នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចតេជោ ហ៊ុន សែន អញ្ជើញចូលក្រាបថ្វាយបង្គុំគាល់ព្រះករុណាព្រះមហាក្សត្រ និងសម្តេចព្រះមហាក្សត្រី
សម្តេចតេជោអញ្ជើញជួបពិភាក្សាការងារជាមួយប្រធានគណៈកម្មាធិការអចិន្ត្រៃយ៍នៃសភាតំណាងប្រជាជនចិន
សម្តេចតេជោ ហ៊ុន សែន នឹងបំពេញទស្សនកិច្ចមិត្តភាពផ្លូវការនៅប្រទេសចិនរយៈពេលបីថ្ងៃចាប់ពីថ្ងៃទី២៥ដល់២៧ ខែមិថុនាខាងមុខនេះ
កម្ពុជា-អ៊ីស្រាអែល ឯកភាពបន្តជំរុញទំនាក់ទំនង និងកិច្ចសហប្រតិបត្តិការទ្វេភាគីឱ្យកាន់តែរីកចម្រើន

នយោបាយ​ និង ការអភិវឌ្ឍន៍

ចិន ជំរុញសហរដ្ឋអាមេរិក ឲ្យប្រុងប្រយ័ត្នចំពោះបញ្ហាទាក់ទងនឹងកោះតៃវ៉ាន់ និងសមុទ្រចិនខាងត្បូង

2023/12/15 11:33:03 am        176
Facebook Telegram Linkin
អ្នកនាំពាក្យក្រសួងការពារជាតិរបស់ប្រទេសចិន កាលពីថ្ងៃព្រហស្បតិ៍ បានជំរុញឱ្យភាគីសហរដ្ឋអាមេរិក ប្រុងប្រយ័ត្ន ចំពោះបញ្ហាទាក់ទងនឹងកោះតៃវ៉ាន់ និងបញ្ហាសមុទ្រចិនខាងត្បូង។ លោក ចាង សៅកាង ( Zhang Xiaogang) អ្នកនាំពាក្យក្រសួងការពារជាតិបានអត្ថាធិប្បាយឆ្លើយតបទៅនឹងសំណួររបស់ប្រព័ន្ធផ្សព្វផ្សាយទាក់ទងនឹងនាវាចម្បាំងរបស់សហរដ្ឋអាមេរិកបានចូលទន្ទ្រានដោយខុសច្បាប់ចូលទៅក្នុងដែនទឹកជាប់នឹង តំបន់ថ្មប៉ប្រះទឹកមានជម្លោះ រិនណៃ ចាវ ( Ren'ai Jiao) ដែលជាផ្នែកមួយនៃកោះណាសា ឈីង តាវ (Nansha Qundao)របស់ចិននៅសមុទ្រចិនខាងត្បូង និងការល្បាតដោយយន្តហោះនាពេលថ្មីៗនេះ របស់សហរដ្ឋអាមេរិក ដែលទើបហោះកាត់ច្រកសមុទ្រតៃវ៉ាន់។ លោក ចាង បាននិយាយថា នាវាចម្បាំងរបស់អាមេរិកបានចូលទន្ទ្រានដោយខុសច្បាប់ក្នុងដែនទឹកដែលនៅជាប់នឹងតំបន់ថ្មប៉ប្រះទឹកមានជម្លោះរិនណៃ ចាវ ដោយគ្មានការអនុញ្ញាតពីរដ្ឋាភិបាលចិន ធ្វើឱ្យប៉ះពាល់យ៉ាងធ្ងន់ធ្ងរដល់អធិបតេយ្យភាព និងសន្តិសុខរបស់ប្រទេសចិន រំលោភលើច្បាប់អន្តរជាតិ និងបទដ្ឋានជាមូលដ្ឋានក្នុងការគ្រប់គ្រងទំនាក់ទំនងអន្តរជាតិ និងធ្វើឱ្យប៉ះពាល់ដល់សន្តិភាព និងស្ថិរភាពក្នុងតំបន់។ លោកបានសង្កត់ធ្ងន់ថា ប្រទេសចិនតែងតែគោរពសិទ្ធិធ្វើនាវាចរណ៍ និងការហោះហើររបស់ប្រទេសទាំងអស់នៅសមុទ្រចិនខាងត្បូង ដោយអនុវត្តតាមច្បាប់អន្តរជាតិ ប៉ុន្តែប្រឆាំងដាច់ខាតចំពោះសកម្មភាពណាមួយដែលបង្កគ្រោះថ្នាក់ដល់អធិបតេយ្យភាព និងសន្តិសុខរបស់ចិន ក្នុងនាមសេរីភាពនៃការធ្វើនាវាចរណ៍ និងជើងហោះហើរ។ នៅពេលធ្វើអត្ថាធិប្បាយអំពីសកម្មភាពពេលថ្មីៗនេះរបស់ភាគីអាមេរិកលើច្រកសមុទ្រតៃវ៉ាន់ លោក ចាង បាននិយាយថា កោះតៃវ៉ាន់គឺជាផ្នែកសំខាន់មួយនៃទឹកដីរបស់ប្រទេសចិន ហើយថាសហរដ្ឋអាមេរិកមិនគួរព្យាយាមជំទាស់នឹងការប្តេជ្ញាចិត្តយ៉ាងមុតមាំរបស់ចិនដើម្បីការពារអធិបតេយ្យភាពជាតិ និងបូរណភាពទឹកដីរបស់ខ្លួននៅពេលណាមួយនោះទេ។ អ្នកនាំពាក្យរូបនេះ បានបញ្ជាក់ថា ប្រទេសចិន ជំរុញជាថ្មីម្ដងទៀត ឱ្យសហរដ្ឋអាមេរិក ចាត់វិធានការដោយប្រុងប្រយ័ត្ន ចំពោះសំណួរទាក់ទងនឹងកោះតៃវ៉ាន់ និងបញ្ហាសមុទ្រចិនខាងត្បូង ហើយបញ្ឈប់ការបង្កហេតុ៕

រយៈពេល១ខែ៖ ក្រសួងការងារ ទទួលបានយុវជនមកពីគ្រួសារក្រីក្រជាង ១ម៉ឺននាក់ ចុះឈ្មោះរៀនជំនាញវិជ្ជាជីវៈ

2023/12/15 10:50:27 am        139
Facebook Telegram Linkin
គិតត្រឹមរយៈពេល១ខែតំបូងនៃការដាក់ឱ្យប្រើប្រាស់ជាផ្លូវការ ការបណ្តុះបណ្តាលជំនាញវិជ្ជាជីវៈ និងបច្ចេកទេស ក្រសួងការងារ និងបណ្តុះបណ្តាលវិជ្ជាជីវៈទទួលបានយុវជនប្រមាណ ១៣ ៥៨៧ នាក់ បានមកចុះឈ្មោះចូលរៀនជំនាញវិជ្ជាជីវៈនៅទូទាំងប្រទេស។ នេះជាការបញ្ជាក់របស់ឯកឧត្តម កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈនៅថ្ងៃទី១៥ ខែធ្នូ ឆ្នាំ២០២៣។ ឯកឧត្តម បានលើកឡើងថា ចាប់ពីថ្ងៃទី១៤ ខែវិច្ឆិកា ឆ្នាំ២០២៣ រហូតដល់ថ្ងៃទី១៤ ខែធ្នូ ឆ្នាំ ២០២៣នេះ ពោលគឺមានរយៈពេល១ខែគត់នៃការដាក់ឱ្យអនុវត្តជាផ្លូវការនូវកម្មវិធីបណ្តុះបណ្តាល​ថ្នាក់ជាតិនេះ ក្នុងនោះដែរក្រសួងការងារបានដុតដៃដុតជើងផ្សព្វផ្សាយព័ត៌មាន ចាត់ក្រុមការងារ​ថ្នាក់ក្រសួងចុះមូលដ្ឋានធ្វើយ៉ាងណាគៀងគរ​យុវជនគោលដៅមកចុះឈ្មោះចូលរៀនជំនាញវិជ្ជាជីវៈ និងបច្ចេកទេសនេះឱ្យបានផុសផុល។ បើតាមឯកឧត្តម ក្នុងចំណោម អ្នកចុះឈ្មោះសរុបប្រមាណ ១៣ ៥៨៧នាក់ (ស្រី ៤ ៧០៤នាក់) ក្នុងនោះ រាជធានីភ្នំពេញចំនួន ៥ ៧០៤នាក់, បាត់ដំបង ១ ៤៨៨នាក់ សៀមរាប ៩៣៣នាក់, ព្រះសីហនុ ៤៨២នាក់, ពោធិ៍សាត់ ៤៧៨នាក់ និងបណ្ដាខេត្តផ្សេងៗចំនួន ៤ ៥០២នាក់ ។ ក្នុងនោះដែរអ្នកចុះឈ្មោះរៀនវគ្គបណ្តុះបណ្តា សំណង់សរុបមានចំនួន ១ ៩១១នាក់, អគ្គិសនី និងថាមពល ៤៩១នាក់, អេឡិចត្រូនិក ៣៥២នាក់, កម្មន្តសាល ៨៥នាក់, មេកានិចទូទៅ/មេកានិច​រថយន្ត ២ ០០៤នាក់, ធុរកិច្ច និងព័ត៌មានវិទ្យា ៤ ៤៩០នាក់ , សេវាកម្ម ៧៣០នាក់, បរិក្ខារត្រជាក់ និងកម្តៅ ១ ៩៩៤នាក់, ទេសចរណ៍ ៨២៣នាក់, និងកសិកម្ម និងកសិ-ឧស្សាហកម្ម ៧០៧នាក់។ឯកឧត្តមបបញ្ជាក់ថា ក្រសួងការងារ ​និងបណ្តុះបណ្តាលវិជ្ជាជីវៈ បាននឹងកំពុងធ្វើយុទ្ធនាការ​ផ្សព្វផ្សាយ​អំពីកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេសរបស់រាជរដ្ឋាភិបាល​អាណត្តិទី៧ទ្រង់ទ្រាយធំ ក្នុងនោះដែរការចុះយុទ្ធនាការផ្សព្វផ្សាយតាម សង្កាត់ និងតាម​ខ្នងផ្ទះនៃគ្រួសារក្រីក្រ និងគ្រួសារងាយរងហានិភ័យ​បានចំនួន ៥០១លើក ដែលមានអ្នក​ចូលរួមសរុប ៥០ ៦៤០នាក់។ឯកឧត្តមបញ្ជាក់ថា ក្នុងនោះមានអគ្គនាយកដ្ឋានជំនាញ មន្ទីរការងារ គ្រឹះស្ថានអប់រំបណ្តុះបណ្តាល​បច្ចេកទេស និងវិជ្ជាជីវៈ គ្រប់រាជធានី ខេត្តបានចេញយុទ្ធនាការផ្សព្វផ្សាយអំពីកម្មវិធី​បណ្តុះបណ្តាល​ជំនាញវិជ្ជាជីវៈ និងបច្ចេកទេសមិនត្រឹមតែនៅតាមខ្នង​ផ្ទះពលរដ្ឋតាមគោលដៅនោះទេ ក៏ប៉ុន្តែក្រសួង​ក៏មានយុទ្ធនាការផ្សព្វផ្សាយនៅតាមទីតាំងសាធារណៈ តាមរយៈការចែកខិតបណ្ណ អំពីកម្មវិធីបណ្តុះបណ្តាលថ្នាក់ជាតិនេះផងដែរ ។ ការបណ្តុះបណ្តាលជំនាញវិជ្ជាជីវៈ និងបច្ចេកទេសទៅដល់យុវជនមកពីគ្រួសារក្រីក្រ និងគ្រួសារ​ងាយរង​ហានិភ័យចំនួន ១,៥ លាននាក់ គឺជាកម្មវិធីថ្នាក់ជាតិរបស់រាជរដ្ឋាភិបាលកម្ពុជា​ក្នុង​អាណត្តិទី៧នេះ ដែលកាលពីថ្ងៃទី១៤ វិច្ឆិកា ឆ្នាំ២០២៣ ថ្មីៗនេះរាជរដ្ឋាភិបាលបានដាក់​ឱ្យអនុវត្តជាផ្លូវការ ។

សិស្សានិទ្ទេសA ១៧នាក់នៅស្រុកកណ្តាលស្ទឹងទទួលម៉ូតូ និងថវិការបស់សម្តេចតេជោ និងសម្តេចកិត្តិព្រឹទ្ធបណ្ឌិត

2023/12/15 10:40:11 am        188
Facebook Telegram Linkin
កណ្ដាល៖ អំណោយដ៏ថ្លៃថ្លារបស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ត្រូវបានប្រគល់ដល់សិស្សទើបជាប់និទ្ទេស A ចំនួន១៧នាក់នៅស្រុកកណ្តាលស្ទឹង ក្នុងនោះសិស្សម្នាក់ទទួលបានម៉ូតូ ១គ្រឿងនិងថវិកា ៤០ម៉ឺនរៀល។ ដោយឡែកសិស្សនិទ្ទេស B ចំនួន ៧៥នាក់ ក្នុងម្នាក់ៗទទួលបានថវិកា៤០ម៉ឺនរៀល រីឯសិស្សជាប់និទ្ទេស C ចំនួន១៩៤ នាក់ទទួលថវិកា៤០ម៉ឺនរៀលផងដែរ។អំណោយដ៏ថ្លៃថ្លានេះត្រូវឯកឧត្តម ណុប រ័ត្ននិមល ជំនួយការសម្ដេចអធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានក្រុមការងារយុវជនចុះមូលដ្ឋាន​ស្រុកកណ្តាលស្ទឹង តំណាងឯកឧត្តមកិត្តិបណ្ឌិត ហ៊ីង ប៊ុនហៀង សមាជិកអចិន្ត្រៃយ៍ ប្រធានក្រុម ការងារចុះមូលដ្ឋានស្រុកកណ្តាលស្ទឹងបានយកទៅប្រគល់ជូនក្នុងពេល​ជួបសំណេះសំណាល​ជាមួយលោកគ្រូ អ្នកគ្រូ និងសិស្សានុ សិស្សថ្នាក់ទី១២​ ទូទាំងស្រុកកណ្តាលស្ទឹង ខេត្តកណ្តាល កាលពីព្រឹកថ្ងៃទី១៥ ខែធ្នូ ឆ្នាំ២០២៣។ឯកឧត្តម ណុប រ័ត្ននិមល បានចាត់ទុកសិស្សានុសិស្ស ដែលប្រឡងជាប់សញ្ញាបត្រមធ្យមសិក្សា​ទុតិយភូមិ ឆ្នាំសិក្សា ២០២២-២០២៣ ពិសេសសិស្សជាប់និទ្ទេសA នាពេលនេះគឺជាគ្រាប់​ពូជមួយដ៏មានសារៈសំខាន់ សម្រាប់ចូលរួមក្នុងការអភិវឌ្ឍប្រទេសជាតិ​ ឲ្យកាន់តែរីក ចម្រើន​ជាបន្តទៀត ក្រោមម្លប់សន្តិភាពរបស់សម្តេចមហាបវរធិបតី ​ហ៊ុន ម៉ាណែត នាយករដ្ឋមន្ត្រី​នៃព្រះរាជាណាចក្រកម្ពុជា។ឯកឧត្តម ណុប រ័ត្ននិមល មានប្រសាសន៍ថា រាជរដ្ឋាភិបាលនីតិកាលទី ៧ នៃរដ្ឋសភា បានចាត់ទុកការអភិវឌ្ឍ​មូលធនមនុស្សជាអាទិភាពទី១ ក្នុងយុទ្ធសាស្រ្តបញ្ចកោណ ដំណាក់កាលទី១ ​និងបានកំណត់អាទិភាពគន្លឹះ៥ គឺ មនុស្ស ផ្លូវ ទឹក ភ្លើង និង បច្ចេកវិទ្យា សំដៅការពារ ថែរក្សា ពូនជ្រំសមិទ្ធផលជាតិ និង ជំរុញសន្ទុះកំណើនសេដ្ឋកិច្ច ធ្វើឱ្យកម្ពុជាប្រែក្លាយ​ជាប្រទេសមានចំណូលមធ្យមកម្រិត ខ្ពស់នៅឆ្នាំ ២០៣០ និងកសាងមូលដ្ឋានឆ្ពោះទៅសម្រេច​ចក្ខុវិស័យកម្ពុជា ឆ្នាំ ២០៥០ ​ប្រែក្លាយជាប្រទេសចំណូល។ឯកឧត្តមបញ្ជាក់ថា ការរីកចម្រើននូវលើគ្រប់វិស័យទៅបាន ពិសេសវិស័យអប់រំនាពេលនេះ គឺដោយសារកត្តាសុខសន្តិភាព ក្រោមការដឹកនាំដ៏ត្រឹមត្រូវ ​ និងឈ្លាសវៃប្រកប ដោយកិត្តិបណ្ឌិត នៃអតីតប្រមុខរាជរដ្ឋាភិបាលកម្ពុជាដែលមានសម្តេចតេជោ ហ៊ុន សែន និងសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា នីតិកាលទី៧ បានធ្វើឲ្យប្រទេសជាតិ​មាន​សុខសន្តិភាព និងការអភិវឌ្ឍរីកចម្រើនលើគ្រប់វិស័យ។ ហេតុផលនេះឯកឧត្តមណុប រ័ត្ននិមល​ក៏បាន​សំណូមពរដល់សិស្សានុ សិស្សនៅទូទាំងស្រុកណ្តាលស្ទឹង ត្រូវបន្តខិតខំសិក្សារៀនសូត្រ​ដើម្បីក្លាយខ្លួនជាមនុស្សល្អជាទំពាំងស្នងឬស្សីក្នុងការអភិវឌ្ឍជាតិ ​និងបានអំពាវនាវដល់​អាជ្ញាធរ​ដែនដី​ កងកម្លាំងប្រដាប់អាវុធ ​និងប្រជាពលរដ្ឋ ទូទាំងស្រុកកណ្តាលស្ទឹង​បន្តការចូលរួម​ថែរក្សាសុខ​សន្តិភាពនេះ ឲ្យបានគង់វង្ស។សូមជម្រាបជូនថានៅក្នុងឱកាសនេះ​ លោកគ្រូអ្នកគ្រូ ចំនួន១០៧នាក់​ក៏ទទួលបានអំណោយពី​សម្តេចទាំងទ្វេដោយក្នងម្នាក់ៗ​ថវិកា១០ម៉ឺនរៀល, សុខាភិបាលស្រុក ចំនួន ៥នាក់ ក្នុងម្នាក់ថវិកា​៥ម៉ឺនរៀល យុវជនចំនួន១៩នាក់ម្នាក់ៗថវិកា ៥ ម៉ឺនរៀល, ក្រុមប្រឹក្សាឃុំទាំង១៨នាក់ ក្នុងម្នាក់ៗ​ថវិកា៥ម៉ឺនរៀល និងក្នុង១ឃុំភេសជ្ជៈ២០កេស​ និងបាន​ឧបត្ថម្ភរដ្ឋបាលស្រុកកណ្ដាលស្ទឹង ថវិកា​ចំនួន ២លានរៀល​ ព្រមទាំងកងកម្លាំងមានសមត្ថកិច្ចផងដែរ៕អត្ថបទ៖ ភារម្យ

សម្តេចធិបតី ហ៊ុន ម៉ាណែត និងលោកជំទាវអញ្ជើញចូលរួមកិច្ចប្រជុំកំពូលរំលឹកខួបអនុស្សាវរីយ៍អាស៊ាន-ជប៉ុន

2023/12/15 10:32:51 am        120
Facebook Telegram Linkin
ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត នៅព្រឹកថ្ងៃទី១៥ ខែធ្នូ ឆ្នាំ ២០២៣នេះ បានអញ្ជើញដឹកនាំគណៈប្រតិភូជាន់ខ្ពស់ចូលរួមកិច្ចប្រជុំកំពូលរំលឹកខួបអនុស្សាវរីយ៍អាស៊ាន-ជប៉ុន ដើម្បីអបអរសាទរឆ្នាំទី ៥០ នៃមិត្តភាព និងកិច្ចសហប្រតិបត្តិការអាស៊ាន-ជប៉ុន ដែលនឹងប្រព្រឹត្តទៅនៅទីក្រុងតូក្យូចាប់ពីថ្ងៃទី ១៥-១៩ ខែធ្នូ ឆ្នាំ២០២៣ តបតាមការអញ្ជើញរបស់ ឯកឧត្តម គីស៊ីដា ហ៊្វូមីអូ នាយករដ្ឋមន្ត្រីជប៉ុន។អញ្ជើញអមដំណើរសម្ដេចធិបតី និងលោកជំទាវបណ្ឌិតក្នុងការចូលរួមកិច្ចប្រជុំនេះរួមមាន ឯកឧត្តម ស៊ុន ចាន់ថុល ឧបនាយករដ្ឋមន្ត្រី និងជាអនុប្រធានទី១ នៃក្រុមប្រឹក្សាអភិវឌ្ឍន៍កម្ពុជា ឯកឧត្តមបណ្ឌិតសភាចារ្យ ហង់ ជួនណារ៉ុន ឧបនាយករដ្ឋមន្រ្តី រដ្ឋមន្ត្រីក្រសួងអប់រំ យុវជន និងកីឡា ឯកឧត្តម សុខ ចិន្តាសោភា ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិ រួមនឹងរដ្ឋមន្ត្រី មន្ត្រីជាន់ខ្ពស់នៃរាជរដ្ឋាភិបាល ព្រមទាំងថ្នាក់ដឹកនាំវិស័យឯកជននៃសភាពាណិជ្ជកម្មកម្ពុជា និងសមាគមឧកញ៉ាកម្ពុជា។យោងតាមសេចក្ដីប្រកាសព័ត៌មានរបស់ក្រសួងការបរទេស និងសហប្រតិបត្តិការអន្តរជាតិបានឱ្យដឹងថា កិច្ចប្រជុំកំពូលនេះនឹងក្លាយជាព្រឹត្តិការណ៍ប្រវត្តិសាស្ត្រមួយទៀតសម្រាប់អាស៊ាន និងជប៉ុន ដើម្បីសម្រេចបាននូវគោលដៅរួមក្នុងការលើកកម្ពស់សន្តិភាព ស្ថិរភាព និងវិបុលភាពនៅក្នុងតំបន់ និងជំរុញនូវភាពជាដៃគូយុទ្ធសាស្ត្រគ្រប់ជ្រុងជ្រោយរវាងអាស៊ាន-ជប៉ុន តាមរយៈការចេញនូវ​សេចក្តីប្រកាស​ចក្ខុវិស័យរួមស្តីពីមិត្តភាព និងសហប្រតិបត្តិការអាស៊ាន-ជប៉ុន និងផែនការអនុវត្ត​សេចក្តីប្រកាសចក្ខុវិស័យរួមដែលបានបង្កើតឡើងក្រោមមូលបទសំខាន់ៗចំនួនបី រួមមាន ទី១ ភាពជាដៃគូមិត្តគ្រប់ជំនាន់ ទី២ ដៃគូសម្រាប់កិច្ចសហប្រតិបត្តិការបង្កើតសេដ្ឋកិច្ច និងសង្គមនៃអនាគត និងទី៣ ដៃគូសម្រាប់សន្តិភាព និងស្ថិរភាព។ក្នុងឱកាសនៃកិច្ចប្រជុំកំពូលនេះ សម្តេចធិបតីនឹងមានជំនួបកំពូលទ្វេភាគីជាមួយ ឯកឧត្តម គីស៊ីដា ហ៊្វូមីអូ ដើម្បីពិភាក្សាអំពីការពង្រឹង និងធ្វើឱ្យកាន់តែស៊ីជម្រៅនូវភាពជាដៃគូយុទ្ធសាស្ត្រគ្រប់ជ្រុង​ជ្រោយរវាងកម្ពុជា និងជប៉ុនដើម្បីផលប្រយោជន៍ជាក់ស្តែងសម្រាប់ប្រជាជនទាំងពីរ។ ភាគីទាំងពីរនឹងផ្លាស់ប្តូរទស្សនៈលើបញ្ហាតំបន់​ និងអន្តរជាតិដែលជាក្ដីបារម្ភ និងផលប្រយោជន៍រួមផងដែរ។ បន្ថែមពីនេះនាយករដ្ឋមន្ត្រីទាំងពីរនឹងធ្វើជាសាក្សីក្នុងពិធីចុះហត្ថលេខាលើលិខិតប្ដូរសារស្តីពីការផ្តល់ហិរញ្ញប្បទានឥតសំណងរបស់ជប៉ុន សម្រាប់គម្រោងចំនួនបីពាក់ព័ន្ធនឹងធារាសាស្ត ការផ្គត់ផ្គង់​ទឹកស្អាត និងរដ្ឋាភិបាលអេឡិចត្រូនិក ព្រមទាំងឯកសារកិច្ចសហប្រតិបត្តិការផ្សេងទៀតលើវិស័យ​ឌីជីថល ធនាគារ និងថាមពល។សម្ដេចធិបតីក៏នឹងអញ្ជើញចូលរួមកិច្ចប្រជុំកម្រិតថ្នាក់ដឹកនាំប្រទេសនៃសហគមន៍បំភាយឧស្ម័នសូន្យអាស៊ី (AZEC) ដើម្បីពិភាក្សាអំពីគោលនយោបាយស្ដីពីអន្តរការណ៍ថាមពល និងជំរុញកិច្ច​សហប្រតិបត្តិការ​ឆ្ពោះទៅ​រកការកាត់បន្ថយការបញ្ចេញឧស្ម័នកាបូននៅអាស៊ី។ក្នុងអំឡុងពេលស្នាក់នៅទីក្រុងតូក្យូសម្ដេចធិបតីក៏នឹងមានជំនួបអាហារការងារពេលព្រឹកជាមួយ ឯកឧត្តម សនសៃ ស៊ីផាន់ដន នាយករដ្ឋមន្ត្រីឡាវ និងឯកឧត្តម ផាម មិញជិញ នាយករដ្ឋមន្ត្រីវៀតណាម។ បន្ទាប់មកទៀតសម្ដេចធិបតីក៏នឹងជួបសំណេះសំណាល​ជាមួយសហគមន៍ខ្មែររស់នៅប្រទេសជប៉ុនផងដែរ៕

នាយឧត្តមសេនីយ៍ ទៀ សីហា៖ ស្ថានភាពតំបន់ និងពិភពលោកកំពុង​ស្មុគស្មាញ​ កិច្ចសហការ កម្ពុជា-ឡាវ-វៀតណាម តម្រូវឱ្យរួមគ្នាពង្រឹងប្រតិបត្តិការវិស័យការពារជាតិ

2023/12/15 10:27:12 am        242
Facebook Telegram Linkin
ភ្នំពេញ៖ នាយឧត្តមសេនីយ៍ ទៀ សីហា ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ បានថ្លែងថា ក្នុងស្ថានភាពតំបន់ និងពិភពលោក កំពុងមានការប្រែប្រួលយ៉ាងស្មុគស្មាញ នាពេលបច្ចុប្បន្ន កិច្ចសហប្រតិបត្តិការរវាងកម្ពុជា-ឡាវ-វៀតណាម ​តម្រូវឱ្យរួមគ្នាពង្រឹងកិច្ចសហប្រតិបត្តិការ​វិស័យ​ការពារជាតិ និងសន្តិសុខ ​សំដៅធានាសុខប្រទេសនីមួយៗ។ថ្លែងក្នុងជំនួបប្រាស្រ័យមិត្តភាពការពារជាតិថ្នាក់រដ្ឋមន្ដ្រីលើកទី១ចំនួន ៣ប្រទេស កម្ពុជា-ឡាវ-វៀតណាម នាថ្ងៃទី១៤ ខែធ្នូ ឆ្នាំ២០២៣ នាយឧត្តមសេនីយ៍ ទៀ សីហា មានប្រសាសន៍ថា «ស្ថិតក្នុងស្ថានភាពតំបន់ និងពិភពលោក ដែលកំពុងមានការ​ប្រែប្រួល​យ៉ាង​ស្មុគស្មាញ​នាពេល​បច្ចុប្បន្ន ​កិច្ចសហប្រតិបត្តិការប្រទេសទាំងបី តម្រូវឱ្យយើងរួមគ្នាពង្រឹងកិច្ចសហប្រតិបត្តិការ​វិស័យ​ការពារជាតិ និងសន្តិសុខ ដែលជាវិស័យ​សសរស្ដម្ភ​ក្នុងការជួយគាំទ្រគ្នា​ទៅវិញទៅមក ដើម្បី​ធានាស្ថិរភាព សណ្ដាប់ធ្នាប់ ​និងសន្តិសុខនៅ ប្រទេសនីមួយៗ ​និងឯកភាពគ្នាមិនអនុញ្ញាត​ឱ្យកម្លាំង​ណាមួយប្រើទឹកដីប្រទេសខ្លួន ​ដើម្បីប្រឆាំងនឹងប្រទេស​ ណាមួយឡើយ»។នាយឧត្តមសេនីយ៍ ទៀ សីហា បន្ដថា បន្តពង្រឹងការផ្លាស់ប្តូរទស្សនកិច្ច និងការប្រាស្រ័យទាក់ទង​ជា​ញឹកញាប់ ​សំដៅជម្រុញទំនាក់ទំនងជា ​ប្រពៃណ៏មិត្តភាពយ៉ាង​ជិតស្និទ្ធ រវាងប្រទេសទាំងបី​កម្ពុជា-ឡាវ-វៀតណាម ​ក្នុងស្មារតីភាពជាអ្នកជិតខាងល្អ មិត្តភាពជាប្រពៃណី កិច្ច​សហប្រតិបត្តិការគ្រប់ជ្រុងជ្រោយ​ ស្ថិរភាពយូរអង្វែង​ ដែលជាកត្តាដ៏សំខាន់បំផុតមួយ សម្រាប់​ជោគជ័យក្នុងការការពារឯករាជ្យ សន្តិភាព ស្ថិរភាព និងការអភិវឌ្ឍប្រទេសជាតិនីមួយៗ។នាយឧត្តមសេនីយ៍ ទៀ សីហា បន្ថែមថា ​បង្កើនការងារ ឃោសនាអប់រំប្រជាជន កងទ័ព នាយ​ទាហានបន្តវេន ​បានយល់កាន់តែច្បាស់នូវអត្ថន័យព្រឹត្តិការណ៍ជាប្រវត្តិ- សាស្ត្រជាតិ សំដៅពង្រឹងស្មារតីសាមគ្គីភាព មិត្តភាពប្រទេសទាំងបីឱ្យកាន់តែមានភាពស៊ីជម្រៅ និងគ្រប់ជ្រុង ជ្រោយថែមទៀត។នាយឧត្តមសេនីយ៍ ទៀ សីហា គូសបញ្ជាក់ថា ចំពោះកិច្ចសហប្រតិបត្តិការពហុភាគី តម្រូវ​ឱ្យប្រទេសទាំងបីបន្តគាំទ្រគ្នានៅក្នុងអង្គការអន្តរជាតិ ​និងវេទិកាពហុភាគីនានា ដើម្បីចូលរួម​ដោះស្រាយកិច្ចការតំបន់ និងពិភពលោក សំដៅធានាបាននូវ សន្តិភាព ​សន្តិសុខ ស្ថិរភាព និងការអភិវឌ្ឍ ជាពិសេសកិច្ចសហប្រតិបត្តិការក្នុងក្របខ័ណ្ឌតំបន់ត្រីកោណអភិវឌ្ឍន៍ និងតំបន់ទន្លេមេគង្គ។ក្នុងនាមក្រសួងការពារជាតិកម្ពុជា ​នាយឧត្តមសេនីយ៍ ទៀ សីហា ប្តេជ្ញាលើកកម្ពស់តួនាទីស្នូល​កងទ័ព​ប្រទេសទាំងបី សហការរួមគ្នា ​អនុវត្តឱ្យបានជោគជ័យលើគ្រប់វិស័យ តាមចក្ខុវិស័យរបស់​ថ្នាក់ដឹកនាំប្រទេសទាំងបី ក្នុងការចូលរួមដល់គម្រោង ​អភិវឌ្ឍន៍តំបន់ត្រីកោណ ​កម្ពុជា-ឡាវ-វៀតណាម ​ដែលឈរលើមូលដ្ឋាននៃការគោរពគ្នា ​និងជឿទុកចិត្តគ្នាទៅ វិញទៅមក ដែលនាំ​មកនូវផលប្រយោជន៍ជាច្រើនសម្រាប់ប្រជាជននៃប្រទេសទាំងបី។នាយឧត្តមសេនីយ៍ ទៀ សីហា បន្ថែមថា កម្ពុជាបន្តគាំទ្រគ្នាទៅវិញទៅមកលើវេទិកាពហុភាគី​អន្តរជាតិ ​និងក្នុងតំបន់ នៃយន្តការបណ្តាប្រទេស អាស៊ាន តាមរយៈការជួយគាំទ្រក្រសួងការពារ​ប្រទេស នៃសាធារណរដ្ឋប្រជាធិបតេយ្យប្រជាមានិតឡាវ​ ធ្វើម្ចាស់ ផ្ទះកិច្ចប្រជុំរដ្ឋមន្ត្រីការពារជាតិ​អាស៊ាន និងកិច្ចប្រជុំពាក់ព័ន្ធ ឆ្នាំ២០២៤ ឱ្យទទួលបានជោគជ័យ។ កម្ពុជាគាំទ្រ ជម្រុញដំណើរ​ទស្សនកិច្ចទៅវិញទៅមក និងចូលរួមព្រឹត្តិការណ៍​សំខាន់ៗរបស់ប្រទេសនីមួយៗ នៅឆ្នាំ២០២៤ ខាងមុខ ​ដែលរៀបចំដោយក្រសួងការពារប្រទេសវៀតណាម ​និងក្រសួងការពារប្រទេសឡាវ។ កម្ពុជាប្តេជ្ញារៀបចំ ​ជំនួបប្រាស្រ័យមិត្តភាពការពារជាតិថ្នាក់រដ្ឋមន្ត្រី និងលំហាត់រួមគ្នា​ពាក់ព័ន្ធវិស័យ​សុខាភិបាល និងមនុស្សធម៌ រវាងកងទ័ពប្រទេសទាំងបី កម្ពុជា-ឡាវ-វៀតណាម ​នៅប្រទេសកម្ពុជា ឱ្យទទួលបានជោគជ័យ។នាយឧត្តមសេនីយ៍ ទៀ សីហា គូសបញ្ជាក់ទៀតថា ​ចំពោះកិច្ចសហប្រតិបត្តិការពហុភាគី ក្រសួងការ​ពារជាតិកម្ពុជា​ សហការជាមួយក្រសួងការពារប្រទេស ​វៀតណាម និងឡាវ បន្តគាំទ្រគ្នា​ទៅវិញទៅមកនៅក្នុងវេទិកាពហុភាគីនានា ​ដើម្បីរួមគ្នាដោះស្រាយកិច្ចការតំបន់​ និងពិភពលោក សំដៅធានា​បាននូវសន្តិភាព សន្តិសុខ ស្ថិរភាព ​និងការអភិវឌ្ឍ ជាពិសេសកិច្ចសហប្រតិបត្តិការ ក្នុងក្របខ័ណ្ឌតំបន់​ត្រីកោណអភិវឌ្ឍន៍​ និងតំបន់ទន្លេមេគង្គ រួមទាំងការប្រយុទ្ធប្រឆាំងនឹង​ឧក្រិដ្ឋកម្មពាក់ព័ន្ធគ្រឿង ញៀន ​និងឧក្រិដ្ឋកម្មឆ្លងដែនដទៃឱ្យកាន់តែមានប្រសិទ្ធភាពថែមទៀត៕ អត្តបទ៖ បាន ចក់

[BREAKING NEWS] ហុងគ្រីបិទការផ្ដល់ជំនួយ៥០ពាន់លានអឺរ៉ូ ជាមូលនិធិរបស់សហភាពអឺរ៉ុប សម្រាប់អ៊ុយក្រែន

2023/12/15 09:28:46 am        222
Facebook Telegram Linkin
ប្រទេសហុងគ្រីបានបិទកញ្ចប់ជំនួយដែលមានទំហំទឹកប្រាក់៥០ពាន់លានអឺរ៉ូ ដល់សហភាពអឺរ៉ុប សម្រាប់អ៊ុយក្រែន ប៉ុន្មានម៉ោងបន្ទាប់ពីបានឈានដល់កិច្ចព្រមព្រៀងមួយលើការចាប់ផ្ដើមការចរចាស្ដីពីសមាជិកភាពរបស់អ៊ុយក្រែន។

ប្រទេសចិន បានសម្រុះសម្រួលកិច្ចចរចាសន្តិភាពរបស់របបសឹកមីយ៉ាន់ម៉ា ជាមួយនឹងក្រុមឧទ្ទាម

2023/12/15 09:24:15 am        150
Facebook Telegram Linkin
ទីក្រុងប៉េកាំងបាននិយាយកាលពីថ្ងៃព្រហស្បតិ៍ (១៤ ធ្នូ) ថាប្រទេសចិន បានសម្រុះសម្រួលកិច្ចចរចាសន្តិភាពរវាងយោធាដែលកំពុងកាន់អំណាចរបស់សហភាពមីយ៉ាន់ម៉ា និងក្រុមឧទ្ទាម ហើយភាគីជម្លោះបានព្រមព្រៀងលើបទឈប់បាញ់បណ្តោះអាសន្ន និងដើម្បីរក្សាការសន្ទនា។ការប្រយុទ្ធគ្នាភាគច្រើននៅក្នុងរដ្ឋ សាន (Shan) ភាគខាងជើងបានបង្កឱ្យមានការព្រួយបារម្ភយ៉ាងខ្លាំងនៅក្នុងប្រទេសចិន ដែលជាអ្នកជិតខាង។ មនុស្សប្រហែល ៣០ម៉ឺននាក់ ត្រូវបានជម្លៀសខ្លួនចាប់តាំងពីការវាយលុករបស់ពួកឧទ្ទាមបានចាប់ផ្តើមនៅថ្ងៃទី២៧ ខែតុលា នេះបើយោងតាមអង្គការសហប្រជាជាតិដែលនិយាយថាមនុស្សជាង ២លាននាក់ ត្រូវបាត់បង់ផ្ទះសម្បែងចាប់តាំងពីរដ្ឋប្រហារយោធាមីយ៉ាន់ម៉ា កាលពីខែកុម្ភៈ ឆ្នាំ២០២១មក។ក្រសួងការបរទេសចិនបាននិយាយនៅក្នុងសេចក្តីថ្លែងការណ៍មួយថា កិច្ចពិភាក្សាត្រូវបានធ្វើឡើងនៅក្នុងប្រទេសចិនក្នុងរយៈពេលប៉ុន្មានថ្ងៃថ្មីៗនេះ ដោយមិនបានផ្តល់ព័ត៌មានលម្អិតបន្ថែមនោះទេ។ ប្រទេសចិនសង្ឃឹមថា ភាគីពាក់ព័ន្ធក្នុងសហភាពមីយ៉ាន់ម៉ា នឹងអនុវត្តកិច្ចព្រមព្រៀង និងការឯកភាពដែលសម្រេចបាន ហើយអនុវត្តការអត់ធ្មត់ជាអតិបរមា និងទទួលយកគំនិតផ្តួចផ្តើមដើម្បីបន្ធូរបន្ថយស្ថានការណ៍នៅលើសមរភូមិ។យោធាមីយ៉ាន់ម៉ាបាននិយាយកាលពីថ្ងៃច័ន្ទថា ខ្លួនបានជួបជាមួយក្រុមឧទ្ទាម និងភាគីផ្សេងទៀតនៅក្នុងជម្លោះ ហើយការចរចាមួយផ្សេងទៀតនឹងត្រូវធ្វើឡើងនៅចុងខែនេះ ដោយមិនមានការបញ្ជាក់លម្អិតនោះទេ។ ទោះជាយ៉ាងណាក៏ដោយ កាលពីថ្ងៃពុធ សម្ព័ន្ធក្រុមបះបោរជនជាតិភាគតិចបានបញ្ជាក់ជាថ្មីនូវការប្ដេជ្ញាចិត្តរបស់ខ្លួនក្នុងការកម្ចាត់អ្វីដែលខ្លួនហៅថា «របបផ្តាច់ការ» របស់មីយ៉ាន់ម៉ា ហើយមិនបាននិយាយអំពីការចរចាសន្តិភាព ឬបទឈប់បាញ់អ្វីនោះទេ៕

សហភាពអឺរ៉ុប នឹងបើកការចរចាស្ដីពីការចូលជាសមាជិកភាពជាមួយអ៊ុយក្រែន និងម៉ុលដូវ៉ា

2023/12/15 09:13:52 am        137
Facebook Telegram Linkin
ក្រុមមេដឹកនាំអឺរ៉ុបបានសម្រេចចិត្តបើកកិច្ចចរចាស្ដីពីសមាជិកភាពសហភាពអឺរ៉ុបជាមួយអ៊ុយក្រែន និងម៉ុលដូវ៉ា និងផ្តល់ឋានៈបេក្ខជនដល់ប្រទេសហ្សកហ្ស៊ី។ ប្រធានាធិបតីអ៊ុយក្រែនលោក Volodymyr Zelensky បានសាទរចំពោះការសម្រេចចិត្តដែលបានធ្វើឡើងនៅក្នុងកិច្ចប្រជុំកំពូលនៅទីក្រុងព្រុចសែលថាជាជ័យជម្នះ សម្រាប់ប្រទេសរបស់លោកនិងអឺរ៉ុប។អ្នកនាំពាក្យរបស់លោក ឆាល មីឈែល (Charles Michel)ប្រធានក្រុមប្រឹក្សាអឺរ៉ុបបាននិយាយថាកិច្ចព្រមព្រៀងនោះត្រូវបានសម្រេចជាឯកច្ឆ័ន្ទ។ប្រទេសហុងគ្រីបានជំទាស់ចំពោះការចរចានេះជាយូរមកហើយដែលចាប់ផ្តើមជាមួយក្រុងគៀវ ប៉ុន្តែពុំបានវេតូចំពោះចំណាត់ការនេះទេ។ លោកនាយករដ្ឋមន្ត្រីហុងគ្រី វីកទ័រ អូបាន(Viktor Orban) បានចាកចេញពីបន្ទប់ប្រជុំមួយភ្លាមៗ ជាអ្វីដែលក្រុមមន្ត្រីបានពិពណ៌នាថាជាការយល់ព្រមទុកជាមុន និងមានលក្ខណៈស្ថាបនា ខណៈមេដឹកនាំ ២៦ នាក់ផ្សេងទៀតបានបន្តការបោះឆ្នោត។ ក្រោយការចាកចេញ លោកបានចេញសារជាវីដេអូ នៅលើ បណ្ដាញសង្គម Facebook ថាសមាជិកភាពរបស់អ៊ុយក្រែន ជាមួយសហភាពអឺរ៉ុប គឺជាការសម្រេចចិត្តដ៏អាក្រក់។ ហុងគ្រី មិនចង់ចូលរួមក្នុង ការសម្រេចចិត្តដ៏អាក្រក់នេះទេ ដូច្នេះទើបលោកនៅឆ្ងាយពីការសម្រេចចិត្តនៅថ្ងៃនេះ ។ លោក Zelensky រីករាយចំពោះការប្រកាសរបស់ សហភាពអឺរ៉ុបដោយលោកបាននិយាយនៅលើបណ្ដាញសង្គម Xថា នេះគឺជាជ័យជម្នះសម្រាប់អ៊ុយក្រែន។ ជ័យម្នះបសម្រាប់អឺរ៉ុបទាំងអស់។ជាជោគជ័យមួយដែលជំរុញទឹកចិត្ត បំផុសគំនិតនិងពង្រឹង ។ អ៊ុយក្រែន និងម៉ុលដាវ៉ា បានដាក់ពាក្យចូលរួមជាមួយសហភាពអឺរ៉ុប បន្ទាប់ពីរុស្ស៊ីបានចាប់ផ្តើមការឈ្លានពានពេញបន្ទុករបស់ខ្លួនលើអ៊ុយក្រែនកាលពីខែកុម្ភៈ ឆ្នាំ ២០២២។ ប្រទេសទាំងពីរត្រូវបានផ្តល់ឋានៈជាបេក្ខជនកាលពីខែមិថុនាឆ្នាំមុន ខណៈហ្សកហ្ស៊ីត្រូវបានអនុម័តនៅពេលនោះ។លោកស្រីប្រធានាធិបតីម៉ុលដូវ៉ាម៉ាយ៉ា សានើឌូ (Maia Sandu) បាននិយាយថា នេះជាកិត្តិយសក្នុងការចែករំលែកវិថីទៅកាន់សហភាពអឺរ៉ុបជាមួយអ៊ុយក្រែន។ លោកស្រីបានសរសេរថា យើងនឹងមិននៅទីនេះនៅថ្ងៃនេះទេ បើគ្មានការតស៊ូដ៏អង់អាចរបស់អ៊ុយក្រែនប្រឆាំងនឹងការឈ្លានពានដ៏ឃោរឃៅរបស់រុស្ស៊ី៕

សម្តេចធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី អញ្ជើញចូលរួម “កិច្ចប្រជុំកំពូលរំលឹកខួបអនុស្សាវរីយ៍អាស៊ាន-ជប៉ុន

2023/12/15 09:06:21 am        324
Facebook Telegram Linkin
នៅព្រឹកថ្ងៃសុក្រ ទី១៥ ធ្នូ ២០២៣ សម្តេចមហាបវរធិបតី ហ៊ុន ម៉ាណែត​ នាយករដ្ឋមន្ត្រី នៃព្រះរាជាណាចក្រកម្ពុជា​​ និង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ដឹកនាំគណៈប្រតិភូរាជរដ្ឋាភិបាលកម្ពុជា អញ្ជើញចូលរួម “កិច្ចប្រជុំកំពូលរំលឹកខួបអនុស្សាវរីយ៍អាស៊ាន-ជប៉ុន ដើម្បីអបអរសាទរ ខួប ៥០ឆ្នាំនៃមិត្តភាព និងសហប្រតិបត្តិការអាស៊ាន-ជប៉ុន នៅទីក្រុងតូក្យូ ប្រទេសជប៉ុន ចាប់ពីថ្ងៃទី១៥-១៩ ខែធ្នូ​ ឆ្នាំ២០២៣” ។

វិមានក្រឹមឡាំង៖ រុស្ស៊ី កត់សម្គាល់ការធ្លាក់ចុះនៃការគាំទ្ររបស់សហរដ្ឋអាមេរិក ចំពោះអ៊ុយក្រែន

2023/12/14 03:47:59 pm        149
Facebook Telegram Linkin
អ្នកនាំពាក្យវិមានក្រឹមឡាំង លោក ឌីមីទ្រី ផេស្កូវ (Dmitry Peskov) បាននិយាយនៅក្នុងបទសម្ភាសន៍ជាសាធារណៈកាលពីថ្ងៃពុធ (១៣ ធ្នូ) ថាប្រទេសរុស្ស៊ី កំពុងឃ្លាំមើលខណៈការគាំទ្រផ្នែកយោធារបស់សហរដ្ឋអាមេរិកសម្រាប់អ៊ុយក្រែនធ្លាក់ចុះ ហើយទីក្រុងគីវ ទទួលរងនូវការលំបាកក្នុងសមរភូមិ។លោក ផេស្កូវ បាននិយាយបែបនេះទៅកាន់ប្រព័ន្ធផ្សព្វផ្សាយរុស្ស៊ី បន្ទាប់ពីប្រធានាធិបតីអ៊ុយក្រែន លោក វ្លូឌីមី ហ្ស៊េលែនស្គី (Volodymyr Zelenskiy) បានបញ្ចប់កិច្ចពិភាក្សានៅទីក្រុងវ៉ាស៊ីនតោន ដើម្បីទទួលបានជំនួយយោធាថ្មីជាង ៦០ពាន់លានដុល្លារ ដែលធ្វើឡើងដោយមានជម្លោះនៅក្នុងសភា។លោក ផេស្កូវ បានប្រាប់សារព័ត៌មាន អ៊ីសវេសទៀ (Izvestia) ថា «របបរដ្ឋធានីគីវ បានសន្យានឹងអាមេរិកថា ប្រសិនបើទីក្រុងវ៉ាស៊ីនតោន ផ្តល់ឱ្យអ៊ុយក្រែន ១០០ពាន់លានដុល្លារ នោះក្រុងគីវ នឹងមានជ័យជំនះលើសមរភូមិ។ ពេលនេះ ជនជាតិអាមេរិកដឹងថាពួកគេត្រូវបានបោកបញ្ឆោតប៉ុណ្ណោះ។ អ៊ុយក្រែនមិនមានជ័យជំនះនៅលើសមរភូមិទេ ហើយជាការពិត កងកម្លាំងអ៊ុយក្រែនកំពុងបាត់បង់ទឹងដីរបស់ពួកគេយ៉ាងឆាប់រហ័ស ហើយនេះគឺជាដំណើរការដែលមិនអាចជៀសបាន។ ការគាំទ្ររបស់អាមេរិក ចំពោះអ៊ុយក្រែនកំពុងធ្លាក់ចុះហើយ»។សង្គ្រាមរយៈពេល ២១ខែចូលទៅក្នុងការឈ្លានពានពេញលេញរបស់រុស្ស៊ីលើអ៊ុយក្រែន ហើយរយៈពេលមួយឆ្នាំបន្ទាប់ពីអ៊ុយក្រែន ទទួលបានមកវិញនូវចំណែកដ៏ធំនៃទឹកដីដែលកាន់កាប់នោះ សមរភូមិជួរមុខបានផ្លាស់ប្តូរតិចតួចក្នុងប៉ុន្មានសប្តាហ៍ថ្មីៗនេះ។ លោក ហ្ស៊េលែនស្គី ច្រានចោលការយល់ឃើញណាមួយដែលថាសង្គ្រាមស្ថិតក្នុងភាពជាប់គាំង ប៉ុន្តែទទួលស្គាល់ថាការវាយលុករបស់អ៊ុយក្រែនដែលបានចាប់ផ្តើមកាលពីខែមិថុនាដោយមានការគាំទ្រពីលោកខាងលិច មានការវិវឌ្ឍន៍មានតិចតួចប៉ុណ្ណោះ៕

បណ្ដាញសង្គម

ព័ត៌មានថ្មីៗ

នៅព្រឹកនេះ ព្រឹទ្ធសភាបន្តសម័យប្រជុំលើកទី៥ ដើម្បីពិនិត្យហើយឱ្យយោបល់លើសេចក្តីព្រាងច្បាប់ស្តីពី«វិសោធនកម្មច្បាប់ស្តីពីផ្លូវថ្នល់»
06/26/2026 09:06 AM
Facebook Telegram Linkin
កម្ពុជាទទួលបានមេដាយមាស ប្រាក់ សំរឹទ្ធ និងពាន៣ ពី​ការប្រឡងកម្មវិធី The Young Master Challenge Global Final 2026 នៅចក្រភពអង់គ្លេស
06/26/2026 08:06 AM
Facebook Telegram Linkin
រុស្ស៊ី-កម្ពុជា បន្តទំនាក់ទំនងដ៏រឹងមាំលើវិស័យអប់រំ វប្បធម៌ កសិកម្ម ថាមពល ការពារជាតិ និងពាណិជ្ជកម្ម​
06/26/2026 08:06 AM
Facebook Telegram Linkin
[UPDATE] អ្នកស្លាប់ពីការរញ្ជួយដីនៅវ៉េណេស៊ុយអេឡាឡើងដល់ជាង ២០០នាក់ ខណៈការសង្គ្រោះនិងស្វែងរកអ្នករស់រានមានជីវិតនៅតែបន្ត
06/26/2026 08:06 AM
Facebook Telegram Linkin
ក្រសួង និងអ្នកជំនាញ រួមគ្នាពង្រឹងគុណភាពសំណង់នៅកម្ពុជា ឆ្លើយតបតម្រូវការបច្ចុប្បន្ន
06/26/2026 08:06 AM
Facebook Telegram Linkin
[UPDATE] ក្រុមអ្នកសង្គ្រោះបន្តស្វែងរកអ្នករស់រានមានជីវិតពីគំនរបាក់បែក ខណៈអ្នកស្លាប់ពីការរញ្ជួយដីនៅវ៉េណេស៊ុយអេឡាឡើងដល់ជិត២០០នាក់
06/26/2026 07:06 AM
Facebook Telegram Linkin
រដ្ឋមន្ត្រីក្រសួងបរិស្ថាន៖ ថ្នាក់ដឹកនាំ និងមន្រ្តីក្រសួងបរិស្ថាននឹងបន្តដឹកនាំវិស័យបរិស្ថានឱ្យកាន់តែរីកចម្រើន
06/26/2026 07:06 AM
Facebook Telegram Linkin
រដ្ឋមន្ត្រីនៃគណៈទាក់ទងការបរទេសបក្សកុម្មុយនីស្តចិនបានលើកឡើងថា ប្រជាជនចិនបានចាត់ទុកសម្ដេចតេជោ គឺជាមិត្តដ៏ល្អរបស់ចិន
06/26/2026 07:06 AM
Facebook Telegram Linkin
ប្រធានគណៈកម្មាធិការអចិន្ត្រៃយ៍នៃសភាតំណាងប្រជាជនចិន បានហៅទំនាក់ទំនងកម្ពុជា និងចិនថា ជាទំនាក់ទំនងមិត្តចាស់ មិត្តដែកថែប ដែលតែងតែជួយយកអាសាគ្នាទៅវិញទៅមក
06/26/2026 07:06 AM
Facebook Telegram Linkin
អាជ្ញាធរស៊ូដង់បោសសម្អាតរថយន្តរងការបំផ្លិចបំផ្លាញ និងត្រូវបានគេលួចរាប់ពាន់គ្រឿងចេញពីផ្លូវនៅទីក្រុង Khartoum
06/25/2026 09:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.