BTV NEWS

ចាប់ខ្លួនជនសង្ស័យ៥នាក់ពាក់ពន្ធ័ករណីចាប់ ឃុំឃាំង និងបង្ខាំងមនុស្សដោយខុសច្បាប់

សមត្ថកិច្ចខេត្តមណ្ឌលគិរី និងខេត្តសៀមរាប ឃាត់ខ្លួនជនបរទេសចំនួន១៦២នាក់ ក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យា

ជនបរទេស១៣នាក់ត្រូវបានឃាត់ខ្លួនក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យានៅសៀមរាប

ចៅក្រមស៊ើបសួរសាលាដំបូងរាជធានីភ្នំពេញសម្រេចឃុំខ្លួនជនត្រូវចោទ៨នាក់ជាបណ្តោះអាសន្នពាក់ព័ន្ធអំពើឆបោកតាមឆបោកតាមប្រព័ន្ធអនឡាញ

សន្តិសុខ និង សង្គម

អ្នកជំងឺកូវីដ-១៩ជាង៥០០នាក់ដែលកំពុងតែសម្រាកព្យាបាលនៅក្នុងខេត្តតាកែវ មានស្ថានភាពធម្មតា

តាកែវ ៖ ប្រធានមន្ទីរសុខាភិបាលខេត្តតាកែវ លោកវេជ្ជបណ្ឌិត នុត ស៊ីណាត ថ្លែងថា រហូតមកដល់ពេលនេះ ស្ថានភាពអ្នកជំងឺកូវីដ-១៩ ចំនួនជាង៥០០នាក់ ដែលកំពុងតែសម្រាកព្យាបាលនៅតាមមន្ទីរពេទ្យបង្អែកក្រុងស្រុក ក្នុងខេត្តតាកែវ មានសភាពធម្មតា ពោលគឺមិនមានអ្នកជំងឺណាម្នាក់ វិវត្តន៍កាន់តែធ្ងន់ធ្ងរខ្លាំងនោះទេ។លោកប្រធានមន្ទីរសុខាភិបាលខេត្តតាកែវ បានថ្លែងបន្តថា នៅក្នុងខេត្តតាកែវទាំងមូលមានអ្នកកើតជំងឺកូវីដ-១៩ចំនួន៨៤៥នាក់ ក្នុងនោះកំពុងតែសម្រាកព្យាបាលក្នុងក្រុងដូនកែវ ចំនួនជាង១០០នាក់នឹងសម្រាកព្យាបាលនៅតាមមន្ទីរពេទ្យ បណ្ដាលស្រុក ចំនួនជាង៣០០នាក់ មានអ្នកជាសះស្បើយចំនួន២៩៥នាក់ និងអ្នកស្លាប់មានចំនួន៤នាក់។ បច្ចុប្បន្នអ្នកជំងឺកូវីដ-១៩ ដែលកំពុងតែសម្រាកព្យាបាលទាំងអស់មានសភាពធម្មតា មិនមានអាការៈធ្ងន់ធ្ងរនោះទេ ហើយមន្ត្រីសុខាភិបាលបានយកចិត្តទុកដាក់ខ្ពស់ ក្នុងការថែទាំព្យាបាលយ៉ាងយកចិត្តទុកដាក់ ដើម្បីធ្វើយ៉ាងណាឲ្យជំងឺរបស់ពួកគាត់ឆាប់បានជាសះស្បើយ។លោក មានប្រសាសន៍បន្តថា ក្រៅពីព្យាបាលអ្នកជំងឺកូវីដ-១៩ ទាំងជាង៥០០នាក់ មន្ត្រីសុខាភិបាលក៏បានធ្វើសកម្មភាពចុះយកសំណាកអ្នកពាក់ប័ន្ធមួយចំនួនផងដែរ ជាពិសេសបងប្អូនកម្មករនៅតាមបណ្ដាលរោងចក្រមួយចំនួន ដែលមានអ្នកឆ្លងជំងឺកូវីដ ធ្វើការនៅរោងចក្រ និងបងប្អូនពលករជាង៤០០នាក់ ដែលកំពុងតែធ្វើចត្តាឡីស័ក នៅក្នុងក្រុងដូនកែវ ដែលត្រូវយកសំណាករហូតដល់៣ដង បើលទ្ធផលអវិជ្ជមានកូវីដ-១៩ ទើបយើងអនុញ្ញាតឲ្យពួកគាត់ត្រលប់ទៅផ្ទះវិញបាន។គួរបញ្ជាក់ថា ស្ថានភាពការឆ្លងរីករាលដាលជំងឺកូវីដ-១៩ នៅក្នុងខេត្តតាកែវ មានសន្ទុះខ្លាំងក្លាក្នុងមួយរយៈពេលចុងក្រោយនេះ ពោលចាប់តាំងពីព្រឹត្តិការណ៍សហគមន៍២០ កុម្ភៈមក មនុស្សជាង៨០០នាក់ បានឆ្លងជំងឺកូវីដ១៩ ហើយមូលដ្ឋានភូមិឃុំ ផ្សារមួយចំនួនត្រូវបានបិទខ្ទប់ និងផ្អាកការលក់ដូរជាបណ្ដោះអាសន្ន បន្ទាប់ពីមានអ្នកពាក់ព័ន្ធច្រើននឹងអ្នកជំងឺកូវីដ១៩។ដោយឡែកនៅថ្ងៃនេះ រដ្ឋបាលខេត្តតាកែវ រកឃើញអ្នកវិជ្ជមានកូវីដ-១៩ថ្មី ដែលជាករណីឆ្លងនៅក្នុងសហគមន៍ចំនួន៣៧នាក់ ស្រី២០នាក់ ភាគច្រើនជាកម្មកររោងចក្រសាន់បូរ និងអាជីវករផ្សារសំរោងយ៉ោង ៕ដោយ ៖ គុជ វិភាគ

រថយន្តឈ្នួលដឹកមនុស្សចេញចូលស្រុកស្រែអំបិល មិនអនុញ្ញាតឱ្យចូលក្នុងផ្សារដាច់ខាត១សប្តាហ៍

កោះកុង ៖ លោកជំទាវ មិថុនា ភូថង អភិបាលខេត្តកោះកុង បានដាក់បញ្ជាមួយដល់អភិបាលស្រុកស្រែអំបិល ដោយបិទការចរាចរណ៍មួយសប្តាហ៍ និងមិនអនុញ្ញាតឱ្យរថយន្តឈ្នួលដឹកមនុស្សចូលក្នុងបរិវេណផ្សារជាដាច់ខាត។ការដាក់នូវបញ្ជារបស់អភិបាលខេត្តកោះកុងនៅពេលនេះ ធ្វើឡើងតាមរយៈលិខិតមួយច្បាប់ ក្រោយបញ្ចប់កិច្ចប្រជុំបន្ទាន់កាលពីថ្ងៃទី២៥ ឧសភា ម្សិលមិញ ជាមួយអភិបាលរង អភិបាលក្រុងស្រុក និងមន្ទីរជំនាញពាក់ព័ន្ធ។លោកជំទាវ មិថុនា ភូថង បញ្ជាក់ទៀតថា ចំពោះរថយន្តដឹកទំនិញ ត្រូវធ្វើតេស្តរហ័សលើអ្នកបើកបរ និងព្រូរថយន្តជាប្រចាំ ដើម្បីធានាបានសន្តិសុខសុវត្ថិភាព និងសណ្តាប់ធ្នាប់សាធារណៈឱ្យល្អប្រសើរ ខណៈអត្រារកឃើញមានអ្នកឆ្លងថ្មី នៃជំងឺកូវីដ កើនជាបន្តបន្ទាប់។ក្រៅពីនេះដែរ លោកជំទាវអភិបាលខេត្តកោះកុង សម្រេចបានបិទជាបណ្តោះអាសន្ននូវតំបន់ទេសចរធម្មជាតិចំនួន២ស្រុក គឺស្រុកស្រែអំបិល មាន ៖ ឆ្នេរនេសាទ ឆ្នេរកោងកាង ស្ថិតនៅក្នុងឃុំជ្រោយស្វាយ កោះខ្យង ស្ថិតក្នុងឃុំជីខក្រោម និងស្ទឹងពពក ក្នុងឃុំដងពែង ព្រោះជាតំបន់កំពុងមានការឆ្លងរាលដាលជំងឺកូវីដ-១៩ចូលក្នុងសហគមន៍។ដោយឡែកស្រុកថ្មបាំង គឺបិទជាបណ្តោះអាសន្នដូចគ្នាដែរ តំបន់អេកូទេសចរធម្មជាតិជីផាត ស្ថិតក្នុងឃុំជីផាត ចាប់ពីថ្ងៃទី២៦ ឧសភា ២០២១ រហូតដល់មានការជូនដំណឹងជាថ្មី ដើម្បីអនុវត្តវិធានការសុខាភិបាល និងទប់ស្កាត់ការឆ្លងរីករាលបន្ថែម៕អត្តបទ ៖ ឈឹម មករា

អ្នកជំងឺកូវីដ-១៩ ដែលញៀនថ្នាំ វាយមន្ត្រីយោធាម្នាក់ស្លាប់នោះ ពេលនេះ សមត្ថកិច្ចឃាត់ខ្លួនបានហើយ

ត្បូងឃ្មុំ ៖ បុរសម្នាក់ដែលមានជំងឺកូវីដ-១៩ ហើយបែកថ្នាំនោះ ពេលនេះត្រូវបានសមត្ថកិច្ចឃាត់ខ្លួនបានហើយ ក្រោយពីបានវាយអ្នកយាមជាយោធាម្នាក់បណ្តាលឱ្យស្លាប់ នៅមន្ទីរពេទ្យបង្អែកស្រុកពញាក្រែក កាលពីល្ងាចថ្ងៃទី២៥ ខែឧសភា ឆ្នាំ២០២១នេះ ។លោកវេជ្ជបណ្ឌិត កែវ វណ្ណៈ ប្រធាន មន្ទីរសុខាភិបាលខេត្តត្បូងឃ្មុំ បានឲ្យដឹងថា ជនសង្ស័យដែលមានវិជ្ជមានកូវីដ-១៩ ដែលមានសារធាតុញៀនក្នុងខ្លួនផងនោះ មានឈ្មោះ មឿន ម៉ឺន អាយុ ៣៨ឆ្នាំ មានទីលំនៅភូមិក្រពើសារ ឃុំដំរិល ស្រុកអូររាំងឪ ត្រូវបានឃាត់ខ្លួនក្រោយធ្វើសកម្មភាពសម្លាប់ជនរងគ្រោះ ជាយោធា ឈ្មោះ មាន វ៉ៃ អាយុ២៩ឆ្នាំ នៅភូមិហួចកើត ឃុំក្រែក ស្រុកពញាក្រែក ជាមន្ត្រីយោធាផ្នែកសឹករងស្រុកពញាក្រែក ត្រូវបានអង្គភាពបញ្ជូនទៅយាមនៅមន្ទីរពេទ្យបង្អែកស្រុកពញាក្រែក ។ ប៉ុន្តែ ជាអកុសល ជនរងគ្រោះ បានសម្លាប់ភ្លាមៗ នៅកន្លែងកើតហេតុ ខណៈ ជនសង្ស័យមានអាការៈ រត់ឆ្លេឆ្លា ក្រុមគ្រូពេទ្យដែលប្រចាំនៅមណ្ឌលនោះ បានសួរគេថា គេមានអាការៈ ពិបាកក្នុងខ្លួន( បែកថ្នាំ ) ហើយគេបានដើរសំដៅទៅកន្លែងអ្នកយាមជាមន្ត្រីយោធារួច បានវាយប្រតប់ឈានដល់ការវាយនឹងដំបង និងចបកាប់វាយចំសៀតផ្កា របស់ជនរងគ្រោះកំពុងអង្គុយយាមម្នាក់ឯងរហូតស្លាប់។ ក្រោយកើតហេតុ ជនសង្ស័យ ត្រូវបានបញ្ជូនទៅដាក់ក្នុងបន្ទប់ព្យាបាលអ្នកទោស ក្នុងមន្ទីរពេទ្យ និងរងចាំព្យាបាលជំងឺកូវីដ-១៩ ទើបសមត្ថកិច្ចចាត់ការតាមនីតិវិធីច្បាប់ ។ ដោយឡែក សាកសពជនរងគ្រោះ ត្រូវបានយកទៅបូជានៅវត្តសមាធិ ក្នុងស្រុកពញាក្រែក ៕

កម្ពុជារកឃើញមនុស្ស៦៦០នាក់ទៀតឆ្លងមេរោគកូវីដ-១៩ ខណៈជំងឺនេះផ្ដាច់ជីវិតមនុស្ស៧នាក់បន្ថែមទៀត

ភ្នំពេញ ៖ ក្រសួងសុខាភិបាល បានប្រកាសនៅថ្ងៃនេះថា មនុស្ស ៦៦០នាក់ទៀត ត្រូវបានរកឃើញឆ្លងមេរោគកូវីដ-១៩ ដែលភាគច្រើនសុទ្ធតែពាក់ព័ន្ធ នឹងព្រឹត្តិការណ៍សហគមន៍ ២០កុម្ភៈ។ក្រសួងសុខាភិបាល បញ្ជាក់ថា ករណីឆ្លងកូវីដ-១៩ចំនួន ៦២៦នាក់ បានឆ្លងមេរោគកូវីដ-១៩ បន្ទាប់ពីពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ ហើយករណីឆ្លងថ្មី ៣៤នាក់ គឺជាករណីនាំចូល។ក្រសួងសុខាភិបាល បានឱ្យដឹងទៀតថា អ្នកជំងឺកូវីដ-១៩ចំនួន ៩នាក់ទៀត បានស្លាប់បាត់បង់ជីវិតដោយសារជំងឺនេះ ដែលនាំឱ្យតួលេខអ្នកស្លាប់សរុបឡើងដល់ ១៩០នាក់ហើយគិតចាប់តាំងពីថ្ងៃទី១១ ខែមីនា នៅពេលដែលកម្ពុជា បានប្រកាសជាផ្លូវការពីករណីស្លាប់ជាលើកដំបូង។គិតត្រឹមថ្ងៃនេះ កម្ពុជារកឃើញមនុស្សដល់ទៅ ២៦ ៩៨៩នាក់ហើយ បានឆ្លងមេរោគកូវីដ-១៩ នៅទូទាំងប្រទេសគិតចាប់តាំងពីពេលដែលកម្ពុជា រកឃើញករណីឆ្លងជាលើកដំបូងកាលពីចុងខែមករាឆ្នាំមុន។ក្រសួងសុខាភិបាលក៏បានឱ្យដឹងផងដែរថា អ្នកជំងឺកូវីដ-១៩ចំនួន ១៩ ៧៧២នាក់ ត្រូវបានព្យាបាលជាសះស្បើយហើយ ក្នុងនោះ មានទាំងអ្នកជាសះស្បើយថ្មី ៧៥០នាក់ ដែលក្រសួងប្រកាសនៅថ្ងៃនេះផងដែរ៕

កម្លាំងជំនាញស្នងការនគរបាលខេត្តឧត្តរមានជ័យ ឃាត់ខ្លួនជនសង្ស័យចំនួន ០៤នាក់ ពាក់ព័ន្ធករណីគ្រឿងញៀន និងប្រើប្រាស់អាវុធខុសច្បាប់

ឧត្តរមានជ័យ៖ កម្លាំងផែនជំនាញគ្រឿងញៀន នៃស្នងការដ្ឋាននគរបាលខេត្តឧត្តរមានជ័យចាប់ឃាត់ខ្លួនជនសង្ស័យមានគ្នា ០៤នាក់ ពាក់ព័ន្ធករណីគ្រឿងញៀននិងប្រើប្រាស់អាវុធខុសច្បាប់ដែលជាមុខសញ្ញាចាស់ ត្រូវបានឃាត់ខ្លួននៅថ្ងៃទី២៥ ឧសភា ឆ្នាំ២០២១នេះ ស្ថិតនៅក្នុងភូមិសាស្ត្រសង្កាត់អូរស្មាច់ក្រុងសំរោងខេត្តឧត្តរមានជ័យ។លោកឧត្តមសេនីយ៍ទោ ហួត សុធី ស្នងការនគរបាលខេត្តឧត្តរមានជ័យ បានឲ្យដឹងថា ជនសង្ស័យដែលមានគ្នាចំនួន ០៤នាក់ ក្នុងនោះ ០៣នាក់ ជាមុខសញ្ញាចាស់ធ្វើការឃាត់ខ្លួននៅសង្កាត់អូរស្មាច់នឹងបន្តឃាត់ខ្លួនជនសង្ស័យម្នាក់ទៀតនៅសង្កាត់កូនក្រៀល ទី១.មានឈ្មោះ តៀង វ័ន្ត ហៅ ឃ្លី ភេទប្រុសអាយុ៣៤ឆ្នាំ ទី២.ឈ្មោះ ត្រាក់ ពិសី ភេទប្រុសអាយុ៤២ឆ្នាំទី៣.ឈ្មោះអ៊ឹម រតនា ភេទប្រុសអាយុ២៧ឆ្នាំទី៤ឈ្មោះង៉ែត រិទ្ធ ភេទប្រុសអាយុ២៩ឆ្នាំ។ករណីបង្ក្រាបជនសកម្មគ្រឿងញៀន និងប្រើប្រាស់អាវុធខុសច្បាប់៤នាក់ខាងលើនេះសមត្ថកិច្ចបានដកហូតវត្ថតាំងរួមមាន រថយន្តលិចស៊ីសRX ៣៣០ ពណ៌ស១គ្រឿង ស្លាក់ខ/ម ២-១១៦៨ កាំភ្លើងAK៤៧ កាត់ចុងមួយដើម គ្រប់១បង់ កាំបិតខ្លីចំនួន៣ដើម ថ្នាំញៀនប្រភេទទឹកកកចំនួន៣កញ្ចប់នឹងសម្ភារៈពាក់ព័ន្ធមួយចំនួនផងដែរ។លោកឧត្តមសេនីយ៍ទោ ហួត សុធី បន្តថា ជនសង្ស័យ៣នាក់ជាមុខសញ្ញាចាស់ដែលសមត្ថកិច្ចបានធ្វើការស្រាវជ្រាវនឹងឃាត់ខ្លួនពេលនេះ ០៣នាក់ធ្លាប់ធ្វើសកម្មភាពជាប់ទោសពាក់ព័ន្ធនឹងគ្រឿងញៀននៅឆ្នាំ២០១៤- ២០១៧ និងឆ្នាំ២០២០ ធ្លាប់ជាប់ឃុំពាក់ព័ន្ធករណីគ្រឿងញៀនមិនរាងចាលនៅតែបន្តធ្វើសកម្មភាពជួញដូរ និងចែកចាយត្រូវកម្លាំងសមត្ថកិច្ចចាប់ឃាត់ខ្លួនបានម្តងទៀតនិងពាក់ព័ន្ធជាប់សាធាតុញាណក្នុងខ្លួនបន្តទៀត។លោកស្នងការខេត្តឧត្តរមានជ័យបញ្ជាក់ថា ជនសង្ស័យទាំង ៤នាក់នៅឆ្នាំ២០២០ បានធ្វើការបាញ់រះជាច្រើនគ្រប់មកលើកម្លាំងសមត្ថកិច្ចក្នុងស្រុកអន្លង់វែង បណ្តាឲ្យរងរបួសធ្ងន់ម្នាក់ ខណៈសមត្ថកិច្ចកំពុងធ្វើការតាមប្រម៉ាញ់នៅចំណុចផ្លូវក្រវ៉ាត់ព្រំដែននោះ។បច្ចុប្បន្នសមត្ថកិច្ចស្នងការនគរបាលខេត្តឧត្តរមានជ័យ បានកសាងសំណុំរឿងបញ្ជូនទៅតុលាការតាមនីតិវិធី៕ អត្ថបទ៖ ឃិន សារិទ្ធ

ខេត្តបន្ទាយមានជ័យ ប្រកាសថា អ្នកជំងឺកូវីដ-១៩ចំនួន១៤១នាក់ទៀត ត្រូវបានព្យាបាលជាសះស្បើយ

បន្ទាយមានជ័យ៖ រដ្ឋបាលខេត្តបន្ទាយមានជ័យ បានប្រកាសថា អ្នកជំងឺកូវីដ-១៩ចំនួន ១៤១នាក់ទៀត ត្រូវបានអនុញ្ញាតឱ្យវិលត្រឡប់ទៅផ្ទះសម្បែងរបស់ពួកគេហើយ បន្ទាប់ពីត្រូវបានព្យាបាលជាសះស្បើយ។ក្នុងរបាយការណ៍ចេញនៅថ្ងៃនេះ មន្ទីរសុខាភិបាលខេត្តបន្ទាយមានជ័យ បានបញ្ជាក់ថា ក្នុងចំណោមអ្នកជំងឺកូវីដ-១៩ចំនួន ១៤១នាក់ ដែលត្រូវបានព្យាបាលជាសះស្បើយនេះ មានជនជាតិខ្មែរចំនួន ៧០នាក់ ត្រូវបានព្យាបាលជាសះស្បើយហើយ ជនជាតិឥណ្ឌូនេស៊ី ៤០នាក់ ជនជាតិថៃ ៣០នាក់ និងជនជាតិម៉ាឡេស៊ី ១នាក់។បើតាមរបាយការណ៍ដដែលនេះ អ្នកជាសះស្បើយថ្មី ១៣៥នាក់ សុទ្ធតែជាអ្នកជំងឺកូវីដ-១៩ ដែលត្រូវបានដាក់ឱ្យសម្រាកព្យាបាលនៅតាមមណ្ឌលព្យាបាលនានានៅក្រុងប៉ោយប៉ែត ហើយអ្នកជាសះស្បើយ ៦នាក់ទៀត ត្រូវបានដាក់ឱ្យសម្រាកព្យាបាលនៅមណ្ឌលព្យាបាលសាកលវិទ្យាល័យមានជ័យ៕

ខេត្តព្រៃវែង រកឃើញស្ត្រី៥នាក់ និងបុរស២នាក់ទៀតឆ្លងកូវីដ-១៩ នៅតាមស្រុកចំនួន៤

ព្រៃវែង ៖ រដ្ឋបាលខេត្តព្រៃវែង បានប្រកាសថា បានរកឃើញមនុស្ស ៧នាក់ទៀតបានឆ្លងមេរោគកូវីដ-១៩កាលពីថ្ងៃម្សិលមិញនេះ។ក្នុងសេចក្ដីជូនដំណឹងរបស់ខ្លួន រដ្ឋបាលខេត្តព្រៃវែងបញ្ជាក់ថា ករណីឆ្លងថ្មីទាំង ៧នាក់នេះ ត្រូវបានរកឃើញលើពលរដ្ឋជាស្ត្រី ៥នាក់ និងបុរស ៣នាក់ ក្នុងនោះរកឃើញ ពលរដ្ឋ ៣នាក់ទៀតនៅស្រុកពារាំង អ្នកភូមិ ២នាក់ទៀតនៅស្រុកព្រះស្ដេច និងនៅឃើញ ១ករណីៗនៅស្រុកពាមជរ និងស្រុកកញ្ជៀច។គិតត្រឹមថ្ងៃម្សិលមិញនេះ ខេត្តព្រៃវែង បានរកឃើញមនុស្សសរុប ២៨៣នាក់ហើយបានឆ្លងមេរោគកូវីដ-១៩នៅក្នុងខេត្តមួយនេះ ក្នុងនោះអ្នកជំងឺកូវីដ-១៩ចំនួន ៤នាក់បានស្លាប់បាត់បង់ជីវិត។បើតាមរដ្ឋបាលខេត្តព្រៃវែង អ្នកជំងឺកូវីដ-១៩សរុប ១៤៣នាក់ហើយ ត្រូវបានព្យាបាលជាសះស្បើយ និង ១៣៦នាក់ទៀត កំពុងស្ថិតក្រោមការព្យាបាលបន្ត៕

ខេត្តកណ្ដាលសម្រេច អនុញ្ញាតឱ្យផ្សារស្អាងខាងជើង បើកដំណើរការវិញ តែតម្រូវឱ្យបន្តអនុវត្តវិធានការសុខាភិបាល

កណ្ដាល៖ រដ្ឋបាលខេត្តកណ្ដាល សម្រេចអនុញ្ញាតឱ្យផ្សារស្អាងខាងជើង ស្ថិតក្នុងស្រុកស្អាង បើកដំណើការឡើងវិញ ចាប់ពីថ្ងៃស្អែកនេះតទៅ។ក្នុងសេចក្ដីសម្រេចនៅថ្ងៃនេះ អភិបាលខេត្តកណ្ដាល លោក គង់ សោភ័ណ្ឌ បានបញ្ជាក់បន្ថែមថា បន្ទាប់ពីអនុញ្ញាតឱ្យបើកដំណើរការឡើងវិញ អាជីវករនៅផ្សារស្អាងខាងជើង និងប្រជាពលរដ្ឋ ត្រូវបន្តអនុវត្តតាមវិធានការសុខាភិបាល ដូចជា ពាក់ម៉ាស់ រក្សាគម្លាត និងលាងដៃសម្លាប់មេរោគជាប្រចាំ។អភិបាលខេត្តកណ្ដាល ក៏បានប្រាប់ទៅអាជ្ញាធរស្រុកស្អាង ឱ្យសម្របសម្រួលការបើកដំណើរការផ្សារមួយនេះឡើងវិញ ជាមួយការរៀបចំនូវវិធានការបង្ការការឆ្លងមេរោគកូវីដ-១៩ផងដែរ៕

ខេត្តតាកែវ រកឃើញមនុស្ស៤៩នាក់ទៀតឆ្លងកូវីដ-១៩ ភាគច្រើនជាកម្មការិនីរោងចក្រសាន់បូរ

តាកែវ៖ រដ្ឋបាលខេត្តតាកែវ បានប្រកាសថា មនុស្ស ៤៩នាក់ទៀត ត្រូវបានរកឃើញឆ្លងមេរោគកូវីដ-១៩ ដែលភាគច្រើនជាកម្មករកម្មការិនី រោងចក្រសាន់បូរ។ក្នុងសេចក្ដីជូនដំណឹងនៅថ្ងៃនេះ រដ្ឋបាលខេត្តតាកែវ បានបញ្ជាក់ថា កម្មការិនីរោងចក្រសាន់បូរចំនួន ៣៥នាក់ទៀត ត្រូវបានរកឃើញឆ្លងមេរោគកូវីដ-១៩ ខណៈអាជីវករផ្សារសំរោងយ៉ោងចំនួន ៧នាក់ទៀត ក៏ត្រូវបានរកឃើញឆ្លងមេរោគនេះផងដែរ។ក្រៅពីនេះ ករណីឆ្លងមេរោគកូវីដ-១៩នេះក៏ត្រូវបានរកឃើញលើកុមារម្នាក់អាយុ ១០ឆ្នាំ កម្មករក្បឿង ២នាក់ អ្នកលក់បុកល្ហុង ២នាក់ និងបុរសម្នាក់អាយុ ៥១ឆ្នាំជាអ្នករត់តាក់ស៊ីភ្នំពេញ-ព្រះសីហនុ។អាជីវករជាច្រើននាក់ នៅផ្សារសំរោងយ៉ោង ស្ថិតក្នុងស្រុកបាទី ត្រូវបានរកឃើញឆ្លងមេរោគកូវីដ-១៩ជាបន្តបន្ទាប់ រហូតអាជ្ញាធរត្រូវសម្រេចផ្អាកដំណើរការផ្សារមួយនេះ ហើយប្រមូលសំណាកពីអាជីវករ និងអ្នកពាក់ព័ន្ធទាំងអស់ទៅពិនិត្យរកមេរោគ។ចំណែកឯរោងចក្រសាន់បូរវិញ ក៏បានរកឃើញករណីឆ្លងក្នុងចំណោមកម្មករកម្មការិនីជាច្រើនផងដែរ ដែលជំរុញឱ្យផ្អាកដំណើរការតាមផ្នែកខ្លះនៃរោងចក្រនេះផងដែរ៕

កម្ពុជារកឃើញមនុស្ស ៥៦៨នាក់ទៀតឆ្លងមេរោគកូវីដ-១៩ ខណៈអ្នកជំងឺ៦៦៣នាក់ទៀតបានជាសះស្បើយ

ភ្នំពេញ៖ ក្រសួងសុខាភិបាល បានប្រកាសនៅថ្ងៃនេះថា មនុស្ស ៥៦៨នាក់ទៀត ត្រូវបានរកឃើញឆ្លងមេរោគកូវីដ-១៩ ហើយអ្នកជំងឺកូវីដ-១៩ចំនួន ៦៦៣នាក់ទៀត ត្រូវបានព្យាបាលជាសះស្បើយ។ក្រសួងសុខាភិបាល បញ្ជាក់ថា ករណីឆ្លងថ្មីដល់ទៅ ៥៤០នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ ហើយ ២៨នាក់ទៀត គឺជាករណីនាំចូល។ គិតត្រឹមថ្ងៃនេះ កម្ពុជាបានរកឃើញមនុស្សសរុប ២៦ ៣២៩នាក់ហើយ ឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងលើកដំបូងកាលពីចុងខែមករា ឆ្នាំ២០២០ កន្លងមក។ក្រសួងសុខាភិបាល ក៏បានប្រកាសផងដែរថា មនុស្ស ៤នាក់បន្ថែមទៀត បានស្លាប់បាត់បង់ជីវិតដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់ ១៨៣នាក់ហើយគិតចាប់តាំងពីពេលកម្ពុជា បានប្រកាសពីករណីស្លាប់ ដោយសារជំងឺកូវីដ-១៩ ជាលើកដំបូងកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ១៩ ០២២នាក់ហើយ ត្រូវបានព្យាបាលជាសះស្បើយ ក្នុងនោះ មានទាំងអ្នកជាសះស្បើយ ៦៦៣នាក់ទៀត ដែលក្រសួងប្រកាសនៅថ្ងៃនេះផងដែរ៕

បណ្ដាញសង្គម

ព័ត៌មានថ្មីៗ

លោកជំទាវលីម ដារ៉ែន ជួន ណារិន្ទ ផ្តល់ម៉ូតូ២០គ្រឿង និងអំណោយមួយចំនួន ទៅកាន់វរៈនគរបាល និងកងទ័ពការពារព្រំដែន

ក្រុមការងាររាជរដ្ឋាភិបាលចុះមូលដ្ឋានឃុំកណ្តឹងស្រុកបាទី ខេត្តតាកែវនិងរដ្ឋបាលឃុំកណ្តឹងប្រារព្វពិធីផ្សព្វផ្សាយពីបញ្ហាគ្រឿងញៀន និង ពិធីបង្សុកូលឧទ្ទិសកុសលដល់វិញ្ញាណក្ខន្ធវិរះកងទ័ពកម្ពុជាដែលបានពលីជីវិតក្នុងសមរភូមិ

ហ្វីលីពីន និងអូស្ត្រាលី ចាប់ផ្តើមសមយុទ្ធដ៏ធំបំផុតមិនធ្លាប់មាន នៅជិតសមុទ្រចិនខាងត្បូង

ទីក្រុងគីវ៖ រុស្ស៊ីបាញ់យាន ៨៥គ្រឿង និងមីស៊ីល ១គ្រាប់ លើអ៊ុយក្រែន ប៉ុន្មានម៉ោងក្រោយមានជំនួប Trump-Putin

ផ្ទុះរោងចក្រ នៅតំបន់ Ryazan របស់រុស្ស៊ី បណ្ដាលឲ្យមនុស្ស ១១នាក់ស្លាប់ និង ១៣០នាក់របួស

នាយករដ្ឋមន្ត្រីដាណឺម៉ាក និយាយថា លោក Netanyahu បានប្រែទៅជាបង្ក «បញ្ហាដោយខ្លួនលោកផ្ទាល់»

ឯកឧត្តមសាស្ត្រាចារ្យ ប៉ិច សុធី អញ្ជើញបើកសន្និសីទប្រចាំឆ្នាំលើកទី១ របស់សមាគមគ្រូពេទ្យបង្កកំណើតកម្ពុជា

មេដឹកនាំអឺរ៉ុបស្វាគមន៍កិច្ចប្រឹងប្រែងរបស់លោក Trump ប៉ុន្តែបញ្ជាក់ថា សម្ពាធលើរុស្ស៊ី ត្រូវតែមានបន្ត

មេភូមិភាគ៣កម្ពុជាស្នើថៃជៀសវាងសកម្មភាពទាំងឡាយដែលនាំឲ្យមានភាពតានតឹងនៅតាមព្រំដែនជាយថាហេតុ

[UPDATE] ក្រុមអ្នកជួយសង្គ្រោះប៉ាគីស្ថាន ពិបាកស្រង់សាកសព ក្រោយភ្លៀងរដូវមូសុង សម្លាប់មនុស្សយ៉ាងតិច ៣២០នាក់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

អ្នកជំងឺកូវីដ-១៩ជាង៥០០នាក់ដែលកំពុងតែសម្រាកព្យាបាលនៅក្នុងខេត្តតាកែវ មានស្ថានភាពធម្មតា

រថយន្តឈ្នួលដឹកមនុស្សចេញចូលស្រុកស្រែអំបិល មិនអនុញ្ញាតឱ្យចូលក្នុងផ្សារដាច់ខាត១សប្តាហ៍

អ្នកជំងឺកូវីដ-១៩ ដែលញៀនថ្នាំ វាយមន្ត្រីយោធាម្នាក់ស្លាប់នោះ ពេលនេះ សមត្ថកិច្ចឃាត់ខ្លួនបានហើយ

កម្ពុជារកឃើញមនុស្ស៦៦០នាក់ទៀតឆ្លងមេរោគកូវីដ-១៩ ខណៈជំងឺនេះផ្ដាច់ជីវិតមនុស្ស៧នាក់បន្ថែមទៀត

ខេត្តបន្ទាយមានជ័យ ប្រកាសថា អ្នកជំងឺកូវីដ-១៩ចំនួន១៤១នាក់ទៀត ត្រូវបានព្យាបាលជាសះស្បើយ

ខេត្តព្រៃវែង រកឃើញស្ត្រី៥នាក់ និងបុរស២នាក់ទៀតឆ្លងកូវីដ-១៩ នៅតាមស្រុកចំនួន៤

ខេត្តកណ្ដាលសម្រេច អនុញ្ញាតឱ្យផ្សារស្អាងខាងជើង បើកដំណើរការវិញ តែតម្រូវឱ្យបន្តអនុវត្តវិធានការសុខាភិបាល

ខេត្តតាកែវ រកឃើញមនុស្ស៤៩នាក់ទៀតឆ្លងកូវីដ-១៩ ភាគច្រើនជាកម្មការិនីរោងចក្រសាន់បូរ

កម្ពុជារកឃើញមនុស្ស ៥៦៨នាក់ទៀតឆ្លងមេរោគកូវីដ-១៩ ខណៈអ្នកជំងឺ៦៦៣នាក់ទៀតបានជាសះស្បើយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

អ្នកជំងឺ​កូ​វីដ​-១៩​ជាង​៥​០០​នាក់​ដែល​កំពុងតែ​សម្រាក​ព្យាបាល​នៅក្នុង​ខេត្តតាកែវ​ មាន​ស្ថានភាព​ធម្មតា

រថយន្តឈ្នួល​ដឹក​មនុស្ស​ចេញចូល​ស្រុក​ស្រែអំបិល ​មិន​អនុញ្ញាត​ឱ្យ​ចូល​ក្នុង​ផ្សារ​ដាច់ខាត​១​សប្តាហ៍

កម្ពុជារកឃើញមនុស្ស៦៦០នាក់ទៀតឆ្លងមេរោគកូវីដ-១៩ ខណៈជំងឺនេះ​ផ្ដាច់ជីវិត​មនុស្ស៧នាក់​បន្ថែមទៀត

ខេត្ត​បន្ទាយមានជ័យ ​ប្រកាស​ថា អ្នក​ជំងឺ​កូវីដ-១៩​ចំនួន​១៤១​នាក់​ទៀត​ ត្រូវ​បាន​ព្យាបាល​ជា​សះ​ស្បើយ

ខេត្ត​ព្រៃវែង ​រក​ឃើញ​ស្ត្រី​៥​នាក់ និង​បុរស​២​នាក់​ទៀត​ឆ្លង​កូវីដ-១៩ ​នៅ​តាម​ស្រុក​ចំនួន​៤

ខេត្ត​តាកែវ​ រក​ឃើញ​មនុស្ស​៤៩​នាក់​ទៀត​ឆ្លង​កូវីដ-១៩ ភាគ​ច្រើន​ជា​កម្មការិនី​​រោងចក្រ​សាន់បូរ

កម្ពុជា​រក​ឃើញ​មនុស្ស ៥៦៨​នាក់​ទៀត​ឆ្លង​មេរោគ​កូវីដ-១៩ ខណៈ​អ្នក​ជំងឺ​៦៦៣​​នាក់​ទៀត​បាន​ជា​សះ​ស្បើយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អ្នកជំងឺកូវីដ-១៩ជាង៥០០នាក់ដែលកំពុងតែសម្រាកព្យាបាលនៅក្នុងខេត្តតាកែវ មានស្ថានភាពធម្មតា

រថយន្តឈ្នួលដឹកមនុស្សចេញចូលស្រុកស្រែអំបិល មិនអនុញ្ញាតឱ្យចូលក្នុងផ្សារដាច់ខាត១សប្តាហ៍

កម្ពុជារកឃើញមនុស្ស៦៦០នាក់ទៀតឆ្លងមេរោគកូវីដ-១៩ ខណៈជំងឺនេះផ្ដាច់ជីវិតមនុស្ស៧នាក់បន្ថែមទៀត

ខេត្តបន្ទាយមានជ័យ ប្រកាសថា អ្នកជំងឺកូវីដ-១៩ចំនួន១៤១នាក់ទៀត ត្រូវបានព្យាបាលជាសះស្បើយ

ខេត្តព្រៃវែង រកឃើញស្ត្រី៥នាក់ និងបុរស២នាក់ទៀតឆ្លងកូវីដ-១៩ នៅតាមស្រុកចំនួន៤

ខេត្តតាកែវ រកឃើញមនុស្ស៤៩នាក់ទៀតឆ្លងកូវីដ-១៩ ភាគច្រើនជាកម្មការិនីរោងចក្រសាន់បូរ

កម្ពុជារកឃើញមនុស្ស ៥៦៨នាក់ទៀតឆ្លងមេរោគកូវីដ-១៩ ខណៈអ្នកជំងឺ៦៦៣នាក់ទៀតបានជាសះស្បើយ