BTV NEWS

ចាប់ខ្លួនជនសង្ស័យ៥នាក់ពាក់ពន្ធ័ករណីចាប់ ឃុំឃាំង និងបង្ខាំងមនុស្សដោយខុសច្បាប់

សមត្ថកិច្ចខេត្តមណ្ឌលគិរី និងខេត្តសៀមរាប ឃាត់ខ្លួនជនបរទេសចំនួន១៦២នាក់ ក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យា

ជនបរទេស១៣នាក់ត្រូវបានឃាត់ខ្លួនក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យានៅសៀមរាប

ចៅក្រមស៊ើបសួរសាលាដំបូងរាជធានីភ្នំពេញសម្រេចឃុំខ្លួនជនត្រូវចោទ៨នាក់ជាបណ្តោះអាសន្នពាក់ព័ន្ធអំពើឆបោកតាមឆបោកតាមប្រព័ន្ធអនឡាញ

សន្តិសុខ និង សង្គម

កម្ពុជារកឃើញមនុស្ស៣៩នាក់ទៀតឆ្លងមេរោគកូវីដ-១៩បំប្លែងថ្មី Delta នាំឱ្យតួលេខអ្នកឆ្លងសរុបឡើងដល់ ១១៤នាក់ហើយ

ភ្នំពេញ៖ កម្ពុជាបានប្រកាសពីការរកឃើញមនុស្ស ៣៩នាក់ទៀតបានឆ្លងមេរោគកូវីដ-១៩បំប្លែងថ្មីប្រភេទ Delta កាលពីសប្ដាហ៍មុន ដែលនាំឱ្យចំនួនមនុស្សឆ្លងមេរោគបំប្លែងថ្មីនេះ កើនឡើងដល់ ១១៤នាក់ហើយ។ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាលបញ្ជាក់ថា ពលរដ្ឋខ្មែរចំនួន ២១នាក់ ដែលទើបវិលត្រឡប់មកពីប្រទេសថៃ ត្រូវបានរកឃើញឆ្លងមេរោគកូវីដ-១៩បំប្លែងថ្មី ក្នុងនោះមានស្ត្រីចំនួន ១១នាក់ផងដែរ។បើតាមក្រសួងសុខាភិបាល ពលរដ្ឋខ្មែរចំនួន ១៤នាក់ ដែលទើបវិលត្រឡប់មកពីប្រទេសថៃ ត្រូវបានរកឃើញឆ្លងមេរោគបំប្លែងថ្មី Delta នេះនៅថ្ងៃទី២២ ខែកក្កដា ហើយពលរដ្ឋខ្មែរចំនួន ៧នាក់ទៀត ត្រូវបានរកឃើញឆ្លងមេរោគប្រភេទដដែលនេះនៅថ្ងៃទី២៥ ខែកក្កដា។ក្រៅពីរកឃើញលើពលរដ្ឋខ្មែរវិលត្រឡប់មកពីប្រទេសថៃហើយនោះ ក្រសួងបានឱ្យដឹងទៀតថា ករណីឆ្លងមេរោគកូវីដ-១៩បំប្លែងថ្មីប្រភេទ Delta នេះ ក៏ត្រូវបានរកឃើញលើបុគ្គលិកសុខាភិបាលចំនួន៤នាក់ផងដែរ។ក្រសួងបញ្ជាក់ថា បុគ្គលិកសុខាភិបាលម្នាក់អាយុ ៤៦ឆ្នាំ បម្រើការនៅខេត្តឧត្ដរមានជ័យ ត្រូវបានរកឃើញឆ្លងមេរោគបំប្លែងថ្មី Delta នៅថ្ងៃទី២២ ខែកក្កដា ហើយបុគ្គលិកសុខាភិបាលខេត្តឧត្ដរមានជ័យចំនួន ៣នាក់ទៀត ត្រូវបានរកឃើញឆ្លងមេរោគប្រភេទដដែលនេះនៅថ្ងៃទី២៥ ខែកក្កដា។ក្រសួងសុខាភិបាល បានឱ្យដឹងទៀតថា ពលរដ្ឋចំនួន ១៣នាក់ ត្រូវបានរកឃើញឆ្លងមេរោគកូវីដ-១៩បំប្លែងថ្មីនេះផងដែរនៅថ្ងៃទី២៥ ខែកក្កដា ក្នុងនោះពលរដ្ឋ៦នាក់ បានប៉ះពាល់ដោយផ្ទាល់ជាមួយពលរដ្ឋខ្មែរទើបវិលត្រឡប់ពីប្រទេសថៃ។ចំណែកឯពលរដ្ឋចំនួន ៧នាក់ទៀត ក្រសួងបញ្ជាក់ថា បានឆ្លងមេរោគកូវីដ-១៩បំប្លែងថ្មីពីសហគមន៍ដែលបានប៉ះពាល់ជាមួយពលរដ្ឋខ្មែរវិលត្រឡប់មកពីប្រទេសថៃ។ក្រសួងសុខាភិបាលឱ្យដឹងផងដែរថា ចំនួនអ្នកឆ្លងមេរោគកូវីដ-១៩បំប្លែងថ្មី Deltaនេះ ត្រូវបានរកឃើញដល់ចំនួន ១១៤នាក់ហើយ ក្នុងនោះមានស្ត្រីចំនួន ៥៩នាក់ផងដែរ គិតចាប់តាំងពីថ្ងៃទី៣១ ខែមីនាកន្លងមក៕

មន្ត្រីយោធាម្នាក់ និងជាប្រធានក្រុមហ៊ុនអភិវឌ្ឍន៍ភ្នំថ្កូវ ត្រូវសមត្ថកិច្ចឃាត់ខ្លួនក្នុងបទល្មើសឆបោកនិងរំលោភលើទំនុកចិត្តទឹកប្រាក់ជាង៩០ម៉ឺនដុល្លារ

ភ្នំពេញ ៖ សមត្ថកិច្ចព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ បានឃាត់ខ្លួន លោក អេង អូន ដែលគេស្គាល់ជាមន្ត្រីយោធានៅអង្គភាពកងទ័ពជើង អាកាសកងកេង ខេត្តព្រះសីហនុ និងជាប្រធានក្រុមហ៊ុនអភិវឌ្ឍន៍ភ្នំថ្កូវ ពាក់ព័ន្ធបទល្មើស ឆបោកនិងរំលោភលើទំនុកចិត្ត ទឹកប្រាក់ចំនួន៩២ម៉ឺនដុល្លារអាមេរិក ព្រឹកនៅថ្ងៃទី២៦ ខែកក្កដា ឆ្នាំ២០២១ នេះ។តាមប្រភពព័ត៌មាន បានឲ្យដឹងថា លោក អេង អូន ត្រូវបានសមត្ថកិច្ចឃាត់ខ្លួន នៅមុខផ្សារស៊ីធីម៉ល រាជធានីភ្នំពេញតាមដីកាបញ្ជាឲ្យចូលខ្លួនរបស់ លោក ស៊ិត វណ្ណៈ ព្រះរាជអាជ្ញារងអមសាលាដំបូងរាជធានីភ្នំពេញ ដែលពេលនេះ លោក អេង អូន ត្រូវបានបញ្ជូនទៅស្នងការដ្ឋាននគរបាលរាជធានីភ្នំពេញ ដើម្បីចាត់ការបន្តតាមនីតិវិធី ។សូមបញ្ជាក់ថា លោក អេង អូន ក៏ត្រូវបានឯកឧត្តម ស៊ុយ សែម រដ្ឋមន្ត្រីក្រសួងរ៉ែ និងថាមពល សម្រេចផាកពិន័យជាទឹកប្រាក់ជាង៨០០លានរៀល ដោយសារតែក្រុមហ៊ុន អភិវឌ្ឍន៍ភ្នំថ្កូវ របស់លោកបានកាយយកដីក្រហមមុនទទួលបានអាជ្ញាប័ណ្ណ ។ ប៉ុន្តែរហូតមកទល់ពេលនេះ លោក អេង អូន ប្រធានក្រុមហ៊ុនអភិវឌ្ឍន៍ ភ្នំថ្កូវ បានគេចវេសដោយហេតុផលផ្សេងៗ ពុំព្រមបង់ប្រាក់ផាកពិន័យ តាមការសម្រេចរបស់រដ្ឋមន្ត្រីក្រសួងរ៉ែនោះទេ។បច្ចុប្បន្ន លោក អេង អូន ត្រូវបាននគរបាលព្រហ្មទណ្ឌកម្រិតស្រាលឃាត់បណ្ដោះអាសន្ន ត្រៀមបញ្ជូនខ្លួនទៅអយ្យការអមសាលាដំបូងរាជធានីភ្នំពេញ ដើម្បីចាត់ការតាមនីតិវិធី៕អត្ថបទ ៖ កុម្ភៈ

អាជ្ញាធរខណ្ឌដូនពេញ បន្តចុះស្តាអណ្តូងលូដែលបានកកស្ទះដោយសារកាកសំណល់ សំរាមផ្សេងៗហូរចូលស្ទះផ្លូវទឹក

ភ្នំពេញ ៖ ដោយមានការណែនាំពីលោក សុខ ពេញវុធ អភិបាលនៃគណៈអភិបាលខណ្ឌ អាជ្ញាធរខណ្ឌដូនពេញ បានបន្តចុះរៀបចំសណ្ដាប់ធ្នាប់ចុះជាប្រចាំឲ្យមាន របៀបរៀបរយសន្តិសុខ សណ្ដាប់ធ្នាប់សាធារណៈ បរិស្ថាន អនាម័យ និងស្តាអណ្តូងលូដែលបានកកស្ទះដោយសារកាកសំណល់ សំរាមផ្សេងៗហូរចូលស្ទះផ្លូវទឹក និងដក់ទឹកមកលើទ្រូងផ្លូវ ដើម្បីលើកសោភ័ណភាពទីក្រុង កាត់បន្ថយការកកស្ទះ និងរក្សាចិញ្ជើមផ្លូវទុកសម្រាប់ អ្នកដំណើរថ្មើជើង ឬជនពិការភាពធ្វើដំណើរ។ជាក់ស្ដែងវេលាម៉ោង១០ព្រឹកថ្ងៃច័ន្ទ ទី២៦ ខែកក្កដា ឆ្នាំ២០២១ លោក សុខ ពេញវុធ អភិបាល នៃគណៈអភិបាលខណ្ឌដូនពេញ បានដឹកនាំមន្ត្រីការិយាល័យសាធារណៈការខណ្ឌដូនពេញ ចុះត្រួតពិនិត្យ និងស្តាអណ្តូងលូដែលបានកកស្ទះដោយសារកាកសំណល់ សំរាមផ្សេងៗហូរចូលស្ទះផ្លូវទឹក និងបានដក់ទឹកមកលើទ្រូងផ្លូវ ដោយបានចាត់ឲ្យមន្ត្រីធ្វើការជួសជុលជាបន្ទាន់តាមលក្ខណៈបច្ចេកទេស ធ្វើអោយប្រព័ន្ធលូដំណើរការបានល្អវិញ ដើម្បីបញ្ជៀសការកកស្ទះកាកសំណល់ផ្សេងៗ ក្នុងអណ្តូងលូ បណ្តាលឲ្យទឹកច្រាលមកលើទ្រូងផ្លូវ នៅចំណុចតាមបណ្តោយវិថីព្រះស៊ីសុវត្ថិ (រង្វង់មូលសម្តេចសង្ឃជួនណាត) ។ក្រោយក្រុមការងារការិយាល័យសាធារណៈការខណ្ឌដូនពេញ បានចុះស្តាបើកមុខទឹកឲ្យបានហូរ និងគ្មានការស្ទះលូបណ្តាលឲ្យលិចផ្លូវទៀតនោះទេ។ជាចុងក្រោយអាជ្ញាធរខណ្ឌ សូមសំណូមពរដល់បងប្អូនប្រជាពលរដ្ឋ ទាំងអស់គ្នាក្នុងមូលដ្ឋានចូលរួមបញ្ចេញសំរាមឲ្យទាន់ម៉ោង វិចខ្ចប់សំរាមឲ្យបានត្រឹមត្រូវ និងចូលរួមរក្សាចិញ្ជើមផ្លូវសាធារណៈទាំងអស់គ្នា៕អត្ថបទ៖ កុម្ភះ

កម្ពុជាបន្ដរកឃើញមនុស្ស៧៧៨នាក់ឆ្លងកូវីដ-១៩ ខណៈអ្នកជំងឺ៦៨៦នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន៧៧៨នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន៦៨៦នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន៣០៣នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ៤៧៥នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស២២នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់១ ៣០៥នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប៩ ១៥២នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៧៣ ៧០១នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

អ្នកជំងឺកូវីដ១៩ ជាង៣ពាន់នាក់នៅស្វាយរៀង ត្រូវបានព្យាបាលជាសះស្បើយ

ស្វាយរៀង ៖ ខណៈអ្នកវិជ្ជមានជំងឺកូវីដ១៩នៅស្វាយរៀង ត្រូវបានរកឃើញថ្មីនៅគ្រប់តំបន់បន្ថែមក្តី តែអ្នកជំងឺចំនួន៣ ៣៦៤នាក់ ក្នុងចំណោមអ្នកជំងឺចំនួន៤ ៥២៨នាក់ ដែលបានចូលសម្រាកព្យាបាលនៅតាមមន្ទីរពេទ្យនានា ត្រូវបានព្យាបាលជាសះស្បើយ បន្ទាប់ពីក្រុមគ្រូពេទ្យបានយកចិត្តទុកដាក់ខិតខំព្យាបាលមួយរយៈកន្លងមក។លោកវេជ្ជបណ្ឌិត អ៊ឹម បុត្រ ប្រធានក្រុមចត្តាឡីស័ក ថ្នាក់ខេត្តប្រចាំច្រកទ្វារព្រំដែនអន្តរជាតិបាវិត ខេត្តស្វាយរៀង នៅថ្ងៃទី ២៥ ខែកក្កដានេះ បានឲ្យដឹងថា គិតត្រឹមថ្ងៃទី ២៤ ខែកក្កដា ឆ្នាំ២០២១ អ្នកជំងឺកូវីដ១៩ ចំនួន៣ ៣៦៤ នាក់ ត្រូវបានក្រុមគ្រូពេទ្យធ្វើការព្យាបាលឱ្យជាសះស្បើយ ខណៈដែលអ្នកជំងឺចំនួន៧៩៩នាក់ ផ្សេងទៀតបានបន្តព្យាបាលជំងឺនៅតាមមន្ទីរពេទ្យដែលរៀបចំដោយរដ្ឋបាលខេត្ត ។លោក បានបន្ថែមថា នៅក្នុងព្រឹត្តិការណ៍សហគមន៍២០កុម្ភៈ ដោយចាប់គិតត្រឹមថ្ងៃទី១៣ ខែមិនា ដល់ថ្ងៃ ទី២៤ខែកក្កដា ឆ្នាំ២០២១នេះ ស្វាយរៀងមានពលរដ្ឋខ្មែរ និងជនបរទេសបានរង វិជ្ជមានជំងឺកូវីដ១៩ ចំនួន៤ ៥២៨នាក់ ក្នុងនោះ បានបង្កឲ្យអ្នកជំងឺឈឺស្លាប់នៅក្នុងមន្ទីរពេទ្យនានាចំនួន ៦០នាក់ ក្នុងចំណោមពលរដ្ឋខ្មែរ និងជនបរទេសដែលបានរងវិជ្ជមានជំងឺកូវីដ១៩ ចូលសម្រាកព្យាបាល ។ជុំវិញស្ថានភាពជំងឺកូវីដ១៩នៅស្វាយរៀង បច្ចុប្បន្ននៅមិនទាន់មានសញ្ញាបញ្ជាក់ពីការថបថយនៅឡើយទេ ដូច្នេះរដ្ឋបាលខេត្ត ឯកឧត្តម៉ែន វិបុល បានជំរុញដល់មន្ត្រីរដ្ឋបាលស្រុក ក្រុងមន្ទីរ អង្គភាព បន្តចុះអប់រំ ពន្យល់ពលរដ្ឋពីវិធានរបស់ក្រសួងសុខាភិបាល និងអនុសាសន៍ណែនាំរបស់រាជរដ្ឋាភិបាល សម្ដេចតេជោ ហ៊ុន សែន ៣ការពារ និង៣កុំ បន្ថែមទៀត សំដៅចលនាពលរដ្ឋចូលរួមអនុវត្តនិងរៀនរស់នៅក្នុងរបទថ្មី តាមរយៈពាក់ម៉ាស លាងសម្អាតដៃ រស់នៅក្នុងគម្លាតសង្គម គម្លាតបុគ្គល បញ្ចៀសការចូលរួម ដែលមានមនុស្សច្រើន កន្លែងតូចចង្អៀត គ្មានខ្យល់ចេញចូលក្នុងករណីមិនចាំបាច់ ៕ អត្ថបទ ៖ សារិទ្ធ

អនុប្រធានមន្ទីរសុខាភិបាលខេត្ដសៀមរាប បដិសេធការចុះផ្សាយព័ត៌មានចោទប្រកាន់លោកក្នុងការទិញដីធ្វើគ្លីនិកឯកជន ក្នុងក្រុងខេត្ដសៀមរាប

សៀមរាប៖ អនុប្រធានមន្ទីរសុខាភិបាលខេត្តសៀមរាប និងជាម្ចាស់មន្ទីរសម្ភពយីហោ «ស៊ឹងរិទ្ធីរ៉េត២៤ម៉ោង» លោក ស៊ឹង រិទ្ធីរ៉េត បានបដិសេធទាំងស្រុងចំពោះការចុះផ្សាយព័ត៌មានចោទប្រកាន់លោក ពីបទរំលោភលើទំនុកចិត្ដពីឈ្មោះ សំ សុខហេន ជាមន្ដ្រីប៉ូលិស នៅខេត្ដសៀមរាបថា មានភាគហ៊ុន២៥% ក្នុងការទិញដីធ្វើគ្លីនិកឯកជន ក្នុងក្រុងខេត្ដសៀមរាប កាពីពេលថ្មីៗនេះ។លោក បានអះអាងថា ការប្ដឹងលោកគឺជារឿងមិនពិត និងជាការមួលបង្កាច់បង្ខូចកិត្តិយសរបស់លោកមន្ដ្រីរាជការ តាមបណ្ដាញសាព័ត៌មាន និងបណ្ដាញសង្គមហ្វេសប៊ុក។លោក ស៊ឹង រិទ្ធីរ៉េត អនុប្រធានមន្ទីរសុខាភិបាល បានបន្ដថា លោក សំ សុខហេន ជាប៉ូលិសស័ក្ដិ៤ នៅស្នងការដ្ឋាននគរបាលខេត្ដសៀមរាប បានផ្ដល់ព័ត៌មានដល់បណ្ដាញសារព័ត៌មានឲ្យចុះផ្សាយលោកពីបទរំលោភលើទំនុកចិត្ដ ដោយថាមន្ដ្រីប៉ូលិសរូបនោះមានភាគហ៊ុន២៥% ជាមួយគ្លីនិកឯកជនរបស់លោក។លោកថា ការប្ដឹងឲ្យព័ត៌មានចុះផ្សារបែបនេះ ជារឿងមិនពិត និងជារឿងអយុត្ដិធម៌បំផុត ពិសេសផ្សាយបរិហារកេរិ៍តាមបណ្ដាញព័ត៌មាន ព្រោះថា លោក សំ សុខហេន គ្មានដើមទន់ ក៏ដូចជាយកថវិកាមួយរៀលចូលរួមជាមួយលោកនោះឡើយ។លោក បានបន្ថែមថា លោកបានទិញដីធ្វើគ្លីនិកនេះតម្លៃជាង៥០ម៉ឺនដុល្លា ដោយលោកបានខ្ចីលុយពីធនាគារ ដោយបង់ធនាគារជារៀងរាល់ខែ ដោយគ្មានឈ្មោះលោក សំ សុខហេន ជួយបង់នោះឡើយ។លោកថា លោក សំ សុខហេននេះប្ដឹងលោកពីរំលោភលើទំនុកចិត្ដទៅសាលាឧទ្ធរណ៍ពីបទរំលោភលើទំនុកចិត្ដ ព្រមបានទាំងចុះផ្សាយអាក្រក់ពីលោកតាមបណ្ដាញសារព័ត៌មាននេះ ដោយសារលោកបានប្ដឹងឈ្មោះ សុខ ហេន ទៅតុលាការខេត្ដសៀមរាប រឹបអូសផ្ទះជួលនៅបុរីប្រិមប្រិយមកវិញ ក្រោយពីអត់បានបង់ឈ្នួលថ្លៃផ្ទះជាងមួយឆ្នាំ ព្រមទាំងប្ដឹងទារលុយដែលជំពាក់លោកជាង៥ម៉ឺនដុល្លាជាង៥ឆ្នាំផងដែរ។លោក បានបន្ដថា លោក សំ សុខហេន មិនត្រឹមតែមិបបង់ថ្លៃផ្ទះជួល និងសងលុយជំពាក់នោះទេ ថែមទាំងនៅជំពាក់លុយខ្ចីលោករាប់ម៉ឺនដុល្លារមិនព្រមសងថែមទៀត។ជាងនោះទៅទៀត លោក សំ សុខហេ នេះ បានជំពាក់លុយ ១.ថ្លៃឈ្នួលរថយន្ដពេទ្យដឹកសាកសពជនបរទេស ទៅភ្នំពេញចំនួន៣ពាន់ដុល្លា ២. ថ្លៃម៉ាស៊ីនភ្លើង ១គ្រឿង៣៥០០ដុល្លារ ៣. យកលុយខ្ញុំ៦ពាន់ដុល្លារ ទៅរត់ការដី អត់បានលទ្ធផលអ្វីទាំងអស់ ៤. យកលុយ ៣ ពាន់ដុល្លារទៀតទៅរត់ការដីទៀតអត់បានលទ្ធផលអ្វីទាំងអស់ដដែល បែជាចុះផ្សាយថាមានភាគហ៊ុន ២៥% ក្នុងការទិញដីទៅវិញ ។លោក បានបន្ដថា បើសិនលោក សំ សុខហេន នៅតែបង្ខូចកេរ្តិ៍ឈ្មោះលោក តាមបណ្ដាញសង្គមហ្វេប៊ុក និងតាមបណ្ដាញសារព័ត៌មាន ដែលធ្វើអោយប៉ះពាល់កិត្ដិយសលោកបន្ដទៀតនោះ លោកនឹងប្ដឹងឈ្មោះ សំ សុខហេន សារជាថ្មីទៀត ព្រោះថា លោកធ្លាប់ប្ដឹងទៅតុលាការពីបទបរិហារកេរ្តិ៍ ។លោក បានបន្ដថា រាល់ពេលលោក សំ សុខហេន ជំពាក់លុយ និងជួលផ្ទះសុទ្ធសឹងជាមានលិខិតនិងស្នាមមេដៃ និងសាក្សីត្រឹមត្រូវ។លោក បានបញ្ជាក់ថា ការចុះតាមបណ្ដាញសារព័ត៌មានថាលោក សំ សុខហេន មានភាគហ៊ុន ជាង២៣ម៉ឺនដុល្លា ជាមួយខ្ញុំបាទក្នុងការទិញដីគ្លីនិក «ស៊ឹងរិទ្ធីរ៉េត» នោះជារឿងមិនពិត ទេសូមបដិសេធចោលទាំងស្រុង ។សូមជម្រាបថា កាលពីពេលថ្មីៗនេះ បណ្ដាញសារព័ត៌មានបានចុះផ្សាយថា ម្ចាស់គ្លីនិកយីហោ “ស៊ឹងរិទ្ធីរ៉េត” លោក ស៊ឹង រិទ្ធីរ៉េត ត្រូវបានប៉ូលីសស័ក្ដិ៤កន្លះ ម្នាក់ប្ដឹងពីបទរំលោកលើសេចក្ដីទំនុកចិត្ដ ក្នុងទឹកប្រាក់២៣ម៉ឺន៥ពាន់ដុល្លា ដែលជាភាគហ៊ុនក្នុងការទិញដីធ្វើគ្លីនិកព្យាបាលជំងឺ នៅក្រុងសៀមរាប ដែលប្ដឹងដោយលោកវរៈសេនីយ៍ទោ សំ សុខហេន ជានាយរងការិយាល័យបច្ចេកទេសវិទ្យាសាស្ដ្រ នៃស្នងការនគរបាលខេត្ដសៀមរាប ពីបទរំលោភលើទំនុកចិត្ដ ទៅតុលាការខេត្ដសៀមរាប កាលពីខែតុលាឆ្នាំ២០២០ ទាមទារភាគ២៥ភាគរយពីម្ចាស់គ្លីនិកស៊ឹងរីទ្ធីរ៉េត ប៉ុន្ដែត្រូវបានតុលាការ តម្កល់រឿងមិនចាត់ការ ព្រោះគ្មានភស្ដុតាង និងឯកសារ ផ្លូវច្បាប់ត្រឹមត្រូវ និងច្បាស់លាស់។ក្រោយពីតុលាការមិនចាត់ការ មន្ដ្រីប៉ូលីសរូបនោះ ធ្វើបទសម្ភាសន៍ដល់អ្នកសារព័ត៌មាន អោយចុះផ្សាយគំរាមកំហែងបរិហារកេរ្តិ៍លោក ពីបទរំលោភលើទំនុកចិត្ត ខណៈដែលមន្ដ្រីប៉ូលីស រូបនេះគ្មានភាគហ៊ុនសូម្បីតែមួយរៀល និងនៅជំពាក់លុយរូបលោករាប់ម៉ឺនដុល្លារទៀត ដែលកំពុងជាប់បណ្ដឹងនៅតុលាការនៅឡើយ ។លោក ស៊ឹង រិទ្ធីរ៉េត ស្នើឱ្យបណ្ដាញសារព័ត៌មាន ពិចារណាអោយបានត្រឹមត្រូវមុនធ្វើការចុះផ្សាយពីនណាម្នាក់ ត្រូវមានភស្តុតាងឯកសារបញ្ជាក់ត្រឹមត្រូវ ដែលនាំឱ្យប៉ះពាល់ដល់កិត្តិយសនិងសេចក្ដីថ្លៃថ្នូរអ្នកដទៃ។ពាក់ព័ន្ធព័ត៌មានខាងលើនេះ យើងមិនអាចសុំការបញ្ជាក់ពីឈ្មោះ សំ សុខហេន ជាមន្ដ្រីប៉ូលីសស័ក្ដិ៤ នៅខេត្ដសៀមរាប បាននៅឡើយទេ អង្គភាពយើងនឹងរងចាំការបកស្រាយរាល់ម៉ោងបំពេញការងារ៕អត្ថបទ ៖ សាវី

សមត្ថកិច្ចចាប់ខ្លួនឧក្រិដ្ឋជន០៥នាក់ ករណីកែច្នៃ រក្សាទុកគ្រឿងញៀនជាង១៥៦គីឡូក្រាម

ភ្នំពេញ ៖ ឧក្រិដ្ឋជន០៥នាក់ (ជនជាតិខ្មែរ១នាក់ វៀតណាម០៤នាក់) និងរឹបអូគ្រឿងញៀនជាង ១៥៦គីឡូក្រាម ត្រូវសមត្ថកិច្ចជំនាញ នៃមន្ទីរប្រឆាំងបទល្មើសគ្រឿងញៀន បង្ក្រាបនៅចំណុចទីតាំងកែច្នៃ រក្សាទុកគ្រឿងញៀន ក្នុងនៅរាជធានីភ្នំពេញ ។សមត្ថកិច្ចជំនាញនៃមន្ទីរប្រឆាំងបទល្មើសគ្រឿងញៀន ប្រាប់អោយដឹងថា កាលពីថ្ងៃទី ២០ ខែកក្កដា ឆ្នាំ២០២១ វេលាម៉ោង ២២ និង២០នាទី សមត្ថកិច្ចនៃមន្ទីរប្រឆាំងបទល្មើសគ្រឿងញៀន (ក៨) ដឹកនាំដោយលោក ឧត្តមសេនីយ៍ទោ វ៉ាន់ កុសល និង លោកឧត្តមសេនីយ៍ទោ សារី បុត្រសត្យា នាយករងមន្ទីរ មានការចូលរួមពីកម្លាំងជំនាញស្នងការដ្ឋាននគរបាលរាជធានីភ្នំពេញ ដោយមានការសម្របសម្រួលដោយ លោក វង្ស សាវ៉ាត ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ បានចុះស៊ើបអង្កេត ស្រាវជ្រាវ ឈានទៅបង្ក្រាបក្រុមឧក្រិដ្ឋជន កែច្នៃ រក្សាទុក ដោយខុសច្បាប់នូវសារធាតុញៀន ស្ថិតនៅចំណុចផ្ទះលេខ ៨០ផ្លូវM៣ បូរីប៉េងហូត (បឹងស្នោ) សង្កាត់និរោធនិ៍ ខណ្ឌច្បារអំពៅ រាជធានីភ្នំពេញ ។នៅក្នុងប្រតិបត្តិការនោះសមត្ថកិច្ចជំនាញចាប់ឃាត់ខ្លួនជនសង្ស័យ ៥នាក់ : ១-ឈ្មោះ ហម សាវុធ ភេទប្រុស អាយុ ៥២ឆ្នាំ ជនជាតិ ខ្មែរ។ ២-ឈ្មោះ ឡេ វ៉ាន់ឌឿត (LE VAN DUOT) ភេទប្រុស អាយុ ៣១ឆ្នាំ ជនជាតិវៀតណាម ។ ៣-ឈ្មោះ ង្វៀន ថាន់គឿង (NGUYEN THANH CUONG ) ភេទប្រុស អាយុ ២៦ឆ្នាំ ជនជាតិ វៀតណាម ។ ៤-ឈ្មោះ ឡេ កឹមហ្វុក (LE CAM PHUNG ) ភេទស្រី អាយុ ២៥ឆ្នាំ ជនជាតិ តណាម ។ ៥-ឈ្មោះ ហ្វង័ ង៉ុកហាន (HOANG NGOC HAN ) ភេទស្រី អាយុ ២៥ឆ្នាំ ជនជាតិ វៀត ណាម។ វត្ថុតាងចាប់យក ១-អ៊ិចស្តាស៊ី (MDMA) ទម្ងន់សុទ្ធ ១០១គ.ក្រ ៩៨២.០៤ក្រាម។ ២-កាទីណូន (CATHINONE) ទម្ងន់សុទ្ធ ៣៩គ.ក្រ ៨៥៤ក្រាម។ ៣-មេតំហ្វេតាមីន(ICE)ទម្ងន់សុទ្ធ ១៤គ.ក្រ ៤៥០.៧៦ក្រាម។ ៤-កេតាមីន (KETANINE) ទម្ងន់សុទ្ធ ១១២.៨១ក្រាម ( សរុបសារធាតុញៀន ទម្ងន់១៥៦គីឡូក្រាម ៣៩៩.៦១ក្រាម )៥-សារធាតុគិមីផ្សំ (រាវ) អាសេតូន ទម្ងន់សុទ្ធ ៦ គ.ក្រ ៦៦៨.២៥ក្រាម ។សម្ភារៈមធ្យោបាយ និងឧបករណ៍កែច្នៃសារធាតុញៀន រួមមាន ១-ទូរស័ព្ទ ០៤គ្រឿង ២-ម៉ាស៊ីនសម្រាប់សម្ងួតសារធាតុញៀនចំនួន០២គ្រឿង។៣-ម៉ាស៊ីនសម្រាប់ក្រឡុកសារធាតុញៀនចំនួន០៦គ្រឿង។៤-ពុម្ពសម្រាប់វាយគ្រាប់សារធាតុញៀនមួយចំនួនធំ។៥-ម៉ាស៊ីនសម្រាប់វេចខ្ចប់សារធាតុញៀន០១គ្រឿង។៦-ម៉ាស៊ីនរាប់គ្រាប់សារធាតុញៀន ០១គ្រឿង៧-ម៉ាស៊ីនសម្រាប់អ៊ុតថង់ផ្លាស្ទិកចំនួន០៣គ្រឿង។៨-ម៉ាស៊ីនសម្រាប់កិន និងក្រឡុកសារធាតុញៀនចំនួន០២គ្រឿង។៩-ថង់សម្រាប់វេចខ្ចប់សារធាតុញៀនមួយចំនួនធំ។១០-ជញ្ជីងសម្រាប់ថ្លឹងសារធាតុញៀនចំនួន០៣គ្រឿង។១១-ម៉ាស៊ីនសម្រាប់វាយគ្រាប់សារធាតុញៀន០១គ្រឿង។១២-ម៉ាស៊ីនម៉ាក HARISON ចំនួន ០១គ្រឿង។១៣-រានសម្រាប់បញ្ឈរ សម្ងួតសារធាតុញៀនចំនួន០១ឈុត។១៤-ចានដែកសម្រាប់ដាក់ម្សៅសារធាតុញៀនចំនួន ០៩ ចាន១៥-កញ្រ្ចែងសម្រាប់រែងសារធាតុញៀនចំនួន០១។បច្ចុប្បន្ន ជនសង្ស័យ និងវត្ថុតាងសមត្ថកិច្ចជំនាញ នៃមន្ទីរប្រឆាំងបទល្មើសគ្រឿងញៀន បានកសាងសំណុំរឿង បញ្ជូនទៅសាលាដំបូងរាជធានីភ្នំពេញ ចាត់ការតាមនីតិវិធី ៕តារាវុទ្ធី

អាជ្ញាធរខេត្តបាត់ដំបង ត្រៀមមណ្ឌលចត្តាឡីស័ក ទទួលពលករត្រូវបញ្ជូនពីឧត្តរមានជ័យ

បាត់ដំបង៖ អាជ្ញាធរខេត្តបាត់ដំបង បានរៀបចំត្រៀមនូវមណ្ឌលចត្តាឡីស័ក នៅតាមបណ្ដាស្រុក ដើម្បីរងចាំទទួលពលករទើបត្រឡប់មកពីប្រទេសថៃ ដែលនឹងត្រូវបញ្ជូនពីខេត្តឧត្តរមានជ័យ ខណៈកំណើនពលករកើនឡើងច្រើន ឆ្លងដែនមកពីថៃតាមច្រកនានា ជាប់ខេត្តមួយនេះ ។ក្នុងឱកាសចុះពិនិត្យរៀបចំមណ្ឌលចត្តាឡីស័កនៅស្រុកសង្កែង កាលពីល្ងាចថ្ងៃទី២៣ ខែកក្កដា ឆ្នាំ២០២១ ឯកឧត្តម ងួន រតនៈ អភិបាលខេត្តបាត់ដំបង បានមានប្រសាសសន៍ថា ពលករដែលវិលត្រឡប់ពីប្រទេសមកពីថៃ ធ្វើចត្តាឡីស័កក្នុងខេត្តបាត់ដំបងនេះ គឺជាពលករចម្រុះ មានទីលំនៅតាមបណ្តាខេត្តនានា ចេញតាមច្រកព្រំដែន នៅក្នុងភូមិសាស្ត្រខេត្តឧត្តរមានជ័យ ហើយគម្រោងបញ្ជូនមកបាត់ដំបង នាពេលឆាប់ៗខាងមុខនេះ ។ឯកឧត្តម បន្តថា សម្រាប់ខេត្តបាត់ដំបង មានគ្រោងរៀបចំនូវមណ្ឌលចត្តាឡីស័កចំនួន៣កន្លែង ស្ថិតក្នុងស្រុកសង្កែ ក្នុងនោះមានយកទីតាំងវិទ្យាល័យអន្លង់វិល និងកំពុងរៀបចំទីតាំង ២កន្លែងទៀត នៅក្នុងស្រុកនេះដែរ ។ បើតាមលោក សុខ ហឿន អភិបាលស្រុកសង្កែ បានឲ្យដឹងថា មណ្ឌលចត្តាឡីស័កទាំងអស់នេះ សម្រាប់ត្រួតពិនិត្យសុខភាពពលករ ដែលវិលត្រឡប់ពីប្រទេសថៃ និងកន្លែងសម្រាកនៅរយៈពេល១៤ថ្ងៃ ហើយនឹងមានការយកវត្ថុសំណាកធ្វើតេស្តរកមេរោគកូវីដ-19 មុននឹងឲ្យវិលត្រឡប់ទៅកាន់លំនៅដ្ឋានខ្លួនវិញ ក្រោយពីធ្វើតេស្តលទ្ធផលអវិជ្ជមាន ដោយមណ្ឌលទាំង៣នើ យ៉ាងហោចណាស់អាចទទួលពលករបានប្រមាណ ១០០០នាក់ ។ គួរបញ្ជាក់ថា នៅក្នុងខេត្តបាត់ដំបង នារយៈពេលចុងក្រោយនេះ មានសភាពធូរស្បើយច្រើន ពាក់ព័ន្ធនឹងទីតាំងមណ្ឌលចត្តាឡីស័ក ព្រោះក្នុងមួយថ្ងៃការវិលត្រឡប់របស់ពលករ មកពីប្រទេសថៃ ជាប់ខេត្តបាត់ដំបង មានត្រឹមចំនួនពី៥០ ទៅ១០០នាក់ប៉ុណ្ណោះ ៕អត្ថបទ ៖ សុខរិទ្ធ

កម្ពុជាបន្ដរកឃើញមនុស្ស៨៦០នាក់ឆ្លងកូវីដ-១៩ ខណៈអ្នកជំងឺ១០៧៤នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន៨៦០នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន១០៧៤នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន៤៦៥នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ៣៩៥នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស៣២នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់១២៥៤នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប៦៤ ៥៤៨នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៧២ ១០៤នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

កម្ពុជាកត់ត្រាចំនួនអ្នកស្លាប់ដោយសារកូវីដ-១៩ចំនួន៣៤នាក់នៅថ្ងៃនេះ ជាតួលេខខ្ពស់លំដាប់ទី៣ក្នុងខែកក្កដានេះ

ភ្នំពេញ៖ កម្ពុជាបានប្រកាសនៅថ្ងៃនេះថា មនុស្សចំនួន ៣៤នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនេះគឺជាតួលេខខ្ពស់បំផុតលំដាប់ទី៣នៅក្នុងចំណោមតួលេខអ្នកស្លាប់ដោយសារកូវីដ-១៩នៅក្នុងរយៈពេល២៤ម៉ោងចុងក្រោយ។ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាលបញ្ជាក់ថា មនុស្ស ៨២៥នាក់បន្ថែមទៀត បានឆ្លងមេរោគកូវីដ-១៩ ក្នុងនោះករណីឆ្លងដល់ទៅ ៣៣៥នាក់ ត្រូវបានរកឃើញលើអ្នកដំណើរចូលមកប្រទេសកម្ពុជា។ក្រសួងក៏បានឱ្យដឹងផងដែរថា មនុស្ស ៣៤នាក់ទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់ដោយសារជំងឺកូវីដ-១៩នៅកម្ពុជា កើនឡើងដល់ ១,២២២នាក់ហើយនៅក្នុងរយៈពេលជាង ៤ខែកន្លងមកនេះគិតចាប់តាំងពីពេលដែលកម្ពុជាប្រកាសពីករណីស្លាប់ជាលើកដំបូងកាលពីថ្ងៃទី១១ ខែមីនាកន្លងមកនេះ។ចំនួនមនុស្សស្លាប់ដោយសារកូវីដ-១៩នៅថ្ងៃនេះ គឺជាតួលេខខ្ពស់បំផុតលំដាប់ទី៣ បន្ទាប់កម្ពុជាបានកត់ត្រាចំនួនអ្នកស្លាប់ដោយសារកូវីដ-១៩ខ្ពស់បំផុតរហូតដល់ ៣៩នាក់ដែលត្រូវបានប្រកាសកាលពីថ្ងៃទី១៦ ខែកក្កដា និងតួលេខអ្នកស្លាប់ដោយសារកូវីដ-១៩ចំនួន ៣៦នាក់ ដែលត្រូវបានប្រកាសកាលពីថ្ងៃទី០៤ ខែកក្កដា។គិតត្រឹមថ្ងៃនេះ កម្ពុជាបានរកឃើញមនុស្សរហូតដល់ទៅ ៧១,២៤៤នាក់ បានឆ្លងមេរោគកូវីដ-១៩នៅទូទាំងប្រទេស ដែលភាគច្រើនលើសលប់ត្រូវបានរកឃើញនៅក្រោយព្រឹត្តិការណ៍ឆ្លងក្នុងសហគមន៍ ២០កុម្ភៈកន្លងមកនេះ។ទោះជាយ៉ាងណា ក្រសួងសុខាភិបាលបញ្ជាក់ថា អ្នកជំងឺកូវីដ-១៩ចំនួន ៦៣,៤៧៤នាក់ហើយ ឬប្រហែល ៨៩ភាគរយនៃចំនួនអ្នកជំងឺកូវីដ-១៩សរុប ត្រូវបានព្យាបាលជាសះស្បើយឡើងវិញ ក្នុងនោះមានទាំងអ្នកជាសះស្បើយចំនួន ៨៩៧នាក់ ដែលក្រសួងប្រកាសនៅថ្ងៃនេះផងដែរ៕

បណ្ដាញសង្គម

ព័ត៌មានថ្មីៗ

មនុស្សបីនាក់ បានរងរបួស ក្នុងការបាញ់ប្រហារនៅទីលាន Times Square ក្នុងទីក្រុងញូវយ៉ក

គណៈកម្មាធិការថ្នាក់រដ្ឋមន្ត្រីអារ៉ាប់ ឲ្យអ៊ីស្រាអែលទទួលខុសត្រូវទាំងស្រុង ចំពោះអំពើប្រល័យពូជសាសន៍ដែលកំពុងបន្តនៅហ្កាហ្សា

យោធាកូរ៉េខាងត្បូង និយាយថា កូរ៉េខាងជើងកំពុងដកឧបករណ៍បំពងសំឡេងចេញពីព្រំដែនដ៏តានតឹងរបស់ពួកគេ

ទូរទស្សន៍រដ្ឋនិយាយថា ប្រទេសស៊ីរី នឹងមិនចូលរួមក្នុងកិច្ចប្រជុំ ជាមួយកងកម្លាំង SDF ដឹកនាំដោយឃើដ នៅទីក្រុងប៉ារីសទេ

កម្ពុជាអំពាវនាវដល់ថៃ សូមដោះលែងឱ្យបានឆាប់នូវកងទ័ពកម្ពុជា ដែលថៃចាប់ខ្លួនយកទៅ មានរយៈពេល ១១ ថ្ងៃហើយ

ប្រមុខកងទ័ពអាកាស៖ ឥណ្ឌាបានបាញ់ទម្លាក់យន្តហោះចម្បាំងប៉ាគីស្ថានចំនួន ៥គ្រឿង និងយន្តហោះយោធា ១គ្រឿង កាលពីខែឧសភា

ក្រុមអ្នកស្ម័គ្រចិត្ត៖ ជនស៊ីវិលយ៉ាងតិច ១៦នាក់ ស្លាប់ និង ៨នាក់ រងរបួស ក្នុងការវាយប្រហារដោយកងកម្លាំងយោធាប៉ារ៉ា នៅស៊ូដង់

ទាហានឥណ្ឌា ២នាក់ និងជនសកម្មប្រយុទ្ធម្នាក់ ត្រូវបានសម្លាប់ នៅក្នុងការប្រយុទ្ធគ្នាដោយកាំភ្លើង នៅកាស្មៀរ

អគារថ្មីក្នុងមន្ទីរពេទ្យបង្អែកស្រុកស្ទោង សម្ពោធដាក់ឱ្យប្រើប្រាស់សម្រាប់ផ្តល់សេវាជូនប្រជាពលរដ្ឋ

រដ្ឋមន្ត្រីក្រសួងកសិកម្មដឹកនាំកិច្ចប្រជុំដោះស្រាយបញ្ហាតម្លៃស្រូវស្រង៉ែ នៅខេត្តបាត់ដំបង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

កម្ពុជារកឃើញមនុស្ស៣៩នាក់ទៀតឆ្លងមេរោគកូវីដ-១៩បំប្លែងថ្មី Delta នាំឱ្យតួលេខអ្នកឆ្លងសរុបឡើងដល់ ១១៤នាក់ហើយ

អាជ្ញាធរខណ្ឌដូនពេញ បន្តចុះស្តាអណ្តូងលូដែលបានកកស្ទះដោយសារកាកសំណល់ សំរាមផ្សេងៗហូរចូលស្ទះផ្លូវទឹក

កម្ពុជាបន្ដរកឃើញមនុស្ស៧៧៨នាក់ឆ្លងកូវីដ-១៩ ខណៈអ្នកជំងឺ៦៨៦នាក់ទៀត ត្រូវបានព្យាបាលជាសះស្បើយ

អ្នកជំងឺកូវីដ១៩ ជាង៣ពាន់នាក់នៅស្វាយរៀង ត្រូវបានព្យាបាលជាសះស្បើយ

សមត្ថកិច្ចចាប់ខ្លួនឧក្រិដ្ឋជន០៥នាក់ ករណីកែច្នៃ រក្សាទុកគ្រឿងញៀនជាង១៥៦គីឡូក្រាម

អាជ្ញាធរខេត្តបាត់ដំបង ត្រៀមមណ្ឌលចត្តាឡីស័ក ទទួលពលករត្រូវបញ្ជូនពីឧត្តរមានជ័យ

កម្ពុជាបន្ដរកឃើញមនុស្ស៨៦០នាក់ឆ្លងកូវីដ-១៩ ខណៈអ្នកជំងឺ១០៧៤នាក់ទៀត ត្រូវបានព្យាបាលជាសះស្បើយ

កម្ពុជាកត់ត្រាចំនួនអ្នកស្លាប់ដោយសារកូវីដ-១៩ចំនួន៣៤នាក់នៅថ្ងៃនេះ ជាតួលេខខ្ពស់លំដាប់ទី៣ក្នុងខែកក្កដានេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

អាជ្ញាធរខណ្ឌដូនពេញ បន្តចុះស្តាអណ្តូងលូដែលបានកកស្ទះដោយសារកាកសំណល់ សំរាមផ្សេងៗហូរចូលស្ទះផ្លូវទឹក

អ្នកជំងឺកូវីដ១៩ ជាង៣ពាន់នាក់នៅស្វាយរៀង ត្រូវបានព្យាបាលជាសះស្បើយ

សមត្ថកិច្ច​ចាប់ខ្លួនឧក្រិដ្ឋជន០៥នាក់ ករណីកែច្នៃ រក្សាទុកគ្រឿងញៀន​ជាង១៥៦គីឡូក្រាម

អាជ្ញាធរខេត្តបាត់ដំបង ត្រៀមមណ្ឌលចត្តាឡីស័ក ទទួលពលករត្រូវបញ្ជូនពីឧត្តរមានជ័យ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សមត្ថកិច្ចចាប់ខ្លួនឧក្រិដ្ឋជន០៥នាក់ ករណីកែច្នៃ រក្សាទុកគ្រឿងញៀនជាង១៥៦គីឡូក្រាម