអគារមួយកន្លែង សង្ស័យបម្រេីសេវាតាមអនឡាញខុសច្បាប់​

2022/09/19 10:55:15 pm        395
Facebook Telegram Linkin
ភ្នំពេញ៖ កម្លាំងគណៈបញ្ជាការឯកភាពរដ្ឋបាលរាជធានីភ្នំពេញ ចុះត្រួតពិនិត្យទីតាំងអគារស្នាក់នៅរបស់ជនជាតិបរទេស​មួយកន្លែង ដែលមានការសង្ស័យជាប់ពាក់ព័ន្ធនឹងបម្រេីសេវាតាមអនឡាញខុសច្បាប់​ ស្ថិតទល់មុខស្ថានទូតអូស្រ្តាលី​ ផ្លូវរដ្ឋសភា​ ភូមិ១៥​ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។ប្រតិបត្តិការនេះ ធ្វើឡើងនៅរសៀលថ្ងៃចន្ទ​ ទី១៩ ខែកញ្ញា ឆ្នាំ២០២២ ដោយអនុវត្តតាមប្រសាសន៍ដឹកនាំរបស់ឯកឧត្តម​ ឃួង​ ស្រេង​ អភិបាល​ នៃគណៈអភិបាលរាជធានីភ្នំពេញ​ និងមានការសម្របសម្រួលពីលោក​ ចែ​ សុង​ ព្រះរាជអាជ្ញារង​ នៃអយ្យការអមសាលាដំបូង​រាជធានីភ្នំពេញ ដឹកនាំផ្ទាល់ដោយ លោក មាន​ ចាន់យ៉ាដា​ អភិបាលរង​រាជធានីភ្នំពេញ​ និងលោក គៀង ល័ក្ស អភិបាលខណ្ឌចំការមន កម្លាំងចម្រុះចុះត្រួតពិនិត្យទីតាំងអគារស្នាក់នៅរបស់ជនជាតិបរទេស​ទល់មុខស្ថានទូតអូស្រ្តាលី​​ ដែលមានការសង្ស័យជាប់ពាក់ព័ន្ធនឹងបម្រេីសេវាតាមអនឡាញខុសច្បាប់។ក្រោយប្រតិបត្តិការកម្លាំងអាជ្ញាធរសម្រេចបិទខ្ទប់បណ្ដោះអាសន្នទាំងវត្ថុតាង និងមនុស្សឲ្យនៅក្នុងអាគារនេះសិន រង់ចាំអនុវត្តនីតិវិធីជាបន្តបន្ទាប់ទៀត៕ អត្ថបទ៖ កុម្ភៈ

អាជ្ញាធរ​រាជធានី​ភ្នំពេញ ត្រួតពិនិត្យ​តាម​ហាង​បញ្ចាំ​នៅ​តំបន់​ឃ្លាំង​រំសេវ​

2022/09/19 05:44:40 pm        428
Facebook Telegram Linkin
​ភ្នំពេញ​៖ កម្លាំង​គណៈបញ្ជាការ​ឯកភាព​រាជធានី​ភ្នំពេញ ​បាន​ចុះ​ធ្វើការ​ត្រួតពិនិត្យ​តាម​បណ្ដា​ហាង​បញ្ចាំ​ជាច្រើន​នៅ​តំបន់​ឃ្លាំង​រំសេវ ស្ថិតនៅ​មូលដ្ឋាន​សង្កាត់​ទាំង​ល្អក់​៣ ខណ្ឌទួលគោក​ដោយ​ត្រួតពិនិត្យ​មើល​លើ​អាជ្ញាប័ណ្ណ​មាន​ឬ​ផុត​កំណត់ និង​អនុវត្តតាម​នីតិវិធី​។​​ប្រតិបត្តិការ​នេះ ​ធ្វើឡើង​នៅវេលា​ម៉ោង ៤និង ៥០​នាទី ​ល្ងាច​ថ្ងៃទី​១៩ ខែកញ្ញា​ ឆ្នាំ២០២២ ដឹកនាំ​ដោយ លោក ឃ្លាំង ហួត អភិបាលរង​រាជធានី​ភ្នំពេញ ដោយមាន​ការ​សម្របសម្រួល​ពី​លោក លឹម ប៊ុនហេង ព្រះរាជអាជ្ញារង នៃ​អយ្យការ​អម​សាលាដំបូង​រាជធានី​ភ្នំពេញ និង​កងកម្លាំង​ចម្រុះ​មូលដ្ឋាន​ខណ្ឌទួលគោក​។​​លោក ឃ្លាំង ហួត អភិបាលរង​រាជធានី​ភ្នំពេញ​ បាន​ឲ្យ​ដឹងថា ការ​ចុះ​ត្រួតពិនិត្យ​នេះ​មិនមែន​ធ្វើ​តែមួយ​ថ្ងៃ​នេះ​ឡើយ គឺ​ធ្វើ​ជាប់​ជាប្រចាំ​ដូច​ភ្លៀងរលឹម ដើម្បី​បង្ការ និង​បង្ក្រាប​គ្រប់​បទល្មើស​ល្បែងស៊ីសង​ទាំងអស់ ដោយ​អនុវត្តតាម​ប្រសាសន៍​ដ៏​ខ្ពង់ខ្ពស់​របស់​អគ្គមហាសេនា​ប​តី​តេ​ជោ ហ៊ុន សែន នាយករដ្ឋមន្ត្រី​៕ អត្ថបទ​៖ កុម្ភៈ

បុរសម្នាក់ជាអ្នកសារព័ត៌មាន បានជួបគ្រោះថ្នាក់ចរាចរណ៍ស្លាប់ ក្នុងតំបន់បឹងកក់

2022/09/19 02:37:29 pm        676
Facebook Telegram Linkin
ភ្នំពេញ៖ គ្រោះថ្នាក់ចរាចរណ៍ បានបណ្ដាលឲ្យបុរសម្នាក់ ស្លាប់បាត់បង់ជីវិត ខណៈកំពុងសង្គ្រោះបន្ទាន់ក្នុងមន្ទីរពេទ្យ។ ហេតុការណ៍នេះ បានកើតឡើងកាលពីវេលា ម៉ោង១១ព្រឹកថ្ងៃទី១៩ ខែកញ្ញា ឆ្នាំ២០២២ ទីតាំងកើតហេតុស្ថិតនៅផ្លូវបំបែកជាបួន ផ្លូវលេខ៨២ កែងផ្លូវលេខ១៥៩ ស្ថិតនៅក្នុងបឹងកក់ ស្ថិតក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។យោងតាមប្រភពព័ត៌មានពីកន្លែងកើតហេតុ បានឱ្យដឹងថា នៅមុនពេលកើតហេតុ គេបានឃើញ​ជនរងគ្រោះជិះម៉ូតូម៉ាកហុងដាឌ្រីមសេ១២៥ ​ពណ៌ខ្មៅដែលមានស្លាកលេខ​ ភ្នំពេញ1FD-9887 ធ្វើដំណើរតាមបណ្តោយផ្លូវ១៥៩ ក្នុងទិសដៅពីជើងទៅត្បូង ​ខណៈមកដល់ចំណុចកើតហេតុ ស្រាប់តែ​ត្រូវបានរថយន្តមួយគ្រឿង ​ម៉ាកហ៊ីយ៉ានដាយ HVX ពណ៌ទឹកប្រាក់ មានស្លាកលេខ​ព្រះសីហនុ2B-5858 ​ធ្វើដំណើរតាមបណ្តោយផ្លូវលេខ៨២ ក្នុងទិសដៅពីលិចទៅកើតក្នុង​ល្បឿន​លឿន បុកពេញទំហឹង​បណ្តាលឲ្យជនរងគ្រោះរង​របួសធ្ងន់​បែក​ក្បាល​ផុង​នៅ​ផ្នែកខាងក្រោយ​នៃ​លលាដ៍ក្បាល​ ហូរ​ឈាមមិនឈប់។បន្ទាប់មក​គេឃើញ​មានរថយន្តសាម៉ុយ​នៃ​មន្ទីរពេទ្យកាល់ម៉ែត្រ ​មក​ទទួល​ទៅសង្គ្រោះបន្ទាន់ភ្លាមៗ តែជា​អកុសល បុរសរងគ្រោះត្រូវបានទទួលមរណៈភាព​នៅក្នុងមន្ទីរពេទ្យ។គួរបញ្ជាក់ថា ​ជនរងគ្រោះមានឈ្មោះ ឌី រៀ អាយុ៥៩ឆ្នាំ មុខរបរជាអ្នកកាសែតនៃស្ថាប័ន ​កម្ពុជាថ្មី បច្ចុប្បន្នសពត្រូវបានក្រុមគ្រួសារ​ទទួល​យកទៅបូជាតាមប្រពៃណី។ ​ចំណែកម្ចាស់រថយន្ត ត្រូវបាន​សម្ថកិច្ចមូលដ្ឋានបញ្ជូនទៅប៉ុស្តិ៍នគរបាលរដ្ឋបាលស្រះចក​ ដើម្បីធ្វើកំណត់ហេតុ៕

បណ្ដាញសង្គម

ព័ត៌មានថ្មីៗ

ភាពតានតឹងកើនឡើង នៅក្នុងតំបន់បាល់ទិក ចំពេលមានគោលនយោបាយឈ្លានពានរបស់រដ្ឋាភិបាលក្នុងតំបន់
07/15/2025 04:07 PM
Facebook Telegram Linkin
សេដ្ឋកិច្ចចិន មានកំណើន ៥,២% លើសការព្យាករ ទោះប្រឈមសង្គ្រាមពាណិជ្ជកម្ម
07/15/2025 04:07 PM
Facebook Telegram Linkin
សមាជិកសភាអឺរ៉ុប៖ សហភាពអឺរ៉ុប ចាប់ផ្តើមពិភាក្សាទៅលើកញ្ចប់ទី ១៩ នៃទណ្ឌកម្មប្រឆាំងរុស្ស៊ី
07/15/2025 04:07 PM
Facebook Telegram Linkin
កងទ័ពលីបង់ បិទច្រកឆ្លងដែនខុសច្បាប់ តាមបណ្តោយព្រំដែនជាមួយប្រទេសស៊ីរី
07/15/2025 04:07 PM
Facebook Telegram Linkin
ក្រសួងមុខងារសាធារណៈ និងលេខាធិការដ្ឋានអាស៊ាន សហការរៀបចំកិច្ចប្រជុំត្រីភាគី សម្រាប់ការពង្រីកកិច្ចសហប្រតិបត្តិការ ACCSM ជាមួយគណៈកម្មការមុខងារសាធារណៈ​នៃប្រទេសអូស្ត្រាលី (APSC)
07/15/2025 03:07 PM
Facebook Telegram Linkin
កាកបាទក្រហមកម្ពុជាផ្តល់អំណោយ និងរៀបចំអាហារមួយពេល ជូនអង្គការសង្គ្រោះជនអស់សង្ឃឹម
07/15/2025 03:07 PM
Facebook Telegram Linkin
អត្រាអាពាហ៍ពិពាហ៍កុមារនៅបង់ក្លាដែស កើនឡើងដល់កម្រិតខ្ពស់បំផុត នៅអាស៊ីខាងត្បូង
07/15/2025 03:07 PM
Facebook Telegram Linkin
ឯកឧត្តមរដ្ឋមន្ត្រី ហេង សួរ ចែករំលែកបទពិសោធទាក់ទងក្របខណ្ឌអភិបាលកិច្ច និងការគ្រប់គ្រងគាំពារសង្គមនៅកម្ពុជាដល់គណៈប្រតិភូនៃប្រទេសឡាវ
07/15/2025 03:07 PM
Facebook Telegram Linkin
អាជ្ញាធរក្រុងស្វាយរៀង ចាត់វិធានការទីតាំងចាក់សំរាមមួយកន្លែង ដែលបន្តចាក់សំរាមចោលបង្កផលប៉ះពាល់
07/15/2025 03:07 PM
Facebook Telegram Linkin
មន្ត្រី៖ ជនអន្តោប្រវេសន៍ជាង ១០០នាក់ ត្រូវបានដោះលែងនៅលីប៊ី បន្ទាប់ពីក្រុមជនអន្ធពាល ចាប់ជាចំណាប់ខ្មាំង
07/15/2025 03:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.