BTV NEWS

ចៅក្រមស៊ើបសួរសម្រេចឃុំខ្លួនមន្ត្រីនគរបាល-អាវុធហត្ថខេត្តកំពត និងអ្នកទទួលផលចោរកម្មសរុបចំនួន ៤៧នាក់

អាជ្ញាធររាជធានីភ្នំពេញ បន្តប្រតិបត្តិការបោសសម្អាត Online Scams ត្រួតពិនិត្យ ៨០ ទីតាំងទៀត និងផាកពិន័យម្ចាស់ទីតាំងរស់នៅប្រមូលផ្ដុំចំនួន ៤ទីតាំង

អាវុធហត្ថរាជធានីភ្នំពេញ បង្ក្រាបទីតាំងលក់សម្ភារៈអាសអាភាសចំនួន ៣កន្លែង ឃាត់ខ្លួនជនសង្ស័យ ៩នាក់

គណៈបញ្ជាការឯកភាពរាជធានី បន្តចុះបង្ក្រាប Online Scams នៅសង្កាត់ចាក់អង្រែលើ ឃាត់មនុស្ស១៦នាក់

សន្តិសុខ និង សង្គម

ខេត្តក្រចេះសម្រេចបិទខ្ទប់ផ្សារស្នួល និងបរិវេណជុំវិញផ្សារជាបណ្ដោះអាសន្នដើម្បីទប់ស្កាត់ការរាលដាលនៃកូវីដ-១៩

ក្រចេះ៖ រដ្ឋបាលខេត្តក្រចេះសម្រេចបិទខ្ទប់ទីតាំងផ្សារស្នួល និងបរិវេណជុំវិញផ្សារជាបណ្ដោះអាសន្នចាប់ពីថ្ងៃនេះ ដើម្បីទប់ស្កាត់ការឆ្លងរីករាលដាលនៃមេរោគកូវីដ-១៩ នេះបើតាមសេចក្ដីសម្រេចរបស់អភិបាលខេត្តក្រចេះ លោក វ៉ា ចន នៅថ្ងៃនេះ។អភិបាលខេត្ត លោក វ៉ា ថន បានសម្រេចឱ្យបិទផ្សារស្នួល និងផ្លូវជុំវិញផ្សារមួយនេះ ដែលស្ថិតនៅក្នុងស្រុកស្នួល ចាប់ពីម៉ោង ២រសៀលថ្ងៃនេះ រហូតដល់មានការជូនដំណឹងជាថ្មី។បើតាមសេចក្ដីសម្រេច អាជ្ញាធរបានហាមឃាត់ការចេញ-ចូលទីតាំងផ្សារមួយនេះជាបណ្ដោះអាសន្ន ហើយស្រាវជ្រាវរកអ្នកពាក់ព័ន្ធដោយផ្ទាល់ និងដោយប្រយោលសម្រាប់យកសំណាក និងធ្វើចត្តាឡីស័ក៕

តួលេខអ្នកឆ្លងកូវីដ-១៩សរុបទូទាំងប្រទេសកម្ពុជា បានកើនឡើងលើស ៨ម៉ឺនករណីហើយគិតត្រឹមថ្ងៃនេះ

ភ្នំពេញ៖ តួលេខអ្នកឆ្លងមេរោគកូវីដ-១៩សរុបនៅទូទាំងប្រទេសកម្ពុជា បានកើនឡើងលើស ៨ម៉ឺនករណីហើយគិតត្រឹមថ្ងៃនេះ បន្ទាប់ពីក្រសួងសុខាភិបាលបានចេញតួលេខថ្មីប្រចាំថ្ងៃ។ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាលបញ្ជាក់ថា មនុស្សចំនួន ៥៩១នាក់បន្ថែមទៀត ត្រូវបានរកឃើញឆ្លងមេរោគកូវីដ-១៩ ក្នុងនោះមនុស្ស ៤០៨នាក់ ត្រូវបានរកឃើញឆ្លងមេរោគផ្លូវដង្ហើមនេះដោយពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ ហើយមនុស្ស ១៨៣នាក់ ត្រូវបានរកឃើញឆ្លងមេរោគផ្លូវដង្ហើមនេះ បន្ទាប់ពីពួកគេវិលត្រឡប់មកពីក្រៅប្រទេស។បើតាមក្រសួងសុខាភិបាល ករណីឆ្លងសរុប បានកើនឡើងដល់ចំនួន ៨០,២២៥នាក់ហើយគិតត្រឹមថ្ងៃនេះ ក្នុងនោះករណីឆ្លងចំនួន ១១,៥៣៥ករណី ត្រូវបានរកឃើញលើអ្នកដំណើរមកពីក្រៅប្រទេស។ចំណែកឯចំនួនមនុស្សស្លាប់វិញ ក្រសួងសុខាភិបាលបញ្ជាក់ថា បានកើនឡើងដល់ ១,៥០៧នាក់ហើយ បន្ទាប់ពីមនុស្ស ១៩នាក់បន្ថែមទៀត បានស្លាប់បាត់បង់ជីវិតដោយសារជំងឺកូវីដ-១៩នេះ។បើតាមក្រសួងសុខាភិបាល អ្នកជំងឺកូវីដ-១៩ចំនួន ៧៣,៤២១នាក់ហើយ ត្រូវបានព្យាបាលជាសះស្បើយពីជំងឺនេះឡើងវិញ ក្នុងនោះមានទាំងអ្នកជាសះស្បើយចំនួន ៦១៨នាក់ ដែលក្រសួងប្រកាសនៅថ្ងៃនេះផងដែរ៕

អាជ្ញាធររាជធានីភ្នំពេញ សម្រេចបិទខ្ទប់ផ្សារទួលសង្កែ ដើម្បីទប់ស្កាត់ការឆ្លងរាលដាលនៃមេរោគកូវីដ-១៩បំប្លែងខ្លួនថ្មី

ភ្នំពេញ ៖ អាជ្ញាធររាជធានីភ្នំពេញសម្រេចបិទខ្ទប់ផ្សារទួលសង្កែស្ថិតនៅក្នុងខណ្ឌឫស្សីកែវ បន្ទាប់ពីទីតាំងមួយនេះ ត្រូវបានរកឃើញករណីឆ្លងមេរោគកូវីដ-១៩បំប្លែងខ្លួនថ្មីដែលតា។ក្នុងសេចក្ដីសម្រេចនៅថ្ងៃនេះ អភិបាលរាជធានីភ្នំពេញ លោក ឃួង ស្រេង បានហាមឃាត់ការចេញ-ចូលទីតាំងផ្សារទួលសង្កែរយៈពេល ២សប្ដាហ៍ ចាប់ពីថ្ងៃនេះរហូតដល់ថ្ងៃទី១៨ ខែសីហាខាងមុខនេះ។លោក ឃួង ស្រេង បានបញ្ជាក់ថា អាជ្ញាធររាជធានីភ្នំពេញ សម្រេចបែបនេះ ដើម្បីទប់ស្កាត់ និងកាត់ផ្ដាច់ការឆ្លងរាលដាលនៃមេរោគបំប្លែងខ្លួនប្រភេទដែលតានៅក្នុងសហគមន៍។ក្រៅពីហាមឃាត់ការចេញ-ចូលហើយនោះ អាជ្ញាធររាជធានីភ្នំពេញ ក៏តម្រូវឱ្យអាជីវករ អតិថិជន បុគ្គលិក កម្មករ និងសន្តិសុខផ្សារមួយនេះ ផ្ដល់សំណាកសម្រាប់ពិនិត្យរកមេរោគ និងតម្រូវឱ្យធ្វើចត្តាឡីស័កផងដែរ។អាជ្ញាធររាជធានីភ្នំពេញ បញ្ជាក់ផងដែរថា ផ្សារទួលសង្កែ ដែលមានទីតាំងស្ថិតក្នុងភូមិចុងខ្សាច់ សង្កាត់ទួលសង្កែទី១ ត្រូវបានបិទខ្ទប់ជាបណ្ដោះអាសន្នបែបនេះ បន្ទាប់ពីរកឃើញករណីផ្ទុះឡើងនៃការឆ្លងមេរោគកូវីដ-១៩បំប្លែងខ្លួនថ្មី៕

មនុស្សចំនួន១៨នាក់ បានបញ្ជូនទៅតុលាការ ក្រោយពីពួកគេល្មើសនឹងបំរាមគោចររបស់អាជ្ញាធរ

ភ្នំពេញ ៖ មនុស្សយ៉ាងតិចចំនួន១៨នាក់ ត្រូវបានកងកម្លាំងស្នងការនគរបាលរាជធានីភ្នំពេញ ធ្វើសំណុំរឿងបញ្ជូនទៅកាន់តុលាការ និងយានយន្តចំនួន១៣២៦គ្រឿង បានឃាត់ទុក និងពិន័យ ក្រោយពីពួកគេបានល្មើសធ្ងន់ធ្ងរ ទៅនឹងបំរាមគោចរ របស់រដ្ឋអាជ្ញាធររាជធានីភ្នំពេញ ចាប់ពីយប់ថ្ងៃទី៣០ ខែកក្កដារហូតដល់យប់ថ្ងៃទី៤ ខែសីហា ឆ្នាំ២០២១នេះ។ នេះបើតាមអ្នកនាំពាក្យ ស្នងការរដ្ឋាននគរបាលរាជធានីភ្នំពេញ។ថ្លែងប្រាប់ទូរទស្សន៍BTV តាមរយៈទូរស័ព្ទ នៅព្រឹកថ្ងៃទី៥ ខែសីហានេះ លោក វរសេនីយ៍ឯក សាន សុខសីហា អ្នកនាំពាក្យស្នងការនគរបាលរាជធានីភ្នំពេញ បានឲ្យដឹងថា ចាប់ពីយប់ថ្ងៃទី៣០ ខែកក្កដា រហូតមកដល់យប់ថ្ងៃទី៤ ខែសីហានេះ គឺមានរយៈពេល៦យប់ហើយ ដែលកងកម្លាំងនគរបាលរាជធានភ្នំពេញ បានធ្វើការរឹតបន្តឹងបំរាមគោចរ ដើម្បីទប់ស្កាត់ការរីករាលដាលនូវមេរោគកូវីដបំប្លែងថ្មី deltaនេះប៉ុន្តែរយៈពេល២យប់ចុងក្រោយនេះ គឺអាជ្ញាធរធ្វើការរឹតបន្តឹងខ្លាំងដោយធ្វើការឃាត់ខ្លួនមនុស្សចំនួន៣៨នាក់ និងយានយន្តចំនួន១៣២៦នាក់ ដោយក្នុងនោះបានធ្វើការពិន័យរួចរាល់ចំនួន៣៥២គ្រឿង ខណៈនៅសល់ទៀតបានយកទៅរក្សាទុកនៅតាមបណ្តាខណ្ឌនីមួយៗ ដែលបានរឹតបន្តឹងនោះ។លោក សាន សុខសីហា បញ្ជាក់ទៀតថា ចាប់ពីពេលនេះ តទៅសម្រាប់បុគ្គលដែលល្មើសនឹងបំរាមគោលចរ ហើយមានការជួបជុំគ្នាសេពគ្រឿងស្រវឹង សមត្ថកិច្ចនឹងចាប់វាយខ្នោះអនុវត្តទៅតាមផ្លូវច្បាប់ ដោយមិនមែនការអប់រំណែនាំ ឬលើកលែងអ្វីទៀតឡើយ ខណៈវិធានការក្តៅរបស់អាជ្ញាធររាជធានីភ្នំពេញនេះ ធ្វើឡើងក្នុងន័យទប់ស្កាត់ការរាលដាលជំងឺកូវីដ-១៩ ជាពិសេសប្រភេទdeltaនេះ ដែលបានរកឃើញមានអ្នកវិជ្ជមានជាបន្តបន្ទាប់ក្នុងរាជធានីភ្នំពេញនោះ។ជាមួយគ្នានោះដែរ លោកវរៈសេនីយ៍ឯក សាន សុខសីហា ក៏បានធ្វើការអំពាវនាវដល់បងប្អូនទាំងអស់បើមិនចាំបាច់ទេគប្បីកុំចេញក្រៅឲ្យសោះ ខណៈការអនុវត្តរបស់អាជ្ញាធរនេះ គឺដើម្បីសេចក្តីសុខរបស់បងប្អូនទាំងអស់គ្នាតែប៉ុណ្ណោះ ពុំមានការរឹតត្បិតសិទ្ធិសេរីភាពរបស់បងប្អូននោះទេ។ លោក ក៏បានអំពាវនាវដល់បងប្អូនទាំងអស់បើមិនអាណិតខ្លួនឯងទេ គប្បីអាណិតដល់ក្រុមគ្រូពេទ្យ និងជាអាជ្ញាធរ ដែលពួកគាត់ខិតខំទាំងយប់ទាំងថ្ងៃ ដោយមិនបានចូលផ្ទះជួបប្រពន្ធកូន ឱពុកម្តាយរបស់ពួកគាត់ ដើម្បីតែសុខុមាលភាព និងអាយុជីវិតរបស់បងប្អូនទាំងអស់គ្នាឲ្យរួចផុតពីជំងឺដ៏កាចសាហាវនេះ៕អត្ថបទ ៖ បាន ចក់

រថយន្តសណ្ដោងកុងតឺន័រមួយគ្រឿងបើកគេចពីរថយន្តដឹកដីធ្លាក់ចូលប្រឡាយក្រឡាប់ផ្ងារជើង

ភ្នំពេញ៖ រថយន្តសណ្តោងកុងទ័រន័រមួយគ្រឿងបើកបរខ្វះការប្រុងប្រយ័ត្ន វ៉ាកជាមួយនិងរថយន្តដឹកដីមួយ គ្រឿងបើកខាងមុខរេចង្កូតធ្លាក់ ប្រឡាយទឹក ក្រឡាប់ផ្ងារជើងតែសំណាងល្អក្នុងហេតុការណ៍នោះមិនបណ្ដាលឲ្យមនុស្សរងរបួសនោះទេ។ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង ២ និង ១០ នាទីរសៀលថ្ងៃទី ០៤ ខែសីហាឆ្នាំ ២០២១ តាមបណ្ដោយផ្លូវមហាវិថីឈ្នះឈ្នះនៅចំណុចមុខរណ្ដៅដី ភូមិកប់ស្រូវតូច សង្កាត់គោករកាខណ្ឌព្រែកព្នៅ រាជធានីភ្នំពេញ។ តាមប្រភពព័ត៌មាននៅកន្លែងកើតហេតុបានឲ្យដឹងថា នៅមុនពេលកើតហេតុគេឃើញរថយន្តសណ្តោងកុងទ័រន័រ ពណ៌ទឹកប្រាក់ ពាក់ស្លាកលេខភ្នំពេញ 4A -1222 បានធ្វើដំណើរតាមបណ្ដោយមហាវិថីឈ្នះឈ្នះក្នុងទិសដៅពីលិចមកកើតមកដល់ចំណុចកើតហេតុបានវ៉ាក នឹងរថយន្តដឹកដីមួយគ្រឿង ក៏បានរ៉េចង្កូតមកស្តាំដៃធ្លាក់ចូលប្រឡាយទឹកក្រឡាប់ផ្ងារជើងតែសំណាងល្អនៅក្នុងហេតុការណ៍គ្រោះថ្នាក់ចរាចរណ៍នៅមិនបានបណ្តាលឲ្យមនុស្សណាម្នាក់រងរបួសឡើយ។ ក្រោយកើតហេតុអ្នកបើកបររថយន្តកុងទ័រន័របានបើកទ្វាររត់គេចខ្លួនបាត់បន្សល់ទុករថយន្តនៅកន្លែងកើតហេតុ។ ក្រោយកើតហេតុសមត្ថកិច្ចមូលដ្ឋានបានចុះទៅដល់ទីកន្លែងកើតហេតុ ដោយសារតែរថយន្តមិនបង្កគ្រោះថ្នាក់ដល់អ្នកធ្វើដំណើរតាមដងផ្លូវក៏ដូចជាទ្រព្យសម្បត្តិសាធារណៈ សមត្ថកិច្ចបាប្រគល់រថយន្តឲ្យទៅម្ចាស់ រួចស្ទូចយកទៅជួសជុលដោយខ្លួនឯង៕អត្ថបទ៖ កុម្ភះ

អាជ្ញាធរក្រុងខេរមភូមិន្ទ ឆ្មក់ចាប់រថយន្តដឹកដីដែលមិនគោរពច្បាប់អាជីវកម្មរ៉ែសំណង់

កោះកុង ៖ ក្រុមអាជ្ញាធរសមត្ថកិច្ចក្រុងខេមរភូមិន្ទ និងមន្ទីរសាធារណការខេត្តកោះកុង បានឆ្មក់ចុះចាប់ម្ចាស់រថយន្តដឹកជញ្ជូនអាចម៍ដី ដែលមិនគោរពតាមច្បាប់អាជីវកម្មរ៉ែសំណង់ ពុំខ្វាយខ្វល់នឹងការបង្កគ្រោះថ្នាក់ធ្វើដំណើរតាមផ្លូវជាតិលេខ៤៨ ខេត្តកោះកុង។នេះមិនមែនជាវិធានការលើកទី១ទេ ដែលចុះឃាត់ និងអប់រំណែនាំដល់ក្រុមម្ចាស់អាជីវកម្មរថយន្តដឹកអាចម៍ដី គ្រួស និងថ្មក្នុងភូមិសាស្រ្តក្រុងខេមរភូមិន្ទ ខេត្តកោះកុង ខណៈពួកគេហាក់មិនខ្វល់នឹងអាចម៍ដី គ្រួស ថ្ម ជុះធ្លាក់រាយប៉ាយពេញផ្លូវគ្មានការទទួលខុសត្រូវ។លោក ឈេង សុវណ្ណដា អភិបាលក្រុងខេមរភូមិន្ទ គូសបញ្ជាក់ព្រឹកថ្ងៃទី៤ ខែសីហានេះថា រូបលោក បានសហការជាមួយលោក អន ដាវុធ ប្រធានមន្ទីរសាធារណការ និងដឹកជញ្ជូនខេត្តកោះកុង ព្រមទាំងសមត្ថកិច្ចនគរបាលក្រុងចុះឆ្មក់ឃាត់ម្ចាស់រថយន្តដឹកដីទាំងនោះបញ្ជូនទៅអធិការដ្ឋានក្រុងខេមរភូមិន្ទអប់រំ ផាកពិន័យតាមច្បាប់ នៅព្រឹកថ្ងៃទី៤ ខែសីហានេះ។លោក ឈេង សុវណ្ណដា អះអាងថា លោកពិតជាមិនចង់បង្កការរំខានដល់ការប្រកបអាជីវកម្មរបស់អាជីករនោះទេ ពោលគឺបញ្ហានេះ អាជ្ញាធរបានអប់រំណែនាំផ្សព្វផ្សាយជាច្រើនលើកច្រើនសារមកហើយថា សុំឱ្យពួកគាត់ចូលរួមគោរពច្បាប់ ប៉ុន្តែពួកគេហាក់ភ្លេចត្រចៀកផ្គើនមិនខ្វាយខ្វល់ គ្រាអាជ្ញាធររវល់ដោះស្រាយទប់ស្កាត់រឿងកូវីដ១៩។ចំណែកឯលោក អន ដាវុធ ប្រធានមន្ទីរសាធារណការ និងដឹកជញ្ជូនខេត្តកោះកុង លើកឡើងថា រថយន្តដឹកដីចំនួន១០គ្រឿង ត្រូវបានឃាត់យកទៅធ្វើកិច្ចសន្យា និងផាកពិន័យតាមច្បាប់។ លោកនឹងបន្តសហការលើយុទ្ធនាការឆ្មក់ចាប់រថយន្តល្មើសទាំងនោះគ្រប់ពេលវេលា ដើម្បីឱ្យអាជីវករងាកមកគោរពច្បាប់ឡើងវិញ ជៀសវាងបង្កការគ្រោះថ្នាក់ចរាចរណ៍តាមដងផ្លូវ ហើយផលប៉ះពាល់សោភណ្ឌភាពបរិស្ថាន។ក្រុមពលរដ្ឋក៏ចាត់ទុកថា ទង្វើរកស៊ីធ្វើអាជីវកម្មផ្ទុយនឹងច្បាប់នេះថានឹងកំពុងបង្កគ្រោះថ្នាក់ចរាចរណ៍យ៉ាងសម្បើមណាស់ ដល់អ្នកដំណើរទូទៅ លើកំណាត់ផ្លូវជាតិលេខ៤៨ ខណៈក្រុមអ្នកដឹកដីខាងលើមួយថ្ងៃៗ ដឹងតែពីប្រមូលលុយចូលហៅប៉ៅខ្លួនឯង និងបក្សក្រុមមួយចំនួនតូច ប៉ុណ្ណោះ។ ដូច្នេះពលរដ្ឋស្នើសុំឱ្យលោកជំទាវ មិថុនា ភូថង អភិបាលខេត្តកោះកុងពិនិត្យដកហូតអាជ្ញាប័ណ្ណលើម្ចាស់អាជីវកម្មរ៉ែសំណង់ណាដែលតែងតែល្មើសច្បាប់ដោយទុកធ្វើជាគំរូអាក្រក់ដល់អាជីវករដ៏ទៃទៀត៕អត្ថបទ ឈឹម មករា

កម្ពុជាបន្ដរកឃើញមនុស្ស៥៨៣នាក់ឆ្លងកូវីដ-១៩ ខណៈអ្នកជំងឺ៦៥៨នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន៥៨៣នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន៦៥៨នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន៤២៦នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ១៥៧នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស១៧នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់១ ៤៨៨នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប៧២ ៨០៣នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៧៩ ៦៣៤នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

ឃាត់ខ្លួនមនុស្សជាង៥០០នាក់ ដើម្បីអប់រំ និងពិន័យពេលអនុវត្តបំរាមគោចរក្នុងរាជធានីភ្នំពេញនៅយប់ថ្ងៃទី៣នេះ

ភ្នំពេញ ៖ កងកម្លាំងនៃស្នងការនគរបាលរាជធានីភ្នំពេញ នៅយប់ថ្ងៃទី៣ ខែសីហា ឆ្នាំ២០២១នេះ បានឃាត់ខ្លួនមនុស្សចំនួន៥៤៨នាក់ ដើម្បីយកមកអប់រំបន្ថែម និងធ្វើការផាកពិន័យបានល្មើសនឹងបំរាមគោចររបស់អាជ្ញាធរ ដើម្បីទប់ស្កាត់ការរីករាលដាលនូវមេរោគកូវីដ១៩បំប្លែងថ្មី delta ។យោងតាមលទ្ធផលអនុវត្តវិធានការច្បាប់ចំពោះបុគ្គលដែលល្មើស នឹងវិធានការសុខាភិបាល ដែល ទូរទស្សន៍BTV ទទួលបាននាព្រឹកថ្ងៃទី៤ ខែសីហានេះ បានឲ្យដឹងថា«លទ្ធផលអនុវត្តវិធានការច្បាប់ចំពោះបុគ្គលដែលល្មើស នឹងវិធានការសុខាភិបាល និងវិធានការរដ្ឋបាល សម្រាប់ថ្ងៃទី ០៣ ខែសីហា ឆ្នាំ២០២១នេះ ៖ កាអនុវត្តវិធានការច្បាប់មានចំនួន ៣៧២ ករណី ក្នុងនោះ ដូចជាឃាត់ខ្លួន (អប់រំ និងពិន័យ) ចំនួន ៥៤៨ នាក់ ,ឃាត់យានយន្ត ចំនួន ២១៥គ្រឿង និងធ្វើការពិន័យជាប្រាក់ ចំនួន ៣២លានរៀលផងដែរ»។សូមបញ្ជាក់ថា រាជធានីភ្នំពេញ ចាប់ផ្តើមនៃការអនុវត្តបំរាមគោចរមានរយៈពេល០៤យប់កន្លងមកនេះ គឺចាប់ពីយប់អធ្រាត្រថ្ងៃទី៣០ ខែ កក្កដា រហូតដល់យប់ថ្ងៃទី០១ ខែសីហា ឆ្នាំ២០២១ត្រូវគេមើលឃើញថា មានអ្នកបើយានយន្តល្មើសបំរាមគោចរមួយចំនួនត្រូវបានផាកពិន័យ ក្នុងនោះម៉ូតូ០១គ្រឿង ចំនួន២០ម៉ឺនរៀល និងរថយន្ត០១គ្រឿង០១លានរៀល ដើម្បីជាការព្រមាន។រាជធានីភ្នំពេញការអនុវត្តវិធានការរដ្ឋបាលមានរយៈពេល១៤ថ្ងៃគឺចាប់ពីថ្ងៃទី៣០ ខែកក្កដា រហូតដល់ថ្ងៃទី១២ ខែសីហា ឆ្នាំ២០២១។នៅក្នុងប្រតិបត្តិការបម្រាមគោចរនេះ ឧត្តមសេនីយ៍ឯក ស ថេត អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានជំរុញដល់កម្លាំងនគរបាលរាជធានីភ្នំពេញទាំងអស់គ្រប់ពេលប្រតិបត្តិការ ត្រូវបង្កើន និងចាត់វិធានការអនុវត្តបំរាមគោចរនៅក្នុងភូមិសាស្រ្តរាជធានីភ្នំពេញឱ្យបានតឹងរ៉ឹងបំផុតចំពោះអ្នកល្មើសបំរាមគោចរ ដើម្បីទប់ស្កាត់វីរុសកូវីដ១៩បំប្លែងថ្មី (delta) ឱ្យកាន់តែមានប្រសិទ្ធភាពបន្ថែមទៀត ហើយមន្រ្តីខ្លួនឯងក៏ត្រូវមានការប្រុងប្រយ័ត្នខ្ពស់ផងដែរ ក្នុងពេលចុះបំពេញការងារនោះ។ ជាងនេះទៅទៀត ឯកឧត្តមឧត្តមសេនីយ៍ឯក បានព្រមានចាត់វិធានការក្តៅដោយនឹងចាប់វាយខ្នោះភ្លាមៗផងដែរ ចំពោះអ្នកល្មើសបម្រាបគោចរ ដោយគ្មានការណែនាំបន្តទៀតនោះឡើយ ជាពិសេសអ្នកផឹកស៊ីជួបជុំគ្នា និងបើកហាងផឹកស៊ីជាដើមនោះ៕អត្ថបទបាន ចក់

ស្នងការរាជធានីភ្នំពេញ ព្រមានចាត់វិធានការក្តៅ និងចាប់វាយខ្នោះភ្លាមៗ ចំពោះអ្នកល្មើសបំរាមគោចរ ចាប់ពីយប់ថ្ងៃទី៣ខែសីហានេះតទៅ

ភ្នំពេញ ៖ ស្នងការរាជធានីភ្នំពេញ ព្រមានចាត់វិធានការក្តៅដោយនឹងចាប់វាយខ្នោះភ្លាមៗ ចំពោះអ្នកល្មើសបម្រាបគោចរ ចាប់ពីយប់ថ្ងៃទី៣ខែសីហានេះតទៅ ដោយគ្មានការណែនាំបន្តទៀតនោះឡើយ ជាពិសេសអ្នកផឹកស៊ីជួបជុំគ្នា និងបើកហាងផឹកស៊ីជាដើម។ឧត្តមសេនីយ៍ឯក ស ថេត អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ ក៏បានជំរុញបន្ថែម ដល់កម្លាំងនគរបាលរាជធានីភ្នំពេញទាំងអស់ ត្រូវបង្កើន និងចាត់វិធានការ អនុវត្តបំរាមគោចរនៅក្នុងភូមិសាស្រ្តរាជធានីភ្នំពេញ ឱ្យបានតឹងរ៉ឹងបំផុត ចំពោះអ្នកល្មើសបំរាមគោចរ ដើម្បីទប់ស្កាត់វីរុសកូវីដ១៩ បំប្លែងថ្មី(delta) ឱ្យកាន់តែមានប្រសិទ្ធភាពបន្ថែមទៀត ហើយមន្រ្តីខ្លួនឯងក៏ត្រូវមានការប្រុងប្រយ័ត្នខ្ពស់ផងដែរ ក្នុងពេលចុះបំពេញការងារ។ឧត្តមសេនីយ៍ឯក ស ថេត ស្នងការរាជធានីភ្នំពេញ ថ្លែង ក្នុងឱកាសដែលដឹកនាំកិច្ចប្រជុំបូកសរុបលទ្ធផលការងារសន្តិសុខ រក្សាសណ្តាប់សុវត្ថិភាពសង្គម ប្រចាំខែកក្កដា និងលើកទិសដៅការងារប្រចាំខែសីហា ឆ្នាំ២០២១ របស់ស្នងការដ្ឋាននគរបាលរាជធានីភ្នំពេញតាម តាមវីដេអូ ZOOM នាព្រឹកថ្ងៃទី៣ ខែសីហា ឆ្នាំ២០២១នេះ ដោយមានការចូលរួមពីលោក-លោកស្រីស្នងការរង នាយការិយាល័យជំនាញទាំង៣៣ និងលោកអធិការនៃអធិការដ្ឋាននគរបាលខណ្ឌទាំង១៤ ចំណុះស្នងការដ្ឋាននគរបាលរាជធានីភ្នំពេញ។ឯកឧត្តមឧត្តមសេនីយ៍ឯក ស ថេត បានលើកឡើងថា ការដាក់បម្រាមគោចរ ជាលើកទីពីរ នៅក្នុងរាជធានីភ្នំពេញ គឺធ្វើឡើងស្របទៅតាមបទបញ្ជារបស់ប្រមុខរាជរដ្ឋាភិបាល ដើម្បីទប់ស្កាត់ការរីករាលដាលនូវមេរោគកូវីដ១៩ ជាពិសេសគឺមេរោគកូវីដ១៩ បំប្លែងថ្មីប្រភេទDeltaនេះតែម្តង ខណៈមេរោគដ៏កាចសាហាវនេះ បានកំពុងធ្វើចរាចរណ៍នៅទឹកដីប្រទេសកម្ពុជាយើង ។ តាមរបាយការណ៍របស់ក្រសួងសុខាភិបាល បានបញ្ជាក់ថា មេរោគដែលតាថ្មីនេះ បានកើតឡើងនៅទឹកដីកម្ពុជា ជាង២០០ករណីហើយ។ឯកឧត្តមឧត្តមសេនីយ៍ បានបញ្ជាក់ទៅកងកម្លាំងនគរបាលរាជធានីភ្នំពេញទាំងអស់ ត្រូវបង្កើនចាត់វិធានការការអនុវត្តបំរាមគោចរនៅក្នុងភូមិសាស្រ្តរាជធានីភ្នំពេញឱ្យបានតឹងរ៉ឹងថែមទៀតចំពោះអ្នកល្មើសបំរាមគោចរ ដើម្បីទប់ស្កាត់វីរុសកូវីដ១៩បំប្លែងថ្មី delta ឱ្យកាន់តែមានប្រសិទ្ធភាព និងណែនាំដល់កងកម្លាំងដែលចុះអនុវត្តបំរាមគោចរក៏ត្រូវប្រុងប្រយ័ត្ន និងគិតពីសុវត្ថិភាពផ្ទាល់ខ្លួនឱ្យបានខ្ពស់បំផុតផងដែរកុំឱ្យឆ្លងវីរុសកូវីដ១៩បំប្លែងថ្មីនេះ ពីព្រោះវីរុសបំប្លែងថ្មីបង្កឱ្យគ្រោះថ្នាក់ធ្ងន់ធ្ងរដល់អាយុជីវិតជាងវីរុសកូវីដ១៩ ធម្មតាទៅទៀតនោះ។សូមបញ្ជាក់ថា រាជធានីភ្នំពេញចាប់ផ្តើមនៃការអនុវត្តបំរាមគោចរមានរយៈពេល០៣យប់កន្លងមកនេះ គឺចាប់ពីយប់អធ្រាត្រថ្ងៃទី៣០ ខែកក្កដា រហូតដល់យប់ថ្ងៃទី០១ ខែសីហា ឆ្នាំ២០២១ត្រូវគេមើលឃើញថា មានអ្នកបើយានយន្តល្មើសបំរាមគោចរមួយចំនួនត្រូវបានផាកពិន័យ ក្នុងនោះម៉ូតូ០១គ្រឿងចំនួន២០ម៉ឺនរៀល និងរថយន្ត០១គ្រឿង០១លានរៀល ដើម្បីជាការប្រមាន។ រាជធានីភ្នំពេញការអនុវត្តវិធានការរដ្ឋបាលមានរយៈពេល១៤ថ្ងៃ គឺចាប់ពីថ្ងៃទី៣០ ខែកក្កដា រហូតដល់ថ្ងៃទី១២ ខែសីហា ឆ្នាំ២០២១៕អត្ថបទ បាន ចក់

កម្ពុជាបន្ដរកឃើញមនុស្ស៥៧៧នាក់ឆ្លងកូវីដ-១៩ ខណៈអ្នកជំងឺ៦២៨នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន៥៧៧នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន៦២៨នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន៣៥៣នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ២២៤នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស២៩នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់១ ៤៧១នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប៧២ ១៤៥នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៧៩ ០៥១នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

បណ្ដាញសង្គម

ព័ត៌មានថ្មីៗ

អ្នកចរចាជាន់ខ្ពស់៖ គ្មានកិច្ចព្រមព្រៀងជាមួយអាមេរិកនោះទេ រហូតដល់សិទ្ធិពលរដ្ឋអ៊ីរ៉ង់ត្រូវបានធានា

ក្រុមហ៊ុនអាកាសចរណ៍ហូឡង់ KLM លុបចោលជើងហោះហើរទៅកាន់ប្រទេសអ៊ូហ្គង់ដា ដោយសារជំងឺអេបូឡា

ចិនបញ្ជូនក្រុមគ្រូពេទ្យជំនាញទៅជួយទប់ស្កាត់ការរីករាលដាលឆ្លងជំងឺអេបូឡានៅកុងហ្គោ

នាយករដ្ឋមន្រ្តីអ៊ីស្រាអែល បញ្ជាឲ្យវាយប្រហារកាន់តែជ្រៅទៅក្នុងប្រទេសលីបង់

ការវាយប្រហាររបស់អ៊ីស្រាអែលសម្លាប់មនុស្ស ២នាក់នៅហាងកាហ្វេតំបន់ហ្កាហ្កា

អ៊ីរ៉ង់ បញ្ជាក់ថា ខ្លួននឹងមិនស្ទាក់ស្ទើរជួយលីបង់ទប់ទល់ការឈ្លានពានខុសច្បាប់របស់អ៊ីស្រាអែលឡើយ

នាយករដ្ឋមន្ត្រីជប៉ុន ប្រាប់ថា ជប៉ុនចង់ឃើញអ៊ីរ៉ង់បង្ហាញភាពបត់បែន សម្រាប់កិច្ចព្រមព្រៀងជាមួយអាមេរិក

វិមានក្រឹមឡាំង៖ ការស្ទាក់ចាប់នាវាដឹកប្រេងដោយបារាំង នៅមហាសមុទ្រអាត្លង់ទិក គឺ «ខុសច្បាប់»

លោក Trump បញ្ជាក់ថា អ៊ីរ៉ង់ពិតជាចង់ធ្វើកិច្ចព្រមព្រៀងជាមួយសហរដ្ឋអាមេរិក

បារាំង និងឥណ្ឌូនេស៊ី ពង្រឹងកិច្ចសហប្រតិបត្តិការការពារជាតិ និងថាមពល

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

តួលេខអ្នកឆ្លងកូវីដ-១៩សរុបទូទាំងប្រទេសកម្ពុជា បានកើនឡើងលើស ៨ម៉ឺនករណីហើយគិតត្រឹមថ្ងៃនេះ

មនុស្សចំនួន១៨នាក់ បានបញ្ជូនទៅតុលាការ ក្រោយពីពួកគេល្មើសនឹងបំរាមគោចររបស់អាជ្ញាធរ

រថយន្តសណ្ដោងកុងតឺន័រមួយគ្រឿងបើកគេចពីរថយន្តដឹកដីធ្លាក់ចូលប្រឡាយក្រឡាប់ផ្ងារជើង

អាជ្ញាធរក្រុងខេរមភូមិន្ទ ឆ្មក់ចាប់រថយន្តដឹកដីដែលមិនគោរពច្បាប់អាជីវកម្មរ៉ែសំណង់

កម្ពុជាបន្ដរកឃើញមនុស្ស៥៨៣នាក់ឆ្លងកូវីដ-១៩ ខណៈអ្នកជំងឺ៦៥៨នាក់ទៀត ត្រូវបានព្យាបាលជាសះស្បើយ

ឃាត់ខ្លួនមនុស្សជាង៥០០នាក់ ដើម្បីអប់រំ និងពិន័យពេលអនុវត្តបំរាមគោចរក្នុងរាជធានីភ្នំពេញនៅយប់ថ្ងៃទី៣នេះ

កម្ពុជាបន្ដរកឃើញមនុស្ស៥៧៧នាក់ឆ្លងកូវីដ-១៩ ខណៈអ្នកជំងឺ៦២៨នាក់ទៀត ត្រូវបានព្យាបាលជាសះស្បើយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

មនុស្សចំនួន១៨នាក់ បានបញ្ជូនទៅតុលាការ ក្រោយពីពួកគេល្មើសនឹងបំរាមគោចររបស់អាជ្ញាធរ

រថយន្តសណ្ដោងកុងតឺន័រមួយគ្រឿងបើកគេចពីរថយន្តដឹកដីធ្លាក់ចូលប្រឡាយក្រឡាប់ផ្ងារជើង

អាជ្ញាធរក្រុងខេរមភូមិន្ទ ​ឆ្មក់ចាប់​រថយន្តដឹកដីដែលមិនគោរពច្បាប់អាជីវកម្មរ៉ែសំណង់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អាជ្ញាធរក្រុងខេរមភូមិន្ទ ឆ្មក់ចាប់រថយន្តដឹកដីដែលមិនគោរពច្បាប់អាជីវកម្មរ៉ែសំណង់