BTV NEWS

ចាប់ខ្លួនជនសង្ស័យ៥នាក់ពាក់ពន្ធ័ករណីចាប់ ឃុំឃាំង និងបង្ខាំងមនុស្សដោយខុសច្បាប់

សមត្ថកិច្ចខេត្តមណ្ឌលគិរី និងខេត្តសៀមរាប ឃាត់ខ្លួនជនបរទេសចំនួន១៦២នាក់ ក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យា

ជនបរទេស១៣នាក់ត្រូវបានឃាត់ខ្លួនក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យានៅសៀមរាប

ចៅក្រមស៊ើបសួរសាលាដំបូងរាជធានីភ្នំពេញសម្រេចឃុំខ្លួនជនត្រូវចោទ៨នាក់ជាបណ្តោះអាសន្នពាក់ព័ន្ធអំពើឆបោកតាមឆបោកតាមប្រព័ន្ធអនឡាញ

សន្តិសុខ និង សង្គម

ជ្រូកកើតប៉េស្តអាហ្វ្រិកចំនួន៥០ក្បាល ត្រូវបានដុតកម្ទេចចោលក្រោយរឹបអូសបានពីឈ្មួញទុច្ចរិត

ភ្នំពេញ ៖ ជ្រូកចំនួន៥០ក្បាលទៀត ដែលមានជំងឺប៉េស្តអាហ្វ្រិក ត្រូវបានអគ្គនាយកដ្ឋានសុខភាពសត្វ និងផលិតកម្មសត្វ នៃក្រសួងកសិកម្ម សហការជាមួយអាជ្ញាធរមូលដ្ឋានដុតកម្ទេចចោល ក្រោយពីរឹបអូស បានពីសត្តឃាតដ្ឋានមួយកន្លែង នៅក្នុងខណ្ឌច្បារអំពៅ រាជធានីភ្នំពេញ នាពេលកន្លងមកនេះ។អំឡុងពេលពិធីដុតកម្ទេចចោលជ្រូកមានជំងឺប៉េស្តជ្រូកអាហ្វ្រិក នៅព្រឹកថ្ងៃទី៣ ខែមិថុនានេះ ឯកឧត្តម តាន់ ផាន់ណារ៉ា អគ្គនាយក នៃអគ្គនាយកដ្ឋានសុខភាពសត្វ និងផលិតកម្មសត្វ នៃក្រសួងកសិកម្ម រុក្ខាប្រមាញ់ និងនេសាទ បានបញ្ជាក់ប្រាប់អ្នកសារព័ត៌មានថា ជ្រូក ដែលត្រូវបានដុតកម្ទេចចោល នាពេលនេះ គឺត្រូវបានរឹបអូសពីសត្តឃាតដ្ឋានមួយកន្លែង ក្នុងរាជធានីភ្នំពេញ ក្រោយពីជ្រូកទាំងនេះ ត្រូវបានដឹក មកពីប្រទេសថៃ។ឯកឧត្តម តាន់ ផាន់ណារ៉ា បានបញ្ជាក់ថា ជ្រូកកើតជំងឺប៉េស្តអាហ្វ្រិកនេះ វានឹងធ្វើឱ្យមានផលប៉ះ ពាល់យ៉ាងខ្លាំងដល់សុខភាព ក៏ដូចជាសេដ្ឋកិច្ចរបស់ប្រជាពលរដ្ឋ ប្រសិនបើវានៅមានចរាចរលើទឹកដី កម្ពុជាទៀតនោះ។ តែយ៉ាងណាក៏ដោយ រាជរដ្ឋាភិបាលកម្ពុជា ជាពិសេសក្រសួងកសិកម្ម រុក្ខាប្រមាញ់ និងនេសាទ នឹងខិតខំកម្ចាត់ឱ្យអស់មិនឲ្យមានបន្តទៀតនោះឡើយ ហើយសម្រាប់ឈ្មួញ ឬជនខិលខូច ដែលនាំជ្រូកមានជំងឺទាំងនោះ នឹងត្រូវផ្ដន្ទាទោសទៅតាមច្បាប់ផងដែរ។៥ខែដើមឆ្នាំនេះ អគ្គនាយក នៃអគ្គនាយកដ្ឋានសុខភាពសត្វ និងផលិតកម្មសត្វ នៃក្រសួងកសិកម្ម រុក្ខាប្រមាញ់ និងនេសាទ បានដុតកម្ទេចចោលជ្រូក ដែលកើតជំងឺប៉េស្តអាហ្វ្រិកនេះ ចំនួនបួន លើកមកហើយ ក្រោយពីរឹបអូសបានពីឈ្មួញទុច្ចរិត ចំនួនរាប់រយក្បាលជាបន្តបន្ទាប់នោះ៕អត្ថបទ៖ បាន ចក់

រដ្ឋបាលខេត្តបាត់ដំបង ដាក់បម្រាមគោចរ និងរឹតត្បិតមូលដ្ឋានអាជីវកម្មលក់អាហារ នៅស្រុកកំរៀង១៤ថ្ងៃ

បាត់ដំបង ៖ ខណៈបានរកឃើញជាបន្តបន្ទាប់នៃអ្នកវិជ្ជមានកូវីដ-១៩ នៅក្នុងស្រុកកំរៀង ដើម្បីទប់ស្កាត់ការឆ្លង រាលដាលកាន់តែខ្លាំង រដ្ឋបាលខេត្តបាត់ដំបង ជាបណ្ដោះអាសន្ន សម្រេចដាក់បម្រាមគោចរ និងរឹតត្បិត មូលដ្ឋានអាជីវកម្មលក់អាហារ នៅទីប្រជុំជនក្នុងស្រុកមួយនេះ រយៈពេល១៤ថ្ងៃ គឺចាប់ពីថ្ងៃទី២ ដល់ថ្ងៃ ទី១៤ ខែមិថុនា ឆ្នាំ២០២១ ។យោងតាមសេចក្តីសម្រេចរបស់រដ្ឋបាលខេត្តបាត់ដំបង បានឲ្យដឹងថា ក្នុងស្រុកកំរៀង ត្រឹមរយៈ ពេល៣ថ្ងៃ គឺចាប់ពីថ្ងៃទី៣១ ខែឧសភា ដល់ថ្ងៃទី២ខែមិថុនា បានរកឃើញអ្នកវិជ្ជមានកូវីដ-១៩ ចំនួន៦៨នាក់ជាព្រឹត្តិការណ៍សហគមន៍២០កុម្ភៈ ។សេចក្តីសម្រេច បានបន្តថា បម្រាមគោចរ គឺចាប់ពីម៉ោង១០យប់ ទៅម៉ោង៥ព្រឹក ចំពោះការធ្វើដំណើរចេញចូលតាមគ្រប់មធ្យោបាយ លើកលែងតែរថយន្តដឹកទំនិញក្នុងការនាំចេញ និងចូលទំនិញ ចំណុចច្រកទ្វារព្រំដែនអន្តរជាតិដូង។ មិនអនុញ្ញាតឲ្យមូលដ្ឋានលក់អាហារ ដូចជា ភោជនីយដ្ឋាន ហាងកា ហ្វេ ហាងភេសជ្ជៈ និងទីតាំងលក់អាហារតាមដងផ្លូវសាធារណៈ ទទួលអតិថិជនចូលមកទទួលទាននៅនឹង កន្លែង ប៉ុន្តែអាចលក់ជាលក្ខណៈវេចខ្ចប់បាន។ ករណីមានមូលដ្ឋានអាជីវកម្មលក់អាហារណាមួយ ដែល មិនអនុវត្តតាមសេចក្តីសម្រេចនេះ នឹងត្រូវដកហូតលិខិតអនុញ្ញាតបើកអាជីវកម្ម ឬធ្វើការបិទអាជីវកម្ម ។ក្នុងសេចក្តីសម្រេចមួយទៀត ក្នុងថ្ងៃទី២ ខែមិថុនានោះ រដ្ឋបាលខេត្តបាត់ដំបង បានបិទខ្ទប់ បណ្ដោះអាសន្ននូវទីតាំងចំនួន១៧កន្លែង ក្នុងឃុំចំនួន៣ នៃស្រុកកំរៀង មាននៅឃុំបឹងរាំង ឃុំកំរៀង និង ឃុំអូរដា បន្ទាប់ពីទីតាំងទាំងអស់នោះ បានរកឃើញមុខសញ្ញា ដែលមានវិជ្ជមានកូវីដ-១៩ មកពីខេត្តប៉ៃលិន ចំនួន៦៨នាក់ ដែលការបិទនេះ រហូតដល់មានការសម្រេចជាថ្មី ។ប្រភព បានបន្តថា ចំពោះប្រជាពលរដ្ឋ ដែលមានការពាក់ព័ន្ធផ្ទាល់ និងដោយប្រយោល ជាមួយទី តាំងខាងលើ ត្រូវទៅជួប ឬជូនដំណឹងដល់ក្រុមការងារមន្ត្រីសុខាភិបាលខេត្តបាត់ដំបង ដើម្បីយកសំណាក ទៅធ្វើតេស្តជាបន្ទាន់ ចាប់ពីថ្ងៃទី២ ខែមិថុនា ឆ្នាំ២០២១តទៅ ។ពាក់ព័ន្ធអ្នកឆ្លងជំងឺកូវីដ-១៩ មកពីខេត្តប៉ៃលិននេះ អាជ្ញាធរខេត្តបាត់ដំបង ក៏បានបិទខ្ទប់ទីតាំងផ្ទះ ចំនួន៤ខ្នង នៅស្រុកភ្នំព្រឹក បន្ទាប់ពីប៉ះពាល់ជាមួយអ្នកឆ្លងកូវីដ-១៩ ហើយក៏អំពាវនាវ ដល់អ្នកធ្លាប់ បាន ប៉ះពាល់ដោយផ្ទាល់ និងប្រយោលជាមួយស្ត្រីខាងលើ មកធ្វើសំណាក ដើម្បីតេស្តរកជំងឺកូវីដ១៩ ចាប់ពីថ្ងៃទី២ខែមិថុនា ។គួរបញ្ជាក់ថា ចាប់ពីមានការឆ្លងរាលដាលជំងឺកូវីដ-១៩ គឺខេត្តបាត់ដំបង មានអ្នកជំងឺកូវីដ១៩ ចំនួន៣០៣នាក់ បានព្យាបាលជាសះស្បើយ ចំនួន១០៥នាក់ ស្លាប់ចំនួន២នាក់ និងកំពុងសម្រាកព្យាបាលចំនួន១៩៦នាក់ ៕អត្ថបទ៖ បាន សុខរិទ្ធ

ករណីអ្នករឹងទទឹងមិនអនុវត្តវិធានការរុះរើកញ្ចុះ និងកាយអាចម៍ដីចេញពីមាត់ព្រែកតាតៃ អាជ្ញាធរកសាងសំណុំរឿងទៅតុលាការ

កោះកុង ៖ លោកអភិបាលស្រុកកោះកុង អះអាងជាថ្មីថា បើម្ចាស់ដីណា នៅតែរឹងទទឹងមិនព្រមអនុវត្តតាមវិធានការរបស់រដ្ឋបាលស្រុក តាមការកំណត់ពេលវេលារុះរើកញ្ចុះ និងជីកកាយអាចម៍ដីចេញពីមាត់ព្រែកតាតៃនោះទេ គឺបញ្ជូនសំណុំរឿងទៅតុលាការបន្ត។រយៈពេល៩ថ្ងៃហើយ ដែលឱសានវាទដែលរដ្ឋបាលស្រុកកោះកុង ទុកពេល១ខែ បើគិតចាប់តាំងពីថ្ងៃទី២៧ ខែមេសា ដើម្បីផ្ដល់លទ្ធភាពឱ្យក្រុមម្ចាស់ដី ចំនួន៥ទីតាំងជីកកាយអាចម៍ដី និងរុះរើកញ្ចុះដែលពួកគេ លួចធ្វើសកម្មភាពបំពានច្បាប់ ពុំមានការអនុញ្ញាតពីអាជ្ញាធរ។ក្នុងចំណោមម្ចាស់៥នាក់ខាងលើ មាន៤ម្ចាស់ដី ហើយដែលបានអនុវត្តជីកកាយអាចម៍ចេញពីមាត់ព្រែកតាតៃ តាមការដាក់បទបញ្ជារបស់រដ្ឋបាលស្រុកកោះកុង ចំណែកម្ចាស់ដី១ម្នាក់ទៀតគឺឈ្មោះ គិន ប៊ូកាន ហាក់ពុំអើពើនឹងអនុវត្តតាមឡើយ។លោក ជា សូវី អភិបាលស្រុកកោះកុង បានឱ្យកាលរសៀលថ្ងៃទី២ ខែមិថុនា ម្សិលមិញថា សប្តាហ៍ក្រោយនេះ លោកនឹងចាត់អភិបាលរងទទួលបន្ទុក និងក្រុមមន្ត្រីជំនាញចុះទៅទីតាំងផ្ទាល់ពិនិត្យវាយតម្លៃអំពីអនុវត្តវិធានការខាងលើ ដោយធ្វើរបាយការណ៍បញ្ចប់ចុងក្រោយមួយបញ្ជូនទៅរដ្ឋបាលខេត្ត។លោកអភិបាលស្រុកកោះកុង អះអាងថា រឿងនេះមិនពិបាកយល់ទេ បើគាត់មិនអនុវត្តតាម មានតែបន្តបញ្ជូនសំណុំរឿងទៅតុលាការហើយ។ ប្រសិនបើ លោក គិន ប៊ូកាន ជាមន្ត្រីម្នាក់បម្រើការងារនៅមន្ទីរទេសចរណ៍ខេត្តកោះកុង ពុំព្រមរុះរើកញ្ចុះសំណង់បែបអនាធិបតេយ្យ និងជីកកាយចាក់អាចម៍ចេញពីមាត់ព្រែកតាតៃ តាមវិធានការរដ្ឋបាលស្រុក ដោយអួតអាងមានខ្នងបង្អែកអ្នកធំយ៉ាងណានោះ។ពាក់ព័ន្ធបញ្ហានេះ លោក គិន ប៊ូកាន ជាប្រធានការិយាល័យផ្នែកទេសចរណ៍នៃមន្ទីរទេសចរណ៍ខេត្តកោះកុង បកស្រាយក្រោមហេតុផលយ៉ាងខ្លីថា មូលហេតុដែលមិនទាន់រុះរើសំណង់កញ្ចុះ ក៏ព្រោះស្ថានភាពកូវីដ-១៩ កូនចៅអត់កន្លែងស្នាក់នៅទើបពុំទាន់អនុវត្តបាន។ ចំពោះកាលដែលអាជ្ញាធរស្រុកវាស់វែងកំណត់ តម្រូវឱ្យជីកកាយអាចម៍ដីថ្មីចេញពីមាត់ព្រែកចំនួន២ម៉ែត្រ លោកលើកឡើងថា បើកាយអាចម៍ដីថ្មចេញធ្វើឱ្យប៉ះពាល់គ្រឹះដែលហ៊ុមព័ទ្ធកុំបាក់ដីចូលព្រែក។ កាលពីថ្ងៃទី២៧ ខែមេសា លោក ណឹម ភិរម្យ អភិបាលរងស្រុកកោះកុង បានដាក់បទបញ្ជាឱ្យម្ចាស់ដីចំនួន៥ទីតាំង កុំបន្តជីកកាយដីជើងភ្នំចូលចំនួន៥ម៉ែត្រ ជីកកាយអាចម៍ដីចេញពីមាត់ព្រែកចំនួន២ម៉ែត្រ និងដាំស្តារព្រៃឈើឡើងវិញ៕អត្ថបទ ៖ ឈឹម មករា

មនុស្ស ១០នាក់ បានស្លាប់ដោយពុលស្រានៅពោធិ៍សាត់

ពោធិ៍សាត់៖ មន្ត្រីខេត្តពោធិ៍សាត់បានឱ្យដឹងថា មានករណីស្លាប់ដោយសារពុលស្រាជាបន្តបន្ទាប់ជិត១០នាក់ និងជាច្រើននាក់ទៀតកំពុងតែសង្គ្រោះនៅមន្ទីរពេទ្យ។ នេះបើតាមលោក លាង ទិតដ្ឋាន ប្រធានមន្ទីរព័ត៌មានខេត្តពោធិ៍សាត់ ថ្លែងឱ្យ BTV ដឹងនៅយប់ថ្ងៃទី២ ខែមិថុនា។លោកបន្តថា ហេតុការណ៍នេះបានកើតឡើងនៅភូមិកំពង់ថ្គោល ឃុំអន្សាចំបក់ ស្រុកក្រគរ។ សមត្ថ កិច្ចជំនាញក៏កំពុងតែស្រាវជ្រាវរកអ្នកប្រព្រឹត្ត និងមូលហេតុដែលបណ្ដាលឱ្យមានមនុស្សស្លាប់ ដោ យករណីនេះផងដែរ៕ ដោយ៖ គង់ ឌិន

អាជ្ញាធខេត្តតាកែវ សម្រេចបញ្ចប់ការបិទខ្ទប់ និងបើកឲ្យដំណើរការផ្សារសំរោងយ៉ោងឡើងវិញ

តាកែវ ៖ នៅថ្ងៃទី២ ខែមិថុនានេះ រដ្ឋបាលខេត្តតាកែវ បានសម្រេចបញ្ចប់ការបិទខ្ទប់ និងបើកឲ្យដំណើរការឡើងវិញផ្សារសំរោងយ៉ោង មានទីតាំងស្ថិតនៅភូមិស្មៅខ្ចី ឃុំត្រពាំងសាបស្រុកបាទីខេត្តតាកែវ ។ រដ្ឋបាលខេត្តតាកែវ បានបញ្ជាក់ថា ការបើកឲ្យដំណើរការផ្សារសំរោងយ៉ោងឡើងវិញ បន្ទាប់ពីអាជ្ញាធរបានបិទខ្ទប់ផ្សារនេះ អស់រយៈពេលប្រមាណ២សប្តាហ៍ ដោយសារតែមានអ្នកជំងឺកូវីដ-១៩ បានប៉ះពាល់ដោយផ្ទាល់ និងដោយប្រយោលដែលនាំឲ្យការឆ្លងរីករាលដាលដល់បងប្អូនអាជីវករប្រមាណជាង១០០នាក់។ បើទោះបី អាជ្ញាធរអនុញ្ញាតបើកដំណើរការផ្សារសំរោងយោងឡើងយ៉ាងណាក៏ដោយក៏ប៉ុន្តែបងប្អូនអាជីវករទាំងអស់ត្រូវអនុវត្តវិធានការការពារបីកុំ បីការពារដើម្បីធ្វើយ៉ាងណាទប់ស្កាត់ការឆ្លងរីករាលដាលជំងឺកូវីដ-១៩ តទៅទៀត។ក្នុងនោះ អភិបាលស្រុកបាទីលោក ភូងឈីម បានថ្លែងប្រាប់ថា អាជ្ញាធរស្រុក នឹងយកសេចក្ដីសម្រេចរបស់រដ្ឋបាលខេត្ត ទៅជំរាបបងប្អូនអាជីវករនៅរសៀលថ្ងៃពុធនេះ ហើយបងប្អូនអាជីវករអាចលក់ដូរជាធម្មតាឡើងវិញចាប់ពីពេលជូនដំណឹងនេះតទៅ។បើតាមលោកអភិបាលស្រុក បានអះអាងថា ការបើកឲ្យដំណើរការឡើងវិញរបស់ផ្សារសំរោងយោងបន្ទាប់ពីមន្ត្រីជំនាញសុខាភិបាល បានបន្តយកសម្រាប់បងប្អូនអាជីវករប្រមាណ៥០០នាក់ សាជាថ្មីហើយលទ្ធផលគឺអវិជ្ជមានស្ទើរតែទាំងអស់ ។ ដោយឡែកសម្រាប់បងប្អូនអាជីវករដែលឆ្លងជំងឺកូវី-១៩ ចំនួនជាង១០០នាក់កន្លងមក បានជាសះស្បើយអស់ហើយរហូតមកដល់ពេលនេះ៕ដោយ ៖ គុជ វិភាគ

រដ្ឋបាលរាជធានីភ្នំពេញ បន្តចុះកាត់មែកឈើធំៗនៅតាមដងផ្លូវ ដើម្បីការពារសុវត្ថិភាពដល់អ្នកដំណើរ និងដើម្បីសោភណ្ឌភាពទីក្រុង

ភ្នំពេញ៖ ក្រុមសួនច្បារ និងដើមឈើ នៃរដ្ឋបាលរាជធានីភ្នំពេញ បានបន្តឲ្យកម្លាំងចុះធ្វើការកាត់មែកឈើធំៗ នៅតាមដងផ្លូវនៅក្នុងរាជធានីភ្នំពេញ ជៀសវាងការបាក់រលំ ការបិតបាំងភ្លើងស្តុប សញ្ញាចរាចរណ៍ -ល- និងដើម្បី ការពារសុវត្ថិភាពជូនប្រជាពលរដ្ឋពីគ្រោះធម្មជាតិ ព្រោះជារដូវភ្លៀងលាយលំខ្យល់កន្ទ្រាក់ បក់បោក និងដើម្បីសោភ័ណភាពនៅក្នុងទីក្រុងភ្នំពេញផងដែរ ។ដោយជាក់ស្ដែង នៅព្រឹកថ្ងៃទី០២ ខែមិថុនា ឆ្នាំ២០២១ ក្រុមសួនច្បារនិង ដើមឈើ នៃរដ្ឋបាលរាជធានីភ្នំពេញ បានបន្តសកម្មភាពចុះកាត់មែកឈើ នៅមូលដ្ឋានខណ្ឌ៧មករា នៅតាមបណ្ដោយផ្លូវលេខ១៦៩ (មុខសាលាវិទ្យាល័យបាក់ទូក) អមសងខាងផ្លូវ ចាប់ពីចំណុចស្តុបក្ដាន់ពីរ រហូតដល់ចំណុច ស្ដុបនាងគង្ហីង។សូមបញ្ជាក់ផងដែរ មែកឈើធំៗ តែងតែបាំងបិតភ្លើងសញ្ញាចរាចរណ៍ សញ្ញាភ្លើងស្តុប ធ្វើអោយប្រជាពលរដ្ឋធ្វើដំណើរ ឆ្លងកាត់ពិបាកនឹងមើលភ្លើងសញ្ញាបញ្ជាចរាចរណ៍ ព្រោះត្រូវមែកឈើធ្លាក់បាំងស្ទើតែមើលមិនឃើញតែម្ដង ។ បន្ថែមទៀត រាល់ពេលដែលមានភ្លៀងធ្លាក់ខ្លាំងជាមួយនឹងខ្យល់កន្ទ្រាក់តែងតែមានការបាក់រលំមែកឈើមួយចំនួនទៅលើយានយន្តរបស់ប្រជាពលរដ្ឋនឹងធ្លាក់ទៅលើដងផ្លូវដែលជាការបង្អាក់ដំណើរចរាចរណ៍និងធ្វើអោយកកស្ទះខ្លាំងនៅក្នុងរាជធានីភ្នំពេញ។ ដូច្នេះហើយ រដ្ឋបាលរាជធានីភ្នំពេញ បានបញ្ជាឲ្យកម្លាំងចុះកាត់មែកឈើធំៗដែលងាយបាក់រលំពេលដែលភ្លៀង និងខ្យល់បក់បោកខ្លាំងម្ដងៗ ។ ក្នុងនោះដែរ បងប្អូនប្រជាពលរដ្ឋបានជ្រាបហើយថា នៅរដូវកាលនេះ គឺជាវាគឺជារដូវភ្លៀងធ្លាក់ខ្លាំងលាយលំនិងខ្យល់កន្ទ្រាក់ សូមបងប្អូនប្រជាពលរដ្ឋបង្កើនការការពារសុវត្ថិភាពផ្ទាល់ខ្លួនរាល់ពេលដែលមេឃភ្លៀងខ្លាំងៗម្តងសូមមេត្តាសូមកុំឈប់ ឬចតនៅក្រោមដើមឈើធំៗ ដែលអាចងាយនឹងរងគ្រោះពីការរលំនិងបាក់មែកឈើ៕អត្ថបទ ៖ កុម្ភះ

ខេត្តព្រៃវែងរកឃើញពលរដ្ឋ១៦នាក់ទៀតឆ្លងកូវីដ-១៩ តួលេខឆ្លងសរុបក្នុងខេត្តនេះឡើងដល់៤៧៥នាក់

ព្រៃវែង៖ រដ្ឋបាលខេត្តព្រៃវែង បានប្រកាសថា ពលរដ្ឋចំនួន ១៦នាក់ទៀត ត្រូវបានរកឃើញឆ្លងមេរោគកូវីដ-១៩កាលពីថ្ងៃម្សិលមិញនេះ ក្នុងនោះមានទាំងទារកអាយុ៩ខែ និងកុមារីម្នាក់ផងដែរ។ក្នុងសេចក្ដីជូនដំណឹងនៅថ្ងៃនេះ រដ្ឋបាលខេត្តព្រៃវែង បញ្ជាក់ថា ករណីឆ្លងថ្មីទាំងនេះ ត្រូវបានរកឃើញលើស្ត្រីចំនួន ១៤នាក់ ក្នុងនោះមានពល ការិនីខ្មែរម្នាក់ទើបវិលត្រឡប់ពីប្រទេសថៃផងដែរ។គិតត្រឹមថ្ងៃនេះ ខេត្តព្រៃវែងរកឃើញប្រជាពលរដ្ឋ ៤៧៥នាក់ហើយបានឆ្លងមេរោគកូវីដ-១៩ នៅទូទាំងខេត្តមួយនេះ ក្នុងនោះមនុស្ស ៥នាក់បានស្លាប់។ចំណែកឯអ្នកជាសះស្បើយវិញ រដ្ឋបាលខេត្តព្រៃវែងបញ្ជាក់ថា មានចំនួនសរុប ២០៥នាក់ហើយ ខណៈអ្នកជំងឺ ២៦៥នាក់ទៀត កំពុងស្ថិតក្រោមការព្យាបាលបន្ត៕

កម្ពុជារកឃើញពលរដ្ឋ៧៥០នាក់ ទៀតឆ្លងកូវីដ-១៩ ខណៈមនុស្ស១០នាក់ទៀតបានស្លាប់បាត់បង់ជីវិតដោយសារជំងឺនេះ

ភ្នំពេញ៖ ក្រសួងសុខាភិបាល បានប្រកាសនៅថ្ងៃនេះថា មនុស្ស ៧៥០នាក់ទៀតត្រូវបានរកឃើញឆ្លងមេរោគកូវីដ-១៩ ដែលភាគច្រើនលើសលប់សុទ្ធតែជាប់ពាក់ព័ន្ធទៅនឹងព្រឹត្តិការណ៍សហគមន៍ ២០កុម្ភៈ។ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាលបញ្ជាក់ថា ករណីឆ្លងថ្មីទាំងអស់នេះ ត្រូវបានរកឃើញលើប្រជាពលរដ្ឋ ៧១៦នាក់ដែលបានពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ ខណៈករណីឆ្លងថ្មីចំនួន ៣៤នាក់ទៀត គឺជាករណីនាំចូលពីក្រៅប្រទេស។ក្រសួងសុខាភិបាលក៏បានប្រកាសឱ្យដឹងផងដែរថា អ្នកជំងឺកូវីដ-១៩ចំនួន ១០នាក់ទៀត បានស្លាប់បាត់បង់ជីវិតដោយសារតែជំងឺនេះ ដែលនាំឱ្យតួលេខអ្នកស្លាប់សរុបកើនដល់ ២៣០នាក់ហើយ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៣១ ៤៦០នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក។ប៉ុន្តែ ក្រសួងសុខាភិបាលបញ្ជាក់ថា អ្នកជំងឺកូវីដ-១៩សរុប ២៤ ០៤២នាក់ហើយ ត្រូវបានព្យាបាលជាសះស្បើយឡើងវិញ ក្នុងនោះមានទាំងអ្នកជាសះស្បើយថ្មី ៦៥៣នាក់ ដែលក្រសួងទើបប្រកាសនៅថ្ងៃនេះផងដែរ៕

កម្មករកម្មការិនី២១នាក់ រងរបួសធ្ងន់ស្រាល ក្រោយរថយន្តដឹកពួកគេរ៉េចង្កូតទៅបុកដើមឈើនៅស្រុកឧដុង្គ

ភំ្នពេញ ៖ ស្នងការដ្ឋាននគរបាលខេត្តកំពង់ស្ពឺ បានឱ្យដឹងថា កម្មករកម្មការិនីរហូតដល់ទៅ ២១នាក់ បានរងរបួស បន្ទាប់ពីរថយន្តដឹកពួកគេបានរ៉េចង្កូតទៅបុកនឹងដើមឈើនៅឯស្រុកឧដុង្គ ខេត្តកំពង់ស្ពឺ ។ស្នងការដ្ឋាននគរបាលខេត្តកំពង់ស្ពឺ បានបញ្ជាក់ពីគ្រោះថ្នាក់ចរាចរណ៍លើកម្មករកម្មការិនីរោងចក្រកាត់ដេរបែបនេះ នៅលើទំព័រហ្វេសប៊ុក របស់ខ្លួននៅព្រឹកថ្ងៃនេះ។ស្នងការដ្ឋាននគរបាលខេត្តនេះ បានឱ្យដឹងទៀតថា ហេតុការណ៍គ្រោះថ្នាក់នេះ បានកើតឡើងនៅម៉ោង ៦ព្រឹកថ្ងៃទី០២ ខែមិថុនា នេះនៅត្រង់ភូមិច្បារច្រុះ ស្ថិតក្នុងឃុំក្រាំងចេក ស្រុកឧដុង្គ បន្ទាប់ពីរថយន្តមួយគ្រឿងដែលដឹកកម្មករកម្មការិនីពីស្រុកថ្ពងនោះ បានរ៉េចង្កូតទៅបុកដើមឈើ។បើតាមប្រភពដដែលនេះ កម្មករកម្មការិនី ២១នាក់ បានរងរបួស ក្នុងនោះមានកម្មការិនីចំនួន ៩នាក់ និងមានអ្នករបួសធ្ងន់ចំនួន ៦នាក់។ស្នងការនគរបាលខេត្តកំពង់ស្ពឺ ឱ្យដឹងទៀតថា កម្មករកម្មការិនីទាំងនោះ ត្រូវបានបញ្ជូនទៅសង្គ្រោះបន្ទាន់នៅឯមន្ទីរពេទ្យបង្អែកស្រុកឧដុង្គ និងមន្ទីរពេទ្យឯកជនផងដែរ៕អត្ថបទ៖ បាន ចក់

អាជីវករលក់ទឹកអាល់កុលក្លែងក្លាយ ប្រឈមនឹងការដកអាជ្ញាប័ណ្ណ និងទទួលទោសដាក់ពន្ធធនាគារ

ភ្នំពេញ ៖ អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ បានបញ្ជាក់ថា ចំពោះបុគ្គលរូបណា ដែលល្មើសពាក់ព័ន្ធអាល់កុលក្លែងបន្លំ ឬអាល់កុលក្លែងក្លាយ នឹងប្រឈមមុខចំពោះផ្លូវច្បាប់ ដូចជា ការព្យួរ ការដកហូត ការលុបចោលវិញ្ញាបនបត្រ ឬអាជ្ញាប័ណ្ណ ការពិន័យអន្តរការណ៍ ទោសពិន័យជាប្រាក់ ឬឈានដល់ទោសដាក់ពន្ធធនាគារ។ឯកឧត្តម ផាន អូន អគ្គនាយក នៃអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ នៃក្រសួងពាណិជ្ជកម្ម នៅព្រឹកថ្ងៃទី២ ខែមិថុនា ឆ្នាំ២០២១នេះ បានថ្លែងថា មន្ត្រីស៊ើបអង្កេតក្តី នគរបាលយុត្តិធម៌ក្តី ជានិច្ចកាលអគ្គនាយកដ្ឋាន ក.ប.ប. តែងតែចាត់វិធានការដោយអនុលោមតាមនីតិវិធីច្បាប់ ពិសេសច្បាប់ស្តីពីការគ្រប់គ្រងគុណភាព សុវត្ថិភាព លើផលិតផលទំនិញ និងសេវា និងច្បាប់ស្តីពីកិច្ចការពារអ្នកប្រើប្រាស់ទៅតាមទំហំនៃបទល្មើស ហើយករណីធ្ងន់ធ្ងរកសាងសំណុំរឿងបញ្ជូនទៅតុលាការ។ ឯកឧត្តម ផាន អូន បានបន្ថែមថា ទាក់ទិនករណីខាងលើនេះ ការបង្ក្រាបបទល្មើសពាក់ព័ន្ធអាល់កុលក្លែងបន្លំក្តី ឬអាល់កុលក្លែងក្លាយឆ្នាំ២០២១នេះ មានបរិមាណថយចុះចំនួនប្រមាណជាង ៣០តោន បើធៀបនឹងរយៈពេលដូចគ្នា និងឆ្នាំ២០២០ ដែលមានប្រមាណជាង ៨០តោន។លោក ឆៃ សុវណ្ណ អាជីវករលក់ម៉ាស់ និងអាល់កុល នៅម្តុំផ្លូវ៦០ម៉ែត្រ រាជធានីភ្នំពេញ បានគាំទ្រលើចំណាត់ការខាងលើនេះ ចំពោះបុគ្គលដែលគិតប្រយោជន៍របស់ខ្លួនធំជាងប្រជាពលរដ្ឋដែលទិញយកទៅប្រើប្រាស់ក្នុងគោលបំណងសម្លាប់មេរោគ។សូមបញ្ជាក់ថា គិតក្នុងរយៈពេលពេញ១ខែឧសភា កន្លងទៅនេះ ដោយមានការណែនាំ និងចង្អុលបង្ហាញរបស់ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ បានចុះបង្ក្រាប និងរឹបអូសអាល់កុលក្លែងក្លាយ ឬ មេតាណុលសរុបចំនួនប្រមាណជាង ៥៣តោនឯណោះ៕អត្ថបទ ៖ ឈិត បូរ៉ាវី

បណ្ដាញសង្គម

ព័ត៌មានថ្មីៗ

ឯកឧត្ដមរដ្ឋមន្ត្រី ជា វ៉ាន់ដេត អញ្ជើញជាចូលរួមកម្មវិធីជាមួយវិស័យឯកជននិងទីភ្នាក់ងារជំនាញនៃប្រទេសម៉ាឡេស៊ី

បុរសប៉ាឡេស្ទីនជម្លៀសខ្លួនពិបាកស្វែងរកស្បៀងអាហារសម្រាប់ក្រុមគ្រួសាររបស់លោកនៅតំបន់ហ្កាហ្សា

លោក Trump៖ អ៊ុយក្រែន គឺជាអ្នកសម្រេចដោយផ្ទាល់ ជុំវិញការដោះដូរដែនដី

អេស្ប៉ាញទទួលបានយន្តហោះទម្លាក់ទឹក Canadair ចំនួន ២គ្រឿងពីបារាំង ដើម្បីជួយពន្លត់ភ្លើងឆេះព្រៃ

នគរបាល៖ មនុស្ស ២នាក់ រងរបួសនៅក្នុងហេតុការណ៍បាញ់ប្រហារ ក្បែរវិហារឥស្លាម នៅស៊ុយអែត

ជនប៉ាឡេស្ទីននាំគ្នាប្រញាញចំណីអាហារនៅផ្ទះបាយស៊ុបនៅទីក្រុងហ្កាហ្សា ខណៈវិបត្តិអត់ឃ្លាននៅតែបន្ត

ក្នុងជំនួបរវាងឯកឧត្តម Wang Yi រដ្ឋមន្រ្ដីការបរទេសកម្ពុជា និងថៃ, ភាគីទាំងបីសម្រេចបានកុងសុងស៊ីសចំនួន៥ចំណុច

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចាត់មន្ត្រីចុះសួរសុខទុក្ខ និងផ្តល់អំណោយមនុស្សធម៌ជូនក្រុមគ្រួសាររបស់វីរៈយុទ្ធជន ៦រូប រស់នៅខេត្តសៀមរាប ដែលត្រូវបានចាប់ខ្លួនក្រោយមានបទឈប់បាញ់

រដ្ឋមន្ត្រីអ៊ីស្រាអែលស្តាំនិយមជ្រុលបង្កឲ្យមានការភ្ញាក់ផ្អើល ដោយទៅសួរសុខទុក្ខមេដឹកនាំប៉ាឡេស្ទីន នៅពន្ធនាគារ

លោក Prabowo៖ ថវិកាឆ្នាំ២០២៦ របស់ឥណ្ឌូនេស៊ី ត្រូវបានរៀបចំឡើង ដើម្បីធ្វើឲ្យប្រទេសរឹងមាំ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

ជ្រូកកើតប៉េស្តអាហ្វ្រិកចំនួន៥០ក្បាល ត្រូវបានដុតកម្ទេចចោលក្រោយរឹបអូសបានពីឈ្មួញទុច្ចរិត

រដ្ឋបាលខេត្តបាត់ដំបង ដាក់បម្រាមគោចរ និងរឹតត្បិតមូលដ្ឋានអាជីវកម្មលក់អាហារ នៅស្រុកកំរៀង១៤ថ្ងៃ

មនុស្ស ១០នាក់ បានស្លាប់ដោយពុលស្រានៅពោធិ៍សាត់

អាជ្ញាធខេត្តតាកែវ សម្រេចបញ្ចប់ការបិទខ្ទប់ និងបើកឲ្យដំណើរការផ្សារសំរោងយ៉ោងឡើងវិញ

ខេត្តព្រៃវែងរកឃើញពលរដ្ឋ១៦នាក់ទៀតឆ្លងកូវីដ-១៩ តួលេខឆ្លងសរុបក្នុងខេត្តនេះឡើងដល់៤៧៥នាក់

កម្ពុជារកឃើញពលរដ្ឋ៧៥០នាក់ ទៀតឆ្លងកូវីដ-១៩ ខណៈមនុស្ស១០នាក់ទៀតបានស្លាប់បាត់បង់ជីវិតដោយសារជំងឺនេះ

កម្មករកម្មការិនី២១នាក់ រងរបួសធ្ងន់ស្រាល ក្រោយរថយន្តដឹកពួកគេរ៉េចង្កូតទៅបុកដើមឈើនៅស្រុកឧដុង្គ

អាជីវករលក់ទឹកអាល់កុលក្លែងក្លាយ ប្រឈមនឹងការដកអាជ្ញាប័ណ្ណ និងទទួលទោសដាក់ពន្ធធនាគារ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

មនុស្ស ១០នាក់ បាន​ស្លាប់​ដោយ​ពុលស្រា​នៅពោធិ៍សាត់

អាជ្ញាធ​ខេត្តតាកែវ​ សម្រេច​បញ្ចប់​ការ​បិទខ្ទប់​ និង​បើក​ឲ្យ​​ដំណើរការ​ផ្សារ​សំរោង​យ៉ោ​ង​ឡើងវិញ

អាជីវ​ករ​លក់ទឹក​អាល់កុល​ក្លែងក្លាយ ប្រឈម​នឹង​ការ​ដក​អាជ្ញាប័ណ្ណ ​និង​ទទួលទោស​ដាក់​ពន្ធ​ធនាគារ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

មនុស្ស ១០នាក់ បានស្លាប់ដោយពុលស្រានៅពោធិ៍សាត់

អាជ្ញាធខេត្តតាកែវ សម្រេចបញ្ចប់ការបិទខ្ទប់ និងបើកឲ្យដំណើរការផ្សារសំរោងយ៉ោងឡើងវិញ

អាជីវករលក់ទឹកអាល់កុលក្លែងក្លាយ ប្រឈមនឹងការដកអាជ្ញាប័ណ្ណ និងទទួលទោសដាក់ពន្ធធនាគារ