BTV NEWS

អាវុធហត្ថរាជធានីភ្នំពេញ បង្ក្រាបទីតាំងលក់សម្ភារៈអាសអាភាសចំនួន ៣កន្លែង ឃាត់ខ្លួនជនសង្ស័យ ៩នាក់

គណៈបញ្ជាការឯកភាពរាជធានី បន្តចុះបង្ក្រាប Online Scams នៅសង្កាត់ចាក់អង្រែលើ ឃាត់មនុស្ស១៦នាក់

ផ្តន្ទាទោសជនជាប់ចោទ ៦នាក់ ដាក់ពន្ធនាគារអស់មួយជីវិតពាក់ព័ន្ធនឹងករណីឃាតកម្មដោយមានទារុណកម្មលើនិស្សិតជនជាតិកូរ៉េខាងត្បូង

ឃាត់ខ្លួនជនជាតិចិន ៦១នាក់ ក្នុងប្រតិបត្តិការបង្ក្រាបទីតាំង Online Scams នៅខណ្ឌចំនួនពីរ ក្នុងភូមិសាស្រ្តរាជធានីភ្នំពេញ

សន្តិសុខ និង សង្គម

កម្ពុជាបន្ដរកឃើញមនុស្ស៦៥៥នាក់ទៀតឆ្លងមេរោគកូវីដ-១៩ ខណៈ៣ថ្ងៃមកនេះ ស្លាប់៣៣នាក់

ភ្នំពេញ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន៦៥៥នាក់ឆ្លងមេរោគកូវីដ-១៩ បន្ថែមទៀត ខណៈមនុស្សចំនួន៨១០នាក់ទៀតផ្សេងទៀត ត្រូវបានព្យាបាលជាសះស្បើយ ។ក្នុងសេចក្ដីប្រកាសព័ត៌មានរបស់ក្រសួងសុខាភិបាលនៅថ្ងៃនេះ បានបញ្ជាក់ថា ករណីឆ្លងថ្មីដល់ទៅ ចំនួន៦០៦នាក់ បន្ថែមទៀត សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ៤៩នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស១១នាក់បន្ថែមទៀត បានស្លាប់ ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់៣១១នាក់បន្ថែមទៀត ។បើតាមក្រសួងសុខាភិបាល អ្នកជំងឺកូវីដ-១៩សរុប ៣០ ៦១៧នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយ ចំនួន៦៥៥នាក់ទៀត ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៣៧ ៣២១នាក់ហើយ បានឆ្លងមេរោគកូវីដ-១៩នៅទូទាំងប្រទេស ចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

មន្ត្រីជំនាញខេត្តកោះកុង រកឃើញបុរសវ័យ៦៤ឆ្នាំ ស្លាប់ដោយសារជំងឺកូវីដ-១៩ និងសាច់ញាតិ២នាក់ទៀតឆ្លងកូវីដ

កោះកុង ៖ ក្រុមគ្រូពេទ្យមន្ទីរពេទ្យបង្អែកខេត្តកោះកុង ប្រកាសរកឃើញមានបុរសវ័យ៦៤ឆ្នាំម្នាក់ស្លាប់ ដោយសារជំងឺកូវីដ-១៩ និងសាច់ញាតិចំនួន២នាក់មានវិជ្ជមានកូវីដ ក្នុងចំណោមមនុស្ស៦នាក់ផ្សេងទៀត។លោកវេជ្ជបណ្ឌិត ហៃ ឡៃសុន ប្រធានមន្ទីរពេទ្យបង្អែកខេត្តកោះកុង បានឱ្យដឹងព្រឹកថ្ងៃទី១០ ខែមិថុនាថា ម៉ោង៧និង៣០នាទី មានបុរសឈ្មោះ ចាន់ លី បានស្លាប់ នៅលើរថយន្តមុនពេលមកដល់មន្ទីរពេទ្យ។ តាមការសួរនាំពីប្រវត្តិរបស់អ្នកជំងឺគឺធ្វើដំណើរមកពីរាជធានីភ្នំពេញ រយៈពេល៤ថ្ងៃមកហើយ ដោយបានមកសម្រាកលេងជាមួយកូនរបស់គាត់ដែលជាអ្នកចាំចម្ការឱ្យគេ នៅចំណុចវង់កាថៈ ភូមិចាំយាម ឃុំប៉ាក់ខ្លង ស្រុកមណ្ឌលសីមា។លោកប្រធានមន្ទីរពេទ្យ បន្ថែមថា អំឡុងពេល៤ថ្ងៃនេះ បុរសដែលស្លាប់មានអាការៈដកដង្ហើមដង្ហក់ខ្លាំង ទើបក្រុមគ្រួសារដឹកមកពិនិត្យព្យាបាលនៅមន្ទីរពេទ្យ ប៉ុន្តែដោយសារមើលនូវស្ថានភាពរបស់អ្នកជំងឺធ្ងន់ធ្ងរខ្លាំង ក្រុមគ្រូពេទ្យក៏ផ្តើមស្រាវជ្រាវជាបន្ទាន់មួយមិនអនុញ្ញាតឱ្យយកអ្នកជំងឺចេញពីរថយន្តភ្លាមៗទេ។លោកវេជ្ជបណ្ឌិត ហៃ ឡៃសុន អះអាងថា ដើម្បីកត្តាហានិភ័យនៃការឆ្លងរីករាលដាលជំងឺ និងសង្ស័យលើអ្នកពាក់ព័ន្ធ គឺក្រុមគ្រូពេទ្យពុំអនុញ្ញាតឱ្យក្រុមគ្រួសារយកសាកសពចេញពីមន្ទីរពេទ្យឡើយ ដើម្បីលទ្ធភាពដល់ក្រុមគ្រូពេទ្យរៀបចំវេចខ្ចប់តាមលក្ខណៈបច្ចេកទេសវេជ្ជសាស្ត្រ។ រីឯសាច់ញាតិចំនួន៦នាក់ផ្សេងៗទៀតដែលរួមដំណើរជាមួយសាកសព ក៏ត្រូវបានយកសំណាកធ្វើតេស្តរហ័សគឺរកឃើញចំនួន២មានវិជ្ជមានកូវីដ។ដោយឡែកសម្រាប់លោកវេជ្ជបណ្ឌិត ទៅ ម៉ឹង ប្រធានមន្ទីរសុខាភិបាលខេត្តកោះកុង ថ្លែងថា មន្ត្រីសុខាភិបាល កំពុងតាមដានរកអ្នកដែលជាប់ពាក់ព័ន្ធនឹងអ្នកស្លាប់ជាច្រើន នៅតំបន់វង់កាថៈ ឃុំប៉ាក់ខ្លង ជាពិសេស ក្នុងតំបន់សេដ្ឋកិច្ចពិសេសខេត្តកោះកុង គ្រាដែលកូនប្រសារបុរសវ័យចំណាស់ដែលស្លាប់បម្រើការងារនៅការិយាល័យរដ្ឋបាលនៅរោងចក្រKKN រសៀលថ្ងៃនេះ។លោកវេជ្ជបណ្ឌិត ទៅ ម៉ឹង អះអាងថា សពបុរសឈ្មោះ ចាន់ លី យកទៅបូជានៅវត្តព្រែកស្វាយ សង្កាត់ស្ទឹងវែង ក្រុងខេមរភូមិន្ទ។ ចំពោះសាច់ញាតិដែលរកមិនឃើញវិជ្ជមានកូវីដ ចំនួន៥នាក់ តម្រូវឱ្យធ្វើចត្តាឡីស័ក នៅចម្ការរបស់ពួកគេនៅតំបន់វង់កាថៈ៕អត្ថបទ ៖ ឈឹម មករា

រោងចក្រជិត៦០ក្នុងខណ្ឌចំនួនពីរនៃរាជធានីភ្នំពេញ ត្រូវបានបិទបណ្តោះអាសន្នក្រោយកម្មករឆ្លងជំងឺកូវីដ-១៩

ភ្នំពេញ ៖ គិតមកដល់ពេលនេះរោងចក្រ សហគ្រាសសរុបចំនួនប្រមាណជិត៦០ ក្នុងខណ្ឌពោធិ៍សែនជ័យ និងខណ្ឌមានជ័យ នៃរាជធានីភ្នំពេញ បានបិទទ្វារ ផ្អាកដំណើរការបណ្តោះអាសន្ន ក្រោយផ្ទុះនៃការឆ្លងរាលដាលកូវីដ-១៩ ដល់កម្មករនិយោជិត។ ទន្ទឹមនឹងការគ្រប់គ្រងស្ថានការនៃការឆ្លងតាមរោងចក្រ អាជ្ញាធរពាក់ព័ន្ធ បានអំពាវនាវដល់ប្រជាពលរដ្ឋ និងកម្មករដែលពាក់ព័ន្ធនឹងរោងចក្របិទទ្វារ ចូលរួមអនុវត្តន៍វិធានការសុខាភិបាលដើម្បីចូលរួមទប់ស្កាត់ការឆ្លងរាលដាលជំងឺកូវីដ-១៩។នៅព្រឹកថ្ងៃទី១០ មិថុនា ឆ្នាំ២០២១នេះ លោក ប៉ាង លីដា អភិបាលរងខណ្ឌពោធិ៍សែនជ័យ បានឲ្យដឹងថា ក្នុងមូលដ្ឋានរបស់លោក រោងចក្រដែលបិទបណ្តោះអាសន្នក្រោយរកឃើញជាប់ពាក់ព័ន្ធករណីវិជ្ជមានកូវីដ-១៩ ចំនួនប្រមាណជិត ៤០រោងចក្រ នៃចំនួនសរុប ២៨៥រោងចក្រ។ លោក បានបន្តថា ដោយឡែក កម្មករ-កម្មការិនី ដែលរកឃើញវិជ្ជមានកូវីដ-១៩ សរុបប្រមាណជាង ៦០០នាក់ ប៉ុន្តែមកដល់ពេលនេះ បានព្យាបាលសះស្បើយចំនួន ៥២០នាក់ហើយ។ជាមួយគ្នានេះ លោក ឌី រ័ត្នខេមរុណ អភិបាលរងខណ្ឌមានជ័យ បានឲ្យដឹងនៅព្រឹកនេះដែរថា រោងចក្របិទបណ្តោះអាសន្នដែលជាប់ពាក់ព័ន្ធករណីឆ្លងរាលដាលជំងឺកូវីដ-១៩ សរុបចំនួន ១៩រោងចក្រ ក្នុងនោះកម្មករនិយោជិតរកឃើញវិជ្ជមានកូវីដ១៩ ចំនួនសរុប ៥៣៥ករណី។សូមបញ្ជាក់ថា ការបិទបណ្តោះអាសន្ននៃរោងចក្រសហគ្រាសក្នុងខណ្ឌទាំងពីរនេះ គឺបន្ទាប់ពីរោងចក្រសហគ្រាសបានបើកដំណើរការឡើងវិញ នៅក្រោយវិធានការបិទខ្ទប់ ដែលបានបែកចែកតំបន់ហាមឃាត់ការធ្វើការដំណើរឆ្លងកាត់ ត្រូវបានដកចេញ។ វិធានការបិទខ្ទប់នេះ គឺអនុវត្តចាប់តាំងពីមានការផ្ទុះករណីឆ្លងជំងឺកូវីដ-១៩ ក្នុងសហគមន៍ក្នុងព្រឹត្តិការណ៍សហគមន៍២០កុម្ភៈ៕អត្ថបទ ៖ ឈិតបូរ៉ាវី

នៅថ្ងៃនេះ កម្ពុជាមានពលរដ្ឋ៤២៦នាក់ទៀតឆ្លងកូវីដ-១៩ ខណៈអ្នកជាសះស្បើយថ្មីមាន៧៦០នាក់

ភ្នំពេញ៖ ក្រសួងសុខាភិបាលបានប្រកាសនៅថ្ងៃនេះថា មនុស្ស ៤២៦នាក់បន្ថែមទៀតបានឆ្លងមេរោគកូវីដ-១៩ ខណៈអ្នកជំងឺកូវីដ-១៩ចំនួន ៧៦០នាក់ទៀត ត្រូវបានព្យាបាលជាសះស្បើយឡើងវិញ។ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាលបញ្ជាក់ថា ករណីឆ្លងថ្មីទាំងនេះ ត្រូវបានរកឃើញលើប្រជាពលរដ្ឋ ៣៨០នាក់ ជាប់ពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ ខណៈករណីឆ្លង ៤៦នាក់ទៀត គឺជាករណីនាំចូល។ក្រសួងសុខាភិបាល បានឱ្យដឹងទៀតថា តួលេខអ្នកស្លាប់ដោយសារជំងឺកូវីដ-១៩សរុប បានកើនឡើងដល់ ៣០០នាក់ហើយគិតត្រឹមថ្ងៃនេះ ក្នុងនោះរាប់បញ្ចូលទាំងតួលេខអ្នកស្លាប់ថ្មី ១១នាក់ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៣៦ ៦៦៦នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក។ប៉ុន្តែ ក្រសួងសុខាភិបាលបញ្ជាក់ថា អ្នកជំងឺកូវីដ-១៩សរុប ២៩ ៨០៧នាក់ហើយ ត្រូវបានព្យាបាលជាសះស្បើយឡើងវិញ ក្នុងនោះមានទាំងអ្នកជាសះស្បើយថ្មី ៧៦០នាក់ ដែលក្រសួងទើបប្រកាសនៅថ្ងៃនេះផងដែរ៕

ខេត្តបន្ទាយមានជ័យ រកឃើញពលរដ្ឋ៣៥នាក់ទៀតឆ្លងកូវីដ-១៩ ភាគជាច្រើនជាពលករខ្មែរទើបវិលត្រឡប់ពីថៃ

បន្ទាយមានជ័យ៖ រដ្ឋបាលខេត្តបន្ទាយមានជ័យ បានប្រកាសពីការរកឃើញប្រជាពលរដ្ឋ ៣៥នាក់ទៀតឆ្លងមេរោគកូវីដ-១៩ កាលពីថ្ងៃម្សិលមិញនេះ ខណៈអ្នកជំងឺកូវីដ-១៩ ចំនួន៦៩នាក់ទៀត ត្រូវបានព្យាបាលជាសះស្បើយឡើងវិញ។ក្នុងសេចក្ដីប្រកាសព័ត៌មាននៅថ្ងៃនេះ រដ្ឋបាលខេត្តបន្ទាយមានជ័យបញ្ជាក់ថា ករណីឆ្លងថ្មីទាំងអស់នេះ ត្រូវបានរកឃើញលើពលករខ្មែរ ២៥នាក់ ដែលទើបវិលត្រឡប់មកពីប្រទេសថៃ។ចំណែកឯករណីឆ្លងផ្សេងទៀត រដ្ឋបាលខេត្តនេះ បញ្ជាក់ថា ត្រូវបានរកឃើញលើប្រជាពលរដ្ឋចំនួន ១០នាក់ ដែលជាអាជីវករ កម្មករ សិស្ស និងកុមារ ៣នាក់នៅក្នុងក្រុងប៉ោយប៉ែត។រដ្ឋបាលខេត្តបន្ទាយមានជ័យ ក៏បានឱ្យដឹងផងដែរថា អ្នកជំងឺកូវីដ-១៩ចំនួន ៦៩នាក់ទៀត ត្រូវបានព្យាបាលជាសះស្បើយពីជំងឺកូវីដ-១៩នៅថ្ងៃនេះ៕

វិនិយោគិនក្រុមហ៊ុនGFX បដិសេធចូលរួមជាមួយក្រុមហ៊ុនប្ដឹងបុគ្គលទីបី និងទាមទារឱ្យក្រុមហ៊ុនចេញមុខសងប្រាក់ដោយផ្ទាល់

ភ្នំពេញ ៖ វិនិយោគិនប្រមាណ១០០នាក់ បានដាក់លិខិតជាថ្មីស្នើសុំឱ្យក្រុមហ៊ុនឈ្មួញជើងសារឧបករណ៍និស្សន្ទ សងប្រាក់វិនិយោគិនដាក់ប្រាក់ជាមួយក្រុមហ៊ុន ត្រឡប់ដោយផ្ទាល់។ ទន្ទឹមនឹងនេះ វិនិយោគិនក៏បានបដិសេធចូលរួមជាមួយក្រុមហ៊ុន ប្តឹងបុគ្គលទីបី ដែលត្រូវបានគេចោទថា ជាអ្នកនៅពីក្រោយសំណុំរឿងបាត់បង់លុយ។ក្រុមវិនិយោគិនបានដាក់លិខិតស្នើសុំនេះ ទៅក្រុមហ៊ុន GFX ស្ថិតនៅតំបន់ទួលគោក កាលពីព្រឹកថ្ងៃទី៩ខែមិថុនា បន្ទាប់ពីក្រុមហ៊ុន បានជូនដំណឹងដល់វិនិយោគិនកាលពីថ្ងៃទី២៥ ខែឧសភា ចូលរួមប្តឹងជាមួយក្រុមហ៊ុនទៅជនទី៣ មុនថ្ងៃកំណត់ត្រឹមថ្ងៃទី១១ ខែមិថុនា ឆ្នាំ២០២១។ក្រុមវិនិយោគិន បញ្ជាក់ថា ពួកគាត់ទាមទារប្រាក់សំណងប្រមាណ៧លានដុល្លារ ពីក្រុមហ៊ុនដោយផ្ទាល់ ពីព្រោះពួកគាត់បានដាក់ប្រាក់វិនិយោគផ្ទាល់ជាមួយក្រុមហ៊ុន ហើយពួកគាត់មិនដែលស្គាល់បុគ្គលទីបីនោះទេ។ ក្រុមវិនិយោគិន បានបញ្ជាក់ថា សំណុំរឿងកិបកេង គឺជារឿងផ្ទៃក្នុងរបស់ក្រុមហ៊ុន និងជនទីបី។បន្ទាប់ពីបានដាក់លិខិតទាមទារក្រុមហ៊ុន GFX សងត្រឡប់នូវប្រាក់ដែលបានបាត់បង់ក្រុមវិនិយោគិនបានបន្តដាក់លិខិតទៅក្រសួងសេដ្ឋកិច្ច និងហិរញ្ញវត្ថុ ក្នុងគោលបំណង ស្នើសុំអន្តរាគមន៍ តាមរយៈការសហការជាមួយស្ថាប័នពាក់ព័ន្ធខ្នះខ្នែងក្នុងការដោះស្រាយបញ្ហានេះ ហើយ សង្ឃឹមថានឹងមានដំណោះស្រាយល្អពីខាងក្រុមហ៊ុន។ក្រុមការងារព័ត៌មាន BTV បានព្យាយាមទាក់ទងទៅអ្នកនាំពាក្យក្រសួងសេដ្ឋកិច្ច និងហិរញ្ញវត្ថុ និងនិយ័តករមូលបត្រកម្ពុជា ប៉ុន្តែមិនមានការឆ្លើយតប នៅព្រឹកថ្ងៃទី៩នេះ។លោក ជា រដ្ឋសាវុន មេធាវីនៃក្រុមហ៊ុន GFX បានបញ្ជាក់ នៅថ្ងៃទី៩នេះថា ទាក់ទិនការតវ៉ាទាមទាររបស់ក្រុមវិនិយោគិន ក្រុមហ៊ុនកំពុងរងចាំតាមនីតិវិធីច្បាប់ គេធ្វើការនៅឡើយ។សូមបញ្ជាក់ថា ការជួញដូរឧបករណ៍និស្សន្ទ ឬដេរីវ៉េទីវ សំដៅទៅការជួញដូរលើកិច្ចសន្យាលើគម្លាតថ្លៃនៃឧបករណ៍ហិរញ្ញវត្ថុដើម ដែលចេញពីមូលបត្រសន្ទស្សន៍លោហៈធាតុមានតម្លៃរូបិយប័ណ្ណអន្តរជាតិ និងប្រេងឆៅជាដើម៕អត្ថបទ ៖ ឈិត បូរ៉ាវី

កម្ពុជាបន្ដរកឃើញមនុស្ស៧២៩នាក់ទៀតឆ្លងមេរោគកូវីដ-១៩ ខណៈចំនួនអ្នកស្លាប់កើនឡើង១១នាក់

ភ្នំពេញ៖ ក្រសួងសុខាភិបាល បានប្រកាសថា កម្ពុជារកឃើញអ្នកឆ្លងមេរោគកូវីដ-១៩ ថ្មីចំនួន៧២៩ បន្ថែមទៀត ខណៈមនុស្សចំនួន៣៩៨នាក់ទៀតផ្សេងទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ក្រសួងសុខាភិបាលនៅថ្ងៃនេះ បានបញ្ជាក់ថា ករណីឆ្លងថ្មីដល់ទៅ ចំនួន៦៧១ បន្ថែមទៀត សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ៥៨នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស១១នាក់បន្ថែមទៀត បានស្លាប់ ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់២៨៩នាក់បន្ថែមទៀត ។បើតាមក្រសួងសុខាភិបាល អ្នកជំងឺកូវីដ-១៩សរុប ២៩ ០៤៧នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយ ចំនួន៣៩៨នាក់ទៀត ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៣៦ ២៤០ នាក់ហើយ បានឆ្លងមេរោគកូវីដ-១៩នៅទូទាំងប្រទេស ចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

តុលាការលើកលែងការចោទប្រកាន់ចំពោះ មាន ពេជ្ររីតា ពីបទលួចស្ថានមានស្ថានទម្ងន់ទោស

ភ្នំពេញ៖ បន្ទាប់ពីឆ្លងកាត់នីតិវិធីជាបន្តបន្ទាប់ កាលពីថ្ងៃទី០៧ ខែមិថុនា ឆ្នាំ២០២១ សាលាដំបូងរាជធានីភ្នំពេញ បានសម្រេចចេញដីកាលើកលែងការចោទប្រកាន់ឈ្មោះ មាន ពេជ្ររីតា ពីបទ លួចមានស្ថានទម្ងន់ទោសដោយសារប្រព្រឹត្តិអំពើហិង្សា។ឯកឧត្ដម គី តិច ប្រធានក្រុមមេធាវីស្ម័គ្រចិត្តសម្តេចតេជោ បានបញ្ជាក់ប្រាប់អ្នកសារព័ត៌មាន BTV នៅល្ងាចថ្ងៃទី០៨ ខែមិថុនា ឆ្នាំ២០២១នេះថា សំណុំរឿងរបស់ លោកឧកញ៉ា ហេង សៀ ដែលបានប្តឹង កញ្ញា មាន ពេជ្ររីតា ពីបទលួចមានស្ថានទម្ងន់ទោស ត្រូវបានតុលាការចេញដីកាលើកលែងការចោទប្រកាន់ហើយ បន្ទាប់ពីចៅក្រមស៊ើបសួរពិនិត្យឃើញថា អំពើដែល កញ្ញា មាន ពេជ្ររីតា បានប្រព្រឹត្តិគឺជា អំពើទប់ទល់ និង ការពារខ្លួនឬ រំដោះខ្លួនក្នុងសភាពចាំបាច់ និងមានតុល្យភាព ដើម្បីប្រឆាំងទៅនឹងអំពើឈ្លានពានដែលមិនត្រឹមត្រូវ។ ដោយក្នុងនោះ ចៅក្រមបានចាត់ទុកសកម្មភាពរបស់ជនត្រូវចោទ កញ្ញា មាន ពេជ្ររីតា គឺជាការការពារស្របច្បាប់ហើយជនត្រូវចោទ មិនត្រូវបានទទួលខុសត្រូវព្រហ្មទណ្ឌឡើយស្របតាមបបញ្ញត្តិមាត្រា ៣៣ នៃក្រមព្រហ្មទណ្ឌនៃព្រះរាជាណាចក្រកម្ពុជា។ឯកឧត្ដម គី តិច បានបន្ថែមការសម្រេចនេះ ក៏ជាការបំភ្លឺនូវការមន្ទិលសង្ស័យរបស់ប្រជាពលរដ្ឋដែលតែងតែដាក់ការចោទប្រកាន់មកលើប្រព័ន្ធយុត្តិធម៌នៅកម្ពុជា ដែរថាអ្នកមានលុយ មានអំណាចនឹងមិនចេះជាប់ទោសជាពិសេសសំណុំរឿង កញ្ញា មាន ពេជ្ររីតា ថាមានការសម្របសម្រួលគ្នាក្រៅប្រព័ន្ធតុលាការនោះគឺជារឿងមិនពិតនោះទេ។សូមរំលឹកថា ឧកញ៉ា ហេង សៀ បានដាក់ពាក្យប្តឹង កញ្ញា មាន ពេជ្ររីតា ពីបទលួចមានស្ថានទម្ងន់ទោស ដែលប្រព្រឹត្តិនៅ ចំណុចផ្លូវ ១៣៨ កែងផ្លូវ២៥៩ ក្រុម២៨ ភូមិ១០ សង្កាត់ទឹកល្អក់២ ខណ្ឌទួលគោក រាជធានីភ្នំពេញ កាលពីថ្ងៃទី០៤ ខែឧសភា ឆ្នាំ២០២១ ដោយចោទថា មាន ពេជ្ររីតា បានយកកូនកាំបិតចុងស្រួចចាក់ទៅលោកឧកញ៉ា បណ្តាលអោយរងរបួសធ្ងន់ធ្ងរ២កន្លែង ហើយក៏បានដកយកទូរស័ព្ទ១គ្រឿង ម៉ាក Ipone 12 Pro Max និងបានគេចខ្លួន។ដោយឡែកករណីដែរ កញ្ញា មាន ពេជ្ររីតា បានប្តឹងទៅ លោកឧកញ៉ាហេង សៀ ពីបទ ប៉ុនប៉ងរំលោភសេពសន្ថវៈវិញនោះមកដល់ពេលនេះ ក្រុមមេធាវីស្ម័គ្រចិត្តសម្តេចតេជោនៅតែបន្តតាមដានយ៉ាងយកចិត្តទុកដាក់បំផុតចំពោះចំណាត់ការរបស់តុលាការ ប៉ុន្តែ នៅមិនទាន់ទទួលបានការកោះហៅអោយឧកញ៉ា ហេង សៀ ចូលបភ្លឺនៅឡើយ ដោយយោងតាមការស្នើសុំពីឧកញ៉ា ហេង សៀផ្ទាល់ ព្រោះមូលហេតុស្ថានភាពសុខភាព។ ជាចុងក្រោយឯកឧត្តម ប្រធានក្រុមមេធាវីស្ម័គ្រចិត្តសម្តេចតេជោនៅតែបញ្ជាក់យ៉ាងច្បាស់ថា រឿងក្តីរបស់កញ្ញា មាន ពេជ្ររីតា និង ឧកញ៉ា ហេង សៀ មិនមានការសម្របសម្រួលបញ្ចប់រឿងជាមួយនឹងលុយកាកនោះទេ ផ្ទុយទៅវិញរឿងក្តីកំពុងតែបន្តទៅនីតិវិធីច្បាប់៕ អត្ថបទ ៖ សូដាវណ្ណ

នៅថ្ងៃនេះ កម្ពុជាមានពលរដ្ឋ១២នាក់ទៀតស្លាប់ដោយសារជំងឺកូវីដ-១៩ ខណៈរកឃើញមនុស្ស៦៧៨នាក់ទៀតឆ្លងមេរោគនេះ

ភ្នំពេញ៖ ក្រសួងសុខាភិបាលបានប្រកាសនៅថ្ងៃនេះថា មនុស្ស ១២នាក់ទៀត បានស្លាប់បាត់បង់ជីវិតដោយសារជំងឺកូវីដ-១៩ ខណៈរកឃើញពលរដ្ឋ ៦៧៨នាក់ឆ្លងមេរោគផ្លូវដង្ហើមនេះ។ ក្រសួងសុខាភិបាល បញ្ជាក់ថា តួលេខអ្នកស្លាប់ដោយសារជំងឺកូវីដ-១៩សរុប បានកើនឡើងដល់ ២៧៨នាក់ហើយគិតត្រឹមថ្ងៃនេះ ក្នុងនោះរាប់បញ្ចូលទាំងតួលេខអ្នកស្លាប់ថ្មីដែលក្រសួងប្រកាសនៅថ្ងៃនេះផងដែរ។ក្រសួងសុខាភិបាលក៏បានប្រកាសនៅថ្ងៃនេះផងដែរថា មនុស្ស ៦៧៨នាក់ទៀត ត្រូវបានរកឃើញឆ្លងមេរោគកូវីដ-១៩ ក្នុងនោះពលរដ្ឋ ៦២៩នាក់បានពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ ខណៈករណីឆ្លងថ្មីចំនួន ៤៩នាក់ទៀត គឺជាករណីនាំចូលពីក្រៅប្រទេស។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៣៥ ៥១១នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក។ប៉ុន្តែ ក្រសួងសុខាភិបាលបញ្ជាក់ថា អ្នកជំងឺកូវីដ-១៩សរុប ២៨ ៦៤៩នាក់ហើយ ត្រូវបានព្យាបាលជាសះស្បើយឡើងវិញ ក្នុងនោះមានទាំងអ្នកជាសះស្បើយថ្មី ៥៥៧នាក់ ដែលក្រសួងទើបប្រកាសនៅថ្ងៃនេះផងដែរ៕

ខេត្តបន្ទាយមានជ័យរកឃើញពលរដ្ឋ៤២នាក់ទៀតឆ្លងកូវីដ-១៩ ខណៈអ្នកជំងឺ១២០នាក់ទៀតជាសះស្បើយឡើងវិញ

បន្ទាយមានជ័យ៖ រដ្ឋបាលខេត្តបន្ទាយមានជ័យបានប្រកាសថា ប្រជាពលរដ្ឋចំនួន ៤២នាក់ទៀត ត្រូវបានរកឃើញឆ្លងមេរោគកូវីដ-១៩កាលពីថ្ងៃម្សិលមិញនេះ ហើយអ្នកជំងឺកូវីដ-១៩ចំនួន ១២០នាក់បន្ថែមទៀត ត្រូវបានព្យាបាលជាសះស្បើយឡើងវិញ។ក្នុងសេចក្ដីប្រកាសព័ត៌មាននៅថ្ងៃនេះ រដ្ឋបាលខេត្តបន្ទាយមានជ័យបញ្ជាក់ថា ពលករខ្មែរចំនួន ១៧នាក់ ត្រូវបានរកឃើញឆ្លងមេរោគកូវីដ-១៩ បន្ទាប់ពីពួកគេវិលត្រឡប់មកពីប្រទេសថៃនាពេលថ្មីៗនេះ។ក្រៅពីពលករមកពីក្រៅប្រទេស រដ្ឋបាលខេត្តនេះឱ្យដឹងទៀតថា កម្មករកម្មការិនី ១១នាក់ដែលបម្រើការងារនៅតាមរោងចក្រនានានៅក្រុងប៉ោយប៉ែត ក៏ត្រូវបានរកឃើញឆ្លងមេរោគកូវីដ-១៩ផងដែរ។រដ្ឋបាលខេត្តបន្ទាយមានជ័យ ឱ្យដឹងបន្ថែមថា ពលរដ្ឋ ៨នាក់ផ្សេងទៀតដែលមានទាំងកុមារផងនោះ ក៏បានឆ្លងមេរោគកូវីដ-១៩ផងដែរ ខណៈករណីឆ្លងថ្មី ២ករណីទៀត ត្រូវបានរកឃើញលើពលរដ្ឋ ២នាក់ទៀតដែលសម្រាកព្យាបាលជំងឺនៅមន្ទីរពេទ្យ៕

បណ្ដាញសង្គម

ព័ត៌មានថ្មីៗ

កងទ័ពអ៊ីស្រាអែលដណ្តើមបានប្រាសាទយុទ្ធសាស្ត្រនៅលីបង់ក្នុងការឈ្លានពានដ៏ជ្រៅបំផុតចូលប្រទេសនេះ ក្នុងរយៈពេល២៦ ឆ្នាំ

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញនាំយកទេយ្យវត្ថុ ប្រគេនព្រះសង្ឃ និងចែកអំណោយប្រជាពលរដ្ឋ នៅស្រុកភ្នំស្រួច ខេត្តកំពង់ស្ពឺ

ឯកឧត្តមកិត្តិសង្គហបណ្ឌិត គន់ គីម អញ្ជើញជួបប្រជាពលរដ្ឋភៀសសឹក និងពិនិត្យទីតាំងរៀបចំផ្សារបណ្តោះអាសន្ន ក្នុងខេត្តបន្ទាយមានជ័យ

ក្រសួងការងារ៖ ខេត្តស្ថិតក្នុងតំបន់ទំនាបកណ្ដាលចំនួន៣ មានឱកាសការងារជាង ៨,០០០កន្លែង កំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ

ក្រសួងការងារ៖ នៅខេត្តជាប់សមុទ្រទាំង៤ មានឱកាសការងារជិត ៧,០០០កន្លែង ដែលកំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ

ឯកឧត្តមឧបនាយករដ្ឋមន្ត្រី ហ៊ុន ម៉ានី៖ វិញ្ញាសាតាក់តែងចប់ភ្លាម ប្រឡងភ្លាមតែម្តង

រដ្ឋមន្រ្តីការពារជាតិជប៉ុនលោក Koizumi ច្រានចោលការចោទប្រកាន់ពីយោធានិយមថ្មី

ក្រសួងការងារ៖ ខេត្តចំនួន៤ នៅភូមិភាគឦសាន្ត មានឱកាសការងារជិត ៤,០០០កន្លែង កំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ

ប្រមុខ WHO ទទួចសុំឲ្យមានការបញ្ចុះសពដោយសុវត្ថិភាព អំឡុងធ្វើដំណើរទៅកាន់តំបន់រីករាលដាលឆ្លងជំងឺអេបូឡា

អាជ្ញាធរជាតិអប្សរា និង JQA បិទបញ្ចប់កម្មវិធីអប់រំបរិស្ថានសម្រាប់កុមារ ឆ្នាំ២០២៦ និងប្រគល់រង្វាន់ដល់សិស្សឆ្នើម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

កម្ពុជាបន្ដរកឃើញមនុស្ស៦៥៥នាក់ទៀតឆ្លងមេរោគកូវីដ-១៩ ខណៈ៣ថ្ងៃមកនេះ ស្លាប់៣៣នាក់

មន្ត្រីជំនាញខេត្តកោះកុង រកឃើញបុរសវ័យ៦៤ឆ្នាំ ស្លាប់ដោយសារជំងឺកូវីដ-១៩ និងសាច់ញាតិ២នាក់ទៀតឆ្លងកូវីដ

រោងចក្រជិត៦០ក្នុងខណ្ឌចំនួនពីរនៃរាជធានីភ្នំពេញ ត្រូវបានបិទបណ្តោះអាសន្នក្រោយកម្មករឆ្លងជំងឺកូវីដ-១៩

នៅថ្ងៃនេះ កម្ពុជាមានពលរដ្ឋ៤២៦នាក់ទៀតឆ្លងកូវីដ-១៩ ខណៈអ្នកជាសះស្បើយថ្មីមាន៧៦០នាក់

ខេត្តបន្ទាយមានជ័យ រកឃើញពលរដ្ឋ៣៥នាក់ទៀតឆ្លងកូវីដ-១៩ ភាគជាច្រើនជាពលករខ្មែរទើបវិលត្រឡប់ពីថៃ

កម្ពុជាបន្ដរកឃើញមនុស្ស៧២៩នាក់ទៀតឆ្លងមេរោគកូវីដ-១៩ ខណៈចំនួនអ្នកស្លាប់កើនឡើង១១នាក់

តុលាការលើកលែងការចោទប្រកាន់ចំពោះ មាន ពេជ្ររីតា ពីបទលួចស្ថានមានស្ថានទម្ងន់ទោស

នៅថ្ងៃនេះ កម្ពុជាមានពលរដ្ឋ១២នាក់ទៀតស្លាប់ដោយសារជំងឺកូវីដ-១៩ ខណៈរកឃើញមនុស្ស៦៧៨នាក់ទៀតឆ្លងមេរោគនេះ

ខេត្តបន្ទាយមានជ័យរកឃើញពលរដ្ឋ៤២នាក់ទៀតឆ្លងកូវីដ-១៩ ខណៈអ្នកជំងឺ១២០នាក់ទៀតជាសះស្បើយឡើងវិញ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

កម្ពុជា​បន្ដ​រក​ឃើញ​មនុស្ស៦៥៥នាក់​ទៀត​ឆ្លង​មេរោគ​កូវីដ-១៩ ខណៈ​៣ថ្ងៃ​មកនេះ​ ស្លាប់​៣៣នាក់

នៅ​ថ្ងៃ​នេះ កម្ពុជា​មាន​ពលរដ្ឋ​៤២៦​​នាក់​ទៀត​ឆ្លង​កូវីដ-១៩ ខណៈអ្នក​ជា​សះ​ស្បើយ​ថ្មី​មាន​៧៦០​នាក់

កម្ពុជាបន្ដ​រក​ឃើញ​មនុស្ស៧២៩នាក់​ទៀត​ឆ្លង​មេរោគ​កូវីដ-១៩ ខណៈ​ចំនួនអ្នក​ស្លាប់កើនឡើង១១នាក់

តុលាការ​លើកលែង​ការចោទប្រកាន់​ចំពោះ មាន ពេជ្រ​រីតា ពី​បទ​លួច​ស្ថាន​មាន​ស្ថាន​ទម្ងន់​ទោស

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កម្ពុជាបន្ដរកឃើញមនុស្ស៦៥៥នាក់ទៀតឆ្លងមេរោគកូវីដ-១៩ ខណៈ៣ថ្ងៃមកនេះ ស្លាប់៣៣នាក់

នៅថ្ងៃនេះ កម្ពុជាមានពលរដ្ឋ៤២៦នាក់ទៀតឆ្លងកូវីដ-១៩ ខណៈអ្នកជាសះស្បើយថ្មីមាន៧៦០នាក់

កម្ពុជាបន្ដរកឃើញមនុស្ស៧២៩នាក់ទៀតឆ្លងមេរោគកូវីដ-១៩ ខណៈចំនួនអ្នកស្លាប់កើនឡើង១១នាក់

តុលាការលើកលែងការចោទប្រកាន់ចំពោះ មាន ពេជ្ររីតា ពីបទលួចស្ថានមានស្ថានទម្ងន់ទោស