នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ទិវាសន្ដិភាពអន្ដរជាតិ| សម្ដេចធិបតី អំពាវនាវឱ្យថៃគោរពកិច្ចព្រមព្រៀងដែលបានឯកភាពគ្នាលើបញ្ហាព្រំដែន ខណៈកម្ពុជាប្រកាន់គោលការណ៍គ្រឹះគោរពអធិបតេយ្យដោះស្រាយបញ្ហាដោយសន្ដិវិធី
សម្ដេចតេជោ បង្ហាញចំណាប់អារម្មណ៍ទៅលើអត្ថបទរបស់អ្នកវិភាគថៃ ក្រោមចំណងជើងថា «ស្កប់ចិត្ត តែនៅមិនឈ្នះ!»
សម្ដេចតេជោលើកទឹកចិត្តឱ្យកម្ពុជា និងស៊ីបរកឱកាស និងយន្តការថ្មីៗជំរុញការវិនិយោគ និងពាណិជ្ជកម្មទ្វេភាគីឱ្យកាន់តែរីកចម្រើន
សម្ដេចតេជោ ជំរុញ កម្ពុជា និង ហ្សកហ្ស៊ី រកចំណុចមិនទាន់រួមគ្នា បង្កើតកិច្ចសហប្រតិបត្តិការកាន់តែស៊ីជម្រៅ

នយោបាយ​ និង ការអភិវឌ្ឍន៍

ប្រធានាធិបតីអ៊ុយក្រែន៖ មេដឹកនាំចិន ប្រាប់លោកថា នឹងមិនលក់អាវុធណាមួយទៅឱ្យរុស្ស៊ីទេ

2024/06/14 06:37:15 pm        250
Facebook Telegram Linkin
ប្រធានាធិបតីចិន លោក Xi Jinping បានប្រាប់ប្រធានាធិបតីអ៊ុយក្រែន លោក Volodymyr Zelenskyy ថា ប្រទេសចិន នឹងមិនលក់អាវុធណាមួយទៅឱ្យរុស្ស៊ីនោះទេ ក្នុងអំឡុងពេលសន្ទនាតាមទូរស័ព្ទរវាងមេដឹកនាំទាំងពីរ ប៉ុន្តែលោកពុំបានបញ្ជាក់ថាតើការសន្ទនាជាមួយលោក Xi ធ្វើឡើងនៅពេលណានោះទេ។លោក Zelenskyy បាននិយាយជាភាសាអង់គ្លេសថា លោក បានសន្ទនាយ៉ាងម៉ឺងម៉ាត់ជាមួយមេដឹកនាំចិន។ លោកនិយាយថា លោក Xi នឹងមិនលក់អាវុធណាមួយឱ្យរុស្ស៊ីទេ។ យើងនឹងមើលឃើញប្រសិនបើ លោក ជាមនុស្សដែលគួរឱ្យគោរព ដែលលោកនឹងមិនលក់អាវុធទៅឲ្យរុស្ស៊ី ព្រោះលោកXi បាននិយាយប្រាប់លោកដូច្នេះ។លោក Biden បាននិយាយលឺៗ នៅពេលដែល លោក Zelenskyy និយាយចប់ ថា ចិនមិនផ្គត់ផ្គង់អាវុធនោះទេ ប៉ុន្តែសមត្ថភាពក្នុងការផលិតអាវុធ និងបច្ចេកវិទ្យា មាន សម្រាប់ដើម្បីធ្វើដូច្នេះ វាពិតជាជួយដល់ប្រទេសរុស្ស៊ី។លោក Zelenskyy និយាយថា ប្រសិនបើទីក្រុងគីវ និងចិន មានទស្សនៈដូចគ្នាលើសន្តិភាព នោះអាចមានការសន្ទនា រវាងពួកគេ ហើយប្រសិនបើទីក្រុងប៉េកាំងមានទស្សនៈផ្ទុយ វាអាចរៀបចំ រូបមន្តសន្តិភាពផ្ទុយពីនេះ។ មេដឹកនាំអ៊ុយក្រែន បានជំរុញចក្ខុវិស័យរបស់លោកសម្រាប់សន្តិភាពនៅអ៊ុយក្រែន ដែលលោកហៅថាជា «រូបមន្តសន្តិភាព»។ប្រទេសស្វីស នឹងធ្វើជាម្ចាស់ផ្ទះទទួលគណៈប្រតិភូអន្តរជាតិ មកពីបណ្តាប្រទេស និងអង្គការរាប់សិបនៅចុងសប្តាហ៍នេះ ក្នុងកិច្ចប្រជុំកំពូលមួយ ដើម្បីព្យាយាមនាំយកសន្តិភាពមកក្នុងប្រទេសអ៊ុយក្រែនឲ្យខិតកាន់តែជិត។ ការសន្ទនាតាមទូរសព្ទចុងក្រោយដែលគេដឹងជាសាធារណៈ រវាង លោក Zelenskyy និង លោក Xi គឺនៅក្នុងខែមេសា ឆ្នាំ ២០២៣ ជាការសន្ទនាតាមទូរសព្ទតែម្តងគត់ ចាប់តាំងពីការវាយលុកពេញលេញរបស់រុស្ស៊ី។

ប្រេស៊ីល៖ លទ្ធិប្រជាធិបតេយ្យជួបហានិភ័យ បន្ទាប់ពីកំណើនគាំទ្រក្រុមស្តាំនិយមជ្រុលក្នុងការបោះឆ្នោត EU

2024/06/14 06:33:33 pm        124
Facebook Telegram Linkin
ប្រធានាធិបតីប្រេស៊ីល លោក លូអ៊ីស អ៊ីណាស៊ីអូ លូឡា ដាស៊ីលវ៉ា (Luiz Inacio Lula da Silva) បាននិយាយកាលពីថ្ងៃព្រហស្បតិ៍ (១៣ មិថុនា) ថា លទ្ធិប្រជាធិបតេយ្យគឺកំពុងតែស្ថិតក្នុងហានិភ័យ ដោយលើកឡើងពីកំណើននៃការគាំទ្ររបស់ក្រុមស្តាំនិយមជ្រុលនៅក្នុងសភាអឺរ៉ុប បន្ទាប់ពីការបោះឆ្នោតកាលពីចុងសប្តាហ៍មុន។ប្រមុខរដ្ឋរូបនេះបានប្រាប់អ្នកសារព័ត៌មាននៅមុនព្រឹត្តិការណ៏អង្គការពលកម្មអន្តរជាតិនៅទីក្រុងហ្សឺណែវ ប្រទេសស្វីសថា «លទ្ធិប្រជាធិបតេយ្យកំពុងតែមានបញ្ហា និងកំពុងមានហានិភ័យ»។ មេដឹកនាំឆ្វេងនិយមរូបនេះបន្តថា៖ «ក្រុមស្ដាំនិយមជ្រុលជំទាស់និយមន័យនៃស្ថាប័ននយោបាយ តុលាការកំពូល រួមទាំងសភា»។លោក លូឡា ដែលនឹងចូលរួមក្នុងកិច្ចប្រជុំកំពូលក្រុមប្រទេសទាំងប្រាំពីរ (G7) នៅសប្តាហ៍នេះ នៅប្រទេសអ៊ីតាលី បន្ទាប់ពីលោកត្រូវបានអញ្ជើញដោយលោកស្រីនាយករដ្ឋមន្ត្រី ជីអូចា មេឡូនី (Giorgia Meloni) បានបន្ថែមថា អ្នកដែលជឿជាក់លើលទ្ធិប្រជាធិបតេយ្យត្រូវតែតស៊ូដើម្បីរក្សាលទ្ធិនេះឱ្យគង់វង្សនៅគ្រប់ទីកន្លែងក្នុងពិភពលោក។ទោះបីជាមានកំណើននៃការគាំទ្រលើក្រុមស្តាំនិយមជ្រុលនៅក្នុងការបោះឆ្នោតសភាអឺរ៉ុប ជាពិសេសនៅប្រទេសបារាំង និងអាល្លឺម៉ង់ក៏ដោយ ក៏ក្រុមកណ្តាលនិយមរបស់ប្រធានគណៈកម្មការអឺរ៉ុប លោកស្រី អឺស៊ុលឡា វ៉ុនដឺលេយ៉េន (Ursula von der Leyen) បានឈ្នះអាសនៈភាគច្រើន ហើយបានចាប់ផ្តើមព្យាយាមប្រមូលផ្តុំក្រុមចម្រុះកាលពីថ្ងៃចន្ទសប្ដាហ៍នេះ៕

ឯកឧត្តម ហ៊ុន ម៉ានី តំណាងសម្តេចធិបតី អញ្ជើញប្រកាសតែងតាំង និងស្រោចស្រពព្រះសុគន្ធវារី ប្រគេនព្រះចៅ អធិការវត្តហរិរក្សរាជិនី (ហៅវត្តវាំងចាស់) ខេត្តកំពង់ស្ពឺ

2024/06/14 06:06:55 pm        130
Facebook Telegram Linkin
ឯកឧត្តម ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងារសាធារណៈ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ស្ពឺ តំណាងដ៏ខ្ពង់ខ្ពស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានអញ្ជើញជាអធិបតីក្នុងពិធីប្រកាសតែងតាំង និងស្រោចស្រពព្រះសុគន្ធវារី ប្រគេនព្រះចៅ អធិការវត្តហរិរក្សរាជិនី (ហៅវត្តវាំងចាស់) និងព្រះមន្ត្រីសង្ឃ ស្ថិតក្នុងសង្កាត់វាំងចាស់ ក្រុងឧដុង្គម៉ែជ័យ ខេត្តកំពង់ស្ពឺ, នាព្រឹកថ្ងៃសុក្រ ទី១៤ ខែមិថុនា ឆ្នាំ២០២៤នេះ។និមន្ត/អញ្ជើញរួមាន សម្ដេចឧត្តមវង្សា កិត្តិបណ្ឌិត មួង រ៉ា ព្រះសង្ឃនាយករងទី៣ ព្រះថេរានុថេរៈ ឯកឧត្តម លោកជំទាវ សមាជិកព្រឹទ្ធសភា រដ្ឋសភា ឯកឧត្តមរដ្ឋមន្ត្រីក្រសួងធម្មការ និងសាសនា មន្រ្តីរាជការបងប្អូនប្រជាពលរដ្ឋ និងពុទ្ធបរិស័ទទាំងអស់ ចំនួន ៧៧៥ អង្គ/នាក់។ ថ្លែងទៅកាន់អង្គពិធីឯកឧត្តម ហ៊ុន ម៉ានី បានចូលរួមអបអរសាទរ ជាមួយព្រះសង្ឃគ្រប់ព្រះអង្គដែលគង់នៅទីអារាមវត្តដ៏ចំណាស់នេះ ជាពិសេស ព្រះឥន្ទសិរីវង្ស តាម វិបុល ដែលត្រូវបានតែងតាំងជាព្រះចៅអធិការថ្មីនៃវត្តហរិរក្សរាជនី ហៅវត្តរាំងចាស់។ជាមួយគ្នានេះ ឯកឧត្តមបានកោតសរសើរ និងថ្លែងអំណរគុណដោយស្មោះចំពោះព្រះថេរានុថេរៈគ្រប់ព្រះអង្គ លោកតា លោកយាយ ពុទ្ធបរិស័ទ និងសប្បុរសជនជិតឆ្ងាយ ដែលបានរួមចំណែកចាប់មគ្គផលកសាងសមិទ្ធផលនានាក្នុងវត្ត ហើយឯកឧត្តមសង្ឃឹមយ៉ាងមុតមាំថា ក្រោមការដឹកនាំរបស់ព្រះគ្រូចៅអធិការវត្តថ្មី នឹងធ្វើឱ្យវត្តអារាមនេះកាន់តែមានភាពសុខដុម និងអភិវឌ្ឍរីកចម្រើនទៅមុខជាបន្តបន្ទាប់បន្ថែមទៀត។ឯកឧត្តម ឧបនាយករដ្ឋមន្រ្តី បានបន្ថែមថា ជាក់ស្តែងវត្តវាំងចាស់ដែលមានអាយុកាល ១៧០ឆ្នាំ និងមានផ្ទុកទៅដោយគម្ពីរ ដីកា ទាំងភាសាបាលី និងសម្រាយ ជាកន្លែងសាបព្រោះចំណេះដឹងក្នុងព្រះពុទ្ធសាសនា ចងវេញជាធ្លុងសាមគ្គីភាពរបស់ប្រជាជាតិខ្មែរ ដើម្បីចូលរួមចំណែកការពារ អភិរក្ស វប្បធម៌ ប្រពៃណី អក្សរសាស្ត្រ អត្តសញ្ញាណជាតិ និងបុព្វហេតុសង្គមជាតិ គ្រប់ៗជំនាន់។ ជាអកុសល សមិទ្ធផលជាច្រើនត្រូវបានរងការបំផ្លិចបំផ្លាញស្ទើរគ្មានសល់នាសម័យសង្គ្រាម។ ទន្ទឹមនឹងនេះ ឯកឧត្តមឧបនាយករដ្ឋមន្រ្តីបានរំលេចអំពីភាពសំខាន់ ​នៃកត្តាសុខសន្តិភាពដែល​កើតចេញពី ថ្ងៃជ័យជម្នះ៧ មករា ដែលបានសង្រ្គោះអាយុជីវិតរបស់ប្រជាជនខ្មែរចេញ​ពីគ្រោះមរណៈ ​និងបានផ្តល់ជាឱកាសឱ្យគ្រប់សាសនាទាំងអស់នៅកម្ពុជា ជាពិសេស​ព្រះពុទ្ធសាសនា បានរស់រានឡើងវិញ កសាងបានជាសមិទ្ធផលថ្មីៗ និងបានរីកចម្រើន​ជាបន្តបន្ទាប់រហូតមកដល់សព្វថ្ងៃនេះ៕អត្ថបទ រដ្ឋា/

សម្ដេចធិបតី៖ ប្រព័ន្ធធារាសាស្ត្ររំដោះទឹកស្ទឹងព្រែកត្នោត នឹងផ្ដល់ទឹកខួបប្រាំងខួបវស្សាដល់កសិករ

2024/06/14 05:56:04 pm        196
Facebook Telegram Linkin
ក្នុងឱកាសអញ្ជើញពិនិត្យប្រព័ន្ធធារាសាស្ត្ររំដោះ និងពង្វាងទឹកស្ទឹងព្រែកត្នោត នៅព្រឹកថ្ងៃទី១៤ ខែមិថុនា ឆ្នាំ២០២៤នេះសម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា មានប្រសាសន៍បញ្ជាក់ថា ប្រព័ន្ធធារាសាស្ត្ររំដោះទឹកស្ទឹងព្រែកត្នោតនេះ ពិតជាមានសារសំខាន់ណាស់ក្រៅពីរំដោះទឹកចេញពីរាជធានីភ្នំពេញ និងតំបន់ជាយក្រុងមួយចំនួន ប្រព័ន្ធធារាសាស្ត្រនេះ ក៏នឹងក្លាយជាប្រភពផ្ដល់ទឹកខួបប្រាំងខួបវស្សា ដល់ប្រជាកសិករក្នុងការបង្កបង្កើនផលដំណាំផងដែរ។ សម្ដេចធិបតី នាយករដ្ឋមន្រ្ដី មានប្រសាសន៍ថា ប្រព័ន្ធធារាសាស្ត្ររំដោះទឹកស្ទឹងព្រែកត្នោតនេះ មិនមែនផ្ដល់ផលតែរាជធានីភ្នំពេញប៉ុណ្ណោះទេ តែក៏បានជួយស្រោចស្រង់តំបន់ដែលធ្លាប់ជន់លិចជាង ៣០ ម៉ឺនហិកតា ដែលធ្លាប់រងផលប៉ះពាល់ដល់ស្រែចម្ការ លំនៅដ្ឋាន និងតំបន់រោងចក្រមួយចំនួនទៀតផងដែរ ស្ថិតក្នុងភូមិសាស្រ្ដរាជធានីភ្នំពេញ ខេត្តកណ្ដាល និងខេត្តកំពង់ស្ពឺ។ ក្នុងឱកាសនោះសម្ដេចធិបតី ហ៊ុន ម៉ាណែត បានបញ្ជាក់ដែរថា គម្រោងប្រព័ន្ធរំដោះទឹក និងពង្វាងទឹកជំនន់ចេញពីភ្នំពេញ និងតំបន់រណបនេះ បានចំណាយថវិកាសាងសង់ និងស្ដារឡើងវិញជាង ៤០០ លានដុល្លារ។ ប្រព័ន្ធធារាស្រ្ដនេះ ក្រៅពីរំដោះជំនន់នៅភ្នំពេញ ក៏នឹងជួយរំដោះជំនន់ក្នុងតំបន់នៅតាមបណ្ដោយប្រឡាយផងដែរ ហើយព្រមទាំងផ្ដល់ប្រយោជន៍ ជាច្រើនទៀត រួមទាំងជួយផ្ដល់ទឹកសម្រាប់ធ្វើចម្ការស្រែ ផ្ដល់ជាផ្លូវថ្នល់សម្រា ប់ពលរដ្ឋធ្វើដំណើរ និងវិស័យទេសចរណ៍ផងដែ៕អត្ថបទ៖ វ៉ន ដារ៉ា

កូរ៉េខាងត្បូង និងអាមេរិក ព្រមានប្រឆាំងចំណងយោធាកូរ៉េខាងជើង-រុស្ស៊ី នៅមុនទស្សនកិច្ចលោក ពូទីន

2024/06/14 05:48:09 pm        118
Facebook Telegram Linkin
ក្រសួងការបរទេសរបស់ទីក្រុងសេអ៊ូល បាននិយាយនៅថ្ងៃសុក្រ (១៤ មិថុនា) នេះថា មន្ត្រីជាន់ខ្ពស់នៃកូរ៉េខាងត្បូង និងសហរដ្ឋអាមេរិក បានធ្វើការពិភាក្សាតាមទូរស័ព្ទបន្ទាន់មួយ ជុំវិញលទ្ធភាពនៃដំណើរទស្សនកិច្ចដោយប្រធានាធិបតីរុស្ស៊ី លោក វ្ល៉ាឌីមៀ ពូទីន (Vladimir Putin) ទៅកាន់កូរ៉េខាងជើង។ក្រសួងបាននិយាយថា អនុរដ្ឋមន្ត្រីការបរទេសកូរ៉េខាងត្បូង លោក គីម ហុងខ្យុន (Kim Hong-kyun) នៅក្នុងការសន្ទនាតាមទូរស័ព្ទជាមួយអនុរដ្ឋមន្ត្រីការបរទេសអាមេរិក លោក ឃឺត ខេមប៊ែល (Kurt Campbell) បាននិយាយថា ដំណើរទស្សនកិច្ចរបស់លោក ពូទីន មិនគួរបណ្តាលឱ្យមានកិច្ចសហប្រតិបត្តិការយោធាកាន់តែស៊ីជម្រៅរវាងទីក្រុងព្យុងយ៉ាង និងទីក្រុងមូស្គូ ដែលរំលោភលើសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិនោះទេ។ដោយបញ្ជាក់ឡើងវិញនូវកង្វល់របស់សម្ព័ន្ធមិត្តទាំងពីរ លោក គីម និងលោក ខេមប៊ែល បានសន្យាបន្តកិច្ចសហប្រតិបត្តិការដើម្បីដោះស្រាយអស្ថិរភាពក្នុងតំបន់ និងបញ្ហាប្រឈមនានាដែលបណ្តាលមកពីដំណើរទស្សនកិច្ចនោះ។ កាលពីថ្ងៃពុធ មន្ត្រីជាន់ខ្ពស់នៅការិយាល័យប្រធានាធិបតីនៃទីក្រុងសេអ៊ូល បាននិយាយថា លោក ពូទីន ត្រូវបានគេរំពឹងថានឹងធ្វើទស្សនកិច្ចនៅកូរ៉េខាងជើង «នៅក្នុងប៉ុន្មានថ្ងៃខាងមុខនេះ»។ សារព័ត៌មាន វ៉េដូម៉ូស្ទី (Vedomosti) របស់រុស្ស៊ី កាលពីថ្ងៃចន្ទបានរាយការណ៍ថា លោក ពូទីន នឹងទៅបំពេញទស្សនកិច្ចនៅកូរ៉េខាងជើង និងវៀតណាមក្នុងប៉ុន្មានសប្តាហ៍ខាងមុខ។គេហទំព័រ NK PRO ដែលមានមូលដ្ឋាននៅទីក្រុងសេអ៊ូល បានរាយការណ៍នៅសប្តាហ៍នេះដោយដកស្រង់រូបភាពផ្កាយរណបពាណិជ្ជកម្មថា យន្តហោះស៊ីវិលត្រូវបានគេយកចេញពីអាកាសយានដ្ឋានក្រុងព្យុងយ៉ាង ហើយមានសញ្ញានៃការត្រៀមរៀបចំសម្រាប់លទ្ធភាពនៃការដង្ហែក្បួននៅទីលានចតុរង្គ គីម អ៊ីលស៊ុង (Kim Il Sung) នៃរដ្ឋធានីរបស់ប្រទេសផ្ដាច់ខ្លួនមួយនេះ៕

ប្រជាជនគុយបា បង្ហាញការភ្ញាក់ផ្អើល ចំពោះនាវាយោធារុស្ស៊ី មកដល់នៅទីក្រុងឡាហាវ៉ាន

2024/06/14 05:44:14 pm        130
Facebook Telegram Linkin
ប្រជាជនគុយបា និយាយថា គួរឲ្យចាប់អារម្មណ៍ណាស់ ចំពោះនាវាចម្បាំងរបស់កងទ័ពជើងទឹករុស្ស៊ី ដែលបានមកចូលចតនៅទីក្រុងឡាហាវ៉ាន កាលពីថ្ងៃព្រហស្បតិ៍ បន្ទាប់ពីត្រូវបានអនុញ្ញាតឱ្យនាវាធ្វើទស្សនកិច្ច។ដើម្បីចូលទៅទស្សនានាវានេះ ប្រជាជនគុយបា បានបង្កើតជួរដ៏វែងនៅច្រកចូលកំពង់ផែឡាហាវ៉ាន ហាវ៉ាណា គ្រូស ធឺមីណល(Havana Cruise Terminal) ជាកន្លែងដែលតាមធម្មតានាវា ចាកចេញ។ អ្នកមកទស្សនា បានចូលទៅក្នុងនាវាចម្បាំងជាក្រុមដែលមានមនុស្សមួយក្រុមម្តង២០នាក់ ទោះបីជាក្រោយមកអ្នករៀបចំបានសម្រេចចិត្តបង្កើតក្រុមចំនួន៣០នាក់មួយក្រុម ដើម្បីអនុញ្ញាតឱ្យអ្នកទស្សនាទាំងអស់ អាចចូលទៅទស្សនានាវា បាន។អ្នកទាំងឡាយ ដែលពុំបានរៀបចំការធ្វើដំណើរចូលទៅទស្សនានៅពេលនេះ នឹងអាចព្យាយាមម្ដងទៀតនៅថ្ងៃសៅរ៍ ទី១៥ មិថុនា នៅពេលនោះសកម្មភាពនឹងបន្ត។នាវាចម្បាំងរបស់កងទ័ពជើងទឹករុស្ស៊ី និងនាវាមុជទឹកដើរដោយថាមពលនុយក្លេអែរ បានចូលចតនៅកំពង់ផែឡាហាវ៉ាន កាលពីថ្ងៃពុធ ទី១២ មិថុនា ជាទីចតរយៈពេលខ្លី ដែលសហរដ្ឋអាមេរិក និងគុយបា បាននិយាយថា ពុំមានការគំរាមកំហែងនោះទេ ប៉ុន្តែត្រូវបានគេមើលឃើញយ៉ាងទូលំទូលាយថា ជាការបង្ហាញកម្លាំងរបស់រុស្ស៊ី ខណៈភាពតានតឹងកើនឡើងជុំវិញសង្គ្រាមនៅអ៊ុយក្រែន។ក្រសួងការពារជាតិរុស្ស៊ី បាននិយាយថា នាវារុស្ស៊ី ត្រូវបានគេរំពឹងថា នឹងបន្តចតនៅក្នុងទីក្រុង ឡាហាវ៉ាន រហូតដល់ថ្ងៃទី ១៧ ខែមិថុនា។ប្រទេសគុយបា និងកាណាដា បាននិយាយថា នាវាល្បាតរបស់កងទ័ពជើងទឹកកាណាដា ម៉ាហ្ការ៉េត ប្រ៊ូក(Margaret Brooke) ក៏ត្រូវបានគេរំពឹងថានឹងទៅដល់ទីក្រុងឡាហាវ៉ាន នៅថ្ងៃសុក្រនេះ ហើយនឹងចូលចតនៅមិនឆ្ងាយពីក្បួននាវារបស់រុស្ស៊ី នៅខាងក្នុងកំពង់ផែនេះទេ។

ចិន រិះគន់ទណ្ឌកម្មថ្មីរបស់អាមេរិកប្រឆាំងនឹងរុស្ស៊ី ខណៈបង្ហាញពីលទ្ធភាពនៃវិធានការតបត

2024/06/14 05:40:51 pm        168
Facebook Telegram Linkin
ប្រទេសចិន បានប្រតិកម្មយ៉ាងខ្លាំងចំពោះចំណាត់ការរបស់សហរដ្ឋអាមេរិក ក្នុងការរួមបញ្ចូលក្រុមហ៊ុន និងបុគ្គលរបស់ចិន ដែលសហរដ្ឋអាមេរិកអះអាងថាកំពុងផ្គត់ផ្គង់ទំនិញដែលគាំទ្រដល់កិច្ចខិតខំប្រឹងប្រែងសង្រ្គាមរបស់រុស្ស៊ី នៅក្នុងការដាក់ទណ្ឌកម្មថ្មីរបស់ខ្លួន។ រដ្ឋាភិបាលសហរដ្ឋអាមេរិក បានប្រកាសកាលពីថ្ងៃពុធថា ខ្លួនកំពុងពង្រីកការដាក់ទណ្ឌកម្មប្រឆាំងនឹងរុស្ស៊ី ដោយកំណត់បុគ្គល និងអង្គភាពជាង ៣០០ ជាគោលដៅដាក់ទណ្ឌកម្មថ្មី។ សហរដ្ឋអាមេរិកបាននិយាយថា គោលដៅទាំងនោះរួមមានបុគ្គល និងអង្គភាពនៅក្នុងប្រទេសចិន និងបណ្តាប្រទេសផ្សេងទៀត ដែលត្រូវបានចោទប្រកាន់ថាផ្តល់ឱ្យទីក្រុងមូស្គូ នូវទំនិញដែលអាចបំប្លែងទៅជាការប្រើប្រាស់យោធា។ អ្នកនាំពាក្យក្រសួងការបរទេសចិន លោក លីន ជាន (Lin Jian) បានថ្កោលទោសទង្វើរបស់សហរដ្ឋអាមេរិក នៅក្នុងសន្និសីទសារព័ត៌មានមួយកាលពីថ្ងៃព្រហស្បតិ៍ (១៣ មិថុនា)។ លោក លីន បានលើកឡើងថា សកម្មភាពពាណិជ្ជកម្មធម្មតារវាងចិន និងរុស្ស៊ី មិនគួរទទួលរងការជ្រៀតជ្រែក ឬការបំផ្លិចបំផ្លាញឡើយ។ លោកបានទាមទារឱ្យអាមេរិកផ្អាកទណ្ឌកម្មរបស់ខ្លួនជាបន្ទាន់ ហើយចង្អុលបង្ហាញពីវិធានការតបតដែលអាចកើតមាន។ បណ្ដាមេដឹកនាំនៃក្រុមប្រទេសទាំងប្រាំពីរ (G7) ក៏បានចែករំលែកការព្រួយបារម្ភរបស់ពួកគេជុំវិញជំនួយយោធារបស់ចិន ដល់រុស្ស៊ី នៅក្នុងកិច្ចពិភាក្សាកំពូល ដែលបានបើកនៅក្នុងប្រទេសអ៊ីតាលី កាលពីថ្ងៃព្រហស្បតិ៍៕

លោក Zelenskiy ស្នើឱ្យមេដឹកនាំ G7 អនុម័ត ផែនការម៉ាស៊ល (Marshall)សម្រាប់ការកសាងអ៊ុយក្រែនឡើងវិញ

2024/06/14 05:29:33 pm        123
Facebook Telegram Linkin
លោកប្រធានាធិបតីអ៊ុយក្រែន Volodymyr Zelenskiy កាលពីថ្ងៃព្រហស្បតិ៍សប្ដាហ៍នេះ បានស្នើឱ្យក្រុមមេដឹកនាំនៃបណ្តាប្រទេសជាសមាជិក G7 អនុម័តផែនការ ម៉ាស៊ល 'Marshall Plan' សម្រាប់ការកសាងនិងស្ដារប្រទេសអ៊ុយក្រែនឡើងវិញ បន្ទាប់ពីការបំផ្លិចបំផ្លាញបណ្តាលមកពីការឈ្លានពានរបស់រុស្ស៊ី។ លោកបានប្រាប់ក្រុមមេដឹកនាំ G7 ដោយយោងតាមការអានសុន្ទរកថារបស់លោក ដែលបានបង្ហោះនៅលើគេហទំព័រប្រធានាធិបតី ថា យើងត្រូវការផែនការច្បាស់លាស់សម្រាប់ការស្ដារឡើងវិញក្នុងប្រទេសអ៊ុយក្រែនរបស់យើង។ ស្រដៀងគ្នាទៅនឹងអ្វីដែលជាផែនការ ម៉ាស៊ល សម្រាប់អឺរ៉ុប បន្ទាប់ពីសង្រ្គាម ។ ផែនការ Marshall គឺជាកម្មវិធីជំនួយសេដ្ឋកិច្ចរាប់ពាន់លានដុល្លារដែលផ្តល់ដោយសហរដ្ឋអាមេរិកដល់សម្ព័ន្ធមិត្តនៅអឺរ៉ុបបន្ទាប់ពីសង្គ្រាមលោកលើកទី ២ ហើយត្រូវបានផ្តល់ការគាំទ្រសម្រាប់ការស្តារសេដ្ឋកិច្ចទាំងនោះឡើងវិញ ក្រោយការបំផ្លិចបំផ្លាញនៃជម្លោះរយៈពេល៨៤០ថ្ងៃមកនេះ។ ធនាគារពិភពលោកបានប៉ាន់ប្រមាណថា ការកសាងសង់អ៊ុយក្រែនឡើងវិញ នឹងចំណាយប្រាក់ជិត ៥០០ ពាន់លានដុល្លារ។លោក Zelenskiy ក៏បាននិយាយផងដែរថា ការដកការរឹតត្បិតនាពេលថ្មីៗនេះលើការប្រើប្រាស់អាវុធលោកខាងលិចលើគោលដៅនៅក្នុងប្រទេសរុស្ស៊ី បានផ្តល់ឱ្យអ៊ុយក្រែនបន្ថែមទៀត នូវការការពារពីការវាយប្រហារតាមអាកាស ជាពិសេសនៅទីក្រុង ខាគីវ ភាគខាងកើត៕

ក្រុមប្រឹក្សាសន្តិសុខUN ទាមទារឱ្យបញ្ឈប់ការហ៊ុមព័ទ្ធទីក្រុងស៊ូដង់ដែលមានប្រជាជន១,៨លាននាក់

2024/06/14 05:12:15 pm        114
Facebook Telegram Linkin
ក្រុមប្រឹក្សាសន្តិសុខអង្គការសហប្រជាជាតិ កាលពីថ្ងៃព្រហស្បតិ៍ ទី១៣ មិថុនា បានទាមទារឱ្យកងកម្លាំងគាំទ្ររហ័សយោធាប៉ារ៉ា (RSF) បញ្ឈប់ការហ៊ុមព័ទ្ធទីក្រុង al-Fashir ជាទីក្រុងដែលមានប្រជាជន ១,៨លាននាក់ នៅក្នុងតំបន់ North Darfur ប្រទេសស៊ូដង់ និងបញ្ចប់ជាបន្ទាន់ការប្រយុទ្ធនៅក្នុង តំបន់នោះ។ក្រុមប្រឹក្សាដែលមានសមាជិក១៥រូប បានអនុម័តសេចក្តីសម្រេចព្រាងដោយចក្រភពអង់គ្លេស ដែលអំពាវនាវឱ្យដកក្រុមអ្នកប្រយុទ្ធទាំងអស់ ដែលគំរាមកំហែងដល់សុវត្ថិភាពនិងសន្តិសុខ របស់ជនស៊ីវិល នៅក្នុងទីក្រុង al-Fashir ជាទីក្រុងធំចុងក្រោយនៅក្នុងតំបន់ Darfur ភាគខាងលិចដ៏ធំទូលាយ ដែលមិនស្ថិតនៅក្រោមការគ្រប់គ្រងរបស់កងកម្លាំងគាំទ្ររហ័ស(RSF)។ លោក Barbara Woodward ឯកអគ្គរដ្ឋទូតរបស់ចក្រភពអង់គ្លេសប្រចាំអង្គការសហប្រជាជាតិ បាននិយាយទៅកាន់ក្រុមប្រឹក្សាថា ការវាយប្រហារលើទីក្រុងនេះនឹងក្លាយជាមហន្តរាយ។ ក្រុមប្រឹក្សា ត្រូវបញ្ជូនសញ្ញាដ៏រឹងមាំ ទៅដល់ភាគីជម្លោះនៅថ្ងៃនេះ ព្រោះជម្លោះដ៏បង្ហូរឈាម និងអយុត្តិធម៌នេះ ត្រូវតែបញ្ចប់។សង្គ្រាម បានផ្ទុះឡើងក្នុងប្រទេសស៊ូដង់កាលពីខែមេសា ឆ្នាំមុន រវាងកងទ័ពស៊ូដង់ និងកងកម្លាំងគាំទ្ររហ័ស(RSF) ដែលបានបង្កឱ្យមានវិបត្តិជនភៀសខ្លួនច្រើនបំផុតរបស់ពិភពលោក។ ក្រុមប្រឹក្សាសន្តិសុខ បានអំពាវនាវឱ្យភាគីសង្រ្គាម អនុញ្ញាតឱ្យជនស៊ីវិលធ្វើដំណើរទៅកាន់តំបន់ដែលមានសុវត្ថិភាពជាងនេះ នៅក្នុង និងខាងក្រៅទីក្រុង al-Fashir ហើយក្រុមប្រឹក្សាសន្តិសុខ បានជំរុញឱ្យបណ្តាប្រទេសនានា បញ្ចៀសការជ្រៀតជ្រែកពីខាងក្រៅដែលស្វែងរកការបង្កជម្លោះ និងអស្ថិរភាព។ក្រុមអ្នកឃ្លាំមើលការដាក់ទណ្ឌកម្មរបស់អង្គការសហប្រជាជាតិ បានពិពណ៌នាថា វាជាការចោទប្រកាន់ «គួរឱ្យទុកចិត្ត» ដែលប្រទេសអារ៉ាប់រួម បានផ្តល់ការគាំទ្រផ្នែកយោធាដល់កងកម្លាំងគាំទ្ររហ័ស(RSF) ប៉ុន្តែប្រទេសអារ៉ាប់រួម បានបដិសេធ។ អង្គការសហប្រជាជាតិ បាននិយាយថាមនុស្សជិត២៥លាននាក់ ដែលជាចំនួនពាក់កណ្តាលនៃប្រជាជនស៊ូដង់ ត្រូវការជំនួយហើយប្រហែល៨ លាននាក់ បានភៀសខ្លួនចេញពីលំនៅឋានរបស់ពួកគេ។

លោក Biden រុញអ៊ុយក្រែន កាន់តែជិតសមាជិកភាព NATO ខណៈចុះកិច្ចព្រមព្រៀងការពាររយៈពេល ១០ ឆ្នាំ

2024/06/14 04:04:34 pm        123
Facebook Telegram Linkin
ប្រធានាធិបតីអាមេរិក លោក ចូ បៃដិន (Joe Biden) និងប្រធានាធិបតីអ៊ុយក្រែន លោក វ្ល៉ូឌីមី ហ៊្សេឡិនស្គី (Volodymyr Zelenskiy) បានចុះហត្ថលេខាលើកិច្ចព្រមព្រៀងសន្តិសុខទ្វេភាគីរយៈពេល ១០ ឆ្នាំកាលពីថ្ងៃព្រហស្បតិ៍ (១៣ មិថុនា) ក្នុងគោលបំណងពង្រឹងការការពាររបស់អ៊ុយក្រែន ប្រឆាំងនឹងការវាយលុករបស់រុស្ស៊ី និងធ្វើឱ្យអ៊ុយក្រែន កាន់តែខិតទៅជិតសមាជិកភាពរបស់សម្ព័ន្ធយោធាណាតូ។ក្រុមមន្ត្រីបាននិយាយថា កិច្ចព្រមព្រៀងដែលបានចុះហត្ថលេខានៅក្រៅកិច្ចប្រជុំកំពូល G7 នៅក្នុងប្រទេសអ៊ីតាលីនេះ មានគោលបំណងបង្ហាញការប្តេជ្ញាចិត្តរបស់រដ្ឋបាលសហរដ្ឋអាមេរិកនាពេលអនាគតដើម្បីគាំទ្រអ៊ុយក្រែន បើទោះបីជាលោកអតីតប្រធានាធិបតី ដូណាល់ ត្រាំ (Donald Trump) អាចឈ្នះការបោះឆ្នោតនៅខែវិច្ឆិកា ខាងមុខនេះក៏ដោយ។ លោក បៃដិន បាននិយាយនៅក្នុងសន្និសីទសារព័ត៌មានរួមគ្នាជាមួយលោក ហ៊្សេឡិនស្គី ថា «គោលដៅរបស់អាមេរិក គឺដើម្បីពង្រឹងសមត្ថភាពការពារ និងទប់ស្កាត់ដ៏គួរឱ្យទុកចិត្តរបស់អ៊ុយក្រែន ក្នុងរយៈពេលវែង»។ លោកបន្ថែមថា សាររបស់ G7 ទៅកាន់ប្រធានាធិបតីរុស្ស៊ី លោក វ្ល៉ាឌីមៀ ពូទីន (Vladimir Putin) គឺថា «អ្នកមិនអាចបំបែកបំបាក់ពួកយើងបានទេ»។ កិច្ចព្រមព្រៀងសន្តិសុខអាមេរិក-អ៊ុយក្រែន នេះគឺជាក្របខ័ណ្ឌមួយសម្រាប់កិច្ចខិតខំប្រឹងប្រែងរយៈពេលវែងដើម្បីជួយអភិវឌ្ឍកងកម្លាំងប្រដាប់អាវុធរបស់អ៊ុយក្រែន និងបម្រើជាជំហានឆ្ពោះទៅរកលទ្ធភាពនៃសមាជិកភាពអង្គការណាតូ របស់អ៊ុយក្រែន នេះបើយោងតាមអត្ថបទនៃកិច្ចព្រមព្រៀងនោះ។ប្រធានាធិបតីអ៊ុយក្រែន បានហៅវាថាជាកិច្ចព្រមព្រៀងប្រវត្តិសាស្ត្រ ដោយនិយាយថានោះជាស្ពានឆ្ពោះទៅកាន់សមាជិកភាពណាតូ នៅទីបំផុតរបស់ប្រទេសលោក។ លោក Zelenskiy បានស្វះស្វែងរកសមាជិកភាពរបស់អង្គការណាតូជាយូរមកហើយ ប៉ុន្តែសម្ព័ន្ធមិត្តបានស្ទាក់ស្ទើក្នុងការទទួលយកជំហាននោះ៕

បណ្ដាញសង្គម

ព័ត៌មានថ្មីៗ

លោកជំទាវ ហ៊ុន ម៉ាណា អញ្ជើញប្រគេនទេយ្យវត្ថុដល់វត្តចំនួន៨ ,ចែកអំណោយជូនប្រជាពលរដ្ឋចំនួន៥៦៨គ្រួសារ​ និងចែកកាតាបដល់សិស្សានុសិស្ស៧០០នាក់ នៅឃុំកំពង់ភ្លុក ស្រុកប្រាសាទបាគង ខេត្តសៀមរាប
09/20/2026 06:09 PM
Facebook Telegram Linkin
ជនជាតិចិន ១៦៤នាក់ទៀត ពាក់ព័ន្ធ Online Scams និងបទល្មើសផ្សេងៗទៀត ត្រូវបានបណ្ដាញចេញកម្ពុជា
09/20/2026 06:09 PM
Facebook Telegram Linkin
ប្រធានក្រុមការងារជួសជុល និងសាងសង់ឡើងវិញអគារសិក្សាអំណោយសម្ដេចតេជោអញ្ជើញបើកការដ្ឋានជួសជុលអគារសិក្សាអាទិភាពចំនួន ៤ ទីតាំង នៅក្នុងស្រុកសំរោង ខេត្តតាកែវ
09/20/2026 05:09 PM
Facebook Telegram Linkin
អនុប្រធានសមាគមអតីតយុទ្ធជន អញ្ជើញប្រគល់ផ្ទះ ១០២ខ្នង ជាអំណោយរបស់សម្តេចតេជោ ហ៊ុន សែន ជូនអតីតយុទ្ធជន និងនិវត្តជន ក្នុងខេត្តព្រះវិហារ
09/20/2026 05:09 PM
Facebook Telegram Linkin
ឯកឧត្តមឧបនាយករដ្ឋមន្ត្រី ហ៊ុន ម៉ានី ជួបសំណេះសំណាលថ្លែងអំណរគុណដល់គ្រូបង្រៀនស្ម័គ្រចិត្ត និងអបអរសាទរសិស្សនិទ្ទេស A ទាំង ៣១រូប
09/20/2026 04:09 PM
Facebook Telegram Linkin
ប្រជាពលរដ្ឋប្រមាណជាង ១ម៉ឺននាក់ ក្នុងខេត្តកំពង់ស្ពឺ ទទួលបានការពិនិត្យ និងព្យាបាលជំងឺដោយឥតគិតថ្លៃ ពីក្រុមការងារគ្រូពេទ្យស្ម័គ្រចិត្ត ឯកឧត្ដម ហ៊ុន ម៉ានី
09/20/2026 04:09 PM
Facebook Telegram Linkin
រយៈពេល ៣ឆ្នាំ វិទ្យាស្ថានពហុបច្ចេកទេសខេត្តកំពង់ចាម បណ្ដុះបណ្ដាលយុវជនជំនាញជាង ២ពាន់នាក់
09/20/2026 02:09 PM
Facebook Telegram Linkin
ជនអន្តោប្រវេសន៍បន្តជាប់ខ្លួនលើដែនដី Ceuta របស់អេស្ប៉ាញ ខណៈប្រតិបត្តិការចាប់ផ្តើម ដើម្បីពង្រីកជម្រកបណ្តោះអាសន្ន
09/20/2026 02:09 PM
Facebook Telegram Linkin
យុវជនសុទ្ធតែជាកម្មកររ៉ែ ៣៧នាក់ ដែលបានស្លាប់នៅក្នុងការឃុំឃាំងរបស់យោធានៅនីហ្សេរីយ៉ា
09/20/2026 02:09 PM
Facebook Telegram Linkin
វិទ្យាស្ថានពហុបច្ចេកទេសខេត្តកោះកុង បណ្តុះបណ្តាលជំនាញដល់សិស្សជិត ៥ពាន់នាក់ ក្នុងរយៈពេល៣ឆ្នាំ
09/20/2026 01:09 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.