BTV NEWS

ចាប់ខ្លួនជនសង្ស័យ៥នាក់ពាក់ពន្ធ័ករណីចាប់ ឃុំឃាំង និងបង្ខាំងមនុស្សដោយខុសច្បាប់

សមត្ថកិច្ចខេត្តមណ្ឌលគិរី និងខេត្តសៀមរាប ឃាត់ខ្លួនជនបរទេសចំនួន១៦២នាក់ ក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យា

ជនបរទេស១៣នាក់ត្រូវបានឃាត់ខ្លួនក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យានៅសៀមរាប

ចៅក្រមស៊ើបសួរសាលាដំបូងរាជធានីភ្នំពេញសម្រេចឃុំខ្លួនជនត្រូវចោទ៨នាក់ជាបណ្តោះអាសន្នពាក់ព័ន្ធអំពើឆបោកតាមឆបោកតាមប្រព័ន្ធអនឡាញ

សន្តិសុខ និង សង្គម

ជនសង្ស័យ ០៣នាក់ ត្រូវបាននគរបាលឃាត់ខ្លួនពាក់ព័ន្ធករណីឃាតកម្មគិតទុកជាមុន បង្កជនរងគ្រោះស្លាប់

ភ្នំពេញ៖ ជនសង្ស័យ ០៣នាក់ ពាក់ព័ន្ធករណីឃាតកម្មគិតទុកជាមុនបង្កជនរងគ្រោះស្លាប់ បន្ទាប់ពីរត់គេចខ្លួនបានរយៈពេល៣ថ្ងៃ ត្រូវបាននគរបាលឃាត់ខ្លួនបានសម្រេច។ ប្រតិបត្តិការឃាត់ខ្លួននេះ ធ្វើឡើងកាលពីវេលាម៉ោង ០៣រសៀលថ្ងៃទី២២ ខែមិថុនា ឆ្នាំ២០២១ នៅចំណុចវាលស្រែ ស្ថិតនៅភូមិភ្នំតូច ឃុំសំភី ស្រុកបាទី ខេត្តតាកែវ។ក្នុងប្រតិបត្តិការស្រាវជ្រាវករណីឃាតកម្ម នេះធ្វើឡើងក្រោមការបញ្ជាផ្ទាល់ពីនាយឧត្តមសេនីយ៍ សន្ដិបណ្ឌិត នេត សាវឿន អគ្គស្នងការនគរបាលជាតិ, ឧត្តមសេនីយ៍ឯក អិន បូរ៉ា អគ្គស្នងការរង និង ដឹកនាំបញ្ជាដោយ លោកឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ ដឹកនាំកម្លាំងផ្ទាល់លោកឧត្តមសេនីយ៍ទោ ជាវ វិបុល អនុប្រធាននាយកដ្ឋាននគរបាលព្រហ្មទណ្ឌ និងលោកវរសេនីយ៍ទោ ហែម បូណា នាយការិយាល័យព្រហ្មទណ្ឌកម្រិតធ្ងន់ សហការជាមួយកម្លាំងនគរបាលនៃស្នងការដ្ឋាននគរបាលខេត្តតាកែវ។នគរបាលជំនាញ បានអោយដឹងថា ជនសង្ស័យទាំង ៣នាក់ រួមមាន ទី១ ឈ្មោះ ម៉ង សម្បត្តិ ភេទប្រុស អាយុ ២១ឆ្នាំ , ទី២ ឈ្មោះ ម៉ង សីហា ភេទប្រុស អាយុ ១៩ឆ្នាំ (ទាំង ០២នាក់ជាបងប្អូនបង្កើត) និងទី៣ ឈ្មោះ ឌឹម ប្រុស ហៅ រាជ ភេទប្រុស អាយុ ១៩ឆ្នាំ ជនសង្ស័យទាំង៣នាក់មានលំនៅដ្ឋានស្នាក់ស្ថិតនៅភូមិខ្នារទង់ ឃុំកុមារាជា ស្រុកបាទី ខេត្តតាកែវ។ចំណែកជនរងគ្រោះដែលបានស្លាប់មានឈ្មោះ មាំង ខែមរៈ ភេទប្រុស អាយុ ២៧ឆ្នាំ ស្នាក់នៅស្ថិតនៅភូមិខ្នារទង់ ឃុំកុមារាជា ស្រុកបាទី ខេត្តតាកែវ ដូចគ្នា។គួររំលឹកផងដែរ កាលពីថ្ងៃទី១៩ ខែមិថុនា ឆ្នាំ២០២១ វេលាម៉ោង ២២និង៤០នាទី មានករណីឃាតកម្មមួយកើតទ្បើង នៅចំណុចភូមិខ្នារទង់ ឃុំកុមារាជា ស្រុកបាទី ខេត្តតាកែវ បង្កដោយជនសង្ស័យ ០៣នាក់ បានធ្វើសកម្មភាពកាប់ទៅលើជនរងគ្រោះឈ្មោះ មាំង ខែមរៈ ភេទប្រុស អាយុ ២៧ឆ្នាំ រស់នៅកន្លែងកើតហេតុ បណ្តាលឲ្យរងរបួសជាច្រើនកន្លែង និងដាច់កដៃខាងឆ្វេង ស្លាប់ភ្លាមៗនៅកន្លែងកើតហេតុមុខផ្ទះជនរងគ្រោះ ហើយជនសង្ស័យទាំងបីនាក់បានរត់គេចខ្លួនបាត់។ ក្រោយពេលឃាត់ខ្លួនជនសង្ស័យទាំងបីនាក់បានឆ្លើយសារភាពថា ពួកខ្លួនពិតជាបានធ្វើសកម្មភាពយកកាំបិតផ្គាក់កាប់ទៅលើជនរងគ្រោះឈ្មោះ មាំង ខែមរៈ បណ្តាលឲ្យស្លាប់ប្រាកដមែន មូលហេតុដោយសារទំនាស់ពាក្យសំដីក្នុងពេលលេងបាល់ទះ ក៏ឌឺដងដាក់គ្នារហូតឈានដល់កាប់សម្លាប់គ្នាតែម្ដង។បច្ចុប្បន្នជនសង្ស័យទាំង ០៣នាក់ ត្រូវបាននគរបាលនាយកដ្ឋាននគរបាលព្រហ្មទណ្ឌ ប្រគល់ឲ្យកម្លាំងនគរបាលនៃស្នងការដ្ឋាននគរបាលខេត្តតាកែវ ដើម្បីកសាងសំណុំចាត់ការបន្តតាមនីតិវិធី៕ អត្ថបទ៖ កុម្ភៈ

២០ថ្ងៃ រកឃើញកូវីដ-១៩លើពលករមកពីថៃតាមច្រកខេត្តឧត្ដរមានជ័យ ១៧៩នាក់ បីនាក់ប្រភេទថ្មី

ឧត្ដរមានជ័យ ៖ រយៈពេល២០ថ្ងៃ ក្នុងខែមិថុនានេះ មានការរកឃើញអ្នកវិជ្ជមានកូវីដ-១៩ ចំនួន១៧៩នាក់ លើពលករ ខ្មែរ ឆ្លងដែនមកពីថៃ តាមច្រកខេត្តឧត្តរមានជ័យ ក្នុងនោះ អ្នកឆ្លងមេរោគបំប្លែងថ្មី ប្រភេទB-1-617-2 (Daalta) ដែលជាប្រភេទមកពីឥណ្ឌានោះ មានចំនួនបីនាក់។លោកវេជ្ជបណ្ឌិត ឃ្លោក ហួត ប្រធានមន្ទីរសុខាភិបាល ខេត្តឧត្តរមានជ័យ បានឱ្យដឹងថា ពលករ ឆ្លងដែនមកពីថៃ តាមច្រកខេត្តឧត្តរមានជ័យ ក្នុងខែមិថុនានេះ មានចំនួនកើនឡើងដល់៤០៩០នាក់។លោកវេជ្ជបណ្ឌិត បានបញ្ជាក់ថា ការរកឃើញមេរោកបំប្លែងខ្លួនថ្មី មានប្រភពមកពីឥណ្ឌាលើពល ករមកពីថៃ គឺជាក្ដីបារម្ភមួយថ្មី ដែលទាមទារឱ្យអាជ្ញាធរមានសមត្ថកិច្ច ដែលកំពុងឈរជើងនៅតាមច្រក ព្រំដែនទាំងអស់ បង្កើនការយកចិត្តទុកដាក់ក្នុងការគ្រប់គ្រងរំហូរចូលនៃពលករ ដោយត្រូវពិនិត្យសុខភាព ពួកគេឱ្យបានហ្មត់ចត់ ។លោក បានស្នើដល់អាជ្ញាធរខេត្តឧត្តរមានជ័យ ត្រូវផ្តល់ព័ត៌មានឱ្យបានឆាប់រហ័ស ក្នុងករណីមាន ការពាក់ព័ន្ធនឹងអ្នកមានវិជ្ជមានកូវីដ-១៩ ក្នុងមូលដ្ឋានរបស់ខ្លួន៕អត្ថបទ៖ ឃិន សារិទ្ធ

អាជ្ញាធរខេត្តរតនគិរី ក្រើនរំលឹកពលរដ្ឋឱ្យប្រុងប្រយ័ត្ន ខណៈកំពុងផ្ទុះការឆ្លងកូវីដ-១៩

រតនគិរី ៖ អាជ្ញាធរខេត្តរតនគិរីក្រើនរំលឹកពលរដ្ឋឱ្យប្រុងប្រយ័ត្ន ខណៈកំពុងផ្ទុះការឆ្លងកូវីដ-១៩ ដោយអំពាវដល់ពលរដ្ឋថា បើពុំមានការចាំបាច់ កុំធ្វើដំណើរចេញ-ចូលខេត្ត ខណៈជំងឺកូវីដ-១៩ កំពុងផ្ទុះរលកចម្លងទ្រង់ទ្រាយធំក្នុងភូមិសាស្ត្រខេត្តនេះ។ក្នុងរយៈពេលប៉ុន្មានថ្ងៃចុងក្រោយនេះ ក្នុងខេត្តរតនគិរី កើតមានរលកចម្លងជំងឺកូវីដ-១៩ គួរឱ្យ ព្រួយបារម្ភ ដែលនាំឱ្យឯកឧត្តម ថង សាវុន អភិបាលខេត្តរតនគិរី ណែនាំដល់អាជ្ញាធរមានសមត្ថកិច្ច ឱ្យធ្វើ ការរឹតបន្តឹងទប់ស្កាត់ការចម្លងបន្ត និងធ្វើការស្រាវជ្រាវអ្នកពាក់ព័ន្ធ ដើម្បីកាត់ផ្ដាច់ឫសគល់ចម្លង។ឯកឧត្តម ថង សាវុន បានឲ្យដឹងថា ស្ថានភាពនេះ អាចវាយតម្លៃបានថា អត្រាចម្លង បន្តស្ថិតនៅ ក្នុងកម្រិតហានិភ័យខ្ពស់ ដោយសារទំនាក់ទំនងរបស់ប្រជាពលរដ្ឋ ដែលវិជ្ជមានកន្លងមក មានភាពប្រទាក់ក្រឡាគ្នាច្រើន។ បច្ចុប្បន្នអាជ្ញាធរមានសមត្ថកិច្ច និងមន្ត្រីជំនាញ កំពុងបន្តស្រាវជ្រាវ ដើម្បីស្វែងរកអ្នកពាក់ព័ន្ធ មកធ្វើតេស្តសំណាក និងបិទតំបន់ទីតាំងប្រឈមមួយចំនួន ដើម្បីអាចគ្រប់គ្រងបាននូវសភាពការណ៍នេះ។ជាវិធានការបន្ត រដ្ឋបាលខេត្តរតនគិរី ក៏បានសម្រេចដាក់បម្រាមគោចរជាបណ្ដោះអាសន្ន ចាប់ពី ម៉ោង៨យប់ ដល់ម៉ោង៥ព្រឹក ដោយផ្អាកជាបណ្ដោះអាសន្នការប្រមូលផ្ដុំ ការជួបជុំ និងផ្អាកជាបណ្ដោះ អាសន្ននូវសកម្មភាពមុខរបរ ឬអាជីវកម្ម ដែលមានហានិភ័យខ្ពស់ នៃការឆ្លងរាលដាលជំងឺកូវីដ-១៩ រយៈ ពេល១៤ថ្ងៃ ដោយគិតចាប់ពីថ្ងៃទី២១ ខែមិថុនា នេះ រហូតដល់ថ្ងៃទី០៤ ខែកក្កដា ឆ្នាំ២០២១ ។អភិបាលខេត្តរតនគិរី ក៏បានអំពាវនាវឲ្យពលរដ្ឋបន្តការដាក់ខ្លួនដាច់ដោយឡែកពីក្រុមគ្រួសារ តាម ដានសុខភាពផ្ទាល់ខ្លួនជាប្រចាំ ជាពិសេស គឺការអនុវត្តវិធានការ ៣កុំ ៣ការពារ។ ចំពោះមធ្យោបាយដឹក ជញ្ជូនទំនិញគ្រប់ប្រភេទ នៅតែបន្តសកម្មភាពជាប្រក្រតី ព្រមទាំងអនុវត្តតាមវិធានសុខាភិបាលជាប់ជានិច្ច។គិតត្រឹមវេលាព្រឹកថ្ងៃទី២២ ខែមិថុនានេះ រដ្ឋបាលខេត្តរតនគិរី ប្រកាសរកឃើញករណីវិជ្ជមាន កូវីដ-១៩ ចំនួន១៦២ នាក់ ក្នុងនោះព្យាបាលជាសះស្បើយ៨នាក់ និងកំពុងសម្រាកព្យាបាល ចំនួន១៥៤ នាក់ ដែលជាការឆ្លងបន្តក្នុងសហគមន៍ដោយសារការផ្ទុះរាលដាលខ្លាំងកាលពីថ្ងៃទី១៨ ខែមិថុនានេះ៕អត្ថបទ៖ ជៀប សម្បត្តិ

កម្ពុជាបន្ដរកឃើញមនុស្ស៦៧៨នាក់ឆ្លងកូវីដ-១៩ ខណៈអ្នកជំងឺ៧៦៣នាក់ទៀតបានជាសះស្បើយ

ភ្នំពេញ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន៦៧៨នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដ-១៩ចំនួន៧៦៣នាក់ទៀតទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន៦២០នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ៥៨នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស១៨នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់ ៤៥៩នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ៣៨ ៧៦៦នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៤៤ ១២៤នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

គោលនយោបាយសេដ្ឋកិច្ច និងសង្គមឌីជីថលកម្ពុជា ទទួលបានការគាំទ្រពីអ្នកជំនាញ និងអ្នកប្រើប្រាស់បច្ចេកវិទ្យាសម្រាប់អាជីវកម្ម

ភ្នំពេញ ៖ រាជរដ្ឋាភិបាលកម្ពុជា បានប្រកាសដាក់ឱ្យប្រើប្រាស់ខណ្ឌគោលនយោបាយសេដ្ឋកិច្ច និងសង្គមឌីជីថលកម្ពុជា សម្រាប់ជាការតម្រង់ទិសដើម្បីកសាងសេដ្ឋកិច្ច និងសង្គមឌីជីថលរស់រវើក តាមរយៈការរៀបចំមូលដ្ឋានគ្រឹះ បរិវត្ដកម្មឌីជីថលនៅក្នុងគ្រប់តួអង្គសង្គម ទាំងរដ្ឋ ទាំងពលរដ្ឋ និងទាំងធុរជន ដើម្បីជំរុញសន្ទុះកំណើនសេដ្ឋកិច្ចថ្មី។អ្នកជំនាញ និងអ្នកប្រើប្រាស់ប្រព័ន្ធបច្ចេកវិទ្យាសម្រាប់អាជីវកម្ម បានបញ្ជាក់ពីការគាំទ្រក្របខណ្ឌគោលនយោបាយសេដ្ឋកិច្ច និងសង្គមឌីជីថលកម្ពុជា របស់រាជរដ្ឋាភិបាល ដោយលើកឡើងថា បរិវត្តកម្មឌីជីថលនឹងនាំមកនូវបច្ច័យវិជ្ជមាន ជាចន្ទល់ និងជាក្បាលម៉ាស៊ីនកំណើនសេដ្ឋកិច្ច ដែលនឹងនាំមកនូវកាលានុវត្តភាពនៃប្រភពកំណើនថ្មី ការបង្កើនផលិតភាពសេដ្ឋកិច្ច, ការជំរុញពិពិធកម្មសេដ្ឋកិច្ច, និងការបង្កើតការងារផ្សេងៗ។លោក ពេជ សូវៀត (CEO) សហស្ថាបនិកអួតអេប (Uot App) និងជាសហគមន៍ទេសចរបែបឌីជីថល បានថ្លែងប្រាប់ភ្នាក់ងារអ្នកយកព័ត៌មាន BTV នៅថ្ងៃទី២២ ខែ មិថុនា ឆ្នាំ២០២០ នេះថា បច្ចុប្បន្នពិភពលោកបានកំពុងប្រើប្រាស់ប្រព័ន្ធបច្ចេកវិទ្យា ជាយន្តការ និងសម្រាប់ការទំនាក់ទំនង ទាំងផ្នែកសេដ្ឋកិច្ច និងពាណិជ្ជកម្ម, ព្រោះការប្រើប្រាស់ប្រព័ន្ធបច្ចេកវិទ្យា បានកាត់បន្ថយពេលវេលា ការចំណាយ និងមានសុក្រឹតភាពជឿជាក់, ជាក់ស្តែងក្នុងស្ថានភាពនៃការរីករាលដាលជំងឺកូវីដ-១៩ ។ចំណែកលោក ប៉ាត់ ចំណាន នាយកក្រុមហ៊ុន ស៊ូភើ អេប តិចណូឡូជី ភីអិលស៊ី (Super App Technology plc) បានលើកឡើងថា ពាក់ព័ន្ធការបង្កើតក្របខណ្ឌគោលនយោបាយសេដ្ឋកិច្ច និងសង្គមឌីជីថលកម្ពុជា របស់រាជរដ្ឋាភិបាល គឺជាគោលនយោបាយដ៏ល្អ សម្រាប់កម្ពុជា ជាពិសេសកសាងទំនុកចិត្តសម្រាប់ធុរកិច្ច។សូមបញ្ជាក់ថា "ក្របខណ្ឌគោលនយោបាយសេដ្ឋកិច្ច និងសង្គមឌីជីថលកម្ពុជា ២០២១-២០៣៥”របស់រាជរដ្ឋាភិបាល បានដាក់ចេញនូវក្របខណ្ឌ រយៈពេលវែងសំដៅជំរុញ និងតម្រង់ទិសបរិវត្តកម្មឌីជីថលនៅកម្ពុជា ឱ្យទទួលបានជោគជ័យ តាមរយៈការកំណត់ និងការអនុវត្តវិធានការគោលនយោបាយ ដែលឆ្លុះបញ្ចាំង និងឆ្លើយតបទៅនឹងស្ថានភាពបច្ចុប្បន្នរបស់កម្ពុជា ព្រមទាំងស្របតាមនិន្នាការតំបន់ និង សកល។ជាមួយគ្នានេះ ក្របខណ្ឌវិនិយោគគ្រប់ជ្រុងជ្រោយនឹងត្រូវបានរៀបចំឡើង ដើម្បីគាំទ្រដល់ផែនការវិនិយោគនៅក្នុងវិស័យឌីជីថល ជាពិសេសក្រោមក្របខណ្ឌគោលនយោបាយនេះ និងផែនការមេអភិវឌ្ឍន៍វិស័យឌីជីថលកម្ពុជា ដែលនឹងត្រូវបានគិតគូររៀបចំក្នុងជំហានបន្ទាប់ ៕អត្ថបទ៖ សុន រ៉ាឌី

តុលាការសម្រេចឃុំខ្លួនយុវជន ០៣នាក់ ក្រោមការចោទប្រកាន់បទប្រមាថចំពោះអង្គព្រះមហាក្សត្រ និងរួមគំនិតក្បត់

ភ្នំពេញ៖ យុវជន ០៣នាក់ ដែលជាសកម្មជនចលនាមាតាធម្មជាតិ ត្រូវបានតុលាកាសម្រេចឃុំខ្លួនបណ្ដោះអាសន្នហើយ បន្ទាប់ពីតុលាការបានសាកសួរជាច្រើនថ្ងៃ ទាក់ទិននឹងសកម្មភាពប្រមាថចំពោះអង្គព្រះមហាក្សត្រ និងរួមគំនិតក្បត់។ចៅក្រមស៊ើបសួរ នៃសាលាដំបូងរាជធានីភ្នំពេញ លោក អ៊ឹម វណ្ណៈ នៅថ្ងៃទី២១ ខែមិថុនា ឆ្នាំ២០២១ បានចេញដីកាបង្គាប់ឱ្យឃុំខ្លួនយុវជន ០៣នាក់ ដែលជាសកម្មជនចលនាមាតាធម្មជាតិ ដោយធ្វើការចោទប្រកាន់ចំនួន២បទល្មើស។ ក្នុងដីកាចៅក្រមស៊ើបសួរ បានចោទប្រកាន់ឈ្មោះ ស៊ុន រដ្ឋា ភេទស្រី និងឈ្មោះ យឹម លាងហ៊ី ភេទប្រុស ពីបទប្រមាថចំពោះអង្គព្រះមហាក្សត្រ និងរួមគំនិតក្បត់ តាមបញ្ញត្តិមាត្រា ៤៣៧ ស្ទួន និងមាត្រា ៤៥៣ នៃក្រមព្រហ្មទណ្ឌ និងម្នាក់ទៀតឈ្មោះ លី ចាន់ដារ៉ាវុត ភេទប្រុស ពីបទរួមគំនិតក្បត់ តាមមាត្រា ៤៥៣ នៃក្រមព្រហ្មទណ្ឌ ដែលពួកគេបានប្រព្រឹត្តនៅប្រទេសកម្ពុជា កាលពីក្នុងឆ្នាំ២០១២ ដល់ឆ្នាំ២០២១។យុវជនទាំង ០៣នាក់ត្រូវបាននគរបាលធ្វើការឃាត់ខ្លួនកាលពីថ្ងៃទី១៦ ខែមិថុនា ឆ្នាំ២០២១ ដោយយោងតាមដីកាបញ្ជាឱ្យចូលខ្លួនរបស់លោក សេង ហៀង ព្រះរាជអាជ្ញារង អមសាលាដំបូងរាជធានីភ្នំពេញ ដែលបង្គាប់ឱ្យកម្លាំងមានសមត្ថកិច្ចនាំខ្លួនយុវជនទាំង៣នាក់ និងយោងលើរបាយការណ៍របស់នាយកដ្ឋានកណ្ដាលសន្តិសុខ នៃអគ្គស្នងការដ្ឋាននគរបាលជាតិ ចុះថ្ងៃទី១២ ខែមិថុនា ឆ្នាំ២០២១ និងតាមមាត្រា ៣៧ មាត្រា ៩៤ និងមាត្រា ១១៤ នៃក្រមព្រហ្មទណ្ឌ ឆ្នាំ២០០៧ ដោយសារតែពួកគេមានអង្គការចាត់តាំងខុសច្បាប់ និងប្រើប្រាស់ហិរញ្ញប្បទានភេរវកម្ម។ក្រៅពីការចោទប្រកាន់យុវជនទាំង ០៣នាក់ ស្ថាប័នតុលាកាតក៏បានធ្វើការចោទប្រកាន់ឈ្មោះ អាឡិចសង់ដ្រូ ហ្គន់ស្សាឡេស ឌីវិសុន ជាជនជាតិអេស្បាញ ដែលជាអតីតប្រធានអង្គការមាតាធម្មជាតិ ពីបទប្រមាថចំពោះអង្គព្រះមហាក្សត្រ និងរួមគំនិតក្បត់ផងដែរ។សូមបញ្ជាក់ថា អង្គការមាតាធម្មជាតិ ត្រូវបានក្រសួងមហាផ្ទៃ ចេញសេចក្តីប្រកាស សម្រេចលុបចោលកាលពីថ្ងៃទី១៥ ខែកញ្ញា ឆ្នាំ២០១៧ បន្ទាប់ពីបានបណ្តេញ លោកអាឡិច ជាប្រធានអង្គការ ចេញពីប្រទេសកម្ពុជាកាលពីអំឡុងខែកុម្ភៈ ឆ្នាំ២០១៥៕អត្ថបទ៖ ប្រាក់ វ៉ាន់ដា

កកស្ទះចរាចរជាច្រើនម៉ោងដោយសារភ្លៀងលាយខ្យល់កន្ត្រាក់ ធ្វើឲ្យរលំប៉ាណូកាត់ទទឹងផ្លូវ

កំពត ៖ ភ្លៀងលាយឡំជាមួយខ្យល់កន្ត្រាក់ កាលពីព្រឹកថ្ងៃទី២១ខែមិថុនានេះ បានធ្វើឱ្យប៉ាណូមួយផ្ទាំងធំដួលរលំគ្របផ្លូវបង្កការកកស្ទះចរាចរជាច្រើនម៉ោង។ ក្នុងស្ថានភាពបែបនេះ ឯកឧត្តមអភិបាលខេត្តកំពត បានចុះពិនិត្យផ្ទាល់ និងបញ្ជាក្រុមជំនាញយកគ្រឿងចក្រកាត់ផ្តាច់ រួចស្ទូចកំណាត់ផ្ទាំងប៉ាណូចេញដើម្បីសម្រួលការធ្វើដំណើរ។មន្ត្រីនៃអាជ្ញាធរស្រុកទឹកឈូ បានរៀបរាប់ថា កាលពីវេលាម៉ោង៦ព្រឹកថ្ងៃទី២១ ខែមិថុនានេះ មានភ្លៀងធ្លាក់លាយឡំជាមួយខ្យល់កន្ត្រាក់ ក្នុងភូមិសាស្ត្រឃុំជុំក្រៀល ឃុំត្រពាំងធំ និងផ្នែកខ្លះទៀតនៃស្រុកទឹកឈូ។ ជាមួយហេតុការណ៍នេះ បានបណ្តាលឲ្យផ្ទាំងប៉ាណូកាត់ទទឹងផ្លូវជាតិលេខ៣៣ (កំពត-កែប) ត្រង់ចំណុចព្រំប្រទល់នៃឃុំជុំក្រៀល និងឃុំត្រពាំងធំ បាក់ដួលរលំបង្កការរាំងស្ទះសម្រាប់អ្នកដំណើរទូទៅ។ ទោះបីមិនមាននរណាម្នាក់រងគ្រោះក្នុងហេតុការណ៍នេះក្តី តែសសរផ្ទាំងប៉ាណូបានសង្កត់លើដំបូលផ្ទះ និងរថយន្តអ្នកភូមិមួយគ្រឿងផងដែរ។មន្ត្រីដដែល បានបញ្ជាក់ថា ដើម្បីសម្រួលដល់ការធ្វើចរាចររបស់អ្នកដំណើរទូទៅ ឯកឧត្តម ជាវ តាយ បានចុះពិនិត្យផ្ទាល់ រួចបញ្ជាក្រុមការងារជំនាញយកគ្រឿងចក្រកាត់ផ្តាច់ និងស្ទូចកំណាត់ផ្ទាំងប៉ាណូចេញក្នុងភាពបន្ទាន់បំផុត៕អត្ថបទ ៖ សារឹម

កម្ពុជាបន្ដរកឃើញមនុស្ស៧៣៥នាក់ឆ្លងកូវីដ-១៩ ខណៈអ្នកជំងឺ៥១៤នាក់ទៀតបានជាសះស្បើយ

ភ្នំពេញ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន៧៣៥នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដ-១៩ចំនួន៥១៤នាក់ទៀតទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន៧០៨នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ២៧នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស១០នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់ ៤៤១នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ៣៨ ០០៣នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៤៣ ៤៤៦នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

សមត្ថកិច្ច ៖ ជនសង្ស័យ ៤នាក់ដែលក្លែងបន្លំជាមន្ត្រីនគរបាលមន្ទីរប្រឆាំងគ្រឿងញៀន ធ្លាប់ធ្វើសកម្មភាពចាប់ពលរដ្ឋសម្លុតយកប្រាក់ច្រើនលើកមកហើយ

ភ្នំពេញ ៖ សមត្ថកិច្ចជំនាញបើកកិច្ចប្រតិបត្តិការបង្ក្រាបក្រុមជនសង្ស័យ ៤នាក់ ក្លែងបន្លំជាមន្ត្រីនគរបាល នៃមន្ទីរប្រឆាំងបទល្មើសគ្រឿងញៀន ហើយធ្វើសកម្មភាពចាប់ប្រជាពលរដ្ឋ ជំរិតយកប្រាក់ នៅក្នុងភូមិសាស្ត្ររាជធានីភ្នំពេញ ។តាមការស្រាវជ្រាវសមត្ថកិច្ច បញ្ជាក់ថា កន្លងទៅក្រុមសង្ស័យទាំង៤នាក់នេះ ធ្លាប់បានធ្វើសកម្មភាពចាប់ពលរដ្ឋសម្លុតយកប្រាក់ច្រើនលើក ច្រើនសារមកហើយ នៅក្នុងភូមិសាស្ត្ររាជធានីភ្នំពេញ ។សមត្ថកិច្ចមន្ទីរប្រឆាំងបទល្មើសគ្រឿងញៀន នារសៀលថ្ងៃទី២០ ខែមិថុនា ឆ្នាំ២០២១ ប្រាប់ឲ្យដឹងថា ការបង្ក្រាបក្រុមជនសង្ស័យក្លែងបន្លំជាមន្ត្រីនគរបាល នៃមន្ទីរប្រឆាំងគ្រឿងញៀននេះ គឺបន្ទាប់ពីបានទទួលព័ត៌មានជាបន្តបន្ទាប់ពីប្រជាពលរដ្ឋ និងកម្លាំងសមត្ថកិច្ច នៃអធិការដ្ឋាននគរបាលខណ្ឌដង្កោ ដោយមានជនសង្ស័យមួយក្រុម បង្ហាញអត្តសញ្ញាណជាសមត្ថកិច្ចនគរបាលប្រឆាំងគ្រឿងញៀន ប្រើប្រាស់មធ្យោបាយរថយន្ត និងម៉ូតូ ធ្វើសកម្មភាពចាប់ប្រជាពលរដ្ឋសម្លុតយកប្រាក់ជាថ្នូរ នៃការដោះលែងវិញ ។ដោយអនុវត្តតាមបញ្ជាលោកនាយឧត្ដមសេនិយ៍សន្តិបណ្ឌិត នេត សាវឿន អគ្គស្នងការនគរបាលជាតិ និង លោកនាយឧត្ដមសេនិយ៍ ម៉ក់ ជីតូ អគ្គស្នងការរងទទួលផែនប្រឆាំងបទល្មើសគ្រឿងញៀន ក្រោមការដឹកនាំផ្ទាល់ពីលោកឧត្ដមសេនីយ៍ឯក ឡឹក វណ្ណៈ នាយកមន្ទីរប្រឆាំងបទល្មើសគ្រឿងញៀន កាលពីថ្ងៃទី១៧ ខែមិថុនា ឆ្នាំ ២០២១ វេលាម៉ោង ២៤ និង០០នាទី នៅចំណុច ភូមិកំរៀង សង្កាត់ព្រៃវែង ខណ្ឌដង្កោ រាជធានីភ្នំពេញ កម្លាំងជំនាញនៃមន្ទីរប្រឆាំងបទល្មើសគ្រឿងញៀន (ក៤) សហការជាមួយកម្លាំងជំនាញ នៃអធិការដ្ឋាននគរបាលខណ្ឌដង្កោ ស្រាវជ្រាវ ឈានទៅបង្រ្កាបជាក់ស្តែងក្រុមក្លែងខ្លួនជាសមត្ថកិច្ចនគរបាល នៃមន្ទីរប្រឆាំងបទល្មើសគ្រឿងញៀន កំពុងធ្វើសកម្មភាពចាប់ប្រជាពលរដ្ឋសម្លុតយកប្រាក់។ជនសង្ស័យ ទាំង ៤នាក់រួមមាន : ១-ឈ្មោះ កេត វីរីយ៉ា ភេទប្រុស អាយុ ៣៥ឆ្នាំ ជនជាតិ ខ្មែរ (មេក្លោងផ្តើមគំនិត) ។ ២-ឈ្មោះ សយ តុលា ភេទប្រុស អាយុ ៣២ឆ្នាំ ជនជាតិ ខ្មែរ (អ្នកសមគំនិត) ។ ៣-ឈ្មោះ ផាន់ វីរ:ភក្តី ភេទប្រុស អាយុ ៣១ឆ្នាំ ជនជាតិខ្មែរ (អ្នកសមគំនិត) ។៤-ឈ្មោះ សល់ ភារ: ភេទប្រុស អាយុ ៣១ឆ្នាំ ជនជាតិ ខ្មែរ (អ្នកសមគំនិត) ។ វត្ថុតាងចាប់យក រួមមាន ៖ 1.រថយន្ត ១គ្រឿង2. ម៉ូតូ ២គ្រឿង3. អាវុធខ្លី (ជ័រ) ១ដើម4. វិទ្យុទាក់ទង ម៉ាក់មូតូរ៉ូឡា ១គ្រឿង5. ឯកសណ្ឋាននគរបាល ២កំប្លេ និង អាវ ១6. មួកនគរបាល ១ 7. ខ្សែក្រវ៉ាត់នគរបាល ១8. អាវគ្រោះ ១ មានផ្លាក់សញ្ញាគ្រឿងញៀន9. អាវកាក់ ១ មានផ្លាក់សញ្ញាគ្រឿងញៀន10. កាបូកដៃមានសញ្ញានគរបាលគ្រឿងញៀន ១11. កាតនគរបាលក្លែងក្លាយ ចំនួន ៣សន្លឹក 12. កាតសារព័ត៌មានកំពង់សោមប៉ុស្តិ៍ ១សន្លឹក13. តេស្តរកសារធាតុញៀន ១តេស្ត14. កាតកម្លាំងមូលដ្ឋានសម្ងាត់ក្លែងក្លាយ ២សន្លឹក(ក៧ ក៥)15. កាតសម្គាល់អាវុធខ្លី ១សន្លឹក16. អត្តសញ្ញាណប័ណ្ណសញ្ជាតិខ្មែរ ១សន្លឹក17. កាតចាក់វ៉ាក់សាំង ១សន្លឹក ។ចំពោះបទល្មើសមួយនេះ សមត្ថកិច្ចមន្ទីរប្រឆាំងគ្រឿងញៀនកំពុងកសាងសំណុំរឿងបញ្ជូនជនសង្ស័យ រួមទាំងវត្ថុតាងទៅតុលាការ ដើម្បីចាត់ការបន្តតាមនីតិវិធី ៕តារាវុទ្ធី

ក្រុមហ៊ុន GFX នឹងណាត់ជួបអតិថិជនចាប់ពីថ្ងៃទី២១ មិថុនាតទៅ

ភ្នំពេញ ៖ ក្រុមហ៊ុន ហ្គោលអេហ្វអិកស៍ អ៊ិនវេសម៉ិន (GOLDFX INVESTMENT CO.,LTD) ហៅកាត់ GFX ដែលជា ក្រុមហ៊ុនភា្នក់ឈ្មួញជើងសារឧបករណ៍និស្សន្ទ បានជូនដំណឹងថា ក្រុមហ៊ុននឹងណាត់ជួបគ្រប់អតិថិជនជាជនរងគ្រោះទាំងអស់ដើម្បីបន្តជួបពិភាក្សារកដំណោះស្រាយរួមមួយ ពីការខូចខាតដែលកើតមានពីសកម្មភាពជួញដូរ (Trade) ចាប់ពីថ្ងៃទី២១ ខែមិថុនា ឆ្នាំ២០២១ខាងមុខ។នៅក្នុងសេចក្តីប្រកាសព័ត៌មាន បង្ហាញនៅល្ងាចថ្ងៃទី១៨ ខែមិថុនាកន្លងទៅ ក្រុមហ៊ុន GFX បានបញ្ជាក់ថា ការអនុវត្តយន្តការជួបជាមួយគ្រប់អតិថិជនទាំងអស់នេះ ខាងក្រុមហ៊ុននឹងធ្វើការណាត់ជួបជាមួយអតិថិជនម្នាក់ៗតាមលេខទូរសព្ទ ដើម្បីអញ្ជើញមកទីស្នាក់ការក្រុមហ៊ុនដែលស្ថិតនៅសង្កាត់បឹងកក់១ ខណ្ឌទួលគោក រាជធានីភ្នំពេញ ដើម្បីពិភាក្សារកដំណោះស្រាយរួមមួយ។ ក្រុមហ៊ុន ក៏បានស្នើឲ្យអតិថិជនអត់ធ្មត់ និងរងចាំចំណាត់ការនៃយន្តការរបស់ក្រុមហ៊ុនជាបន្តបន្ទាប់ ផងដែរ។ទាក់ទងលិខិតនេះ ក្រុមវិនិយោគិននៅក្នុងបណ្តាញសង្គមហ្វេសប៊ុក មួយចំនួន បានបង្ហាញការយល់ព្រម និងមួយចំនួនផ្សេងទៀតហាក់មិនពេញចិត្តទេ ដោយសារការរងចាំដំណោះស្រាយ ដែលគិតមកទល់ពេលនេះមានរយៈពេលជិត៣ខែហើយ។ យ៉ាងណាក៏ដោយ វិនិយោគិនទាំងអស់នោះសង្ឃឹមថា ក្រុមហ៊ុននឹងដោះស្រាយបញ្ហានេះ ឲ្យបានឆាប់រហ័សនិងល្អប្រសើរ ហើយអ្វីដែលពួកគាត់ចង់បាន គឺសុំតែប្រាក់ដើមត្រឡប់មកវិញប៉ុណ្ណោះ។សូមបញ្ជាក់ថា ក្រុមហ៊ុន GOLDFX INVESTMENT ជាក្រុមហ៊ុនឯកជនទទួលខុសត្រូវមានកម្រិតស្របច្បាប់ និងជាភ្នាក់ងារឈ្មួញជើងសារឧបករណ៍និស្សន្ទ ដែលទទួលអាជ្ញាប័ណ្ណស្របច្បាប់ពីគណៈកម្មការមូលបត្រកម្ពុជា ដែលសំដៅទៅការជួញដូរលើរូបិយប័ណ្ណអន្តរជាតិ ប្រេងឆៅ និងមាសជាដើម៕អត្ថបទ ៖ ឈិត បូរ៉ាវី

បណ្ដាញសង្គម

ព័ត៌មានថ្មីៗ

គ្រោះរាំងស្ងួតនៅស៊ែរប៊ី បង្កផលប៉ះពាល់ធ្ងន់ធ្ងរដល់ប្រជាកសិករ និងការចិញ្ចឹមសត្វ

រដ្ឋបាលខេត្តស្វាយរៀងរៀបចំវេទិការផ្ដល់ឱកាសជូនដល់ពលករមកពីប្រទេសថៃចុះឈ្មោះស្វែងរកការងារធ្វើ

សេចក្តីរាយការណ៍៖ អ៊ីស្រាអែល និងស៊ូដង់ខាងត្បូង ជជែកគ្នាពីការផ្ទេរជនប៉ាឡេស្ទីនទាំងបង្ខំ

យោធាអ៊ីស្រាអែល ប្រាប់ថា ខ្លួនបានយល់ព្រមលើផែនការ សម្រាប់ការវាយលុកថ្មី នៅហ្កាហ្សា

រុស្ស៊ីចាត់ទុកការទូតរបស់អឺរ៉ុប ជុំវិញបញ្ហាអ៊ុយក្រែនថា «មិនមានសារៈសំខាន់»

ទួរគី៖ កងជីវពលឃឺដ YPG គួរតែបញ្ឈប់ពន្យារពេលការធ្វើសមាហរណកម្មជាមួយស៊ីរី

រដ្ឋមន្រ្តីសុខាភិបាល ណែនាំដល់ថ្នាក់ដឹកនាំសុខាភិបាល បង្កើនការយកចិត្តទុកដាក់ខ្ពស់ទប់ស្កាត់ជំងឺគ្រុនឈាម ពិសេសចំពោះស្ត្រីមានផ្ទៃពោះ ទារក និងកុមារ ក្នុងរដូវវស្សានេះ

មនុស្ស ២នាក់ស្លាប់ ក្រោយអគ្គិភ័យឆាបឆេះអគារផ្ទះល្វែងនៅទីក្រុង Bukit Merah ប្រទេសសិង្ហបុរី

អេស្តូនីបណ្តេញអ្នកការទូតរុស្ស៊ី ខណៈទីក្រុងមូស្គូ ប្រាប់ថា នឹងសងសឹក

ទីក្រុងម៉ានីល៖យន្តហោះចម្បាំងចិនហោះស្កាត់យន្តហោះហ្វីលីពីននៅលើតំបន់ថ្មប៉ប្រះទឹកជម្លោះ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

ជនសង្ស័យ ០៣នាក់ ត្រូវបាននគរបាលឃាត់ខ្លួនពាក់ព័ន្ធករណីឃាតកម្មគិតទុកជាមុន បង្កជនរងគ្រោះស្លាប់

២០ថ្ងៃ រកឃើញកូវីដ-១៩លើពលករមកពីថៃតាមច្រកខេត្តឧត្ដរមានជ័យ ១៧៩នាក់ បីនាក់ប្រភេទថ្មី

អាជ្ញាធរខេត្តរតនគិរី ក្រើនរំលឹកពលរដ្ឋឱ្យប្រុងប្រយ័ត្ន ខណៈកំពុងផ្ទុះការឆ្លងកូវីដ-១៩

កម្ពុជាបន្ដរកឃើញមនុស្ស៦៧៨នាក់ឆ្លងកូវីដ-១៩ ខណៈអ្នកជំងឺ៧៦៣នាក់ទៀតបានជាសះស្បើយ

តុលាការសម្រេចឃុំខ្លួនយុវជន ០៣នាក់ ក្រោមការចោទប្រកាន់បទប្រមាថចំពោះអង្គព្រះមហាក្សត្រ និងរួមគំនិតក្បត់

កកស្ទះចរាចរជាច្រើនម៉ោងដោយសារភ្លៀងលាយខ្យល់កន្ត្រាក់ ធ្វើឲ្យរលំប៉ាណូកាត់ទទឹងផ្លូវ

កម្ពុជាបន្ដរកឃើញមនុស្ស៧៣៥នាក់ឆ្លងកូវីដ-១៩ ខណៈអ្នកជំងឺ៥១៤នាក់ទៀតបានជាសះស្បើយ

ក្រុមហ៊ុន GFX នឹងណាត់ជួបអតិថិជនចាប់ពីថ្ងៃទី២១ មិថុនាតទៅ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

២០​ថ្ងៃ រកឃើញ​កូ​វីដ​-១៩​លើ​ពលករ​មកពី​ថៃ​តាម​ច្រក​ខេត្តឧត្ដរមានជ័យ ១៧៩​នាក់ ​បីនាក់​ប្រភេទ​ថ្មី​

អាជ្ញាធរខេត្ត​រតនគិរី​ ក្រើនរំលឹក​ពលរដ្ឋ​ឱ្យ​ប្រុងប្រយ័ត្ន​ ខណៈ​កំពុង​ផ្ទុះ​ការ​ឆ្លង​កូ​វីដ​-១៩

កម្ពុជា​បន្ដ​រក​ឃើញ​មនុស្ស​៦៧៨នាក់​​ឆ្លង​កូវីដ-១៩​ ខណៈ​អ្នក​ជំងឺ​៧៦៣នាក់​ទៀត​បាន​​ជា​សះ​ស្បើយ

កកស្ទះ​ចរាចរ​ជាច្រើន​ម៉ោង​ដោយសារ​ភ្លៀង​លាយ​ខ្យល់​កន្ត្រាក់​ ធ្វើឲ្យ​រលំ​ប៉ាណូ​កាត់​ទទឹងផ្លូវ

កម្ពុជា​បន្ដ​រក​ឃើញ​មនុស្ស​៧៣៥នាក់​​ឆ្លង​កូវីដ-១៩​ ខណៈ​អ្នក​ជំងឺ​៥១៤នាក់​ទៀត​បាន​​ជា​សះ​ស្បើយ

ក្រុមហ៊ុន GFX នឹង​ណាត់​ជួប​អតិថិជន​ចាប់ពី​ថ្ងៃទី​២១ មិថុនា​តទៅ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

២០ថ្ងៃ រកឃើញកូវីដ-១៩លើពលករមកពីថៃតាមច្រកខេត្តឧត្ដរមានជ័យ ១៧៩នាក់ បីនាក់ប្រភេទថ្មី

អាជ្ញាធរខេត្តរតនគិរី ក្រើនរំលឹកពលរដ្ឋឱ្យប្រុងប្រយ័ត្ន ខណៈកំពុងផ្ទុះការឆ្លងកូវីដ-១៩

កម្ពុជាបន្ដរកឃើញមនុស្ស៦៧៨នាក់ឆ្លងកូវីដ-១៩ ខណៈអ្នកជំងឺ៧៦៣នាក់ទៀតបានជាសះស្បើយ

កកស្ទះចរាចរជាច្រើនម៉ោងដោយសារភ្លៀងលាយខ្យល់កន្ត្រាក់ ធ្វើឲ្យរលំប៉ាណូកាត់ទទឹងផ្លូវ

កម្ពុជាបន្ដរកឃើញមនុស្ស៧៣៥នាក់ឆ្លងកូវីដ-១៩ ខណៈអ្នកជំងឺ៥១៤នាក់ទៀតបានជាសះស្បើយ

ក្រុមហ៊ុន GFX នឹងណាត់ជួបអតិថិជនចាប់ពីថ្ងៃទី២១ មិថុនាតទៅ