BTV NEWS

សម្ដេចតេជោ ហ៊ុន សែន អញ្ជើញចូលក្រាបថ្វាយបង្គុំគាល់ព្រះករុណាព្រះមហាក្សត្រ និងសម្តេចព្រះមហាក្សត្រី

សម្តេចតេជោអញ្ជើញជួបពិភាក្សាការងារជាមួយប្រធានគណៈកម្មាធិការអចិន្ត្រៃយ៍នៃសភាតំណាងប្រជាជនចិន

សម្តេចតេជោ ហ៊ុន សែន នឹងបំពេញទស្សនកិច្ចមិត្តភាពផ្លូវការនៅប្រទេសចិនរយៈពេលបីថ្ងៃចាប់ពីថ្ងៃទី២៥ដល់២៧ ខែមិថុនាខាងមុខនេះ

កម្ពុជា-អ៊ីស្រាអែល ឯកភាពបន្តជំរុញទំនាក់ទំនង និងកិច្ចសហប្រតិបត្តិការទ្វេភាគីឱ្យកាន់តែរីកចម្រើន

នយោបាយ និង ការអភិវឌ្ឍន៍

អនុស្សរណៈយោគយល់គ្នាចំនួន៤ បានចុះហត្ថលេខាក្នុងវេទិការដ្ឋាភិបាលឌីជីថល

នាព្រឹកថ្ងៃទី១១ ខែមីនា ឆ្នាំ២០២៤នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជាអធិបតីដ៏ខ្ពង់ខ្ពស់បើកវេទិការដ្ឋាភិបាលឌីជីថល លើកទី១ ឆ្នាំ២០២៤ និងពិព័រណ៍បច្ចេកវិទ្យាឌីជីថល ដែលវេទិកានេះរៀបចំដោយក្រសួងប្រៃសនីយ៍ និងទូរគមនាគមន៍ នៅមជ្ឈមណ្ឌលសន្និបាត និងពិព័រណ៍កោះពេជ្រ។បន្ទាប់ពីបានចូលរួមពិធីបើក “វេទិការដ្ឋាភិបាលឌីជីថល (Digital Government Forum)” លើកទី១ ឆ្នាំ២០២៤ សម្តេចធិបតី ហ៊ុន ម៉ាណែត នាយករដ្ឋមន្ត្រីក៏បានអញ្ជើញជាអធិបតីភាពក្នុង ពិធីចុះហត្ថលេខាលើអនុស្សរណៈនៃការយោគយល់ចំនួន ៤ រួមមាន៖១/ អនុស្សរណៈនៃការយោគយល់ស្តីពីបរិវត្តកម្មឌីជីថលរវាងក្រសួងប្រៃសណីយ៍ និងទូរគមនាគមន៍ នៃព្រះរាជាណាចក្រកម្ពុជា និងក្រសួងបច្ចេកវិទ្យា និងទូរគមនាគមន៍ នៃសាធារណរដ្ឋប្រជាមានិតឡាវ២/ អនុស្សរណៈនៃការយោគយល់ស្តីពីបរិវត្តកម្មឌីជីថលរវាងក្រសួងប្រៃសណីយ៍ និងទូរគមនាគមន៍នៃព្រះរាជាណាចក្រកម្ពុជា និងកម្មវិធីអភិវឌ្ឍន៍សហប្រជាជាតិ (UNDP) ៣/ អនុស្សរណៈនៃការយោគយល់ស្តីពីមជ្ឈមណ្ឌលសហប្រតិបតិការរដ្ឋាភិបាលឌីជីថលរវាងក្រសួងប្រៃសណីយ៍ និងទូរគមនាគមន៍នៃព្រះរាជាណាចក្រកម្ពុជា និងក្រសួងមហាផ្ទៃ និងសន្តិសុខ នៃសាធារណរដ្ឋកូរ៉េ៤/ អនុស្សរណៈនៃការយោគយល់ស្តីពីមជ្ឈមណ្ឌលបច្ចេកវិទ្យាឌីជីថលរវាងក្រសួងប្រៃសណីយ៍ និងទូរគមនាគមន៍នៃព្រះរាជាណាចក្រកម្ពុជា និងទីភ្នាក់ងារសង្គមព័ត៌មានជាតិកូរ៉េ (NIA)។

អ៊ុយក្រែន រិះគន់ សម្ដេចប៉ាប ចំពោះការអត្ថាធិប្បាយឲ្យលើកទង់ស ចរចាបញ្ចប់សង្គ្រាមជាមួយរុស្ស៊ី

ប្រទេសអ៊ុយក្រែន បានច្រានចោលយ៉ាងដាច់អហង្ការចំពោះការអំពាវនាវរបស់សម្តេចប៉ាប ហ្វ្រង់ស៊ីស ( Pope Francis) ឲ្យទីក្រុងគីវ (Kyiv) ចរចាបញ្ចប់សង្គ្រាមជាមួយរុស្ស៊ី និងជំរុញឲ្យលើកទង់ស។ រដ្ឋមន្ត្រីការបរទេសអ៊ុយក្រែននិយាយថា ខ្លួននឹងមិនលើកទង់ណាមួយ ក្រៅតែពីពណ៌ខៀវ និងលឿងរបស់ប្រទេសអ៊ុយក្រែនឡើយ។ ហើយប្រធានាធិបតីរបស់ប្រទេសនេះលោក Volodymyr Zelensky បានច្រានចោលការអត្ថាធិប្បាយថាជា ការសម្របសម្រួលគ្មានមូលដ្ឋាន ។ ក្រោយមកអ្នកនាំពាក្យរបស់បុរីវ៉ាទីកង់បាននិយាយថា សម្តេចប៉ាប កំពុងមានព្រះបន្ទូលអំពីការបញ្ឈប់ការប្រយុទ្ធគ្នាតាមរយៈការចរចា មិនមែនជាលក្ខខណ្ឌនោះទេ។ បទសម្ភាសន៍ជាមួយទូរទស្សន៍ RSI របស់ប្រទេសស្វីស ដែលបានថតកាលពីខែកុម្ភៈ គ្រោងនឹងចាក់ផ្សាយនៅថ្ងៃទី២០ ខែមីនា ជាផ្នែកនៃកម្មវិធីវប្បធម៌។ យោងតាមលិខិតមួយដែលដកស្រង់ដោយទីភ្នាក់ងារសារព័ត៌មាន Reuters សម្តេចប៉ាប ត្រូវបានស្នើឱ្យធ្វើអត្ថាធិប្បាយលើការជជែកដេញដោលគ្នារវាងអ្នកដែលចង់ឱ្យអ៊ុយក្រែនស្វែងរកដំណោះស្រាយជាមួយរុស្ស៊ី ឬគ្រវី"ទង់ស" ខណៈមានការលើកឡើងថា ការធ្វើដូច្នេះនឹងធ្វើឱ្យមានការឈ្លានពានស្របច្បាប់។សម្តេចប៉ាបត្រូវបានគេដកស្រង់សម្តីថា៖ អ្នកខ្លាំងបំផុតគឺអ្នកដែលមើលស្ថានភាព គិតពីប្រជាជន ហើយជំរុញឲ្យលើកទង់ស ចរចា។សម្ដេចបានបន្ថែមថា នៅពេលអ្នកមើលឃើញថាអ្នកចាញ់ នោះអ្វីៗមិនដំណើរការល្អទេ អ្នកត្រូវចូលរួមក្នុងការចរចា៕

កម្ពុជាបាននិងកំពុងចូលរួមជាមួយប្រទេសក្នុងតំបន់អាស៊ាន ជំរុញរៀបចំកិច្ចព្រមព្រៀងក្របខណ្ឌ សេដ្ឋកិច្ចឌីជីថលអាស៊ាន

សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានថ្លែងអះអាងថា នាពេលនេះប្រទេសកម្ពុជាបាន និងកំពុងចូលរួមជាមួយប្រទេសជាសមាជិកអាស៊ាន ជំរុញរៀបចំកិច្ចព្រមព្រៀងក្របខណ្ឌសេដ្ឋកិច្ចឌីជីថលអាស៊ាន ដើម្បីធ្វើយ៉ាងណាជួយបង្កើនទំហំសេដ្ឋកិច្ចឌីជីថលអាស៊ានពីមួយទ្រីលានដុល្លារ ដល់ពីរទ្រីលានដុល្លារអាមេរិក ក្នុងឆ្នាំ២០៣០។ការលើកឡើងរបស់សម្តេចធិបតី នាយករដ្ឋមន្រ្តីនេះគឺបានធ្វើឡើងក្នុងឱកាសអញ្ជើញជាអធិបតីពិធីបើកវេទិការដ្ឋាភិបាលឌីជីថល និងពិព័រណ៍រដ្ឋាភិបាលឌីជីថល និងបច្ចេកវិទ្យាឌីជីថលនៅកម្ពុជាអន្តរជាតិ លើកទី១ ឆ្នាំ២០២៤ ក្រោមប្រធានបទ«ការលើកកម្ពស់ចិរភាព និងបរិយាប័ន្ននៃការអភិវឌ្ឍ និងតាមរយៈការអនុវត្តគោលនយោបាយឌីជីថល» នៅព្រឹកថ្ងៃទី១១ ខែមីនា ឆ្នាំ២០២៤នេះ នៅមជ្ឈមណ្ឌលសន្និបាត និងពិព័រណ៍កោះពេជ្រ៕អត្ថបទ៖ បាន ចក់

កងទ័ពស៊ូដង់៖ គ្មានបទឈប់បាញ់នៅខែបុណ្យរ៉ាម៉ាដាននោះទេ បើគ្មានការដកថយរបស់កងកម្លាំងគាំទ្ររហ័ស

ឧត្តមសេនីយ៍យោធាជាន់ខ្ពស់ របស់ប្រទេសស៊ូដង់ម្នាក់ បាននិយាយកាលពីថ្ងៃអាទិត្យថា នឹងពុំមានបទឈប់បាញ់សម្រាប់ខែបុណ្យរ៉ាម៉ាដាន នៅក្នុងជម្លោះរបស់ប្រទេសស៊ូដង់នោះទេ លុះត្រាតែកងកម្លាំងគាំទ្ររហ័សយោធាប៉ារ៉ា ចាកចេញពីលំនៅឋានជនស៊ីវិល និងអគារសាធារណៈ។ សេចក្តីថ្លែងការណ៍នេះ ធ្វើឡើងបន្ទាប់ពីមានការអំពាវនាវដោយក្រុមប្រឹក្សាសន្តិសុខអង្គការសហប្រជាជាតិ ឱ្យផ្អាកការប្រយុទ្ធគ្នាសម្រាប់ខែដ៏ពិសិដ្ឋរបស់ពលរដ្ឋមូស្លីម។ កងកម្លាំងគាំទ្ររហ័ស ដែលបានប្រយុទ្ធជាមួយកងទ័ពអស់រយៈពេលជិត ១១ខែមកនេះ បានស្វាគមន៍ការអំពាវនាវនេះ។ ប៉ុន្តែទោះជាយ៉ាងណា នៅក្នុងសេចក្តីថ្លែងការណ៍របស់លោក ឧត្តមសេនីយ Yasser al-Atta បានលើកឡើងពីការរុលទៅមុខរបស់យោធានាពេលថ្មីៗនេះដោយកងទ័ពនៅក្នុងទីក្រុង Omdurman ជាផ្នែកនៃរដ្ឋធានីដ៏ធំទូលាយរបស់ប្រទេសស៊ូដង់។ កាលពីចុងសប្តាហ៍ ទាហានរបស់ប្រទេសស៊ូដង់ អាចត្រូវបានគេឃើញដើរនៅក្នុងស្រុក Wad Nubawi របស់ទីក្រុង Omdurman។ នៅក្នុងជម្លោះ កងទ័ពបានរុលទៅមុខភាគច្រើន ប៉ុន្តែកាលពីខែកុម្ភៈ បានអះអាងពីការរុលចូលទៅមុខយ៉ាងខ្លាំងលើកដំបូងរបស់ខ្លួន ខណៈដណ្តើមបានផ្នែកមួយចំនួននៅទីក្រុង Omdurman។ សង្រ្គាមរវាងកងទ័ព និងកងកម្លាំងគាំទ្ររហ័ស បានផ្ទុះឡើងកាលពីខែមេសា ឆ្នាំ ២០២៣ ក្នុងពេលមានភាពតានតឹងជុំវិញផែនការសម្រាប់ការផ្លាស់ប្តូរទៅជាការគ្រប់គ្រងតាមបែបស៊ីវិល។ អង្គការសហប្រជាជាតិនិយាយថា អំពើហឹង្សាបានបណ្តាលឱ្យមនុស្សជិត ២៥លាននាក់ ជាចំនួនពាក់កណ្តាលនៃប្រជាជនរបស់ប្រទេសស៊ូដង់ ត្រូវការជំនួយ ខណៈមនុស្ស ៨ លាននាក់ទៀត បានភៀសខ្លួនចេញពីលំនៅឋានរបស់ពួកគេ ហើយភាពអត់ឃ្លានកំពុងកើនឡើង។ សហរដ្ឋអាមេរិក និយាយថា ភាគីទាំងពីរបានប្រព្រឹត្តឧក្រិដ្ឋកម្មសង្គ្រាម។

សម្តេចធិបតី៖ បច្ចេកវិទ្យាជាអាទិភាពថ្មីមួយ ក្នុងយុទ្ធសាស្រ្តបញ្ចកោណរបស់រាជរដ្ឋាភិបាល នីតិកាលទី៧

សម្តេចមហាបវតធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានថ្លែងថា បច្ចេកវិទ្យា គឺជាអាទិភាពថ្មីមួយ ក្នុងយុទ្ធសាស្រ្តបញ្ចកោណរបស់រាជរដ្ឋាភិបាល នីតិកាលទី៧នេះ ហើយរាជរដ្ឋាភិបាលនឹងខិតខំលើកកម្ពស់នូវឌីជីថលូបនីយកម្មឲ្យកាន់តែខ្លាំងក្លាបន្ថែមទៀត ដើម្បីជំរុញសេដ្ឋកិច្ចកម្ពុជាឲ្យកាន់តែល្អប្រសើរ។ក្នុងឱកាសអញ្ជើញជាអធិបតីបើកវេទិការដ្ឋាភិបាលឌីជីថល និងពិព័រណ៍រដ្ឋាភិបាលឌីជីថល និងបច្ចេកវិទ្យាឌីជីថលនៅកម្ពុជាអន្តរជាតិ លើកទី១ ឆ្នាំ២០២៤ ក្រោមប្រធានបទ «ការលើកកម្ពស់ចិរភាព និងបរិយាប័ន្ននៃការអភិវឌ្ឍ និងតាមរយៈការអនុវត្តគោលនយោបាយឌីជីថល» នៅព្រឹកថ្ងៃទី១១ ខែមីនា ឆ្នាំ២០២៤នេះ នៅមជ្ឈមណ្ឌលសន្និបាត និងពិព័រណ៍កោះពេជ្រ សម្តេចធិបតី ហ៊ុន ម៉ាណែត នាយករដ្ឋមន្រ្តីបានបញ្ជាក់ថា ដើម្បីឆ្លើយតបទៅនឹងតម្រូវការថ្មីរបស់បងប្អូនប្រជាពលរដ្ឋកម្ពុជា និងអាស៊ាន និងក្នុងដំណើរឆ្ពោះទៅកាន់សេដ្ឋកិច្ច និងសង្គមឌីជីថលពេញលេញនោះសម្តេចសូមធ្វើការកោតសរសើរ និងវាយ តម្លៃខ្ពស់ចំពោះការខិតខំប្រឹងប្រែងរបស់ភាគីពាក់ព័ន្ធទាំងអស់ទាក់ទងនឹងការលើកកម្ពស់វិស័យបច្ចេកវិទ្យានេះ ខណៈវិស័យមួយនេះបានកំពុងស្ថិតនៅជាអាទិភាពមួយក្នុងយុទ្ធសាស្រ្តបញ្ចកោណរបស់រាជរដ្ឋាភិបាល អាណត្តិទី៧នេះ។សម្តេចធិបតី នាយករដ្ឋមន្រ្តីបានបន្ថែមទៀតថា សម្រាប់កម្ពុជាការធ្វើបរិវត្តកម្មឌីជីថល គឺជាការ ចាប់យក និងទាញយកផលប្រយោជន៍ជាអតិបរមា នៃការរីកចម្រើនបច្ចេកវិទ្យាគមនាគមន៍ ព័ត៌មាន និងបច្ចេកវិទ្យាឌីជីថល ដើម្បីបង្កើនផលិតភាព និងប្រសិទ្ធភាពសេដ្ឋកិច្ច ព្រមទាំងជំរុញកំណើនសេដ្ឋកិច្ចជាតិ និងកសាងសង្គមស៊ីវីល័យ ដែលពលរដ្ឋអាចទទួលបានផលប្រយោជន៍ពីការប្រើប្រាស់សេវាឌីជីថល ប្រកបដោយបរិយាប័ន្ន ភាពជឿទុកចិត្តបាន និងសុវត្ថិភាពខ្ពស់ ហើយដំណាលគ្នានេះក៏រក្សាឲ្យបាននូវអត្តសញ្ញាណ និងវប្បធម៌ជាតិផងដែរ៕ អត្ថបទ៖ បាន ចក់

ឯកឧត្តម សុខ ចិន្តាសោភា៖«ខ្ញុំមានមហិច្ឆតាចង់ឱ្យក្មួយៗនៅស្រុកអង្គស្នួលមានអ្វីៗមិនចាញ់យុវជននៅភ្នំពេញជាពិសេសក្នុងវិស័យអប់រំ និងកីឡា»

កណ្ដាល៖ កាលពីព្រឹកថ្ងៃអាទិត្យ ទី១០ ខែមីនា ឆ្នាំ២០២៤ ឯកឧត្តមឧបនាយករដ្ឋមន្ត្រី សុខ ចិន្តាសោភា រដ្ឋមន្ត្រីការបរទេស និងសហប្រតិបត្តិការអន្តរជាតិ និងជាប្រធានក្រុមការងារគណបក្សចុះមូលដ្ឋានស្រុកអង្គស្នួលបានចូលរួមជាអធិបតីក្នុងពិធីអបអរសាទរខួបលើកទី១១៣ ទិវានារីអន្តរជាតិ ៨ មីនា ក្រោមមូលបទ៖ ស្ត្រី និងក្មេងស្រី ក្នុងបរិវត្តកម្មវិធីឌីជីថល នៅទីស្នាក់ការគណបក្សស្រុកអង្គស្នួល ខេត្តកណ្តាល។ ពិធីនេះក៏មានការចូលរួមពីសំណាក់ឯកឧត្តម លោកជំទាវ អនុប្រធានក្រុមការងារចុះមូលដ្ឋានស្រុកអង្គស្នួល សមាជិកគណៈអចិន្ត្រៃយ៍គណបក្សស្រុក ប្រធានគណបក្សឃុំ គណៈចលនានារីស្រុក ចលនានារីឃុំ កុមារី ក្រុមកីឡាករ កីឡាការិនី និងក្រុមគ្រូបង្វឹកកីឡាករ សរុប ២៧៤នាក់។ ក្នុងឱកាសនោះ ឯកឧត្តម សុខ ចិន្តាសោភា ប្រធានក្រុមការងារ បានលើកឡើងពីសមិទ្ធផលសំខាន់ៗ និងគុណបំណាច់ដែលមិនអាចកាត់ថ្លៃបានរបស់គណបក្សប្រជាជនកម្ពុជា ក្រោមការដឹកនាំរបស់ សម្តេចអគ្គមហាសេនាបតីតេជោ ហ៊ុន សែន ប្រធានគណបក្ស ក្នុងការជួយ សង្គ្រោះប្រជាជនកម្ពុជាឱ្យរស់រានមានជីវិតឡើងវិញ ដែលនាំឱ្យប្រជាពលរដ្ឋមានជីវភាពរុងរឿង និងការអភិវឌ្ឍយ៉ាងឆាប់រហ័សរហូតមកដល់សព្វថ្ងៃនេះ។ គណបក្សប្រជាជនកម្ពុជាបានខិតខំបំពេញកិច្ចការងារជាច្រើនដោយមិនខ្លាចនឿយហត់ ដើម្បីបម្រើដល់ប្រជាជន និងបានយកចិត្តទុកដាក់ខ្ពស់បំផុតលើវិស័យអប់រំ ជាពិសេស តាមរយៈការសាងសង់សាលារៀន ផ្តល់សម្ភារៈសិក្សា ជាដើម។ ឯកឧត្តមប្រធានក្រុមការងារ ក៏បានលើកឡើងថា មូលបទនៃទិវានារីអន្តរជាតិឆ្នាំនេះគឺពិតជាត្រឹមត្រូវណាស់។ ជាការពិត នៅតាមបណ្តាប្រទេសមួយចំនួននៅលើសកលលោក ស្ត្រីពុំមានសិទ្ធិស្មើនឹងបុរសដូចនៅប្រទេសកម្ពុជាទេ រួមទាំងពុំមានសិទ្ធិក្នុងការបើកបរ និងពុំមានសិទ្ធិក្នុងការចូលរួមបោះឆ្នោត ដូចការចូលរួមរបស់នារីក្នុងបោះឆ្នោតជ្រើសតាំងតំណាងរាស្ត្រ នីតិកាលទី៧ នៅកម្ពុជា កាលពីថ្ងៃទី២៣ ខែកក្កដា ឆ្នាំ២០២៣កន្លងទៅនោះទេ។ ឯកឧត្តមប្រធានក្រុមការងារក៏បានសង្កត់ធ្ងន់អំពីសារសំខាន់នៃការអប់រំ ដោយបានថ្លែងអំណរគុណដល់ឱពុកម្តាយទាំងអស់ដែលបានបញ្ជូនកូនរបស់ខ្លួនទៅសាលារៀន។ ក្នុងបរិបទបច្ចុប្បន្ននេះ សិស្សានុសិស្សមិនត្រឹមតែត្រូវមានចំណេះដឹងមូលដ្ឋាន ប៉ុណ្ណោះទេ ប៉ុន្តែត្រូវមានចំណេះដឹងផ្នែកបច្ចេកវិទ្យា និងឌីជីថលទៀតផង។ សម្រាប់មូលដ្ឋានស្រុកអង្គស្នួល កាលពីឆ្នាំ២០១៤ អត្រាសិស្សានុសិស្សដែលបានប្រឡងជាប់កម្រិតបាក់ឌុប មានត្រឹមតែ ៣៣ភាគរយប៉ុណ្ណោះ ប៉ុន្តែតែនៅឆ្នាំមុននេះ អត្រាសិស្សានុសិស្សបានប្រឡងជាប់មានរហូតដល់ជិត ៩០ភាគរយ ក្នុងនោះ សិស្សានុសិស្សនិទ្ទេស A មានរហូតដល់ទៅ ២២នាក់ ដែលមិនធ្លាប់មានពីមុនឡើយ។ លទ្ធផលនៃការសិក្សាដ៏ត្រចះត្រចង់នេះ មានការចូលរួមពីតួអង្គ៣ សំខាន់ៗ គឺសិស្ស លោកគ្រូអ្នកគ្រូ និងឳពុកម្តាយ។ ឯកឧត្តមប្រធាន និងអនុប្រធានក្រុមការងារបានប្រគល់បាច់ផ្កាជូនតំណាងនារី និងការឧបត្ថម្ភមួយចំនួន ដល់គណៈចលនានារីស្រុក-ឃុំ កុមារី ក្រុមកីឡាករនិងកីឡាការិនី និងគ្រូបង្វឹក ព្រមទាំងឧបត្ថម្ភកំព្យូទ័រយួរដៃចំនួន ១០គ្រឿងដល់ចលនានារីឃុំសម្រាប់ទុកបម្រើការផងដែរ។ នៅក្នុងកម្មវិធីនេះ លោកជំទាវ រ័ត្ន ម៉ានី អនុប្រធានក្រុមការងារគណបក្សចុះមូលដ្ឋានស្រុកអង្គស្នួល បានអានព្រះរាជសាររបស់ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ក្នុងឱកាសអបអរខួបលើកទី១១៣ ទិវាអន្តរជាតិនារី ៨មីនាផងដែរ។ក្រោយការសំណេះសំណាលរបស់ឯកឧត្តមប្រធានក្រុមការងាររួច ក៏មានការពិសារអាហារសាមគ្គីរួមគ្នាផងដែរ។ អ្នកចូលរួមបានថ្លែងអំណរគុណយ៉ាងជ្រាលជ្រៅដល់ឯកឧត្តមប្រធាន ឯកឧត្តម លោកជំទាវ អនុប្រធានក្រុមការងារ សមាជិកគណៈអចិន្ត្រៃយ៍គណបក្សស្រុក ប្រធានគណបក្សឃុំ និងសមាជិក-សមាជិកាក្រុមការងារចុះមូលដ្ឋានស្រុកអង្គស្នួលទាំងអស់ដែលតែងតែយកចិត្តទុកដាក់ចំពោះតម្រូវការ និងជីវភាពរបស់ប្រជាជន ព្រមទាំងបន្តចូលរួមអភិវឌ្ឍក្នុងមូលដ្ឋានស្រុកអង្គស្នួលឱ្យកាន់តែរីកចម្រើន៕

ឯកឧត្តម អ៊ាង សុផល្លែត និង ឯកឧត្តម នាយឧត្តមសេនីយ៍ សៅ សុខា ដឹកនាំអង្គប្រជុំរៀបចំផែនការយុទ្ធនាការទប់ស្កាត់ និងបង្ក្រាបបទល្មើសកាប់ព្រៃទន្ទ្រានយកដីរដ្ឋ

ពោធិ៍សាត់៖ នៅរសៀលថ្ងៃទី១០ ខែមីនា ឆ្នាំ២០២៤ នៅសាលប្រជុំរដ្ឋបាលសាលាខេត្តពោធិ៍សាត់ ឯកឧត្តម អ៊ាង សុផល្លែត រដ្ឋមន្ត្រីក្រសួងបរិស្ថាន និងឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស និងជាប្រធានគណៈកម្មការជាតិដើម្បីបង្ការទប់ស្កាត់ និងបង្ក្រាបបទល្មើសធនធានធម្មជាតិ អញ្ជើញដឹកនាំអង្គប្រជុំរៀបចំផែនការយុទ្ធនាការទប់ស្កាត់ និងបង្ក្រាបបទល្មើសកាប់ព្រៃទន្ទ្រានយកដីរដ្ឋ នៅភូមិសាស្ត្រខេត្តពោធិ៍សាត់ ជាពិសេសបទល្មើសកាប់ទន្ទ្រានដីព្រៃរដ្ឋដោយខុសច្បាប់ដែលបាន និងកំពុងកើតមានឡើងនៅក្នុងភូមិសាស្ត្រ ស្រុកវាលវែង។ក្នុងនោះផងដែរ ឯកឧត្តម អ៊ាង សុផល្លែត បានផ្តល់ជូនថវិកាមុន តាមសំណូមពររបស់ឯកឧត្តម អភិបាលនៃគណៈអភិបាលខេត្ត ចំនួន ១០០លានរៀល និងប្រេងសាំង ១០,០០០លីត្រ និង ឯកឧត្តម នាយឧត្តមសេនីយ៍ សៅ សុខា បានផ្តល់ជូនថវិកាចំនួន ១០០លានរៀល និងប្រេងសាំង ១០,០០០លីត្រ (សរុបថវិកា ២០០លានរៀល និងប្រេងសាំង ២០,០០០លីត្រ) សម្រាប់កម្លាំងចុះប្រតិបត្តិការការពារការកាប់ទន្ទ្រានដីរដ្ឋ ។

លោក Biden និយាយថា លោក Netanyahu កំពុងធ្វើឲ្យប៉ះពាល់ដល់អ៊ីស្រាអែលជាជាងជួយប្រទេសនេះ

លោកប្រធានាធិបតីអាមេរិក Joe Biden បាននិយាយថាលោកនាយករដ្ឋមន្ត្រីអ៊ីស្រាអែល Benjamin Netanyahu កំពុងធ្វើឲ្យប៉ះពាល់កាន់តែខ្លាំងជាជាងជួយប្រទេសនេះ ដោយសារតែការមិនខ្វល់ពីការស្លាប់ជនស៊ីវិលប៉ាឡេស្ទីនជាង៣ ម៉ឺននាក់ ក្នុងតំបន់ហ្កាហ្សា ខណៈសង្រ្គាមជាមួយក្រុមហាម៉ាសនៅតែបន្ត ប៉ុន្តែនោះពុំមានន័យថា ទីក្រុងវ៉ាស៊ីនតោន នឹងបញ្ឈប់ការគាំទ្ររដ្ឋជ្វីហ្វមួយនេះនោះទេ។ អំឡុងបទសម្ភាសន៍របស់លោកជាមួយទូរទស្សន៍ MSNBC កាលពីចុងសប្ដាហ៍ លោក Biden បានរិះគន់លោកនាយករដ្ឋមន្ត្រីអ៊ីស្រាអែលជាថ្មីទៀត ជុំវិញប្រតិបត្តិការយោធារបស់ប្រទេសនេះក្នុងតំបន់ហ្កាហ្សា។ លោកប្រធានាធិបតីអាមេរិករូបនេះបានបញ្ជាក់ថា លោក Netanyahu មានសិទ្ធិការពារអ៊ីស្រាអែល លោកមានសិទ្ធិបន្តស្វែងរកការកម្ចាត់ក្រុមហាម៉ាស ប៉ុន្តែលោកត្រូវតែគិតគូរឲ្យបានហ្មត់ចត់ចំពោះអាយុជីវិតជនស៊ីវិលស្លូតត្រង់។ លោកថា ប៉ុន្តែមិនមែនការធ្វើបែបនេះនោះទេ លោក Netanyahu កំពុងធ្វើឲ្យប៉ះពាល់ដល់មុខមាត់អ៊ីស្រាអែល ជាជាងការជួយអ៊ីស្រាអែល។ នេះផ្ទុយទៅនឹងជំហររបស់អ៊ីស្រាអែល។ ខ្ញុំគិតថា នេះជាកំហុសធំណាស់ ដូច្នេះខ្ញុំចង់មើលឃើញបទឈប់បាញ់។ លោកបានបន្តថា បទឈប់បាញ់រវាងអ៊ីស្រាអែល និងក្រុមហាម៉ាស គួរតែមានរយៈពេល៦សប្ដាហ៍ និងមើលឃើញការដោះដូរអ្នកទោស ដោយលោកបន្ថែមថា គួរតែមិនអាចមានអ្វីកើតឡើងក្រៅតែពីការប្រយុទ្ធគ្នា អំឡុងខែពិសិដ្ឋមូស្លីមរ៉ាម៉ាដាន (Ramadan)ដែលបានចាប់ផ្ដើមនៅថ្ងៃអាទិត្យ១០មីនានោះទេ៕

លោកBiden និង លោកTrump ប្រមូលផ្តុំគ្នានៅរដ្ឋចចា ខណៈការប្រកួតឡើងវិញឆ្នាំ ២០២៤ កាន់តែកៀក

ទាំងលោក Donald Trump ទាំងលោកប្រធានាធិបតី Joe Biden បានរៀបចំយុទ្ធនាការឃោសនារកសំឡេងឆ្នោតនៅក្នុងរដ្ឋ ចចា (Georgia) របស់សហរដ្ឋអាមេរិក ខណៈការបោះឆ្នោតសកលរបស់បេក្ខជនទាំង២ ត្រូវបានផ្តោតការយកចិត្តទុកដាក់កាន់តែខ្លាំង។អតីតប្រធានាធិបតី វ័យ៧៧ ឆ្នាំរូបនេះ បានថ្កោលទោសសុន្ទរកថាប្រចាំឆ្នាំ របស់លោក Bidenកាលពីថ្ងៃព្រហស្បតិ៍ថា ជា ការខឹងសម្បារដ៏ងងឹតងងុល និងស្អប់ខ្ពើម។ រយៈពេលមួយម៉ោងក្នុងយុទ្ធនាការ លោកប្រធានាធិបតី Biden វ័យ៨១ ឆ្នាំ បានបង្ហាញការឯកភាពថ្មីនៅពេលលោកកំពុងបញ្ចេញវោហាសាស្ត្រប្រឆាំងគូប្រជែងរបស់លោក។ ឥឡូវនេះ បេក្ខជនទាំងពីរខិតកាន់តែជិតក្នុងការដណ្តើមបានការតែងតាំងជាបេក្ខជនប្រកួតប្រជែងតំណែងប្រធានាធិបតីនៅខែវិច្ឆិកា ឆ្នាំ២០២៤ខាងមុខ នេះ។ រហូតមកដល់ពេលនេះ លោក Trump ប្រមូលបានគណៈប្រតិភូចំនួន១.០៧៦នាក់ ហើយនៅខ្វះតែ១៣៩នាក់ទៀត គ្រប់ចំនួនដែលត្រូវការក្នុងការតែងតាំងជាផ្លូវការខាងគណបក្សសាធារណរដ្ឋ។ ចំណែកលោក Biden ប្រមូលបានប្រតិភូចំនួន ១.៨៥៩នាក់ នៅសល់តែ១០៩នាក់ទៀតប៉ុណ្ណោះ ជាចំនួនតិចតួច ជាអ្វីដែលរូបលោកត្រូវការដើម្បីឈ្នះការតែងតាំងក្នុងគណបក្សប្រជាធិបតេយ្យ។បេក្ខជនម្នាក់ៗមានឱកាសក្នុងការបញ្ចប់ភារកិច្ចក្នុងការប្រកួតប្រជែងបឋមកាលពីថ្ងៃអង្គាររួមទាំងរដ្ឋចចាផង៕

ប្រជាពលរដ្ឋប្រមាណ៦០០០នាក់ ក្នុងស្រុកបាកាន បានទទួលការពិនិត្យសុខភាពបឋម និងថ្នាំដោយឥតគិតថ្លៃ

ពោធិ៍សាត់៖ ក្រុមគ្រូពេទ្យស្ម័គ្រចិត្តឯកឧត្តម កែវ រតនៈ ប្រធានក្រុមការងារចុះមូលដ្ឋានខេត្តពោធិ៍សាត់ សហការជាមួយក្រុមការងារឯកឧត្តមបណ្ឌិត ទី នរិន្ទ ប្រធានក្រុមការងារចុះមូលដ្ឋានស្រុកបកាន បានផ្តល់សេវាពិនិត្យសុខភាពបឋម និងផ្តល់ថ្នាំដល់ប្រជាពលរដ្ឋប្រមាណ ៦០០០នាក់ មកពីបណ្តាឃុំទាំង៩ ក្នុងស្រុកបាកានដោយមិនប្រកាន់និន្នាការនយោបាយ ។ សកម្មភាពមនុស្សធម៌នេះ បានចាប់ផ្តើមពីខែមករាឆ្នាំ២០២៤ ជារៀងរាលថ្ងៃចុងសប្តាហ៍ តាមបណ្តាភូមិនានាក្នុងស្រុកបាកាន រហូតដល់ពេលនេះសម្រេចបានតាមផែនការជុំទី១ហើយ ។ តាមផែនការ សកម្មភាពមនុស្សធម៌នេះ នឹងបន្តពេញមួយឆ្នាំ២០២៤ ដោយប្តូរវេណតាមឃុំរៀងរាល់៣ខែម្តង ។ បើប្រជាពលរដ្ឋគ្រាំទ្រច្រើន សកម្មភាពនេះនឹងបន្តទៅឆ្នាំក្រោយៗទៀត ។ក្នុងឱកាសអញ្ជើញមកទទួលការពិនិត្យព្យាបាលជំងឺបឋមដោយឥតគិតថ្ងៃ លោកយាយដែលជាប្រជាពលរដ្ឋក្នុងឃុំស្នាមព្រះ បានសម្តែងក្តីរីករាយ ដោយមានក្រុមគ្រូពេទ្យស្ម័គ្រចិត្ត របស់ក្រុមការងារគណបក្សប្រជាជនកម្ពុជា បានចុះមកជួយពិនិត្យព្យាលបាល និងផ្តល់ថ្នាំពេទ្យដោយឥតគិតថ្លៃដល់មូលដ្ឋានប្រជាពលរដ្ឋ ហើយសូមស្នើរឲ្យក្រុមគ្រូពេទ្យចុះមកជាបន្តបន្ទាប់ទៀត ។ ក្នុងនោះដែរ ក្រុមការងារយុវជនគណបក្សប្រជាជនកម្ពុជាស្រុកបាកាន បានសម្តែងក្តីរីករាយដែលបានចូលរួមជួយរៀបចំកម្មវិធីពិនិត្យជំងឺបឋមដោយឥតគិតថ្លៃ ជូនប្រជាពលរដ្ឋក្នុងស្រុកបាកាន ព្រោះនេះជាការងារជួយដល់សហគមន៍ជួយដល់សង្គម ផ្តល់អត្ថប្រយោជន៍ជូនដល់ប្រជាពលរដ្ឋក្នុងមូលដ្ឋានដោយមិនប្រកាន់និន្នាការនយោបាយ ។គួរឲ្យដឹងដែរថា ក្រុមគ្រូពេទ្យស្ម័គ្រចិត្តពិនិត្យព្យាបាលជំងឺបឋមដោយឥតគិតថ្ងៃជូនដល់ប្រជាពលរដ្ឋក្នុងស្រុកបាកាន ត្រូវបានបង្កើតឡើងក្រោមគំនិតផ្តួចផ្តើម និងឧបត្ថម្ភដោយ ឯកឧត្តម កែវ រតនៈ និងសម្របសម្រួលដោយឯកឧត្តមបណ្ឌិត ទី នរិន្ទ ។ការបង្កើតឲ្យមានក្រុមគ្រូពេទ្យស្ម័គ្រចិត្តនេះ ឡើងគឺជាការយកចិត្តទុកដាក់គិតគូរពីសុខុមាលភាព និងជួយសម្រួលការលំបាករបស់ប្រជាពលរដ្ឋក្នុងមូលដ្ឋានស្រុកបាកាន ស្របតាមគន្លឹះអាទិភាពចំនួន៥គឺ «មនុស្ស ផ្លូវ ទឹក ភ្លើង និងបច្ចេកវិទ្យា» នៃយុទ្ធសាស្ត្របញ្ចកោណ-ដំណាក់កាលទី១ របស់រាជរដ្ឋាភិបាលនីតិកាលទី៧ ដែលដឹកនាំដោយសម្តេចបវរធិបតី ហ៊ុន ម៉ាណែត ៕ អត្ថបទ៖ ភិរុណ ពៅ

បណ្ដាញសង្គម

ព័ត៌មានថ្មីៗ

រដ្ឋមន្រ្ដីក្រសួងការងារ និងឯកអគ្គរដ្ឋទូតនៃសាធារណរដ្ឋកូរ៉េ ប្តេជ្ញាបន្តពង្រឹងកិច្ចសហប្រតិបត្តិការលើវិស័យការងារ បណ្តុះបណ្តាលវិជ្ជាជីវៈ និងអភិវឌ្ឍធនធានមនុស្ស

មេដឹកនាំកូរ៉េខាងជើង ត្រួតពិនិត្យការសាកល្បងអាវុធសំខាន់ដែលគេមើលឃើញថាផ្ដោតលើកូរ៉េខាងត្បូង

កម្ពុជាអំពាវនាវឱ្យមានការអនុវត្តច្បាប់អន្តរជាតិឱ្យបានពេញលេញ ដើម្បីការពារកុមារក្នុងជម្លោះប្រដាប់អាវុធ

កោះតៃវ៉ាន់ សាកល្បងការការពារប្រឆាំងនឹងការគំរាមកំហែងដែនសមុទ្ររបស់ប្រទេសចិន

សម្ដេចធិបតី ហ៊ុន ម៉ាណែត ដឹកនាំកិច្ចប្រជុំពេញអង្គគណៈរដ្ឋមន្ត្រី នៅវិមានសន្តិភាព ដើម្បីពិភាក្សា និងឆ្លងលើរបៀបវារៈមួយចំនួន

ប្រទេសកេនយ៉ា ចាប់ខ្លួនមនុស្សជាង ៣៥០នាក់ ខណៈប្រជាជនប្រារព្ធខួបនៃការតវ៉ាដ៏បង្ហូរឈាម

UN៖ ការជម្លៀសនាវិកនៅច្រកសមុទ្រHormuz ត្រូវបានផ្អាកក្រោយការវាយប្រហារនៅឈូងសមុទ្រអូម៉ង់

រលកកម្ដៅកំពុងប៉ះពាល់ដល់មនុស្សជាង១០០ លាននាក់ចាប់ពីអេស្ប៉ាញដល់អាល្លឺម៉ង់ខណៈអ្នកស្លាប់ជាង២០០នាក់

នៅព្រឹកនេះ ព្រឹទ្ធសភាបន្តសម័យប្រជុំលើកទី៥ ដើម្បីពិនិត្យហើយឱ្យយោបល់លើសេចក្តីព្រាងច្បាប់ស្តីពី«វិសោធនកម្មច្បាប់ស្តីពីផ្លូវថ្នល់»

កម្ពុជាទទួលបានមេដាយមាស ប្រាក់ សំរឹទ្ធ និងពាន៣ ពីការប្រឡងកម្មវិធី The Young Master Challenge Global Final 2026 នៅចក្រភពអង់គ្លេស

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

អនុស្សរណៈយោគយល់គ្នាចំនួន៤ បានចុះហត្ថលេខាក្នុងវេទិការដ្ឋាភិបាលឌីជីថល

អ៊ុយក្រែន រិះគន់ សម្ដេចប៉ាប ចំពោះការអត្ថាធិប្បាយឲ្យលើកទង់ស ចរចាបញ្ចប់សង្គ្រាមជាមួយរុស្ស៊ី

កងទ័ពស៊ូដង់៖ គ្មានបទឈប់បាញ់នៅខែបុណ្យរ៉ាម៉ាដាននោះទេ បើគ្មានការដកថយរបស់កងកម្លាំងគាំទ្ររហ័ស

សម្តេចធិបតី៖ បច្ចេកវិទ្យាជាអាទិភាពថ្មីមួយ ក្នុងយុទ្ធសាស្រ្តបញ្ចកោណរបស់រាជរដ្ឋាភិបាល នីតិកាលទី៧

លោក Biden និយាយថា លោក Netanyahu កំពុងធ្វើឲ្យប៉ះពាល់ដល់អ៊ីស្រាអែលជាជាងជួយប្រទេសនេះ

លោកBiden និង លោកTrump ប្រមូលផ្តុំគ្នានៅរដ្ឋចចា ខណៈការប្រកួតឡើងវិញឆ្នាំ ២០២៤ កាន់តែកៀក

ប្រជាពលរដ្ឋប្រមាណ៦០០០នាក់ ក្នុងស្រុកបាកាន បានទទួលការពិនិត្យសុខភាពបឋម និងថ្នាំដោយឥតគិតថ្លៃ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

អនុស្សរណៈយោគយល់គ្នាចំនួន៤ បានចុះហត្ថលេខាក្នុងវេទិការដ្ឋាភិបាលឌីជីថល

អ៊ុយក្រែន រិះគន់ សម្ដេចប៉ាប ចំពោះការអត្ថាធិប្បាយឲ្យលើកទង់ស ចរចាបញ្ចប់សង្គ្រាមជាមួយរុស្ស៊ី

កងទ័ពស៊ូដង់៖ គ្មានបទឈប់បាញ់នៅខែបុណ្យរ៉ាម៉ាដាននោះទេ បើគ្មានការដកថយរបស់កងកម្លាំងគាំទ្ររហ័ស

សម្តេចធិបតី៖ បច្ចេកវិទ្យា​ជាអាទិភាពថ្មីមួយ ក្នុងយុទ្ធសាស្រ្ត​បញ្ចកោណ​របស់រាជរដ្ឋាភិបាល នីតិកាលទី៧

លោក Biden និយាយថា លោក Netanyahu កំពុងធ្វើឲ្យប៉ះពាល់ដល់អ៊ីស្រាអែលជាជាងជួយប្រទេសនេះ

លោកBiden និង លោកTrump ប្រមូលផ្តុំគ្នានៅរដ្ឋចចា ខណៈការប្រកួតឡើងវិញឆ្នាំ ២០២៤ កាន់តែកៀក

ប្រជាពលរដ្ឋប្រមាណ៦០០០នាក់ ក្នុងស្រុកបាកាន បានទទួលការពិនិត្យសុខភាពបឋម និងថ្នាំដោយឥតគិតថ្លៃ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

សម្តេចធិបតី៖ បច្ចេកវិទ្យាជាអាទិភាពថ្មីមួយ ក្នុងយុទ្ធសាស្រ្តបញ្ចកោណរបស់រាជរដ្ឋាភិបាល នីតិកាលទី៧