នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់
សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់
ឯកឧត្តម ចាន់ ដារ៉ុង ដឹកនាំគណៈកម្មការ​អន្តរ​ក្រសួង​ចុះ​ពិនិត្យ​វាយ​តម្លៃ​បញ្ចប់​សុពល​ភាព​ការងារ​ថែ​ទាំ​ផ្លូវ​ខួបចំនួន ៣កំណាត់ ក្នុងខេត្តពោធិ៍សាត់
BREAKING NEWS! សម្តេចធិបតី អបអរសាទរចំពោះការប្រព្រឹត្តទៅដោយជោគជ័យ​នូវ​កិច្ច​ប្រជុំ​​វិសាមញ្ញ នៃ​គណៈកម្មាធិកា​រ​ព្រំដែន​ទូទៅកម្ពុជា-ថៃ

នយោបាយ​ និង ការអភិវឌ្ឍន៍

អបអរសាទរខេត្តក្រចេះ ត្រូវបានប្រកាសជាខេត្តអស់មីន នៅទូទាំងព្រះរាជាណាចក្រកម្ពុជា

2024/03/26 07:26:58 am        275
Facebook Telegram Linkin
ថ្ងៃទី២៦ខែមីនា ឆ្នាំ២០២៤ គឹជាថ្ងៃប្រវត្តិសាស្រ្ត ដែលប្រជាជនខេត្តក្រចេះ បានទទួលនូវសេរីភាពរួចចាកផុតពីគំរាមកំហែងដោយសារមីន ហើយ ខេត្តក្រចេះ គឺជាខេត្តទី១៥ ដែលត្រូវប្រកាសជាខេត្តអស់មីននៅទូទាំងព្រះរាជាណាចក្រកម្ពុជា។រយៈពេល ២០ឆ្នាំ ចាប់ពីឆ្នាំ២០០៣ ដល់ឆ្នាំ២០២៣ នៃការងារបោសសម្អាតមីន និងសំណល់​ជាតិផ្ទុះ​ពីសង្រ្គាម ក្នុងទឹកដីខេត្តក្រចេះ មានប្រតិបត្តិករចំនួន ៣ រួមមាន មជ្ឈមណ្ឌលជាតិគ្រប់គ្រង​កងកម្លាំងរក្សាសន្តិភាព បោសសម្អាតមីន និងកាកសំណល់សង្រ្គាម មជ្ឈមណ្ឌលសកម្មភាព​កំចាត់មីនកម្ពុជា និងអង្គការហេឡូត្រាស់ បានបោសសម្អាតក្នុងទំហំផ្ទៃដីជាង ១៣៣ គីឡូម៉ែត្រការ៉េ ស្មើនឹង ៧៩៥ ចម្ការមីននិងគ្រាប់ ដោយរកឃើញ និងបានកំទេចចោលមីន និងសំណល់ជាតិ​ផ្ទុះផ្សេងទៀត​ប្រមាណ ៦ ម៉ឺនគ្រាប់ ព្រមទាំងផ្តល់ផលប្រយោជន៍ជូន​ប្រជាពលរដ្ឋជិត ៤០ ម៉ឺននាក់។សមិទ្ធផលខេត្តក្រចេះអស់មីន គឺជាសមិទ្ធផលមួយក្នុងចំណោមសមិទ្ធផលជាច្រើនទៀត​ក្នុង​រយៈពេលជាង ៦ខែ នៃរាជរដ្ឋាភិបាលអាណត្តិទី៧ ដោយទទួលបានការគាំទ្រផ្នែក​ហិរញ្ញវត្ថុពីមូលនិធិកម្ពុជាគ្មានមីនឆ្នាំ២០២៥ និងគម្រោងសម្តេចតេជោសម្រាប់សកម្មភាពមីន រួមជាមួយនឹងការចូលរួមដ៏សប្បុរសបណ្តាប្រទេសជាមិត្ត ដៃគូអភវិឌ្ឍន៍ និងសប្បុរសជននានា ៕

សម្តេចធិបតី ហ៊ុន ម៉ាណែត អនុញ្ញាតឱ្យប្រធានសមាគមមិត្តភាពឡាវ-កម្ពុជា ចូលជួបសម្តែងការគួរសម និងពិភាក្សាការងារនៅរដ្ឋធានីវៀងចន្ទន៍

2024/03/26 07:10:50 am        207
Facebook Telegram Linkin
នារសៀល ថ្ងៃទី២៥ ខែមីនា ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានអនុញ្ញាតឱ្យ ឯកឧត្តម ខាំបៃ ដាំឡាត់ (Khambai Damlat) ប្រធានសមាគមមិត្តភាពឡាវ-កម្ពុជា ចូលជួបសម្តែងការគួរសម និងពិភាក្សាការងារ ក្នុងឱកាសនៃដំណើរបំពេញទស្សនកិច្ចផ្លូវការ នៅសាធារណរដ្ឋប្រជាធិបតេយ្យប្រជាមានិតឡាវ នៅថ្ងៃទី២៥-២៦ ខែមីនា ឆ្នាំ២០២៤។ ក្នុងឱកាសនៃជំនួប ឯកឧត្តម ខាំបៃ ដាំឡាត់ បានថ្លែងអំណរគុណចំពោះសម្តេចធិបតី ដែលបានឆ្លៀតពេលវេលាដ៏មមាញឹកអនុញ្ញាតឱ្យរូបឯកឧត្តម និងសហការីបានចូលជួបសម្តែងការគួរសម ព្រមទាំងបានអបអរសាទរចំពោះសម្ដេចធិបតី ដែលត្រូវបានរដ្ឋសភាបោះឆ្នោតជ្រើសតាំងជានាយករដ្ឋមន្រ្តី នៃព្រះរាជាណាចក្រកម្ពុជា នីតិកាលទី៧ កាលពីខែសីហា ឆ្នាំ២០២៣ កន្លងទៅនេះ ដើម្បីដឹកនាំប្រទេសកម្ពុជាឆ្ពោះទៅរកការអភិវឌ្ឍបន្ថែមទៀត។ ឯកឧត្តមប្រធានសមាគម ក៏បានអបអរសាទរចំពោះសមិទ្ធផលរបស់រាជរដ្ឋាភិបាលកម្ពុជា ក៏ដូចជាការធ្វើឱ្យជីវភាពរបស់ប្រជាជនមានភាពរីកចម្រើនកាន់តែប្រសើរ។ ព្រមជាមួយគ្នានេះ ឯកឧត្តមប្រធានសមាគម បានវាយតម្លៃខ្ពស់ចំពោះដំណើរទស្សនកិច្ចរបស់សម្ដេចធិបតីមកកាន់ប្រទេសឡាវនាឱកាសនេះ ហើយមានជំនឿជាក់ថា ដំណើរទស្សនកិច្ចនេះនឹងរួមចំណែកក្នុងការលើកពង្រឹងនិងពង្រីកទំនាក់ទំនង កិច្ចសហប្រតិបត្តិការ និងមិត្តភាពរវាងប្រទេសទាំងពីរបន្ថែមទៀត។ ឯកឧត្តមប្រធានសមាគម បានគោរពរាយការណ៍ជូនសម្ដេចធិបតី អំពីសកម្មភាពសំខាន់ៗមួយចំនួន និងរចនាសម្ព័ន្ធរបស់សមាគមមិត្តភាពឡាវ-កម្ពុជាផងដែរ។ជាការឆ្លើយតប សម្ដេចធិបតី បានវាយតម្លៃខ្ពស់ចំពោះកិច្ចការរបស់សមាគមមិត្តភាពកម្ពុជា-ឡាវ និងឡាវ-កម្ពុជា ព្រមទាំងបានវាយតម្លៃខ្ពស់ផងដែរចំពោះឯកឧត្តមប្រធានសមាគមមិត្តភាពឡាវ-កម្ពុជា ដែលបានរួមចំណែកពង្រឹងទំនាក់ទំនងរវាងប្រទេសកម្ពុជា និងឡាវនាពេលកន្លងមក។ សម្តេចធិបតី បានលើកទឹកចិត្តឱ្យសមាគមមិត្តភាពទាំងពីរខិតខំបន្តក្នុងការលើកកម្ពស់ទំនាក់ទំនងប្រជាជន និងប្រជាជននៃប្រទេសទាំងពីរ ជាពិសេសប្រជាជនដែលរស់នៅតាមបណ្តាខេត្តដែលជាប់ព្រំដែនផងដែរ។ ទន្ទឹមនេះ សម្តេចធិបតី បានគូសបញ្ជាក់អំពីសារៈសំខាន់នៃការជំរុញការប្រាស្រ័យទាក់ទងរវាងប្រជាពលរដ្ឋនៃប្រទេសទាំងពីរ ដែលនឹងរួមចំណែកលើកកម្ពស់ថែមទៀតនូវពាណិជ្ជកម្ម ទេសចរណ៍ និងវិស័យសំខាន់ៗដទៃទៀតរបស់ប្រទេសទាំងពីរ។ មុននឹងបញ្ចប់ សម្តេចធិបតី បានសង្កត់ធ្ងន់ផងដែរថា សក្តានុពលនៃកម្ពុជា និងឡាវនៅមានច្រើន និងលើកទឹកចិត្តសមាគមមិត្តភាពរវាងប្រទេសទាំងពីរខិតខំធ្វើសកម្មភាពបន្ថែមទៀតក្នុងការសម្របសម្រួលឱ្យមានការតភ្ជាប់រវាងប្រទេសទាំងពីរកាន់តែច្រើន៕

រដ្ឋមន្ត្រីហ្វីលីពីន ហ៊ានជំរុញចិន ឱ្យដាក់ការទាមទារអធិបតេយ្យភាពដែនសមុទ្រទៅតុលាការមជ្ឈត្តកម្ម

2024/03/25 02:06:05 pm        109
Facebook Telegram Linkin
រដ្ឋមន្ត្រីការពារជាតិហ្វីលីពីន នៅថ្ងៃចន្ទ (២៥ មីនា) នេះ បានរុញឱ្យប្រទេសចិន យកការទាមទារអធិបតេយ្យភាពរបស់ខ្លួននៅក្នុងសមុទ្រចិនខាងត្បូង ទៅកាន់តុលាការមជ្ឈត្តកម្មអន្តរជាតិ ប្រសិនបើចិនមានភាពក្លាហានធ្វើបែបនោះ បន្ទាប់ពីការប្រឈមមុខដាក់គ្នាមួយទៀតកាលពីចុងសប្តាហ៍ ប៉ុន្តែបាននិយាយថាទីក្រុងម៉ានីល នឹងមិនរាថយចំពោះជំហររបស់ខ្លួនឡើយ។ហ្វីលីពីន បានចោទប្រកាន់ឆ្មាំល្បាតឆ្នេរចិន ថាបានប្រើប្រាស់កាណុងបាញ់ទឹកប្រឆាំងនឹងទូកស៊ីវិលដែលផ្គត់ផ្គង់កងទ័ពឈរជើងលើនាវាចម្បាំង មានមូលដ្ឋាននៅដែនទឹក សេខិន ថូម៉ាស ស្ហូល (Second Thomas Shoal) ដែលមានជម្លោះ ដោយបានធ្វើឱ្យខូចខាតដល់ទូកផ្គត់ផ្គង់ឡើងវិញ និងធ្វើឱ្យនាវិកមួយចំនួនរងរបួស។រដ្ឋមន្ត្រីការពារជាតិហ្វីលីពីន លោក ហ្គីលប៊ឺតតូ តេអូដូរ៉ូ (Gilberto Teodoro) បានប្រាប់អ្នកសារព័ត៌មានថា «ប្រសិនបើចិនមិនខ្លាចក្នុងការបញ្ជាក់ការអះអាងរបស់ខ្លួនទៅកាន់ពិភពលោក ហេតុអ្វីបានជាមិនយកការអះអាងនោះទៅតុលាការមជ្ឈត្តកម្មដើម្បីសម្រេចនៅក្រោមច្បាប់អន្តរជាតិទៅ»។ ប្រទេសចិនបានទាមទារសមុទ្រចិនខាងត្បូងស្ទើរតែទាំងមូលជាកម្មសិទ្ធិរបស់ខ្លួន រួមទាំងដែនទឹក សេខិន ថូម៉ាស ស្ហូល ដែលស្ថិតនៅក្នុងតំបន់សេដ្ឋកិច្ចផ្តាច់មុខ ចំងាយ ៣២០ គីឡូម៉ែត្ររបស់ហ្វីលីពីន។ទីក្រុងប៉េកាំង បានដាក់ពង្រាយនាវាឆ្មាំល្បាតឆ្នេររាប់រយគ្រឿងនៅទូទាំងសមុទ្រចិនខាងត្បូង ដើម្បីល្បាតនូវអ្វីដែលខ្លួនចាត់ទុកថាជាទឹកដីរបស់ខ្លួន ទោះបីជាតុលាការមជ្ឈត្តកម្មអចិន្ត្រៃយ៍បានបញ្ជាក់យ៉ាងច្បាស់ក្នុងឆ្នាំ២០១៦ ថាការទាមទារដ៏ធំរបស់ខ្លួននេះមិនមានមូលដ្ឋាននៅក្រោមច្បាប់អន្តរជាតិក៏ដោយ៕

កូរ៉េខាងជើង៖ នាយករដ្ឋមន្រ្តីជប៉ុន បង្ហាញចេតនាចង់ជួបលោក គីម ជុងអ៊ុន កាលពីពេលថ្មីៗនេះ

2024/03/25 02:03:33 pm        101
Facebook Telegram Linkin
សារព័ត៌មានរដ្ឋ KCNA បានរាយការណ៍ថា លោកស្រី គីម យ៉ូជុង (Kim Yo Jong) ដែលជាប្អូនស្រីដ៏មានឥទ្ធិពលរបស់មេដឹកនាំកូរ៉េខាងជើង គីម ជុងអ៊ុន (Kim Jong Un) បាននិយាយនៅថ្ងៃចន្ទ (២៥ មីនា) នេះថា នាយករដ្ឋមន្ត្រីជប៉ុន លោក ហ៊្វូមីអូ គីស៊ីដា (Fumio Kishida) ថ្មីៗនេះបានបង្ហាញពីចេតនារបស់ខ្លួនក្នុងការជួបមេដឹកនាំកូរ៉េខាងជើងក្នុងពេលឆាប់ៗនេះ តាមរយៈ «បណ្ដាញមួយផ្សេងទៀត»។លោកស្រី គីម ត្រូវបានដកស្រង់សម្តី ដែលបាននិយាយនៅក្នុងរបាយការណ៍ KCNA ជាភាសាកូរ៉េថា «នាយករដ្ឋមន្ត្រីជប៉ុន គួរតែដឹងថាគ្រាន់តែលោកចង់ និងបានធ្វើការសម្រេចចិត្តលើលទ្ធភាពនៃជំនួបនោះ មិនមានន័យថាលោកអាចជួប ឬមេដឹកនាំនៃប្រទេសរបស់យើងនឹងជួបលោកនោះទេ»។លោក គីស៊ីដា បាននិយាយថា លោកចង់ជួបពិភាក្សាជាមួយមេដឹកនាំកូរ៉េខាងជើង លោក គីម ជុងអ៊ុន (Kim Jong Un) «ដោយគ្មានលក្ខខណ្ឌណាមួយជាមុន» ហើយកំពុងត្រួតពិនិត្យដោយផ្ទាល់នូវកិច្ចខិតខំប្រឹងប្រែងដើម្បីសម្រេចបាននូវកិច្ចប្រជុំកំពូលមេដឹកនាំបែបនេះជាលើកដំបូងក្នុងរយៈពេល ២០ ឆ្នាំ។ ប្អូនស្រីរបស់មេដឹកនាំកូរ៉េខាងជើង ដែលបម្រើការនៅក្នុងបក្សពលករដែលកំពុងកាន់អំណាចរូបនេះ កាលពីខែមុន ធ្លាប់បាននិយាយថា លោក គីស៊ីដា ប្រហែលអាចទៅទស្សនកិច្ចនៅទីក្រុងព្យុងយ៉ាង នៅថ្ងៃណាមួយ៕

ការចាប់ឆ្នោតលេខរៀងបោះឆ្នោតក្រុមប្រឹក្សារាជធានី-ខេត្តបានបិទបញ្ចប់ដោយរលូន

2024/03/25 11:52:22 am        191
Facebook Telegram Linkin
អ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប) បញ្ជាក់ថា ការ​ចាប់ឆ្នោត​លេខ​រៀង​របស់​គណបក្សនយោបាយសម្រាប់ការបោះឆ្នោតជ្រើសរើសក្រុមប្រឹក្សារាជធានី-ខេត្ត ក្រុង-ស្រុក និងខណ្ឌ អាណត្តិទី៤ បានបិទបញ្ចប់ដោយរលូន។ ថ្លែងប្រាប់ BTV នៅថ្ងៃទី២៥ ខែមីនា ឆ្នាំ២០២៤ ឯកឧត្តម ហង្ស ពុទ្ធា សមាជិក និង​ជា​អ្នក​នាំ​ពាក្យ គ.ជ.ប បានឱ្យដឹងថា បន្ទាប់ពី គ.ជ.ប បានដំណើរការចុះបញ្ជីគណបក្សនយោបាយ និង​ការ​ចុះ​បញ្ជី​បេក្ខជន​ឈរបោះឆ្នោត​ចូលរួម​ប្រកួត​ប្រជែង​ការ​បោះឆ្នោតជ្រើ​សរើស​ក្រុម​ប្រឹក្សា​រាជ​ធានី ខេត្ត ក្រុង ស្រុក និងខណ្ឌ ដែលបានអនុវត្តរយៈពេលបីសប្តាហ៍មកនេះ គ្រប់​គណៈកម្មការ​រាជ​ធានី-ខេត្តរៀបចំការបោះឆ្នោតទាំង២៥ បានបិទ​បញ្ចប់​រួចរាល់​ទៅ​ដោយ​រលូន​ទាំង​ការ​ចុះ​ប​ញ្ជី​គណបក្ស​នយោបាយ, ការចុះបញ្ជីបេក្ខជនឈរឈ្មោះបោះឆ្នោត និងការចាប់ឆ្នោតលេខរៀង។ ឯកឧត្តម បន្តថា ក្នុងចំណោមគណបក្សនយោបាយទាំង៥ មានតែ​គណបក្ស​ប្រជាជន​កម្ពុជា​មួយ​ប៉ុណ្ណោះ​ដែល​បានដាក់ចុះបញ្ជី និងដាក់បេក្ខជន​ឈរ​ឈ្មោះ​បោះឆ្នោត​របស់​ខ្លួន​ទៅ​ទូទាំង​ប្រទេស។ បន្ទាប់ពីបិទបញ្ចប់ការចុះបញ្ជីបេក្ខជន និងការចាប់ឆ្នោតលេខរៀងគណបក្សនយោបាយ ឯកឧត្តម បានឱ្យដឹងដែរថា គ.ជ.ប បានចាប់​ផ្តើម​ទទួល​ការ​ស្នើ​សុំ​ចូល​រួម​សង្កេតការណ៍​បោះឆ្នោត​ពី​បណ្តាគណបក្សនយបាយ និងអង្គការមិនរដ្ឋាភិបាល ខណៈមកដល់ពេលនេះ គ.ជ.ប បានទទួលស្គាល់អ្នកសង្កេតការណ៍ជាតិចំនួនជាង៣០០នាក់។អ្នកនាំពាក្យរូបនេះ លើកឡើងថា ក្រោយពីដំណើរការ​ស្នើ​សុំ​ចូល​រួម​សង្កេត​ការណ៍​បោះ​ឆ្នោត​បាន​បញ្ចប់​ គ.ជ.ប នឹងត្រៀម​សម្រាប់​ដំណាក់​កាល​ឃោសនា​រក​សំឡេង​ឆ្នោត​ដែ​ល​នឹង​ប្រព្រឹត្ត​នា​ដើម​ខែ​ឧសភាខាងមុខ។សូមជម្រាបថា គ.ជ.ប បានប្រកាសទទួលស្គាល់ជាផ្លូវការចំពោះគណបក្សនយោបាយចំនួន៥ ឱ្យ​ចូលរួមការបោះឆ្នោតជ្រើសរើសក្រុមប្រឹក្សារាជធានី ក្រុមប្រឹក្សាខេត្ត ក្រុមប្រឹក្សាក្រុង ក្រុម​ប្រឹក្សា​ស្រុក ក្រុមប្រឹក្សាខណ្ឌ អាណត្តិទី៤ ឆ្នាំ២០២៤ ក្នុងនោះ រួមមាន៖ គណបក្សប្រជាជនកម្ពុជា, គណបក្សឆន្ទៈខ្មែរ, គណបក្សកម្លាំងជាតិ, គណបក្សហ្វ៊ុនស៊ិនប៉ិច និងគណបក្សខ្មែររួបរួមជាតិ។ ការ​បោះឆ្នោតនេះនឹងប្រព្រឹត្តទៅនាថ្ងៃទី២៦ ខែឧសភា ឆ្នាំ២០២៤ខាងមុខ ដោយ​មាន​អង្គ​បោះឆ្នោត​ជា​សមាជិកក្រុមប្រឹក្សាឃុំ-សង្កាត់ក្នុងមុខតំណែង៕ អត្ថបទ សេក ឧត្តម 

លោក Zelensky និយាយវាយបកបន្ទាប់ពីរុស្ស៊ីភ្ជាប់អ៊ុយក្រែន ទៅនឹងការវាយប្រហារនៅក្រុងមូស្គូ

2024/03/25 11:49:48 am        166
Facebook Telegram Linkin
ខណៈព័ត៌មាននៃការវាយប្រហារនៅសាលប្រគុំតន្ត្រីនៅទីក្រុងមូស្គូ បានផ្ទុះឡើងកាលពីថ្ងៃសុក្រ ប្រជាជនអ៊ុយក្រែន ដឹងថានឹងមានអ្វីកើតឡើងដែលទីក្រុងគីវ នឹងត្រូវបានដាក់កំហុស។អ្វីដែលគេរំពឹងទុកបន្ទាប់គឺយានដ្រូន និងមីស៊ីលជាច្រើនបន្ថែមទៀតនឹងធ្លាក់មក។ ការចោទប្រកាន់បានចាប់ផ្តើមភ្លាមៗ។ ពួកគេគ្រាន់តែនិយាយពីតម្រុយដំបូងប៉ុណ្ណោះ រហូតដល់ប្រធានាធិបតី លោក វ្ល៉ាឌីមៀ ពូទីន បានអះអាងដោយចំហថា អ្នកដែលបានវាយប្រហារនៅទីក្រុងមូស្គូ បានព្យាយាមរត់ភៀសខ្លួនចូលទៅកាន់ប្រទេសអ៊ុយក្រែន។បន្ទាប់មក មិនយូរប៉ុន្មាន មុនថ្ងៃរះកាលពីថ្ងៃអាទិត្យ សំឡេងផ្ទុះកើតឡើងនៅទីក្រុងគីវ។ នៅពេលដែលលោកPutin បានធ្វើអត្ថាធិប្បាយ នៅក្នុងសុន្ទរកថាទៅកាន់ប្រជាជាតិរុស្ស៊ី ក្រុមជ្រុលនិយមរដ្ឋឥស្លាម (IS) បានប្រកាសរួចហើយថាពួកគេ បានធ្វើសកម្មភាពឃាតកម្មនេះ។ នៅពេលនេះ ក្រុមរដ្ឋឥស្លាម(IS) បានបញ្ចេញវីដេអូដ៏លាក់កំបាំងនៃការសម្លាប់រង្គាលរបស់ពួកគេ ដោយថតនៅលើកាមេរ៉ាសុវត្ថិភាព និងរួមទាំងសំឡេងស្រែកថា «ព្រះគឺអស្ចារ្យបំផុត» ពីអ្នកវាយប្រហារ។ នៅក្នុងសេចក្តីថ្លែងការណ៍ ប្រធានាធិបតី អ៊ុយក្រែន លោក Volodymyr Zelensky មានការខឹងសម្បារយ៉ាងខ្លាំងដែលប្រទេសរបស់លោក ត្រូវបានដាក់កំហុស។ លោកបានចាត់ទុកប្រធានាធិបតីរុស្ស៊ី និងអ្នកដទៃទៀតនៅក្នុងទីក្រុងមូស្គូ ថាជាមនុស្សអាក្រក់សម្រាប់ការផ្សារភ្ជាប់ការវាយប្រហារនៅទីនោះ ជាមួយទីក្រុងគីវ។ លោកបាននិយាយថា មេដឹកនាំរុស្ស៊ីដែល«មិនសប្បាយចិត្ត» មានការព្រួយបារម្ភកាន់តែច្រើនអំពីការវាយប្រហារលើទីក្រុងគីវ ជាជាងការធានាចំពោះពលរដ្ឋរបស់ខ្លួន។ បន្ទាប់មកលោក Zelensky បានបង្វែរនិយាយអំពីទីក្រុងមូស្គូ ដោយនិយាយថា ទីក្រុងនេះបានបញ្ជូន ភេរវកររាប់ម៉ឺននាក់ ទៅកាន់ប្រទេសអ៊ុយក្រែន ចាប់តាំងពីការឈ្លានពានពេញលេញ បានចាប់ផ្តើមនៅក្នុងខែកុម្ភៈ ឆ្នាំ ២០២២។ កងទ័ពទាំងនោះបច្ចុប្បន្នកំពុងប្រព្រឹត្តយ៉ាងឃោឃៅលើអ៊ុយក្រែន ជាជាងការការពាររុស្ស៊ីប្រឆាំងការគំរាមកំហែងពិតប្រាកដនៃលទ្ធិជ្រុលនិយម។ ពួកគេដុតទីក្រុងរបស់យើង ពួកគេធ្វើទារុណកម្ម និងចាប់រំលោភ។នគរបាលអ៊ុយក្រែន បានបើកសំណុំរឿងឧក្រិដ្ឋកម្មរាប់ពាន់ករណីប្រឆាំងទាហានរុស្ស៊ី ចាប់តាំងពីខែកុម្ភៈ ឆ្នាំ ២០២២ ។

អង់គ្លេសព្រមានពូទីន កុំឲ្យប្រើការវាយប្រហារទៅលើទីក្រុងមូស្គូ ដើម្បីបង្កើនសង្គ្រាមលើអ៊ុយក្រែន

2024/03/25 11:43:06 am        104
Facebook Telegram Linkin
ចក្រភពអង់គ្លេស បានព្រមានលោក វ្ល៉ាឌីមៀ ពូទីន កុំឲ្យប្រើការវាយប្រហារភេរវកម្មដ៏សាហាវនៅទីក្រុងមូស្គូជា «លេស»ដើម្បីធ្វើឲ្យសង្រ្គាមកាន់តែខ្លាំងឡើងលើអ៊ុយក្រែន។ប្រធានាធិបតីរុស្ស៊ីរូបនេះ បានប្រើសុន្ទរកថាកាលពីថ្ងៃសៅរ៍ ដើម្បីចោទប្រកាន់ទីក្រុងទីក្រុងពីការព្យាយាមជួយខ្មាន់កាំភ្លើងចំនួន៤ នាក់ឲ្យរត់គេចខ្លួន បន្ទាប់ពីពួកគេបានបើកការបាញ់ប្រហារទៅលើជនរងគ្រោះ នៅក្នុងសាលប្រគុំតន្ត្រី ដោយបានសម្លាប់មនុស្សយ៉ាងហោចណាស់ ១៣០នាក់។ក្រុមរដ្ឋឥស្លាម (IS) បានអះអាងទទួលខុសត្រូវចំពោះការវាយប្រហារនេះបន្តិចក្រោយមក ខណៈដែលអ៊ុយក្រែន បានបដិសេធការជាប់ពាក់ព័ន្ធណាមួយឡើយ។ ការវាយតម្លៃនោះ ត្រូវបានគាំទ្រដោយសហរដ្ឋអាមេរិក ដែលបានព្រមានកាលពីប៉ុន្មានសប្តាហ៍មុនអំពីការវាយប្រហារភេរវកម្ម ដែលនឹងកើតឡើង នៅទីក្រុងមូស្គូ។កាលពីថ្ងៃសៅរ៍ ក្រុមIS បានចេញផ្សាយរូបថតសែលហ្វីរបស់ក្រុមបុរស ដែលខ្លួនបាននិយាយថា មានការជាប់ពាក់ព័ន្ធជាមួយនឹងព័ត៌មានលម្អិតអំពីរបៀបដែលពួកគេគ្រោង និងប្រតិបត្តិការវាយឆ្មក់ នៅសាលប្រគុំតន្ត្រី Crocus City Hall។ទោះបីជាយ៉ាងណាក៏ដោយ នៅក្នុងវីដេអូរយៈពេល៥នាទីដែលប្រកាសពីការចាប់ខ្លួនជនល្មើស លោកពូ ទីន បាននិយាយថា៖«ពួកគេបានព្យាយាមលាក់ខ្លួន និងគេចខ្លួនទៅប្រទេសអ៊ុយក្រែន ដែលកាលពីមុន មានច្រកមួយ ត្រូវបានរៀបចំសម្រាប់ពួកគេឆ្លងព្រំដែន»។

រដ្ឋមន្រ្តីក្រសួងបរិស្ថានចុះពិនិត្យនិងវាយតម្លៃដោយផ្ទាល់ លើគម្រោងវិនិយោគទេសចរណ៍ចំនួន១៣ កន្លែងនៅក្នុងតំបន់ការពារធម្មជាតិ នៅក្នុងខេត្តពោធិ៍សាត់...

2024/03/25 11:31:16 am        75
Facebook Telegram Linkin
ឯកឧត្តមបណ្ឌិត អ៊ាង សុផល្លែត កាលពីថ្ងៃអាទិត្យ ទី២៤ ខែមីនា ឆ្នាំ២០២៤ បានចុះពិនិត្យនិងវាយតម្លៃរកឃើញថាគម្រោងវិនិយោគ១៣កន្លែង ត្រង់ចំណុចភ្នំ១៥០០ ស្ថិតនៅក្នុងដែនជម្រកសត្វព្រៃភ្នំសំកុស ភូមិសាស្រ្តស្រុកវាលវែង ខេត្តពោធិ៍សាត់ ដែលក្នុងនោះ មានគម្រោងចំនួន៣ ស្ថិតនៅក្នុងតំបន់ស្នូល នៃតំបន់ការពារធម្មជាតិ ដែលទី១មានផ្ទៃដីទំហំ ៩,៨៦ហិចតា ,ទី២ ផ្ទៃដី៩,៦៧ ហិចតា និង ទី៣មានផ្ទៃដី ៨,៦៧ ហិចតា ,គម្រោង២កន្លែងទៀត នៅជាប់តំបន់ស្នូល ដីទំហំចំនួន ៨,៦២ ហិចតា , មានផ្ទៃដីទំហំ ៧,០៧៩ ហិចតា ,និង៨គម្រោងទៀតនៅតំបន់ទឹកធ្លាក់ ក្រពើពីរ ដែលមានផ្ទៃដីប្រមាណជាង៦០ហិកតា ។ ឯកឧត្តមបណ្ឌិត អ៊ាង សុផល្លែត បានថ្លែងថា ដោយមានបទបញ្ជារបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ក្រសួងបរិស្ថាន បានដាក់ចេញនូវវិធាន​ការ​ចុះត្រួតពិនិត្យនិងវាយតម្លៃ លើការគោរពច្បាប់និងធនធានធម្មជាតិ ចំពោះគម្រោងវិនិយោគទេស​ចរណ៍នានា ស្ថិតនៅក្នុងតំបន់ការពារធម្មជាតិ។ ឯកឧត្តមរដ្ឋមន្រ្តីបានលើកឡើងបន្ថែមថា ក្រសួងនឹងដកហូតមកវិញ និងធ្វើការដាំស្តារព្រៃឈើ​ឡើងវិញ លើគម្រោងវិនិយោគណា ដែលត្រូវបានពិនិត្យនិងវាយតម្លៃឃើញថា គម្រោងមិនបាន​អនុវត្តតាមគោលការណ៍របស់រាជរដ្ឋាភិបាល និងទុកចោល មិនបានដំណើរការអភិវឌ្ឍ​ជាច្រើនឆ្នាំកន្លងមក ។ សូមបញ្ជាក់ថា អនុលោមតាមអនុសាសន៍ណែនាំដ៏ខ្ពង់ខ្ពស់ របស់សម្តេចមហាបវរធិបតី ហ៊ុន ម៉ាណែត ក្រសួងបរិស្ថាន បានដាក់ចេញនូវយុទ្ធសាស្រ្តចក្រាវិស័យបរិស្ថាន ២០២៣-២០២៨ ដែលបានផ្តោតលើមុំចំនួន៣ គឺភាពស្អាត ភាពបៃតង និងចីរភាព។ ឯកឧត្តមរដ្ឋមន្រ្តីក្រសួងបរិស្ថាន បានថ្លែងថា ដើម្បីទទួលបានភាពបៃតងរបស់កម្ពុជា គឺយើងត្រូវរួមចំណែក ធ្វើយ៉ាងណាដាំដុះដើមឈើ ឱ្យបានច្រើននៅក្នុងប្រទេសកម្ពុជា ឆ្ពោះទៅសម្រេចបានការបង្កើនគម្របព្រៃឈើចំនួន៦០% នៅឆ្នាំ២០៥០ ហើយដើម្បីសម្រេចគោលដៅ របស់រាជរដ្ឋាភិបាលកម្ពុជា ក្រសួងបរិស្ថានបានដាក់ចេញនូវយុទ្ធានាការ ដាំដើមឈើយ៉ាងតិចចំនួន ១លាន ដើមក្នុង១ឆ្នាំ ដោយ ប្រជាពលរដ្ឋ អាចទទួលបានកូនឈើយកទៅដាំ ដោយឥតគិតថ្លៃពីក្រសួងបរិស្ថាន ដើម្បីយកទៅដាំស្តារព្រៃ ដាំនៅតាមសហគមន៍ លំនៅឋាន សាលារៀន វត្តអារាមជាដើម ចាប់ពីរដូវវស្សា ឆ្នាំ២០២៤នេះតទៅ៕

សម្តេចធិបតី ហ៊ុន ម៉ាណែត អញ្ជើញដឹកនាំគណៈប្រតិភូជាន់ខ្ពស់កម្ពុជា​ទៅបំពេញទស្សនកិច្ចនៅឡាវ

2024/03/25 11:28:02 am        64
Facebook Telegram Linkin
នៅព្រឹកថ្ងៃទី២៥ ខែមីនា ឆ្នាំ២០២៤នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី​នៃ​ព្រះរាជាណាចក្រកម្ពុជាបានដឹកនាំគណៈប្រតិភូជាន់ខ្ពស់នៃរាជរដ្ឋាភិបាលកម្ពុជា អញ្ជើញ​បំពេញ​ទស្សន​កិច្ច​ផ្លូវការនៅប្រទេសឡាវ ចាប់ពីថ្ងៃទី២៥ ដល់២៦ ខែមីនា ឆ្នាំ២០២៤នេះ តបតាម​ការ​អញ្ជើញ​របស់​លោកបណ្ឌិត សនសៃ ស៊ីផាន់ដន នាយករដ្ឋមន្ត្រីឡាវ។នៅអំឡុងម៉ោងប្រមាណ ១០ ព្រឹក សម្ដេចធិបតី នាយករដ្ឋមន្រ្ដី បាន​ដឹក​នាំ​គណៈ​ប្រតិភូ​រាជ​រដ្ឋាភិបាល​កម្ពុជាដល់អាកាសយានដ្ឋានអន្តរជាតិ Wattay នៃសាធារណរដ្ឋ​ប្រជាធិបតេយ្យ​ប្រជាមា​និត​ឡាវ និងមានការទទួលបដិសណ្ឋារកិច្ចដោយឯកឧត្តម Alounxai Sounnalath រដ្ឋមន្ត្រី​អម និងឯកឧត្តម Phoxay Khaykhamphithoune អនុរដ្ឋមន្ត្រីការបរទេស ព្រមទាំង ឯកឧត្តម Phouvong Vongkhamsao អភិបាលរងក្រុងវៀងចន្ទន៍។ឯកឧត្តម មាស សុភ័ណ្ឌ ប្រធានក្រុមអ្នកនាំពាក្យរបស់នាយករដ្ឋមន្រ្តីបានបញ្ជាក់ថា ដំណើរ​ទស្សន​កិច្ច​ផ្លូវការរបស់សម្តេចធិបតីទៅកាន់សាធារណរដ្ឋប្រជាធិបតេយ្យប្រជាមានិតឡាវ នា​ឱកាស​នេះ​នឹងធ្វើឱ្យកាន់តែស៊ីជម្រៅថែមទៀតនូវទំនាក់ទំនងទ្វេភាគី ក្នុងស្មារតី​ភាព​ជា​អ្នក​ជិត​ខាងល្អ មិត្តភាពជាប្រពៃណី និងភាពជាដៃគូយុទ្ធសាស្ត្រគ្រប់ជ្រុងជ្រោយ និងយូរ​អង្វែង​រវាង​ប្រទេស​ទាំង​ពីរព្រមទាំងពង្រឹងមូលដ្ឋានគ្រឹះ ដើម្បីវឌ្ឍនភាព និងវិបុលភាព សម្រាប់ផល​ប្រយោជន៍​របស់ប្រជាជននៃប្រទេសទាំងពីរ។ឯកឧត្តម មាស សុភ័ណ្ឌ បានគូសបញ្ជាក់ថា សម្ដេចធិបតី នឹងដឹកនាំគណៈ​ប្រតិភូជាន់​ខ្ពស់​រាជ​រដ្ឋាភិបាលកម្ពុជា ធ្វើមាតុភូមិនិវត្តន៍មកដល់ព្រះរាជាណាកម្ពុជាវិញ នៅថ្ងៃទី២៦ ខែមីនា ឆ្នាំ​២០២៤ វេលាម៉ោង ១៣:៣០ រសៀលនាទី។យោងតាមក្រសួងការបរទេសកម្ពុជា បានឱ្យដឹងថ ដំណើរ​ទស្សន​កិច្ច​ផ្លូវ​ការ​របស់​សម្តេច​ធិបតី​ទៅ​កាន់​ប្រទេសឡាវ នឹងធ្វើឱ្យកាន់តែស៊ីជម្រៅថែមទៀតនូវទំនាក់ទំនងទ្វេភាគី ក្នុងស្មារតីភាព​ជា​អ្នក​ជិត​ខាង​ល្អ មិត្តភាពជាប្រពៃណី និងភាពជាដៃគូយុទ្ធសាស្រ្តគ្រប់ជ្រុងជ្រោយ និងយូរអង្វែង​រវាង​ប្រទេស​ទាំងពីរ ព្រមទាំងពង្រឹងមូលដ្ឋានគ្រឹះដើម្បីវឌ្ឍនភាព និងវិបុលភាព​សម្រាប់​ផល​ប្រយោជន៍​របស់​ប្រជាជននៃប្រទេសទាំងពីរ៕ អត្ថបទ៖ វ៉ន ដារ៉ា

មេដឹកនាំកូរ៉េខាងជើង ចុះពិនិត្យអង្គភាពរថក្រោះ និងអំពាវនាវឱ្យមានការត្រៀមខ្លួនប្រយុទ្ធផ្លូវអាកាស

2024/03/25 11:00:57 am        62
Facebook Telegram Linkin
ទូរទស្សន៍ KRT ដែលគ្រប់គ្រងដោយរដ្ឋ បានរាយការណ៍នៅថ្ងៃចន្ទ (២៥ មីនា) នេះថា មេដឹកនាំកូរ៉េខាងជើង លោក គីម ជុងអ៊ុន (Kim Jong Un) បានទៅត្រួតពិនិត្យអង្គភាពរថក្រោះមួយ និងបានអំពាវនាវឱ្យបង្កើនការត្រៀមខ្លួនប្រយុទ្ធផ្លូវអាកាសរបស់ខ្លួន រួមទាំង «អំណាចមនោគមវិជ្ជា និងផ្លូវចិត្ត»។ក្នុងអំឡុងពេលនៃដំណើរចុះពិនិត្យកាលពីថ្ងៃអាទិត្យ (២៤ មីនា) នោះ មេបញ្ជាការកងពលបានប្រាប់លោក គីម ដោយសង្ខេបអំពីផែនការប្រតិបត្តិការវាយប្រហារ និងការពាររបស់ខ្លួន ការពិនិត្យឯកសារ និងផ្តល់ទិសដៅនៃបេសកកម្មប្រយុទ្ធ និងការហ្វឹកហ្វឺនសម្រាប់កងទ័ព នេះបើយោងតាមរបាយការណ៍របស់ KRT ។ទូរទស្សន៍ KRT បានចេញផ្សាយរូបថតដែលលោក គីម ពិនិត្យមើលទីស្នាក់ការកណ្តាលរបស់អង្គភាពកងពលរថក្រោះ សេអ៊ូល រូឃ្យុងស៊ូ ហ្កាដ លេខ ១០៥ (Seoul Ryu Kyong Su Guards 105th) នៃកងទ័ពប្រជាជនកូរ៉េ (KPA) និងកងវរសេនាធំថ្មើរជើងរថពាសដែកទីមួយ រួមទាំងសមយុទ្ធរថក្រោះ។អង្គភាពនេះ គឺជាកងពលរថពាសដែកដំបូងគេរបស់កូរ៉េខាងជើង ដែលបានចាប់ផ្តើមនៅឆ្នាំ១៩៤៨ ហើយត្រូវបានគេស្គាល់ថាមានមូលដ្ឋាននៅក្នុងខេត្ត ណស ហ័ងអ្ហេ (North Hwanghae) ភាគខាងកើតនៃរដ្ឋធានីព្យុងយ៉ាង។ វាត្រូវបានគេដាក់ឈ្មោះតាមមេបញ្ជាការស្ថាបនិករបស់ខ្លួន ដែលក៏បានដឹកនាំអង្គភាពនេះផងដែរ នៅពេលដែលកងទ័ពកូរ៉េខាងជើង បានកាន់កាប់ទីក្រុងសេអ៊ូល ក្នុងអំឡុងសង្គ្រាមកូរ៉េឆ្នាំ ១៩៥០ ដល់ ១៩៥៣៕

បណ្ដាញសង្គម

ព័ត៌មានថ្មីៗ

ក្រសួងការងារ លើកទឹកចិត្តឱ្យនិស្សិតជ័យលាភីអាហារូបករណ៍បារាំង ថ្នាក់បរិញ្ញាបត្រជាន់ខ្ពស់ ក្លាយ​ជា​ធនធានសក្តានុពល និង​ជាបេសកជនបន្តពង្រឹងទំនាក់ទំនងរវាងកម្ពុជា និងបារាំង
08/20/2025 04:08 PM
Facebook Telegram Linkin
ជនសង្ស័យ៤នាក់ ត្រូវបានកម្លាំងកងទ័ពចាប់ខ្លួនភ្លាមៗ ក្រោយពួកគេព្យាយាមដឹកកូនត្រីខុសច្បាប់ក្នុងរដូវបិទនេសាទទៅលក់បន្តអោយឈ្មួញ
08/20/2025 04:08 PM
Facebook Telegram Linkin
អតិផរណា នៅចក្រភពអង់គ្លេស ឡើងដល់កម្រិតខ្ពស់បំផុត ៣,៨ភាគរយ គិតតាំងពីដើមឆ្នាំ២០២៤
08/20/2025 04:08 PM
Facebook Telegram Linkin
យោធាអ៊ីស្រាអែល នឹងទូរស័ព្ទហៅទាហានបម្រុងចំនួន ៥០.០០០នាក់ ខណៈដែលខ្លួនមានផែនការដំណាក់កាលថ្មីនៃសង្រ្គាម នៅហ្កាហ្សា
08/20/2025 04:08 PM
Facebook Telegram Linkin
លោកស្រី Kallas៖ រដ្ឋមន្ត្រីសហភាពអឺរ៉ុប គ្រោងនឹងពិភាក្សាអំពីកញ្ចប់បន្ទាប់នៃទណ្ឌកម្មប្រឆាំងរុស្ស៊ី នៅចុងខែសីហា
08/20/2025 04:08 PM
Facebook Telegram Linkin
ទាហានរុស្ស៊ី វាយប្រហាររោងចក្រចម្រាញ់ប្រេង ដែលផ្គត់ផ្គង់ប្រេងដល់កងទ័ពអ៊ុយក្រែន នៅតំបន់ Donbass
08/20/2025 04:08 PM
Facebook Telegram Linkin
អតីតរដ្ឋមន្ត្រីកូរ៉េខាងត្បូង រងការចោទប្រកាន់ផ្លូវការ ជុំវិញតួនាទីក្នុងវិបត្តិច្បាប់អាជ្ញាសឹក
08/20/2025 04:08 PM
Facebook Telegram Linkin
ប្រធានាធិបតីលីបង់ ជំរុញឲ្យបន្តអាណត្តិរបស់កងរក្សាសន្តិភាពរបស់អង្គការសហប្រជាជាតិ
08/20/2025 04:08 PM
Facebook Telegram Linkin
ទឹកជំនន់ហូរលឿន បណ្ដាលឲ្យមនុស្សយ៉ាងតិច ១០នាក់ រងរបួស នៅក្នុងទីក្រុង Aden ប្រទេសយេម៉ែន
08/20/2025 04:08 PM
Facebook Telegram Linkin
លោក Rubio៖ អាមេរិកលែងផ្តល់អាវុធដល់អ៊ុយក្រែន និងផ្គត់ផ្គង់សព្វាវុធ ដែលអឺរ៉ុបជាអ្នកចំណាយទៀតហើយ
08/20/2025 04:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.