នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតី៖ រាជរដ្ឋាភិបាល និងមហាគ្រួសារខ្មែរ​នៅ​ជាមួយ​កងទ័ព​ជួរ​មុខ​គាំទ្រ​គ្រប់​មធ្យោបាយ​ទាំង​អស់
សម្ដេចធិបតី ដឹកនាំគណៈប្រតិភូចូលក្រាបបង្គំគាល់ព្រះករុណា ព្រះមហាក្សត្រ ទូលថ្វាយលទ្ធផលចុះបញ្ជីបូជនីយដ្ឋានចងចាំនៃកម្ពុជា ក្នុងបញ្ជីបេតិកភណ្ឌពិភពលោក
សភាតំណាងប្រជាជនចិនចាត់ទុកសម្តេចតេជោ ជាតួអង្គសំខាន់បន្ត​ពីព្រះបរម​រតនកោដ្ឋ​ក្នុង​ការ​ពូន​ជ្រំ​ទំនាក់ទំនងរវាងកម្ពុជា និងចិន
សម្តេចតេជោអនុញ្ញាតឱ្យសមាជិកគណៈកម្មាធិការអចិន្ត្រៃយ៍សភាប្រជាជនចិនជួបសម្តែងការគួរសម

នយោបាយ​ និង ការអភិវឌ្ឍន៍

កូរ៉េខាងជើងអះអាងថា ខ្លួនបានសាកល្បងមីស៊ីល តម្រង់គោលដៅប្រភេទថ្មីដែលមានសមត្ថភាពបំពាក់ក្បាលគ្រាប់នុយក្លេអ៊ែរ

2024/01/25 10:39:00 am        174
Facebook Telegram Linkin
ប្រទេសកូរ៉េខាងជើងបានអះអាងថា ខ្លួនបានបាញ់សាកល្បងមីស៊ីលតម្រង់គោលដៅជំនាន់ថ្មីជាលើកដំបូង ខណៈនៅតែបន្តពង្រីកសមត្ថភាពយោធារបស់ខ្លួន។ទីភ្នាក់ងារសារព័ត៌មានផ្លូវការមជ្ឈិមកូរ៉េ បានរាយការណ៍នៅថ្ងៃព្រហស្បតិ៍ ទី២៥មករា នេះ ថា មីស៊ីលឈ្មោះ Pulhwasal-3-31 នៅតែស្ថិតក្នុងដំណាក់កាលអភិវឌ្ឍន៍របស់ខ្លួន ហើយបានហៅមីស៊ីលនេះថាជាយុទ្ធសាស្ត្រ ដែលបង្ហាញពីចេតនាបំពាក់អាវុធនុយក្លេអ៊ែរ។ ទីភ្នាក់ងារសារព័ត៌មានរដ្ឋ KCNA ពុំបានបញ្ជាក់ពីចំនួនមីស៊ីលដែលត្រូវបានបាញ់នោះទេ។ ប្រភពដដែលបាននិយាយថា ការបាញ់សាកល្បងនេះ ពុំមានផលប៉ះពាល់ដល់សន្តិសុខនៃប្រទេសជិតខាងទេ ហើយមិនមានជាប់ទាក់ទងនឹងស្ថានភាពក្នុងតំបន់ដែរ។អគ្គសេនាធិការចម្រុះរបស់កូរ៉េខាងត្បូងបាននិយាយកាលពីព្រឹកថ្ងៃពុធថា ខ្លួនបានតាមដានការបាញ់ មីស៊ីលជាច្រើនគ្រាប់ចេញពីឆ្នេរសមុទ្រភាគខាងលិចរបស់ប្រទេសកូរ៉េខាងជើង។ អគ្គសេនាធិការចម្រុះរបស់កូរ៉េខាងត្បូង បាននិយាយថា ខ្លួនកំពុងវិភាគលើការបាញ់ដែលធ្វើឡើងបន្ទាប់ពីការសាកល្បងកាលពីថ្ងៃទី ១៩ ខែមករា នៃយានដ្រូនវាយប្រហារក្រោមទឹកដែលមានសមត្ថភាពបំពាក់អាវុធនុយក្លេអ៊ែរ និងការបាញ់សាកល្បងមីស៊ីលអន្តទ្វីបរយៈចម្ងាយមធ្យមប្រើឥន្ធនៈរឹងដំបូងរបស់ទីក្រុងព្យុងយ៉ាងកាលពី៥ថ្ងៃមុន។ នៅថ្ងៃព្រហស្បតិ៍នេះ កូរ៉េខាងត្បូងបាននិយាយថាខ្លួនគិតថាការបាញ់នេះគឺជាការសាកល្បងការដំឡើងកម្រិតសមត្ថភាពមីស៊ីលដែលមានស្រាប់។ គួររម្លឹកថា កូរ៉េខាងជើងបានបាញ់សាកល្បងមីស៊ីលជាយុទ្ធសាស្ត្រលើកដំបូងរបស់ខ្លួនកាលពីខែកញ្ញា ឆ្នាំ២០២១៕

លោកអេរដូហ្គែន៖ ទួរគី និងអ៊ីរ៉ង់យល់ព្រមលើតម្រូវការ ដើម្បីជៀសវាងភាពតានតឹង នៅមជ្ឈិមបូព៌ា

2024/01/25 10:34:59 am        91
Facebook Telegram Linkin
ប្រធានាធិបតីទួរគី លោក តាយីប អេរដូហ្គែន (Tayyip Erdogan) បានថ្លែងថា លោក និងសមភាគីអ៊ីរ៉ង់ លោក អ៊ីប្រាហ៊ីម រ៉េស៊ី ( Ebrahim Raisi) បានព្រមព្រៀងគ្នា នៅក្នុងកិច្ចប្រជុំមួយ កាលពីថ្ងៃពុធស្តីពីតម្រូវការ ដើម្បីជៀសវាងវិធានការនានា ដែលអាចគំរាមកំហែងដល់ស្ថិរភាព នៅមជ្ឈិមបូព៌ា រយៈពេលបីខែទៅក្នុងសង្រ្គាមហ្កាហ្កា។ប្រទេសទួរគី ដែលគាំទ្រដំណោះស្រាយរដ្ឋពីរចំពោះជម្លោះអ៊ីស្រាអែល-ប៉ាឡេស្ទីន ដែលមានអាយុកាលរាប់ទសវត្សរ៍ បានរិះគន់អ៊ីស្រាអែលយ៉ាងខ្លាំងចំពោះការវាយប្រហាររបស់ខ្លួន លើតំបន់ហ្កាហ្សា បានអំពាវនាវឲ្យមានបទឈប់បាញ់ជាបន្ទាន់ និងបានគាំទ្រចំណាត់ការផ្លូវច្បាប់សម្រាប់អ៊ីស្រាអែលដែលត្រូវកាត់ទោសពីបទប្រល័យពូជសាសន៍។មិនដូចសម្ព័ន្ធមិត្តលោកខាងលិច និងប្រទេសអារ៉ាប់មួយចំនួនទេ សមាជិកអង្គការណាតូទួរគី មិនចាត់ទុកក្រុមសកម្មប្រយុទ្ធប៉ាឡេស្ទីនហាម៉ាស ដែលការវាយប្រហារកាលពីថ្ងៃទី៧ ខែតុលា លើអ៊ីស្រាអែលនាំទៅដល់យុទ្ធនាការសងសឹករបស់អ៊ីស្រាអែលលើតំបន់ហ្កាហ្សា ដែលជាក្រុមភេរវកម្មទេ។ប្រទេសអ៊ីរ៉ង់ដឹកនាំអ្វីដែលខ្លួនហៅថា អ័ក្សនៃការតស៊ូដែលជាសម្ព័ន្ធភាពធូររលុង រួមមានក្រុមហាម៉ាស និងក្រុមមូស្លីមនិកាយស៊ីអ៊ីត (Shi'ite) ប្រដាប់អាវុធ នៅជុំវិញតំបន់ ដែលបានប្រឈមមុខនឹងយោធាអ៊ីស្រាអែល និងសម្ព័ន្ធមិត្តលោកខាងលិច។ ប្រទេសនេះ បានបញ្ចេញសំឡេងគាំទ្រដល់ក្រុមហាម៉ាស។ថ្លែងនៅក្នុងសន្និសីទសារព័ត៌មានមួយ បន្ទាប់ពីជួបលោករ៉េស៊ី ក្នុងទីក្រុងអង់ការ៉ា លោកអេរដូហ្គែន បាននិយាយថា មេដឹកនាំទាំងពីរ បានពិភាក្សាអំពីការបញ្ចប់ការវាយប្រហារ «អមនុស្សធម៌» របស់អ៊ីស្រាអែល លើតំបន់ហ្កាហ្សា និងតម្រូវការ ដើម្បីចាត់វិធានការសម្រាប់សន្តិភាពដ៏ត្រឹមត្រូវ និងយូរអង្វែង នៅក្នុងតំបន់នេះ។

ប្រទេសកោះ ណូរូ ដែលជាអតីតសម្ព័ន្ធមិត្តកោះតៃវ៉ាន់ បង្កើតទំនាក់ទំនងការទូតឡើងវិញជាមួយចិន

2024/01/25 10:27:57 am        120
Facebook Telegram Linkin
ប្រទេសចិន និងប្រទេសកោះ ណូរូ បានបង្កើតទំនាក់ទំនងការទូតឡើងវិញកាលពីថ្ងៃពុធ (២៤ មករា) បន្ទាប់ពីប្រទេសកោះប៉ាស៊ីហ្វិកដ៏តូចមួយនេះបានផ្តាច់ទំនាក់ទំនងដោយមិនបានរំពឹងទុកជាមួយអតីតសម្ព័ន្ធមិត្តកោះតៃវ៉ាន់របស់ខ្លួនកាលពីដើមខែនេះ ត្រឹមតែពីរថ្ងៃបន្ទាប់ពីមេដឹកនាំតៃវ៉ាន់ថ្មីត្រូវបានជ្រើសរើស។ក្នុងអំឡុងពេលពិធីមួយនៅទីក្រុងប៉េកាំង រដ្ឋមន្ត្រីការបរទេសចិនលោក វ៉ាង យី (Wang Yi) និងសមភាគីណូរូ លោក លីអូណែល អាំងហ្គីមៀ (Lionel Aingimea) បានចុះហត្ថលេខាជាផ្លូវការលើឯកសារមួយដើម្បីស្តារទំនាក់ទំនងទ្វេភាគីឡើងវិញ ដោយចំណងមិត្តភាពនៅថ្នាក់ឯកអគ្គរដ្ឋទូតនឹងចាប់ផ្តើមឡើងវិញភ្លាមៗ។តំបន់ប៉ាស៊ីហ្វិកបានក្លាយទៅជាប្រភពនៃការប្រកួតប្រជែងដ៏ខ្លាំងក្លាសម្រាប់ឥទ្ធិពលរវាងទីក្រុងវ៉ាស៊ីនតោន ដែលបានចាត់ទុកតំបន់នេះជាផ្លូវក្រោយរបស់ខ្លួន និងទីក្រុងប៉េកាំង ដែលបានកំណត់គោលដៅលើបណ្ដាសម្ព័ន្ធមិត្តការទូតរបស់កោះតៃវ៉ាន់នៅទីនោះ។យោងតាមឯកសារនោះបានឲ្យដឹងថា ប្រទេសកោះ ណូរូ ទទួលស្គាល់ថាមាន «ប្រទេសចិនតែមួយគត់ក្នុងពិភពលោក» ដែលគ្រប់គ្រងដោយសាធារណរដ្ឋប្រជាមានិតចិន ហើយថាកោះតៃវ៉ាន់ជាផ្នែកមួយដែលមិនអាចកាត់ផ្តាច់បានរបស់ចិន។ ប្រទេសចិនទាមទារកោះតៃវ៉ាន់ជាទឹកដីរបស់ខ្លួន ហើយកោះនេះមិនមានសិទ្ធិក្នុងទំនាក់ទំនងរដ្ឋ និងរដ្ឋទេ ដោយនោះជាជំហរមួយដែលកោះតៃវ៉ាន់ជំទាស់ជាខ្លាំង៕

លោក Trump និងលោក Biden ផ្តោតលើការតទល់គ្នាជាថ្មី ក្នុងការបោះឆ្នោតសកល ខណៈលោកស្រី Haley ប្ដេជ្ញាបន្តទៅមុខ

2024/01/25 10:23:48 am        75
Facebook Telegram Linkin
លោក ដូណាល់ ត្រាំ (Donald Trump) និងលោក ចូ បៃដិន (Joe Biden) បានវាយប្រហារគ្នាទៅវិញទៅមកកាលពីថ្ងៃពុធ (២៤ មករា) ខណៈដែលពួកគេរៀបចំត្រៀមសម្រាប់លទ្ធភាពនៃការតទល់គ្នាឡើងវិញក្នុងការបោះឆ្នោតសកលនៅខែវិច្ឆិកា បន្ទាប់ពីជ័យជម្នះរបស់លោក ត្រាំ ក្នុងការបោះឆ្នោតបឋមនៃបេក្ខភាពប្រធានាធិបតីរបស់គណបក្សសាធារណរដ្ឋនៅរដ្ឋ ញ៉ូវហែមស៊ៀ (New Hampshire) សហរដ្ឋអាមេរិក។ជ័យជម្នះនោះបានធ្វើឱ្យការតែងតាំងជាបេក្ខជនតំណែងសេតវិមានរបស់លោក ត្រាំ ទំនងជាអាចទៅរួចកាន់តែខ្លាំងឡើង ទោះបីជាគូប្រជែងចុងក្រោយរបស់ខ្លួនគឺលោកស្រី នីកគី ហាលី (Nikki Haley) បានប្តេជ្ញាបន្តទៅមុខនៅក្នុងការប្រជែងនេះក៏ដោយ។ការឈ្នះឆ្នោតក្នុងការប្រជែងជ្រើសរើសបេក្ខភាពរបស់អតីតប្រធានាធិបតីបក្សសាធារណរដ្ឋ លោក ត្រាំ បានធ្វើឲ្យលោកដើរលើផ្លូវដែលស្ទើរតែជាក់លាក់មួយឆ្ពោះទៅរកការប្រកួតប្រជែងក្នុងការបោះឆ្នោតសកលជាមួយប្រធានាធិបតីបក្សប្រជាធិបតេយ្យ លោក បៃដិន។យុទ្ធនាការបោះឆ្នោតឡើងវិញរបស់លោក បៃដិន បានចេញសេចក្តីថ្លែងការណ៍មួយដោយនិយាយថា «ឥឡូវនេះច្បាស់ណាស់ថា លោក ដូណាល់ ត្រាំ នឹងក្លាយជាបេក្ខភាពប្រធានាធិបតីមកពីគណបក្សសាធារណរដ្ឋ» ហើយបានចេញការព្រមានម្តងហើយម្តងទៀតថា អតីតប្រធានាធិបតីរូបនេះគឺជាការគំរាមកំហែងដល់លទ្ធិប្រជាធិបតេយ្យ។លោក ត្រាំ បានបង្ហោះលើវេទិកាប្រព័ន្ធផ្សព្វផ្សាយសង្គម ទ្រូស សូសល់ (Truth Social) របស់ខ្លួនដោយនិយាយឡើងវិញនូវការចោទប្រកាន់ដែលគ្មានមូលដ្ឋានថាលោក បៃដិន និងក្រសួងយុត្តិធម៌ បានជាប់ពាក់ព័ន្ធក្នុងការធ្វើទុក្ខបុកម្នេញផ្នែកនយោបាយ បន្ទាប់ពីការចោទប្រកាន់ពីបទឧក្រិដ្ឋជាច្រើនករណីទៅលើលោក ត្រាំ កាលពីឆ្នាំមុន៕

ទេសរដ្ឋមន្ត្រី៖ អ៊ីរ៉ង់ឥឡូវជាគោលដៅស្របច្បាប់សម្រាប់ការវាយប្រហារដោយមីស៊ីលរបស់អ៊ីស្រាអែល

2024/01/25 10:18:43 am        68
Facebook Telegram Linkin
ក្រុមទេសរដ្ឋមន្ដ្រីភាគច្រើនរបស់ប្រទេសនេះ បានប្រាប់សារព័ត៌មាន Telegraphថា៖« ពេលនេះ អ៊ីរ៉ង់ គឺជា «គោលដៅស្របច្បាប់»សម្រាប់ការវាយប្រហារដោយមីស៊ីលរបស់អ៊ីស្រាអែល ដោយបង្កើនការរំពឹងទុកនៃសង្គ្រាមពេញទំហឹងជាមួយទីក្រុងតេអេរ៉ង់។នៅក្នុងបទសម្ភាសន៍ដ៏វែងមួយ លោក នី បាកាត (Nir Barkat) រដ្ឋមន្ត្រីសេដ្ឋកិច្ចរបស់អ៊ីស្រាអែល ក៏បាននិយាយផងដែរថា ប្រជាជនប៉ាឡេស្ទីនមកពីតំបន់វេបែង (West Bank) នឹងមិនត្រូវបានគេអនុញ្ញាតឲ្យ ធ្វើការ នៅក្នុងប្រទេសនេះទៀតទេ ហើយនឹងត្រូវបានជំនួសដោយកម្មករបរទេសដែលនាំចូលច្រើនជាងមួយភាគនៃមួយលាននាក់។លោកក៏បានបញ្ជាក់ថា សង្គ្រាមនៅតំបន់ហ្កាហ្សា មិនបានវាយលុកឲ្យបានខ្លាំងក្លាគ្រប់គ្រាន់នៅឡើយទេ។លោកបាកាត់ ដែលពេញចិត្តក្នុងការស្នងតំណែងលោកបេនចាមីន ណេតាន់យ៉ាហ៊ូ(Benjamin Netanyahu) ជាមេដឹកនាំគណបក្ស Likud ដែលកំពុងកាន់អំណាច បាននិយាយថា អ៊ីស្រាអែល អាចមានលទ្ធភាព បន្តការប្រយុទ្ធនិងបើកខែ្សត្រៀមជួរមុខថ្មីជាមួយប្រទេសលីបង់ ទោះបីជាមានការខាតបង់ប្រាក់ពាន់លានសេកែល (២០០លានផោន) ក្នុងមួយថ្ងៃនៃជម្លោះនេះក៏ដោយ។លោកបាននិយាយថា៖«វិបត្តិដ៏ធំនេះ វាក៏ជាឱកាសដ៏ធំមួយផងដែរ» ដោយរដ្ឋាភិបាលជុំវិញពិភពលោកត្រូវការអ្នកជំនាញបច្ចេកទេសរបស់អ៊ីស្រាអែល ដើម្បីប្រយុទ្ធប្រឆាំងនឹងជីហាដនិយម ជាសកល។ហានិភ័យនៃសង្រ្គាមរីករាលដាលដល់ប្រទេសលីបង់ និងរហូតដល់ប្រទេសអ៊ីរ៉ង់ នឹងធ្វើឲ្យមេដឹកនាំលោកខាងលិច ព្រួយបារម្ភ ដោយលោកបាកាត កាន់តែមានឥទ្ធិពល នៅក្នុងគណបក្សដែលកំពុងកាន់អំណាច។

យោធាចិននិយាយថា ការឆ្លងកាត់នាវាពិឃាដអាមេរិក នៅច្រកសមុទ្រតៃវ៉ាន់ ជំរុញឲ្យមានការឆ្លងកាត់តាមទំនើងចិត្ត

2024/01/25 10:15:23 am        124
Facebook Telegram Linkin
យោងតាមសេចក្តីថ្លែងការណ៍មួយ យោធាចិនបាននិយាយថា ខ្លួនបានរៀបចំកងទ័ពដើម្បីតាមដាន និងឃ្លាំមើលនាវាពិឃាតមួយគ្រឿងរបស់សហរដ្ឋអាមេរិក ដែលបានឆ្លងកាត់ច្រកសមុទ្រតៃវ៉ាន់ កាលពីថ្ងៃពុធ ។ អ្នកនាំពាក្យរបស់ទីបញ្ជាការភាគខាងកើតនៃកងទ័ពរំដោះប្រជាជនចិនបាននិយាយថា នាវាពិឃាត អាមេរិក USS John Finn ឆ្លងកាត់ដោយចំហ តាមទំនើងចិត្ត នៅក្នុងសេចក្តីថ្លែងការណ៍មួយដែលបានចេញផ្សាយកាលពីល្ងាចថ្ងៃពុធ។ អ្នកនាំពាក្យបាននិយាយថា ថ្មីៗនេះ យោធាសហរដ្ឋអាមេរិកបានធ្វើសកម្មភាពញុះញង់ និងបំផ្លាញសន្តិភាព និងស្ថិរភាពក្នុងតំបន់។ កងទ័ពនៅទីបញ្ជាការភាគខាងកើត មានការប្រុងប្រយ័ត្នខ្ពស់គ្រប់ពេលវេលា និងការពារអធិបតេយ្យភាពជាតិយ៉ាងម៉ឺងម៉ាត់។កងទ័ពជើងទឹកសហរដ្ឋអាមេរិកបានបើកនាវាចម្បាំងដំបូងរបស់ខ្លួនឆ្លងកាត់ច្រកសមុទ្រតៃវ៉ាន់ដ៏រសើបកាលពីថ្ងៃពុធបន្ទាប់ពីការបោះឆ្នោតជ្រើសរើសមេដឹកនាំ និងសភានៅលើកោះនេះ ដែលទាក់ទាញការខឹងសម្បារពីទីក្រុងប៉េកាំង។កងទ័ពជើងទឹកអាមេរិកបាននិយាយនៅក្នុងសេចក្តីថ្លែងការណ៍របស់ខ្លួនថា ការឆ្លងកាត់របស់នាវាពិឃាត John Finn នៅច្រកសមុទ្រតៃវ៉ាន់ បង្ហាញពីការប្តេជ្ញាចិត្តរបស់សហរដ្ឋអាមេរិក ក្នុងការលើកកម្ពស់សេរីភាពនៃការធ្វើនាវាចរណ៍សម្រាប់ប្រជាជាតិទាំងអស់ជាគោលការណ៍ ។ការឆ្លងកាត់ចុងក្រោយនេះបានកើតឡើងស្របពេលក្រុមមន្ត្រីជាន់ខ្ពស់សហរដ្ឋអាមេរិក ធ្វើទស្សនកិច្ចនៅទីក្រុងតៃប៉ិ បង្ហាញការគាំទ្របន្ទាប់ពីការបោះឆ្នោតកាលពីថ្ងៃទី ១៣ ខែមករារបស់កោះនេះ៕

ស្អែកនេះ សម្តេចធិបតី ហ៊ុន ម៉ាណែត នឹងអញ្ជើញដឹកនាំកិច្ចប្រជុំពេញអង្គគណៈរដ្ឋមន្ត្រី

2024/01/25 09:39:37 am        188
Facebook Telegram Linkin
នៅថ្ងៃទី២៦ ខែមករា ឆ្នាំ២០២៤ស្អែកនេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃ​ព្រះរាជាណាចក្រកម្ពុជា នឹងអញ្ជើញជាអធិបតីភាពដ៏ខ្ពង់ខ្ពស់​ដឹកនាំ​ប្រជុំ​ពេញ​អង្គ​គណៈ​រដ្ឋ​មន្ត្រី ដើម្បីពិភាក្សា និងឆ្លងរបៀបវារៈមួយចំនួន។របៀបវារៈដែលនឹងត្រូវយកមកពិភាក្សា និងឆ្លងនោះរួមមាន៖ទី១. របាយការណ៍វឌ្ឍនភាព និងទិសដៅទៅមុខ នៃការរៀបចំក្របខ័ណ្ឌតាមដាន និងវាយតម្លៃ​ការ​អនុវត្តយុទ្ធសាស្ត្របញ្ចកោណដំណាក់កាលទី១។ទី២. សេចក្តីព្រាងអនុក្រឹត្យ ស្ដីពីការកែសម្រួលអនុក្រឹត្យស្ដីពីការរៀបចំ និងការប្រព្រឹត្ត​ទៅរបស់​ក្រុមប្រឹក្សា​ភិបាលសិក្សាទីផ្សារ និងផ្សព្វផ្សាយទេសចរណ៍កម្ពុជា។ទី៣. បញ្ហាផ្សេងៗ

របាយការណ៍៖ ការអភិវឌ្ឍនបញ្ញាសិប្បនិម្មិត(AI)របស់កូរ៉េខាងជើង បង្កើនក្ដីបារម្ភកាន់តែខ្លាំង

2024/01/25 09:05:00 am        71
Facebook Telegram Linkin
យោងតាមការសិក្សាថ្មីមួយ ប្រទេសកូរ៉េខាងជើងកំពុងអភិវឌ្ឍបញ្ញាសិប្បនិម្មិត (AI) និងម៉ាស៊ីនបង្រៀនសម្រាប់អ្វីគ្រប់យ៉ាងពីវិធីឆ្លើយតបទៅនឹងវីរុសCOVID-19 និងការពាររ៉េអាក់ទ័រនុយក្លេអ៊ែររហូតដល់ការប្រដូចទៅនឹងការធ្វើសង្គ្រាមពិតៗ និងការឃ្លាំមើលរបស់រដ្ឋាភិបាល។ លោក យុគ គីម (Hyuk Kim) អ្នកស្រាវជ្រាវនៃមជ្ឈមណ្ឌលការសិក្សាមិនស្វែងរកប្រាក់ចំណេញJames Martin (CNS) នៅរដ្ឋកាលីហ្វ័រនីញ៉ា សហរដ្ឋអាមេរិក បានសរសេរថា ទណ្ឌកម្មអន្តរជាតិដែលដាក់លើកម្មវិធីអាវុធនុយក្លេអ៊ែររបស់ខ្លួន អាចនឹងរារាំងការប៉ុនប៉ងរបស់កូរ៉េខាងជើង ដើម្បីទទួលបានផ្នែករឹង AI (AI hardware)ប៉ុន្តែប្រទេសនេះទំនងជាកំពុងស្វែងរកបច្ចេកវិទ្យាចុងក្រោយបង្អស់។ លោក Kim បានសរសេរនៅក្នុងរបាយការណ៍នេះ ដែលដកស្រង់ព័ត៌មានប្រភពបើកចំហ រួមទាំងប្រព័ន្ធផ្សព្វផ្សាយរដ្ឋ និងទិនានុប្បវត្តិ ហើយត្រូវបានបោះពុម្ពផ្សាយកាលពីថ្ងៃអង្គារដោយមជ្ឈមណ្ឌល38 North ថា ការខិតខំប្រឹងប្រែងនាពេលថ្មីៗនេះរបស់កូរ៉េខាងជើងក្នុងការអភិវឌ្ឍន៍ AI/ML បង្ហាញពីការវិនិយោគជាយុទ្ធសាស្រ្តដើម្បីជំរុញសេដ្ឋកិច្ចឌីជីថលរបស់ខ្លួន។ របាយការណ៍បានរកឃើញថា ក្រុមអ្នកស្រាវជ្រាវ AI របស់កូរ៉េខាងជើងមួយចំនួនបានសហការជាមួយក្រុមអ្នកប្រាជ្ញបរទេស រួមទាំងនៅក្នុងប្រទេសចិនផងដែរ។ ទីភ្នាក់ងារចារកម្មរបស់ទីក្រុងសេអ៊ូលបាននិយាយកាលពីថ្ងៃពុធថា ខ្លួនបានរកឃើញសញ្ញាដែលថាក្រុមអ្នកចូលលួចទិន្នន័យតាមអ៊ីនធឺណិត(Hacker)កូរ៉េខាងជើងបានប្រើប្រាស់ AI ជំនាន់ថ្មីដើម្បីស្វែងរកគោលដៅ និងស្វែងរកបច្ចេកវិទ្យាដែលត្រូវការសម្រាប់ការលួចចូល ទោះបីទំនងជាពួកគេមិនទាន់បានប្រើប្រាស់ នៅក្នុងការវាយប្រហារតាមអ៊ីនធឺណិតពិតប្រាកដក៏ដោយ។ របាយការណ៍នេះបាននិយាយថា ប្រទេសកូរ៉េខាងជើងបានបង្កើតវិទ្យាស្ថានស្រាវជ្រាវបញ្ញាសិប្បនិម្មិតកាលពីឆ្នាំ២០១៣ ហើយក្នុងប៉ុន្មានឆ្នាំថ្មីៗនេះមានក្រុមហ៊ុនជាច្រើនបានផ្សព្វផ្សាយផលិតផលពាណិជ្ជកម្មដោយប្រើ AI៕

ក្រសួងវប្បធម៌ សម្រេចលទ្ធផលការងារជាង៩៦% តាមផែនការដែលបានកំណត់ក្នុងឆ្នាំ២០២៣

2024/01/24 02:29:19 pm        106
Facebook Telegram Linkin
ក្នុងពិធីបើកសន្និបាតបូកសរុបលទ្ធផលការងារឆ្នាំ២០២៣ និងលើកទិសដៅការងារឆ្នាំ២០២៤ របស់ក្រសួងវប្បធម៍ និងវិចិត្រសិល្បៈ បានសម្រេចលទ្ធផលការងារ ជាង៩៦% តាមផែនការដែលបានកំណត់ក្នុងឆ្នាំ២០២៣ នៅព្រឹកថ្ងៃទី២៤ ខែមករា ឆ្នាំ២០២៤ នាសាលសន្និសិទចតុម្មុខ រាជធានីភ្នំពេញ។ឯកឧត្តម ហាប់ ទូច រដ្ឋលេខាធិការក្រសួងវប្បធម៌ និងវិចិត្រសិល្បៈ បានអោយដឹងថា សកម្មភាពការងាររបស់ក្រសួងវប្បធម៌ និងវិចិត្រសិល្បៈក្នុងឆ្នាំ២០២៣កន្លងទៅ មានចំនួនសរុបប្រមាណ ៧,៩៤០ ក្នុងនោះសកម្មភាពការងារក្នុងផែនការមានចំនួនប្រមាណ ១,៥១៥ និងសកម្មភាពការងារក្រៅផែនការមានចំនួនប្រមាណ៦,៤២៥។ បើធៀបនឹងឆ្នាំ២០២២ សកម្មភាពការងារជារួមក្នុងឆ្នាំ២០២៣ មានការកើនឡើងចំនួន ៤,២២៣ សកម្មភាព ស្មើនឹង១១៣.៦១% រីឯចំនួនឯកសារចេញ-ចូលក្រសួង មានចំនួន ៦,០២៩ មានការកើនឡើងចំនួន ១៤០.៣% បើធៀបនឹងឆ្នាំ២០២២។ ក្នុងទិដ្ឋភាពរួម ក្រសួងសម្រេចបានលទ្ធផលការងារចំនួន ៩៦.៨២% ដោយក្នុងនោះ ការងារនៅក្នុងផែនការសម្រេចបាន ៩៤.០៥% រីឯការងារនៅក្រៅផែនការសម្រេចបាន ៩៨.៨១%។ ទន្ទឹមនឹងនោះការសម្រេចបាននូវការអនុវត្តផែនការ ក៏មានបញ្ហាប្រឈមផងដែរ នៅក្នុងសេចក្តីព្រាងរបាយការណ៍សន្និបាត បានបង្ហាញនូវបញ្ហាប្រឈម និងសំណូមពរ សំខាន់ៗដូចជា៖ បញ្ហាធនធានមនុស្ស បទល្មើសក្នុងវិស័យវប្បធម៌ បញ្ហាប្រឈមផ្នែកវប្បធម៌អរូបី នៅថ្នាក់មន្ទីរផងដែរ។នាឱកាសនោះលោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ បានវាយតម្លៃខ្ពស់ ចំពោះកិច្ចខិតខំប្រឹងប្រែង និងការលះបង់ខ្ពស់ របស់ថ្នាក់ដឹកនាំ និងមន្ត្រីគ្រប់កម្រិត របស់ក្រសួងវប្បធម៌ និងវិចិត្រសិល្បៈ ដែលអនុញ្ញាតឱ្យការងារក្នុងវិស័យ វប្បធម៌និងវិចិត្រសិល្បៈ នាឆ្នាំ២០២៣ កន្លងទៅ ទទួលបានលទ្ធផលល្អប្រសើរ រហូតដល់ជាង ៩០% នៃផែនការសកម្មភាពទូទៅរបស់ក្រសួង។ លទ្ធផលទទួលបាននេះ ក៏មានការចូលរួមចំណែកដ៏សំខាន់ផងដែរ ពីសំណាក់ក្រសួង​ស្ថាប័នពាក់ព័ន្ធ អង្គការជាតិ-អន្តរជាតិ និងវិស័យឯកជន ដែលសុទ្ធតែជាសមាសភាពដ៏ចាំបាច់ ក្នុងការជំរុញវិស័យវប្បធម៌ និងវិចិត្រសិល្បៈ ឱ្យស្ថិតនៅលើវិថីមួយដ៏ត្រឹមត្រូវ ជោគជ័យ និងពង្រឹង បាននូវប្រវត្តិសាស្ត្រ និងអត្តសញ្ញាណជាតិខ្មែរ។ លោកជំទាវ បានបញ្ជាក់ថា តាមរយៈអង្គសន្និបាតថ្ងៃនេះ ក៏ជាការជួបជុំ ដើម្បីពិនិត្យផងដែរ លើបញ្ហាប្រឈម និងសំណូមពរនានារបស់គ្រប់អង្គភាពនៃក្រសួងវប្បធម៌ និងវិចិត្រសិល្បៈ ព្រមទាំងជាឱកាសនៃការសម្រេចរួមគ្នា លើដំណោះស្រាយ និងការដាក់ចេញនូវទិសដៅការងារ ផែនការសកម្មភាព សម្រាប់ឆ្នាំ២០២៤នេះ សំដៅចូលរួមអនុវត្តឱ្យកាន់តែសកម្ម និងមានប្រសិទ្ធភាពខ្ពស់ នូវភារកិច្ចនានា ដែលមានក្នុងយុទ្ធសាស្ត្របញ្ចកោណដំណាក់កាលទី១ និងផែនការអាទិភាពទាំង៦ចំនុច របស់រាជរដ្ឋាភិបាល អាណត្តិទី៧ នៃរដ្ឋសភា ក្រោមការដឹកនាំដ៏សកម្ម និងប្រកបដោយបញ្ញាញាណខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។ លោកជំទាវ បានធ្វើការជំរុញលើកទឹកចិត្តដល់ ឯកឧត្តម លោកជំទាវ សមាជិក សមាជិការដែលបានចូលរួមក្នុងអង្គសន្និបាត សូមចូលរួមផ្តល់ជាយោបល់ ជាសំណួរ ជាការបកស្រាយ និងជាគំនិតយុទ្ធសាស្ត្រ លើគ្រប់ការងារពាក់ព័ន្ធទាំងអស់ ដើម្បីជាការកែលម្អ ជាការតម្រង់ទិស និងជាធាតុចូលសម្រាប់ពង្រឹងលទ្ធផលការងាររបស់យើងបន្តទៀត៕ អត្ថបទ រដ្ឋា

សម្ដេចធិបតី បង្ហាញការសោកស្ដាយចំពោះអ្នករិះគន់ លើការធ្វើទំនើបកម្មកងទ័ពរបស់កម្ពុជា

2024/01/24 02:22:01 pm        184
Facebook Telegram Linkin
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានបង្ហាញការសោកស្ដាយ ចំពោះក្រុមប្រឆាំងមួយចំនួនតូច ដែលនាពេលកន្លងទៅ បានចេញមករិះគន់រាជរដ្ឋាភិបាលនៅពេលដែលធ្វើការបំពាក់សម្ភារៈ ឬរថយន្តដល់កងទ័ព ដោយពួកគេលើកឡើងថា ជាការបំភ័យប្រជាជនជាដើម ខណៈនៅពេលមានគ្រោះអាសន្ន និងគ្រោះមហន្តរាយផ្សេង រថយន្តកងទ័ពនោះហើយដែលបានដឹកស្បៀង សម្ភារៈទៅសង្គ្រោះដល់ពលរដ្ឋ។សម្តេចធិបតីនាយករដ្ឋមន្ត្រី មានប្រសាសន៍ ក្នុងឱកាសអញ្ជើញជាអធិបតីក្នុងពិធីអបអរសាទរខួប ២៥ ឆ្នាំ នៃការបង្កើតបញ្ជាការដ្ឋានកងទ័ពជើងគោក (២៤ មករា ១៩៩៩-២៤ មករា ២០២៤) នៅទីបញ្ជាការដ្ឋានកងទ័ពជើងគោកនេះថា កន្លងទៅ ជាពិសេសនៅមុនការឆ្លងរីករាល​ដាល​ជំងឺកូវីដ-១៩ គ្រាន់តែកងទ័ពធ្វើការបំពាក់រថយន្តដឹកជញ្ជូន​ ជូនកងទ័ពជើងគោក ក្រុមប្រឆាំងនៅ​ក្រៅ​ប្រទេសមួយចំនួនតូច ចេញមករិះគន់ថា ការបំពាក់នេះដើម្បីបន្លាចប្រជាជន និងបំពាក់ដើម្បីវាយប្រជាជនជាដើម។សម្ដេចធិបតី បញ្ជាក់ថា ប៉ុន្ដែនៅពេលកូវីដ-១៩ រាតត្បាត រថយន្តដែលពួកគេបានរិះគន់នោះហើយ ដែលបានដឹកកម្លាំង ស្បៀង និងសម្ភារៈផ្សេងៗ យកទៅជួយដល់ប្រជាពលរដ្ឋដែលរងគ្រោះ ជាពិសេសក្នុងពេលរងគ្រោះមហន្តរាយផ្សេងៗជាដើម។សូមជម្រាបថា កងទ័ពរបស់កម្ពុជា ​ក្រៅពីមានតួនាទីភារកិច្ចស្នូលនៅក្នុងការការពាជាតិ ​មាតុភូម ប្រជាជន​ និងព្រះមហាក្សត្រ ​កងទ័ពក៏បានដើរតួនាទីយ៉ាងសំខាន់ នៅក្នុងការចូលរួមជួយ​ដោះស្រាយ​នូវរាល់ទុក្ខលំបាករបស់ប្រជាពលរដ្ឋ ​ជាពិសេសនៅពេលជួបគ្រោះមហន្តរាយ ឬគ្រោះអាសន្នផ្សេងៗ ដូចជាករណីការរាតត្បាតជំងឺកូវីដ-១៩​ និងបញ្ហាគ្រោះទឹកជំនន់ជាដើម គឺកងកម្លាំងកងទ័ពតែងតែនៅជួរមុខដើម្បីជួយដល់ប្រជាពលរដ្ឋនៅគ្រប់កាលទេសទាំងអស់៕ អត្ថបទ៖ វ៉ន ដារ៉ា

បណ្ដាញសង្គម

ព័ត៌មានថ្មីៗ

សម្តេច ម៉ែន សំអន ៖ អតីតនិស្សិតកម្ពុជា ដែលបានបណ្តុះបណ្តាល ពីប្រទេសនានា​បានចូលរួមអភិវឌ្ឍន៍ធនធានមនុស្សដើម្បីចូលរួមចំណែកជាមួយរាជរដ្ឋាភិបាលកម្ពុជា ក្នុងការឈានឆ្ពោះទៅសម្រេចចក្ខុវិស័យរបស់ខ្លួននៅត្រឹមឆ្នាំ ២០៣០ និងឆ្នាំ ២០៥០
07/22/2025 12:07 PM
Facebook Telegram Linkin
វិនិយោគិនមកពីប្រទេសកាតា ជម្រាបសម្ដេចតេជោ ពីការចាប់អារម្មណ៍វិនិយោគលើវិស័យកសិកម្ម និងទេសចរណ៍នៅកម្ពុជា
07/22/2025 12:07 PM
Facebook Telegram Linkin
ខណៈការវិនិយោគរីកចម្រើនក្រុមហ៊ុនមីនេបៀ ជម្រាបសម្ដេច​តេជោថា នឹង​បើករោងចក្រថ្មីបន្ថែមទៀតនៅខេត្តពោធិ៍សាត់ចុងឆ្នាំនេះ
07/22/2025 12:07 PM
Facebook Telegram Linkin
ក្រសួងមុខងារសាធារណៈពង្រឹងនីតិវិធីការដំឡើងឋានន្តរស័ក្តិ និងថ្នាក់មុនចូលនិវត្តន៍ និង​ការ​ដាក់​មន្រ្តី​រាជការស៊ីវិលឱ្យចូលនិវត្តន៍
07/22/2025 12:07 PM
Facebook Telegram Linkin
រលកកម្ដៅ បានហ៊ុមព័ទ្ធនៅកោះ Sicily ក្នុងពេលដែលសីតុណ្ហភាពរដូវក្តៅកើនឡើងខ្លាំង
07/22/2025 12:07 PM
Facebook Telegram Linkin
រដ្ឋមន្ត្រីមហាផ្ទៃអាល្លឺម៉ង់៖ គោលនយោបាយព្រំដែនរួមកំពុងកាត់បន្ថយការធ្វើអន្តោប្រវេសន៍ខុសច្បាប់
07/22/2025 12:07 PM
Facebook Telegram Linkin
កម្ពុជា និងកូរ៉េ រួមគ្នាជំរុញការកាត់បន្ថយឧស្ម័ន​ផ្ទះកញ្ចក់​តាមរយៈ​ការ​វិនិយោគ​មធ្យោបាយ​ដឹកជញ្ជូន​-អគ្គិសនី ឆ្ពោះទៅគោលដៅអព្យាក្រឹតកាបូនឆ្នាំ២០៥០
07/22/2025 12:07 PM
Facebook Telegram Linkin
ការតវ៉ានៅអាកាសយានដ្ឋានប្រទេសអាហ្សង់ទីន ជុំវិញការកែប្រែនិយ័តកម្មនិងការពន្យារពេលការចរចាប្រាក់ឈ្នួល
07/22/2025 12:07 PM
Facebook Telegram Linkin
មេដឹកនាំអាមេរិកខាងត្បូង និងនាយករដ្ឋមន្ត្រីអេស្ប៉ាញ ពិភាក្សាអំពីវិបត្តិអាកាសធាតុ AI និងសន្តិភាពក្នុងកិច្ចប្រជុំនៅឈីលី
07/22/2025 12:07 PM
Facebook Telegram Linkin
សាកលវិទ្យាល័យHarvard តតាំងជាមួយរដ្ឋបាលលោក Trump ជុំវិញការលុបចោលមូលនិធិ
07/22/2025 12:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.