នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេច​ធិបតី៖ ភូមិអភិវឌ្ឍបឹងជង្រុកតេជោឈ្នះ ឈ្នះ ជាសមិទ្ធផល នៃការប្រើប្រាស់​គោល​នយោបាយឈ្នះ ឈ្នះ របស់សម្តេចតេជោ ហ៊ុន សែន
លោកថុង ម៉េងដាវិត៖ការបង្ហោះសារផ្ការីករបស់ទណ្ឌិតក្បត់ជាតិបីជំនាន់ គឺជា​ការ​បញ្ឆេះ​បដិវត្តន៍ពណ៌​លើកម្ពុជា
ក្រុមហ៊ុន YCH Group បង្ហាញបំណងវិនិយោគលើហេដ្ឋារចនាសម្ព័ន្ធ​តភ្ជាប់នៅកម្ពុជាផ្ដោត​លើវិស័យ​ដឹកជញ្ជូន និងឡូជីស្ទីក
គណបក្សនយោបាយ និងអង្គការសង្គមស៊ីវិលចង់ឱ្យកម្ពុជាមានច្បាប់ដាក់​ក្រុមជ្រុលនិយម​ជា«ក្រុមភេរវកម្ម»

នយោបាយ​ និង ការអភិវឌ្ឍន៍

សម្តេចធិបតី៖ ទោះកាលៈទេសៈណាក៏ដោយមិនអនុញ្ញាត ឲ្យមានការកាប់សម្លាប់ដូចសម័យខ្មែរក្រហមវិលត្រឡប់មកវិញឡើយ

2024/07/16 09:41:38 am        135
Facebook Telegram Linkin
សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានបញ្ជាក់ថា ទោះកាលៈទេសៈណា ក៏ដោយរាជរដ្ឋាភិបាលមិនអនុញ្ញាតឲ្យមានការកាប់សម្លាប់រង្គាលពលរដ្ឋខ្លួន ដូចកាលសម័យរបបកម្ពុជា ប្រជាធិបតេយ្យ(របបខ្មែរក្រហម)នោះឡើយ ហើយមួយវិញទៀត សម្តេចធិបតី ក៏បានប្រកាសជាថ្មីម្តងទៀតផងដែរថា«សន្តិភាព» នៅតែមានតម្លៃជានិច្ចសម្រាប់កម្ពុជា និងពិភពលោក។ក្នុងឱកាសអញ្ជើញជាអធិបតីពិធីបញ្ចុះបឋមសិលាសាងសង់បន្ទប់ពិគ្រោះយោបល់ សម្រាប់ជនរងគ្រោះ សាលតាំងពិព័រណ៍អចិន្ត្រៃយ៍ ស្តីពីដំណើរការជំនុំជម្រះក្តី និងឧទ្យានសម្រាប់ការចងចាំ នាថ្ងៃទី១៦ ខែកក្កដា ឆ្នាំ២០២៤នេះ សម្តេចធិបតី ហ៊ុន ម៉ាណែត នាយករដ្ឋមន្រ្តី បានលើកឡើងថា រាជរដ្ឋាភិបាលនៅតែចាត់ទុកសន្តិភាពជាកត្តាសំខាន់បំផុត ដូច្នេះបងប្អូនប្រជាពលរដ្ឋខ្មែរគ្រប់រូបត្រូវតែរួមគ្នាថែរក្សា នូវសុខសន្តិភាពនេះឲ្យខាងតែបាន ដោយមិនត្រូវ​បណ្ដែតបណ្ដោយ​ឲ្យអំពើហិង្សាណាមួយ ដូចសម័យ ប៉ុល ពត កើតឡើងនៅស្រុកខ្មែរយើងមកវិញម្តងទៀតនោះទេ។ក្នុងឱកាសនោះសម្តេចធិបតី នាយករដ្ឋមន្រ្តី ក៏បានថ្លែងកោតសរសើរ និងបានចាត់ទុកថា អ.វ.ត.ក ជាស្ថាប័នឯករាជ្យមួយ ដោយបានយកអតីតប្រមុខរដ្ឋខ្មែរ (អតីតមេដឹកនាំរបបខ្មែរក្រហម) មកធ្វើការជំនុំជម្រះ និងលាតត្រដាងឲ្យពិភពលោកបានដឹងទទួលយកការសម្រេចក្តី និង​ធ្វើឲ្យជនរងគ្រោះក្នុងរបបខ្មែរក្រហមអស់ចិត្ត ​និងទទួលបានយុត្តិធម៌ផងដែរ៕អត្ថបទបាន ចក់

ប្រសាសន៍សំខាន់ៗរបស់សម្តេចធិបតី ហ៊ុន ម៉ាណែត ក្នុងឱកាសអញ្ជើញបញ្ចុះបឋមសិលាសាងសង់សមិទ្ធផល អ.វ.ត.ក.

2024/07/16 09:31:26 am        93
Facebook Telegram Linkin
ភ្នំពេញ៖ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នៅព្រឹកថ្ងៃទី១៦ ខែកក្កដា ឆ្នាំ២០២៤ បានអញ្ជើញជាអធិបតីពិធីបញ្ចុះបឋមសិលាសាងសង់ បន្ទប់ពិគ្រោះយោបល់សម្រាប់ជនរងគ្រោះ សាលតាំងពិព័រណ៍អចិន្ត្រៃយ៍ ស្តីពីដំណើរការជំនុំជម្រះក្តី និងឧទ្យានសម្រាប់ការចងចាំ។ប្រសាសន៍សំខាន់ៗរបស់សម្តេចធិបតី ហ៊ុន ម៉ាណែត ដែលមានខ្លឹមសារដូចខាងក្រោម៖ -សម្ដេចធិបតី ហ៊ុន ម៉ាណែត នាយករដ្ឋមន្រ្ដី បានកោតសរសើរ និងអរគុណដល់ អ.វ.ត.ក. ដែលបានលើកកម្ពស់ការផ្សព្វផ្សាយអំពីប្រវត្តិសាស្រ្ដ ឧក្រិដ្ឋកម្មប្រល័យពូជសាសន៍ ដែលកម្ពុជាបានឆ្លងកាត់ដែលការផ្សព្វផ្សាយនេះ បានចូលរួមទប់ស្កាត់កុំឱ្យរបបដ៏យង់ខ្នងនេះ កើតឡើងវិញម្ដងទៀត។-សម្ដេចធិបតី ហ៊ុន ម៉ាណែត មានប្រសាសន៍ថា គំរូតុលាការកូនកាត់របស់ អ.វ.ត.ក. នេះ មិនត្រឹមតែសម្រេចបានទៅតាមគោលដៅរបស់ខ្លួនប៉ុណ្ណោះទេ ប៉ុន្តែក៏បានបង្កើតនូវលក្ខណៈដោយឡែក (Uniqueness) យ៉ាងហោចចំនួន៥ បើប្រៀបធៀបទៅនឹងតុលាការអន្តរជាតិផ្សេងៗទៀត ពោលគឺ៖ បានកាត់សេចក្តី និងផ្តន្ទាទោសអស់មួយជីវិតទៅលើអតីតប្រមុខរដ្ឋចំពោះឧក្រិដ្ឋកម្មប្រល័យពូជសាសន៍ចាប់តាំងពីការបង្កើតអនុសញ្ញាអង្គការសហប្រជាជាតិស្តីពីការបង្ការអំពើប្រល័យ ពូជសាសន៍នៅឆ្នាំ១៩៤៨មក។ នេះជាលើកដំបូងនៅក្នុងប្រវត្តិសាស្ត្ររបស់តុលាការព្រហ្មទណ្ឌអន្តរជាតិ។-សម្តេចធិបតី ហ៊ុន ម៉ាណែត បានថ្លែងថា អ.វ.ត.ក ជាស្ថាប័នឯករាជ្យមួយ ដោយបានយកអតីតប្រមុខរដ្ឋខ្មែរមកធ្វើការជំនុំជម្រះ និងលាតត្រដាងឲ្យពិភពលោកបានដឹងទទួលយកការសម្រេចក្តី និងធ្វើឲ្យជនរងគ្រោះក្នុងរបបខ្មែរក្រហមអស់ចិត្ត និងទទួលបានយុត្តិធម៌។-សម្ដេចធិបតី ហ៊ុន ម៉ាណែត៖ អ.វ.ត.ក. ក៏បានបង្កើតជាតុលាការគំរូអន្តរជាតិមួយផងដែរ ក្នុងការកាត់ទោសឧក្រិដ្ឋកម្មប្រល័យពូជសាសន៍ ដែលប្រើប្រាស់យុត្តាធិការរបស់ប្រទេសជាម្ចាស់បញ្ហា ហើយប្រើច្បាប់ចម្រុះទាំងប្រព័ន្ធ Common Law ទាំងប្រព័ន្ធ Civil Law ហើយឆ្លុះបញ្ចាំងអំពីសក្តានុភាព នៃនីតិវិធីតុលាការរបស់កម្ពុជាក្នុងការបង្រួបបង្រួមជាតិ ផ្សះផ្សារជាតិ សម្រេចបានយុត្តិធម៌ជូនជនរងគ្រោះ និងធានាបាននូវនិរន្តរភាពនៃសុខសន្តិភាពជូនជាតិមាតុភូមិ។-សម្តេចធិបតី ហ៊ុន ម៉ាណែត៖ នយោបាយឈ្នះ ឈ្នះ ដែលបានដាក់ចេញដោយសម្តេចតេជោ ហ៊ុន សែន អតីតនាយករដ្ឋមន្រ្តីនៃកម្ពុជា គឺជាមូលដ្ឋានគ្រឹះ ក្នុងកិច្ចការពារសន្តិភាព និងនាំឲ្យកម្ពុជាមានការអភិវឌ្ឍរហូតដល់សព្វថ្ងៃនេះ។-សម្ដេចធិបតី ហ៊ុន ម៉ាណែត ក៏បានកោតសរសើរចំពោះការជំរុញផ្សព្វផ្សាយឯកសារប្រវត្តិសាស្រ្ដនៃរបបប្រល័យពូជសាសន៍ របស់ អ.វ.ត.ក. ក្រោយពីបានបញ្ចប់ប្រកបដោយជោគជ័យ កាលពីចុងឆ្នាំ២០២២ ពោលគឺបានចាយអស់រយៈពេល១៦ឆ្នាំ ជាមួយនឹងការគាំទ្រ និងទទួលស្គាល់ពីសហគមន៍អន្តរជាតិ ក្នុងនោះបានរក្សាទុកនូវ បណ្ណសារតុលាការ មានចំនួនសរុប ២៣៣,៨៣៦ ឯកសារ ដែលស្មើនឹងជិត ២,៤ លានទំព័រ ជាបីភាសា (ខ្មែរ អង់គ្លេស បារាំង)។-សម្តេចធិបតី ហ៊ុន ម៉ាណែត ប្រកាសថា ទោះកាលៈទេសៈណា ក៏ដោយរាជរដ្ឋាភិបាលមិនអនុញ្ញាតឲ្យមានការកាប់សម្លាប់រង្គាលពលរដ្ឋខ្លួន ដូចកាលសម័យរបបកម្ពុជា ប្រជាធិបតេយ្យ (របបខ្មែរក្រហម) នោះឡើយ។ ជាមួយគ្នានេះ សម្តេចនាយករដ្ឋមន្រ្តី ក៏បានអំពាវនាវដល់ពលខ្មែរគ្រប់រូប ត្រូវទប់ស្កាត់ នូវអំពើបែបនេះ ឲ្យខាងតែបានផងដែរ។-សម្តេចធិបតី ហ៊ុន ម៉ាណែតបានបញ្ជាក់ថា ការថែរក្សាទុកនូវឯកសារពាក់ព័ន្ធប្រវត្តិសាស្រ្ត ជាកិច្ចការចាំបាច់បំផុត ដោយមិនត្រូវចាក់សោបិទទុកនោះឡើយ បើទោះបីជាទំព័រប្រវត្តិសាស្រ្តដ៏ខ្មៅងងិតរបស់ខ្មែរក្រហមត្រូវបានបិទ បញ្ចប់ក៏ដោយនោះ។

ចៅក្រមសហរដ្ឋអាមេរិក ច្រានចោលសំណុំរឿងឯកសារសម្ងាត់របស់លោក Trump

2024/07/16 08:41:49 am        125
Facebook Telegram Linkin
ចៅក្រមអាមេរិក កាលពីថ្ងៃចន្ទ (១៥ កក្កដា) បានច្រានចោលសំណុំរឿងព្រហ្មទណ្ឌដែលចោទប្រកាន់លោក ដូណាល់ ត្រាំ (Donald Trump) ពីបទកាន់កាប់ឯកសារសម្ងាត់ដោយខុសច្បាប់ ដែលធ្វើឱ្យអតីតប្រធានាធិបតីរូបនេះទទួលបានជ័យជំនះផ្នែកច្បាប់ដ៏សំខាន់មួយទៀត ខណៈគណបក្សសាធារណរដ្ឋស្វះស្វែងវិលត្រឡប់ទៅកាន់តំណែងសេតវិមានវិញ។នៅក្នុងសេចក្តីសម្រេច៩៣ទំព័រ ចៅក្រមរដ្ឋហ្វ្លរីដា (Florida) លោកស្រី អៃលីន ខេនណុន (Aileen Cannon) ដែលត្រូវបានតែងតាំងដោយលោក Trump បានសម្រេចថា រដ្ឋអាជ្ញាពិសេស លោក ជែក ស្មីត (Jack Smith) ដែលកំពុងដឹកនាំការកាត់ទោស ត្រូវបានតែងតាំងដោយខុសច្បាប់សម្រាប់តួនាទីរបស់លោក ហើយមិនមានសិទ្ធិអំណាចក្នុងការដាក់សំណុំរឿងនេះទេ។លោកស្រីមិនបានសម្រេចថាតើការចោទប្រកាន់លើលោក Trump ថាការចាត់ចែងឯកសារសម្ងាត់មិនបានល្អ ជារឿងត្រឹមត្រូវ ឬយ៉ាងណានោះទេ។ សេចក្តីសម្រេចនេះបានបង្ហាញពីជ័យជំនះផ្លូវច្បាប់មួយទៀតសម្រាប់លោក Trump បន្ទាប់ពីសេចក្តីសម្រេចរបស់តុលាការកំពូលកាលពីថ្ងៃទី០១ ខែកក្កដា ដែលថាក្នុងនាមជាអតីតប្រធានាធិបតី លោកមានអភ័យឯកសិទ្ធិរារាំងពីការកាត់ទោសចំពោះសកម្មភាពជាច្រើនរបស់លោកក្នុងពេលកាន់តំណែង។ទោះបីជាការកាត់ក្តីមិនទំនងជាកើតឡើងមុនការបោះឆ្នោតក៏ដោយ ក្រុមអ្នកជំនាញផ្នែកច្បាប់ជាច្រើនបានចាត់ទុកបណ្ដឹងឯកសារសម្ងាត់នេះថាជាសំណុំរឿងដ៏រឹងមាំបំផុតមួយក្នុងចំណោមករណីទាំងបួនប្រឆាំងនឹងអតីតប្រធានាធិបតីរូបនេះ៕

លោក Zelensky និយាយថា រុស្ស៊ីគួរតែចូលរួមកិច្ចប្រជុំកំពូលអ៊ុយក្រែនលើកទីពីរ

2024/07/16 08:31:00 am        91
Facebook Telegram Linkin
ប្រធានាធិបតីអ៊ុយក្រែនលោក Volodymyr Zelensky បាននិយាយកាលពីថ្ងៃចន្ទថា ប្រទេសរុស្ស៊ីគួរតែត្រូវបានតំណាងនៅក្នុងកិច្ចប្រជុំកំពូលលើកទីពីរនៅខែវិច្ឆិកាឆ្នាំនេះ ក្នុងគោលបំណងធានាសន្តិភាពយូរអង្វែងជាមួយវិមានក្រឹមឡាំង បន្ទាប់ពីសង្គ្រាមអស់រយៈពេលជាងពីរឆ្នាំ។ភាគីទាំងពីរបានបដិសេធការចរចាសន្តិភាពដោយផ្ទាល់ចាប់តាំងពីការចរចាររវាងគណៈប្រតិភូរុស្ស៊ី និងអ៊ុយក្រែន បានធ្វើឡើងប៉ុន្មានសប្ដាហ៍នៃការចាប់ផ្ដើមឈ្លានពានរបស់រុស្ស៊ីកាលពីក្នុងខែកុម្ភៈ ឆ្នាំ ២០២២។ប៉ុន្តែក្រុមមេដឹកនាំពិភពលោករាប់សិបរូប បានសម្តែងការគាំទ្រចំពោះដំណោះស្រាយដ៏ត្រឹមត្រូវមួយចំពោះការប្រយុទ្ធគ្នា នៅក្នុងប្រទេសអ៊ុយក្រែន បន្ទាប់ពីកិច្ចប្រជុំកំពូលកម្រិតខ្ពស់ដែលបានកោះប្រជុំដោយលោក Zelensky កាលពីខែមុននៅប្រទេសស្វីស។ ប្រទេសរុស្ស៊ី មិនត្រូវបានអញ្ជើញទេ។ ក្នុងអំឡុងសន្និសីទសារព័ត៌មាននៅទីក្រុង Kyiv ក្រោយដំណើរទស្សនកិច្ចរបស់លោកទៅកាន់សហរដ្ឋអាមេរិកសម្រាប់កិច្ចប្រជុំកំពូលសម្ព័ន្ធភាពការពារជាតិរបស់អង្គការណាតូ លោក Zelensky បានបើកទ្វារឱ្យមានការចរចាដោយផ្ទាល់ជាមួយក្រុមមន្ត្រីមកពីទីក្រុងមូស្គូ។លោក Zelensky បាននិយាយដោយពិពណ៌នាអំពីការត្រៀមខ្លួនសម្រាប់ការតាមដានការប្រមូលផ្តុំសម្ព័ន្ធមិត្តរបស់អ៊ុយក្រែនថា ខ្ញុំជឿថាអ្នកតំណាងរុស្ស៊ីគួរតែចូលរួមក្នុងកិច្ចប្រជុំកំពូលលើកទីពីរ។លោកបានប្រកាសកិច្ចប្រជុំដាច់ដោយឡែកពីគ្នាលើបញ្ហាសំខាន់ៗ រួមទាំងថាមពល ដែលនឹងត្រូវធ្វើឡើងនៅប្រទេសកាតា និងស្តីពីសន្តិសុខស្បៀងនៅក្នុងប្រទេសទួរគី មុនជំនួបកំពូលលើកទីពីរ។លោកក៏បាននិយាយផងដែរថានឹងមានកិច្ចប្រជុំដាច់ដោយឡែកមួយស្តីពីការដោះដូរអ្នកទោសនិងបញ្ហាមនុស្សធម៌នៅក្នុងកិច្ចប្រជុំមួយក្នុងប្រទេសកាណាដា។ អនុរដ្ឋមន្ត្រីការបរទេសរុស្ស៊ី បាននិយាយកាលពីសប្តាហ៍មុនថា ទីក្រុងមូស្គូ នឹងមិនចូលរួមកិច្ចប្រជុំកំពូលបន្ទាប់ទេ ទោះវិមានក្រឹមឡាំងពុំសូវបង្ហាញភាពដាច់អហង្ការក៏ដោយ និងបាននិយាយថាពុំមាន ខ្លឹមសារច្បាស់លាស់ ទាក់ទងនឹងគំនិតនៃកិច្ចប្រជុំកំពូលលើកទី២៕

[UPDATE] សេវាសម្ងាត់យល់ព្រមលើការស៊ើបអង្កេតឯករាជ្យ ក្នុងករណីប៉ុនប៉ងធ្វើឃាតលោក Trump

2024/07/16 08:25:31 am        126
Facebook Telegram Linkin
ដោយកំពុងប្រឈមការរិះគន់កាន់តែខ្លាំងជុំវិញការបរាជ័យផ្នែកសន្តិសុខដ៏ធំមួយ សេវាសម្ងាត់អាមេរិកកាលពីថ្ងៃចន្ទ ទី ១៥ ខែកក្កដា បានប្តេជ្ញាថា នឹងសហការជាមួយការពិនិត្យឡើងវិញដោយឯករាជ្យមួយ បន្ទាប់ពីអ្នកក្មាន់កាំភ្លើង បើកការបាញ់ប្រហារលើលោក Donald Trump ។អតីតប្រធានាធិបតីវ័យ ៧៨ ឆ្នាំរូបនេះបានរងរបួសត្រចៀកខាងស្ដាំ ប៉ុន្តែបានរួចរស់ជីវិតពីការប៉ុនប៉ងធ្វើឃាតនៅឯការជួបជុំយុទ្ធនាការមួយក្នុងរដ្ឋ ផេនស៊ីលវេនៀ (Pennsylvania) កាលពីថ្ងៃសៅរ៍ សប្ដាហ៍មុន ជាការវាយប្រហារដ៏សាហាវដែលបានធ្វើឱ្យប្រទេសមួយមានការភ្ញាក់ផ្អើលយ៉ាងខ្លាំងមុនការបោះឆ្នោតនៅខែវិច្ឆិកាឆ្នាំ២០២៤នេះ។ លោកស្រី គីមប៊ើលី ជីថល (Kimberly Cheatle) នាយកទីភ្នាក់ងារនេះ បាននិយាយនៅក្នុងសេចក្តីថ្លែងការណ៍មួយថា សេវាសម្ងាត់កំពុងធ្វើការជាមួយភ្នាក់ងារសហព័ន្ធ រដ្ឋ និងមូលដ្ឋានដែលពាក់ព័ន្ធទាំងអស់ ដើម្បីស្វែងយល់ពីអ្វីដែលបានកើតឡើង របៀបដែលការបាញ់ប្រហារនេះបានកើតឡើង និងរបៀបដែលយើងអាចទប់ស្កាត់ឧបទ្ទវហេតុបែបនេះ កុំឱ្យកើតឡើងទៀត ។លោកស្រី ជីថល បានបន្ថែមថា យើងយល់ពីសារៈសំខាន់នៃការត្រួតពិនិត្យឡើងវិញដោយឯករាជ្យដែលបានប្រកាសដោយលោកប្រធានាធិបតី Joe Biden កាលពីមួយថ្ងៃមុន ហើយនឹងចូលរួមយ៉ាងពេញលេញ ។ លោក Biden បានបញ្ជាឱ្យមានការត្រួតពិនិត្យឡើងវិញឲ្យបានពេញលេញអំពីសន្តិសុខនៅឯការជួបជុំនេះ ក៏ដូចជានៅក្នុងសន្និបាតជាតិរបស់គណបក្សសាធារណរដ្ឋនៅសប្តាហ៍នេះ ក្នុងទីក្រុង មីលវ៉ូគី (Milwaukee) នៃរដ្ឋ វីសខុនស៊ីន (Wisconsin) ដែលលោក Trump បានក្លាយជាបេក្ខភាពប្រធានាធិបតីរបស់គណបក្សនេះជាផ្លូវការ៕

ប្រទេសខ្លះក្នុងតំបន់ ថ្កោលទោសចំពោះការវាយប្រហាររបស់អ៊ីស្រាអែល ទៅលើប្រជាជនប៉ាឡេស្ទីន នៅហ្កាហ្សា

2024/07/15 02:42:18 pm        103
Facebook Telegram Linkin
ប្រទេសអ៊ីរ៉ាក់ ហ្ស៊កដានី និងអ៊ីរ៉ង់កាលពីថ្ងៃសៅរ៍ បានថ្កោលទោសចំពោះការកំណត់គោលដៅរបស់ជន ស៊ីវិលដែលភៀសខ្លួន នៅតំបន់ហ្កាហ្សាស្ទ្រីប បន្ទាប់ពីការវាយប្រហារតាមអាកាសរបស់អ៊ីស្រាអែល បានសម្លាប់ជនជាតិប៉ាឡេស្ទីនចំនួន ៩០នាក់ ដែលពាក់កណ្តាលនៃពួកគេ ជាស្ត្រី និងកុមារ នៅក្នុងជម្រកជនភៀសខ្លួន នៅក្នុងទីក្រុងខាន់ យូនីស ភាគខាងត្បូងនៃតំបន់ហ្កាហ្សា។អ្នកនាំពាក្យរដ្ឋាភិបាលអ៊ីរ៉ាក់ លោក បាស៊ីម អាល់អាវ៉ាឌី ( Basim al-Awadi) បាននិយាយនៅក្នុងសេចក្តីថ្លែងការណ៍មួយថា បន្ទាប់ពីសង្គ្រាម ៩ខែ នៅលើតំបន់ហ្កាហ្សាថា៖«ការសម្លាប់រង្គាលនៃការឈ្លានពានដ៏ឃោរឃៅ នៅតែបន្ត ជាមួយនឹងអំពើឃោរឃៅចុងក្រោយបំផុត បានឆក់យកជីវិតកុមារ និងស្ត្រីស្លូតត្រង់រាប់សិបនាក់»។សេចក្តីថ្លែងការណ៍នោះ បានបញ្ជាក់ថា៖«យើងបន្តការអំពាវនាវរបស់យើងសម្រាប់សហគមន៍អន្តរជាតិ និងមហាអំណាចធំៗឲ្យទទួលខុសត្រូវរបស់ពួកគេ ទាក់ទងនឹងការបន្តការឈ្លានពានដោយគ្មានខ្លាចញញើតរបស់អង្គភាពនេះ (អ៊ីស្រាអែល) ដែលចាត់ទុកខ្លួនឯងថា នៅពីលើច្បាប់អន្តរជាតិ និងយុត្តិធម៌»។លោក អាល់អាវ៉ាឌី ក៏បាននិយាយផងដែរថា ចាំបាច់ត្រូវមានសកម្មភាពជាបន្ទាន់ ដើម្បីជួយសង្គ្រោះប្រជាជនប៉ាឡេស្ទីនពី «ការស្រេកឃ្លាន ការសម្លាប់ជាប្រព័ន្ធ និងការព្យាយាមបង្ខំពួកគេឲ្យចេញពីទឹកដីរបស់ខ្លួន ក៏ដូចជាការផ្តល់ជំនួយចាំបាច់ ការផ្គត់ផ្គង់វេជ្ជសាស្រ្ត និងអាហារ ដើម្បីបំពេញតម្រូវការមនុស្សធម៌របស់ពួកគេ។

ប៉ូឡូញ ពិចារណាពីការបាញ់ទម្លាក់មីស៊ីលរបស់រុស្ស៊ី ដែលបាញ់សំដៅទៅអ៊ុយក្រែន

2024/07/15 02:38:51 pm        109
Facebook Telegram Linkin
រដ្ឋមន្ត្រីការបរទេសប៉ូឡូញ លោក Radosław Sikorski បាននិយាយបន្ទាប់ពីមានសុន្ទរកថានៅវិទ្យាស្ថានសហគ្រាសអាមេរិក នៅខាងក្រៅកិច្ចប្រជុំកំពូលរបស់អង្គការណាតូ កាលពីថ្ងៃសុក្រថា ប្រទេសប៉ូឡូញកំពុងពិចារណាសំណើរបស់អ៊ុយក្រែន ក្នុងការស្ទាក់ចាប់គ្រាប់រ៉ុក្កែតរបស់រុស្ស៊ី ដែលបាញ់សំដៅទៅទីក្រុងនានា ក្នុងប្រទេសអ៊ុយក្រែន ឬចូលទៅក្នុងទឹកដីប៉ូឡូញ។លោក Sikorski បាននិយាយថា៖«យើងជារដ្ឋជួរមុខ ហើយមីស៊ីលរបស់រុស្ស៊ី បានរំលោភលើដែនអាកាសរបស់យើង យើងសន្មតដោយអចេតនា»។លោក Sikorski បានពន្យល់ថា មីស៊ីលមួយចំនួនដែលបានបាញ់ចេញពីជុំវិញទីក្រុង St. Petersburg ហោះហើរតាមព្រំដែនប៉ូឡូញ កាត់តាមដែនអាកាសបេឡារុស មុនពេលចូលដល់ដែនអាកាសប៉ូឡូញ រយៈពេលខ្លីប្រហែល ៥០វិនាទី មុនពេលវាយប្រហារគោលដៅនានា ក្នុងប្រទេសអ៊ុយក្រែន។លោកបានបន្តថា៖«បញ្ហារបស់យើងមានជាបន្តបន្ទាប់ គឺប្រសិនបើយើងបាញ់ទម្លាក់តែពេលមីស៊ីលទាំងនោះ ចូលក្នុងដែនអាកាសរបស់យើង កម្ទេចកម្ទីរបស់ពួកគេ គឺជាការគំរាមកំហែង ដល់ពលរដ្ឋ និងទ្រព្យសម្បត្តិរបស់យើង»។លោកបាននិយាយថា៖«ចំណែកប្រជាជនអ៊ុយក្រែន កំពុងទទូចថា យើងមិនយល់ទាស់ទេ សូមបាញ់ទម្លាក់មីស៊ីល នៅពីខាងលើដែនអាកាសរបស់យើង នៅពេលដែលពួកវា បង្កគ្រោះថ្នាក់ជិតឆ្លងចូលទៅក្នុងទឹកដីប៉ូឡូញ។ នោះ គឺជាការការពារខ្លួន ប៉ុន្តែយើង កំពុងថ្លឹងថ្លែងអំពីគំនិតនោះ»។

ទួរគីសង្ឃឹមថា ស៊ីរីនឹងទទួលយកការអំពាវនាវរបស់ខ្លួនជុំវិញ ការធ្វើប្រក្រតីភាពទំនាក់ទំនងឡើងវិញ

2024/07/15 02:32:22 pm        74
Facebook Telegram Linkin
រដ្ឋមន្ត្រីការបរទេសទួរគី លោក ហាកាន ហ្វីដាន( Hakan Fidan) បាននិយាយកាលពីថ្ងៃអាទិត្យថា ប្រទេសទួរគី បានចេញការអំពាវនាវកម្រិតខ្ពស់មួយសម្រាប់ការធ្វើប្រក្រតីភាពជាមួយប្រទេសស៊ីរីឡើងវិញ ដោយបញ្ជាក់ពីសារៈសំខាន់បំផុតរបស់ខ្លួន និងបង្ហាញក្តីសង្ឃឹមសម្រាប់ការឆ្លើយតបជាវិជ្ជមានពីប្រទេសស៊ីរី។ថ្លែងនៅក្នុងសន្និសីទសារព័ត៌មានមួយ រួមជាមួយរដ្ឋមន្ត្រីការបរទេសអារ៉ាប៊ីសាអ៊ូឌីតដែលកំពុងបំពេញទស្សនកិច្ច លោក Faisal bin Farhan Al Saud នៅទីក្រុងអ៊ីស្តង់ប៊ុល លោក ហ្វីដាន បានសម្តែងក្តីសង្ឃឹមថា រដ្ឋាភិបាលស៊ីរី នឹងទទួលយកការអំពាវនាវរបស់ប្រទេសទួរគី ដើម្បីសន្តិភាព។លោក បានធ្វើការអត្ថាធិប្បាយថា៖«បរិយាកាសបច្ចុប្បន្ននៅក្នុងតំបន់ផ្តល់អាទិភាពដល់សន្តិភាព និងស្ថិរភាព។ មានកម្លាំងរុញច្រានយ៉ាងខ្លាំងក្លា ដែលជំរុញឲ្យយើងបន្តស្វែងរកសន្តិភាពយ៉ាងសកម្ម» ដោយបានគូសបញ្ជាក់ពីការអំពាវនាវកម្រិតខ្ពស់ដ៏សំខាន់របស់ប្រធានាធិបតីទួរគី ដើម្បីសន្តិភាព។លោកបានសង្កត់ធ្ងន់ថា៖ «ការអំពាវនាវនេះ ពិតជាមានសារៈសំខាន់ខ្លាំងណាស់ ហើយខ្ញុំសង្ឃឹមថា វានឹងមានប្រតិកម្ម និងទទួលបានការឆ្លើយតបជាវិជ្ជមាន»។នាកន្លងទៅ លោកប្រធានាធិបតីទួរគី រ៉េសិប តាយីប អឺរដូហ្កាន់ ( Recep Tayyip Erdogan) បានសង្កត់ធ្ងន់ថា គ្មានហេតុផលណាដែលមិនត្រូវស្តារទំនាក់ទំនងជាមួយស៊ីរីឡើងវិញទេ ដោយបញ្ជាក់ថា «ដូចដែលយើងធ្លាប់បានសហការគ្នាក្នុងការជំរុញទំនាក់ទំនងរបស់យើងជាមួយស៊ីរី យើងនឹងបន្តរួមគ្នាក្នុងលក្ខណៈស្រដៀងគ្នានេះ»។

ក្រុមហេសបូឡា កំណត់គោលដៅលើយោធាអ៊ីស្រាអែល ក្នុងការឆ្លើយតបទៅនឹងការវាយប្រហារ នៅលីបង់ខាងត្បូង

2024/07/15 02:28:00 pm        72
Facebook Telegram Linkin
ក្រុមហេសបូឡា បានវាយប្រហារកងពលថ្មីរបស់អ៊ីស្រាអែល កាលពីថ្ងៃអាទិត្យ ជាមួយនឹងយានដ្រូននៅទីក្រុង Illit ដើម្បីជាការឆ្លើយតបទៅនឹងការវាយប្រហាររបស់អ៊ីស្រាអែល ទៅលើភូមិមួយចំនួននៅប្រទេសលីបង់ភាគខាងត្បូង។ក្រុមនេះ បាននិយាយក្នុងសេចក្តីថ្លែងការណ៍មួយថា៖«ដើម្បីឆ្លើយតបទៅនឹងការវាយប្រហាររបស់សត្រូវ អ៊ីស្រាអែល ... ក្រុមសកម្មប្រយុទ្ធនៃចលនាតស៊ូឥស្លាម បានបើកការវាយប្រហារតាមផ្លូវអាកាសជាមួយនឹងវាយប្រហារដោយយានដ្រូននៅលើទីបញ្ជាការនៃកងពលធំលេខ៩១ ដែលទើបបង្កើតថ្មីនៅទីក្រុងអ៊ីលលីត ដោយកំណត់គោលដៅទៅលើកន្លែងមួយចំនួន ដែលមន្រ្តីនិងទាហានរបស់អ៊ីស្រាអែល បានឈរជើង ដោយបានបណ្តាលឲ្យមានអ្នកស្លាប់ និងរបួសដែលបានត្រូវបញ្ជាក់»។ ប្រភពយោធាលីបង់ បានប្រាប់សារព័ត៌មានស៊ីនហួថា៖«ទីតាំងឈរជើងរបស់កងទ័ពលីបង់ បានត្រួតពិនិត្យការបាញ់មីស៊ីលពីដីទៅដីប្រហែល ៣០គ្រាប់ ពីប្រទេសលីបង់ទៅកាន់អ៊ីស្រាអែល ហើយប្រព័ន្ធការពារដែនអាកាស Iron Dome របស់អ៊ីស្រាអែល បានស្ទាក់ចាប់បានមីស៊ីលមួយចំនួន។ពួកគេ បានបន្ថែមថា ក្នុងរយៈពេល ២៤ម៉ោងកន្លងមកនេះ យានដ្រូន និងយន្តហោះចម្បាំងរបស់អ៊ីស្រា អែល បានបើកការវាយប្រហារតាមអាកាសចំនួន ៩ដង លើទីប្រជុំជន និងភូមិចំនួន ៦នៅភាគខាងកើតនៃប្រទេសលីបង់ភាគខាងត្បូង រួមទាំងការវាយឆ្មក់ធ្វើឡើងដោយយានដ្រូន ដែលបានបាញ់មីស៊ីលពីអាកាសទៅលើដីចំនួន ២គ្រាប់ នៅភាគខាងត្បូងប្រទេសលីបង់ ដោយបានបង្ករបួសដល់អ្នកបើកបររបស់ខ្លួន ដែលជាសមាជិកក្រុមហេសបូឡា។

លោក ណេតាន់យ៉ាហ៊ូ៖ អ៊ីស្រាអែល នឹងមិនបញ្ចប់សង្គ្រាមនៅហ្កាហ្សាទេ លុះត្រាតែខ្លួនកម្ទេចហាម៉ាសបានទាំងស្រុង

2024/07/15 02:23:41 pm        87
Facebook Telegram Linkin
នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ ( Benjamin Netanyahu) បានបញ្ជាក់ជាថ្មីថា ប្រតិបត្តិការយោធារបស់អ៊ីស្រាអែល នៅតំបន់ហ្កាហ្សាស្ទ្រីប នឹងមិនបញ្ចប់ឡើយ រហូតទាល់តែអង្គភាពប្រដាប់អាវុធទាំងអស់របស់ក្រុមហាម៉ាស ត្រូវបានលុបបំបាត់ទាំងស្រុង។លោកនាយករដ្ឋមន្ត្រី បានថ្លែងនៅសន្និសីទសារព័ត៌មានមួយថា៖« អ្នកទាំងអស់គ្នា កំពុងសួរថាតើនៅពេលណាដែលសង្រ្គាមនេះ នឹងបញ្ចប់។ ចម្លើយរបស់ខ្ញុំ គឺច្បាស់លាស់ណាស់ និងមិនអាចប្រកែកបាន សង្គ្រាមនេះ នឹងបញ្ចប់ នៅពេលដែលយើងសម្រេចបាននូវគោលដៅទាំងអស់ ហើយមិនមែនមួយភ្លែតមុននេះទេ។ ជ័យជម្នះ មិនមែនជាពាក្យទទេនោះទេ។ ជ័យជម្នះ នឹងសម្រេចបាននៅពេលដែលយើងលុបបំបាត់សមត្ថភាពគ្រប់គ្រងយោធា និងក្រុមហាម៉ាស ការដោះលែងចំណាប់ថ្នូរ របស់យើង លុបបំបាត់ការគំរាមកំហែងលើតំបន់ហ្កាហ្សាពីអ៊ីស្រាអែល ហើយបញ្ជូនអ្នកស្រុករបស់យើងនៅភាគខាងត្បូង និងខាងជើងត្រឡប់ ទៅផ្ទះសម្បែងរបស់ពួកគេវិញដោយសុវត្ថិភាព នេះគឺជាជ័យជម្នះដែលនឹងស្ដារឡើងវិញនូវជំហររារាំងរបស់អ៊ីស្រាអែល និងបញ្ជូនសញ្ញាច្បាស់លាស់ ដល់ទាំងអស់គ្នា ខ្មាំងសត្រូវរបស់យើងដែលតម្លៃនៃការធ្វើបាបយើង នឹងមិនអាចទទួលយកបានចំពោះពួកគេ»។សុន្ទរកថារបស់លោក ណេតាន់យ៉ាហ៊ូ គឺពាក់ព័ន្ធនឹងប្រតិបត្តិការរបស់កងទ័ពអ៊ីស្រាអែលនៅតំបន់ហ្កាហ្សា ស្ទី្រប ដែលមានគោលបំណងកម្ចាត់មេដឹកនាំយោធាក្រុមហាម៉ាស លោក ម៉ូហាម៉េដ ដេហ្វ ( Mohammed Deif) ។ លោកនាយករដ្ឋមន្ត្រីបញ្ជាក់ថា នេះជាគោលបំណងនៃការវាយប្រហារលើផ្នែកនេះ ហើយបានទទួលស្គាល់ពី កង្វះការបញ្ជាក់ពីការកម្ចាត់លោក ដេហ្វ។ ទោះបីជាយ៉ាងណាក៏ដោយ លោកបានសម្តែងមតិថា ប្រតិបត្តិការនេះ ទោះក្នុងករណីណាក៏ដោយ គឺជាចំណុចរបត់មួយ នៅក្នុងយុទ្ធនាការយោធានៅក្នុងដែនដីនេះ និងបម្រើជាសញ្ញាមួយដល់អ៊ីរ៉ង់ និង «ផ្កាយរណបទាំងអស់» នៅក្នុងតំបន់នេះ។

បណ្ដាញសង្គម

ព័ត៌មានថ្មីៗ

ការវាយប្រហាររបស់អ៊ីស្រាអែល បានសម្លាប់មនុស្សរាប់សិបនាក់នៅតំបន់ហ្កាហ្សា
11/30/2024 09:11 AM
Facebook Telegram Linkin
កម្ពុជានឹងអាចទទួលបានក្រុមហ៊ុនធំៗចំនួន៤បន្ថែម លើគម្រោងវិនិយោគវិស័យផ្សេងៗគ្នា
11/30/2024 09:11 AM
Facebook Telegram Linkin
ខណៈមីស៊ីល ធ្លាក់លើបណ្តាញអគ្គិសនីរបស់អ៊ុយក្រែន បុគ្គលិករោងចក្រអគ្គិសនីព្យាយាមគ្រប់គ្រងការផ្គត់ផ្គង់
11/30/2024 09:11 AM
Facebook Telegram Linkin
មន្ត្រីអង្គការសហប្រជាជាតិ៖ ក្រុមឧទ្ទាមស៊ីរី ចូលដល់បេះដូងនៃទីក្រុងអាឡិបប៉ូ យ៉ាងភ្ញាក់ផ្អើល
11/30/2024 09:11 AM
Facebook Telegram Linkin
មជ្ឈមណ្ឌលបណ្តុះបណ្តាលសុវត្ថិភាពនិងសុខភាពការងារតម្លៃជាង ២,៥លានដុល្លារ ដាក់ឱ្យដំណើរការផ្លូវការ
11/30/2024 09:11 AM
Facebook Telegram Linkin
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញបើកពិធីបោះជំរំយុវជនកាកបាទក្រហមកម្ពុជា ថ្នាក់ជាតិ និងអន្តរជាតិ ឆ្នាំ២០២៤ នៅពហុកីឡដ្ឋាន ខេត្តឧត្តរមានជ័យ
11/30/2024 08:11 AM
Facebook Telegram Linkin
រសៀលនេះការប្រកួតបាល់ទាត់ស្វាយរៀងស៊ុបភើខាប់ នឹងរកឃើញម្ចាស់ពានរវាងស្នងការនគរបាលខេត្តស្វាយរៀង និងយុវជនអាយុក្រោម១៨ឆ្នាំព្រះខ័នរាជស្វាយរៀង។
11/30/2024 07:11 AM
Facebook Telegram Linkin
អបអរសាទរ ខួបលើកទី៨ ចាប៉ីដងវែង ត្រូវបានចុះក្នុងបញ្ជីបេតិកភណ្ឌវប្បធម៌អរូបីនៃមនុស្សជាតិ
11/30/2024 07:11 AM
Facebook Telegram Linkin
ក្រសួងប្រៃសណីយ៍ ប្រកាសជ័យលាភី "ពានរង្វាន់ឌីជីថលកម្ពុជាឆ្នាំ២០២៤"
11/29/2024 10:11 PM
Facebook Telegram Linkin
ឱកាសការងារជិត ៥០០កន្លែង ត្រៀមដាក់តាំងបង្ហាញក្នុងវេទិកាការងារនៅខេត្តស្វាយរៀងថ្ងៃសៅរស្អែកនេះ
11/29/2024 10:11 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.