នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ស្នងការរាជធានី ដាក់ចេញនូវគោលការណ៍បង្ការ ទប់ស្កាត់រាល់បទល្មើស និង អនុវត្ត​ប្រកប​ដោយ​ក្រម​សីលធម៌​វិជ្ជាជីវៈនគរបាល
ក្មេងទំនើង៣នាក់​បំផ្លាញទ្រព្យសម្បត្តិសាធារណៈ​ត្រូវបានឃាត់ខ្លួន ធ្វើកិច្ច​សន្យា​អប់រំ​ណែនាំ​ដោយ​មាន​ការធានាពីអាណាព្យាបាល ដើម្បី​អប់រំ​នៅ​មូលដ្ឋាន​បន្ត
រយៈពេល១ខែកន្លះចុងឆមាសទី១នេះ សមត្ថកិច្ចរាជធានី បង្ក្រាបបទល្មើសគ្រឿងញៀន ឃាត់មនុស្ស៧៣នាក់
​កម្លាំងនគរបាលស្រុកស្វាយជ្រំយកចិត្តទុកដាក់ទប់ស្កាត់និងបង្ក្រាប ធ្វើឱ្យបទល្មើសថយចុះស្ទើរទាំងស្រុង

សន្តិសុខ និង សង្គម

តុលាការខេត្តសៀមរាប សម្រេចឃុំខ្លួនស្ត្រីសកម្មជនរបស់(LDP)ចំនួន៦នាក់ ដាក់ពន្ធនាគារបណ្តាអាសន្ន

2022/09/03 12:35:36 pm        488
Facebook Telegram Linkin
សៀមរាប៖ ស្ត្រីសកម្មជនរបស់គណបក្សLDP ចំនួន៦នាក់ ត្រូវបានចៅក្រមស៊ើបសួរសាលាដំបូងខេត្តសៀមរាប សម្រេចឃុំខ្លួនដាក់ពន្ធនាគារបណ្ដោះអាសន្ន ពីបទប្រឆាំងអ្នករាជការសាធារណៈ ។លោក ថេង សំណាង ព្រះរាជអាជ្ញារង នៃអយ្យការអមសាលាដំបូងខេត្តសៀមរាប បានឱ្យដឹងថា ស្ត្រី ទាំង៦នាក់ របស់គណបក្ស (LDP) ដែលសមត្ថកិច្ចឃាត់ខ្លួនបាននៅខាងមុខចំការរបស់លោក ខឹម វាសនា នោះត្រូវបានសម្រេចឱ្យឃុំខ្លួន បណ្តោះអាសន្នដាក់នៅពន្ធនាគារ ខេត្តសៀមរាប។លោក បានបញ្ជាក់ថា ការឃាត់ខ្លួនមនុស្សចំនួន៦នាក់ ដែលជាសកម្មជនអ្នកគាំទ្រគណបក្សសម្ព័ន្ធ​ដើម្បីប្រជាធិបតេយ្យ (LDP) បានបើករថយន្ត គេចពីបារ៉ាស់ ទី១ រួចទៅបុកបារ៉ាសទី២​របស់​សមត្ថកិច្ច និងប្រឆាំងសមត្ថកិច្ចកំពុងប្រតិបត្តិការ ករណីនេះ ត្រូវបានតុលាការចោទពីបទ "ប្រឆាំងអ្នករាជការសាធារណៈ តាមមាត្រា៥០៣ និង៥០៥ នៃក្រមព្រហ្មទណ្ឌ។លោកថា ការឃាត់ខ្លួននេះ ធ្វើឡើងនៅល្ងាចថ្ងៃទី១ ខែកញ្ញា ឆ្នាំ២០២២ ស្ថិតនៅចំណុច​ប៉ុស្តិ៍ហាមឃាត់មុខ ​ដីចម្ការម្រេចរបស់លោក ខឹម វាសនា ក្នុងឃុំត្បែង ស្រុកបន្ទាយស្រី ខេត្តសៀមរាប ។លោកវរសេនីយ៍ឯក ឡុង សំណាង អធិការស្រុកបន្ទាយស្រី បានប្រាប់ឱ្យដឹងនៅថ្ងៃទី០២ ខែកញ្ញា នេះថា ​ពិតជាមានការឃាត់មនុស្សចំនួន៦នាក់​ ពិតប្រាកដមែន នៅចំណុចប៉ុស្តិ៍ហាមឃាត់មុខ​ដី​ចម្ការលោកខឹម វាសនា ក្នុងឃុំត្បែងស្រុកបន្ទាយស្រី កាលពីល្ងាចថ្ងៃទី០១ខែកញ្ញា ក្រោមការដឹកនាំ​បញ្ជាផ្ទាល់ពីព្រះរាជអាជ្ញានៃអយ្យការ អមសាលាដំបូងខេត្តសៀមរាប។ បន្ទាប់ពីឃាត់ខ្លួន មនុស្ស ទាំង៦នាក់នាក់ក្នុងនោះមាន៖ ទី១ /ឈ្មោះ ឈិត ស្រីឡាង,។ ទី២ /ឈ្មោះ ថុង ដារ៉ាស៊ី ។ ទី៣/ឈ្មោះ អ៊ី សូជីង។ ទី៤ ឈ្មោះ ជុំ ខុម,។ ទី៥/ ឈ្មោះ ភួង សម្ភស្សបូផា និង ទី៦/ ឈ្មោះ កូវ ឡោ ។ អ្នកទាំង៦នាក់ ត្រូវបានបញ្ជូនមកកាន់ការិយាល័យ នគរបាលព្រហ្មទណ្ឌកម្រិតធ្ងន់ នៃស្នងការ​នគរបាលខេត្តសៀមរាប កាលពីល្ងាចថ្ងៃទី១ ខែកញ្ញា ឆ្នាំ២០២២ ​ដើម្បីចាត់ការបន្តតាមនីតិវិធីច្បាប់ ។លោក អធិការស្រុកបន្ទាយស្រី បានបញ្ជាក់ទៀតថា ការឃាត់ខ្លួន ​គឺមនុស្សស្រីទាំង៦នាក់ បាន​ជិះរថយន្តរួមគ្នាដឹកបន្លែចូលតំបន់ហាមឃាត់ ហើយជននោះ​បានជិះរថយន្តទៅបុកបារ៉ាស់​របស់​សមត្ថកិច្ចបាក់អស់២ន្លែង ថែមទៀតផង។ ក្រោយមកបានប្រើហិង្សាមកលើសមត្ថកិច្ចផង ​ទ្រមទាំង​ធ្វើការ​រារាំង​ក្នុងប្រតិបត្តិការ របស់សមត្ថកិច្ចផង។ជាមួយគ្នានោះ ពួកគេបានជេរសមត្ថកិច្ចបន្រែមទៀតផង ​ទើបសមត្ថកិច្ចអនុវត្តវិធានការច្បាប់។ បច្ចុប្បន្ន ស្ត្រី ទាំង៦នាក់ ត្រូវបានលោកលោក ថេង សំណាង ព្រះរាជអាជ្ញារង សាលាដំបូង និង អមសាលាដំបូងខេត្តសៀមរាប ឱ្យសមត្ថកិច្ចនាំខ្លួនដឹកតាមរថយន្តយកទៅដាក់ពន្ធនាគារស្ថិតនៅ ក្នុងសង្កាត់ជ្រាវ ក្រុងសៀមរាប ជាបណ្តោះអាសន្ន ៕អត្ថបទ៖ ឈិត សាវី

កម្លាំងនគរបាលបានឃាត់ខ្លួនជនជាតិចិនម្នាក់ ដកហូតគ្រឿងញៀនជាង១០០គីឡូក្រាម

2022/09/01 08:14:02 pm        115
Facebook Telegram Linkin
ភ្នំពេញ៖ សមត្ថកិច្ចជំនាញនៃមន្ទីរប្រឆាំងគ្រឿងញៀន បង្ក្រាបករណីដឹកជញ្ជូន ជួញដូរគ្រឿងញៀនឆ្លងដែន និងឃាតខ្លួនជនជាតិចិនម្នាក់ និងរឹបអូសគ្រឿងញៀនជាង ១០០ គីឡូក្រាម។គួរបញ្ជាក់ផងដែរ កាលវេលាម៉ោង១២និង៣០នាទី ថ្ងៃទី៣០ខែសីហា ឆ្នាំ២០២២ កម្លាំងជំនាញ នៃមន្ទីរប្រឆាំងបទល្មើសគ្រឿងញៀន និងមានការចូលរួមពីស្នងការដ្ឋាននគរបាលខេត្តព្រះវិហារ ខេត្តស្ទឹងត្រែ និងខេត្តព្រះសីហនុ ព្រមទាំងមានការសម្របសម្រួលពី ព្រះរាជអាជ្ញា បានធ្វើការស៊ើបអង្កេតស្រាវជ្រាវបង្រ្កាបជនជាតិចិនម្នាក់នៅចំណុច ផ្លូវដើមឈើចាំស្នេហ៍ ស្ថិតក្នុងភូមិគគី ឃុំបិតត្រាង ស្រុកព្រៃនប់ ខេត្តព្រះសីហនុ។ ក្នុងរង្វង់ប្រតិបត្តិការ កម្លាំងនគរបាលបាឃាត់ជនសង្ស័យ០១នាក់ មានឈ្មោះ TU SUERONG ភេទប្រុស អាយុ ៣៦ឆ្នាំ ជនជាតិ ចិន និងដកហូតវត្ថុតាង ប្រភេទ កេតាមីន(KETAMINE) ១០០ដុំ ស្មើទម្ងន់ ១០០ គីឡូក្រាម។បច្ចុប្បន្ន ជនសង្ស័យ និងវត្ថុតាងសមត្ថកិច្ចជំនាញបានបញ្ជូនទៅស្នងការដ្ឋាននគរបាលខេត្តព្រះវិហារ ដើម្បីកសាងសំណុំរឿង បន្តតាមនីតិវិធី ៕អត្ថបទ៖ កុម្ភៈ

អគ្គិភ័យដែលឆាបឆេះក្លឹបកម្សាន្តមួយកន្លែងនៅម្តុំវង្វង់មូលផ្សារដើមថ្កូវ សមត្ថកិច្ចគ្រប់គ្រងបានទាំងស្រុងហើយ

2022/09/01 11:34:22 am        50
Facebook Telegram Linkin
ភ្នំពេញ៖ អគ្គិភ័យដែលឆាបឆេះក្លឹបកម្សាន្តឈ្មោះ All Friends PUB នៅម្តុំវង្វង់មូលផ្សារដើមថ្កូវ សង្កាត់ផ្សារដើមថ្លូវ ខណ្ឌចំការមន រាជធានីភ្នំពេញ កម្លាំងអន្តរាគមន៍បង្ការ និងពន្លត់អគ្គិភ័យ បានគ្រប់គ្រងទាំងស្រុងហើយ ខណៈដែលទំហំ នៃការខូតខាត និងមូលហេតុ នៃការឆាបឆេះ មិនទាន់ត្រូវបានសមត្ថកិច្ចបញ្ជាក់នៅឡើយទេ។

អគ្គិភ័យកំពុងឆាបឆេះក្លឹបកម្សាន្តមួយកន្លែងនៅម្តុំវង្វង់មូលផ្សារដើមថ្កូវ យ៉ាងសន្ធោរសន្ធៅ

2022/09/01 11:10:03 am        443
Facebook Telegram Linkin
BREAKING NEWS! នៅខណៈនេះ អគ្គិភ័យកំពុងឆាបឆេះក្លឹបកម្សាន្តឈ្មោះ All Friends PUB យ៉ាងសន្ធោរសន្ធៅ នៅតាមបណ្តោយផ្លូវលេខ ៤៨៤(ម្តុំវង្វង់មូលផ្សារដើមថ្កូវ) សង្កាត់ផ្សារដើមថ្លូវ ខណ្ឌចំការមន រាជធានីភ្នំពេញ។ រថយន្តពន្លត់អគ្គិភ័យជាច្រើនគ្រឿង និងអាជ្ញាធរមូលដ្ឋាន កំពុងអន្តរាគមន៍ពន្លត់ជាបន្តបន្ទាប់។

មេបញ្ជាការកងរាជអាវុធហត្ថខេត្តស្ទឹងត្រែងដាក់បទបញ្ជាឱ្យមន្ត្រីក្រោមឱវាទ បំពេញការងារឱ្យកាន់តែមានប្រសិទ្ធភាព

2022/09/01 10:54:00 am        345
Facebook Telegram Linkin
ស្ទឹងត្រែង៖ លោកមេបញ្ជាការកងរាជអាវុធហត្ថខេត្តស្ទឹងត្រែងបានដាក់បទបញ្ជាឱ្យមន្ត្រីក្រោមឱវាទប្រឹងប្រែងបំពេញការងារតាមភារកិច្ចរបស់ខ្លួន ឱ្យបានត្រឹមត្រូវ និងមានភាពទទួលខុសត្រូវទៅតាមមុខងារភារកិច្ចបានប្រគល់ជូន ប្រកបដោយប្រសិទ្ធភាពខ្ពស់។ថ្លែងក្នុងពិធីបំពាក់ឋានន្តរស័ក្តិ និងប្រគល់ប័ណ្ណសរសើរ លិខិតសរសើរជូនយោធិន នៃកងរាជអាវុធហត្ថខេត្តស្ទឹងត្រែង នៅទីបញ្ជាការកងរាជអាវុធហត្ថខេត្ តថ្ងៃទី៣១សីហា ឆ្នាំ២០២២ លោកឧត្តមសេនីយ៍ត្រី អៀងវ៉ាន់ឌី មេបញ្ជាការកងរាជអាវុធហត្ថខេត្តស្ទឹងត្រែង មានប្រសាសន៍ថា ភាពជោគជ័យក្នុងការបំពេញការងារគ្មានអ្វីបានមកដោយងាយៗនោះទេ គឺកើតឡើងពីការខិតខំប្រឹងប្រែងរបស់យើងទាំងអស់គា្ន ដូចនេះយើងត្រូវអនុវត្តឱ្យបានតាមទិសស្លោកថា ប្រទេសជាតិត្រូវតែការពារ ប្រជាត្រូវតែបម្រើ  ច្បាប់ត្រូវតែគោពរ  បទល្មើសត្រូវតែបង្ក្រាប និងពាក្យមួយឃ្លាទៀត ជួយគិតជួយធ្វើ រួមគ្នាទទួលខុសត្រូវ។ គួរបញ្ជាក់ថា កងរាជអាវុធហត្ថខេត្តស្ទឹងត្រែងបានបំពាក់ឋានន្តរស័ក្តិចំនួន១៩នាក់ និងជូនប័ណ្ណសរសើរ លិខិតសរសើរដល់យោធិននៃកងរាជអាវុធហត្ថខេត្តចំនួន៣៥នាក់  ដែលបានធ្វើឡើងក្រោមអធិបតីភាពលោកឧត្តមសេនីយ៍ត្រី អៀងវ៉ាន់ឌី មេបញ្ជាការកងរាជអាវុធហត្ថខេត្តស្ទឹងត្រែង ។

សូមប្រជាពលរដ្ឋប្រុងប្រយ័ត្ន...! ជនសង្ស័យប្រុស-ស្រី ២នាក់ ត្រូវឃាត់ខ្លួន ពាក់ព័ន្ធករណីឆបោក ក្រោមរូបភាពផ្ញើលុយ ឬសម្ភារៈមានតម្លៃមកពីក្រៅប្រទេស

2022/09/01 10:03:27 am        529
Facebook Telegram Linkin
ភ្នំពេញ៖ កម្លាំងនគរបាលនាយកដ្ឋានព្រហ្មទណ្ឌ ក្រោយទទួលបានសេចក្ដីរាយការណ៍ និងពាក្យបណ្ដឹងរបស់ពលរដ្ឋរងគ្រោះ ធ្វើការស្រាវជ្រាវ រហូតឈានដល់ការឃាត់ខ្លួនជនសង្ស័យប្រុស-ស្រី ២នាក់ ពាក់ព័ន្ធករណីឆបោកក្រោមរូបភាពផ្ញើលុយ ឬសម្ភារៈមានតម្លៃមកពីក្រៅប្រទេស។ប្រតិបត្តិការនេះ បានធ្វើឡើងនៅវេលាម៉ោង ០៤ល្ងាចថ្ងៃទី៣០ ខែសីហា ឆ្នាំ២០២២ នៅចំណុចនៅទីតាំងវីងមួយកន្លែង កំពុងធ្វើសកម្មភាពដកលុយ ស្ថិតនៅសង្កាត់វាលវង់ ខណ្ឌ៧មករា រាជធានីភ្នំពេញ។ ជនសង្ស័យដែលបានឃាត់ខ្លួនទី១៖ ឈ្មោះ N’ CHO MARCEL ភេទប្រុស ជនជាតិ កូដូវ័រ និងទី២៖ឈ្មោះ ដូង ធារី ភេទស្រី ជនជាតិ ខ្មែរ។ជនសង្ស័យបានឆ្លើយសារភាពថា ឈ្មោះ ASIA ភេទប្រុស ជនជាតិ វ៉េណេស៊ុយអេទ្បា រស់នៅក្រៅប្រទេស បានទំនាក់ទំនងទៅជនរងគ្រោះតាមរយៈហ្វេសប៊ុក និងសុំលេខពីជនរងគ្រោះថា ខ្លួនចង់ផ្ញើអីវ៉ាន់ ឬប្រាក់ជាច្រើន ទៅប្រទេសកម្ពុជា ដោយឲ្យជនរងគ្រោះជាអ្នកទទួលអីវ៉ាន់ ឬប្រាក់បញ្ញើនោះ ។ បន្ទាប់មកឈ្មោះ ASIA បានផ្ញើលេខទូរសព្ទ័របស់ជនរងគ្រោះឲ្យទៅឈ្មោះ N’ CHO MARCEL ហើយឲ្យស្រ្តីម្នាក់ដើរតួជា គយ បង្គាប់ឲ្យជនរងគ្រោះផ្ញើប្រាក់បង់ពន្ធដើម្បីយកទំនិញនោះចេញ។ គួរបញ្ជាក់ផងដែរ កាលពីថ្ងៃទីអំឡុង ខែសីហា ឆ្នាំ២០២២ មានគណនីហ្វេសបុកឈ្មោះ PARIMAL បានប្រាប់ថា ខ្លួនជាប់នៅប្រទេសអ៊ុយក្រែន ហើយខ្លួនត្រូវការផ្ញើប្រាក់មកទុកនៅស្រុកខ្មែរ ដើម្បីរកមនុស្សចិត្តល្អជួយរក្សាទុកឲ្យ ហើយឈ្មោះ PARIMAL ធ្វើជាជ្រើសរើសយកជនរងគ្រោះឈ្មោះ ឯក ពិសិដ្ឋ ភេទប្រុស រស់នៅសង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ។បន្ទាប់មកក៏មានស្រ្តីជនជាតិខ្មែរម្នាក់ អះអាងខ្លួនជាមន្រ្តីគយ ដែលបានឃាត់បខាងលើ ស្ត្រីនោះបញ្ជាក់ទៀតថា ទាល់តែបង់ប្រាក់ពិន័យចំនួន USD ១៧.៥០០$ តាមរយៈវីងលេខទូរស័ព្ទ ទើបអាចទទួលបានកញ្ចប់ប្រាក់ខាងលើ។ ដោយចាញ់ល្បិចកលរបស់ក្រុមឆបោកខាងលើ នៅថ្ងៃទី២៩ ខែសីហា ឆ្នាំ២០២២ ជនរងគ្រោះបានផ្ញើប្រាក់ជាបន្តបន្ទាប់សរុបជាង៩ពាន់ដុល្លារ។ ប៉ុន្តែក្រោយពីផ្ញើប្រាក់រួចជនរងគ្រោះទាក់ទងលែងបាន ចំណែកគណនីហ្វេកបុកឈ្មោះ PARIMAL ក៏មិនអាចទាក់ទងបានទៀត ទើបដឹងថា ចាញ់បោកគេហើយ ប៉ុន្តែនៅថ្ងៃទី៣០ ខែសីហា ឆ្នាំ២០២២ ស្រាប់តែឈ្មោះ PARIMAL បានទាក់ទងមកឲ្យជនរងគ្រោះផ្ញើប្រាក់បន្ថែម៥០០០$ ទៀតនឹងទទួលបានកញ្ចប់ប្រាក់នោះ តែមុនពេលផ្ញើប្រាក់ជនរងគ្រោះបានរាយការណ៍មកនាយកដ្ឋាននគរបាលព្រហ្មទណ្ឌ ដើម្បីជួយអន្តរាគមន៍ទើបឃាត់ខ្លួនជនសង្ស័យបាន ខណៈពេលកំពុងចូលទៅដកប្រាក់នៅទីតាំងវីងមួយកន្លែងស្ថិតនៅសង្កាត់វាលវង់ ខណ្ឌ៧មករា រាជធានីភ្នំពេញ។បច្ចុប្បន្នជនសង្ស័យទាំង០២នាក់ ត្រូវបានកម្លាំង នាយកដ្ឋាននគរបាលព្រហ្មទណ្ឌ សាកសួរ និងកសាងសំណុំរឿងបញ្ជូនទៅអយ្យការអមសាលាដំបូងរាជធានីភ្នំពេញ ដើម្បីចាត់ការបន្តតាមនីតិវិធី៕(ដោយ៖ កុម្ភៈ)

បង្ក្រាបគ្រឿងញៀននៅភ្នំពេញស្លាប់ជនសង្ស័យម្នាក់ និងរបួសមនុស្ស៤នាក់

2022/08/31 12:47:40 pm        329
Facebook Telegram Linkin
ភ្នំពេញ៖ កម្លាំងនគរបាលមន្ទីរប្រឆាំងគ្រឿងញៀន សហការជាអាជ្ញាធរមូលដ្ឋាន​បង្ក្រាប​គ្រឿងញៀន​ឈានដល់ការផ្ទុះអាវុធប្រមាណជាង ១០គ្រាប់ បណ្ដាលឲ្យស្លាប់ជន​សង្ស័យម្នាក់ របួសមនុស្ស៤នាក់​ និងឃាត់ខ្លួនជនសង្ស័យចំនួន២នាក់ ​រឹបអូស​សារធាតុញៀន ជាង ២០គីឡូក្រាម។ប្រតិបត្តិការនេះ បានធ្វើឡើងនៅវេលាម៉ោង ៨និង៣០នាទីព្រឹកថ្ងៃទី៣១ ខែសីហា ឆ្នាំ ២០២២ ចំណុចផ្លូវចូលកំពង់ដស្វាយជ្រុំ តាមបណ្តោយផ្លូវកែវចិន្តា ស្ថិតក្នុងភូមិទី៣ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។តាមប្រភពព័ត៌មាន បានឲ្យដឹងថា កម្លាំងជំនាញមន្ទីរប្រឆាំងគ្រឿងញៀន ​តាមមុខសញ្ញា​ជួញដូរ​គ្រឿងញៀន​ទ្រង់ទ្រាយធំ ធ្វើដំណើរដោយរថយន្តចំនួន ០២គ្រឿង ​ដោយ​រថយន្ត​មួយគ្រឿងម៉ាក ford ពណ៌ស ​ពាក់ស្លាកលេខភ្នំពេញ 2BO-0123​ ដឹកផ្ការួចបង្កប់គ្រឿងញៀន ​ជាង២០គីឡូក្រោមផ្កា ត្រូវបានកម្លាំងសមត្ថកិច្ចបាញ់បំបែកកង់រថយន្តទាំង០៤​ ទៅមុខលែងរួច និងរថយន្តមួយ​គ្រឿងទៀត​ម៉ាក MG ពណ៌ក្រហម ​ពាក់ស្លាកលេខភ្នំពេញ 2BL-7217 ធ្វើដំណើរដោយជនសង្ស័យចំនួន០៣នាក់ ព្យាយាម​គេច ​និង​បាញ់រះមកលើសមត្ថកិច្ចត្រូវបានកម្លាំងសមត្ថកិច្ច​ បាញ់ទៅវិញ បណ្ដាល​ឲ្យជនសង្ស័យម្នាក់​ស្លាប់ក្នុងរថយន្ត ​និងរបួសម្នាក់ ​ចំណែក​២នាក់ទៀត ត្រូវបាន​សមត្ថកិច្ចឃាត់ខ្លួន។ តាមប្រភពព័ត៌មានពីពលរដ្ឋ បានបង្ហើបឲ្យដឹងថា​ ក្នុងប្រតិបត្តិការនេះ បណ្ដាល​ឲ្យ​ពលរដ្ឋរងរបួស​ចំនួន០៣នាក់​ គឺមនុស្សស្រី០២នាក់ និងបុរសម្នាក់ជាម្ចាស់ម៉ូតូកង់៣​ ដែលរថយន្តជនសង្ស័យ បើកបុកចំពីមុខ។ក្រោយពេលកើតហេតុ កម្លាំងសមត្ថកិច្ចចម្រុះ​ បានធ្វើការ​ហ៊ុមព័ទ្ធ​ ទីតាំងកើតហេតុ ដើម្បីឲ្យជំនាញ ធ្វើការត្រួតពិនិត្យ និងដកហូតគ្រឿងញៀន ជាង២០គីឡូក្រាម៕ អត្ថបទ៖ កុម្ភៈ

តុលាការបើកសវនការលើករណីលោក ឌួង ងៀប ឆបោកប្រាក់ជាង ៧លានដុល្លារ តែលោក មិនចូលរួមសេវនាការឡើយ

2022/08/30 04:08:38 pm        890
Facebook Telegram Linkin
ភ្នំពេញ៖ នៅព្រឹកថ្ងៃទី៣០ ខែសីហា ឆ្នាំ២០២២ នេះចៅក្រម​ស៊ើបសួរ​នៃ​អយ្យការអមសាលា​ដំបូង​រាជធានីភ្នំពេញ ​បានបើកការ​ស៊ើបសួរ​ជំនុំជម្រះ​ តែពុំឃើញមានវត្តមានលោក ឌួង ងៀប ចូលក្នុងសវនការឡើយ។ មានតែភាគីជនជាតិតៃវ៉ាន់​ ជាជនរងគ្រោះ ចូលរួមក្នុងសវនាការ​ជំនុំជម្រះ​នេះ។ជនជាតិតៃវ៉ាន់ ជាជនរងគ្រោះមានឈ្មោះ CHIH YU បានឲ្យដឹងថា ក្នុង​សវនការ​ជំនុំជម្រះ​នេះ មិន​ឃើញវត្តមានលោក ឌួង ងៀប ចូលរួមឡើយ។ ដូច្នេះលោក​សំណូមពរដល់ អយ្យការ​អមសាលា​ដំបូង​រាជធានី​ភ្នំពេញ​ជួយរកយុតិធម៌​ និងឲ្យលោក ឌួង ងៀប មានដំណោះស្រាយ។ជនរងគ្រោះ ​បានឲ្យដឹងថា ពាក់ព័ន្ធលុយចំនួនជាង ៧ លានដុល្លារនេះ គឺលោក​ជាដៃគូជំនួញ ជា​មួយ​លោក ឌួង ងៀប ដោយក្រុមហ៊ុនមានការសហការគ្នា​លោក ឌួង ងៀប ​បានឆបោក ជន​រងគ្រោះ ​ពាក់ព័ន្ធ​ករណីក្លែង​អត្តសញ្ញាណប័ណ្ណ​ឱ្យ​ចិនច្រើននាក់ និង​ក្លែង​លក់ដីខ្យល់ ដោយ​យក​បានលុយច្រើនលានដុល្លារ ។ កន្លងមកលោក ឌួង ងៀប ក៏ធ្លាប់បានចេញ​សែក​ ឲ្យ​មក​ជនរង​គ្រោះវិញ​ផងដែរ ​តែ​ជា​សែកស្អុយ​ មិនមានទឹកប្រាក់ឡើយ។ជាចុងក្រោយជនរងគ្រោះ ជាដើមចោទសំណូមពរ ​ដល់អាជ្ញាធរពាក់ព័ន្ធ ​ជាពិសេសស្ថាប័ន តុលាការ​ជួយ​រក​យុត្តិធម៌​សម្រាប់​ជនរងគ្រោះផង។ ពាក់ព័ន្ធ​ករណីនេះ ​BTV News​ពុំមាន​ប្រភព​ណា​អាច​បញ្ជាក់ពីភាគីលោក ឌួង ងៀប បានឡើយ៕ អត្ថបទ៖ កុម្ភះ

អាជ្ញាធរមូលដ្ឋាន និងពលរដ្ឋ ព្រួយបារម្ភចំពោះកំណើននៃការបើកល្បែងផ្សង​សំណាងឆ្នោតឡូតូ នៅតាមផ្ទះ

2022/08/30 01:13:13 pm        1163
Facebook Telegram Linkin
កណ្ដាល៖ នៅពេលបច្ចុប្បន្ន នៅតាមផ្ទះដែលមានប្រកបរបររកស៊ីខ្នាតតូចនៅតាមមូលដ្ឋាននានា គឺមានការបើកល្បែងឆ្នោតផ្សងសំណាងទ្រង់ទ្រាយតូច និងទ្រង់ទ្រាយធំមានច្បាប់ មានអាជ្ញាបណ្ណ​អនុញ្ញាតឲ្យបើកត្រឹមត្រូវ ប៉ុន្តែសម្រាប់ការបើកនេះ អាជ្ញាធរមូលដ្ឋាន ក៏ដូចជា​បណ្តា​ប្រជាពលរដ្ឋ​នៅភ្នំពេញ​ និងខេត្តកណ្តាល ​បានបង្ហាញការព្រួយបារម្ភ​ចំពោះរីកដុះដាលការបើកល្បែងផ្សង​សំណាង​នេះលឿនពេក ​ដែលធ្វើឲ្យប៉ះពាល់ជីវភាព​ និងការរកចំណូលប្រចាំថ្ងៃរបស់ប្រជាពលរដ្ឋ។បើតាមលោកស្រី សឿង សេរី ចៅសង្កាត់ដង្កោ រាជធានីភ្នំពេញ ថ្លែងប្រាប់BTVនៅថ្ងៃទី៣០ខែ​សីហា​នេះថា ​នៅពេលបច្ចុប្បន្នអាជ្ញាធរមូលដ្ឋាន នៅក្នុងសង្កាត់របស់លោកស្រីបាននឹងកំពុង​ចុះត្រួត​ពិនិត្យ ​ច្បាប់អនុញ្ញាត ​និងសុពលភាពអាជ្ញាបណ្ណបើកអាជីវកម្មនានានៅក្នុងមូលដ្ឋានខ្លួន ប៉ុន្តែ​សម្រាប់ច្បាប់អនុញ្ញាត និងអាជ្ញាបណ្ណបើកល្បែងផ្សងសំណាង​ឆ្នោតឡូតូ ដែលមានដាក់បង្ហាញ​ផ្ទាំង​កញ្ចក់​ទូរទស្សន៍​នេះ យើងមានការពិបាកគ្រប់គ្រងទីតាំងរបស់គេឲ្យបានច្បាស់លាស់ ហើយ​ពលរដ្ឋមួយចំនួនបានបើកល្បែងផ្សងសំណាងនោះ​ គឺបានកូពីអាជ្ញាបណ្ណនោះ ទៅបើក​នៅ​ទីតាំងថ្មីៗ​ច្រើនទៀត​ ដោយមិនមានការសុំការអនុញ្ញាតពីសាលាសង្កាត់នោះទេ។ពលរដ្ឋ បានថ្លែងថា សម្រាប់ការបើកល្បែងផ្សង​សំណាងស្របច្បាប់នេះ​គឺមានទីតាំងមួយ​ចំនួន​មានបើកល្បែងមិនស្របច្បាប់​ទៅជាមួយគ្នាដូចជា​ ល្បែងឆ្នោតវៀតណាម និងល្បែងហ្គេម​អនឡាញជាដើម ​ ដែលបញ្ហានេះ​ពលរដ្ឋសើ្នសុំអាជ្ញាធរ ​និង​ក្រុមហ៊ុនសាមីជួយចុះត្រួតពិនិត្យ​ការ​បើកឲ្យបានត្រឹមត្រូវ ជាពិសេសត្រួតពិនិត្យ​ការបើក​នៅជិតសាលារៀន​បង្កការរំខាន​សិស្ស​កំពុងសិក្សាជាដើម។បើតាមមន្ត្រីជំនាញអង្គភាពច្រកចេញចូលតែមួយ របស់រដ្ឋបាលខេត្តកណ្តាល ​បានថ្លែងថា នៅក្នុងអង្គភាពច្រកចេញចូលតែមួយខេត្តកណ្តាល​ មិនមាន​បើកសេវា​ផ្តល់ច្បាប់ ផ្តល់​អាជ្ញាបណ្ណ​បើកអាជីវកម្មឆ្នោតឡូតូ​ និងល្បែងផ្សងសំណាងនោះទេ ​ខណៈការផ្តល់ច្បាប់អនុញ្ញាត និងផ្តល់​អាជ្ញាបណ្ណសម្រាប់បើកអាជីវកម្មនានាទៀត​ គឺអង្គភាព ​មានផ្តល់អាជ្ញាបណ្ណដែលមាន​សុពលភាព​រយៈពេល១ឆ្នាំនិង២ឆ្នាំម្តង ​ហើយមានទីតាំងមួយច្បាស់លាស់​និងងាយស្រួលអាជ្ញាធរគ្រប់គ្រង។សូមបញ្ជាក់ថា ​តាមការឲ្យដឹងពីប្រភពក្រៅផ្លូវការពីពលរដ្ឋដែលបានបើកល្បែងផ្សងសំណាងនេះ គឺដំបូងមានតំណាងក្រុមហ៊ុនឡូតូ ​ធ្វើសកម្មភាពដោយ​ចុះមកសាក​សួរ​ជួលផ្ទះ រួចហើយ​ផ្តល់​ការរៀបចំដំឡើង​ទូរទស្សន៍​កុំព្យូទ័រ​បំពាក់ internet និងមានការផ្តល់ប្រាក់ខែប្រមាណ ១៥០ដុល្លារ​ទៅ២០០ដុល្លា​អាមេរិចក្នុងមួយខែ​ទៅតាមកម្រិតទីតាំងពលរដ្ឋចូលសេវាតិច ឬច្រើនផងដែរ៕ អត្ថបទ ស៊ុម សុខជា

នគរបាលប៉ុស្ដិ៍រដ្ឋបាលឈើទាល ស្រុកកៀនស្វាយ ដាក់កម្លាំងប្រចាំការទាំងថ្ងៃ-យប់ ដើម្បីពង្រឹងសន្តិសុខ និងសុវត្ថិភាពជូនពលរដ្ឋ

2022/08/29 04:30:45 pm        680
Facebook Telegram Linkin
កណ្ដាល៖ នគរបាលប៉ុស្ដិ៍រដ្ឋបាលឈើទាល ​ស្រុកកៀនស្វាយ​ បាន​ដាក់កម្លាំងប្រចាំការ​ទាំង​ថ្ងៃ-យប់​ដើម្បី​ពង្រឹង​សន្តិសុខ និងសុវត្ថិភាព​ជូនពលរដ្ឋ ខណៈបទល្មើស​ចោរកម្ម ហិង្សា និងគ្រឿងញៀន ​បង្ក្រាប​បាន​ជាបន្ដបន្ទាប់។ ដើម្បី​ពង្រឹង​សន្តិសុខ និងសុវត្ថិភាព​ជូនពលរដ្ឋលោកវរសេនីយ៍ត្រី សឿន ផល្លី មេប៉ុស្ដិ៍រដ្ឋបាលឃុំឈើទាល ​បានដាក់គោល​ដៅ​ប្រចាំការទាំងថ្ងៃ-យប់​នៅតាមទីសាធារណៈ ​ដើម្បី​បង្កលក្ខណៈងាយស្រួល ក្នុងការចុះ​អន្តរាគមន៍​ដល់​ប្រជាពលរដ្ឋ ​ឱ្យបានទាន់ពេលវេលា។លោកមេប៉ុស្ដិ៍នគរបាលប៉ុស្ដិ៍រដ្ឋបាលឈើទាល ​ស្រុកកៀនស្វាយ ​បានប្រាប់BTV Newsថា ដោយ​មាន​ការ​ណែនាំ​ពី​ឧត្តមសេនីយ៍ទោ ឈឿន សុចិត្តស្នងការនគរបាលខេត្តកណ្តាល ​កម្លាំង​សមត្ថកិច្ច​ប៉ុស្ដិ៍រដ្ឋបាលឈើទាល ​បានដាក់ប៉ុស្ដិ៍សាធារណៈប្រចាំការ២៤ម៉ោងលើ២៤ម៉ោង ព្រមទាំង​ការ​ដើរ​ល្បាត​ និងការផ្ដល់សេវាសាធារណៈផ្សេងៗ ​ដើម្បីបង្កលក្ខណៈងាយស្រួល ក្នុងការឆ្លើយតប ឬ​កិច្ច​អន្តរាគមន៍ ជួយប្រជាពលរដ្ឋ ឱ្យបានទាន់ពេលវេលា ក្នុងពេលដែលមានបញ្ហាមិន​ប្រក្រតី​ផ្សេងៗ​។លោកវរសេនីយ៍ត្រី សឿន ផល្លី បានថ្លែងថា រយៈពេលចុងក្រោយ១ខែ ក្នុងឆ្នាំ២០២២នេះ បទល្មើស​ដែល​កម្លាំង​សមត្ថកិច្ច​បង្រ្កាប​បាន មានការ​ថយ​ចុះដូចជា​ បទល្មើស​ចោរកម្ម លួច ប្លន់ គ្រឿងញៀន និង​អំពើ​ហិង្សា​ជាដើម។ លោក បាន​បន្ថែម​ឲ្យ​ដឹង​ទៀត​ថា ដើម្បី​ឱ្យ​ការ​ពង្រឹង​សន្តិសុខ ​និងសុវត្ថិភាពឱ្យ​មាន​ប្រសិទ្ធភាព​ខ្ពស់​នោះគឺ ​នគរបាលរបស់យើង​តែងតែ​​ផ្សព្វផ្សាយ​​យ៉ាង​ញឹកញាប់​នៅ​តាម​មូលដ្ឋាន ដើម្បី​ជំរុញ​ឱ្យ​មាន​ការចូលរួមរាយការណ៍​ពី​ប្រជាពលរដ្ឋ។ជាមួយគ្នានេះដែរ បងប្អូនប្រជាពលរដ្ឋ មានការអបអរសាទរ និង​សប្បាយចិត្ត​នៅពេលឃើញ​កម្លាំង​សមត្ថកិច្ច​ដាក់ប៉ុស្ដិ៍​ចុះដើរ​ល្បាត​ និងបង្ក្រាបបទល្មើស​បានជាបន្ដបន្ទាប់ដូចជា៖ ចោរកម្ម លួច ប្លន់ គ្រឿងញៀនផងដែរ។គួររម្លឹកផងដែរថា ក្នុងការផ្សព្វផ្សាយផែនការ ការពារសន្តិសុខ សណ្ដាប់ធ្នាប់ និង​សុវត្ថិភាព លោក​ឧត្តមសេនីយ៍ទោ ឈឿន សុចិត្តស្នងការនគរបាលខេត្តកណ្តាល បាន​ធ្វើ​ការណែនាំ​ដល់​លោក លោក​ស្រីស្នងការរង និងលោកអធិការនគរបាលក្រុង/ស្រុកទាំង១១ ត្រូវ​យកចិត្តទុកដាក់ណែនាំ និង​ពិនិត្យ​ទៅ​លើមន្ត្រីរបស់ខ្លួន ដែលឈរជើងនៅតាមគោលដៅ​ត្រួត​ពិនិត្យ​តាម​ដងផ្លូវ ឱ្យ​យកចិត្តទុក​ដាក់​ខ្ពស់​ក្នុង​ការ​ឆែកអាវុធ​ជាតិផ្ទុះ។ល។ ដើម្បី​ធានា​បាននូវសន្តិសុខ សណ្តាប់ធ្នាប់ និងសុវត្ថិភាពជូនបងប្អូនប្រជាពលរដ្ឋ ពិសេសថ្នាក់ដឹកនាំជាន់ខ្ពស់៕អត្ថបទ ៖ នុត សាវី

បណ្ដាញសង្គម

ព័ត៌មានថ្មីៗ

សម្ពោធដាក់ឱ្យជាផ្លូវការអគារសាលាបឋមសិក្សាថ្មី១ខ្នង ២បន្ទប់ បន្ទាប់ពីជួសជុល និងសាងសង់ឡើងវិញរួចរាល់ ដើម្បីបម្រើឱ្យវិស័យអប់រំនៅក្នុងមូលដ្ឋាន
07/15/2025 07:07 AM
Facebook Telegram Linkin
ការពិនិត្យឡើងវិញ៖ ភាពយន្តឯកសារពីតំបន់ហ្កហ្សារបស់ BBC បំពានគោលការណ៍ណែនាំអំពីភាពត្រឹមត្រូវ
07/14/2025 08:07 PM
Facebook Telegram Linkin
មនុស្សជាច្រើននាក់ស្លាប់ក្នុងអគ្គិភ័យនៅមជ្ឈមណ្ឌលសង្គ្រោះ ក្នុងរដ្ឋ Massachusetts
07/14/2025 08:07 PM
Facebook Telegram Linkin
ជំនួយការរបស់លោក Netanyahu ប្រឈមនឹងការចោទប្រកាន់ផ្លូវការ ជុំវិញការបែកធ្លាយព័ត៌មានយោធា
07/14/2025 08:07 PM
Facebook Telegram Linkin
រដ្ឋមន្ត្រីការបរទេសអ៊ីស្រាអែល និងប៉ាឡេស្ទីន នឹងចូលរួមកិច្ចប្រជុំរបស់ EU
07/14/2025 08:07 PM
Facebook Telegram Linkin
អ៊ីរ៉ង់៖ ការដាក់ទណ្ឌកម្មជាថ្មីរបស់ UN នឹងជួបជាមួយការឆ្លើយតបយ៉ាងសមស្រប
07/14/2025 07:07 PM
Facebook Telegram Linkin
វិមានក្រឹមឡាំង៖ ការបញ្ជូនអាវុធ និងគ្រាប់រំសេវទៅអ៊ុយក្រែនពីអាមេរិក កំពុងបន្តមានធម្មតា
07/14/2025 07:07 PM
Facebook Telegram Linkin
នគរបាលឃាត់ខ្លួនមនុស្ស ៨នាក់ ក្រោយមានការប៉ះទង្គិចរបស់ក្រុមប្រឆាំងជនអន្តោប្រវេសន៍ ក្នុងទីក្រុងនៅអេស្ប៉ាញ
07/14/2025 07:07 PM
Facebook Telegram Linkin
ព្រះអង្គម្ចាស់ នរោត្តម ចក្រាវុធ ជួបពិភាក្សាការងារជាមួយ ឯកឧត្តម Chen Zhou អនុរដ្ឋមន្រ្តី ក្រសួងទំនាក់ទំនងអន្តរជាតិចិន
07/14/2025 07:07 PM
Facebook Telegram Linkin
EU នឹងត្រៀមបញ្ជីពន្ធ ២៤,៥២ពាន់លានដុល្លារ សម្រាប់ទំនិញរបស់អាមេរិក
07/14/2025 06:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.