ទីក្រុងប៉េកាំង៖ វេទិកាផ្លាស់ប្តូរវប្បធម៌ចិន-កម្ពុជា លើកទី៤ ដែលមានចំណងជើងថា «ភ្នំ​សមុទ្រ​គ្មាន​ព្រំដែន អ្នកជិតខាងចិត្តរួមគ្នា» ត្រូវបានរៀបចំធ្វើឡើងនៅទីក្រុងប៉េកាំង ប៉េកាំងប្រទេសចិន នៅថ្ងៃទី១៧ ខែ​​កុ​​ម្ភៈ ឆ្នាំ២០២៥។

វេទិកានេះត្រូវបានរៀបចំដោយសម្ព័ន្ធផ្លាស់ប្តូរវប្បធម៌កម្ពុជា-ចិន ហើយសហការរៀបចំដោយក្រុ​​ម​​ហ៊ុ​​ន​​ China Huaneng Group Co., Ltd., （ឆៃណា ហ័រនឹង）​សាកល​វិទ្យាល័យ​ភាសា​បរទេស​ប៉េកាំង រួមជាមួយរាជបណ្ឌិត្យសភាកម្ពុជា និង សាកលវិទ្យាល័យភូមិន្ទភ្នំពេញ។

មាន​ប្រសាសន៍ក្នុងវេទិកា លោក Chen Cong អគ្គទីប្រឹក្សាស្ថានទូតចិនប្រចាំកម្ពុជាបានថ្លែងថា ក្នុង​រយៈពេលបីឆ្នាំកន្លងមកនេះ សម្ព័ន្ធផ្លាស់ប្តូរវប្បធម៌កម្ពុជា-ចិន ​បានរៀប​ចំ​សកម្មភាព​ផ្លាស់​ប្តូរ​វប្បធម៌​ជា​​​​ច្រើន ដោយមានតួនាទីសំខាន់ក្នុងការចងសម្ព័ន្ធមិត្តភាព និងការយល់​ច្បាស់​រវាង​ប្រជា​ជន​ទាំង​ពីរ។ ស្ថា​នទូតចិនប្រចាំនៅកម្ពុជា នឹងបន្តគាំទ្រសម្ព័ន្ធភាព ធ្វើឱ្យការផ្លាស់ប្តូរ និង​កិច្ច​សហ​ប្រតិបត្តិការកាន់តែស៊ីជម្រៅ​​រវា​​ងចិន និងកម្ពុជា និង​បន្ត​ពង្រឹង​ចំណង​មិត្ត​ភាព​ដ៏​រឹង​មាំ​រវាង​ប្រទេស​ទាំងពីរ។

លោក ស៊ុយ ប៊ុនឡាយ លេខាទី១ ស្ថានទូតកម្ពុជាប្រចាំប្រទេសចិន បានថ្លែងដែរថា វេទិកានេះបា​​​​ន​ពង្រឹងបន្ថែមទៀតនូវស្ពានការតភ្ជាប់រវាងប្រជាជនទាំងពីរ និង​ជួយ​ជា​កម្លាំង​ក្នុង​កិច្ច​សហ​ប្រតិបត្តិការ​ស៊ី​ជម្រៅរវាងរដ្ឋាភិបាលទាំងពីរក្នុងវិស័យមនុស្សធម៌។លើសពីនេះ លោកសង្ឃឹមថា វេទិកានេះនឹងអាចព​​ង្រីក​​​​បន្ថែមទៀ​​ត​​លើវិស័យជាច្រើនដូចជាវប្បធម៌ និង​ទេសចរ​ណ៍​នា​ពេល​អនាគត​។

ជាមួយគ្នានេះ លោក Li Xiangliang អគ្គនាយករង China Huaneng Group Co., Ltd., ​（​ឆៃ​ណា ​ហ័រនឹង）បានថ្លែងថា ក្នុងនាមជាកម្លាំងដ៏សំខាន់ក្នុងការចូលរួមក្នុងអភិបាលកិច្ច ថាម​ពល​សកល និ​​​​ង​​​ការលើកកម្ពស់ការអភិវឌ្ឍសេដ្ឋកិច្ចសង្គមពិភពលោក ក្រុមហ៊ុនហ័រនឹង បាន​ផ្តោត​ការ​យក​ចិត្ត​ទុ​​​កដា​​ក់យ៉ាងខ្លាំងលើការកសាងសហគមន៍ជោគវាសនារួម កម្ពុជា-ចិន នៅយុគសម័យថ្មី ដោយ​បានអនុវត្តយ៉ាងសកម្មចំពោះកិច្ចសហប្រតិបត្តិការ «ត្បូងពេជ្រ​ដែល​មាន​វិស័យ​សំខាន់​ទាំង​៦​» រវាងចិននិងកម្ពុជា និ​​​ង​​បម្រើការងារយ៉ាងសកម្មដើម្បីឆ្លើយតបទៅនឹង «យុទ្ធ​សាស្ត្រ​បញ្ច​កោណ​» ​របស់កម្ពុជា ផ្តោតលើគោ​​ល​​​ដៅឈ្នះឈ្នះ និងប្រើវប្បធម៌ជាស្ពានភ្ជាប់ តាមរយៈ​សម្ព័ន្ធ​ផ្លាស់​ប្តូរ​វប្បធម៌កម្ពុជា-ចិន ក្រុមហ៊ុនបានរៀ​​​​បចំ​​ព្រឹត្តិការណ៍ផ្សេងៗ ដើម្បីបង្ហាញ​ពី​ខ្លឹមសារ​នៃ​ការ​អភិវឌ្ឍ​សេដ្ឋកិច្ច និងសមាហរណកម្មវប្បធម៌រវាងប្រ​​​​​​​ទេ​​សទាំងពីរ។

គួរបញ្ជាក់ដែរថា វេទិកាផ្លាស់ប្តូរវប្បធម៌ លើកទី៤  កម្ពុជា-ចិន បានរៀបចំជាបីផ្នែករួមមាន៖ទី១. រូបភាពរំ​​​​លឹ​​ករា​​ប់ពាន់ឆ្នាំ ទី២.ភ្នំ​និង​សមុទ្រ​បង្ហាញ​អំពី​មិត្ត​ភាព​យូរ​អង្វែង​ និង​ទី៣.​អ្នក​ប្រាជ្ញ​និយាយ​អំពី​អ្ន​​ក​​ជិតខាងល្អ ដើម្បីបង្ហាញពី​មិត្តភាព​ជ្រាល​ជ្រៅ​ដ៏​មាន​ប្រវត្តិ​យូរ​លង់​របស់​ប្រទេស​ចិន និង​កម្ពុជា និ​​ង​​បញ្ជូ​​ន​​​ក្តីសង្ឃឹមល្អប្រសើរនៃការចាប់ដៃគ្នារីកចម្រើន និងមិត្តភាព​អនុវតន៍​ពី​ជំនាន់​មួយ​ទៅជំ​​នា​​​​ន់មួយ៕ អត្ថបទ៖ទូច សោភ័ណ