នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេច​ធិបតីណែនាំអាជ្ញាធរពាក់ព័ន្ធគ្រប់លំដាប់ថ្នាក់ ត្រួតពិនិត្យ និងគ្រប់គ្រងឱ្យបានចំពោះទំនិញគេចពន្ធ និងខូចគុណភាព ហើយត្រូវសហការគ្នាចាត់វិធានការឱ្យបានច្បាស់លាស់
សម្ដេច​ធិបតីក្រើនរំឭកអាជ្ញាធរពាក់ព័ន្ធគ្រប់លំដាប់ថ្នាក់ត្រូវបន្តបង្ក្រាប Online Scams មិនត្រូវបន្ធូរដៃឡើយ
សម្ដេចតេជោ ហ៊ុន សែន អញ្ជើញជួបពិភាក្សាទ្វេភាគីជាមួយ ឯកឧត្តម លី ឈាង នាយករដ្ឋមន្ត្រីចិន
សម្ដេចតេជោ ហ៊ុន សែន អញ្ជើញចូលក្រាបថ្វាយបង្គុំគាល់ព្រះករុណាព្រះមហាក្សត្រ និងសម្តេចព្រះមហាក្សត្រី

នយោបាយ​ និង ការអភិវឌ្ឍន៍

ពិភពលោកទាំងមូលកំពុងប្រារព្ធពិធីបុណ្យណូអែល ប៉ុន្តែលើកលែងតែទីក្រុងបេថ្លេហឹមរបស់ប៉ាឡេស្ទីន

2023/12/25 10:41:50 am        247
Facebook Telegram Linkin
រដ្ឋមន្ត្រីក្រសួងទេសចរណ៍ប៉ាឡេស្ទីន លោក ស្រី រ៉ូឡា ម៉ាយ៉ា (Rula Ma'ayah) បាននិយាយកាលពីថ្ងៃអាទិត្យ ២៤ ធ្នូ ថា ពិភពលោកទាំងមូលកំពុងប្រារព្ធពិធីបុណ្យណូអែល ប៉ុន្តែលើកលែងតែទីក្រុងបេថ្លេហឹម(Bethlehem)ដែលពុំបានឱកាសប្រារពនឹងគេ។ លោកស្រី ម៉ា យ៉ា បាននិយាយទៅកាន់សារព័ត៌មាន Reuters នៅមុនពិធីបុណ្យណូអែល ខាងក្រៅព្រះវិហារនៃសម័យដើម ប៊ីហ្សានថាញ (Byzantine) នៃទីក្រុងបេថ្លេហឹម ជាកន្លែងដែល ធ្លាប់ប្រារពបុណ្យណូអែលមុនៗ មានការបង្ហាញពន្លឺ និងដើមឈើ យ៉ាងសប្បាយរីករាយនៅក្នុង ទីលានចតុរង្គម៉ាជឺ (Manger Square)។ ទោះជាយ៉ាងណាក៏ដោយ នៅឆ្នាំនេះ គ្រិស្តបរិស័ទប៉ាឡេស្ទីនបានប្រារព្ធពិធីបុណ្យណូអែលដ៏ក្រៀមក្រំនៅទីក្រុងបេថ្លេហឹមកាលពីថ្ងៃសៅរ៍ ដោយមានការបំភ្លឺទៀន និងការអធិស្ឋានសុំសន្តិភាពនៅតំបន់ហ្កាហ្សា ជំនួសឱ្យការប្រារព្ធពិធីបុណ្យធម្មតានៅកន្លែងដែលពួកគេជឿថាព្រះយេស៊ូគ្រីស្តបានប្រសូត។លោកស្រី បាននិយាយថា ពិតជាជាអកុសលខ្លាំងណាស់នៅឆ្នាំនេះ យើងកំពុងទទួលបុណ្យណូអែលដោយគ្មានអ្នកទេសចរមកពីជុំវិញពិភពលោក និងដោយគ្មានជនជាតិប៉ាឡេស្ទីនពីតំបន់នានា ចូលរួមទេ ដោយសារសង្រ្គាមនៅតំបន់ហ្កាហ្សា។ ប្រហែល២.០០០ ឆ្នាំក្រោយមក អ្នកធ្វើធម្មយាត្រាជាធម្មតាបាននាំគ្នាទៅកាន់ទីតាំងល្បីឈ្មោះនៃស្ថាបត្យកម្មនោះនៅក្នុងព្រះវិហារនៃដើមកំណើតរបស់ទីក្រុងបេថ្លេហឹម។ ប៉ុន្តែយុទ្ធនាការរបស់អ៊ីស្រាអែលនៅហ្កាហ្សាបានសម្លាប់មនុស្សជាង ២ម៉ឺននាក់ នេះបើយោងតាមអាជ្ញាធរសុខាភិបាលប៉ាឡេស្ទីននៅក្នុងតំបន់ដែលគ្រប់គ្រងដោយក្រុមហាម៉ាស ហើយប្រជាជនប៉ាឡេស្ទីនភាគច្រើននៃទីក្រុងបេថ្លេហឹមនៅតំបន់ West Bank គ្រប់គ្រងដោយអ៊ីស្រាអែល ក៏ស្ថិតក្នុងការកាន់ទុក្ខផងដែរ៕

សម្ដេចតេជោ៖ យុវជន អន ផានិត ពិតជាក្មេងប្រកបដោយគុណធម៌​សាកសមជាសិស្សប្រឡងជាប់និទ្ទេស A

2023/12/25 10:33:30 am        626
Facebook Telegram Linkin
ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន ប្រធានក្រុមឧត្តមប្រឹក្សាផ្ទាព្រះមហាក្សត្រ នៃព្រះរាជាណាចក្រកម្ពុជា នាព្រឹកថ្ងៃទី ២៥ ខែធ្នូ ឆ្នាំ ២០២៣នេះ បានអនុញ្ញាតឱ្យយុវជនសិស្សនិទ្ទេ A អន ផានិត និងក្រុមគ្រួសារ ដែលមានឪពុកម្ដាយជាជនមានពិការភាព ចូលជួបសំណេះសំណាលអំពីការសិក្សា និងដំណើរឆ្ពោះទៅបន្តការសិក្សារបស់យុវជនរូបនេះ នៅគេហដ្ឋានផ្ទាល់របស់សម្ដេច។ សម្ដេចតេជោ ហ៊ុន សែន បានសរសេរនៅលើបណ្ដាញសង្គមរបស់សម្ដេចនាព្រឹកនេះថា ថ្ងៃនេះ សម្ដេចបានអញ្ជើញឪពុកម្តាយ យុវជន អន ផានិត ដោយមានទាំងប្អូនស្រី និងសាមីខ្លួន ផានិត ផង មកផ្ទះរបស់សម្ដេច។សម្ដេចតេជោ មានប្រសាសន៍ថា ឆ្លងកាត់ការសន្ទនា សម្ដេចបានពិនិត្យឃើញថា ឪពុកម្តាយរបស់ ផានិតដែលជាជនមានពិការទាំងពីរនាក់ពិតជាមនុស្សគួរឱ្យគោរពសម្រាប់ការលៈបង់ដើម្បីកូន និងក្រុមគ្រួសារ។សម្ដេចតេជោមានប្រសាសន៍ថា រីឯ ផានិត វិញពិតជាក្មេងប្រកប​ដោយគុណធម៌ និងការចេះដឹង​សាកសមជាសិស្សប្រឡងជាប់និទ្ទេស A។ ​ចំណែក ចៅស្រីដែលជាប្អូន​របស់ ផានិត បាននិង​កំពុងឈាន​ឆ្ពោះទៅបញ្ចប់ការសិក្សានូវកម្រិតមធ្យមសិក្សា ដើម្បីឈានឆ្ពោះទៅកាន់មហា​វិទ្យាល័យនា ៣ឆ្នាំខាងមុខទៀត។សម្ដេចតេជោ បានបញ្ជាក់ថា នេះជាករណីពិសេសដែល សម្ដេចត្រូវជួយដល់ ផានិត សម្រាប់ការ​រៀន​សូត្រនៅភ្នំពេញផង និងឪពុកម្តាយនៅឯស្រុកកំណើតផង។ សម្ដេចមានប្រសានស៍ថា ធ្វើយ៉ាងនេះ ដើម្បីកុំឱ្យផានិត ​បារម្ភ​ពី​ឪពុកម្តាយនៅឯស្រុក​ និងកុំឱ្យឪពុកម្តាយបារម្មពី ផានិត ដែលរៀននៅភ្នំពេញ។សូមជម្រាបថា​ សម្តេចតេជោ ហ៊ុន សែន កាលពីថ្ងៃទី២៩ ខែវិច្ឆិកា ឆ្នាំ២០២៣នេះ ​បានប្រកាស ជួយ​ទំនុកបម្រុងសិស្សនិទ្ទេស A ដែលក្រខ្សត់ អន ផានិត និងក្រុមគ្រួសារ ដែលមានឪពុកម្តាយជា​ជនមាន​ពិការភាពរស់នៅក្នុងខេត្តកំពតឱ្យបានរៀនសូត្រ ​និងរស់នៅសមរម្យឡើងវិញ។សូមបញ្ជាក់ថា បេក្ខជនប្រឡងបាក់ឌុប ជាប់និទ្ទេស «A» ឈ្មោះ អន ផានិត រៀននៅវិទ្យាល័យ​សម្ដេចជាស៊ីម អង្គរជ័យ។ បច្ចុប្បន្នស្នាក់នៅភូមិព្រៃធំ ឃុំអង្គភ្នំតូច ស្រុកអង្គរជ័យ ខេត្តកំពត។ បើទោះបី ជីវភាពខ្វះខាត ហើយឪពុកម្ដាយមានពិការភាព ប៉ុន្ដែយុវជនរូបនេះបានតស៊ូខិតខំ​ប្រឹងប្រែង​រៀន​សូត្រ​រហូតប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) ជាប់បាននិទ្ទេស «A»៕

រសៀលនេះ សម្តេចធិបតី ហ៊ុន ម៉ាណែត នឹងអញ្ជើញចូលរួមកិច្ចប្រជុំកំពូល នៃកិច្ចសហប្រតិបត្តិការ​មេគង្គ-ឡានឆាង លើកទី៤ តាមប្រព័ន្ធវីដេអូ

2023/12/25 09:43:15 am        247
Facebook Telegram Linkin
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា នឹងអញ្ជើញ​ចូលរួមកិច្ចប្រជុំកំពូលនៃកិច្ចសហប្រតិបត្តិការមេគង្គ-ឡានឆាងលើកទី៤ ដែលនឹ​ងប្រព្រឹត្ត​ទៅ​នារសៀលថ្ងៃទី ២៥ ខែធ្នូ ឆ្នាំ២០២៣នេះ តាមប្រព័ន្ធវីដេអូ តបតាមការអញ្ជើញ​របស់​សហប្រធាន​នៃ​កិច្ចប្រជុំ គឺនាយឧត្តមសេនីយ៍ មីន អោងឡាំង ប្រធានក្រុមប្រឹក្សា​រដ្ឋបាលរដ្ឋ​នៃ​សាធារណ​រដ្ឋសហភាព មីយ៉ាន់ម៉ា និងឯកឧត្តម លី ឈាង នាយករដ្ឋមន្ត្រី​នៃ​សាធារណរដ្ឋ​ប្រជាមានិត​ចិន។យោងតាមសេចក្ដីប្រកាសព័ត៌មានរបស់ក្រសួងការបរទស និងសហប្រតិបត្តិការអន្តរជាតិកម្ពុជា បានឱ្យដឹងថា កិច្ចប្រជុំកំពូលនៃកិច្ចសហប្រតិបត្តិការមេគង្គ-ឡានឆាង លើកទី៤ ធ្វើឡើងក្រោមមូលបទ «ចូលរួមកសាងសហគមន៍វាសនារួមគ្នា និងទំនើបកម្មក្នុងចំណោម ប្រទេសមេគង្គ-ឡានឆាង» ថ្នាក់ដឹកនាំនៃកិច្ចសហប្រតិបត្តិការមេគង្គ-ឡានឆាង នឹងពិនិត្យឡើងវិញនូវវឌ្ឍនភាពដែលសម្រេចបានក្រោមកិច្ចសហប្រតិបត្តិការនេះ។កិច្ចប្រជុំនេះក៏នឹងកំណត់ទិសដៅអនាគតសម្រាប់ការពង្រីកវិស័យនៃកិច្ចសហប្រតិបត្តិការ និងជំរុញបន្ថែមនូវទំនុកចិត្តទៅវិញទៅមក ក៏ដូចជាពង្រឹងភាពជាដៃគូក្នុងចំណោមបណ្តាប្រទេសមេគង្គ-ឡានឆាងដើម្បីរួមចំណែកដល់ការអភិវឌ្ឍសេដ្ឋកិច្ច-សង្គម និងលើកកម្ពស់សុខុមាលភាពរបស់ប្រជាជននៅក្នុងអនុតំបន់មេគង្គ-ឡានឆាង។យោងតាមសេចក្ដីប្រកាសព័ត៌មានតាមរយៈកិច្ចប្រជុំនេះ ឯកសារចំនួនបីគ្រោងនឹងអនុម័តក្នុងអំឡុងពេលនៃកិច្ចប្រជុំ រួមមាន៖ ទី១ សេចក្តីថ្លែងការណ៍ទីក្រុង ណៃពិដោ ទី២ ផែនការសកម្មភាពប្រាំឆ្នាំស្ដីពីកិច្ចសហប្រតិបត្តិការមេគង្គ-ឡានឆាង (២០២៣- ២០២៧) និង ទី៣ គំនិតផ្តួចផ្តើមរួមស្ដីពីការអភិវឌ្ឍច្រករបៀងនវានុវត្តន៍នៃកិច្ចសហប្រតិបត្តិការមេគង្គ-ឡានឆាង។សូមជម្រាបថាកិច្ចប្រជុំកំពូលនៃកិច្ចសហប្រតិបត្តិការមេគង្គ-ឡានឆាងលើកទី៤នេះ នឹងក្លាយជាព្រឹត្តិការណ៍ដ៏សំខាន់សម្រាប់ប្រទេសសមាជិកមេគង្គ-ឡានឆាង ដើម្បីសម្រេចបាននូវគោលដៅរួមក្នុងការលើក កម្ពស់សន្តិភាព ស្ថិរភាព និងវិបុលភាពនៅក្នុងអនុតំបន់ ព្រមទាំងជំរុញកិច្ចសហប្រតិបត្តិការមេគង្គ-ឡានឆាងឈានទៅមុខបន្ថែមទៀត តាមរយៈការដាក់ឱ្យអនុវត្តផែនការសកម្មភាពប្រាំឆ្នាំស្តីពី កិច្ចសហប្រតិបត្តិការមេគង្គ-ឡានឆាង៕

ឯកឧត្តម ហេង សួរ ប្រជុំផ្សព្វផ្សាយលទ្ធផលមហាសន្និបាតវិសាមញ្ញ​របស់​គណបក្ស​ប្រជាជនកម្ពុជា ជូនសមាជិកជាង ៥០០នាក់

2023/12/23 04:34:15 pm        748
Facebook Telegram Linkin
ឯកឧត្តម ហេង សួរ សមាជិកគណៈកម្មាធិការកណ្ដាល និងជា​ប្រធាន​គណៈកម្មាធិការ​គណបក្ស​ក្រសួង​ការងារ និងបណ្ដុះបណ្ដាលវិជ្ជាជីវៈ នៅថ្ងៃព្រឹកថ្ងៃសៅរ៍ ទី២៣ ខែធ្នូ ឆ្នាំ២០២៣ នេះ បាន​ដឹក​នាំកិ​ច្ច​ប្រជុំផ្សព្វផ្សាយ មហាសន្និបាតវិសាមញ្ញ​តំណាង​ទូទាំង​ប្រទេស​របស់​គណបក្ស​ប្រជាជន​កម្ពុជា​នៅ​សាល​ប្រជុំទីស្ដីការគណបក្សរាជធានីភ្នំពេញ។ថ្លែងទៅកាន់សមាជិកប្រមាណជាង៥០០រូប ឯកឧត្តម ហេង សួរ បាន​បញ្ជាក់​អំពី​ការ​សម្រេច​របស់​មហា​សន្និបាតគណបក្សក្រោមវត្តមានរបស់សម្តេចអគ្គមហាសេនាបតីតេជោ ហ៊ុន សែន ប្រធាន​គណបក្ស សម្តេចអគ្គមហាពញាចក្រី ហេង សំរិន ប្រធានកិត្តិយសគណបក្ស និង​សម្តេច​អនុ​ប្រធានទាំង ៤រូប ដោយជ្រើសតាំងសម្ដេចមហាបវរអធិបតី ហ៊ុន ម៉ាណែត នាយករដ្ឋមន្ត្រី នៃ​ព្រះរា​ជា​ណាចក្រកម្ពុជាជាអនុប្រធានគណបក្សប្រជាជនកម្ពុជា។ បន្ថែមពេលនេះ ឯកឧត្តម ហេង សួរ ក៏បាន​បញ្ជា​ក់​ទៅ​កាន់​សមាជិក​គណបក្ស​ប្រជាជន​កម្ពុជា​ប្រចាំ​ក្រសួងការងារ និងបណ្ដុះបណ្ដាលវិជ្ជាជីវៈ អំពីការ​សម្រេច​បោះ​ឆ្នោត​ជ្រើស​រើស​ជ្រើស​តាំង​បន្ថែម​សមាជិក​គណៈកម្មាធិការកណ្ដាលចំនួន ៤៩៦រូប ដែល​ធ្វើ​ឲ្យ​បរិមាណ​សមាជិក​គណៈកម្មាធិការ​កណ្ដាលរបស់គណបក្សប្រជាជនកម្ពុជា មានចំនួនសរុប១៣១២រូប និងការ​សម្រេច​បញ្ចូល​សមាជិកគណអចិន្ត្រៃយ៍ នៃគណៈកម្មាធិការកណ្តាល​របស់​គណបក្សចំនួន​២៣រូប​បន្ថែម​ទៀត​ផងដែរ។ទន្ទឹមនឹងនោះ ឯកឧត្តម ហេង សួរ បាន​ជំរុញ​ឱ្យ​គណបក្ស​មូលដ្ឋាន​ពង្រឹង​ការ​កសាង​សមាជិក​ភាព និងអនុវត្តឱ្យល្អប្រសើរនូវគោលនយោបាយរបស់គណបក្សដើម្បីថែរក្សាសន្តិភាព ពង្រឹង​លទ្ធិ​ប្រជាធិបតេយ្យ និងបង្កើតសមិទ្ធិផលធំៗថ្មីៗទៀតក្នុងការអភិវឌ្ឍជាតិមាតុភូមិ៕

សម្ដេចធិបតី ហ៊ុន ម៉ាណែត នឹងអញ្ជើញចូលរួមកិច្ចប្រជុំកំពូល នៃកិច្ចសហប្រតិបត្តិការមេគង្គ-ឡានឆាង លើកទី៤ តាមប្រព័ន្ធវីដេអូ

2023/12/23 03:30:44 pm        745
Facebook Telegram Linkin
ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា នឹង អញ្ជើញ​ចូលរួមកិច្ចប្រជុំកំពូលនៃកិច្ចសហប្រតិបត្តិការមេគង្គ-ឡានឆាង លើកទី៤ ដែល​នឹង​ប្រព្រឹត្តទៅនៅថ្ងៃទី២៥ ខែធ្នូ ឆ្នាំ២០២៣ តាមប្រព័ន្ធវីដេអូ ។ នេះបើយោងតាមសេចក្ដី​ប្រកាស​ព័ត៌មាន​របស់ក្រសួងការបរទេស និងសហប្រតិបត្តិការអន្តរជាតិ​ចេញ​ផ្សាយ​នៅថ្ងៃទី២៣ ខែធ្នូ ឆ្នាំ២០២៣នេះ។ការអញ្ជើញចូលរួមនេះ ធ្វើឡើងតបតាមការអញ្ជើញ​របស់​សហប្រធាន នៃ​កិច្ច​ប្រជុំគឺ នាយឧត្តមសេនីយ៍ មីន អោងឡាំង នាយករដ្ឋមន្ត្រី នៃ​សាធារណរដ្ឋ​សហភាព​មីយ៉ាន់ម៉ា និងឯកឧត្តម លី ឈាង នាយករដ្ឋមន្ត្រីនៃសាធារណរដ្ឋប្រជាមានិតចិន។ អញ្ជើញអមសម្ដេចធិបតី ចូលរួមក្នុងកិច្ចប្រជុំនេះ រួមមាន ឧបនាយករដ្ឋមន្ត្រី រដ្ឋមន្ត្រី និងមន្ត្រីជាន់ខ្ពស់មួយចំនួននៃរាជរដ្ឋាភិបាល។ក្រោមមូលបទ «ចូលរួមកសាងសហគមន៍វាសនារួមគ្នា និងទំនើបកម្មក្នុងចំណោមប្រទេសមេគង្គ-ឡានឆាង» ថ្នាក់ដឹកនាំនៃកិច្ចសហប្រតិបត្តិការមេគង្គ-ឡានឆាង នឹង​ពិនិត្យ​ឡើង​វិញ​នូវ​វឌ្ឍនភាព​ដែលស​ម្រេច​បានក្រោ​មកិច្ចសហប្រតិបត្តិការនេះ និងកំណត់ទិសដៅ អនាគត​ពង្រឹង​ភាព​ជាដៃគូ​ក្នុង​ចំណោម​បណ្ដា​ប្រទេសមេគង្គ-ឡានឆាង ដើម្បីរួម​ចំណែកដល់ការអភិវឌ្ឍសេដ្ឋកិច្ច-សង្គម និង​លើកកម្ពស់​សុខុមាលភាពរបស់ប្រជាជននៅក្នុង​អនុតំបន់មេគង្គ-ឡានឆាង។ ឯកសារ​ចំនួន​បី​គ្រោង​នឹង​អនុម័ត​ក្នុងអំឡុងពេលនៃកិច្ចប្រជុំ រួមមាន៖ ១. សេចក្ដីថ្លែងការណ៍ទីក្រុងណៃពិដោ, ២. ផែនការសកម្មភាពប្រាំឆ្នាំស្ដីពីកិច្ចសហប្រតិបត្តិការមេគង្គ-ឡានឆាង (២០២៣-២០២៧) និង ៣. គំនិតផ្ដួចផ្ដើមរួមស្ដីពីការអភិវឌ្ឍច្រករបៀង​នវានុវត្តន៍ នៃកិច្ចសហប្រតិបត្តិការមេគង្គ-ឡានឆាង។កិច្ចប្រជុំកំពូល នៃកិច្ចសហប្រតិបត្តិការមេគង្គ-ឡានឆាង លើកទី៤នេះ នឹងក្លាយ​ជា​ព្រឹត្តិការណ​ដ៏​សំខាន់​សម្រាប់​ប្រទេស​សមាជិក​មេគង្គ-ឡានឆាង ដើម្បីសម្រេចបាន​នូវ​គោលដៅ​រួម​ក្នុង​ការ​លើក​ក​ម្ពស់ សន្តិភាព ស្ថិរភាព និង​វិបុលភាព​នៅ​ក្នុង​អនុ តំបន់​ព្រម​ទាំង​ជំរុញ​កិច្ច​សហប្រតិបត្តិការ​មេគង្គ-ឡានឆាង ឈានទៅមុខបន្ថែមទៀត តាមរយៈ​ការដាក់​ឲ្យ​អនុវត្ត​ផែនការ​សកម្មភាព​ប្រាំឆ្នាំ​ស្ដី​ពី​កិច្ចសហប្រតិបត្តិការមេគង្គ-ឡានឆាង៕

សម្តេចតេជោ ហ៊ុន សែន អនុញ្ញាតឲ្យបេសកជនពិសេសរបស់នាយករដ្ឋមន្ត្រីម៉ាឡេស៊ី ជួបសម្តែងការគួរសម និងពិភាក្សាការងារ

2023/12/23 09:41:47 am        417
Facebook Telegram Linkin
ភ្នំពេញ៖ នៅព្រឹកថ្ងៃទី២៣ ខែធ្នូ ឆ្នាំ២០២៣នេះ សម្តេចអគ្គមហាសេនាបតីតេជោ ហ៊ុន សែន ប្រធាន​គណបក្សប្រជាជនកម្ពុជា និងជាប្រធានក្រុមឧត្តមប្រឹក្សាផ្ទាល់ព្រះមហាក្សត្រ បាន​អនុញ្ញាត​ឲ្យ​ឯកឧត្តម Dato Ahmad Azam Bin Abrahman បេសកជន​ពិសេស​នាយករដ្ឋ​មន្ត្រី​ម៉ាឡេស៊ី ​ចូលជួបសំដែងការគួរសម និងពិភាក្សាការងារនៅវិមាន ៧មករា រាជធានីភ្នំពេញ។នៅក្នុងជំនួបនោះ ឯកឧត្តម Dato Ahmad Azam Bin Abrahman បាន​នាំ​នូវ​ការ​សាក​សួរ​សុខទុក្ខ​របស់ឯកឧត្តមនាយករដ្ឋមន្ត្រីម៉ាឡេស៊ី ជូនសម្ដេចតេជោ ប្រធាន​គណបក្ស​ប្រជាជន​កម្ពុជា​ និងបានសំដែងនូវការកោតសរសើរ និងថ្លែង​អំណរគុណ​យ៉ាង​ជ្រាល​ជ្រៅ​ចំពោះ​សម្ដេច​តេជោ និងរាជរដ្ឋាភិបាលកម្ពុជា ដែលបានធ្វើឲ្យមានសុខដុមនីយកម្មជាតិសាសន៍ សាសនា ជា​ពិសេសអ្នកកាន់សាសនាមូស្លីមនៅកម្ពុជា និងបានផ្ដល់ឱកាសជាច្រើនដល់សហគមន៍ខ្មែរឥស្លាម នៅ​កម្ពុជា។ ឯកឧត្តមបេសកជនពិសេស បានវាយតម្លៃខ្ពស់ ចំពោះការរីកចម្រើនរបស់កម្ពុជា ក្រោម​ការដឹកនាំរបស់គណបក្សប្រជាជនកម្ពុជា ក្រោមការដឹកនាំរបស់សម្ដេចតេជោ ក្នុង​រយៈ​ពេល​កន្លងមក និងបានប្រែក្លាយកម្ពុជាមកជាប្រទេសមានការរីកចម្រើនរស់រវើក ជា​ពិសេស​ទី​ក្រុង​ភ្នំពេញមានការរីកចម្រើនគួរជាទីមោទនៈ និងក្លាយជាទីក្រុងដ៏ទំនើប។ ឯកឧត្តមបានគូសបញ្ជាក់ថា កិច្ចសហប្រតិបត្តិការរវាងប្រទេសកម្ពុជា និងម៉ាឡេស៊ី ត្រូវ​បាន​ពង្រឹង​​ និងពង្រីកកាន់តែរឹងមាំថែមទៀត ហើយប្រទេសម៉ាឡេស៊ីបានអះអាងថា មិន​អនុញ្ញាត​ឱ្យ​ក្រុម​ប្រឆាំង​នឹងរាជរដ្ឋាភិបាលកម្ពុជា យកទឹកដី​ម៉ាឡេស៊ី​ប្រើប្រាស់​ធ្វើ​នយោបាយ​ប្រឆាំង​នឹង​រាជ​រដ្ឋាភិបាល​កម្ពុជានោះឡើយ។ជាកិច្ចឆ្លើយតប សម្ដេចតេជោ ហ៊ុន សែន ប្រធានគណបក្សប្រជាជនកម្ពុជា បាន​ថ្លែង​អំណរ​គុណ​យ៉ាង​ជ្រាល​ជ្រៅ​ចំពោះឯកឧត្តមនាយករដ្ឋមន្ត្រីម៉ាឡេស៊ី ដែលបានផ្ញើការ​សួរសុខទុក្ខ​ចំពោះ​សម្ដេច​ តាមរយៈបេសកជនពិសេស។ សម្ដេចតេជោ បានជម្រាបជូនអំពីសភាពការណ៍ថ្មីៗ និង​បទ​ពិសោធន៍នៃដំណើរស្វែងរកសន្តិភាពរបស់កម្ពុជា ព្រម​ទាំង​បាន​វាយ​តម្លៃ​ខ្ពស់​ចំពោះ​ការ​រីក​ចម្រើន​រវាង​ប្រទេសម៉ាឡេស៊ី និងកម្ពុជា។ សម្ដេចតេជោ បានថ្លែងអំណរគុណចំពោះរដ្ឋាភិបាលម៉ាឡេស៊ី ដែលតែងតែជួយ​ឧបត្ថម្ភ​គាំទ្រ​ដល់​សហគមន៍​មូស្លីមនៅកម្ពុជា និងអរគុណចំពោះការប្ដេជ្ញាចិត្តមិនអនុញ្ញាតឲ្យក្រុមជ្រុលនិយម ប្រើ​ប្រាស់​ទឹកដីម៉ាឡេស៊ី ដើម្បីប្រឆាំងនឹងរាជរដ្ឋាភិបាលកម្ពុជា៕

ខេត្តព្រះវិហារ រាជរដ្ឋាភិបាលដាក់ទិសដៅជំរុញឱ្យក្លាយជាខេត្តផលិតកម្ម ដំណាំកសិកម្មសរីរាង្គ

2023/12/22 02:37:20 pm        203
Facebook Telegram Linkin
ព្រះវិហារ៖ មន្ត្រីជាន់ខ្ពស់ក្រសួងកសិកម្ម បានលើកឡើងថា ខេត្តព្រះវិហារ គឺជាខេត្តគោលដៅតែមួយ គត់នៅក្នុងប្រទេសកម្ពុជា ដែលរាជរដ្ឋាភិបាលដាក់ ទិសដៅជម្រុញឲ្យក្លាយជាខេត្តផលិតកម្ម ដំណាំកសិកម្មសរីរាង្គ ។ថ្លែងក្នុងសិក្ខាសាលាពិគ្រោះយោបល់ ស្តីពីការរៀបចំកំណត់តំបដីផលិតកម្មដំណាំកសិ កម្មសរីរាង្គ ក្នុងខេត្តព្រះវិហារ នាព្រឹកថ្ងៃទី ២១ ខែធ្នូ ម្សិលមិញ ឯកឧត្តម ស្រ៊ុន សុខុម ទីប្រឹក្សាក្រសួងកសិកម្ម រុក្ខាប្រមាញ់ និងនេសាទ បានឲ្យដឹងថា រាជរដ្ឋាភិបាលកម្ពុជា ក្រោមការដឹក នាំរបស់ សម្តេចមហាបរវធិបតី ហ៊ុន ម៉ាណែត នាយករដ្ឋមន្ត្រី បានដាក់ចេញនូវទិសដៅសំខាន់ ៗចំនួន ០៣ សម្រាប់ខេត្តព្រះវិហារ គឺ៖ ទីមួយ.កំណត់យកខេត្តព្រះវិហារ ជាខេត្តផលិតនូវកសិ ផលដំណាំសរីរាង្គ ជាពិសេសដំណាំស្រូវ ដំណាំចន្ទី និងដំណាំដំឡូងមី។ ទីពីរ.ជម្រុញការធ្វើ ស្លាកសញ្ញាសម្គាល់នូវកសិផលសរីរាង្គទាំងអស់នោះ និងទីបី.ជម្រុញឲ្យមានការរៀបចំសហគម ន៍កសិកម្ម ដែលមានសមាហរណកម្មខ្ពស់ឆ្លើយតបទៅទីផ្សារ ។ ឯកឧត្តម បានបន្ថែមទៀតថា ផ្តើមចេញពីទស្សនៈវិស័យនេះ ខេត្តព្រះវិហារ គឺជាខេត្តគោលដៅ​តែមួយគត់នៅក្នុងប្រទេសកម្ពុជា ដែលរាជរដ្ឋាភិបាលដាក់ ទិសដៅជម្រុញឲ្យក្លាយជាខេត្តផលិតកម្ម ដំណាំកសិកម្មសរីរាង្គ ។ ជាក់ស្តែង សិក្ខាសាលាដែលរៀបចំឡើងនៅក្នុងថ្ងៃនេះ គឺបានកំណត់​យកស្រុកចំនួន ៥ក្នុង ចំណោម ក្រុងស្រុក ទាំង៨ក្នុងខេត្តព្រះវិហារ ជាស្រុកគោលដៅ រួមមាន៖ ស្រុករវៀង ស្រុកជ័យ សែន ស្រុកឆែប ស្រុកគូលែន និងស្រុកជាំក្សាន្ត ដែលអាចកំណត់តំបន់​ដែលមានសក្តានុពលធ្វើ សរីរាង្គបានមាន ចំនួន ៥ស្រុក ២៨ឃុំ និង១១៧ភូមិ និងសិក្សាបន្ត ដែលមានដំណាំសក្តានុ ពលសរីរាង្គចំនួន ០៨ប្រភេទ រួមមាន៖ ស្រូវ ដំឡូងមី ចន្ទី សណ្តែកដី សណ្តែកបាយ សណ្តែក សៀង បន្លែ និង ម្រេច។នាឱកាសនោះលោក មិន ស៊ីថា អភិបាលរងខេត្ត បានឲ្យដឹងថា ខេត្ត ព្រះវិហារ គឺជាខេត្តមួយក្នុង​ចំណោមខេត្ត/ក្រុងទាំង ២៥ របស់ព្រះរាជាណាចក្រកម្ពុជា ដែល មាន​សក្តានុពលធ្វើកសិកម្មសរីរាង្គ និងជាប្រភពផ្គត់ផ្គង់កសិផលសរីរាង្គច្រើនជាងគេដូចជា៖ ស្រូវសរីរាង្គ ដំឡូងមីសរីរាង្គ ស្វាយចន្ទីសរីរាង្គ ជាដើម។លោក បានបន្តថា ភាពជោគជ័យ របស់ខេត្ត ក្នុងការអនុវត្តកសិកម្មសរីរាង្គ មានកត្តាចំនួន ៣ធំៗ៖ ទីមួយ.កត្តាភូមិសាស្រ្ត៖ ខេត្តព្រះវិហារមានដីដែលមាននូវជីវជាតិខ្ពស់ ដីស្រែទួលខ្ពស់ ដែលមិនសូវមានហានីភ័យក្នុងការឆ្លង នូវសារធាតុគីមី ។ទីពីរ.កត្តាមនុស្ស៖ ប្រជាជនតាំងលំនៅតំបន់នេះ បានប្រកបមុខរបរកសិកម្ម បែបប្រពៃណីជាយូរលង់ ព្រមទាំងមានភាពស្មោះត្រង់រវាងគ្នានិងគ្នា និងទីបី. កត្តាដៃគូរពាក់ព័ន្ធ ដែលមានការចូលរួមយ៉ាងសកម្មពីគ្រប់ភាគីពាក់ព័ន្ធ ទាំងស្ថាប័នរដ្ឋ វិស័យឯកជន និងដៃគូរអភិ វឌ្ឍន៍។ ហើយផលប្រយោជន៍ដែលទទួលបានពីភាពជោគជ័យនេះ គឺប្រាក់ចំណូលរបស់ប្រជា កសិករ ដែលចូលរួមក្នុងការអនុវត្តកសិកម្មសរីរាង្គ តាមរយៈការទទួលបានតម្លៃបន្ថែមពីថ្លៃបុព្វ លាភនៃការលក់ផលិតផលសរីរាង្គ និងយន្តការនៃការអនុវត្តផលិតកម្មកសិកម្មតាមកិច្ចសន្យា ដែលធានាបានថា កសិផលសរីរាង្គរបស់កសិករ គឺមានទីផ្សារច្បាស់លាស់តាំងពីពេលចាប់ផ្តើម ដាំដុះមកម្លេះ ដោយមិនមានកង្វល់ពីការស្វែងរកទីផ្សារ។លោក ពឹង ទ្រីដា ប្រធានមន្ទីរកសិកម្ម រុក្ខាប្រមាញ់ និងនេសាទខេត្ត បានបញ្ជាក់ថា គោល បំណង នៃការរៀបចំសិក្ខាសាលានេះឡើង ​គឺដើម្បីជូនដំណឹងដល់ភាគីពាក់ព័ន្ធឲ្យបានដឹងពីការ រៀបចំកំណត់​តំបន់ដីផលិតកម្មដំណាំកសិកម្មសរីរាង្គ ក្នុងខេត្តព្រះវិហារ។ ដើម្បីប្រមូលព័ត៌មាន បឋមពីតំបន់គោលដៅ នៃផលិតកម្មសរីរាងដែលកំពុងអនុវត្តនាពេលបច្ចុប្បន្ន និងកំណត់តំបន់ សក្តានុពលមួយចំនួន ដែលអាចផលិតដំណាំសរីរាង្គបាននៅក្នុងខេត្ត និងដើម្បីប្រមូលធាតុចូល ពីគ្រប់ភាគីពាក់ព័ន្ធ ក្នុងខ្សែរច្រវ៉ាក់ផ្គត់ផ្គង់កសិផលសរីរាង្គពីដំណើរការនៃការកំណត់ដែនសរីរាង្គ នេះ និងដើម្បីកំណត់តំបន់ដីផលិតកម្មសរីរាង្គណាមួយដែលមានសក្តានុពល ដើម្បីចាប់ផ្តើមអនុ វត្តការធ្វើសាកល្បង៕

មន្រ្តីជាន់ខ្ពស់ក្រសួងការពារជាតិ បើកកិច្ចប្រជុំត្រួតពិនិត្យ និងដោះស្រាយបញ្ហាដំណើរចេញចូលពលករខ្មែរ តាមបណ្ដាយព្រំដែនក្នុងភូមិសាស្រ្តខេត្តព្រះវិហារ

2023/12/22 02:22:06 pm        137
Facebook Telegram Linkin
ឯកឧត្ដម សៀក សុជាតិ រដ្ឋលេខាធិការក្រសួងការពារជាតិ និងជាអនុប្រធានគណៈកម្មការចំពោះកិច្ចរបស់រាជរដ្ឋាភិបាល នៅថ្ងៃទី២១ ខែធ្នូ ម្សិលមិញនេះ បានបើកកិច្ចប្រជុំពិនិត្យ និងដោះស្រាយបញ្ហាដំណើរចេញចូលរបស់ពលករខ្មែរតាមព្រំដែនកម្ពុជា នៅសាលប្រជុំសាលាខេត្តព្រះវិហារ ដើម្បីពង្រឹងការអនុវត្តការងាររបស់មន្ត្រីសមត្ថកិច្ចឈរជើង​នៅតាមបណ្ដាយព្រំដែន។ពិធីនេះក៏មានការអញ្ជើញចូលរួមពីសំណាក់ឯកឧត្តម គីម រិទ្ធី អភិបាលខេត្តព្រះវិហារ ព្រមទាំង ឯកឧត្តមជាប្រតិភូអមដំណើរក្រសួងការពារជាតិ អភិបាលរងខេត្ត មេបញ្ជាការ មេបញ្ជាការរង យោធភូមិភាគទី៤ ប្រចាំទិសទី២ និងទី៣ នឹងអ្នកពាក់ព័ន្ធជាច្រើនរូបទៀត។ឯកឧត្តម គីម រិទ្ធី បានមានប្រសាសន៍ថា ខេត្តព្រះវិហារ នៃព្រះរាជាណាចក្រកម្ពុជា និង​ខេត្តឧប៊ុនរាជធានី នៃព្រះរាជាណាចក្រថៃ តែងតែមានជំនួបទ្វេរភាគីរវាងប្រទេសទាំងពីរជាបន្ត បន្ទាប់ មិនថាថ្នាក់ប្រមុខរាជរដ្ឋាភិបាល និងថ្នាក់ខេត្តនោះទេ សូម្បីថ្នាក់ស្រុក ឃុំ ក៏តែងតែជួបគ្នាជា​ញឹកញាប់ និងផ្លាស់ប្តូរព័ត៌មានអោយគ្នានូវរាល់សភាពការណ៍ និងបាតុភាពនានា ដែលកើតមានតាមបណ្តោយព្រំដែនជាប្រចាំ។ជំនួបទាំងនោះ គឺបានធ្វើអោយទំនាក់ទំនងកាន់តែជិតស្និតបន្ថែមទៀត ដោយឈរលើមូលដ្ឋាន​ចំណងមិត្ត​ភាពជាប្រពៃណី និងភាពជាអ្នកជិតខាងល្អ។ប៉ុន្តែទោះបីជា ទំនាក់ទំនងរវាងខេត្តទាំងពីរ​មានទំនាក់ទំនងល្អ ជិតស្និទ្ធិ និងសម្រេចបាននូវលទ្ធផលរួមគ្នាជាច្រើនក៏ដោយ ក៏នៅមានចំណុច​មួយចំនួន ដែលទាមទារអោយភាគីទាំងពីរត្រូវបន្តអនុវត្ត ​ពិសេសកិច្ចព្រមព្រៀងផ្សេងៗ ព្រមទាំង​កំណត់ហេតុកិច្ចសហប្រតិបត្តិការដែល ប្រមុខរាជរដ្ឋាភិបាលនៃប្រទេសទាំងពីរបានឯកភាពគ្នា។ឆ្លៀតក្នុងឱកាសនោះដែរ ឯកឧត្ដម សៀក សុជាតិ បានថ្លៃងថា ដោយមើលឃើញពីទុក្ខលំបាក​របស់​ប្រជាពលរដ្ឋ និងដោយមានការសំណូមពរពីអាជ្ញាធរសមត្ថកិច្ចពាក់ព័ន្ធនៅច្រកទ្វារ ​ព្រំដែន ឯកឧត្តម​បានដាក់ចេញនូវវិធានការពាក់ព័ន្ធនឹងការបើកដំណើរការឡើងវិញនូវច្រកព្រំដែនអានសេះ ដើម្បីជួយសម្រួលដល់ការឆ្លងដែនចេញចូលរបស់ប្រជាពលរដ្ឋ ​និងការដោះដូរទំនិញរវាងកម្ពុជា-ថៃ។ចំពោះច្រករបៀងទាំងអស់ក្នុងទឹកដីខេត្តព្រះវិហារ​ ត្រូវបិទមិនអោយ ដំណើរការទាំង​អស់​ជៀសវាង​កុំអោយមានការឆ្លងដែនខុសច្បាប់។ជាមួយនេះ ត្រូវកែសម្រួលការសាងសង់អគារដ្ឋបាលច្រកចេញចូលតែមួយនៅច្រកទ្វារអានសេះ ដើម្បីជួយសម្រួលដល់កងម្លាំងសមត្ថកិច្ចប្រចាំការនៅទីនោះ នឹងសង់លំនៅដ្ឋានជូនប្រជាពលរដ្ឋ​ចំនួន៥៥គ្រួសារ ​ដែលរស់នៅច្រកទ្វារតំបន់ព្រំដែនអានសេះ ដើម្បីជួយសម្រួលដល់ពួកគាត់អាច​សាងសង់​លំនៅដ្ឋាននៅទីនោះបាន។បន្ថែមពីនេះ អាជ្ញាធរខេត្ត និងសមត្ថកិច្ចពាក់ព័ន្ធនៅតាមច្រកទ្វារព្រំដែន​ ត្រូវសហការ​សម្រប​សម្រួល​ជាមួយ​អាជ្ញាធរថៃ ដើម្បីសម្រួលភាពងាយស្រួល​ដល់ដំណើរចេញចូលរបស់​ពលករខ្មែរ ហើយត្រូវផ្សព្វផ្សាយ ​និងលើកទឹកចិត្តអោយប្រជាពលរដ្ឋចូលរួមសហការ ​និងរាយការណ៍​នូវរាល់ភាពមិនប្រក្រតីនានានៅតាមតំបន់ព្រំដែន ​និងតាមបណ្តាច្រកទ្វារព្រំដែនរវាង ប្រទេសទាំងពីរ៕

សម្ដេចធិបតី ស្នើមិត្តជប៉ុនជួយសាងសង់ស្ពានឆ្លងកាត់ទន្លេមេគង្គ និងពង្រីកផ្លូវជាតិលេខ១បន្ថែម

2023/12/22 01:05:38 pm        172
Facebook Telegram Linkin
សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានស្នើដល់មិត្តជប៉ុនជួយសាងសង់ស្ពានឆ្លងកាត់ទន្លេមេគង្គ (ក្ដីតាកុយ-អរិយក្សត្រ) និងពង្រីកផ្លូវជាតិលេខ១ (ភ្នំពេញ-ស្ពានត្សឹបាសា) បន្ថែមទៀត។សម្ដេចធិបតី នាយករដ្ឋមន្រ្ដី បានស្នើបែបនេះ ក្នុងឱកាសអញ្ជើញជាអធិបតីដ៏ខ្ពង់ខ្ពស់ ចូលរួមពិធី «បើកការដ្ឋានសាងសង់ចំណតផែកុងតឺន័រទឹកជ្រៅថ្មីខេត្តព្រះសីហនុ-ជំហានទី១ និងសម្ពោធបើកឱ្យប្រើប្រាស់ជាផ្លូវការគ្រឿងចក្រលើកដាក់ចល័តនៅគែមផែ ចំនួន២គ្រឿង ក្រោមឥណទានសម្បទាន និងជំនួយឥតសំណងពីរដ្ឋាភិបាលជប៉ុន» នៅព្រឹកថ្ងៃទី២២ ខែធ្នូ ឆ្នាំ ២០២៣នេះ។សម្ដេចធិបតី បានបញ្ជាក់ជាថ្មី នូវអំណរគុណចំពោះរដ្ឋាភិបាល និងប្រជាជនជប៉ុនសម្រាប់ការគាំទ្រ និងជំនួយដ៏ថ្លៃថ្លាដល់ការអភិវឌ្ឍសេដ្ឋកិច្ច-សង្គមកម្ពុជា។ ខណៈដែលឆ្នាំ២០២៣នេះ ប្រទេសទាំងពីរប្រារព្ធខួបអនុស្សាវរីយ៍លើកទី ៧០ នៃការបង្កើតទំនាក់ទំនងការទូត នឹងបានសន្យាធ្វើការយ៉ាងជិតស្និទ្ធជាមួយគ្នា ដើម្បីពង្រឹងភាពជាដៃគូយុទ្ធសាស្ត្រគ្រប់ជ្រុងជ្រោយ តាមរយៈគម្រោងកិច្ចសហប្រតិបត្តិការជាក់ស្ដែងលើគ្រប់វិស័យ។សូមជម្រាបថា ប្រទសជប៉ុន បានគាំទ្រដល់ការសាងសង់កំពង់ផែទឹកជ្រៅព្រះសីហនុ ក៏ដូចជាហេដ្ឋារចនាសម្ព័ន្ធនានារបស់កម្ពូជា ចាប់តាំងពីទសវត្សរ៍១៩៩០ ដល់បច្ចុប្បន្ន។ ខណៈកំពង់ផែទឹកជ្រៅខេត្តព្រះសីហនុនេះមិនត្រឹមតែជាជានិមិត្តរូបនៃចំណងមិត្តភាព និងកិច្ចសហប្រតិបត្តិការរវាងជប៉ុន និងកម្ពុជាប៉ុណ្ណោះ ទេ ប៉ុន្តែក៏បង្ហាញពីទំនាក់ទំនង និងកិច្ចសហប្រតិបត្តិការរវាងធុរជនជប៉ុន និងកម្ពុជាផងដែរ៕អត្ថបទ៖ វ៉ន ដារ៉ា

សម្ដេចធិបតី ឱ្យធ្វើការសិក្សាលម្អិតបន្ថែមទៀត លើការពង្រីកកំពង់ផែទឹកសាបរបស់កម្ពុជា

2023/12/22 12:54:33 pm        169
Facebook Telegram Linkin
សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានណែនាំឱ្យក្រសួងពាក់ព័ន្ធ សហការជាមួយវិស័យឯកជនធ្វើការសិក្សាលម្អិតបន្ថែមទៀត លើការពង្រីកកំពង់ផែទឹកសាបរបស់កម្ពុជា ដើម្បីបំពេញតម្រូវការវិស័យពាណិជ្ជកម្មរបស់កម្ពុជា ខណៈសន្ទុះការនាំចេញទំនិញរបស់កម្ពុជារយៈពេល១១ខែ ឆ្នាំ២០២៣នេះ មានការកើនឡើង ៤% ទទួលបានទឹកប្រាក់ប្រមាណ ២១.៣ ពាន់លានដុល្លារ។សម្ដេចធិបតី នាយករដ្ឋមន្រ្ដី មានប្រសាសន៍ ក្នុងឱកាសអញ្ជើញជាអធិបតីដ៏ខ្ពង់ខ្ពស់ ចូលរួមពិធី «បើកការដ្ឋានសាងសង់ចំណតផែកុងតឺន័រទឹកជ្រៅថ្មីខេត្តព្រះសីហនុ-ជំហានទី១ និងសម្ពោធបើកឱ្យប្រើប្រាស់ជាផ្លូវការគ្រឿងចក្រលើកដាក់ចល័តនៅគែមផែ ចំនួន២គ្រឿង ក្រោមឥណទានសម្បទាន និងជំនួយឥតសំណងពីរដ្ឋាភិបាលជប៉ុន» នៅព្រឹកថ្ងៃទី២២ ខែធ្នូ ឆ្នាំ ២០២៣នេះ ដោយបានណែនាំឱ្យក្រសួងពាក់ព័ន្ធសហការជាមួយ ភាគីមិត្តជប៉ុន ត្រូវរៀបចំនូវយុទ្ធសាស្រ្ដឱ្យបានច្បាស់លាស់បន្ថែមទៀត លើការពង្រីកកំពង់ផែទឹកសាបរបស់កម្ពុជា ពីព្រោះនាពេលខាងមុខការនាំចេញ និងនាំចូលទំនិញនៅក្នុងប្រទេសនឹងមានការកើនឡើង ដូច្នេះត្រូវតែត្រៀមលក្ខណៈទុកជាមុនលើកិច្ចការងារនេះ។ សូមជម្រាបថា បច្ចុបប្បន្ន កំពង់ផែនៅទូទាំងប្រទេសកម្ពុជាមានចំនួនសរុប ១០៥ កំពង់ផែ ក្នុងនោះរួមមានកំពង់ផែទឹកសាបចំនួន ៧៨ ដែលស្ថិតនៅតាមដងទន្លេមេគង្គ ទន្លេសាប ទន្លេបាសាក់ និងបណ្ដាខេត្តនានា និងកំពង់ផែសមុទ្រចំនួន ២៧ ខណៈកំពង់ផែទាំង ១០៥ ត្រូវបានបែងចែកចេញជាកំពង់ផែពាណិជ្ជកម្ម ឧស្សាហកម្ម ទេសចរណ៍ និងផែប្រេងជាដើម ហើយត្រូវបានគ្រប់គ្រងដោយរដ្ឋផង និងឯកជនផង។ កំពង់ផែទាំងនោះ មានតួនាទីសំខាន់ណាស់ នៅក្នុងការជំរុញសកម្មភាពពាណិជ្ជកម្មគ្រប់ប្រភេទ ក្នុងដំណើរការអភិវឌ្ឍសេដ្ឋកិច្ចជាតិ តំបន់ និងអន្តរជាតិ៕អត្ថបទ៖ វ៉ន ដារ៉ា

បណ្ដាញសង្គម

ព័ត៌មានថ្មីៗ

ប្រធានគណៈប្រចាំការនៃគណៈអចិន្ត្រៃយ៍យុវជនគណបក្សប្រជាជនកម្ពុជាថ្នាក់កណ្ដាល និងលេខាទី១ នៃគណៈកម្មាធិការមជ្ឈិមសម្ព័ន្ធយុវជនកុម្មុយនីស្តចិនចុះអនុស្សរណៈស្ដីពីកិច្ចសហប្រតិបត្តិការជាមួយគ្នា
06/26/2026 08:06 PM
Facebook Telegram Linkin
កសិដ្ឋានចិញ្ចឹមសត្វគោ និងជ្រូកនៅប្រទេសបែលហ្ស៊ិក កំពុងជួបការលំបាក ដោយសាររលកកម្តៅ
06/26/2026 08:06 PM
Facebook Telegram Linkin
នយោបាយឈ្នះ-ឈ្នះនាំឱ្យកម្ពុជាសម្រេចបានសន្តិភាព និងការអភិវឌ្ឍដូចសព្វថ្ងៃ
06/26/2026 08:06 PM
Facebook Telegram Linkin
អ៊ីរ៉ង់៖ ការឆ្លងកាត់ច្រកសមុទ្រ Hormuz មិនត្រូវបានធានាទេ បើគ្មាន​ការសម្របសម្រួលជាមួយ​ទីក្រុងតេអេរ៉ង់
06/26/2026 08:06 PM
Facebook Telegram Linkin
ប្រធានាធិបតីជិតឡើងកាន់អំណាចកូឡុំប៊ី ចេញឱសានវាទដល់ក្រុមឧក្រិដ្ឋកម្មប្រដាប់អាវុធ
06/26/2026 08:06 PM
Facebook Telegram Linkin
មន្ត្រីជាន់ខ្ពស់៖ លីបង់ទាមទារឲ្យ​អ៊ីស្រាអែលដកទ័ពទាំងស្រុង ក្នុងកិច្ចព្រមព្រៀងណាមួយ នៅទីក្រុងវ៉ាស៊ីនតោន
06/26/2026 08:06 PM
Facebook Telegram Linkin
កម្ពុជា ប្តេជ្ញាធ្វើការងារជិតស្និទ្ធជាមួយចិន ដើម្បីពង្រីកបន្ថែមទាំងវិសាលភាព និងភាពស៊ីជម្រៅនៃទំនាក់ទំនងទ្វេភាគី
06/26/2026 08:06 PM
Facebook Telegram Linkin
រញ្ជួយដីកម្រិត ៦,៥រ៉ិចទ័រ វាយប្រហារកោះ នៅ​ភាគខាងត្បូងនៃ​ប្រទេស​ហ្វីលីពីន
06/26/2026 08:06 PM
Facebook Telegram Linkin
UN ជំរុញឲ្យមានសេចក្តីថ្លៃថ្នូរសម្រាប់ជនអន្តោប្រវេសន៍ ក្រោយតុលាការអាមេរិកសម្រេចលើជនអន្តោប្រវេសន៍ហៃទី និងស៊ីរី
06/26/2026 08:06 PM
Facebook Telegram Linkin
អ៊ីស្រាអែលទម្លាក់ខិត្តប័ណ្ណ នៅ​ទីក្រុងរបស់​លីបង់ ដោយបញ្ជាឲ្យ​ប្រជាជនចាកចេញ
06/26/2026 08:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.