BTV NEWS

អាវុធហត្ថរាជធានីភ្នំពេញ បង្ក្រាបទីតាំងលក់សម្ភារៈអាសអាភាសចំនួន ៣កន្លែង ឃាត់ខ្លួនជនសង្ស័យ ៩នាក់

គណៈបញ្ជាការឯកភាពរាជធានី បន្តចុះបង្ក្រាប Online Scams នៅសង្កាត់ចាក់អង្រែលើ ឃាត់មនុស្ស១៦នាក់

ផ្តន្ទាទោសជនជាប់ចោទ ៦នាក់ ដាក់ពន្ធនាគារអស់មួយជីវិតពាក់ព័ន្ធនឹងករណីឃាតកម្មដោយមានទារុណកម្មលើនិស្សិតជនជាតិកូរ៉េខាងត្បូង

ឃាត់ខ្លួនជនជាតិចិន ៦១នាក់ ក្នុងប្រតិបត្តិការបង្ក្រាបទីតាំង Online Scams នៅខណ្ឌចំនួនពីរ ក្នុងភូមិសាស្រ្តរាជធានីភ្នំពេញ

សន្តិសុខ និង សង្គម

ឱសានវាទនៃការចល័តចេញផ្ទះលើទឹក និងបែចិញ្ចឹមត្រីលើផ្ទៃទន្លេក្នុងរាជធានីភ្នំពេញជិតចូលមមកដល់

ភ្នំពេញ៖ អាជ្ញាធររាជធានីភ្នំពេញ កាលពីថ្ងៃទី០២ ខែមិថុនា ឆ្នាំ២០២១ បានចេញសេចក្ដីជូនដំណឹងឱ្យមានការរុះរើ ឬ ចល័តចេញជាបន្ទាន់ចំពោះ នូវបែរចិញ្ចឹមត្រី ផ្ទះបណ្ដែតទឹក ផ្ទះតូចៗ និងសំណង់មិនរៀបរយនៅលើផ្ទៃទន្លេទាំងអស់នៅក្នុងភូមិសាស្ត្ររាជធានីភ្នំពេញ ដោយទុករយៈពេល ០១ សប្ដាហ៍។ឱសានវាទរយៈពេល ១សប្តាហ៍នេះ ឃើញថា ខិតជិតមកដល់ហើយ ដូច្នេះ មហាជនទូទៅ មានការគាំទ្រ នឹងកំពុងទន្ទឹងរង់ចាំមលើយ៉ាងអន្ទះសារបំផុត ថា តើម្ចាស់បែចិញ្ចឹមត្រី ផ្ទះបណ្តែតទឹក និងសំណង់មិនរៀបរយលើផ្ទៃទន្លេ រូបណាខ្លះចូលរួមសហការជាមួយអាជ្ញាធររាជធានីភ្នំពេញ ។សូមជំរាបជូនថា រដ្ឋបាលរាជធានីភ្នំពេញ កាលពីថ្ងៃទី០២ ខែមិថុនា ឆ្នាំ២០២១ បានចេញសេចក្ដីជូនដំណឹង លេខ ០៣៨/២១ សជណ.ច បញ្ជាក់ថា កន្លងមកមានជនឱកាសនិយមមួយចំនួនបានលបលួចធ្វើបែចិញ្ចឹមត្រី ផ្ទះបណ្តែតទឹក ផ្ទះតូចៗ និងសំណង់មិនរៀបរយនៅលើផ្ទៃទន្លេ ហើយកន្លែងខ្លះបានប្រែក្លាយជាកន្លែងស្នាក់នៅដោយខុសច្បាប់យ៉ាងអាណាធិបតេយ្យ ដែលបង្កឱ្យបាត់បង់សណ្តាប់ធ្នាប់ ប៉ះពាល់ដល់ផ្លូវនាវាចរ ប៉ះពាល់ដល់ប្រព័ន្ធអេកូឡូហ្ស៊ី មានចរន្តទឹកហូរ គោករាក់ ពិសេសការប្រើប្រាស់ចំណីសម្រាប់ចិញ្ចឹមត្រី និងការបញ្ចេញកាក សំណល់ ការបន្ទោបង់ពាសវាលពាសកាលនៅក្នុងទឹកទន្លេ ដែលធ្វើឱ្យខូចខាតយ៉ាងធ្ងន់ធ្ងរដល់ជីវចម្រុះក្នុងទឹក ខូចគុណភាពទឹក បំពុលបរិស្ថាន និងប៉ះពាល់ដល់សោភ័ណភាព រាជធានីភ្នំពេញ ព្រមទាំងប៉ះពាល់ដល់សុខភាព នៃប្រជាពលរដ្ឋ ដែលបានប្រើប្រាស់ទឹកមិនស្អាតផងដែរ។ចំពោះមុខ ដើម្បីរក្សាបរិស្ថាន ជីវចម្រុះ គុណភាពទឹក និងលុបបំបាត់បាតុភាពអសកម្មខាងលើ រដ្ឋបាលរាជធានីភ្នំពេញ តម្រូវឱ្យម្ចាស់បែចិញ្ចឹមត្រី ផ្ទះបណ្តែតទឹក ម្ចាស់ផ្ទះតូចៗ និងម្ចាស់សំណង់មិនរៀបរយនៅលើផ្ទៃទន្លេទាំងអស់ ត្រូវរុះរើ ឬចល័តចេញជាបន្ទាន់ ដោយទុករយៈពេល ០១ សប្ដាហ៍ គិតចាប់ពីកាលបរិច្ឆេទចេញសេចក្តីជូនដំណឹងនេះតទៅ។ ផុតរយៈពេលនេះ រដ្ឋបាលរាជធានីភ្នំពេញនឹងចាត់វិធានការរដ្ឋបាលដោយពុំទទួលខុសត្រូវរាល់ការខូចខាត ឬការបាត់បង់ណាមួយឡើយ ហើយក្នុងករណីរឹងរូសអាជ្ញាធរមូលដ្ឋាន និងមន្ត្រីជំនាញនឹងកសាងសំណុំរឿងបញ្ជូនទៅតុលាការតាមផ្លូវច្បាប់៕ អត្ថបទ៖ តារាវុទ្ធី

តុលាការ បញ្ជូនជនឆបោក រៀបដីខ្យល់លក់ ទៅពន្ធនាគារខេត្ដសៀមរាប

សៀមរាប ៖ មេក្លោងរៀបដីខ្យល់លក់ និងឆបោកត្រូវបានបញ្ជូនខ្លួនចូលកាន់ ពន្ធនាគារខេត្តសៀមរាប រួចហើយ ក្រោយពីសាកសួរចម្លើយ ពីចៅក្រមស៊ើបអង្កេតរួចមក ។ ជនឆបោកឈ្មោះ លោក ផូ ស៊ីផានេះ គ្រប់គ្នាទទួលស្គាល់ថា មនុស្សហ៊ានទាំងបំពានច្បាប់ ជាជើងខ្លាំងពូកែរៀបដីខ្យល់ម្នាក់តែងតែយកឈ្មោះ លោកធំមកអួតអាង កាងនូវអំពើទុច្ចរិតរបស់ខ្លួន ជាយូរឆ្នាំមកហើយ។ក្រៅពីអំពើរកស៊ីទុច្ចរិតរៀបដីខ្យល់លក់ ឈ្មោះ ផូ ស៊ីផា ក៏ពូកែខាងរំលោភយកដីស្របច្បាប់របស់អ្នកទីទៃ និងលក់ដីជាន់កម្មសិទ្ធគ្នាផងដែរ ។បើតាមប្រភពព័ត៌មាន បានឲ្យដឹងថា ទម្រាំចាប់ជននេះបាន ឃើញមានអន្តរាគមន៍ខ្លាំងណាស់ពី ឯកឧត្តម និងឧកញ៉ា មួយចំនួនចង់អោយសម្របសម្រួលនៅក្រៅឃុំ ដោយសារប្រតិកម្មរបស់ដើមបណ្តឹងមានច្រើនគ្នាពេកមិនមែនមានតែម្នាក់ទេ ការអន្តរាគមន៍ក៏ស្ងាត់ទៅវិញ។ខាងដើមបណ្តឹងជាច្រើន បានស្នើសុំស្ថាប័នតុលាការផ្តល់ការ កាត់ក្តីអោយបានយុត្តិធម៌ និងត្រឹមត្រូវតាមច្បាប់បំផុត ដើម្បីជាគំរូល្អដល់ប្រព័ន្ធច្បាប់ស្រុកខ្មែរ ដែលមានឯកឧត្តម កើត រិទ្ធ រដ្ឋមន្ត្រីក្រសួងយុត្តិធម៌បានខិតខំប្រឹងប្រែងកែលម្អស្ថាប័នមួយនេះអោយ មានយុត្តិធម៌ និងតម្លាភាពនៅ ក្នុងសង្គម។គួររំលឹកថា លោក ផូ ស៊ីផា អាយុ ៤៦ឆ្នាំ ត្រូវបានកងកំលាំង សមត្ថកិច្ចធ្វើការចាប់ខ្លួនទៅតាមដីការបង្គាប់ អោយនាំខ្លួនលេខ ១៧៣/២១ ចុះថ្ងៃទី២ ខែមិថុនា ឆ្នាំ២០២១ របស់ព្រះរាជ អាជ្ញា នៃសាលាដំបូងខេត្តសៀមរាប បានបង្គាប់អោយនាំលោក ខ្លួន ផូ ស៊ីផា មុខរបរគួកជេរដី ខណៈដែលជននេះគេចវេស មិនព្រមចូលខ្លួន ទៅតាមការកោះហៅរបស់ព្រះរាជអាជ្ញាជាច្រើនដង។យោងតាមបណ្តឹងរបស់លោកស្រី ផាត់ សុជឿន កាលពីថ្ងៃទី២៦ ខែមីនា ឆ្នាំ២០២១ បានប្តឹង ឈ្មោះ ផូ ស៊ីផា ពីបទ “ប្រើអំពើហិង្សាលើអ្នកកាន់កាប់អចលនវត្ថុដោយ សុចរិត” និងបទ “ប្រឆាំងនិងអ្នករាជការ“ ប្រព្រឹត្តទៅនៅភូមិសណ្តាយ ឃុំខ្នារសណ្តាយ ស្រុកបន្ទាយស្រី ខេត្តសៀមរាប។ចំណែកសំណុំរឿងមួយទៀត កាលពីថ្ងៃទី០៨ ខែមេសា ឆ្នាំ២០២១ លោក ផូ ស៊ីផា ត្រូវបានកំលាំងចំរុះ ដឹកនាំដោយអាជ្ញា សាលាដំបូងខេត្តសៀមរាប និងកងកំលាំងប៉ូលិសក្រុង បានចុះអនុវត្ត ដីកាសម្រេចលេខ ១៩៩ ចុះថ្ងៃទី០៤ ខែមីនា ឆ្នាំ២០២១ ដោយឃាត់ទុករថយន្តមួយគ្រឿងម៉ាកToyota Lexus RX330 ពណ៌មាស ស្លាកលេខ សៀមរាប2B-6806 ជាកម្មសិទ្ធ របស់កូនបំណុលឈ្មោះ ផូ ស៊ីផា ទៅតាមដើមបណ្តឹង ពីបទ “រំលោភលើ ទំនុកចិត្ត និងបង្វែរវត្ថុដាក់ធានា” តាមសាលក្រមព្រហ្មទណ្ឌលេខ ៣៥ញ/២៩១សម្រេចអោយ ផូ ស៊ីផា ផ្តន្ទាទោសព្រហ្មទណ្ឌ ដាក់ពន្ធនាគារជាប់ទោស១ឆ្នាំ ពិន័យជាប្រាក់ចំនួន២លានរៀល ពីបទបង្វែរវត្ថុរឹបអូសដាក់ធានា និងបង្គាប់អោយ ផូ ស៊ីផា សងសំណង ការខូចខាត៥ម៉ឺនដុល្លារ និងសងជំងឺចិត្ត៣០លានរៀល ។ជាមួយគ្នានោះ ជនឆបោករូបនេះ ក៏មានសំណុំបណ្តឹងធ្ងន់មួយទៀត នៅក្នុងតុលាការ ឧទ្ធរខេត្តបាត់ដំបង នៅឡើយ ពីបទឆបោក លុយ ដៃគូរកស៊ីជាមួយគ្នារាប់ម៉ឺនដុល្លារ យកទៅទិញដីដាក់ឈ្មោះ ម្នាក់ឯង។ក្រៅពីសំណុំរឿងខាងលើ នៅមានសំណុំរឿងធ្ងន់ៗកំពុងប្តឹង លោក ផូ ស៊ីផា នៅតុលាការជាច្រើនទៀតនៅឡើយ សុទ្ធតែជាសំណុំរឿងពាក់ព័ន្ធបទល្មើសព្រហ្មទណ្ឌ៕អត្ថបទ ៖ សាវី

ជំនាញកំពុងជួយសង្គ្រោះត្រីមេពូជ ក្នុងតំបន់អភិរក្សបឹងពារាំង ក្នុងខេត្តសៀមរាប កុំឱ្យងាប់បន្តទៀត

សៀមរាប ៖ ថ្វីត្បិតតែត្រីមេពូជចម្រុះ នៅក្នុងតំបន់អភិរក្សបឹងពារាំង ក្នុងខេត្តសៀមរាប កំពុងត្រូវបានជួយសង្គ្រោះបន្ទាន់ចេញពីគ្រោះធម្មជាតិទឹកគោករាក់ ប៉ុន្តែការសង្គ្រោះនេះ វាអាចធានាបានរយៈពេលដ៏ខ្លីប៉ុណ្ណោះ។ លើស១៥ថ្ងៃ បើសិនជាគ្មានភ្លៀងធ្លាក់ទេនោះ វាជាគ្រោះអាសន្នដ៏ធំ ដែលពិបាកនឹងជួយសង្គ្រោះបន្ត។ នេះបើតាមការឱ្យដឹងពីអ្នកជំនាញ។កាលពីម្សិលមិញ ក្រោមការផ្តល់កិច្ចសហការអន្តរាគមន៍ដោយគ្រឿងចក្រមួយគ្រឿងរបស់ក្រសួងកសិកម្ម ដែលមានមន្ត្រីរដ្ឋបាលជលផលចុះផ្ទាល់ផងនោះ អាជ្ញាធរសង្កាត់ជ្រាវ នៃក្រុងសៀមរាប និងសហគមន៍បឹងពារាំង បានដំណើរការជីកប្រឡាយនាំទឹកចេញពីស្រះមួយចំនួន ទៅជួយសង្គ្រោះបន្ទាន់នូវជីវិតត្រីមេពូជចម្រុះ នៅក្នុងតំបន់អភិរក្សបឹងពារាំង ដែលកំពុងស្ថិតក្នុងស្ថានភាពគ្រោះថ្នាក់ ដោយសារតែកត្តាធម្មជាតិ គឺផ្ទៃបឹងរីងរាក់ និងអាកាសធាតុហួតហែង។លោក គង់ មង្គល ប្រធានសហគមន៍បឹងពារាំង បានឱ្យដឹងថា រយៈពេលបីយប់កន្លងមកហើយ ត្រីមេពូជក្នុងបឹងពារាំង បានងាប់ជាបណ្តើរៗ ដោយក្នុងមួយយប់ៗ អាចក្នុងចំនួនប្រមាណជា៥០ក្បាល ស្មើនឹងប្រហែលជិត១០០គីឡូក្រាម។ ជាមួយគ្នានេះដែរ កាលណាទឹកបឹងរីងរាក់បែបនេះ ត្រីមេពូជ ដែលងាប់ មិនត្រឹមតែជាលទ្ធផលប្រឈមនឹងអាកាសធាតុប៉ុណ្ណោះទេ ក៏ប៉ុន្តែវាក៏ត្រូវប្រឈមនឹងការយាយីដោយសត្វភេរផងដែរ ដែលសត្វភេរទាំងនោះ មានប្រមាណជា១០០ក្បាលនៅក្នុងតំបន់នេះ។លោកប្រធានសហគមន៍ បានបញ្ជាក់ថា នេះគឺជាការជួយសង្គ្រោះបឋម ដែលអាចបន្តឲ្យត្រីមេពូជទាំងនេះ មានដង្ហើមរស់ក្នុងរយៈពេលប្រហែលជា១៥ថ្ងៃទៀតប៉ុណ្ណោះ។ ប្រសិនបើគ្មានភ្លៀងធ្លាក់ទេនោះ វាជាគ្រោះអាសន្នយ៉ាងធ្ងន់ធ្ងរបំផុត ដែលមិនធ្លាប់មាន សម្រាប់ជីវិតត្រីមេពូជ នៃតំបន់អភិរក្សបឹងពារាំង។លោក បានបញ្ជាក់ថា លើសពី១៥ថ្ងៃទៅមុខ ជម្រើសចុងក្រោយ គឺមានតែស្នើទៅគណៈអភិបាលខេត្តសៀមរាប សុំរថយន្តដឹកទឹក យកមកបញ្ចូលក្នុងបឹងនេះ ដែលមធ្យោបាយនេះ វាជាក្តីសង្ឃឹមដ៏តិចតួច ដើម្បីសង្គ្រោះត្រីមេពូជឆ្នាំនេះ និងជាមេរៀនពិសោធន៍សម្រាប់ឆ្នាំបន្ទាប់៕អត្ថបទ៖ ងឹន គឹមឡេង

ខេត្តកំពង់ចាមប្រកាសថា ស្ត្រីម្នាក់អាយុ៦២ឆ្នាំបានស្លាប់ម្សិលមិញនេះ ២ថ្ងៃប៉ុណ្ណោះក្រោយរកឃើញឆ្លងកូវីដ-១៩

កំពង់ចាម៖ រដ្ឋបាលខេត្តកំពង់ចាម បានប្រកាសពីករណីស្លាប់ស្ត្រីម្នាក់អាយុ ៦២ឆ្នាំ ដោយសារជំងឺកូវីដ-១៩ កាលពីថ្ងៃម្សិលមិញនេះ តែ២ថ្ងៃប៉ុណ្ណោះក្រោយពីរកឃើញឆ្លងមេរោគកូវីដ-១៩។ក្នុងសេចក្ដីប្រកាសព័ត៌មាននៅថ្ងៃនេះ រដ្ឋបាលខេត្តកំពង់ចាម បញ្ជាក់ថា ស្ត្រីអាយុ៦២ឆ្នាំរូបនេះ បានស្លាប់បាត់បង់ជីវិត បន្ទាប់ពីរលាកសួតទាំងសងខាងធ្ងន់ធ្ងរ ដែលបង្កឡើងដោយវីរុសកូវីដ-១៩ បន្ថែមទៅលើជំងឺប្រចាំកាយរបស់គាត់ផងដែរ។បើតាមរដ្ឋបាលខេត្តកំពង់ចាម ស្ត្រីរូបនេះដែលមានលំនៅឋាននៅក្នុងភូមិត្រពាំងស្នោ ឃុំស្រម៉រ ស្រុកជើងព្រៃ ត្រូវបានបញ្ជូនទៅសម្រាកព្យាបាលនៅមន្ទីរពេទ្យមេគង្គកំពង់ចាម កាលពីថ្ងៃសុក្រសប្ដាហ៍មុន។រដ្ឋបាលខេត្តកំពង់ចាម បានឱ្យដឹងទៀតថា ស្ត្រីរូបនេះ បានទៅចូលរួមពិធីបុណ្យសពអ្នកភូមិម្នាក់កាលពីថ្ងៃទី២២ ខែឧសភា ហើយបានធ្លាក់ខ្លួនឈឺកាលពីថ្ងៃទី០១ ខែមិថុនា មុននឹងត្រូវបានរកឃើញឆ្លងមេរោគកូវីដ-១៩៕

ខេត្តព្រះវិហារសម្រេចផ្អាកប្រតិបត្តិការអាជីវកម្មបួនទីតាំងនៅស្រុករវៀង ក្រោយរកឃើញមនុស្ស៣នាក់ឆ្លងកូវីដ-១៩

ព្រះវិហារ៖ រដ្ឋបាលខេត្តព្រះវិហារបានសម្រេចបិទទីតាំងចំនួន៤នៅក្នុងស្រុករវៀងចាប់ពីថ្ងៃម្សិលមិញនេះ ដើម្បីទប់ស្កាត់ការឆ្លងរីករាលដាលនៃមេរោគកូវីដ-១៩។ក្នុងសេចក្ដីសម្រេច៤ដាច់ដោយឡែកពីគ្នា រដ្ឋបាលខេត្តព្រះវិហារសម្រេចបិទជាបណ្ដោះអាសន្នផ្សារទីរួមស្រុករវៀង ចាប់ពីថ្ងៃម្សិលមិញនេះរហូតដល់មានការជូនដំណឹងជាថ្មី។បន្ទាប់មកទៀត រដ្ឋបាលខេត្តនេះ ក៏បានសម្រេចផ្អាកដំណើរការជាបណ្ដោះអាសន្នផងដែរនូវផ្ទះសំណាក់តោពីរ ស្ថិតនៅភូមិតាំងត្រក ឃុំរបៀប នៃស្រុករវៀង ចាប់ពីថ្ងៃម្សិលមិញផងដែរ។ចំណែកឯអាជីវកម្មវីងមួយកន្លែងនៅភូមិត្នោតម្លូរ និងអាជីវកម្មអាហារដ្ឋានមួយកន្លែងនៅក្នុងភូមិរវៀងជើង ក៏ត្រូវបានផ្អាកជាបណ្ដោះអាសន្នផងដែរ។ក្នុងសេចក្ដីសម្រេចទាំងនោះ រដ្ឋបាលខេត្តព្រះវិហារ បញ្ជាក់ថា ការសម្រេចឱ្យផ្អាកដំណើរការអាជីវកម្មទាំង ៤ទីតាំងនេះ បន្ទាប់ពីមន្ត្រីសុខាភិបាលខេត្តនេះបានរកឃើញមនុស្ស ៣នាក់បានឆ្លងមេរោគកូវីដ-១៩ កាលពីថ្ងៃសៅរ៍កន្លងមកនេះ៕

កម្ពុជារកឃើញពលរដ្ឋ៥៨៩នាក់ទៀតឆ្លងកូវីដ-១៩ ខណៈអ្នកជំងឺ៩៤៥នាក់បន្ថែមទៀតបានជាសះស្បើយឡើងវិញ

ភ្នំពេញ៖ ក្រសួងសុខាភិបាលបានប្រកាសនៅថ្ងៃនេះថា មនុស្ស ៥៨៩នាក់ទៀតត្រូវបានរកឃើញឆ្លងមេរោគកូវីដ-១៩ ដែលភាគច្រើនលើសលប់សុទ្ធតែជាប់ពាក់ព័ន្ធទៅនឹងព្រឹត្តិការណ៍សហគមន៍ ២០កុម្ភៈ។ក្រសួងសុខាភិបាល បានបញ្ជាក់ថា ករណីឆ្លងថ្មីទាំងអស់នេះ ត្រូវបានរកឃើញលើប្រជាពលរដ្ឋ ៥៦២នាក់ដែលបានពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ ខណៈករណីឆ្លងថ្មីចំនួន ២៧នាក់ទៀត គឺជាករណីនាំចូលពីក្រៅប្រទេស។ក្រសួងសុខាភិបាល ក៏បានប្រកាសបន្ដថា អ្នកជំងឺកូវីដ-១៩ចំនួន ៣នាក់ទៀត បានស្លាប់បាត់បង់ជីវិតដោយសារតែជំងឺនេះ ដែលនាំឱ្យតួលេខអ្នកស្លាប់សរុបកើនដល់ ២៦៦នាក់ហើយ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៣៤ ៨៣៣នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក។ប៉ុន្តែ ក្រសួងសុខាភិបាលបញ្ជាក់ថា អ្នកជំងឺកូវីដ-១៩សរុប ២៨ ០៩២នាក់ហើយ ត្រូវបានព្យាបាលជាសះស្បើយឡើងវិញ ក្នុងនោះមានទាំងអ្នកជាសះស្បើយថ្មី ៩៤៥នាក់ ដែលក្រសួងទើបប្រកាសនៅថ្ងៃនេះផងដែរ៕

ខេត្តកំពង់ចាម រកឃើញពលរដ្ឋ៤៨នាក់ ទៀតឆ្លងកូវីដ-១៩ ភាគច្រើននៅស្រុកជើងព្រៃ និងស្រុកព្រៃឈរ

កំពង់ចាម៖ រដ្ឋបាលខេត្តកំពង់ចាមបានប្រកាសថា បានរកឃើញប្រជាពលរដ្ឋ ៤៨នាក់បន្ថែមទៀតឆ្លងមេរោគកូវីដ-១៩ ដែលភាគច្រើនរកឃើញនៅស្រុកព្រៃឈរ និងស្រុកជើងព្រៃ។ក្នុងសេចក្ដីប្រកាសព័ត៌មាននៅថ្ងៃនេះ រដ្ឋបាលខេត្តកំពង់ចាម បានបញ្ជាក់ថា ករណីឆ្លងថ្មីទាំងនេះ ត្រូវបានរកឃើញនៅលើប្រជាពលរដ្ឋ ២៣នាក់នៅស្រុកជើងព្រៃ ហើយបន្ទាប់មកស្រុកព្រៃឈរ រកឃើញករណីឆ្លងថ្មី ២២នាក់ទៀត។ ចំណែកឯ ៣ករណីទៀត រដ្ឋបាលខេត្តកំពង់ចាម បញ្ជាក់ថា រកឃើញនៅស្រុកចំការលើ ២នាក់ និងស្រុកបាធាយ ១នាក់។ករណីឆ្លងថ្មីទាំងនេះ ត្រូវបានរកឃើញនៅក្នុងចំណោមការតេស្តសំណាកប្រជាពលរដ្ឋ ៥៨៣នាក់ដែលធ្វើឡើងកាលពីថ្ងៃម្សិលមិញនេះ។រដ្ឋបាលខេត្តនេះក៏បានឱ្យដឹងផងដែរថា អ្នកជំងឺកូវីដ-១៩ចំនួន ៨១នាក់ទៀត ត្រូវបានព្យាបាលជាសះស្បើយផងដែរកាលពីថ្ងៃម្សិលមិញនេះ។គិតត្រឹមថ្ងៃនេះ អ្នកជំងឺកូវីដ-១៩សរុប ៤២៨នាក់ហើយ ត្រូវបានព្យាបាលជាសះស្បើយ ហើយអ្នកជំងឺកូវីដ-១៩ចំនួន ៥៦៦នាក់ផ្សេងទៀត កំពុងស្ថិតក្រោមការព្យាបាលបន្ត៕

វិនិយោគិនក្រុមហ៊ុន GFX មិនពេញចិត្តចំពោះយន្តការដោះស្រាយលើសំណុំរឿងបាត់បងលុយ និងបន្តទាមទារបន្ថែមទៀត

ភ្នំពេញ ៖ វិនិយោគិនក្រុមហ៊ុនឈ្មួញជើងសារឧបករណ៍និស្សន្ទ GFX មិនពេញចិត្តនឹងចំណាត់ការដោះស្រាយសំណុំរឿងបាត់បង់លុយ ហើយអះអាងថា ពួកគេនឹងបន្តទាមទារទៅក្រុមហ៊ុនបន្ថែមទៀត។ក្រុមវិនិយោគិនទាំងនេះ បានប្រាប់ទូរទស្សន៍ព័ត៌មានប៊ីធីវី នៅព្រឹកថ្ងៃទី៤មិថុនា ឆ្នាំ២០២១នេះថា តាមការគ្រោងទុកនៅថ្ងៃនេះ នឹងមានការជួបជុំគ្នាលក្ខណៈទ្រង់ទ្រាយធំ នៅមុខក្រុមហ៊ុនផ្ទាល់ដើម្បីស្វែងរកដំណោះស្រាយ និងនៅថ្ងៃស្អែក នឹងបន្តទៅភូមិគ្រឹះសម្តេច នាយករដ្ឋមន្ត្រីតេជោ ហ៊ុន សែន ដើម្បីស្នើសុំអន្តរាគមន៍លើបញ្ហានេះ ប៉ុន្តែដោយសារគោរពតាមការណែនាំរបស់រាជរដ្ឋាភិបាលអំពីហាមការជួបជុំគ្នាច្រើននាក់ ដើម្បីទប់ស្កាត់ការឆ្លងរាលដាលកូវីដ-១៩ ទើបលុបចោលវិញ។ ការបញ្ជាក់របស់វិនិយោគិន គឺធ្វើឡើងបន្ទាប់ក្រុមហ៊ុន GFX បានអះអាងថា នឹងនៅតែបន្តជាមួយអតិថិជនដើម្បីអនុវត្តដំណោះស្រាយតាមផ្លូវច្បាប់ ក្នុងគោលបំណងទាមទារប្រាក់ទាំងអស់មកវិញ និងផ្ដន្ទាទោសជនបង្ក និងបក្ខពួកដើម្បីរកយុត្តិធម៌ពិតប្រាកដជូនអតិថិជនរងគ្រោះ និងភាពស្អាតស្អំនៃក្រុមហ៊ុន។ ការបញ្ជាក់របស់ក្រុមហ៊ុន GFX ធ្វើឡើងបន្ទាប់មានអតិថិជនចំនួនប្រមាណ៥០នាក់បានអញ្ជើញមកក្រុមហ៊ុនសាខាទួលគោក កាលពីថ្ងៃទី៣១ ខែឧសភា ក្នុងគោលបំណងដើម្បីអោយក្រុមហ៊ុនបញ្ជាក់អោយច្បាស់អំពីពេលវេលា និងការងារដែលក្រុមហ៊ុនត្រូវដោះស្រាយ។នៅក្នុងសេចក្តីប្រកាសព័ត៌មាន កាលពីថ្ងៃទី២ ខែឧសភា ក្រុមហ៊ុន GFX លើកឡើងថា ក្រុមហ៊ុនបានដាក់ពាក្យបណ្តឹង កាលពីថ្ងៃទី៦ ខែមេសា ឆ្នាំ២០២១ ទៅសាលាដំបូងរាជធានីភ្នំពេញ ដែលខ្លឹមសារបានប្តឹងជនបង្ក និងបក្ខពួកបានលួចបង្កើតក្រុមហ៊ុន GFX International Co Ltd ជ្រកក្រោមទីតាំងក្រុមហ៊ុន និងជ្រកក្រោមពាណិជ្ជសញ្ញាក្រុមហ៊ុន Golden Investment Co Ltd (GFX) ដើម្បីធ្វើសកម្មភាពជួយដូរដោយខុសច្បាប់ សកម្មនេះ មិនស្ថិតនៅក្រោមសកម្មភាពអាជីវកម្ម និងអាជ្ញាប័ណ្ណរបស់ក្រុមហ៊ុន GFX នោះទេ។ប្រភព ដដែលបន្តថា តបតាមពាក្យបណ្តឹងដែលបានដាក់ សាលាដំបូងរាជធានីភ្នំពេញបានចាត់ចំណាត់ការភ្លាមៗ ដោយបានធ្វើការកោះហៅតំណាងក្រុមហ៊ុនសាកសួរ ចំនួនពីរលើក ដោយលើកទីមួយ ធ្វើឡើងនៅថ្ងៃទី២០ ខែមេសា ប៉ុន្តែដំណើរការនេះ ត្រូវបានលើកពេលដោយសារមូលហេតុជាប់វិធានការបិទខ្ទប់។ លើកទីពីរ ធ្វើឡើងនៅថ្ងៃទី១៩ ខែឧសភា ដំណើរការនេះ បានបំពេញរួចរាល់តាមនីតិវិធីច្បាប់។ក្រុមហ៊ុន បញ្ជាក់ថា ក្រុមជនបង្ក និងបក្ខពួកមួយចំនួនត្រូវបានកំណត់ស្របតាមនីតិវិធីនៃបណ្តឹងដែលកំពុងបន្តស្រាវជ្រាវបន្ថែមទៀត ដែលចំណុចនេះ ក្រុមហ៊ុនបានសូមឱ្យអតិថិជនមានភាពអត់ធ្មត់ និងទុកឱ្យស្ថាប័នតុលាការមានពេលវេលាគ្រប់គ្រាន់បំពេញការងាររបស់ខ្លួន ដោយត្រឹមត្រូវក្នុងគោលបំណងរកយុត្តិធម៌ដល់ភាគីទាំងអស់ដែលពាក់ព័ន្ធ និងផ្តល់តម្លាភាពពិតប្រាកដនៃជនរងគ្រោះទាំងអស់គ្នា។លោក ជា រដ្ឋសាវុន មេធាវីនៃក្រុមហ៊ុន GFX បានបញ្ជាក់ថា ការងារខាងលើនេះ ក្រុមហ៊ុនបានធ្វើសេចក្តីប្រកាសព័ត៌មានជាសាធារណៈ មួយហើយថា កិច្ចការងារនេះ ក្រុមហ៊ុនបានបញ្ជូនទៅតុលាការដើម្បីដោះស្រាយ។ ចំពោះការទាមទារបស់អតិថិជនទៅកាន់ក្រុមហ៊ុន លោកមេធាវីបានលើកឡើងថា ទុកអោយច្បាប់ជាអ្នកដោះស្រាយ ព្រោះលោកមិនទាន់ទទួលគោលការណ៍ណាពីខាងក្រុមហ៊ុន លើកិច្ចការទាំងអស់នៅឡើយទេ ព្រោះយើងធ្វើការទៅតាមផ្លូវច្បាប់។សូមបញ្ជាក់ថា ការជួញដូរឧបករណ៍និស្សន្ទ ឬដេរីវ៉េទីវ សំដៅទៅការជួញដូរលើកិច្ចសន្យាលើគម្លាតថ្លៃនៃឧបករណ៍ហិរញ្ញវត្ថុដើម ដែលចេញពីមូលបត្រសន្ទស្សន៍ លោហៈធាតុមានតម្លៃរូបិយប័ណ្ណអន្តរជាតិ និងប្រេងឆៅជាដើម៕អត្ថបទ៖ ឈិត បូរ៉ាវី

កម្ពុជាបន្ដរកឃើញមនុស្ស៨៨៦នាក់ទៀតឆ្លងមេរោគកូវីដ-១៩ ខណៈអ្នកជំងឺ៧៨១នាក់ទៀតបានជាសះស្បើយ

ភ្នំពេញ៖ ក្រសួងសុខាភិបាល បានប្រកាសថា កម្ពុជារកឃើញអ្នកឆ្លងមេរោគកូវីដ-១៩ ថ្មីចំនួន៨៨៦ បន្ថែមទៀត ខណៈមនុស្ស ចំនួន៧៨១នាក់ទៀតផ្សេងទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ក្រសួងសុខាភិបាលនៅថ្ងៃនេះ បានបញ្ជាក់ថា ករណីឆ្លងថ្មីដល់ទៅ ចំនួន៨៥៦ បន្ថែមទៀត សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ៣០នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស៦នាក់បន្ថែមទៀត បានស្លាប់ ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់២៤២នាក់បន្ថែមទៀត ។បើតាមក្រសួងសុខាភិបាល អ្នកជំងឺកូវីដ-១៩សរុប ២៥ ៥៤៤នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយ ៧៨១នាក់ទៀត ដែលក្រសួងប្រកាសនៅថ្ងៃនេះផងដែរ៕

នគរបាលកម្ពុជា-ចិន បានសហការគ្នាយ៉ាងល្អ ក្នុងការបង្ក្រាបឧក្រិដ្ឋជនបានជោគជ័យនាពេលកន្លងមក

ភ្នំពេញ ៖ អគ្គស្នងការនគរបាលកម្ពុជា និងក្រសួងសន្តិសុខសាធារណៈនៃសាធារណរដ្ឋប្រជាមានិតចិន បានសម្តែងមោទនភាពរួមគ្នាក្នុងការទទួលបានជោគជ័យ ក្នុងរយៈពេលប៉ុន្មានឆ្នាំមកនេះ ក្នុងកិច្ចការបង្ក្រាប និងទប់ស្កាត់ឧក្រិដ្ឋជនឆ្លងដែន បានយ៉ាងច្រើន ជាពិសេសឧក្រិដ្ឋជនដែលជាជនជាតិចិននេះតែម្តង។តាមរយៈកិច្ចប្រជុំវីដេអូពីចម្ងាយ នារសៀលថ្ងៃទី៣ខែមិថុនា ឆ្នាំ២០២១ម្សិលមិញនេះ រវាងនាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ លោក វ៉ាង ស៊ាវហុង (Wang Xiaohong) អនុរដ្ឋមន្ត្រីទទួលបន្ទុកកិច្ចការរដ្ឋបាល នៃក្រសួងសន្តិសុខសាធារណៈចិនភាគីទាំងពីរបាន ថ្លែងកោតសរសើរគ្នាទៅវិញទៅមកក្នុងកិច្ចសហប្រតិបត្តិការរួមគ្នានាពេលកន្លងទៅនោះ។បន្ទាប់ពីកិច្ចប្រជុំនោះ ឧត្តមសេនីយ៍ឯក ឆាយ គឹមខឿន អគ្គស្នងការរង និងជាអ្នកនាំពាក្យអគ្គស្នងការដ្ឋាននគរបាលជាតិ បានថ្លែងថា កិច្ចសហប្រតិបតិ្តការរវាងកម្ពុជា-ចិន លើការងារប្រយុទ្ធប្រឆាំងបទល្មើសឧក្រិដ្ឋឆ្លងដែន គឺបានប្រព្រឹត្តទៅប្រកបដោយភាពវិជ្ជមាន និងទទួលបានសមិទ្ធផលសំខាន់ៗ នៃការអភិវឌ្ឍន៍សម្រាប់ផែនការអនុវត្តច្បាប់រវាងក្រសួងមហាផ្ទៃ នៃព្រះរាជាណាចក្រកម្ពុជាកម្ពុជា និងក្រសួងសន្តិសុខសាធារណៈចិន រយៈពេលពីរឆ្នាំកន្លងមកនេះ គឺបង្កើតបានយន្តការសហប្រតិបត្តិការមួយ គឺការិយាល័យសម្របសម្រួលកិច្ចសហប្រតិបត្តិការអនុវត្តច្បាប់កម្ពុជា-ចិន ហើយតាមរយៈការិយាល័យនេះ ប្រទេសទាំងពីរបានរួមសហការគ្នាក្នុងការផ្លាស់ប្តូរព័ត៌មានពាក់ព័ន្ធសកម្មភាពមុខសញ្ញាឧក្រិដ្ឋមួយចំនួន ព្រមទាំងបានធ្វើសកម្មភាពបង្ក្រាប ចាប់ខ្លួនឧក្រិដ្ឋជនទាំងនោះ ទទួលបានលទ្ធផលគួរឲ្យកត់សម្គាល់។ឧត្តមសេនីយ៍ឯក ឆាយ គឹមខឿន បានលើកឡើងទៀតថា «ភាគីចិនបានគាំទ្រដល់ប្រតិបត្តិការរបស់នគរបាលកម្ពុជា ដោយបានផ្តល់ជំនួយនូវមធ្យោបាយ ឧបករណ៍ សម្ភារៈ បច្ចេកទេសមួយចំនួនពាក់ព័ន្ធ នឹងកិច្ចសហប្រតិបត្តិការអនុវត្តវិធានការជំនាញ និងសម្រាប់បម្រើឲ្យការងារសន្តិសុខ សុវត្ថិភាពកិច្ចប្រជុំអាស៊ី-អឺរ៉ុប ដែលកម្ពុជាត្រូវធ្វើជាម្ចាស់ផ្ទះហើយបន្ថែមពីនោះភាគីចិនក៏បានជួយគាំទ្រខាងផ្នែកឧបករណ៍ សម្ភារៈមួយចំនួនពាក់ព័ន្ធនឹងការប្រឆាំងកូវីដ-១៩ ផងដែរ»។បើតាមការបញ្ជាក់ពីឯកឧត្តម ឆាយ គឹមខឿន បានលើកឡើងទៀតថា អំឡុងពេលពីរឆ្នាំនេះ នគរបាលទាំងពីរ បានផ្លាស់ប្តូរគណៈប្រតិភូទៅវិញទៅមករួមទាំង គណៈប្រតិភូជាន់ខ្ពស់ និងគណៈប្រតិភូបច្ចេកទេស ដើម្បីប្រជុំពិភាក្សាសិក្សា ដកស្រង់បទពិសោធន៍អំពីសភាពការណ៍នានា ក្នុងការបង្ក្រាបបទល្មើសឧក្រិដ្ឋជាពិសេសបទឧក្រិដ្ឋដែលប្រព្រឹត្តដោយជនជាតិចិន និងរត់គេចពីប្រទេសចិនមកប្រទេសកម្ពុជាជាដើម៕អត្ថបទ ៖ បាន ចក់

បណ្ដាញសង្គម

ព័ត៌មានថ្មីៗ

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញនាំយកទេយ្យវត្ថុ ប្រគេនព្រះសង្ឃ និងចែកអំណោយប្រជាពលរដ្ឋ នៅស្រុកភ្នំស្រួច ខេត្តកំពង់ស្ពឺ

ឯកឧត្តមកិត្តិសង្គហបណ្ឌិត គន់ គីម អញ្ជើញជួបប្រជាពលរដ្ឋភៀសសឹក និងពិនិត្យទីតាំងរៀបចំផ្សារបណ្តោះអាសន្ន ក្នុងខេត្តបន្ទាយមានជ័យ

ក្រសួងការងារ៖ ខេត្តស្ថិតក្នុងតំបន់ទំនាបកណ្ដាលចំនួន៣ មានឱកាសការងារជាង ៨,០០០កន្លែង កំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ

ក្រសួងការងារ៖ នៅខេត្តជាប់សមុទ្រទាំង៤ មានឱកាសការងារជិត ៧,០០០កន្លែង ដែលកំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ

ឯកឧត្តមឧបនាយករដ្ឋមន្ត្រី ហ៊ុន ម៉ានី៖ វិញ្ញាសាតាក់តែងចប់ភ្លាម ប្រឡងភ្លាមតែម្តង

រដ្ឋមន្រ្តីការពារជាតិជប៉ុនលោក Koizumi ច្រានចោលការចោទប្រកាន់ពីយោធានិយមថ្មី

ក្រសួងការងារ៖ ខេត្តចំនួន៤ នៅភូមិភាគឦសាន្ត មានឱកាសការងារជិត ៤,០០០កន្លែង កំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ

ប្រមុខ WHO ទទួចសុំឲ្យមានការបញ្ចុះសពដោយសុវត្ថិភាព អំឡុងធ្វើដំណើរទៅកាន់តំបន់រីករាលដាលឆ្លងជំងឺអេបូឡា

អាជ្ញាធរជាតិអប្សរា និង JQA បិទបញ្ចប់កម្មវិធីអប់រំបរិស្ថានសម្រាប់កុមារ ឆ្នាំ២០២៦ និងប្រគល់រង្វាន់ដល់សិស្សឆ្នើម

អ៊ីរ៉ង់និយាយថា កិច្ចប្រជុំជាមួយអាមេរិកកំពុងបន្ត តែពុំឈានដល់កិច្ចព្រមព្រៀងផ្តាច់ព្រ័ត្រនោះទេ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

ឱសានវាទនៃការចល័តចេញផ្ទះលើទឹក និងបែចិញ្ចឹមត្រីលើផ្ទៃទន្លេក្នុងរាជធានីភ្នំពេញជិតចូលមមកដល់

តុលាការ បញ្ជូនជនឆបោក រៀបដីខ្យល់លក់ ទៅពន្ធនាគារខេត្ដសៀមរាប

ជំនាញកំពុងជួយសង្គ្រោះត្រីមេពូជ ក្នុងតំបន់អភិរក្សបឹងពារាំង ក្នុងខេត្តសៀមរាប កុំឱ្យងាប់បន្តទៀត

ខេត្តកំពង់ចាមប្រកាសថា ស្ត្រីម្នាក់អាយុ៦២ឆ្នាំបានស្លាប់ម្សិលមិញនេះ ២ថ្ងៃប៉ុណ្ណោះក្រោយរកឃើញឆ្លងកូវីដ-១៩

ខេត្តព្រះវិហារសម្រេចផ្អាកប្រតិបត្តិការអាជីវកម្មបួនទីតាំងនៅស្រុករវៀង ក្រោយរកឃើញមនុស្ស៣នាក់ឆ្លងកូវីដ-១៩

កម្ពុជារកឃើញពលរដ្ឋ៥៨៩នាក់ទៀតឆ្លងកូវីដ-១៩ ខណៈអ្នកជំងឺ៩៤៥នាក់បន្ថែមទៀតបានជាសះស្បើយឡើងវិញ

ខេត្តកំពង់ចាម រកឃើញពលរដ្ឋ៤៨នាក់ ទៀតឆ្លងកូវីដ-១៩ ភាគច្រើននៅស្រុកជើងព្រៃ និងស្រុកព្រៃឈរ

វិនិយោគិនក្រុមហ៊ុន GFX មិនពេញចិត្តចំពោះយន្តការដោះស្រាយលើសំណុំរឿងបាត់បងលុយ និងបន្តទាមទារបន្ថែមទៀត

កម្ពុជាបន្ដរកឃើញមនុស្ស៨៨៦នាក់ទៀតឆ្លងមេរោគកូវីដ-១៩ ខណៈអ្នកជំងឺ៧៨១នាក់ទៀតបានជាសះស្បើយ

នគរបាលកម្ពុជា-ចិន បានសហការគ្នាយ៉ាងល្អ ក្នុងការបង្ក្រាបឧក្រិដ្ឋជនបានជោគជ័យនាពេលកន្លងមក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

តុលាការ បញ្ជូន​ជន​ឆបោក រៀប​ដី​ខ្យល់​លក់ ទៅ​ពន្ធនាគារ​ខេត្ដ​សៀមរាប

ខេត្ត​កំពង់ចាម ​រក​ឃើញ​ពលរដ្ឋ​៤៨​នាក់​ ទៀត​ឆ្លង​កូវីដ-១៩ ភាគ​ច្រើន​នៅ​ស្រុក​ជើងព្រៃ និង​ស្រុក​ព្រៃឈរ

កម្ពុជាបន្ដ​រក​ឃើញ​មនុស្ស៨៨៦នាក់​ទៀត​ឆ្លង​មេរោគ​កូវីដ-១៩ ខណៈ​អ្នក​ជំងឺ​៧៨១នាក់​ទៀត​បាន​ជា​សះ​ស្បើយ

នគរបាល​កម្ពុជា​-​ចិន​ បាន​សហការគ្នា​យ៉ាង​ល្អ​ ក្នុង​ការ​បង្ក្រាប​ឧក្រិដ្ឋជន​បាន​ជោគជ័យ​នាពេល​កន្លងមក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

តុលាការ បញ្ជូនជនឆបោក រៀបដីខ្យល់លក់ ទៅពន្ធនាគារខេត្ដសៀមរាប

ខេត្តកំពង់ចាម រកឃើញពលរដ្ឋ៤៨នាក់ ទៀតឆ្លងកូវីដ-១៩ ភាគច្រើននៅស្រុកជើងព្រៃ និងស្រុកព្រៃឈរ

កម្ពុជាបន្ដរកឃើញមនុស្ស៨៨៦នាក់ទៀតឆ្លងមេរោគកូវីដ-១៩ ខណៈអ្នកជំងឺ៧៨១នាក់ទៀតបានជាសះស្បើយ

នគរបាលកម្ពុជា-ចិន បានសហការគ្នាយ៉ាងល្អ ក្នុងការបង្ក្រាបឧក្រិដ្ឋជនបានជោគជ័យនាពេលកន្លងមក