នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សមត្ថកិច្ចខេត្តមណ្ឌលគិរី និងខេត្តសៀមរាប ឃាត់ខ្លួនជនបរទេសចំនួន១៦២នាក់ ក្នុង​ប្រតិបត្តិការ​បង្រ្កាបបទល្មើសតាមប្រព័ន្ធបច្ចេកវិទ្យា
ជនបរទេស១៣នាក់ត្រូវបានឃាត់ខ្លួនក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យានៅសៀមរាប
ចៅក្រមស៊ើបសួរសាលាដំបូងរាជធានីភ្នំពេញសម្រេចឃុំខ្លួនជនត្រូវចោទ៨នាក់ជាបណ្តោះអាសន្នពាក់ព័ន្ធអំពើឆបោកតាមឆបោកតាមប្រព័ន្ធអនឡាញ
ត្រឹមថ្ងៃទី១៩កក្កដា សមត្ថកិច្ចរាជធានី-ខេត្ត បង្រ្កាបករណីឆបោកតាមប្រព័ន្ធបច្ចេកវិទ្យា ៥២ទីតាំង ឃាត់ខ្លួនជនសង្ស័យ ២.៧៦៧ នាក់ មានជនជាតិចិនចំនួន ៨៤៣នាក់

សន្តិសុខ និង សង្គម

លោកគ្រូជោគជ័យ​ ជំនាញបោក ហើយតាំងខ្លួនជាមេធាវី​បង្វក់​ស្ត្រីម្នាក់ ត្រូវ​បាន​នគរបាល​ព្រហ្មទណ្ឌ​កម្រិត​ស្រាល​រាជធានីភ្នំពេញ​ បញ្ជូន​មកតុលាការ​នៅព្រឹកនេះ

2021/12/04 11:11:32 am        7043
Facebook Telegram Linkin
ភ្នំពេញ ៖ លោកគ្រូជោគជ័យឈ្មោះ ប៊ុន រស្មី ហៅ ប៊ុន ផាក (Bun Park) ជំនាញបោក ឈានដល់តាំងខ្លួនជាមេធាវីបង្វក់ស្ត្រីម្នាក់ ត្រូវបាននគរបាលព្រហ្មទណ្ឌកម្រិតស្រាល នៃស្នងការនគរបាលរាជធានីភ្នំពេញ ឃាត់ខ្លួនបញ្ជូនមកតុលាការហើយ នៅវេលាម៉ោង១០ និង១០ព្រឹក ថ្ងៃទី៤ ខែធ្នូ ឆ្នាំ២០២១ ដើម្បីបញ្ជូន​ឲ្យ​តំណាងអយ្យការធ្វើការសាកសួរ តាមនីតិវិធី ។លោកគ្រូជោគជ័យឈ្មោះ ប៊ុន រស្មី ហៅ ប៊ុន ផាក (Bun Park) បាន​បង្វក់ស្ត្រីម្នាក់អោយផ្តល់ទ្រព្យ ទាំង​លង់សំដី ចេតនាទុច្ចរិតទីបំផុត ជាប់ខ្នោះសមត្ថកិច្ចតាមបំណង​អំពើ​ល្មើសច្បាប់ ក្នុង​បណ្តឹង​ព្រហ្មទណ្ឌជន​រងគ្រោះ​ឈ្មោះ ជា ចាន់តុលា ។យោងតាមពាក្យបណ្ដឹងដែលសារព័ត៌មានបានទទួលចោទលើលោកគ្រូជោគជ័យ ខាងបោក​ដោយ​បញ្ជាក់​ដើមបណ្ដឹងថា ខ្ញុំបាទឈ្មោះ ជា ចាន់តុលា ភេទប្រុស អាយុ២៩ឆ្នាំ ជនជាតិខ្មែរ សញ្ជាតិខ្មែរ ស្នាក់នៅផ្ទះលេខ៩១ សេអ៊ឺ២ ផ្លូវ១៣៨ ភូមិ២ សង្កាត់ផ្សារដេប៉ូ២ ខណ្ឌទួលគោក រាជធានីភ្នំពេញ មុខរបរលក់ដូរ។សូមគោរពជូនចូល​លោកឧត្តមសេនីយ៍ឯកអគ្គស្នងការរង និងជាស្នងការនគរបាលរាជធានីភ្នំពេញ កម្មវត្ថុ ៖ សុំប្ដឹងឈ្មោះប៊ុនរស្មី ហៅ ប៊ុន ផាក (Bun Park) ភេទប្រុស អាយុ ២៩ឆ្នាំ ជនជាតិខ្មែរ សញ្ជាតិខ្មែរ ស្នាក់នៅផ្ទះលេខ៥៤”ផ្លូវលេខ៥៨៨ ភូមិ២ សង្កាត់បឹងកក់២ ខណ្ឌទួលគោក រាជធានីភ្នំពេញ បានធ្វើសកម្មភាពតាំងខ្លួនជាមេធាវីរារាំង និងញុះញង់ឱ្យឈ្មោះ ស៊ាន ធារី និង​បុគ្គលិក​របស់ហាងឈ្មោះ V SHOP CAMBODIA ​យកសំលៀកបំពាក់ក្នុងហាង​ទូដែក​វេរប្រាក់ ចេញ​ពី​គណនីធនាគារ និងផ្ទេរកម្មសិទ្ធិផ្ទះរបស់ខ្ញុំបាទ និងឈ្មោះ ស៊ាន ធារី ប្រព្រឹត្តនៅរាជធានីភ្នំពេញ អំឡុង​ខែវិច្ឆិកា ឆ្នាំ២០២១ ។តបតាមកម្មវត្ថុ និងយោងខាងលើ ខ្ញុំបាទ​មាន​កិត្តិយស​សូមគោរពជម្រាបជូន​ លោកមេត្តាជ្រាបថា កាល​ពីអំឡុងខែវិច្ឆិកាឆ្នាំ២០២១ ឈ្មោះ ប៊ុន រស្មី ហៅ ប៊ុន ផាក (Bun Park) បាន​លួច​មាន​ទំនាក់ទំនង​ជាមួយ ឈ្មោះ ស៊ាន ធារី ដែល​ត្រូវជា​ប្រពន្ធ​របស់ខ្ញុំបាទ​ (អនីតិសង្វាស) ដោយ​បង្គាប់​ឱ្យឈ្មោះ ស៊ាន ធារី យកទូដែកចេញពីផ្ទះរបស់ខ្ញុំបាទ ​ផ្ទេរប្រាក់ចេញពីគណនីធនាគាររបស់ឈ្មោះ ស៊ាន ធារី ដែលប្រាក់នេះគឺជាប្រាក់ដែលបានមកពីការរកស៊ីជាមួយគ្នា និងឱ្យឈ្មោះ ស៊ាន ធារី ផ្ទេរកម្មសិទ្ធិផ្ទះដែលខ្ញុំបាទនិងឈ្មោះ ស៊ាន ធារី បានទិញរួមគ្នា ​និងបានផ្ញើរសារបង្គាប់ឲ្យឈ្មោះ ស៊ាន ធារី ដកឈ្មោះខ្ញុំបាទចេញពីគ្រុបការងារ ​និងបណ្ដេញខ្ញុំបាទចេញលែងឲ្យធ្វើការងារបន្តទៀត ហើយថែមទាំងប្រាប់ឲ្យ ស៊ាន ធារី ផ្លាស់ប្តូរសោរទ្វារផ្ទះលែ្វងមិនឲ្យខ្ញុំបាទចូលស្នាក់នៅបានដោយ ពុំបានផ្ដល់ដំណឹងឲ្យខ្ញុំបាទបានដឹងឡើយ ។នៅថ្ងៃទី២៨ ខែវិច្ឆិកា ឆ្នាំ២០២១ នៅពេលដែលខ្ញុំបាទទៅហាងលក់សំលៀកបំពាក់ឈ្មោះ V SHOP CAMBODIA ដែលមានទីតាំងស្ថិតនៅផ្ទះលេខC13 C15 ភូមិ១ សង្កាត់ស្រះចក ខណ្ឌដូនពេញ រាជធានីភ្នំពេញ ដើម្បីប្រាប់បុគ្គលិកហាងកុំឱ្យយកសំលៀកបំពាក់ទាំងអស់នោះចេញពីហាង ដោយ​មាន​សមត្ថកិច្ច ជួយសម្របសម្រួល និងណែនាំដល់បុគ្គលិកទាំងអស់នោះ ស្រាប់តែឈ្មោះ ស៊ាន ធារ៉ា ជា​បុគ្គលិក​ហាងបានហៅ វីដេអូខលទៅឈ្មោះ ស៊ាន ធាវី ​ដើម្បីបញ្ជាក់ និងទាមទារ​យក​អីវ៉ាន់​ចេញ ពេលដែលកំពុងនិយាយស្រាប់តែ​ឈ្មោះ ប៊ុន រស្មី ហៅ ប៊ុន ផាក (Bun Park) បានចូលមក​និយាយ​សាកសួរ ​ទៅ​សមត្ថកិច្ចដែលកំពុងណែនាំ និងបង្ហាញឯកសារមួយចំនួនមកកាន់សមត្ថកិច្ច ពេលនោះផងដែរ សមត្ថកិច្ចបានសួរនាំទៅឈ្មោះ ប៊ុន រស្មី ហៅ ប៊ុន ផាក(Bun Park) ថា​មានតួនាទី​ជា​អ្វីនៅ​ក្នុងរឿងនេះ បានជាអ្នកហ៊ានអះអាង និងសួរនាំសមត្ថកិច្ចដូច្នេះ ពេលនោះ ដោយមាន​ការ​បញ្ជាក់​ជាច្រើនដងពីសមត្ថកិច្ចឈ្មោះ ប៊ុន រស្មី ហៅ ប៊ុន ផាក (Bun Park) បានឆ្លើយអះអាងថាខ្លួន គឺជាមេធាវីតំណាងឱ្យឈ្មោះ ស៊ាន ធារី បន្ទាប់មកសមត្ថកិច្ច ក៏ស្នើសុំឱ្យឈ្មោះ ប៊ុន រស្មី ហៅ ប៊ុន ផាក (Bun Park) និងឈ្មោះ ស៊ាន ធារី មកហាង ដើម្បីធ្វើការ​សម្របសម្រួល​តែឈ្មោះ ស៊ាន ធារី និងឈ្មោះ ប៊ុន រស្មី ហៅ ប៊ុន ផាក (Bun Park) មិនមកជួបដោះស្រាយជាមួយខ្ញុំបាទឡើយ ។ដើមបណ្តឹងសំណូមពរ សមត្ថកិច្ចមានវិធានការទៅលើឈ្មោះ ប៊ុន រស្មី ហៅ ប៊ុន ផាក (Bun Park) តាមនីតិវិធីច្បាប់ ​ដើម្បីកុំឲ្យឈ្មោះ ប៊ុន រស្មី ហៅ ប៊ុន ផាក (Bun Park) នេះ​បង្កការ​ខូចខាត ដែល​នាំ​ឲ្យប៉ះពាល់ដល់ផលប្រយោជន៍ និងកិត្តិយសរបស់ខ្ញុំបាទបន្តទៅទៀត ៕អត្ថបទ ៖ កុម្ភះ

ផ្ទះប្រជាពលរដ្ឋចំនួន២ខ្នងជាប់សាលាបឋមសិក្សាច្បារអំពៅ ត្រូវអគ្គីភ័យឆាបឆេះទាំងស្រុង

2021/12/03 07:26:08 pm        378
Facebook Telegram Linkin
ភ្នំពេញ ៖ អគ្គីភ័យមួយបានឆេះផ្ទះប្រជាពលរដ្ឋចំនួន២ខ្នងអស់ទាំងស្រុង បង្កឱ្យមានការភ្ញាក់ផ្អើលដល់អាជ្ញាធរមូលដ្ឋាន និងមន្ត្រីជំនាញបង្ការពន្លត់អគ្គីភ័យចេញមកអន្តរាគមន៍បាញ់ពន្លត់ កាលពីវេលាម៉ោង៤ និង២០នាទីរសៀល ថ្ងៃទី០៣ ខែធ្នូ ឆ្នាំ២០២១ នៅតាមបណ្ដោយផ្លូវបេតុង ជាប់សាលាបឋមសិក្សាច្បារអំពៅ ក្នុងសង្កាត់ច្បារអំពៅទី១ ខណ្ឌច្បារអំពៅ រាជធានីភ្នំពេញ។យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេបានឃើញ ផ្សែងហ៊ុយខ្មួរខ្មាញ់ចេញពីផ្ទះកើតហេតុជាអណ្ដាតភ្លើងយ៉ាងសន្ធោសន្ធៅបង្កឱ្យមានការភ្ញាក់ផ្អើលដល់អ្នកជិតខាងរាយការណ៍ទៅអាជ្ញាធរមានសមត្ថកិច្ច និងមន្ត្រីបង្ការពន្លត់អគ្គីភ័យឲ្យចេញរថយន្តមកបាញ់ទឹកពន្លត់ យ៉ាងញាប់ដៃជេីង ។ ក្នុងប្រតិបត្តិការណ៍បង្ការនិងពន្លត់អគ្គីភ័យខាងលេីនេះ មានការសហការពីអាជ្ញាធរមូលដ្ឋាន និងមន្ត្រីជំនាញ ព្រមទាំងបងប្អូនប្រជាពលរដ្ឋរស់នៅក្បែរខាងជួយបាញ់ទឹកពន្លត់ឲ្យរលត់ទៅវិញនៅវេលាម៉ោង ៤និង៥០នាទី ថ្ងៃខែឆ្នាំដដែល ។ ដោយផ្ទះរងកាខូចខាតមានចំនួន ២ខ្នង , ១ខ្នងឈើលើថ្មក្រោម និង ១ខ្នងទៀតឈើប្រក់ស័ង្កសីខូចខាតទាំងស្រុង តែករណីនេះមិនបង្កឲ្យមានអ្នកណាម្នាក់រងរបួស ឬគ្រោះថ្នាក់ដល់អាយុជីវិតនោះទេ ។ ចំពោះមូលហេតុ ដែលបង្កឲ្យមានអគ្គីភ័យនេះឆាបឆេះឡេីង សមត្ថកិច្ចជំនាញកំពុងស្រាវជ្រាវបន្ត ៕ អត្ថបទ ៖ តារាវុទ្ធី

បុរសម្នាក់បានស្លាប់ ក្នុងករណីអគ្គីភ័យឆេះផ្ទះលក់អីវ៉ាន់ នៅខណ្ឌសែនសុខ

2021/12/03 07:18:28 pm        768
Facebook Telegram Linkin
ភ្នំពេញ៖ បុរសម្នាក់បានស្លាប់ភ្លាមៗក្នុងហេតុការណ៍គ្រោះអគ្គីភ័យ ឆាប់ឆេះផ្ទះលក់អីវ៉ាន់ចាប់ហួយមួយកន្លែង រងការខូចខាតទាំងស្រុង។ ហេតុការណ៍អគ្គីភ័យនេះ បង្កអោយមានការភ្ញាក់ផ្អើលកាលពីវេលាម៉ោង៣និង១៥នាទីរសៀលថ្ងៃទី០៣ ខែធ្នូ ឆ្នាំ២០២១ នៅចំណុច ផ្ទះជួល ផ្លូវបេតុង ភូមិដំណាក់ សង្កាត់គោកឃ្លាង ខណ្ឌសែនសុខ រាជធានីភ្នំពេញ។តាមប្រភពព័ត៌មានពីសមត្ថកិច្ចបានឲ្យដឹងថាបុរសដែលបានស្លាប់ក្នុងអណ្តាតភ្លើង នោះឈ្មោះ ហ៊ីង សំអុន អាយុ៥៤ ឆ្នាំ ជាអ្នករត់ម៉ូតូឌុប និង លក់អីវ៉ាន់ចាបហួយ ត្រូវភ្លើង ឆេះស្លាប់នៅក្នុងបន្ទប់ទឹកមានប្រពន្ធ ឈ្មោះ នាង ហម អាយុ ៥៣ឆ្នាំ មានកូន ប្រុស១ ស្រី១ នៅក្នុងបន្ទុក ។តាមព័ត៌មានអោយដឹងថានៅមុនពេលកើតហេតុ គេបានឮសម្លេងផ្ទុះហ្គាស ហើយមានភ្លើងឆាបឆេះយ៉ាងសន្ធោសន្ធៅ ដោយឃើញស្រ្តីជាម្ចាស់ផ្ទះបានរត់ចេញមកក្រៅស្រែកអោយគេជួយ ដោយប្តីបានជាប់នៅក្នុងផ្ទះនោះ ។ភ្លាមៗប្រជាពលរដ្ឋ បានទាក់ទងរថយន្តពន្លត់អគ្គីភ័យ ចេញជួអន្តរាគមន៍ បាញ់ពន្លត់និងបាននាំគ្នា វាយទំលុះជញ្ជាំង ចូលបាញ់ពន្លត់ រួចក៏បានប្រទះឃើញ បុរសជាប្តីបានដេកស្លាប់ក្នុងបន្ទប់ទឹកទៅហើយ។តាមស្រ្តីជាប្រពន្ធបានអោយសមត្ថកិច្ចដឹងថា នៅមុនពេលកើតហេតុ គាត់បានបើក ភ្លើង ដាំទឹក រួចដើរមកលាងចាននៅមុខផ្ទះ ។ចំណែកប្តីបានដើរទៅមើលធុងហ្គាស ស្រាប់តែ ផ្ទុះឆេះជាប់ប្តីគាត់នៅ ក្នុងផ្ទះនោះតែម្តង។លោក វរសេនីយ៍ឯក ព្រហ្ម យ៉ន នាយការិយាល័យបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ បានប្រាប់ឲ្យដឹងថាក្តោយទទួលបានព័ត៌មានភ្លាមកម្លាំងជំនាញបានចេញរថយន្តរបស់ការិយាល័យមកដល់ចំណុចកើតហេតុចំនួន០៩គ្រឿង និងប្រើប្រាស់អស់ចំនួន០៦គ្រឿង ស្មើរនឹង២៤ម៉ែត្រគូប ទើបរលត់ជាស្ថាពរ។ លោកនាយការិយាល័យបានបញ្ជាក់ផងដែរថា ចំពោះមូលហេតុបណ្ដាលមកពីផ្ទុះធុងហ្គាស៕អត្ថបទ៖ កុម្ភះ

បុរសសម្លាប់ប្រពន្ធនៅក្រុងសៀមរាប រត់គេចខ្លួនមកភ្នំពេញ ត្រូវបាននគរបាលព្រហ្មទណ្ឌក្រសួងឃាត់ខ្លួន

2021/12/03 03:38:45 pm        6318
Facebook Telegram Linkin
ភ្នំពេញ៖ បុរសម្នាក់ដែលជាប្ដីបានអារកសម្លាប់ប្រពន្ធនៅក្រុងសៀមរាប រួចរត់គេចខ្លួនមកភ្នំពេញ ត្រូវបានកម្លាំងនគរបាលព្រហ្មទណ្ឌក្រសួងមហាផ្ទៃ សហការជាមួយកម្លាំងនគរបាលខេត្តសៀមរាប កម្លាំងនគរបាលខេត្តកណ្ដាល ឃាត់ខ្លួនបានសម្រេចនៅវេលាម៉ោង ២និង២០នាទីរសៀល ថ្ងៃទី០៣ ខែធ្នូ ឆ្នាំ២០២១ នៅចំណុចរង្វង់មូលព្រះនរាយណ៍ សង្កាត់ដើមមៀន ក្រុងតាខ្មៅ ខេត្តកណ្ដាល។ ជនសង្ស័យជាប្តីឈ្មោះ ធួក ឈាត អាយុ ៤៣ឆ្នាំ មានមុខរបររត់ម៉ូតូកង់បី។ចំណែក​ប្រពន្ធ​ដែល​ស្លាប់​មានឈ្មោះ សូ ចន្ធី ភេទស្រីអាយុប្រហែល៤០ឆ្នាំ។នេះបើយោងតាមប្រភពព័ត៌មានពីលោកវរសេនីយ៍ឯក មុំចេក ​ប្រធានការិយាល័យរដ្ឋបាល​សរុប​នៃ​នាយកដ្ឋាន​នគរបាលព្រហ្មទណ្ឌក្រសួង ​បានឲ្យដឹងថា ​ជនសង្ស័យ​បាន​សារភាព​ផងដែរថា​ហេតុការណ៍នេះ កើតឡើងដោយសារតែរឿងប្រច័ណ្ឌ។ក្រោយប្រតិបត្តិការកម្លាំងនគរបាលព្រហ្មទណ្ឌក្រសួង បានប្រគល់ជនសង្ស័យ​ទៅ​ឲ្យ​កម្លាំង​នគរបាលខេត្តសៀមរាប ​ដើម្បីបន្តនីតិវិធីតាមផ្លូវច្បាប់។គួរបញ្ជាក់ផងដែរ កាលពីវេលាម៉ោង១រសៀលថ្ងៃទី០២ ខែធ្នូ ឆ្នាំ២០២១ មានករណីឃាតកម្ម ប្តីអារកសម្លាប់ប្រពន្ធខ្លួនឯងសង្ស័យជាករណីភ្លើង​ប្រច័ណ្ឌ ​ ស្ថិតនៅក្បែរផ្សារដើមក្រឡាញ់ ភូមិទក្សិណខាងត្បូង សង្កាត់គោកចក ក្រុងសៀមរាប៕អត្ថបទ៖ កុម្ភះ

កម្ពុជា​បន្ត​កត់ត្រា​ការ​ធ្លាក់​ចុះ​ករណី​ឆ្លង​ជំងឺ​កូវីដ-១៩​ ទូទាំង​ប្រទេស​មក​នៅ​ត្រឹម២៤នាក់​នៅ​ថ្ងៃ​នេះ

2021/12/03 11:36:15 am        182
Facebook Telegram Linkin
ភ្នំពេញ៖ ក្នុង​សេចក្ដី​ប្រកាស​ព័ត៌មាន​នៅ​ថ្ងៃ​នេះ ក្រសួង​សុខាភិបាល​បញ្ជាក់​ថា លទ្ធផល​តេស្ត​ដោយ​ម៉ាស៊ីន PCR រក​ឃើញ​ថា មនុស្ស២៤នាក់​ទៀត ត្រូវ​បាន​រក​ឃើញ​ឆ្លង​មេរោគ​កូវីដ-១៩ កាល​ពី​ថ្ងៃ​ម្សិល​មិញ​នេះ។ក្រសួង​បាន​ឱ្យ​ដឹង​បន្ថែម​ថា មនុស្ស​ចំនួន ៤នាក់​ទៀត បាន​ស្លាប់​ដោយសារ​ជំងឺ​កូវីដ-១៩ ក្នុងនោះ៣នាក់ មិន​បាន​ចាក់​វ៉ាក់សាំង​នោះ​ឡើយ។បើ​តាម​ក្រសួង​សុខាភិបាល ចំនួន​មនុស្ស​​ស្លាប់​ដោយសារ​ជំងឺ​កូវីដ-១៩ បាន​កើន​ឡើង​រហូត​ដល់ ២,៩៥៣នាក់​ហើយ​​គិត​ត្រឹម​ថ្ងៃ​នេះ ខណៈ​ចំនួន​អ្នក​ឆ្លង​ជំងឺ​នេះ​សរុបបាន​កើន​ឡើង​ដល់ ១២០,២០៧​នាក់​នៅ​ទូទាំង​ប្រទេស។ប៉ុន្តែ ក្រសួង​សុខាភិបាល​បញ្ជាក់​ថា អ្នក​ជំងឺ​កូវីដ-១៩ ​សរុប​រហូត​ដល់ ១១៦,៥៦៩នាក់​ហើយ ត្រូវ​បាន​ព្យាបាល​ជា​សះ​ស្បើយ​ឡើង​វិញ៕

ពលរដ្ឋសំណូមពរដល់អាជ្ញាធរខណ្ឌទួលគោក ជួយ​រំដោះ​ចិញ្ចើម​ផ្លូវ​សម្រាប់​អ្នក​ថ្មើរជើង​ធ្វើ​ដំណើរ​ផង

2021/12/02 01:50:21 pm        537
Facebook Telegram Linkin
ភ្នំពេញ៖ ប្រជាពលរដ្ឋរស់នៅតាមបណ្ដោយផ្លូវលេខ២២៩ ក៏ដូចជាអ្នកធ្វើដំណើរតាមបណ្ដោយផ្លូវនេះ សំណូមពរដល់អាជ្ញាធរខណ្ឌទួលគោក ជួយរំដោះចិញ្ចើមផ្លូវលេខ២២៩ផង ដើម្បីរក្សាចិញ្ចើមផ្លូវសម្រាប់អ្នកធ្វើដំណើរ ដោយថ្មើរជើងជនពិការភាព។ជាក់ស្ដែងទីតាំងនៅតាមបណ្ដោយផ្លូវលេខ២២៩ កែងមហាវិថីទេពផន ជាប់របងសាលាមត្តេយ្យសាមគ្គី មូលដ្ឋានសង្កាត់ផ្សារដេប៉ូទី១ ខណ្ឌទួលគោក មានក្រុមអាជីវកលក់រថយន្ត រំលោភយកចិញ្ចើមផ្លូវតាំងលក់រថយន្តលើផ្លូវតែម្ដង ដូចក្នុងរូបភាពមានស្រាប់។ប្រជាពលរដ្ឋ​ ដែលរស់នៅក្បែរផ្លូវលេខ២២៩ និងតាមបណ្ដាផ្លូវដ៏ទៃទៀត ​បានលើកឡើងថា រាល់ថ្ងៃ​ពេលធ្វើដំណើរថ្មើរជើងទៅទិញរបស់​របរ​បន្តិចបន្តួច​ប្រើប្រាស់ប្រចាំថ្ងៃ ​តែងតែដើរ​លើ​ផ្លូវ​ជានិច្ច ​ព្រោះ​ចិញ្ចើម​ផ្លូវ​សម្រាប់​អ្នកថ្មើរ ​ត្រូវ​បាន​ក្រុមអ្នកប្រកបអាជីវកម្ម លក់រថយន្តរំលោភ​យក​ចិញ្ជើមផ្លូវលើស​ពី ១ភាគ៣នៃ​ចិញ្ចើម​ផ្លូវអស់ហើយ​ សម្រាប់តាំងលក់រថយន្ត​ដូច​ដែល​ឃើញ​ជាក់​ស្ដែងស្រាប់។ ដូច្នេះ​សំណូមដល់អាជ្ញាធរខណ្ឌពាក់ព័ន្ធជាពិសេសអាជ្ញាធរខណ្ឌទួលគោក គួរ​ចាត់វិធានការ ​រំដោះចិញ្ចើម​ផ្លូវ​ដើម្បី​ឲ្យបងប្អូន​ប្រជាពលរដ្ឋ​ធ្វើ​ដំណើរ​ថ្មើរជើង​ងាយ​ស្រួល​ដើរ​និង​ជនពិការ​ងាយស្រួល​ធ្វើដំណើរផងដែរ ​ជៀសវាង​ការ​ធ្វើដំណើរតាមផ្លូវ​ដែល​អាចបង្កជាគ្រោះថ្នាក់ ហានិភ័យផ្សេងៗ-ល-។ពាក់ព័ន្ធករណីនេះ ភ្ញាក់ព័ត៌មានបានធ្វើការទំនាក់ទំនងទៅ លោក ជា ពិសី អភិបាលខណ្ឌទួលគោក សុំការ​បំភ្លឺទូរស័ព្ទចូលតែគ្មានអ្នកទទួល។គួរបញ្ជាក់ផងដែរថា អភិបាលនៃគណៈអភិបាលរាជធានីភ្នំពេញ ឯកឧត្តម ឃួង ស្រេង នៅតែបន្តយកចិត្តទុកដាក់និងជំរុញឲ្យអាជ្ញាធរខណ្ឌទាំង១៤ ចុះអនុវត្តជាប្រចាំពីបញ្ហា ការ​កក់ស្ទះចរាចរណ៍ និងរៀបចំសណ្ដាប់ធ្នាប់នៅតាមបណ្ដាមហាវិថីតូចធំ និងផ្លូវតូចៗមួយចំនួនធំ​ក្នុង​មូលដ្ឋាន​ខណ្ឌ ក្នុងភូមិសាស្ត្ររាជធានីភ្នំពេញ។ តែផ្ទុយទៅវិញមូលដ្ឋានខណ្ឌទួលគោកមានលោក ជា ពិសី អភិបាលនៃគណៈអភិបាលខណ្ឌទួលគោក និងលោកវរៈនីយ៍ឯក សុខ ហេង អធិការនៃ​អធិការដ្ឋាននគរបាលខណ្ឌទួលគោក ​មិនបានយកចិត្តទុកដាក់ និងអនុវត្តតាមការណែនាំ​របស់​ឯកឧត្តមអភិបាលរាជធានីភ្នំពេញ បណ្ដោយឲ្យក្រុមអាជីវករលក់រថយន្តមួយទឹក យករថយន្ត​តាំង​លក់លើផ្លូវបាត់បង់សោភ័ណភាព​​សណ្ដាប់ធ្នាប់សាធារណៈ បង្កការកកស្ទះ គ្មាន​ចិញ្ចើម​ផ្លូវ​សម្រាប់​អ្នកថ្មើរជើង ​ឬ​ជនពិការភាពធ្វើដំណើរនោះឡើយ៕អត្ថបទ៖ កុម្ភះ

កម្ពុជា​បន្ត​កត់ត្រា​ការ​ធ្លាក់​ចុះ​ករណី​ឆ្លង​ជំងឺ​កូវីដ-១៩​ ទូទាំង​ប្រទេស​មក​នៅ​ត្រឹម២៣នាក់​នៅ​ថ្ងៃ​នេះ

2021/12/02 12:00:26 pm        68
Facebook Telegram Linkin
ភ្នំពេញ៖ ក្នុង​សេចក្ដី​ប្រកាស​ព័ត៌មាន​នៅ​ថ្ងៃ​នេះ ក្រសួង​សុខាភិបាល​បញ្ជាក់​ថា លទ្ធផល​តេស្ត​ដោយ​ម៉ាស៊ីន PCR រក​ឃើញ​ថា មនុស្ស២៣នាក់​ទៀត ត្រូវ​បាន​រក​ឃើញ​ឆ្លង​មេរោគ​កូវីដ-១៩ កាល​ពី​ថ្ងៃ​ម្សិល​មិញ​នេះ។ក្រសួង​បាន​ឱ្យ​ដឹង​បន្ថែម​ថា មនុស្ស​ចំនួន ៥នាក់​ទៀត បាន​ស្លាប់​ដោយសារ​ជំងឺ​កូវីដ-១៩ ក្នុងនោះ៤នាក់ មិន​បាន​ចាក់​វ៉ាក់សាំង​នោះ​ឡើយ។បើ​តាម​ក្រសួង​សុខាភិបាល ចំនួន​មនុស្ស​​ស្លាប់​ដោយសារ​ជំងឺ​កូវីដ-១៩ បាន​កើន​ឡើង​រហូត​ដល់ ២,៩៤៩នាក់​ហើយ​​គិត​ត្រឹម​ថ្ងៃ​នេះ ខណៈ​ចំនួន​អ្នក​ឆ្លង​ជំងឺ​នេះ​សរុបបាន​កើន​ឡើង​ដល់ ១២០,១៨៣​នាក់​នៅ​ទូទាំង​ប្រទេស។ប៉ុន្តែ ក្រសួង​សុខាភិបាល​បញ្ជាក់​ថា អ្នក​ជំងឺ​កូវីដ-១៩ ​សរុប​រហូត​ដល់ ១១៦,៥៤៨នាក់​ហើយ ត្រូវ​បាន​ព្យាបាល​ជា​សះ​ស្បើយ​ឡើង​វិញ៕

កម្ពុជា​បន្ត​កត់ត្រា​ការ​ធ្លាក់​ចុះ​ករណី​ឆ្លង​ជំងឺ​កូវីដ-១៩​ ទូទាំង​ប្រទេស​មក​នៅ​ត្រឹម២៦នាក់​នៅ​ថ្ងៃ​នេះ

2021/12/01 12:03:59 pm        172
Facebook Telegram Linkin
ភ្នំពេញ៖ ក្នុង​សេចក្ដី​ប្រកាស​ព័ត៌មាន​នៅ​ថ្ងៃ​នេះ ក្រសួង​សុខាភិបាល​បញ្ជាក់​ថា លទ្ធផល​តេស្ត​ដោយ​ម៉ាស៊ីន PCR រក​ឃើញ​ថា មនុស្ស២៦នាក់​ទៀត ត្រូវ​បាន​រក​ឃើញ​ឆ្លង​មេរោគ​កូវីដ-១៩ កាល​ពី​ថ្ងៃ​ម្សិល​មិញ​នេះ។ក្រសួង​បាន​ឱ្យ​ដឹង​បន្ថែម​ថា មនុស្ស​ចំនួន ៤នាក់​ទៀត បាន​ស្លាប់​ដោយសារ​ជំងឺ​កូវីដ-១៩ ក្នុងនោះ២នាក់ មិន​បាន​ចាក់​វ៉ាក់សាំង​នោះ​ឡើយ។បើ​តាម​ក្រសួង​សុខាភិបាល ចំនួន​មនុស្ស​​ស្លាប់​ដោយសារ​ជំងឺ​កូវីដ-១៩ បាន​កើន​ឡើង​រហូត​ដល់ ២,៩៤៤នាក់​ហើយ​​គិត​ត្រឹម​ថ្ងៃ​នេះ ខណៈ​ចំនួន​អ្នក​ឆ្លង​ជំងឺ​នេះ​សរុបបាន​កើន​ឡើង​ដល់ ១២០,១៦០​នាក់​នៅ​ទូទាំង​ប្រទេស។ប៉ុន្តែ ក្រសួង​សុខាភិបាល​បញ្ជាក់​ថា អ្នក​ជំងឺ​កូវីដ-១៩ ​សរុប​រហូត​ដល់ ១១៦,៥២៩នាក់​ហើយ ត្រូវ​បាន​ព្យាបាល​ជា​សះ​ស្បើយ​ឡើង​វិញ៕

បង្ក្រាបគ្រឿងញៀន ១១ខែ៖ ដកហូតសារធាតុញៀនជិត ២តោន និងឃាត់ទុកទ្រព្យសម្បត្តិអចលនទ្រព្យ ១២កន្លែង

2021/11/30 06:48:28 pm        559
Facebook Telegram Linkin
ភ្នំពេញ៖ រយៈពេល ១១ខែ ពីថ្ងៃទី០១ ខែមករា ដល់ថ្ងៃទី៣០ ខែវិច្ឆកា ឆ្នាំ២០២១ សមត្ថកិច្ចបង្ក្រាបបានសារធាតុញៀនគ្រប់ប្រភេទជិត ២តោន និងឃាត់មនុស្សជាង ១ម៉ឺន ២ពាន់នាក់ និងឃាត់ទុកទ្រព្យសម្បត្តិអចលនទ្រព្យ ១២កន្លែង រួមទាំងកាំភ្លើងវែង ខ្លីជាង ៧០ដើម។ នេះបើយោងតាមរបាយការណ៍របស់គណៈកម្មការទី៣ នៃយុទ្ធនាការប្រឆាំងគ្រឿងញៀនខុសច្បាប់ ដែលវិទ្យុបាយ័នទទួលបាននៅថ្ងៃទី៣០ ខែវិច្ឆិកា ឆ្នាំ២០២១។របាយការណ៍បានបន្តថា លទ្ធផលអនុវត្តន៍ច្បាប់ពីថ្ងៃទី០១ ខែមករា ដល់ថ្ងៃទី៣០ ខែវិច្ឆកា ឆ្នាំ២០២១ បង្ក្រាបបាន ៥៥៦០ករណី ឃាត់មនុស្ស ១២១៩៣នាក់ (ស្រី ៧៣៦នាក់) ក្នុងនោះ ជនបរទេសជនបរទេស ៣១០នាក់ ស្រី ៤៥នាក់ មាន ១៣សញ្ជាតិ។ ដកហូតសារធាតុញៀនគ្រប់ប្រភេទទម្ងន់ ១តោន ៧៤៨គីឡូក្រាម ៧០៥,៩១ក្រាម, កញ្ឆា ៥០,០៨៨ដើម, កញ្ឆាសួត ១០៤គីឡូក្រាម ៦៩៥ក្រាម និងសារធាតុផ្សំគីមី ១តោន១៣៩គីឡូក្រាម។

កម្ពុជា​បន្ត​កត់ត្រា​ការ​ធ្លាក់​ចុះ​ករណី​ឆ្លង​ជំងឺ​កូវីដ-១៩​ ទូទាំង​ប្រទេស​មក​នៅ​ត្រឹម២២នាក់​នៅ​ថ្ងៃ​នេះ

2021/11/30 11:54:44 am        58
Facebook Telegram Linkin
ភ្នំពេញ៖ ក្នុង​សេចក្ដី​ប្រកាស​ព័ត៌មាន​នៅ​ថ្ងៃ​នេះ ក្រសួង​សុខាភិបាល​បញ្ជាក់​ថា លទ្ធផល​តេស្ត​ដោយ​ម៉ាស៊ីន PCR រក​ឃើញ​ថា មនុស្ស២២នាក់​ទៀត ត្រូវ​បាន​រក​ឃើញ​ឆ្លង​មេរោគ​កូវីដ-១៩ កាល​ពី​ថ្ងៃ​ម្សិល​មិញ​នេះ។ក្រសួង​បាន​ឱ្យ​ដឹង​បន្ថែម​ថា មនុស្ស​ចំនួន ៥នាក់​ទៀត បាន​ស្លាប់​ដោយសារ​ជំងឺ​កូវីដ-១៩ ក្នុងនោះ៣នាក់ មិន​បាន​ចាក់​វ៉ាក់សាំង​នោះ​ឡើយ។បើ​តាម​ក្រសួង​សុខាភិបាល ចំនួន​មនុស្ស​​ស្លាប់​ដោយសារ​ជំងឺ​កូវីដ-១៩ បាន​កើន​ឡើង​រហូត​ដល់ ២,៩៤០នាក់​ហើយ​​គិត​ត្រឹម​ថ្ងៃ​នេះ ខណៈ​ចំនួន​អ្នក​ឆ្លង​ជំងឺ​នេះ​សរុបបាន​កើន​ឡើង​ដល់ ១២០,១៣៤​នាក់​នៅ​ទូទាំង​ប្រទេស។ប៉ុន្តែ ក្រសួង​សុខាភិបាល​បញ្ជាក់​ថា អ្នក​ជំងឺ​កូវីដ-១៩ ​សរុប​រហូត​ដល់ ១១៦,៥០៧នាក់​ហើយ ត្រូវ​បាន​ព្យាបាល​ជា​សះ​ស្បើយ​ឡើង​វិញ៕

បណ្ដាញសង្គម

ព័ត៌មានថ្មីៗ

ឯកឧត្តម ឌិត ទីណា ស្វាគមន៍ពលករដែលបន្តចាកចេញពីប្រទេសថៃមកកម្ពុជាវិញ
07/27/2025 07:07 PM
Facebook Telegram Linkin
ក្រុមការងារមន្ទីរបរិស្ថានខេត្តព្រះវិហារ កំពុងរៀបចំអនាម័យបរិស្ថាន នៅតាមមណ្ឌលសុវត្ថិភាពជនភៀសសឹកដែលរដ្ឋបាលខេត្ត បានរៀបចំទទួលទាំង ១១កន្លែង
07/27/2025 06:07 PM
Facebook Telegram Linkin
ពលរដ្ឋខ្មែររាប់ម៉ឺននាក់ ចេញធ្វើបាតុកម្មទាមទារបញ្ឈប់ការឈ្លានពានភាគីថៃ និងលើកទឹកចិត្តវីរកងទ័ពជួរមុខកម្ពុជា
07/27/2025 06:07 PM
Facebook Telegram Linkin
ឯកឧត្តម ឌិត ទីណា ចូលរួមរំលែកទុក្ខវីរៈកងទ័ពដែលបានពលីជីវិតក្នុងបុព្វហេតុការពារដែនដី
07/27/2025 06:07 PM
Facebook Telegram Linkin
[BREAKING NEWS] រដ្ឋមន្ត្រីការបរទេសម៉ាឡេស៊ី៖ សម្ដេចធិបតី ហ៊ុន ម៉ាណែត និង​នាយករដ្ឋមន្ត្រី​ស្តីទីថៃ ជួបគ្នានៅប្រទេសម៉ាឡេស៊ីស្អែកនេះ
07/27/2025 06:07 PM
Facebook Telegram Linkin
សម្តេចកិត្តិសង្គហបណ្ឌិត ម៉ែន សំអន អញ្ជើញគោរពវិញ្ញាណក្ខន្ធសពឧត្តមសេនីយ៍ឯក ដួង សំនៀង ដែលបានពលីជីវិតនៅលើសមរភូមិប្រយុទ្ធជាមួយទ័ពសៀមឈ្លានពាន ដែនអធិបតេយ្យភាពកម្ពុជា
07/27/2025 05:07 PM
Facebook Telegram Linkin
រដ្ឋមន្រ្តីការងារចុះទទួលស្វាគមន៍ពលករខ្មែរ ដែលសម្រុកត្រឡប់មកពីប្រទេសថៃ នៅព្រំដែន
07/27/2025 05:07 PM
Facebook Telegram Linkin
ក្រសួងអប់រំបើកកិច្ចប្រជុំពិនិត្យស្ថានភាពអប់រំតាមខេត្តជាប់ព្រំដែន និងការត្រៀមរៀបចំការប្រឡងសិស្សថ្នាក់បាក់ឌុប
07/27/2025 05:07 PM
Facebook Telegram Linkin
ប៉ាគីស្ថាន ព្រមានពីភ្លៀងមូសុងបន្ថែមទៀតនៅសប្តាហ៍ក្រោយ ខណៈអ្នកស្លាប់ឡើងជាង ២៧០នាក់
07/27/2025 05:07 PM
Facebook Telegram Linkin
បាតុកររាប់រយនាក់នៅឥណ្ឌូនេស៊ី គោះឆ្នាំងតវ៉ា ជុំវិញវិបត្តិអត់ឃ្លានកាន់តែខ្លាំងនៅតំបន់ហ្កាហ្សា
07/27/2025 05:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.