នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
គណបក្សនយោបាយ និងអង្គការសង្គមស៊ីវិលចង់ឱ្យកម្ពុជាមានច្បាប់ដាក់​ក្រុមជ្រុលនិយម​ជា«ក្រុមភេរវកម្ម»
ប្រធានវិទ្យាស្ថាន KSI មានជំនឿយ៉ាងមុតមាំថា ក្រោមការដឹកនាំប្រកបដោយចក្ខុវិស័យ និង​ភាព​ឈ្លាសវៃ​របស់សម្ដេចបវរធិបតី កម្ពុជានឹងបន្តអភិវឌ្ឍ រីកចម្រើនឈានទៅកម្រិតខ្ពស់​មួយថែម​ទៀត
សម្តេចតេជោ ហ៊ុន សែន ដឹកនាំកិច្ចប្រជុំគណៈកម្មាធិការអចិន្រ្តៃយ៍ព្រឹទ្ធសភា ដើម្បីពិនិត្យសម្រេចលើរបៀបវារៈចំនួន៣
គណៈប្រតិភូប្រធានសភានៃប្រទេសជាមិត្ត៖ ដំណើរស្វែងរកសុខសន្ដិភាពរបស់កម្ពុជា គឺជាគំរូ និង​បទពិសោធន៍ដ៏ជោគជ័យមួយដែលគួរតែត្រូវបានផ្សព្វផ្សាយ និងចែករំលែក​ទៅកាន់បណ្ដា​ប្រទេសនានានៅលើពិភពលោក

នយោបាយ​ និង ការអភិវឌ្ឍន៍

កូរ៉េខាងត្បូង អាមេរិក និងជប៉ុន អះអាងជាថ្មីនូវការប្តេជ្ញាចិត្តចំពោះកិច្ចសហប្រតិបត្តិការសន្តិសុខត្រីភាគី

2024/08/19 02:49:52 pm        517
Facebook Telegram Linkin
មេដឹកនាំកូរ៉េខាងត្បូង សហរដ្ឋអាមេរិក និងជប៉ុន បានសាទរចំពោះសមិទ្ធិផលនៃកិច្ចសហប្រតិបត្តិការសន្តិសុខត្រីភាគីរបស់ពួកគេ ចាប់តាំងពីកិច្ចប្រជុំកំពូលជាប្រវត្តិសាស្ត្រនៅរមនីយដ្ឋានលំហែកម្សាន្ត Camp David របស់ពួកគេកាលពីមួយឆ្នាំមុន ហើយបានប្តេជ្ញាពង្រឹងទំនាក់ទំនងរបស់ពួកគេ នៅទូទាំងតំបន់ដ៏ធំទូលាយ។ប្រធានាធិបតីកូរ៉េខាងត្បូង លោក យុន សុក យ៉ូល ( Yoon Suk Yeol) ប្រធានាធិបតីសហរដ្ឋអាមេរិក ចូ បៃដិន ( Joe Biden) និងនាយករដ្ឋមន្ត្រីជប៉ុន ហ្វូមីអូ គីស៊ីដា ( Fumio Kishida) បានចេញសេចក្តីថ្លែងការណ៍រួមមួយដោយអបអរសាទរការរីកចម្រើនក្នុងកិច្ចសហប្រតិបត្តិការត្រីភាគីរបស់ពួកគេ ចាប់តាំងពីកិច្ចប្រជុំកំពូលដែលមិនធ្លាប់មានជាលើកដំបូងរបស់ពួកគេ នៅឯរមនីយដ្ឋានកម្សាន្ត Camp David របស់ប្រធានាធិបតីសហរដ្ឋអាមេរិក កាលពីមួយឆ្នាំកន្លងទៅនេះ។សេចក្តីថ្លែងការណ៍ បាននិយាយថា៖«យើងកំពុងធ្វើការរួមគ្នា ដើម្បីសម្រេចបាននូវគោលដៅរួមរបស់យើងក្នុងការជំរុញសន្តិសុខ និងវិបុលភាពសម្រាប់តំបន់ និងពិភពលោក»។ «យើងប្តេជ្ញាចិត្តក្នុងការពិគ្រោះយោបល់លើបញ្ហាប្រឈមក្នុងតំបន់ ការបង្កហេតុ និងការគំរាមកំហែងដែលប៉ះពាល់ដល់ផលប្រយោជន៍និងសន្តិសុខរួមរបស់យើង»។

ឯកឧត្តម ប៉ែន បូណា៖ រាជរដ្ឋាភិបាលកម្ពុជាមានយុទ្ធសាស្ត្ររឹងមាំណាស់​ក្នុងការការពារសុខសន្តិភាព

2024/08/19 02:22:53 pm        622
Facebook Telegram Linkin
ឯកឧត្តម ប៉ែន បូណា រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធាន​ក្រុមអ្នកនាំពាក្យ​រាជ​រដ្ឋាភិបាលកម្ពុជា បានបញ្ជាក់អះអាងថា រាជរដ្ឋាភិបាលថ្មី ក្នុងរយៈ​ពេល​ត្រឹម១ឆ្នាំនេះ ​សម្រេច​បាន​សមិទ្ធផលជាច្រើន ជាពិសេស ការរក្សាបានទាំងស្រុងនូវសុខសន្តិភាព និងស្ថិរភាព​នយោបាយ​​យ៉ាងរឹងមាំ។នៅក្នុងសន្និសីទសារព័ត៌មាន ស្តីពីសមិទ្ធផលរយៈពេល១ឆ្នាំ រាជរដ្ឋាភិបាលនីតិកាលទី៧នៃ ដឹកនាំដោយសម្តេចមហាបវរធិបតី ហ៊ុន ម៉ាណែត,​ ឯកឧត្តម ប៉ែន បូណា បានមាន​ប្រសាសន៍​លើក​ឡើងថា ប្រវត្តិរបស់កម្ពុជា នៅពេលមានការផ្លាស់ប្តូរ​មេដឹក​នាំម្ត​ងៗ ​គឺតែង​តែមាន​សង្គ្រាម​កើត​ឡើង ប៉ុន្តែរាជរដ្ឋាភិបាលកម្ពុជា តាំងពីជំនាន់សម្តេចតេជោ ហ៊ុន សែន អតីតនាយករដ្ឋមន្ត្រី និង​​រហូតមកដល់សម្តេចធិបតី ហ៊ុន ម៉ាណែត ដែលដឹកនាំដោយគណបក្សប្រជាជនកម្ពុជា មាន​យុទ្ធ​សាស្ត្រ​រឹង​មាំ​ណាស់ ទាំងនៅលើការ អភិវឌ្ឍវិស័យសេដ្ឋកិច្ច-សង្គម និងការការពារ​អធិបតេយ្យ​ភាព បូរណភាពដឹកដី មិនឱ្យមាន​ការបាត់​បង់​ ។ឯកឧត្តម ប៉ែន បូណា បានបន្តថា យុទ្ធសាស្ត្រការពារទឹកដី ទី១ គឺចាប់ផ្តើមពី​ជំហរ​ម៉ឺង​ម៉ាត់ ច្បាស់លាស់ដាច់ខាតរបស់ថ្នាក់ដឹកនាំសម្តេចតេជោអតីតនាយករដ្ឋមន្ត្រី ដែលឥឡូវនេះ សម្តេច​ធិបតី ហ៊ុន ម៉ា ណែត ជានាយករដ្ឋមន្ត្រី​ដែល​ប្រជាពលរដ្ឋទាំង​អស់​គ្នា​បាន​ដឹង​ឮ​ច្បាស់​ពី​ជំហរ​ម៉ឺង​ម៉ាត់​ណាស់​​ក្នុងការការពារ​បូរណភាពទឹកដី ការពារអធិបតេយ្យភាពជាតិ៕ អត្ថបទ៖ មុត សុទ្ធ  

ទោះប្រទេសតូច តែកម្ពុជាមានជំហររឹងមាំច្បាស់លាស់លើបញ្ហាពិភពលោក និងមានបទពិសោធន៍ធំ

2024/08/19 02:08:37 pm        175
Facebook Telegram Linkin
ឯកឧត្តម តាន់ ហ្សង់ហ្វ្រង់ស័រ រដ្ឋមន្ត្រីប្រតិភូអមនាយករដ្ឋមន្ត្រីទទួលបន្ទុកកិច្ចការការបរទេស និងសហប្រតិបត្តិការអន្តរជាតិ បានអះអាងថា ប្រទេសកម្ពុជាទោះបីជាតូច ប៉ុន្តែមានភាពថ្លៃថ្នូរ បានប្រកាន់យ៉ាងខ្ជាប់ខ្ជូននូវជំហរឥតងាករេរបស់ខ្លួន ចំពោះបញ្ហាអន្តរជាតិ ហើយកម្ពុជាមានបទពិសោធន៍ដ៏ធំ គឺសោកនាដកម្មនៃសង្គ្រាម ។ក្នុងវេទិកាសារព័ត៌មាន លើកទី៤ ដំណើរឆ្ពោះទៅសម្រេចចក្ខុវិស័យកម្ពុជា ឆ្នាំ២០៥០ ក្លាយជា​ប្រទេសមានចំណូលខ្ពស់ នៅថ្ងៃទី១៩ ខែសីហា ឆ្នាំ២០២៤ ឯកឧត្តម តាន់ ហ្សង់ហ្វ្រង់ស័រ មាន​ប្រសាសន៍ថា ក្នុងរយៈពេល១ឆ្នាំ នៅក្នុងវិស័យការទូត សម្ដេចធិបតី ហ៊ុន ម៉ាណែត នាយករដ្ឋមន្ត្រី នៃ​កម្ពុជា បានដាក់ចេញនូវគោលការណ៍ពង្រឹងមិត្តភាពចាស់ ពង្រីកមិត្តភាពថ្មី ពង្រឹង​ជំហរកម្ពុជាលើឆាកអន្តរជាតិ ជាពិសេសពង្រឹងការងារការទូតសេដ្ឋកិច្ច ។ឯកឧត្តមបានបន្តថា ក្នុងរយៈពេលនេះ រាជរដ្ឋាភិបាល នីតិកាលទី៧ បានបង្ហាញនូវជំហរ​របស់​ខ្លួននៅលើឆាកតំបន់ និងឆាកអន្តរជាតិ ទៅលើអ្វីដែលខ្លួន បានបង្ហាញកន្លងមក តាំងពីរាជ​រដ្ឋាភិបាល​ក្រោម​ការដឹកនាំរបស់សម្តេចតេជោ ហ៊ុន សែន អតីតនាយករដ្ឋមន្ត្រី ជាពិសេសសេចក្តី​សម្រេច​ក្នុង​ជំហរ​រួមរបស់អាស៊ាន ។ឯកឧត្តម តាន់ ហ្សង់ហ្វ្រង់ស័រ បានបន្ថែមថា ជាមួយនឹងការដឹកនាំ និងមានជំហរច្បាស់លាសនេះ ទើប​ធ្វើ​ឲ្យប្រទេសជាតិមិត្ត មានដូចជាប្រទេសចិន ជប៉ុន កូរ៉េ ថៃ និងឡាវជាដើម បានបង្ហាញ​នូវ​ទំនុក​ចិត្ត ជាមួយនឹងការបង្កើននូវចំណងការទូតថ្មី ក្នុងនោះមានអារ៉ាប៊ីសាអ៊ូឌីត និងប្រេស៊ីលជា​ដើម​។គួរបញ្ជាក់ថា ក្នុងរយៈពេល១ឆ្នាំនេះ សម្ដេចធិបតី ហ៊ុន ម៉ាណែត បានធ្វើដំណើរ​ទស្សនកិច្ច​ជា​ច្រើន​លើក​ទៅ​កាន់បរទេស ដែលមានទាំងការចូលរួមកិច្ចប្រជុំធំៗ របស់ពិភពលោក ដំណើរ​ទស្សន​កិច្ច​ផ្លូវការទៅកាន់ប្រទេសមួយចំនួន រួមទាំងមានការជំរុញ​កម្រិត​កិច្ច​សហប្រតិបត្តិការ​ផងដែរ៕ អត្ថបទ បាន សុខរិទ្ធិ

មេដឹកនាំចិន និងវៀតណាម ជួបប្រជុំគ្នានៅទីក្រុងប៉េកាំង ក្នុងទស្សនកិច្ចផ្លូវរដ្ឋលើកដំបូង

2024/08/19 01:29:30 pm        102
Facebook Telegram Linkin
ប្រព័ន្ធផ្សព្វផ្សាយផ្លូវការរបស់ចិន ស៊ីនហួរ (Xinhua) បាននិយាយថា ប្រធានាធិបតីចិន លោក ស៊ី ជីនពីង (Xi Jinping) បានជួបពិភាក្សានៅថ្ងៃចន្ទ (១៩ សីហា) នេះជាមួយមេដឹកនាំថ្មីរបស់វៀតណាម លោក តូ ឡឹម (To Lam) នៅទីក្រុងប៉េកាំង ក្នុងដំណើរទស្សនកិច្ចផ្លូវរដ្ឋលើកដំបូងចាប់តាំងពីលោកចូលកាន់តំណែង។ កិច្ចប្រជុំនេះបង្ហាញអំពីទំនាក់ទំនងជិតស្និទ្ធរវាងប្រទេសជិតខាងទាំងពីរ ដែលមានទំនាក់ទំនងសេដ្ឋកិច្ច និងពាណិជ្ជកម្មយ៉ាងល្អ បើទោះបីជាមានការប៉ះទង្គិចគ្នាតាមព្រំដែនម្តងម្កាលនៅក្នុងសមុទ្រចិនខាងត្បូងក៏ដោយ។ចិន បានបង្ហាញភាពរីករាយដែលលោក ឡឹម រើសយកប្រទេសចិនសម្រាប់ការធ្វើដំណើរទស្សនកិច្ចផ្លូវការលើកដំបូងរបស់ខ្លួន ហើយបាននិយាយកាលពីសប្តាហ៍មុនថា «នេះឆ្លុះបញ្ចាំងយ៉ាងពេញលេញនូវសារៈសំខាន់ដ៏អស្ចារ្យដែលមេដឹកនាំវៀតណាមយកចិត្តទុកដាក់ចំពោះការអភិវឌ្ឍទំនាក់ទំនងរវាងប្រទេសទាំងពីរ»។ លោក ឡឹម បានទៅដល់ខេត្តក្វាងចូវ (Guangzhou) ភាគខាងត្បូងប្រទេសចិន កាលពីថ្ងៃអាទិត្យ (២៨ សីហា) សម្រាប់ដំណើរទស្សនកិច្ចរយៈពេលបីថ្ងៃ ដែលនឹងរួមបញ្ចូលកិច្ចប្រជុំជាមួយនាយករដ្ឋមន្ត្រីចិន លោក លី ឈាំង (Li Qiang) និងមន្ត្រីជាន់ខ្ពស់របស់ចិនផ្សេងទៀត។ កាលពីខែធ្នូកន្លងទៅ ចិន និងវៀតណាមបានចុះហត្ថលេខាលើកិច្ចព្រមព្រៀងជាច្រើននៅពេលលោក Xi ធ្វើទស្សនកិច្ចនៅវៀតណាម។កិច្ចព្រមព្រៀង ដែលសេចក្ដីលម្អិតមិនត្រូវបានប្រកាសនេះ គ្របដណ្តប់លើការពង្រឹងកិច្ចសហប្រតិបត្តិការ និងការអភិវឌ្ឍផ្លូវដែក ការវិនិយោគលើវិស័យផ្សេងៗ និងការបង្កើតទំនាក់ទំនងដើម្បីដោះស្រាយឧប្បត្តិហេតុដែលមិននឹកស្មានដល់នៅសមុទ្រចិនខាងត្បូងរវាងភាគីទាំងពីរ៕

ឯកឧត្ដម ប៉ែន បូណា បង្ហាញសមិទ្ធផលធំសំខាន់ៗ ៦ចំណុច ដែលរាជរដ្ឋាភិបាល អាណត្តិទី៧ សម្រេចបានក្នុងរយៈពេល១ឆ្នាំនេះ

2024/08/19 01:09:14 pm        170
Facebook Telegram Linkin
ថ្លែងនៅក្នុងសន្និសីទសារព័ត៌មាន ស្តីពីសមិទ្ធផលរយៈពេល១ឆ្នាំ រាជរដ្ឋាភិបាលនីតិកាលទី៧នៃ រដ្ឋសភា ដឹកនាំដោយសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃ​ព្រះរាជាណា​ចក្រ​កម្ពុជា​​ (២២សីហា ឆ្នាំ២០២៣-២២សីហា ឆ្នាំ ២០២៤) ឯកឧត្តម ប៉ែន ប៉ូណា រដ្ឋមន្រ្តី​ប្រតិភូ​អម​នាយករដ្ឋមន្រ្តី និងជាអ្នកនាំពាក្យរបស់រាជរដ្ឋាភិបាលកម្ពុជា បានបញ្ជាក់ថា ក្នុង​រយៈពេល១២ខែមកនេះ រាជរដ្ឋាភិបាលបានដាក់ ចេញនូវ​យុទ្ធសាស្រ្តជា​ច្រើន ដើម្បី​លើក​កម្ពស់​ជីវភាពរបស់បងប្អូនប្រជាពលរដ្ឋ និងសេដ្ឋកិច្ចរបស់ជាតិ តាមរយៈយុទ្ធសាស្រ្ត​បច្ចកោណ​ដំណាក់​កាលទី១។ ឯកឧត្ដម ប៉ែន បូណា បានថ្លែងថា​ចាប់តាំង​ពី​សម្ដេច​ធិបតី ហ៊ុន ណែត នាយករដ្ឋមន្ត្រីកម្ពុជា បានដឹកនាំប្រទេសក្នុងរយៈពេល១ឆ្នាំ សម្រេចបានសមិទ្ធ​ផលធំៗជូន​ជាតិ​ជា​ច្រើន​ដូចជា៖  សមិទ្ធផលទី១៖ ការថែរក្សាបានសុខសន្តិភាពស្ថេរភាពនយោបាយ លទ្ធផលសន្តិភាពមា​ន​តម្លៃ​ណាស់​យើង​ត្រូវការពារឲ្យបាន ទោះស្ថិតក្នុងតម្លៃណាក៏ដោយ។សមិទ្ធផលទី២៖ ការការពារអធិបតេយ្យភាពជាតិនិងបូរណភាពទឹកដី ក្រោមការដឹកនាំ​របស់​សម្ដេច​តេជោរហូតដល់សម្ដេចមហាបវរធិបតីបានខិតខំការពារទឹកដីរក្សាបានបូរណភាពទឹកដី ១៨១ ០៣៥គីឡូម៉ែត្រកូរ៉េក្នុងប្រវត្តិសាស្ត្រ ៥០០ឆ្នាំកន្លងមកមិនដែលមាន។សមិទ្ធផលទី៣៖ ការបើកការដ្ឋានព្រែកជីកហ្វូណនតេជោ​ប្រជាពលរដ្ឋ​ទូទាំង​ប្រទេស​បាន​អបអរ​និង​គាំទ្រ​ការបើកការដ្ឋានព្រែកជីកហ្វូណនតេជោជាប្រវត្តិសាស្ត្រ។សមិទ្ធផលទី៤៖ ការផ្ដល់សេវាសុខាភិបាល រដ្ឋាភិបាលធានាសុខភាពប្រជាពលរដ្ឋ។ អ្នកបាន​ប្រើ​ប្រាស់​សេវាសុខភាពបសសមានជាង ២លាន៤​សែននាក់។ សរុប​មក​អ្នក​កាន់​ប័ណ្ណ​បសស មាន​ចំនួនជាង ៧លាននាក់ ។ ការបណ្ដុះបណ្ដាលជំនាញវិជ្ជាជីវៈដល់យុវជន ១លាន៥ សែននាក់​គោល​បំណង​រដ្ឋាភិបាល គឺថារៀនអោយចេះរៀនឲ្យចប់និងមានការងារធ្វើ ។ កម្ម​វិធី​ជាតិ​ជំនួយ​សង្គម​ក្នុង​កញ្ចប់គ្រួសារ ។ ជួយដល់កសិកម្មរកទីផ្សារជូនដល់កសិកររដ្ឋាភិបាលបានត្រៀមថវិកា ១០០លានដុល្លារអាមេរិកសម្រាប់ជួយដល់វិស័យកសិកម្ម។សមិទ្ធផលទី៥៖ វិធានការទីមួយកំណែរទម្រង់ស៊ីជម្រៅរបស់ក្រសួងមុខងារសាធារណៈ ការ​ដាក់​ឲ្យ​ដំណើរ​ការជ្រើសរើសមន្ត្រីប្រកបដោយគុឌ្ឍណ្ណាធិបតេយ្យអ្នកចេះគឺជាប់។សមិទ្ធផលទី៦៖ សម្ដេចមហាបវរជានាយករដ្ឋមន្ត្រី​របស់​ប្រជាពលរដ្ឋ​ខ្មែរ​សម្ដេច​នៅ​ជាប់​ជាមួយ​ប្រជា​ពលរដ្ឋក្នុងមួយឆ្នាំ១៥២លើក។ឯកឧត្តម ប៉ែន ប៉ូណា បានថ្លែងបញ្ជាក់ផងដែរថា សម្ដេចធិបតី នាយករដ្ឋមន្ត្រី​ជាមេដឹក​នាំ​ចុះ​ដោះ​ស្រាយ​ផ្ទាល់​ជាមួយប្រជាពលរដ្ឋច្រើនជាងគេបើប្រៀបធៀបមេដឹកនាំនៅលើពិភពលោក។ 

រោងចក្រដំឡើងរថយន្តអគ្គិសនីដឹកទំនិញដំបូងគេនៅកម្ពុជា បានបើកការដ្ឋានសាងសង់​នៅស្រុកក្រគរ

2024/08/19 12:49:39 pm        367
Facebook Telegram Linkin
កាលថ្ងៃទី១៨ ខែសីហា ឆ្នាំ២០២៤ គឺជាព្រឹត្តិការណ៍ថ្មីមួយទៀតសម្រាប់កម្ពុជា ពោល​គឺរោងចក្រ​ដំឡើង​រថយន្តអគ្គិសនីប្រភេទដឹកទំនិញ របស់ក្រុមហ៊ុន ZO MOTORS (CAMBODIA) CO.,LTD ​បានបើកការដ្ឋានសាងសង់ជាផ្លូវការ នៅលើផ្ទៃដីអភិវឌ្ឍន៍ប្រមាណ១០ហិកតា នៅតំបន់​សេដ្ឋកិច្ចពិសេសក្រគរ ស្ថិតក្នុងភូមិសារវ័ន ឃុំស្នាអន្សា ស្រុកក្រគរ ខេត្តពោធិ៍សាត់ ក្រោម​អធិបតីភាព ឯកឧត្តម កែវ រតនៈ រដ្ឋមន្ត្រីក្រសួងរ៉ែ និងថាមពល។នាឱកាសនោះដែរ ឯកឧត្តមរដ្ឋមន្ត្រី កែវ រតនៈ បានលើកឡើងថា សមិទ្ធផលថ្ងៃនេះ គឺទទួល​បាន​ក្រោម​ដំបូល​សុខសន្តិភាព បើគ្មានសន្តិភាពនោះមិនអ្នកវិនិយោគិនមកបណ្តាក់ទុននៅក្នុងប្រទេស ដែល​លឺ​តែសំឡេងគ្រាប់បែក គ្រាប់កាំភ្លើងនោះទេ។ ឯកឧត្តមរដ្ឋមន្ត្រីបានឱ្យដឹងថា នេះគឺជា​រោងចក្រ​ដំឡើង​រថយន្តអគ្គិសនីលើកទី១នៅកម្ពុជា អាចមានសមត្ថភាព    ផលិតរថយន្ត​៣ពាន់​គ្រឿង សម្រាប់នាំចេញ និងផ្គត់ផ្គង់ក្នុងស្រុក ហើយនេះក៏មិនមែនជារោងចក្រចុងក្រោយនោះដែរ កម្ពុជា​នឹង​មានរោងចក្រដំឡើងរថយន្តអគ្គិសនី ម៉ូតូអគ្គិសនី Tuk Tuk អគ្គិសនី ជាបន្ត​បន្ទាប់​ទៀត​លើ​ទឹកដីកម្ពុជា។ឯកឧត្តមរដ្ឋមន្ត្រី កែវ រតនៈ បានថ្លែងអំណរគុណក្រុមហ៊ុន Zo Moters ដែលសម្រេច​ចិត្ត​ជ្រើស​រើស​កម្ពុជាធ្វើការវិនិយោគមុនគេនៅក្នុងតំបន់អាស៊ាន និងជ្រើសយកខេត្តពោធិ៍សាត់ សម្រាប់ជា​ទីតាំង​ដំឡើង​រថយន្តអគ្គិសនីនេះ។ ឯកឧត្តមរដ្ឋ មន្ត្រីបានបញ្ជាក់ថា ការកសាងជាតិ គឺមាន​ការ​លំបាក​ខ្លាំង​ណាស់ ដូច្នេះសូមបងប្អូនប្រជាពលរដ្ឋទាំងអស់ត្រូវខិតខំចូលរួមរក្សាសុខសន្តិភាព ស្ថេរភាពនយោបាយ ក្រោមការដឹកនាំរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ដើម្បី​បន្តការអភិវឌ្ឍលើគ្រប់វិស័យ។ ការចូលបំបែកបំបាក់ជាតិ នឹងនាំឱ្យសង្គម​ជាតិ​មិន​មាន​ការ​អភិវឌ្ឍបែកបាក់សាមគ្គីជាតិនោះទេ។ជាមួយគ្នានេះឯកឧត្តម ខូយ រីដា អភិបាលខេត្តពោធិ៍សាត់បានថ្លែងថា ដោយសារ​សុខ​សន្តិបាន​ផ្តល់​ឱកាសដល់អ្នកវិនិយោគិនជាតិ និងអន្តរជាតិជាច្រើនមកបណ្តាក់ទុននៅក្នុងខេត្តពោធិ៍សាត់ ក្នុង​នោះមានរោងចក្រ សហគ្រាសចំនួន ៣១៥កន្លែងហើយ និងបាន​បង្កើត​ការងារ​ច្រើន​កន្លែង​ជូន​ប្រជាពលរដ្ឋក្នុងខេត្តនេះមានការងារធ្វើ។បើតាមតំណាង​ក្រុមហ៊ុន ZO MOTORS (Cambodia) សេដ្ឋកិច្ចកម្ពុជាកំពុង​ស្ថិត​នៅ​ក្នុង​ដំណាក់​កាល​ដែល​រីកលូតលាស់ឆាប់រហ័ស ហើយបច្ចុប្បន្នក៏​ជា​ប្រទេស​ដែល​មាន​សេដ្ឋកិច្ច​សកម្មជាង​គេ​មួយ ក្នុងចំណោមប្រទេសផ្សេងៗក្នុងតំបន់អាស៊ាន។ លើសពីនេះទៅទៀត ក្រោមការ​ដឹកនាំ​ដ៏​ឈ្លាស​វៃរ​បស់រាជរដ្ឋាភិបាលអាណត្តិថ្មី ដែលដឹកនាំដោយសម្តេចធិបតី ហ៊ុន ម៉ាណែត យន្តការ​នៃ​ការ​គ្រប់​គ្រងការប្រើប្រាស់ថាមពល ក៏ដូចជាការអភិវឌ្ឍវិស័យថាមពលស្អាតនៅកម្ពុជា មាន​ភាព​ឈាន​មុខ​ជាងប្រទេសនានាក្នុងតំបន់។សូមជម្រាបជូនថា ក្រុមហ៊ុន ZO Motors Co., Ltd. គឺជាក្រុមហ៊ុន​ផលិត​រថយន្ត​ពាណិជ្ជ​កម្ម​ថាមពល ជំនាន់ក្រោយ របស់ប្រទេសជប៉ុន-ចិន។ ក្រុមហ៊ុនបានប្តេជ្ញានឹងសហការជាមួយ ក្រសួងរ៉ែ និងថាមពល អគ្គីសនីកម្ពុជា ក៏ដូចជាអាជ្ញាធរជាតិអគ្គិសនី ដើម្បី​ជំរុញការ​សាង​សង់​ហេដ្ឋា​រចនាសម្ព័ន្ធ សម្រាប់ថាមពលស្អាតឱ្យបានឆាប់រហ័ស និងប្រកបដោយប្រសិទ្ធិភាព។ ដូច្នេះ​ក្នុងរយៈពេលខ្លីខាងមុខនេះកម្ពុជា នឹងអាចកែប្រែការដឹកជញ្ជូនបែបប្រពៃណី មក​ជា​ការ​ដឹក​ជញ្ជូន​ដោយថាមពលបៃតង ព្រមទាំងបង្កើតឱកាសការងារ ជូនប្រជាពលរដ្ឋជាង២ពាន់កន្លែង ដើម្បី​ចូលរួមចំណែកលើកកម្ពស់សេដ្ឋកិច្ចកម្ពុជា ជាមួយ​រាជរដ្ឋាភិបាល​ក្រោម​ដំបូល​នៃ​សុខសន្តិភាព៕ អត្ថបទៈ សំ ងីម 

លោកស្រី Harris នាំមុខលោក Trump ក្នុងការស្ទង់មតិនៅមុនសន្និបាតបក្សជាតិប្រជាធិបតេយ្យ

2024/08/19 12:14:30 pm        134
Facebook Telegram Linkin
ការស្ទង់មតិបង្ហាញថា លោកស្រីអនុប្រធានាធិបតីសហរដ្ឋអាមេរិក Kamala Harris នាំមុខអតីតប្រធានាធិបតីលោក Donald Trump ស្របពេលលោកស្រី ត្រៀមសម្រាប់ពេលវេលាដ៏សំខាន់របស់ខ្លួននៅឯសន្និបាតជាតិរបស់គណបក្សប្រជាធិបតេយ្យ ។ ការស្ទង់មតិពីរបានបង្ហាញកាលពីថ្ងៃអាទិត្យថា នៅមុនថ្ងៃសន្និបាតគណបក្សនៅទីក្រុងឈីកាហ្គោ ( Chicago) លោកស្រី Harris ទទួលបានពិន្ទុនាំមុខចន្លោះពី៣ ទៅ ៦ ភាគរយ ក្នុងការប្រកួតប្រជែងសម្រាប់កៅអីសេតវិមាន។ យោងតាមការស្ទង់មតិរបស់សារព័ត៌មាន ABC News/Washington Post/Ipsos លោកស្រី Harris នាំមុខលោក Trump ៤៩ ទល់និង៤៥ ភាគរយក្នុងចំណោមអ្នកបោះឆ្នោតដែលបានចុះឈ្មោះ និង ៥១ ទល់ នឹង ៤៥ ភាគរយក្នុងចំណោមអ្នកបោះឆ្នោតដែលមិនទាន់សម្រេចចិត្តច្បាស់។ នៅក្នុងការស្ទង់មតិរបស់សារព័ត៌មាន CBS News លោកស្រី Harris កាន់បីពិន្ទុក្នុងដៃនាំមុខ នៅទូទាំងប្រទេស ដោយនាំមុខលោក Trump ៥១ ទល់និង ៤៨ ភាគរយ៕

គណបក្សកាន់អំណាចជប៉ុន នឹងរៀបចំការបោះឆ្នោតរើសមេដឹកនាំថ្មីនៅថ្ងៃទី២៧ ខែកញ្ញា

2024/08/19 12:09:55 pm        146
Facebook Telegram Linkin
ទូរទស្សន៍ ហ្វ៊ូជី ធីវី (Fuji TV) បានរាយការណ៍នៅថ្ងៃចន្ទ (១៩ សីហា) នេះថា គណបក្សប្រជាធិបតេយ្យសេរី (LDP) ដែលកំពុងកាន់អំណាចរបស់ប្រទេសជប៉ុន កំពុងបញ្ចប់ផែនការរបស់ខ្លួនក្នុងការរៀបចំការបោះឆ្នោតជ្រើសរើសមេដឹកនាំថ្មីរបស់គណបក្សនៅថ្ងៃទី២៧ ខែកញ្ញា ខាងមុខនេះ។ មេដឹកនាំណាម្នាក់របស់បក្សនេះស្ទើរតែប្រាកដថានឹងក្លាយជានាយករដ្ឋមន្ត្រីជប៉ុន ដោយសារតែសំឡេងភាគច្រើនរបស់ខ្លួននៅក្នុងសភាជាន់ទាប។ នាយករដ្ឋមន្ត្រីដែលកំពុងកាន់អំណាច លោក ហ្វ៊ូមីអូ គីស៊ីដា (Fumio Kishida) បានសម្រេចចិត្តចុះចេញពីតំណែងប្រធានបក្សនៅខែកញ្ញា ដោយបញ្ចប់អាណត្តិរយៈពេល ៣ឆ្នាំរបស់ខ្លួន និងបានជំរុញសមាជិកបក្សទទួលយកការផ្លាស់ប្តូរ និងស្វែងរកបេក្ខជនដែលនឹងបង្កើនប្រជាប្រិយភាពរបស់គណបក្ស ជាមួយនឹងចក្ខុវិស័យបោះឆ្នោតមិនច្បាស់លាស់។លោក Kishida វ័យ ៦៧ឆ្នាំបានប្រកាសថា លោកនឹងមិនឈរឈ្មោះសម្រាប់ការបោះឆ្នោតឡើងវិញជាប្រធានគណបក្សប្រជាធិបតេយ្យសេរី LDP នៅខែក្រោយនេះទេ ស្របពេលមានអត្រាគាំទ្រសាធារណៈទាបបំផុតដែលមិនធ្លាប់មានក្នុងកំណត់ត្រារបស់ខ្លួន។ ការបោះឆ្នោតសកលត្រូវតែធ្វើឡើងនៅត្រីមាសទី៣ នៃឆ្នាំ២០២៥ ដែលផ្តល់ឱ្យប្រធានគណបក្សថ្មីត្រឹមតែជាងមួយឆ្នាំប៉ុណ្ណោះដើម្បីស្ដារការគាំទ្ររបស់បក្សឡើងវិញ៕

លោកស្រី ផែថងថាន ស៊ីណាវ៉ាត់ បានស្បថចូលកាន់តំណែងជានាយករដ្ឋមន្ត្រីថ្មី របស់ប្រទេសថៃ

2024/08/19 12:05:54 pm        120
Facebook Telegram Linkin
លោកស្រី ផែថងថាន ស៊ីណាវ៉ាត់ (Paetongtarn Shinawatra) វ័យ៣៧ឆ្នាំបានស្បថចូលកាន់តំណែងកាលពីថ្ងៃអាទិត្យ ដែលបានក្លាយជានាយករដ្ឋមន្ត្រីវ័យក្មេងបំផុតរបស់ប្រទេសថៃ។ព្រះមហាក្សត្ររបស់ប្រទេសថៃ ទ្រង់បានរាជាអនុម័ត តែងតាំងលោកស្រី ផែថងថាន ស៊ីណាវ៉ាត់ ជានាយករដ្ឋមន្ត្រីថ្មីរបស់ប្រទេសនេះ ពីរថ្ងៃបន្ទាប់ពីសភាបានជ្រើសរើសលោកស្រី។លោកស្រីបានគ្រប់គ្រងតំណែងកំពូលនេះត្រឹមតែប៉ុន្មានថ្ងៃបន្ទាប់ពីអតីតនាយករដ្ឋមន្ត្រី មកពីគណបក្សភឿថៃ តែមួយ គឺ លោក Srettha Thavisin ត្រូវបានតុលាការធម្មនុញ្ញបណ្ដេញចេញពីតំណែងជានាយករដ្ឋមន្ត្រី ។ ការគាំទ្រលោកស្រីជានាយករដ្ឋមន្ត្រីថ្មីរបស់ប្រទេសនេះ ដោយព្រះមហាក្សត្រ Maha Vajiralongkorn ក្នុងពិធីមួយ ត្រូវបានអានដោយលេខាធិការសភាតំណាងរាស្រ្ត លោក អាផាត ស៊ូខាណាន(Apat Sukhanan) នៅទីក្រុងបាងកក។លោកស្រីនិយាយថា ខ្ញុំសន្យាថានឹងបម្រើមនុស្សគ្រប់រូបដោយស្មើភាព និងអស់ពីចិត្ត គ្រប់វ័យ គ្រប់ភេទ ។ យើងរួមគ្នា ប្រែក្លាយបញ្ហាប្រឈមណាមួយឱ្យទៅជាឱកាស ធ្វើឱ្យប្រទេសថៃក្លាយជាកន្លែងដែលមនុស្សគ្រប់គ្នាអាចស្រមៃ បង្កើត និងរៀបចំអនាគតរបស់ពួកគេ៕

អាមេរិក និងកូរ៉េខាងត្បូង ចាប់ផ្តើមសមយុទ្ធយោធារួមគ្នា ខណៈកូរ៉េខាងជើងអាចចាត់វិធានការតបត

2024/08/19 11:16:51 am        128
Facebook Telegram Linkin
យោធាសហរដ្ឋអាមេរិក និងប្រទេសកូរ៉េខាងត្បូង បានចាប់ផ្តើមធ្វើសមយុទ្ធរួមគ្នា សំដៅដោះស្រាយភាពអាសន្នដែលអាចកើតមាននៅលើឧបទ្វីបកូរ៉េ។ ប្រទេសទាំងពីរ ក៏មានការប្រុងប្រយ័ត្នខ្ពស់ផងដែរ ខណៈប្រទេសកូរ៉េខាងជើង អាចនឹងចាត់វិធានការតបតក្នុងការតវ៉ា។សមយុទ្ធយោធាការពារសេរីភាព Ulchi Freedom Shield ជាទៀងទាត់ បានចាប់ផ្តើមនៅក្នុងប្រទេសកូរ៉េខាងត្បូង។ សមយុទ្ធនេះគ្រោងនឹងបញ្ចប់នៅថ្ងៃទី២៩ ខែសីហា។ ការរៀបចំនៅឆ្នាំនេះ មានវគ្គហ្វឹកហ្វឺនចំនួន៤៨វគ្គ និងសមយុទ្ធពហុវិស័យ រួមទាំងសកម្មភាពការពារតាមអ៊ីនធឺណិតផងដែរ។ ការផ្តោតសំខាន់មួយនៃសមយុទ្ធនេះ គឺដើម្បីបង្កើនសមត្ថភាពរបស់យោធាប្រទេសទាំងពីរ ក្នុងការទប់ស្កាត់ និងការពារប្រឆាំងអាវុធមហាប្រល័យរបស់ប្រទេសកូរ៉េខាងជើង។ប្រព័ន្ធផ្សព្វផ្សាយកូរ៉េខាងត្បូងបាននិយាយថា ក្នុងអំឡុងពេលសមយុទ្ធនេះ រដ្ឋាភិបាល នឹងធ្វើសមយុទ្ធដែលត្រូវបានរៀបចំដើម្បីក្លែងប្រដូចការពិតទៅនឹងការវាយប្រហារនុយក្លេអ៊ែររបស់កូរ៉េខាងជើង។ នៅថ្ងៃព្រហស្បតិ៍ ប្រជាជននឹងមកចូលរួមក្នុងសមយុទ្ធមួយដែលពួកគេនឹងអនុវត្តការជម្លៀសខ្លួន ដើម្បីឆ្លើយតបទៅនឹងការព្រមានពីការវាយឆ្មក់តាមអាកាស។វិទ្យាស្ថានសិក្សាពីអាមេរិករបស់ក្រសួងការបរទេសកូរ៉េខាងជើង បានចេញសេចក្តីថ្លែងការណ៍មួយ កាលពីថ្ងៃអាទិត្យ ដោយវិទ្យាស្ថានបានរិះគន់ខ្លាំងៗចំពោះសកម្មភាពយោធានេះថាជា «សមយុទ្ធសង្គ្រាមសម្រាប់ការឈ្លានពាន»។ កាលពីខែសីហាឆ្នាំមុន ប្រទេសកូរ៉េខាងជើង បានបាញ់មីស៊ីលបាលីស្ទីករយៈចម្ងាយជិតចំនួនពីរគ្រាប់ នៅមុនថ្ងៃចុងក្រោយនៃសមយុទ្ធរួមគ្នារបស់សហរដ្ឋអាមេរិក និងកូរ៉េខាងត្បូង។ ទីក្រុងក្រុងព្យុងយ៉ាង បាននិយាយថា ការបាញ់នេះគឺជាការឆ្លើយតបទៅនឹងសមយុទ្ធកងទ័ពអាកាស ដែលធ្វើឡើងដោយអាមេរិក និងកូរ៉េខាងត្បូង។

បណ្ដាញសង្គម

ព័ត៌មានថ្មីៗ

ក្រសួងការងារ និងវិទ្យាស្ថាន BKI អូស្ត្រាលី ចុះអនុស្សរណៈយោគយល់គ្នាលើការបណ្តុះបណ្តាលបច្ចេកទេសយានយន្ត
11/27/2024 10:11 PM
Facebook Telegram Linkin
ពលរដ្ឋហ្កាហ្សាជម្លៀសខ្លួនមានអារម្មណ៍ថាខ្លួនត្រូវបានគេបោះបង់ចោល ខណៈមានបទឈប់បាញ់រវាងអ៊ីស្រាអែល និងក្រុមហេសបូឡា
11/27/2024 08:11 PM
Facebook Telegram Linkin
តុលាការ៖ មេដឹកនាំប្រឆាំងអាល់បានី លោក Berisha ត្រូវបានដោះលែងពីការឃុំខ្លួនក្នុងផ្ទះ
11/27/2024 08:11 PM
Facebook Telegram Linkin
លោក Erdogan៖ ទួរគីត្រៀមខ្លួនជាស្រេច ដើម្បីជួយឲ្យមានបទឈប់បាញ់ នៅហ្កាហ្សា
11/27/2024 08:11 PM
Facebook Telegram Linkin
អ្នកនាំពាក្យ៖ បារាំងនឹងរួមចំណែកអនុញ្ញាតឲ្យបទឈប់បាញ់លីបង់មានជារៀងរហូត
11/27/2024 07:11 PM
Facebook Telegram Linkin
ជនភៀសខ្លួនរ៉ូហ៊ីងយ៉ានៅបង់ក្លាដែស អំពាវនាវឲ្យឆាប់ចាប់ខ្លួនមេដឹកនាំរបបសឹកមីយ៉ាន់ម៉ា
11/27/2024 07:11 PM
Facebook Telegram Linkin
នាយករដ្ឋមន្ត្រីស្លូវ៉ាគី នឹងចូលរួមពិធីរំលឹកទិវាជ័យម្នះ នៅទីក្រុងមូស្គូ ក្នុងខែឧសភា
11/27/2024 07:11 PM
Facebook Telegram Linkin
ការខូចខាតធ្ងន់ធ្ងរនៅច្រកព្រំដែនលីបង់-ស៊ីរី ក្រោយការវាយប្រហាររបស់អ៊ីស្រាអែល
11/27/2024 07:11 PM
Facebook Telegram Linkin
នាយករដ្ឋមន្ត្រីប៉ូឡូញ នឹងជំរុញឲ្យមាន «ការល្បាតជើងទឹក» ក្នុងសមុទ្របាល់ទិក អំឡុងទស្សនកិច្ច នៅស៊ុយអែត
11/27/2024 07:11 PM
Facebook Telegram Linkin
មនុស្សម្នាក់ស្លាប់ និង ៨នាក់បាត់ខ្លួន ពេលព្យុះស៊ីក្លូនវាយប្រហារតំបន់ឆ្នេរប្រទេសស្រីលង្កា
11/27/2024 07:11 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.