BTV NEWS

ចាប់ខ្លួនជនសង្ស័យ៥នាក់ពាក់ពន្ធ័ករណីចាប់ ឃុំឃាំង និងបង្ខាំងមនុស្សដោយខុសច្បាប់

សមត្ថកិច្ចខេត្តមណ្ឌលគិរី និងខេត្តសៀមរាប ឃាត់ខ្លួនជនបរទេសចំនួន១៦២នាក់ ក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យា

ជនបរទេស១៣នាក់ត្រូវបានឃាត់ខ្លួនក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យានៅសៀមរាប

ចៅក្រមស៊ើបសួរសាលាដំបូងរាជធានីភ្នំពេញសម្រេចឃុំខ្លួនជនត្រូវចោទ៨នាក់ជាបណ្តោះអាសន្នពាក់ព័ន្ធអំពើឆបោកតាមឆបោកតាមប្រព័ន្ធអនឡាញ

សន្តិសុខ និង សង្គម

កម្ពុជាបន្ដរកឃើញមនុស្ស៨១១នាក់ឆ្លងកូវីដ-១៩ ខណៈអ្នកជំងឺ៧៩៨នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន៨១១នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន៧៩៨នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន៥១១នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ៣០០នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស២០នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់១១៨៨នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ៧ ៥២៤នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៧០ ៤១៩នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

ផ្សារចំនួន៣ទីតាំងនៅស្រុករមាសហែក និងស្រុកស្វាយទាប ត្រូវបានបិទបណ្តោះអាសន្ន ក្រោយរកឃើញវិជ្ជមានកូវីដ១៩ នៅលើក្រុមអាជីវករ

ស្វាយរៀង ៖ រដ្ឋបាលខេត្តស្វាយរៀង ធ្វើការបិទផ្សារចំនួន៣ទីតាំងនៅស្រុករមាសហែក និងស្រុកស្វាយទាប រយៈពេល១៤ថ្ងៃ ចាប់ពីម៉ោង០០ ថ្ងៃទី២១ ខែកក្កដា ដល់ថ្ងៃទី ៣ខែ សីហា ឆ្នាំ២០២១ បន្ទាប់ពីក្រុមការងារស្រាវជ្រាវរកឃើញវិជ្ជមានជំងឺកូវីដ១៩ នៅលើក្រុមអាជីវករមួយចំនួននៅក្នុងផ្សារទាំងនោះ។ផ្សារចំនួន៣ទីតាំង រួមមាន ៖ ផ្សារកំពង់ត្រាច ភូមិតាត្រាវ ឃុំកំពង់ត្រាច ស្រុករមាសហែក ផ្សារប្រសូតិ១ និងផ្សារថូម៉ាស់ ស្ថិតនៅក្នុងភូមិប្រសូត១ ឃុំកណ្ដៀងរាយ ស្រុកស្វាយទាប ។ជុំវិញការបិទផ្សារបណ្ដោះអាសន្នរយៈពេល១៤ថ្ងៃ តាមសេចក្តីជូនដំណឹងរបស់រដ្ឋបាលខេត្ត ដើម្បីផ្ដល់ឱកាសឲ្យក្រុមការងារផ្សារធ្វើអនាម័យសំអាតបរិស្ថាន បន្ទាប់ពីក្រុមការងារស្រាវជ្រាវបានរកឃើញវិជ្ជមានជំងឺកូវីដ១៩ ទៅលើក្រុមអាជីវករប្រកបរបរក្នុងផ្សារទាំងបីខាងលើនោះ។ លោក អ៊ុង សា អភិបាលរងស្រុកស្វាយទាប បានអំពាវនាវដល់ពលរដ្ឋដែលពាក់ព័ន្ធជាមួយនឹងក្រុងអាជីវករក្នុងផ្សារទាំងបីខាងលើនេះ ប្រញាប់រួសរាន់ទៅប្រឹក្សាជាមួយក្រុមគ្រូពេទ្យពិសេសយកសំណាករកមេរោគកូវីដ១៩ ឲ្យបានទាន់ពេលដើម្បី ធ្វើការព្យាបាលជំងឺក្នុងករណីរកឃើញមេរោគកូវីដ១៩ ដោយប្រការណាមួយ សំដៅធ្វើការបញ្ចៀសការគ្រោះថ្នាក់ដល់អាយុជីវិតខ្លួនឯង និងគ្រួសារ។សូមបញ្ជាក់ថា នៅក្នុងព្រឹត្តិការណ៍សហគមន៍២០កុម្ភៈ ចាប់គិតពីថ្ងៃទី១៣ ខែកុម្ភៈ ដល់ថ្ងៃទី ២០ ខែកក្កដា ឆ្នាំ២០២១ នេះស្វាយរៀង មានពលរដ្ឋខ្មែរ និងជនបរទេសរង វិជ្ជមានជំងឺមានកូវីដ១៩ ចំនួនជាង៤ពាន់នាក់ ស្លាប់ចំនួនជាង ៤០នាក់ព្យាបាលជំងឺកូវីដ១៩ ឱ្យជាសះស្បើយបានចំនួនជាង ៣ពាន់នាក់ ខណៈដែលពលរដ្ឋ និងកម្មករចំនួនជាង ៧០០នាក់ បាននិងកំពុងបន្តធ្វើការព្យាបាលជំងឺ នៅក្នុងព្រឹត្តិការណ៍សហគមន៍២០កុម្ភៈ៕អត្ថបទ ៖ សារិទ្ធ

គ្រោះថ្នាក់ផ្ទុះឆេះទូកដឹកទំនិញនៅកណ្ដាលសមុទ្រ ស្លាប់មនុស្សម្នាក់ និងរងរបួសជាច្រើននាក់

ព្រះសីហនុ ៖ ករណីគ្រោះថ្នាក់ចរាចរណ៍កណ្ដាលសមុទ្រ ផ្ទុះឆេះទូកខិ (ទូករត់ដ) ដឹកទំនិញ និងមនុស្សទៅ-មកក្រុងកោះរ៉ុង និងក្រុងព្រះសីហនុ បណ្ដាលឲ្យមនុស្សម្នាក់ស្លាប់ និងរងរបួសជាច្រើននាក់ នៅថ្ងៃទី២១ខែកក្កដា ឆ្នាំ២០២១។អភិបាលនៃគណៈអភិបាលក្រុងកោះរ៉ុង លោក នួន ប៊ុនថុល ប្រាប់ឱ្យដឹងថា ក្រោយពីទទួលដំណឹងថាទូកខិ (ទូករត់ដ) ដែលជាកម្មសិទ្ធរបស់ប្រជាពលរដ្ឋរស់នៅភូមិដើមថ្កូវ សង្កាត់កោះរ៉ុង ក្រុងកោះរ៉ុង ខេត្ដព្រះសីហនុ ដឹកទំនិញនិងមនុស្សទៅក្រុងព្រះសីហនុ ស្រាប់តែរត់បានកន្លះម៉ោងដល់កណ្ដាលមុទ្រ ក៏កើតមានករណីផ្ទុះឆេះ ហើយលោកក៏បញ្ជាឱ្យអូប័រល្បឿនលឿនចេញអន្តរាគមន៍ភ្លាមៗ សង្រ្គោះបានមនុស្សទាំងអស់ទាន់ពេលវេលា ព្រមទាំងទូកបងប្អូនប្រជានេសាទ ដែលនៅក្បែរនោះ ក៏បានចូលជួយសង្គ្រោះពន្លត់ភ្លើង ។ ប៉ុន្តែជាអកុសល មានបងស្រីម្នាក់គាត់បានបាត់បងជីវិតទៅហើយ ដោយសារគាត់មានរោគជំងឺបេះដូង។លោក បន្ដថា ទូកនេះ មានម្ចាស់ឈ្មោះ រ័ត្ន ឧត្តម ភេទប្រុស អាយុ ២៦ឆ្នាំ ទីលំនៅបច្ចុប្បន្នភូមិកោះរ៉ុងសន្លឹម សង្កាត់កោះរ៉ុងសន្លឹម ក្រុងកោះរ៉ុង ខេត្តព្រះសីហនុ។ តាមការបំភ្លឺរបស់តៃកុងទូក ករណីឆេះទូកដឹទំនិញ នៅលើទូកមានដឹកមនុស្សចំនួន ១១នាក់ បានចេញដំណើពីផែសហគមន៍ភូមិដើមថ្កូវ សង្កាត់កោះរ៉ុង ក្រុងកោះរ៉ុង ទៅផែ៥២ សង្កាត់លេខ៤ ក្រុង-ខេត្ដព្រះសីហនុ លុះធ្វើដំណើរដល់កន្លែងកើតហេតុ ម៉ាស៊ីនទូក បានបែកធ្លាយទុយោប្រេងប៉ះនឹងបំពង់ស៊ីម៉ាំងម៉ាស៊ីនទូក ក៏បណ្តាលឱ្យឆាបឆេះភ្លើងនេះឡើង។ ករណីនេះ បង្កគ្រោះថ្នាក់ស្លាប់មនុស្យចំនួន០១នាក់ ឈ្មោះ ហ៊ីង ស្រស់ ភេទស្រី អាយុ ៥០ឆ្នាំ រស់នៅភូមិដើមថ្កូវ សង្កាត់កោះរ៉ុង ក្រុងកោះរ៉ុង និងរងបួសចំនួន ០៦នាក់ (របួសធ្ងន់ម្នាក់ ប្រុសតៃកុងទូក) ព្រមទាំងឆេះកន្ទុយទូកខាងក្រោយ និងសម្ភារៈមួយចំនួន។លោក សូមអំពាវនាវដល់បងប្អូនប្រជាពលរដ្ឋ អ្នកធ្វើដំណើរតាមសមុទ្រ ជាពិសេសប្រជានេសាទ សូមធ្វើការត្រួតពិនិត្យលក្ខណៈបច្ចេកទេសជលយាន (ទូក) ឱ្យបានត្រឹមត្រូវ និងត្រូវមានអាវពោងសុវត្ថិភាព ព្រមទាំងវិទ្យុទាក់ទងឱ្យបានគ្រប់គ្រាន់ដើម្បីការពារនូវគ្រោះថ្នាក់ជាយថាហេតុអ្វីមួយកើតឡើង ដែលបងប្អូនអាចហៅការជួយសង្គ្រោះបានទាន់ពេលវេលា៕ដោយ៖ ប៊ុនថា

ឪពុកម្ចាស់ហ្វេសប៊ុក«ស្លាបប៉ាកកាទេវរាជ» ចេញមុខសុំទោសរាជរដ្ឋាភិបាល ដែលកូនប្រុសខ្លួនបង្ហោះលើបណ្តាញសង្គមរិះគន់រឿងចាក់វ៉ាក់សាំងការពារកូវីដ១៩

កោះកុង ៖ លោក ទិត្យ សុផា រស់នៅឃុំបឹងព្រាវ ជាឪពុករបស់ឈ្មោះ ផុន កុលចំរើន អាយុ៣២ឆ្នាំ ម្ចាស់ហ្វេសប៊ុកផេនឈ្មោះ«ស្លាបប៉ាកកាទេវរាជ»បានចេញមុខសុំទោសប្រមុខរាជរដ្ឋាភិបាល ក៏ដូចជាមហាជនអ្នកលេងហ្វេសប៊ុក ក្រោយកូនរបស់លោកមានជំងឺសរសៃប្រសាទបង្ហោះរិះគន់ការចាក់វ៉ាក់សាំងយកកាត ជាការរៀបគម្រោងប្លង់អាយុជីវិតប្រជាជនខ្មែរ របស់រាជរដ្ឋាភិបាល។លោក ទិត្យ សុផា អាយុ៥៧ឆ្នាំ មុខរបរបើកកន្លែងព្យាបាលជំងឺទូទៅ នៅឃុំបឹងព្រាវ ស្រុកស្រែអំបិល ខេត្តកោះកុង បានពន្យល់ថា កូនប្រុសរបស់គាត់មួយនេះមានអាការៈសតិអារម្មណ៍ខុសប្រក្រតី ក្រោយភរិយាលោកមរណភាពកាលពីឆ្នាំ២០១៥ កន្លងទៅ ហើយចាប់តាំងពីពេលនោះមក បាន៣ទៅ៤ខែឈ្មោះ ផុន កុលចំរើន ចេះតែនិយាយស្តីបែបររើរវាយស្មារតីមិននឹងននិយាយតែផ្ដេសផ្ដាសខុសធម្មតា។លោក បន្ថែមទៀតថា ប៉ុន្មានថ្ងៃក្នុងខែកក្កដា ឆ្នាំ២០២១ កូនប្រុសរបស់លោកបានបង្ហោះហ្វេសប៊ុករិះគន់ការចាក់វ៉ាក់សាំងរបស់ប្រទេសចិន មិនទាន់មានការទទួលស្គាល់ដោយអង្គការសុខភាពពិភពលោក ការចាក់វ៉ាក់សាំងយកកាត គឺជាការរៀបគម្រោងប្លន់អាយុជីវិតប្រជាជនខ្មែររបស់រដ្ឋាភិបាលដែលដឹកនាំដោយសម្តេចតេជោ និងតាំងខ្លួនសែលោហិតរាជវង្សព្រះអង្គម្ចាស់ ស៊ី វុត្ថា ដែលជាបុត្រារបស់ព្រះអង្គឌួង ជាដើម។បញ្ហាកំហុសឆ្គងរបស់កូនប្រុស គឺត្រូវបានលោក សុផា ស្រាយបំភ្លឺថារឿងមិនពិតប្រាកដនោះទេព្រោះសតិមិនគ្រប់គ្រាន់។ ក្នុងនាមជាឪពុក លោក ទិត្យ សុផា សុំអភ័យទោសដល់ប្រមុខរាជរដ្ឋាភិបាលកម្ពុជាសម្តេចតេជោ ហ៊ុន សែន និងសាធារណជនទូទៅ មេត្តាក្តីយោគយល់ អនុគ្រោះចំពោះទង្វើមិនគួរគាប់របស់កូនដែលមានជំងឺប្រសាទប្រចាំកាយ។ ដូច្នេះកុំមានការភ័ន្តច្រឡំ ឬចាត់ទុកពាក្យសម្តីមិនគប្បីដែលឈ្មោះ កុលចំរើន រឿងផ្លូវការបន្តទៀត។លោក ទិត្យ សុផា ដែលជាឪពុកបង្កើតរបស់ម្ចាស់ហ្វេសប៊ុកស្លាបប៉ាកកាទេវរាជ ក៏បាននាំរូបគេទៅពិនិត្យធ្វើរោគវិនិច្ឆ័យសុខភាព ហើយគ្រូពេទ្យបានបញ្ជាក់ដែរថា កូនរបស់គាត់ពិតជាមានជំងឺសរសៃរប្រសាទប្រាកដមែន ព្យាបាលនៅមន្ទីរពេទ្យរុស្សីប្រើប្រាស់ជាបន្តបន្ទាប់។បើតាមការបញ្ជាក់បន្ថែមពីលោកឧត្តមសេនីយ៍ទោ គង់ មនោ ស្នងការនគរបាលខេត្តកោះកុង បានឱ្យដឹងនៅព្រឹកថ្ងៃទី២១ ខែកក្កដា ឆ្នាំ២០២១ថា ពេលអនុវត្ត ការថ្នាំលេបព្យាបាលអស់តាមចំនួន រូបលោកជាឪពុកនិយាយលួងលោមកូន ដើម្បីទៅយកថ្នាំបន្តពីក្រុមគ្រូពេទ្យនៅមន្ទីរពេទ្យ ក៏ប៉ុន្តែត្រូវអ្នកជំងឺគេចវេសមិនទៅ អំឡុងពេលនោះអារម្មណ៍របស់កូនប្រុសគាត់ចេះតែនិយាយគ្មានការពិចារណាដែលធ្វើឱ្យប៉ះពាល់ដល់ថ្នាក់ដឹកនាំរដ្ឋាភិបាលកម្ពុជា និងសាធារណៈជន។លោកស្នងការនគរបាលខេត្តកោះកុង និងលោក ទិត្យ សុផា លើកឡើងដំណាលគ្នាថា ការបង្ហោះហ្វេកប៊ុករិះគន់នានា រយៈពេលចុងក្រោយនេះ បុគ្គលឈ្មោះ ផុន កុលចំរើន ពុំបានរួមរស់នៅជាមួយក្រុមគ្រួសារបងប្អូនឡើយ ព្រោះតែការមិនស្តាប់ការអប់រំណែនាំរបស់ឪពុក និងកិច្ចសន្យាលើទី១ ជាមួយសមត្ថកិច្ចនគរបាល រូបគេក៏សុំចិត្តទៅធ្វើខ្ទមមួយនៅកណ្តាលវាលស្រែ ដែលឆ្ងាយពីផ្ទះតែម្នាក់ឯង។បន្ថែមលើនេះ លោកស្នងការនគរបាល អំពាវនាវដល់មហាជនទាំងអស់ មេត្តាកុំបន្តចាញ់បោកការបង់ថវិកាចូលតាមសំណេររបស់បុគ្គល កុលចំរើន ចំពោះវីដេអូរបស់គេដែលបានបង្ហោះតាមវេលុយលេខកុងធនាគារABAផេកហ្វេសប៊ុកមួយនេះ។ លុះ៦ថ្ងៃក្រោយមកគិតត្រឹមថ្ងៃទី១៦ ខែកក្កដា ឆ្នាំ២០២១ថ្មីៗនេះ បាត់ដំណឹងសូន្យឈឹងមិនដឹងបុគ្គល កុលចំរើន ទៅទីណានោះទេ ឪពុកទាក់ទងទៅកូនស្រីរបស់លោកនៅឯភ្នំពេញ ក៏កូនស្រីនិយាយថាមិនបានឃើញរូបបងប្រុសដែរ។ ឥឡូវលោក ទិត្យ សុផា បានសន្យាចំពោះមុខសមត្ថកិច្ចជំនាញថានឹងខិតខំស្វែងរកកូនរបស់ខ្លួនឱ្យឃើញ ដើម្បីនាំយកមកផ្ទះវិញ ដោយសារកូនគាត់ម្នាក់នេះមានសតិមិនប្រក្រតី ហើយឈប់ឱ្យគេប្រើទូរស័ព្ទស្មាតហ្វូនបន្តទៀត ព្រមទាំងប្រគល់ឱ្យសមត្ថកិច្ចធ្វើកិច្ចសន្យាអប់រំណែនាំលើកទី២ ក្នុងករណីមិនរាងចោល នឹងអនុវត្តទៅតាមវិធានការច្បាប់៕អត្ថបទ ៖ ឈឹម មករា

ភ្លើងឆេះក្នុងហាងមីហិល៧យ៉ាងនៅខណ្ឌដង្កោ ផ្អើលសមត្ថកិច្ចចុះទៅជួយអន្តរាគមន៍ភ្លាមៗ

ភ្នំពេញ ៖ ភ្លើងឆាបឆេះនៅហាង មីហិល៧យ៉ាង បណ្ដាលឲ្យមនុស្សប្រុសស្រី៤នាក់ រងរបួស ខណៈពេលកំពុងតែចម្អិនអាហារនៅក្នុងហាង បានបង្កការភ្ញាក់ផ្អើលដល់ប្រជាពលរដ្ឋ និងសមត្ថកិច្ចជួយអន្តរាគមន៍ភ្លាមៗ ។ ហេតុការណ៍នេះកើតឡើងកាលពីវេលាម៉ោង១០និង៣០នាទី ព្រឹកថ្ងៃទី ២១ ខែកក្កដា ឆ្នាំ ២០២១ ស្ថិតនៅហាង មីហិល៧យ៉ាង នៅតាមបណ្តោយផ្លូវបេតុងព្រៃស ភូមិថ្មីសង្កាត់ដង្កោ ខណ្ឌដង្កោ រាជធានីភ្នំពេញ ដែលមានម្ចាស់ហាងឈ្មោះ ហូ លាង ភេទស្រី អាយុ៣៨ឆ្នាំ ។បុគ្គលិកក្នុងហាងខាងលើ បានប្រាប់ឲ្យដឹងថា នៅមុនពេលកើតហេតុមានចុងភៅ២ នាក់ បានចម្អិនអាហារនៅក្នុងបន្ទប់បាយខាងក្រោយ ស្រាបតែឆាបដល់ធុងហ្គាស់ឆេះសម្ភារៈនៅបន្ទប់ចង្ក្រានបាយ ពេលនោះបុគ្គលិក និងអ្នកមើលការខុសត្រូវក៏បានរត់ទៅជួយ បណ្ដាលឲ្យមនុស្សប្រុសស្រី៤នាក់រងរបួសរលាក់ស្មារ និងដៃ ជើង ត្រូវបានដឹកយកទៅសង្រ្គោះនៅមន្ទីពេទ្យឯកជន ។ ចំណែកភ្លើងនៅតែបន្តឆាបឆេះ និងមានផ្សែងហុយចេញមកខាងក្រៅ ភ្លាមៗនោះប្រជាពលរដ្ឋរាយការណ៍ប្រាប់សមត្ថកិច្ចមូលដ្ឋានដើម្បីជួយហៅរថយន្តពន្លត់អគ្គីភ័យចុះទៅបាញ់ពន្លត់ ។ក្រោយពីបានទទួលបានព័ត៌មានថា មានអគ្គីភ័យឆាបឆេះនៅហាងមីហិល ៧ យ៉ាងសមត្ថកិច្ចក៏បានទំនាក់ទំនងទៅខាងរថយន្តពន្លត់អគ្គីភ័យរបស់ស្នងការដ្ឋាននគរបាល រាជធានីភ្នំពេញ ដែលប្រចាំការនៅសាលាខណ្ឌដង្កោបានចុះទៅ ចំនួន ២គ្រឿង ដោយធ្វើការបាញ់ពន្លត់អស់ ចំនួន ១ គ្រឿង ទើបអណ្តាតភ្លើងរលត់ជាស្ថាពរ ។តាមការបញ្ជាក់ពីមន្ត្រីពន្លត់អគ្គីភ័យ បានឲ្យដឹងថា ការឆាបឆេះនៅហាង មីហិល៧យ៉ាង នេះគឺដោយសារតែខាងចុងភៅធ្វើការធ្វេសប្រហែស ទើបធ្វើឲ្យមានការឆាបធុងហ្គាស់ក៏មានអណ្ដាតភ្លើងឆេះបែបនេះ ។ របស់ដែលខូចខាត រួមមាន សម្ភារៈនៅបន្ទប់ចង្ក្រានបាយមួយចំនួន និងមានរបួសមនុស្សប្រុសស្រី ៤នាក់ ក្នុងករណីអគ្គិភ័យខាងលើ មិនមានឆាបឆេះរាលដាលដល់ផ្ទះប្រជាពលរដ្ឋអ្នកជិតខាងនោះទេ ៕តារាវុទ្ធី

កម្ពុជាបន្ដរកឃើញមនុស្ស៨១២នាក់ឆ្លងកូវីដ-១៩ ខណៈអ្នកជំងឺ៧៤០នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន៨១២នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន៧៤០នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន៥៣៣នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ២៧៩នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស១៩នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់១១៦៨នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ៧ ២២៤នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៦៩ ៦០៨នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

ជំងឺកូវីដ១៩នៅស្វាយរៀងហាក់មិនបានថមថយ ខណៈអ្នកជំងឺថ្មីត្រូវបានរកឃើញបន្ថែមនៅគ្រប់តំបន់

ស្វាយរៀង ៖ វត្តមានជំងឺកូវីដ១៩នៅស្វាយរៀង នាពេលបច្ចុប្បន្នហាក់មិនមានសញ្ញាបញ្ជាក់ថយចុះនោះទេ ខណៈដែលក្រុមការងារចុះស្រាវជ្រាវ បានរកឃើញវិជ្ជមានជំងឺកូវីដ១៩ បន្ថែមនៅគ្រប់តំបន់ ។លោក តូច ប៉ូលីវ៉ា អភិបាលរងខេត្ត និងជាអនុប្រធានគណៈកម្មការទប់ស្កាត់ជំងឺកូវីដ១៩ ខេត្តស្វាយរៀងនៅថ្ងៃទី ២០ ខែកក្កដា ឆ្នាំ២០២១នេះ បានឱ្យដឹងថា ស្ថានភាពជំងឺកូវីដ១៩ នៅស្វាយរៀងហាក់មិនមានថបថយចុះនោះទេ ខណៈដែលវិជ្ជមានជំងឺ covid១៩ បានផ្ទុះឡើងជាបន្តបន្ទាប់នៅគ្រប់តំបន់ពិសេសថ្មីៗនេះក្រុមការងារចុះស្រាវជ្រាវបានរកឃើញវិជ្ជមានជំងឺកូវីដ១៩ ទៅលើក្រុមអាជីវករប្រកបរបរនៅក្នុងផ្សារកំពង់ត្រាច ស្រុករមាសហែក ខេត្តស្វាយរៀង ចំនួនជាង៨០នាក់បន្ថែម ។លោក បានបន្ថែមថា នៅក្នុងព្រឹត្តិការណ៍សហគមន៍២០ កុម្ភៈ នៅស្វាយរៀង ក្រុមការងារបានចុះស្រាវជ្រាវរកឃើញវិជ្ជមានជំងឺកូវីដ១៩ នៅតាមសហគមន៍ ពិសេសនៅតាមរោងចក្រ សហគ្រាសក្នុងមួយថ្ងៃមិនក្រោមពីចន្លោះពី ៥០ទៅ ៩០នាក់ទេ ដែលវិជ្ជមានជំងឺកូវីដ១៩ ភាគច្រើនជាកម្មករបំរើការងារនៅរោងចក្រ ដែលបាននាំចម្លងទៅពលរដ្ឋនៅក្នុងសហគមន៍។ប្រឈមនឹងបញ្ហាជំងឺកូវីដ១៩ មានការរីករាលនៅតាមសហគមន៍ លោក តូច ប៉ូលីវ៉ា បានបញ្ជាក់ថា អនុវត្តតាមបទបញ្ជារាជរដ្ឋាភិបាល បច្ចុប្បន្នរដ្ឋបាលខេត្តបានសហការជាមួយនឹងផ្នែកពាក់ព័ន្ធបានចុះអប់រំពី វិធានរបស់ក្រសួងសុខាភិបាល និងអនុសាសន៍ណែនាំរបស់ប្រមុខរាជរដ្ឋាភិបាល សម្តេចតេជោ ហ៊ុន សែន ៣ការពារ និង៣កុំ និងណែនាំពលរដ្ឋអោយធ្វើអនាម័យ សម្អាតបរិស្ថាន នៅគ្រប់តំបន់ ពិសេសជម្រុញដល់រោងចក្រ សហគ្រាស ធ្វើជីវសុវត្តិភាព បាញ់ថ្នាំសម្លាប់មេរោគ ដើម្បីបង្កាចម្លងជំងឺដល់កម្មករ កម្មការិនី ខណៈដែលជំងឺកូវីដ១៩ ភាគច្រើនកើតនៅតាមរោងចក្រ សហគ្រាស ។តាមរបាយការណ៍របស់រដ្ឋបាលខេត្ត គិតត្រឹមថ្ងៃទី១៩ ខែកក្កដា ឆ្នាំ២០២១ នៅក្នុងព្រឹត្តិការណ៍សហគមន៍២០កុម្ភៈ ស្វាយរៀង មានពលរដ្ឋខ្មែរ និងជនបរទេស រងវិជ្ជមានជំងឺកូវីដ១៩ មានចំនួន ៤ពាន់០២១នាក់ ស្ត្រីចំនួន ២ពាន់២១៦នាក់ ឈឺស្លាប់មានចំនួន៤៨នាក់ស្រីចំនួន២៩នាក់ ក្នុងនោះព្យាបាលជាសះស្បើយមានចំនួន ៣ពាន់២២៧នាក់ ស្រីចំនួន ១ពាន់៨២៤នាក់ និងកំពុងធ្វើការព្យាបាល ចំនួន៧២៧នាក់ ស្រីចំនួន៣៤៨នាក់ ៕អត្ថបទ ៖ សារិទ្ធ

កម្ពុជាបន្ដរកឃើញមនុស្ស៨២៥នាក់ឆ្លងកូវីដ-១៩ ខណៈអ្នកជំងឺ១០២២នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន៨២៥នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន១០២២នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន៤០៤នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ៤២១នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស២១នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់១១៤៩នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ៦ ៩៤៥នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៦៨ ៧៩៦នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

សត្វផ្សោតសមុទ្រជិត១០០ គីឡូក្រាម ងាប់អណ្ដែតទើរនៅឆ្នេរពយលោកជំទាវម៉ៅ

ព្រះសីហនុ ៖ កាលពីយប់ថ្ងៃទី១៩ ខែកក្កដា ឆ្នាំ២០២១ មន្រ្តីជំនាញរដ្ឋបាលជលផលកំពង់សោម បានចុះពិនិត្យមើលត្រីផ្សោត ១ក្បាលទម្ងន់ប្រមាណ ៩០គីឡូក្រាម ដែលបានងាប់អណ្តែតមកទើរនៅឆ្នេរពយលោកជំទាវម៉ៅ នៅភូមិគគីរ ឃុំបិតត្រាំង ស្រុកព្រៃនប់ ខេត្តព្រះសីហនុ។ យោងតាមការពិនិត្យ និងការសន្និដ្ឋានរបស់មន្រ្តីជំនាញ ត្រីផ្សោតនេះ បានងាប់ដោយសារជាប់មង មានទម្ងន់ប្រមាណ៩០គីឡូក្រាម ប្រវែងបណ្តោយ ២,២៤ម៉ែត្រ ទទឹង ០,៦០ម៉ែត្រ ជាប្រភេទផ្សោតឃ្លៀចឈ្មោល (Indo-Pacific humpoback dolphin)។ វាជាប្រភេទសត្វកម្រដែលត្រូវការពារដោយអនុក្រឹត្យលេខ១២៣ អ.ន.ក្រ ហើយវា មាននៅតំបន់កោះព្រីង ឆ្នេមុខរ (រាម) នៅប្រជុំកោះរ៉ុង៕ដោយ៖ ប៊ុនថា

អាជ្ញាធរបាត់ដំបង បន្តរកឃើញពលករវិជ្ជមានកូវីដ១៩ ក្នុងចំនួនតិចជាងអ្នកពាក់ព័ន្ធព្រឹត្តិការណ៍២០កុម្ភៈ

បាត់ដំបង ៖ ក្នុងរយៈពេលចុងក្រោយនេះ អាជ្ញាធរខេត្តបាត់ដំបង បានបន្តរកឃើញករណីវិជ្ជមានកូវីដ១៩ លើពលករមកពីប្រទេសថៃជាបន្តបន្ទាប់ ប៉ុន្តែក្នុងចំនួនតិចបើធៀបនឹងករណីឆ្លងពាក់ព័ន្ធព្រឹត្តិការណ៍សហគមន៍២០កុម្ភៈ ពោលគឺករណីឆ្លងក្នុងសហគមន៍ នៅតែបន្តកើនឡើងឥតឈប់ឈរ ។យោងតាមរបាយការណ៍របស់រដ្ឋបាលខេត្តបាត់ដំបង បង្ហាញថា ការត្រឡប់របស់ពលករមកពីប្រទេសថៃ តាមច្រកនានាជាប់ខេត្តបាត់ដំបង នាពេលច្ចុប្បន្នមានក្រោម១០០នាក់ បើធៀបនឹងបណ្ដាខេត្តមួយចំនួន ដែលជាប់ព្រំដែនប្រទេសថៃ ជាក់ស្ដែងកាលពីថ្ងៃទី១៨ ខែកក្កដា ឆ្នាំ២០២១ មានពលករមកពីថៃ តាមច្រកជាប់ខេត្តបាត់ដំបង ត្រឹមចំនួន៣៧ ខណៈអ្នកកំពុងធ្វើចត្តាឡីស័កតាមមណ្ឌលនានាចំនួន ២ ៣៨៩នាក់។លោក សឿម ប៊ុនរិទ្ធ អភិបាលរង និងជាអ្នកនាំពាក្យរដ្ឋបាលខេត្តបាត់ដំបង លើកឡើងថាការថយចុះចំនួនពលករឆ្លងដែនមកពីប្រទេសថៃ តាមច្រកនានាជាប់ខេត្តបាត់ដំបង ដោយសារពលករភាគច្រើនត្រូវអាជ្ញាធរថៃ បញ្ជូនឲ្យឆ្លងដែនតាមច្រកនៃខេត្តបន្ទាយមានជ័យ និងខេត្តឧត្តរមានជ័យ ។លោក បានបន្តថា ចាប់តាំងពីមានការរៀបចំធ្វើតេស្តរហ័ស នៅតាមច្រកព្រំដែន ពីថ្ងៃទី១ ដល់ថ្ងៃទី១៨ ខែកក្កដា ឆ្នាំ២០២១ មានចំនួន ៤៥៩នាក់ បានរកឃើញអ្នកវិជ្ជមានកូវីដ១៩ ចំនួន៨១នាក់ ហើយបានធ្វើសំណាកលើអ្នកបើកបររថយន្តដឹកទំនិញ អ្នកអាជីវករ និងជំនួយការអ្នកបើករថយន្តចេញចូលប្រទេសថៃប្រចាំថ្ងៃចំនួន៧១៤៦សំណាក ដោយឆ្លងជំងឺកូវីដ១៩ ចំនួន៥៧នាក់ ។ក្នុងរបាយការណ៍រដ្ឋបាលខេត្ត បានបញ្ជាក់ថា អាជ្ញាធរខេត្តបានកំណត់មុខសញ្ញាពាក់ព័ន្ធក្នុងព្រឹត្តិការណ៍២០កុម្ភៈ និងយកសំណាកបានចំនួន ៥ ៩៥៩នាក់ លទ្ធផលវិជ្ជមាន ១៤៦០នាក់ និងចាប់ពីមានការផ្ទុះឆ្លងជំងឺកូវីដ១៩ នៅកម្ពុជា សម្រាប់ខេត្តបាត់ដំបង មានអ្នកឆ្លងចំនួន ១ ៩៦៦នាក់ បានព្យាបាលជាសះស្បើយចំនួន ១០៩៣នាក់ ស្លាប់ ២១នាក់ និងកំពុងសំរាកព្យាបាល ៨៥២នាក់ ៕សុខរិទ្ធ

បណ្ដាញសង្គម

ព័ត៌មានថ្មីៗ

មនុស្សបីនាក់ បានរងរបួស ក្នុងការបាញ់ប្រហារនៅទីលាន Times Square ក្នុងទីក្រុងញូវយ៉ក

គណៈកម្មាធិការថ្នាក់រដ្ឋមន្ត្រីអារ៉ាប់ ឲ្យអ៊ីស្រាអែលទទួលខុសត្រូវទាំងស្រុង ចំពោះអំពើប្រល័យពូជសាសន៍ដែលកំពុងបន្តនៅហ្កាហ្សា

យោធាកូរ៉េខាងត្បូង និយាយថា កូរ៉េខាងជើងកំពុងដកឧបករណ៍បំពងសំឡេងចេញពីព្រំដែនដ៏តានតឹងរបស់ពួកគេ

ទូរទស្សន៍រដ្ឋនិយាយថា ប្រទេសស៊ីរី នឹងមិនចូលរួមក្នុងកិច្ចប្រជុំ ជាមួយកងកម្លាំង SDF ដឹកនាំដោយឃើដ នៅទីក្រុងប៉ារីសទេ

កម្ពុជាអំពាវនាវដល់ថៃ សូមដោះលែងឱ្យបានឆាប់នូវកងទ័ពកម្ពុជា ដែលថៃចាប់ខ្លួនយកទៅ មានរយៈពេល ១១ ថ្ងៃហើយ

ប្រមុខកងទ័ពអាកាស៖ ឥណ្ឌាបានបាញ់ទម្លាក់យន្តហោះចម្បាំងប៉ាគីស្ថានចំនួន ៥គ្រឿង និងយន្តហោះយោធា ១គ្រឿង កាលពីខែឧសភា

ក្រុមអ្នកស្ម័គ្រចិត្ត៖ ជនស៊ីវិលយ៉ាងតិច ១៦នាក់ ស្លាប់ និង ៨នាក់ រងរបួស ក្នុងការវាយប្រហារដោយកងកម្លាំងយោធាប៉ារ៉ា នៅស៊ូដង់

ទាហានឥណ្ឌា ២នាក់ និងជនសកម្មប្រយុទ្ធម្នាក់ ត្រូវបានសម្លាប់ នៅក្នុងការប្រយុទ្ធគ្នាដោយកាំភ្លើង នៅកាស្មៀរ

អគារថ្មីក្នុងមន្ទីរពេទ្យបង្អែកស្រុកស្ទោង សម្ពោធដាក់ឱ្យប្រើប្រាស់សម្រាប់ផ្តល់សេវាជូនប្រជាពលរដ្ឋ

រដ្ឋមន្ត្រីក្រសួងកសិកម្មដឹកនាំកិច្ចប្រជុំដោះស្រាយបញ្ហាតម្លៃស្រូវស្រង៉ែ នៅខេត្តបាត់ដំបង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

កម្ពុជាបន្ដរកឃើញមនុស្ស៨១១នាក់ឆ្លងកូវីដ-១៩ ខណៈអ្នកជំងឺ៧៩៨នាក់ទៀត ត្រូវបានព្យាបាលជាសះស្បើយ

គ្រោះថ្នាក់ផ្ទុះឆេះទូកដឹកទំនិញនៅកណ្ដាលសមុទ្រ ស្លាប់មនុស្សម្នាក់ និងរងរបួសជាច្រើននាក់

ភ្លើងឆេះក្នុងហាងមីហិល៧យ៉ាងនៅខណ្ឌដង្កោ ផ្អើលសមត្ថកិច្ចចុះទៅជួយអន្តរាគមន៍ភ្លាមៗ

កម្ពុជាបន្ដរកឃើញមនុស្ស៨១២នាក់ឆ្លងកូវីដ-១៩ ខណៈអ្នកជំងឺ៧៤០នាក់ទៀត ត្រូវបានព្យាបាលជាសះស្បើយ

ជំងឺកូវីដ១៩នៅស្វាយរៀងហាក់មិនបានថមថយ ខណៈអ្នកជំងឺថ្មីត្រូវបានរកឃើញបន្ថែមនៅគ្រប់តំបន់

កម្ពុជាបន្ដរកឃើញមនុស្ស៨២៥នាក់ឆ្លងកូវីដ-១៩ ខណៈអ្នកជំងឺ១០២២នាក់ទៀត ត្រូវបានព្យាបាលជាសះស្បើយ

សត្វផ្សោតសមុទ្រជិត១០០ គីឡូក្រាម ងាប់អណ្ដែតទើរនៅឆ្នេរពយលោកជំទាវម៉ៅ

អាជ្ញាធរបាត់ដំបង បន្តរកឃើញពលករវិជ្ជមានកូវីដ១៩ ក្នុងចំនួនតិចជាងអ្នកពាក់ព័ន្ធព្រឹត្តិការណ៍២០កុម្ភៈ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

គ្រោះថ្នាក់ផ្ទុះឆេះទូកដឹកទំនិញនៅកណ្ដាលសមុទ្រ ស្លាប់មនុស្សម្នាក់ និងរងរបួសជាច្រើននាក់

ភ្លើងឆេះក្នុងហាងមីហិល៧យ៉ាងនៅខណ្ឌដង្កោ ផ្អើលសមត្ថកិច្ចចុះទៅជួយអន្តរាគមន៍ភ្លាមៗ

ជំងឺកូវីដ១៩នៅស្វាយរៀងហាក់មិនបានថមថយ ខណៈអ្នកជំងឺថ្មីត្រូវបានរកឃើញ​​បន្ថែម​នៅ​គ្រប់តំបន់

សត្វផ្សោតសមុទ្រជិត១០០ គីឡូក្រាម ងាប់អណ្ដែតទើរនៅឆ្នេរពយលោកជំទាវម៉ៅ

អាជ្ញាធរបាត់ដំបង បន្តរកឃើញពលករវិជ្ជមានកូវីដ១៩ ក្នុង​ចំនួនតិចជាងអ្នក​ពាក់ព័ន្ធ​ព្រឹត្តិការណ៍​២០កុម្ភៈ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ជំងឺកូវីដ១៩នៅស្វាយរៀងហាក់មិនបានថមថយ ខណៈអ្នកជំងឺថ្មីត្រូវបានរកឃើញបន្ថែមនៅគ្រប់តំបន់

អាជ្ញាធរបាត់ដំបង បន្តរកឃើញពលករវិជ្ជមានកូវីដ១៩ ក្នុងចំនួនតិចជាងអ្នកពាក់ព័ន្ធព្រឹត្តិការណ៍២០កុម្ភៈ