នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ប្រធាន​ក្រុមការងារ​ចុះមូលដ្ឋាន ប្រកាស​បញ្ចូលសមាជិកថ្មី​​គណបក្សប្រជាជនកម្ពុជាចំនួន ៦៩០០នាក់ ក្នុងស្រុកប្រាសាទបល្ល័ង្ក ខេត្តកំពង់ធំ
សម្ដេច​តេជោ៖ការពង្រឹងខឿនការពារជាតិមិនសំដៅតែនៅសមរភូមិមុខទេ ត្រូវយកចិត្តទុកដាក់ទំនុកបម្រុងអ្នកសមរភូមិក្រោយជាគ្រួសារយុទ្ធជនជួរមុខ និងអតីតយុទ្ធជន
ឯកអគ្គរដ្ឋទូតហុងគ្រីចប់អាណត្តិមើលឃើញថាកម្ពុជាគឺជាដៃគូដ៏ជិតស្និទ្ធរបស់ហុងគ្រី
ឯកអគ្គរដ្ឋទូតបញ្ចប់អាណត្តិស្វីស៖ រដ្ឋាភិបាលស្វីសនឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

នយោបាយ​ និង ការអភិវឌ្ឍន៍

កម្មកររោងច្រកធំៗនៅភ្នំពេញ អបអរសាទរការដាក់«ប្រាសាទកោះកេរ» ជាសម្បត្តិបេតិកភណ្ឌពិភពលោក

2023/09/20 12:13:35 pm        145
Facebook Telegram Linkin
ភ្នំពេញ៖ កម្មករនិយោជិតតាមបណ្តារោងចក្រសហគ្រាសធំៗ នៅព្រឹកថ្ងៃទី២០ ខែកញ្ញា ឆ្នាំ២០២៣ នេះ បានជួបជុំគ្នានៅក្នុងបរិវេណរោងចក្រ សហគ្រាសរៀងៗខ្លួន អបអរសាទរចំពោះការដាក់​បញ្ចូលប្រាសាទកោះកេររបស់ខ្មែរចូលក្នុងបញ្ជីបេតិកភណ្ឌពិភពលោក។ការចេញគាំទ្ររបស់រោងចក្រកាត់ដេរទាំងនេះ គឺធ្វើឡើងព្រមៗគ្នាជាមួយក្រសួង មន្ទីរ វត្តអារាម និងប្រជាជនខ្មែរទូទាំងប្រទេស ​ក៏ដូចជាប្រជាជនខ្មែរនៅទូទាំងពិភពលោក​ដែលប្រាសាទដូនតារបស់ខ្លួនមួយទៀត ត្រូវចូលជាសម្បត្តិរបស់មនុស្សជាតិក្នុងលោក។ កម្មករនិយោជិតបាននាំគ្នាស្រែកព្រមៗគ្នាថា៖ «សូមអបអរ ! ប្រាសាទកោះកេរត្រូវ​បានដាក់បញ្ជូលក្នុងបញ្ជីបេតិកភណ្ឌពិភពលោក ជ័យយោ ! ព្រះរាជណាចក្រកម្ពុជា »។កម្មករនិយោជិតបាននាំគ្នាស្រែកហោយ៉ាង​អឺងកង អ្នកខ្លះ គោះត្រដោក គោះធុង ដោយទឹកមុខសប្បាយរីករាយ និងបង្ហាញពីទឹកចិត្តមោទកភាពចំពោះព្រឹត្តិការណ៍​ជាប្រវត្តិសាស្ត្រ​នេះ​ដែលរាជរដ្ឋាភិបាលសម្រេចបានយ៉ាង​ត្រចេះត្រចង់​ចំពោះការ​ចុះនូវសម្បត្តិវប្បធម៌ដែល​ដូនតាខ្មែរបន្សល់ទុក។រោងចក្រទាំងនោះរួមមាន ក្រុមហ៊ុន W&D ស្ថិតនៅក្នុងខណ្ឌមានជ័យ ក្រុមហ៊ុន ឌីឡាក់ ហ្គា ស្ថិតនៅក្នុងខណ្ឌពោធិសែនជ័យ រោងចក្រ ត្រាកស៍ អឹ ឌី ស្ថិតនៅក្នុងសែនសុខ ក្រុមហ៊ុន អ៊ីស្តក្រោន ស្ថិតនៅក្នុងខណ្ឌមានជ័យ និង ក្រុមហ៊ុន លីឌីងស្តារ ស្ថិតនៅក្នុងខណ្ឌដង្កោ រាជធានីភ្នំពេញ និងតាមបណ្តារោងចក្រសហគ្រាសផ្សេងទៀតផងដែរ។សូមបញ្ជាក់ថា «រមណីយដ្ឋានប្រាសាទកោះកេរ» ត្រូវបានគណៈកម្មាធិការបេតិកភណ្ឌពិភពលោក សម្រេចចុះក្នុងបញ្ជីបេតិកភណ្ឌពិភពលោក ​នៅថ្ងៃទី១៧ ខែកញ្ញា ឆ្នាំ២០២៣ ក្នុងសម័យ​ប្រជុំលើកទី៤៥ នៅទីក្រុងរីយ៉ាដ (Riyadh) នៃប្រទេសអារ៉ាប៊ីសាអ៊ូឌីត៕

លោក Erdogan និងលោក Netanyahu ជួបគ្នាជាលើកដំបូងនៅមហាសន្និបាតអង្គការសហប្រជាជាតិ ខណៈទំនាក់ទំនងយ៉ាប់យ៉ឺន

2023/09/20 12:03:26 pm        80
Facebook Telegram Linkin
លោកប្រធានាធិបតីទួរគី Tayyip Erdogan និងលោកនាយករដ្ឋមន្ត្រីអ៊ីស្រាអែល Benjamin Netanyahu បានជួបគ្នាជាលើកដំបូងក្នុងជំនួបទល់មុខគ្នាកាលពីថ្ងៃអង្គារ ដែលជាបង្កើតបានជាជំនួបប្រវត្តិសាស្ត្រដ៏សំខាន់មួយ ខណៈទំនាក់ទំនងរវាងប្រទេសទាំង២ មានភាពល្អប្រសើរតិចតួច។ ធ្លាប់ជាសម្ព័ន្ធមិត្តជិតស្និទ្ធក្នុងតំបន់ ទំនាក់ទំនងរវាងអ៊ីស្រាអែល និងទួរគី ត្រូវបានប្រេះស្រាំ រយៈពេលជាង១ ទសវត្សរ៍ ដោយក្រុងអង់ការ៉ា បណ្ដេញឯកអគ្គរដ្ឋទូតរស់អ៊ីស្រាអែល ក្រោយការវាយឆ្មក់របស់អ៊ីស្រាអែលកាលពីឆ្នាំ២០១០ លើនាវាមួយគ្រឿងដែលដឹកជំនួយទៅកាន់តំបន់ហ្កាហ្សា សម្លាប់ពលរដ្ឋទួរគី១០នាក់។ទំនាក់ទំនងការទូត ត្រូវបានស្ដារឡើងវិញកាលពីឆ្នាំ២០១៦ ប៉ុន្តែ២ឆ្នាំ ក្រោយមក ទួរគី បានហៅអ្នកការទូតរបស់ខ្លួនពីអ៊ីស្រាអែលវិញ ហើយបានបណ្តេញបេសកជនអ៊ីស្រាអែលនៅពេលដែលកងកម្លាំងអ៊ីស្រាអែលបានសម្លាប់ជនជាតិប៉ាឡេស្ទីនមួយចំនួន ដែលបានចូលរួមក្នុងការតវ៉ានៅតំបន់ហ្គាហ្សា។ មេដឹកនាំទាំង២ បានពិភាគក្សាពីបញ្ហានយោបាយ ថាមពល បច្ចេកវិទ្យា សេដ្ឋកិច្ច និងប្រធានបទក្នុងតំបន់ ព្រមទាំងបញ្ហារវាងអ៊ីស្រាអែល -ប៉ាឡេស្ទីន អំឡុងជំនួបជាន់ខ្ពស់នៅអង្គមហាសន្និបាតអង្គការសហប្រជាជាតិ៕

សម្តេច ហ៊ុន ម៉ាណែត៖ កម្ពុជាប្ដេជ្ញាចិត្តលើកកម្ពស់កិច្ចសហប្រតិបត្តិការសន្តិសុខ និងការអភិវឌ្ឍទាំងថ្នាក់ជាតិ តំបន់ និងអន្តរជាតិ

2023/09/20 11:52:16 am        126
Facebook Telegram Linkin
ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានថ្លែងថា រាជរដ្ឋាភិបាលកម្ពុជាប្តេជ្ញាចិត្តខ្ពស់ក្នុងចូលរួមលើកកម្ពស់កិច្ចសហប្រតិបត្តិការសន្តិសុខ ដើម្បីសន្តិភាព សុវត្តិភាព ភាពសុខដុមរមនា និងការអភិវឌ្ឍ ទាំងក្នុងថ្នាក់ជាតិ តំបន់ និងអន្តរជាតិ។សម្ដេចធិបតីនាយករដ្ឋមន្រ្ដីបានបញ្ជាក់បែបនេះ​ ក្នុងឱកាសថ្លែងសុន្ទរកថា បើកសន្និសីទ​ប្រចាំឆ្នាំ២០២៣ នៃវេទិកាកិច្ចសហប្រតិបត្តិការសន្តិសុខសាធារណសកល​ក្រោមប្រធានបទ ‌‍«ពិភពលោកមួយសន្តិសុខរួម» ​តាមរយៈប្រព័ន្ធវីដេអូពីចម្ងាយនៅថ្ងៃទី២០ ខែកញ្ញា ឆ្នាំ២០២៣។សន្និសីទប្រចាំឆ្នាំ២០២៣ ​នៃវេទិកាកិច្ចសហប្រតិបត្តិការសន្តិសុខសាធារណសកល ក្រោម​ប្រធានបទ ‌‍«ពិភពលោកមួយសន្តិសុខរួម» ធ្វើឡើងទីក្រុង Lianyungang ខេត្ត Jiangsu ភាគខាងកើត​ប្រទេសចិន ដោយមានការចូលរួមពីមន្ត្រីអនុវត្តច្បាប់ អ្នកជំនាញ ​មកពីប្រទេស និងតំបន់ចំនួន៥០។សម្ដេចធិបតីថ្លែងថា ក្នុងនាមរាជរដ្ឋាភិបាលកម្ពុជា ​សម្តែងនូវការអបអរសាទរជូនចំពោះថ្នាក់ដឹកនាំ និងប្រជាជននៃប្រជាមានិតចិន ចំពោះគំនិត​ផ្តួចផ្តើម​នៃការរៀចបំនូវវេទិកាកិច្ចសហប្រតិបត្តិការ​សន្តិសុខ​សាធារណៈសកលនេះចាប់តាំងពីឆ្នាំ២០១៥មក។សម្តេចធិបតីបញ្ជាក់ថា រាជរដ្ឋាភិបាលកម្ពុជា ត្រៀមខ្លួនរួចរាល់ដើម្បីចូលរួមរៀបចំលិខិតតុបករណ៍ យុទ្ធសាស្ត្រ​ គោលនយោបាយពាក់ព័ន្ធនានា ដើម្បីលើកកម្ពស់ ​ការផ្សាភ្ជាប់ជិតស្និត រវាង​កងកម្លាំង​អនុវត្តច្បាប់ពីគ្រប់ភាគីពាក់ព័ន្ធទាំងអស់។ រាជរដ្ឋាភិបាលកម្ពុជាជឿជាក់ថា ​ជាមួយនឹងកិច្ចសហប្រតិបត្តិការនេះនឹងអាចប្រមូលផ្តុំ​នូវវិធានការ​សរុប ឈានទៅដោះស្រាយបាននូវបញ្ហាប្រឈមនានាដែលជាក្តី​បារម្ភរួម​ពាក់ព័ន្ធជាមួយ​វិស័យសន្តិសុខ ក្នុងបុព្វហេតុរួមនៃសន្តិភាព ​ការអភិវឌ្ឍ ​និងវិបុលភាពសម្រាប់ប្រជាជាតិទាំងអស់៕

រដ្ឋមន្រ្តីក្រសួងធម្មការ និងសាសនា រៀបចំពិធីទូងស្គរ អបអរសាទររមណីយដ្ឋានប្រាសាទកោះកេរ ចូលក្នុងបញ្ជីបេតិកភណ្ឌវប្បធម៌ពិភពលោក

2023/09/20 11:03:34 am        93
Facebook Telegram Linkin
ភ្នំពេញ៖ ឯកឧត្តម ចាយ បូរិន រដ្ឋមន្រ្តីក្រសួងធម្មការ និងសាសនា បានអញ្ជើញដឹកនាំមន្រ្តី​រាជការ​ក្រោមឱវាទរៀបចំពិធីវាយគង ជួង រគាំង និងទូងស្គរជ័យ​ ដើម្បីអបអរសាទរ​ រមណីយដ្ឋាន​ប្រាសាទ​កោះកេរ របស់ព្រះរាជាណាចក្រកម្ពុជា ​ត្រូវបានអង្គការយូណេស្កូ ​សម្រេចដាក់​ជាសម្បត្តិ​បេតិកភណ្ឌវប្បធម៌​ពិភពលោក ដែលរៀបចំឡើងនៅទីស្តីការក្រសួង ព្រឹកថ្ងៃទី២០ ខែកញ្ញា ឆ្នាំ២០២៣នេះ។ក្រសួងធម្មការ និងសាសនា បានចេញសេចក្តីជម្រាបទៅលោកប្រធានមន្ទីរធម្មការ និងសាសនា រាជធានី-ខេត្តទាំងអស់ ​សហការឱ្យបានជិតស្និទ្ធបំផុតជាមួយព្រះមេគណ ​ព្រះអនុគណ ព្រះចៅអធិការ​ និងថ្នាក់ដឹកនាំសាសនាផ្សេងៗទូទាំងប្រទេស ​ត្រៀមរៀបចំវាយគង​ ជួង រគាំង ទូងស្គរជ័យ ​និងគោះត្រដោកព្រមៗគ្នា នៅថ្ងៃទី២០ ខែកញ្ញា ឆ្នាំ២០២៣ វេលាម៉ោង៧.00ព្រឹក ដើម្បីអបអរសាទរព្រឹត្តិការណ៍​ ជាប្រវត្តិសាស្រ្ត និងជាទីមោទនកភាពជាតិ។ឯកឧត្តម ចាយ បូរិន រដ្ឋមន្រ្តីក្រសួងធម្មការ ​និងសាសនា ​បានចាត់ទុកថា នេះជាព្រឹត្តិការណ៍​ប្រវត្តិ​សាស្រ្តថ្មីមួយទៀត និងជាមោទកភាពរបស់ប្រជាពលរដ្ឋខ្មែរគ្រប់ទិសទី ដោយ​គណៈកម្មាធិការ​បេតិកភណ្ឌពិភពលោក នៃអង្គការយូណេស្កូ ក្នុងសម័យប្រជុំលើកទី៤៥​ នៅទីក្រុងរីយ៉ាដ ប្រទេសអារ៉ាប៊ីសាអូឌីត ​បាន​សម្រេច​បញ្ចូល​រមណីយដ្ឋាន​ប្រាសាទកោះកេ​រ របស់ខ្មែរ ជា​សម្បត្តិបេតិកភណ្ឌពិភពលោក ដែលបង្ហាញយ៉ាងច្បាស់ទៅអន្តរជាតិ និងពិភពលោកថា​ប្រទេសកម្ពុជា ​សម្បូរទៅដោយសម្បត្តិបេតិកភណ្ឌវប្បធម៌ ​ជាច្រើន​នៅមិន​ទាន់​ដាក់បញ្ចូល ហើយ​សាកសម​ជាព្រះរាជាណាចក្រអច្ឆរិយៈ។សូមជម្រាបជូនថា ​ការចុះបញ្ជី ​រមណីយដ្ឋានប្រាសាទកោះកេរ ​ជាបេតិកភណ្ឌវប្បធម៌ពិភពលោក របស់​អង្គការយូណេស្កូ នាពេលនេះ ​ជាមោទនភាពជាតិខ្មែរយ៉ាង​ធំធេងជាថ្មីទៀត បន្ទាប់ពី​ប្រាសាទអង្គរវត្ត ត្រូវបានចុះបញ្ជីបេតិកភណ្ឌវប្បធម៌ពិភព​លោកកាលពីថ្ងៃទី១៤​ ខែធ្នូ ឆ្នាំ១៩៩២ ប្រាសាទព្រះវិហារ ​ចុះបញ្ជីបេតិកភណ្ឌពិភពលោក​ នៅថ្ងៃទី០៧ ខែកក្កដា ឆ្នាំ២០០៨ ហើយ​និងប្រាសាទ​សំបូរព្រៃគុក ​បានចុះក្នុងបញ្ជីបេតិកភណ្ឌពិភពលោក​ កាលពីថ្ងៃទី៨ ខែកក្កដា ឆ្នាំ២០១៧៕ អត្ថបទ រដ្ឋា

រដ្ឋបាលខណ្ឌ៧មករារៀបចំពិធីទូងស្គរ អបអរសាទររមណីយដ្ឋានប្រាសាទកោះកេរ ចូលក្នុងបញ្ជីបេតិកភណ្ឌវប្បធម៌ពិភពលោក

2023/09/20 10:50:05 am        122
Facebook Telegram Linkin
ភ្នំពេញ៖ លោក ថេង សុថុល អភិបាលនៃគណៈអភិបាលខណ្ឌ៧មករា បានដឹកនាំ​មន្រ្តីរាជការ​ក្រោមឱវាទរៀបចំពិធី ទូងស្គរ ដើម្បីអបអរសាទរ រមណីយដ្ឋានប្រាសាទកោះកេរ របស់​ព្រះរាជាណាចក្រ​កម្ពុជា​ត្រូវបានអង្គការយូណេស្កូ សម្រេចដាក់ជាសម្បត្តិ​បេតិកភណ្ឌវប្បធម៌ ពិភពលោក ដែលរៀបចំឡើងនៅរដ្ឋបាលខណ្ឌ៧មករា ព្រឹកថ្ងៃទី២០ ខែកញ្ញា ឆ្នាំ២០២៣។រដ្ឋបាលខណ្ឌ៧មករា ចេញសេចក្តីជូនដំណឹងសង្កាត់ទាំង៨សហការឱ្យបាន​ជិត​ស្និទ្ធបំផុត ជា​រដ្ឋបាលខណ្ឌ ត្រៀមរៀបចំវាយគង ជួង ទូងស្គរ និងគោះត្រដោក ព្រមៗគ្នា​នៅថ្ងៃទី២០ ខែកញ្ញា ឆ្នាំ២០២៣ វេលាម៉ោង ០៧និង០០នាទីព្រឹក ដើម្បី​អបអរ​ព្រឹត្តិការណ៍​ជាប្រវត្តិសាស្រ្ត និងជាទីមោទនកភាពជាតិ។លោក ថេង សុថុល អភិបាលខណ្ឌ៧មករា ​បានចាត់ទុកថា​ នេះជាព្រឹត្តិការណ៍ប្រវត្តិសាស្រ្តថ្មី​មួយ​ទៀត និងជាមោទកភាពរបស់ប្រជាពលរដ្ឋខ្មែរគ្រប់ទិសទី​ដោយគណៈកម្មាធិការបេតិកភណ្ឌពិភព​លោក ​នៃអង្គការយូណេស្កូ ​ក្នុងសម័យប្រជុំលើកទី៤៥ នៅទីក្រុងរីយ៉ាដ​ ប្រទេសអារ៉ាប៊ីសាអូឌីត បាន​សម្រេច​បញ្ចូល​រមណីយដ្ឋាន​ប្រាសាទកោះកេរ ​របស់ខ្មែរជាសម្បត្តិ​បេតិកភណ្ឌពិភពលោក ដែល​បង្ហាញយ៉ាងច្បាស់​ទៅអន្តរជាតិ និង​ពិភពលោកថា ​ប្រទេសកម្ពុជា​សម្បូរទៅដោយ​សម្បត្តិ​បេតិកភណ្ឌជាច្រើន ​នៅមិនទាន់ដាក់បញ្ចូល ​ហើយសាកសម​ជាព្រះរាជាណាចក្រអច្ឆរិយៈ៕អត្ថបទ៖ កុម្ភៈ

UN៖ ចំនួនអ្នកស្លាប់ដោយសារទឹកជំនន់នៅលីប៊ី រួមមានជនអន្តោប្រវេសន៍ចំនួន៤០០នាក់

2023/09/20 10:36:09 am        75
Facebook Telegram Linkin
UN៖របាយការណ៍ការិយាល័យមនុស្សធម៌របស់អង្គការសហប្រជាជាតិ បាននិយាយកាលពីថ្ងៃអង្គារ (១៩ កញ្ញា) ដោយសំអាងដល់របាយការណ៍ពីមន្ទីរពេទ្យថា ជនអន្តោប្រវេសន៍ប្រហែល៤០០នាក់ ត្រូវបានសម្លាប់នៅក្នុងទឹកជំនន់ ដែលបានវាយប្រហារភាគខាងកើតប្រទេសលីប៊ីកាលពីសប្តាហ៍មុន។ របាយការណ៍នេះបានដកស្រង់ពីទីភ្នាក់ងារសុខភាពរបស់អង្គការសហប្រជាជាតិ អង្គការសុខភាពពិភពលោក ដែលបាននិយាយថា រហូតមកដល់ពេលនេះ តួលេខអ្នកស្លាប់ចំនួន៤,០០០នាក់ ត្រូវបានរាយការណ៍នៅក្នុងប្រទេសលីប៊ីដោយមន្ទីរពេទ្យ រួមទាំងជនអន្តោប្រវេសន៍ចំនួន៤០០នាក់ផងដែរ។ជនអន្តោប្រវេសន៍អាហ្វ្រិក និងមជ្ឈិមបូព៌ារាប់ពាន់នាក់ មានមូលដ្ឋានបណ្តោះអាសន្នក្នុងប្រទេសលីប៊ី ហើយមនុស្សជាច្រើនបានធ្វើដំណើរឆ្លងកាត់សមុទ្រ មេឌីទែរ៉ាណេ ដ៏គ្រោះថ្នាក់ជារៀងរាល់ឆ្នាំ ដើម្បីគេចចេញពីភាពក្រីក្រ និងជម្លោះ។ អង្គការអន្តរជាតិសម្រាប់ការធ្វើអន្តោប្រវេសន៍ ធ្លាប់បាននិយាយថា ជនអន្តោប្រវេសន៍ជាង១០០.០០០ នាក់ បានរស់នៅក្នុងតំបន់រងគ្រោះដោយទឹកជំនន់ រួមទាំងជាង៨.០០០នាក់រស់នៅក្នុងទីក្រុង Derna របស់លីប៊ី ហើយពួកគេភាគច្រើនមកពីប្រទេសឆាដ អេហ្ស៊ីប និងស៊ូដង់ ផងដែរ៕

មនុស្ស២៧នាក់ស្លាប់ និង២០០នាក់របួស ក្នុងការវាយប្រហាររបស់អាស៊ែបៃហ្សង់ លើតំបន់ណាហ្គ័រណូ-ការ៉ាបាក់

2023/09/20 10:34:06 am        90
Facebook Telegram Linkin
អាមេនី៖ យោងតាមព័ត៌មាន ដែលទទួលបានពីកន្លែងបញ្ចុះសព Stepanakert ប្រទេសអាមេនី ដោយការិយាល័យអ្នកការពារសិទ្ធិមនុស្ស គិតត្រឹមម៉ោង២២:៣០នាទី (ម៉ោងក្នុងស្រុក) មានជនរងគ្រោះចំនួន២៧នាក់បានស្លាប់ ដែលជាលទ្ធផលនៃការវាយប្រហារភេរវកម្មយ៉ាងពេញទំហឹងដោយប្រទេសអាស៊ែបៃហ្សង់ ដែលក្នុងនោះជនរងគ្រោះ២នាក់ជាជនស៊ីវិល ហើយចំនួនអ្នករងរបួសមានលើសពី២០០នាក់ហើយនៅពេលនេះ។តួលេខនេះមិនរាប់បញ្ចូលជនរងគ្រោះនៅស្ថាប័នវេជ្ជសាស្ត្ររបស់តំបន់ Askeran និងតំបន់ Martuni ទេ ដោយសារនៅមិនទាន់ទំនាក់ទំនងពីទីនោះ។ អាស៊ែបៃហ្សង់ បានបញ្ជូនកងទ័ពចូលទៅក្នុងតំបន់ការ៉ាបាក់ គ្រប់គ្រងដោយអាមេនី ដែលត្រូវបានទទួលស្គាល់ជាអន្តរជាតិថាជាផ្នែកមួយនៃទឹកដីរបស់អាស៊ែបៃហ្សង់ កាលពីព្រឹកថ្ងៃអង្គារ (១៩ កញ្ញា) ក្នុងការប៉ុនប៉ងនាំយកតំបន់នេះឲ្យស្ថិតក្រោមការគ្រប់គ្រងរបស់ខ្លួនឡើងវិញដោយប្រើកម្លាំង ដែលបង្កើនការគំរាមកំហែងនៃសង្រ្គាមថ្មីមួយជាមួយប្រទេសជិតខាងអាមេនី ផងដែរ៕

រុស្ស៊ី៖ លោក ពូទីន និងលោក ស៊ី នឹងជួបប្រជុំគ្នានៅទីក្រុងប៉េកាំងក្នុងខែតុលាខាងមុខនេះ

2023/09/20 10:29:48 am        85
Facebook Telegram Linkin
រុស្ស៊ី៖រុស្ស៊ីប្រកាសថា ប្រធានាធិបតីរុស្ស៊ី លោក វ្ល៉ាឌីមៀ ពូទីន នឹងជួបជាមួយប្រធានាធិបតីចិន លោក ស៊ី ជីនពីង សម្រាប់កិច្ចពិភាក្សានៅទីក្រុងប៉េកាំង ក្នុងខែតុលា ខាងមុខនេះ ដែលជាដំណើរទស្សនកិច្ចលើកដំបូងរបស់លោកពូទីននៅក្រៅប្រទេស ចាប់តាំងពីដីកាចាប់ខ្លួនត្រូវបានដាក់ចេញប្រឆាំងនឹងលោក ជុំវិញការនិរទេសកុមារពីអ៊ុយក្រែន។លោក Nikolai Patrushev ដែលជាមនុស្សជំនិតរបស់លោក ពូទីន និងជាលេខានៃក្រុមប្រឹក្សាសន្តិសុខរុស្ស៊ី បាននិយាយថា រុស្ស៊ី និងចិន គួរតែពង្រឹងកិច្ចសហប្រតិបត្តិការឱ្យស៊ីជម្រៅ នៅពេលប្រឈមមុខនឹងការប៉ុនប៉ងរបស់លោកខាងលិចដើម្បីទប់ស្កាត់ពួកគេទាំងពីរ។ លោក ពូទីន នឹងចូលរួមវេទិកាខ្សែក្រវាត់ និងផ្លូវលើកទី៣ បន្ទាប់ពីការអញ្ជើញរបស់លោក ស៊ី ក្នុងអំឡុងពេលទស្សនកិច្ចដ៏ខ្ពង់ខ្ពស់នៅទីក្រុងមូស្គូកាលពីខែមីនា។ប៉ុន្មានថ្ងៃមុនដំណើរទស្សនកិច្ចរបស់លោក ស៊ី នោះ តុលាការឧក្រិដ្ឋកម្មអន្តរជាតិ (ICC) បានចេញដីកាចាប់ខ្លួនលោក ពូទីន ពីបទសង្ស័យថា បាននិរទេសកុមាររាប់រយនាក់ដោយខុសច្បាប់ ឬច្រើនជាងនេះពីអ៊ុយក្រែន។ លោក ពូទីន បានធ្វើទស្សនកិច្ចចុងក្រោយនៅប៉េកាំងក្នុងខែកុម្ភៈ ឆ្នាំ២០២២ រយៈពេលប៉ុន្មានថ្ងៃប៉ុណ្ណោះមុនការលុកលុយអ៊ុយក្រែន ជាទីដែលលោក និងលោក ស៊ី បានប្រកាសពីភាពជាដៃគូ «គ្មានដែនកំណត់» ដោយទីក្រុងមូស្គូនិយាយថា នេះមិនមែនមានន័យថាជាសម្ព័ន្ធមិត្តយោធានោះទេ៕

ប្រទេសឡាតវី នឹងបិទច្រកព្រំដែនមួយក្នុងចំណោមច្រកព្រំដែនបេឡារុសចំនួនពីរ ដើម្បីបញ្ឈប់ជនអន្តោប្រវេសន៍ខុសច្បាប់

2023/09/20 10:23:32 am        90
Facebook Telegram Linkin
ឡាតវី៖ រដ្ឋាភិបាលនៃប្រទេសឡាតវីកាលពីថ្ងៃអង្គារ បានសម្រេចចិត្តបិទច្រកព្រំដែនមួយក្នុងចំណោមច្រកព្រំដែនពីររបស់ខ្លួនជាមួយប្រទេសបេឡារុស ខណៈដែលនាយករដ្ឋមន្ត្រី បានចោទប្រកាន់ទីក្រុងមីនស្កិ៍( Minsk) ម្តងទៀតថា បានប្រើប្រាស់ជនអន្តោប្រវេសន៍ខុសច្បាប់ជា «ការគំរាមកំហែងចម្រុះ» ដើម្បីធ្វើឲ្យប៉ះពាល់ដល់សន្តិសុខរដ្ឋបាល់ទិក។នៅឆ្នាំ២០២១ ប្រទេសឡាតវី ប៉ូឡូញ និងលីទុយអានី បានប្រឈមមុខនឹងវិបត្តិអន្តោប្រវេសន៍ នៅពេលដែលមនុស្សរាប់ពាន់នាក់ ដែលភាគច្រើនមកពីមជ្ឈិមបូព៌ា និងអាហ្វ្រិក បានចាប់ផ្តើមឆ្លងមកពីបេឡារុស។ ប្រទេសទាំងបី ដែលជាសមាជិកទាំងអស់របស់អង្គការណាតូ និងសហភាពអឺរ៉ុប នៅទីបំផុត បានងាកទៅរកការជំរុញជនអន្តោប្រវេសន៍ត្រឡប់មកវិញ ដែលជាគោលនយោបាយមួយ នៅមានដដែល។មន្ត្រីចំនួន៥០នាក់ដែលកំពុងធ្វើការនៅប៉ុស្តិ៍ព្រំដែនSilene នឹងត្រូវដាក់ពង្រាយឡើងវិញ ដើម្បីការពារព្រំដែនពិតប្រាកដ នៅក្នុងអ្វីដែលប្រធានឆ្មាំល្បាតព្រំដែនរបស់ប្រទេសឡាតវី បានពណ៌នាថាជា «ស្ថានភាពដ៏តានតឹងបំផុត ចាប់តាំងពីឆ្នាំ២០២១» ដោយសារលំហូរចូលនៃជនអន្តោប្រវេសន៍មកពីប្រទេសបេឡារុស។

ចិន ជំរុញឲ្យមានទំនាក់ទំនងពាណិជ្ជកម្មកាន់តែស៊ីជម្រៅថែមទៀតជាមួយរុស្ស៊ី ទោះមានការរិះគន់ពីលោកខាងលិចក៏ដោយ

2023/09/20 10:18:30 am        89
Facebook Telegram Linkin
ចិន៖ ប្រទេសចិន កាលពីថ្ងៃអង្គារ បានបង្កើនទំនាក់ឆ្លងព្រំដែន ជាមួយរុស្ស៊ី និង ពាណិជ្ជកម្មទៅវិញទៅមកកាន់តែស៊ីជម្រៅបន្ថែមទៀត ព្រមទាំងកិច្ចសហប្រតិបត្តិការវិនិយោគ ខណៈសម្ព័ន្ធមិត្តទាំង២ បានប្ដេជ្ញាបង្កើនទំនាក់ទំនងសេដ្ឋកិច្ចឲ្យកាន់តែប្រសើរជាងមុន ទោះបីជាមានការមិនពេញចិត្តពីលោកខាងលិច បន្ទាប់ពីកងកម្លាំងរុស្ស៊ីបានវាយលុកអ៊ុយក្រែនកាលពីឆ្នាំមុន ក៏ដោយ ស្របពេលដំណើរទស្សនកិច្ចរបស់ប្រមុខការទូតចិន លោក Wang Yi ទៅកាន់ទីកក្រុង មូស្គូ សម្រាប់ការពិភាក្សាជាយុទ្ធសាស្ត្រដែលឈានទៅរកការបញ្ជាក់ពីដំណើរទស្សនកិច្ចរបស់លោកប្រធានាធិបតីរុស្ស៊ី Vladimir Putin ទៅកាន់ទីក្រុងប៉េកាំងនៅខែក្រោយ។  យោងតាមសេចក្ដីថ្លែងការណ៍ពីក្រសួងពាណិជ្ជកម្មរបស់លោក រដ្ឋមន្ត្រីពាណិជ្ជកម្មចិន លោក  វ៉ាង   វ៉ិនតាវ (Wang Wentao) បាននិយាយក្នុងកិច្ចពិភាក្សានៅទីក្រុងប៉េកាំង ថា សេដ្ឋកិច្ច និងកិច្ចសហប្រតិបត្តិការរវាង ចិន រុស្ស៊ី បានបន្តយ៉ាងស៊ីជម្រៅ និងកាន់តែរឹងមាំ ក្រោមការណែនាំជាយុទ្ធសាស្ត្រនៃប្រមុខរដ្ឋទាំង២។   ខណៈសង្រ្គាមអ៊ុយក្រែនឈានចូលដល់ឆ្នាំទី២ ហើយរុស្ស៊ី រងទណ្ឌកម្មពីលោកខាងលិច ទីក្រុងមូស្គូ បានពឹងផ្អែកលើសម្ព័ន្ធមិត្តក្រុងប៉េកាំង សម្រាប់ការគាំទ្រសេដ្ឋកិច្ច ការផ្គត់ផ្គង់លើតម្រូវការរបស់ចិនផ្នែក ប្រេង និងឧស្ម័ន ព្រមទាំងគ្រាប់ធញ្ញជាតិផងដែរ។ ទិន្នន័យពន្ធគយចុងក្រោយបង្អស់របស់ចិន បង្ហាញថា កាលពីខែសីហា ការនាំចូលទំនិញរបស់ចិនពីរុស្ស៊ី បានឡើងដល់៣% កាលពីដើមឆ្នាំមុន រហូតដល់១១,៥ពាន់លានដុល្លារអាមេរិក ផ្ទុយពីខែកក្កដា ដែលធ្លាក់ចុះ៨% ៕

បណ្ដាញសង្គម

ព័ត៌មានថ្មីៗ

រដ្ឋមន្ត្រីក្រសួងធនធានទឹក អញ្ជើញចុះពិនិត្យជាក់ស្តែងវឌ្ឍនភាពការងារសាងសង់ច្រាំងទន្លេបាសាក់ ក្នុងក្រុងសំពៅពូន ខេត្តកណ្តាល ដែលសម្រេចបានប្រមាណ ៦០%
06/01/2026 01:06 PM
Facebook Telegram Linkin
គ្រឹះស្ថានអង្គរ រកចំណូលបានជាង ១៧លានដុល្លារពីការលក់សំបុត្រឱ្យភ្ញៀវបរទេសក្នុងរយៈពេល៥ខែឆ្នាំនេះ
06/01/2026 12:06 PM
Facebook Telegram Linkin
អនុប្រធានសមាគមអតីតយុទ្ធជន អញ្ជើញជួបអតីតយុទ្ធជនចំនួន៣០០គ្រួសារ ដើម្បីរៀបចំផ្តល់ដីធ្វើកសិកម្ម ក្នុងខេត្តបាត់ដំបង
06/01/2026 12:06 PM
Facebook Telegram Linkin
យោធាអាមេរិក បង្ខំឱ្យនាវាចំនួន ១១៨ គ្រឿង ប្តូរទិសដៅ ក្នុងអំឡុងពេលបិទផ្លូវទឹកប្រឆាំងអ៊ីរ៉ង់
06/01/2026 12:06 PM
Facebook Telegram Linkin
កិច្ចសន្ទនា Shangri-La បិទបញ្ចប់ ដោយគណៈប្រតិភូអំពាវនាវឱ្យមានទំនាក់ទំនង និងការសម្របសម្រួល
06/01/2026 12:06 PM
Facebook Telegram Linkin
កម្ពុជា-ទីម័រឡេស្តេ ចេញសេចក្តីប្រកាសរួមព័ត៌មានស្តីពី ការប្រកាស​ដាក់​ឱ្យ​ប្រើ​ប្រាស់​ជា​ផ្លូវ​ការ​ថ្នាល​ផ្ទៀងផ្ទាត់ឯកសារ verify.gov.tl របស់សាធារណរដ្ឋប្រជាធិបតេយ្យទីម័រឡេស្តេ
06/01/2026 12:06 PM
Facebook Telegram Linkin
អារ៉ាប់រួម រិះគន់ការសម្រុកចូលបរិវេណវិហារអ៊ីស្លាម Al-Aqsa ដោយក្រុមអ្នកតាំងលំនៅឋានអ៊ីស្រាអែល
06/01/2026 12:06 PM
Facebook Telegram Linkin
អាមេរិក និងអ៊ីរ៉ង់ បាញ់ផ្លោងដាក់គ្នាជាថ្មីទៀតលើគោលដៅរៀងៗខ្លួន ខណៈនៅតែពុំទាន់រកឃើញចំណុចបញ្ចប់សង្គ្រាមបាន
06/01/2026 12:06 PM
Facebook Telegram Linkin
សហរដ្ឋអាមេរិក៖ បម្រាមលើការដឹកជញ្ជូនបន្ទះអេឡិចត្រូនិក AI អនុវត្តចំពោះក្រុមហ៊ុនចិននៅខាងក្រៅប្រទេសចិន
06/01/2026 11:06 AM
Facebook Telegram Linkin
មន្ត្រីអាមេរិក៖ អាមេរិកស្នើផែនការដើម្បីបន្ធូរបន្ថយភាពតានតឹងនៅប្រទេសលីបង់
06/01/2026 11:06 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.