នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
អតីតសកម្មជនគណបក្សប្រឆាំងចំនួន ៨៧នាក់ ចូលរួមជីវភាព​នយោបាយ​ជាមួយ​គណបក្ស​ប្រជាជន​កម្ពុជា នៅក្នុងស្រុកស្អាង និងស្រុកកោះធំ
ក្រុមការងារគណបក្សចុះមូលដ្ឋានស្រុកលើកដែកណែនាំយុវជនរក្សាជាកម្លាំងសាមគ្គី
ប្រធានក្រុមការងារចុះមូលដ្ឋាន៖ បក្សប្រជាជនប្រកាន់ខ្ជាប់នូវឧត្តមគតិស្នេហាជាតិ និងការអភិវឌ្ឍ
សម្ដេចធិបតី បញ្ជាក់ជាថ្មីជំហររបស់កម្ពុជាបន្តដោះស្រាយបញ្ហាព្រំដែនគោក និងសមុទ្រជាមួយថៃ ដោយសន្ដិវិធី និងច្បាប់អន្តរជាតិ និងបដិសេធជជែករឿងបើកច្រកព្រំដែនគោក

នយោបាយ​ និង ការអភិវឌ្ឍន៍

សមាជិកបក្សសាធារណរដ្ឋ របស់សហរដ្ឋអាមេរិក ជំរុញឱ្យមានការបោះឆ្នោតលើជំនួយអ៊ុយក្រែន

2024/04/09 09:53:46 am        366
Facebook Telegram Linkin
អតីតរដ្ឋមន្ត្រីការបរទេសរបស់ប្រធានាធិបតីអាមេរិក ដូណាល់ ត្រាំ គឺលោក ម៉ៃ ផមភីអូ (Mike Pompeo) បានបន្ថែមសំឡេងរបស់ខ្លួនកាលពីថ្ងៃចន្ទ (០៨ មេសា) ដល់ការអំពាវនាវកាន់តែច្រើនឡើងពីបណ្ដាសមាជិកគណបក្សសាធារណរដ្ឋដ៏លេចធ្លោ ដើម្បីផ្តល់ជំនួយរាប់ពាន់លានដុល្លារសម្រាប់អ៊ុយក្រែន បន្ទាប់ពីសមាជិកគណបក្សមួយចំនួន បានចោទប្រកាន់អ្នកប្រឆាំងជំនួយថាចុះចាញ់នឹងការឃោសនារបស់រុស្ស៊ី។សំណើររបស់ប្រធានាធិបតីបក្សប្រជាធិបតេយ្យ លោក ចូ បៃដិន (Joe Biden) សម្រាប់ទឹកប្រាក់ចំនួន ៩៥ ពាន់លានដុល្លារសម្រាប់អ៊ុយក្រែន អ៊ីស្រាអែល និងសម្ព័ន្ធមិត្តផ្សេងទៀត បានឆ្លងកាត់ព្រឹទ្ធសភាសហរដ្ឋអាមេរិក ដោយមានការគាំទ្រ ៧០ ភាគរយ ប៉ុន្តែត្រូវបានជាប់គាំងអស់រយៈពេលជាច្រើនសប្តាហ៍នៅក្នុងសភាតំណាងរាស្រ្ត ខណៈដែលប្រធានសភារបស់បក្សសាធារណរដ្ឋ លោក ម៉ៃ ចនសុន (Mike Johnson) បានបដិសេធមិនអនុញ្ញាតឱ្យបោះឆ្នោត។ខណៈដែលសមាជិកសភាបានត្រឡប់មកទីក្រុង វ៉ាស៊ីនតោន វិញពីការឈប់សម្រាករយៈពេលពីរសប្តាហ៍កាលពីថ្ងៃចន្ទ លោក ចនសុន មិនបាននិយាយអំពីផែនការណាមួយសម្រាប់ការបោះឆ្នោតលើសំណើបន្ថែមរបស់លោក បៃដិន នោះទេ។ លោក ផមភីអូ ដែលជាអតីតសមាជិកសភា បានចេញលិខិតសាធារណៈមួយកាលពីថ្ងៃចន្ទ ដោយជំរុញឱ្យលោក ចនសុន លើកយកច្បាប់នេះទៅក្នុងសភា។ការិយាល័យរបស់លោក ចនសុន មិនបានធ្វើអត្ថាធិប្បាយលើលិខិតនោះ ឬការអះអាងថ្មីៗរបស់បណ្ដាប្រធានគណបក្សសាធារណរដ្ឋនៃគណៈកម្មាធិការសន្តិសុខជាតិពីររបស់សភា ដែលថា «ការឃោសនារបស់រុស្ស៊ី» កំពុងមានឥទ្ធិពលលើសមាជិកបក្សនោះទេ៕

លោក Zelensky និយាយថាអ៊ុយក្រែន នឹងចាញ់សង្រ្គាម បើសហរដ្ឋអាមេរិកបរាជ័យក្នុងការអនុម័តជំនួយ

2024/04/09 09:46:50 am        444
Facebook Telegram Linkin
លោកប្រធានាធិបតីអ៊ុយក្រែន Volodymyr Zelensky បាននិយាយថា ប្រទេសរបស់លោក នឹងចាញ់សង្រ្គាម ប្រសិនបើសភាសហរដ្ឋអាមេរិក មិនយល់ព្រមផ្តល់កញ្ចប់ជំនួយយោធា ជួយខ្លួនទប់ទល់នឹងការឈ្លានពានរបស់ប្រទេសរុស្ស៊ី។ លោក Zelensky បាននិយាយ ក្នុងអំឡុងកិច្ចប្រជុំតាមវីដេអូរបស់ក្រុមរៃអង្គាសថវិកាជួយអ៊ុយក្រែន UNITED24 ថា វាមានសារៈសំខាន់ណាស់ក្នុងការនិយាយជាពិសេសដល់សភាថា ប្រសិនបើសភារបស់អាមេរិក មិនជួយអ៊ុយក្រែនទេ នោះអ៊ុយក្រែនមុខជានឹងចាញ់សង្រ្គាមនេះមិនខានឡើយ ។ លោកបានសង្កត់ធ្ងន់ថា ប្រសិនបើអ៊ុយក្រែនចាញ់សង្រ្គាមនេះ ប្រទេសផ្សេងទៀតក៏នឹងត្រូវបានរងការវាយប្រហារដូចគ្នាដែរ ហើយអ្វីដែលលោកនិយាយគឺជាការពិត។ ការព្រមានរបស់លោក Zelensky ដែលស្ថិតក្នុងចំណោមការព្រមានដ៏ម៉ឺងម៉ាត់បំផុតជាច្រើនរបស់លោក ចាប់តាំងពីសង្រ្គាមបានចាប់ផ្តើមផ្ទុះឡើងជាងពីរឆ្នាំកន្លងមកនេះ បានកើតឡើងនៅពេលសភារបស់សម្ព័ន្ធមិត្តគឺអាមេរិក បានបដិសេធមិនព្រមអនុម័តកញ្ចប់ជំនួយសម្រាប់អ៊ុយក្រែនជាច្រើនខែមកនេះ ដោយទុកឱ្យទីក្រុង Kyiv ប្រឈមកង្វះខាតកម្លាំងកងទ័ព និងគ្រាប់រំសេវ ស្របពេលសមត្ថភាពដ៏រឹងមាំរបស់រុស្ស៊ី បានវាយលុកទីក្រុងនានារបស់អ៊ុយក្រែនដោយមីស៊ីល និង ការសាកល្បងរកចំណុចខ្សោយនៅសមរភូមិជួរមុខ។ព្រឹទ្ធសភាអាមេរិក បានអនុម័តកញ្ចប់ជំនួយបរទេសចំនួន ៩៥,៣ ពាន់លានដុល្លារជាជំនួយសម្រាប់អ៊ុយក្រែន និងអ៊ីស្រាអែល កាលពីខែកុម្ភៈឆ្នាំ២០២៤នេះ ប៉ុន្តែមកទល់ពេលនេះប្រធានសភាលោក Mike Johnson នៅតែបន្តបដិសេធមិនឲ្យមានការបោះឆ្នោតអនុម័តកញ្ចប់ថវិកាសម្រាប់អ៊ុយក្រែនដដែល។នេះ មិនមែនជាលើកទី១ទេ ដែលប្រធានាធិបតីអ៊ុយក្រែន វ័យ៤៦ ឆ្នាំ រូបនេះបានព្រមានដូច្នេះ។ លោកធ្លាប់បានប្រាប់ទូរទស្សន៍ CNN ថា មនុស្សរាប់លាននាក់ អាចស្លាប់ក្នុងសង្គ្រាមអ៊ុយក្រែនជាមួយរុស្ស៊ី ប្រសិនបើសមាជិកសភាអាមេរិកមិនយល់ព្រមផ្ដល់កញ្ចប់ជំនួយនោះទេ ៕

សម្តេចធិបតី ណែនាំឲ្យក្រសួងផែនការ ត្រូវធ្វើទិន្នន័យឲ្យបានច្បាស់លាស់ ពីព្រោះទិន្នន័យជាផ្លូវរៀបចំផែនការបានត្រឹមត្រូវ

2024/04/09 09:41:26 am        416
Facebook Telegram Linkin
សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានធ្វើការណែនាំដល់ក្រសួងផែនការត្រូវធ្វើទិន្ន ន័យឲ្យបានច្បាស់លាស់បំផុត ខណៈមិនមានទិន្នន័យត្រឹមត្រូវ ការងារនឹងមានភាពក្រឡាប់ចាក់ ហើយ ការរៀបចំផែនការអ្វីមួយក៏មិនអាចទៅរួចនោះដែរ ដូច្នេះដើម្បីឲ្យក្លាយទៅជាស្តង់ជាតិរួមមួយដ៏ល្អគឺត្រូវ ពង្រឹងនូវទិន្នន័យនេះឲ្យខាងតែបាន។ថ្លែងនៅក្នុងពិធីបិទសន្និបាតបូកសរុបលទ្ធផលការងាររបស់ក្រសួងផែនការនៅព្រឹកថ្ងៃទី៩ ខែ មេសា ឆ្នាំ២០២៤នេះ សម្តេចធិបតី នាយករដ្ឋមន្រ្តី បានបញ្ជាក់ថា ទិន្នន័យត្រឹមត្រូវ ធ្វើឲ្យការដាក់ ផែនការ​បានល្អ និងជួយឲ្យរាជរដ្ឋាភិបាលរៀបចំគោលនយោបាយបានស៊ីជម្រៅ ដូច្នេះទិន្នន័យនេះគឺមាន សារសំខាន់ខ្លាំងណាស់ ដូច្នេះហើយត្រូវតែមានការប្រុងប្រយ័ត្នខ្ពស់ចំពោះទិន្នន័យនេះ។ជាមួយគ្នានោះដែរ សម្តេចធិបតី ហ៊ុន ម៉ាណែត ក៏បានណែនាំដល់ក្រសួងផែនការត្រូវបង្កើន​សមត្ថភាព​មន្រ្តីរបស់ខ្លួនជាប់ជាប្រចាំជាប់មិនដាច់ សម្រាប់ការងារអង្កេត ជំរឿនចាំបាច់នានា ជាពិសេសគឺ​ សមត្ថភាពផលិតទិន្នន័យ និងប្រែក្លាយទិន្នន័យឲ្យទៅជាព័ត៌មានលម្អិតជាក់លាក់​គ្រប់គ្រាន់ទាន់ពេល និង មានគុណភាពដើម្បីឆ្លើយតបទៅនឹងតម្រូវការ សម្រាប់រាជរដ្ឋាភិបាល​ប្រើប្រាស់ទាន់ពេលក្នុងការវាយតម្លៃ ស្ថានភាពកំពុងកើត ការវិភាគបញ្ហា និងការឆ្លើយតប ការលើកផែនការសម្រាប់អនាគតចំគោលដៅជាដើម ផងដែរ៕អត្ថបទបាន ចក់

សម្តេចធិបតីណែនាំឲ្យមានការបំផុសចលនាបន្ថែមទៀតក្នុងការដាំដុះ ចិញ្ចឹមសត្វដើម្បីជាការរួមចំណែក លើកកម្ពស់ជីវភាព

2024/04/09 09:16:04 am        350
Facebook Telegram Linkin
សម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា និងជាប្រធានកិត្តិយសគណៈកម្មាធិការជាតិជំរុញចលនាភូមិ១ ផលិតផល១ បានអំពាវនាវដល់គ្រប់ក្រសួង ស្ថាប័នទាំងអស់គប្បីធ្វើការបំផុសចលនាដាំដុះ ចិញ្ចឹម សត្វបន្ថែមទៀតដល់ប្រជាជន និងសហគមន៍ ដើម្បីជាការរួមចំណែកលើកកម្ពស់ជីវភាពពលរដ្ឋឲ្យកាន់តែល្អប្រសើរបន្ថែមទៀត។ក្នុងឱកាសអបអរសាទរទិវាជាតិលើកកម្ពស់ការប្រើប្រាស់ផលផលខ្មែរ ៩មេសា លើកទី៧ឆ្នាំ២០២៤នេះ ក្រោមប្រធានបទ«ផលិតនិងផ្គត់ផ្គង់ទីផ្សាប្រកបដោយចីរភាព គឺជាចលនាភូមិមួយផលិត ផលមួយ» សម្តេចធិបតី នាយករដ្ឋមន្រ្តី បានណែនាំដល់គ្រប់ក្រសួង ស្ថាប័នពាក់ព័ន្ធទាំងអស់ «ត្រូវយក ចិត្តទុកដាក់ចូលរួមចំណែកលើកកម្ពស់ ជំរុញនិងបំផុសចលនាដាំចុះចិញ្ចឹមសត្វ ផលិតកែច្នៃ និងអភិវឌ្ឍន៍ នូវផលិតផលគ្រប់ប្រភេទតាមគ្រូសារ សហគមន៍ បណ្តុំអ្នកផលិតផលប្រកបដោយគំនិតច្នៃប្រឌិតនិងរស់ រវើក ជាពិសេសការកែច្នៃផលិតផលកសិកម្មជាមូលដ្ឋាន ទៅជាម្ហូបអហារ វត្ថុសិល្បៈ ឬរបស់ប្រើប្រាស់ ផ្សេងៗសម្រាប់ផ្គត់ផ្គង់ទីផ្សារទាំងក្នុងស្រុក និងក្រៅស្រុក ដើម្បីជាការរួមចំណែកលើកកម្ពស់កម្រិតជីវ ភាពពលរដ្ឋខ្មែរគ្រប់រូបឲ្យបានកាន់តែល្អប្រសើរឡើងថែមទៀត»។សម្តេចធិបតី នាយករដ្ឋមន្រ្តីក៏បានណែនាំដល់គណៈកម្មាធិការជាតិជំរុញចលនាភូមិមួយផលិត ផលមួយ និងក្រសួងស្ថាប័នពាក់ព័ន្ធទាំងអស់ ត្រូវបន្តសហការរៀបចំប្រារព្ធ និងផ្សព្វផ្សាយនូវសកម្មភាព ឬព្រឹត្តិការណ៍នានា ដើម្បីជំរុញការអភិវឌ្ឍផលិតផលក្នុងស្រុក និងការពង្រីកទីផ្សារជូនអាជីវករ ផលិតករ ប្រកបដោយប្រសិទ្ធភាព និងត្រូវបន្តខិតខំសហការជាមួយខាងរាជធានី-ខេត្ត ក្នុងការដាក់បញ្ចូលផលិត ផលសក្តានុពលនានាជាផលិតផលភូមិមួយផលិតផលមួយ និងចងក្រងបណ្តាញសមាជិកចលនាភូមិមួយ ផលិតផលមួយឲ្យបានទូលំទូលាយ ព្រមទាំងផ្តល់កិច្ចអន្តរាគមន៍ដោះស្រាយបញ្ហាប្រឈមទាំងឡាយ ទាំងកត្តាផលិតកម្ម ទាំងកត្តាទីផ្សារ ឲ្យបានទាន់ពេល និងប្រកបដោយប្រសិទ្ធភាពខ្ពស់ផងដែរ។តាមរយៈលិខិតអបអរសាទរនេះដែរ សម្តេចធិបតី ហ៊ុន ម៉ាណែត នាយករដ្ឋមន្រ្តីក៏បានណែនាំ ដល់គណៈកម្មាធិការជាតិជំរុញចលនាភូមិមួយផលិផលមួយ ត្រូវបន្តកិច្ចសហការជាមួយក្រសួង​ពាណិជ្ជកម្ម និងគណៈកម្មាធិការជំរុញចលនាភូមិ​មួយផលិតផលមួយរាជធានី-ខេត្ត ដើម្បីរៀបចំឲ្យបានផុលផុស នូវព្រឹត្តិការណ៍តាំងបង្ហាញនិងលក់ ទិញផលិតផលខ្មែរ ផលិតផលភូមិមួយផលិតផលមួយ នៅតាមទី កន្លែងដែលមានសក្តានុពល ឲ្យបានទូលំទូលាយ ដែលជាយន្តការដ៏សំខាន់ក្នុងការជួយលើកកម្ពស់និង ផ្សព្វផ្សាយលក់ផលិតផលខ្មែរផងដែរ។ជាមួយគ្នានោះដែរ សម្តេចធិបតី ក៏បានអំពាវនាវឲ្យបងប្អូនប្រជាពលរដ្ឋគ្រប់រូបចូលរួមគាំទ្រ និង លើក​ទឹកចិត្តប្រកបដោយភាពម៉ឺងម៉ាត់ជួយទិញផលិតផលខ្មែរទៅប្រើប្រាស់ឲ្យបានច្រើនតាមដែលអាចធ្វើ ទៅបាន សំដៅលើកកម្ពស់កិត្យានុភាពជាតិ និងស្មារតីជាតិនិយម និងសូមឲ្យក្រសួង ស្ថាប័នពាក់ព័ន្ធទាំង អស់ទាំងថ្នាក់ជាតិ និងថ្នាក់ក្រោមជាតិក៏ដូចជាដៃគូអភិវឌ្ឍ អង្គការមិនមែនរដ្ឋាភិបាលជាតិ អន្តរជាតិ ផ្នែក ឯកជន បន្តកិច្ចសហការជាមួយគណៈកម្មាធិការជាតិជំរុញចលនាភូមិមួយផលិតផលមួយ ដើម្បីជួយអភិ វឌ្ឍន៍ផលិតផលខ្មែរ ភូមិមួយផលិតផលមួយ ឲ្យកាន់តែមានភាពសម្បូរបែប និងមានសក្តានុពលពាណិជ្ជកម្មទាំងលើទីផ្សារជាតិ និងអន្តរជាតិជាដើម៕

ក្រុមប្រឹក្សាសន្តិសុខUN លើកបញ្ហាប៉ាឡេស្ទីន ឱ្យគណៈកម្មការពិចារណា ផ្តល់សមាជិកភាពពេញលេញ

2024/04/09 09:02:45 am        423
Facebook Telegram Linkin
ក្រុមប្រឹក្សាសន្តិសុខអង្គការសហប្រជាជាតិ កាលពីថ្ងៃចន្ទ ទី៨ ខែមេសា បានលើកពាក្យស្នើសុំរបស់អាជ្ញាធរប៉ាឡេស្ទីន ដើម្បីក្លាយជាសមាជិកពេញលេញរបស់ស្ថាប័នពិភពលោក ទៅកាន់គណៈកម្មាធិការស្តីពីការដាក់បញ្ចូលជាសមាជិកថ្មី។ការលើកឡើងនេះធ្វើឡើង ខណៈពេលសង្រ្គាមមានរយៈពេលប្រាំមួយខែរបស់អ៊ីស្រាអែល នៅតំបន់ហ្កាហ្សា ចាប់តាំងពីការវាយប្រហារថ្ងៃទី ៧ ខែតុលា បានធ្វើឱ្យមានការអំពាវនាវឱ្យប៉ាឡេស្ទីនត្រូវបានផ្តល់ជារដ្ឋផ្ទាល់ខ្លួនរបស់ពួកគេ។ប៉ាឡេស្ទីន បានចាប់ផ្តើមជាថ្មីការដាក់ពាក្យស្នើសុំដែលមានអាយុកាលជាងមួយទសវត្សរ៍ ដើម្បីក្លាយជារដ្ឋសមាជិកពេញលេញរបស់អង្គការសហប្រជាជាតិ។ យោងតាមអាជ្ញាធរប៉ាឡេស្ទីន ដែលគ្រប់គ្រងផ្នែកមួយចំនួននៅតំបន់កាន់កាប់ West Bank បានឲ្យដឹងថា សមាជិក ១៣៧ប្រទេស ក្នុងចំណោមសមាជិកអង្គការសហប្រជាជាតិចំនួន ១៩៥ប្រទេស បានទទួលស្គាល់រដ្ឋប៉ាឡេស្ទីន រួចហើយ។ពួកគេរួមមានទាំងប្រទេសជាច្រើនមកពីតំបន់មជ្ឈិមបូព៌ា អាហ្រ្វិក និងតំបន់ផ្សេងៗទៀត ប៉ុន្តែពុំមែនសហរដ្ឋអាមេរិក កាណាដា ប្រទេសនៅអឺរ៉ុបខាងលិចភាគច្រើន ប្រទេសអូស្ត្រាលី ជប៉ុន ឬប្រទេសកូរ៉េខាងត្បូងនោះទេ។ឯកអគ្គរដ្ឋទូតប្រចាំអង្គការសហប្រជាជាតិ របស់ប្រទេសម៉ាល់តា លោកស្រី វ៉ានណេសា ហ្វ្រេសហ្សៀ( Vanessa Frazier) បានស្នើឲ្យគណៈកម្មការដែលជួបប្រជុំគ្នាកាលពីថ្ងៃចន្ទ ម៉ោង៣រសៀល ម៉ោងក្នុងស្រុក ឲ្យពិចារណាពាក្យស្នើសុំនេះ។ ប្រទេសម៉ាល់តា គឺជាប្រធាននៃក្រុមប្រឹក្សាសន្តិសុខ សម្រាប់ខែមេសានេះ។

រដ្ឋអាជ្ញាពិសេសជំរុញឱ្យតុលាការកំពូលអាមេរិក បដិសេធសំណើសុំអភ័យឯកសិទ្ធិរបស់លោក Trump

2024/04/09 08:59:33 am        256
Facebook Telegram Linkin
រដ្ឋអាជ្ញាពិសេស ដែលកំពុងបន្តលើការចោទប្រកាន់ពីបទឧក្រិដ្ឋសហព័ន្ធប្រឆាំងនឹងលោក ដូណាល់ ត្រាំ (Donald Trump) សម្រាប់កិច្ចខិតខំប្រឹងប្រែងរបស់លោកដើម្បីបង្វែរលទ្ធផលឆ្នោតឆ្នាំ២០២០ បានដាក់សំណុំរឿងសង្ខេបទៅតុលាការកំពូល កាលពីថ្ងៃចន្ទ (០៨ មេសា) ដោយជំរុញឱ្យក្រុមយុត្តិធម៌បដិសេធសំណើរបស់អតីតប្រធានាធិបតីរូបនេះ សម្រាប់អភ័យឯកសិទ្ធិពីការកាត់ទោស ដោយឈរលើគោលការណ៍ថា «ពុំមាននរណាម្នាក់នៅលើច្បាប់នោះទេ»។សំណុំរឿងនេះនឹងត្រូវជជែកនៅចំពោះមុខតុលាការនៅថ្ងៃទី២៥ ខែមេសា។ លោក ត្រាំ បានប្តឹងឧទ្ធរណ៍ចំពោះការបដិសេធរបស់តុលាការជាន់ទាបលើសំណើរបស់ខ្លួនក្នុងការការពារពីសំណុំរឿងព្រហ្មទណ្ឌ ដែលនាំមកដោយរដ្ឋអាជ្ញាពិសេស លោក ជែក ស្មីត (Jack Smith) ដោយសារតែពេលនោះលោកកំពុងបម្រើការជាប្រធានាធិបតី នៅពេលដែលលោកបានធ្វើសកម្មភាពបែបនោះ។នៅក្នុងឯកសារចុងក្រោយរបស់ខ្លួនមុនការជជែកនៅក្នុងតុលាការ លោករដ្ឋអាជ្ញាពិសេស ស្មីត បានប្រាប់ក្រុមយុត្តិធម៌ថា ប្រសិនបើលោក ត្រាំ ត្រូវបានកាត់ទោស សកម្មភាពរបស់លោកដែលនាំទៅដល់ការចោទប្រកាន់នេះ នឹងតំណាងឱ្យ «ការរំលោភបំពានដែលមិនធ្លាប់មានពីមុនមកលើរចនាសម្ព័ន្ធនៃរដ្ឋាភិបាលអាមេរិក»។លោក ត្រាំ ដែលជាអតីតប្រធានាធិបតីដំបូងគេដែលត្រូវបានកាត់ទោសឧក្រិដ្ឋកម្ម គឺជាបេក្ខជនមកពីគណបក្សសាធារណរដ្ឋ ដែលប្រជែងនឹងប្រធានាធិបតីបក្សប្រជាធិបតេយ្យ លោក ចូ បៃដិន (Joe Biden) ក្នុងការបោះឆ្នោតសហរដ្ឋអាមេរិក នៅថ្ងៃទី០៥ ខែវិច្ឆិកា ខាងមុខ។ លោក ត្រាំ បានផ្ដល់ចម្លើយពីភាពគ្មានទោសក្នុងករណីនេះ និងសំណុំរឿងឧក្រិដ្ឋកម្មបីផ្សេងទៀតដែលលោកកំពុងប្រឈមមុខ ដោយចង់លាបពណ៌បណ្ដឹងទាំងនោះថា មានហេតុផលនយោបាយ៕

ប្រសាសន៍សំខាន់របស់សម្តេចធិបតី ហ៊ុន ម៉ាណែត ក្នុងពិធីបិទសន្និបាតរបស់ក្រសួងផែនការ

2024/04/09 08:51:46 am        213
Facebook Telegram Linkin
ភ្នំពេញ៖ សម្តេចធិបតី ហ៊ុន ម៉ាណែត នាយករដ្ឋមន្ត្រី បានអញ្ជើញជាអធិបតី ពិធីបិទសន្និបាតបូកសរុបលទ្ធផលការងារឆ្នាំ២០២៣ និងលើកទិសដៅអនុវត្តការងារឆ្នាំ២០២៤ របស់ក្រសួងផែនការ នៅព្រឹកថ្ងៃទី០៩ ខែមេសា ឆ្នាំ ២០២៤នេះ ។ប្រសាសន៍សំខាន់របស់សម្តេចធិបតី ហ៊ុន ម៉ាណែត ដែលមានខ្លឹមសារដូចខាងក្រោម៖ -សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានថ្លែងថា ការរៀបចំផែនការមិនមែនចេះតែនឹកឃើញចង់ធ្វើនោះទេ ពោលគឺត្រូវមានផែនការវែងឆ្ងាយក្នុងការដាក់ទិសដៅអភិវឌ្ឍន៍ប្រទេសជាតិ ដូចជា យុទ្ធសាស្រ្តបញ្ចកោណយ៉ាងដូច្នេះដែរ គឺមិនមែនគិតមួយឆ្នាំធ្វើមួយឆ្នាំនោះទេ គឺមានផែនការរយៈពេល ២៥ឆ្នាំទៅមុខ។-សម្តេចធិបតី ហ៊ុន ម៉ាណែត៖ ទិន្នន័យត្រឹមត្រូវ ធ្វើឲ្យការដាក់ ផែនការបានល្អ និងជួយឲ្យរាជរដ្ឋាភិបាលរៀបចំគោលនយោបាយបានស៊ីជម្រៅ ។ ទិន្នន័យនេះ គឺមាន សារសំខាន់ខ្លាំងណាស់ ដូច្នេះហើយត្រូវតែមានការប្រុងប្រយ័ត្នខ្ពស់ចំពោះទិន្នន័យនេះ។

សេតវិមាន ដាក់សម្ពាធលើអ៊ីស្រាអែល អនុញ្ញាតឲ្យមានរថយន្តដឹកជំនួយកាន់តែច្រើនចូលដែនដីហ្កាហ្សា

2024/04/09 08:30:18 am        343
Facebook Telegram Linkin
សេតវិមានសហរដ្ឋអាមេរិក បានស្វាគមន៍កាលពីថ្ងៃចន្ទទី៨មេសា នៃការទៅដល់កាលពីថ្ងៃអាទិត្យនៃរថយន្តដឹកជំនួយជាង៣០០គ្រឿង នៅក្នុងដែនដីហ្កាហ្សា ហែកហួរដោយសង្រ្គាម ប៉ុន្តែបាននិយាយថា ខ្លួនកំពុងដាក់សម្ពាធលើអ៊ីស្រាអែលឲ្យបង្កើនចំនួនរហូតដល់ប្រមាណ៣៥០គ្រឿងក្នុងមួយថ្ងៃ ខណៈការចរចា នៅតែបន្តលើកិច្ចព្រមព្រៀងបទឈប់បាញ់ដោះលែងចំណាប់ខ្មាំង។ អ្នកនាំពាក្យសេតវិមានលោក John Kirby បាននិយាយថា ប្រមុខចារកម្ម CIA របស់អាមេរិក លោក វីលៀម ប៊នស៍ (William Burns) កំពុងស្ថិតក្នុងរដ្ឋធានីគែរ (Cairo) ប្រទេសអេហ្ស៊ីប កាលពីចុងសប្ដាហ៍នេះ សម្រាប់ការចរចាជុំបន្ទាប់ដ៏ចម្រូងចម្រាស ស្ដីពីការធានាការដោះលែងចំណាប់ថ្នូរ ដែលកំពុងត្រូវបានឃុំខ្លួននៅក្នុងតំបន់ហ្កាហ្សានៅឡើយដោយក្រុមសកម្មប្រយុទ្ធហាម៉ាសប៉ាឡេស្ទីន។ សហរដ្ឋអាមេរិក សង្ឃឹមថានឹងសម្រេចបានកិច្ចព្រមព្រៀងមួយ ដែលនឹងរួមទាំងបទឈប់បាញ់រយៈពេល៦សប្ដាហ៍នៅក្នុងការវាយប្រហារឥតបន្ធូរដៃរបស់អ៊ីស្រាអែលដែលមានអាយុកាល៦ខែពេញនិងឈានចូលដល់ខែទី៧ សម្លាប់ មនុស្សជាង៣ម៉ឺននាក់ ក្នុងបំណងកម្ទេចក្រុមហាម៉ាសនៅក្នុងដែនដីប៉ាឡេស្ទីនរងការឡោមព័ទ្ធដោយកងកម្លាំងអ៊ីស្រាអែល ។ នៅពេលត្រូវបានសួរថាតើមានហេតុផលណាមួយនឹងអាចទទួលបានសុទ្ធិដ្ឋិនិយមកាន់តែច្រើនអំពីកិច្ចព្រៀងព្រៀងដោះលែងចំណាប់ខ្មាំងដែរទេ លោក Kirby បា្រប់ក្រុមអ្នកសារព័ត៌មានថា វាគួរតែមើលឃើញផ្លូវ តាមរយៈការទូត ដែលយើងកំពុងអនុវត្ត និងអ្វីដែលក្រុមសមភាគីរបស់យើងធ្វើ ។ យើងពិតជាជឿជាក់ណាស់។ យើងពិតជាចង់ឲ្យមានកិច្ចព្រមព្រៀងបទឈប់បាញ់ឈានដល់ការដោះលែងចំណាប់ខ្មាំងឲ្យបានឆាប់តាមដែលអាចធ្វើទៅបាន៕

មនុស្សរាប់សិបលាននាក់ មើលសូរ្យគ្រាសពេញដួងនៅទូទាំងតំបន់អាមេរិកខាងជើង

2024/04/09 08:25:14 am        318
Facebook Telegram Linkin
មនុស្សរាប់លាននាក់នៅទូទាំងតំបន់អាមេរិកខាងជើងបានមើលឃើញព្រះចន្ទបាំងពន្លឺព្រះអាទិត្យក្នុងអំឡុងពេលសូរ្យគ្រាសពេញដួងកាលពីថ្ងៃចន្ទទី៨មេសា សប្ដាហ៍នេះ ។ ប្រទេសកាណាដា ម៉ិកស៊ិក និងសហរដ្ឋអាមេរិក បានធ្លាក់ក្នុងភាពងងឹត ដោយសារសូរ្យគ្រាសពេញដួងដ៏កម្រ។ ផ្លូវរបស់សូរ្យគ្រាសលាតសន្ធឹងពីទីក្រុង ម៉ាហ្សាតឡាន(Mazatlán)របស់ប្រទេសម៉ិកស៊ិក ទៅកាន់ទីក្រុងធំបំផុតទី២២ នូហ្វោនលែន (Newfoundland)របស់កាណាដា ជាតំបន់មួយដែលឆ្លងកាត់រដ្ឋចំនួន១៥របស់សហរដ្ឋអាមេរិក និងជាទីលំនៅរបស់ប្រជាជនចំនួន៤៤លាននាក់។ អ្នកទៅគយគន់ទិដ្ឋភាពសូរ្យគ្រាសត្រូវបានជ្រួលច្រាលក្នុងភាពងងឹតនៅឧទ្យានរដ្ឋនានា នៅលើដំបូលអគារទីក្រុង និងនៅក្នុងទីក្រុងតូចៗជាច្រើន។ ភាគច្រើននៃអ្នកទាំងឡាយនៅតំបន់អាមេរិកខាងជើង ប៉ុន្តែមិនមែននៅក្នុងផ្លូវផ្ទាល់នោះទេ នៅតែបានមើលឃើញសូរ្យគ្រាសមួយផ្នែក ដោយព្រះចន្ទផ្លាស់ប្តូរព្រះអាទិត្យទៅជាអឌ្ឍចន្ទ ឬ អាចមើលឃើញព្រះចន្ទតែមួយចំណិត។ ការឈប់ក្នុងដំណាក់កាលទីមួយនៃការសូរ្យគ្រាសពេញដួង ចាំងជះមកលើភពផែនដី បានធ្វើឱ្យតំបន់ឆ្នេរសមុទ្រដែលធ្លាប់តែភ្លឺ របស់ទីក្រុងម៉ាហ្សាតឡាន (Mazatlán)ក្លាយជាងងឹត មុនបន្តទៅភាគឦសានឆ្ពោះទៅកាន់ទីក្រុងអ៊ីហ្គលផាស (Eagle Pass)ក្នុង រដ្ឋតិចសាស់ ជាកន្លែងឈប់មួយក្នុងកន្លែងឈប់ជាច្រើនលើកដំបូងរបស់សូរ្យគ្រាសនៅសហរដ្ឋអាមេរិក។ សូរ្យគ្រាសពេញដួងឬTotal solar កើតឡើងនៅកន្លែងណាមួយជុំវិញពិភពលោករៀងរាល់១១ ទៅ ១៨ ខែ ប៉ុន្តែមិនញឹកញាប់ទេ ដែលសូរ្យគ្រាសឆ្លងកាត់ផ្លូវមានមនុស្សរាប់លាននាក់មើលឃើញ។ សហរដ្ឋអាមេរិកទទួលបានរសជាតិចុងក្រោយនេះ កាលពីឆ្នាំ២០១៧ ហើយនឹងពុំអាចមើលឃើញព្រឹត្តិការណ៍នេះ ពីឆ្នេរសមុទ្រមួយ ទៅឆ្នេរសមុទ្រមួយ ម្តងទៀតទេ រហូតដល់ឆ្នាំ ២០៤៥ ។ទស្សនីយភាព នៅលើអាកាសដ៏អស្ចារ្យ ដែលមនុស្សរាប់សិបលាននាក់នៅសហរដ្ឋអាមេរិក បានមើលឃើញកាលពីថ្ងៃចន្ទ សប្ដាហ៍នេះ បានផ្តល់ការរួបរួមគ្នាដ៏កម្រនៃឱកាសពាណិជ្ជកម្ម វិទ្យាសាស្ត្រ និងពេលវេលាសម្រាប់ពិធីជប់លៀងផងដែរ។ស្រមោលរបស់ព្រះចន្ទធ្វើឲ្យតំបន់ឆ្នេរសមុទ្រប៉ាស៊ីហ្វិកនៃប្រទេសម៉ិកស៊ិកធ្លាក់ចូលក្នុងភាពងងឹតទាំងស្រុងនៅម៉ោង១១និង៧នាទីព្រឹកម៉ោងក្នុងស្រុក ហើយបានរំកិលគ្របដណ្ដប់ពាសពេញសហរដ្ឋអាមេរិកក្នុងល្បឿនលឿនជាងសំឡេង មុនពេលត្រលប់ទៅមហាសមុទ្រវិញលើឆ្នេរសមុទ្រអាត្លង់ទិករបស់ប្រទេសកាណាដា ត្រឹមតែមួយម៉ោងកន្លះបន្ទាប់ពីការបានចាប់ផ្ដើមមានសូរ្យគ្រាស៕

ឯកអគ្គរដ្ឋទូតមីយ៉ាន់ម៉ាថ្មី ប្ដេជ្ញាពង្រឹកិច្ចសហប្រតិបត្តិការទ្វេភាគី និងពហុភាគីឱ្យកាន់តែល្អ និងរឹងមាំជាមួយកម្ពុជា

2024/04/08 02:56:49 pm        232
Facebook Telegram Linkin
នៅព្រឹកថ្ងៃទី៨ ខែមេសា ឆ្នាំ២០២៤ នៅវិមានព្រឹទ្ធសភា រាជធានីភ្នំពេញ សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្ដីទី និងប្រធានព្រឹទ្ធសភានៃព្រះរាជាណាចក្រកម្ពុជា បានអនុញ្ញាតឱ្យ ឯកឧត្ដម Kyaw Soe Min ឯកអគ្គរដ្ឋទូត សាធារណរដ្ឋសហភាពមីយ៉ាន់ម៉ា ប្រចាំព្រះរាជាណាចក្រកម្ពុជា និងប្រតិភូ ចូលជួប​សម្ដែងការគួរសម និងពិភាក្សាការងារ នៅវិមានព្រឹទ្ធសភា រាជធានីភ្នំពេញ។ ជាកិច្ចចាប់ផ្ដើមសម្ដេចតេជោ បានអបអរសាទរចំពោះ ឯកឧត្ដម Kyaw Soe Min ដែលត្រូវបានតែងតាំងជា ឯកអគ្គរដ្ឋទូត សាធារណរដ្ឋសហភាពមីយ៉ាន់ម៉ា ប្រចាំព្រះរាជាណាចក្រកម្ពុជា។ សម្ដេចតេជោបានលើកឡើងថា ឯកឧត្តមគឺជាអ្នកការទូតទីមួយ ដែលសម្ដេចបានទទួលជួបដំបូង បន្ទាប់ពីសម្ដេចក្លាយជាប្រធានព្រឹទ្ធសភានៃព្រះរាជាណាចក្រកម្ពុជា ហើយក៏ក្នុងពេលដែលសម្ដេចជាប្រមុខរដ្ឋស្ដីទីផងដែរ។ សម្ដេចតេជោ បានបង្ហាញនូវក្ដីសង្ឃឹមថា ឯកឧត្តមនឹងខិតខំប្រើប្រាស់តួនាទីថ្មីរបស់ខ្លួនក្នុងការជំរុញទំនាក់ទំនងរវាងប្រទេសទាំងពីរ ដែលមានប្រវត្តិទំនាក់ទំនងដ៏យូរលង់នេះឲ្យកាន់តែប្រសើរបន្ថែមទៀត។ជាកិច្ចឆ្លើយតប ឯកឧត្តម ឯកអគ្គរដ្ឋទូត បានកើតសរសើរ និងថ្លែងអំណរគុណចំពោះ សម្ដេចតេជោ ដែលបានទទួលជួបឯកឧត្តម និងប្រតិភូនាពេលនេះ និងអបអរសាទរចំពោះ សម្ដេចនិងគណបក្ស​ប្រជាជនកម្ពុជា ​ដែលការបោះឆ្នោតព្រឹទ្ធសភាកន្លងទៅទទួលបានជោគជ័យ ​និងជាងនេះទៅទៀតគឺ សម្ដេចតេជោ ត្រូវបានជ្រើសតាំងជាប្រធានព្រឹទ្ធសភានៃព្រះរាជាណាចក្រកម្ពុជា។ឯកឧត្តម ឯកអគ្គរដ្ឋទូត បានសម្ដែងនូវក្ដីរីករាយដោយឃើញកម្ពុជា ក្រោមការដឹកនាំរបស់​សម្ដេចតេជោ កន្លងទៅ ​និងសម្ដេចធិបតី​ នាយករដ្ឋមន្ត្រី នាពេលនេះ ដែលបានដើរនៅលើផ្លូវត្រូវ​នាំមកនូវសុខសន្តិភាព​ ស្ថិរភាពនយោបាយ ​និងការរីកចម្រើនរបស់ប្រទេសកម្ពុជា។ ហើយ ឯកឧត្តម ​ឯកអគ្គរដ្ឋទូត ក៏បានសម្ដែងនូវក្ដីរីករាយដែល ឯកឧត្តមមានវាសនាបានមក​ធ្វើជាអ្នក​ការទូត​នៅកម្ពុជានៅពេលនេះ ហើយដែលប្រទេសទាំងពីរគឺមាន​ទំនាក់ទំនង​ដ៏យូរលង់ជាពិសេស​ទៅលើប្រពៃណី វប្បធម៌ សាសនា ដូចគ្នា។ ​ហើយចាប់តាំងពីទំនាក់ទំនងការទូតឆ្នាំ ១៩៥៥ មក គឺបានខិតខំរក្សាទំនាក់ទំនង​នេះហើយជួយគ្នាទៅវិញទៅមកក្នុងគ្រាលំបាក ហើយយើង​ក៏ជាប្រទេស​ជាសមាជិកអាស៊ានដូចគ្នាហើយតែងតែជួយគ្នាក្នុងនាមជាមិត្តជិតស្និទ្ធ។ ឯកឧត្ដមឯកអគ្គរដ្ឋទូត ក៏បានប្ដេជ្ញាថាក្នុងនាមជាឯកអគ្គរដ្ឋទូតរបស់មីយ៉ាន់ម៉ា នឹងខិតខំ​ពង្រឹងទំនាក់ទំនង​កិច្ចសហប្រតិបត្តិការទ្វេភាគី ក៏ដូចជាពហុភាគី ក្នុងក្របខណ្ឌអាស៊ាន ក្របខណ្ឌតំបន់ និងពិភពលោកឱ្យកាន់តែល្អប្រសើរនិងរឹងមាំថែមទៀត។ទន្ទឹមនឹងនេះឯកឧត្តម ក៏បានស្នើសុំអនុសាសន៍របស់ សម្ដេចតេជោទៅលើដំណោះស្រាយ​របស់​មីយ៉ាន់ម៉ា ឯកឧត្តម ក៏បានបញ្ជាក់អំពីស្ថានភាពមីយ៉ាន់ម៉ាចុងក្រោយជូន សម្ដេចតេជោថា ដោយ​សារ​មានក្រុមភេរវករធ្វើការបះបោរ ទោះបីជារដ្ឋាភិបាលមីយ៉ាន់ម៉ា បានខិតខំធានាឲ្យមានសន្តិភាព សន្តិសុខ​នៅក្នុងប្រទេសយ៉ាងណាក៏ដោយ ទន្ទឹមនឹងនោះ មីយ៉ាន់ម៉ាក៏ទទួលរងគ្រោះពីការដាក់​ទណ្ឌកម្មពី​ប្រទេសខាងក្រៅផងដែរ។ ក្នុងនោះដែរ ឯកឧត្ដម ក៏បានលើកឡើងអំពីការជួយពីខាង​ក្រៅ​ដល់ក្រុមភេរវករ ក្រុមជួញដូរគ្រឿងញៀន​ ការរត់ពន្ធមនុស្ស ដែលធ្វើប្រទេសខាងក្រៅ​បានដាក់​សម្ពាធទៅមីយ៉ាន់ម៉ា ថែមទៀត ធ្វើឱ្យមីយ៉ាន់ម៉ាកាន់តែជួបការលំបាក។ ជាការឆ្លើយតបសម្ដេចតេជោប្រមុខរដ្ឋស្ដីទីក៏បានអរគុណចំពោះ ឯកឧត្តម ឯកអគ្គរដ្ឋទូត ដែល​បានធ្វើរបាយការណ៍អំពីស្ថានភាពរបស់ប្រទេសមីយ៉ាន់ម៉ាជូន សម្ដេចក៏ដូចជាជំនួបទាំងមូល​នៅពេលនេះ និងបង្ហាញពីការថែទាំក៏ដូចជាការរឹតចំណងទំនាក់ទំនងរវាងប្រទេស​យើងទាំងពីរ​បន្ថែមទៀត។ សម្ដេចតេជោ បានបញ្ជាក់ថា ឆ្នាំក្រោយនេះគឺជាខួបលើកទី៧០ នៃការបង្កើតទំនាក់​ទំនង​ការទូតនៃប្រទេសកម្ពុជា-មីយ៉ាន់ម៉ា។ពាក់ព័ន្ធនឹងស្ថានភាព មីយ៉ាន់ម៉ា សម្ដេចតេជោ ធ្លាប់បានបញ្ជាក់ហើយថា សម្ដេច មាន​បំណងបន្ត​បំពេញទស្សនកិច្ចទៅប្រទេសមានមីយ៉ាន់ម៉ាបន្តទៀត ប៉ុន្តែក៏អាកខានទៅវិញដោយសារស្ថានភាព​សុខភាព។ ទន្ទឹមនឹងនេះ ក្នុងនាមសម្ដេចជាប្រធានព្រឹទ្ធសភា បានលើកជាសំណូមពរមួយ ដោយសម្ដេចមានបំណងចង់ជួប ឯកឧត្តម នាយឧត្ដមសេនីយ៍ជាន់ខ្ពស់ មីន អោងឡាំង ប្រធាន​ក្រុមប្រឹក្សារដ្ឋបាលរដ្ឋ តាមរយៈវីដេអូ conference ដើម្បីសួរសុខទុក្ខគ្នាផង ក៏ដូចជាពិគ្រោះពិភាក្សា​ប្ដូរយោបល់ ស្វែងរកដំណោះស្រាយវិបត្តិនៅមីយ៉ាន់ម៉ា ។ ជាចុងក្រោយ ឯកឧត្តម ឯកអគ្គរដ្ឋទូត ក៏បានពាំនាំនូវការផ្ដាំផ្ញើសួរសុខទុក្ខពី ឯកឧត្តម នាយឧត្ដមសេនីយ៍ជាន់ខ្ពស់ មីន អោងឡាំង ប្រធានក្រុមប្រឹក្សារដ្ឋបាលរដ្ឋ ជូនចំពោះសម្ដេចតេជោ ផងដែរ។ សម្ដេចតេជោ ក៏បានជូនពរដល់ ឯកអគ្គរដ្ឋទូត ក៏ដូចជាប្រតិភូដែលបានចូលជួបសម្ដែងការគួរសម​ថ្ងៃនេះ និងបានផ្ដាំផ្ញើសួរសុខទុក្ខទៅដល់ ឯកឧត្តម ​នាយឧត្ដមសេនីយ៍ជាន់ខ្ពស់ មីន អោងឡាំង ប្រធានក្រុមប្រឹក្សារដ្ឋបាលរដ្ឋ និង សូមឲ្យឯកអគ្គរដ្ឋទូតពាំនាំនូវសំណូមពររបស់​សម្ដេច ដើម្បី​ជួបពិភាក្សាសួរសុខទុក្ខ ឯកឧត្តម នាយឧត្ដមសេនីយ៍ជាន់ខ្ពស់ មីន អោងឡាំង ​តាមរយៈវីដេអូ conference ក្នុងពេលសមស្របណាមួយអាចនឹងមុនសង្ក្រាន្ត ឬក៏ក្រោយសង្ក្រាន្តឆ្នាំថ្មីរបស់កម្ពុជា៕

បណ្ដាញសង្គម

ព័ត៌មានថ្មីៗ

លោកជំទាវ​បណ្ឌិត ពេជ ចន្ទមុន្នី ហ៊ុនម៉ាណែត អរគុណ​ថ្នាក់​ដឹកនាំ​ អាជ្ញាធរកម្ពុជា ជួយសម្រួល និង​រក្សា​សុវត្ថិភាពជូនគណៈប្រតិភូអន្តរជាតិ​ចូលរួមមហាសន្និបាតកាយប្ញទ្ធិនារីពិភពលោក
06/21/2026 06:06 PM
Facebook Telegram Linkin
ការវាយប្រហាររបស់អ៊ីស្រាអែលបានសម្លាប់មនុស្ស ៦នាក់នៅហ្កាហ្សា រួមទាំងអ្នកថតរូបរបស់ Al Jazeera ផងដែរ
06/21/2026 03:06 PM
Facebook Telegram Linkin
សាកសពជនអន្តោប្រវេសន៍ ១៥ នាក់ ត្រូវបានអណ្តែតទើលើច្រាំង​សមុទ្រនៅភាគខាងកើតប្រទេសលីប៊ី
06/21/2026 03:06 PM
Facebook Telegram Linkin
អតីតសកម្មជនគណបក្សប្រឆាំងចំនួន ៨៧នាក់ ចូលរួមជីវភាព​នយោបាយ​ជាមួយ​គណបក្ស​ប្រជាជន​កម្ពុជា នៅក្នុងស្រុកស្អាង និងស្រុកកោះធំ
06/21/2026 02:06 PM
Facebook Telegram Linkin
រដ្ឋបាលរាជធានីភ្នំពេញ និងស្ថានទូតឥណ្ឌា ប្រារព្ធ​ទិវាយោគៈអន្តរជាតិ ដើម្បីជំរុញ​សកម្មភាពកីឡា និងទេសចរណ៍
06/21/2026 02:06 PM
Facebook Telegram Linkin
ក្រុមការងារគណបក្សចុះមូលដ្ឋានស្រុកលើកដែកណែនាំយុវជនរក្សាជាកម្លាំងសាមគ្គី
06/21/2026 02:06 PM
Facebook Telegram Linkin
កម្ពុជា មានកម្រិតបរិយាបន្នហិរញ្ញវត្ថុ និងលទ្ធភាពទទួលសេវាហិរញ្ញវត្ថុខ្ពស់
06/21/2026 02:06 PM
Facebook Telegram Linkin
លោក TRUMP គំរាមយកថ្លៃសេវាឆ្លងកាត់ច្រកសមុទ្រ HORMUZ បើកិច្ចព្រមព្រៀងចុងក្រោយជាមួយអ៊ីរ៉ង់បរាជ័យក្នុងពេល៦០ថ្ងៃ
06/21/2026 02:06 PM
Facebook Telegram Linkin
អឺរ៉ុបកំពុងរងការគំរាមកំហែងពីរលកកម្ដៅខ្ពស់ ខណៈបារាំង រឹតត្បិតការប្រើប្រាស់គ្រឿងស្រវឹង
06/21/2026 01:06 PM
Facebook Telegram Linkin
ក្រសួងព័ត៌មានជំរុញការផលិតមាតិកាទំនើប ដើម្បីប្រសិទ្ធភាពផ្សព្វផ្សាយក្នុងសម័យឌីជីថល
06/21/2026 01:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.