BTV NEWS

ចាប់ខ្លួនជនសង្ស័យ៥នាក់ពាក់ពន្ធ័ករណីចាប់ ឃុំឃាំង និងបង្ខាំងមនុស្សដោយខុសច្បាប់

សមត្ថកិច្ចខេត្តមណ្ឌលគិរី និងខេត្តសៀមរាប ឃាត់ខ្លួនជនបរទេសចំនួន១៦២នាក់ ក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យា

ជនបរទេស១៣នាក់ត្រូវបានឃាត់ខ្លួនក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យានៅសៀមរាប

ចៅក្រមស៊ើបសួរសាលាដំបូងរាជធានីភ្នំពេញសម្រេចឃុំខ្លួនជនត្រូវចោទ៨នាក់ជាបណ្តោះអាសន្នពាក់ព័ន្ធអំពើឆបោកតាមឆបោកតាមប្រព័ន្ធអនឡាញ

សន្តិសុខ និង សង្គម

រដ្ឋបាលខេត្តរតនគិរី កំពុងពិចារណាក្នុងការកំណត់តំបន់បិទខ្ទប់ ដែលមានការឆ្លងរាតត្បាតធ្ងន់ធ្ងរនៃជំងឺកូវីដ-១៩

រតនគិរី ៖ ឯកឧត្តម ញ៉ែម សំអឿន អភិបាលរង និងជាអ្នកនាំពាក្យសាលាខេត្តរតនគិរី បានឲ្យដឹងថា រដ្ឋបាលខេត្ត កំពុងពិភាក្សាជាមួយមន្ទីរសុខាភិបាល ក្នុងការកំណត់តំបន់បិទខ្ទប់ ខណៈដែលជំងឺកូវីដ-១៩ កំពុងផ្ទុះរលកចម្លងទ្រង់ទ្រាយធំតាមបណ្តាក្រុង-ស្រុកទាំង៩ ក្នុងភូមិសាស្ត្រខេត្តរតនគិរី ។ការលើកឡើងដូច្នេះ ឯកឧត្តម ញ៉ែម សំអឿន គឺបានធ្វើឡើងតាមរយៈផ្តល់កិច្ចសម្ភាសន៍ដល់ទូរទស្សន៍ BTV តាមប្រព័ន្ធទូរស័ព្ទ នាព្រឹកថ្ងៃទី២៥ ខែមិថុនានេះ ។អ្នកនាំពាក្យសាលាខេត្តរតនគិរីរូបនេះ បានអោយដឹងទៀតថា រហូតមកដល់ពេលនេះ រដ្ឋបាលខេត្ត ពុំទាន់បានកំណត់ទីតាំងណាមួយជាតំបន់ក្រហម លឿងទុំ និងលឿង នៅឡើយទេ ប៉ុន្តែរដ្ឋបាលខេត្ត ក៏កំពុងពិចារណាត្រៀម នឹងចេញសេចក្តីប្រកាសផងដែរ ខណៈតំបន់មួយចំនួនក្នុងខេត្ត ត្រូវបានធ្វើការបិទខ្ទប់ផ្នែកខ្លះជាបណ្តោះអាសន្ន ដែលមានហានិភ័យខ្ពស់នៃការឆ្លងរាតត្បាតធ្ងន់ធ្ងរជំងឺកូវីដ-១៩ ។ឯកឧត្តម ញ៉ែម សំអឿន បានបញ្ជាក់ថា គិតត្រឹមវេលាព្រឹកថ្ងៃទី២៥ ខែមិថុនា ឆ្នាំ២០២១នេះ រដ្ឋបាលខេត្ត បានរកឃើញករណីវិជ្ជមានកូវីដ-១៩ សរុបចំនួន ២៧៩ នាក់ និងមានករណីស្លាប់ម្នាក់ដោយសារជំងឺនេះ រួមទាំងព្យាបាលជាសះស្បើយចំនួន ១៨ នាក់ ៕អត្ថបទ ៖ សម្បត្តិ

កម្ពុជាបន្ដរកឃើញមនុស្ស៦៩៩នាក់ឆ្លងកូវីដ-១៩ ខណៈអ្នកជំងឺ៧៥៩នាក់ទៀតបានជាសះស្បើយ

ភ្នំពេញ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន៦៩៩នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដ-១៩ចំនួន៧៥៩នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន៥៨៦នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ១១៣នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស១៦នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់ ៥០៩នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ៤០ ៧៦៩នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៤៦ ០៦៥នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

ក្រុមគ្រូពេទ្យកំពុងសម្រុកចាក់វ៉ាក់សាំងជូនពលរដ្ឋពីរស្រុកក្នុងខេត្តតាកែវ ដែលប្រឈមនឹងហានិភ័យខ្ពស់

តាកែវ ៖ យុទ្ធនាការចាក់វ៉ាក់សាំងបង្ការជំងឺកូវីដ-១៩ ដែលរៀបចំដោយក្រសួងការពារជាតិ សហការជាមួយ អាជ្ញាធរខេត្តតាកែវ បាននឹងកំពុងប្រព្រឹត្តិទៅ សម្រាប់ពលរដ្ឋស្រុកបាទី និងស្រុកសំរោង ដែលជាស្រុកមាន ការឆ្លងរីករាលដាលជំងឺកូវីដ-១៩ច្រើននោះ។លោក ភួន ឈីម អភិបាលស្រុកបាទី បានឲ្យដឹងថា សម្រាប់ស្រុកបាទី គ្រោងនឹងចាក់វ៉ាក់សាំង បង្ការជំងឺកូវីដ-១៩ ប្រភេទស៊ីណូវ៉ាក់ ដល់ប្រជាពលរដ្ឋប្រមាណ១០ម៉ឺននាក់ នៅក្នុងរយៈពេល១០ថ្ងៃ ឱ្យបានរួចរាល់ ហើយក្នុងរយៈពេល១ថ្ងៃ បានចាក់ជូនដល់ប្រជាពលរដ្ឋ ចំនួនជាង៧ពាន់នាក់។លោក កេត ម៉ៅ អភិបាលស្រុកសំរោង បានឲ្យដឹងដែរថា សម្រាប់ស្រុកសំរោង ដែលក្រុមគ្រូពេទ្យ យោធា ចុះមកចាក់ជូនប្រជាពលរដ្ឋ គឺមានប្រជាពលរដ្ឋប្រមាណជាង៩ម៉ឺននាក់ នឹងត្រូវចាក់ ហើយ អាជ្ញាធរស្រុក បានរៀបចំទីតាំងចំនួន៦ សម្រាប់ការចាក់វ៉ាក់សាំងនេះ។លោកអភិបាលស្រុកសំរោង បានបន្តថា ក្រៅពីប្រជាពលរដ្ឋនៅក្នុងស្រុកសំរោង ដែលមានអាយុ ចាប់ពី១៨ឆ្នាំឡើងទៅ ដែលនឹងត្រូវទទួលការចាក់វ៉ាក់សាំងនោះ អាជ្ញាធរ ក៏នឹងធ្វើការចាក់ជូនដល់កម្មករ រោងចក្រមួយចំនួន ដែលមកពីស្រុកក្រៅ មកបម្រើការងារនៅរោងចក្រ នៅក្នុងសំរោងផងដែរ។គិតមកដល់ពេលនេះ ខេត្តតាកែវ មានអ្នកកើតជំងឺកូវីដ-១៩ ចំនួនជាងពីរពាន់នាក់ ក្នុងនោះជា សះស្បើយចំនួនជាង១ពាន់នាក់ និងមានអ្នកជំងឺកូវីដ-១៩ បានបាត់បង់ជីវិត ចំនួន១៥នាក់៕អត្ថបទ៖ គុជ វិភាគ

ក្នុងខេត្តរតនគិរី ការធ្វើតេស្តទ្រង់ទ្រាយធំចាប់ផ្ដើម ខណៈការឆ្លងបានហក់ឡើងគួរឱ្យបារម្ភ

រតនគិរី ៖ ត្រឹមរយៈពេល១សប្តាហ៍ចុងក្រោយនេះ ក្នុងខេត្តរតនគិរី បានរកឃើញករណីអ្នកវិជ្ជមានកូវីដ-១៩ ចំនួន២៤២នាក់ និងមានអ្នកស្លាប់ដោយសារជំងឺនេះ១ករណីដំបូង។ រដ្ឋបាលខេត្ត បានចាប់ផ្ដើមយុទ្ធនាការតេស្តទ្រង់ទ្រាយធំ នៅថ្ងៃនេះ។លោក ញ៉ែម សំអឿន អភិបាលរង និងជាអ្នកនាំពាក្យសាលាខេត្តរតនគិរី បានប្រាប់BTV នៅព្រឹក ថ្ងៃទី២៤ ខែមិថុនានេះថា រដ្ឋបាលខេត្ត បានចាប់ផ្តើមធ្វើការបិទខ្ទប់តំបន់ ដែលមានការឆ្លងរាលដាលធ្ងន់ធ្ងរជាបណ្តោះអាសន្ន ទន្ទឹមហ្នឹងនោះ ពលរដ្ឋជាជនជាតិដើមភាគតិច នៅតាមបណ្តាស្រុកមួយចំនួន ក្នុង ខេត្ត ក៏បានចាប់ផ្តើមធ្វើការបិទភូមិតាមដំណមប្រពៃណីទំនៀមទម្លាប់របស់ពួកគេផងដែរ ដើម្បីចូលរួមទប់ស្កាត់ និងកាត់ផ្តាច់ឱ្យបាននូវប្រភពចម្លងនៃជំងឺកូវីដ-១៩នេះ ដែលកំពុងផ្ទុះរលកចម្លងទ្រង់ទ្រាយធំ។លោក បានបញ្ជាក់ទៀតថា នៅព្រឹកនេះ ក្រៅពីបន្តការយកសំណាកប្រជាពលរដ្ឋ ដែលពាក់ព័ន្ធជា មួយអ្នកវិជ្ជមានកូវីដ-១៩នោះ រដ្ឋបាលខេត្ត ក៏បានធ្វើតេស្តយកសំណាកមន្ត្រីទាំងអស់ ដែលបម្រើការងារ នៅពន្ធនាគារខេត្តផងដែរ។ មកទល់ពេលនេះ លទ្ធផលអ្នកវិជ្ជមានកូវីដ-១៩ សរុបកើនដល់២៧៩នាក់ និងព្យាបាលជាសះស្បើយចំនួន១៨នាក់ ៕អត្ថបទ៖ ជៀប សម្បត្តិ

កម្ពុជាបន្ដរកឃើញមនុស្ស៦៥៥នាក់ឆ្លងកូវីដ-១៩ ខណៈអ្នកជំងឺ៦៩៦នាក់ទៀតបានជាសះស្បើយ

ភ្នំពេញ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន៦៥៥នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដ-១៩ចំនួន៦៩៦នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន៥៨៣នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ៧២នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស១៨នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់ ៤៩៣នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ៤០ ០១០នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៤៥ ៣៦៦នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

ផ្ទះបណ្តែតទឹក បែរចិញ្ចឹមត្រីជនជាតិវៀតណាមជាង១៧០០ បានរុះរើចេញនៅសល់៦៤ទៀតកំពុងបន្តប្រតិបត្តិការ

ភ្នំពេញ ៖ គិតត្រឹមថ្ងៃទី២៤ខែមិថុនានេះ សំណង់មិនរៀបរយ ដែលនៅលើទឹក ផ្ទះបណ្តែតទឹក និងបែរចិញ្ចឹមត្រីជារបស់ជនជាតិវៀតណាម ចំនួន១៧៤១ខ្នង ត្រូវបានអាជ្ញាធររុះរើចេញពីដងទន្លេ ខណៈនៅសល់តែ៦៤ ខ្នងទៀតប៉ុណ្ណោះ នឹងត្រូវរុះរើជាបន្តបន្ទាប់ទៀតនោះ។ នេះបើតាមការបញ្ជាក់ពីលោកវរសេនីយ៍ឯក សាន សុខសីហា អ្នកនាំពាក្យស្នងការដ្ឋាននគរបាលរាជធានីភ្នំពេញ។ថ្លែងប្រាប់ទូរទស្សន៍ BTV តាមរយៈទូរស័ព្ទ នាព្រឹកថ្ងៃទី២៤ ខែមិថុនា ឆ្នាំ២០២១នេះ លោកវរសេនីយ៍ឯក សាន សុខសីហា បានឲ្យដឹងថា មកទល់ពេលនេះ កម្លាំងនគរបាលនៃស្នងការដ្ឋានរាជធានីភ្នំពេញ បានសហការគ្នាជាមួយកងកម្លាំងនគរបាលមូលដ្ឋាន ក៏ដូចជា កងកម្លាំងឯកភាពរាជធានីភ្នំពេញ បានចុះជួយរុះរើម្ចាស់សំណង់មិនរៀបរយ ដែលរស់នៅលើទូក ផ្ទះបណ្ដែតទឹក និងបែរចិញ្ចឹមត្រីតាមដងទន្លេរាជធានីភ្នំពេញ ដោយនៅខណ្ឌខ្លះ បានមួយរយភាគរយហើយ នៅសល់តែខណ្ឌចំនួនពីរទៀតគឺនៅសល់តិចតួចប៉ុណ្ណោះ។លោកវរសេនីយ៍ឯក បានបញ្ជាក់ថា« សំណង់មិនរៀបរយនៅលើទូក ផ្ទះបណ្ដែតទឹកនិងបែរចិញ្ចឹមត្រីលើផ្ទៃទន្លេ ក្នុងភូមិសាស្ត្ររាជធានីភ្នំពេញ សរុបចំនួន ១៧៤១ ខ្នង-បែរ ដែលត្រូវបានរុះរើចេញពីដងទន្លេ ហើយនៅសល់តែផ្ទះបណ្ដែតទឹកចំនួន ៥៦ និងបែរចិញ្ចឹមត្រីចំនួន៨ទៀតប៉ុណ្ណោះដែលនៅមិនទាន់បានរុះរើ ឬចល័តចេញតាមសេចក្ដីណែនាំរបស់រដ្ឋបាលរាជធានីភ្នំពេញ។ ជាក់ស្តែងខណ្ឌចំនួន៣គឺបានរុះរើអស់មួយរយភាគរយ នៅសល់តែខណ្ឌចំនួនពីរទេស ដែលនៅសល់តិចតួច គឺនៅភូមិសាស្ត្រខណ្ឌ ជ្រោយចង្វារ និងខណ្ឌច្បារអំពៅ»។យ៉ាងណាក៏ដោយ អ្នកនាំពាក្យស្នងការដ្ឋាននគរបាលរាជធានីភ្នំពេញរូបនេះ ពុំបានបញ្ជាក់ថាក្រោយការរុះរើអាជ្ញាធរបាននាំពួកគេទៅណានោះទេ ដោយលោកលើកឡើងថា នេះមិនមែនជាដែនសមត្ថកិច្ចរបស់លោកនោះឡើយ ដោយលោកអះអាងថា លោកបានត្រឹមតែសម្រួលឲ្យអស់ពីលើផ្ទៃទឹកស្របទៅតាមការណែនាំរបស់សាលារាជធានីភ្នំពេញប៉ុណ្ណោះ។សូមបញ្ជាក់ថា រដ្ឋបាលរាជធានីភ្នំពេញបានចេញសេចក្តីសម្រេចមួយកាលពីថ្ងៃទី២ ខែមិថុនា ឆ្នាំ២០២១ កន្លងទៅនេះ ដោយប្រកាសចំពោះអ្នករស់នៅ និងប្រកបរបរលើផ្ទៃទឹកទន្លេក្នុងភូមិសាស្ត្ររាជធានីភ្នំពេញ ឱ្យរុះរើ ឬចល័តផ្ទះបណ្តែតទឹក បែរចិញ្ចឹមត្រី និងសំណង់មិនរៀបរយឱ្យអស់នៅក្នុងភូមិសាស្ត្ររាជធានីភ្នំពេញ។ រដ្ឋបាលរាជធានីភ្នំពេញ បញ្ជាក់ថា ការរស់នៅនិងប្រកបមុខរបរលើផ្ទៃទឹកទន្លេបែបអានាធិបតេយ្យនេះ បានបង្កឱ្យរងផលប៉ះពាល់ដល់ប្រព័ន្ធអេកូឡូហ្ស៊ី មានចរន្តទឹកហូរ គោករាក់ ពិសេសការប្រើប្រាស់ចំណីសម្រាប់ចិញ្ចឹមត្រី និងការបញ្ចេញកាកសំណល់ ការបន្ទោបង់ពាសវាលពាសកាលក្នុងទន្លេ ធ្វើឱ្យខូចខាតធ្ងន់ធ្ងរដល់ជីវៈចម្រុះក្នុងទឹក ខូចគុណភាពទឹក បំពុលបរិស្ថាន ប៉ះពាល់សោភ័ណភាពរាជធានីភ្នំពេញ និងព្រមទាំងប៉ះពាល់ដល់សុខភាពប្រជាពលរដ្ឋដែលប្រើប្រាស់ទឹកមិនស្អាតផងដែរ។ក្រោយពីមានចំណាត់ការរបស់អាជ្ញាធររាជធានភ្នំពេញ មានគណបក្សនយោបាយ បងប្អូនប្រជាពលរដ្ឋខ្មែរភាគច្រើនបានសម្តែងការគាំទ្រយ៉ាងពេញទំហឹង ខណៈវិធានការនេះ វានឹងធ្វើឲ្យប្រទេសកម្ពុជា ក៏ដូចជាតាមដងទន្លេនៃរាជធានីភ្នំពេញ កាន់តែមានសោភណ្ឌភាព របៀបរៀបរយបន្ថែមទៀតឲ្យស្របទៅនឹង ពាក្យស្លោកថា រាជធានីភ្នំពេញជាបេះដូងរបស់ប្រទេសជាតិទាំងមូលនោះ៕អត្ថបទ ៖ បាន ចក់

ក្រុមហ៊ុនណាហ្គាវើលដ៍ និងសហជីព នឹងបន្តជជែកគ្នារកដំណោះស្រាយ ក្រោយជំនួបលើកទី១មិនមានលទ្ធផល

ភ្នំពេញ ៖ ក្រុមហ៊ុនណាហ្គាវើលដ៍ និងសហជីព គ្រោងនឹងជួបជជែកទល់មុខគ្នាម្តងទៀត នៅសប្តាហ៍ក្រោយ ដើម្បីបន្តរកដំណោះស្រាយឯកភាពរួមមួយ លើកគម្រោងកាត់បន្ថយបុគ្គលិករបស់ក្រុមហ៊ុន នៅក្រោមការសម្របសម្រួលរបស់ក្រសួងការងារ និងបណ្តុះបណ្តាលវិជ្ជាជីវៈ។ ការបន្តជជែកនៅសប្តាហ៍ក្រោយ គឺបន្ទាប់ពីភាគីទាំងពីរ បានបញ្ចប់ការជួបជជែកលើកទីមួយ កាលពីថ្ងៃទី២៣ ខែមិថុនា នៅក្រសួងការងារមិនទទួលបានឯកភាពគ្នា។អ្នកនាង ស៊ុន ស្រីពេជ្រ តំណាងបុគ្គលិកនៃក្រុមហ៊ុន ណាហ្គាវើលដ៍ បានប្រាប់ទូរទស្សន៍ព័ត៌មាន ប៊ីធីវី នៅល្ងាចថ្ងៃទី២៣ មិថុនា ឆ្នាំ២០២១កន្លងទៅថា ក្នុងជំនួបលើកទី១ ជាមួយក្រុមហ៊ុនរយៈពេល៤ម៉ោងកាលពីថ្ងៃពុធ គឺថាជំហរសហជីព តំណាងឲ្យ បុគ្គលិក នៅតែរក្សាគោលជំហររៀងខ្លួនដដែលដោយផ្អែកលើគោលការណ៍ចំនួន ៥ចំណុចដែលសហជីពទាមទារកន្លងមក។ ដោយឡែកភាគីក្រុមហ៊ុន ក៏មិនទាន់មានការឆ្លើយតបអ្វីមួយ ដែលជាផលវិជ្ជមានមកដល់សហជីពវិញទេ ទើបក្រុមហ៊ុន ស្នើណាត់ការប្រជុំជាលើកទី២នៅសប្តាហ៍ខាងមុខបន្តទៀត។ប្រភពដដែល បន្ថែមទៀតថា ក្នុងករណី មិនអាចដោះស្រាយបានក្នុងកម្រិតណាមួយទេ ឆ្លើយតបជាវិជ្ជមានសម្រាប់សំណើរទាំង៥ចំណុច សហជីពនឹងត្រូវធ្វើតាមនីតិវិធីច្បាប់បន្តទៀត។ទាក់ទិនរឿងខាងលើនេះ អ្នកនាង ឌី សីហា តំណាងក្រុមហ៊ុន ណាហ្គាវើលដ៍ បដិសេធផ្តល់ព័ត៌មានទាក់ទងនឹងដំណោះស្រាយរបស់ក្រុមហ៊ុនក្រោយជំនួបលើកទី១ ដោយលើកឡើងថា បញ្ហាវិវាទការងាររវាងក្រុមហ៊ុន និងសហជីពនាពេលនេះ កំពុងស្ថិតក្នុងការដោះស្រាយ។សូមបញ្ជាក់ថា ការទាមទាររបស់ភាគីសហជីព ធ្វើឡើងបន្ទាប់ពីក្រុមហ៊ុន ណាហ្គាវើលដ៍ បានចាប់ដំណើរការបញ្ឈប់បុគ្គលិកបន្តបន្ទាប់សរុបចំនួនជាង ១ ៣២៩នាក់ ក្រោមហេតុផលដើម្បីរក្សាស្ថិរភាពអាជីវកម្មដែលរងផលប៉ះពាល់ដោយសារជំងឺកូវីដ-១៩។ការទាមទារ ៥ចំណុចរបស់សហជីព រួមមាន ៖ ១.ទាមទារឲ្យក្រុមហ៊ុនបញ្ឈប់បន្ទាន់នូវគម្រោងកាត់បន្ថយបុគ្គលិក, ២.ទាមទារឲ្យក្រុមហ៊ុនបញ្ឈប់ការបំភិតបំភ័យបុគ្គលិកតាមរយៈកោះហៅកន្លងមក, ៣.ទាមទារឲ្យក្រុមហ៊ុនផ្តល់ប្រាក់បំណាច់ផ្ដាច់កិច្ចសន្យាការងារឲ្យបានត្រឹមត្រូវស្របតាមច្បាប់, ៤.ទាមទារឲ្យក្រុមហ៊ុនបន្តផ្តល់ឡើងវិញនូវប្រាក់បំណាច់អតីតភាពការងារ និងប្រាក់រំលឹកបំណាច់អតីតភាពការងារជូនបុគ្គលិកទាំងអស់ដែលកំពុងបំរើការងារ និង៥.ទាមទារឲ្យក្រុមហ៊ុនអនុវត្តវិធានការសុខាភិបាល នៅកន្លែងការងារឲ្យបានត្រឹមត្រូវស្របតាមការណែនាំក្រសួងសុខាភិបាល និងអង្គការសុខភាពពិភពលោក ដើម្បីរួមចំណែកទប់ស្កាត់ការឆ្លងរាលដាលជំងឺកូវីដ-១៩នៅក្នុងក្រុមហ៊ុន៕អត្ថបទ ៖ ឈិត បូរ៉ាវី

នៅថ្ងៃនេះ រដ្ឋបាលខេត្តរតនគិរី ចាប់ផ្តើមយកសំណាកទ្រង់ទ្រាយធំ

រតនគិរី ៖ នៅថ្ងៃនេះ រដ្ឋបាលខេត្តរតនគិរី ចាប់ផ្តើមយកសំណាកអ្នកដែលពាក់ព័ន្ធជាមួយអ្នកវិជ្ជមានកូវីដ-១៩ ទ្រង់ទ្រាយធំ ខណៈការឆ្លងរាលដាលជំងឺនេះ កំពុងហក់ឡើង ក្នុងខេត្តភូមិភាគឦសានមួយនេះ។លោក ញ៉ែម សំអឿន អភិបាលរង និងជាអ្នកនាំពាក្យរដ្ឋបាលខេត្តរតនគិរី បានឱ្យដឹងថា នៅថ្ងៃទី ២៣ ខែមិថុនានេះ មន្ត្រីសុខាភិបាល ក៏ដូចជាមន្ត្រីជំនាញ ចាប់ផ្តើមធ្វើតេស្តយកសំណាកអ្នកដែលពាក់ព័ន្ធផ្ទាល់ និងប្រយោលជាមួយអ្នកវិជ្ជមានកូវីដ-១៩ ដោយឧបករណ៍តេស្តរហ័សទ្រង់ទ្រាយធំ តាមបណ្តា ក្រុង-ស្រុក ដែលប្រឈមហានិភ័យឆ្លងខ្ពស់។អ្នកនាំពាក្យសាលាខេត្តរតនគិរីរូបនេះ បានឱ្យដឹងទៀតទៀត រដ្ឋបាលខេត្ត បានពង្រីកបន្ថែមនូវ មណ្ឌលសម្រាប់ព្យាបាលអ្នកវិជ្ជមានកូវីដ-១៩ និងមណ្ឌលធ្វើចត្តាឡីស័ក ព្រោះថាតាមរយៈការយកសំណាកទ្រង់ទ្រាយធំនាថ្ងៃនេះ ដោយឧបករណ៍តេស្តរហ័ស អាចនឹងមានហានិភ័យខ្ពស់ចំពោះលទ្ធផល ព្រោះថា ប្រជាពលរដ្ឋដែលវិជ្ជមានកូវីដ-១៩កន្លងមក មានភាពប្រទាក់ក្រឡាគ្នាច្រើន។ត្រឹមរយៈពេល៦ថ្ងៃ ដោយគិតចាប់ពីថ្ងៃទី១៨ ខែមិថុនានេះ ដែលជាថ្ងៃដំបូងនៃការផ្ទុះរាលដាល ជំងឺកូវីដ-១៩ ទ្រង់ទ្រាយធំក្នុងខេត្តរតនគិរី រហូតមកដល់ថ្ងៃទី២៣ ខែមិថុនានេះ រដ្ឋបាលខេត្ត បានរក ឃើញករណីអ្នកវិជ្ជមាន ប្រមាណជាជិត២០០នាក់៕អត្ថបទ ៖ ជៀប សម្បត្តិ

និយ័តករមូលបត្រកម្ពុជា នឹងចូលរួមដោះស្រាយសំណុំរឿងបាត់បង់លុយវិនិយោគិនក្រុមហ៊ុន GFX

ភ្នំពេញ ៖ និយ័តករមូលបត្រកម្ពុជា នឹងចូលរួមដោះស្រាយសំណុំរឿងបាត់បង់លុយវិនិយោគិនក្រុមហ៊ុន ឈ្មួញជើងសារ GFX ដោយធ្វើការជាមួយក្រុមហ៊ុន ពិនិត្យមើលឯកសាររបស់វិនិយោគិន។ អន្តរាគមន៍របស់និយ័តករមូលបត្រកម្ពុជានេះ គឺធ្វើឡើងបន្ទាប់ពីកិច្ចប្រជុំរវាងនិយ័តករមូលបត្រកម្ពុជា និងក្រុមវិនិយោគិនក្រុមហ៊ុនកាលពីថ្ងៃទី២២ ខែមិថុនាម្សិលមិញ។កិច្ចប្រជុំកាលពីម្សិលមិញ ធ្វើឡើងបន្ទាប់ពីវិនិយោគិនដែលបានបាត់បង់លុយវិនិយោគពីគណនីជាមួយក្រុមហ៊ុន GFX បានទាមទារជិតមួយខែ ស្នើសុំឱ្យក្រុមសងត្រឡប់ប្រាក់វិនិយោគដើមដែលបាត់បង។លោក ធូ ពន្លឺ វិនិយោគិនម្នាក់ ដែលចូលរួមប្រជុំម្សិលមិញ បានឱ្យដឹងថា ពួកគាត់បានផ្តល់នូវព័ត៌មានបន្ថែម និងឯកសារពាក់ព័ន្ធមួយចំនួន ទៅកាន់និយ័តករមូលបត្រកម្ពុជា។ តាមរយៈអន្តរាគមន៍របស់និយ័តករមូលបត្រកម្ពុជា លោក ធូ ពន្លឺ លើកឡើងថា ក្រុមវិនិយោគិនមានសង្ឃឹម សំណុំរឿងទាមទារប្រាក់វិនិយោគត្រឡប់ នឹងទទួលបានលទ្ធផលវិជ្ជមាន ក្នុងពេលឆាប់ៗខាងមុខ។អគ្គនាយកនិយ័តករមូលបត្រកម្ពុជា ឯកឧត្តម ស៊ូ សុជាតិ មិនអាចសុំការបញ្ជាក់បន្ថែមបានទេ នៅព្រឹកថ្ងៃពុធនេះ។ជុំវិញរឿងនេះ លោក ជា រដ្ឋសាវុន មេធាវីនៃក្រុមហ៊ុន GFX បានបញ្ជាក់នៅព្រឹកថ្ងៃនេះដែរថា មកដល់ពេលនេះ ក្រុមហ៊ុនបានជួបអតិថិជនចំនួនជាង ៣០នាក់ហើយ ក្នុងចំណោមអតិថិជនសរុបប្រមាណ៣ពាន់នាក់។លោក ឲ្យដឹងទៀតថា ជាគោលការណ៍ ក្រុមហ៊ុនបានបញ្ជាក់ក្នុងសេចក្តីប្រកាស១លើក និង២លើកហើយ ឈរលើគោលការណ៍ក្រុមហ៊ុនជាអ្នករងគ្រោះដូចគ្នា ដូច្នេះ បានក្រុមហ៊ុនបើកដំណោះស្រាយ នឹងដើម្បីឲ្យវិនិយោគិនពិនិត្យ បើសិនជាវិនិយោគិនពិនិត្យលើលទ្ធភាពអំពីការចូលរួមរបស់ក្រុមហ៊ុនបាន គាត់នឹងទទួលទៅជាសាច់ប្រាក់។ ប៉ុន្តែបើគាត់អត់ទទួលទេ នោះជាការសម្រេចចិត្តរបស់វិនិយោគិន។ពាក់ព័ន្ធការណាត់ជួបអតិថិជនដើម្បីជួបពិភាក្សារកដំណោះស្រាយ លោក បានឲ្យដឹងថា ក្នុង១លើកមានចំនួនតែ១៥នាក់ប៉ុណ្ណោះ ដោយសារគោរពតាមការណែនាំវិធានការសុខាភិបាលដើម្បីទប់ស្កាត់ការឆ្លងរាលដាលជំងឺកូវីដ-១៩។គួររម្លឹកថា ក្រុមហ៊ុន GOLDFX INVESTMENT ជាក្រុមហ៊ុនឯកជនទទួលខុសត្រូវមានកម្រិតស្របច្បាប់ និងជាភ្នាក់ងារឈ្មួញជើងសារឧបករណ៍និស្សន្ទ ដែលទទួលអាជ្ញាប័ណ្ណស្របច្បាប់ពីគណៈកម្មការមូលបត្រកម្ពុជា ដែលសំដៅទៅការជួញដូរលើរូបិយប័ណ្ណអន្តរជាតិ មាស និងប្រេងឆៅជាដើម៕អត្ថបទ ឈិត បូរ៉ាវី

កម្ពុជាបន្ដរកឃើញមនុស្ស៥៨៧នាក់ឆ្លងកូវីដ-១៩ ខណៈអ្នកជំងឺ៥៤៨នាក់ទៀតបានជាសះស្បើយ

ភ្នំពេញ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន៥៨៧នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដ-១៩ចំនួន៥៤៨នាក់ទៀតទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន៥៣៣នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ៥៤នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស១៦នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់ ៤៧៥នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ៣៩ ៣១៤នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៤៤ ៧១១នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

បណ្ដាញសង្គម

ព័ត៌មានថ្មីៗ

គ្រោះរាំងស្ងួតនៅស៊ែរប៊ី បង្កផលប៉ះពាល់ធ្ងន់ធ្ងរដល់ប្រជាកសិករ និងការចិញ្ចឹមសត្វ

រដ្ឋបាលខេត្តស្វាយរៀងរៀបចំវេទិការផ្ដល់ឱកាសជូនដល់ពលករមកពីប្រទេសថៃចុះឈ្មោះស្វែងរកការងារធ្វើ

សេចក្តីរាយការណ៍៖ អ៊ីស្រាអែល និងស៊ូដង់ខាងត្បូង ជជែកគ្នាពីការផ្ទេរជនប៉ាឡេស្ទីនទាំងបង្ខំ

យោធាអ៊ីស្រាអែល ប្រាប់ថា ខ្លួនបានយល់ព្រមលើផែនការ សម្រាប់ការវាយលុកថ្មី នៅហ្កាហ្សា

រុស្ស៊ីចាត់ទុកការទូតរបស់អឺរ៉ុប ជុំវិញបញ្ហាអ៊ុយក្រែនថា «មិនមានសារៈសំខាន់»

ទួរគី៖ កងជីវពលឃឺដ YPG គួរតែបញ្ឈប់ពន្យារពេលការធ្វើសមាហរណកម្មជាមួយស៊ីរី

រដ្ឋមន្រ្តីសុខាភិបាល ណែនាំដល់ថ្នាក់ដឹកនាំសុខាភិបាល បង្កើនការយកចិត្តទុកដាក់ខ្ពស់ទប់ស្កាត់ជំងឺគ្រុនឈាម ពិសេសចំពោះស្ត្រីមានផ្ទៃពោះ ទារក និងកុមារ ក្នុងរដូវវស្សានេះ

មនុស្ស ២នាក់ស្លាប់ ក្រោយអគ្គិភ័យឆាបឆេះអគារផ្ទះល្វែងនៅទីក្រុង Bukit Merah ប្រទេសសិង្ហបុរី

អេស្តូនីបណ្តេញអ្នកការទូតរុស្ស៊ី ខណៈទីក្រុងមូស្គូ ប្រាប់ថា នឹងសងសឹក

ទីក្រុងម៉ានីល៖យន្តហោះចម្បាំងចិនហោះស្កាត់យន្តហោះហ្វីលីពីននៅលើតំបន់ថ្មប៉ប្រះទឹកជម្លោះ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

កម្ពុជាបន្ដរកឃើញមនុស្ស៦៩៩នាក់ឆ្លងកូវីដ-១៩ ខណៈអ្នកជំងឺ៧៥៩នាក់ទៀតបានជាសះស្បើយ

ក្រុមគ្រូពេទ្យកំពុងសម្រុកចាក់វ៉ាក់សាំងជូនពលរដ្ឋពីរស្រុកក្នុងខេត្តតាកែវ ដែលប្រឈមនឹងហានិភ័យខ្ពស់

ក្នុងខេត្តរតនគិរី ការធ្វើតេស្តទ្រង់ទ្រាយធំចាប់ផ្ដើម ខណៈការឆ្លងបានហក់ឡើងគួរឱ្យបារម្ភ

កម្ពុជាបន្ដរកឃើញមនុស្ស៦៥៥នាក់ឆ្លងកូវីដ-១៩ ខណៈអ្នកជំងឺ៦៩៦នាក់ទៀតបានជាសះស្បើយ

ផ្ទះបណ្តែតទឹក បែរចិញ្ចឹមត្រីជនជាតិវៀតណាមជាង១៧០០ បានរុះរើចេញនៅសល់៦៤ទៀតកំពុងបន្តប្រតិបត្តិការ

ក្រុមហ៊ុនណាហ្គាវើលដ៍ និងសហជីព នឹងបន្តជជែកគ្នារកដំណោះស្រាយ ក្រោយជំនួបលើកទី១មិនមានលទ្ធផល

នៅថ្ងៃនេះ រដ្ឋបាលខេត្តរតនគិរី ចាប់ផ្តើមយកសំណាកទ្រង់ទ្រាយធំ

និយ័តករមូលបត្រកម្ពុជា នឹងចូលរួមដោះស្រាយសំណុំរឿងបាត់បង់លុយវិនិយោគិនក្រុមហ៊ុន GFX

កម្ពុជាបន្ដរកឃើញមនុស្ស៥៨៧នាក់ឆ្លងកូវីដ-១៩ ខណៈអ្នកជំងឺ៥៤៨នាក់ទៀតបានជាសះស្បើយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

កម្ពុជា​បន្ដ​រក​ឃើញ​មនុស្ស​៦៩៩នាក់​​ឆ្លង​កូវីដ-១៩​ ខណៈ​អ្នក​ជំងឺ​៧៥៩នាក់​ទៀត​បាន​​ជា​សះ​ស្បើយ

ក្នុង​ខេត្តរតនគិរី ការ​ធ្វើ​តេស្ត​ទ្រង់ទ្រាយ​ធំ​ចាប់ផ្ដើម ខណៈ​ការ​ឆ្លង​បាន​ហក់​ឡើង​គួរ​ឱ្យ​បារម្ភ​

កម្ពុជា​បន្ដ​រក​ឃើញ​មនុស្ស​៦៥៥នាក់​​ឆ្លង​កូវីដ-១៩​ ខណៈ​អ្នក​ជំងឺ​៦៩៦នាក់​ទៀត​បាន​​ជា​សះ​ស្បើយ

នៅថ្ងៃនេះ ​រដ្ឋបាលខេត្ត​រតនគិរី ​ចាប់ផ្តើម​យក​សំណាក​ទ្រង់ទ្រាយ​ធំ​

និយ័តករ​មូលប​ត្រ​កម្ពុជា នឹង​ចូលរួម​ដោះស្រាយ​សំណុំរឿង​បាត់បង់​លុយ​វិនិយោគិន​ក្រុមហ៊ុន GFX

កម្ពុជា​បន្ដ​រក​ឃើញ​មនុស្ស​៥៨៧នាក់​​ឆ្លង​កូវីដ-១៩​ ខណៈ​អ្នក​ជំងឺ​៥៤៨នាក់​ទៀត​បាន​​ជា​សះ​ស្បើយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កម្ពុជាបន្ដរកឃើញមនុស្ស៦៩៩នាក់ឆ្លងកូវីដ-១៩ ខណៈអ្នកជំងឺ៧៥៩នាក់ទៀតបានជាសះស្បើយ

ក្នុងខេត្តរតនគិរី ការធ្វើតេស្តទ្រង់ទ្រាយធំចាប់ផ្ដើម ខណៈការឆ្លងបានហក់ឡើងគួរឱ្យបារម្ភ

កម្ពុជាបន្ដរកឃើញមនុស្ស៦៥៥នាក់ឆ្លងកូវីដ-១៩ ខណៈអ្នកជំងឺ៦៩៦នាក់ទៀតបានជាសះស្បើយ

នៅថ្ងៃនេះ រដ្ឋបាលខេត្តរតនគិរី ចាប់ផ្តើមយកសំណាកទ្រង់ទ្រាយធំ

និយ័តករមូលបត្រកម្ពុជា នឹងចូលរួមដោះស្រាយសំណុំរឿងបាត់បង់លុយវិនិយោគិនក្រុមហ៊ុន GFX

កម្ពុជាបន្ដរកឃើញមនុស្ស៥៨៧នាក់ឆ្លងកូវីដ-១៩ ខណៈអ្នកជំងឺ៥៤៨នាក់ទៀតបានជាសះស្បើយ