នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
នាយកប្រតិបត្តិអង្គការ HFHI កោតសរសើរគោលនយោបាយ​អភិវឌ្ឍលំនៅដ្ឋានរបស់កម្ពុជា​
ឯកអគ្គរាជទូតជប៉ុនថ្មី ប្តេជ្ញាបន្តពង្រឹង និងពង្រីកកិច្ចសហប្រតិបត្តិការទ្វេភាគីឱ្យកាន់តែរឹងមាំ និងស៊ីជម្រៅ
សម្ដេចតេជោផ្ដល់អនុសាសន៍ដល់គុនខ្មែរ និងសមាគមខ្មែរនៅជប៉ុនឱ្យខិតខំបន្ថែម ដើម្បីនិរន្តរភាពស្ថាប័ន
តំណាងពិសេសរបស់អគ្គលេខាធិការអង្គការសហប្រជាជាតិ កោតសរសើរកម្ពុជាលើការអនុវត្តផែនការសកម្មភាពជាតិស្តីពីការបង្ការ និងការឆ្លើយតបចំពោះអំពើហិង្សាលើកុមារ

នយោបាយ​ និង ការអភិវឌ្ឍន៍

សត្វព្រៃជាច្រើនប្រភេទត្រូវបានរកឃើញនៅតំបន់ទេសភាពភ្នំថ្មកំបោរ ខេត្តបាត់ដំបង

2024/05/29 10:05:19 pm        524
Facebook Telegram Linkin
បាត់ដំបង៖ ឯកឧត្តម ខ្វៃ អាទិត្យា អនុរដ្ឋលេខាធិការ និងជាអ្នកនាំពាក្យក្រសួងបរិស្ថាន បានឲ្យដឹងថា សត្វព្រៃជាច្រើនប្រភេទត្រូវបានរកឃើញនៅតំបន់ទេសភាពភ្នំថ្មកំបោរ ក្នុងភូមិសាស្ដ្រខេត្តបាត់ដំបង ដោយថនិកសត្វប្រភេទមានដោយកម្រ និងប្រភេទមានដោយបង្គួរ ដែលត្រូវបានរកឃើញទាំងនោះរួមមាន៖ សត្វកែះ ឆ្មាដាវ ឆ្កែចចក ក្តាន់ញ៉ែងតូច ប្រម៉ា សំពោចក្រអូប ឈ្លូស ស្វាត្រោស ស្វាក្ដាម កន្ថឹក មាន់ព្រៃជាដើម ។ ការបង្ហាញនេះ បន្ទាប់ពីមន្រ្តីជំនាញរបស់ក្រសួងបរិស្ថាន និងអង្គការសត្វព្រៃ និងរុក្ខជាតិប្រចាំកម្ពុជា (FFI) សហការជាមួយរដ្ឋបាលខេត្តបាត់ដំបង អាជ្ញាធរ និងសហគមន៍មូលដ្ឋាន បានចុះដាក់ម៉ាស៊ីន​ថតស្វ័យប្រវត្ត ចំនួនជាង៣០គ្រឿង កាលពីខែមករា ឆ្នាំ២០២៤ កន្លងមកនេះ នៅតំបន់ទេសភាព​ភ្នំថ្មកំបោរ ក្នុងភូមិសាស្ដ្រខេត្តបាត់ដំបង ដើម្បីប្រមូលទិន្នន័យជីវចម្រុះក្នុងការគាំទ្រផែនការ​អភិរក្សការការពារភ្នំថ្មកំបោរ​ ក្រោមជំនួយ​ឧបត្ថម្ភ​ថវិកាដោយសហភាពអឺរ៉ុប ក្រោមគម្រោង «ការអភិរក្សជីវៈចម្រុះ ​ដើម្បីកាត់បន្ថយហានិភ័យនៃជំងឺឆ្លង»។ ថ្លែងប្រាប់អ្នកសារព័ត៌មាន នាថ្ងៃទី២៩ ខែឧសភា ឆ្នាំ២០២៣ ឯកឧត្តម ខ្វៃ អាទិត្យា បាន​បញ្ជាក់​ជាមួយការបង្ហាញពីមោទកភាពចំពោះក្រុមការងារស្រាវជ្រាវរបស់មន្រ្តីជំនាញក្រសួងបរិស្ថាន និងអង្គការសត្វព្រៃ ​និងរុក្ខជាតិប្រចាំកម្ពុជា(FFI) រួមជាមួយ​អ្នកពាក់ព័ន្ធ ដែលបាន​ខិតខំ​ប្រឹងប្រែង​ការសិក្សាស្រាវជ្រាវ​ ប្រមូលចងក្រងទិន្នន័យប្រភេទសត្វព្រៃ​ ដែលមានវត្តមាន នៅក្នុងតំបន់​អភិរក្សរបស់ប្រទេសកម្ពុជា ​ដើម្បីជាប្រយោជន៍​សម្រាប់ការអភិរក្ស ​និងសម្រាប់ការយល់ដឹងរបស់​សាធារណេជន ។ អ្នកនាំពាក្យរូបនេះ បានបញ្ជាក់បន្ថែមថា «ការរកឃើញតាមរយៈការសិក្សាបង្ហាញថាជីវៈចម្រុះនៅ​ប្រទេស​កម្ពុជា ​ត្រូវបានយកចិត្តទុកដាក់ការពារ និងអភិរក្សខ្ពស់បំផុតក្នុងពិភពលោក ជាពិសេស​នៅក្នុងតំបន់ការពារធម្មជាតិកម្ពុជា ដែលអាចវាយតម្លៃឃើញថា មានកើនឡើង និងមានការរស់រាន​មានជីវិតរបស់ពួកវាក្នុងរយៈពេលវែង និងមានស្ថានភាពល្អប្រសើរ»។ ក្រសួងបរិស្ថាន នឹងបន្តធ្វើការជាមួយដៃគូ និងអាជ្ញាធរមានសមត្ថកិច្ច អាជ្ញាធរមូលដ្ឋានថ្នាក់ក្រោមជាតិ គ្រប់ថ្នាក់ រួមជាមួយ សហគមន៍ និងវិស័យឯកជន ដើម្បី​អភិរក្សតំបន់​ការពារធម្មជាតិ​ ដែលធនធាន​ជីវៈចម្រុះកំពុង​មានចំនួនកើនឡើងនិងកំពុងរស់នៅ»។ ឯកឧត្តម ខ្វៃ អាទិត្យា បានបន្ថែមទៀតថា ក្រសួងបរិស្ថាន ក៏កំពុងអនុវត្តយុទ្ធសាស្រ្តចក្រាវិស័យ​បរិស្ថាន ដែលផ្តោតលើមុំយុទ្ធសាស្រ្តបីចម្បង គឺស្អាត បៃតង និងចីរភាព ។ ក្នុងនោះ មុំ​យុទ្ធសាស្រ្តទី២ «បៃតង» គឺជំរុញនូវអាទិភាព៣ ក្នុងនោះ ១.ជំរុញការដាំឈើ​ឱ្យបាន​ច្រើន យ៉ាង​តិចចំនួន ១លានដើមក្នុង១ឆ្នាំ ចែកកូនឈើតាមរយៈយុទ្ធនាការ«ពន្លកបៃតង» ដើម្បីចែកជូនកូនឈើដោយឥតគិថ្លៃដល់ប្រជាពលរដ្ធដាំ ចាប់ពីថ្ងៃទ១០ ខែកក្កដា ឆ្នាំ ២០២៤ ដើម្បីស្តារព្រៃឈើ ដាំតាមទីសាធារណៈ វត្តអារាម សាលរៀន និងតាមមូលដ្ឋាន និងបង្កើនគម្របបៃតង ឈានឆ្ពោះទៅ សម្រេចផែនការគម្របព្រៃកើនឡើង ៦០% នៅឆ្នាំ២០៥០។២.ការពង្រឹងការអនុវត្តច្បាប់១០០% ព្រមទាំងសហការជាមួយអាជ្ញាធរ គ្រប់លំដាប់ថ្នាក់ កងកម្លាំង​ប្រដាប់អាវុធគ្រប់ប្រភេទ និងអង្គភាពប្រឆាំងងអំពើពុករលួយ ដើម្បីពង្រឹងការទប់ស្កាត់ និងប្រឆាំងបទល្មើសធនធានធម្មជាតិនៅតាមតំបន់ការពារធម្មជាតិ ស្របតាមបទបញ្ជារបស់ប្រមុខរាជរដ្ឋាភិបាល សម្តេចធិបតី ហ៊ុន ម៉ាណែត ។ ៣ ជំរុញការចូលរួមពីសហគមន៍ក្នុងការពារនិងអភិរក្សធនធានធម្មជាតិ ព្រមទាំងលើកកម្ពស់​ជីវភាព​សហគមន៍មូលដ្ឋាន ដើម្បីប្រជាសហគមន៍ ​មានជីវភាពរីកចម្រើន មានជម្រើសពីការចូលព្រៃ មក​បង្កើតមុខរបរថ្មី ជាពិសេសគម្រោងអភិវឌ្ឍន៍​គោលដៅលំហែរបៃតង ​ដែលប្រជាសហគមន៍​អាចរកចំណូល​បានពីទេសចរណ៍ធម្មជាតិ ។សូមបញ្ជាក់ថា ប្រទេសកម្ពុជាមានភ្នំថ្មកំបោរយ៉ាងច្រើន​ ដែលភាគច្រើនស្ថិតនៅក្នុងខេត្តបាត់ដំបង កំពត និងស្ទឹងត្រែង ដែលភ្នំកំបោរទាំងនោះមានសារៈសំខាន់យ៉ាងខ្លាំង ​ផ្នែកប្រព័ន្ធអេកូឡូស៊ី និងតម្លៃផ្នែកវប្បធម៌ ​ហើយវាក៏ជាជម្រកធម្មជាតិសម្រាប់ប្រភេទសត្វព្រៃជាច្រើនផងដែរ ៕​

គ្រប់មជ្ឈដ្ឋាន គឺផ្តោតទៅលើរដ្ឋភាគខាងជើងសម្រាប់ការបោះឆ្នោតឡើងវិញ របស់លោក ម៉ូឌី

2024/05/29 08:27:21 pm        156
Facebook Telegram Linkin
នៅពេលដែលប្រទេសឥណ្ឌាដែលនឹងបោះឆ្នោតជ្រើសរើសរដ្ឋាភិបាលថ្មី គ្រប់មជ្ឈដ្ឋាន គឺផ្តោតទៅលើរដ្ឋភាគខាងជើងគឺ រដ្ឋ Uttar Pradesh ដែលត្រូវបានគេស្គាល់ជាទូទៅដោយអក្សរកាត់ថា UP។ដោយលាតសន្ធឹងលើតំបន់មួយដែលមានទំហំជិតស្មើនឹងចក្រភពអង់គ្លេស រដ្ឋUP មានប្រជាជនរស់នៅយ៉ាងច្រើន។ ដោយមានប្រជាជនប្រមាណ ២៥៧លាននាក់ វាជារដ្ឋដែលមានប្រជាជនច្រើនជាងគេបំផុតរបស់ឥណ្ឌា ហើយនឹងក្លាយជារដ្ឋធំជាងគេទី៥ នៅលើពិភពលោក ប្រសិនបើវាជាប្រទេសឯករាជ្យ បន្ទាប់ពីឥណ្ឌា ចិន សហរដ្ឋអាមេរិក និងឥណ្ឌូនេស៊ី ហើយនាំមុខប៉ាគីស្ថាន ឬប្រេស៊ីល។រដ្ឋUP គឺស្ថិតក្នុងចំណោមរដ្ឋចំនួនបី ក្នុងប្រទេសឥណ្ឌា ដែលកំពុងបោះឆ្នោតក្នុងដំណាក់កាលទាំង៧ នៅក្នុងការបោះឆ្នោតដែលមានរយៈពេល ៤៤ថ្ងៃ។ (ការបោះឆ្នោត នឹងបញ្ចប់នៅថ្ងៃទី១ ខែមិថុនា ហើយលទ្ធផលនឹងត្រូវប្រកាស នៅថ្ងៃទី៤ ខែមិថុនា។ )ដូច្នេះ វាមិនមែនជារឿងចម្លែកទេ ដែលរដ្ឋ UP បោះឆ្នោតជ្រើសរើសសមាជិកសភាចំនួន ៨០រូប នៅក្នុងសភាជាន់ទាប ដែលមានសមាជិកចំនួន ៥៤៣រូប (សភាជាន់ទាប) ត្រូវបានចាត់ទុកថា ជាគន្លឹះសម្រាប់ការកិច្ចប្រឹងប្រែងក្នុងការបោះឆ្នោតឡើងវិញរបស់លោកនាយករដ្ឋមន្ត្រី ណារិនដ្រា ម៉ូឌី (Narendra Modi) ខណៈដែលលោក កំពុងប្រឹងប្រែងដើម្បីវិលត្រឡប់ទៅកាន់តំណែងវិញសម្រាប់អាណត្តិទី៣ ជាប់ៗគ្នា។

សភាដាណឺម៉ាក បដិសេធសំណើទទួលស្គាល់រដ្ឋប៉ាឡេស្ទីន

2024/05/29 08:20:43 pm        190
Facebook Telegram Linkin
សភារបស់ប្រទេសដាណឺម៉ាក បានច្រានចោលសំណើសុំទទួលស្គាល់រដ្ឋប៉ាឡេស្ទីនមួយ កាលពីថ្ងៃអង្គារ ដោយគាំទ្រទស្សនៈរបស់រដ្ឋាភិបាលថា លក្ខខណ្ឌចាំបាច់ មិនទាន់ត្រូវបានបង្កើតឡើងទេ បើទោះបីជាមានការសម្រេចចិត្តដោយប្រទេសអេស្ប៉ាញ អៀរឡង់ និងន័រវែស ដើម្បីគាំទ្រឯករាជ្យក៏ដោយ។អ៊ីស្រាអែល ដែលបានរកឃើញខ្លួនឯងកាន់តែឯកោ បន្ទាប់ពីជម្លោះជាង ៧ខែ ជាមួយក្រុមសកម្មប្រយុទ្ធប៉ាឡេស្ទីនហាម៉ាសដែលគ្រប់គ្រងតំបន់ហ្កាហ្សា បានប្រតិកម្មដោយកំហឹងចំពោះការសម្រេចរបស់អឺរ៉ុប។ច្បាប់របស់ដាណឺម៉ាក ត្រូវបានស្នើឡើងដោយគណបក្សឆ្វេងនិយមចំនួន៤។លោកស្រី Sascha Faxe ជាសមាជិកសភានៃគណបក្ស The Alternative បាននិយាយថា ការទទួលស្គាល់រដ្ឋប៉ាឡេស្ទីន គឺជាមធ្យោបាយតែមួយគត់ ដើម្បីសម្រេចបានសន្តិភាពយូរអង្វែង នៅមជ្ឈិមបូព៌ា។លោកស្រី បានថ្លែងនៅក្នុងសភាថា៖«អ្នកនយោបាយដាណឺម៉ាកភាគច្រើនយល់ស្របថា នឹងមិនមានសន្តិភាពយូរអង្វែង នៅមជ្ឈិមបូព៌ាដោយគ្មានដំណោះស្រាយរដ្ឋពីរ» ដោយបន្ថែមថា លោកស្រី មើលឃើញការទទួលស្គាល់ជាមធ្យោបាយផ្តល់សិទ្ធិដល់ប្រជាជនប៉ាឡេស្ទីនធម្មតា។រដ្ឋមន្ត្រីការបរទេសលោក Lars Lokke Rasmussen ធ្លាប់បាននិយាយថា រដ្ឋាភិបាលដាណឺម៉ាក មិនអាចទទួលស្គាល់រដ្ឋប៉ាឡេស្ទីនបានទេ ដោយសារប៉ាឡេស្ទីន ពុំមានសិទ្ធិអំណាចចាត់ចែង ឬគ្រប់គ្រងលើទឹកដីរបស់ខ្លួនទេ។

លោក ហ្ស៊េឡិនស្គី ជំរុញឲ្យសម្ព័ន្ធមិត្តប្រើ «គ្រប់មធ្យោបាយ» ដើម្បីបង្ខំរុស្ស៊ីឲ្យចូលរួមការចរចាសន្តិភាព

2024/05/29 08:18:01 pm        158
Facebook Telegram Linkin
ប្រធានាធិបតីអ៊ុយក្រែនលោក វ៉្លូឌីមី ហ្ស៊េឡិនស្គី (Volodymyr Zelensky)កាលពីថ្ងៃចន្ទ បានអំពាវនាវដល់លោកខាងលិចឲ្យ «ប្រើគ្រប់មធ្យោបាយ» ដើម្បីបង្ខំរុស្ស៊ីឲ្យធ្វើកិច្ចចរចាសន្តិភាព អំឡុងពេលដំណើរទស្សនកិច្ចទៅកាន់ទីក្រុងម៉ាឌ្រីដ ដែលបានសន្យាផ្តល់ជំនួយយោធាចំនួនមួយពាន់លានអឺរ៉ូ ខណៈដែលការវាយលុករបស់រុស្ស៊ីដណ្តើមបានមូលដ្ឋានថ្មី។ ចំណែករុស្ស៊ី បាននិយាយថា ខ្លួនបានដណ្តើមយកភូមិចំនួនពីរបន្ថែមទៀត ដែលជាផ្នែកមួយនៃការវាយលុករបស់ខ្លួន នៅអ៊ុយក្រែនភាគខាងកើត ហើយប្រមុខអង្គការណាតូ លោក ចេន ស្តូលថិនប៊ឺក (Jens Stoltenberg) បានជំរុញឲ្យសម្ព័ន្ធមិត្តគិតឡើងវិញនូវការរឹតបន្តឹងរបស់ពួកគេលើការប្រើប្រាស់អាវុធរបស់លោកខាងលិច ដើម្បីវាយប្រហារនៅក្នុងប្រទេសរុស្ស៊ី ដែលជាតម្រូវការសំខាន់របស់ប្រធានាធិបតីអ៊ុយ ក្រែន។លោក ហ្ស៊េឡិនស្គី បានប្រាប់សន្និសីទសារព័ត៌មានរួមគ្នាជាមួយនាយករដ្ឋមន្ត្រីអេស្ប៉ាញ លោក Pedro Sanchez ថា៖«យើងត្រូវពង្រឹងការងាររួមរបស់យើងជាមួយដៃគូរបស់យើង ដើម្បីសម្រេចឲ្យបានកាន់តែច្រើន។នៅក្នុងការប្រឈមនឹងស្ថានភាពបច្ចុប្បន្ន ប្រទេសអ៊ុយក្រែន បាននឹងកំពុងដាក់សម្ពាធលើអ្នកគាំទ្ររបស់ខ្លួន ជាពិសេសសហរដ្ឋអាមេរិក ដើម្បីអនុញ្ញាតឲ្យខ្លួនប្រើប្រាស់អាវុធចម្ងាយឆ្ងាយ ដែលពួកគេផ្គត់ផ្គង់ ដើម្បីវាយប្រហារគោលដៅ នៅក្នុងប្រទេសរុស្ស៊ី។ទីក្រុងវ៉ាស៊ីនតោន និងសម្ព័ន្ធមិត្តផ្សេងទៀត មានការស្ទាក់ស្ទើរក្នុងការអនុញ្ញាតឲ្យទីក្រុងគីវ ធ្វើការវាយប្រហារឆ្លងព្រំដែន ដោយសារតែការភ័យខ្លាចថា វាអាចទាញពួកគេឲ្យខិតទៅជិតជម្លោះដោយផ្ទាល់ជាមួយរុស្ស៊ីដែលមានអាវុធនុយក្លេអ៊ែរនោះ។

មនុស្សជាង ៧០ ម៉ឺននាក់ មិនមានអគ្គិសនីប្រើប្រាស់ក្នុងរដ្ឋជាច្រើននៅអាមេរិក ដោយសារព្យុះ

2024/05/29 08:13:41 pm        138
Facebook Telegram Linkin
យោងតាមក្រុមអ្នកឧតុនិយម និងទិន្នន័យពីគេហទំព័រតាមដានការដាច់ចរន្តអគ្គិសនី PowerOutage.us បានឱ្យដឹងថា លំនៅឋាន និងអាជីវកម្មជាង ៧១៣.០០០ កន្លែងនៅរដ្ឋតិចសាស់ (Texas) រដ្ឋ ឃិនថាក់គី (Kentucky) និងបណ្ដារដ្ឋផ្សេងទៀត ពុំមានថាមពលអគ្គិសនីប្រើប្រាស់ទេកាលពីថ្ងៃអង្គារ (២៨ ឧសភា) ដោយសារព្យុះបានវាយលុកតំបន់នេះចាប់តាំងពីថ្ងៃបុណ្យទិវារំលឹកគុណកងទ័ព (Memorial Day) កាលពីចុងសប្តាហ៍មក។ព្យុះផ្គររន្ទះលាយឡំនឹងខ្យល់កួច ដែលបានបោកបក់លើតំបន់ទំនាបភាគខាងត្បូង និងភ្នំ អូហ្ស៊ាក (Ozark) បានសម្លាប់មនុស្សយ៉ាងហោចណាស់ ២៤ នាក់ ធ្វើឱ្យមនុស្សរាប់រយនាក់របួស និងបង្កការបំផ្លិចបំផ្លាញយ៉ាងច្រើននៅទូទាំងរដ្ឋចំនួន ៧ របស់សហរដ្ឋអាមេរិក ក្នុងទិវារំលឹកខួបនៅចុងសប្តាហ៍នេះ។នៅទីក្រុង ដាឡាស (Dallas) ព្យុះបានបោកបក់បង្កការខូចខាតដល់ហេដ្ឋារចនាសម្ព័ន្ធជាច្រើនក្នុងតំបន់ពាណិជ្ជកម្មរបស់ទីក្រុង។ នៅផ្នែកផ្សេងទៀតនៃទីក្រុងនេះ ដើមឈើត្រូវបានដួលរលំដោយសារខ្យល់ខ្លាំង សួនឧទ្យាននៅតំបន់ទំនាបពោរពេញដោយទឹកហូរខ្លាំង ហើយផ្លាកពាណិជ្ជកម្មជាច្រើនបានដួលរលំ ខណៈព្យុះថ្មីបន្ថែមទៀតកំពុងបោកបក់កាត់ភាគខាងជើងនៃរដ្ឋតិចសាស់ កាលពីល្ងាចថ្ងៃអង្គារ៕

រដ្ឋអាជ្ញាអាមេរិក បិទបញ្ចប់ទឡ្ហីករណ៍ក្នុងសំណុំរឿងប្រាក់បំបិទមាត់របស់លោក Trump

2024/05/29 08:10:56 pm        113
Facebook Telegram Linkin
ទឡ្ហីករណ៍ចុងក្រោយក្នុងសំណុំរឿងប្រាក់បំបិទមាត់របស់អតីតប្រធានាធិបតីអាមេរិក លោក ដូណាល់ ត្រាំ (Donald Trump) ត្រូវបានបិទបញ្ចប់កាលពីល្ងាចថ្ងៃអង្គារ (២៨ ឧសភា) បន្ទាប់ពីក្រុមរដ្ឋអាជ្ញាបានប្រាប់ក្រុមចៅក្រមនៅក្នុងការកាត់ក្តីនៅទីក្រុងញូវយ៉ក (New York) ថា ការប៉ុនប៉ងលាក់បាំងការបង់ប្រាក់ដល់តារាភាពយន្តអាសអាភៀស នាង ស្តមមី ដានីញ៉ែលស៍ (Stormy Daniels) គឺជាផ្នែកមួយនៃកិច្ចខិតខំប្រឹងប្រែងខុសច្បាប់របស់លោក ត្រាំ ដើម្បីជះឥទ្ធិពលដល់ការបោះឆ្នោតប្រធានាធិបតីឆ្នាំ២០១៦។រដ្ឋអាជ្ញាបាននិយាយក្នុងអំឡុងពេលជាច្រើនម៉ោងនៃការបិទទឡ្ហីករណ៍ថា លោក ត្រាំ ដែលត្រូវបានចោទប្រកាន់ពីបទក្លែងបន្លំកំណត់ត្រាអាជីវកម្មដើម្បីបិទបាំងការបង់ប្រាក់ឱ្យនាង ដានីញ៉ែលស៍ បានធ្វើការជាមួយអតីតមេធាវីរបស់ខ្លួនកាលនោះ គឺលោក ម៉ៃខល ខូហេន (Michael Cohen) និងអតីតអ្នកបោះពុម្ពផ្សាយសារព័ត៌មានដើម្បីលាក់ព័ត៌មាននេះពីអ្នកបោះឆ្នោត។ លោក ចសវ័រ ស្ទេងក្លាស (Joshua Steinglass) ដែលជាជំនួយការមេធាវីក្នុងតំបន់ បានហៅទង្វើនេះថាជា «ការវិទ្ធង្សនានៃលទ្ធិប្រជាធិបតេយ្យ» (ការបំផ្លិចបំផ្លាញលិទ្ធិប្រជាធិបតេយ្យ)។នៅចំពោះមុខគណៈវិនិច្ឆ័យដោយបង្ហាញឯកសារក្នុងសំណុំរឿងនេះ លោក ស្ទេងក្លាស បាននិយាយថាមាន «មានភស្តុតាងគរដូចភ្នំ» ដែលបង្ហាញថាលោក ត្រាំ ឱ្យប្រាក់លោក ខូហេន យកទៅបំបិទមាត់នាង ដានីញ៉ែលស៍ ជាជាងប្រើសម្រាប់ការចំណាយផ្លូវច្បាប់។ជាមួយគ្នានេះ ក្រុមតវ៉ាក្ដីខាងលោក ត្រាំ ក៏បានបង្ហាញទឡ្ហីករណ៍បញ្ចប់របស់ខ្លួន ដោយមេធាវីរបស់លោក ត្រាំ គឺលោក ថុត ប្លង់ស្ហា (Todd Blanche) បានប្រាប់ក្រុមចៅក្រមថា រដ្ឋអាជ្ញាមិនបានបញ្ជាក់ពីករណីរបស់ពួកគេទេ។ ចៅក្រមតុលាការកំពូលទីក្រុងញូវយ៉ក លោក វ័ន មើឆាន (Juan Merchan) បាននិយាយថា ការពិភាក្សាសម្រេចលើសំណុំរឿងនេះរបស់គណៈវិនិច្ឆ័យ ត្រូវបានរំពឹងទុកនៅថ្ងៃពុធនេះ៕

កូរ៉េខាងត្បូង ប្រកាសអាសន្នស្ដីពីការទម្លាក់បាឡុងសំរាមពីកូរ៉េខាងជើង

2024/05/29 08:05:06 pm        162
Facebook Telegram Linkin
កូរ៉េខាងត្បូង បានព្រមានប្រជាជនដែលរស់នៅក្បែរព្រំដែនជាមួយប្រទេសកូរ៉េខាងជើង ឱ្យបង្កើនការប្រុងប្រយ័ត្ន បន្ទាប់ពីរបាយការណ៍ប្រព័ន្ធផ្សព្វផ្សាយបាននិយាយថា បាឡុងជាង៩០ ដែលផ្ទុកវត្ថុផ្សេងៗ រួមទាំងអ្វីដែលមើលទៅដូចជាសំរាម និងសំណល់ត្រូវបានរកឃើញ។ យោធាកូរ៉េខាងត្បូងបាននិយាយថា វត្ថុមិនស្គាល់អត្តសញ្ញាណដែលគេជឿថាមកពីប្រទេសកូរ៉េខាងជើងត្រូវបានគេប្រទះឃើញនៅជិតព្រំដែនដែលមានការយាមកាមយ៉ាងតឹងរ៉ឹង ហើយបានជំរុញឱ្យប្រជាជននៅឲ្យឆ្ងាយ ហើយរាយការណ៍ទៅយោធា ឬនគរបាល។ តាមសារព័ត៌មាន Yonhap News បានរាយការណ៍ដោយដកស្រង់ប្រភពយោធាថា គិតត្រឹមថ្ងៃពុធនេះ បាឡុងជាង ៩០ ត្រូវបានគេប្រទះឃើញ ដោយខ្លះបានធ្លាក់នៅលើដី រីឯខ្លះទៀតនៅលើអាកាសនៅឡើយ។រូបភាពដែលត្រូវបានបញ្ចេញនៅក្នុងប្រព័ន្ធផ្សព្វផ្សាយរបស់កូរ៉េខាងត្បូង បានបង្ហាញឱ្យឃើញ បាឡុងពណ៌សមួយ ផ្ទុកពេញដោយថង់ផ្លាស្ទិក ហើយនៅក្នុងរូបភាពមួយទៀត មើលទៅទំនងជាបាឡុង ដែលបានធ្លាក់បែកធ្លាយ និងសំរាមពាសវាលពាសកាលជុំវិញបាឡុងនោះ។ អនុរដ្ឋមន្ត្រីការពារជាតិរបស់កូរ៉េខាងជើង បានចេញសេចក្តីថ្លែងការណ៍មួយកាលពីថ្ងៃអាទិត្យដោយចុងសប្ដាហ៍មុន ដោយប្តេជ្ញាថានឹងអនុវត្តអំណាចដ៏រឹងមាំសម្រាប់ការការពារខ្លួន និងបានព្រមានថាគំនរសំរាមនិងកាកសំណល់ក្រដាស នឹងត្រូវបានបញ្ជូនទៅកូរ៉េខាងត្បូង ជាការឆ្លើយតបទៅនឹង វត្ថុកខ្វក់ ដែលកំពុងហោះហើរមកកាន់ប្រទេសខាងជើង។ អស់ជាច្រើនឆ្នាំមកនេះ សកម្មជនកូរ៉េខាងត្បូង បានបញ្ជូនបាឡុងទៅកាន់ប្រទេសកូរ៉េខាងជើង ដោយភ្ជាប់ជាមួយនូវខិត្តប័ណ្ណរិះគន់មេដឹកនាំកូរ៉េខាងជើង និងឧបករណ៍ផ្ទុកអង់ចងចាំUSB នៃវីដេអូចម្រៀងរបស់តារា K-popកូរ៉េខាងត្បូង៕

ថ្ងៃទីពីរនៃការបោះឆ្នោតពិសេស បានបញ្ចប់នៅអាហ្វ្រិកខាងត្បូង

2024/05/29 07:59:15 pm        127
Facebook Telegram Linkin
គណៈកម្មាធិការរៀបចំការបោះឆ្នោតឯករាជ្យ (IEC) របស់ប្រទេសអាហ្រ្វិកខាងត្បូង បានសម្តែងការពេញចិត្តចំពោះដំណើរការនៃការបោះឆ្នោតពិសេស នៅថ្ងៃទីពីររបស់ខ្លួន ដោយមានអ្នកបោះឆ្នោតចំនួន ៩៣៧.១៤៤នាក់ មកបោះឆ្នោតគិតត្រឹមរសៀលថ្ងៃអង្គារ។និយាយទៅកាន់ប្រព័ន្ធផ្សព្វផ្សាយកាលពីល្ងាចថ្ងៃអង្គារ ប្រធានគណៈកម្មាធិការរៀបចំការបោះឆ្នោត លោក Sy Mamabolo និយាយថា ចំនួនអ្នកបោះឆ្នោតពិសេស គឺខ្ពស់ជាងមុន បើប្រៀបធៀបទៅនឹងការបោះឆ្នោតកាលពីពេលមុន។ ស្ថានីយ៍បោះឆ្នោតចំនួន១០៧កន្លែង នៅក្រុង អឹមថាថា(Mthatha) នៃខេត្ត Eastern Cape ដែលមិនបានបើកកាលពីថ្ងៃច័ន្ទ ត្រូវបានដាក់ឲ្យដំណើរការនៅថ្ងៃអង្គារ។លោក Mamabolo និយាយថា ប្រព័ន្ធទាំងអស់បានត្រៀមរួចជាស្រេចសម្រាប់ការបោះឆ្នោតសកលនៅថ្ងៃទី២៩ ខែឧសភានេះ ដែលអ្នកបោះឆ្នោតជាង ២៦ លាននាក់ ត្រូវបានកំណត់ដើម្បីបោះឆ្នោតរបស់ពួកគេ។ លោកនិយាយថា មេរៀន និងបទពិសោធន៍ ក្នុងរយៈពេលពីរថ្ងៃ នៃការបោះឆ្នោតពិសេស គឺមានតម្លៃ ហើយនឹងត្រូវប្រើប្រាស់ ដើម្បីធ្វើឲ្យប្រសើរប្រតិបត្តិការបន្ថែមទៀត ដើម្បីធ្វើឲ្យមានឥទ្ធិពលជាវិជ្ជមាន ដល់បទពិសោធន៍អ្នកបោះឆ្នោតនៅថ្ងៃទី២៩ ខែឧសភា ឆ្នាំ២០២៤ នេះ។ការបោះឆ្នោតពិសេស ដែលបានធ្វើឡើងកាលពីថ្ងៃច័ន្ទ និងថ្ងៃអង្គារ ត្រូវបានរៀបចំឡើងដើម្បីសម្រួលដល់អ្នកបោះឆ្នោត ដែលមិនអាចទៅការិយាល័យបោះឆ្នោត នៅថ្ងៃបោះឆ្នោតពិតប្រាកដ រួមទាំងអ្នក ធ្វើការ អ្នកជំងឺ ចាស់ជរា ពិការ ឬមានផ្ទៃពោះ។ មនុស្សជាង ១,៦ លាននាក់ បានចុះឈ្មោះសម្រាប់ការបោះឆ្នោតពិសេស ក្នុងរយៈពេលពីរថ្ងៃកន្លងទៅនេះ។ យោងតាមគណៈកម្មាធិការរៀបចំការបោះឆ្នោតបានឲ្យដឹងថា អ្នកបោះឆ្នោតចំនួន ៦២៤.៥៩៣នាក់ ត្រូវបានកំណត់ពេលទៅបោះឆ្នោតនៅតាមលំនៅឋាន ដោយមានជំនួយពីមន្ត្រីចំនួន ៦២.០០០ នាក់ ក្នុងអំឡុងពេលនោះ។អ្នកសង្កេតការណ៍ការបោះឆ្នោត និងជាអតីតប្រធានាធិបតីនីហ្សេរីយ៉ា លោក Goodluck Jonathan បានសរសើរគណៈកម្មការរៀបចំការបោះឆ្នោត ដែលបានណែនាំការបោះឆ្នោតពិសេសនេះ។លោក Jonathan និយាយថា ការបោះឆ្នោតពិសេស ផ្តល់កន្លែងសម្រាប់មនុស្សគ្រប់គ្នា រួមទាំងអ្នកជំងឺផងដែរ នៅពេលមន្ត្រីទៅដល់លំនៅឋានរបស់ពួកគេ។

អាស៊ែបៃហ្សង់ គ្រប់គ្រងភូមិចំនួន៤ នៅព្រំដែនជាមួយអាមេនី ជាផ្នែកនៃកិច្ចព្រមព្រៀង

2024/05/29 07:49:17 pm        111
Facebook Telegram Linkin
ឧបនាយករដ្ឋមន្ត្រីប្រទេសអាស៊ែបៃហ្សង់ លោក ស្សាហ៊ីន មូស្តាហ្វាយ៉េវ(Shahin Mustafayev) បាននិយាយថា អង្គភាពសេវាព្រំដែនរបស់ប្រទេសអាស៊ែបៃហ្សង់ បានគ្រប់គ្រងភូមិចំនួ៤ ក្នុងស្រុក Gazakh ជាប់ព្រំដែនជាមួយប្រទេសអាមេនី ក្រោមកិច្ចព្រមព្រៀងមួយ ធ្វើឡើងជាមួយទីក្រុង Yerevan ប្រទេសអាមេនី។ លោក Mustafayev បាននិយាយថាទំហំទឹកដី ដែលប្រគល់ឲ្យអាស៊ែបៃហ្សង់វិញ ក្រោមកិច្ចព្រមព្រៀងកំណត់ព្រំដែនមានប្រវែង ៥,៥ គីឡូម៉ែត្រក្រឡា។ប្រទេសអាមេនី និយាយកាលពីខែមេសាថា ខ្លួននឹងប្រគល់ភូមិដែលគ្មានមនុស្សរស់នៅ ទៅឱ្យប្រទេសអាស៊ែបៃហ្សង់ ដែលភាគីទាំងពីរបាននិយាយថា គឺជាព្រឹត្តិការណ៍ដ៏សំខាន់នៅលើផ្លូវឆ្ពោះទៅរកកិច្ចព្រមព្រៀងសន្តិភាពរវាងទីក្រុង Yerevan និងទីក្រុង Baku ដែលបានប៉ះទង្គិចគ្នារយៈពេលជាង៣ ទសវត្សរ៍។ ការសម្រេចចិត្តរបស់នាយករដ្ឋមន្ត្រីអាមេនី លោក នីកូល ប៉ាស្ស៊ីនយ៉ាន(Nikol Pashinyan) ដើម្បីប្រគល់ភូមិទាំងបួន បានបង្កឱ្យមានការតវ៉ានៅក្នុងស្រុក ដោយក្រុមបាតុករបានអំពាវនាវឱ្យលោកលាចេញពីតំណែង ជាអ្វីដែលពួកគេបានចាត់ទុកថាក្បត់ជាតិ។លោក Pashinyan នៅក្នុងសុន្ទរកថាទៅកាន់ប្រជាជាតិ បានពិពណ៌នាអំពីរយៈពេលនៃរបៀបដែលប្រជាជនអាមេនី បានស្វែងរកស្រុកកំណើតជាយូរមក នៅក្នុងតំបន់ភូមិសាស្ត្រជាក់លាក់មួយ និងរបៀបកំណត់ព្រំដែនប្រទេស ជាផ្នែកមួយនៃដំណើរការ។ លោក និយាយថា គោលបំណងរបស់ប្រជាជន អាមេនីទាំងអស់ គឺត្រូវចាត់វិធានការ ដើម្បីឲ្យអធិបតេយ្យភាព និងលទ្ធិប្រជាធិបតេយ្យរបស់អាមេនី មានព្រំដែនកំណត់ច្បាស់លាស់។ការដណ្តើមយកមកវិញរបស់ប្រទេសអាស៊ែបៃហ្សង់ ដោយប្រើកម្លាំង នូវតំបន់ Nagorno-Karabakh ទាំងមូល របស់ខ្លួនកាលពីខែកញ្ញា ឆ្នាំមុន ជាចំណាត់ការមួយ ដែលបានជំរុញឱ្យមានការជម្លៀសជនជាតិភាគតិចអាមេនី ដែលរស់នៅទីនោះ បានផ្តល់ផលលំបាកធ្ងន់ធ្ងរដល់ទីក្រុង Yerevan។ ប្រទេសអាសែបៃហ្សង់ និងប្រទេសអាមេនី នៅតែមានជម្លោះទឹកដីដែលពុំទាន់ដោះស្រាយបាន ដែលភាគច្រើនផ្តោតលើតំបន់ហ៊ុមព័ទ្ធ ដែលភាគីទាំងពីរចង់ឱ្យភាគីម្ខាង បោះបង់ការគ្រប់គ្រង ឬផ្តល់សិទ្ធិឲ្យចូលប្រើប្រាស់។

អ៊ីស្រាអែលបដិសេធការវាយប្រហារលើជំរំក្បែរក្រុងរ៉ាហ្វា សម្លាប់មនុស្ស ២១នាក់

2024/05/29 07:34:47 pm        195
Facebook Telegram Linkin
យោធាអ៊ីស្រាអែលបានបដិសេធការវាយប្រហារលើជំរំតង់នៅភាគខាងលិចទីក្រុង រ៉ាហ្វា (Rafah) កាលពីថ្ងៃអង្គារ ២៨ ឧសភា បន្ទាប់ពីក្រុមអាជ្ញាធរសុខាភិបាលហ្កាហ្សាបាននិយាយថា ការបាញ់ផ្លោងចេញពីរថក្រោះរបស់អ៊ីស្រាអែល បានសម្លាប់មនុស្សយ៉ាងហោចណាស់ ២១នាក់ ក្នុងនោះ១២នាក់ជាស្ត្រី នៅទីនោះ ជាអ្វីដែលអ៊ីស្រាអែលបានកំណត់ជាតំបន់ជម្លៀសជនស៊ីវិល។ ថ្មីៗនេះ ជាការផ្គើនទៅនឹងការប្តឹងឧទ្ធរណ៍របស់តុលាការយុត្តិធម៌អន្តរជាតិ (ICJ) រថក្រោះអ៊ីស្រាអែលបានរុលចូលទៅកណ្ដាលទីក្រុងរ៉ាហ្វា ជាលើកដំបូង បន្ទាប់ពីការទម្លាក់គ្រាប់បែកដ៏ខ្លាំងក្លានៅពេលយប់ ខណៈប្រទេសអេស្ប៉ាញ អៀរឡង់ និងន័រវ៉ែស បានទទួលស្គាល់ជាផ្លូវការនូវរដ្ឋប៉ាឡេស្ទីន ជាវិធានការដែលធ្វើឲ្យអ៊ីស្រាអែលធ្លាក់ក្នុងភាពឯកោជាអន្តរជាតិបន្ថែមទៀត ។ សហរដ្ឋអាមេរិក ដែលជាសម្ព័ន្ធមិត្តជិតស្និទ្ធបំផុតរបស់អ៊ីស្រាអែល បានអះអាងម្ដងហើយម្ដងទៀត ប្រឆាំងការវាយលុកថ្មើរជើងដ៏ធំរបស់អ៊ីស្រាអែលនៅ ក្រុងរ៉ាហ្វា ប៉ុន្តែបាននិយាយថា ខ្លួនមិនជឿថាប្រតិបត្តិការបែបនេះកំពុងដំណើរការនោះទេ។ ជាមួយគ្នានោះ សេតវិមានអាមេរិក និយាយថា ប្រតិបតិបត្តិការរបស់អ៊ីស្រាអែល នៅក្រុងរ៉ាហ្វា ពុំបានឆ្លងហួសបន្ទាត់ក្រហមទេ។ ដោយពណ៌នាអំពីទស្សនៈរបស់សហរដ្ឋអាមេរិកអំពីអ្វីដែលនឹងក្លាយជាការវាយលុកដ៏ធំមួយនៅក្នុងទីក្រុង រ៉ាហ្វា អ្នកនាំពាក្យសន្តិសុខជាតិរបស់សេតវិមានលោក John Kirby បានប្រាប់អ្នកសារព័ត៌មានថា វានឹងពាក់ព័ន្ធចំនួនទាហានដ៏ច្រើន និងការបង្កើតនៅក្នុងប្រភេទនៃសមយុទ្ធដែលត្រូវបានសម្របសម្រួលមួយចំនួនប្រឆាំងនឹងគោលដៅជាច្រើននៅលើដី។ ពីរថ្ងៃបន្ទាប់ពីការវាយប្រហារតាមអាកាសរបស់អ៊ីស្រាអែលលើជំរំTel al-Sultan មួយផ្សេងទៀតដែលបានសម្លាប់មនុស្ស៤៥នាក់ បានរងការថ្កោលទោសជាសកល៕

បណ្ដាញសង្គម

ព័ត៌មានថ្មីៗ

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ចាត់តំណាងចូលរួមរំលែកទុក្ខសិស្សសាលា ប៊ែលធី អន្ដរជាតិ ចំនួន ៥រូប ដែលស្លាប់ក្នុងហេតុការណ៍រថយន្ដធ្លាក់ទឹក នៅស្រុកខ្សាច់កណ្ដាល ខេត្តកណ្តាល…!!
11/10/2026 11:11 PM
Facebook Telegram Linkin
កាតាបញ្ជាក់​ថា អាមេរិក និង​អ៊ីរ៉ង់ ផ្ដល់​ការ​ឆ្លើយ​តប​វិជ្ជមាន​ ចំពោះកិច្ចប្រឹងប្រែង​សម្រប​សម្រួល​
11/10/2026 07:11 PM
Facebook Telegram Linkin
ប៉ាគីស្ថានបង្កើនវិធានការបង្ក្រាបការបំភាយឧស្ម័នពុលរបស់រថយន្ត ខណៈផ្សែងអ័ព្ទកាន់តែធ្ងន់ធ្ងរនៅទីក្រុង Lahore
11/10/2026 07:11 PM
Facebook Telegram Linkin
ប៉ាគីស្ថាន៖ ការដុត​កាំជ្រួចភ្ញី ក្នុងពិធីបុណ្យ Diwali របស់ឥណ្ឌា បង្ក​ឱ្យមាន​​ខ្យល់ពុល នៅ​ទី​ក្រុង Lahore
11/10/2026 07:11 PM
Facebook Telegram Linkin
សិស្សានុសិស្ស នៅបារាំង បិទសាលារៀនរាប់សិបកន្លែង ដើម្បី​បន្ត​ដាក់សម្ពាធ​រដ្ឋាភិបាល​​
11/10/2026 07:11 PM
Facebook Telegram Linkin
ផ្លូវជនបទកំពុងផ្តល់ក្តីសង្ឃឹមដល់ប្រជាពលរដ្ឋ តាមរយៈការជំរុញដំណើរអន្តរកម្មផ្នែកសេដ្ឋកិច្ច
11/10/2026 07:11 PM
Facebook Telegram Linkin
ការវាយប្រហាររុស្ស៊ីលើទីក្រុង Odesa របស់អ៊ុយក្រែន សម្លាប់មនុស្ស ៣នាក់ និងមនុស្សម្នាក់រងរបួស
11/10/2026 06:11 PM
Facebook Telegram Linkin
ម៉ិកស៊ិកចាប់ខ្លួនមេខ្លោងគ្រឿងញៀន ក្នុងប្រតិបត្តិការដោយមានជំនួយពីចារកម្មអាមេរិក
11/10/2026 06:11 PM
Facebook Telegram Linkin
រដ្ឋមន្រ្តីការបរទេសបារាំងជួបសមភាគីមកពីអ៊ីតាលី កូរ៉េខាងត្បូង ប្រេស៊ីល និងអារ៉ាប៊ីសាអ៊ូឌីត
11/10/2026 06:11 PM
Facebook Telegram Linkin
នាយករដ្ឋមន្ត្រី៖ ហុងគ្រីឃាត់ខ្លួនប្អូនប្រុសរបស់លោក Viktor Orban ពាក់ព័ន្ធ​សំណុំរឿងជួញដូរមនុស្ស
11/10/2026 06:11 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.