BTV NEWS

អាវុធហត្ថរាជធានីភ្នំពេញ បង្ក្រាបទីតាំងលក់សម្ភារៈអាសអាភាសចំនួន ៣កន្លែង ឃាត់ខ្លួនជនសង្ស័យ ៩នាក់

គណៈបញ្ជាការឯកភាពរាជធានី បន្តចុះបង្ក្រាប Online Scams នៅសង្កាត់ចាក់អង្រែលើ ឃាត់មនុស្ស១៦នាក់

ផ្តន្ទាទោសជនជាប់ចោទ ៦នាក់ ដាក់ពន្ធនាគារអស់មួយជីវិតពាក់ព័ន្ធនឹងករណីឃាតកម្មដោយមានទារុណកម្មលើនិស្សិតជនជាតិកូរ៉េខាងត្បូង

ឃាត់ខ្លួនជនជាតិចិន ៦១នាក់ ក្នុងប្រតិបត្តិការបង្ក្រាបទីតាំង Online Scams នៅខណ្ឌចំនួនពីរ ក្នុងភូមិសាស្រ្តរាជធានីភ្នំពេញ

សន្តិសុខ និង សង្គម

នគរបាលកំពុងបន្តសាកសួរជនជាតិចិន និងខ្មែរ ៦៤នាក់ដែលជួបជុំទទួលគ្រឿងស្រវឹងក្នុងខុនដូ

ភ្នំពេញ៖ ជនជាតិចិន និងខ្មែរជាង៦០នាក់ ដែលនគរបាលឃាត់ខ្លួនកាលពីយប់មិញ ព្រោះតែបំពានវិធានការរដ្ឋបាល ដោយប្រមូល ផ្ដុំជួបជុំគ្នាទទួលទានគ្រឿងស្រវឹង និងទាក់ទិនសារធាតុញៀនផងនោះ មកដល់ពេលនេះនគរបាលបាននឹងកំពុងបន្តការសាកសួរ នៅឡើយ។ប្រភពព័ត៌មានបានឱ្យដឹងថា ករណីបង្ក្រាបក្រុមជនជាតិចិន និងបុគ្គលិកខ្មែរជាង ៦០នាក់ នៅក្នុងខុនដូមួយក្នុងខណ្ឌបឹងកេងកងកាលពីយប់មិញ នគរបាលមិនទាន់បញ្ជូនអ្នកទាំងអស់នោះទៅតុលាការនៅឡើយទេ គឺកំពុងបន្តការសាកសួរនៅដំណាក់កាលនគរបាលនៅឡើយ។ប្រភពព័ត៌មានបានបន្ថែមថា ក្រុមមនុស្សទាំងអស់ដែលនគរបាលឃាត់ខ្លួនមានចំនួន ៦៤នាក់ ក្នុងនោះ មានស្ដ្រី ៣០នាក់ បុរស ៣៤នាក់ គឺបុរសខ្មែរ ០៥នាក់ បុរសជនជាតិចិន២៩នាក់ ហើយនិងស្ដ្រីខ្មែរ៤នាក់ និងស្ដ្រីចិន ២៦នាក់។ការឆ្មក់បង្ក្រាប គឺបានធ្វើឡើងកាលពីវេលាម៉ោង១២រំលងអាធ្រាត្រ ឈានចូលថ្ងៃទី១៩ ខែឧសភា ឆ្នាំ ២០២១ នៅក្នុងអាគារខុនដូ មួយកន្លែង ត្រង់ជាន់ទី៧ និងជាន់ទី៨ ស្ថិតនៅខាងក្រោយមន្ទីរពេទ្យរបេង ជាប់ផ្លូវលេខ៩៥ កែងផ្លូវលេខ២៨៨ ក្នុងសង្កាត់បឹងកេងកងទី២ ខណ្ឌបឹងកេងកង រាជធានីភ្នំពេញ ក្រោយបង្ក្រាបនគរបាលបាននាំខ្លួនមនុស្សទាំង៦៤ នាក់ទៅ កាន់ ការិយាល័យព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ។ទាក់ទិនការបង្ក្រាបនេះ BTV មិនអាចទំនាក់ទំនងសុំការពន្យល់បន្ថែមបានទេ ពីលោកវរសេនីយ៍ឯក ប៊ុត សត្យា ប្រធានការិយាល័យព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ ដោយទូរស័ព្ទហៅចូល តែគ្មានអ្នកទទួល។ករណីនេះ ត្រូវបានគេមើលឃើញថា ជាការបំពានវិធានការរដ្ឋបាលរបស់សាលារាជធានីភ្នំពេញ និងក្រសួងសុខាភិបាល ដែលបានដាក់ចេញដើម្បីប្រយុទ្ធ និងទប់ស្កាត់ការឆ្លងរាលដាលនៃជំងឺកូវីដ-១៩។ ត្រង់មាត្រា ១០ នៃច្បាប់ស្ដីពីវិធានការទប់ស្កាត់ការឆ្លងរាលដាលនៃជំងឺកូវីដ -១៩ និងជំងឺឆ្លងកាចសាហាវនិងប្រកបដោយគ្រោះថ្នាក់ធ្ងន់ធ្ងរផ្សេងទៀត ក៏ដូចជាអនុក្រឹត្យ ស្ដីពីវិធានការសុខាភិបាល ដើម្បីទប់ស្កាត់ការឆ្លងរាលដាលនៃជំងឺកូវីដ -១៩ និងជំងឺឆ្លងកាចសាហាវនិងប្រកបដោយគ្រោះថ្នាក់ធ្ងន់ធ្ងរផ្សេងទៀត បានកំណត់ទណ្ឌកម្ម ចំពោះបទមិនគោរវិធានការរដ្ឋបាលនេះ គឺត្រូវផ្តន្ទាទោសជាពិន័យអន្តរការណ៍ពី ១លានរៀល ទៅ ៥លានរៀល ប៉ុន្តែបើបានបណ្ដាលឱ្យមានការចម្លងជំងឺកូវីដ ១៩ ដល់អ្នកដទៃ ត្រូវផ្ដន្ទាទោសដាក់ពន្ធនាគារពី ៦ខែ ទៅ៣ឆ្នាំ និងពិន័យជាប្រាក់ពី ២លានរៀល ទៅ ១០លានរៀល ជាងនេះទៅទៀតបើបានបណ្ដាលឱ្យប៉ះពាល់ធ្ងន់ធ្ងរដល់សុខភាពសាធារណៈ នោះនឹងត្រូវផ្ដន្ទាទោសដាក់ពន្ធនាគារពី ២ឆ្នាំ ទៅ៥ឆ្នាំ និងពិន័យជាប្រាក់ពី ៥លានរៀល ទៅ ២០លានរៀល ៕ អត្ថបទ ៖ ប្រាក់ វ៉ាន់ដា

សមត្ថកិច្ចរាជធានីភ្នំពេញ ឃាត់ខ្លួនក្រុមមនុស្សស្រីប្រុសជាង ៦០នាក់ ដែលបំពានបម្រាមជួបជុំគ្នាផឹកស៊ី

ភ្នំពេញ៖ ក្រុមមនុស្សស្រីប្រុស ចំនួនជាង ៦០នាក់ ត្រូវបានកម្លាំងសមត្ថកិច្ចចម្រុះ នៃស្នងការដ្ឋាននគរបាលរាជធានីភ្នំពេញ ឃាត់ខ្លួនកាលពីយប់មិញ ដោយសារការប្រមូលផ្ដុំគ្នាផឹកស៊ី ល្មើសបម្រាមដែលត្រូវបានដាក់ ចេញដោយសាលារាជធានីភ្នំពេញ ដើម្បីទប់ស្កាត់ការឆ្លងរាលដាលជំងឺកូវីដ-១៩។ក្រុមសមត្ថកិច្ចចម្រុះ នៃស្នងការដ្ឋាននគរបាលរាជធានីភ្នំពេញ បានធ្វើការស្រាវជ្រាវឆ្មក់បង្ក្រាបក្រុមមនុស្ស ដែលបានប្រមូលផ្ដុំគ្នាស៊ីផឹក កាលពីវេលាម៉ោង១២រំលងអធ្រាត្រ ឈានចូលថ្ងៃទី១៩ ខែឧសភានេះ នៅក្នុងអាគារខុនដូមួយកន្លែង ជាប់ផ្លូវ៩៥ កែងផ្លូវ២៨៨ ក្នុងសង្កាត់បឹងកេងកងទី២ ខណ្ឌបឹងកេងកង។សមត្ថកិច្ច បានឲ្យដឹងថា ក្រុមមនុស្សប្រុសស្រីទាំងនេះ ដែលភាគច្រើនជាជនជាតិចិន បានបង្កើតកម្មវិធីជួបជុំគ្នាផឹកស៊ី និងប្រើប្រាស់គ្រឿងញៀន ល្មើសទៅនឹងវិធានការរដ្ឋបាលរបស់សាលារាជធានីភ្នំ ពេញ និងក្រសួងសុខាភិបាល។បច្ចុប្បន្ន កម្លាំងសមត្ថកិច្ច កំពុងធ្វើកំណត់ហេតុ សាកសួរ ដើម្បីកសាងសុំណុំរឿងចាត់ការបន្តតាមច្បាប់៕ អត្ថបទ៖ ម៉ឺន កុម្ភៈ

ខេត្តកំពង់ចាម ផ្អាកដំណើរការរោងចក្រខាលីងតុន ជាបណ្ដោះអាសន្ន ដើម្បីទប់ស្កាត់ការរាលដាល នៃមេរោគកូវីដ-១៩

កំពង់ចាម៖ រដ្ឋបាលខេត្តកំពង់ចាម សម្រេចបិទដំណើរការរោងចក្រមួយកន្លែង ស្ថិតនៅក្នុងស្រុកជើងព្រៃ ដោយថា ដើម្បីទប់ស្កាត់ការឆ្លងរីករាលដាលនៃមេរោគកូវីដ-១៩។ក្នុងសេចក្ដីសម្រេចចេញនៅថ្ងៃនេះ អភិបាលខេត្តកំពង់ចាម លោក អ៊ុន ចាន់ដា បានសម្រេចផ្អាកដំណើរការផលិតកម្មរោងចក្រ រោងចក្រខាលីងតុន (ខេមបូឌា) ដែលមានទីតាំងស្ថិតក្នុងភូមិរវៀង ឃុំខ្នុរដំបង រយៈពេល ១៤ថ្ងៃចាប់ពីថ្ងៃនេះ រហូតដល់ថ្ងៃទី០១ ខែមិថុនា ខាងមុខនេះ។រដ្ឋបាលខេត្តកំពង់ចាម បញ្ជាក់ថា ការសម្រេចផ្អាកដំណើរការរោងចក្រមួយនេះ ជាបណ្ដោះអាសន្ននេះ គឺដើម្បីទប់ស្កាត់ការឆ្លងរីករាលដាលនៃមេរោគកូវីដ-១៩៕

ខេត្តកំពង់ធំរកឃើញមនុស្ស៣នាក់ទៀតឆ្លងមេរោគកូវីដ-១៩ ក្នុងនោះ២នាក់វិលត្រឡប់ទៅពីភ្នំពេញ

កំពង់ធំ៖ រដ្ឋបាលខេត្តកំពង់ធំបានប្រកាសពីការរកឃើញមនុស្ស ៣នាក់ទៀតបានឆ្លងមេរោគកូវីដ-១៩នៅក្នុងស្រុកចំនួន ៣ នៃខេត្តនេះ ក្នុងចំណោមនោះ អ្នកឆ្លងថ្មី ២នាក់ ជាអ្នកធ្វើដំណើរវិលត្រឡប់ទៅពីរាជធានីភ្នំពេញ។ក្នុងសេចក្ដីប្រកាសព័ត៌មាន រដ្ឋបាលខេត្តកំពង់ធំបញ្ជាក់ថា ករណីឆ្លងកូវីដ-១៩ទាំង ៣នាក់នេះ ត្រូវបានរកឃើញលើនារីម្នាក់អាយុ ២០ឆ្នាំ នៅស្រុកកំពង់ស្វាយ និងបុរសម្នាក់អាយុ ២៦ឆ្នាំ នៅស្រុកតាំងគោក។បើរដ្ឋបាលខេត្តកំពង់ធំ ពលរដ្ឋទាំង ២នាក់នេះ ត្រូវបានរកឃើញឆ្លងមេរោគកូវីដ-១៩ បន្ទាប់ពីបានធ្វើដំណើរវិលត្រឡប់ពីរាជធានីភ្នំពេញ ទៅខេត្តកំពង់ធំ។ចំណែកឯស្ត្រីម្នាក់ទៀតអាយុ ៦០ឆ្នាំ រដ្ឋបាលខេត្តកំពង់ធំ បញ្ជាក់ថា បានឆ្លងមេរោគកូវីដ-១៩នៅភូមិឈើទាល ឃុំអណ្ដូងពោធិ៍ ក្នុងស្រុកស្ទោង ដោយពាក់ព័ន្ធនឹងព្រឹត្តិការណ៍ភូមិកុលាបទង។រដ្ឋបាលខេត្តនេះ ក៏បានអំពាវនាវទៅដល់ពលរដ្ឋពាក់ព័ន្ធនឹងមនុស្សទាំង ៣នាក់នេះ ឱ្យទៅផ្ដល់សំណាកដើម្បីពិនិត្យរកមេរោគកូវីដ-១៩ និងដាក់ខ្លួនឯងនៅដាច់ដោយឡែកដើម្បីតាមដានសុខភាពខ្លួនឯង៕

ខេត្តតាកែវ រកឃើញមនុស្ស៤៥នាក់ទៀតឆ្លងកូវីដ-១៩ ភាគច្រើនកម្មករកម្មការិនីរោងចក្រសាន់បូ

តាកែវ៖ សេចក្ដីប្រកាសព័ត៌មាននៅថ្ងៃនេះ រដ្ឋបាលខេត្តតាកែវ បានឱ្យដឹងថា ប្រជាពលរដ្ឋ ៤៥នាក់ទៀត ត្រូវបានរកឃើញឆ្លងមេរោគកូវីដ-១៩ ក្នុងនោះ មានកម្មករកម្មការិនីរោងចក្រសាន់បូដល់ទៅ ៣៧នាក់។ការផ្ទុះឡើងនូវការឆ្លងរីករាលដាលនៃមេរោគកូវីដ-១៩ នៅក្នុងចំណោមកម្មករកម្មការិនីនៅរោងចក្រសាន់បូ បានកើតឡើងចាប់តាំងពីដើមខែឧសភានេះមក។រដ្ឋបាលខេត្តតាកែវ ក៏បានអំពាវនាវទៅដល់ប្រជាពលរដ្ឋដទៃទៀតដែលពាក់ព័ន្ធនឹងមនុស្សទាំង ៤៥នាក់នេះ ឱ្យទៅផ្ដល់សំណាកដើម្បីពិនិត្យរកមេរោគ និងដាក់ខ្លួនឯងនៅដាច់ដោយឡែក ដើម្បីតាមដានសុខភាពខ្លួនឯង៕

អគ្គិភ័យឆាបឆេះផ្ទះពលរដ្ឋយ៉ាងសន្ធោសន្ធៅក្នុងសង្កាត់បឹងទំពន់ទី២ ខណ្ឌមានជ័យ

ភ្នំពេញ ៖ អគ្គិភ័យ ឆាប់ឆេះផ្ទះប្រជាពលរដ្ឋ១កន្លែងទាំងកណ្ដាលថ្ងៃត្រង់ តែសំណាងល្អមិនរាលដាល ដល់ផ្ទះអ្នកជិតខាង ឬបង្កអោយមានមនុស្សរងរបួសឡើយ។ ហេតុការណ៍នេះ កើតឡើងកាលពីវេលាម៉ោង១២ និង២០នាទី ថ្ងៃត្រង់ទី១៩ ខែឧសភា ឆ្នាំ២០២១នេះ នៅចំណុច ផ្លូវលេខ៦៥BT ក្រុម ក្បាល៣ សង្កាត់បឹងទំពន់ទី២ ខណ្ឌមានជ័យ រាជធានីភ្នំពេញ។នគរបាល បានឲ្យដឹងថា ម្ចាស់ផ្ទះមានឈ្មោះ ប៊ុត សុភាព ភេទស្រី អាយុ៤០ឆ្នាំ មានផ្ទះទំហំ៦គុណ៩ ម៉ែត្រប្រភេទ ស័ង្កសី ត្រូវបានអគ្គីភ័យឆាបឆេះអស់ទាំងស្រុង។យោងតាមស្ត្រីម្ចាស់ផ្ទះ បានឲ្យដឹងនៅមុនពេលកើតហេតុ គាត់បានសម្រាកនៅក្នុងផ្ទះកើតហេតុ ស្រាប់តែលឺសំឡេងផ្ទុះ ហើយបង្កជាអណ្ដាតភ្លើងតែម្ដង ភ្លាមៗនោះ បានរត់ចេញហៅអោយអ្នកជិតខាងជួយ និងរាយការណ៍ជូនសមត្ថកិច្ច ចេញជួយអន្តរាគមន៍ តែដោយកម្លាំងនៃការឆាប់ឆេះខ្លាំងល្បឿន ពេលរថយន្តពន្លត់អគ្គីភ័យមកដល់ភ្លើងបានឆេះអស់ទៅហើយ។សមត្ថកិច្ច បាន ឲ្យដឹងថា ក្នុងហេតុការណ៍នេះគឺរថយន្តពន្លត់អគ្គីភ័យបានចេញជួយអន្តរាមគន៍ចំនួន៩គ្រឿង ដោយប្រើប្រាស់បាញ់ពន្លត់ចំនួន៨គ្រឿង និងជៀសវាងរាលដាលដល់ផ្ទះប្រជាពលរដ្ឋជិតខាង បន្ថែមទៀត។ សមត្ថកិច្ច បានបន្តទៀតថា ផលលំបាកនៃការជួយមិនទាន់ពេលគឺផ្ទះប្រភេទឈើប្រក់ស័ង្កសី ឆាប់ឆេះលឿន និងផ្លូវច្រកចូលលំបាកផងដែរ៕អត្ថបទ ៖ កុម្ភះ

អាជ្ញាធរខេត្តបាត់ដំបង បិទផ្ទះពលរដ្ឋ១៧ខ្នង ក្រោយរកឃើញមនុស្ស៤នាក់ ដែលវិលត្រឡប់ពីភ្នំពេញ ឆ្លងកូវីដ-១៩

បាត់ដំបង៖ អាជ្ញាធរខេត្តបាត់ដំបង បានសម្រេចបិទខ្ទប់ផ្ទះសម្បែងពលរដ្ឋចំនួន ១៧ខ្នងនៅក្នុងភូមិមួយស្ថិតក្នុងស្រុកមោងឫស្សី ចាប់ពីថ្ងៃម្សិលមិញនេះ បន្ទាប់ពីរកឃើញមនុស្ស ៤នាក់បានឆ្លងមេរោគកូវីដ-១៩។ក្នុងសេចក្ដីសម្រេចកាលពីថ្ងៃម្សិលមិញនេះ អភិបាលខេត្តបាត់ដំបង លោក ងួន រតនៈ បានសម្រេចឱ្យបិទខ្ទប់ផ្ទះសម្បែងពលរដ្ឋ ១៧ខ្នងនៅក្នុងភូមិអំពិលឈូង ស្ថិតក្នុងឃុំឫស្សីក្រាំង ដើម្បីទប់ស្កាត់ការរាលដាលនៃមេរោគកូវីដ-១៩។បើតាមសេចក្ដីសម្រេចដដែលនេះ ពលរដ្ឋ ៤នាក់ ក្នុងនោះមានស្ត្រី ២នាក់ផងដែរ ត្រូវបានរកឃើញឆ្លងមេរោគកូវីដ-១៩កាលពីថ្ងៃម្សិលមិញនេះ បន្ទាប់ពីពួកគេវិលត្រឡប់ទៅពីរាជធានីភ្នំពេញ។អាជ្ញាធរខេត្តនេះ បានសម្រេចហាមឃាត់មិនឱ្យមានការចេញ-ចូលបរិវេណផ្ទះទាំង ១៧ខ្នងនោះទេ ហើយមន្ត្រីសុខាភិបាលរបស់ខេត្តកំពុងដំណើរការយកសំណាកលើពលរដ្ឋដទៃទៀតដែលបានប្រាស្រ័យទាក់ទងនឹងមនុស្សទាំង ៤នាក់ដែលបានឆ្លងកូវីដ-១៩។រដ្ឋបាលខេត្តបាត់ដំបង ក៏បានអំពាវនាវទៅដល់ពលរដ្ឋផ្សេងទៀតដែលបានពាក់ព័ន្ធនឹងមនុស្សទាំង ៤នាក់ខាងលើនេះ ឱ្យទៅផ្ដល់សំណាកដើម្បីពិនិត្យរកមេរោគកូវីដ-១៩ និងរក្សាខ្លួននៅដាច់ដោយឡែកដើម្បីតាមដានសុខភាពខ្លួនឯង៕

កម្ពុជាសម្រេចការចាក់វ៉ាក់សាំងជូនពលរដ្ឋបានជាង ២១ភាគរយហើយក្នុងរយៈពេល ៩៨ថ្ងៃកន្លងមកនេះ

ភ្នំពេញ៖ របាយការណ៍របស់គណៈកម្មការចំពោះកិច្ចការចាក់វ៉ាក់សាំង បានបង្ហាញថា យុទ្ធនាការចាក់វ៉ាក់សាំងទូទាំងប្រទេសរបស់រាជរដ្ឋាភិបាល សម្រេចបានជាង ២១ភាគរយហើយនៅក្នុងរយៈពេល ៩៨ថ្ងៃចុងក្រោយមកនេះ។ក្នុងរបាយការណ៍ចេញនៅល្ងាចថ្ងៃនេះ គណៈកម្មការចំពោះកិច្ចការចាក់វ៉ាក់សាំងកូវីដ-១៩ បានឱ្យដឹងបន្ថែមថា ប្រជាពលរដ្ឋដល់ទៅជាង ២លាន ១៣ម៉ឺននាក់ហើយ បានទទួលការចាក់វ៉ាក់សាំង ដែលស្មើនឹង ២១.៣៣ភាគរយនៃចំនួនប្រជាជនសរុបខ្ទង់ ១០លាននាក់ដែលរាជរដ្ឋាភិបាលកំណត់ចាក់វ៉ាក់សាំងនៅត្រឹមឆ្នាំនេះ។បើតាមរបាយការណ៍ដដែលនេះ ពលរដ្ឋដល់ទៅជាង ១លាន ២៨ម៉ឺននាក់ហើយ បានទទួលវ៉ាក់សាំងទាំងពីរដូសនៅក្នុងយុទ្ធនាការរយៈពេល ៩៨ថ្ងៃកន្លងមកនេះ។ក្នុងរយៈពេលជិត ១០០ថ្ងៃនេះ គណៈកម្មការចំពោះកិច្ចការចាក់វ៉ាក់សាំង បានបង្ហាញថា មានពលរដ្ឋដល់ទៅជាង ២លាន ២០ម៉ឺននាក់ បានស្ម័គ្រចិត្តចុះឈ្មោះដើម្បីទទួលបានការចាក់វ៉ាក់សាំង ប៉ុន្តែ ប្រជាជនជិត ៧ម៉ឺននាក់ មិនត្រូវបានអនុញ្ញាតឱ្យចាក់វ៉ាក់សាំងទេ ដោយសារបញ្ហាសុខភាព។រាជរដ្ឋាភិបាលកម្ពុជា បានចាប់ផ្ដើមយុទ្ធនការចាក់វ៉ាក់សាំងទូទាំងប្រទេសកាលពីថ្ងៃទី១០ ខែកុម្ភៈកន្លងមកនេះ ពោលតែ ៣ថ្ងៃប៉ុណ្ណោះក្រោយពីកម្ពុជាទទួលបានវ៉ាក់សាំងស៊ីណូហ្វាមលើកដំបូងដែលដឹកជញ្ជូនមកដល់កម្ពុជា៕

កម្លាំងសមត្ថកិច្ចជំនាញចុះស្រាវជ្រាវ ឃាត់ចាប់ខ្លួនជនសង្ស័យម្នាក់ពីបទរំលោភសម្លាប់

ឧត្តរមានជ័យ៖ កម្លាំងសមត្ថកិច្ចស្នងការនគរបាលខេត្តឧត្តរមានជ័យ សហការដឹកនាំកម្លាំងផែននគរបាលព្រហ្មទណ្ឌ និងកម្លាំងនៃអធិការដ្ឋាននគរបាលស្រុកចុងកាល់ ចុះចាប់ឃាត់ខ្លួនជនសង្ស័យ ០១នាក់ ពាក់ព័ន្ធករណីរំលោភសម្លាប់លើនារីម្នាក់ កាលពីរសៀលថ្ងៃទី១៧ ខែឧសភា ឆ្នាំ២០២១ វេលាម៉ោង ១៧:៤០ នាទី។ករណីមានប្រជាពលរដ្ឋរាយការណ៍ បានប្រទះឃើញសាកសពអណ្ដែតទឹកនៅចំណុចត្រពាំងតាឌួង ដែលមានចម្ងាយ ១៥០០ម៉ែត្រខាងលិចភូមិរលំវែង ឃុំក្រសាំង ស្រុកចុងកាល់ ខេត្តឧត្តរមានជ័យ។បន្ទាប់ពីទទួលបានព័ត៌មានភ្លាមៗនោះលោកឧត្តមសេនីយ៍ទោ ហួត សុធី ស្នងការនគរបាលខេត្ត បានដឹកនាំកម្លាំងជំនាញផែនព្រហ្មទណ្ឌ និងនៃអធិការដ្ឋាននគរបាលស្រុកចុងកាល់ ចុះស្រាវជ្រាវសាវតា របស់ជនរងគ្រោះមានឈ្មោះ ងួយ សុណី ភេទស្រី អាយុ ១៧ឆ្នាំ រស់នៅភូមិ-ឃុំខាងលើ មានមុខរបរជាកសិករ។ ករណីនេះដែរយោងតាមការបំភ្លឺពីឪពុកម្តាយ ជនរងគ្រោះកាលពីថ្ងៃទី១៥ ខែឧសភា ឆ្នាំ២០២១នៅវេលាម៉ោង ១២:០០ នាទី ក្មេងស្រីដែលជាជនរងគ្រោះ បានជិះកង់ទៅបេះព្រីងនៅចំណុចខាងលើ លុះដល់ពេលល្ងាចពុំឃើញកូនត្រឡប់មកផ្ទះវិញ ឪពុកម្តាយ បានរាយការណ៍ប្រាប់មេភូមិ និងអ្នកជិតខាងឲ្យជួយរក រហូតដល់ថ្ងៃទី១៧ ខែឧសភា ឆ្នាំ២០២១ វេលាម៉ោង ១៧:៤០នាទី ទើបប្រទះឃើញសាកសពជនរងគ្រោះដេកស្លាប់តែម្តងនៅនឹងកន្លែងកើតហេតុ។បន្ទាប់ពីមន្ត្រីជំនាញ បានធ្វើកោសល្យវិច័យ និងស្រាវជ្រាវស៊ើបអង្កេត យើងកំណត់បានមុខសញ្ញា និងឈានដល់ការឃាត់ខ្លួនជនសង្ស័យ ម្នាក់ឈ្មោះ អឿម សារី (ហៅស្រ៊ី) ភេទប្រុស អាយុ ២៣ឆ្នាំ រស់នៅភូមិជាមួយគ្នា ក្រោយធ្វើការសាកសួររួចជនសង្ស័យបានសារភាពថា ខ្លួនពិតជាបានធ្វើសកម្មភាពចាប់រំលោភ និងសម្លាប់នារីដែលជាជនរងគ្រោះពិតប្រាកដមែន រួចហើយយកសាកសពទៅបោះចោលក្នុងត្រពាំងដែលមានព្រៃស្តុក រីឯកង់របស់ជនរងគ្រោះបានយកទៅទម្លាក់ចូលក្នុងអូរមួយកន្លែងចម្ងាយពីកន្លែងកើតហេតុប្រហែល ២០០ម៉ែត្រ។ករណីនេះ បច្ចុប្បន្នជនសង្ស័យខាងលើ ត្រូវបានកម្លាំងជំនាញកំពុងសាកសួរ និងកសាងសំណុំរឿងបន្តបញ្ជូនទៅតុលាការ ដើម្បីអនុវត្តតាមនីតិវិធីច្បាប់ផងដែរ៕

រកឃើញអ្នកឆ្លងកូវីដ១៩ចំនួន២០នាក់ ក្នុងរោងចក្រមួយកន្លែង នៅស្រុកកំពង់ត្រឡាច

កំពង់ឆ្នាំង៖ យ៉ាងហោចណាស់មានអ្នកឆ្លងជំងឺកូវីដ១៩ចំនួន២០នាក់ទៀត នៅក្នុងរោងចក្រហឺរ៉ាយហ្សិនអៅដរ ស្ថិតក្នុងស្រុកកំពង់ត្រឡាច ខេត្តកំពង់ឆ្នាំង ត្រូវបានរកឃើញ។ នេះបើយោងតាមការបញ្ជាក់ឲ្យដឹងពីលោកវេជ្ជបណ្ឌិត ប្រាក់ វ៉ុន ប្រធានមន្ទីរសុខាភិបាល នាព្រឹកថ្ងៃទី១៨ ខែឧសភា ឆ្នាំ២០២១នេះ ។លោកវេជ្ជបណ្ឌិត ប្រាក់ វ៉ុន បានបន្តថា កម្មការិនីរោងចក្រហឺរ៉ាយហ្សិនអៅដរ ស្ថិតក្នុងភូមិផ្សារត្រាច ឃុំលង្វែក ស្រុកកំពង់ត្រឡាច ចំនួន១៤នាក់ រស់នៅក្នុងភូមិក្ងោកពង់ និងភូមិត្រពាំងព្រីង ឃុំស្វាយជុគ ស្រុកសាមគ្គីមានជ័យ និងជនបរទេសធ្វើការនៅក្នុងរោងចក្រនោះចំនួន៦នាក់ ផ្សេងទៀត បានរកឃើញផ្ទុកវិជ្ជមានកូវីដ១៩ ក្រោយពីក្រុមការងារបានដាក់ការសង្ស័យទៅលើអ្នកបើកបររថយន្តដឹកកម្មការិនីម្នាក់រួចមក។ លោកវេជ្ជបណ្ឌិត បានបន្តថា ប៉ុន្មានថ្ងៃមុន ក្រុមការងារឆ្លើយតបបន្ទាន់បានរកឃើញស្ត្រីជាម្តាយរបស់អ្នកបើកបរឡានដឹកកម្មការិនីរោងចក្រហឺរ៉ាយហ្សិនមានវិជ្ជមានកូវីដ១៩ ក៏ប៉ុន្តែស្ត្រីរូបនោះ មិនដែលទៅណានោះឡើយ។ ក្រោយការស្រាវជ្រាវ ក្រុមការងារបានដាក់ការសង្ស័យទៅលើកូនប្រុសរបស់គាត់ជាអ្នកចម្លង បន្ទាប់មកក៏បានយកសំណាកកម្មការិនីជិះក្នុងឡាននោះចំនួន៥០នាក់ ដើម្បីធ្វើតេស្ត ជាលទ្ធផលមានកម្មការិនីចំនួន១៤នាក់ រកឃើញវិជ្ជមានកូវីដ១៩ ក្នុងនោះ មាន៣នាក់ជាអ្នកជិះអែបតៃកុងឡានតែម្តង។ ចំណែកការធ្វើតេស្តសំណាកជនបរទេសដែលធ្វើការនៅក្នុងរោងចក្រនោះចំនួន៦នាក់ផ្សេងទៀត ក៏មានវិជ្ជមានកូវីដ១៩ដូចគ្នាផងដែរ។លោកវេជ្ជបណ្ឌិត បានបន្ថែមថា អ្នកវិជ្ជមានកូវី១៩ទាំង២០នាក់នោះ បានយកទៅដាក់អោយសំរាកព្យាបាលនៅមន្ទីរពេទ្យបង្អែកស្រុកកំពង់ត្រឡាច ហើយក្រុមការងារឆ្លើយតបបន្ទាន់កំពុងយកសំណាកធ្វើតេស្តរកអ្នកវិជ្ជមានកូវីដ១៩ក្នុងរោងចក្រនោះបន្តទៀត។អ្នកនាំពាក្យសាលាខេត្តកំពង់ឆ្នាំង បានឲ្យដឹងថា រដ្ឋបាលខេត្តកំពង់ឆ្នាំងវិញ បាន និងកំពុងបើកកិច្ចប្រជុំបន្ទាន់មួយ ពិភាក្សារកដំណោះស្រាយក្នុងការបិទខ្ទប់រោងចក្រហឺរ៉ាយហ្សិន និងស្វែងរកអ្នកពាក់ព័ន្ធ រួមនឹងអ្នកនាំជំងឺនេះ ចូលរោងចក្រ ដើម្បីទប់ស្កាត់អោយទាន់ពេលវេលា កុំអោយជំងឺនេះ រាលដាលបន្តទៀត។ដោយឡែកលោក វន ស៊ីថា អភិបាលស្រុកសាមគ្គីមានជ័យ បានឲ្យដឹងថា ក្រុមការងារថ្នាក់ស្រុកកំពុងចុះទៅភូមិក្ងោកពង់ និងភូមិត្រពាំងព្រីង ឃុំស្វាយជុគ ដើម្បីណែនាំប្រជាពលរដ្ឋបន្ថែម រួមនឹងបិទខ្ទប់ជាបណ្តោះអាសន្នសិន កុំអោយមានការឆ្លងរីករាលដាលក្នុងសហគមន៍៕ អត្ថបទ ៖ ហុង វាស្នា

បណ្ដាញសង្គម

ព័ត៌មានថ្មីៗ

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញនាំយកទេយ្យវត្ថុ ប្រគេនព្រះសង្ឃ និងចែកអំណោយប្រជាពលរដ្ឋ នៅស្រុកភ្នំស្រួច ខេត្តកំពង់ស្ពឺ

ឯកឧត្តមកិត្តិសង្គហបណ្ឌិត គន់ គីម អញ្ជើញជួបប្រជាពលរដ្ឋភៀសសឹក និងពិនិត្យទីតាំងរៀបចំផ្សារបណ្តោះអាសន្ន ក្នុងខេត្តបន្ទាយមានជ័យ

ក្រសួងការងារ៖ ខេត្តស្ថិតក្នុងតំបន់ទំនាបកណ្ដាលចំនួន៣ មានឱកាសការងារជាង ៨,០០០កន្លែង កំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ

ក្រសួងការងារ៖ នៅខេត្តជាប់សមុទ្រទាំង៤ មានឱកាសការងារជិត ៧,០០០កន្លែង ដែលកំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ

ឯកឧត្តមឧបនាយករដ្ឋមន្ត្រី ហ៊ុន ម៉ានី៖ វិញ្ញាសាតាក់តែងចប់ភ្លាម ប្រឡងភ្លាមតែម្តង

រដ្ឋមន្រ្តីការពារជាតិជប៉ុនលោក Koizumi ច្រានចោលការចោទប្រកាន់ពីយោធានិយមថ្មី

ក្រសួងការងារ៖ ខេត្តចំនួន៤ នៅភូមិភាគឦសាន្ត មានឱកាសការងារជិត ៤,០០០កន្លែង កំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ

ប្រមុខ WHO ទទួចសុំឲ្យមានការបញ្ចុះសពដោយសុវត្ថិភាព អំឡុងធ្វើដំណើរទៅកាន់តំបន់រីករាលដាលឆ្លងជំងឺអេបូឡា

អាជ្ញាធរជាតិអប្សរា និង JQA បិទបញ្ចប់កម្មវិធីអប់រំបរិស្ថានសម្រាប់កុមារ ឆ្នាំ២០២៦ និងប្រគល់រង្វាន់ដល់សិស្សឆ្នើម

អ៊ីរ៉ង់និយាយថា កិច្ចប្រជុំជាមួយអាមេរិកកំពុងបន្ត តែពុំឈានដល់កិច្ចព្រមព្រៀងផ្តាច់ព្រ័ត្រនោះទេ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

នគរបាលកំពុងបន្តសាកសួរជនជាតិចិន និងខ្មែរ ៦៤នាក់ដែលជួបជុំទទួលគ្រឿងស្រវឹងក្នុងខុនដូ

សមត្ថកិច្ចរាជធានីភ្នំពេញ ឃាត់ខ្លួនក្រុមមនុស្សស្រីប្រុសជាង ៦០នាក់ ដែលបំពានបម្រាមជួបជុំគ្នាផឹកស៊ី

ខេត្តកំពង់ចាម ផ្អាកដំណើរការរោងចក្រខាលីងតុន ជាបណ្ដោះអាសន្ន ដើម្បីទប់ស្កាត់ការរាលដាល នៃមេរោគកូវីដ-១៩

ខេត្តកំពង់ធំរកឃើញមនុស្ស៣នាក់ទៀតឆ្លងមេរោគកូវីដ-១៩ ក្នុងនោះ២នាក់វិលត្រឡប់ទៅពីភ្នំពេញ

ខេត្តតាកែវ រកឃើញមនុស្ស៤៥នាក់ទៀតឆ្លងកូវីដ-១៩ ភាគច្រើនកម្មករកម្មការិនីរោងចក្រសាន់បូ

អគ្គិភ័យឆាបឆេះផ្ទះពលរដ្ឋយ៉ាងសន្ធោសន្ធៅក្នុងសង្កាត់បឹងទំពន់ទី២ ខណ្ឌមានជ័យ

អាជ្ញាធរខេត្តបាត់ដំបង បិទផ្ទះពលរដ្ឋ១៧ខ្នង ក្រោយរកឃើញមនុស្ស៤នាក់ ដែលវិលត្រឡប់ពីភ្នំពេញ ឆ្លងកូវីដ-១៩

កម្ពុជាសម្រេចការចាក់វ៉ាក់សាំងជូនពលរដ្ឋបានជាង ២១ភាគរយហើយក្នុងរយៈពេល ៩៨ថ្ងៃកន្លងមកនេះ

កម្លាំងសមត្ថកិច្ចជំនាញចុះស្រាវជ្រាវ ឃាត់ចាប់ខ្លួនជនសង្ស័យម្នាក់ពីបទរំលោភសម្លាប់

រកឃើញអ្នកឆ្លងកូវីដ១៩ចំនួន២០នាក់ ក្នុងរោងចក្រមួយកន្លែង នៅស្រុកកំពង់ត្រឡាច

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

នគរបាល​កំពុង​បន្ត​សាកសួរ​ជនជាតិ​ចិន និង​ខ្មែរ​ ៦៤​នាក់​ដែល​ជួបជុំ​ទទួល​គ្រឿង​ស្រវឹង​ក្នុង​ខុន​ដូ​

ខេត្ត​​កំពង់ធំ​រក​ឃើញ​មនុស្ស​៣​នាក់​ទៀត​ឆ្លង​មេរោគ​កូវីដ-១៩ ក្នុង​នោះ២​នាក់​វិល​ត្រឡប់​ទៅ​ពី​​ភ្នំពេញ

ខេត្ត​តាកែវ ​រក​ឃើញ​មនុស្ស​៤៥​នាក់​ទៀត​ឆ្លង​កូវីដ-១៩​ ភាគ​ច្រើន​កម្មករ​កម្មការិនី​រោងចក្រ​សាន់បូ

អគ្គិភ័យ​ឆាបឆេះ​ផ្ទះ​ពលរដ្ឋ​យ៉ាង​សន្ធោសន្ធៅ​ក្នុង​សង្កាត់​បឹងទំពន់​ទី​២ ​ខណ្ឌមានជ័យ

កម្លាំង​សមត្ថកិច្ច​ជំនាញ​ចុះ​ស្រាវជ្រាវ​ ឃាត់​ចាប់ខ្លួន​ជនសង្ស័យ​ម្នាក់​ពី​បទ​រំលោភ​សម្លាប់​

រក​ឃើញ​អ្នក​ឆ្លង​កូ​វីដ​១៩​ចំនួន​២០​នាក់​ ក្នុង​រោងចក្រ​មួយ​កន្លែង ​នៅ​ស្រុក​កំពង់ត្រឡាច

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នគរបាលកំពុងបន្តសាកសួរជនជាតិចិន និងខ្មែរ ៦៤នាក់ដែលជួបជុំទទួលគ្រឿងស្រវឹងក្នុងខុនដូ

ខេត្តកំពង់ធំរកឃើញមនុស្ស៣នាក់ទៀតឆ្លងមេរោគកូវីដ-១៩ ក្នុងនោះ២នាក់វិលត្រឡប់ទៅពីភ្នំពេញ

ខេត្តតាកែវ រកឃើញមនុស្ស៤៥នាក់ទៀតឆ្លងកូវីដ-១៩ ភាគច្រើនកម្មករកម្មការិនីរោងចក្រសាន់បូ

អគ្គិភ័យឆាបឆេះផ្ទះពលរដ្ឋយ៉ាងសន្ធោសន្ធៅក្នុងសង្កាត់បឹងទំពន់ទី២ ខណ្ឌមានជ័យ

កម្លាំងសមត្ថកិច្ចជំនាញចុះស្រាវជ្រាវ ឃាត់ចាប់ខ្លួនជនសង្ស័យម្នាក់ពីបទរំលោភសម្លាប់

រកឃើញអ្នកឆ្លងកូវីដ១៩ចំនួន២០នាក់ ក្នុងរោងចក្រមួយកន្លែង នៅស្រុកកំពង់ត្រឡាច