BTV NEWS

ចាប់ខ្លួនជនសង្ស័យ៥នាក់ពាក់ពន្ធ័ករណីចាប់ ឃុំឃាំង និងបង្ខាំងមនុស្សដោយខុសច្បាប់

សមត្ថកិច្ចខេត្តមណ្ឌលគិរី និងខេត្តសៀមរាប ឃាត់ខ្លួនជនបរទេសចំនួន១៦២នាក់ ក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យា

ជនបរទេស១៣នាក់ត្រូវបានឃាត់ខ្លួនក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យានៅសៀមរាប

ចៅក្រមស៊ើបសួរសាលាដំបូងរាជធានីភ្នំពេញសម្រេចឃុំខ្លួនជនត្រូវចោទ៨នាក់ជាបណ្តោះអាសន្នពាក់ព័ន្ធអំពើឆបោកតាមឆបោកតាមប្រព័ន្ធអនឡាញ

សន្តិសុខ និង សង្គម

សាលាដំបូងរាជធានី បង្គាប់ឱ្យឃុំខ្លួនអតីតបុគ្គលិកជាន់ខ្ពស់ម្នាក់ របស់ក្រុមហ៊ុនទិញលក់រថយន្ត ពីបទរំលោភលើទំនុកចិត្តបន្លំយកប្រាក់អស់ប្រមាណ ជិត២លានដុល្លារ

ភ្នំពេញ៖ កាលពីថ្ងៃទី០៣ ខែកក្កដា ឆ្នាំ២០២១ សាលាដំបូងរាជធានីភ្នំពេញ បានចេញដីកាលេខ៖ ៤៦៦៨ ក.១.ដ.ឃ.ដ ចុះថ្ងៃទី០៣ កក្កដា ឆ្នាំ២០២១ បង្គាប់ឲ្យឃុំខ្លួនឈ្មោះ ជា សុក្រឆាត ភេទប្រុស អាយុ ៣៣ឆ្នាំ យកទៅដាក់ពន្ធនាគារព្រៃសរ (ម១) បន្ទាប់ពីតំណាងអយ្យការ បានសម្រេចចោទប្រកាន់ ពីបទរំលោភលើទំនុកចិត្តពិសេសដោយអភិបាល តាមបញ្ញត្តិមាត្រា៣៩១ និងមាត្រា៣៩៣ ក្រមព្រហ្មទណ្ឌ នៃព្រះរាជាណាចក្រកម្ពុជា។តាមបណ្តឹងរបស់ក្រុមហ៊ុនទិញលក់រថយន្ត បានបញ្ជាក់ថា ឈ្មោះ ជា សុក្រឆាត ធ្លាប់មានតួនាទីជាបុគ្គលិកជាន់ខ្ពស់ផ្នែកលក់ បានឃុបឃិតគ្នាជាមួយអតីតបុគ្គលិកផ្សេងទៀត ក្លែងបន្លំកិច្ចសន្យាទិញលក់រថយន្ត និងក្លែងបន្លំរៀបចំឯកសារទិញលក់រថយន្តរាប់រយគ្រឿងចូលក្នុងក្រុមហ៊ុន ដោយប្រើរូបភាពបំភាន់ដាក់តម្លៃលក់ខ្ពស់ជាងទីផ្សារ និងរៀបចំឯកសារបន្លំ លាក់បាំង ពីស្ថានភាពរបស់រថយន្តចាស់ ដែលប្រើប្រាស់រួច ដាក់ជារថយន្តថ្មីក្រដាស់ពន្ឋ ក្នុងគោលបំណង ដើម្បីកេងចំណេញផលប្រយោជន៍ពីក្រុមហ៊ុនយកធ្វើជាប្រយោជន៍ផ្ទាល់ខ្លួន។បុគ្គលនេះ យកប្រាក់ពីអតិថិជនដែលបានបង់មកឲ្យក្រុមហ៊ុនរាប់ម៉ឺនដុល្លារទុកជាប្រាក់របស់ខ្លួន មិនព្រមប្រគល់ឲ្យក្រុមហ៊ុន ឃុបឃិតគ្នាជាមួយបក្ខពួក បន្លំអត្តសញ្ញាណធ្វើជាអតិថិជនមកទិញរថយន្តរាប់រយគ្រឿង ពីក្រុមហ៊ុន យករថយន្តទៅជួលបន្តឲ្យអតិថិជនរកប្រាក់ចំណេញ។ ហើយក្រុមរបស់ខ្លួន (ជា សុក្រឆាត) បង់ប្រាក់ទិញរំលស់ចូលមកក្រុមហ៊ុនវិញនូវចំនួនទឹកប្រាក់តិចតួច លួចកាត់ឈ្មោះរថយន្តរបស់ក្រុមហ៊ុន ចុះបញ្ជីជាកម្មសិទ្ធិផ្ទាល់ខ្លួន យកប្រាក់កឹបកេងពីក្រុមហ៊ុននេះ ទៅទិញផ្ទះ ទិញដី បើកក្រុមហ៊ុនថ្មី រកស៊ីដោយខ្លួនឯង។មិនតែប៉ុណ្ណោះបានធ្វើឲ្យបាត់ឯកសារច្បាប់ដើមរថយន្ត និង មិនបានដាក់ឯកសារច្បាប់ដើមចូលមកក្រុមហ៊ុន ជាច្រើនគ្រឿង ដោយយកលេសថា កំពុងដំណើការចុះបញ្ជីកាត់ឈ្មោះផ្ទេរសិទ្ធិ ធ្វើឲ្យក្រុមហ៊ុនបាត់បង់សាច់ប្រាក់អស់ជិត ២,០០០,០០០$ (ពីរលាន ដុល្លាអាមេរិក)។តំណាងក្រុមហ៊ុនបានបន្តថា កន្លងមកមានអតិថិជនមួយចំនួន បានមករាយការណ៍ផ្ទាល់ដល់ក្រុមហ៊ុន និងបានធ្វើជាការសហការណ៍បំភ្លឺ ពីការសកម្មភាពប្រព្រឹត្តអំពើលួចបន្លំ របស់ឈ្មោះ ជា សុក្រឆាត ក៏ដូចជាការកិបកេងប្រាក់របស់ក្រុមហ៊ុនដែលអតិថិជនបានបង់ប្រាក់គ្រប់ចំនួន ជូនក្រុមហ៊ុនរួចហើយ តាមរយៈបុគ្គលឈ្មោះ ជា សុក្រឆាត ប៉ុន្តែ បុគ្គលម្នាក់នេះមិនបានបង់ចូលមកក្រុមហ៊ុនទេ។ដូច្នេះហើយ ក្រុមហ៊ុនសូមអំពាវនាវដល់អតិថិជនទាំងអស់ ដែលធ្លាប់បានចុះកិច្ចសន្យាទិញរថយន្តបង់រំលស់ជាមួយបុគ្គលឈ្មោះ ជា សុក្រឆាត ដោយប្រើប្រាស់នាមករណ៍ និង ត្រាក្រុមហ៊ុន ឬ បានកំពុងបង់ប្រាក់ទិញរំលស់រថយន្តប្រចាំខែ តាមរយៈបុគ្គលនេះ សូមចូលមកដោះស្រាយជាមួយក្រុមហ៊ុនផ្ទាល់ឲ្យបានឆាប់បំផុត ដើម្បីជៀសវាងការខាតបង់ប្រាក់ និង ផលប្រយោជន៍ស្របច្បាប់របស់អតិថិជន៕

មន្ត្រីជំនាញ អនុវត្តច្បាប់ស្តីពីផ្លូវថ្នល់ ចាប់រថយន្ត១៤៣គ្រឿងដឹកលើសទម្ងន់ពី២០% នៃទម្ងន់អនុញ្ញាតរក្សាទុកមួយឆ្នាំ

ភ្នំពេញ ៖ គណៈកម្មាធិការសម្របសម្រួលអចិន្ត្រៃយ៍ នៃគណៈកម្មាធិការដឹកនាំការត្រួតពិនិត្យយានយន្តដឹកលើសទម្ងន់កម្រិតកំណត់ បានអនុវត្តច្បាប់ស្តីពីផ្លូវថ្នល់ ចាប់ពីទី១៦ ខែវិច្ឆិកា ឆ្នាំ២០២០ ដល់ថ្ងៃទី ០១ ខែកក្កដា ឆ្នាំ២០២១ បានផាកពិន័យ និងឃាត់រថយន្តចំនួន ១៤៣គ្រឿង រក្សាទុករយះពេល មួយឆ្នាំ ដែលជារថយន្តដឹកជញ្ជូនលើសទម្ងន់ លើសពី២០% នៃទម្ងន់អនុញ្ញាត។ រថយន្តដឹកលើសទម្ងន់ទាំងនោះ ត្រូវបានឃាត់ទុកដោយក្រុមការងារក្រសួងចល័តចម្រុះសម្រាប់ឆ្មក់ត្រួតពិនិត្យយានយន្តលើសទម្ងន់ដែលចុះតាមបណ្តាខេត្តនានា និងគោលដៅដើមទីនៅខេត្តបាត់ដំបង និងស្ថានីយជញ្ជីងអចល័តទូទាំងព្រះរាជាណាចក្រកម្ពុជា។គួរម្លឹកផងដែរថា ឯកឧត្តម ទេសរដ្ឋមន្ត្រី ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន បានមានប្រសាសន៍ក្នុងពេលចុះពិនិត្យវឌ្ឍនភាពផ្លូវជាតិលេខ៣ កាលពីថ្ងៃទី២២ ខែមិថុនា ឆ្នាំ២០២១កន្លងមកថា ក្រសួងនឹងចាត់វិធានការណ៍តាមនីតិវិធីដោយគ្មានយោគយល់ខ្សែនរណាឡើយ ហើយសកម្មភាពនៃការចុះប្រតិបត្តិការនេះ នឹងធ្វើជាបន្តបន្ទាប់ទូទាំងប្រទេសដូចភ្លៀងរលឹម ដើម្បីរឹតបន្តឹងការដឹកជញ្ជូនឲ្យស្របតាមច្បាប់ ការពារមិនឲ្យមានជនខិលខូចដឹកលើសទម្ងន់ឡើយ។ ក្រសួងនៅតែបន្តអនុវត្តវិធានការនេះបន្តទៀត ដោយមិនយោគយល់ចំពោះឡានអ្នកក្រ ឡានអ្នកមានអ្នកមានខ្នង ឬឡានអ្នកអត់ខ្នងអ្វីឡើយព្រោះរថយន្តដឹកលើសទាំនោះធ្វើឱ្យខូចផ្លូវដូចគ្នា។ ឯកឧត្តម ទេសរដ្ឋមន្រ្តី ក៏បានសំណូមពរឱ្យបងប្អូនប្រជាពលរដ្ឋ អ្នកប្រើប្រាស់ផ្លូវ គោរពច្បាប់ទាំងអស់គ្នា ចូលរួមថែរក្សាទ្រព្យសម្បត្តិជាតិយើងឱ្យបានគង់វង្ស និងប្រើប្រាស់បានយូរអង្វែង ដោយហេតុថា រាជរដ្ឋាភិបាលបានខិតខំប្រឹងប្រែងរកថវិកាមកសាងសង់ដោយលំបាក។ជាថ្មីម្តងទៀត ក្រសួងសូមរំលឹកជូនដល់ម្ចាស់រោងចក្រ ស៊ីម៉ង់ត៍ ដូចជា រោចចក្រ ស៊ីម៉ង់ត៍ CONCH ការដ្ឋានផលិតថ្ម ដេប៉ូខ្សាច់ ម្ចាស់ក្រុមហ៊ុនដឹកជញ្ជូន ម្ចាស់រថយន្តធុនធ្ងន់ និងអ្នកបើកបររថយន្តធុនធ្ងន់ទាំងអស់ថា ក្រសួងនឹងបន្តអនុវត្តតាមច្បាប់ និងសេចក្ដីជូនដំណឹងខាងលើយ៉ាងតឹងបំផុតដោយគ្មានការលើកលែងឡើយ។ ដូចនេះ សូមម្ចាស់រោងចក្រស៊ីម៉ង់ត៍ការដ្ឋានផលិតថ្ម ដេប៉ូខ្សាច់ ម្ចាស់ក្រុមហ៊ុនដឹកជញ្ជូន ម្ចាស់រថយន្តធុនធ្ងន់ និងអ្នកបើកបររថយន្តធុនធ្ងន់ទាំងអស់គោរពច្បាប់ និងអនុវត្តឱ្យបានត្រឹមត្រូវតាមខ្លឹមសារនៃសេចក្តីជូនដំណឹងខាងលើ ៕តារាវុទ្ធី

កម្ពុជាបន្ដរកឃើញមនុស្ស៩៤៨នាក់ឆ្លងកូវីដ-១៩ ខណៈអ្នកស្លាប់សរុបកើនជិត៧០០នាក់ គិតត្រឹមថ្ងៃនេះ

ភ្នំពេញ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន៩៤៨នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដ-១៩ចំនួន៦១៥នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន៩០៤នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ៤៤នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស៣៦នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់៦៩៦នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ៤៦ ១២៣នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៥៣ ២៩៨នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

រយៈពេល១ខែខេត្តកំពត មានអ្នកឆ្លងជំងឺកូវីដ-១៩ ជាងមួយពាន់ប្រាំរយនាក់

កំពត ៖ ស្ថានភាពអ្នកឆ្លងជំងឺកូវីដ-១៩នៅខេត្តកំពត កាន់តែរីករាលដាលច្រើនឡើងៗ ពីមួយថ្ងៃទៅមួយថ្ងៃ។គិតត្រឹមរយៈពេលមួយខែគត់ ក្រោយផ្ទុះការឆ្លងនៅកាស៊ីណូតំបន់តន់ហន់ ខេត្តកំពតមានអ្នកឆ្លងជំងឺកូវីដ-១៩សរុបជាងមួយពាន់ប្រាំរយនាក់ ដោយរាប់បញ្ចូលទាំងអ្នកវិជ្ជមានកូវីដ-១៩ថ្មី ៩២នាក់ នៅថ្ងៃទី៣០ខែមិថុនានេះផង។ ជាក់ស្តែងនៅរសៀលថ្ងៃទី៣០ ខែមិថុនា ម្សិលមិញនេះ យោងតាមលទ្ធផល នៃការវិភាគវត្ថុសំណាក រកមេរោគកូវីដ-១៩ និងសេចក្តីជូនដំណឹងរបស់រដ្ឋបាលខេត្តកំពត បានប្រកាសថា រកឃើញអ្នកវិជ្ជមានថ្មីចំនួន៩២នាក់ បន្ថែមទៀត ក្នុងនោះស្រី ៦៧នាក់។ ដូច្នេះរយៈពេលមួយខែគត់ ខេត្តកំពត មានអ្នកឆ្លងសរុប១៥១៩នាក់។ ក្នុងនោះជាសះស្បើយ៩៥៣នាក់ កំពុងសម្រាកព្យាបាល៥៤៩នាក់ និងស្លាប់ចំនួន១៧នាក់ ។អាជ្ញាធរខេត្តកំពត នៅតែបន្តអំពាវនាវឱ្យអ្នកដែលធ្លាប់ពាក់ព័ន្ធ នឹងអ្នកវិជ្ជមានកូវីដ-១៩ ខាងលើ សូមធ្វើចត្តាឡីស័ក តាមការណែនាំរបស់ក្រសួងសុខាភិបាល និងត្រូវចូលរួមដោយស្ម័គ្រចិត្តក្នុងការយកសំណាកទៅពិនិត្យ ក្នុងករណីសង្ស័យថា មានរោគសញ្ញានៃជំងឺកូវីដ-១៩ ៕

ឆេះផ្ទះប្រជាពលរដ្ឋជាសំណង់មិនរៀបរយ អស់ចំនួន ០៦ខ្នងផ្ទះ

ភ្នំពេញ៖ ករណីអគ្គីភ័យឆេះផ្ទះប្រជាពលរដ្ឋមួយកន្លែង អស់ចំនួនេះ ០៦ខ្នងផ្ទះ ដែលប្រភេទឈើប្រកស័ង្កសីដែលសំណងមិនរៀបរយ តែមិនបណ្ដាយអោយមានមនុស្សរងរបួសឡើយ។ ហេតុការណ៍នេះ កើតឡើងកាលពីវេលាម៉ោង០៥ និង១៥នាទីល្ងាចថ្ងៃទី៣០ ខែមិថុនា ឆ្នាំ២០២១ នៅចំណុចដីឡូតិ៍នៅតាមបណ្ដោយផ្លូវលេខ ១០៥កែងផ្លូវលេខ៥០៨ ភូមិ៤ ក្រុម២៥ សង្កាត់ផ្សារដើមថ្កូវ ខណ្ឌចំការមន។តាមប្រភពព័ត៌មាន បានអោយដឹងថា នៅមុនពេលកើតហេតុមានផ្សែងខ្មួលខ្មាញ់ចេញពីផ្ទះកើតហេតុបងប្អូនប្រជាពលរដ្ឋបានយកបំពង់ពន្លត់អគ្គីភ័យបាញ់ពន្លត់តែមិនរលត់ ក៏រាយការណ៍ទៅអាជ្ញាធរមូលដ្ឋានទាក់ទងទៅកម្លាំងនគរបាលការិយាល័យ បង្ការពន្លត់អគ្គីភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ បានចេញរថយន្តជាច្រើនគ្រឿង ដើម្បីជួយអន្តរាគមន៍បាញ់ពន្លត់។មន្ត្រីនៃការិយាល័យបង្ការពន្លត់អគ្គីភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ បានអោយដឹងថា ក្រោយទទួលបានដំណឹងនេះ ភ្លាមសមត្ថកិច្ចបានចេញរថយន្តជួយតែដោយស្ថានភាពផ្លូវតូចចង្អៀតមិនអាចចូលរថយន្តបាន ត្រូវប្រើពេលយូរបន្តិច ដូច្នេះ អគ្គីភ័យបានឆេះផ្ទះប្រជាពលរដ្ឋ អស់ទាំង ០៦ខ្នងផ្ទះផងដែរ ដែលប្រភេទសំណង ឈើប្រក់ស័ង្កសី តែក្នុងហេតុការណ៍នេះ មិនបណ្ដាលអោយមានមនុស្សរងរបួសឡើយ។ ក្នុងប្រតិបត្តិការនេះ រថយន្តពន្លត់អគ្គិភ័យបានមកដល់ទីតាំងចំនួន៦គ្រឿង ប្រើប្រាស់អស់ ០៣គ្រឿង។ តាមប្រភពពីប្រជាពលរដ្ឋ បានអោយដឹងថា មានយុវជនម្នាក់ ដែលប្រើប្រាស់សារធាតុញៀនលើសកម្រិត ដែលមានគំនុំជាមួយយុវជនម្នាក់ទៀតជាង ០១ខែមកហើយដែលដេញវៃគ្នា រហូតមកដល់ថ្ងៃនេះ យុវជនម្នាក់ដែលគេស្គាល់ថាឈ្មោះម៉ៅ នោះបានមកលួចដុត ហើយដៃកាន់ដាវ មិនអោយប្រជាពលរដ្ឋចូលពន្លត់ទាន់ពេល រួចរត់ចូលព្រៃបាត់ទៅ៕ អត្ថបទ៖ កុម្ភៈ

កម្ពុជារកឃើញមនុស្ស ១,១៣០នាក់ឆ្លងកូវីដ-១៩ នាំឱ្យតួលេខឆ្លងសរុបកើនឡើងលើស ៥ម៉ឺនករណីនៅត្រឹមថ្ងៃនេះ

ភ្នំពេញ៖ កម្ពុជាបានប្រកាសនៅថ្ងៃនេះពីការរកឃើញមនុស្សដល់ទៅជាង ១ពាន់នាក់ឆ្លងកូវីដ-១៩ ជាតួលេខឆ្លងខ្ពស់បំផុតដែលកម្ពុជាមិនធ្លាប់មាន ហើយក៏ធ្វើឱ្យតួលេខឆ្លងសរុបនៅកម្ពុជាកើនឡើងលើស ៥ម៉ឺននាក់ផងដែរ។ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាលបញ្ជាក់ថា មនុស្សដល់ទៅ ១,១៣០នាក់ ត្រូវបានរកឃើញឆ្លងកូវីដ-១៩នៅក្នុងចំណោមសំណាកដែលត្រូវបានធ្វើតេស្តកាលពីថ្ងៃម្សិលមិញនេះ។បើតាមក្រសួងសុខាភិបាល ករណីឆ្លងថ្មីរហូតដល់ ៩៩១នាក់ គឺមានពាក់ព័ន្ធនឹងព្រឹត្តិការណ៍ឆ្លងក្នុងសហគមន៍ ២០កុម្ភៈ ហើយករណីឆ្លង ១៣៩នាក់ទៀត គឺជាករណីនាំចូលពីក្រៅប្រទេស។តួលេខនេះ បង្ហាញថា នេះជាលើកដំបូងហើយដែលកម្ពុជាបានរកឃើញករណីឆ្លងលើសពី ១ពាន់ករណីនៅក្នុងរយៈពេល ២៤ម៉ោង គិតចាប់តាំងពីកម្ពុជារកឃើញករណីឆ្លងលើកដំបូងកាលពីចុងខែមករាឆ្នាំមុនមក។ក្នុងសេចក្ដីប្រកាសព័ត៌មានដដែល ក្រសួងសុខាភិបាលក៏បានឱ្យដឹងផងដែរថា មនុស្ស ២៧នាក់ទៀតបានស្លាប់ដោយសារជំងឺកូវីដ-១៩ ដែលធ្វើឱ្យតួលេខអ្នកស្លាប់ដោយសារកូវីដ-១៩ បានកើនឡើងដល់ ៦០២នាក់ហើយនៅត្រឹមថ្ងៃនេះ។ចំនួនអ្នកស្លាប់ ២៧នាក់ដែលក្រសួងសុខាភិបាលប្រកាសនៅថ្ងៃនេះ គឺជាតួលេខខ្ពស់បំផុតដែលកម្ពុជាមិនធ្លាប់មានគិតចាប់តាំងពីពេលកម្ពុជាប្រកាសករណីឆ្លងជាដំបូងកាលពីថ្ងៃទី១១ ខែមីនាកន្លងមកនេះ។គិតត្រឹមថ្ងៃនេះ មនុស្សដល់ទៅ ៥០,៣៨៥នាក់ហើយ ត្រូវបានរកឃើញឆ្លងមេរោគកូវីដ-១៩នៅទូទាំងប្រទេសកម្ពុជាគិតចាប់តាំងពីពេលដែលកម្ពុជារកឃើញករណីឆ្លងលើកដំបូងកាលពីចុងខែមករាឆ្នាំមុន។ប៉ុន្តែ ក្រសួងសុខាភិបាលបញ្ជាក់ថា អ្នកជំងឺកូវីដ-១៩ចំនួន ៤៤,១៤៣នាក់ ត្រូវបានព្យាបាលជាសះស្បើយហើយ ក្នុងនោះមានទាំងអ្នកជាសះស្បើយថ្មីចំនួន ៦៧០នាក់ ដែលក្រសួងប្រកាសនៅថ្ងៃនេះផងដែរ៕

ខ្យល់កន្រ្តាក់នៅស្រុកឯកភ្នំ ប៉ះពាល់ផ្ទះជាង៣០ខ្នង និងរលំផ្ទះសង្កត់មនុស្សស្លាប់ម្នាក់ និងរងរបួសម្នាក់

បាត់ដំបង៖ ភ្លៀងលាយឡំនឹងខ្យល់កន្ត្រាក់ បានប៉ះពាល់ផ្ទះប្រជាពលរដ្ឋជាង៣០ខ្នង នៅស្រុកឯកភ្នំ ធ្វើឲ្យរលំផ្ទះសង្កាត់ស្ត្រីម្នាក់ស្លាប់ និងបុរសម្នាក់បានរងរបួស កាលពីថ្ងៃទី២៨ ខែមិថុនា ម្សិលមិញនេះ ។ បើតាមមន្ត្រីសាខាកាកបាទក្រហមខេត្តបាត់ដំបង បានឲ្យដឹងថា ក្នុងអំឡុងពេលខ្សល់កន្រ្តាក់ ស្ត្រីរងគ្រោះស្លាប់ដោយសារហេតុការណ៍នោះ ឈ្មោះ ពិន ឈួក អាយុ៦៧ឆ្នាំ បានស្លាប់ ត្រូវជាប្រពន្ធ និងបុរសម្នាក់ឈ្មោះ ញឹម រតនា អាយុ៦៨ឆ្នាំ រងរបួសធ្ងន់ ត្រូវជាប្តី ហើយត្រូវបានបញ្ជូនទៅសង្គ្រោះព្យាបាលក្នុងមន្ទីរពេទ្យ ដោយជនរងគ្រោះទាំងពីរនាក់រស់នៅភូមិអូរកំបុត ឃុំព្រែកខ្ពប ស្រុកឯកភ្នំ ។សូមបញ្ជាក់ថា ក្នុងករណីគ្រោះធម្មជាតិនេះ បានធ្វើឱ្យប៉ះពាល់ផ្ទះចំនួន៣២ខ្នង ក្នុងនោះរងការប៉ះពាល់ធ្ងន់ធ្ងរចំនួន ៦ខ្នង នៅក្នុងឃុំចំនួន៣ នៃស្រុកឯកភ្នំ មានឃុំព្រែកខ្ពប ឃុំព្រែកនរិន្ទ និងឃុំព្រែកហ្លួង និងបន្ទាប់ពីកើតហេតុណ៍ អាជ្ញាធរបានចុះទៅត្រួតពិនិត្យភ្លាមៗផងដែរ ៕អត្ថបទ ៖ សុខរិទ្ធ

ខេត្តកោះកុង មានអ្នកស្លាប់ចំនួន៥នាក់ដោយសារកូវីដ-១៩

កោះកុង ៖ តាមលិខិតមរណភាពរបស់មន្ទីរពេទ្យខេត្តកោះកុង និងមន្ទីរពេទ្យបង្អែកស្រុកស្រែអំបិលដែលអ្នកសារព័ត៌មានទទួលបាននៅថ្ងៃទី២៩ មិថុនា បានបង្ហាញថា មានអ្នកស្លាប់ដោយសារជំងឺកូវីដ១៩ មានចំនួន២នាក់នាចុងខែនេះ។លោក ហៃ ឡៃសុន ប្រធានមន្ទីរពេទ្យបង្អែកខេត្តកោះកុង បានឲ្យដឹងថា អ្នកជំងឺ អាយុ២៣ឆ្នាំ សញ្ជាតិខ្មែរ រស់នៅភូមិ២ ឃុំប៉ាក់ខ្លង ស្រុកមណ្ឌលសីមា ស្លាប់ដោយការរលាកសួតធ្ងន់ធ្ងរ ដោយសារជំងឺកូវីដ១៩ រួមជាមួយជំងឺក្រិនថ្លើម និងជំងឺខ្សោយក្រលៀនរុំារៃ។លោកវេជ្ជបណ្ឌិត បន្ថែមថា បុរសខាងលើស្លាប់នៅថ្ងៃទី២៨ មិថុនា វេលាម៉ោង ១៧:២០នាទី បើតាមរោគវិនិច្ឆ័យតាមដាន។ រហូតមកដល់ពេលនេះ អង្គការសុខាភិបាលពិភពលោកបានបង្ហាញថា គ្មានឱសថពិសេសណាមួយជាក់លាក់ក្នុងព្យាបាលជំងឺកូវីដអោយជាសះស្បើយនៅឡើយទេ មានតែវិធានការសុខាភិបាលបង្ការ៣កុំ និង៣ការពារ ជាជម្រើសដ៏មានប្រសិទ្ធភាពបំផុតក្នុងការទប់ស្កាត់ការរីករាលដាល និងកាត់បន្ថយអត្រាមរណភាព។ចំណែកលោកវេជ្ជបណ្ឌិត ហូ សុខហួន ប្រធានមន្ទីរពេទ្យបង្អែកស្រុកស្រែអំបិល ក៏បង្ហាញដែរថា អ្នកជំងឺ ភេទស្រី វ័យ៧៦ឆ្នាំ បានស្លាប់ដោយជំងឺកូវីដ នៅមន្ទីរពេទ្យបង្អែកស្រុក កាលពីវេលាម៉ោង១រំលងអធ្រាត្រថ្ងៃទី២៩ មិថុនា ២០២១។ ស្រ្តីវ័យចំណាស់នេះដែរ បានចូលសម្រាកព្យាបាលជំងឹកាលពីថ្ងៃទី២៦មិថុនា ។លោក អ៊ូច ទូច ប្រធានមន្ទីរធម្មការ និងសាសនាខេត្ត និងជាអនុប្រធានអចិន្រៃ្តយ៍ក្រុមការងាររៀបចំចាត់ចែងបូជាសពអ្នកដែលស្លាប់ដោយជំងឺកូវីដខេត្តកោះកុង បានឱ្យដឹងនៅថ្ងៃនេះថា គិតចាប់ពីថ្ងៃទី១០ខែមិថុនា ដល់ត្រឹមថ្ងៃទី២៩ មិថុនានេះ ខេត្តកោះកុង មានអ្នកស្លាប់ដោយសារជំងឺកូវីដ១៩ ចំនួន៥នាក់ ហើយនៅមន្ទីរពេទ្យខេត្ត និងមន្ទីរពេទ្យស្រុកស្រែអំបិល។បច្ចុប្បន្នក្រុមការងារបានសម្របសម្រួលពិធីបូជាសាកសព អ្នកស្លាប់ដោយជំងែកូវីដតាមប្រពៃណីជាតិខ្មែររួចរាល់ នៅឈាបនដ្ឋានវត្តអារាមជាបណ្តុះអាសន្ន ខណៈទីតាំងបូជាសពអ្នកស្លាប់កូវីដនៅមិនទាន់ចេញជារូបរាងនៅឡើយ។ ការមិនទាន់លេចជារូបរាងឡើយ ត្រូវបានអាជ្ញាធរ អះអាងថា ក្រុមការងារបានខិតខំរកទីតាំងដើម្បីស្ថាបនា តម្រូវការអំឡុងកូវីដ៕អត្ថបទ ៖ ឈឹម មករា

កម្ពុជាបន្ដរកឃើញមនុស្ស៧២៣នាក់ឆ្លងកូវីដ-១៩ ខណៈអ្នកជំងឺ៧០៩នាក់ទៀតបានជាសះស្បើយ

ភ្នំពេញ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន៧២៣នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដ-១៩ចំនួន៧០៩នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន៦២៥នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ៩៨នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស១៩នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់ ៥៧៥នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ៤៣ ៤៧៣នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៤៩ ២៥៥នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

ជនសង្ស័យម្នាក់ធ្វើសកម្មភាពលួចម៉ូតូបានសម្រេច តែរត់មិនរួចត្រូវម្ចាស់តាមទាន់ចាប់ឲ្យសមត្ថកិច្ច

ភ្នំពេញ ៖ ជនសង្ស័យម្នាក់ បានធ្វើសកម្មភាពលួចម៉ូតូមួយគ្រឿង បានសម្រេចតែរត់មិនរួច ត្រូវបានម្ចាស់ម៉ូតូដេញតាមទាន់ចាប់ខ្លួនប្រគល់ឲ្យសមត្ថកិច្ច។ ហេតុការណ៍នេះ បានកើតឡើងកាលពីវេលាម៉ោង២និង៣០នាទីរសៀលថ្ងៃទី២៨ខែមិថុនា ឆ្នាំ២០២១ ដែលស្ថិតចំណុចភូមិដើមគរ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ។ជនសង្ស័យមានឈ្មោះ សំណាង ភេទប្រុស អាយុ ឆ្នាំ មុខរបរ និងស្នាក់នៅមិនពិតប្រាកដ ។ ចំណែកឯជនរងគ្រោះមានឈ្មោះ សុភ័ក្ត្រ ភេទប្រុស អាយុ២៧ឆ្នាំ មុខរបរជាងជួសជុលម៉ូតូ និងរថយន្តស្នាក់នៅសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ។ប្រភពព័ត៌មានពីជនរងគ្រោះបានប្រាប់ឲ្យដឹងថា មុនពេលកើតហេតុ រូបគាត់បានជិះម៉ូតូម៉ាក់ scoopy ពណ៌ក្រហម ពាក់ស្លាកលេខភ្នំពេញ 1CQ- 6210 មកពីទិញឥវ៉ាន់ ហើយក៏ភ្លេចដកសោរម៉ូតូចេញពីម៉ូតូ ក៏ត្រូវបានជនសង្ស័យ ធ្វើសកម្មភាពលួចយកទៅជិះ ដើម្បីគេចខ្លួន តែត្រូវបានគាត់ឃើញទាន់ក៏ស្រែក នឹងដេញតាមរហូតដល់ត្រង់ចំណុចក្រោមស្ពានជ្រោយចង្វារ ទើបធ្វើការឃាត់ខ្លួនបានជនសង្ស័យបាន រួចធ្វើការប្រគល់ជូនសមត្ថកិច្ចប៉ុស្តិ៍។បច្ចុប្បន្នជនសង្ស័យ ត្រូវបានសមត្ថកិច្ចឃុំខ្លួនជាបណ្តោះអាសន្ននៅអធិការដ្ឋាននគរបាលខណ្ឌជ្រោយចង្វារ ដើម្បីចាត់ការតាមផ្លូវច្បាប់។ ចំណែកឯម៉ូតូរបស់ជនរងគ្រោះ ត្រូវបានសមត្ថកិច្ចប្រគល់ ជូនទៅម្ចាស់ដើមវិញផងដែរ៕អត្ថបទ៖ កុម្ភះ

បណ្ដាញសង្គម

ព័ត៌មានថ្មីៗ

BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់

មន្រ្តីជាន់ខ្ពស់CMACបានអះអាងថា គ្រាន់តែទិសឧត្តរមានជ័យមានគ្រាប់ទម្លាក់ពីលើយន្តហោះរបស់ថៃរហូតដល់ជាង ១៥០០គ្រាប់

TOP STORY | សម្តេចតេជោ៖ រាល់ការបង្ហោះសាររបស់ខ្ញុំមានជនជាតិថៃច្រើនជាង៥ភាគរយចូលមើល និងComment ប៉ុន្តែខ្ញុំឆ្លើយតបត្រឹមតែពាក្យថា «Don’t Thai to me»

ការតវ៉ាប្រឆាំងជនអន្តោប្រវេសន៍បានផ្ទុះឡើងយ៉ាងក្ដៅគគុកនៅទូទាំងចក្រភពអង់គ្លេស

ហ្វូងមនុស្សជិត ១ម៉ឺននាក់ ចេញតវ៉ាប្រឆាំងគម្រោងសង់ស្ពានវែងជាងគេលើពិភពលោកពីកោះស៊ីស៊ីលី ទៅអ៊ីតាលី

យោធាកូរ៉េខាងត្បូង ថយចុះ ២០% ក្នុងពេល ៦ឆ្នាំ ដោយសារចំនួនប្រជាជនបុរសធ្លាក់ចុះយ៉ាងគំហុក

ចំហេះព្រៃបានឆាបឆេះពាសពេញអឺរ៉ុបខាងត្បូង ស្របពេលមានសីតុណ្ហភាពក្ដៅគគុក

អភិបាលខេត្តពោធិ៍សាត់ បន្តទទួលអំណោយពីសប្បុរសជនសម្រាប់ជួយដល់កងកម្លាំងជួរមុខ និងជនភៀសសឹក

PRESS BRIEFING -Update on the implementation of the immediate and unconditional ceasefire agreement between Cambodia and Thailand (3:00PM, August 10, 2025)

យោធិននារី នៃកងពលតូចដឹកជញ្ជូនលេខ៩៩ បន្តយកគ្រឿងឧបភោគបរិភោគដល់វីរកងទ័ពជួរមុខ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

កម្ពុជាបន្ដរកឃើញមនុស្ស៩៤៨នាក់ឆ្លងកូវីដ-១៩ ខណៈអ្នកស្លាប់សរុបកើនជិត៧០០នាក់ គិតត្រឹមថ្ងៃនេះ

រយៈពេល១ខែខេត្តកំពត មានអ្នកឆ្លងជំងឺកូវីដ-១៩ ជាងមួយពាន់ប្រាំរយនាក់

ឆេះផ្ទះប្រជាពលរដ្ឋជាសំណង់មិនរៀបរយ អស់ចំនួន ០៦ខ្នងផ្ទះ

កម្ពុជារកឃើញមនុស្ស ១,១៣០នាក់ឆ្លងកូវីដ-១៩ នាំឱ្យតួលេខឆ្លងសរុបកើនឡើងលើស ៥ម៉ឺនករណីនៅត្រឹមថ្ងៃនេះ

ខ្យល់កន្រ្តាក់នៅស្រុកឯកភ្នំ ប៉ះពាល់ផ្ទះជាង៣០ខ្នង និងរលំផ្ទះសង្កត់មនុស្សស្លាប់ម្នាក់ និងរងរបួសម្នាក់

ខេត្តកោះកុង មានអ្នកស្លាប់ចំនួន៥នាក់ដោយសារកូវីដ-១៩

កម្ពុជាបន្ដរកឃើញមនុស្ស៧២៣នាក់ឆ្លងកូវីដ-១៩ ខណៈអ្នកជំងឺ៧០៩នាក់ទៀតបានជាសះស្បើយ

ជនសង្ស័យម្នាក់ធ្វើសកម្មភាពលួចម៉ូតូបានសម្រេច តែរត់មិនរួចត្រូវម្ចាស់តាមទាន់ចាប់ឲ្យសមត្ថកិច្ច

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

កម្ពុជា​បន្ដ​រក​ឃើញ​មនុស្ស​៩៤៨នាក់​​ឆ្លង​កូវីដ-១៩​ ខណៈ​អ្នកស្លាប់​សរុបកើន​ជិត​៧០០នាក់ គិតត្រឹមថ្ងៃនេះ

រយៈពេល១ខែខេត្តកំពត មានអ្នកឆ្លងជំងឺកូវីដ-១៩ ជាងមួយពាន់ប្រាំរយនាក់

ឆេះផ្ទះ​ប្រជាពលរដ្ឋ​ជា​សំណង់​មិនរៀបរយ អស់​ចំនួន ០៦ខ្នងផ្ទះ

ខ្យល់កន្រ្តាក់នៅស្រុកឯកភ្នំ ប៉ះពាល់ផ្ទះជាង៣០ខ្នង និងរលំផ្ទះសង្កត់មនុស្សស្លាប់ម្នាក់ និងរងរបួសម្នាក់

ខេត្តកោះកុង មានអ្នកស្លាប់ចំនួន៥នាក់ដោយសារកូវីដ-១៩

កម្ពុជា​បន្ដ​រក​ឃើញ​មនុស្ស​៧២៣នាក់​​ឆ្លង​កូវីដ-១៩​ ខណៈ​អ្នក​ជំងឺ​៧០៩នាក់​ទៀត​បាន​​ជា​សះ​ស្បើយ

ជនសង្ស័យម្នាក់​ធ្វើសកម្មភាពលួចម៉ូតូ​បានសម្រេច ​តែរត់មិនរួចត្រូវម្ចាស់តាមទាន់ចាប់ឲ្យសមត្ថកិច្ច

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កម្ពុជាបន្ដរកឃើញមនុស្ស៩៤៨នាក់ឆ្លងកូវីដ-១៩ ខណៈអ្នកស្លាប់សរុបកើនជិត៧០០នាក់ គិតត្រឹមថ្ងៃនេះ

ឆេះផ្ទះប្រជាពលរដ្ឋជាសំណង់មិនរៀបរយ អស់ចំនួន ០៦ខ្នងផ្ទះ

កម្ពុជាបន្ដរកឃើញមនុស្ស៧២៣នាក់ឆ្លងកូវីដ-១៩ ខណៈអ្នកជំងឺ៧០៩នាក់ទៀតបានជាសះស្បើយ

ជនសង្ស័យម្នាក់ធ្វើសកម្មភាពលួចម៉ូតូបានសម្រេច តែរត់មិនរួចត្រូវម្ចាស់តាមទាន់ចាប់ឲ្យសមត្ថកិច្ច