នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ប្រធាន​ក្រុមការងារ​ចុះមូលដ្ឋាន ប្រកាស​បញ្ចូលសមាជិកថ្មី​​គណបក្សប្រជាជនកម្ពុជាចំនួន ៦៩០០នាក់ ក្នុងស្រុកប្រាសាទបល្ល័ង្ក ខេត្តកំពង់ធំ
សម្ដេច​តេជោ៖ការពង្រឹងខឿនការពារជាតិមិនសំដៅតែនៅសមរភូមិមុខទេ ត្រូវយកចិត្តទុកដាក់ទំនុកបម្រុងអ្នកសមរភូមិក្រោយជាគ្រួសារយុទ្ធជនជួរមុខ និងអតីតយុទ្ធជន
ឯកអគ្គរដ្ឋទូតហុងគ្រីចប់អាណត្តិមើលឃើញថាកម្ពុជាគឺជាដៃគូដ៏ជិតស្និទ្ធរបស់ហុងគ្រី
ឯកអគ្គរដ្ឋទូតបញ្ចប់អាណត្តិស្វីស៖ រដ្ឋាភិបាលស្វីសនឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

នយោបាយ​ និង ការអភិវឌ្ឍន៍

អ្នកវិទ្យាសាស្ត្រហុងគ្រី និងអាមេរិក ឈ្នះរង្វាន់ណូបែលសម្រាប់ការរកឃើញវ៉ាក់សាំងកូវីដ១៩

2023/10/03 12:24:13 pm        123
Facebook Telegram Linkin
អ្នកវិទ្យាសាស្ត្រជនជាតិហុងគ្រី លោកស្រី ខាតាលីន ខារីកូ (Katalin Kariko) និងសហការីជនជាតិអាមេរិក លោក ឌ្រូ វ៉ីសមែន (Drew Weissman) បានប្រារព្ធជ័យជម្នះក្នុងការរកឃើញម៉ូលេគុល mRNA ដែលត្រួសត្រាយផ្លូវសម្រាប់វ៉ាក់សាំងកូវីដ១៨ជាច្រើន បានឈ្នះរង្វាន់ណូបែលវេជ្ជសាស្ត្រឆ្នាំ២០២៣ កាលពីថ្ងៃចន្ទ (២ តុលា)។ពានរង្វាន់ ដែលក្នុងចំណោមរង្វាន់ដ៏មានកិត្យានុភាពបំផុតនៅក្នុងពិភពវិទ្យាសាស្ត្រ ត្រូវបានជ្រើសរើសដោយសភាណូបែល នៃសាកលវិទ្យាល័យវេជ្ជសាស្ត្រ ការ៉ូលីនស្កា (Karolinska) របស់ប្រទេសស៊ុយអែត ហើយភ្ជាប់មកជាមួយមកុដពានរង្វាន់ ដែលមានតម្លែចំនួន១១លានរូបិយប័ណ្ណស៊ុយអែត (ប្រហែល១លានដុល្លារអាមេរិក) សម្រាប់ការចែករំលែករវាងម្ចាស់ជ័យលាភីទាំងពីររូបផងដែរ។លោកស្រី ខារីកូ ដែលជាសាស្ត្រាចារ្យនៅសាកលវិទ្យាល័យ Szeged ក្នុងប្រទេសហុងគ្រី និងជាសាស្ត្រាចារ្យបន្ថែមនៅសាកលវិទ្យាល័យរដ្ឋផេនស៊ីលវ៉ានីញ៉ា (UPenn) របស់សហរដ្ឋអាមេរិក ព្រមទាំងបានតស៊ូអស់ជាច្រើនឆ្នាំដើម្បីស្វែងរកជំនួយសម្រាប់ការស្រាវជ្រាវរបស់ខ្លួន បាននិយាយនៅក្នុងសុន្ទរកថាជាមួយលោក វ៉ីសមែន អំពីភាពជោគជ័យរបស់ពួកគេ។ សហម្ចាស់ជ័យលាភី លោក វ៉ីសមែន ដែលជាសាស្ត្រាចារ្យផ្នែកស្រាវជ្រាវវ៉ាក់សាំងផងដែរនៅសាកលវិទ្យាល័យ UPenn បាននិយាយថា នេះគឺជា «ក្តីសុបិនពេញមួយជីវិត» ក្នុងការឈ្នះពានរង្វាន់ណូបែល ហើយជ័យជម្នះនេះក៏បានរំលឹកពីការងារយ៉ាងហត់នឿយជាមួយលោកស្រី ខារីកូ អស់រយៈពេលជាង២០ឆ្នាំមកនេះផងដែរ៕

ក្រសួងកសិកម្ម ត្រៀមពូជស្រូវ និងដំណាំរួមផ្សំ ដើម្បីជួយកសិកររងគ្រោះដោយសារទឹកជំនន់

2023/10/03 12:06:09 pm        200
Facebook Telegram Linkin
ភ្នំពេញ៖ មន្រ្តីអ្នកនាំពាក្យក្រសួងកសិកម្មរុក្ខាប្រមាញ់ និងនេសាទ បានឲ្យដឹងថា ក្រសួងបាន​នឹងកំពុងត្រៀមបម្រុងគ្រាប់ពូជស្រូវ ​និងពូជដំណាំរួមផ្សំមួយចំនួនហើយ ដើម្បីទុកសម្រាប់​ជួយសង្គ្រោះប្រជាកសិករ ​ខណៈក្រុមការងារកំពុងបន្តតាមដានបញ្ហាទឹកជំនន់ និងផលប៉ះពាល់លើដំណាំស្រូវ។លោកជំទាវ អ៊ឹម រចនា អនុរដ្ឋលេខាធិការ និងជាអ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ ​បានមានប្រសាសន៍ប្រាប់ទូរទស្សន៍ព័ត៌មាន ប៊ីធីវី​ នៅព្រឹកថ្ងៃទី៣ ខែតុលានេះថា ពេលនេះ ​យើងមិនអាចវាយតម្លៃបានច្បាស់លាស់ពីផលប៉ះពាល់ ​និងការខូតខាតជាក់ស្តែង ក្រោយពេលដែលទឹកស្រកអស់ ​ដើម្បីកំណត់ពីវិសាលភាពនៃវិធានការឆ្លើយតប និងការ​អន្តរាគមន៍​ណាមួយក្នុងករណីចាំបាច់។លោកជំទាវបន្តថា ចំពោះការផ្តល់ពូជ​ រាជរដ្ឋាភិបាលកម្ពុជា ​មានប្រព័ន្ធស្បៀងបំរុងសម្រាប់ផ្ដល់ជូន ប៉ុន្តែការផ្ដល់ជូនក្នុងកម្រិតណា ​ចំនួនប៉ុន្មាន ​ត្រូវរង់ចាំការវាយតម្លៃជាមុនសិន។លោកជំទាវ បានបញ្ជាក់ថា​ គិតត្រឹមថ្ងៃទី១ ខែតុលា​ ជំនន់ទឹកភ្លៀង និងទឹកទន្លេ ដែលបានហក់ឡើង​នៅចុងខែកញ្ញា ឆ្នាំ២០២៣ បានបណ្តាលឲ្យជន់លិចដំណាំ​កសិកម្មនៅក្នុងស្រុកមួយចំនួន​ក្នុង​ខេត្តចំនួន១០ មានដូចជា៖ កំពង់ធំ ត្បូងឃ្មុំ ព្រះសីហនុ ព្រះវិហារ បាត់ដំបង ក្រចេះ ពោធិ៍សាត់ កំពង់ចាម ប៉ៃលិន និងខេត្តកណ្តាល។លោកជំទាវ បានបន្តទៀតថា យ៉ាងណាក៏ដោយ បើតាមការចុះពិនិត្យមើលផ្ទាល់នៅតាមទីតាំងដែលរងផលប៉ះពាល់នៅក្នុងបណ្តាខេត្តទាំង១០ ”ក្រសួងកសិកម្ម បានរកឃើញផលប៉ះពាល់ទៅលើដំណាំស្រូវ និងដំណាំសាកវប្បកម្ម ព្រមទាំងដំណំាផ្សេងៗទៀតមិនមានលក្ខណៈធ្ងន់ធ្ងរ ដូចកាលពីឆ្នាំ២០២២ទេ ប៉ុន្តែក្រុមការងារក្រសួងទាំងថ្នាក់កណ្តាល ហើយនិងមន្រ្តីនៅតាមមន្ទីរ នៅតាមខេត្តដែលរងផលប៉ះពាល់នោះកំពុងបន្តតាមដានបញ្ហានេះយ៉ាងយកចិត្តទុកដាក់។ ហើយការវាយតម្លៃពុំទាន់អាចធ្វើបានទាំងស្រុងនៅឡើយទេ ដោយសារទឹកពុំទាន់ស្រកអស់ អញ្ចឹងហើយយើងនឹងអាចវាយតម្លៃបានច្បាស់លាស់ពីផលប៉ះពាល់ និងការខូចខាតជាក់ស្តែង ក្រោយពេលដែលទឹកស្រករួចអស់ បន្ទាប់ពីនេះទៀតយើងនឹងកំណត់អំពីវិសាលភាពនៃវិធានការឆ្លើយតប ហើយនិងការអន្តរាគមន៍ណាមួយនៅក្នុងករណីចាំបាច់”។សូមជម្រាបថា ​នៅទូទាំងប្រទេសកម្ពុជា មានស្ថានីយផលិតគ្រាប់ពូជស្រូវចំនួន ​៦កន្លែង និង​មានការសហការបន្ថែមជាមួយសហគមន៍កសិករអ្នកផលិតគ្រាប់ពូជស្រូវនៅច្រើនកន្លែងថែមទៀត ដែលជាផ្នែកសំខាន់មួយ​នៃគោលនយោបាយប្រព័ន្ធស្បៀង​បម្រុង​របស់រាជរដ្ឋាភិបាលកម្ពុជា៕អត្ថបទ៖ ឈិត បូរ៉ាវី

សម្ដេចធិបតី ណែនាំដល់មន្រ្ដីតាមក្រសួងស្ថាប័ន កុំអនុវត្តការងារលើសនីតិវិធីដែលបានកំណត់

2023/10/03 11:58:31 am        245
Facebook Telegram Linkin
ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា ណែនាំដល់មន្រ្ដី​នៅ​តាមបណ្ដា​ក្រសួង ស្ថាប័ននានាត្រូវអនុវត្តការងារកុំឱ្យលើសពីនីតិវិធីដែល​រាជរដ្ឋាភិបាល​បានកំណត់ និងដាក់ចេញឱ្យសោះចំពោះការអនុវត្តការងាររបស់ខ្លួន ​ដើម្បីកុំឱ្យករណីបុគ្គល ១ រូប ២ រូប ធ្វើឱ្យប៉ះពាល់ដល់ការខិតខំបំពេញការងាររបស់រាជរដ្ឋាភិបាល។សម្ដេចធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា ​បានមានប្រសាសន៍ក្នុងឱកាសអញ្ជើញចុះជួប​សំណេះសំណាលជាមួយកម្មករ និយោជិត ​នៅតាមរោងចក្រ សហគ្រាស ចំនួនជិត ២ម៉ឺននាក់ ក្នុងខណ្ឌមានជ័យ​ និងខណ្ឌដង្កោ រាជធានីភ្នំពេញ នាព្រឹកថ្ងៃទី ៣ ខែ តុលា ឆ្នាំ ២០២៣នេះថា កន្លងមកនេះ​ មានមន្រ្ដីមួយចំនួនតូចបានអនុវត្តការងារ ​ពិសេសពាក់ព័ន្ធនឹងការងារយកពន្ធ ឬភាស៊ី​នៅ​តាមទីសារធារណៈ គឺបានអនុវត្តលើសពីនីតិវិធីដែលរដ្ឋាភិបាលបានដាក់ចេញ ​ដែលករណីនេះ គឺត្រូវលុបបំបាត់មិនត្រូវឱ្យកើតមានឡើយ ​ពីព្រោះបញ្ហានេះបង្កឡើងដោយមន្រ្ដីខិលខូច ១រូប ឬ២រូប ប៉ុន្ដែបានធ្វើឱ្យប៉ះពាល់ដល់ការខិតខំប្រឹងប្រែងរបស់​រាជរដ្ឋាភិបាលនាពេលកន្លងមក​យ៉ាងខ្លាំង។ក្នុងឱកាសនេះសម្ដេចធិបតី ហ៊ុន ម៉ាណែត មានប្រសាន៍ថា របៀបធ្វើការរបស់សម្ដេច ​ទោះពេលខ្លះ មិនបានចេញសារ ​ដោយផ្ទាល់ជូនប្រជាពលរដ្ឋ ប៉ុន្ដែកិច្ចការងារទាំងធំ​ ឬតូច ​គឺសម្ដេចបានពិនិត្យ ដោះស្រាយ ​និងបានដាក់បទបញ្ជាទៅដល់អាជ្ញាធរ និងសមត្ថកិច្ចពាក់ព័ន្ធដោយផ្ទាល់​ក្នុងការ​ដោះស្រាយទាំងអស់។ ខណៈពេលខ្លះម៉ោង ​១២ ទៅ ១ ​នាទីយប់ ក៏សម្ដេចនៅតាមដានព័ត៌មាន​ដែលជាទុក្ខកង្វល់របស់ប្រជាពលរដ្ឋ ដើម្បីធ្វើយ៉ាងណាដោះស្រាយជូនប្រជាពលរដ្ឋ ៕ អត្ថបទ៖ វ៉ន ដារ៉ា

ការងារសំខាន់ចំនួន៣ដែលសម្ដេចធិបតី ហ៊ុន ម៉ាណែត តែងតែគិតគូរពេលបង្កើតរដ្ឋាភិបាលថ្មី

2023/10/03 11:54:09 am        163
Facebook Telegram Linkin
ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា ក្នុងពេលបង្កើតរាជ​រដ្ឋាភិបាល​អាណត្តិទី៧នេះការងារសំខាន់ៗចំនួន ៣ ដែលសម្ដេចតែងតែគិតគូរ​ដល់ជីវភាព​ប្រជាពលរដ្ឋជាប្រចាំ រួមមាន ការគិតគូរពីអ្វីខ្លះដែលប្រជាពលរដ្ឋបានទទួលហើយ​នឹង​ត្រូវបន្តផ្ដល់ឱ្យដល់ប្រជាពលរដ្ឋបន្ថែមទៀត, បង្កើតអ្វីបន្ថែមទៀតសម្រាប់ប្រជាពលរដ្ឋ និង ក្រៅពីការផ្ដល់ថវិកា តើរាជរដ្ឋាភិបាលមានអ្វីខ្លះទៀតដែលអាចជួយសម្រួល​ដល់ជីវភាព​ប្រជាពលរដ្ឋ​ដើម្បីមានជីវភាពរឹតតែប្រសើរឡើង។សម្ដេចធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានមានប្រសាសន៍ក្នុងឱកាសអញ្ជើញ​ចុះជួប​សំណេះសំណាលជាមួយកម្មករ និយោជិត នៅតាមរោងចក្រ សហគ្រាស ចំនួនជិត ២ម៉ឺននាក់ ក្នុងខណ្ឌមានជ័យ និងខណ្ឌដង្កោ រាជធានីភ្នំពេញ ​នាព្រឹកថ្ងៃទី ៣ ខែ តុលា ឆ្នាំ ២០២៣នេះថា រាជរដ្ឋាភិបាល​កម្ពុជា បច្ចុប្បន្នមិនមានលុយច្រើនដូចប្រទេសអ្នកមាននោះទេ ប៉ុន្ដែគោល​នយោបាយ​របស់រាជរដ្ឋាភិបាលតាំងពីអាណត្តិមុនៗ​ រហូតមកដល់អាណត្តិទី៧នេះ គឺតែងតែគិតគូរ​ដល់ប្រជាពលរដ្ឋជាចំបង និងមិនឱ្យប្រជាជនអត់បាយនោះទេ។ បើតាម ឯកឧត្តម ហេង សួរ រដ្ឋមន្រ្ដីក្រសួងការងារបានឱ្យដឹងថា ក្រសួងកំពុងពន្លឿនការងារ​អាទិភាព​ចំនួន ៤ ដែលសម្ដេចធិបតី ហ៊ុន ម៉ាណែត បានណែនាំដល់ក្រសួងក្នុងការអនុវត្តក្នុងឆ្នាំ ២០២៣នេះ រួមមាន៖ ទី១ ការត្រៀមសហការជាមួយក្រសួងកិច្ចការនារី ក្រសួងអប់រំ បង្កើត​ទារកដ្ឋាន និងមត្តេយ្យសហគមន៍​នៅតាមរោចក្រ ​ហើយការងារនេះកំពុងបន្តសិក្សា​ជាមួយ​ដៃគូពាក់ព័ន្ធ។ ទី២ ការរៀបចំកន្លែងហូបបាយ​ អាហារដ្ឋាន​ តាមរោងចក្រសម្រាប់កម្មករនិយោជិត។ ទី៣ ក្រសួងកំពុងសិក្សាជាមួយភាគីពាក់ព័ន្ធលើការៀបចំមធ្យោបាយ​ដឹកជញ្ជូនកម្មករឱ្យ​មាន​លក្ខណៈស្ដង់ដា ស្របតាមបច្ចេកទេស ​និងទី៤ ក្រសួងកំពុងជំរុញកម្មវិធីធ្វើតេស្ដ​ទទួលស្គាល់​ជំនាញដល់កម្មករ ​និងកំពុងកំណត់លក្ខខណ្ឌសម្រាប់កម្មករនិយោជិតចូលធ្វើតេស្ដ៕អត្ថបទ៖ វ៉ន ដារ៉ា

មន្ទីរសាធារណការខេត្តសៀមរាប ផ្អាកធ្វើចរាចរណ៍ផ្លូវមួយចំនួនយោងលើស្ថានភាពជំនន់ទឹកភ្លៀង

2023/10/03 11:47:07 am        578
Facebook Telegram Linkin
សៀមរាប៖ មន្ទីរសាធារណការ និងដឹកជញ្ជូនខេត្តសៀមរាប ផ្អាកធ្វើចរាចរណ៍រថយន្តធន់ធ្ងន់ តាមបណ្ដោយផ្លូវមួយចំនួនក្នុងភូមិសាស្ត្រខេត្តសៀមរាប ដោយយោងលើស្ថានភាពទឹកភ្លៀង ក្នុងវដូវវស្សាឆ្នាំ២០២៣នេះ ចាប់ផ្តើមធ្លាក់ក្នុងកម្រិតពីមធ្យមទៅច្រើន បង្កឱ្យមានជាជំនន់ទឹកភ្លៀង ដែល ត្រូវមានការប្រុងប្រយ័ត្នខ្ពស់ និងអាចបង្កឱ្យមានផលប៉ះពាល់ដល់អាយុជីវិតមនុស្សសត្វ និងហេដ្ឋារចនា សម្ព័ន្ធផ្លូវថ្នល់-ស្ពាន។ ជាមួយគ្នានេះដែរជំនន់ទឹកភ្លៀងដែលបាន និងកំពុងជន់ឡើង ជាហេតុបណ្ដាលឱ្យ លិចលង់នៅតាម​កំណាត់ផ្លូវមួយចំនួនក្នុងភូមិសាស្ត្រខេត្តសៀមរាប ដែលស្ថានភាពបែបនេះ​ធ្វើឱ្យផ្លូវថ្នល់- ស្ពាន មិនអាចទ្រនឹងទម្ងន់របស់រថយន្តដឹកទំនិញ​ធុនធ្ងន់បាន។ ដើម្បីបង្ការគ្រោះថ្នាក់ជាយថាហេតុ និងទប់ ស្កាត់ការខូចខាតហេដ្ឋារចនាសម្ព័ន្ធផ្លូវថ្នល់-ស្ពាន មន្ទីរសាធារណការ និងដឹកជញ្ជូន​ខេត្តសៀមរាប សូមធ្វើការ ផ្អាកចរាចរណ៍រថយន្តដឹកទំនិញធុនធ្ងន់គ្រប់ប្រភេទ ជាបណ្ដោះអាសន្ន​លើកំណាត់ផ្លូវជាតិលេខ ៦៤ (ដំដែក- អូរប្រាំព្យាម ព្រំប្រទល់ព្រះវិហារ) ផ្លូវជាតិលេខ៦៧ (ប្រាសាទបាគង-អន្លង់វែង), ផ្លូវខេត្តលេខ២៦៥E (រលួស-កំពង់ភ្លុក), ផ្លូវខេត្តលេខ២៦៦៨ (ស្វាយធំ-បន្ទាយស្រី) ផ្លូវខេត្តលេខ២៦៦ (ពួក-អង្គរជុំ), ផ្លូវខេត្តលេខ២៦៧៣ (អង្គរជុំ-វ៉ារិន), ផ្លូវខេត្តលេខ២៦៧៦ (ទួលគ្រួស-តាសៀម), ផ្លូវខេត្ត លេខ២៦៤៥ (ស្វាយលើ-ស្រែណូយ), ផ្លូវខេត្តលេខ៦២-៣ (បេងមាលា-ខ្វាវ) ចាប់ពីថ្ងៃជូនដំណឹងនេះ រហូតដល់មាន សេចក្តីជូនដំណឹង​សារជាថ្មី។មន្ទីរសាធារណការ និងដឹកជញ្ជូនខេត្តសៀមរាបសង្ឃឹម និងជឿជាក់យ៉ាងមុតមាំចំពោះការចូល រួមសហការអនុវត្តរបស់លោក ​លោកស្រី ជាម្ចាស់រថយន្តដឹកទំនិញធុនធ្ងន់ទាំងអស់ ដើម្បីរួម​ចំណែក​ថែរក្សា ផ្លូវថ្នល់-ស្ពាន ឱ្យប្រើប្រាស់បានយូរអង្វែង។

ភាពយន្តភាគរឿង«កូនប្រុសក្រោមពន្លឺព្រះចន្ទបូណ៌មី» បានបិទបញ្ចប់ការថត និងការចាក់ផ្សាយដោយជោគជ័យ

2023/10/03 11:14:50 am        82
Facebook Telegram Linkin
ភ្នំពេញ៖ គណៈកម្មការផលិតភាពយន្តភាគ រឿង«កូនប្រុសក្រោមពន្លឺព្រះចន្ទបូណ៌មី» បានរៀបចំពិធីក្រុងពាលី បិទបញ្ចប់កញ្ចក់កាមេរ៉ា ក្រោយការថតនិងចាក់ផ្សាយខ្សែភាគយន្តភាគប្រវត្តិសាស្ត្រ ទាក់ទងនឹងជីវប្រវត្តិពិត របស់សម្តេចតេជោ ហ៊ុន សែន និងសម្តេចកិត្តិព្រឹទ្ធ ប៊ុន រ៉ានី ហ៊ុនសែន បានបញ្ចប់ដោយជោគជ័យ។ ពិធីដែលរៀបចំឡើងតាមទំនៀមទំលាប់ប្រពៃណីព្រះពុទ្ធសាសនានេះ ប្រព្រឹត្តទៅនៅទីបញ្ជាការដ្ឋានអង្គរក្ស នៅល្ងាចថ្ងៃទី០២ ខែតុលា ឆ្នាំ២០២៣ ក្រោមអធិបតីភាពរបស់ នាយឧត្តមសេនីយ៍កិត្តិបណ្ឌិត ហ៊ីង ប៊ុនហៀង ទីប្រឹក្សាគណៈកម្មការផលិតភាពយន្តភាគ រឿង«កូនប្រុសក្រោមពន្លឺព្រះចន្ទបូណ៌មី» និងលោកជំទាវ និងមានការចូលរួមពីគណៈកម្មការ ផលិតករ ក្រុមការងារ និងសិល្បករ សិល្បការិនីជាច្រើនរូបទៀត។នាយឧត្តមសេនីយ៍កិត្តិបណ្ឌិត ហ៊ីង ប៊ុនហៀង ទីប្រឹក្សាគណៈកម្មការផលិតភាពយន្តភាគ រឿង«កូនប្រុសក្រោមពន្លឺព្រះចន្ទបូណ៌មី» មានប្រសាសន៍ថា បន្ទាប់ពីការខិតខំប្រឹងប្រែង​ពីក្រុមការងារនិងគ្រប់ផ្នែកពាក់ព័ន្ធទាំងអស់ ក្រោមការចង្អុលបង្ហាញដោយផ្ទាល់ពីសម្តេចតេជោ ហ៊ុន សែន , ភាពយន្តភាគប្រវត្តិសាស្ត្រអំពីជីវប្រវត្តិរបស់ថ្នាក់ដឹកនាំ បានថតចប់គ្រប់ឈុតឆាក​សំខាន់ៗ ឆ្លុះបញ្ជាក់ពីទិដ្ឋភាពពិតជាក់ស្តែង ហើយគ្រប់សិល្បករ សិល្បៈការិនី តួសំដែងទាំងអស់​ក៏ធ្វើបានល្អ ទទួលបានការគាំទ្រច្រើនពីទស្សនិកជនក្នុងអំឡុង​ពេលចាក់ផ្សាយនៃភាព​យន្តភាគនេះ។ ហើយការ រៀបចំពិធីក្រុងពាលីនាពេលនេះ ដើម្បីបិទកញ្ចក់កាមេរ៉ា បញ្ចប់ការថតជាស្ថាពរ។ ឯកឧត្តម ហ៊ុយ វាសនា ប្រធានគណៈកម្មការផលិតភាពយន្តភាគរឿងកូនប្រុសក្រោម​ពន្លឺព្រះចន្ទ​ពេញបូណ៌មី បានបង្ហាញពីមោទនភាពដែលក្រុមការងារទាំងអស់បានសហការគ្នា បានយ៉ាងល្អ ផលិតភាពយន្តភាគពីប្រវត្តិរបស់ថ្នាក់ដឹកនាំប្រទេស និងជាស្នាដៃផលិតរបស់កូនខ្មែរ។ ឯកឧត្តមបន្តថា ​ភាពយន្តភាគនេះ បានថតជារឿងដែលមានបន្ថែមឈុតឆាក វែងជាងរឿងភាគ​និទានដែលធ្លាប់ស្តាប់កន្លងមក គឺបញ្ចប់សាច់រឿងមេបញ្ជាការសម្រេចរហូតដល់មានបុត្រទី២ គឺលោកជំទាវ ហ៊ុន ម៉ាណា ។ ឯកឧត្តមរំពឹងថា រឿងរំលេចពីគំរូវីរៈដ៏អស្ចារ្យដែលសម្តេចតេជោ​បានរំដោះប្រទេសជាតិ​ចេញពីរបបប្រល័យពូជសាសន៍រហូតដល់ការដឹកនាំ​ប្រទេសមាន​ការរីកចំរើននេះ នឹងបន្តទុកជាឯកសារប្រវត្តិដ៏សំខាន់ដល់កូនចៅជំនាន់ក្រោយ និងរំលឹកដល់​គំរូវីរភាព​ដ៏ថ្លៃថ្លារបស់សម្តេចតេជោ ហ៊ុន សែន អតីតនាយករដ្ឋមន្ត្រីនៃព្រះរាជាណាចក្រកម្ពុជា។ សូមបញ្ជាក់ថា ភាពយន្តភាគរឿងកូនប្រុសក្រោមពន្លឺព្រះចន្ទពេញបូណ៌មី ទាក់ទិនដំណើរជីវិត​ពិតរបស់សម្តេច និងសម្តេចកិត្តិព្រឹទ្ធបណ្ឌិត ក្នុងសម័យសង្គ្រាមលន់ នល់ រដ្ឋប្រហារទម្លាក់សម្តេច​ព្រះនរោត្តមសីហនុ ព្រះបរមរតន កោដ្ឋ ការរត់ចូលព្រៃម៉ាកគី , សម័យកាលនៃរបបប្រល័យ​ពូជសាសន៍​ប៉ុលពត ​ការឆ្លងដែនចូលទៅកាន់ប្រទេសវៀតណាម ដើម្បីស្វែងរកកម្លាំងអ្នក​ស្នេហាជាតិមករំដោះប្រទេសចេញពីរបប ប៉ុលពត ការជួបជុំភរិយាគឺសម្តេចកិត្តិព្រឹទ្ធ បណ្ឌិត ប៊ុន រ៉ានី ហ៊ុនសែន ក្រោយថ្ងៃរំដោះ៧មករា ឆ្នាំ១៩៧៩និងការដឹកនាំរបស់សម្តេចតេជោ ហ៊ុន សែន។ ភាពយន្តភាគរឿងកូនប្រុសក្រោមពន្លឺព្រះចន្ទពេញបូណ៌មី ​បានបញ្ចប់ត្រឹមចំនួន៩៦ភាគ ប្រើ​រយៈពេលផលិតចំនួន១៩ខែ ដោយចាប់ផ្តើមពីថ្ងៃទី១២ ខែកុម្ភៈ ឆ្នាំ២០២២ រហូតដល់ថ្ងៃទី១៦ ខែសីហា ឆ្នាំ២០២៣ សរុបទាំង១២៩៦ឈុតឆាក។ រឿងនេះបានចាប់ផ្តើមការចាក់ផ្សាយលើកញ្ចក់ទូរទស្សន៍បាយ័ន ​កាលពីថ្ងៃទី២០ ខែមីនា ឆ្នាំ២០២៣ ដោយចាក់ផ្សាយបណ្តើរថតបណ្តើរ រហូតដល់ថ្មីៗនេះ បានថតចប់និងចាក់បញ្ជាំង​ចប់តាមកញ្ចក់​ទូរទស្សន៍បាយ័ន ។ ដោយសារមានសំណូមពរច្រើនពីអ្នកទស្សនា ​ស្ថានីយ៍ទូរទស្សន៍បាយ័ន បាននឹងកំពុងចាក់ផ្សាយភាពយន្តភាគនេះឡើងវិញនៅតាមកញ្ចក់ទូរទស្សន៍BTV វេលាម៉ោង៩យប់ រៀងរាល់ថ្ងៃចន្ទរហូតដល់ថ្ងៃពុធផងដែរ៕

សម្តេចធិបតី ចំអកឲ្យអ្នកនយោបាយជើងចាស់ម្នាក់ជេរក្មេង ហើយបែជាមកបបួលក្មេងសន្ទនាទៅវិញ

2023/10/03 10:48:27 am        150
Facebook Telegram Linkin
ភ្នំពេញ៖ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានចំអកទៅឲ្យអ្នកនយោបាយជើងចាស់ម្នាក់ថា មិនចេះខ្មាស់ក្មេង ខណៈអ្នកនយោបាយរូបនោះតែងតែជេរប្រមាថ និងមើលងាយដល់ក្មេងហើយ តែបែជាមកបបួលក្មេងសន្ទនាទៅវិញ ខណៈការបបួលនេះ​ត្រូវបាន​សម្តេចបដិសេធ​មិនធ្វើការសន្ទនាជាមួយនោះឡើយ។ថ្លែងក្នុងឱកាសអញ្ជើញ ចុះជួបសំណេះសំណាលជាមួយកម្មករនិយោជិត​តាមរោងចក្រសហគ្រាស​ចំនួន១៨០៩៩នាក់ មកពីរោងចក្រសហគ្រាសចំនួន២២ ដែលមានមូលដ្ឋាននៅក្នុងខណ្ឌមានជ័យ និងខណ្ឌដង្កោ រាជធានីភ្នំពេញ នាព្រឹកថ្ងៃទី៣ ខែតុលា ឆ្នំា២០២៣នេះ ​សម្តេចធិបតី ហ៊ុន ម៉ាណែត នាយករដ្ឋមន្រ្តី បានសង្កត់ធ្ងន់ថា ​មានអ្នកនយោបាយជើងចាស់ខ្លះ បានមក​បបួលសម្តេច​ធ្វើការ​សន្ទនាគ្នា ប៉ុន្តែត្រូវបានសម្តេចបដិសេធ ដោយសារអ្នកនយោបាយរូបនេះធ្លាប់​សន្ទនា​ជាច្រើនលើក​ច្រើន​សារមកហើយជាមួយមនុស្សចាស់ដូចគ្នា ប៉ុន្តែក្រោយការ​ចរចា​រួចបែជាអ្នក​នយោបាយ​ជើងចាស់រូបនោះ​បច្ចុប្បន្នកំពុង​នីរទេសខ្លួន​នៅក្រៅប្រទេស ​លួចជេរ និង​ប្រមាថពីក្រោយ​ខ្នងទៅវិញ។បើទោះបីជាសម្តេចធិបតី ហ៊ុន ម៉ាណែត ​មិនបានបញ្ជាក់ឈ្មោះថា អ្នកនយោបាយជើងចាស់ដែល​មិនខ្មាស់ក្មេងនោះ​ជាអ្នកណាក៏ដោយក៏គេអាចដឹងថា អ្នកនយោបាយជើងចាស់​រូបនោះ​ជា​ទណ្ឌិតក្បត់ជាតិបីជំនាន់ សម រង្ស៊ី និងបក្សពួកដែរ៕អត្ថបទបាន ចក់

សម្តេចធិបតី៖ ការដំឡើងប្រាក់ខែជូនដល់កម្មករទោះតិចក្តី ច្រើនក្តី គឺជាគោលនយោបាយឆ្ពោះទៅមុខជានិច្ច

2023/10/03 10:35:52 am        167
Facebook Telegram Linkin
ភ្នំពេញ៖ សម្តេចធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានថ្លែងថា ការដំឡើងប្រាក់ខែ ជូនដល់បងប្អូនកម្មករ និយោជិតសម្រាប់ឆ្នាំ២០២៤នេះទោះតិចក្តី ច្រើនក្តី ប៉ុន្តែវាជាគោលនយោបាយឆ្ពោះទៅមុខរបស់រាជរដ្ឋាភិបាលជានិច្ច គឺគ្មានការថយក្រោយនោះឡើយ ។ក្នុងឱកាសអញ្ជើញចុះជួបសំណេះសំណាលជាមួយកម្មករ និយោជិត ​តាមរោងចក្រ សហគ្រាស ចំនួន១៨០៩៩នាក់ មកពីរោងចក្រសហគ្រាសចំនួន២២ដែលមានមូលដ្ឋាននៅក្នុងខណ្ឌមានជ័យ និងខណ្ឌដង្កោ រាជធានីភ្នំពេញ នាព្រឹកថ្ងៃទី៣ ខែតុលា ឆ្នំា២០២៣នេះ សម្តេចធិបតី ហ៊ុន ម៉ាណែត បានបញ្ជាក់ថា ការដំឡើងប្រាក់ឈ្នួលអប្បរមាជូនដល់បងប្អូនកម្មករ និយោជិតចំនួន៤ដុល្លារបន្ថែមនេះ គឺមានអត្ថន័យណាស់ក្នុងដំណាក់កាលវិបត្តិសេដ្ឋកិច្ចពិភពលោក ខណៈប្រទេសខ្លះគេមិនទាន់មានការដំឡើងផង ដូចជាប្រទេសវៀតណាម ឡាវ ឥណ្ឌា នេប៉ាល និងប្រទេសបង់ក្លាដេសជាដើមនោះ។សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានបញ្ជាក់ថា ការដំឡើងប្រាក់ខែជូនដល់​បងប្អូន​កម្មករ និយោជិតចំនួន២ដុល្លារបន្ថែមសម្រាប់ឆ្នាំ២០២៤នេះ គឺជាការ​បង្ខិតបង្ខំ​ដល់​និយោជកទេ ខណៈក្រុមនិយោជក​គេប្រកាន់គោលជំហរ​រក្សា​ចំនួន២០០ដុល្លារដដែលនោះ។ ប៉ុន្តទោះជាយ៉ាង ​ណាក៏ដោយគោលនយោបាយរបស់រាជរដ្ឋាភិបាល ដែលដឹកនាំ​ដោយគណបក្សប្រជាជនកម្ពុជា​គឺបន្តធ្វើ ការ​ខិតខំ​ដំឡើងប្រាក់ឈ្នួលអប្បរមានេះ​ជាបន្តបន្ទាប់​ជូន​ដល់ប្អូនជានិច្ច បើទោះបីសេដ្ឋកិច្ចជួបបញ្ហាអ្វីក៏ ដោយនោះ៕អត្ថបទ បាន ចក់ 

ជនអន្តោប្រវេសន៍ នៅម៉ិកស៊ិកភាគខាងត្បូង ឡើងជិះរថយន្តក្រុងក្នុងកម្មវិធីថ្មី កាត់បន្ថយហ្វូងមនុស្សចង្អៀត

2023/10/03 10:29:54 am        112
Facebook Telegram Linkin
ម៉ិកស៊ិក៖ ជនអន្តោប្រវេសន៍រាប់រយនាក់ នៅប្រទេសម៉ិកស៊ិកភាគខាងត្បូង កាលពីថ្ងៃចន្ទបានរង់ចាំរថយន្តក្រុងទៅកាន់ភាគខាងជើង ក្នុងកម្មវិធីរដ្ឋាភិបាលថ្មី ដែលមានន័យថានឹងជួយរៀបចំចំនួនមនុស្សមកដល់ខណៈប្រធានាធិបតីម៉ិកស៊ិក និយាយថាមនុស្ស ១០.០០០នាក់ បានទៅដល់ព្រំដែនសហរដ្ឋអាមេរិករាល់ថ្ងៃ។ នៅចំណតរថយន្តក្រុមមួយកន្លែង ក្នុងទីក្រុង Juchitan រដ្ឋ Oaxaca ជនអន្តោប្រវេសន៍មួយចំនួន និយាយថា ពួកគេ នឹងចូលទៅសហរដ្ឋអាមេរិកដោយមានការណាត់ជួប ដែលត្រូវធានាបានតាមរយៈ កម្មវិធី របស់រដ្ឋាភិបាលអាមេរិក CBP One និងសំណើសុំសិទ្ធជ្រកកោន។នៅក្នុងតំបន់នេះមនុស្សប្រមាណ៤០០នាក់ រួមមានទាំងគ្រួសារដែលមានកូនតូចៗ បានរង់ចាំរថយន្តក្រុងទៅកាន់រដ្ឋធានីរបស់រដ្ឋ ឬទីក្រុង Mexico City។មន្ត្រីរដ្ឋ Oaxaca បានបើកទីតាំងនេះកាលពីសប្តាហ៍មុនក្នុងកិច្ចប្រឹងប្រែងដើម្បីកាត់បន្ថយហានិភ័យសម្រាប់ជនអន្តោប្រវេសន៍ ដែលបានមកប្រមូលផ្តុំគ្នាក្នុងចំនួនដ៍ច្រើននៅចំណតរថយន្តក្រុងក្នុងតំបន់ ខណៈព្យាយាមទិញសំបុត្ររថយន្តក្រុងទៅភាគខាងជើង។ ជនអន្តោប្រវេសន៍ ត្រូវចំណាយប្រាក់ផ្ទាល់ខ្លួនសម្រាប់ថ្លៃឈ្នួល ហើយមនុស្សមួយចំនួនបាននិយាយថាពួកគេរង់ចាំលុយផ្ទេរមកពីសាច់ញាតរបស់ពួកគេ ឬស្វែងរកការងារធ្វើដើម្បីបង្កើនមូលនិធិ។ប្រធានាធិបតី ម៉ិកស៊ិក លោក Andres Manuel Lopez Obrador នៅក្នុងសន្និសីទសារព័ត៌មានពេលព្រឹករបស់លោក កាលពីថ្ងៃចន្ទ បាននិយាយថា មនុស្សប្រមាណ ៦.០០០នាក់ កំពុងចូលមកប្រទេសម៉ិកស៊ិកភាគខាងត្បូងរៀងរាល់ថ្ងៃ ហើយកាលពីសប្តាហ៍មុន ជនអន្តោប្រវេសន៍១០.០០០នាក់ បានទៅដល់ព្រំដែនអាមេរិក-ម៉ិកស៊ិក រាល់ថ្ងៃ៕

ហ្វីលីពីន អាមេរិក និងសម្ព័ន្ធមិត្ត បន្តសមយុទ្ធកងទ័ពជើងទឹក២សប្ដាហ៍រួមគ្នា ស្របពេលមានភាពតានតឹងនៅអាស៊ីប៉ាស៊ីហ្វិក

2023/10/03 10:27:15 am        106
Facebook Telegram Linkin
ហ្វីលីពីន៖ ហ្វីលីពីន សហរដ្ឋអាមេរិក និងបណ្ដាសម្ព័ន្ធមិត្តរបស់ខ្លួន បានបន្តសមយុទ្ធជើងទឹករួមគ្នារយៈពេលពីរសប្តាហ៍ នៅថ្ងៃអង្គារ (៣ តុលា) នេះ ដែលជាផ្នែកនៃកិច្ចខិតខំប្រឹងប្រែង ដើម្បីជំរុញកិច្ចសហប្រតិបត្តិការអន្តរជាតិ ស្របពេលមានសកម្មភាពអះអាងកាន់តែខ្លាំងឡើងរបស់ទីក្រុងប៉េកាំង នៅក្នុងសមុទ្រចិនខាងត្បូង ព្រមទាំងភាពតានតឹងនៅក្នុងអាស៊ីប៉ាស៊ីហ្វិក។សមយុទ្ធរួមគ្នានោះឈ្មោះថា «សាម៉ាសាម៉ា» ដែលមានន័យថា «រួបរួមគ្នា» នៅក្នុងភាសា Tagalog របស់ហ្វីលីពីន ហើយសមយុទ្ធនេះមានគោលបំណងជាចម្បង ដើម្បីពង្រឹងសមត្ថភាពកងទ័ពជើងទឹករបស់ប្រទេសនេះ។ សមយុទ្ធនេះ ធ្វើឡើងនៅក្នុង និងជុំវិញកោះឡូហ្សូន (Luzon) ភាគខាងជើងហ្វីលីពីន ហើយនឹងបន្តរហូតដល់ថ្ងៃទី១៣ ខែតុលា។កងទ័ពជើងទឹកហ្វីលីពីនបាននិយាយថា សមយុទ្ធសាម៉ាសាម៉ា មានគោលបំណង «ពង្រឹងកិច្ចសហប្រតិបត្តិការការពារជាតិអន្តរជាតិបន្ថែមទៀត និងជំរុញឱ្យមានសណ្តាប់ធ្នាប់អន្តរជាតិផ្អែកលើច្បាប់»។ ជាផ្នែកមួយនៃសមយុទ្ធនេះ កងទ័ពជើងទឹកហ្វីលីពីន និងសហរដ្ឋអាមេរិក កំពុងធ្វើសមយុទ្ធអន្តរប្រតិបត្តិការជាមួយកងកម្លាំងមកពីប្រទេសជប៉ុន ចក្រភពអង់គ្លេស កាណាដា បារាំង និងអូស្ត្រាលី។ កងកម្លាំងនាវាចរនូវែលសេឡង់ និងឥណ្ឌូណេស៊ី ក៏ចូលរួមជាអ្នកសង្កេតការណ៍ក្នុងសមយុទ្ធនេះផងដែរ។ ការជំរុញឱ្យមានកិច្ចសហប្រតិបត្តិការពហុភាគីកាន់តែខ្លាំងឡើងនេះ កើតឡើងស្របពេលមានកំណើនភាពតានតឹងផ្នែកដែនសមុទ្ររវាងទីក្រុងម៉ានីល និងទីក្រុងប៉េកាំង ព្រមទាំងកិច្ចខិតខំប្រឹងប្រែងដោយទីក្រុងវ៉ាស៊ីនតោន ក្នុងការទប់ទល់ជាមួយឥទ្ធិពលចិននៅអាស៊ីប៉ាស៊ីហ្វិកផងដែរ៕

បណ្ដាញសង្គម

ព័ត៌មានថ្មីៗ

សម្តេចតេជោ ហ៊ុន សែន អញ្ជើញធ្វើទស្សនកិច្ច និងពិនិត្យមើលអគារទីស្នាក់ការកណ្តាល នៃអគ្គនាយកដ្ឋានពន្ធដារ
06/02/2026 10:06 AM
Facebook Telegram Linkin
លោក Trump ផ្ទុះកំហឹងលើមេដឹកនាំអ៊ីស្រាអែល ជុំវិញសកម្មភាពយោធានៅលីបង់ដែលប៉ះពាល់ការចរចាជាមួយអ៊ីរ៉ង់
06/02/2026 09:06 AM
Facebook Telegram Linkin
អ៊ីរ៉ង់ ព្រមានថា ការវាយប្រហាររបស់អ៊ីស្រាអែលនៅលីបង់ និងហ្កាហ្សា គំរាមដល់កិច្ចចរចាបទឈប់បាញ់របស់អាមេរិក
06/02/2026 09:06 AM
Facebook Telegram Linkin
ប្រមុខUN៖ សំខាន់ណាស់ក្នុងការរក្សាទុកកងកម្លាំងUN នៅលីបង់ ក្រោយកងកម្លាំងរក្សាសន្តិភាពបច្ចុប្បន្នផុតអាណត្តិ
06/02/2026 09:06 AM
Facebook Telegram Linkin
លីបង់ ប្រកាសបទឈប់បាញ់ដោយផ្នែករវាងអ៊ីស្រាអែលនិងក្រុមហេសបូឡា ប៉ុន្តែការវាយប្រហារនៅតែបន្ត
06/02/2026 09:06 AM
Facebook Telegram Linkin
មនុស្ស៤នាក់ស្លាប់ និងមួយចំនួនរងរបួសបន្ទាប់ពីការវាយប្រហារដ៏ធំរបស់រុស្ស៊ីទូទាំងអ៊ុយក្រែន
06/02/2026 09:06 AM
Facebook Telegram Linkin
លោក Trump ថា ការចរចាជាមួយអ៊ីរ៉ង់កំពុងដំណើរការយ៉ាងលឿន ទោះមានការគំរាមកំហែងពង្រីកសង្គ្រាមក៏ដោយ
06/02/2026 08:06 AM
Facebook Telegram Linkin
ក្រសួងសេដ្ឋកិច្ចដាក់ឱ្យប្រើប្រាស់ជាកាតព្វកិច្ច​ ប្រព័ន្ធវិក្កយបតអឡិចត្រូនិកកម្ពុជាជំហានទី៤
06/02/2026 08:06 AM
Facebook Telegram Linkin
ប្រធានាធិបតីមីយ៉ាន់ម៉ាបញ្ជាក់ឡើងវិញពីការប្តេជ្ញាចិត្តចំពោះសន្តិសុខរបស់ឥណ្ឌា
06/01/2026 08:06 PM
Facebook Telegram Linkin
ប្រតិបត្តិករនាវា ជំរុញឲ្យមានច្បាប់ច្បាស់វិលត្រឡប់មកកាន់ច្រកសមុទ្រ Hormuz វិញ
06/01/2026 08:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.