BTV NEWS

ចាប់ខ្លួនជនសង្ស័យ៥នាក់ពាក់ពន្ធ័ករណីចាប់ ឃុំឃាំង និងបង្ខាំងមនុស្សដោយខុសច្បាប់

សមត្ថកិច្ចខេត្តមណ្ឌលគិរី និងខេត្តសៀមរាប ឃាត់ខ្លួនជនបរទេសចំនួន១៦២នាក់ ក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យា

ជនបរទេស១៣នាក់ត្រូវបានឃាត់ខ្លួនក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យានៅសៀមរាប

ចៅក្រមស៊ើបសួរសាលាដំបូងរាជធានីភ្នំពេញសម្រេចឃុំខ្លួនជនត្រូវចោទ៨នាក់ជាបណ្តោះអាសន្នពាក់ព័ន្ធអំពើឆបោកតាមឆបោកតាមប្រព័ន្ធអនឡាញ

សន្តិសុខ និង សង្គម

ងាប់ត្រីជាច្រើនប្រភេទ ក្នុងស្ទឹងនៅស្រុករតនមណ្ឌល ដោយសារធ្លាយជាតិពុលចេញពីរោងចក្រមួយកន្លែង

បាត់ដំបង ៖ ត្រីតូចធំជាច្រើនប្រភេទ បានពុលងាប់ជាបន្តបន្ទាប់ នៅក្នុងស្ទឹងថ្វាក ស្ថិតក្នុងស្រុករតនមណ្ឌល ខេត្តបាត់ដំបង ដោយសារតែមានការធ្លាយនូវជាតិពុល ចេញពីរោងចក្ររបស់ក្រុមហ៊ុនចិនមួយឈ្មោះ “វ៉ាកាង” នៅបែកខាងក្រោមទំនប់ពហុបំណងសេកសក ។បើតាមប្រជាពលរដ្ឋ ចុះស្រង់ត្រីងាប់អណ្ដែតទឹកស្ទឹង បានឲ្យដឹងថា ករណីនេះ កើតឡើងតាំងពីរសៀលថ្ងៃទី២៦ ដល់ព្រឹកថ្ងៃទី២៧ ខែឧសភា ឆ្នាំ២០២១ ដោយសារធាតុនោះពណ៌ក្រម៉ៅ ល្អក់ បានហូរពេញស្ទឹង ដែលចេញពីរោងចក្រ ទីតាំងដែលហូរចូលនោះ បានប៉ះពាល់ដល់ឃុំចំនួន៣ គឺឃុំត្រែង ឃុំផ្លូវមាស និងឃុំអណ្ដើកហែប ស្រុករតនមណ្ឌល ។ពលរដ្ឋ បានបន្តថា មិនត្រឹមតែប៉ុណ្ណោះ ជាតិពុលនេះ ក៏បានធ្វើឲ្យត្រីក្នុងស្ទឹង បានងាប់ជាច្រើនក្បាល ខណៈសារធាតុនេះ ក៏ធ្វើឲ្យប៉ះពាល់ផងដែរ តំបន់ទេសចរណ៍ស្ទឹងថ្វាក ដែលមានអ្នកទេសចរណ៍ទៅលេង ហើយករណីនេះ ជាលើកទីពីរ ដែលជាតិពុលបានហូរចេញពីរោងចក្រចិនមួយនោះ ។លោក សន និល អធិការនគរបាលស្រុករតនមណ្ឌល បានឲ្យដឹងថា ក្រោយទទួលដំណឹងភ្លាមៗ កម្លាំងនគរបាលស្រុក និងអាជ្ញាធរឃុំ បានចុះទៅកាន់ទីតាំងរោងចក្រចិនខាងលើ ដើម្បីត្រួតពិនិត្យ គឺឃើញថា ជាតិពុលនេះ បានហៀរចេញពីកន្លែងអាងស្តុបទឹកពណ៌លឿង នៃរោងចក្រពិតប្រាកដមែន ដោយសារតែទឹកភ្លៀងខ្លាំងបានហូរច្រោះក្នុងអាងនេះ បណ្តាលឲ្យហៀរទឹកគីមីពុលចូលស្ទឹងតែម្ដង ។លោកអធិការ បានបញ្ជាក់ថា ក្រោយពីចុះពិនិត្យអាជ្ញាធរបានឲ្យម្ចាស់ទីតាំងរោងចក្រខាងលើនេះ បិទកន្លែងធ្លាយចេញពីអាងស្តុកនេះ រួចរាល់ហើយ មិនមានហូរជាតិពុលចេញមកទៀតនោះទេ និងណែនាំឲ្យម្ចាស់រោងចក្រមានការប្រុងប្រយ័ត្ន បើមានលើកក្រោយទៀត នឹងរាយការណ៍ជូនថ្នាក់លើ ដើម្បីចាត់ការតាមច្បាប់ ។បើតាមលោកអនុសេនីយ៍ទោ អ៊ី រស្មាក់ នាយប៉ុស្តិ៍រដ្ឋបាលអណ្ដើកហែប បានឲ្យដឹងថា គិតត្រឹមរសៀលថ្ងៃទី២៧ ខែឧសភា ទឹកក្នុងស្ទឹងបានថ្លា ឡើងវិញហើយ បន្ទាប់ពីចំហាយសារធាតុពណ៌ខ្មៅបានហូរទៅក្រោមអស់ ហើយចំពោះត្រីក្នុងស្ទឹង ត្រង់ចំណុចឃុំនេះ ក៏លែងងាប់ហើយដែរ ៕

បុរសម្នាក់ត្រូវបានបញ្ជូនទៅពន្ធនាគារ ក្រោយរត់ចេញពីមណ្ឌលព្យាបាលជំងឺកូវីដ-១៩

ភ្នំពេញ ៖ បុរសម្នាក់ ដែលបានរត់ចេញពីមណ្ឌលព្យាបាល កូវីដ-១៩ ត្រូវអាវុធហត្ថរាជធានីភ្នំពេញ បញ្ជូនទៅឃុំខ្លួនបណ្តោះអាសន្ននៅពន្ធនាគារព្រៃស (ម១) កាលពីល្ងាច ថ្ងៃទី២៦ ខែឧសភា ឆ្នាំ២០២១ តាមដីកាបង្គាប់ឲ្យឃុំខ្លួនលេខ ៣៥២៣ ខ.ដ.ឃ.ដ ចុះថ្ងៃទី២៦ ខែឧសភា ឆ្នាំ២០២១ របស់ចៅក្រមស៊ើបសួរ រស់ សាម៉ឺឌី បន្ទាប់ពីបុរសរូបនេះ ត្រូវបានព្យាបាលជាសះស្បើយពីជំងឺកូវីដ-១៩រួចរាល់ ។យោងតាមច្បាប់ស្តីពីវិធានការទប់ស្កាត់ការឆ្លងរាលដាលនៃជំងឺកូវីដ-១៩ ការរត់គេចចេញពីមណ្ឌលព្យាបាល ត្រូវប្រឈមនឹង ការផ្តន្ទាទោសដាក់ពន្ធនាគារពី១ឆ្នាំ ទៅ៥ឆ្នាំ និងពិន័យជាប្រាក់ពី ៥លានរៀលទៅ២០លានរៀល តែបើមានការចម្លងដល់អ្នកដទៃ នឹងត្រូវផ្តន្ទាទោសដាក់ពន្ធនាគារពី៥ឆ្នាំ ទៅ១០ឆ្នាំជាមិនខាន។ជាមួយគ្នានេះ អាវុធហត្ថរាជធានីភ្នំពេញ សូមធ្វើការអំពាវនាវជាថ្មីម្តងទៀត ដល់បងប្អូនប្រជាពលរដ្ឋដែល វិជ្ជមានជំងឺកូវីដ-១៩ សូមមេត្តាចូលរួមអនុវត្តតាមវិធានការព្យាបាល របស់ក្រសួងសុខាភិបាល ដោយការ អត់ធ្មត់ដើម្បីឲ្យជាសះស្បើយ ជៀសវាងរត់គេចដែលអាចនាំទុក្ខដល់សុខភាពខ្លួនផង នាំទុក្ខដល់អ្នកដ៏ទៃក្នុងក្រុមគ្រួសារ និងសហគមន៍ផង និង ត្រូវមានទោសទណ្ឌ ជាប់ពន្ធនាគាររយៈពេលវែងផងដែរ។សូមជម្រាបជូនថា បុរសខាងលើ បានព្យាយាមរត់ចេញពីមណ្ឌលព្យាបាលជំងឺកូវីដ-១៩ បង្កការភ្ញាក់ផ្អើល ដល់ក្រុមគ្រូពេទ្យ ដែលប្រចាំការក្នុងមណ្ឌលគ្រប់ៗគ្នា កាលពីល្ងាច ថ្ងៃទី២២ ខែឧសភា ឆ្នាំ២០២១។ បន្ទាប់ពីបានទទួលការស្នើសុំ ឲ្យជួយអន្តរាគមន៍ពីក្រុមគ្រូពេទ្យ កម្លាំង គ-អន្តរាគមន៍ កងរាជអាវុធហត្ថរាជធានីភ្នំពេញ បានចេញ ស្រាវជ្រាវរុករកមុខសញ្ញាតាមបណ្តាភូមិសាស្ត្ររាជធានីភ្នំពេញ រយៈពេលត្រឹមតែ១៥នាទី ក៏រកឃើញអ្នកជំងឺកូវីដ-១៩ម្នាក់នោះ នៅចំណុចផ្លូវ៣៧១ កែងនឹងផ្លូវ២០០២ ទើបសមត្ថកិច្ចអាវុធហត្ថភ្នំពេញ ដែលបានត្រៀមរួចជាស្រេច ជាមួយសំលៀកបំពាក់ ការពារមេរោគ និង ឧបករណ៍ចាប់ពីចម្ងាយស្វ័យប្រវត្តិ ចាប់ឃាត់ខ្លួនអ្នកជំងឺកូវីដ-១៩នោះភ្លាមៗ តែម្តង៕អត្ថបទ ៖ តារាវុទ្ធី

ខេត្តតាកែវ បន្តរកឃើញអ្នកឆ្លងជំងឺកូវីដ-១៩ចំនួន១១នាក់ នៅថ្ងៃនេះ

តាកែវ ៖ ខេត្តតាកែវ បន្ដការរកឃើញអ្នកឆ្លងជំងឺកូវីដ-១៩ ចំនួន១១នាក់ថ្មីបន្ថែមទៀត ដែលជាករណីឆ្លងសហគមន៍ បន្ទាប់ពីបានយកវត្ថុសំណាកជនសង្ស័យទៅធ្វើការវិភាគរកមេរោគកូវីដ-១៩ កាលពីម្សិលមិញ។បើយោងតាមសេចក្ដីជូនដំណឹងរបស់រដ្ឋបាលខេត្តតាកែវ នៅថ្ងៃទី២៧ខែឧសភានេះ បានឲ្យដឹងថា អ្នកឆ្លងជំងឺកូវីដ-១៩ ចំនួន១១នាក់នេះ ជាករណីឆ្លងសហគមន៍ហើយអ្នកជំងឺភាគច្រើនជាអាជីវករ សិស្ស អ្នកលក់ដូ និងបងប្អូនកម្មករ ដែលបំរើការនៅរោងចក្រមួយចំនួន នៅក្នុងខេត្តតាកែវ។រដ្ឋបាលខេត្តតាកែវ ក៏សូមអំពាវនាវដល់លោកលោកស្រីអាជីវករបងប្អូនប្រជាពលរដ្ឋ និងក្រុមគ្រួសារ ដែលធ្លាប់បានប្រាស្រ័យទាក់ទងដោយផ្ទាល់ និងប្រយោលជាមួយអ្នកវិជ្ជមានកូវីដ-១៩ ខាងលើ ត្រូវរាយការណ៍មកអាជ្ញាធរមូលដ្ឋាន ជាបន្ទាន់ និងប្រញាប់រួសរាន់ទៅយកសំណាកដើម្បីវិភាគរកវីរុសកូវីដ-១៩ នៅតាមមន្ទីរពេទ្យបង្អែក ឬមណ្ឌលសុខភាពនៅជិតផ្ទះរបស់លោកអ្នករៀងរាល់ម៉ោងធ្វើការ ហើយត្រូវធ្វើចត្តាឡីស័ក ឲ្យបានត្រឹមត្រូវតាមការណែនាំរបស់ក្រសួងសុខាភិបាល។លោកវេជ្ជបណ្ឌិត នុត ស៊ីណាត ប្រធានមន្ទីរសុខាភិបាលខេត្តតាកែវ បានប្រាប់ទូរទស្សន៍BTV បានឲ្យដឹងថា អ្នកជំងឺកូវីដ-១៩ ដែលចំនួន១១នាក់ ដែលអាជ្ញាធរខេត្តប្រកាសនៅថ្ងៃនេះ ភាគច្រើនជាអ្នករស់នៅក្នុងស្រុកបាទី និងស្រុកសំរោង ហើយពួកគេត្រូវបានដាក់អោយសម្រាកព្យាបាលនៅតាមមន្ទីរពេទ្យបង្អែក នៅក្នុងស្រុកនីមួយៗ ហើយមន្ត្រីជំនាញសុខាភិបាល ក៏កំពុងតែបន្តយកសំណាកអ្នកពាក់ព័ន្ធទៅធ្វើតេស្តរកមេរោគកូវីដ-១៩ បន្តទៀតផងដែរ៕អត្ថបទ ៖គុជ វិភាគ

ចំនួនអ្នកឆ្លងជំងឺកូវីដ-១៩ ក្នុងតំបន់ផ្សារព្រៃទា មានជាង៦០០នាក់ ខណៈអ្នកពាក់ព័ន្ធជាង៤ពាន់នាក់ កំពុងយកសំណាក

ភ្នំពេញ ៖ ចំនួនប្រជាពលរដ្ឋ និងកម្មកររោងចក្រ ក្នុងតំបន់ផ្សារព្រៃទា ខណ្ឌពោធិ៍សែនជ័យ ឆ្លងជំងឺកូវីដ-១៩ មានជាង៦០០នាក់ គិតត្រឹមថ្ងៃទី២៧នេះ ខណៈអាជ្ញាធរបិទខ្ទប់តំបន់ផ្សារព្រៃទា ហាមមិនឱ្យប្រជាពលរដ្ឋ ធ្វើដំណើរចេញ-ចូល។យោងតាមអាជ្ញាធរមូលដ្ឋាន តំបន់ព្រៃទាទាំងមូល ត្រូវបានបិទបណ្តោះអាសន្ន ដើម្បីអាជ្ញាធរមានសមត្ថកិច្ច យកសំណាករបស់ប្រជាពលរដ្ឋ និងកម្មករ មានលំនៅឋានក្នុងតំបន់បិទខ្ទប់ ធ្វើវិភាគរកជំងឺកូវីដ-១៩។រោងចក្រ Hand Seven បានបិទទ្វារបណ្តោះអាសន្នតាំងពីថ្ងៃទី២៣ ខែឧសភា ដើម្បីធ្វើយកសំណាកធ្វើតេស្ត បន្ទាប់ពីសង្ស័យមានការឆ្លងមេរោគ។ ចំនួនកម្មកររោងចក្រ Hand Seven បានពិនិត្យឃើញ ឆ្លងជំងឺកូវីដ-១៩ បានកើនឡើងជាបន្តបន្ទាប់។ កម្មករផ្សេងទៀត បន្ទាប់ពីការយកសំណាក គឺតម្រូវឱ្យធ្វើចត្តាឡីស័ក តាមផ្ទះ និងបន្ទប់ជួលរៀងខ្លួន ដើម្បីតាមដានសុខភាព។អាជ្ញាធរមូលដ្ឋាន បញ្ជាក់ថា ដោយសារកម្មកររោងចក្រ មានឆ្លងជំងឺកូវីដ-១៩ ហើយបានប៉ះពាល់ដោយប្រយោល ជាមួយនឹងប្រជាពលរដ្ឋ ដែលជាអ្នកលក់នៅមុខរោងចក្រ និងមានលំនៅឋាន នៅក្នុងតំបន់រោងចក្រ និងម្ចាស់បន្ទប់ជួលដែលកម្មកររស់នៅ។សូមបញ្ជាក់ថា កាលពីថ្ងៃទី២៥ ខែឧសភា ឆ្នាំ២០២១ កម្លាំងនគរបាលរាជធានីភ្នំពេញ បានចុះសហការជាមួយកម្លាំងគណៈបញ្ជាការឯកភាពខណ្ឌពោធិ៍សែនជ័យ នាំយករនាំងដែក និងដាក់ពង្រាយកម្លាំងបិទខ្ទប់ចំនួន១៤គោលដៅម្តុំផ្សារព្រៃទា សង្កាត់ចោមចៅ៣ ខណ្ឌពោធិ៍សែនជ័យ ។ក្នុងការដាក់ពង្រាយរនាំងដែកនេះ អាជ្ញាធរហាមឃាត់មិនឱ្យប្រជាពលរដ្ឋនៅក្នុងភូមិសាស្ត្រខាងលើធ្វើដំណើរចេញ-ចូល និងមិនអនុញ្ញាតឱ្យប្រជាពលរដ្ឋនៅខាងក្រៅធ្វើដំណើរចូលក្នុងតំបន់នោះទេ ដើម្បីបង្ការទប់ស្កាត់កុំឱ្យមានការឆ្លងរីករាលដាលជំងឺកូវីដ-១៩ ទៅតំបន់ផ្សេងទៀត ។ដោយសារអត្រាឆ្លងថ្មីកើនឡើង រដ្ឋបាលរាជធានីភ្នំពេញ បានកំណត់ ផ្នែកខ្លះនៃភូមិព្រៃទា១ នៃសង្កាត់ចោមចៅទី៣ ខណ្ឌពោធិ៍សែនជ័យ ដែលរោងចក្រ Hand Seven មានទីតាំងក្នុងតំបន់ភូមិសាស្ត្រនេះ ជាតំបន់លឿងទុំសម្រាប់អនុវត្តរយៈពេល ១៤ថ្ងៃ គិតចាប់ពីម៉ោងសូន្យ នាថ្ងៃទី២៧ ខែឧសភា ឆ្នាំ២០២១ រហូតដល់ថ្ងៃទី០៩ ខែមិថុនា ឆ្នាំ២០២១ ដើម្បីទប់ស្កាត់ការឆ្លងរាលដាលនៃជំងឺកូវីដ-១៩ ៕អត្ថបទ ៖ ឈិត បូរ៉ាវី

អ្នកជំងឺកូវីដ-១៩ មួយចំនួននៅមន្ទីរពេទ្យបង្អែកពញាក្រែក ធ្វើតេស្តរកសារធាតុញៀន ខណៈសន្តិសុខត្រូវរឹតបន្តឹង

ត្បូងឃ្មុំ ៖ ក្រោយពីបុរសម្នាក់ ដែលមានជំងឺកូវីដ-១៩ និងញៀនថ្នាំ បានវាយសម្លាប់មន្ត្រីយោធាម្នាក់ ដែលជាអ្នកយាមមន្ទីរពេទ្យបង្អែកស្រុកពញាក្រែក អ្នកជំងឺមួយចំនួននៅក្នុងមន្ទីរពេទ្យនេះ ធ្វើតេស្តរកសារធាតុញៀន ប៉ុន្តែអវិជ្ជមាន ខណៈសន្តិសុខ ត្រូវបានរឹតបន្តឹង។លោកស្រីវេជ្ជបណ្ឌិត ហុង កុសល ប្រធានមន្ទីរពេទ្យបង្អែកស្រុកពញាក្រែក ក្នុងខេត្តត្បូងឃ្មុំ បានប្រាប់BTVនៅថ្ងៃនេះថា បន្ទាប់ពីមានករណីអ្នកជំងឺកូវីដ-១៩ញៀនថ្នាំ បានវាយសម្លាប់មន្ត្រីយោធា ដែល ជាអ្នកយាមមន្ទីរពេទ្យ កាលពីថ្ងៃទី២៥ ខែឧសភានេះមក ចំពោះអ្នកដែលមានវិជ្ជមានកូវីដ-១៩ កំពុងសម្រាកព្យាបាលនៅមន្ទីរបង្អែកនេះទាំងអស់ ត្រូវបានធ្វើតេស្តរកសារធាតុញៀន ហើយក្រុមគ្រូពេទ្យ នឹងសហការជាមួយកងកម្លាំងសមត្ថកិច្ច ដើម្បីរឹតបន្តឹងការយាមកាមបន្ថែមទៀត ដោយមានបំពាក់កាមេរ៉ាសុវត្ថិភាពនៅតាមបន្ទប់នីមួយៗ និងបន្ថែមកងកម្លាំងសមត្ថកិច្ចចំនួន៤ ទៅ៥នាក់ទៀត នៅកន្លែងមណ្ឌលចត្តាឡីស័ក និងមណ្ឌលពិនិត្យព្យាបាលជំងឺកូវីដ-១៩។កាលពីល្ងាចថ្ងៃទី២៥ ខែឧសភា នេះ បុរសម្នាក់ ដែលវិជ្ជមានកូវីដ-១៩ និងញៀនថ្នាំផងនោះ បានធ្វើសកម្មភាពវាយសម្លាប់មន្ត្រីយោធាផ្នែកសឹករងស្រុកពញាក្រែក ដែលត្រូវបានអង្គភាពបញ្ជូនទៅយាមនៅមន្ទីរពេទ្យបង្អែកស្រុកពញាក្រែក។ ក្រោយកើតហេតុ បុរសនេះ ត្រូវបានឃាត់ខ្លួន និងបញ្ជូនទៅដាក់ក្នុងបន្ទប់ដាច់ដោយឡែក ដើម្បីព្យាបាលជំងឺកូវីដ-១៩ និងបន្សាបគ្រឿងញៀន បន្ទាប់មកទៀត នឹងបញ្ជូនទៅតុលាការ ដើម្បីចាត់ការតាមនីតិវិធីច្បាប់៕អត្ថបទ៖ ថុង សីហា

អាជីវកររាប់រយនាក់ នៅផ្សារសាមគ្គីហ៊ុយគាំង ខេត្ដសៀមរាប ធ្វើតេស្ដរកមេរោគកូវីដ-១៩

សៀមរាប ៖ ក្រោយពីរកឃើញអ្នកឆ្លងជំងឺកូវីដ-១៩ម្នាក់ ជាអ្នកលក់ដូរកាហ្វេ នៅក្នុងផ្សារសាមគ្គីហ៊ុយគាំង ស្ថិតនៅក្នុងក្រុងសៀមរាប កាលពីថ្ងៃទី២៥ ខែឧសភានេះ អាជ្ញាធរខេត្ដសៀមរាប បានអំពាវឱ្យអាជីវករ ក៏ដូចជាប្រជាពលរដ្ឋដែលជាប់ពាក់ព័ន្ធ នឹងការចូលទៅក្នុងផ្សារនោះ ធ្វើទៅតេស្ដរកមេរោគកូវីដ-១៩ និងធ្វើចត្ដាឡីស័ក តាមផ្ទះដើម្បីការពារការឆ្លងជំងឺកូវីដ-១៩នេះ។លោក នាក់ ណេរ៉ុន អភិបាលរងខេត្ដសៀមរាប បានមានប្រសាសន៍ថា នៅក្នុងផ្សារនោះ មានអាជីវក ក៏ដូចជាប្រជាពលរដ្ឋរាប់រយនាក់ បានជាប់ពាក់ព័ន្ធដោយផ្ទាល់ និងប្រយោល ព្រោះពួកគាត់ទៅរកទិញកាហ្វេ ឬពិសាកាហ្វេរបស់ស្ដ្រីម្នាក់ដែលមានឈ្មោះ ស៊ុ សុធា ជាអាជីវករលក់ដូរកាហ្វេនៅក្នុងផ្សារនោះ ។ជាមួយគ្នានោះ អ្នកវិជ្ជមានកូវីដ១៩រូបនេះ ក៏បានដើរលក់កាហ្វេនៅកន្លែងផ្សេងៗជាច្រើនកន្លែងទៀត ព្រោះគាត់ជាអ្នកផ្គត់ផ្គង់ ក៏ដូចជាអ្នកបោះដុំកាហ្វេ ដែលអាចធ្វើអោយអាជ្ញាធរព្រួយបារម្ភមានការជាប់ពាក់ព័ន្ធច្រើននាក់។លោក បានបន្ដថា នៅថ្ងៃទី២៦ ខែឧសភានេះ ក្រុមគ្រូពេទ្យបានយកសំណាក់ធ្វើតេស្ដ ក្រុមអាជីវករ នៅខាងមុខផ្សារជាច្រើនរយនាក់ ប៉ុន្ដែមិនទាន់ដឹងថា មានការឆ្លងនៅឡើយ ទេ ព្រោះជាការធ្វើតេស្ដលើកទី១។លោក ថ្លែងថា បើតាមការស្រង់ចំនួនអ្នកលក់ដូរនៅក្នុងផ្សារនោះ មានអាជីវករលក់ដូរប្រមាណជាង៦០០តូប ហើយខ្លះទៀតប្រជាពលរដ្ឋពួកគាត់ក៏បានចូលទៅផ្សារ និងទៅកន្លែងលក់កាហ្វេនោះដែរ។សូមជម្រាបថា កាលពីថ្ងៃទី២៦ ខែឧសភានេះ អាជ្ញាធរខេត្ដសៀមរាប បានសម្រេចបិទការចេញចូល ផ្សារសាមគ្គីហ៊ុយគាំងង ស្ថិតនៅភូមិបន្ទាយចាស់ សង្កាត់ស្លក្រាម ក្រុងសៀមរាប ជាបណ្ដោះអាសន្ន ចាប់ពីថ្ងៃទី២៦ ខែឧសភា ឆ្នាំ២០២១ បន្ទាប់ពីអាជ្ញាធរខេត្ដនេះ បានរកឃើញអ្នកវិជ្ជមានកូវីដ១៩ មកពីរាជធានីភ្នំពេញ នៅក្នុងផ្សារនោះ។ស្ដ្រីវិជ្ជមានកូវីដ-១៩រូបនោះ មកពីរាជធានីភ្នំពេញ ក្នុងតំបន់លឿងទំ ហើយបច្ចុប្បន្ននេះ កំពុងមានជំងឺធ្ងន់ធ្ងរកំពុងសម្រាកព្យាបាលនៅមន្ទីរពេទ្យបង្អែកខេត្ដសៀមរាប ។រដ្ឋបាល ខេត្ដសៀមរាប ក៏បានអំពាវឱ្យអាជីវករ ក៏ដូចជាប្រជាពលរដ្ឋដែលជាប់ពាក់ព័ន្ធ នឹងការចូលទៅក្នុងផ្សារនោះ ធ្វើទៅតេស្ដរកមេរោគកូវីដ-១៩ និងធ្វើចត្ដាឡីស័ក តាមផ្ទះដើម្បីការពារការឆ្លងជំងឺកូវីដ-១៩នេះ៕អត្ថបទ ៖ សាវី

ខេត្តកំពង់ធំ រកឃើញពលរដ្ឋជា ២២នាក់ទៀតឆ្លងកូវីដ-១៩ ភាគច្រើនបានប៉ះពាល់នឹងកម្មករកម្មការិនីរោងចក្រ

កំពង់ធំ៖ រដ្ឋបាលខេត្តកំពង់ធំ បានប្រកាសពីការរកឃើញប្រជាពលរដ្ឋចំនួន ២២នាក់ទៀតបានឆ្លងមេរោគកូវីដ-១៩ ដែលពលរដ្ឋភាគច្រើនបានឆ្លងមេរោគនេះ បន្ទាប់ពីប៉ះពាល់ជាមួយនឹងកម្មកររោងចក្រមកពីខេត្តកំពង់ចាម។ក្នុងសេចក្ដីប្រកាសព័ត៌មានរបស់ខ្លួន រដ្ឋបាលខេត្តកំពង់ធំ បញ្ជាក់ថា ស្ត្រី ៤នាក់ និងបុរសម្នាក់ដែលជាកម្មករកម្មការិនីបម្រើការងារនៅរោងចក្រស្ថិតនៅតំបន់ស្គន់ ត្រូវបានរកឃើញឆ្លងមេរោគកូវីដ-១៩នៅក្នុងដំណើរការតេស្តកាលពីថ្ងៃម្សិលមិញនេះ។ក្រៅពីកម្មករកម្មការិនីទាំង ៥នាក់ហើយនោះ រដ្ឋបាលខេត្តកំពង់ធំក៏បានរកឃើញផងដែរនូវពលរដ្ឋ ១៦នាក់ផ្សេងទៀត ក្នុងនោះមានកុមារ ៦នាក់ផងដែរ បានឆ្លងមេរោគកូវីដ-១៩ បន្ទាប់ពីពួកគេបានប៉ះពាល់ជាមួយក្រុមកម្មករកម្មការិនីរោងចក្រ។ចំណែកឯ ១ករណីទៀត រដ្ឋបាលខេត្តនេះបញ្ជាក់ថា ត្រូវបានរកឃើញលើបុរសម្នាក់អាយុ ២១ឆ្នាំ ដែលធ្វើដំណើរវិលត្រឡប់ទៅពីភ្នំពេញ។គិតត្រឹមថ្ងៃម្សិលមិញនេះ ខេត្តកំពង់ធំរកឃើញមនុស្ស ២១០នាក់បានឆ្លងមេរោគកូវីដ-១៩ ក្នុងនោះអ្នកជំងឺ ៨២នាក់ ត្រូវបានព្យាបាលជាសះស្បើយ ហើយអ្នកជំងឺ ១២៨នាក់ទៀត កំពុងស្ថិតក្រោមការព្យាបាលបន្ត៕

ខេត្តព្រៃវែង រកឃើញមនុស្ស២៥នាក់ទៀតឆ្លងកូវីដ-១៩ សុទ្ធតែពាក់ព័ន្ធនឹងព្រឹត្តិការណ៍២០កុម្ភៈ

ព្រៃវែង៖ រដ្ឋបាលខេត្តព្រៃវែង បានប្រកាសពីការរកឃើញមនុស្ស ២៥នាក់បានឆ្លងមេរោគកូវីដ-១៩កាលពីថ្ងៃម្សិលមិញនេះ ដែលនាំឱ្យចំនួនអ្នកឆ្លងសរុបនៅខេត្តនេះ កើនឡើងដល់ ៣៣០នាក់ហើយ។ក្នុងសេចក្ដីជូនដំណឹងរបស់ខ្លួន រដ្ឋបាលខេត្តព្រៃវែងបញ្ជាក់ថា ករណីឆ្លងថ្មីទាំង ២៥នាក់នេះ ដែលមានស្ត្រី ១៧នាក់ផងនោះ គឺសុទ្ធតែករណីឆ្លងក្នុងសហគមន៍ពាក់ព័ន្ធនឹងព្រឹត្តិការណ៍ ២០កុម្ភៈ។គិតត្រឹមថ្ងៃម្សិលមិញនេះ ខេត្តព្រៃវែងរកឃើញមនុស្សសរុប ៣៣០នាក់ហើយឆ្លងមេរោគកូវីដ-១៩ ក្នុងនោះអ្នកជំងឺ ៤នាក់បានស្លាប់ ហើយអ្នកជំងឺ ១៥២នាក់ទៀត ត្រូវបានព្យាបាលជាសះស្បើយ៕

រដ្ឋបាលខេត្តសៀមរាប សម្រេចបិទផ្សារសាមគ្គី ជាបណ្ដោះអាសន្ន ខណៈរកឃើញវិជ្ជមានកូវីដ-១៩

សៀមរាប ៖ ផ្សារសាមគ្គីហ៊ុយគាំង ស្ថិតនៅភូមិបន្ទាយចាស់ សង្កាត់ស្លក្រាម ក្រុងសៀមរាប ត្រូវបានរដ្ឋបាលខេត្ដសៀមរាប សម្រេចបិទការចេញចូលជាបណ្ដោះអាសន្ន ចាប់ពីថ្ងៃទី២៦ ឧសភា ឆ្នាំ២០២១ បន្ទាប់ពីអាជ្ញាធរខេត្ដនេះ បានរកឃើញអ្នកវិជ្ជមានកូវីដ-១៩ មកពីរាជធានីភ្នំពេញ នៅក្នុងផ្សារនោះ។លោក នាក់ ណេរ៉ុន អភិបាលរងខេត្ដសៀមរាប លោកមានប្រសាសន៍ថា កាលពីថ្ងៃទី២៥ ខែឧសភា ឆ្នាំ២០២១ រដ្ឋបាលខេត្ត បានរកឃើញអ្នកវិជ្ជមានជំងឺកូវីដ-១៩ ថ្មី ចំនួន៣នាក់ និងបានកំពុងសម្រាកព្យាបាលនៅមន្ទីរពេទ្យបង្អែក ខេត្តសៀមរាប ។ ក្នុងចំណោមអ្នកទាំង៣នាក់ មានអ្នកវិជ្ជមានជំងឺកូវីដ-១៩ម្នាក់ ឈ្មោះ ស៊ុ សុធា ភេទស្រី អាយុ៥០ឆ្នាំ ដែលមានអាសយដ្ឋាននៅភូមិស្ពានក្អែក ឃុំកណ្ដែក ស្រុកប្រាសាទបាគង ជាអាជីវករលក់កាហ្វេ យីហោ ឧម៉ាលក់កាហ្វេ នៅប៉ែកខាងមុខឈាងខាងលិច នៃផ្សារសាមគ្គី។ ស្ត្រីរូបនេះ បានធ្វើដំណើរទៅចូលពិធីបុណ្យសពសាច់ញាតិនៅរាជធានីភ្នំពេញ នៅចន្លោះថ្ងៃទី៨-៩ ខែឧសភា ឆ្នាំ២០២១ និងបានធ្វើដំណើរត្រឡប់មកខេត្តសៀមរាបវិញតាមរថយន្តក្រុង នៅថ្ងៃទី១០ ខែឧសភា ឆ្នាំ២០២១។លោក បន្ដថា នៅថ្ងៃទី២៣ ខែឧសភានេះ ស្ដ្រីរូបនោះ បានជិះផាស់អាប់ទៅមន្ទីរពេទ្យខ្លួនឯងទើបដឹងថា វិជ្ជមានកូវីដ-១៩ ។លោក បន្ដថា បច្ចុប្បន្នស្ត្រីលក់កាហ្វេរូបនោះ មានជំងឺធ្ងន់ធ្ងរហើយកំពុងសម្រាកព្យាបាលនៅមន្ទីរពេទ្យបង្អែកខេត្ដសៀមរាប។លោក នាក់ ណេរ៉ុន បានបន្ថែមថា ស្ដ្រីឆ្លងជំងឺកូវីដ១៩នេះ បានឆ្លងកាត់ទីតាំងជាច្រើនទៀត ព្រោះគាត់ជាអ្នកលក់កាហ្វេបោះដុំផង និងលក់រាយផងដែលអាជ្ញាធរកំពុងតាមដានទីតាំងដែលគាត់មានការជាប់ពាក់ព័ន្ធ។ជាមួយគ្នានេះ អាជ្ញាធរអំពាវនាវដល់បងប្អូនប្រជាពលរដ្ឋ ដែលពាក់ព័ន្ធដោយផ្ទាល់ ឬ ដោយប្រយោលជាមួយអ្នកវិជ្ជមានខាងលើ ឬធ្លាប់ចូលទិញកាហ្វេពីទីតាំងខាងលើ ឬ ធ្លាប់បានចេញ-ចូលផ្សារសាមគ្គី ចាប់ពីថ្ងៃទី១១ ខែឧសភា ឆ្នាំ២០២១ នាំគ្នាធ្វើចត្តាឡីស័ក តាមផ្ទះក្នុងក្រុមគ្រួសាររៀងៗខ្លួន ដោយមិនត្រូវពាក់ព័ន្ធ និងប៉ះពាល់ជាមួយអ្នកដទៃជាដាច់ខាត។សូមបញ្ជាក់ថា មកទល់ពេលនេះ ព្រឹត្ដិការណ៍សហគមន៍ ២០កុម្ភៈ ខេត្តសៀមរាប មានអ្នកវិជ្ជមានជំងឺកូវីដ-១៩ ចំនួន៩៨នាក់ និងបានព្យាបាលជាសះ-ស្បើយចំនួន៥២នាក់ ស្លាប់២នាក់ និង៤៤នាក់ កំពុងសម្រាកព្យាបាលនៅមន្ទីរពេទ្យបង្អែកខេត្តសៀមរាប៕អត្ថបទ ៖ សាវី

ព្រៃលិចទឹកក្នុងស្រុកមោងឫស្សី នៅតែមានការកាប់ទន្ទ្រានឥតឈប់ឈរ ពីសំណាក់ជនខិលខូច

បាត់ដំបង៖ ព្រៃលិចទឹកនៅតំបន់២ និងតំបន់៣ ក្នុងភូមិសាស្ត្រស្រុកមោងឫស្សី ខេត្តបាត់ដំបង រាប់រយហិកតា កំពុងរងការកាប់បំផ្លាញឥតឈប់ឈរ ទាំងខែប្រាំង និងខែវស្សា ពីសំណាក់ជនខិលខូចជាបន្តបន្ទាប់ បើទោះបីឯកឧត្តម ងួន រតនៈ អភិបាលខេត្តបាត់ដំបង បានដាក់វិធានការ ទប់ស្កាត់ជាញឹកញាប់ ក៏នៅតែដដែល ។ពលរដ្ឋរស់នៅជិតតំបន់ព្រៃលិចទឹក កំពុងរងការកាប់ទន្ទ្រាន ស្ថិតក្នុងឃុំជ្រៃ ស្រុកមោងឫស្សី បានលើកឡើងថា ព្រៃលិចទឹកជាច្រើនចំណុច ត្រូវជនខិលខូចមួយចំនួន បានប្រើប្រាស់គ្រឿងចក្រ ត្រាក់ទ័រ ធ្វើការឈូសឆាយជាហូរហែ ក្នុងរយៈពេលប៉ុន្មានឆ្នាំចុងក្រោយនេះ មិនថាយប់មិនថាថ្ងៃ និងបានប្រើប្រាស់សកម្មភាព បំភាន់ភ្នែកអាជ្ញាធរតាមរូបភាពផ្សេងៗ ។ពលរដ្ឋ បានបន្តថា ដោយរូបភាពបំភាន់ផ្នែកនោះ គឺពួកគេបានធ្វើការឈូសឆាយភ្ជួររាស់ដីព្រៃបណ្ដើរ ហើយធ្វើការព្រោះស្រូវបណ្ដើរ ធ្វើដូចជាខ្លួនបានអាស្រ័យផលលើដីនោះជាច្រើនឆ្នាំមកហើយ ប៉ុន្តែការពិត គឺជាដីព្រៃថ្មី មិនធ្លាប់អាស្រ័យផលសោះ ។ប្រភព បានបន្ថែមថា សម្រាប់ចំណុចត្រូវជនទាំងអស់នោះ កំពុងកាប់ទន្ទ្រានជាបន្តបន្ទាប់ មាននៅបឹងកំភ្លាញក្នុង បឹងកំភ្លាញក្រៅ អូរចុងតាចាន់ ខ្ទមតូច រាងអង្ក្រង បឹងបណ្ដែតគល់ បឹងទឹកល្អក់ បឹងទឹកថ្លាជាដើម ហើយតំបន់ទាំងនោះ ខ្លះស្ថិតក្នុងភូមិអង្គ្រង និងខ្លះនៅភូមិដូនទ្រី ។តាមប្រភពពីមន្ត្រីសាលាស្រុកមោងឫស្សី បានឲ្យដឹងថា ចំពោះបញ្ហាការកាប់ទន្ទ្រាននៅភូមិសាស្ត្រឃុំជ្រៃនេះ ពិតជាបានកើតឡើងមែន ដោយពេលខ្លះអាជ្ញាធរក៏ចាប់គ្រឿងចក្រ ដែលកំពុងឈូសឆាយបានជាបន្តបន្ទាប់ និងបានបញ្ជូនទៅតុលាការផងដែរ ។មន្ត្រីដដែល បានបញ្ជាក់ថា ចំពោះករណីខ្លះ ពេលអាជ្ញាធរចុះទៅបង្ក្រាបជនខិលខូចបានដឹងមុន ក៏បើកគ្រឿងចក្ររត់គេច ឬយកទៅលាក់ក្នុងព្រៃ បន្សល់ទុកតែដាន ហើយពេលខ្លះពួកគេបានកាប់ទន្ទ្រាននៅពេលយប់ក៏មាន ធ្វើឲ្យអាជ្ញាធរមានការពិបាក ព្រោះមានកម្លាំងតិច ហើយព្រៃលិចទឹកក្រៅពីនៅឃុំជ្រៃនេះ ក៏មានឃុំផ្សេងទៀត កំពុងរងការកាប់ទន្ទ្រាន ក្នុងនោះ មានឃុំព្រៃតូច និងឃុំឫស្សីក្រាំងជាដើម ។ក្នុងកិច្ចប្រជុំក្រុមប្រឹក្សាកាលពីសប្ដាហ៍កន្លងទៅនេះ ឯកឧត្តម ងួន រតនៈ អភិបាលខេត្តបាត់ដំបង បានមានប្រសាសន៍ថា បញ្ហានៅមានការលួចកាប់ទន្ទ្រាននេះ ដោយសារមានភាពមិនច្បាស់លាស់ ដូចជាមានការដាំបង្គោលនៅរង្វើលឆ្ងាយៗ ខណៈខេត្តបាត់ដំបង មានដីព្រៃលិចទឹកប្រមាណ ៤០គីឡូម៉ែត្រ ដាំបង្គោលបានតែជាង ១០០ដើម ដោយបញ្ហានេះហើយ ទើបពលរដ្ឋឆ្លៀតឱកាសកាប់ឈូសឆាយព្រៃយកដីធ្វើស្រែ ។ឯកឧត្តម បន្តថា ចំពោះការទប់ស្កាត់នេះ សម្រាប់អាជ្ញាធរខេត្តមានអំណាច បានត្រឹមយន្តការអប់រំ និងការសម្រេចយ៉ាងណាលើក្រសួងស្ថាប័នជំនាញ ហើយបញ្ហាមួយទៀត មានករណីខ្លះដីដែលកាប់ទន្ទ្រានរួចហើយនោះ ពលរដ្ឋសុំអាស្រ័យផលបន្ត ពេលរដ្ឋត្រូវការពេលណា អាចដកហូតបានពេលនោះ ។គួរបញ្ជាក់ថា ការលួចកាប់ទន្ទ្រានដីព្រៃលិចទឹកនេះ មិនមែនកើតមានតែនៅស្រុកមោងឫស្សី នោះទេ គឺកើតឡើងនៅស្រុកឯកភ្នំ ស្រុកសង្កែ និងស្រុកថ្មគោល ដើម្បីទប់ស្កាត់នូវបញ្ហានេះ នៅតំបន់ខ្លះរដ្ឋបាលខេត្តបានដាក់ប៉ុស្តិ៍ ដើម្បីត្រួតពិនិត្យ៕អត្ថបទ ៖ សុខរិទ្ធ

បណ្ដាញសង្គម

ព័ត៌មានថ្មីៗ

លោកជំទាវលីម ដារ៉ែន ជួន ណារិន្ទ ផ្តល់ម៉ូតូ២០គ្រឿង និងអំណោយមួយចំនួន ទៅកាន់វរៈនគរបាល និងកងទ័ពការពារព្រំដែន

ក្រុមការងាររាជរដ្ឋាភិបាលចុះមូលដ្ឋានឃុំកណ្តឹងស្រុកបាទី ខេត្តតាកែវនិងរដ្ឋបាលឃុំកណ្តឹងប្រារព្វពិធីផ្សព្វផ្សាយពីបញ្ហាគ្រឿងញៀន និង ពិធីបង្សុកូលឧទ្ទិសកុសលដល់វិញ្ញាណក្ខន្ធវិរះកងទ័ពកម្ពុជាដែលបានពលីជីវិតក្នុងសមរភូមិ

ហ្វីលីពីន និងអូស្ត្រាលី ចាប់ផ្តើមសមយុទ្ធដ៏ធំបំផុតមិនធ្លាប់មាន នៅជិតសមុទ្រចិនខាងត្បូង

ទីក្រុងគីវ៖ រុស្ស៊ីបាញ់យាន ៨៥គ្រឿង និងមីស៊ីល ១គ្រាប់ លើអ៊ុយក្រែន ប៉ុន្មានម៉ោងក្រោយមានជំនួប Trump-Putin

ផ្ទុះរោងចក្រ នៅតំបន់ Ryazan របស់រុស្ស៊ី បណ្ដាលឲ្យមនុស្ស ១១នាក់ស្លាប់ និង ១៣០នាក់របួស

នាយករដ្ឋមន្ត្រីដាណឺម៉ាក និយាយថា លោក Netanyahu បានប្រែទៅជាបង្ក «បញ្ហាដោយខ្លួនលោកផ្ទាល់»

ឯកឧត្តមសាស្ត្រាចារ្យ ប៉ិច សុធី អញ្ជើញបើកសន្និសីទប្រចាំឆ្នាំលើកទី១ របស់សមាគមគ្រូពេទ្យបង្កកំណើតកម្ពុជា

មេដឹកនាំអឺរ៉ុបស្វាគមន៍កិច្ចប្រឹងប្រែងរបស់លោក Trump ប៉ុន្តែបញ្ជាក់ថា សម្ពាធលើរុស្ស៊ី ត្រូវតែមានបន្ត

មេភូមិភាគ៣កម្ពុជាស្នើថៃជៀសវាងសកម្មភាពទាំងឡាយដែលនាំឲ្យមានភាពតានតឹងនៅតាមព្រំដែនជាយថាហេតុ

[UPDATE] ក្រុមអ្នកជួយសង្គ្រោះប៉ាគីស្ថាន ពិបាកស្រង់សាកសព ក្រោយភ្លៀងរដូវមូសុង សម្លាប់មនុស្សយ៉ាងតិច ៣២០នាក់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

ងាប់ត្រីជាច្រើនប្រភេទ ក្នុងស្ទឹងនៅស្រុករតនមណ្ឌល ដោយសារធ្លាយជាតិពុលចេញពីរោងចក្រមួយកន្លែង

បុរសម្នាក់ត្រូវបានបញ្ជូនទៅពន្ធនាគារ ក្រោយរត់ចេញពីមណ្ឌលព្យាបាលជំងឺកូវីដ-១៩

ខេត្តតាកែវ បន្តរកឃើញអ្នកឆ្លងជំងឺកូវីដ-១៩ចំនួន១១នាក់ នៅថ្ងៃនេះ

ចំនួនអ្នកឆ្លងជំងឺកូវីដ-១៩ ក្នុងតំបន់ផ្សារព្រៃទា មានជាង៦០០នាក់ ខណៈអ្នកពាក់ព័ន្ធជាង៤ពាន់នាក់ កំពុងយកសំណាក

អ្នកជំងឺកូវីដ-១៩ មួយចំនួននៅមន្ទីរពេទ្យបង្អែកពញាក្រែក ធ្វើតេស្តរកសារធាតុញៀន ខណៈសន្តិសុខត្រូវរឹតបន្តឹង

អាជីវកររាប់រយនាក់ នៅផ្សារសាមគ្គីហ៊ុយគាំង ខេត្ដសៀមរាប ធ្វើតេស្ដរកមេរោគកូវីដ-១៩

ខេត្តកំពង់ធំ រកឃើញពលរដ្ឋជា ២២នាក់ទៀតឆ្លងកូវីដ-១៩ ភាគច្រើនបានប៉ះពាល់នឹងកម្មករកម្មការិនីរោងចក្រ

ខេត្តព្រៃវែង រកឃើញមនុស្ស២៥នាក់ទៀតឆ្លងកូវីដ-១៩ សុទ្ធតែពាក់ព័ន្ធនឹងព្រឹត្តិការណ៍២០កុម្ភៈ

រដ្ឋបាលខេត្តសៀមរាប សម្រេចបិទផ្សារសាមគ្គី ជាបណ្ដោះអាសន្ន ខណៈរកឃើញវិជ្ជមានកូវីដ-១៩

ព្រៃលិចទឹកក្នុងស្រុកមោងឫស្សី នៅតែមានការកាប់ទន្ទ្រានឥតឈប់ឈរ ពីសំណាក់ជនខិលខូច

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

បុរស​ម្នាក់​ត្រូវ​​បាន​បញ្ជូនទៅ​ពន្ធនាគារ ក្រោយ​រត់​ចេញពី​មណ្ឌល​ព្យាបាល​ជំងឺ​កូ​វីដ​-១៩

ខេត្តតាកែវ​ បន្ត​រកឃើញ​អ្នក​ឆ្លង​ជំងឺ​កូ​វីដ-​១៩​ចំនួន​១១​នាក់ ​នៅថ្ងៃនេះ​

អាជីវករ​រាប់រយ​នាក់ នៅ​ផ្សារ​សាមគ្គី​ហ៊ុយ​គាំង ខេត្ដ​សៀមរាប​​ ធ្វើតេស្ដរក​មេរោគ​កូ​វីដ​-១៩

រដ្ឋបាល​ខេត្តសៀមរាប សម្រេច​បិទ​ផ្សារ​សាមគ្គី ជា​បណ្ដោះអាសន្ន ខណៈ​រកឃើញ​វិជ្ជមាន​កូ​វីដ​-១៩

ព្រៃ​លិច​ទឹក​ក្នុងស្រុក​មោងឫស្សី ​នៅតែមាន​ការ​កាប់​ទន្ទ្រាន​ឥត​ឈប់ឈរ ​ពី​សំណាក់​ជនខិលខូច

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

បុរសម្នាក់ត្រូវបានបញ្ជូនទៅពន្ធនាគារ ក្រោយរត់ចេញពីមណ្ឌលព្យាបាលជំងឺកូវីដ-១៩

ខេត្តតាកែវ បន្តរកឃើញអ្នកឆ្លងជំងឺកូវីដ-១៩ចំនួន១១នាក់ នៅថ្ងៃនេះ

អាជីវកររាប់រយនាក់ នៅផ្សារសាមគ្គីហ៊ុយគាំង ខេត្ដសៀមរាប ធ្វើតេស្ដរកមេរោគកូវីដ-១៩

រដ្ឋបាលខេត្តសៀមរាប សម្រេចបិទផ្សារសាមគ្គី ជាបណ្ដោះអាសន្ន ខណៈរកឃើញវិជ្ជមានកូវីដ-១៩

ព្រៃលិចទឹកក្នុងស្រុកមោងឫស្សី នៅតែមានការកាប់ទន្ទ្រានឥតឈប់ឈរ ពីសំណាក់ជនខិលខូច